الفصل 5
_ *ࢪواية :«يا غرام الحب يا سمو المهاب.*».
*– الباࢪت«5» :*
*– الڪَاتبه : غزال شعريه .*
ــــــــــــــــــــــــــــــــــــــــــــــــ
مالڪَه القناه: دﻣو؏ اﻟياﻓعي
باشراف:عَمــق
```https://whatsapp.com/channel/0029Vb7lSji9Gv7XgD5aiV2Q```
تم مشاࢪڪة الࢪوايةة من قناة افخم الروايات السعودية 🌷🌷
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*____________*
قرائه ممتعه~
بعض الناس يخافون من الفقر، اخاف اصير فقير ومن هالكلام، والبعض فقير ويدعو الله يرزقه.
طيب تدري ليه الفقر؟
الفقر شي قد كتبه الله لنا، والغنا ايضاء، والله رزق العبد على قدر نيته، ووالله ما تكاثرت عليك الهموم والديون والفقر الا من شدة الذنوب، وما اتاك الفقر الا من ذنب.
البعض يقول انا وكل اهلي نصلي ونصوم بس فقراء، صدقوني والله ان الفقر ما يأتي الا من كبر ذنب، والله العظيم ان هذا الشي مر على شخص عزيز علي، وعاش بفقر شديد، والرجال يصلي وخايف ربه، بس نسي ان كلكم راع وكلن مسؤل عن رعيته، نسي ان له ابنا، وابنائه ما كانو يصلو، عاشو على هالحال بفقر شديد، وديون وهموم، بس اراد الله ان يصلح حال الابناء، والله يسر امورهم، وبدا حالهم يزين.
لازم تتاكدو انو الذنب يمحق الرزق، ويربي الديون والهموم.
والحسنه تمحق الفقر، وتربي الراحه والطمئنانيه، والسكينه، والقبول بما اتاكم الله من فضله.
لا تتركو الذنوب تدمر حياتكم، فالغنا والفقر بيد الله سبحانه، والله يرزق من يشاء بغير حساب، والله يرزق كل من الح عليه بالدعاء وتقرب الي بالصلوات والنوافل.
يالله وش تنتظر روح وناج ربك، وابدا صفحه جديده بعيده عن الذنوب، روح وشوف اولادك وبناتك، يمكن يكون سبب فقرك احدهم .
ـــــــــــــــــــــــــ
التفت سهم يشوف من وين ذا الصوت، وفز بسرعه اول ما سمع نفس الصوت بس هالمرا بشكل اكبر واقرب.
ناظر الرجال المجنون الي قاعد يصارخ خلفه، وقعد يسمي بلله، وش هالناس.
طق الباب، ودخل بعدما سمح له الدكتور يدخل .
الدكتور : تفضل.
قعد سهم ومد ملف ل الدكتور.
سهم بهدوء : انا المحامي تبع تيما مشعل العلي.
الدكتور بابتسامه : هلا بك.
وقف الدكتور : امش معاي اوديك لغرفتها.
وقف سهم وطلع معاه وراحو لغرفة تيما.
دخل الدكتور اول وبعدها دخل سهم.
ناظر سهم ل الدكتور : تقدر تتركنا بروحنا.
الدكتور بابتسامه ساخره : طيب.
طلع الدكتور وهو واثق تمام الثقه انو تيما ماراح تطلع من القضيه.
غلق سهم الباب وراح ناحية سرير تيما، وكانت تيما حانيه راسها وضامه رجولها لصدرها، وشعرها متناثر حوليها.
سهم بهدوء : السلام عليكم.
ما ردت تيما.
سهم بهدوء : انا المحامي تبعك، ممكن ترفعي راسك عشان اخذ منك كم معلومه.
برضو ما رفعت تيما راسها.
سهم بهدوء : ما ودك تطلعي من هالمكان، ما ودك تشوفي امك الي تعبت من صياحها عليك *سكت سهم شوي وبعدها كمل *ماودك تشوفي جوان.
طبعآ سهم تواصل مع اخو تيما وهو الي خبره بهالاسماء بحال لو تيما ما استجابت له، او لو فكرت ما تتكلم.
رفعت تيما راسها لسهم، وناظرته لعيون خاليه من الحياة.
ناظرها سهم نظره طويله، كانت بنت جميله رغم الهالات السوداء الي تحت عيونها، ورغم لون بشرتتها الباهت.
سهم بهدوء : ممكن تحكي لي كل الي صار عشان اقدر اساعدك.
تيما بروح ميته : ما ابغا اطلع.
سهم باستغراب : وليه ما تبغين تطلعي، ما ودك تشوفي امك.
تيما بروح ميته : ذيك مو امي، ذيك زوجة ابوي، وما اقدر اطلع عشان انا ذبحت امي.
حنت راسها وغرقت عيونها دموع وبدات تبكي.
منظر المربيه وهي غرقانه بدمها، ومنظر السكين وهو بيدها وملابسها متغرقه دم مو رايح من بالها.
حس سهم انو بالسالفه انه، اشلون اخوها يقول انو ذي امها، وهي تقول مو امها.
سهم بهدوء : لازم تساعديني عشان اقدر اساعدك.
صرخت تيما فيه : ما ابي اطلع انت ما تفهم، راح اقعد اتعالج لين اطيب واروح السجن*وبدموع *انا مجرمه ولازم اتلقى عقابي، انا مجرمه، انا مجرمه انا مجرمه.
صارت تكرر هالكلامه كثير وبدات تشد شعرها بيدها وتضرب راسها لورا.
انصدم سهم من شكلها، ووقف بسرعه وراح لها ومسك يدينها وحاول يوقفها عشان ما تطق راسها بس عيى.
وقف خلفها وسحبها لحضنه وكتفها وحاول يهديها.
سهم بهدوء : اهدي اشفيك، انتي ما تدري اذا مجرمه او لا، لا تستسلمي يمكن تكوني بريئه، لازم تتذكري وش الي صار عشان اقدر اساعدك، لازم تتذكري الي صار عشان ناخذ حق امك بالقانون، والفاعل الحقيقي يطب السجن.
ما ردت تيما بس استكنت بين يدينه لانو ماعاد لها حيل للمقاومه.
دخلت النيرس وهي تدف العربه الي عليها الادويه والمويه.
ناظرته واخذت الابره وقبل تضربها ل تيما، همس سهم بكلمات ارتسخت بعقل تيما، وبعدها معاد حست بشي.
اخذتها النيرس من حضنه وسطحتها، وبعدها طلبت منه يطلع.
اخذ سهم اغراضه وطلع، وهو طالع شاف الدكتور.
الدكتور بابتسامه : ماراح تستفيد شي، عشان هذي حالتها من لمن اجت، كل وقتها تصارخ او ساكته.
سهم بهدوء : بعدي ما خلصت، راح اجي كل يوم لعندها لين اخذ كم معلومه.
خلص سهم كلامه وطلع، بينما الدكتور عصب، هذا ناوي يخرب خططه.
راح لمكتب ورفع تلفونه واتصل، وما هي الا لحظات ووصله صوت شخص.
الدكتور بعصبيه : هالمحامي ناوي يخرب خطتنا، صرفه او ترا راح نروح فيها.
ـــــــــــــ بضحكه : هههههههه تطمن ماراح يقدر يلاقي شي، انت زود الجرعه عشان تجن اكثر، والباقي خله علي.
غلق الدكتور من الشخص وهو يغلي من القهر، اشلون ال ـــــــــــــ بارد، وهو الي ميت من غضبه، مو متخيل روحه اذا كشفو الشرطه سواته، وتلاعبه بالمرضا.
دخل سيارته، وناظر ل المستشفى، وبعدها رفع تلفونه واتصل على شخص عزيز عليه.
سهم : فهد طلبتك.
فهد بابتسامه : جاك.
سهم بهدوء : تعالي لي مكتبي، وترا الشغله ما تتأجل.
فهد بابتسامه : ابشر يا خوي، مسافة الطريق وانا عندك.
سهم بابتسامه : عز يا مال العز يا عزي.
غلق سهم التلفون وحرك، وبباله موال وده يعزفه.
جامعة الملك عبد العزيز
ـــــــــــــــــــــــــــــــــــــــ
ناظرت ساعتها بقهر، تعبت وهي تستنا لسهم وما اجا، رفعت تلفونها عشان تتصل له، بس وصلها اتصال من سند، ردت.
سمو : هلا.
سند بابتسامه : لا تستني لسهم، اذا خلصتي انا راح اجي اخذك.
سند قال كذا، عشان لو عرفت انو ابوها الي راح يجيبها ماراح ترضا.
سمو بهدوء : ما.
قاطع كلامها تلفونها الي غلق من الشحن.
انقهرت سمو، لانو كانت راح ترفض عشان ما تبي تشوف سند او اي احد عقب ما شافوها تنضرب كف من ابوها.
رجعت التلفون لشنطتها وقررت تروح بتكسي.
طلعت من الجامعه ووقفت تكسي، وقبل تدخل السياره نادتها جوري الي كانت مع خويتها.
جوري : سمو لا تروحي ابيك.
ناظرتها سمو وغلقت باب التكسي وراحت لها.
اشرت جوري ل التكسي يروح، وبالفعل راح.
سمو بهدوء : خير.
جوري بابتسامه : بالاول خل اعرفك، هذي كيان بنت عم ولد خالتي.
مدت كيان يدها لها.
سلمت سمو عليها، وبعدها ناظرت جوري.
سمو بهدوء : مو انتي يتيمه وعمك الي متكفل فيك؟
جوري بابتسامه : ايوا، بس ما سألتيني عن اهل امي.
ما اهتمت سمو وسكتت.
كيان بابتسامه : شفتك تبغين تروحي بالتكسي، شرايك اوصلك بطريقي.
سمو بهدوء : ماني رايحه البيت.
جوري بابتسامه : اجل شرايكم نتغدا برا، انا بخاطري اقعد افرفر بالشوارع لين اتعب، مالي خلق اروح البيت واشوف وجه عمي الغثيث.
سمو بهدوء : ابي اروح لمكان هادي مالي خلق المطاعم والاماكن العامه.
الكادي بابتسامه : ازهليها، عندي لك مكان البطل، بنطلب اكل ونروح له شرايكم.
جوري بابتسامه : ما اسمع اي اعتراض يالله ادخلي.
شدت جوري سمو من يدها ودخلتها سيارة كيان.
راحت معاهم سمو وطلبو اكل وتوجه لاستراحه، ولمن شافت سمو المكان الي رايحين له، ناظرت كيان بغضب.
سمو بغضب : وين موديتنا انتي، ما تشوفي استراحات الشباب.
كيان بابتسامه : اعصابك يحلوه، هذي استراحة البنات، وانا وخوياتي نروح لها كل يوم ودامك تبي مكان هادي ورايق قلت خل اوديكم لها، عشان البنات مو فيه.
سمو بغضب : ماني داخله استراحات، رجعيني للجامعه *وبنرفزه*او اقلك نزليني هنا احسن.
مسكت سمو مقبض الباب عشان تنزل بس كيان غلقته من عندها.
كيان بابتسامه : اشفيك خوافه، والله الاستراحه تبع البنات وما فيها احد صدقيني.
ناظرتها جوري بنظرات مطمنه عشان الاستراحه من جد للبنات.
سكتت سمو وقررت تشوف وش نهاية هالسالفه.
سفطت كيان سيارتها امام الاستراحه ونزلت، اخذت الاكل وفتحت الاستراحه بالمفتاح الي معاها.
دخلت سمو ل الاستراحه وكانت استراحه جميله ومكان هادي، وفيها اشجار وورد والمكان راق لها نسبياً.
دخلت جوري وغلقت الباب خلفها، وراحت للجلسه الي بحوش الاستراحه وقعدو عليها.
طلبت منهم كيان يدخلو للاستراحه بس سمو رفضت وفضلت تقعد بالجلسه الي بالحوش .
راحت كيان للمطبخ وجهزت الاكل وطلبت من جوري تجي تاخذ الصحون معاها، وبالفعل فزت جوري وراحت لها وبداو يحطو الاكل.
قعدت سمو تناظر كل زاويه بالاستراحه ببال سرحان.
قعدت جوري يمها لمن خلصت.
جوري بابتسامه : يالله شيلي نقابك وسمي.
ناظرتها سمو لوهله وكانت راح تشيل نقابها بس تذكرت الكف الي عطاها ياه ابوها، واكيد بعده معلم بخدها.
استأذنت وطلبت من كيان تدلها على دورة المياه عشان تغسل يدينها.
وبالفعل دلتها وتركتها تاخذ راحتها.
شالت سمو نقابها وغسلت وجهها وناظرت وجهها بالمرايح، وتلمست خدها الي كان وارم شوي.
بلعت غصتها بحزن، وفتحت شنطتها واخذت الميك اب وبدات تداري الورم الي بخدها ولمن خلصت وحست انو اختفى نسبياً رجعت الاغراض لشنطتها، واخذت قلوس ورطبت شفايفها فيه، وبعدها عدلت شيلته وطلعت من دورة المياه، راحت للبنات وشافتهم قاعدين يسولفو ويضحكو.
التفتت جوري لسمو.
الجوري بابتسامه : طولتي.
التفتت كيان لها وفهيت، ناظرت سمو باعجاب، انفتنت بجمالها، سمو كانت جميله بشكل يسحر، وملفته للعين وتجبر الجامد يناظرها.
كيان باعجاب : ماشاء الله يزينك، جوري حكت لي عنك بس ظلمتك بالوصف والله.
سمو بابتسامه خجوله : تسلمي انتي الحلوه.
قعدت سمو وبداو يتغدو بهدوء ويتناولو اطراف الحديث.
فجاه انفتح باب الاستراحه ودخلت منه هنادي و سمارا وعلياء والهنوف .
دخلو وشالو عباياتهم ونقاباتهم وعلقوهم، وراحو لكيان وجوري وسمو.
سمارا بابتسامه : هلا والله جوري تو مانورت الاستراحه *ناظرت سمو *مين الحلوه.
جوري بابتسامه : نور اهلها فيها، احم اعرفكم هذي سمو خويتي الي حكيت لكم عنها.
ناظرتهم سمو لوهله، وحست من ملامحهم انو اكبر منها ومن جوري، وحست انهم باخر سنه او متخرجات، بس الي مستغربه منه اشلون جوري تعرفهم مع انو هم اكبر منها، وبرضو ما احد يقرب لها الا كيان.
مدت سمارا يدها بابتسامه.
سمارا بابتسامه : انا سمار، وانتي.
سمو بهدوء : هلا بك، انا سمو.
سمارا بابتسامه : تشرت بمعرفتك.
تقدمت علياء وسلمت عليها وعرفتها على نفسها، وبعدها تقدمت الهنوف واخر شي هنادي.
هنادي بغرور : انا هنادي.
سمو بهدوء : هلا بك.
قعدو البنات وبداو يسولف.
ناظرتهم سمو وما حبت هالجو وبنفسها تطلع، قررت تتصل لنايف يمكن يجي ياخذها، وتذكرت انو تلفونها مافيه شحن.
سمو بهمس لجوري : جوري تلفوني مخلص شحنه، ممكن تشوفي لي شاحن.
جوري بابتسامه : ابشري.
اخذت جوري التلفون من سمو ودخلت الاستراحه تشحنه لها.
شالت كيان الصحون بعدما خلصو الغدا وطلبت من علياء تجي تساعدها عشان تسوي عصير.
وبالفعل وقفت علياء وراحت تساعدها.
ولمن خلصو قدمو العصر وقعدو.
بدات سمو تنسجم معاهم وبداو يتعمقو بالكلام ويضحكو، وحست سمو انو بدات تاخذ على جوهم.
ناظرتها هنادي بغيض منها اشلون اخذت منها الجو وهي الي كل يوم محط اهتمام البنات.
هنادي : بنات متى راح تجون.
الهنوف بابتسامه : ترا ضبطنا كل شي، وخبرنا البنات.
سمارا بابتسامه : شرايكم بكره.
كيان بغمزه لهنادي : اذا راح نشوف الحب ماعندي مانع باي وقت تختارونه.
علياء بهدوء : مدري خل نضبط وضعنا اول، اخوي بروحه بالبيت ومقدر اتركه.
الهنوف بابتسامه : يا اخوك ذا، وكانه مب رجال كبير ويقدر يهتم لنفسه.
عياء بهدوء : مقدر اتركه يا الهنوف وذا شي انتي تعرفينه زين، انا اعتذر مقدر اجي.
ناظرت سمو ساعتها وكانت الساعه 2:07 م، ما حست بالوقت،اشلون مر الوقت بسرعه ، وقفت واخذت نقابها وناظرت جوري.
سمو : جوري لا هنتي عطيني تلفوني.
كيان بابتسامه : وين وين بعده وقت.
سمو بهدوء : تاخرت وما عطيت اهلي خبر انو راح اطلع.
هنادي بسخريه : وليه بزره عشان تعطي اهلك خبر.
سمو بهدوء : مايخصك.
الهنوف بابتسامه : ترا حبيناك كرري زيارتك لنا مع جوري .
سمو بهدوء : تسلمي.
وقفت كيان : اجل خل اوصلك.
سمو بهدوء : مافيه داعي اشوف احد من اخواني يوصلني .
كيان بابتسامه : انا الي جبتك وانا الي راح اوديك.
وقفت جوري بابتسامه : وانا بعد استأذنك، تاخرت ؏البيت.
هنادي بابتسامه ساخره : لا يكون انتي بعد خايفه يا البزره.
جورب بابتسامه : لا مب خايفه بس مقدر اتاخر عشان عمي الله ياخذه.
هنادي بسخريه : بزارين ما تقدرو تتغيبو ؏البيت.
سمو بهدوء : عندنا اهل يسألو عنا مب هايتات.
وقفت هنادي بغضب : وش قصدك.
سمو بهدوء : افهميها زي ما تبي.
راحت لها هنادي بغضب وشدتها من عبايتها.
هنادي بغضب : قصدك اني هايته وما فيه احد يلمني.
سمو بابتسامه ساخره : انا ماقلت كذا انتي الي فهمتيها بكيفك، ولاني مجبوره ابرر لك شي.
بعدت سمو يدين هنادي عنها بقوه، ونفضت عبايتها باشمأزاز من يدين هنادي، وذا الي جنن هنادي اكثر.
مسكت هنادي سمو من ثاني وهنا تدخلت الهنوف وبعدت هنادي عن سمو، لانو تعرف جنون بنت اخوها.
الهنوف بابتسامه : العذر منك هنادي اذا عصبت ما تدري بروحها.
ما اهتمت سمو وطلعت مع كيان وجوري.
ناظرت الهنوف لهنادي بعدما طلعو البنات.
الهنوف بغضب : وش الي انتي سويتيه يا هنادي، البنت ما قالت شي وانتي الي هبيتي فيها، اش دخلك فيها اذا بتقعد او لا.
هنادي بغضب : والله ما اخليها لها اجل تقول عني هايته.
علياء بهدوء : البنت ماقالت شي انتي الي فهمتي الكلام بكيفك.
سمارا بابتسامه : بس ياهيه مزه انما ايييه.
علياء بابتسامه : بذي صدقتي،تجنن وملامحها ملفته .
الهنوف بابتسامه : وقويه بعد ما اهتمت لمن شدتها هنادي من عبايتها، ولا اهتز لها جفن.
وقفت هنادي بغضب : خلااص بس يكفي لا تجيبو طاريها.
راحت هنادي لجهة العبايات واخذت عبايتها ونقابها وطلعت من الاستراحه.
الهنوف بضيق : سلام بنات اشوفكم بوقت ثاني، رايحه الحق هالمجنونه قبل لا تهب لها باحد.
سمارا بابتسامه : الله وياك.
طلعت الهنوف خلف هنادي الي اخذت سيارتها ومشيت.
ضربت الهنوف رجلها بالارض، البنت ذي مجنونه.
ما غابت عنها نظرات هنادي لسمو، واكيد شاطت بسبب انو البنات اهتمو فيها وما اهتمو لوجود هنادي، تدري ببنت اخوها تحب تحصل على اهتمام الي حوليها، وتحب تكون الانظار لها، ولو صار واحد اخذ منها الاضواء ممكن تقتله.
وصلت كيان سمو للفيلا وبعدها حركت.
دخلت سمو الفيلا وراحت غرفة امها بدون ما احد يشوفها، فتحت الباب بالمفتاح الي اخذت له نسخه من المفتاح الي مع ابوه واول ما دخلت غلقت الباب بالمفتاح ورمت عبايتها،وراحت ناحية السرير وبعدها رمت روحها ؏السرير ،حطت تلفونها سايلنت وغطت بنوم عميق.
مقر الفريق
ـــــــــــــــــ
دخل القسم بعدما خلص صفقته مع شركة الكايد، وضبط الامور، راح لمكتبه وطلب قهوه.
طق طق.
مهاب : ادخل.
دخل صارم وطق له تحيه.
صارم : سيدي .
مهاب بهدوء : هلا صارم وش بغيت.
ناظره صارم وابتسم : سيدي ممكن تجي معاي.
مهاب بهدوء : عندك شي قوله يا صارم، مالي خلق اروح معاك والاقي المهبل مسوي لهم شي.
صارم بابتسامه : سيدي هالمرا المهبل مو الي مسويين بل العاقل والكبير.
مهاب بهدوء : وش مسوي يزن.
ما استحمل صارم هدوء مهاب.
صارم بابتسامه : اعذرني يا سيدي بس انتي الي اجبرتني اسوي كذا.
راح له صارم وشده من يده بقوه ونادا الفرق.
صارم : طلال اياد ياسر بسرعه.
ناظرهم مهاب بهدوء ويبي يشوف وش نهاية هالسالفه.
دخلت الشباب وكانو راح يشيلو مهاب بس مهاب صرخ فيهم.
مهاب بغضب : تستهبل انت وياه، يالله امشو قدامي.
طلال بابتسامه : سيدي خلك فرفوش ما نقدر نمزح معاك.
مهاب بغضب : تبغا تمزح معاي، اجل ابشر.
مشي مهاب امامهم وناظرهم.
مهاب بصراخ : امشو وراي اشوف.
مشيو الشباب خلفه وهم قامطين العافيه.
طلال لصارم : سيدي انت ورطتنا، اشلون كنت تبغانا نشيل العقيد عز الله رحنا فيها.
صارم : وش اسوي لازم اسويها،ما تشوف حالته من لمن مات صالح وحاله ما يسر.
وصلو لساحة التدريب.
التفت عامر وشاف مهاب، وقف واعتدل بوقفته.
عامر : انتباه.
وقف كل الفريق وطقو التحيه لمهاب.
ناظرهم مهاب ورفع يده وناظر الساعه.
مهاب بهدوء : 5 دقائق واشوفكم مرزوعين امامي مع حقائب الجيش وسلاحكم.
طلال بقهر : بس سيدي.
قاطعه مهاب : 4 دقائق.
صارم بقهر : ما ينمزح معاك يا خي.
مهاب بهدوء : 3 دقائق.
عامر بسرعه : امشو بسرعه.
راح عامر بسرعه لغرفة التبديل واخذ شنطته والدرع وحط مسدسه بفخذه واخذ البندقيه ومشي بسرعه لمهاب.
ناظره مهاب وابتسم عشان عامر مواضب ويحب الالتزامات.
ماهي الا 3 دقائق وصار الكل واقف امام مهاب ولابسين الشنط واسلحتهم بيدينهم.
مهاب بهدوء : لازم تعرفو انو مافيه مزح بالقوات الخاصه، احنا هنا عشان نحمي الوطن، مب عشان نقط ذبات ونمزح.
مشى مهاب للمرتفع الي امامه وامر الجنود يتحركو وينفذو التدريبات.
بداو الفريق يتدربو بجهد ويركضو.
اياد بقهر : كله منك يا سيدي، ياليت ما سمعنا شورك.
خالد بقهر اكبر : كلنا تعاقبنا بسببكم، وكانو ما تعرفو العقيد مهاب.
صارم بابتسامه رغم قهره : ما احد يعرف مهاب كثري انا وصالح الله يرحمه ويزن ، ومهاب جلف وقوي بس من داخله روح حلوه.
ناظر يزن للجنود الي خلفه : استعجلو، الوقت راح يخلص.
طبعآ يزن كان قائدهم.
مشو ولمن اخذو كذا دوره على مكان التدريب، وصلو لمهاب وطقو له تحيه.
ناظرهم مهاب وهو كاتم ضحكته : استريحو.
انهارو بالارض يلهثو من التعب.
وقف يزن وراح لمهاب وطبطب على كتفه.
يزن بابتسامه : ادري تبي تقتلنا بتدريباتك بس كلنا فداك، وصدقني دم صالح ماراح يروح هدر.
مهاب بهدوء : المزح واللعب والميانه برات المقر يا يزن ، وخبر الملازم اول صارم يروح لمكتبي، راح يتلقا عقابه عشان هو الي كان مخطط لهالسالفه من اولها.
مشي مهاب بكل هدوء تارك خلفه يزن الي راح لصارم وخبره بالي قاله مهاب.
اياد بضحكه : هههههههه رحت فيها.
صارم بابتسامه : يخي ابغا افهم هالمهاب وش الي براس، قلت انزل من عقلي شوي واصير خفيف عشانه، وعشان نستانس شوي بس هذا هو راح يعطيني عقاب كبر راسي، وفوق ذا ما يحترم اني اكبر منه.
يزن بجمود : انتباااه.
التفت الجنود وطقو تحيه للعميد الي شاف كل الي صار من اول التدريب لاخر كلام صارم.
العميد بابتسامه : استريحو *ناظر صارم *روح روح عسى الله يسهل عقابك.
صارم بابتسامه : سيدي لا تتشمت فيني، يكفيني مهاب.
العميد بابتسامه : تستاهل ما جاك، والله يقوي مهاب عليك.
راح طلال ل العميد : يبه اقصد سيدي انا حابب ارفع قضيه على النقيب يزن.
ناظره يزن برفع حاجب.
العميد بابتسامه : اول شي انا مو ابوك ياطلال، واحنا هنا كلنا جنود وما نعرف اهلنا، ثاني شي ممكن اعرف سبب هالقضيه.
طلال بابتسامه : يا سيدي هالنقيب ما يبي يحدد زواجي وانا اخاف اموت وبعدي ما تزوجت.
ناظر العميد ليزن : وش قولك يا يزن.
يزن بهدوء : سيدي المواضيع العائليه مالها دخل بالشغل.
العميد بابتسامه : كلام يزن صح، وانا مع يزن بكل قرار ياخذه.
طلال بقهر : الحين ابغا افهم منو ولدك، انا ولا هو، والله ما صارت، بموت بشي مهمه وبعدي ما اخذتها، خافو الله فيني.
ما اهتم العميد لكلامه ومشي تاركه يضرب الارض من قهره.
ناظر يزن بقهر وقرر يشوف له حل، لانو تعب مستني يزن يزوجه ايزان وهو معيي.
راح صارم لمكتب مهاب، وعطاه كتيبه كامله من الجنود المستجدين عشان يدربهم لمدة 3 ايام، وذا بحاله عقاب ما يتمناه لكافر، لانو راح يقعد بالشمس يدربهم تدريبات شاقه، وكمان راح يروح معاهم ل الجبل عشان يدربهم فيه على المشي لمسافات طويله وعلى التصويب وتحديد الاماكن المستوره.
طق صارم تحيه ل مهاب وهو مغتاض منه وكان طالع.
مهاب بهدوء : استنا.
التفت له صارم بقهر : حاضر سيدي.
مهاب بابتسامه صغيره : راح امركم اليوم اشوف مهاب الصغير ودانه.
صارم بقهر : اعذرني مو مرحب فيك.
مهاب بهدوء : خالتي هي الي متصله علي وعازمتني ؏العشاء ماني ماخذ شورك، والحين ضف وجهك اشوف، ومن بكره تنفذ عقابك.
طلع صارم من المكتب وهو غضبان واخلاقه براس خشمه، مهاب الي اصغر منه ب 5 سنوات قاعد له زي القمه بالزور ، ومستقعد له هنا وبالبيت .
فيلا ابو سند
ــــــــــــــــــــــ
الساعه 5:33 م
دخل ابو سند البيت وقعد على الكرسي بتعب، اليوم كان مرا مشغول وتو خلص شغله.
راحت له ام سهيل وقدمت له عصير.
ام سهيل بابتسامه : سم.
ابو سند بابتسامه : سم الله عدوك.
اخذ منها العصير وبدا يرتشف منه.
دخل سهم مع سند بنفس الوقت.
سند وسهم : السلام عليكم.
ام سهيل وابو سند : وعليكم السلام.
قعد سند وسهم.
دخلت ام سند ل الصاله وبيدها تلفونها، وملامحها واضح عليها القلق.
ام سند بقلق : احد شاف سمو، اتصل لها ما ترد،ودورتها بغرفتها وما حصلتها، سألت الشغاله لو شافتها وقالت مو فيه .
ناظر سهم لسند : انت ما جبتها من الجامعه؟
سند باستغراب : لا ابوي قال راح يجيبها *ناظر ابوه *انت ما جبتها يبه.
فز ابو سند اول ما تذكرها.
ابو سند بفزع : نسيت ما اخذها.
ام سند بصدمه : اشلون نسيتوها مين الي كان راح يجيبها.
ابو سند وهو ماشي بخطوات سريعه : انا انا الي كنت راح اجيبها بس انشغلت.
ام سند بغضب : وليه ما خبرت العيال عشان احد يجيبها.
ما رد ابو سند لانو طلع من الفيلا.
طلع خلفه سند وسهم وراحو معاه.
حرك ابو سند وقلبه ماكله عليها، اشلون نسيها، اشلون.
توجه ابو سند للجامعه وطول الطريق يدعي انو سمو تكون بخير، لانو الجامعه بالوقت شبه فاضيه والشباب الصايعه تتواجد بالوقت ذا .
بعد وقت مب طويل وصلو ل الجامعه، وكان فيه كم دكتور ومن ضمنهم الدكتور حمد والدكتور علي، راح ابو سند ل الدكتور علي.
ابو سند : ابو معاذ شفت سمو.
ابو معاذ بابتسامه : هلا والله باخوي، لا ما شفتها خير عسى ماشر.
ابو سند بضيق : تاخرت عليها، وما حصلتها، والقاعات مغلقه.
ابو معاذ باستغراب : ليه ما احد جا ياخذها، بالعاده سمو ما تقعد للوقت ذا.
راح الدكتور احمد وعطا ابو معاذ ملفات وكان طالع مع اخته خيال، بس استوقفه كلام ابو سند.
ابو سند بضيق : نسيت ما اخذها، وخبرت العيال ما يروحو لها عشان اليوم زعلتها وكان ودي اراضيها، بس شوفة عينك توي راجع من الشركه ونسيت اخذها،وسمو الحين مختفيه .
ابو معاذ باستغراب : وين ممكن تكون *وبقهر *ودامك مزعلها ليه ما راضيتها من الاول، هالمرا راح يصير زعلها شين، عشان الي سويته الحين بعد.
ابو سند بضيق : طيب وين ممكن تكون الحين.
رجع الدكتور حمد لابو سند وناظره.
الدكتور حمد : انت ابو سمو.
ابو سند : ايوا انا.
الدكتور حمد بهدوء : انا شفتها قراب الظهر قاعده مع اختي وبنت وعقبها ما شفتها عشان ما كان فيه محاضرات عندهم.
ناظرته خيال : قصدك سمو البنت الشقيه، من وقت طلعت مع خويتها جوري، ليه ما خبرتكم.
ابو سند بصدمه : طلعت مع خويتها.
سند : عندك رقم خويتها.
خيال باستغراب : ايوا عندي.
سند : اتصلي لها واسأليها عن سمو.
ابتسمت خيال بنفسها عشان اسأت الضن وفكرت راح ياخذ رقم جوري.
طلعت خيال تلفونها واتصلت لجوري، وخبرتها انو وصلت سمو الساعه ثنتين للبيت وبعدها راحت.
غلقت خيال من جوري وناظرت سند وبعدها ناظرت ابوه.
خيال : خويتها قالت انو وصلتها الساعه 2 للبيت.
ابو سند باستغراب : بس ما احد بالبيت.
ابو معاذ : دام سمو مو بالجامعه انا مضطر اغلقها، روح البيت وشوفها يمكن نايمه بغرفتها.
ابو سند بعصبيه : اشلون نايمه، امها ما حصلتها بالغرفه، وين ممكن تكون.
بدا ابو سند يعصب من خوفه على سمو.
سهم بهدوء : يبه خل نروح البيت، وزي ماقال عمي، يمكن تكون نايمه لها بشي مكان.
مسح ابو سند وجهه وطلع من الجامعه وقلبه طايح ببطنه من خوفه على سمو.
دخل سهم السياره وحرك بعدما دخل سند، وتوجه للبيت.
اول ما وصلو البيت قعدو يدورو عليها بعدما شافو من كاميرات المراقبه انو من جد دخلت البيت وما طلعت منه.
قعدو يدور عليها بكل الفيلا وما حصلوها.
قعد ابو سند على الكنبه بعدما فك ازرار ثوبه ونزل شماغه.
ابو سند بضيق وغصه : عز الله ما احد شيب راسي بعانده غيرها، وين ممكن تكون دام ما طلعت من البيت، وين ممكن تكون.
سهم وكانه استوعب شي : لحظه لحظه، يبه انت مزعل سمو؟
ما رد ابو سند لانو مو رايق لكلام سهم واسألته.
ناظر سهم لام سند وام سهيل واخوانه وصرخ فيهم.
سهم بصراخ : احد يتكلم وش ابوي مسوي لسمو عشان تسوي كذا.
تكلم نايف الي كان متضايق من سوات ابوه.
نايف بضيق : ابوي ضربها.
سهم بصدمه : وشووو، ضربها ؟
سند بهدوء : ايوا ضربها، وعشان كذا انا طلبت منك انو اخذها من الجامعه.
سهم بصدمه : تقولها بكل بساطه، طيب ليه ما احد خبرني، لو كنت ادري ما تركتها بروحها، اشلون تتركوها وانتو تدرو انو شايله بقلبها على ابوي، اشلووون؟
راح سهم لابوه ووقف قدامه : هذي سواتك بالبنت الي حلمت فيها من سنين، هذي سواتك فيها يبه، عز الله ما تستاهل تكون اب لها.
ناظر ابو سند سهم بغضب : اقطع واخس، تقول هالكلام لابوك، انا ابوك يا العاق، بدال ما توقف معاي توقف بوجهي، انت ما سمعت الكلام الي يسم البدن من لسان سمو، وما شفت اشلون قلت ادبها على امك وام سهيل، كل الحق علي انا عشاني ضربتها، لو كنت ادري انو كذا راح تكون بسبب دلعي لها كان عاملتها بقسوه من الاول وما علمتها الدلع.
سهيل بضحكه ساخره : هههههههه وانت تشوف معاملتك لها دلع يبه.
ناظره ابو سند بنظره ناريه خلته يقمط العافيه.
ام سند ببكى : جيبو لي بنتي، طلعوها من تحت الارض، والله ما اسامحك يا عبد العزيز لو تسوي بروحها شي، والله لادعي عليك ليوم الدين.
ناظرها ابو سند بصدمه وعجز يتكلم، الكل حاطط الوم عليه، طيب ليه ما احد لام سمو الي ما احد سلم من لسانها، حتى الحرمه الي اعتبرتها بنتها قالت عليها كلام يسم البدن ومع هذا كله الحرمه ما قالت لها شي، وقاعده تعاتبه.
تنهد بضيق وسكت، معاد فيه حيل لشي.
طلع من الصاله وبقلبه غصه عيت تنبلع.
قعدت ام سند تبكي من قلب وام سهيل تهديها.
اما الشباب قعدو يدورو بكل البيت، وكلهم امل يلاقوها باي مكان.
مشي ابو سند وتوجه لغرفة ام سهيل عشان الليله ليلتها، مسك مقبض الباب وقبل يفتحها، ناظر غرفة ام سمو وحس باشتياق وحنين لها، شال يده من ؏مقبض الباب وراح لباب غرفة ام سمو.
طلع المفتاح من جيبه وكان مع مفتاح مكتبه، دخل المفتاح بالباب وما رضي يتحرك استغرب، طلعه ورجع يدخله من ثاني وحركه ورفض يفتح، استغرب وهنا بدات الافكار تراوده بس طردهم من باله لانو المفتاح معاه ومن وين راح تدخل سمو اساسآ.
حاول كذا مرا ورفض يفتح بدا يعصب لانو ادرك انو الافكار الي براسه صحيحه واكيد سمو بالغرفه.
طق الباب بقوه وبدا يصارخ لسمو عشان تفتح بس مافيه اي جواب وسمو غراقنه بالنوم ومو حوله ابد.
ابو سند بصراخ : سمو افتحي الباب.
ناظر نايف لاخوانه : كانو قاعد هذا ابوي الي قاعد يصارخ.
مشاري باستغراب : اي والله هو.
وقف نايف ومشاري ووقفو الباقين بعدهم وراحو ل الدور الثاني.
طلعو الدرج ورراحو لمصدر الصوت، شافو ابوهم قاعد امام غرفة ام سمو ويصارخ.
سند باستغراب : وش تساوي يبه.
ابو سند بغضب : اكسر الباب.
سند باستغراب : ليه.
ابو سند بغضب : قلت لك اكسر الباب.
تراجع سند بخطواته بقلت حيله وقرر ينفذ كلام ابوه.
كانت غرقانه بالنوم وصحيت على صوت دوشه برات الغرفه، ناظرت حولها وشافت الدنيا بدات تظلم وواضح انو بادين على حلول المغرب.
تمغطت شوي وبعدها اخذت صورة امها وضمتها لصدرها وباستها بعمق، رشت من عطرها على ملابسها وشمت العطر بعمق وحست انو ملت رأتيها من ريحة امها وبعدها نزلت من السرير، وراحت ناحية عبايتها واخذتها.
مشت ناحيت الباب وفتحته بالمفتاح ومسكت مقبض الباب فتحت الباب واول ما فتحت الباب ما حست الا والباب يصك بوجهها بقوه وطاحت بالارض.
(( وصلنا لنهاية البارت ))
//توقعاتكم //
تتوقعو سهم يقدر يطلع تيما براءه ؟
وش همس سهم لتيما فيه ؟
تتوقعو مين الشخص الي كلم الدكتور، وهل له يد بموت المربيه ؟
وش سهم ناوي عليه ؟
تتوقعو هنادي تنوي الشر لسمو ؟
مهاب وصرامته مع فريقه، تتوقعو تخسره الفريق ؟
تتوقعو مهاب يقدر يلاقي سليم سعدي ؟
يزن راح يحن على طلال ويزوجه ايزان ؟
سمو راح تسامح ابوها ؏الكف ؟
ووش راح تكون ردة فعل ابو سند اول ما يشوف سمو ؟
تتوقعو يضربها او يعاقبها ؟
وش راح يصير لسمو عقب الضربه ؟
شاركوني توقعاتكم الحلوه يحلوين