الفصل 6
_ *ࢪواية :«يا غرام الحب يا سمو المهاب.*».
*– الباࢪت«6» :*
*– الڪَاتبه : غزال شعريه .*
ــــــــــــــــــــــــــــــــــــــــــــــــ
مالڪَه القناه: دﻣو؏ اﻟياﻓعي
باشراف:عَمــق
```https://whatsapp.com/channel/0029Vb7lSji9Gv7XgD5aiV2Q```
تم مشاࢪڪة الࢪوايةة من قناة افخم الروايات السعودية 🌷🌷
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*____________*
~قرائه ممتعه~
سؤال وقع علي فاخافني.
اين الجمال، واين المال، واين الون، واين النسب، اين اللغات واين الجاه والرتب؟
اين الثراء، والاموال المكنوزه؟
اين التكبر، واين اللهو والطرب؟
اين كل هذا، اين الفناء الذي افنيت عمرك لاجله؟
فصدمت من الاجابه!
﴿انَّكَ مَيَّتُ وَإِنَّهُم مَّيَّتُونَ﴾
لا اله الا الله، ما الذي غرنا واغرانا، ونحن الى قبرً وتراب، وضيق لا يتسع شبرٰ، اين كل ما افنينا عمرنا لاجله؟
فعلت وفعلت وفعلت، ولكن لم افعل شيءً يجعل لي القبر متسع، ولم افعل شيءً يجعل لي طريق الى الجنه، فماذا فعلت؟
هل ما فعلت في دنياء سينفعني؟
لا والله لا ينفعني الا ما قدمت يداي، وما كان من عمل صالحً قمت به، ف يالله لا تجعلني ممكن نسو الله فانساهم انفسهم.
ــــــــــــــــــــــــ
مسك سند روحه قبل يطيح اول ما دف الباب بكتفه وانفتح.
فتح الباب بعدما سمع صوت الطيحه.
ناظر لسمو الي طايحه بالارض وماسكه انفها ويدينها مليانه دم، وعيونها مليانه دموع.
راح لها بسرعه وقعد يمها.
سند بخوف : انتي بخير.
حاول يبعد يدينها عشان يشوف لو انكسر انفها بس هي رفضت.
صرخ فيها سند : سمووو بعدي يدينك اشوف.
ارخت سمو يدينها وتركته يشوف انفها.
رفعت انظارها وناظرت الباب وشافت الكل واقف ويناظروها بخوف، وواضح عليهم القلق، وبذات ام سند الي راحت لها وقعدت يمها وصارت تسمي عليها وتطمن عليها.
تمركز نظرها على الي واقف ويناظرها بجمود، وبلعت غصتها، واضح عليه الغضب وعدم الاهتمام، وذا الي عور قلبها.
ابتسمت على حالها، اشلون صارت تتاثر من معاملة ابوها، وصارت حساسه، مع انو ماكانت كذا وما كانت تهتم لاي شي.
قعد سند يتفقد خشمها وتطمن انو ما انكسر، مسك راس سمو ونزله لتحت عشان ينزل الدم الفاسد.
طاحت دمعت سمو اول ما حنت راسها، وحست بضيق شديد راودها اول ما حست بحضن دافي احتواها.
رغم غضبه منها وقهره من تصرفاتها الا ان قلبه ما قوي يشوفها طايحه بالارض وتتالم وما يحتويها.
ضمها لصدره واخذ الكلينكس من ام سهيل وحطه على انف سمو عشان يوقف النزيف.
ناظر سند ل نايف : نيف قم جيب ثلج بسرعه.
نايف : ابشر.
راح نايف يجيب ثلج بينما سمو استكنت بين يدين ابوها وبدات تبكي بصمت.
حست فيها ام سند وقعدت تطبطب على ظهرها بحنان.
ابو سند بهدوء : بسك بكى، ماصار شي انفك بخير.
مشاري بابتسامه : تخيلي لو انكسر انفك وصار فيه تشوه، ويروح جمالك يا المغروره، وتعنسي ونبتلش فيك .
سهيل بضحكه : هههههههه تخيل ، وما فيه احد يقبلك وتقعدي على قلوبنا.
رفعت سمو راسها بعدما مسحت دموعها.
سمو بغضب : كل تبن انت وياه، وش زيني، انتو الي راح تعنسون عشان الي يشوف وجوهكم الشينه يخاف يعطيكم بناته.
ناظرها ابو سند وهي قاعده تهاوش اخوانها، ناظر خدها وعوره قلبه اول ما شاف التورم الي فيه.
مسح عليه بحنان وباسها من خدها وبعدها رجع يضمها لصدره والدمعه بعينه، شيبت راسه بعنادها، وراح تجيب اجله بشي يوم بسبب تصرفاتها الطايشه، وعدم الامبالاه الي فيها.
ابو سند بغصه : سامحيني يبه، والله ما كنت اقصد بس انتي ما تركتي لي حل.
ما ردت سمو بس دافنه راسها بحضن ابوها.
ام سهيل بابتسامه : حظها بنت الترف، تزعل ويراضيها قلب عبد العزيز.
ناظرتها ام سند وابتسمت لها، عشان قاعده تحاول تلطف الجو.
دخل نايف وبيده كيس ثلج، عطاه سند وبعدها وقف مع سهم الي قاعد يناظر الي صار بكل هدوء.
سند بابتسامه : سمو يالله ارفعي راسك خل احط الثلج، قبل يصير فيه تورم وتفجعي خلق الله بكره بالجامعه.
رفعت سمو راسها وبعدها حاطه الكلينكس على انفها.
سمو بقهر : اشفيكم انت واخوانك قالبين علي، اش دخلكم لو فجعت خلق الله او ابهرتهم *وبغرور * لو انفي كبر وجهي ما يخفي جمالي.
سحبها سند وحط الثلج على انفها وتعورت منه.
سمو باللم : اهه.
سند بابتسامه : شوي ويروح الالم.
ام سند بحنان : اقلقتيني عليك يمه، وش موديك لغرفة امك.
سكتت سمو وما ردت.
ابو سند بهدوء : لي كلام ثاني معاك.
سمو بهدوء : هاذي غرفة ماما لو ناسي، وما فيه احد يقدر يمنعني من دخولها.
ابو سند برفع حاجب : دخولك ل الغرفه كوم، وطلوعك من الجامعه مع خويتك كوم ثاني.
ام سهيل بابتسامه : خلها ترتاح الحين يا ابو سند، واجل كلامك لبعدين.
ناظرتها سمو بغموض بدون ما تنطق بولا حرف.
بعدت سمو الكلينكس عن انفها وبعد الدم ما وقف، اخذت كلينكس ثاني وحطته على انفها.
ناظرها سهم وشاف بلوزتها الي صارت كلها دم ويدينها، وناظر ثوب ابوه ابي ملطخ دم من ناحية صدره لمن ضمها.
راح لها وقعد يمها.
سهم بهدوء : سمو انتي بخير او اوديك المستشفى.
سند بابتسامه : ما يحتاج شوفة عينك هذي هي بخير، والرعاف بسبب الضربه، والحمد لله انفها سليم.
سمو بابتسامه : تطمن انا بخير *ناظرت سند *سند ممكن تعطيني قطن احطه بانفي لين يوقف الدم، ابي اروح اتروش.
سند بابتسامه : ابشري امشي معاي، منها اعطيك قطن ومنها احط لك لصقه للجرح الي بانفك.
وقف سند ووقفت سمو معاه، بس اول ما وقفت حست بدوخه وكانت راح تطيح، بس يدين ابوها مسكتها.
ابو سند بخوف : اسم الله عليك يبه، انتي بخير.
مسكت سمو راسها بتعب ورسمت ابتسامه مزيفه .
سمو بابتسامه : انا بخير، بس دخت شوي.
مسكها سند عشان يشيلها بس هي رفضت لانو تحس روحها بخير، والدوخه الي صابتها بسبب الضربه فقط لا غير.
طلعت سمو مع سند وسهم، وطلع الكل بعدهم الا ابو سند قعد يناظر الغرفه بحزن وبعدها غلق الباب وطلع.
بعد 27 دقيقه وقف الدم وصارت سمو احسن، بعدما حط لها سند لصقة جروح بانفها، وعطاها عصير برتقال عشان تستعيد نشاطها.
راحت غرفتها واخذت شور ولمن طلعت جففت شعرها وبعدها غيرت ولبست بجامه حرير لون كموني، كم طويل ونزلت ل الدور الاول وراحت لهم.
اشر لها ابوها تروح له، وبالفعل راحت له، وسحبها وقعدها يمه وباس راسها.
وقعد يتعذر منها على الكف وعلى صراخه عليها.
ناظر نايف لمشاري وسهم وسهيل الي كانو قاعدين يمه.
نايف بابتسامه : بلله شوفو اشلون ابوي قلب، ولا كانه الشخص الي قبل ساعه،لو احنا الي غلطنا ما يلقمنا كف بس، الا يتوطا ببطوننا، ولو ضربنا ما يتعذر، وشوف اشلون قاعد يداري خاطر سمو ويراضيها.
مشاري بابتسامه : صرت اغار منها والله.
نايف بابتسامه قهر : تصدقو باوقات ودي اذبح سمو عشان اخذت كل الحب لها، صح ابوي يحبنا بس مو زي حبه لسمو، تخيلو لو ماكانت سمو موجوده، كان صار الحب كله لي عشاني اصغر واحد فيكم.
سهم برفع حاجب : وش هالكلام، وبعدين تغارو من بنت انت وياه.
التفت لهم سهيل بعدما كان يناظر لابوه وسمو وام سند الي قاعده يمها وتبوسها، وام سهيل الي اخذت الاكل من الشغاله وحطته امامها.
سهيل بابتسامه : اقول يا سهم لا تلومهم، شوف امي وامك اشلون محتوياتها من جهه، وابوي من جهه ثاني، انا ما اغار منها، بس دايمآ اقول، الله لا يحرمنا منها، عز الله لو صار لها شي لنضيع من بعدها، هي صح شقيه وعصبيه ولسانها اطول منها، بس مهما صار تبقى سمو الي تطلع لنا مفاتيح السيارات بدون علم ابوي، والي تطلب لنا مصروف اضافي، والي تعشينا ؏حسابها، والي تودينا المول وتسحب كل فلوسنا على شغلات تافهه،شي واحد ما اقدر اتخيله، وهو البيت عقب ما تروح بيت رجلها.
سهم بابتسامه : قلت الكلام الي كان بخاطري اقوله.
ناظرتهم سمو بنص عين : مدري ليه احسكم تتكلمو عني.
مشاري بابتسامه : جنيه انتي شعرفك.
سمو بابتسامه واثقه : عشان انا محور الكون، واكيد راح تتكلمو عني.
سند بابتسامه : خفي علينا من الثقه، اخاف يطيح السقف من ثقله.
اعتدلت سمو بقعدته وتكلمت بجديه.
سمو بجديه : احم سند عقب المغرب ابيك توديني اشوف فارس.
سند برفع حاجب : وش الي طرالك؟ مو من اسبوع وديتك له.
سمو برفع حاجب : وليه لازم اخذ مواعيد او اوقات محدده عشان اشوفه،وبعدين من وقت عن خالتي ام صارم،وودي اشوفها.
ابو سند بهدوء : ودها يا سند بس لا تتوخرون.
ام سند بشوق : تكفى يا سند جيبه وخل يبات عندنا، والله اشتقت له.
سند بهدوء : مقدر اجيبه يمه، انتي تدري بتعلق خالتي ام صارم فيه، ولو اخذته راح تزعل، متى ما بغيتي تشوفيه بوديك له، وان كانت تبيه يبات عندنا راح اجيبه لك الجمعه، عشان فيه عزيمه عند خالتي ام صارم وراح تنشغل عنه.
ناظرت سمو ابوها بابتسامه : بابا تكفى خل ابات عند خالتي ام صارم ، ووعد اسوي الي انت تبيه.
ابو سند برفض : تستهبلين انتي مستحيل اخليك تباتي، صارم بالبيت وعيب تقعدي ببيت فيه رجال.
سمو برجاء : بابا تكفى، صارم اكيد راح يبات بالقسم .
ابو سند بهدوء : قلت لا يعني لا.
ام سهيل بهدوء : سمو ترا صرتي كبيره، وما يصير تروحي لبيت صارم، صح نيتك ونيته شريفه بس كلام الناس ما يرحم.
ابو سند بهدوء : كلام امك صحيح، صارم زي ولدي وتربيتي بس ما يصير تروحي لهم كثير .
سمو بهدوء : بابا انت تدري انو ما اشوف صارم ولا بحياتي سلمت عليه او صادفته، وانا احترمه فقط لا غير، واشوفه زي سند و.
قاطعها ابو سند : خذيها من الاخر،روحي شوفي فارس مع سند والساعه 9 الاقيك بالبيت، وكلامي واضح ماراح اعيده.
خلص كلامه وطلع رايح المسجد بعدما تعالى صوت الاذان بالمساجد.
وقف سند : عقب الصلاه راح اجي اخذك، لو اجيت وحصلتك قاعده زي كل مرا، صدقيني راح اروح بدون ما اخذك.
وقفت سمو بابتسامه : ابشر.
بيت ام صارم
ــــــــــــــــــــــ
الساعه 6:35 م
قاعده بالمطبخ تشرف ؏الشغاله.
ام صارم بابتسامه : استعجلي يا اميمه.
اميمه بابتسامه : كلو جاهز ماما، بس يسوي سفرا.
ام صارم بابتسامه : الله يعطك العافيه، اجل لا اوصيك، اذا وصل صارم اغرفي الاكل ووديه للمجلس.
اميمه بابتسامه : ابسر ماما.
طلعت ام صارم من المطبخ واول ما طلعت وتوجهت ل الصاله، رن الجرس، ناظرت اميمه الي مشغوله بتزيين السلطه، قررت تروح تشوف مين الي؏الباب.
راحت لباب البيت وفتحته وشافت سمو.
ام صارم بفرح : هلا والله ببنيتي، هلا بروحي هلا.
ضمتها سمو وباست راسها .
سمو بابتسامه : كيفك يا خاله.
ام صارم بابتسامه : اشلون ما اكون بخير عقب شوفتك، ادخلي يمه حياك،*ناظرت خلفها *وينه سند ماوده يدخل.
دخلت سمو وغلقت الباب خلفها.
سمو بابتسامه : اتصلو له من المستشفى واضطر يروح عقب ما وصلني.
ام صارم بابتسامه : اهاه،طيب يمه عطيني عبايتك.
شالت سمو عبايتها ونقابها وعطتهم ام صارم.
كانت سمو لابسه بنطلون ابيض ماسك ؏الجسم، وتيشرت اصفر وبوت اصفر، مسويه شعرها ذيل الحصان.
ام صارم بصدمه : اسم لله عليك اشفيه خشمك وخدك متورمين.
سمو بابتسامه : طحت والحمد لله جات سليمه.
ام صارم بحنان : اسم الله عليك، انتبهي وانتي ماشيه يمه.
سمو بابتسامه : ان شاء الله.
تاملتها ام صارم باعجاب.
ام صارم بابتسامه : ماشاء الله كل مالك تزيدي حلاوه الله يحميك من العين.
سكتت سمو بخجل، وبعدها تكلمت.
سمو بابتسامه : وينه فارس.
ام صارم بابتسامه : قاعد بغرفة الالعاب مع مهاب ودانه.
سمو بحماس : انا رايحه لهم.
مشت سمو تاركه خلفها ام صارم الي مبتسمه على تصرفاتها الطفوليه.
فكرت شوي وقررت تسوي شي وتستشير صارم فيه.
طلعت سمو الدرج وراحت لغرفة الالعاب واول ما فتحت الباب ودخلت صرخت بحماس.
سمو بحمااس : فرووووس مهابي دوااان انا اجيت.
فز مهاب وفارس اول ما شافوها وتركو الالعاب وراحو لها بحماس.
انحنت سمو بطولها وقعدت على ركبها ونط عليها فارس وضمها بقوه وبعدها ضمها مهاب.
ناظرت ل دانه الي ماشه بخطوات متعثره ناحيتها.
باست سمو مهاب من خده بقوه وعلم روجها بخده، وباست فارس وبعدها فتحت يدينها لدانه الي رمت روحها بحضن سمو وقعدت تضحك بطفوله.
ضمتها سمو وباستها من خدودها بقوهه.
سمو بخرفنه : يمممه يزين دواني يمه فديت الخدود.
ضحكت دانه بفرح لمن بدات سمو تحرك راسها ببطن دانه.
مسكت دانه التوكت الي بشعر سمو لمن حنت راسها وقعدت تحرك راسها ببطن دانه.
رفعت سمو راسها وشالت التوكه من شعرها وانسدل لكل نعومه وطاح ؏الارض.
اخذت سمو التوكه وحطتها بشعر دانه الي كان كثيف وطوله لحد رقبتها، بس التوكه كانت كبيره عليها.
سمو بابتسامه : دامها عجبتك والله ما تغلى عليك.
دانه بفرح : مو.
سمو بسعاده : ياقلب سمو وروحها.
دف فارس دانه بغيره.
فارس بغيره : بادي دي امه انا، امه انا.
**بعدي ذي عمتي انا، عمتي انا **
بوزت دانه بغصه وبدات تبكي.
ضمتها سمو وشالتها وبدات تلعبها عشان تهدي، ولمن هديت قعدتها بالارض وتربعت بجلستها ونادت فارس الي صاد عنها بزعل.
سمو بابتسامه : منو يبي حلاوه.
مهاب بابتسامه : انا تبير حلاص ماد اتل حلاوه.
**انا كبير خلاص معاد اكل حلاوه**
مسكته سمو من خدوده : يمامي فديت الكبير انا.
طلعت من شنطتها حلاوه وعطتها دانه الي فرحت وبدات تاكلها بطفوله، وطلعت وحده وعطتها مهاب الي رفض ياخذها بس سمو اصرت عليه واخذها، وبعدها طلعت وحده ثانيه وراحت ناحيت فارس الي واقف يم الباب ويناظرهم بقهر، عشان سمو عطتهم حلاوه قبله.
مسكته سمو من يدينه بس هو نفض يدها بقوه وطلع من الغرفه ونزل الدرج وهو زعلان وعيونه مليانه دموع.
لحقته سمو ونزلت خلفه ولمن وصلت ل الصاله مسكته قبل يروح لجهة مجلس الرجال، وشالته وبدات تدور فيه.
بدا فارس يضحك ويصارخ.
فارس بصراخ وضحك : هههههههه امه نذليني، هههههههه امه حلاص.
**عمه نزليني، عمه خلاص **
ما سمعت له سمو، وكملت تدويرها له، وهي تلعبه وتضحك معاه، وشعرها شاق مسار من البداع ويتناغم مع حركتها وتدويرها، وكانها في بهاء لشعار تتغنا.
تعبت وتعب فارس معاها، وقفت من تدويرها له وقعدت ؏الكنبه وقعدت فارس وهي تضحك وتلهث.
فارس بضحكه : ههههه.
سمو بضحكه : هههههههه شرايك نعودها.
فارس بضحكه : هههههههه حلاص.
ناظر فارس شعرها الي مايل على كتفها وسحبه بطفوله.
فارس بطفوله : امه سعر.
سمو بابتسامه : يا قلب عمه، عجبك.
سحبه فارس بطفوله وعورها من شده لها.
مسكه فارس بيدينه كلهم وشبك يدينه فيه وبدا يتثاوب.
سمو بحنان : نعسان يروحي.
هز فارس راسه بايوا.
حط فارس راسه على فخذ سمو وبدات سمو تلعب بشعره ونام.
ابتسمت سمو على ملامحه الطفوليه الجميله، والي ما كانت الا نسخه مصغره من ملامح سند وهو صغير.
نزلت ام صارم من الدرج وشافت سمو الي قاعد بالصاله وتلعب بشعر فارس.
ام صارم بابتسامه : وش منزلك يمه.
سمو بابتسامه وصوت هامس : اشش لا تطلعي صوت توه ينام.
راحت لها ام صارم وقررت توديه غرفته عشان ينام براحه، ولمن مدت يدينها وكانت راح تاخذه.
سمو بابتسامه : عنك يا خاله انا راح اخذه.
ام صارم بابتسامه : اقعدي والله ما ياخذه غيري، لا يغرك عمري ترا بعدي شباب واقدر اشيله.
اخذته ام صارم واول ما شالته اشتد شعر سمو بقوه.
سمو باللم : اهه.
ناظرت ام صارم لشعر سمو الي بين يدين فارس وشاد عليه بقوه.
رجعت فارس من ثاني وحاولت تحرر شعر سمو من قبضت فارس.
احم احم، يمه انا داخل.
ام صارم بسرعه : عندك يا صارم سمو فيه.
صارم : طيب خل اميمه تودي العشا المجلس.
ام صارم : ابشر.
مجلس الرجال
ــــــــــــــــــــــــ
قاعد بروح وعقله مو معاه، مو قادر يبعد المنظر الي شافه عن باله، مو مصدق انو بعد فيه شعر بالجمال ذا، انفتن وما كانت فتنته الا من طيف لا شفا منه ملامح.
استغفر ربه وحس باستحقار لنفسه، لانو قعد يناظر اهل خويه، نسي انه ببيته ولازم يحترم حرمة البيت.
دخلو الشباب وما حس فيهم، قعد يزن يمه الي سلم وما شاف رد من مهاب.
يزن باستغراب : مهاب.
صحي مهاب من سرحانه : هلا.
يزن باستغراب : اشفيك.
مهاب باستغراب : انا اشفيني.
يزن : اشلون اش فيك وانا من اول اناديك وما تجاوبني.
مهاب بتنهيده : العذر منك، كنت سرحان.
طلال بابتسامه : صارم يدري انو احنا جايين.
مهاب بهدوء : خالتي عازمتنا وش لنا بصارم.
دخل صارم وانصدم لمن شاف الفريق كله هنا.
صارم بصدمه : وش الي جايبكم.
طلال بابتسامه : خالتي عازمتنا ؏العشاء.
صارم بعصبيه : وانتو وراي وراي، لا تركتوني بالشغل ولا تركتوني بالبيت وش الي تبغوه مني يا عالم.
مهاب بهدوء : اقول لا يكثر، روح جيب لي مهاب ودانه.
صارم بعصبيه : ماني جايبهم، اولادي او اولادك ياخي، خلاص اتركوني فحالي .
دخلت ام صارم على كلام مع دانه ومهاب.
ام صارم بابتسامه : لا تشره عليه يمه، تعرف صارم يحب المزح، وحياكم البيت بيتكم.
وقف الشباب وسلمو عليها وهم مبتسمين، يعتبرو ام صارم امهم الثانيه، احن الناس عليهم، والي دائمآ تطبخ لهم وتعزمهم رغم رفض ولدها صارم.
صارم بعصبيه : يمه بلله عليك مين ولدك انا او هم، خلاص هالبيت صار فندق كل من حيا قلط.
ام صارم بابتسامه : معليكم منه هذا هو ما تغير.
ضحكو الشباب على كلامها وعلى ملامح صارم الي تغيرت للون الاحمر بسبب غيضه وعصبيته، امه متى تركته يرتاح منهم، لا بالمقر ولا بالبيت.
طلع مهاب من بوكه 1000 ريال، حط 500 بجيب مهاب، و500 بجيب دانه وبعدها باس مهاب من خده ولمن رفع راسه ناظر لمكان الروج الخفيف الي بخد مهاب بعدما باسته سمو، ناظر لخد دانه وشاف نفس الروج.
ما يدري ليه حس بالغضب.
حاول يتمالك اعصابه واخذ كلينكس ومسح خد مهاب وخدود دانه، ولمن سأله صارم اش فيه، خبره انو وسخو انفسهم بسبب الحلاوه.
اخذت ام صارم الاولاد معاها وطلعت بعدما خبرت صارم يروح للمطبخ وياخذ العشاء،واشرت له انو سمو مو فيه.
ناظر مهاب لصارم بغضب، اشلون يسمح لاخته تبوس اولاده وتترك الروج بخدودهم كذا، تمنا لو انها اخته عشان يتوطا ببطنها.
طبعآ كلكم راح تسألو اشلون مهاب شاف سمو.
مهاب متعود يروح بيت صارم كثير، ولمن دخل البيت كان عطشان، وصارم طلع، وفيه باب من الحوش يودي للمطبخ، نادا الشغاله تجيب له مويه بس كانت بالمستودع تجيب اغراض وما سمعته، نادا ام صارم وخبرته يدخل وانو ما احد حوله، ولمن دخل ام صارم راحت غرفتها تجيب الدخون، وكانت مطمن انو سمو بالغرفه مع الاطفال ومو طالعه، ولمن ام صارم راحت غرفتها سمو نزلت خلف فارس، بنفس الوقت الي مهاب كان قاعد يشرب مويه، والتفت على صوت ضحكات فارس.
ناظر لمصدو الصوت وهنا فهي، اول ما شاف فيه بنت قاعده تلاعب فارس، ولابسه بنطلون ابيض وتيشرت اصفر ، وشعرها مغطي ملامحها ويتماوج مع تدويرها لفارس،وطوله لتحت ردوفها .
طوله وكثافته ونعومته الزايده سحروه، وهو الي ماله عن سحر الشعر وجمال العيون مهرب، ما قدر يشيل عيونه عنها ابد، وحس انو تخدر من المنظر الي قاعد يشوفه.
شي واحد طراله ولسان حاله يقول :
مالها من بين الكل،،،، اشباه
تشبه ريحة الورد الياسمين
شعرها سحر كل عاقل سباه
ولا له عقبها نديم ولا ضمين
عنق الريم سبحان من سواه
وحرير يماري خصرها بكل حين
طيفها وهم ما تلاقي،،،،، دواه
وكان العالم يسار وهوا، يمين
صحي من سرحانه اول ما سمع صوت تغليق باب المستودع، طلع من المطبخ وهو معصب وقعد يضرب يده بغضب، اشلون ما غض النظر، اشلون سمح لنفسه يناظر اهل خويه.
هو يدري انو حرمة صارم ماتت من سنه، وصارم عنده اخت متزوجه، وتسير عليهم بين فتره وحين، واخته ذي الي هي ام فارس والي تكون طلقة سند.
ناظر يزن لمهاب الي ملامحه مقتطبه وواضح عليه الغضب.
يزن باستغراب : مهاب اشفيك اليوم مو على بعضك.
وقف مهاب بهدوء : مافيني شي، انا رايح خبر صارم انو صار لي شغله ومضطر اروح.
طلع مهاب بهدوء وسط استغراب الفريق.
دخل صارم بعد 4 دقائق من طلوع مهاب، وبيده صحون الاكل والشغاله خلفه.
حط الصحون ؏الارض وناظر خوياه وما شاف مهاب.
صارم برفع حاجب : وين راح مهاب.
يزن : صار له شغله مستعجله وطلع.
صارم باستغراب : متاكد انو طلع، ذا مستحيل يفوت اكل امي.
طلال بابتسامه : ابشرك هالمرا فوته، وتصدق خير ما سوى، عطوني حصته بالعشاء.
يزن برفع حاجب : وانت ما تشبع يا طلال، كل وقتك اكل ويا ليتك دب، عصقول.
رقص طلال حواجبه باغاضه ليزن : موت حره، احسن منك.
يزن برفع حاجب : شرايك نرجع للمقر، واخلك تبات فيه وتاخذ دور احد الجنود بالمناوبه.
طلال برفزه وقهر : يخي انت ما تفوت اي فرصه عشان تغثني ، خلاص عرفنا انك القائد، خل نرتاح، لا بوه من يوم الي اخترت فيه فريق الصقر، ياليت قعدت بفريق النسر احسن.
اياد بابتسامه : اقول احمد ربك انك دخلت هالفريق، كل جندي وملازم او رقيب يتمنا يدخل لفريق العقيد مهاب.
طلال بقهر : ما اقصد العقيد، اقصد الرقيب يزن كرهني بام الفريق.
خالد بابتسامه : اقول خل عنكم الكلام ويالله خل ناكل، انا مرا جوعان.
وقف الشباب وقعدو بالارض وبداو ياكلو.
قعد صارم معاهم وحاز بخاطره طلعت مهاب، وخايف يكون زعل منه، لانو ما يحب الشباب يجو بيته لانو امه حرمه كبيره ومو خرج كرف، بس هي الله يهديها مصره الا تعزم الشباب وهو ما يبي يتعبها.
فيلا ابو ضياء
ــــــــــــــــــــــ
قاعد بالصاله يناظر الTV ويشوف الاخبار مع حرمته.
دخل ضاري وقعد ؏الكنبه بدون ما يسلم زي العاده.
ابو ضياء بعصبيه : داخل على يهودي انت، ورا ما تسلم.
ضاري بعدم اهتمام : السلام.
ابو ضياء بعصبيه : كمل سلامك يا ضاري، او والله بالعقال ؏ظهرك.
ضاري بعدم مبالاه : قلنا سلام يبه، وش تبي بعد.
ناظره ابوه بنظره ناريه ارعبته.
ضاري : السلام عليكم.
ام ضاري بابتسامه : وعليكم السلام يمه، جوعان احط لك اكل،اكيد جاي من الشركه وتعبان .
ابو ضياء بعصبيه : قصدك جاي من هياتته بالشوارع تعبان، والله يا ضاري او ما تترك عنك الهياته بالشوارع لتشوف شي ما بحياتك شفته.
انا ابغا افهم انت وش تبي بهالسرابيت الي مخاويهم، كل واحد اشين من الثاني، الي اهله متبرين منه، والي يدخن والي يسرق، وش انا قصرت عليك فيه عشان توطي راسي بين الخلايق.
ضاري بعدم اهتمام : بدا موال المشاكل.
عصب ابو ضياء منه، ووقف وراح له وشده من ثوبه وضرب كف بقوه.
شهقت ام ضياء بصدمه : هاءءءءءءء.
ابو ضياء بغضب : انقلع من بيتي، وشوف لك اي شارع يضمك، بيتي ما يسكنه سرابيت، لا صرت رجال وابتعدت عن هالشباب الفاسده، راح تلاقي هالباب لك مفتوح.
مسك ضاري خده بصدمه والنار شابه بصدره، اشلون ابوه يضربه كف.
رفع يده وكان راح يضرب ابوه كف، بس صوت جده وقفه.
ابو عزام بغضب : اقطع واحس يا ضاري، قوي راسك وصار ودك تضرب ابوك يا الخاسي.
راح له بغضب وشده وضرب كف.
صرخ ضاري بغضب : كسر بيدك ان شاء الله، اش دخلك انت يا الشايب العايب.
ابو عزام بغضب : الحين اقلك وش دخلني.
شده بغضب وطلع معاه من البيت بعدما اشر لابو ضياء ما يتدخل او يلحقه.
ناظر ابو عزام ل البودي قارد الي معاه واشر له ياخذ ضاري ويدخله السياره غصب عنه.
سحبه البودي قارد ودخله السياره غصب.
**طبعآ ابو عزام رغم كبر سنه الا انه بعده شباب ومهتم لنفسه ويحب الرياضه والمشي، فعشان كذا ما قدر ضاري عليه.
رفع ابو عزام تلفونه واتصل على ولده محسن، وبعد كم رنه رد.
ابو عزام : محسن انت بالبيت.
ابو صقر باستغراب : ايوا بالبيت، خير يبه فيه شي.
ابو عزام : انا جايك الحين،خلك بالمجلس شوي واكون عندك.
غلق ابو عزام من ولده بدون ما يسمع رده.
دخل ابو عزام السياره واشر ل السواق يحرك ويتوجه لبيت ابو صقر.
ناظر لضاري الي قاعد يصارخ ويبي البودي قارد يفكه.
اشر له ابو عزام عشان يفكه، لانو ما راح يخاطر وينط من السياره وهي تمشي، لانو يدري انو ضاري اجبن من انه ينط ويخاطر بحياته.
بعد وقت مب طويل وصلو لفيلا ابو صقر.
نزل ابو عزام واشر ل البودي قارد ينزل ضاري.
شد البودي قارد ضاري ونزله.
مشي ابو عزام ناحيته وسحبه على جنب.
ابو عزام بتهديد : احنا راح ندخل عند عمك محسن واي شي راح تسمعه اياك تعترض عليه، او والله لانهيك يا ضاري، وانت تعرفني زين، راح احرمك من كل شي انت تتمناه، راح اسحب منك سيارتك والكيدرد كارد وكل شي معاك، من جواز واثباتات، وراح اطردك من العايله ونشوف لو تقدر تعيش من غير لقب الشامخ.
خاف ضاري من تهديد جده، لانو متاكد انو جده يقدر ينفذ كل كلمه قالها بدون ما يرف له جفن، قرر يسايره ويشوف وش نهايتها.
ناظره الجد وشاف شماغه الي على كتفه وشعره المتبعثر.
ابو عزام بعصبيه : عدل هالكشه الي تفجع، وزين شماغك.
اشر ابو عزام ل السوق يعطيه العقال الي بالسياره وجابه له.
اخذه ابو عزام وعطاه ضاري، اخذه ضاري وزين شماغه.
شده ابو عزام ودفه عشان يمشي قدامه.
مشي ضاري ولو بيده كان توطا ببطن جده وارتاح منه.
دخلو المجلس ووقف ابو صقر مع ولده صقر الي كان جاي عشان يسلم على ابوه.
سلم ابو صقر على ابوه وضاري وبعدها قعد.
وقف صقر بعدما سلم وقدم القهوه لجده وولد عمه.
اخذ ابو عزام الفنجان وتركه بالارض، بينما ضاري اخذها وشربها.
ابو صقر باستغراب : اشفيك يبه ما تشرب قهوتك.
ابو عزام بهدوء : انا جاي ولي طلب عندك يا محسن، وان كانك عطيتني طلبي شربتها.
ابو صقر بابتسامه : اشربها يبه وان شاء الله عطيتك ما تبي.
شربها ابو عزام وناظر ولده وبعدها تكلم.
ابو عزام بهدوء : اسمعني زين يا محسن انا جايك اليوم عشان اطلب يد بنتك الكادي لضاري.
وقف الصقر بغضب : يخسي ياخذها، ما بقى الا هالسربوت ياخذ اختي.
عصب ضاري من كلامه وكان راح يوقف ويضربه، لولا يد ابو عزام الي منعته.
ابو عزام بهدوء : اقعد مكانك *ناظر صقر *كلامي مع ابوك يا صقر، ودامك اخذت البنت الي ببالك وما اخذت شور احد، فمالك اي حق تدخل بقرارات ابوك او اختك.
قعد صقر بغضب، والنار شابه بصدره، جده مو تاركه بروحه من عقب زواجه من صبا.
ناظره ضاري بحقد والنار تاكل بقلبه من الحقد، وده ياخذ السيف الي معلق بالجدار، ويشرحهم كلهم، تعب من كثر ما ينعتوه باسم السربوت.
ابو صقر بهدوء : يبه انت من جدك تبغاني ازوج بنتي لضاري، انت شفته بالاول قبل تطلب هالطلب.
ضاري بغضب : احمد الله ان احد طل بوجه بنتك الشينه، وبعدين من زينها عشان اتقدم لها، انا ما اتشرف اخذ بنتك ولا ابيها.
ابو عزام بغضب : حسين.
دخل البودي قارد حسين.
حسين : سم طال عمرك.
ابو عزام بغضب : خذه من قدامي قبل ابتلي فيه، وخل عيونك عليه لا يهج.
سحبه حسين وطلع معاه ضاري بغضب.
ناظر ابو عزام لصقر : وانت بعد اطلع، فيه شي ودي اقوله لابوك.
طلع صقر الي ما كان عاجبه الوضع ابد.
ابو عزام بهدوء : اسمعني زين يا محسن، انا ماني رامي كادي وانت تدري بغالاتها عندي، بس انا ابيها لضاري لانو هي الي راح تعقله.
ابو صقر بغضب : يبه انت تبيني ارمي بنتي لضاري، انت ما شفت اشلون قلل منها وقال ما يتشرف فيها.
ابو عزام بهدوء : اول شي لا ترفع صوتك انا ابوك مو بزر عندك، وثاني شي انا عندي لك عرض.
ابو صقر بعصبيه : مستحيل اوافق لو ت.
قاطعه ابو عزام بهدوء : 5% من اسهم الشركه مقابل موافقتك، هاه وش قلت.
انصدم ابو صقر من العرض وعجز يتكلم، عرض لو حلم فيه حلم مستحيل يحصل عليه.
(( وصلنا لنهاية البارت ))
//توقعاتكم //
تتوقعو مهاب يحب سمو، او راح تتوالد الكراهيه بسبب الموقف الي صار ؟
وش الي براس ام صارم ؟
هل تفكرو بالي افكر فيه ؟
وش قصة صقر، ومين صبا، وليه ابو عزام مو موافق على زواجه ؟
ضاري راح يستسلم لجده وراح يوافق يتزوج الكادي ؟
صقر راح يسمح لهالمهزله تتم ؟
تتوقعو ابو صقر يوافق على طلب ابو عزام عقب عرضه المغري ؟
ولو صار ووافق كيف راح تكون حياة الكادي وضاري ؟
شاركوني توقعاتكم الحلوه يحلوين