الفصل 2
&&&&&&&& الفصــــــــــــــــــــل الثانــــــــــــــــــي&& &&&&&&
جود والبندري جمدوووو مكانهم ...البندري بحاله يورثى لها ما يعرفها غير رب العالمين قلبها ينبض حب وخوف من نظراته وعشق وندم إنها حبته وإعجاب وكل إحساس بالدنيا حسته
البندري بدت تبكي و جود تنزل دموعها حست بحال البندري
مشعل بعصبيه: تعشقينه يالبندري؟ من عشيقك يالبندري ميييييين قوليلي مين؟
البندري وهي خايفه وبصوت مبحوح من البكى: م...ح...د....مافي أحد
الجود واقفه وتمسح دموعها تقوله ولا ماتقوله ؟؟؟
مشعل:لاتختبرين صبري يالبندري أقسم بالله مافي طلعه من هنا إلا وإنت قايله قولي يالبندري مين حبيبك ..مين عشيقك.. مين اللي بايعك لا تبكين
مشعل بصراخ:قلت لاااااااااااا تبكين
مسك إيدها ورص عليها وهو يقول من حبيبك؟ البندري تحاول تكتم شهقاتها لان شكله يخوف وهو معصب و يدها تألمها بس ما قدرت قالت بصوت باكي مشعل تألمني مشــعــ (راح صوتها ) ماقدرت تكمل إسمه ودموعها تنزل
جود تبكي:كافي يا مشعل حرام عليك البندري تعشقك وتموت فيك
مشعل ترك يد البندري وهو بقمة الصدمه مستحيييييييييييييل هو..؟ البندري تحبه هوووو
البندري بسرعه: طلبتك يا جود لاااا الله يخليك لاااااااااااا لااااااتقولين لاااااااا تكذب عليك يا مشعل صدقني تكذب
جود: تمسح دموعها -لا وربي بحكي إعذريني يا لبندري بقوله *بصراخ* خليه يحس خله يدري مين يحبه ويعشقه ويفكر فيه ومين لا مشعل البندري تحبك من سنه الله أعلم لو مو أكثر تقول سنه إعجاب وسنه حب بس أنا أقول 3 سنين حب صح ولا لا يالبندري قولي دافعي عن حبك ليه تنصحينا حنا وإنت ناسيه عمرك ليه يالبندري ليه قوليله
البندري منزله راسها:الله يسامحك ياجود -إرفعت راسها- ويسامحك يامشعل عرفت بحبك لإختي مشاعل الله يوفقكم ومن اليوم إعتبر اللي سمعته حلم *إمسكت شهقاتها* مشعل..ماعاد لك بالقلب مكان....... جات تبي تمشي بس وقفها صوته
_____ريان______
ريان وهي ماسكه جوالها وتتصل على الجود والبندري لان قلبها كان ناغزها وخافت
ريان:ردي يا بنووو يالسخيفه
-----
ريان:اووووووووووووف شكلي بتركلها مسج صوتي
*وبالفعل سجلت مسج صوتي و تركته وقالت لها طمنيني عليك أحس بيصير شي شين *
______نرجع لمشعل و البندري____
البندري جات تبي تمشي بس وقفها صوته
مشعل: أنا اللي أعشقك وأموت فيك انا أسير حبك يالبندري أحبك والله أحبك تعبت وأنا كاتم إحساسي 4 سنين وجايه تقولين خلاص قبل ما نبتدي إنتهينا لا وماعاد لي بقلبك مكان
كانت قريبه منه وعينها بعينه من خلص كلامه لاشعورياً إرتمت بحظنه تبكي وهو يمسح على راسها تبي تروي ضماها من فرقاه وهو يبي يشبع قلبه سعاده
جود سكرت الباب عليهم وإطلعت تراقبلهم الجووو أحب شخصين على قلبها لازم تساعدهم
مشعل:لا يالبندري لا ياعمر مشعل خلاص ماأبي دمووع بنوو حبي خلاص
البندري:ليه يامشعل ما قلت لي
مشعل:وربي ماقدرت وربي بس لاتحسبيني مرتاح من 4 سنين توني اليوم عرفت الراحه
البندري:عذبتني يامشعل
مشعل:أسف والله أسف بس إنت موتيني عجزت وانا أقترب منك وإنت بغرور تبعديني ماكنت راضيه تفهمين نظراتي
البندري:مشعل
مشعل:ياعيونه وقلبه وكل كونه
البندري إستحت:أحبـــــــــــك
مشعل:أأأأأأأأأأأأه منك يالبندري وانا مو بس أحبك انا أموت عليك
دخلت جود :مشاءالله مشاءالله جووو رومنسي والله تحمسون الواحد يضم أحد مافي إلا أجيب راجو وأضمه
إبتسمت البندري وبسرعه بعدت عن مشعل وصارت إتدور بعيونها على حجابها توها تتذكر إنها بدون حجاب شافت حجابها وركضت لفته
جود و مشعل ماتو ضحك على شكلها
البندري بدلع: مشعل لا تضحك,,وشوف جود تضحك علي
مشعل:يالبي قلب من قال مشعل ..جود إسكتي لأذبحك
جود تنعم صوتها:مشعل لاتضحك ...وشوف جود تضحك علي ...مالت عليك ترى مو مناسبك الدلع
مشعل:جويد مالك دخل ف بنووو هذي هوى قلبي أصلا الدلع مكتوب بإسمها
البندري:قعدت وحطت رجل على رجل وقالت *الدلع بإسمي إنكتب مغروره -تأشر على مشعل- و مشعولي السبب*
جووود تحرك فمها كأنها تتمهزل وتتمصخر ومو عاجبتها بنووو ومشعل ميت فرحه
فجأه و قفت البندري قالت إنت كذاب تبي تلعب علي وعلى إختى صح انا شلون صدقتك إنت مستحيل تقص على صاحبك بس علي ممكن إنت حقييييييييييييييييير
إستغرب مشعل : نعم؟ أي إخت,,, البنوووو شفيك
-قالتله كل شي البندري وهي ميته قهر وتبي تبكي بس ماتبي تبين ضعفها- بس فاجئها مشعل وهوو ميـــــــــــت ضحك وقعد وهو ماسك بطنه ويضحك قالها إسمعي حياتي أول شي انا كنت أكلم محمد ولد عمك قالي
محمد:أخبار الحب
مشعل:حموود وربي وحشتني
محمد:وحشتك؟ يعني ما يأست للحين تحبها
مشعل:إيه إيه أحبها عندك مانع من هي صغيره وأنا ألعبها وأدافع عنها أموت فيها
محمد:إحلف عاد شرايك تتغزل فيها قدامي
مشعل:وربي مالك دخل إي هي عيوني وقلبي و 4 سنين إنتطالع بالعيون هههه
محمد:طيب ليه ماتقولها وتشوف إحساسها
مشعل:صاحي إنت اقولها هي ردت كثير ومستحيل ترضى فيني
محمد:تدري بسوي فيك خير بكلمها وبقولها تبادل إسمها بإسم مشاعل إختها تعرف لوازم التنسيق بالاسامي
مشعل : صح والله فكرتك روعه تخيل بطاقه زواجي مشعل & مشاعل
محمد:ههههههههه أقول مشعل الحبيب مفكر بالموضووع من كل النواحي حتى بطاقة الزواج هههههه
مشعل: أقول لا يكثر وبطلعلك الحين
محمد:شوف أحس حبك حب مراهقه وبالصراحه أنا أحق فيها بنت عمي وتعجبني شخصيتها ف بحير عليها (يعني بحجزها)
مشعل وهو معصب: لا إنت أحق فيها ولاشي أقسم برب البيت لو تقرب جنب هوى حبي لأذبحك والله شفت رشاشي اللي ارقص فيه بفضيه براسك
محمد:وربي تسويها خلاص ياخي مابيها ولاأفكر فيها بس ترى طلعت ريحتي وانا أنتظر تعال بسرعه
مشعل:إسمع حمووودوو طالعلك ألحين إستناني شوي
-------
مشعل يكلم البندري 000 إرتحتي حبيبتي ماأبي أحد يشكك لو لحضه بحبي لك شفتي كيف ظلمتيني
البندري مستحيه: وربي سوري
-- وقطع عليها حبل أفكارها صوت الشغاله وهي إتدق الباب تناديها تنزل لأمها--
تنهدت البندري ...أه يا مشعل مافي أحد ظلمني غيرك...
______ ريان وهي تكلم___________
ريان:هلا جوري أخبارك
الجوري:واقفه
ريان:ههه طيب إقعدي
الجوري:لابجد يعني واقفه على نفس حالي ماني قادره أتقدم معاه بأي خطوه
ريان : جوري بذبحك سوي شي زين بحياتك قوليله من تكونين وخلصي عمرك مو هو إعترفلك بحبه خلاص قوليله من تكونين ولاتضيعين الفرص على عمرك
جوري:ليه إنت ماتسوينها مع فواز اللي يلاحقك و يا ريان بذمتك كيف أقوله أكيد بطيح من عينه أولاً انا اللي سويتله إضافه وأنا اللي تكلمت وصرنا ربع هو توه بادي يحبني بس انا لي سنين أحبه طول فترتي معه وانا متستره على إسمي ومعلوماتي صحيح هو قال كل شي عنه صح وماكذب بأي شي بس انا شبكون بنضره ! بالمختصر كـــــــــــــــذابه
ريان:اللي يحب يسامح
جوري: أدري بس جواد طبعه غير أنا ياريان كنت أنصحه كيف يساعد حبيبته مع إني أنجرح بس اللي يهمني راحته
ريان:بس هو نساها وتعلق فيك وطالب حبك
جوري: ريان أنا عطيته كلمتي وخلاص ماعدت أدخل النت عشان ما أقابله قلتله لايفكر فيني والله وياه
ريان: جوري لاتقولين كلام من ورى قلبك ليه إنت كذا
جوري:يابنت الحلال يقربني عارفه إيش يعني يقربني وماأبي مشاكل وهو صديق خالد ولد خالتي الروح بالروح وخالد إن درى بيذبحني وجواد مستحيل يسكت عن السالفه قبل كل شي بطيح من عينه
ريان:بس ياجوري إن
قاطعتها جوري:إنسي السالفه خلاص إنت أخبار أهلك وأخبار بنووو من زمان ما كلمتها
ريان : كلهم بخير الحمدلله إلا على طاري بنووو ترى معزومين عندها كلنا بكره طبعا بتجين صح؟
جوري:مادري بس بحاول
** الجوري صديقة ريان طيوبه وحبوبه ناعمه تجذب الناس لها بإسلوبها وبضحكتها وبحركاتها طبعا اي صديقه لريان لازم تتعرف عليها بنوو والعكس صحيح بس جوري غير صحيح إنها ماتقربهم بس هي دجـــــــه البنت ومرجوجه درجه أولى يعني كلهم بالهوى سوى والكل يحبها صايره وحده منهم**
**فواز يكون ولد جيران ريان وذابح عمره عليها بس هي الولد ما يعجبها لانه راعي مغازل وحركات**
_______في بيت البندري_______
أم عبدالله: ميري ميري يا ميري
ميري:أيوه مادام أنا في يجي
أم عبدالله : ميري نادي البندري خلني أشوف ليش هالأغراض
*راحت ميري نادت البندري وإقطعت عليها ذكرياتها بمشعل*
ميري :بندوو تعال ماما في ينادي إنت يقول في كلام
البندري : أوكي بجي
*إنزلت البندري وهي تلعب بشعرها*
بندووو: أخبارها الوالده عساها بخير
أمها: ههه ليه تتكلمين برسميه تامه أوقات أخربط بينك وبين عبود أخوك
بنوو:ماما إن تدلعت قلتو دلعك ماصخ وإن صرت شخصيه وثقلت عمري قلتولي واحد من الشباب شاسوي
أم عبدالله: قبل كل شي إنت موصيه السواق على شي
بنوو: إي بكره سهرة البنات كلهم عندي
ام عبدالله: وبينامون هنا؟
بنوو:والله فكره
وراحت جنب أمها تبوس بخدها وعلى راسها وعلى يدها
أم عبدالله: رب لك الحمد شعندك شفيك؟
بنوو:ماما مو أنا صايره كيووت وأجنن وأسمع كلمتك
ام عبدالله : مو دايم أوقات
بنوو: مااامااا
أم عبدالله: نعم تشرطي شتبين
بنو:كلمي ام كل وحده من البنات و قوليلهم بينامون هنا والبجامات مني ومن شعول بس لا يقولون لعيالهم
أم عبدالله : طيب بس إنت عارفه إن كل خميس شباب العايله يجون هنا يعني الملحق بكبره كله لهم لاتقولين ماقلت ترى والله عبود بيذبحكم
بنووو:أوكي وأحنا لنا الخيمه
**طبعا خيام البيوت مو البر يعني الخيمه مجهزه تجهيز تام*
أم عبدالله : لا الخيمه والملحق قبال بعض لا إنتو بترتاحون ولا هم
بنوو : ماما حنا بندخل وما بنطلع وكل شي عندنا هم بعد عندهم كل شي بعدين ماما هم دايم يدقون يسمعونا ضحكهم وهم يفحطون هالمره أحنا بنحط الأغاني الحماس خلهم ينقهرون
أم عبدالله:ههههه والله كيفكم إتفاهمي مع عبود
بالوقت جات مشاعل اللي هي ب 3 جامعه أكبر من بنوو بسنتين وقالولها وإستانست
ومسكت أم عبدالله التلفون وبدت بأول بيت بيت إختها عشان تقولها عن الجود
أم عبدالله: ألو
مشعل : هلا براعيه أحلى الو هلا خالتي كيفك
أم عبدالله: هلا مشيعل هلا بروح خالتك أخبارك؟ **هنا كان إحساس بندري ما ينوصف إشتاقت لصوته لضحكته تمنت تاخذ السماعه هي وتكلمه**
مشعل : بخير خالتي أخبار البندري و مشاعل و ريناد وعبود عساهم بخير؟
أم عبدالله: الحمدلله عطني أمك شوي؟
مشعل: أوكي بشوفها دقايق خالتوو
بهالوقت دق جوال ام عبدالله وقامت عشان تكلم وقالت للبندري كلمي خالتك إذا مارضت قوليلها ماما تقول لازم تجي جود
مسكت البندري السامعه وقاعده تفكر شتقول لخالتها وتتدرب على الكلام اللي بيقنع خالتها بس المفاجأه يوم تسمع صوت بعيد وكل ساعه يقرب وتسمعه بأوضح وهو يغني (أخلفت في وعدي والله ما ودي كل الظروف ضدي في عالمي المجهول غلطه وانا المسؤل) وكان صوت مشعل جمعت شجاعتها وقالت بنفسها أكرهك يا مشعل أكرهك
مشعل: خالتي ماما تصلي تبين شي ظروري
البندري: هلا سلطان أخبارك؟
مشعل: مين؟ **وهو يقول بنفسه ليه إنت ليه ..انا أبي أنساك وترجعين تعذبيني بصوتك ليه**
البندري: سلطان لا تستهبل انا البندري أحلى بنات السعوديه
**مشعل بداخله وأنا اشهد والله مو بس السعوديه إلا الكون كله.. فديت الواثقين**
مشعل:مشاعل
قاطعته البندري: ربي يعافينا ماتسمع أقولك البندري تصدق أشك إنك سلطان
مشعل عصب: وليه إنشاءالله
البندري:صوتك يشابه الغبي مشعل ع العموم أنا بسكر الحين وبرجع بدق أوكي
مشعل:أخوي مو غبي
البندري:طيب لاتعصب شوف سلطان ابيك تقول لأحمد ولد خالتي انا بفكر باللي قاله صحيح إني فشلت مع مشعل مع إني كنت أحبه بس الحب ما فادنا بشي بس بحاول أقتنع بفكرته انا اتمناله اللي أحسن مني بس بفكر باللي قاله ههههه سلطوون تراك إنت اللي بتزفني له
مشعل حس بالمووت وده يصارخ ويذبح أحمد ...والبندري تعمدت تقوله لان أحمد ولد خالتها غادة لزقه بشكل مو معقول وهي إلى الأن تقوله احب مشعل ومستحيل انساه وأحمد يقول عادي بس المهم نكون سوا ومع الأيام بتحبيني فهي هددته بتقول لمشعل وهو قال عادي
مشعل: الله يقدم اللي فيه الخير وأنا مشعل مو سليطن
البندري سكتت وهي كاتمه ضحكتها
مشعل :بالتوفيق ربي يسهلكم
البندري : أمين الله يسمع منك **إنقهرت شوي وصط فرحتها بس اللي قهرها إنه ماسك نفسه لا ويبارك**
مشعل:مافي عقبالك؟
البندري:هههههههه مستعجل تبي تقلدني طيب تزفني لاحمد وبعدين قلدني عشان أقدر ازفك
مشعل ميت قهر تنكت مع وجها بس يازين ضحكتها والله ما أخليك والله ياأحمد لاذبجك
مشعل:طيب انا ماشي بيت خالتي غاده تبين أقول شي لساره لاني بدرسها شي مو فاهمته
البندري بعصبيه وقالت بدون ما تفكر: والله ماتروحلها إنت لي و *سكتت عرفت غلطها*
مشعل إبتسم إبتسامة نصر وأخيراااااا
مشعل:نعم
البندري:معك الكاميره الخفيه هههه روح وإقعد معاها ودرسها وقولها لاتنسى السهره عندي و أمووح بوسه مني لها **وهي بداخلها مالت عليها الله ياخذها من يوم يومها وهي حاطه عينها عليك وجع**
مشعل:بوصل كل شي وكنت حاب اوصل البوسه بس انا أغار عليها لاتقولين إنت بنت حتى من الهوى أغار عليها
سكرت البندري بوجهه التليفون ** الله ياخذك وياخذها وجع حقييييييييييييييير تغار عليها يامشعل تبدلني انا فيها هالسحليه الحيه**
**ساره بنت خالة البندري ومشاعل طبعا هي البنت عاديه بس اللي مخرب عليها أنانيتها وغرورها على لاشيء**
مشعل ميت وناسه تحبه للحين تحبه بس هو عنده حساب لازم يصفيه مع أحمد ... راح خذا مفاتيح سيارته وطار عنده
البندري قالت لامها إن خالتها تصلي وإن لازم تكلم الكل وطلعت غرفتها تكلم ريان
____ببريطانيا_______
قرر نواف ينسى المزون ويفضي راسه لدراسته وهو يبحث بالنت على بعض المعلومات إنصدم باللي شافه
((تم تسجيل دخول أنا المزون وماهمني من قال مزيون))
تردد يكلمها ولا لاء قال خلني ثقيل وخلاص لازم انساها
ومزون ما كانت حالتها أحسن صحيح قالت أحبك وعيشها بأيام حلوه بس ماكانت مقتنعه لين دخل بدر ولد خالتها بحياتها وحبته بجنون بس ردلها نفس الحركه اللي هي سوتها قالها أنا مجرد معجب فيك إنت العاشقه وأنا الحين أدورلي على بنت الحلال صحيح إنك جميله بس ماتناسبيني
مزون تطالع بالي موجودين عندها إبتسمت يوم شافت (( نــــــــــــــ مــ ينعاف ــا ـــــــــــواف))
إنتظرته ربع ساعه ما سلم
أنا المزون وماهمني من قال مزيونsay:
صباح الخير نواف أخبارك؟وأخبار الدراسه معك
نـــــــــ مــ ينعاف ــا ـــــــــــوافsay:
هلا الناس يقولون مساء الخير بخير الحمدلله وناسه وراحه نفسيه
أنا المزون وماهمني من قال مزيونsay:
دووم إنشاءالله
نـــــــــ مــ ينعاف ــا ـــــــــــوافsay:
تسلمين
أنا المزون وماهمني من قال مزيونsay:
بنشوفك قريب ولا بعد بتقضي سنه بدون ما نشوفك
نـــــــــ مــ ينعاف ــا ـــــــــــوافsay:
والله مدري على حسب قلبي إن طاوعه يترك بريطانيا تركتها وجيت وإن قالي لا قعدت فيها
أنا المزون وماهمني من قال مزيونsay:
على حسب قلبي؟ مافهمت ؟ شقصدك؟
نـــــــــ مــ ينعاف ــا ـــــــــــوافsay:
أسف أشياء خصوصيه
**تفشلت المزون وتحطمت هي توقعته مابينساها بس يقول إن طاوعه قلبه معناته يحب حد من هناك أناا الغبيه اللي تركته هو كان يحبني بجنون بس وع حاب بريطانيه أكيد حلوه بس أنا حلوه بعد**
أنا المزون وماهمني من قال مزيونsay:
أنا أسفه
أنا المزون وماهمني من قال مزيونsay:
الظاهر إنك مشغول ؟
**نواف بداخله والله تطور يالمزون صرتي تتأسفين بس أنا اوريك لا وبعد متفرغتلي ودايم كنتي تتعذرين بربعك وإنك مشغوله **
نـــــــــ مــ ينعاف ــا ــــــــــوافsay:
لا تكلمي قولي اللي عندك انا للحين ما إنخلق اللي يشغلني عن إختي المزون
أنا المزون وماهمني من قال مزيونsay:
إختك؟
نـــــــــ مــ ينعاف ــا ـــــــــــوافsay:
إإإإإي أكيد
أنا المزون وماهمني من قال مزيونsay:
بعمر الحبيبه ما صارت اخت .. نواف شفيك متغير كذا
نـــــــــ مــ ينعاف ــا ـــــــــــوافsay:
والله إني على طبيعتي وبعدين أي حبيبه وأي حب وأي خرابيط إنت خسرتيني وأنا خسرتك مابينا غير إخوتنا والسلام عن إذنك وراي موعد مهم باي
أنا المزون وماهمني من قال مزيونsay:
بااااااااااي
**يالله يالمزون خسرتي اوفى قلب حبك بس انا كنت احبه بدليل إني اقارن بينه وبين بدر ودايم هو يطلع بنظري الرابح ذكرياته مرافقتني بكل مكان ....لازم نرجع سوا**
____بالجامعه______
((ريان والبندري والمزون و العنود بنت عمهم نفس القسم إدارة أعمال,,,,الجوري صاحبتهم وفتون يدرسون برمجة كمبيوتر,,,, ساره بنت خالة البندري لغة إنجليزيه ومعها جود و وجدان صديقة البندري وجارتها بنفس الوقت,,,,, مشاعل إخت البندري سنه 3 مع أسيل بنت عمهم أخت المزون يدرسون هندسه ديكور,,,,,))
بالكفتيريا حقت الجامعه كانو قاعدين
ريون و بنو و مزوونه و عنوده و الجوري وفتون ومشاعل وأسيل يسولفون عن سهرة اليوم وش بيسوون بس طبعا موضوع النوم كان سر وكل اللي ذكرتهم بنات الجامعه معزومين وبينامون إلا وجدان و فتون بس الجوري أمها رضت لانها عارفه البندري وأمها
دخلت الكفتيريا بنت شعرها بوي ونعومه كلن يطالع فيها جمال وأناقه و شكلها مؤدبه وقاعده إتدور على أحد طبعا الجوري عندها فضول تبي تسمع صوتها وتبي تتعرف قالت للبنات بجيبلكم خبرها .. مشت جنبها وفجأه ضحكت بصوت عالي
جوري : بنووو ريووون ههههههههههه تخيلووو حاطه *فيرزاشي الكرستاله الأسود* عطرنا المفضل
البنات ماتوووو ضحك والبندري وريان غمزو لبعض وقامو يبون يستهبلون
مسكت المزون يد بنووو
المزون: نبي نضحك أوكي ..
ضحكت البندري: على حسب ما أضمن لك
مرووو من جنب البنت وبدو يمشون ببطئ
بنو: إختي هذي جامعه إنت متلخبطه بين المجمع والجامعه
البنت:نعم
ريان:أعصابك
جوري:تبون فزعه؟
بنو:تعجبني راعية الفزعات
ريان: هي وفزعاتها عسل
بنوو:ما أقدر انا كذا أغار
جوري: خفو علي شوي
البنت: لو سمحتو مالي خلقكم
بنووو:لالا كذا نزعل حنا
ريان:وزعلنا غالي
جوري:صراحه يا إنت مالك حق تزعلينهم
**البنت صارت إتطالع بوجه البندري وتدقق فيه وطلعت ورقه قاسيه كأنها صوره صغيره شافتها ورجعت دخلتها**
البنت: وأنا مايهون علي زعل البندري يوسف ال......
البنات إنصدمووووو
البنت مدت يدها:معك الهنوف خالد ال..... طبعا يمكن ما عرفتيني بس أنا أعرفك مره كنا بعرس وشفتك فيه وسالت وحده وقالتلي إسمك بس ما توقعت نلتقي شخبار مشعل؟
Like
NASIMALSHOQ غير متواجد حالياً أضافة تقييم إلى NASIMALSHOQ تقرير بمشاركة سيئة التوقيع