الفصل 2
البارت الثاني:-
*الجوري*
من صدمتها باللي نزل من سيارته تمنت الارض تاكلها ولا تنجط بالموقف هذا ومع مين مع حبها الطفولي اللي كبر معاها
نزل بهيبته ورجولته وملامحه اللي تغيرت عن طفولته
وصارت اكثر جاذبيه وجمال
سلمان: اووووه انظم واحد لنا بس شكله ازين
واكشخ منا يعني مالنا امل غطى علينا الحيوان
ناصر: شوفه متجه لنا وهو معصب ياخوفك خطيبها او اخوها
باقي الشباب هربو لما حسو ان بتصير مشكله الا سلمان معاند
نواف: وش عندكم يالحثاله هنا واقفين وتلاحقون بسيارات خلق الله ماتستحون الشرهه مو عليك على اللي واقف يكلمك
سلمان : قول انك تبغى تستفرد فيها وانتهينا
نواف : حسن الفاظك ولاوالله اخليك تنام بالسجن اليوم
سلمان : تكفى مت رعبه < وهو بدخله جد ارتعب
نواف: بتمشي من قدآمي ولاامشيك
شوي الا نسمع صوت جوال سلمان واللي يتصلون عليه
اخوياه اللي تركوه وهربو من الخوف
سلمان: اهلي يبغوني ولا كان ماتحركت من هنا
نواف : اذلف طيب ولاعاد اشوف وجهك مره ثانيه تفهم
مشى سلمان ونواف كان قلبه ياكله على اللي بسياره
وخاصه انه مو عارف هل هي بنفسها ولا اختها
نواف: بس اللي اعرفه اختها بالرياض ماتجي الا ايام الويك آند
ومو كل اسبوع يوووووووه انا ليه مااروح واعرف بنفسي
كريم: بابا نواف انا مشكله هذا سياره مافيه بانزين
وماما الجوري اوووووه ينسى انا برنزيزه الجوري ... وقال الحوار اللي دار بينه وبينها له كلعاده مايسكت هالكريم والله يعين نواف عليه
نواف : من غبائك تستاهل
طق النافذه وهو قلبه يذوب تجاهها وابتسامته ارنسمت على شفاه الحاده وقلبه بدى يدق وطبعا من برى مايبان شي عليه
الجوري وقلبها بيوقف مو مصدقه وخايفه نزلت نافذة السياره
نواف: هلا والله بنت خالتي اسف اذا ضايقتك
بس وانا راجع من الشركه شفت سيارتك واقفه
وحبيت اساعدك
الجوري :...................... ؟!!
نواف وكانها جاته الفرصه لعنده: اذا مايزعك هالشي تعالي عندي
بسياره وانا اوصلك واذا على كريم خليه هو يدور بانزين ويعبي السياره
الجوري: احم احم والله على راحتك اللي تشوف
الجوري تكلم عمرها : يوووووه وش يمشيني معه انا وكيف بقدر
اشم ريحة عطره بسيارته ياخوفي يغمى علي ..
نزلت الجوري من سيارتهم وركبت ورى بسيارة نواف
واول مادخلت سيارته جاتها ريحت عطره اللي تغلغلت بداخلها نفس ماهو متغلغل بقلبها
ركب نواف السياره بعد ماقال كم شغله لكريم
يفهمه كيف يعبيها وكان فيه قدامهم محطة بنزين
بس من غباء السواق ماشافها
ركب نواف ومشى على بيت خالته
في السياره
نواف: قالو لك شي عيال الحرام
الجوري بحيا:لا ماقالو شي
نواف وهو ذايب بعسلها : تدرين اني من شفت سيارتكم
قلت اكيد انتي لان هذا موعد طلوعك من المدرسه
واللي نرفزني وقفتهم قدام الناس على نافذة السياره
الجوري وهي بدت تنحرج من كلامه :.........؟!
نواف ارتبك من صمتها وحب يقطع هالصمت
نواف: كيف الدراسه معك
الجوري : ااااااااااااااه والـ......
نواف : بسم الله على قلبك من الآه
بعدها عصب على نفسه كيف نطقها
الجوري خلاص وجها وكيانها انقلب وحبت تكابر
الجوري: وقلبك ... والله هم جد هالدراسه
متى افتك واتخرج
نواف : كلها كم شهر وتتخرجين الا متى حفل تخرجكم
انا اللي اعرفه اختي رنــــآ قبل ماتتخرج بكم اسبوع
حفلتها اللحين غيرو الموعد
الجوري: لا نفسه احنا اختباراتنا الشهر الجاي
والحفل بعد اسبوعين
نواف : ذاكري وتخرجي مليت وانا انتظرك
الجوري وحست بالحراره بوجها وحبيت تسكت
وكملو طريقهم
وصلو البيت تبغى تنزل بسرعه
من السياره قبل لايصير شي مو على البال
الجوري: مشكور واسفه تعبتك معي
نواف : ولو تعبك راحه
الجوري: تسلم
سكرت باب سيارته وهي تبغى تدخل بيتهم تاخذ
نفس شوي مو مستوعبه كلامه جد هو يحبها نفس قبل
يارب يكون من نصيبي يارب
شوي الا فتحت عيونها على آخرهم وهي تفتقد شنطتها يووووه
انا كيف نسيتها الله يعين كيف بقوله يجبيها مالي الا اقول
لأمي تكلمه تخليه يجيبها
..................................................
*افنان*
وصلت بيتهم كلعاده مشيا على الاقدام
وماتحب حد يقول لها تعالي اوصلك
تحس انها راميه نفسها على حد
دخلت ومن حرارة الشمس ماتشوف حولها
وكارها نفسها وبيتهم وحياتهم
بس مايبان عليها الا الطيبه
والابتسامه اللي ماتفارق وجها
اخو افنان الصغير: جيتي من مدرستك
افنان : ايه ماتشوفني قدامك ولا شبح
محمد : هههه لابس حبيت اقولك مافيه غدا اليوم
افنان : عادي تعودنا الا وين اختك ريم
ريم : نعم آمري ياختي العزيزه
افنان: على مين انتي طلعتي كذا ملسونه
ريم : عليك هههههههه
افنان منصدمه : علي هاه بتوريك الملسونه
وش بتسوي فيك
حمودي حبيبي بكرى صديقتي عازمتني على بيتها
تحب تروح معي ولا اجيب لك وانا جايه شيبسات
وغازيات وحلاوه وايس كريم وكل شي
محمد وعيونه طايره : جد كل هذا لي
افنان : انت آمر بدللك تدليل
ريم : تكذب عليك كل تقول لنا ولاتجيب
افنان : والله لأجيب لك ماعليك منها
ريم حست ان الامر جاد مو نفس كل مره كذب:
افنان اسفه امزح معك وش فيك صدقتي
افنان : جد والله توك تحسين على عمرك اشوف ذلفو نامو
بس محمد اللي بعطيه ولاانتي لو تموتين ماراح اعطيك
ريم والدمعه بعيونها: شكرا مابغى منك شي
راح الكل ينام وهم مو ماكلين شي
وطبعا ابوهم بالموت يشوف القرش
وافنان مدخلتها امها على حسابها مدرسه
خاصه من شان تشتغل وتصر على بيتهم
......................................
لجين اول ماوصلت
دخلت وشافت جدتها سلمت عليها
وباستها على رسها
الجده : تحبين الكعبه يارب
لجين: وانتي معي قولي آمين
الجده : انا مابقى لي عمر العمر لك
لجين وهي تضم جدتها : لاتجيبين هالطاري
الجده : الموت حق وانا امك
لجين : عارفه بس لاتجيبين طاريه
الجده: انا منى عيني اشوفك عروس قبل لاغيب عن دنياي
وخايفه عليك من عمامك لايسون لك شي
لجين : ماعليك منهم انتي تهميني وبس
الجده : قلت لك انا ماراح ادوم لك
لجين : وش سر هالكلام لاتقولين لي واحد من عيال عمي خاطبني ويبغيني له
الجده وهي متحسره على بنت ولدها الكبير
ايه يمه خاطبك ومحرصيني اخليك توافقين
لجين : لو اموت مااخذ واحد فيهم كلهم فاشلين
لاهدف ولا شي ومبزره اعمارهم 22 او 32
انا يما ماافكر بالزواج اللحين خليها بعدين
الجده : وش اقول لهم
لجين: قولي رافضه وبقوه بعد
لجين تبغى تسكر هالسيره
لجين : يما ماتبغين تغديني تراني ميته جوع
الجده : يخسي الجوع اللحين اقول للخدامه تجهزه
لجين : ابدل ملابسي واجي اتغدى معك
...........................................
ساره اول مادخلت البيت
شافت اخوها اللي ضيع حياتها بين يوم وليله
جالس قبالها يطالع التليفزيون
ساره : السلام عليكم
سلمان : وعليكم السلام شرفتي
ساره : وين امي وابوي
سلمان : ابوي مابعد يوصل من دوامه
وامك تجهز الغدا
وروحي بدلي ملابسك مالنا خلق ننتظرك
وننتظر ابوك
ساره : استح على وجهك هذا ابونا
سلمان : اقول يالمعقده روحي لاوالله اخليك حتى الاكل ماتذوقينه
ساره راحت على غرفتها وهي ودها تذبحه
بإيدها
.................................
مر اليوم سليم على الجميع
ومعروف يوم الاربعاء للنوم لان اغلب اللي يرجعون من دواماتهم
يرجعون البيت يتغدون ويرجعون ينامون
...........................
يوم الخميس جهزت الجوري كل شي لإستقبال صديقاتها
حتى جناحها جهزته لهم لان عارفتهم يحبون يدخلون جناحها
ويتعبثون فيه وفي اغراضها
على الساعه 8 ونص
وصلت لجين وكانت هي الوحيده اللي توصل بدري
لبست تنوره قصيره الى ركبتها
جينز ضيقه على جسمها
وبلوزه بيضا رسميه مره وغير شعرها اللي
تركته على اكتافها بكثافته وبسواده
اما المكياج ماحبت تحط شي لانها عارفه
انها بتدخل غرفت الجوري وبتجلس الجوري
تمكيجها وتعدلها من غير ماتقول لها لجين شي
بعدها بنص ساعه وصلت ساره وافنان
وطبعا افنان ماتقدر تترك اخوانها وحدهم بالبيت
وهذا اكثر شي يوجع قلبها قررت
تاخذهم معاها وطبعا بعد مااعتذرت لها ريم
وبالموت رضت وذلتها على هالروحه
واللي وصلهم ابوهم بسيارته القديمه
اللي يادوب تمشي توقف اكثر من انها تمشي
من حظهم تعدلت سيارتهم في ذاك اليوم
ووصلها اما ساره ابوها وصلها
وامها عاندت قالت مافيه بس ابوها اصر انها
تروح تغير جو وطبعا تهاوشت امها مع ابوها
على هالروحه وهالشي كدر بخاطرها
..........................
على الساعه 9 الكل كان موجود
الجوري لبست فستان برتقالي
فيه تشجيرات بالبنفسجي واكسسواراتها كلها بنفسي
من ساعه الى حلق الى اساور الى جزمه < تكرمون
طبعا شعرها سوته ويفي ومتروك على راحته
والكحل والماسكرا عطينها جاذبيه ونعومه
افنان
لبست بنطلون جينز سكيني مع بلوزه حمرا مروسم عليها رسومات عاديه شعرها طويل وناعم
تركته على راحته
والمكياج (0%
والاكسسوار ساعه
ساره
لبست تنوره طويله حرير مسجره
من اخضر وتفاحي
وبلوزه خضرا حرير ماسكه على جسمها
وعاطيتها نعومه فوق نعومتها
واكسسواراتها اخضر وتفاجي وذهبي
وجزمتها ذهبيه كعبها عالي< تكرمون
ولجين ذكرنا سابقاً ^_^
وصلو البيت وتجمعو كلهم بغرفة الجوري
وهي كل وقت استلمت وحده فيهم
اول شي لجين غيرت من شكلها
بالمكياج والاكسسوارات
وحتى افنان غيرتها واختها ريم حطت لها قلوس
قالت كذا احلى واذا على كيفها حتى محمد هههههههه
بس قالت خليه يلعب تحت بالبلاستيشين
وساره كانت كاشخه بس ملامح الحزن بنات على وجهها
فقررت الجوري تغيره من ملامحها بلمستها على وجها بشوية
ميك آب وطلعو الجميع روووووعه
نزلت الجوري وافنان وساره
باقي لجين قالت لها الجوري
احنا نازلين تحت بالمجلس اللي يطل على برى
اذا لقيتي جزمتك تعالي < تكرمون
طبعا هي كانت تدور جزمتها لانها دخلت دورة المياه < تكرمون
ولبست جزمة دورة المياه ونست وين حطت جزمتها
دورتها دورتها ومالقتها وهي تدور
كان تركي متكشخ ومتعطر ولابس احلى لبس
وكان ناوي يسأل الجوري وياخذ رايها بكشخته
وكلعاده من رجاجته ماطق الباب وفتح الباب وشاف
وحده منحنيه تدور جزمتها تحت السرير وبان
نهاية ظهرها لان بلوزتها قصيره شوي
اما تركي هو لمح بياضها وشده لها
وخاصه انه عرف مو اخته ومستحيل تكون اخته
لجين : حسبي الله عليك من جزمه كذا تعبتيني
ماتسوين وربي
تركي : بس اذا لبستيها تصير تسوى الدنيا ومافيها
لجين : وقفت على رجلها وهي خايفه وبنفس الوقت منصدمه
متى هذا دخل
تركي يوم ناظر فيهاماقدر يتكلم غير ان الصمت دار بينهم
لجين : لو سمحت انا طالعه ومو حلوه بحق الجوري ادخل بيتها
وتشوفني معك
تركي : انتي تجبرين الواحد يجلس معك ومايتمنى يطلع
لجين : بلا وقاحه وكلام ماله معنى وابعد عن طريقي لو سمحت
تركي : قرب منها وانفاسه تصدم بوجهها
انا وقح توني ادري تصدقين انا مافيه شي يصعب علي وانتي
دخلتي هنا < وحط سبابته على راسه
يعني ماراح تطلعين من هذا الا بمزاجي او لقيت بديل فهمتي
طلع تركي وهي منصدمه كيف قرب منها وكلمها وهددها
خافت بس بعدها طنشت وحبت تهدي من حالها ربع ساعه
وبعدها نزلت لهم
..............................................
دخل فهد وهو راسه مصدع من العمال اللي عندهم واللي
مايفهون شي بس يغبضون رواتب وبس
وشاف طفل يلعب بلاستيشين وجنبه بنت
صغيره جذبه منظر الاطفال وخصوصا
انه يموت فيهم وهذي خلصه حميده فيه ^_^
جلس على الكنب القريب منهم
فهد : وش اسمك ياحلو
محمد صدق انه حلو قال : محمد
فهد : حلو اسمك وانتي وش اسمك
ريم : وش دخلك
فهد الله من اولها معصبه
فهد: افى ليه تقولين كذا
ريم : لانك ماقلت لي ياحلوه
فهد : هههههههههه خلاص ياقمر
ريم : لا قول لي مره ثانيه
فهد : يالليل ماطولك وش اسمك ياقمر
ريم وهي نافخه ريشها : ريم
طيب انت وش اسمك
فهد : اسمي فهد
ريم : والنعم
فهد مستغرب من جرائتها : والنعم بحالك
ريم : ليه وانت داخل البيت تتكلم مع حالك وشكلك معصب
فهد : مافيني شي بس شوي مصدع اذا تعرفين وش يعني مصدع
ريم : لااعرف وانت كل مصدع نفس اختي
فنو كل معصبه وراسها مصدع بس تضحك وتقول مافيني شي
فهد : عيب لاتعصبين اختك
ريم : وش دخلك انت
فهد يارب سترك : ماعندك الا هالكلمه
ناظرته نظره ورجعت تلعب
فهد بعد نظرات والله انها قويه : معليش العب معاكم
ريم : لاااا قوم عن وجهي اشوف
فهد : انتي من وين تجيبين هالكلام
ريم : من اختي كل تقول لنا قومو عن وجهي اشوف
فهد تحمس يعرف اكثر عن هالأخت:
انتي بس تتكلمين عن اختك وينها امك
ريم : امي ماتت وفتكينا منها
فهد منصدم من كلام هالبزر:
عيب لاتقولين كذا على امك
ريم : ليه انا كل يقولون لي عيب واختي تتكلم
وتقول ولااحد يقول لها شي
فهد : اختك قليلة ادب انتي تصيرين نفسها
ريم : أي والله انها قليلة ادب وغبيه
افنان : مين الغبيه والقليلة الادب
ريم حطت يدها على فمها
اما افنان انصدمت من وجود شخص ماتعرفه
جالس مع خوانها
افنان : اسفه بس ماكنت عارفه انك موجود
فهد : لاولو انا طالع سلام
وقبل لايطلع سمع ريم تقول
ريم : فنو اول مره اشوفك مستحيه وخايفه من فهووود
تصدقين كل مره بقوله يجي بيتنا من شان تخافين منه
ههههههههههههههههههه
افنان وودها تذبحها لانها احرجتها
شوي وطلع وسكر الباب
وراحت افنان لها وقرصتها :
قالت لها بشري باللي يجيبك مره ثانيه
ريم :والله مااعيدها فهوووود تعال انقذني
افنان حطت يدها على فم ريم: لاتصارخين مو في بيتنا احنا
سكتت ريم وقال لها افنان: اذا رجعنا البيت
لي تفاهم معك ثاني
رجعت افنان للبنات وهي اصلا جايه تتطمن على اخوانها
انهم ماكسرو شي وفشلوها
وشافت فهد بالصدفه ومن شافته وعرفت ان
اخو الجوري اللي تتكلم عنه قلبها بدى يدق وينبض
ولأول مره
............................................
طلع فهد وهو واقف عند باب بيتهم ولا قدر يتحرك ولأول مره يحس انه منحرج وقلبه يدق بس مو فهد اللي يتعرف بهذا
فهد: انا قلبي يدق طبيعي شفيني مصدق عمري ..؟!
والله انها وناسه هالريم ياليتها اختي
وتذكر افنان وكيف كان شكلها وهي معصبه وتحولت ملامحها الى احراج وهداوه وحاول ينفضها من عقله ولاقدر
وبين سرحانه تذكر الشركه واللي صار لها من اهمال
ولخبطه ببعض الاوراق رجع لعصبيته وسيطرته وكأنه ولا صار شي
فهد: حسبي الله عليهم من موظفيين المشكله ماتقدر تفصلهم من الشغل وابوي عاطيهم وجه زياده عن اللزوم
ركب سيارته وهو معصب وشغل وراح عند صديق عمره طلال
......................
عند البنات
الجوري: بنات يلا حان موعد العشاء
افنان وبعد جهد كبير سيطرت على حالها ورجعت لوضعها الطبيعي: اوومك ياللغه هههههههههه
انتي هنا واللغه العربيه هناك
الجوري:لاوالله اقول لاتطيحين من طولك وانتي وش فالحه فيه
غير النوم بالحصص انا انم على الاقل نص الحصه
انتي كل الحصه والمشكله تشخرين وازعاج
افنان : انا اشوخر ومين اللي تتكلم وهي نايمه هاه
لجين : اقول انتي معاها بلا فضايح انتي تشوخيرن وانتي الحمد لله والشكر ماتسكتين وماينقال لك شي كل ماقلنا لك شي قلتي وانتي نايمه وننفضح
ساره : صادقه وافنان ماتسكت وماتكتم سر
لو قلتي لها سر الدنيا كلها درت
الجوري: ههههه والله وجهي انقص خلاص تفضلو على العشا
افنان : هههه صادقه هذي احسن
راح الكل يتعشى وافنان راحت لأخوانها وقالت لهم يجون
يتعشون معاها
...............................
نواف : والله اني اموت فيها خويك طايح من زمان بس ماتوقعت هالطيحه يظل وجعها الى هالوقت
خالد : طيب صارحها سو شي البنت بتروح من بين يدينك وانت
جالس على برادتك تحرك سو شي
نواف : وين احنا مستحيل اعترف لها اصلا هي تدري اني احبها مادري احساس
خالد : طيب مو انت تقول انها ناسيه شنطت مدرستها معك بالسياره
نواف وهو مو فاهم وش قصده : ايه
خالد : لو تحبك بتعرف من شنطتها
نواف مستغرب : شلون
خالد : افتح شنطتها شوف دفاترها كتبها
مو وركز على اخر صفحه بالكتاب والبدابه
لان اغلب البنات يحبون يعبرون بآخر صفحه
نواف: مستحيل افتح غرض من اغراضها مجنون انت
يمكن فيها اسرار وانا ماحب اتطلع على اغاراض غيري
وامها كلمتني وقالت لي متى مافضيت جيبها
وانا والله مو مطاوعني قلبي ارجعها احسها هي جالسه
قدامي من شنطتها وكفايه ان صاحبتها الجوري اااه ياقلبي
خالد : صدقني بتندم اذا مادورت من بين اغراضها
نواف : ان شاءالله ماراح اندم واذا على الشنطه بفك نفسي منها
وبكرى راح ترجع لصاحبتها
خالد : طيب انت اسمع الكلام ودو.....
نواف : سكر موضوع الشنطه لاني مستحيل ادور من بين اغراضها ............
اقول انا طالع بروح البيت وراي دوام
خالد : وراك دوام ولا تتهرب
نواف تجاهل كلام خالد : فمان الله
..............
عند البنات الساعه 12 الليل
الجوري : زوروني مره ثانيه والله غيرتو علي جو
ساره : ان شاءالله الزواره الجايه بعد التخرج
افنان : قولي ان شاءالله ناجحين
لجين : يارب النجاح بالنسب العدله
الجوري+ ساره + افنان : امين يارب
لجين يلا ساره وصل السواق تبغين اوصلك
ساره:اذا ماعليك كلافه
لجين :ولو تامرين من عيوني
ساره : مشكوره
افنان : الله يهداه ابوي مدري متى بيجي
لجين اوصلك لان سواق الجوري نايم اللحين
تبغين اوصلك
افنان وهي ماتحب نظرة الشفقه او أي حد يتلطف عليها
: لا شكرا ابوي اللحين بيوصل انا قايله له الساعه 11 تعال يمكن انشغل واللحين بيجيني
لجين : على راحتك يلا ساره مشينا
مشكوره الجوري استانسنا وغيرنا جو
الجوري : علشان مره ثانيه تعرفون ان مافيه مثلي
افنان : مداح نفسه يبي له رفسه
الجوري : اقول انطمي ماعمري سمعت منك شكرا
او ماقصرتي بس تذمين
ساره : يلا نشوفكم على خير باي
لجين : يلا مع السلامه
سلمو على بعض
افنان + الجوري : بحفظ الله
افنان : انا مساع ماحبيت ارد لان مابغى افشلك
انا مااشكرك اااااه يادوبا ومساع وانا اقول تسلم لنا المعزبه الجوري ماقصرت والله يدومها لنا
الجوري: هااااااء متى كذابه
افنان : قلتها والله بيني وبين نفسي مابغاك تشوفين نفسك
الجوري: دوبا والله انك مهستره اشوف نفسي على الكل الا انتي
افنان : ياحبي لناس اللي تقط كلام حلو واااه حر
الجوري: ههههههههههه
مرت نص ساعه وهم مابين كلام معسول ومابين هواش
افنان : وينه ابوي تأخر
الجوري: معليش ببيت اختك انتي مو ببيت غريب
افنان : بس فشله محمد نام وريم بالطريق شوفيها
راسها كل وقت يروح يمين وشمال كأنها ترقص هههه
الجوري: ههههه حتى اخوانك ماسلمو منك
شوي الا دخل فهد وهو كالعاده نفسه بخشمه
وعيونه مليـــــآنه نوم متوجه لغرفته
استوقفه شكل محمد اللي نايم بالصاله
فهد : يوه وش فيه هذا نايم هنا وين اخته عنه
ام فهد : هلا يما وصلت
فهد : هلا فيك ايه وصلت يما وش فيه نايم هنا
ام فهد : والله وحده من صديقات الجوري تنتظر ابوها وابوها ماجى
فهد وهو معصب: وش لون يرضى هالابو ان عياله يتأخرون بالبيت ماعنده مسؤليه
ام فهد : قصر صوتك مسكينه متفشله البنت
فهد : لها الحق تتفشل دام ابوها كذا
الجوري : فهد وش فيك تصارخ
ام فهد : يما الجوري روحي قولي لأفنان ان فهد بيوصلها
فهد قلبه بدى يدق من تذكر افنان وكيف كان شكلها البسيط وبنفس الوقت اللي جذبه
الجوري كانت تنتظر اجابه من فهد ياكد كلام امه لان عمره مارضى يوصل حد مكان او يوديه لمكان
الجوري بعد ماسكت فهد يأكد كلام امه : طيب رايحه اول لها تجهز
ام فهد :مسكينه قلت لها نامي عندنا مارضت
وفرت احراجها وقلت انت توصلها
فهد : وانا سوبر مان مثلا
ام فهد : يما ماراح تخسر شي وصلها وراح تروح معك الجوري
اكسب اجر مسكينه والله انها على قد حالها لاتفكرها
نفس مستوانا الله يعينها وهي اكبر اخوانها يعني ماعندها سند الا ابوها وابوها شغلته ماتسده هذا اللي اعرفه
فهد : طيب وش اسم ابوها
ام فهد : والله مادري اسأل الجوري وهي تقولك
انا اللي اعرفها ان عايلتهم من ال.......
فهد : اهاا الله يعينهم
..........................
الجوري: افنان ووجع والله اخوي يستنى بيعصب علينا اللحين
افنان : ليه قلتي له اني ابغى احد يوصلني
الجوري: مو انا اللي قلت له هو شاف محمد وقال بيوصلك
افنان : حسبي عليك ياحمود كانك مفشلنا
الجوري : والله ازعل عليك وش فشلته هو قال بيوصلك
ماقال ليه جايه عندنا واخوي تراه صريح يعني ماعنده لف ودوران
لو متضايق من توصيلته لك كان قال
افنان : بس ......
فهد من ورى الباب: لابس ولا شي يلا انا انتظركم بالسياره
افنان ماتت حيا : وااااه وش هالفشله
الجوري: ههههههههه اول مره اشوفك مستحيه هههههههه
افنان : انطمي لاتخليني اللحين احلف اني ماركب سيارة اخوك
الجوري: خلاص اسفين يلا انا رايحه اجيب عبايتي
وانتي صحي اخوانك خليهم يجهزون
افنان : طيب
ريموووه يلا انقلعي قومي قال ايش مافيني نوم شوفي عيونك
بسرعه قومي
ريم : مين جانا بابا
افنان : ايه جانا بطيارة جدي اللي صنعها قبل طعش سنه
قومي لااذبحك خلصيني حمدي ربك احد بيوصلنا
ريم : طيب يوووووه كل معصبه قمنا قمنا
راحت افنان ولا عطت لطوالة لسان ريم وجه
وحاطه احتياط انها لابسه عبايتها ومستره نفسها
وصحت محمد بس مو راضي يقوم فضطرت تحمله
وهي رايحه للمجلس من شان تشوف ريم وتقول لها تشي شنطتها وتطلع
نزلت الجوري وهي لابسه عبايتها
الجوري: يلا جاهزين شوي الا سمعو هرن سيارة فهد البورش
الجوري: يلا يلا لايعصب
افنان : يلا
انتهى البارت الثاني
توقعاتكم :-
1\ نواف بيقدر يقاوم مايفتح شنطة الجوري ويعرف مصيره فيها
2\ تركي وش كان يقصد بتهديده للجين
وهل راح يترك اثر عليها