الفصل 11
_ *ࢪواية :«يا غرام الحب يا سمو المُهاب.*».
*– الباࢪت«12،13» :*
*– الڪَاتبه : غزال شعريه .*
ــــــــــــــــــــــــــــــــــــــــــــــــ
*مالڪَه القناه: دﻣو؏ اﻟياﻓعي
باشراف:عَمــق
```https://whatsapp.com/channel/0029Vb7lSji9Gv7XgD5aiV2Q```
تم مشاࢪڪة الࢪوايةة من قناة افخم الروايات السعودية 🌷🌷
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*____________*
~قرائه ممتعه~
سؤال.
ليه لمن تسمعي اغنيه نزلت ترند شوي شوي تملي منها، وتبداي تدوري على اغنيه تثير اهتمامك اكثر، وتلامس احاسيسك.
وتحسي بروحك مع الايام تشعري بملل وتحسي بانو كل الاغاني صارت ممله.
بعكس كلام الله، والله ثم والله ثم والله مهما سمعته او قرئته وكانني ابدا عالم اخر، مليئ بالغموض والجمال ومعاني تلامس قلبي.
انهُ كلام الله يامن غفلت عنهُ فلا تغرنك الحياة الدنياء، فوالله لن تجد سعاده ولا راحه ولا عافيه مادمت بعيد عن الله وعن ذكره، وعن كلام رسول الله ﷺ، لا تجعل الاغاني تقسي قلبك، ولا تجعل قلبك من هاجري ذكر الله، ان الله لا يحب من ابتعد عن ذكره وصد عن اياته، فلا تكن ممن ضل عن سبيل الله، فاضله الله عنه.
البارت الثاني عشر
ـــــــــــــــــــــــــــــــ
وقف ابو سند وراح للعميد ثامر والفرحه مب سايعته.
ابو سند بفرح : ثامر الله من زمان عنك.
مشي العميد ناحيته وضمه بفرح، الله يا الدنياء من 9 سنوات ما شافه، اش كثر اشتاق لخويه.
شد ابو سند بضمه اكثر، وبعدها بعد عنه وسلم عليه بالخشم.
العميد بفرح : الله يا الدنياء 9 سنين يا عبد العزيز، 9 سنين مالك حس وما عاد شفتك.
ابو سند بفرح : صارت لي سالفه وغيرت شغلي من الشرقيه ل الرياض واستقريت فيه، وغيرت ارقامي وراح رقمك عني، وبعدين يا رجال من لمن رحت خارج المملكه معاد سمعت عنك خبر.
العميد بابتسامه : صارت شغلات كثيره بغيابك، وكلن بحاله يعلم الله.
الواء بهدوء : خلصتو سلامكم ممكن نرجع لموضوعنا.
استوعب ابو سند والعميد انو اخذتهم السوالف ونسيو الشي المهم.
ابو سند بابتسامه : اقعد حياك.
قعد العميد امام الواء، بينما ابو سند راح لكرسي سند وقعد عليه.
الواء بهدوء : يا اخ عبد العزيز هذا العميد ثامر ويكون خال بنتك.
ناظر العميد لابو سند بلهفه : اشلونها، هي بخير، عز الله ما تركت مكان ما دورت فيه عنها بس ماقدرت الاقيها، والحمد لله اليوم شائت الاقدار تكون بنت اختي هي نفسها بنت خوي عمري.
ابو سند بابتسامه : هلا بك، وما اغلى من المرحومه الا اخوها، حيكم معاي ؏البيت نقوم بضيافتكم.
الواء بهدوء : عندنا شغل يا عبد العزيز ، وبشي يوم راح نزورك ببيتك عشان يتعرف العميد على بنت اخته اكثر.
العميد بفرح : ودي اشوفها الحين.
تنهد ابو سند شوي وبعدها قال : الحين مقدر اوديك لها، بعدها تعبانه وحالتها الصحيه مو بذاك الزود، ومن الاحسن لو تشوفها بوقت ثاني، الدكتور طلب منها ترتاح وما تضغط روحها، ولو شافت رجال غريب وش تتوقع تكون ردة فعلها.
العميد باستغراب : ماعليها شر ان شاء الله، اشفيها.
الواء بهدوء : كانت بالانفجار مع العقيد مهاب.
انصدم العميد : اشلووون، طيب كيفها الحين.
ابو سند بهدوء : الحمد لله احسن رغم الاصابات الي فيها الا انها احسن من قبل والحمد لله تخطت مرحلة الخطر.
تنهد العميد وقعد يفكر فيها، واشلون راح تتقبله وكونه ضهر في حياتها فجأه على انه خالها.
جامعة الملك عبد العزيز
ـــــــــــــــــــــــــــــــــــــ
قاعده بالقاعه وتناظر لكرسي سمو والضيق كاتمن صدرها، سمو متغيبه عن الجامعه من يومين، ومافيه اي خبر عنها، تتصل لها وما ترد ويجيها ان الرقم الذي تتصل به مغلق، وذا الي زود قلقها لانو سمو ما تغلق تلفونها يومين بحالهم.
راحت خيال لها وقعدت يمها : خير اشفيك قاعده بروحك.
جوري بضيق : سمو مختفيه ومدري وينها.
خيال باستغراب : اشلون مختفيه ما اجت اليوم.
جوري بضيق : لا ما اجت، وامس بعد ما اجت.
خيال باستغراب : طيب اتصلي لها.
جوري بضيق : ما ترد وتلفونها مغلق.
خيال : عندك رقم احد من اهلها؟
جوري بضيق : لا، بس اخوها يدرس معاها بالجامعه سنه ثانيه.
خيال : طيب خل نروح نسأله عنها.
جوري بضيق : سالت عنه، وخبروني انو طلب اذن وما داوم.
قعدت تفكر خيال شوي، وحال جوري مكدر خاطرها، هي تدري انو تحب سمو حيل، وهي صديقتها الوحيده بهالجامعه، تذكرت شي وفزت واقفه وسحبت جوري معاها.
جوري باستغراب : هيه هيه وين موديتيني.
خيال بابتسامه : مو تبي تطمني على سمو، خلاص راح نروح لاحد يعرفها زين.
مشت جوري معاها بقلة حيله، وبعد مشي مب طويل وصلو لمكتب الدكتور علي.
طقت خيال الباب ودخلت مع جوري بعدما سمح لهم الدكتور علي يدخلو.
راحو له وتكلمت خيال : دكتور علي ممكن اسألك سؤال.
رفع الدكتور علي نظره لها : تفضلي يا بنتي.
خيال : الطالبه سمو تصير بنت اخوك صح.
الدكتور علي : ايوا خير ان شاء الله فيه شي؟
جوري : دكتور سمو مو مداومه من يومين وكمان ما ترد ؏تلفونها خير صاير شي.
الدكتور علي بهدوء : سمو اخذت ملفها ونقلت من الجامعه، ومغلقه تلفونها لانو صار لها حادثه وتلفونها راح فيها.
جوري بخوف : و وسمو.
ناظرها الدكتور علي شوي، وتذكر كلام اخوه لمن خبره ما يخبر احد عن حالة سمو.
الدكتور علي بهدوء : سمو بخير ماصار لها شي.
جوري بقلق : طيب ممكن تعطيني رقم احد من اهلها ودي اتطمن عليها.
الدكتور علي بهدوء : سمو سافرت مع اخوها وبعدهم ما طلعو ارقام.
قعد الدكتور علي يشتم اخوه بنفسه، خلاه يكذب ويالف قصص ما صارت.
تنهدت جوري بضيق وحزن، اشلون هانت على سمو تسافر بدون ما تودعها، هي تعتبر سمو اكثر من اخت، وحكت لها سالفتها ومعاناتها مع عمها الظالم، وما خبنت عنها شي لانو تعتبرها توئمها، بس سمو ولا بيوم اعتبرتها اخت لها او صحبه، ودايمآ غامضه معاها وما تحكي لها عن حياتها الخاصه،واليوم ايقنت انو سمو ما كانت تشوفها الا بنت مثيره ل الشفقه.
مسحت دمعه هاربه طاحت على خدها، وبعدها طلعت من المكتب وراحت للقاعه، اخذت اغراضها وطلعت من الجامعه بدون ما تاخذ اذن، وذا الي زاد من دهشة خيال واستغرابها.
بعد اسبوعين
ـــــــــــــــــــــ
الساعه 2:49 م
قاعده سمو بالصاله تناظر ال TV بملل، دخل سند وهو شايل دانه وماسك بيده الثانيه فارس، ومهاب ماشي قبلهم.
سند بابتسامه : سبرايز.
التفتت سمو وصرخت بفرح : فروس دواني مهابي.
فتحت لهم يدينها ونزل سند دانه ومشت بخطوات متعثره ناحيتها.
راح لها فارس اولهم وطاح بحضنها.
قعدت سمو تبوسه وهي تضحك من فرحها، راح لها مهاب وسلم عليها وباس خدوها، اخذت دانه الي حاوت تطلع ؏الكنبه وما قدرت.
رفعتها عن الارض واخذتها بحضنها وقعدت تبوسها وهي تضحك.
ناظرها سند بفرح، ويحمد الله انو طلعت بخير وعدت هالازمه وما صار لها شي.
فارس بابتسامه : امه تون.
شدته سمو بخرفنه من خدوده : يعيون عمه، الحين بنسوي لشيخ فارس افلام كرتون.
اخذت الريموت وحطت فلم كرتون باربي لولوة البحر .
**هالفلم يجنن والي يحبو افلام الكرتون زيي يتابعوه**
راحت الشغاله وبيدها الدخون للمجلس وفيه شغاله راحت تغير الشراشف بدورات المياه تبع المجلس.
نزلت ام سند من الدرج وراحت لسمو بعصبيه .
ام سند بعصبيه : سمو وبعدين معاك، ودك يجو اهل العريس ويشوفوك ببجامه.
سمو باستغراب : اي عريس يا ماما، وبعدين اشفيها بجامتي.
ناظرتها ام سهيل الي كانت طالعه من المطبخ : ابشرك يا نوره العريس راح يهون اول ما يشوفها قاعده مع البزارين وتتابع افلام كرتون، يخوفي يقول جاي اخطب بزره.
التفتت لها سمو بنرفزه : ماما شهد خليني عاقله انا بطلت طوالة السان بس انتو تطلعو الواحد من طوره.
ام سند بعصبيه : وهي صادقه، فزي غيري ملابسك وتكشخي.
سمو بعصبيه : وليه اتكشخ عن اي عريس قاعدين تتكلمو.
ام سند بطولة بال : سمو انا قبل اسبوع مو خبرتك انو فيه رجال متقدم لك.
فعدت سمو تفكر شوي وتذكرت انو بالفعل ام سند خبرتها بالسالفه.
سمو : ايوا تذكرت، طيب والمطلوب.
ام سند بعصبيه : سمو لا تجننيني، المطلوب تفزي تغيري هالبجامه وتكشخي.
سمو باستغراب : بس مين قال لكم انو انا موافقه، ليه اتعب روحي واكشخ مادام راح ارفض.
ام سند بطولة بال : يا بنتي استهدي بلله وروحي غيري ملابسك، مافيه ملكه بس اهل العريس راح يشوفوك ولو صار فيه نصيب بعدها تقدري ترفضي او توافقي
ام سهيل بابتسامه : ما اضن ترفض، لانو جد الرجال عاجب ابو سند والشباب وواضح انو رجال ما ينرد.
وقفت سمو بعصبيه : يخي انتي اش عليك مني، كل شوي وترفعي ضغطي، راح اروح اكشخ لاهل الزفت الي جاي، بس حطو ببالكم انو مستحيل اوافق عليه.
طلعت سمو بعصبيه وجنون الارض تتناطط قدامها.
راحت ام سند لام سهيل : ليه قلتي لها كذا، احنا ما صدقنا على الله تتقبل احد قبل ما ترفض بدون سبب، وانتي كذا بتطفشيها من العريس.
ام سهيل بابتسامه : هالمرا صدقيني ماراح ترفض لانو الرجال من جد ينشر، ولو ما عجب اخوانها وابوها ما رحبو فيه.
ام سند باستهزاء : ليه وكان الي تقدمو لها من قبل يعيبهم شي.
ام سهيل بابتسامه : لا مايعيبهم شي بس هالرجال غير، وانا متاكده انو هو اكثر شخص راح يناسب سمو، ويقدر يتعامل مع جنونها وعصبيتها الزايده.
ام سند برفع حاجب : تعرفي العريس انتي.
سكتت ام سهيل بغموض وما ردت.
قصر ابو عزام
ــــــــــــــــــــــــ
قاعد بالصاله وحوله اوراق الشركه وبعده لابس بدلة القوات لانو من نص ساعه كان راجع من المقر.
نز ابو عزام ل الصاله وكان لابس ثوبه وكاشخ، راح لمهاب الي منسجم بالشغل.
ابو عزام : مهاب بعدك قاعد.
مهاب بانسجام : هممم.
رفع ابو عزام يده وناظر ل الساعه الي تزين معصمه وشافها وكانت الساعه 3:01 م.
ابو عزام : ما بقى شي ؏الاذان، يالله فز تروش واكشخ بنتأخر ؏اهل البنت.
مهاب بانسجام : لاحقين ؏الروحه يبه.
ابو عزام بنرفزه : مهاب فز وش الي لاحقين ؏الروحه، مابقى وقت على الصلاه بنصلي ونروح.
ناظره مهاب بهدوء : يبه انت تشوفني مشغول ليه الروحه، خل نروح بكره.
ابو عزام بنرفزه : مو انت الي اصريت نخطب لك البنت وكلمت ابوها، وابوها رحب فينا والحين ودك تفشلني.
مهاب بهدوء : محشوم من الفشله، بس شوفت عينك الشغل لراسي ولازم اخلصه وارجع للمقر.
ابو عزام بنرفزه : ماراح تفشلني عند الرجاجيل، فز اكشخ او روح بخلاقينك المهم تروح، اصريت ؏البنت ولمن عزمنا نخطبها كنسلت، وش براسك يا ولد.
مهاب بهدوء : اسبقني ؏السياره وشوي ولاحقك.
قعد ابو عزام ؏الكنبه : ماني متحرك ورجلي ؏رجلك.
مهاب بهدوء : طيب.
لم مهاب الاوراق واخذهم وطلع من الصاله وراح لجناحه.
ناظره جده بنرفزه، هو متاكد ومليون بالميه انو براس مهاب شي، ويا خوفه لا البنت سوت له شي ويبي يكسر شي بنفسها.
فتح مهاب باب الجناح ودخل، راح لمكتبه وترك الأوراق عليه، راح لدورة المياه ودخل، فتح ازرار البدله شالها، شال التيشرت الي لابسه، وبعدها راح للمرايه الي بدورة المياه وناظر للجرح الي ببطنه والي بدا يلتأم وما صار يعوره.
راح للبانيو وملاه مويه وبعدها بدا يتروش.
بعد 7 دقائق خلص وطلع من دورة الميه وهو لاف الفوطه حول خصره، المنشفه حول رقبته.
رفع المنشفه ونشف شعره وبعدها راح لغرفة التبديل، اخذ له ثوب ابيض ولبسه، وبعدها اخذ له جزمه سوداء ولبسها ولمن خلص اخذ شماغه وعقاله وراح ل التسريحه خفف شعره ومشطه لورا وبعدها اخذ الشماغ وزينه وحط العقال.
اخذ ساعته السوداء الي من ماركة مرسديس، اخذ دهن العود وحط شوي بمعصمه، اخذ عطره ورش منه حول عنقه وبجسمه، اخذ المبخره وحط فيها الدخون وبدا يتبخر.
خلص وراح ل الطاوله اخذ تلفوناته وبوكه وحط القلم بجيب الثوب.
راح ل درج التسريحه واخذ مفتاح سيارته الكزز وطلع من الجناح على طلعت الهنوف.
الهنوف بتصفير : ياويييلي انا ؏الكشخه.
مهاب بهدوء : اشوف لابسه ودك تروحي معانا.
الهنوف بابتسامه : اكيد ودي اشوف الي جابت راس مهاب.
مهاب بهدوء : بعدها ما طلعت ل الدنياء الي بتجيب راس مهاب، انتي وابوي مدري اش فيكم.
الهنوف بغمزه : علينا يا الثقيل.
مهاب بصرامه : بتقطعي هالسوالف او تقعدي بالبيت.
الهنوف بسرعه : بسم لله ما ينمزح معاك، وش قلنا ياخي.
نزل مهاب قبلها وريحة عطره سابقنه، وصل ل الصاله وراح لجده الي بعده قاعد ومستنيه.
مهاب بهدوء : مشينا.
ابو عزام : مشينا.
نادت الهنوف ل الشغاله تعطيها نقابها، وبالفعل عطتها ياه واخذته الهنوف منها ولبسته.
طلع مهاب وراح لسيارته بينما الجده راح ل سيارته.
ناظرتهم الهنوف بحيره، هالاثنين واضح معصبين رغم ملامحهم الهاديه، وكانو رايحين حرب مو لخطبه،تنهدت وقررت تروح مع مهاب رغم خوفها.
راحت لسيارة مهاب ودخلت، ووصلتها ريحة عطر مهاب الي يختلف عن اي عطر، وحتى سيارته ريحها غير، وكانت مرتبه ونظيفه.
الهنوف بصوت واطي : يا عليه ترتيب اكثر من ترتيب حياتي وسيارتي.
مهاب بدون ما يناظرها : قلتي شي.
الهنوف بابتسامه : ابد طال عمرك، بس ممكن استعير عطرك.
مهاب بهدوء : ولمين راح تعطيه هالمرا.
ابتسمت الهنوف باحراج، هو يدري انو هي الي اخذت عطره من جناحه وعطته لهنادي والمرا الثانيه عطته ل الكادي لانو شمت ريحته بسيارتها وعجبها.
الهنوف باحراج : ماراح اعطيه احد، ريحته حلوه وودي فيه لسيارتي.
مهاب بهدوء : عندك محلات العطور خذي الي ودك فيهم ؏حسابي، بس اغراضي الخاصه لو اشوفك مقربه منهم صدقيني ماراح يحصل لك خير.
حرك مهاب السياره وطلع من حديقة القصر.
قعد طول الطريق ساكت والهنوف كل شوي تحاول تفتح معاه مواضيع بس هو معطيها طاف.
الهنوف بنرفزه : يا شينك لا صرت هادي، لو رحت مع ابوي احسن.
وقف مهاب السياره ؏جنب وناظرها : هاك الطريق قدامك، يالله انزلي وروحي مع ابوي.
الهنوف بعصبيه : من جدك.
مهاب ببرود : ما اقول شي عشان استهبل عليه، يالله انزلي.
نزلت الهنوف بغضب وغلقت باب السياره بقوه، ناظرها مهاب وتطمن لمن دخلت سيارة جده، وبعدها حرك.
دخلت الهنوف ل السياره وجنون الارض كلها تتنطنط قدامها.
ابو عزام بابتسامه : خير ان شاء الله وش انتي مهببه.
الهنوف بعصبيه : ولد ولدك. غثيييث لابعد درجه، ما قول غير الله يعين الي بتاخذه.
ابو عزام بابتسامه : وش مسوي ولد ولدي.
الهنوف بعصبيه : نزلني من السياره الحيوان.
ابو عزام بابتسامه : اعرف مهاب زين قولي وش انتي قايله له عشان ينزلك.
سكتت الهنوف شوي : قلت له يعطيني عطره الي بالسياره.
ابو عزام بابتسامه : بس الي اعرفه انو انتي ما تاخذي اغراض مهاب لك، ومهاب حذرك كذا مرا وانتي ما تسمعي الكلام.
الهنوف باحراج : يبه مقدر اردهم، وبعدين اش فيها لو احد اخذت عطره.
ابو عزام بهدوء : فيها اشياء كثيره، وبعض البنات يتخيلو ريحة مهاب هو، ويسوو اشياء مو حلوه.
الهنوف باحراج : احم خل نغير الموضو.
رن تلفونها وقاطع كلامها، طلعت من شنطتها وكان المتصل هنادي، خفق قلبها بقوه لو قالت لها راح تصير كارثه، غلقت التلفون ورجعته لشنطتها.
سمعو صوت اذان العصر، وراحو لاقرب مسجد يصلو والهنوف راحت للمسجد النسائي تصلي.
فيلا ابو سند
ــــــــــــــــــــ
صلت العصر ولمن خلصت رفعت يدينها وبدات تدعي لامها من قلب.
خلصت دعائها ووقفت سفطت السجاده وثوب الصلاه، راحت ل التسريحه وقعدت على الكرسي، ناظرت انعكاس صورتها بخبث وقررت تسوي شي يندم اهل عريس الغفله.
بدات تحط ميك اب ثقيل شوي ابرز ملامحها الجميله،وبينها اكبر من عمرها، حطت كحل اسود زاد من جمال عيونها السودا، اخذت روج احمر لامع،ولمن خلصت وراحت لغرفة التبديل، مشت ناحية الفساتين وقعدت تمرر يدها بين الفساتين عشان تلاقي فستان مناسب.
استقرت يدها على فستان لو احمر ، قماش تركي،ماسك ؏الجسم قصة الصدر v وحبات الزركون تزين مقدمت الفستان من ناحية الصدر والكم علاق، ماسك ؏الجسم لحد الركبه ومن تحت مفروش، وكان زي فستان الحوريه.
اخذته وغيرت ملابسها، خلصت ومن الفستان واختارت لها جزمه كعب لون احمر ، لبستها وطلعت من غرفة التبديل، ورجعت ل التسريحه، قعدت ؏الكرسي وفكت شعرها من التوكه ومسكت اطرافه وقعدت تفكر وش تسويه، وبعدها قررت تتركه على طبيعته بس تفيره من اطرافه.
خلصت من شعرها واخذت عطرها وبدات تتعطر، ناظرت روحها بالمرايه وارسلت بوسه بالهواء.
سمو بابتسامه : يمه اش حلاتي، كنت بخرفنهم تخرفنت انا، مين له حق غيرك يا سمو يغتر.
غمزت لروحها بضحكه وبعدها اخذت اسوارتها ولبستها،اخذت حلق طويل ولبستهم وطلعت من الغرفه.
فتحت الباب وسمعت صوت دوشه بالصاله .
نزلت الدرج بخطوات ثابته وتعبر عن ثقلها وجمالها.
وصلت ل الصاله وراحت لمكان الصوت وكان صوت بنات عمها علي الي تو راجعين من السفر.
ناظرتهم سمو بفرح وصرخت : سديم ديم وحشتووووووني.
راحت ناحيتهم والتفتو لها البنات وراحو لها وضموها، قعدت سمو تسلم عليهم بحراره.
ديم بغمزه : اموت ؏الاحمر يا حلو.
سديم بابتسامه : احلويتي يا بنت.
سمو خجل : تسلمو وانتو بعد احلويتو.
مسكت ديم اطراف شعرها بانبهار : واو ماشاء الله طال عن اخر مرا شفته.
سديم بابتسامه : اذكر لنا سنه غايبين اكيد بيطول عن اخر مرا شفتيه فيها *ناظرت سمو *ماشاء الله مرا طويل ماودك تقصيه.
سمو بابتسامه : وانا اقدر عزوز بيقص راسي.
ديم بابتسامه : انا سمعت انو عمو يحبه لانو زي شعر عمتو الله يرحمها.
سمو : الله يرحمها.
طلعت ام سهيل من الصاله الضيوف تشوف سمو، ولمن شافتها واقفه يم العمود الي بالصاله راحت لها.
ام سهيل بابتسامه : سمو وينك البنت مستنيه لك.
ناظرت لديم وسديم وهلت فيها بفرح وقعدت تسأل عن حالهم وبلا بلا بلا.
ام سهيل بابتسامه : وينها امك ليه ما جات.
سديم بابتسامه : تعبانه من السفر وما فيها حيل تجي.
ام سهيل بابتسامه : حياكم امشو معاي.
مشت ام سهيل وراحت لصالة الضيوف ودخلت ودخلت خلفها ديم وسديم، وسمو اخر وحده.
سلمو البنات على الهنوف وبعدها قعدو يم بعض.
ناظرتهم الهنوف واحتارت اي واحد فيهم البنت الي جايين يخطبوها لمهاب، شافت ديم وكانت ملامحها جميله وملفتها وملابسها متناسقه مع جمالها ، وسديم ملامحها هاديه وجميله وملابسها انيقه، بعكس سمو الي كانت قمه بالجمال بس ملابسها مرا جريئه وصارخه، بذات انو باينه بالميك اب اكبر من عمرها، وكانو بنت عمرها بمنتصف العشرينات.
ام سند بابتسامه : يالله حيهم، تو ما نور البيت.
ديم وسديم بابتسامه : يحييك نور اهله فيه.
ناظرت الهنوف لام سند وكانت تسألها بنظراتها عن اذا سمو العروس.
فهمت ام سند نظراتها : اعرفك هذي بنتي سمو *واشرت عليها *ووالي يمها سديم والي يم سديم ديم.
الهنوف بابتسامه : هلا بكم.
قعدت الهنوف تتكلم مع البنات واخذت على جوهم بس منرفزها تجاهل سمو لها.
استاذنت ام سند وراحت تشوف الشغاله، بينما سمو استغلت الفرصه وقرصت سديم الي فهمت عليها.
سديم بضحكه مكتومه : سلطان اجا ومرا مشتاق لك.
سمو بفرح مصطنع ودلع ماصخ : سلتاني جا، وليه ما خبرتيني كنت استقبلته.
الهنوف بابتسامه : مين سلطان.
ناظرتها سمو برفع حاجب : وانتي اش دخلك.
سكتت الهنوف باحراج وتمنت الارض انشقت وبلعتها.
ديم بابتسامه : هذا اخوي سلطان، وعاد لو تشوفي اش كثر يحب سمو وسمو تحبه، ومقررين يتزوجو عقب ما تخلص سمو الجامعه.
انصدمت الهنوف وحست باشمازاز من ناحية سمو، وادركت انو ما تستاهل مهاب وقفت وناظرت سمو.
الهنوف بغضب : حسافه فيك مهاب الي تعنا عشانك.
سمو بسخريه : حاسفه فيه انا، وانا مو كل من طلبني نال.
شاطت الهنوف من كلامها وعصبت اكثر، طلعت من الصاله بينما البنات ضربو كف بكف وقعدو يضحكو.
سديم بضحكه : هههههههه مو متخيله انو انتي سمو، يخي دلعك يضحك صرتي ماصخه فيه.
ديم بضحكه : هههههههه ياليت سلطان يسمعك، كان طاح على شوشته الدلخ.
سمو بقرف : انا مدري اشلون قلت سلطان، ولا فيه احد يناظر لاخوك الكريه.
سديم بابتسامه : هو صح كريه ولا يطاق بس لو انجاب اسمك يا زينه.
ديم بابتسامه : تخيلي يعرف بخطبتك عز الله ليحرق الي متقدم لك.
سمو بقرف : يع انا افضل اتزوج اخو هالبنت الي جات ولا اطل بوجه اخوك، نسونجي درجه اولا، وما يدل الثقل، وكل شوي يقط كلام زي وجهه.
ديم بغمزه : نسونجي ايوا بس يحبك.
سمو بقرف : حبه برص ان شاء الله، خلاص غيرو سالفته ما اداني طاريه.
غيرو البنات السوالف وقعدو يضحكو.
دخلت ام سند بغضب وعيونها تقدح شرار راحت لسمو وشدتها من يدها.
ام سند بصراخ : وش انتي قايله للبنت يا سمو، ليه طلعت معصبه.
سمو ببراءه : ماقلت شي واسألي البنات *ناظرت للبنات *انا قلت شي للبنت.
كتمت سديم ضحكتها على تمثيل سمو، الي شوي وتصدقه.
ديم بتمثيل : سمو ماقالت شي يا عمتو، البنت مدري على وش شايفه نفسها، ولمن شافتنا نسولف طلعت معصبه.
تركت ام سند يد سمو وطلعت بعصبيه وهي مو مصدقتها.
قعدت سمو تضحك بقوه على تمثيلتهم المتقنه.
ديم بضحكه : هههههههه بح طار العريس.
سمو بضحكه : هههههههه وطارت اخته.
سديم بابتسامه : ما كانو زودناها.
سمو بابتسامه : وش الي زودناها انتي ووجهك.
ديم بتغيير ل السالفه : سمو فيه خبريه حلوه.
سمو بابتسامه : قولي اشتقت للخبريات الحلوه .
ديم بابتسامه : انا وديم راح نكون معاك بنفس الجامعه، ونقلنا اوراقنا من كندا لجامعة الاميره نوره بنت عبد رحمن، وراح نكمل الجامعه فيها.
سمو بفرح : جد ناااايس.
دخلت سيارة مهاب بغضب وغلقت الباب بقوه.
مهاب بهدوء : خير ان شاء الله كل شوي بتضربين الباب، اشفيك منفسه.
الهنوف بعصبيه : هالبنت مستحيل تكون زوجتك، ولو صار وتزوجتها انسى انو لك عمه.
مهاب برفع حاجب : وليه ان شاء الله.
الهنوف بعصبيه : البنت ما تليق فيك ومن الاحسن ما تاخذها.
مهاب بهدوء : عندك شي قوليه لا تقعدي تقطي كلام ؏الفاضي.
الهنوف بعصبيه : هالبنت عندها حبيب، لا وفوق ذا كله قاعده تتغزل فيه قدامي ولا كانو جايين ومتعنين عشان نتقدم لخطبتها.
مهاب برفع حاجب : الحين هذا الي معصبك.
الهنوف بنرفزه : قالت انو هي حسافه فيك ومو كل من طلبها نالها، ليه وهالشي ما يعصب يا سيد مهاب.
مهاب بهدوء : اسمعيني زين يا الهنوف، انا قبل ما اشوفك عمه اشوفك اخت وعشان كذا رضيت اخذك معاي للخطبه، والكلام الي سمعتيه راح تنسيه، وانا راح استنا الموافقه من اهلها، ولو صار وملكنا راح نتفاهم بهالكلام بعدين.
الهنوف بصدمه : بعدك مصر تاخذها.
مهاب بغموض : وبشده بعد.
سكتت الهنوف من صدمتها، يا خوفها مهاب له عداوه مع البنت وراح يطين عيشتها، هي ما تتمنا تكون يمه لمن يعصب، فشلون راح تتحمل سمو تكون زوجته وهو بقلبه شي من الكراهيه تجاهها.
(( وصلنا لنهاية البارت ))
//توقعاتكم //
تتوقعو سمو تتقبل وجود خالها ؟
او راح تصده ؟
هل نجحت خطت سمو وراح تفركش الخطوبه ؟
او القدر خالف مخططاتها وابوها راح يوافق على مهاب ؟
تتوقعو مهاب ياخذ سمو بالغصب ؟
شاركوني توقعاتكم الحلوه يحلوينقرائه ممتعه~
اللهم ان كان بيني وبين جنتك مسافاتً طويله، فاجعل كل المسافات خطوه، وقربني اليك يارب العالمين.
اللهم اني اخافك، واخاف عذابك، فاجرني من عذابك وعمني برحمتك، اللهم ان الهموم اثقلت قلبي، والامراض زادتني وهنً وتعب،وحالي اصبح من صعبً الى صعب، ودب في قلبي بصائص الرعب، وعقلي اصبح في ساحات اللعب، اللهم ثبتني على يقيني، وقوي لي ايماني وديني، واشرح كل ما فيني، واجعل القرآن في مجرا وتيني، وابعد عني كل ما يؤذيني، واصلح حالي ما تبقا من سنيني، واجعل الصلاه اول من في القبر يؤتيني، يارب انت الغني ولا احد سواك من رحمتك يغنيني، فارحمني اذا بلغت التراق، والتفت الساق بالساق، وجائني الموت ك لمحةِ البراق، والى القبر قادتني المساق، فالهمني الشهاده، واجعلني ممن اكثرو العباده، ومن الذين احسن فلقو جنةً وسعاده، اللهم اغسل قلبي من الهموم مرارن وتكرارن اعاده، واجعل بيني وبين النار مدً لا يقاس ابعاده، اللهم اجعلنا ممن حرمت عليهم نارً مرصاده، اللهم امين.
البارت الثالث عشر
ــــــــــــــــــــــــــــــ
حرك مهاب السياره وطلع من حديقة الفيلا، وبراسه شي وده يسويه.
دخل ابو سند ل الصاله بينما الشباب قعدو بالمجلس لانو بنات عمهم علي فيه.
قعدو البنات ب الصاله الثانيه وقدامها شكلاتات ويضحكو ومو منتبهي لابو سند الي دخل ل الصاله .
ابو سند بابتسامه : يالله حيهم.
التفتو البنات ؏الصوت وفزو يسلمو على عمهم، قعد ابو سند يم سمو وسحب من يدها الشوكلاته وناظر البنات.
ابو سند بابتسامه : كيفكم يبه.
ديم وسديم بابتسامه : تمام الحمدلله انت كيفك عمو.
ابو سند بابتسامه : الحمد لله من الله بخير.
اكل من الشوكلاته وناظر سمو الي تناظره بزعل.
ابو سند بابتسامه : بسم لله اشفيك يا الدلوعه بس اكلت شوي *مدها لها * خذيها معاد ابيها.
سمو بزعل : ما ابيها اشبع فيها.
ناظرتها سديم وهي فاتحه فمها، سمو تقول كذا لابوها، عز الله ليتوطا ببطنها الحين.
انصدمت اكثر لمن شافت ابو سند يرجع ياكل منها وهو مبتسم ويتلذذ باكلها عشان يغيض سمو.
سديم بصدمه : الظاهر فيه اشياء كثيره تغيرت بغيابنا.
ديم بابتسامه : اشياء كثيره واولهم عمو سند صار فلاوي.
ابو سند بابتسامه : احم لا تطيحو هيبتي يا بنات.
ناظر سمو الي ماده البوز وعينها على كيس الشوكلاته الي حطه ؏الطاوله.
ابو سند بابتسامه : ابوك يا المفشوحه ترا اكلت وحده المطبخ مليان شوكلاتات وثلاجتك متروسه وعينك على الي اكلتها.
سمو بزعل : بابا ليه اكلتها كانت اخر وحده وانا احبها.
ضمها ابو سند من كتوفها وباس راسها : ما يهون علينا زعل السمو، بكره بجيب لك عشره كرتون بدل الواحد شرايك.
سمو بفرح : والله.
ابو سند بنص عين : وليه انا مقصر معاك بشي عشان اكذب، ما انا الي اجيبهم لك.
سمو بابتسامه : لا ذي الي اكلت منها من اسبوعين سهم جابهم لي، بس دام قلت راح تجيب لي 10كرتون خلاص كل شي من حلالك.
ابتسم ابو سند عليها.
ديم بابتسامه : ماشاء الله غبنا وغابت الصرامه معنا، اذكر لو اكلت سمو حلويات كثير كنت تهاوشها، وش الي تغير يا عمو.
ابو سند بنفسه : الي تغير كانت راح تروح مني، وانا مستعد اعطيها روحي دام الله رجعها لي من ثاني.
رفع صوته : ابد يا عمو بس قررت اصير خويكم *وبغمزه *كود تلاقو لي الثالثه.
سمو بابتسامه خبيثه : والله لعلم ماما نوره وماما شهد.
دخلت ام سهيل على كلامها : وش الي راح تعلمينا عنه.
سمو بابتسامه خبيثه : ماما با اممم.
ناظرها ابو سند بابتسامه لمن حط بفمها شوكلاته عشان تسكت وما تقول الهوايل.
ابو سند بغمزه : ودك بكره بالسام.
كانت سمو راح تتكلم بس اول ما سمعت اسم السام سكتت.
ديم بابتسامه : عمو سمو راح تسكن بالسكن الجامعي.
ناظرها ابو سند وبعدها ناظر سمو : لا.
ديم باستغراب : بس عمتو نوره خبرتنا انو راح تقعد بالسكن الجامعي.
ابو سند بهدوء : كنت ناوي تقعد بس تعرفي شروط الجامعه، ماتقدر اي بنت مملكه او متزوجه تسكن بالسكن الجامعي.
سمو باستغراب : بابا بس انا مو مملكه ولا متزوجه.
ابو سند بهدوء : بس راح تصير ملكتك قريب.
سمو بصدمه : اي ملكه، بابا انا مستحيل اوافق على الرجال الي تو متقدم لي.
ابو سند بهدوء : وليه ان شاء الله، الرجال اجودي وما يعيبه شي، وبعدين ترا يصير ولد عم زوج ريم.
سمو بنرفزه : والله ما اخذه، انا قلت لكم من قبل ماني موافقه على هالخطبه بس قررت انزل واشوف اهل هالغثيث الي جاي.
ابو سند بهدوء : وقلتي البس لبس يبيني كبيره ومو متربيه عشان اغير نظرت اهله فيني مو.
سكتت سمو باحراج لانو ابوها كاشفها.
وقف ابو سند : الخطبه باذن لله راح تتم، عندك يومين صلي استخاره وردي، لو ما ارتحتي ماراح اجبرك على شي، بس لو صليتي وارتحتي وكذبتي انو مافي نصيب صدقيني راح تاخذيه غصب.
طلع ابو سند وراح جناحه يريح.
ديم بصوت واطي : بسم لله كانو صكينا عمو عين، اشفيه تغير فجأه.
ناظرتهم سمو وطلعت لغرفتها والكون ضايق فيها.
••• بعد يومين •••
قصر ابو عزام
ـــــــــــــــــــــــ
كان قاعد بالصاله يشرب قهوه مع جده قبل يروح ل الشغل.
رن تلفون ابو عزام ورد ابو عزام.
ابو عزام بابتسامه : هلا والله كيفك يا ابو سند.
.............
ابو عزام بابتسامه : الحمد لله بخير نسأل عنكم.
.............
ابو عزام بابتسامه : قول يا ولدي.
.............
تغيرت ملامح ابو عزام.
ابو عزام بهدوء : طيب يا ابو سند الله يوفقها.
.........
ابو عزام بهدوء : يالله بامان الله.
غلق ابو عزام من ابو سند وناظر مهاب الي قاعد يشرب قهوته بروقان.
مهاب بروقان : وش رد ابو سند يبه.
ابو عزام بهدوء : مافي نصيب، عقب العصر راح نروح ونخطب لك بنت خويي.
مهاب بروقان : مافي داعي يبه.
ابو عزام بشك : وليه مافي داعي.
وقف مهاب : راح نروح بعد يومين نملك والموعد الي قلت لك عنه ماراح يتغير.
طلع مهاب بدون ما يسمع رد، اخذ سيارته وحرك وبراسه موال وده يعزفه.
فيلا ابو سند
ـــــــــــــــــــــ
دخلت سيارة بنات عمها وهي تضحك.
ديم بابتسامه : الله يديم هالضحكه.
سديم بابتسامه : ممكن نعرف وش سبب هالضحكه.
حكت لهم سمو عن التمثيليه الي سوتها امام ابوها، وانو صلت وما ارتاحت، وانو الخيره فيما استخاره الله، ومن هالكلام.
ديم بضحكه : هههههه الله عليك يا ممثله.
سمو بابتسامه : اعجبك.
سديم بابتسامه : راج يالله روح ؏الجامعه.
سمو بابتسامه : لا خل يروح ؏الفيصليه اول ودي اخذ شي.
سديم بتفكير : وانا بعد ودي اخذ لي اغراض.
ديم : راج روح ؏الفيصليه.
راج : حاطر ماما.
ديم بنرفزه : ماما بعينك كم مرا قلت لك لا تقول ماما.
سمو بضحكه : هههههههه وانتي بعدك معلقه مع راج على هالكلمه.
سديم بابتسامه : ومع كل سواق هندي نجيبه.
رن تلفون سمو وكان رقم غريب، ما اهتمت وغلقت الخط.
رجع يرن التلفون من ثاني وكان نفس الرقم، رفضت ورجعت التلفون ل الشنطه، رن للمرا الثالثه وتنرفزة سمو من صوت التلفون ردت.
سمو بعصبيه : خير مين.
سهم بابتسامه : اعصابك يا حلو، ممكن اتعرف.
سمو باستغراب : سهم.
سهم بابتسامه : اف منك ليه كشفتيني خل اتسلى شوي.
سمو بابتسامه : الله اخونا الثقيل صار خفيف فجأه.
سهم بابتسامه : خلك مني وينك الحين.
سمو بابتسامه : رايحه للجامعه.
سهم بابتسامه : اذا رجعتي ودياك بسالفه.
سمو : طيب خيو، يالله سيو.
سهم : الله وياك.
غلقت سمو من سهم ونست تسأله رقم منو الي متصل.
بعد وقت وصلو ل المول وكان فيه عيون مراقبتهم من اول.
قعدو يفرفرو شوي لانو بعد فيه وقت ؏الجامعه وكانت الساعه 7:22 ص.
خلصت سمو واخذت الاغراض الي ودها فيهم وخبرت البنات انو راح تسبقهم ؏السياره.
اخذت المفتاح من ديم لانو راج راح لدورة المياه وانتو بكرامه، وخبرهم انو راح يفطر لين ما يخلصو.
فتحت الباب ودخلت السياره وغلقت الباب وقعدت تطقطق بتلفونها وما حست الا وباب السواق ينفتح.
رمت المفتاح ل السواق بدون ما ترفع عينها ؏التلفون.
سمو بانسجام : راج شغل السياره البنات الحين بيوصلو.
اخذ المفتاح وشغل السياره وحرك.
رفعت سمو راسها له بخوف اول ما شافت السياره تتحرك بسرعه جنونيه وتبعد عن المول.
تذكرت سمو كل القصص المرعبه عن السواقين وعن الخطف الي صار للبنات، وجن جنونها، وايقنت انو هالراج خلاص خاطفها.
سمو بصراخ : وين موديني يا حيوان،رجعني تكفى، تكفى لا تخطفني.
ما سمعت منه اي رد.
بدات سمو تبكي من الخوف، وراحت شخصيتها القويه بلحظه : تكفى انا ماما مسكين مايسوي شي.
**هههههههه سمو من الخوف قلبت هنديه.
ما اهتم لكلامها وكمل طريقه.
انهارت سمو من الخوف وقعدت تبكي وتصارخ فيه، قررت ما تكون صيده سهله، واذا السالفه فيها خطف تموت احسن، نطت لبين مقعد السواق والي جنبه ومسكت الدركسون وبدات تحركه.
قعدت السياره تلف يمين ويسار ودعس السواق فرامل ووقف على جنب، طفا السياره وما حس الا وسمو تمسكه من شعره وبعدها مو مركزه بوجهه.
سمو بصراخ : اذبحك واموت ولا تكسر ظهر ابوي فيني.
مسك يدينها الي ماسكه شعره ودفها لورا بغضب، وارخا مقعده والتفت يناظرها.
انصدمت سمو من الي شافته، ذا مو راج، لا هذا شخص خاطفها بس انما ايه، جمال فوق الطبيعي، رجال طول بعرض وجماله يشلع القلب، ما قدرت تنزل عيونها من وسامته، عيونه نظراته شعره عظلاته انفه حواجبه او تفاحة ادم الي زينت رقبته، ملامحه حده وثقل، وواضح عليه الهيبه.
ـــــــــــــــ بغضب : اقعدي مكانك قبل ابتلي فيك.
صحيت سمو من فهاوتها على صوت صراخه.
سمو بخوف : انت مين ووش تبي مني.
عدل قعدته وناظرها بسخريه : انا مهاب عزام، ووش ابي منك ابيك توافقي او راح تشوفي وجهي الثاني، مو مهاب عزام الي ينرفض يا بنت عبد العزيز، صارت لننا صدفتين من قبل وساقتها الاقدار، بس هالمرا مو صدفه زي الي قبلها، راح تردي اليوم بالموافقه.
سمو بصراخ : تخسي ماراح اوافق .
طلع مهاب تلفونه ورماه لها : على ما اضن شفتي اخوك سهم اشلون كلمك من رقم مجهول من شوي، وذا ماكان صدفه، انا امرت ياخذو تلفونه ويرجعوه له، وذا شي بسيط، وشوفي اخوك سند الي بغرفة العمليات، وفيه نيرس معاهم من ضمن طاق التمريض تبعه، وتخيلي لمن تكون نيرس غريبه وتسوي خطا طبي بدون ما احد يحس بعمليه لجراح مشهور زي اخوك.
اخذت سمو التلفون بيد مرتجفه وشافت النيرس الي قاعده تصور لمهاب العمليه وبيدها مشرط بدون ما احد يحس عليها وسند امامها مكمل الجراحه ومو شايفه الا بطن المريض الي قاعد يسوي له العمليه.
كمل مهاب : اممم انا افكر اضر ابوك والغي صفقته مع شركة جدي، وعاد تدري بابوك اش كثر يحب الشغل، وما ننسنا سهيل الي تعب بعد عشان يرجع الشركه تتصدر قمم السوق، ومشاري الي قاعد يكرف ليل نهار عشان يلاحق على حسابات الشركه، اممم او شرايك اخلي اخوك نايف يطيح بشله تخليه يروح بستين داهيه، ولا خلنا من اخوك نايف شرايك ببنت عمك ريم، سمعت انو تحب اولادها حيل وبرضو تحب ضياء حيل واكيد راح تموت لو صار وطلقها ضياء واخذ حضانة الاطفال، بذات انو هم بتركياء الحين، واكيد ماراح يكون صعب عليه يرميها وياخذ اولاده.
انصدمت سمو من هول الي قاعده تسمعه، مين هذا وليه يبي يدمر حياتها وحياة اهله وكل الي تحبهم.
سمو بدموع : الله ياخذك يا حيوان، وش تبغا باهلي انا ما ابغاك انت ما تفهم ما ابغاك.
مهاب ببرود : طيب.
سحب تلفونه من يدين سمو ورن على النيرس.
مهاب ببرود : نفذي الي قلت لك عنه.
النيرس : ابشر.
خافت سمو على سند وما قدرت تفضل سعادتها على تعاست سند واهلها.
سمو ببكى : لا لا تكفى لا.
مهاب ببرود : قلتي شي.
سمو ببكى : خلاص راح اسوي الي تبغا مني بس تكفى لا تسوي شي، لا تدمر سند.
مهاب ببرود : يالله زي الشطوره رني لابوك وخبريه بردك.
اخذت سمو تلفونها بيدين مرتجفه ورنت على ابوها وبعد كم رنه رد.
ابو سند : هلا يبه.
حاولت سمو ما تبين البكى بصوتها : بابا انا انا موافقه.
ابو سند باستغراب : موافقه على وش.
سمو : موافقه على الي متقدم لي.
ابو سند باستغراب : مو تو اليوم قلتي انو صليتي وما ارتحتي.
سمو بدموع صامته : كنت مشتته وقررت ارفض رغم انو ارتحت.
ابو سند بفرحه : الله يوفقك يبه، عاد مهاب رجال زين وان شاء الله يصونك.
سمو بدموع صامته : بابا انا مشغوله الحين باي.
ابو سند بابتسامه : الله وياك يبه.
غلقت سمو من ابوها وناظرت مهاب : خلاص سويت الي تبيه، خل النيرس تبعد عن سند، ورجعني للمول.
مهاب ببرود : لو فكرتي تلعبي بذيلك راح تكون العواقب وخيمه يابنت *وبسخريه *عبد العزيز.
رن مهاب ل النيرس وخبرها تتراجع.
حرك مهاب ورجع السياره مكانها امام المول ونزل منها وراح لراج الي عطاه كم ريال وطلب منه يستناه لين ما ياخذ خطيبته، وطبعآ راج صدقه لانو فكره خطيب سمو من جد.
قعدت سمو تبكي بالسياره وبعدها خايفه من مهاب ولا تدري وش يبي منها بالضبط.
شافت البنات جايين وبسرعه عدلت نقابها ومسحت دموعها وتحمحمت عشان تشيل نبرة البكى من صوتها.
دخلو البنات
ديم بابتسامه : ياي ما ودي اطلع من هالمول، اعشق شي اسمه شوبنق، ياليت الجامعه عباره عن مول، كان كل يوم اروح لها بفرح.
سديم بسخريه : اي شوبنق يا حظنا كلها كم شغله بسيطه للجامعه،يوم الخميس باذن لله لازمنا طلعه نسوي شوبنق يرد الروح من جد*ناظرت سمو *صح كلامي يا سمو.
سمو ببحه : صح، المهم بنات ممكن نروح تاخرنا وانا بدات اصدع.
ديم باستغراب : انتي بخير اشفيهم عيونك محمرين، وصوتك بعد.
سمو بغصه : يمكن اخذت برد وصابني زكام.
سديم : تبغين نروح المستشفى.
سمو بهدوء : لا خل نروح الجامعه.
دخل راج ورحك وتوجهم للجامعه.
ناظر ل السياره وهي تتحرك وبدا خاطره يلين، وحس بانو الشي الي كان مخطط له صار مثل ما يبي.
رن تلفونه وكان جده.
مهاب : هلا يبه.
ابو عزام بنرفزه : وش انت مسوي يا مهاب، ليه رجعو يوافقو فجأه.
مهاب بهدوء : مافي مبروك.
ابو عزام بنرفزه : لو ادري بس وش الي براسك يا ولد عزام.
مهاب بهدوء : مافي براسي شي، وراي شغل اشوفك بعدين.
غلق مهاب التلفون وراح لسيارته وتوجه للمقر.
شركة الزاهد
ــــــــــــــــــــــ
غلق من مهاب وهو معصب .
ابو عزام بعصبيه : الله اعلم وش الي براسك يا مهاب، يا خوفي تاخذ هالبنت بذنب مو لها.
تنهد بضيق وخاف لا يسوي مهاب نفس سوات ابوه، بعدها يقعد بحسرته ويموت من قهره.
ابو عزام بضيق : ترمي روحك بالنار يا مهاب، وما معاك مويه تطفيها.
شقة سهم
ـــــــــــــــــ
دخل الشقه بعدما طق الباب وفتحت له غادة، ترك الباب مفتوح ودخل.
ناظرته غاده وشافت بيده ملف وملامح الفرح واضحه عليه.
غاده بابتسامه : خير اللهم اجعله خير.
سهم بابتسامه : وينها تيما.
غاده بابتسامه : هذي هي بالغرفه، هاه بشر فيه تطورات.
سهم بابتسامه : ادري تاخرت عليكم، واختفيت عقب تعب سمو بس توصلت لاشياء مفيده.
غاده : اقعد وانا راح اروح اناديها.
راحت غاده تنادي تيما بينما سهم قعد على الكنبه وشاف فيه كوب قهوه ؏الطاوله اخذه وبدا يشرب منها بتلذذ.
طلعت تيما من الغرفه وراحت له وقعدت على الكنبه المقابله له.
ناظرها سهم وخفق قلبها بقوه، غاب 10 ايام ويحس بالشوق كل لحظه يجره.
ناظرته تيما وما كانت اقله منه بشوقها، ما تدري ليه تحس بحياتها كلها صارت مليانه فراغ عقب ما اختفى بدون ما يعطيهم خبر.
ناظرتهم غاده وابتسمت، هي متاكده انو طاحو بحب بعض بدون ما يحسو، ناظرت للكوب الي يشرب منه سهم وكان كوب تيما الي كانت تشرب منه، وتركته لمن سمعت صوت الباب وراحت تلبسه عبايتها وشيلتها.
غاده بابتسامه : احم احم، سهم وش الي كنت تبغا تقوله.
تحمحم سهم يستعيد ثباته : احم ايه كنت جاي اقلكم انو باذن لله بالجلسه الجايه تيما راح تطلع برائه لانو قدمت ادله ل النيابه وهالادله قعدت المهم طول فترة غيابي، والحمد لله توصلت لادله قويه، والاهم انو الشغاله وافقت تروح معاي ل النيابه في جلسة اعتراف تحت الستار، وما احد راح يعرف بالي راح تقوله، وعشان كذا هي خبرتهم ان تيما مو هي الي قتلت مربيتها، والمربيه كانت مقتوله قبل ما تنزل تيما من غرفتها وكانت شبه مغيبه عن الوعيد، وذا يعني انو فيه احد خدرها واصبحت غير مدركه للواقع، وسبب لها نسيان للي صار، والي سوى الجريمه واضح يبي يورط تيما، والمجرم الحقيقي هو شخص من جوات البيت، والي يثبت هالكلام انو الشغاله سمعت صوت ضربه،والي كانت ناتجه عن المربيه لمن طاحت بالارض، وبعدها شافت تيما وهي نازله، والبيت كان مغلق والشبابيك بعد، الي سوى الجريمه هو الي عطا تيما السكين الي كانت ملطخه بالدم، وتيما بعد الابره الي عطوها ياها مو قادره تتذكر منو الي عطاها السكين، او منو الي ضربها بالابره.
غاده بفرح : يعني تيما باذن لله راح تطلع برائه وراح ترجع حره زي قبل.
سهم بابتسامه : ان شاء الله.
تبما بابتسامه : يعني راح ارجع للبيت.
سهم بهدوء : لا.
غاده باستغراب : ليه.
سهم بهدوء : انا قلت لكم انو بعد المجرم بالبيت، والمجرم هو احد افراد العائله، وهو امها او اخوها فهد او اخوها فيصل واحد من هالثلاثه هو المجرم.
تيما بصدمه : مستحيل، اهلي مستحيل يسووها.
سهم برفع حاجب : اهلك؟ الي اعرفه انو امك مو امك وتكون حرمة ابوك، وفيصل يكون اخوك من الاب وفهد هو اخوك الي من امك وابوك بس، فوش الي يمنع ما يكون القاتل زوجة ابوك او ولدها، او حتى يمكن يكون اخوك، الاحتمالات جايزه، بس اخوك استثنيناه لانو هو الي اساسآ طلب مني اخذ قضيتك واطلعك براءه.
غاده بشك : بس اشلون فيه احد يستخده ابره محضوره زي ذي، هذي زيها زي المخدرات ممنوعه،ولو صار وصادروها من اي مستشفى او اي صيدليه راح يتحاكم بايعها.
تيما بتفكير : اذكر فيه دكتور كان يجينا للبيت وكان اخوي فيصل يمرض كل فتره وهالدكتور يجي ويعطيه ابر تخليه غريب، وبعدها يرجع كويس، لانو اخوي كان عنده انفصام بالشخصيه، بس من سنه تقريبآ ماصار يجيه هالانفصام.
سهم بشك : ووينه هالدكتور؟
تيما : اختفى بعدما طاب فيصل وما عاد شفناه.
غاده بتفكير : اخوك كان يتلقى هالعلاج علني او من تحت لتحت.
تيما : لا ماكان فيه احد يعرف عن علاجه، انا اكتشفت هالشي بالصدفه.
سهم بشك : وفيه احد شافك.
تيما بتفكير : لا ما اضن لانو كانو الكل مشغوليه بذيك الفتره، وانا بعد كنت راح اخبر بابا بس طلعت له سفريه فجأه وبعدها معاد رجع بسبب الصفقه الي بكندا.
ناظر سهم لغاده الي فهمت نظراته.
غاده : اكيد انو فيصل او امه الي سوو بالمربيه كذا.
سهم : لانو فيصل عنده انفصام بالشخصيه واكيد لو شافها حيفكر انو راح تفضح سره او قاعده تتشفق عليه، او خل نقول امه خافت على سمعة ولدها لانو انفصام الشخصيه يعد من انواع الجنون، وعاد معرف على الحريم اشلون مجنونات من هالكلام وهالشغلات، فاكيد قررت تقتل المربيه تبعك وتلفق التهمه لك، لانو اكيد شكت فيك.
تيما بتفكير : لا لا ما احد شك فيني، انا مو متذكره وش الي صار بالضبط بس بيوم سمعت فيصل يصارخ ؏المربيه بس ماكنت ادري على وش بالضبط، وواضح انو كانت بينهم مشكله كبيره.
سهم : يمكن كانت تعرف حقيقته.
كملت غاده : وهو جن جنونه عليها وذبحها .
سهم : اههه راسي صدع، انا راح اضيف المعلومات الي عرفناها للملف وراح اناقشها مع النيابه.
غاده : بتروح بيت اهلك.
سهم بتعب : لا بروح للفندق بعد ساعه معاي محاكمه .
غاده باستغراب : وليه الفندق ريح بالشقه انا وتيما طالعين تقدر تاخذ راحتك.
سهم بتعب : مافي طلعه، النيابه خبرت الشرطه انو بعدها بالمستشفى ، ولو عرفو بيرموها بالسجن، يالله سلام.
طلع سهم وترك غاده وتيما.
تيما بفشله : يا فشلتي الرجال تعب معاي، ولا فوق هذا كله قاعده بشقته.
غاده بابتسامه : لا تتفشلي هذا هو سهم كريم طول عمره.
ناظرتها تيما بغيره.
غاده بغمزه : اشفيك لا يكون غرتي.
تيما بنرفزه : اغار وليه ان شاء الله.
غاده بابتسامه : اشوى حسبت.
قعدت تيما تقضم شفايفها بتوتر، صار واضح عليها غيرتها ل الدرجه ذي، ابوك يا الحب الي يخلي من الخفى مكشوف.
قصر ابو عزام
ـــــــــــــــــــــــ
قاعده مع هنادي يفطرو.
هنادي بابتسامه : وينه مهابي ماله حس اليوم.
الهنوف بنفسها : مهابك مادرا عن هوا دارك، اه بس لو تدري بالي سواه مهاب *ناظرت هنادي نظره طويله *لو ياخذك ازين من هذيك المايعه، صح مايعه بس ياعليها جمال وشعر اف بس.
اشرت هنادي امام عيونها : هيه الهنوف وين رحتي.
الهنوف : هاه معاك وش قلتي.
هنادي بسخرية : واضح انو معاي.
الهنوف بضيق : بتقولي او خلنا ساكتين احسن.
هنادي بملل : بقول بقول يا شينك لا صرتي نفسيه، قاعده اسألك عن مهابي.
فكرت شوي الهنوف وبعدها قالت.
الهنوف بخبث : هنادي مو انتي تبغين مهاب.
هنادي بملل : وش الجديد من زمان ابغاه.
الهنوف بخبث : والي يقربك منه عشان تاخذيه لك.
هنادي بفرح : له الي يبي.
الهنوف بخبث : لو سويتي الي راح اقول لك عليه وعد راح تكوني حرمة مهاب باقرب وقت.
هنادي بحماس : قولي يزين العمه الي تلم قلوب المحبين.
الهنوف بخبث : اسمعي
.............................................................................................................................................................................................. وبدات تقول لها على خطه ما تدخل عقل ابليس.
فرحت هنادي وقررت تنفذ خطتها.
مستشفى العالي
ـــــــــــــــــــــــــ
طلع سند من غرفة العمليات بعدما كان يسوي عمليه تجريبيه ل الدكاتره المتدربين عنده عشان يشوفو كيف يخلصو العمليه بكل سلاسه.
ناظرته النيرس الي اتصل عليها مهاب الي تكون ساره ومو نيرس زي مو باين ذي دكتوره مع سند وما كانو بعمليه حقيقيه وذي مجرد عمليه تجريبيه على مجسم طبي.
قعدت تفكر وش قصة مهاب، وليه طلب منها تسوي كذا، يا ترا فيه شي هو مخبيه عنها، ولو فيه شي ياترا وشو.
فيلا ابو صقر
ــــــــــــــــــــــ
دخل الفيلا وخلفه حرمته صبا، اول ماشافتها امه انقلبت ملامحها، وبانت عليها الضيقه وعدم الترحيب لوجودها.
مسكت يد صقر وهمست له.
صبا بضيق : اشفيها امك قاعده تناظرني كذا.
ما رد عليها وشد يدها من يدها وتركها وراح لامه يسلم عليها، وسلمت عليه بزعل.
راحت لامه وسلمت عليها بدون نفس.
قعدو بالصاله ونادت ام صقر الشغاله توديه القهوه لصقر وحرمته.
توجهت ل الدرج وكانت ماشيه ورايحه جناحها.
صقر بضيق : مب قاعده معاي يمه.
ام صقر ببرود : مكان فيه هالحيه مالي قعده فيه.
صقر بضيق : يمه انا مسافر وصبا راح تقعد عندكم يومين لانو مافيها تقعد بالبيت عشان فيه اصلاحات .
ام صقر بعصبيه : مستحيل، خذ لها فندق او شقه او اي مكان بعيد عن بيتي، هالحيه بالذات مستحيل اقعدها معاي بنفس البيت.
وقف صقر وراح لامه وشدها على جنب.
صقر بتعب : يمه تكفون خفو من عليه حمو، تعبت منكم ومنها، وراي شغل يمه ومقدر اتركه، ومقدر اتركها بالبيت مع العاملين.
ام صقر بغضب : انا قلت الي عندي.
دخل ابو صقر على كلامهم : روح يا صقر وخلص اشغالك يبه وحرمتك راح تقعد هني.
ام صقر بغضب : وش الي قاعد تقوله يا ابو صقر، انا مستحيل اسمح لهالحيه تقعد ببيتي.
ابو صقر بهدوء : اذا وصلت طمني عنك.
راح صقر لابوه وباس راسه وشكره، لانو هون عليه حمول ماهو بقدها.
طلع صقر من الفيلا واخذ سيارته وراح.
ام صقر بغضب : وش الي براسك يابو صقر.
ابو صقر ببرود : ما براسي شي وحرمة ولدك راح تقعد هني لين ما يرجع صقر من سفره.
ابو صقر بعصبيه : ماعند ولدي حرمه، هالحيه التفت حوله لين بخت سمه وتمكنت منه، مستحيل تكون حرمة ولدي.
ابو صقر ببرود : انا قاعد اخبرك بقعدتها مو قاعد استشيرك يا ام صقر.
خلص كلامه ومشي رايح ل صبا.
وقفت صبا اول ما شافته عشان تسلم عليه.
سلم عليها ابو صقر بدون نفس وراح ياخذ ملفات الشركه الي نسيهم.
صبا بنفسها : بلا فشكلكم، وشهالناس المريضه، انا بليت روحي برجال مو معبرني، واهله مب طايقيني، بس هانت دام دخلت لشي ماني طالعه لين انوله.
بيت ام صارم
ــــــــــــــــــــــ
قاعده تسولف مع صارم الي كان قاعد يشوف مهاب الي تعبان بالبيت، وعشان كذا وما قدر يروح المقر ويتركه مع امه تبتلش فيه.
ناظرته امه وشافته اشلون مهتم لفارس ودانه وقاعد يمرض مهاب، حن قلبها عليه وقررت تفاتحه بموضوع الزواج.
ام صارم بحنان : صارم يمه.
ناظرها صارم : سمي ياقلب صارم.
ام صارم بحنان : ما ودك افرح فيك.
صارم بهدوء : غلقنا هالسالفه يمه من زمان.
ام صارم بحنان : تكفى يمه خفف هالحمل من على كتوفي واعرس، عندي لك بنيه تشلع القلب من حلاها، وبنت تحب اولادك وما راح تاذيك فيهم.
صارم بهدوء : يمه لا تعلقي روحك بوهم انا مستحيل اتزوج عقب ام مهاب.
ام صارم بحنان : تكفى يا ولدي فرح قلبي فيك، صدقني ماراح تلاقي بنت اكثر من سمو مناسبه لك.
صارم باستغراب : وش جاب طاري سمو.
ام صارم بحنان : سمو البنت الي ودي فيها لك.
صارم بابتسامه : يمه وش الي تفكري فيه، سمو بحياتي ما فكرت فيها اكثر من اخت، وبعدين ترا اول امس كانت خطبتها ولو صار فيه نصيب بتصير الملكه عقب يومين.
ام صارم بقهر : حسافه كان ودي فيها لك.
صارم بابتسامه : يمه وش الي كان ودك فيها لي، سمو صغيره علي بالحيل، ومستحيل افكر فيها كزوجه، انا اشوفها اختي الصغيره وبمقام بنتي .
ام صارم بقهر : البنت راحت بحال سبيلها، ما قول غير الله يهنيها.
ناظرها صارم وابتسم، يدري انو امه تبي تزوجه سمو لانو تحبها وتدري راح تخاف الله باولاده وتصير لهم الام، بس هو مو غبي عشان ياخذ بزره تكون ام لاولاده، سمو بكبرها بزره وما يصير ياخذ بزره تربي بزارينه، وذي بحالها جنون العظمه لو سواها، ويحمد الله انو سمو انخطبت والله ما كتب نصيب او كان امه قعدت تزن فوق راسه لين ما يوافق ويخطب سمو.
شركة الكايد
ــــــــــــــــــــــ
اخذ الاوراق المهمه وارسل رساله وبعدها طلع من الشركه قبل تروح عليه الطياره.
•• تركيا ••
طلعت للحديقه والثلج قاعد يتنازل عليها ومو مهتمه لبرودة الجو.
راح لها وغطاها بالجاكيت قبل تاخذ برد.
ضياء بابتسامه : وين سرحان الحلو.
ريم بسرحان : مو سرحانه بس شردت شوي.
ضياء بابتسامه : يالله حياتي خل ندخل قبل تمرضي.
ريم بضيق : خل اقعد احس بنار شابه بصدري، وبرودة الثلج عيت تطفيها.
ضياء بحنان : هاتي كل ما بقلبك من حزن واهات، واعطيك كل ما بقلبي من فرح.
ناظرته ريم وضمها، طاحت دموعها 5 سنوات يا ناس وعجزت تحبه رغم كل الحب الي مغرقها فيه ضياء الا ان قلبها عجز ينساه، عجز ينسى الي له من سنين غايب وما سأل عنها.
(( وصلنا لنهاية البارت ))
//توقعاتكم //
الاخ شرير مختفي وين؟
تتوقعو يخطط لشي يدمر ابطالنا ؟
وش قصة صبا، وليه ام صقر تقول عنها حيه ؟
ليه صقر تزوجها وهل فيه سر خلف هالزواج ؟
سمو خلاص استسلمت امام تهديدات مهاب وخلاص ملكتها بعد يومين ؟
مهاب نال مبتغاه وخلاص راح يكسر جناح سمو ؟
سهم راح يظهر برائة تيما باخر جلسه ؟
تتوقعو يكون لحبهم نصيب ؟
مين تتوقعو القاتل الحقيقي ؟
فيصل او فهد او ام فيصل ؟
وش الخطه الي قالتها الهنوف لهنادي ؟
تتوقعو هنادي تسوي الخطه وتنجح ؟
وهل الخطه راح تضر بطلتنا ؟
وش الشي الي دخلت صبا لعائلة الكايد عشانه؟
ام صارم راح تنجح باقناع صارم يتزوج ؟
ولو صار واقتنع تتوقعو مين راح تكون زوجته ؟
ريم ليه ما تحب ضياء، ومين الي بقلبها ؟
شاركوني توقعاتكم الحلوه يحلوين