الفصل 4
_ *ࢪواية :«يا غرام الحب ياسمو المهاب*».
*– الباࢪت«4». :*
*– الڪَاتبه : غزال شعريه*
ــــــــــــــــــــــــــــــــــــــــــــــــ
مالڪَه القناه: دﻣو؏ اﻟياﻓعي
باشراف:عَمــق
```https://whatsapp.com/channel/0029Vb7lSji9Gv7XgD5aiV2Q```
تم مشاࢪڪة الࢪوايةة من قناة افخم الروايات السعودية 🌷🌷
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*____________*.*».
قرائه ممتعه~
اليوم الاول ::
ـــــــ : جدي تعبان وحالته حاله.
ـــــــ : الله يشفيه.
ــــــ : الله يسمع منك، حالته صعبه ويمكن يموت.
ـــــــ : ادعو له.
اليوم الثاني ::
ــــــــ بصدمه : سمعتي الي صار، فلانه ماتت.
ـــــــــــ : بصدمه اكبر : ان لله وانا اليه راجعون، متى ماتت، ووش صار فيها، تو امس شفتها.
ــــــــــ بحزن : قالو ماتت فجأه.
~~~~~~~~~~
شفتو، لا تنتظرو موت المريض، او من كان على فراش الموت، اليوم فلان وبكره فلانه، وبعده ولد فلان، وبعده مين؟
ما تدري يمكن انا او انت،او انتي، الموت ما يطق الباب، ولا يستنا احد، يعني ماراح يقول ولد وزير راح يرشيني بفلوسه واجل موته ليوم ثاني.
ولا ولد امير او ملك وله سلطته، ويقدر يشتري ساعات زياده عشان يعيش ولده.
لازم تتذكري انو الموت يزورنا 5 مرات باليوم، والله اعلم كل مرا يزورنا وش ممكن يكون حالنا، تتوقعو يزورنا 5 مرات كل يوم ونحن على ما يرضي الله، او نحن على ما يغضب الله.
اصدقِ مع الله يصدق معك، وخليك حاطه شي ببالك، ان الموت راح يجيك لا محال منه.
الله يصلح حالنا ويغفر لنا، ويحسن ختامنا ويتوفنا مسلمين.
نصيحه اتمنا محدش تتجاهلها، لانو الموت لا محال منه، وقبل ما تسوي ذنب حطي ببالك انو راح يجي يوم وتنامي بحفره عميقه، اما حفره من نار، او روضه من رياض الجنه.
والي راح يحدد مصيرك عملك مب فلوسك وكثر صحباتك وحب الناس لك.
ــــــــــــــــــــ
فز سند بسرعه لها، وحاول يقومها بس سمو رفعت يدها بوجهه، وتحاملت على روحها ووقفت بكل شموخ، وناظرت ابوها.
سمو بشموخ : تسلم هالمرا تاكدت انو من جد ماعندي ام، لانو الام مستحيل ترضا تذل بنتها او تأيد كلام ابوها عشان يزوجها.
ناظرت ام سهيل بابتسامه ساخره : مبروك هالمرا انتي الي فزتي يا*سكتت وكانت راح تقول ماما شهد، بس تراجعت*يا ام سهيل.
خلصت سمو كلامها وطلعت من الفيلا وتحس الكف ما صاب خدها وجرحه، بل صاب قلبها وكسره.
ابتسمت بسخريه على حالها وطلعت السياره وحرك سهم الي ما كان عارف بالسالفه ابد.
طول الطريق ساكته ما نطقت بولا حرف، وذا الي حير سهم، الي يدري فيها ما تحب تقعد ساكته، ولازم تنق فوق راسه لين تتعب.
سهم بابتسامه : اشفيك ساكته، لا يكون البس اكل لسانك.
سمو بابتسامه ساخره : قررت التزم الصمت، دام الكلام ما صار يجيب الراحه.
سهم بابتسامه : بروفسور سمو صارت تتفلسف.
سمو بابتسامه ساخره : فيك تقول كذا.
سهم بابتسامه : تصدقي شي، رغم انو لسانك اطول منك، ومتبري منك، بس افضل اتحمل طولة لسانك ولا اتحمل سكوتك.
سكتت سمو وما ردت.
سمو بعد صمت : سهم تقدر تجي تاخذني عقب الجامعه، وتوديني اي مكان بعيد عن البيت.
سهم بابتسامه : ابشري، بجي اخذك، بس بعيد عن البيت مقدر عشان عندي قضيه ولازم اروح لموكلتي.
سمو : طيب وين المشكله، خذني معاك.
سهم بهدوء : مقدر، عشان خصوصية العميل.
سمو بضيق : وعد اقعد عاقله وما اسوي شي، بس طلعني تكفى.
سهم بهدوء : قلت مقدر.
سمو بعيون لامعه، وبنظرة رجاء : تككككفى.
سكت سهم،ما يقدر يقول لا عقب نظراتها ذي.
سمو بامل : موافق؟
اخذ سهم نفس عميق : بس تقعدي مكانك وما تسوي مشاكل او تطولي لسانك ؏احد.
سمو بفرح : ابشر
قصر ابو عزام
ـــــــــــــــــــــــ
دخلت هنادي للقصر، وعطت عبايتها ل الشغاله.
هنادي بابتسامه : مهاب فيه.
الشغاله : بابا يروح مال هوا شقل.
هنادي بخيبه : متى طلع، ومتى راح يجي.
الشغاله : ما يدري متى يروح هوا، وما يدري متى يجي.
الهنوف من الدرج.
الهنوف بفرح : هلا والله هنادي.
راحت لها هنادي وضمتها وباسو بعض بالخد، وبعدها راحو لغرفة الهنوف يسولفو ويتفقو ؏التجهيزات.
قعدو يسولفو بمواضيع مختلفهو، واغلبية سوالفهم عن تجهيزات جمعة البنات.
دخلت الشغاله وهي شايله صينيه فيها عصير، وقدمته لهنادي والهنوف.
اخذت هنادي رشفه من العصير ونزلت الكوب وبعدها ناظرت الهنوف.
هنادي بابتسامه : احم الهنوف ودي اسألك.
الهنوف بابتسامه : اسألي.
هنادي بابتسامه خجوله : كيفه مهاب.
سكتت الهنوف شوي، لمن تذكرت الاسواره الي طاحت على مهاب، ناظرت هنادي.
الهنوف بهدوء : تمام، ويستحسن لو تشيليه من بالك يا هنادي، لانو مهاب مب الشخص الي ببالك، مهاب مستحيل يكون لك زي ما تبي، مهاب انسان ما بقلبه رحمه، وما يقدر يتعامل زين مع جنس حواء، واسلوبه جلف، وانا لانو احبك قاعده انصحك عشان تشيليه من راسك، لانو مهاب مستحيل يحبك، مب عشان فيك شي مو عاجبه لا، بل عشان ما يناسب مهاب الا بنت قويه زيه، وما تسكت عن حقها، شوفة عينك لا انتي ولا انا ولا حتى ابوي يقدر يوقف بوجهه ويعارضه على قراراته، وشوره من راسه ما يتبع شور احد، وما نقول غير الله يهدي باله، لانو صلابته بسبب تربية اخوي عزام الله يرحمه ليه، ما علمه الين، وعلمه القسوه، وهذا هو صار نسخه مصغره من اخوي عزام الله يرحمه.
ما اهتمت هنادي لكل هالكلام، وسوت روحها وكانو ما سمعت شي، والدنياء سلامات.
تنهدت الهنوف بقلة حيله، هناي راسها والف سيف الا يكون مهاب لها، ولو ماكان لها مستحيل يكون لغيرها، وذا شي هي عارفته زين، بس اشلون تقنعاها انو مهاب ما يبيها ولا يطيق تلزقها فيه.
جامعة الملك عبد العزيز
ـــــــــــــــــــــــــــــــــــــ
فتحت الباب وقبل تنزل ناظرت سهم.
سمو بهدوء : تقدر ترجع لي بعد ساعه.
سهم باستغراب : ليه.
سمو بهدوء : عندي كم شغله ودي اسويها وطالعه، ومالي نفس اداوم اليوم.
سهم بهدوء : ماني جاي ولا راح اجيك الا عقب انتهاء الدوام، اذا براسك شي قوليه، والجامعه خلها ؏جنب، لانو مستقبلك وحياتك مصيرها من نجاحك واجتهادك فلا تخلطي الامور ببعض.
سمو بهدوء : اذا ماراح تجي راح اطلب لي تكسي واروح، ولازم تتاكد انو لو رحت مستحيل ارجع البيت لين يطيح الي براسي.
خلصت سمو كلامها ونزلت من السياره وغلقت الباب بقوه.
ابتسم سهم على تصرفها، الحين اش ذنب باب سيارته تغلقه بالقوه ذي، لا هو ولا حتى سيارته سوو لها شي.
تنهد بهدوء سمو بنت مزاجيه، ولمن تعصب ما تشوف قدامها، حس انو فيها شي بس ما يدري وشو، قرر يروح المستشفى يشوف تيما وعقب ساعه يرجع ياخذ سمو.
حرك السياره وطلع من الجامعه وتوجه ل المستشفى.
وهو بطريقه للمستشفى، رن تلفونه وكان المتصل سند.
رد وشبك السماعه وحطها باذنه وعينه ؏الطريق.
سهم : هلا سند.
سند : سهم سمو يمك.
سهم : لا تو نزلتها بالجامعه وحركت، ليه؟
سند بضيق : ليه نزلتها بالجامعه كنت اخذتها لاي مكان، وما تركتها تطلع غضبها وضيقها على احد.
سهم باستغراب : ليه وش صاير، انا كنت ملاحظ انو فيها شي بس فكرت يتهيأ لي، وش صار.
سند بضيق : ابوي ضربها كف.
فرمل سهم بقوه، لين اصدرت السياره صوت من فرملته.
سهم بصدمه : وشووو، ابوي ضربها، ليه.
سند بضيق : سالفه طويله، الحين مب فاضي احكيها لك، بس لازم تتاكد انو سمو غلطت، وعشان كذا ابوي ضربها كف، مع انو فيه مليون شغله يقدر يعاقبها فيها غير الضرب، بس ابوي هالمرا فاض به الحال.
سهم بعدم استيعاب : انا مستحيل اصدق الي قاعد اسمعه، اشلون ابوي يضربها كف، انت شفت هذيك المرا لمن سوينا مقلب فيها وضربناها ضرب مزح وش سوى فينا، عاقبنا وقعد مخاصمنا اسبوع، اشلون هو قدر يضربها.
سند بضيق : اسمع روح دوامك، وسمو انا بعد شوي بروح لها وبطلعها من الجامعه قبل تسوي لها اي مشكله، لانو راح تحاول تلاقي لها اي شي عشان تفرغ غضبها .
سهم : طيب بس لا تطول عليها، انا الحين مضطر اغلق وراي شغل.
غلق سهم وحرك مكمل طريقه، وارتاح لمن خبره سند يروح يكمل شغله وهو الي راح ياخذ سمو، لو كان سند امامه لباس راسه على هالمعروف الي سواه معاه، لانو اساسآ مب فاضي بس ما حب يكسر بخاطر سمو.
غلق سند من سهم والتفت يناظر ابوه الي كان جاي ناحيته.
ابو سند : سند .
سند : سم.
ابو سند بهدوء : سم الله عدوك، سمعت مكالمتك مع سهم، لا تروح تجيب سمو، انا الي راح اجيبها.
سند باعتراض : بس يب.
قاطعه ابو سند : لا بس ولا بطيخ، انا قلت الي عندي.
خلص كلامه ودخل سيارته وحرك متوجه ل الشركه.
قرر سند يروح لدوامه ويترك ابوه يتصرف زي ما يبي.
الجامعه
ـــــــــــــ
دخلت القاعه واخلاقها براس خشمها، راحت لمقعدها وقعدت.
دهل فهد وشلته، وشافوها قاعده وحاطه راسها ؏الطاوله.
فهد بحقد : اشفيها السنيوره، ما كملت النوم ببيتها.
ما اهتمت سمو،وما اتحركت من مكانها.
سعود بخبث : اكيد نعسانه، خل ناخذها ترتاح باحد القاعات المهجوره.
رفعت سمو راسها وعينها تقدح شرار.
سمو بغضب : بتذلف انت وياه، او اتوطا ببطنكم.
فهد بتمثيل ل الخوف : لا تكفين يا القويه مرا خفت.
وقعد يرجف برجلينه ويدينه بتمثيل، وكانه يرجف من صدق.
راحت له سمو وكانت راح تضربه بس البنت الي كانت بالكرسي الي قبلها، وقفت امامها مع خويتها وحاولو يهدو سمو.
التفتت البنت ل الشباب : بتذلفو او انادي الدكتور.
فهد بغمزه : اف يا شباب، الظاهر هالمزيونه عدتها سمو من اخلاقها الشينه.
مشيت سمو عشان تضربه، بس البنت مع خويتها محكمين قبضتهم عليها.
اخذت البنت تلفونها بيدها الثانيه الي مب ماسكه سمو فيها، فتحت الباسورد، واتصلت، وشوي ويوصلها صوت الدكتور حمد.
الدكتور حمد : هلا خيال .
خيال : دكتور حمد فيه شباب مزعجينا بالقاعه، ومسوين مشكله مع وحده من البنات .
الدكتور حمد : الحين جاي.
فهد بسخريه : مفكره بهالحركات راح تخوفينا.
خيال بهدوء : بعض الكلام في قليلين الموره حرام.
عصب فهد وكان راح يمد يده بس دخول الدكتور حمد وقفه.
الدكتور حمد بعصبيه : شتسوي انت وياه.
رجع فهد خطوتين لورا.
راح لهم الدكتور حمد وطردهم بعدما هزأهم شوي، وبعدها ناظر سمو وكان راح يهزأها، بس سمو سبقته.
سمو بهدوء : احد طلب منك تجي، كنت راح اتوطا ببطنهم، وقبل ما تقول اي شي يا دكتور انا مب فاضيه لكلامك.
خلصت سمو كلامها وطلعت من القاعه، والدكتور حمد مشتعل غضب من كلامها.
خيال : حمد هدي روحك، سمو ما غلطت، والشباب هم الي كانو جايين يحارشوها.
سكت حمد وكتم غضبه، ونظرات التوعد بعينه.
طلعت خيال بعدما خبرها حمد تلحق سمو، استغربت خيال طلبه، بس نفذته ولحقت سمو.
دخلت سمو للكفتيريا، وعيونها تطق شرار، قعدت تدور جوري بعيونها وما حصلتها.
التفتت على صوت خيال الي تناديها.
سمو بعصبيه : خير اش تبين انتي بعد.
خيال بهدوء : ما ابي شي، بس حبيت اطمن عليك.
سمو بسخريه : ومن متى الميانه.
خيال بهدوء : ما اق.
قاطع كلامها دخول جوري، الي راحت لسمو بابتسامه وكانت راح تضمها بس يد سمو كانت اسرع، وهببب رزعتها كف.
حطت جوري يدها ؏خدها بصدمه.
جوري بصدمه : سمو.
شدتها سمو من يدها بقوها وطلعت فيها من الكفتيريا، امام انظار كل الي بالكفتيريا.
قعدت سمو ساحبه جوري من يدها،و جوري ما تدري اش فيها.
راحت سمو فيها لاحد القاعات الفاضيه، ودخلتها وغلقت الباب وشدتها بقوه عشان توقف امامها.
سمو بغضب : ليه سويتي كذا، ليييه قوليلي ليه
جوري بدموع : سمو اشفيك، انا وش مسويه فيك عشان تضربيني وتجيبيني لهني وتصارخي علي.
رفعت سمو اصبعها السبابه بوجهها.
سمو بغضب وتهديد : والله اذا ما تكلمتي غير ارميك بالسجن تعفني يا المعفنه، اش سويت لك لحتى تلبسيني هالمصيبه، اشلون هانت عليك صحبتنا، اشلون طاوعك قلبك ترميني بهالمصيبه، اعتبرتك اخت اكثر من صديقه وعطيتك ثقتي الي ما عطيتها اي احد بالنهايه تحطي لي مخدرات بشنطتي، اشلون هنت عليك هاه، لو براسك شي لي ليه ما واجهتيني وطيحتيه، ليه سويتي كذا يا جوري *وبصراخ *ليييه.
جوري ببكى : سمو اشفيك والله مب فاهمه شي، ولا ادري عن الكلام الي تقوليه، اي مخدرات واي بطيخ.
مسكتها سمو من كتوفها وهزتها : انا شفتك بعيوني وانتي قاعده تحطي الكيس بشنطتي، شفتك مع الدكتور علي من كاميرات المراقبه، لا تستغبي علي، وقولي ليه سويتي كذا.
جوري ببكى : والله ما سويت شي صدقيني، سمو انتي تعرفيني زين، انا صح يتيمه وما عندي احد بس ما توصل فيني المواصيل اعض اليد الي انمدت لي، انتي اختي الي ما جابتها امي يا سمو، ومستحيل فيه اخت تضر اختها.
تشوش عقل سمو، جوري قاعده تحلف انو مو هي الي حطت المخدرات بشنطتها، وهي بعيونها شافتها، شافت طولها وعبايتها، صح ما شافت وجهها بس عباية جوري تقدر تميزها.
جوري ببكى : سمو تكفين صدقيني، انا مستحيل اسوي شي زي كذا.
ما صدقتها سمو، لانو مستحيل تنكر عيونها.
تركت سمو جوري وبعدت عنها شوي.
سكتت جوري شوي وكانو تذكرت شي،مسحت دموعها وناظرت سمو بأمل .
جوري : لحظه لحظه لا يكون شفتيني بالقاعه لمن اجو الشرطه والدكتور علي خبر الكل يطلع ويترك اغراضه.
ما ردت سمو.
جوري : ترا فيه بنت معانا بنفس الدفعه اجت امس وطلبت مني اغير معاها العبايات، عشان اخوها واحد من الشرطه، وانا بدلت معاها، وبعدها البنت راحت للقاعه ورجعت بعد شوي وعطتني عبايتي وكانت مغيره عبايتها.
ناظرتها سمو وفرحت شوي، لانو ذا يثبت انو جوري مو البنت الي بالفيديو، بس ما تنسى انو بعد بقلبها شك تجاه جوري، لانو انهزت ثقتها فيها.
سمو بهدوء : شسم البنت.
جوري : دلال منصور هذيك الي دايمآ تتلزق فينا.
سمو بشك : هذيك الي تهاوشت معاي قبل شهرين.
جوري : ايوا هيه.
سمو بشك : متاكده.
جوري : ايوا متاكده،انا عطيتها عبايتي من باب الشفقه عشان اخوها ولانو البنت طلبتني وما قدرت اردها.
سمو باستعجال : وينها البنت.
جوري : مدري ما شفتها اليوم.
طلعت سمو من القاعه بسرعه.
ناظرتها جوي وابتسمت وحطت يدها على خدها.
جوري بابتسامه والم : اه والله كف اليم بس عادي تموني يا سمو عشان ل الظروف احكام .
طلعت وعلى ثغرها ابتسامه سعيده، عشان سمو كانت فاهمتها غلط، ما تنكر انو خافت تخسر سمو، لانو سمو صديقه قدعه واي بنت تتمنا تخاويها.
طلعت سمو وحاولت تلاقي دلال بس ما حصلتها، خبرتها وحده من بنت الدفعه انو دلال طلعت من الجامعه، انصدمت و راحت ل الدكتور علي عشان تتاكد، وخبرها انو اخذت ملفها اليوم وطلعت من بدري.
قعدت سمو على كرسي بغضب، اشلون الحقد عما عيونها وتركها تسوي سواتها ذي فيها، اساسآ من وين لها المخدرات.
قعدت سمو تفكر وتفكر وكل مال الغضب يزيد بقلبها اكثر واكثر.
وقفت سمو وطلعت من مكتب الدكتور علي، وراحت للقاعه تبعها.
شركة الزاهد
ـــــــــــــــــــــ
دخل الشركه بكل هيبه وشموخ، ما اهتم لنظرات الموظفين الي مستغربين من لبسه، مشى بكل هدوء وتوجه لمكتبه.
واول ما وصل لباب مكتبه، فز السكرتير تبعه من مكتبه وبدا يرحب فيه.
السكرتير بابتسامه : هلا والله تو ما نورت الشركه، هلا بك يا طويل العمر.
مهاب بهدوء : هلا بك، نور اهلها فيها، اسمع يا ذيب عطني كل الملفات الي تحتاج توقيع، جدي مب فاضي وارسلني بداله .
ذيب بابتسامه : ابشر طال عمرك، ثواني وكل الملفات عندك، الا ما قلت لي وش تحب تشرب.
مهاب : تسلم بس عطني الملفات.
دخل مهاب لمكتبه وريح بظهره ؏الكرسي، وبدا يناظر للمكتب ولصورة ابوه الي محطوطه بالمكتب ، ابتسم لمن شاف ابتسامة ابوه بالصوره.
مهاب بهدوء : الله يا الدنياء، رحت وما بقى منك الا ذكريات وصور، يا عسى ربي يجمعنا بجناته.
طق طق
مهاب بهدوء : ادخل.
دخل ذيب ومعاه كم ملف وحطهم ؏المكتب.
ذيب بابتسامه : سم طال عمرك هذي كل الملفات، ماكان فيه داعي تتعب روحك وتطلع من الدوام، كنت جيتك للبيت وتناقشنا بكل امور الشغل.
مهاب بهدوء : تسلم وصلت الملفات فيك تطلع.
ابتسم ذيب بفشله وطلع، يدري انو مهاب رئيس الشركه، وابو عزام هو النائب تبعه، ومهاب ما يجي ل الشركه ابد بسبب شغله بالقوات الخاصه، واذا فيه اوراق تحتاج توقيعه او فيه شي مهم بالشغل يروح له للفيلا تبعه او للقصر.
قعد مهاب يناظر الاوراق بتمعن.
رفع التلفون بهدوء : تعال يا ذيب.
طق طق
مهاب بهدوء : ادخل.
دخل ذيب : سم طال عمرك.
مهاب بهدوء : اقعد.
قعد ذيب.
مهاب بهدوء : فيه شركه قلت لك من اسبوع تتحر عنها،بعد ما ارسلو لنا صفقه تعاون، وش صار عليها.
ذيب : قصدك شركة الكايد.
مهاب بهدوء : ايوا هي.
ذيب : الشركه ماعليها كلام، شركه ناجحه وصفقاتها مربحه، ومديرها رجال راعي طيب وكرم، وما عنده سوابق، ولو عقدنا الصفقه معاه، راح تكون صفقه مربحه بالنسبه لنا.
مهاب بهدوء : اجل ححد لي موعد معاه، وخل الاجتماع يكون بالشركه ، او بالبيت.
ذيب : ابشر طال عمرك.
رفع مهاب يده وناظر ل الساعه السوداء الي تزين معصمه، وشاف الساعه وكانت 9:33 ص.
مهاب : اسمع حدد لي موعد معاه الحين، باقي 27 دقيقه على الوقت الي طلبته من المقر.
ذيب : ابشر طال عمرك.
طلع ذيب من المكتب وراح لمكتبه واتصل لرقم مدير شركة الكايد، ورد عليه السكرتير وحوله للمدير.
ذيب : السلام عليكم.
مدير الشركه : وعليكم السلام .
ذيب : انا ذيب من شركة الزاهد، مدير الشركه شاف اوراق شركتك وطلب يقابلك عشان تتكلمو بتفاصيل الصفقه.
مدير الشركه : قصدك انو مدير الشركه وافق على الصفقه.
ذيب : فيك تقول بس لازم ما تحط امل كبير لانو المدير لو شاف اي ثغره مب زينه راح يلغي الصفقه.
مدير الشركه : طيب راح نتكلم بالتفاصيل.
ذيب : المدير الحين بالشركه، تقدر تجي وتتفقو ؏الاساسيات والتفاصيل، وترا عندك 25 دقيقه لين توصل وتخلصو الصفقه، عشان المدير عنده شغل ثاني.
مدير الشركه : طيب الحين جاي.
غلق ذيب من المدير ودخل لمهاب وخبره انو المدير ؏وصول.
قصر ابو عزام
ــــــــــــــــــــــ
استوووب خل اعرفكم ؏العائله.
الجد ابو عزام، مشعل
الجده متوفيه
اولادهم
1 ابو مهاب عزام متوفي
ام مهاب غند متوفيه
ولدهم الوحيد مهاب 32
2 ابو صقر محسن،
ام صقر حصه
اولادهم
صقر 28
هنادي 25
الكادي 21
تميم 19
3 ابو ضياء جلال
ام ضياء تهاني
اولادهم
ضياء متزوج وعايش بتركيا مع حرمته.
ضاري 27
4 الهنوف اخر العنقود 24
طبعآ كل واحد من عيال ابو عزام عنده فيلا، ومهاب بعد عنده فيلا، بس اغلب وقته يكون بقصر جده، لانو جده ما يقوى على بعده ويحب يشوفه يمه وحوليه.
قاعد بالصاله يسولف مع ولده جلال.
ابو عزام : اقول يا ولدي ما ودك تلم ولدك ضاري.
ابو ضياء بعجز : عجزت المه يبه، سود وجهي بين الخلايق.
ابو عزام بابتسامه : والي يلمه لك.
ابو ضياء بابتسامه : له الي يبي.
ابو عزام بابتسامه : زوجه ويلتفت لحرمته ويترك حركات السرابيت عنه.
ابو ضياء باستغراب : تبيني ازوجه عشان يعقل يبه.
ابو عزام بابتسامه : اي بلله، وما يعقل الطايش الا حرمه تلمه.
ابو ضياء برفض : مستحيل يبه، بنت الناس ماهي بلعبه، اشلون تبغاني ازوج ولدي السربوت، وتصير حوبة البنت برقبنتي.
ابو عزام بصرامه : انا جيت لك من الطيب وعييت، بس اسمع يا جلال يا تزوج ولدك او انا ازوجه، وترا حركاته ذي مب حركات رجال كبير وفاهم الحياه زين.
دخل على كلامهم وهو مبتسم، قعد ؏الكنبه بدون ما يسلم.
ضاري بابتسامه : اشوف جايبين طاريي.
ابو جلال بغضب : وفيه احد غيرك مسود وجهي هاه، وما نقعد الا واحنا جايبين طاريك يا السربوت.
ضاري بابتسامه مستفزه : تصدق يبه، ذوقكم حلو باختيار المواضيع.
ابو عزام بغضب : قم يا الرخمه قم وانقلع من بيتي.
ضاري بابتسامه : عاد من زين بيتك يا الشايب.
طلع ضاري من القصر وهو يضحك باستهزاء على كلامهم، دخل لسيارته وحرك بعدما اتصل لخويه عشان يطلعو يرقمو يم الجامعه عشان فيه بنات مزز شافهم قبل يومين طالعين من الجامعه.
ابو عزام بغضب : خذها من الاخر يا جلال لو ما لميت ولدك من الهياته الي هو فيها وزوجته، والله لاخذه وارميه بالسجن وما يطلعه احد لين يتربى.
ابو ضياء بضيق : يبه وش اسوي فيه، شوفة عينك ما يحشم احد، والاحترام ماله وجود عنده، سو الي تبيه يبه، ضاري طلع من يدي.
ابو عزام بغضب : اجل خلها علي، وما ابي منك تدخل بشي.
قعد ابو عزام يتوعد لضاري ، وقلبه مليان غضب من تصرفاته وقلة ادبه، ويتمنا لو انه يتوطا ببطنه ويعلمه الادب زين.
فيلا ابو سند
ـــــــــــــــــــــ
قاعده بالحديقه تناظر الزرع والورد ببال سرحان.
طلعت ام سهيل عشان تناديه عشان التلفون من اول قاعد يرن وهي مب حوله.
مشت ناحيتها وشافتها قاعده على احد الكراسي وتناظر ل الورد وسرحانه.
ام سهيل : نوره.
ام سند : ــــــــــ لا رد.
ام سهيل : ام سند.
ام سند : ــــــــــ لا رد.
استغربت ام سهيل منها ليه ما ترد عليها، هزتها من كتفها.
ام سهيل باستغراب : نوره اشفيك من اول قاعده اناديك.
حطت ام سند يدها على صدرها بفزع.
ام سند بفزع : بسم لله اشفيه خوفتيني، احد صاير له شي.
ام سهيل باستغراب : اسم الله عليك، لا ما احد صاير له شي، انتي الي اشفيك.
قعتد ام سند تسمي وتذكر الله، تحس قبلها طلع من محله من الخوف، ما تدري ليه ما حست بوجود ام سهيل، استغربت روحها كل ذا وهي سرحانه.
نادت ام سهيل الشغاله وطلبت منها تجيب كوب مويه لام سند، ولمن راحت الشغاله وجابته عطته ام سهيل لام سند.
ام سهيل : سمي بلله.
اخذته ام سند وشربت منه شوي وبعدها نزلت الكوب ؏الطاوله وناظرت ام سهيل.
ام سند : هلا وش بغيتي.
ام سهيل بابتسامه : ما ابي شي، بس كنت جايه اخبرك انو تلفونك يرن من اول،وكنت حابه اسولف معاك.
ام سند بضيق : تلفوني ولاحقه عليه،و اذا كان ودك تسولفي سولفي ي بس لا تجيبي طاري سالفة اليوم.
ام سهيل بابتسامه : لا تشيلي بخاطرك من كلام سمو يا نوره، هذا هو عبد العزيز ضربها وخذت جزاتها.
نوره بعتب : اخذت جزاتها، الحين هذا الي تشوفيه، انا صح زعلانه من سمو بس زعلي من عبد العزيز اكبر، اشلون هانت عليه سمو يضربها كف، هي صح غلطت، بس ماعليها شرهه، لانو سمعت كلامك انتي وياه امس، ومن حرقة قلبها قاعده تقول هالكلام*وبنبرة حزن *انا اعتبر سمو مو بس بنتي، انا اعتبرها قطعه من روحي، واعز علي من اولادي، وما بحياتي فرقتها عنهم بشي، ولو جات واعتذرت راح اسامحها، بس كلامك الحين زود النار بقلبي وصدقيني لو سمعتك سمو راح يزيد نفورها منك اكثر واكثر.
ام سهيل بهدوء : الحين ابغا افهم سمو ليه تشوفني بنظره غير، ابي افهم هي ليه ما تحبني، وكل وقتها تشوفني زوجة الاب الشريره والي تحاول تلبس قناع الطيبه، انتي تعرفيني زين يا نوره وانو احب سمو وما بحياتي ضريتها او قلت لها شي، بس هي قاعده تشوفني بنظره غير، وشوفتها لي بالنظره ذي قاعده تعصبني.
ام سند بابتسامه ساخره : مو انتي الي عطيتيها هالانطباع عنك، لانو يا شهد انتي الي تقعدي ساكته لو هاوش عبد العزيز سمو ، وما تدافعي عنها، وسمعتك كذا مرا وانتي تقولي لابوها يربيها، سمو مهما كانت تبقى طفله يا شهد، طفله ترتجي حضن يحتويها ويلمها، سمو يتيمه يا شهد، وانتي اكثر وحده مجربه مرارت اليتم، ولا نسيتي كيف كنتي لمن توفت امك وانتي بعمر 7 سنوات، تعذبتي وتمرمطتي وعانيتي كثير.
بلعت ام سهيل غصتها باللم، مستحيل تنسى الايام الي عاشتها بصغرها، ايام شافت فيهم ابشع ايام حياتها، عاشت الفقد والاشتياق والخذلان، والظلم والاحتياج.
ام سهيل باللم : انا اختلف عن سمو يا نوره وسمو تربت بين ناس تحبها وتحترمها وتخاف عليها بعكس انا، فما تقارنيني بسمو لو سمحتي.
ام سند بضيق : سمو ما تفرق عنك بشي، شوفي رغم انو احنا حبيناها وعطيناها الحب والحنان والامان، الا انها ما تشوف كل هذول شي، وبعدها محتاجه لامها، واحتياجها لامها اكثر من احتياجك لامك، انتي شفتي امك وقعدتي معاها وتربيتي بين احضانها، مب مثل سمو، من صحيت ؏الدنياء وهي ما خذه لقب يتيمه.
جات الشغاله وقاطعت كلامهم لمن عطت ام سند تلفونها الي يرن.
اخذته ام سند ووقفت ودخلت الفيلا بعدما فتحت الخط وردت.
قعدت ام سهيل تقلب كلام ام سند براسها، والضيق كاتمن صدرها، وافكارها محتاره.
مستشفى المجانين
ــــــــــــــــــــــــــــــ
دخل المستشفى وراح ل الرسبشن وسأل عن غرفة تيما وخبروه يروح ل الدكتور الي مشرف ؏حالتها اول، وعطوه رقم غرفة الدكتور المسؤل عن حالة تيما.
مشي سهم بالممرات وقعد يمشي ويمشي لين ما وصل لمكتب الدكتور، واول ما رفع يده عشان يطق الباب، ما حس الا باذنه انصمت من صراخ غالي.
ــــــــــــــــ : اءءءءءءءءءءءءءءءءءءءءءء
(( وصلنا لنهاية البارت ))
//توقعاتكم //
تتوقعو سمو تسامح ابوها ؏الكف الي عطاها ياه ؟
تتوقعو هنادي تيأس من مهاب وتشوف لها احد ثاني تحبه ؟
مين البنت ذي الي اسمها دلال ؟
تتوقعو مين حيكون الشخص الي يوزع المخدرات، وهل دلال الموزعه او مجرد بسه انرمت كطعم ل الضباع ؟
تتوقعو تنجح الصفقه الي بين شركة الزاهد وشركة الكايد ؟
تتوقعو الجد يزوج ضاري، ولو زوجه تتوقعو مين حتكون البنت الي راح تكون ضحية هالزواج ؟
ام سند راح تسامح سمو على الكلام الجارح الي قالته بحقها ؟
وام سهيل راح تسامحها او لا، وهل ام سهيل تحب سمو او تحقد عليها ؟
تتوقعو الصراخ الي سمعه سهم صراخ مين ؟
تتوقعو يكون صراخ تيما ؟
شاركوني توقعاتكم الحلوه يحلوين