البارت الثالث عشر
وصلت الهنوف لبيت عدنان نزلت من السياره وانصدمت وهيا تشوف شرطه ودوريات استغربت وخافت وفجاءه فكرت بعدنان وش يلي صار له.. شافها ضرار وراح لها
الهنوف بسرعه: وش يلي صار ياضرار.. ضرار اتنهدت باسف وقال: ادخلي شوفين اخت عدنان المسكينه حالتها يكسر الخاطر.. الهنوف: طب بتفهمني..
ضرار: ابوهم قتل امهم.. الهنوف شهقت بخوف وقالت: وشووو كيف ومتى واين.. ضرار: بعدين افهمك روحين الحين لها عجزو يدخلون لاانها اهناك.. الهنوف بحزن: زين يالله.. بدخل ومشت من بين الشرطه ودخلت للبيت وسمعت صوت بكاء مشت للغرفه ودخلت واتقطع قلبها وهيا تشوف عدنان واخته بحضنه تبكي بصوت مسموع.. ماعرفت وش تسوي بس تناضرهم وتناضر الجثه وهيا ترتجف ودموعها خاننها ونزلين... همست: ااا احم.. لف عدنان وناضرها بنكسار وماعرف من هي
قربت الهنوف وجلست على ركبتيها وقالت: الشرطه خارج.. ومسكت ذراع العنود وسحبتها نحوها وضمتها عدنان وقف وقال: لاتلمسين شي.. وخرج....
الهنوف تمسح على شعر العنود وقالت وهيا تتصنع القوه: اهدي حبيبتي اذا احب الله عبداً ابتلاه... كوني قويه ان الله مع الصابرين عطاء واخذ.. العنود بصوت متقطع:وشلـــ.. ون اعيـــ.. ش بدون امــــ... ي...
الهنوف بدموع: عيشي عشان عدنان اخوك كوني سند له وهو يكون سند لك عشان تلقون القاتل ويتعاقب اذا كنتي ضعيفه كذه مين بيقوي اخوكي.. هيا حبيبتي يالله عشان الشرطه تدخل تاخذ الاجرات.. ووقفت وساعدتها توقف.. اجاء عدنان وبيده عبايه وطرحه ونقاب وقال وهو صاد بوجهه: هاه لبسينها.. مدت الهنوف ايدها واخذتهن وهو خرج ساعدتها تلبس وخرجين وهي ماسكه لها فتحت لها باب السياره ودخلتها.. اجاء ضرار لعندها وقال: خذينها للبيت وانتبهين لها زين.. الهنوف: لاتوصي حريص باخذها لشقه ياسمين او شقه نوف تمام.. ضرار اتنهد وقال: طيب.. الهنوف: مع السلامه وركبت السياره ومشت
*****************************
وصلها اتصال وهيا في المطبخ مسحت ايدها واخذت الجوال وردت: هلا هنوفه.. الهنوف: نوف وينك..
نوف: في البيت.. الهنوف: اعرف بس وين في الضبط
اي شقه.. نوف: انا في شقه الثانيه قاعده انظف...
الهنوف: اجل اتركين كل شي بيدك وانزلين افتحي لي الباب الخلفي بدون ماحد يعرف.. نوف: لييه طيب..
الهنوف: انتي بس سوين يلي اقول لك بس هاه لاحد يعرف.. نوف: زين الحين.. وسكرت الخط ولبست جلابيتها والطرحه واخذت جوالها وخرجت بدون ما يلاحضها حد نزلت واتجهت للباب الخلفي فتحت لها وشافت جنبها بنت منزله راسها وشكلها تبكي.. نوف سألتها بااشارت عيون والهنوف هزت راسها وقالت: ماجد وينه فيه.. نوف: في الشغل.. الهنوف: زين بناخذها لشقتك. نوف: تمام يالله.. وساعدنها وطلعين شقه نوف بدون مالاحضهن احد دخلين الشقه واخذنها للغرفه وسطحنها وفسخين لها العبايه والنقاب والطرحه وهيا نامت مباشرتاً من التعب غططتها الهنوف وخرجين من الغرفه وسكرنها وراهن.. نوف بهمس: فهميني وش يلي صار وذيه من.. الهنوف مسكتها وسحبتها للمطبخ وقالت: تذكرين خوي ضرار يلي كان قاعد عندنا الفتره الاخيره. نوف: ايه. اتنهدت الهنوف باسف وقالت: يلي عرفته ان ابوه كان سكير وقتل امه.. شهقت نوف وقالت: وش تقولين كيف وليه.. الهنوف: مدري قتلها يمكن قبل ثلاث ساعات.. نوف بخوف وحزن: ياويلاي ويلاه وش القلب يلي عنده واشلون قتل زوجته.. الهنوف: وهذي اخت عدنان اخذتها من بيتهم.. والله قطعو قلبي وهم يبكون فوق جثه امهم.. نوف: لاحوله ولا قوه الا بالله حسبي الله ونعم الوكيل..وسمعين صوت الباب.. نوف: ان شاء الله ماتكون عمتي مزنه.. الهنوف: روحي شوفي..
نوف: تمام.. ومشت وخرجت من المطبخ وفتحت الباب
ودخل ماجد.. نوف: ماجد.. ماجد بهمس: اخت عدنان عندك. نوف: ايه نايمه الحين مسكييينه والله
خرجت الهنوف وشافت ماجد وقالت: اهلين ماجد..
ماجد: اسمعين امي وخالد وجدي وسمر وامل لايعرفون
انها اهنا وانا باروح الحين لضرار وعدنان زين.. الهنوف: من وين عرفت.. ماجد: ضرار، الحين باروح واقول لياسمين تجيب اكل للبنت وانتبهين لها زين واعتبرنها منا وفينا.. الهنوف: تمام لاتشيل هم.. اتنهد وخرج...
نوف: ومااتوقعته حنون لهلحد.. الهنوف: ماجد وياسر حنونين وقلوبهم رحيمه.. نوف: اففف والله حاسه فيهم وخساره الام خساره روح.. الهنوف اتنهدت وقالت: الله يعينهم.. اشوي وطقت ياسمين الباب وفتحت لها نوف
ياسمين: اقلقني ماجد قال الحين تاخذين اكل وتطلعين لشقتي وراح وش في وش صاير.. نوف: ادخلين ادخلين ياسمين: طب فهمني فيكي شي.نوف: ادخلين ونفهمك دخلت ياسمين وحكين لها السالفه كلها ومن رقت قلبها بكت عليهم واتحسبت على ابوهم..
*************************************
ثاني يوم في الليل محد عارف في البيت ان العنود عند نوف الا الهنوف وياسمين وماجد وامجد وياسر وعلي
اتحسنت اشوي بعد ماقرت عليها ياسمين بعض من سور القران الكريم.. وعدنان مايعرفون وينه....
﴿في المجلس ﴾...خالد: ياساتر قتل زوجته اجل ضرار لاتخاوي ابنهم يكون نفس ابوه. ضرار بعصبيه: عم خالد انتم تعرفون عدنان من زمان ومستحيل يكون نفس ابوه رجاءً لاتتكلم عليه بذي الطريقه. خالد: اقول اسكت تراني عمك لاترفع صوتك.. ضرار: عمي على عيني وراسي بس عدنان اخوي برضو.. علي: ضرار لاترد على عمك.. فسكت ضرار وصد عنهم.. ماجد: ماعليك من خالد ياضرار عدنان ونعرفه من زمان مستحيل يكون نفس ابوه.. امجد: ايه بس الحين وينه فيه. ضرار: ماادري والله اخر مره اتصل لي في الصباح يسأل على اخته. خالد: وانت وش دخلك بااخته.. ضرار: اخته عندنا عند عمتي نوف.. خالد: وش تقوووول تدخلون ناس غريبه للبيت. ماجد: خالد وش بلاك ماعندك احساس تراها شافت امها مقتوله مافي معهم مكان يروحون له..خالد:مالقو غير بيتنا..علي بعصبيه:خااااالد اقول اسكت منت براعي ضروفهم يعني. ضرار: وبعدين البيت مو بيتك وحدك..علي: ضرااار.. ضرار: وش يلي ضرااار ماتسمع وش يقول.. خالد: اسكت لا اقوم اكفخ الحين.. ياسر: اسكتون خلاص وانت شوف وين عدنان.. ضرار: اكيد الحين قاعد يدور له شغل المسكين قال مستحيل يرجع لذاك البيت يلي انقتلت امه فيه.. امجد: اكيد ليه يرجع بينوجع قلبه اكثر.. ياسر: وين بيسكن الحين.. ضرار: مدري والله.. اخر اتصال اتصل لي كان صوته حزين ومنكسر ومهموم وقال بياخذ اخته اليوم مايبي يكلف علي.. خالد: هههه يكلف عليك قال.. وبعدين وش ذا من اخو اخته عندنا وناسي كم في رجال في البيت.. ماجد بعصبيه: اولاً هو عارف انها عند الهنوف ونوف وطمنته انا بنفسي.. وبعدين وش يلي رجال في البيت البنت منا وفينا ونفس اختنا. ضرار: اذا ماكان متأمن فيني وفي عمي ماجد ماكن خلها عندنا.. ياسر: اسمع ياضرار بكره تقول له يجي لشركه لمكتبي وبعطيه شغل.. خالد بعصبيه: وش يلي بتعطيه شغل يالغبي تراه مو مكمل دراسته.. علي: ماعليك دراسته بيكملها .. ياسر: شغله بيكون من العصر لين الساعه عشره في الليل... والشقه بعطيه واحده من شقق البيت يسكن فيها..خالد:انجنيييييت انت هاااه تعطيه ليه..ضرار بعصبيه:متأجر يااااعمي..وبعدين عدنان مو من النوع يلي بيقول تمام وشكراً عدنان عنده كرامه ومابيوافق الا اذا بيدفع فيها الاجار مثل خلق الله..علي:زين انت ياضرار تدفع له لسته اشهور قدام وانا بعطيك الفلوس وتقول له مسجله على حسابه وهو مابيزعل..ضرار:تسلم يبه وياعم ياسر..ياسر:زين اتصل له..ماجد:هاه وقول له انت يلي اتوسطت له في الشغل
ضرار:طيب..ان شاء الله يرد..واخذ جواله واتصل مره ومرتين وثلاث مارد..قال بخيبه:مايرد..واشوي ووصله اتصال وكان عدنان ابتسم وقال:رن..وحطه بأذنه وجواب:الوووو عدنان..عدنان:اهلين ضرار العنود صار لها شي.ضرار:لا لا ابد الا بقول لقيت شغل..عدنان اتنهد تنهيدت هم وقال:لا مالقيت..ضرار:اجل اسمع لقيت لك شغل..عدنان:احلف بالله..ضرار:عد يبي لها حلفان هههه
والله في شركتنا عند قسم عمي ياسر قلت له وهو قال اجل يجي بكره لعندي لشركه وشغلك من العصر لين عشره في الليل..عدنان بفرح:متأكد ياضرار بس ماعندي
الـــ....قاطعه ضرار وقال:انت روح وبس لاتهم دامك عند عمي ياسر..عدنان:زين زين بشرك بالخير..ضرار:وعاد ولقيت لك شقه كمان..عدنان بامتنان:والله..ضرار:والله اهنا قريب منا حيل.في بيت اعمامي بس هاااه دفعت لك الايجار لسته اشهور قدام ابيكي ترجع افلوسي هههههه..عدنان بدموع:والله مااعرف وش اقول ياضرار انت سندي وذخري منت بخوي انت اخوي..ابتسم ضرار وقال:زين يالله روح خذ اغراضكم وتعال للبيت وانا بنفسي باخذكم للبيت..وعقد الاجار سويته على ضمانت عمي ماجد..عدنان:جزاكم الله خير وفي اقرب وقت بارجع لك افلوسك..ضرار:لاتشيل هم الحين..انت بالاول اشتغل زين عشان عمي يعجبه شغلك وبعدين فكر ترجع افلوسي..عدنان:زين يالله باروح الحين اجيب الاغراض واجي لعندك..ضرار:طيب..بس مافي اخبار عن ابوك...
عدنان:لاتقول له ابوي ذاك مو من بني ادم.ان شاء الله يقبضو عليه وعلى شلته في اقرب وقت.ضرار اتنهدت وقال:ان شاء الله يالله روح وانا انتضرك..عدنان:زين يالله..مشاري يتصل مع السلامه... ضرار: الله معك.. وسكر الخط..ياسر: وش قال.. ضرار: انبسط حيييل..
علي: الحمد لله على كل حال المهم بعد يومين ان شاء الله نروح الديره..ياسر: ايه والله نروح نريح اشوي ونرجع.. علي: اجل خذو حسابكم بعد يومين اذا الله احيانا.. ماجد: ان شاء الله.. قاطع حديثه رنين جوال امجد ابتسم بتوتر يوم شاف من المتصل وقال وهو يوقف: برد.. وخرج من المجلس للحوش.. ضرار وقف وراح وراه وشافه في الحوش والجوال فوق اذنه ويتلفت بتوتر.. راح صوبه وقال:عم امجد. لف لعنده امجد وقال: مع السلامه.. وسكر الخط بسرعه.. ضرار: مين يلي داقق عليك.. امجد: واحد من الشركه.. ضرار: واحد من الشركه قصدك انا غبي مااعرف من يلي داقق عليك حبيبتك هاه.. امجد بسرعه: هششش ضرااار.. ضرار: اسمع ياعمي العرض دين وبنات الناس موب لعبه... امجد: حسك عينك تقول لااحد وبعدين هن برواحهن يعطني اسنابهن.. ضرار: مابقول لااحد زين.. بنات اخر زمن حسبي الله بس ترى عمتي ياسمين لو تعرف بتزعل واذا زعلت زعلت انا.. واذا زعلت انا بتزعل انت.. امجد: اقول اسكت بس. تهدد بعد، وياسمين من وين بتعرف... ضرار: بتعرف يوم من الايام وبتخسرها اذا تطور الامر وعرفت انك بتلاقيها وتخرجو تتمشون صدقني اذا خسرتها بتزعل كثييير ياعمي.. عمتي ياسمين مافي احلا منها وطيوبه حيل بس انت مو مقدر النعمه يلي بيدك.. وبتفتقدها لما تفقدها ياعمي...
والحين ابنك في الطريق بكون عليك مسؤاليه وانا اذا اجاء الولد وانت على طريقك هذه صدقني مااسكت
زين.. ومشي... وامجد مصدوم منه اول مره ضرار يكلمه بالاسلوب والتهديد.. بس مااهتم وخرج من البيت
********************************
طلع ضرار لشقه السادسه طق الباب وفتحت له نوف وهيا مغطيه على راسها ووجهها ومو باين الا عيونها
ابتسم وقال: هلا عمتي نوف.. نوف: اللله منك ياضرار اقول لك لاتقول لي عمتيييي. ضرار: وش فيها يعني عمتي يعني عمتي.. نوف:اذا كنت اكبر منك كنت عادي تقول لي عمتي.. ضرار: يالليل وش محلقه هسنه... نوف: زين زين عمتك عمتك. ضحك وقال: المهم ياعمتي تقولين لااخت عدنان تجهز نفسها عشان عدنان اشوي وبيجي ياخذها.. نوف: وين بيروحون.. ضرار: اهنا في شقه اتاجرها في بيت اعمامي.. نوف: يعني قريبه .
ضرار: حيييل. نوف: الله يبشرك في الخير.. تراها من امس تبي اخوها.. ضرار: زين قول لها تتجهز اشوي وبيوصل عدنان.. نوف: انزين يالله.. مشي وسكرت الباب وقالت: العنود.. العنود: سمي.. نوف: عدنان بيجي بعد اشوي ياخذك قالو ان اتاجر اهنا شقه قريبه منا..
الهنوف: صدددق الحمد لله يعني مابتقطعينا.. العنود: ان شاء الله باقوم اتجهز.. ياسمين مسكتها قبل ماتوقف وقالت: وين تقومين ماخلصتي اكلك.. العنود: لا اكلت مرررره.. ياسمين: بسرعه اكلين زين مانبي اخوك يقول مااكلتو خيتي.. ابتسمت العنود وقالت: طيب.. واكلت اشوي وقالت: خلاص والله.. نوف: بالعافيه حبيبتي..
العنود: اسفه مرررره ع الازعاج.. ياسمين: وش يلي ازعاج تراكي منا وفينا.. نوف: بزعل منك لو تعيديها
العنود: زين باقوم اتجهز ووقفت ودخلت الغرفه...
نوف: والله زعلانه انها بتروح.. الهنوف: وانا بعد...
ياسمين: الله ييسر لهم ويفتح لهم ابواب الخير...
نوف والهنوف بصوت واحد: اميييين...
**************************************