هوى قلبي - الفصل 4 - بقلم أنـثـى الـ خ ـيـآلـ | روايتك

&&&الفصــــــــــل الرابــــــــــــــــع &&& جوري غمزت: البندري له ساعه يضوي جوالك أثاري هذا فارس المتصل الكل صفطو الموضوع وماهتمو إلا 5 (مسفر-مشعل-أحمد-ساره-سلطان) قامت وقفت البندري وقالت للي يطالعني بنظرة إني أكلم شباب لا والله غلطان وعافه الخاطر كل من يشك فيني بس أبي اللي ما يعرف يعرف فارس أخوي من الرضاعه وبيدي أقوله حبيبي وحياتي وكل شي سكتوووو كلهم ليه هي إنفجرت كذا مره وحده مشعل حس بالذنب *بداخله,,الله يلعنك يا إبليس ظلمت حبيبتي وبكيتها * بدو اللعبه واللي هي لعبه جرأه و صراحه لفو علبة الماي وجات السؤال على أحمد ولازم يسأل عبدالله أحمد:عبدالله بكل صراحه جاوبني تعجبك حركات البندري مع شباب العيله؟ الكل إنصدم وعبدالله بغى يتفل بوجه أحمد بس مسك أعصابه عبدالله:والله هي ماغلطت ولا سوت شي حرام عطني شي واحد تسويه بغيابي وماتسويه بحضوري كل شي أعرفه وبعدين أنا رافع راسي بالبندري واللي يحاول يقول أي كلمه عليها يعتبر عمره ميت لفوووو الغرشه مره ثانيه وصار دور السؤال على جود وتجاوبها ساره جود:مممم مدري شسالك بس انا دايم اتسائل إنت ليه تكرهين البندري وريان؟ ساره إنصدمت:أنا ما أكره ريان بس أشوفها مغروره وانا ما أحب المغرورين و البندري هدمت حياتي ودلوعه ومغروره وريان ومزون وإنت تساعدونها بعد الجوري كانت رايقه : وأنا ما أساعدها ساره : إلا إنت بعد الجوري:وناسه بنات صرت وياكم بالمساعده الكل هههههههه الكل ضحك ع الجووري اللي قلبها مجرووح بس تكتم جروحها ودمعتها بإبتسامه لفوووها وهالمره طلع السؤال لتركي واللي تجاوبه ريان. تركي:مين تركي بحياة ريان؟ ريان: شخص ميت الكل إستغرب إلا البندري قربت جنب إذن ريان قالت جبتيها ع الوتر ههههه ____ ببريطانيا ____ كانو بطيريقهم لبيت الوليد وكل واحد سارح بهمه نواف:فيصلوو فيصل:هاه نواف:هاه بنص عينك كم مره اقولك قول نعم يالفاشل فيصل:إسكت وربي فهيت طالع ذيك عليها لبس إلعن أمه من لبس نواف سحبه من كم بلوزته نواف:بجد ما تستحي إنت فيصل:إسكت يالطاهر نواف:أقول لا يكثر بس فيصل وربي عليها جسم يسدح فيصل & نواف:هههههههههههههههههههه� � ____نرجع للخيمه____ لفووها جات على العنود تسأل بندر العنود:بندر عمرك 26 ليه للحين ماخطبت؟ الشباب والبنات يصرخوووووووووون بندر: يطالع ب الجوري و البندري: xxxxx والله بس ناوي قريب ولا تسألوني مين محمد لف على مشعل ومشعل نفس الشي مشعل بصوت واطي:بذبحه لو كانت البندري والله محمد والله انا اللي بقتله لو كانت الجوري مشعل : ههههه حمود من وراي بس الجوري رهيبه والله الجوري:أنا ولا إنت البندري : إنشاءالله إنت مشاعل قامت :لعبه سخيفه...أنا بروح أسيل تجين معي ولا معهم أسيل : لا معك رجعووو للعبه وصار دور سلطان يسال البندري سلطان:أنا أبغاك تعطين كل واحد فينا كلمه تقصدينه فيها بكل صراحه ولاحظي إنها كلمه أو كلمتين بالكثير البندري : أوكي سلطان------التفاهم راكان------الحب بندر------- أخ مسفر------ حنون محمد------ غالي أحمد-------اليأس ساره------ (عادي) ريان------- توأم روحي مشعل------ الندم , الحسوف العنود------ الثقه الجود------- الإحساس المزون----- التواضع الجوري----- فرحتي عبدالله------ كل شي بدنياي الكل سكت طبعا لاتعليق بس الصدمه كانت لمشعل (الندم,الحسوف) لفوها وصار لعبدالله يسأل المزون عبدالله:بعمرك ندمتي على شخص يالمغروره! المزون :للحقيقه إي قد شعر راسي (كانت تقصد نواف) لفوها وطلع ساره تسأل البندري ساره: بنو إيش إسمي وإسم أحمد وريان و مشعل بجوالك ؟ البندري: أنسحب طبعا الكل ما وافقو قامت ساره حطت الجوال قالت كل واحد يعطيك رنه ونشوف ,,,,البندري إجمدت بس عبدالله عطاها نظره إن كيفها خليها *للمعلوميه عبدالله يعرف باللي بقلب البندري لانها تجي تقوله كل شي* ونزلت البندري عينها كان أصعب شي عليها هالحظه إحساس مشعل و ردة فعله و رد الموجودين ____بأمريكـــــــــــــا____ زايد بقمة عصبيته:شجون وربي هالورق وصلني نسخه منه والله العظــ شجون بصراخ وبكى:لا تكذب انا قابلتها و قالت لي إنها حامل منك سمعتني صوتك وإنت تقول *حبيبتي إقعدي خلنا نتفاهم مايهون علي تروحين زعلانه ولا البيت ترى ما عاد أجيه...يهون عليك زيوود* هئ هئ هئ ليه يا زايد حلفتلي بحبك كثير و وعدتني تكون وفي معي وأنا ضحيت لجلك كثير ما حبيت غيرك وماعشقت غيرك وماحد أبكاني غيرك ليه القسى يا زايد زايد وهو بعين قريبه للبكى:ورب البيت واللي خلقني مالي دخل هي اللي تلاحقني وهي اللي تبيني والله شجون قلبي مالي علاقه فيها ورب البيت إني مظلوم شجون انت اللي بقلبي ومابه حد غيــ *ماكمل كلامه لأنه شاف حبيبته طاحت على الكنبه قدامه وهي ترجف و شفايفها تزيد بياض كل ساعه* زايد:شجوووووووووووووووووو� �وووووووووووووووووووووووو ووووووووووووووووون إصحي شجوووووون حبي *ومن دون ما يفكر بشي حملها وطار فيها للمستشفى* _____نرجع للخيمه____ ونزلت البندري عينها كان أصعب شي عليها هالحظه إحساس مشعل و ردة فعله و رد الموجودين دقت ساره طلعلهم *ساره* وكانت النغمه *إزعاج صرصور* دق أحمد طلع لهم *اللزقه* و النغمه *أنا صاحي لهم وعيني عنهم مش غافله دارس طبعهم وفاهم قصدهم والجاهله* دقت ريان طلعلهم *توأم روحي* والنغمه *القلب سلم لك أمره بحالتي إنت ادرى يلي حنانك وطيبك ينحط ع الجرح يبرى* دق مشعل بخوف وطلع *جارح فؤادي* والنغمه *طحت من عيني بعد ما كنت عالي حبك أرخصته بعد ما كان غالي* الكل سكت إلا ساره قالت يووو ليش كذا طبعا الكل طالع فيها لانها قاصده الحركه وقفت البندري : انا ماأبغى ألعب ريان: حتى أنا الجوري + مزون + جود: حتى أحنا وقامو الشباب و كل واحد ينادي إخته بس وقفت البندري البنو:البنات بينامون عندي انا إستأذنت من أمهاتكم طبعا كل البنات إستانسو إلا ساره ساره..:يووو بنام هنا البندري:ترى أخوك للحين ما راح ساره:تطرديني البندري:لاحول ولا قوه إلا بالله نامي يا بنت وبكره روحي حلو كذا الجوري:ساره روحي بيتكم أحس الفراش ما بيعجبك هههههههه البنات ...ههههههههههه المزون:إيه بليز ساره و سكري الباب وراك ساره بعصبيه : بروح يا بندري لاني ما أحب أنام عند وحده تلاحق واحد ما يبيها كلنا ندري إن مشعل ما يبيك البندري :أنا بإشاره مني أجيب مشعل واللي أكبر من مشعل بس اللي يبيني حياه واللي ما يبيني بكيفه جاهم صوت رجولي مشعل:صادقه البندري وعلى فكره ساره محد يلحقني غيرك وانا اللي ميت والحق بنوو وهي اللي ماتبيني الكل إنصدم *كان مشعل داخل ياخذ جواله وبالصدفه سمعهم وعصب حبيبته تنهان لييييه؟؟ وبسببه ومن مين مين ساره؟؟* طلع مشعل وطلعت ساره _____ عند الملحق____ ريان:عبدالله بنام عندكم وناسه الجوري:إي والله يا عبود حتى اليوم إنت دبر عمرك بأي مكان لان غرفتك محجوزه للتفتيش عبدالله:إحلفي ...لا والمصيبه إن إنت مين عازمك الجوري: ريان وبنوو عبدالله ناظر بريان: لعيونها ما بطردك ريان إستحت:إشفيك على عيوني عبدالله:عاجبيني الجوري:صحيح ما تعرف تغازل شوف شوف إيش لازم تسوي -- إلعب بحواجبك وقولها لعيونك يا أحلى عيووون انا الهيمان فيهم هههههه عبدالله:هههههههههه جوري بكم الكورس حق المغازل عندك ____ غرفة مشعل____ مشعل :شسوي بنفسي انا اللي ضيعت حبها بيدي ......هي مازالت تحبني بس أنا كل يوم أجرحها أكثر من قبل ااااااه يا هوى قلبي كنت تسميني *غرامي الاول والاخير* وصرت جارح فؤادك ليه يا بنو ليه كله من متعب كله منه مالقى غيرك إنت .. كسرت بخاطرك بس وربي عجزت أنساك **دق الباب** مشعل :مين؟ مسفر:الشغاله,,بالله عليك يعني مين غيري انا وسليطن مشعل:لحظه بصلي إستخاره إذا أدخلكم ولا لاء فتح مسفر الباب:مصدق عمرك يالعبيط مشعل:ههههه حتى بغرفتي أنسب سليطن: سريرك وناسه شرايك نبادل الغرف مشعل:لا أبدا لا مسفر يلعب بالاب توب حق مشعل ويحط أغاني ويدور مسفر: مشيعل ليه حاط باس ورد لملف *هوى قلبي* مشعل : مالك دخل سلطان غمز لمسفر: مشعل ما باركت لمسفر مشعل : مبروك ليه سلطان:أفا أنا ولد الثانويه وداري بالموضوع وإنت الكبير مو داري أخوك بما إنه صار كبير وخلاص إشتغل فقرر يخطب مشعل:هههههه والله يا مسفر ماأتخيل شكلك بس ع البركه منك المال ومنها العيال سلطان:ماتبي تعرفها؟ مشعل: إما من جيران الوالده ولا صديقات الجود سلطان:قربت للجواب مسفر: انا كلمة الوالده وخلاص بتخطبها قريب من شفتها اليوم ذبحني شكلها والله مشعل ضاق صدره بس قال: لا تقول مشاعل مسفر: لا وشو مشاعل ... مشاعل لك أحسكم مناسبين أنا عقلي مع اللي قالت ملخبطه قلوب خلق الله مشعل وقف من الصدمه:ميــــــــن؟ مسفر : البندري مشعل قعد على السرير وهو بقمة الصدمه: ليش يا مسفر ليش ____ ببريطانيا_____ دخلو بيت وليد وطبعا كان الوضع مصخره نواف إنصدم أول ما دخل وليد:هلا نواف هلا والله بفصول وأخيرا جيتو نواف وهو عاقد حواجبه: كل حفلاتك كذا وليد : يا بابا إنت ببريطانيا يعني ما بتجيك الهيئه بالسعوديه حنا هنا فرررررررري سكت نواف وفيصل راح يسلم على جنا ... قرب الوليد من نواف الوليد: نواف والله بس رقص وسوالف مافي أشياء ثانيه نواف: مافي شرب الوليد : إلا للي يبي نواف: كل الطرق تؤدي إلى روما يا حلو الوليد: تعال بعرفك على واحد من الشباب هو سعودي ومن الشرقيه مثلك لا ونفس عايلتك نواف: وينه؟ تخيل يطلع أبوي ههههههه الوليد: لا هو باقيله شهر ويرجع للسعوديه مشاءالله عليه كان يدرس طب بأسبانيا وجاي هو وخويته عشان يعطيني باقي أغراض واحد من قرايبي كان معه وانا متعرف عليه من زمان نواف : أهااا شوقتني اشوفه راحووو للغرفه الثانيه وكانو بنات وشباب وماخذين راحتهم بزياده جدا الوليد: هاي بعرفكم على بعض نوااف بصدمه: متـــــــــعب؟؟؟إيش هذااااا؟؟ ____غرفة البندري_____ بنووو:إسمعو خاطري أدخل النت وألعب على أحد الجوري:وناسه يالله بس شوفو أنا اللي اتغزل فيه ههههه المزون بتردد: بدر ولد خالتي ! ينفع؟ الكل لف عليها ليه تبي تلعب على ولد خالتها هي كانت إتدافع عنه ومبين حبها له العنود: أحسن شي انا وجود و ريان جايبين ال لاب توبات حقونا بندخل منهم على النت وإنتو صرفو عمركم (تقصد الجوري&المزون) البندري: لا شدعوه ألحين نجيب من مشاعل لاب توبها وأعطيه المزون و حق عبوود للجوري الجوري: أخاف ما يرضى بنووو : إذا ما رضا نجيب حق نادين اللي من سنتين وهو يغني ياطيبه البنات ههههههههههههههه الجوري: يلعن شكلكم أنواع المذله البندري : بنوتات بليز كل وحده تحدد موقعها وين طبعا أنا وريونتي على السرير وإنتو ال 4 كل وحده تنقيلها فراش من اللي بالأرض ولا تبون غرف الضيوف أنا ماعندي مانع الجوري : والله ما يصير دايم حنا على الارض ومستحيل نخليكم تنامون بروحكم أخاف تفوتني سالفه الجود سرحانه وتغني (لو عيوني اللي بتراضي خاطرك لا مارضيتك او دموعي اللي بكت من فارقك لا ما بكيتك لو أجيلك كلي عاشق كلي عاشق ما وفيتك ..ماوفيتك ياحبيبي عمري كله ما وفيتك) البنااااااات: أووووووووووووووه شعندها ما نستحمل العنود:الإخت عاشقه؟ ضحكت البندري: خلووو جوودي لحالها ريان: إي لازم تدافعين هذي إخت الحب تغير وجه البندري: وربي أحبه بس الزمن قاسي الجوري : بنات بنفسي شي البنات:إيش؟ الجوري: ليه ما نصير كلنا مثل ريان والبنووو كل شي يعرفونه عن بعض وصداقتهم قويه ريان: اللهم لا حسد الجوري: ياغبيه أمدحكم ريان:إحلفي لا إذا تمدحينا أوكي خذي راحتك الجوري: هههه أوكي .. بليز بنات خلنا نعطي أسرارنا بعض بس حنا ال6 ونتعاهد حتى لو تفارقنا نبقى كاتمين اللي بداخلنا والله حلو الإحساس والصداقه بتقوى .. اللي موافق يحط كفه فوق كفي ((حطت الجوري يدها وبدت كل الايادي تنحط صارو 5 وبقى المزون كانت متردد)) الجوري : مزون وربي حنا ثقه وهذا وعد مني *لو على موتي سركم في بير* ريان: أوعدكم انا إني ما أخيب ظنكم و أحفظه البنوو: أعاهدكم قدام ربي وقدام كل وحده منكم لو أتعذب وأبكي دم ولو فرقتنا الأيام ما أفضح سر من أسراركم الجود:وعد مني وعهد إني احفظ سركم العنود:هذي يدي ارفعها قدامكم أعاهدكم أمام ربي ونفسي سركم للموت بخبيه هنا (وأشرت على قلبها) المزون:انا أحبكم و واثقه فيكم بس أخاف كلامي يزعل وحده غاليه على قلبي أحبها موت ومع كذا **وعدٍ قطعته على نفسي لو تفضحون أسراري ببقى كاتمه لأسراركم** الجوري: أحس عمرنا شي و وناسه كأننا بمحكمه البنات :هههههههه قعدو البنات وقررت البندري تشيك مين أون لاين دخلت على المسنجر ولقت - ساره *بلوك* -أحمد *بلوك طبعا* -سلطان -تركي -عبدالله -مشاعل -فتون -وجدان حطت الاب توب ونادت البنات عشان يستجوبون وجدان عن المعرس * لوازم اللقافه طبعا* _____بأمريـــــكــــــا____ كان الجو بالنسبه له بارد مع إن جو الغرفه عادي جدا وكانت فيه رجفه تسري بعروقه يحبها ويعشقها بس لوجين مو مخليته بحاله بكل مكان تلحقه لين وصلت لشجون والمشكله عندها كل أخباره حتى وهو بالمستشفى ارسلت له مسج *ماتشوف شر المدام بس ليه هي كذا مزعوجه من الورق لو تزوجنا إيش بيكون الضرر عادي..حبيبتك ^لجونه^..* سحب الكرسي وقعد جنبها شكلها كان خيال وروعه رقم إنها مغمضه عينها و يحيط عينها السواد بيد مسك يدها و الثانيه بدا يحركها على وجهها كل شي فيها حلو ويجننه بس اللي خلاه ينزل راسه هي دمعتها اللي بطرف عينها تلمع لمعه بسيطه حسسته بالذنب و كره نفسه أكثر قرر يطلع لانه سمع صوت ناس تتسائل يعني أكيد الدكاتره و الصوت كان عند الباب يعني يتناقشون بالحاله بس اللي جمد كل عرق فيه و نزل دمعاته هي الشي اللي ما كان يخطر في باله والشي اللي سمعه من الدكتور كان خنجر بصدره زايد:لااااااااا كاااااااانسر ...سرطاااااااان و وين بكل الجسم لااااا ياربي لااااا ..رحمتك يارب ..لااياربي مابي أفقد نظر عيني لااا يارب _____بالملحق_____ تعب عبدالله من التفكير مين تكون هالبنت و جرب يدق على كل الارقام اللي تدق منها بس كلها مغلقه وبدا يفكر بريان حبوبه وتجنن وتدخل القلب وطول عمرها تعجبه بس شال الفكره من راسه لانه تذكر إن تركي قالهم ريان تحبني حس بخنجر بصدره عبدالله:ااااااه منك يا ريان انا أحبك وإنت تحبين تركي وهو ولا سائل عنك -بدا الجوال يدق وكانت المتصله ريان خاف يرد لانه خايف من إحساسه يخاف يضعف قدامها بس اللي شجعه إنها في بيتهم معناته فيهم شي ورجع له الخوف ..خاف يكون حد فيه شي- ريان:الو عبدالله:ريون فيكم شي ريان إستحت وبدا يرف قلبها: لا أزعجتك عبدالله نسى نفسه:ليت كل إزعاج كذا ريان إنصدمت:هاه عبدالله :أسف نعسان وحسبتك البندري اقول إخلصي علينا شتبين ريان:عبود باخذ لاب توبك عبدالله بسرعه:لااا لابتوبي لااا ريان:اوكي لاتصارخ أسفه عبدالله:ريان ريان:خلاص ما نبيه شكرا عبدالله:أصلا هذاه هنا عندي ريان:باي عبدالله:ريان لاتزعلين ريان بدا يرجف قلبها: شي ما يخصك (وصكت بوجهه) #هل بترضى البندري بمسفر؟ #ومشعل قرار مسفر ما بيأثر فيه ؟ #هل بيرضخ زايد للوجين ؟؟ #مين هو متعب؟وإيش اللي صدم نواف؟ #ريان بتكمل عذابها مع تركي ولا بتبدا قصه جديده مع عبدالله؟