الفصل 4
البارت الرابع
فتحه وانصدم من اللي قاعد يشوفه
حلم حياته واطهر انسانه متربعه بقلبه
بمنظر تمنى انه يموت ولا يشوف اللي يشوفه منها
تمنى يصارخ يفجر كل ايام السهر والحب اللي حبها بصمت
تمنى انه يقدر يتكلم ينهي كل اللي بينهم تمنى يخنق نواف
ويكتم انفاسه ولا انها تتنفس انفاسه
تمنى يذبحها ايه يذبح حب حياته ويموت بعدها قلبه ولا تدوس على قلبه برجلينها وتمشي مع مين مع اقذر الناس بعينه
نوااااااااااف
كل هالمشاعر تغيرت لما ايده سكرت الباب بهدوء ومع تسكيرت الباب ايه سكره ومعه سكر قلبه
وحبه اللي انولد من وقت ومات بلحظه
تمنى انه كان جالس بمكانه ولا شاف اللي شافه قريبه منه بالحيل وكأنهم شخص واحد الا اللي يدقق يفرق بينهم
لاكن من يوم ورايح قلبه بيكون مات ومستحيل يفكر بوحده نفس الجوري لانها حب وانتهىآآآآآ
.................................................
ابتعدت الجوري عنه لما حست بحركه من الباب
وقتها حس نواف بحاله وجلس يمسح اثار الروج اللي انبطع على شفايفه وهو مرتبك وهي دموعها تنزل من صدمتها
وتركته بغرفة الطعام وصعدت الدرج
وهي تصعد كان فيصل مابعد يطلع من البيت
شافها وهي تبكي وتصعد
وهي مانتبهت له من صدمتها
نواف حس بالغلط اللي سواه واستغفر ربه
وجلس يكرر بعقله غبي خاين حقير
كيف قدر الشيطان يأثر علي
ياليتني ماسويت اللي سويته
ليتني قدرت ابتعد عنها الله يلعن بليس
طلع من غرفة الطعام وحمد ربه ان ماكان فيه احد لاحظ هالشي
راح لعند المغاسل غسل فمه ومسحه
وطلع شاف خالته والخدامه معاها
ام فهد : هلا يما نواف من متى انت هنا
نواف برتباك باس راسها : هلا فيك كيفك ان شاءالله الحمد لله
ام فهد : لو تهمك اخباري كان تجي تسلم تسأل مو بس اشوفك من الجمعه الى الجمعه
نواف : حقك علي وهذي ايدك وبستها وان شاءالله طاح الحطب
ام فهد : ايييييه قص علي بكم كلمه وخلني ارضى
نواف : فديتك والله انك بمقام امي الثانيه
ام فهد : ياحبني لك الله يحفظك ويخلي اميمتك لك
نواف : ويخليك لي
ام فهد : وش اخبارك واخبار اختي واخوانك ان شاءالله ماعليكم قاصر
نواف : ابد مانشكي باس الحمد لله بس عتبانه عليك ماتزورينها
ام فهد : لها الحق وانا امك ان شاءالله قريب
نواف : تنورين وربي
ام فهد : نورك ونور امك الدايم اقول يما وين شنطت اللي مفشلتنا اذتني بتذاكر بتذاكر
ارتبك نواف من تذكر الجوري وسرح
ام فهد : نواف وش فيك يما اكلمك
نواف : ايييه والله بالسياره اللحين اجيبها
خلي الخدامه تلحقنني وانا اعطيها توصلها لها
ام فهد : مشكور وتعبناك معنا الله لايهينك قول للرجال الغدا جاهز
خلهم يقلطون فهد ولدي مادري وينه
نواف: يوصل ياغاليه وانا وفهد واحد ماعلي كلافه ولاتعب
ام فهد : فديتك انتبه لعمرك ولاتنسى سلم على امك طيب
نواف : يوصل ان شاءالله يلا عن اذنك بروح اطلع شنطة الجوري من السياره < وهو ينطق اسمها حس انه خان خالته اللي تقدره وتحترمه وتعده واحد من عيالها
.................................................. ............
انا وش سويت وش فيني قص علي الشيطان
لا مو مني منه هو هو اللي بدى
وشلون هو اللي بدى وانا اللي عطيته وجه ولاكان المفروض
اطلع من شفته داخل علي من غير شي يغطيني
بس انتي ماكنتي تدرين انه بيسوي كذا
ولو المفروض ماجلست يااااااه اااااه ياراسي
طق طق طق
الجوري : ميييييييين
الخدامه :انا ميني افتح برنسيسه جوري
الجوري وهي مالها خلق ابد : نعم آمري مس ميني
الخدامه : هزا شنطه مال مدرسة انتي في يعطي بابا نواف
الجوري اتعبها اسمه وعرفت انه قرى اللي كان مكتوب بدفاترها من يوم يسألها مساع بالغرفة الطعام ومرت عليها الاحداث
من بداية همسه وبعدها قربه لها وعيونه وريقه اللي تسرب داخل فمها الى دموعها
الخدامه : الجوري انا يطلع انتي اليوم مادري ايش فيه
سكرت الجوري الباب ورجعت لصياحها وحسرتها على غلطت عمرها
............................................
خلصت من قراءة صورة الكهف اللي تحفظ الانسان الى يوم الجمعه الثاني واستغفرت ربها
وتوجهت للمطبخ تساعد امها
ساره : يما حابه اساعدك بشي
ام سلمان : مابغى الا فرقاك
ساره : اذا احتجتي شي انا بالخدمه
ام سلمان :ميري ياميري
ميري : نعم ماما
ام سلمان : تعالي قصي سلطه حق بابا
ميري : طيب بابا انا في سويي
ساره ك كان قلتي لي وانا اقصها شكلها مشغوله بتنظيف الحوش
ام سلمان : ماابغاك تجيسين شي بالاكل كفايه انك نجستي سمعتنا بعد تنجسين اكلنا
مسكينه اختك شوفيها وصل عمرها سن 30 ولا حد خطبها
وكل بسبب فضيحتك ليتك يومها متي ولا صار لك شي
ولا عارك اللي فسد سمعتنا ونجسها
ساره مو قادره تتحمل كلام امها اللي تعتبرها الد الاعداء لها
وبدت دموعها تنزل: يما والله مالي ذنب والله
ام سلمان : انتهينا خلاص هذي سالفه قديمه وانتهت
ساره : طيب ليه مصره تذكريني فيها
ام سلمان : لأنك انتي السبب بكل شي سوير ذلفي عن وجهي دام النفسك عليك طيبه بسرعه اشوف
الله لايوفقك من بنت كانك مفشلتني ومسوده وجهي
ساره طلعت وهي تسمع اخر كلمه من امها تحسها سكين طعنت بقلبها وتوجهت لغرفتها ومافيه حد تشكي له غير وسادتها
................................
هاه يما موافقه
الجده : والله قلت لها قالت بكمل دراستي بعدها قالت مو موافقه
ابو سعد : مو على كيفها توافق غصب عنها
الجده: مافيه شي بالغصب وانا امك خلها على راحتها
ابو سعد : تركيها عنك كلام بزران هي توها ماتعرف مصلحتها
الجده : وانا كلمتي مااثنيها دام راسي يشم الهوا البنت ماراح تروح الا للي هي توافق عليه وغير هالكلام ماعندي
ابو راشد : طيب يمكن على ولدي توافق
الجده ك هي رافضه عيالكم الكل مو بس على بو سعد
وغير هالكلام ماعندي
ويلا تفضلو على الغدا
ام خالد اللي هي ام صديق نواف تصير عمتها : وينها هي مسكينه خليها تنزل تتغدا معنا
الجده : عجزت منها مو راضيه تقول تبغى تذاكر وانا امك هي ماتبغى تذاكر خايفه من كلام اخوانك
ام خالد : ماعليك يما انا اللحين اخليها تنزل
الجده : ياليت تسمع كلامك بس يما ليلى لاتضغطين عليها خليها على راحتها
ام خالد : بشري تامريين
طق طق طق
لجين : مابي غدا
ام خالد : حتى انا ماتبيني
لجين اللي ترتاح لأم خالد لانها احسن من عمامها وفيها من ابوها كثير : لا انتي ماقدر اتكلم حياك
ام خالد : وش لون الدراسه معك
لجين : والله الحمد لله والاختبارات على الابواب
ام خالد : الله يوفقك قولي آمين
لجين : آمين تسلمين الله لايحرمني منك وراحت لحضنها وحضنتها وجلست تبكي
ام خالد : افى ليه هالدموع
لجين : مادري احسك تشبهين ابوي كثير وانا اشتقت له
ام خالد : الله يرحمه ادعي له يما
لجين : الله يرحمه
ام خالد : طيب انتي اللحين غسلي وجهك ولاحقه على المذاكره الله ماعطاك ماعطى بنتي شوق اخر همها الدراسه
لجين : ههههههه الله يهديها
ام خالد : ايه كذا ابغى ضحكتك ماتفارق وجهك
لجين : ان شاءالله
ام خالد : ويلا اللحين قدامي غسلي وجهك ونزلي تغدي
لجين : يووووووه والله مالي خلق عمامي
ام خالد : ماعليك طنشيهم ولاتعدين لهم حساب
لجين : هن راح يفتحون موضوع الزواج معي وانا مابغى ولا واحد من عيالهم
ام خالد وهي حاطه ببالها تخطبها لولدها خالد : امي مساع وقفتهم عند حدهم ماعليك وقالت لاتفتحون معاها هالموضوع
لجين : فديتها جدتي والله اني متعبتها معي
ام خالد : بنجلس نسولف خلص الغدا يلا نزلي تغدي انا بسبقك انتي لحقيني طيب
لجين : ان شاءالله تامرين
ام خالد : مابغى اجلس على السفره الا انتي جنبي مفهوم
لجين تضحك : هههه مفهوم ياسعادة المديره
ام خالد : ههههههه دوم هالضحكه
ونزلت وبعد حرب بينها وبين نفسها لحقتها لجين تتغدى
ولاسلمت من نغزات اعمامها لها
.................................................. ............
هي انت وهي يلا غدا
ريم يوووووه اكيد الغدى ياسندوش او جبن
ملينا
افنان : قولي الحمد لله لأذبحك اللحين
محمد : شنو غدانا
افنان ك اليوم انا مسويه لكم رز كبسه
ريم + محمد: جد والله
ضحكت افنان على اشكالهم : هههههه ايه ابوي باع السياره
وشرى لنا شويت رز ودجاج
ريم : يلا حطي لنا ليه واقفه وينه ابوي بروح اسلم عليها
افنان : وين وين روحي غسلي وجهك بعدين صلي بعدها روحي تغدي
ريم : الللللله كل هذا برد الاكل
افنان :لاتخافين توه ماخلص يبغى له شوي على مايحي ابوي يكون الاكل جاهز
وتلتفت لمحمد وانت يالبقره عجزت اقومك لصلاه تقول لي بلاستيشين وفزت عليك
شايفني لعبه لك انا
محمد شوي وبيصيح : انا وش دراني كل من ريم اللي خلتني اعصب منها
ريم : والله مو انا هذا فهد هو اللي جنني
افنان من ذكرت اسم فهد وقف الدم بعروقها وتذكرت امس يوم تعصب عليه والله مايستاهل
: ماعلينا يلا قومو ترى اللي بيصلي قبل بحط له اكثر واحد
قامو بسرعه وتهاوشو على الحمام < تكرمون
وكلعاده لسان ريم هو اللي سبق وبما ان محمد مسالم خلاها تدخل خوفا من لسانها
توجهة للصلاه اللي حجمها صغير وشافت ابوها جالس
افنان: تقبل الله
ابو محمد : منا ومنك
افنان: يبا خاطري اسألك ليه امس ماجيتنا
ابو محمد : والله كنت ماشي من البيت 10 ونص بجيكم
بس تعرفين السياره وقفت علي بالطريق
ومو راضيه تمشي مر علي واحد الله يجزاه خير قال لي تبيعني اياها واعطيك عليها 5 الآف انا وافقة وقلت مامنها فايدها
بالخمسه رحت بالتاكسي شريتي يدام لكم
ورز واشياء من السوبر ماركت
ورجعت طايح بدني وتعبان على طول نمت ونسيت نفسي
افنان : ان شاءالله اخر التعب يارب
ابو محمد : وياك طبختي الكبسه
افنان : ايه ان شاءالله تعجبك
ابو محمد : لاتخافين شكل ريحتها تشق الخشم
افنان :هههههه تبغى احط لك
ابو محمد : لامع العيال احسن
افنان : تامر يبا انت تعرف عايلة ال....
ابو محمد : ايه اعرفهم كنت اشتغل عندهم قبل
افنان : طيب ليه اللحين ماتشتغل عندهم
ابو محمد : والله يابنتي انتو بنات لحالكم وولد صغير
واخاف عليكم وخاصه ان الدوام حقهم مايرخصونك الا 12 الليل
صعبه اتركم من 6 الصباح الى 12 الفجر
وانا ماعندي شهاده علشان شغلوني شغله ثانيه هذي وبطلعت الروح لقيتها انا طلبت الاستقاله منهم واهم ماقصرو
افنان : اهاااا يلا انا قايمه اشوف اخواني انت ريح شوي
اذا حطينا الغدى بصحيك
ابو محمد : مشكوره يابتني
افنان باست راس ابوها وايده : الله يخليك لنا
ابو محمد : ويخليك والله من الحوسه نسيت اسألك وش اخبار الدراسه معك ماشيه
افنان : ايه الحمد لله الاختبارات باقي عليها شهر وان شاءالله خير
ابو محمد : ان شاءالله خير
وقام ابو محمد يريح على مايخلصون ريم ومحمد وهي راحت تساعدهم بتلبيسهم
.................................................. ...........
فتح عيونها وكان راسها مصدع من التفكير والصياح شافت\ الساعه 7 المغرب
اللللله كل هالوقت كنت نايمه
نفضت النوم من راسها راحت الحمام غلست وجهها
وتوضت وصلت الفروض اللي فاتتها
خلصت من الصلاه وسلمت
وهي تصفط السجاده سمعت صوت الباب يفتح
: الجوري
الجوري: هلا تركي وش بغيت اشوف كشختك
تركي: ههههههه لا اليوم جاي اسأل عن احوالك
الجوري بإستغراب : كثر منها تسال عن احوالي قولي لي وش بغيت وخلصني لاني مالي خلق جد
تركي : والله ماعرفنا لك اذا سألتك عن كشختي قلتي ليه ماتسأل عني واللحين يوم سألت عنك تقولين كثر منها
الجوري: طيب انا احوالي تمام واذا على الدراسه مابقى شي على الاختبارات بعد غيره
تركي وهو مو لاقي طريق يفتح لها موضوع البنت اللي شافها بغرفتها : طيب تذكرين يوم تسوين الحفله
الجوري بطولت بال : ايه وش بغيت
تركي : احممممم ااااا مممممم
الجوري: ووجع وش فيك قول
تركي : كانت فيهم وحده حلوه
الجوري بصدمه : وين شفتها
تركي : لاتخافين بالغلط شفتها كنت جاي ابغى اقولك عن شي وشفتها
الجوري: تروك اعرفك انا لاتحطها براسك لان صديقاتي متربيات
تركي : عارف بس حاب اعرف وش اسمها
الجوري : مجنون انت اقول شكلك مهستر قوم برى اشوف
تركي : سمعيني لان انا شاك فيها كأني شايفها مع شباب
الجوري : مستحيييييييل ولا وحده فيهم تطلع مع شباب
تركي : انتي قولي لي اسمائهم كلهم وانا راح اعرفها لك بس اسمائهم
الجوري : افنان و لجين وساره
تركي : طيب أي وحده فيهم تخاف وتكابر
الجوري : ساره بس ليه تسأل
تركي : لانها يوم شافتني ارتبكت وحسيتها بتبكي بس بعدها كابرت
الجوري: متى انت شفتها
تركي : بالليل متى يعني
الجوري : بس احنا نزلنا كلنا مع بعض
تركي : مادري طيب اسمها ساره اجل
الجوري : ايييه هاه بشر تعرفها والله واثقه منها ماتسوي شي
تركي : لا تطمني مو هي
الجوري : الحمد لله طمنتني والله قلبي طاح برجولي
تركي: كل ذا حب لصديقاتك اتحدى وحده فيهم تحبك
الجوري: حبوني ماحبوني وش دخلك يلا قوم عن وجهي
تركي : اعصابك طيب باي
طلع وسكر الباب
التفت الجوري على النافذه شافت شنطتها مرميه جنبها
تذكرت كل اللي صار وراحت تشوف شنطتها واغراضها اذا موجودين ولا لا راحت شافت الشنطه موجوده وكل الاغراض
تطمنت وقالت الحمد لله انهم موجودين ولا كان انفضحت بكرى بالمدرسه فتحت الدفتر حقها وهي متأكده انه قراه
ماعجبها تصرفه انه يفتح اغراضها
وهي تتصفح كتباتها نقلت نظرها الى الصفحه الثاني
شافت خط نواف كاتب بالصفحه
......................................
هـذا الحنان اللي له القلب محتاج
أرجوك زيد بالعـطا واحتويني
وان كان شفت في وصالي لك احراج
فـي صمت أحبك بين قلبي وبيني
وهذا رقم جوالي ياليت تتصلين فيني
...........................
ماتغدت وماذاقت طعم الأكل كلام امها يرن بإذنها انا سبب تعاست اهلي واختي
يعني هم منزعجين مني مايبغوني
يعني لومت بيفتكون مني
طيب وش اسوي لازم اموت وافك اهلي مني
ويعيشون مرتاحين وماعندهم عار عايش عندهم
ومسبب عقده لهم
بس كيف اموت مستحيل انتحر ومايصلون علي
وش اسوي ااه ياراسي بينفجر
هذا حالها من الظهر الى 7 الليل وهي مو عارفه وكيف تتصرف
:ساره حبيبتي ساره
ساره : هلا تفضلي صاحيه
: ساره وشفيه وجهك كذا
ساره : مافيني شي بس راسي مصدع
: امي قالت لك شي
ساره : لا بس احاتي الاختبارات
: طيب انا بروح اجيب لك شي تاكلينه قلت بجيب لك بس خفت نايمه
ساره : مرام دخليك ماابغى شي نفسي صاده وراسي يدور
مرام : والله مو على كيفك انتي لازم تاكلين لك شي من شان نفسيتك تكون مهيئه للإمتحان
ساره : والله مو مشتهيه لاتضغطين علي
مرام : يلا عاد بلا دلع انا رايحه احط لك وبأكلك بإيدي
ماابغى اسمع منك حرف
............................................
يما خالد ماتبغى تتزوج والله خاطري اشوف عيالك يملون علي البيت
خالد : والله يلا على ايديك وانا قايل لا
ام خالد : وش رايك بلجين بنت خالك
خالد : لجين واه يما صغيره توها ماتخرجت
ام خالد : هي بتتخرج باقي لها كم شهر ووتخرج
خالد : اللي تشوفينه بس اهم شي حلوه زينه يعني تعرفين ولدك ذويق
ام خالد : هههههه حسبي الله عليك خلاص يوم بخليك تجي وتشوفها
خالد : تتوقعين ترضى
ام خالد : لا من غير ماتدري
خالد : كيف
ام خالد : اسمع ..................
وقالت له الطريقه اللي يقدر يشوفه فيها
.................................
ريم ووجع وش تسوين
ريم : اذاكر ابغى اكسر راس فهود
افنان: والله ياليت اذا كسرتي راسه تقولين لي وبعدين انتي مصدقه انه جاد بكلامه يمكن يمزح معك
ريم : اذا كان صدق يمزح انا اوريك فيه
افنان : تكفين عااااد بلا حركات ماصخه ويلا نامي وراك مدرسه
ريم : لحظه بدرس باقي لي شوي واخلص
افنان : طيب متى بيجيك
ريم : مادري بس يمكن الخميس الجاي انتي دقي على الجوري شوفي متى بيجي
افنان : شايفه الجولات مقطعتني من وين التيليفون مسكرينه من سنة جدي
ريم : مالت علينا كل الناس عندهم تيليفونات حتى اللي بسني عندهم جولات وانتي ماعندك ههههه والله مسخره
افنان مستغربه من كلام اختها وماحست الا عاطيتها كف : انتي وبعدين على هالكلام لاتخليني اذبحك
ريم : ياليتني امووووت ولااعيش هالعيشه يعني انتي عاجبك حالنا كل البنات بالمدرسه يضحكون علي وعلى مريولي من اول مادخلت المدرسه وهو علي 3 سنوات وانا ماعندي الاهو
وبعض الايام اروح بملابس ثانيه ليه علشان اختي ماغسلت المريول او ماكوته وتبغيني اتحمل حتى صديقاتي يضحكون علي من وراي يقولون جزمتها مريولها قديمين
انكسر قلب افنان على حال اختها وقالت والدمعه خانقتها
: معليش ياقلبي بكرى بتخرج وبشتغل وبيصير عندنا فلوس كثيره وبنشتري بلاستيشين نفس اللي عند الجوري والعاب
واذا على المريول بشتري لك كثير اخليك كل يوم تلبسين مريول
ريم : انتي حلي زين بالاختبارات من شان تشتغلين
افنان : ااااااه يادوبا تشكين بقدراتي تتحدين
ريم : اتحداك ونشوف قد التحدي ولالا
افنان : انتي من وين لك هالكلام وربي صاير كلامك اكبر من سنك
ريم : طالعه عليك
افنان : ههههههه تعرفين شتاخذين مني ماخذتي العقل والسناعه
ريم تسوي تعابير بوجها : واضح
افنان عصبت منها : اقول طسي لاخليك تنامين من غير عشا
هربت ريم عن الفنان خوفاً منها لأنها اذا عصبت تصير حيوان مفترس
.......................
:جبت لك اسمها
:وش اسمها
:ساره واتوقع بثالث علمي يعني نفس فصل اختي
: هي ساره وحده يمكن اكثر من وحده بالفصل اسمها ساره
سعود وانا وش دراني لاتجنني اهم شي تركع تحتي
سعود : عمرك طلبتني ومانفذت اللي طلبته كم تركي عندي انا
تركي: ههههههههه انا لو بصلي بصلي شكر لله انه هداني لك هديه
سعود + تركي : هههههههههههههههه
...........................................
الجوري لاتنسين قولي لصديقتك اللي ماتتسمى اني ابغى
اتحدى اختها يوم الجمعه نفس هاليوم اسبوع الجاي
الجوري : طيب أي آوامر
فهد : لا بس هذا
الجوري : طيب اسفه بس ابغى انام وقول لماما مابغى عشى
فهد : لاصرت سواق ابو اللي جابك قعدي تأمري علي وانا طالع قبل لاتقولين سلام
عصبت الجوري من اخوها االمتبلد الاحاسيس الله يعيني عليه من اخو ويعين اللي بتاخذه < قالت كلمتها بصوت عالي وماحست انه بعده ماطلع من الغرفه
فهد : انا متبلد احاسيس يالمريضه اقول بلا حركات انك تعانين لانه مو لايق عليك وربي وبعدين احترمي اللي اكبر منك قال ايش متبلد احاسيس ... طلع وسكر الباب بكل قوته
واللي ماتدري عنه الجوري ان هالكلمه اثرت عليه
وجرحته
انا متبلد احاسيس ويعين اللي بتاخذني ليه كل ماحاولت احسن العلاقه معاها تسكرها بوجهي اظاهر انها تعودت علي
كذا وماراح تغير وجهة نظرها فيني
ااااااااه ياافنان وش سويتي فيني مااعرف انام ولااعرف اعيش نفس الخلق لو الغرور اللي منعني من اني اقدم موعدي مع ريم
ولاكان انا اللحين من بكرى عندكم
عقله يجاوبه انت وش جالس تقول هي فقيره مو من مستواك
قلبه يرد عليه الفقر مو عيب العيب الاخلاق
وجلس بصراع بينه وبين نفسه وراح غرفت وجلس على سريره يفكر
.......................................
الجوري بعدها بصدمتها من اللي شافته من وقت
حاط رقمه يبغاني اتصل فيه
يعني معقوله يفكر فيني ويحبني
لو صادق بحبه ليه عاطيني رقمه يمكن حاب يتأكد من حبه
يارب انت اعلم بحالي وش اسوي يارب
قلبها يجاوبها : دقي عليه وشوفي اذا كان قصده شي ثاني
هزئيه وقفلي منه اما اذا كان قصده يبغى القرب منك
وقصده شريف لاتكلمينه كثير وفهميه انه يدخل البيت من ابوابها مو من نوافذها
آمري لله وبتصل
..................................
انتهى البارت توقعاتكم :-
حطيت لكم توقعات من غير اسئله ماتوقعتو شي
بحط لكم اسئله
1\ الجوري اللي تسويه صح ولا خطأ
2\ فهد والحب اللي يكبر بقلبه وش نهايته
3\ ام خالد وش الطريقه اللي بتخلي خالد يشوف لجين
4\ تركي + ساره + سعود + البنت المجهوله
بنتظار حماسكم وتوقعاتكم
.................................................
بحفظ الرحمن (: