الفصل 7
^^الولاء والأخــلاص ^^
هالكلمتين التي تنطق عند القســـم ..
الولاء وتأدية المطلوب والاخلاص وعدم الخيانه
مجرد كلمتين تنطق بالأفواه ولكنها عظيييمه..
عندما يترعرع الطمع بداخل النفوس فيكبر الجشع ويزداد حجم الفساد
عندها اذن تصدر الخيانه للوطن وللشعب!!
بشعبة التحقيق الجنائي ..
فتح الباب برجله ماسك بيده كوفي واليد الاخرى ملف قضية جديده
جلس خلف مكتبه رمى الملف على شريكه ورفع رجله فوق الطاولة:قضية جديدة لبس تهمة قتل
الاخر يقرأ مابين السطور ابتسم بخفه وبضحكه اشر بيده بالفلوس
عدل جلسته وبهمس:10 ملايين خمسه لي وخمسه لك رجع راسه على الكرسي راح استقيل من هالمهزله واروح
جزر البهاما
ابتسم الثاني وقف اخذ الملف وبغمزه:راح ابدأ فيها
ابتسم واشر له بالخروج
هذا عملهم اليومي من 36 سنه استغلال للسلطه الممنوحه لهم
ونكثهم للقسم التستر على جرائم ارتكبها ابناء الكباريه ورميها على الضعاف لحملها او تمويها كقضية انتحاريه ...
بمكان اخر ليس ببعيد عن موقعنا ..
مرجع راسه لورى الكنبه ويلعب بالسبحه دخل اسماعيل وعينه عليه ماتغير على حاله من الفجر
وحطام التحف بكل مكان :سموك وش اللي صاير معك ممكن تفهمني؟
رفع راسه:لؤي عنده ولد ؟
اسماعيل باستغراب:عنده ولده وبنت من النيزولنديه
جسار وعينه محمره:كم عمر ولده؟
استغرب سؤاله :ممكن 5 او 6سنوات ليش سموك؟
رجع راسه لورى ويضربه بقوة :راح استخف يااسماعيل راح استخف وقف بسرعه وطلع الدرج
فتح باب الغرفه جالسه بمكانها رفعت عينها وجات بعينه بهمس:قومي تحركي اشوف بصرخه
:قووومي ..ضحكت بخفه:على اساس لارفعت صوتك او رفعت يدك راح تخوفني
جسار بضحكة:معك حق لكن الاخلاقيات يمكن تخوفك
بلعت ريقها بخوف دخل كمل:راح اروح اسلمك اياهم بنفسي والبنات هناك راح يشهدون ضدك
وراح يكون عقابك الرجم او تتعفنين بالدار او السجن لكن تدرين
ويأشر بيده ويلف المسبحه:ماراح تخافين لأنك ماخفتي من ربك حتى تخافين من الفضيحه سحبها من يدها وهي تقاومه
ليلى بصوت عالي:آآآ اتركني ..لف عليها وبحمق:اششش نفسك ماابي احس فيه والا يمين معظم
ليلى بسخرية:والا وش راح تسوي فيني كم كف وكم كلمه تجرح عادي متعوده
جسار بضحكة:مشكله اللي متوسخين مايحسون طبيعي وحده مثلك كل يوم بحضن واحد ماراح يفرق عندها
شيء
حست بغصه من كلامه :لاتتهمني زور
جسار بضحكة:لااتهمك نسيتي كنت معك بنفس القصر اللي كنتي بوحده بغرفه مع
ليلى بضحكة وسخرية:مع ابوك هههه رفعت حاجب وكررتها:مع ابوك
صفقها بقوة مسكها من شعرها وقربها لوجهه ويصر على اسنانه ونفسه يطلع وينزل
ليلى بتألم:ليش تهرب من الحقيقه توجع صح مع ابوك مع ابوك
ضربها بقوة ويضربها يرفسها :ياحثاله يابنت ال...
اسماعيل سمع صوته طلع بسرعه ويشوفه يرفسها وهي بالارض مسكه من يده:خلاص اتركها لاتبتلي بدمها
دفه رفعها من شعرها:قومي قومي ويسحبها للدرج وهي تون
وصل للسرداب فتحه ورماه فيه بغيظ:هذا مستواك مع الفيران انبسطي معهم
رفعت راسها وتحس كل عظمه بجسمها تصرخ توجع بمكابره وغيظ:لاتخاف راح انبسط لاتشغل بالك اصلا انا وياهم بنصير اصدقاء
تفل بوجهها وقفل الباب المكان مظلم مافيه الا فتحه بسيطه يتسلل منها الضوء
بالمســـاء
جالس بالصاله ولازال المكان مثل وضعه بالصباح كل ماجات خدامه وبخها
حاضنه نفسها وراسها على ركبها تخاف من الاماكن المظلمه سمعت صوت فار ارتجفت وتتمسك برجولها بقوة
جسار بهدوء:جهز السياره راح نطلع بيمشي اسماعيل
بصوت عالي:اسماعيل لف عليه كمل:هالحيوانه مااحد يخرجها وتقطعون عنها الاكل والشرب واللي راح يخالف كلامي
راح اسوي معه شيء ماراح يعجبه روح
اسماعيل بعدم رضا مشى عبد مأمور
دقائق لحقه جسار ركب السياره بنزول اسماعيل فتح الشباك:وين؟
اسماعيل بكذب:راح اوصي الخدم نسيت ومشى
دخل القصر توجه للمطبخ اخذ كيس وحط فيه موز وتفاح وخبز ومعمول وقارورة مويه كبيرة وعين الخدم عليه
بنهر:كل واحد يشوف شغله ونزل للسرداب بهمس:بسسس بسس وعينه على الباب
رفعت راسها باستغراب وقفت بسرعه وراحت للباب
اسماعيل فتح الباب عطاها الكيس:هالاكل راح يكفيك لاسبوع لين ماارجع مره ثانيه هنا وراح احاول اهربك
ببكاء:طلعني من هنا الله يخليك
اسماعيل يراقب المكان:الله يخليك انتي حتى انا عبد مأمور مو راضي باللي قاعد يصير لكن هذا شغلي ولقمة عيشتي
عندي بنات لازم اصرف عليهم راح ارجع بعد اسبوع وقفل الباب
ضربت الباب بقوة وبكت وقف اسماعيل ويسمع بكائها قلبه يعتصر من الالم لحالة الظلم اللي قاعد يشوفها
تحامل على نفسه وطلع
جسار برفعة حاجب:تأخرت؟
جسار بشك: يلا لانتأخر ركب قدام
جسار عينه عليه:ان شاء الله وصيتهم
اسماعيل بربكه:مين؟
جسار:الخدم
بلع ريقه وهز راسه:اييه اييه وصيتهم لاتخاف راح يهتمون بالقصر بغيابنا اصلا اسبوع وراح نرجع
جسار بضحكة:من قالك راح نرجع بعد اسبوع راح نروح للقنص بكره وبنقعد شهر
اسماعيل بجلطه:شش شهر بس انتم قلتوا راح نرجع بعد اسبوع
لف عينه على الشوارع:غيرت خططي
اسماعيل نزل راسه فتح بوكه وعينه على بناته اللي مايتجاوزون 7 سنوات تخيلهم مكانها بين الفيران والظلام
مقطوعين عنهم سبل الحياة من اكل وشرب غمض عينه نفظ الافكار بسرع من راسه
وجسار عينه عليه هز راسه بعدم رضا ارسل رساله واغلق جواله
انفتح باب السرداب وهي تشرب مويه دخلت خدامتين بسرعه اخذوا منها العلبه
بفجعه:نعم!!
الخدامه شلت الكيس وقفت بتاخذه منها دفتها الثانيه للجدار بقوة وخرجوا
ضربت الباب بقوة:افتحوا لي افتحوا هالباب اللعين الله ياخذكم صرخت:آآآآآآآآه ياربي
طاحت على ركبها ومرجعه راسها لورى دخلت يدها بين شعرها وشدته بقوه :يارب يارب
^^^^^^^^^^^^^^^^
بمكــــان اخر ..
متلثم ويدق باب الشقه بهدوء فتحت طلت بالعين السحريه
:مين؟
بهمس:انا رجب افتحي الباب
بسرعه فتحته دخل وسكر الباب برهبه و فجعه:رجب مامسكوك!
رجب بضحكة:هه مايقدرون علي هربت قبل لايمسكوني وينه زوجك ؟
لوت بوزها:طلقني من اسبوع
ضحك:تبغين الصدق ماالومه بس حرام يترك كل هالحلا وعينه على لبسها
^^^^^^^^^^^^^^^^
ببــــراغ
بالسيارة يقلب بجواله على اليوتيوب اخذ السماعات وحطها بأذنها
وشغل اغنية راشد الماجد "انا الابيض"
لا اراديا اندمجت وتحرك كتوفها صفق بيده ضحكت رمت السماعات
سلمان يرجعها لأذنها:يلا اشوف انطربي معي
تبعد يده خجلانه من وجود عباس اشرت له لف عليه:عباس انزل
طلعت عينها
ضحك بقوة:هههههههههه امزح ياعباس
عباس ابتسم
سلمان:عباس عندك سي دي طرب
عباس فتح الدرج وشغل انريكي
ضحكت سلمان بنص عين وبقهر:وصلت ياعباس مشكور
عباس :واجبنا سموك
انفرطت ضحك طاحت عليه وكاتمه نفسها لايسمعها عباس ضحك من حركتها كاتمه راسها بحضنه ضربها بخفيف على راسها
:بنت قومي مافيه شيء يضحك
تضحك بقوة وتهتز ضحك معها:هههههههه رفعت راسها سكتت لفت وجهها للشارع وصلوا المطعم
نزلوا جات عينه بعينها ضحكت بقوة:ههههههههههههههههههه
ماقدر يتحمل ضحكها فتح علبة الموية ونثرها فوقها تنافظت وصاحت:آآآ
بقهر:سلمااان برد
سلمان برفعة حاجب:جزاء التريقه وانت باقي دورك اصبروا علي بس
وقفت معبسه ويده على حجابها الغرقان يقلد حركاتها ويبوز فتح يده ويأشر لها
لفت وجهها قرب منها :مو على كيفك ورافع علبة الموية عليها يهددها ينثرها فزت:لا لا بلا نذاله
سلمان يرقص حواجبه:النذاله تسري بدمي ماجبتي شيء جديد
تنرفزت:بلا حركات بزران ..نثر المويه كلها عليها وهي شهقت بقوة وفاتحه فمها من البرود وتتنافظ
قرحها ضحك:ههههههههههههههههههههه� �هه
هههههههههههههههههه حذرتك وقلت لك النذاله تمشي بدمي ماصدقتيني
طالعته بقهر وتتنافظ ببحه ودلع:برد
قرب منها وبحنيه:بردانه؟
ندى:هممم ..حضنها فتحت علبة الموية اللي معها ونثرته فوق راسه غمض عينه
بعدت عنه وتضحك:هههاي واحد واحد تعادلنا مثل النذاله تمشي بدمك اللعانه ربت معي
قرب منها وهي ترجع لورى جرت وهو وراها وتصيح
يده على ركبه تعب من الجري:ماراح اعديها لك
واقفه وتحرك كتوفها بنرفزه له ارسلت بوسه بالهواء
سلمان يستدرجها:اصلا من حطيتي انتي باغيه واحد بالملكه هوانا غاسل يدي منك
تنرزفت رفعت حاجب كمل يقهرها بتمثيل:اللي سمعتيه
قربت منه ورافعه حاجب:والله مو مجبوره ابرر لك
سلمان غمز وابتسم:اول قاعده بالصيد استدرج الهدف مسكها من ذراعها ولفها عرفت صرخت بخوف
:لاااااا برد خلاص قرب شفايفه لأذنها وهي تبعد عنه بهمس:قولي تكفى
ندى بغيظ:والله ماجابته امه اللي اترجاه
رفع حاجب الا تحب تفرض قوتها لوى ذراعها صاحت:آآي
سلمان:مدري ليه تسببين لنفسك الاذى قولي تكفى اتركني وراح اتركك
ندى بتوجع تتحامل وتعض لسانها :والله لو تنقز سابع سماء وتجيب لي نجم سهيل ماراح اقولها
لوى يدها صاحت:آآآآآآآه خلاص بقولها
سلمان:يلا اسمعك
ندى بهمس:تكفى اتركني
سلمان قرب اذنه:ماسمعت عيدي؟
ندى بغيظ منه:تكفى اتركني ..سلمان بلعانه رفع راسها:عباس سمعتها ماسمعتها عيدي
ندى بصرخه:تكفى اتركني ..فك يدها مسكتها بتألم وتحسس عليها :اهب واليد
ضربها على راسها:قولي ماشاء الله هاليد غمز:هي اللي تشيلك وتمسح عليك وتطبطب
مسكها من كتفها همس بأّذنها:آسف ياروحي
مجرد قوله لهالكلمه ارضت غرورها دائما كانت تحب تكون الطرف الاقوى لكن كان فيه كلمه
ثانيه اول مره تسمعها منه وقفت ومسكت يده بعدم تصديق:وش قلت؟
سلمان وعينه على الماره:آسف ..مسكت ذقنه بيدها وعينها بعينه:لا الثانيه
سلمان تورط مايعرف كيف هالكلمه خرجت منه بعمره ماقالها لوحده من اللي تزوجهم الا لروز
ترك يدها:خلينا نرجع للفندق نغير ملابسنا ونتعشى بالمطعم اللي تحت وركب السياره
بالفندق
طلع من الحمام يجفف شعره جالسه على حافة السرير فاسخه دبلتها وتلعب فيها
طالعها بالمرايه استغرب سكوتها من ركبت السياره ووصلوا مانطقت بحرف واحد لف :نهى وش فيك؟
عينها بالارض ضحكت باستخفاف رفعت راسها:هههههههه
استغرب ضحكها كملت:ندى ..عبس
بهدوء:اسمي ندى مو نهى
حس بخجل فظيع من نفسه صارت زوجته ولايعرف اسمها:سامحيني طلع بالغلط
ندى قربت منه:بهالدنيا سموك فيه اشياء كثيره تصير لنا ومانختارها بطوعنا
مثل الزواج بالنهاية قسمه ونصيب ومثل أي شيء مااخترناها بس فرضت علينا ولازم حتى نتكيف معها
لازم نتقبلها
سلمان بشك:انتي وش تقصدين بالزواج قصدك انا وانتي؟
رفعت كتفها:قلت مثال ..رجعت فتحت الشطنه خرجت لها بجامه قطنيه وبيدها الديشنبور
عينه عليها:راح ننزل نتعشى جهزي نفسك
رمت البجامه القطنيه على السرير:مالي نفس وفسخت البدي من القهر وعليها البنطلون الجنز نست وجوده بالغرفه
ارتبك من حركتها لف راسه وينشف شعره تعدته دخلت الحمام صفقت بالباب بقوة
رمى فوطة الشعر بالارض بقوة دق الباب بقوة فتحت وعينها عليه
رفع سبابته :معك حق فيه اشياء تصير لنا ومانختارها بطوعنا لكن هالزواج مو من ضمنها
انا اخترتك انتي بطوعي حطي هالشيء ببالك واللي بيني وبينك اكبر من أي خزعبلات وقصص خرافيه
اللي بينا احترام متبادل من الطرفين ماتوقعت نفسي بيوم راح اقول هالكلام لكن حطي ببالك انتي بنظري بأحترامك
للي جمعنا خلال هالشهر اكبر من بعض الناس اللي جمعتني فيهم سنين"يقصد روز" لاتنسين هالشيء
راح للسرير خذا ملابسه بيغير سكرت الباب بهدوء فتحت المويه ووزنتها وانتظرتها تملىء الجاكوزي
جلست على طرفه وراسه بحضنها وتعترف بقرارة نفسها احترامه لها لو تطلب لبن العصفور يجيبه لها
حتى لما تورطت بقصة شنطتها نزل السوق الصباح وفاجأها وشرا لها الملابس اللي تحتاجها
..اخذ بنطلونه رماه بقوه على الارض وزفر ماينكر ان ارتباطه فيها غير الكثير واولها حالته النفسيه
كانوا كلهم متشتتين واسيرون لذكريات ماضيهم..
ندى ماقدرت تخرج ثامر من حياتها وتعتبره الدقه الاولى اللي دق فيها قلبها للحياة
وبعد هاذيك الليلة اللي كان يلبس وحده غيرها الدبله توقف نبضها وماتت!!
اما سلمان كانت تروز ترافقه بكل مكان حتى بأحلامه ماقدر للحظه نسيانها
حاول يتزوج اكثر من مره حتى ينساها لكن ماقدر!!
لكن اثنينهم جهلوا ان الحب مو كل شيء بالحياة ومتى ماجاء التقدير والاحترام المتبادل
بين الطرفين يجي بعده كل شيء ..هو ينتظرها تداويه من جرحه وهي تنتظر يهدي ونين وجعها
لكن من راح يبدأ بالخطوة الاولى؟
بعد ســـاعه خرجت وعليها الديشنبور الاحمر القطني لنص الفخذ
وقطرات المويه تتساقط من شعرها الغرق سمعت صوت التلفزيون توقعته نزل للمطعم يتعشى
طلت عليه مرجع راسه على الكنبه وغفيان بتدخل للغرفه شيء اجبرها تتراجع تقدمت نحوه خطوات نزلت لمستواه
هزته من كتفه بخفيف:سلمان سلمان
فتح عينه بسرعه وفز:فيك شيء؟
هدته هزت راسها:مافيني شيء ادخل نام على السرير راح توجعك رقبتك
عينه عليها:الهواء بارد راح يلفحك جات عينه على قطرات المويه النازله من شعرها والديشنبور وقصره
حست على نفسها قامت:ماتعشيت؟
لف عينه:مالي نفس تضامنا معك ..ابتسمت بخفه مدت يدها عينه على يدها تردد يحطها بيدها
بالاخير حطها وقام معها مسكها من كتوفها وحضنها ودخل الغرفه بعدت عنه نشفت شعرها
طالع بساعته:راح اخلي عباس يجيب لنا أي شيء تأخر الوقت
هزت راسها بالموافقه
بعد ساعه ونص
مرجع راسه لورى ويسوي مساج لراسه ..
رجعت خصل شعرها لورى اذنها بهمس:سلمان فيك شيء؟
مغمض عينه ويهز راسه بالنفي جلست جنبه على الكنبه حطت يدها على جبينه بسرعه بعدتها
بخوف:حرارتك مرتفعه
بتعب ومغمض عينه:مو مستاهله بتنزل اللحين يمكن من الهواء لفحني
نزلت راسها فركت يدها ببعض بندم بسببها اخذ هواء وارتفعت درجة حرارته
قام اختل توازنه بسرعه صاحت:سلمان سند يده على كتوفها بخوف:سلمان وش صاير لك؟
يحاول يتوازن بتعب:لاتخافين
ندى نزلت دموعها:شلون مااخاف وانت حالتك حاله امش معي ريح بالغرفه ..وصلته للسرير بعد مشقه بحكم
فارق البنيه بينهم انسدح على السرير ..عضت يدها ماعرفت وش تسوي بسرعه طلعت من الغرفه ودقت على غرفة
عباس اللي طلع نزل راسه اول ماشافها من الخلعه طلعت بدون حجابها :خير ان شاء الله؟
ندى بخوف:سلمان تعبان بغى يطيح علي..رفع راسه وبسرعه دخل الغرفه راح له:سموك انت بخير؟
اشر بيده وبوهن:تعبان ياعباس تعبان ..عباس عرف اللي يقصده "روز" اما هي واقفه وخايفه حست على نفسها
لبست حجابها بسرعه:ننقله المستشفى
سلمان بضعف:لا مايحتاج ندى تعالي ويأشر بيده ..
عباس:راح اجيب خافض للحرارة من اقرب صيدليه وخرج..قربت منه وجلست على حافة السرير
سلمان بتعب ويعرق :سامحيني لأني ضايقتك اليوم
ندى بحنيه:مو مستاهله انت قوم بس وشوف اذا ماخرجتها من عيونك قول ماقلته
ابتسم بخفه ومغمض عينه قامت بسرعه اخذت طاسه ملئتها مويه وعليها مكعبات ثلج اخذت فوطه
جلست جنبه على الحافه حطته الفوطه بالمويه وعصرتها وتكمده وتمسح على شعره
بعد ساعه دق الباب تركت الفوطة بيدها وقامت فتحت لعباس اللي مد لها كيس فيه العلاجات:كيف صار؟
ندى بهمس :احسن كمدته وانخفضت الحرارة راح يصير بخير الصبح ..اؤما براسه عباس ولف بيمشي
:عباس ..لف ومنزل راسه:سمي..
ندى بأبتسامه:شكرا تعبناك معنا بهالوقت المتأخر ..عباس انبسط اول مره احد يشكره :واجبنا
قفلت الباب دخلت شافته منسدح وعلى جبينه الكماده رحمت حاله انسدحت جنبه وعينها عليه غاط بسبات عميق
رفعت يدها تمررها على خده خافت تراجعت :راحت وخلتني وانا صغير
انفجعت تظنه نائم عدلت جلستها وتربعت :انت صاحي؟
يتمتم بكلمات غير مفهومه بعدت الفوطه تحسست جبينه خفت الحرارة شوي ارتاحت قامت طالعت بالساعه
اشتاقت لأمها وخواتها وابوها مسكتها العبره تماسكت جلست جنبه طول الليل سهرانه تكمده من التعب نامت على
ذراعه
صبـــاحا 8
..فتح عينه يحس بثقل على يده لف شافها حاطه راسه على يده ونايمه جات عينه على الكمادات
والادويه ابتسم بخفه معناته كانت سهرانه طول الليل معه بعد يده بخفيف صحت رفعت راسها فركت عيونها وبأبتسامه
:صباح الخير كيف صرت اللحين؟
سلمان :صباح الندى والياسمين ..
حمرت خدودها حست بخجل نزلت راسها وتلعب بأصابعها النحيله الطويلة
بطرف بلوزتها المخرمه عينه على حركتها ثلاث اشياء فيها دائما ينجذب له فيها اصابعها وكلامها ونظرات عيونها اللامعه
ندى:كيف صرت اللحين؟
سلمان وعينه عليها: مدوخ شوي بس احسن بعد الله ثم انتي كنت سهرانه معي طول الليل تعبتك
رفعت راسها وبسرعه:لا ابدا ابدا تعبك راحه المهم نزلت الحرارة اا انا آسفه كنت السبب باللي صار لك
سلمان يحب لما تتكلم معه يحس بنشوة غريبه يستغبي:ليش وش سويتي انتي؟
رجعت خصلات شعرها ورى اذنها:لأني نثرت عليك المويه والجو كان بارد
سلمان بغمزه:معناته عندي ثأر معك ولازم اخذه ..ابتسمت وقامت من عنده خرجت من الغرفه
تنفس بعمق ..طلت براسها:راح اسوي لك اللحين فطور خمس نجوم
يرفع ضغطها:بالله انتي و هالوجه وجه فطور خمس نجوم
دخلت تخصرت وبعيون ضيقه:ليش ان شاء الله وش فيني؟
طالعها بطرف عين:ترا عرفت حتى البيض ماتعرفين تسوينه قرص
عبست وتلون وجهها ضحك بداخله على ردة فعلها:اصلا حدك توست تحشينه وشاهي لا وزين اذا عرفتي
توزنين حلاه هه قالت فطور خمس نجوم لا احد يسمعك ويضحك عليك
ندى بغيظ:اصلا احمد ربك طالعت بوجهك والا بذمتك انت تستحق تاكل شيء من يدي اصلا حتى هالتوست
اللي موعاجبك حرام فيك ليت هالحرارة ماانخفضت كان اللحين مرتاحه منك افطر لحالي خرجت معصبه صدمت
رجولها بالباب صاحت:آآه شاتته برجولها تألمت زياده:آآي
ضحك بقوة:ههههههههههههه
لفت رجعت له معصبه :بذمتك اللحين وش اللي يضحك ها الضحك بدون سبب قلة ادب
سلمان يغظيها:جات بنت اول ابتدائي ويقلد صوتها:آسف ابله ماراح اعيدها
كاتمه ضحكتها وقف قرب منها رفعت راسها ولفته على جنب ميل راسه ناحيتها لفته للجهه الثانيه ميله
ندى بتوتر من قربه:انت وش تبي مني هاا؟
ابتسم :ليش انتي كذا تاخذين الامور بجديه دائما خلي روحك مرحه شوي مو زين لك العصبيه باقي بأول عمرك
بعدين مشتهي افطر هالمره من يدك اقدر؟
طالعته بطرف عين كمل برجاء:حتى اتنازل عن ثاري وحقي
ضحكت:هههه انت مريض أي ثار وحق مثل ماسويت لك سويت لي بعدين ملابسك كلها معرقه
خذ لك شاور
غمز:اللحين ريحتي ماصارت تعجبك ماعلينا مصيرك تتعودين ..تمنت الارض تنشق وتبلعها خرجت من الغرفه
وهو يضحك صحيح يحس بتعب باقي لكن وجودها معاه عطاه حيويه ونشطه..
تحشي التوست بالمربى وسرحانه وقف الملعقه وعينها على الفراغ
دخل راسه فوق كتفها :ما احب المربى
شهقت وفزت طاحت الملعقه من يدها دفته بقوة من صدره وبنرفزه:خيييييييير انت خوفتني؟
استغرب انفعالها :ما احب المربى
ندى بعصبيه:بذمتك في انسان عاقل يسوي اللي سويته
سلمان علق:ما احب المربى
ندى بنرفزه:والله سامحني ماقدرت اجيب لك جبنة الماعز والا اللبنه الطازجه من البقره هذا اللي موجود
حست على نبرة صوتها من اليوم تعلى عليه وهو ساكت لو غيرها لطشها كف على الطاير
سلمان باستفسار:ليش كارهتني؟
طلعت عيونها الا هالشيء اللي ماحسبت حسابه انه يظنه انها تكرهه وماتطيقه بسرعه مسكت يده
:لا والله ابدا ما اكرهك لكن ..نزلت راسها بحزن:بالي مشغول مع ابوي من سافرت ادق عليه مايرد لحاله وما احد عنده
الف فكره وفكره تجيني حتى النوم ماصرت اذوقه كله افكر فيه اكل شرب نام كيف عايش مبسوط والا يحس بالوحده
اعرفه مايتحمل يكون لحاله تعود علينا غارت عيونها بالدموع
حط كفوفه على خدها:لاتخافين مافيه الا العافيه راح اكلم احد يروح يشوفه ويطمنك عليه
ندى بسرعه وفرحه:والله؟
هز راسه بالايجاب حضنته بقوه:شكرا شكرا
استغرب وهي غمضت عينها لوم على جرأتها معه بعدت ولفت على الطاوله:راح اسوي لك غير المربى
^^^^^^^^^^^^^^^
مكــــان اخر عند الرمال الذهبيه وتحديدا
((فـــــي صحـــراء الجزائــــر ))
وقــــت مغيب الشمس
عينه بالسمـــاء يترصد خروج طائر (الحجل )
اللي مايخرج الا وقت شروق الشمس او غروبها
اطلق بسرعه عليه ببندقية الصيد الشوزن الروسية
سرعان حتى سقط وهوى بالأرض ..
جساربصوت رجولي ثخين:واخيرا صدناك !!
رجعوا للمخيم وشايله بيده بدمائه اللي غطت يده وتقطر
من بعيد:ههههه جايبه تورينا انك صدت
رفع نظارته وبنظرة:حتى اوريك اللي قدرت عليه بيوم
وانت اللي صار لك سنتين تروح وتعود هنا ماشفنا منك شيء
الكل :ههههههههههههه
طالعه بحقد لؤي مشوا عنهم للجه الثانيه
اسماعيل:سموك جيته ماتبشر بخير
جسار يغسل يده ابتسم:مابقى الا ولد هالصربيه ..
بجيته بخبث:اقبل ولد الصربيه
ضحك اسماعيل قرب لؤي وبغيظ:انت من تظن نفسك حتى تكلمني كذا قدامهم؟
جسار ينشف يده:وش اللي محرقك كذا؟
لؤي حط اصبعه على صدره وبتهديد:احسن لك لاتطلع شياطيني وانتبه لتصرفاتك
عينه على الاصبع اللي حاطه على صدره رفع اصبعه ولواها بقوه صاح:آآآآآآ اتركني يالكلب
جسار بهداوه:يكون بعلمك مو انا اللي اتهدد فهمت دفه :انقلع واقعد مع الرجال وارفع علومك
واترك عنك بنات الليل
لؤي بقهر:انت من تقصد؟
جسار:اللي هو لكن وربك الا ما اربيك واربيها ..تعداه ومشى ويطالع فيه بغيظ
^^^^^^^^^^^^^^^^^
ببــراغ ..
نزل جواله زفر بعمق:لا اله الا الله
عباس بأستفسار:فيه شيء سموك؟
لف ووجهه شاحب:ابو ندى قتل واحد مسكوه اللحين انا لازم اعطيها خبر خوفها عليه كان بمحله
عباس:لاحول ولاقوة الا بالله
دخل الغرفه شافها تشغل الفواحه وماسكه الولاعه لفت ابتسمت:جيت كيف صرت اللحين؟
نزل عينه :الحمدلله ..قرب منها مسك يدها وجلسها على طرف السرير
ندى بأستغراب:ليش وجهك مصفر كذا فيه شيء لاتخوفني؟
سلمان يمهد الموضوع:انتي تعرفين كل شيء يصير بهالدنيا بقضاء وقدر
طاح قلبها ببطنها نطقت بشفاه راجفه:اييه
مسح على وجهه بيده يده تربطت:ابوك
نزلت دموعها وشهقت بقوة رفعت يدها على صدرها:ابوي شفيه؟
حط يده على يدها:لاتخافين قتل واحد وهو بالسجن اللحين
ضحكت بأستخفاف:لا لا مو من جدك قامت وبصيحه:ابوي النمله وهي النمله مايقدر يأذيها يقتل
انت وش قاعد تقول ؟
سلمان رفع حاجب:هاللي وصلني جهزي شنطتك راح نرجع وخرج ماقدر يتعامل معها ابدا ماعرف لها
اخذت جوالها بسرعه ودقت على الرقم اللي مخزنته بأسم"الشيطان"
رفعت الجوال وبضحكة:ما اصدق تنازلتي ودقيتي والله فيك الخير يابنت سميرة
ضيقت عيونها بكرهه:ماغيركم الاولى ضربتوا ضربتكم ودخلتوه السجن وحملتوه تهمة المخدرات وقطعتي رزق امي
واللحين تبغون دم ابوي ..بصرخه:اللي يطلع بيدك لاتقصرين فيه لأن قربت
باستهزاء:سمووك ويمين معظم اكون ولاشيء اذا تركتكم تتهنون باللي تسوونه وكل هاللي يصير مايضعفني مثل
مو حاطيين ببالكم لا وربك يعطيني دافع حتى انظف هذاك القصر من امثالكم لابتهمني سلطتك ولا من تكونين اخترتوا بنفسكم
تشعلون هالنار وترمون الشوك بطريقي اذا ماحفرت لكم بيدي جهنمكم ورميتكم وحده وحده بأصبعي الصغير وقتها راح
نشوف من راح تكون مالكه هذاك القصر والكل بالكل انا او انتي
عرقت عادله وطلعت عيونها بقهر:انتي تعرفين من تكلمين وظيفتك تجيبين له الولد وبس لايكبر راسك يابنت الكل
قاطعتها بنهر:حدك لهنا وبس انا مو مثل الحريم اللي مروا عليك اللي يبوسون يدك وينحنون لك ماني عبده عندك
يكون بعلمك والايام راح توريك سخطي على كل اللي سويتوه فيني انتي واللي معك قولي ماقلته وقدر اعذر من انذر تصبحين
على خير سموك احلام سعييييييييدة ان شاء الله قفلت الجوال بقهر ورمته على السرير ورايحه وجايه بالغرفه
تحس كل خليه بجسمها راح تموت دماغها راح ينفجر..
نزلت الجوال فاتحه فمها من كلامها :خديجه اتصلي على روز خليها تجي وجهزوا انفسكم راح اسوي حفله استقبال
بعمرها ماتحلم فيها ندى ..عينها على الفراغ ودقات قلبها تزيد من الغيظ
^^^^^^^^^^^^^^^^^^
دخل شافها واقفه ويدها على خصرها جات عينها المدمعه بعينه شافت صورة عادله بوجهه خزته بقوة
استغرب من نظراتها نظرات وحده حاقده :ليش تطالعيني كذا؟
ندى بهمس:تقتلون القتيل وتمشون بجنازته تستغلون قوتكم على الضعفاء امثالنا بس عندنا اللي ماعندكم
الشرف والكرامه
عقد حواجبه ماسمعها:وش قلتي فيك شيء ندى؟
ندى بتوجع ببحه الم:خذني عنده خذني لأبوي لازم بناته يكونون جنبه
وربك ماراح اخليها لهم مابقى شيء الا خذوه مني ..تعدته دخلت الحمام"وانتم بكرامه"
رجعت ظهرها على الباب بكت وتعض يدها من القهر تكتم شهقاتها ..استغرب ردة فعلها
مسحت دموعها بعنف فتحت المويه غسلت وجهها بكت ويدها على وجهها تخيلت اللي ممكن يصير لأبوها
طرأ ببالها القصاص والدم لفت وجهها بسرعه
^^^^^^^^^^^^^^^^^
رجوعا للعاصمه..
بشعبة التحقيقات الخاصه وبغرفة التحقيق المظلمه واقفين خلف الزجاج العاكس وعينهم عليه
ضحك بخبث:وطاحت الفريسه بيدنا راح نخليه يعترف على جريمة ما ارتكبها او راح نعفي عنه مقابل شيء
الثاني بتفكير:الا وهو؟
لف عليه وابتسم:هالمره مو احنا اللي راح نعرض العرض راح تشوف دخل الغرفه اشر للمحقق يخرج
رفع رجل وحده على الكرسي مد الجوال:فيه ناس راح تكلمك ومد لها اخذه رد :الو
:اسمعني للأخير مستعده اخرجك من هالتهمه مثل الشعره من العجينه اذا تعاونت معي
بقهر:من انتي وش تبغون مني ماسويت شيء
بضحكة:ههه لو ماارتكبت جريمه ماكان وصلت لهالمكان حريتك مقابل طلاق بنتك مو صعبه
باستغراب:أي وحده؟
عادله بضحكة:ندى اول ماراح ترجع راح تاخذها معك تخطفها تذبحها تحرقها مايهمني تبعدها عن سلمان
بقهر:من انتي وليش تبغين طلاق بنتي؟
بضحكة:انا القانون بنفسه والسلطه راح يطلعونك الشباب لك مهله شهر اذا قدرت تفرق بينهم راح نحرق
الملف ولاكأنه صار شيء وفوقها راح اعطيك مبلغ دسم يكفيك ويكفي عيالك وبنتك لاتخاف
بضحكة:..........
ضرب راسه المحقق على الطاولة :تعلم تتكلم بأحترام مع اسيادك ياكلب اخذ الجوال:سامحينا راح نربي هالكلب
بغيظ:سووا اللازم
عينه عليه وبضحكة:لاتخافون ماراح نقصر معه قفل مسك شعره ورفع راسه وهو مكلبش ويتكلم بأذنه:
مروا علي من امثالك كثير كلااب لكن قدرت اقطع ذنبهم قبل لا الويه واكلوا مؤبد وبعضهم نزلوا لساحة القصاص
تكلم بين غصته :لهالدرجه بنت ماتجاوز عمرها 24 عشرين تخوفكم
عقد حواجبه وقف قدامه:انت وش تقصد؟...ضحك بخفه:اتكلم عن الانجاز الكبير اللي سوته بنتي
حتى وصلتني لهالمكان ويحققون معي ظباط كبار لهم اسمهم وحتى تكلمني طويلة عمركم ..بصرخه
:ياكلاااااااااب اللي ماتطولونه بيدكم طولوه برجلكم ما احد بهالدنيا يساومني على ظفر بنتي وهو الظفر
الموت واحد والله واحد وكبيير المشكله قبل اسبوع حاضرين حفل افتتاح مكافحة الفساد نزاهة هه
انتوا وين والنزاهه وين ياعيال الحرام اكلتوا فلوس وخير هالبلد ماضيعنا غير تبعيتكم لظل البشوت هي اللي ودتنا
بستين داهيه ماغير تبلعون بهالفلوس ماتشبعون
رفع راسه وضحك:هه هالكلام محسوب عليك راح يدفنون وجهك قول ماقلته وطلع
بهذاك اليوم رجعوا للسعودية مر يومين على جيتهم للقصر راحت ندى تزوره رفضوا
وحاولت تجلس عند اهلها رفضت سميرة بحجة انها باقي عروس ..ماخرجت من غرفتها وكل ماجاء سلمان
تصرفه وكان هالشيء يبسط عادله اللي قدرت تلمح الضعف منها وشمت ريحة خوفها ..
بالقـــصر ..
عادله بضحكه شلت القصر:هههههههه ..رفعت عينها وبلكاعه:ليش ماتشاركينا الضحك ياندى؟
ندى بقهر:وش رايك اقوم ارقص لك على اصبع حتى تستانسين بعد
حريم اخوان سلمان قرحوا ضحك عطتهم نظره سكتتهم
عادله بشماته:ما الومك ابوك مخيس بالسجن ويمكن ينزل عليه الا اكيد راح ينزل عليه حكم القصاص
سكاكين بصدرها نفسها يطلع وينزل :ماقتل احد
عادله حطت رجل على رجل:ماراح يتهمونه زور
ندى عينها على الخدامه اللي تنظف الارضيه بسرعه:اتركيه
طالعوها بأستغراب كملت:مهما نظفتي بعض المواطي راح توسخها وقامت طلعت الدرج الرخامي لغرفتها
بدخولها :السلام عليكم
وقف عادله وفتحت يدها:هلا بالاميرة روز
وقفت بأستغراب والكل يطالع عادله باستغراب من كلمتها بتوكيد:تعالي حبيبتي حضنتها وبهمس
:بحفلة الليلة راح يتغير كل شيء حطت يدها على خدها
دقت الباب سعاد ..منسدحه ومغمضه عينها وتفرك عينها:ادخل
دخلت بسرعه:لازم اعلمك باللي يصير ناويين عليك
بعدت يدها وعدلت جلستها:من ؟...سعاد وعينها على الباب بهمس:الاميرة عادله الحفله اللي مسويتها مو عشان استقبالكم
حتى تقدم البنت اللي اختارتها للأمير سلمان واسمها روز وهي معها بجناحها شرت لها الفستان وجابت الكوافيره
قاعدين يخططون لشيء كبير مو بس حفله اظن يبغون يطلعونها قدام الامير
فزت بسرعه وقفت عينها بتطلع وبهمس:من هاذي روز من تكون؟
سعاد منزله عينها وتفرك يدها:آآ كان الامير سلمان يحبها ورفض الامير سعود يتزوجها
هالبنت سبب اذى كبير للامير راحت وخلته يتعذب سبع سنين مسكت يدها: الله يخليك امنعي هالشيء يصير
مصدومه !! مذهوله!!
بدخوله:مساء الخير لفت ببطء طاحت عينها بعينه مو مستوعبه اللي قاعد يصير
بأستغراب:صاير شيء؟
جات عينها بعين سعاد اللي تتوسل لها بنظراتها ابتسمت :ابدا سعاد جهزي الفستان وباقي الاغراض لسهرة اليوم
سعاد انبسطت:فورا بتخرج وقفت:اي واحد؟
ندى بدلع وذايبيه:اللي شريته من براغ ..هزت راسها وخرجت :سموك
سلمان:سعاد ..خرجت
وقف بأحتيار رسمت اجمل ابتسامه قرب منها:شايفك اليوم ماشاء الله بخير؟
ندى بكذب:بحياتي ماكنت مرتاحه مثل هاليوم وبخير
سلمان بأستغراب:دوم ان شاء الله ..عبس:وش قصة الحفلة ؟
ندى بأبتسامه:الاميره عادله الله يطول بعمرها ويحفظها لنا قالت مايصير ماتسوي لزوجة ولدها حفلة
اعجبه علاقتهم:ماشاء الله اشوف علاقتكم قويه توي جاي من عندها وتمدحك
ندى بسرعه:متى؟
سلمان:قبل شوي مشغوله حتى هي قلت اشوفك
ندى بغصه:شفت احد؟
هز راسه:ابدا انا بروح جناحي اخذ لي غفوة وبعدها بخرج عندي شغل مع الوالد تركته لحاله الفترة
الاخيره بيخرج بسرعه راحت للباب وقفت قدامه:لااا اقصد ليش تروح وهذا جناحك؟
سلمان باستغراب:بس انتي راح تكونين مشغوله واكيد راح تجهزين نفسك للحفله هنا
ندى بسرعه:ماعليك مني ريح لي نفسك وبس ..
هز راسه:معك حق ليش اروح اطقها مشوار وهنا سرير القمر ياحلو النومه فيه دخل الحمام"وانتم بكرامه"
زفرت بعمق:معناته ماشافها انتي لوين راح توصلين نفسي افهم لكن بالحلم اخليكم تاخذونه مني
بجناح عادله..
خرجت لفت على نفسها:طالع مو حلو علي
عادله بانبهار كيف طلع الفستان عليها حلته زياده:كنت عارفه مااخطيت لما اخترتك
خجلت من نفسها شبكت اصابعها ببعض بتوتر:سموك انتي تعرفين انا كنت متزوجه وعندي بنت وولد
وو
قاطعتها:لاتخافين سلمان يحب العيال وراح يكون اب لهم يكفي انهم قطعة منك وتعرفين زين معزتك بقلبه
مانساك لكن الله يسامح من كان السبب
روز بقهر:وزوجته الجديدة...عادله بضحكة:مصيرها مصير اللي راحوا لاتخافين انا معك خديجه جهزوها
ابغاها تطلع احلى وحده بهالسهره
خديجه:امرك تعالي معي مشت معها ..
بالمســـاء ..
دخلت بفستانها الاسود :ماعرفتي وش مناسبة هالحفله؟
مها:حسب ماعرفت استقبال لندى
هيا بسخرية:من حبها لها هه هالحيه في شيء وراها وتخططه قاعده اشمه قولي ماقلته بعدين ماعندها احساس
تسوي حفله وهيصه والبنت ابوها مسجون استغفرك يارب مدري كيف اخوك مخليها على ذمته للحين مع انه مايحبها
وهاجرها من زمان حظوظ تضرب الصخر
بنفس القصر ولكن بمكان اخر..
فاتحه صندوق مجوهراتها المبطن بمخمل احمر اخذت الحلق الالماس الطويل خفيف لبست الاول
والثاني اخذت كسرة العوده وحطت على المبخره وتبخر شعرها المرول بجنبيه تركته على التسريحه
رفعت عينها على المراية طرأ ببالها ابوها ولما حب جبينها بالملكه ويبارك لها..
وفرحتها لما لقت لها فستان لخطوبتها لثامر ..وساعات العمل اللي كانت تقضيها امها وترجع تعبانه
بعمرها ماكانت متخيله توقف بهالمكان ولاتدخل هالقصر بصفتها زوجة لأمير!!
تذكرت كلام سعاد لها غصتها العبره تجمعت العبرة بعيونها
سعاد:جاهزه يالاميرة؟
خذت نفس:اميرة مره وحده ياسعاد بالغتي
سعاد بأبتسامه:مكانتك ما احد يتجرأ يشكك فيها
ضحكت بخفه:تخيلي ينادوني سموك
سعاد:واللي مايناديك ينقطع لسانه..لفت عليها :خلينا ننزل على هالعالم اللي مو عالمنا تنهدت
:آآه بس مجبورين نكيف انفسنا عليه ونوريهم من نكون والمكان اللي وصلنا له
سعاد بحزن عليها :سلامتك قلبك من الــ آآه سموك انتي قدرتي تغيرين الامير سلمان من زمان ماشفت ضحكته وشقاوته بهالبيت اليوم رقص القصر على اصبع الكل مبسوط برجعته كله بفضلك
ابتسمن بذبول:مالي فضل ياسعاد الفضل كله لله
بالحديقه ..
متوزعه الطاولات والكراسي وملبسه بالاحمر والابيض ..وطاوله كبيرة بيضاء ممتده على طول
خاصه بعادله اللي جنبها روز وهيا ومها وخواتهم وللعائلة درجة اولى
عادله تضحك مع روز اللي لابسه اسود مخمل سواريه طويل والفتحه نص
الفخذ ورافعه شعرها كله ومنزله خصل
هيا بقهر:شايفه هالمهزله اللي تصير خلاص اعلنت نيتها وهاذيك اللي ماتتسمى تظن انها لما
تحتمي بعادله راح نترك لها سلمان
مها بحزن:مو مقطع قلبي غير ندى تلقينها اللحين عرفت باللي صار وحابسه نفسها بالغرفه
هيا وعينها قدامها:ما اظن توسعت ابتسامته:قلت لك اختيارنا ماكان عبث شوفيها جات
مها رفعت عينها عليها وانظار الكل اتجهت لها بفستانها بلونه الوردي فاتح
من عند الصدر موديل كل صدر لحال مثل فساتين هيفاء وهبي والصدر كله شوارفسكي ولولو أوف وايت
من الجنبين جاي تل شفاف بيج وأطرافه نفس الصدر شوارفسكي مع لولو
وبعد من الظهر فيه موديل مرره روعة من نص الظهر إلى أوله تل شفاف
وشعرها مرولته وبارمه خصلها على الطريقه الرومانيه ومكياجها درجات فوشي وكسرت العين
بكحل خارجي ارتكواز ..رفعت عينها عادله وروز اللي انصدمت من نزلها
قدمت وصافحتهم وحده وحده اتجهت لطاولة العائلة سلمت على عمات سلمان الكبيرات بالسن على
راسهم احتراما لهم وصلت لهيا اللي حضنتها بقوه وتمسح على شعرها:آآه حبيبتي
بعدت عنها:ما ادري افرح لك او اواسيك سمعت باللي صار
مها تغير الجو:وانا مالي مثل هالضمه..ابتسمت ندى وبانت صفوف اسنانه البيضاء الاماميه
وحضنتها:فرحت كثير بجيتكم خفت اكون لحالي معهم
هيا بتأنيب:لا انتي ماينخاف عليك ينخاف منك
عادله بصوت عالي ومبتسمه:ندى حبيبتي روحي اجلسي مع الوصيفات هناك وتأشر لها
لفت هيا بقوة:هذا مو مكانها ياعادله انتي قومي
روز تأشر على نفسها:انا
هيا قربت منها وبكره:ماسمعتي قومي هالمكان لزوجة الامير سلمان وام عياله مستقبلا
وابتسمت الاميرة ندى روحي مع الوصيفات
لفت روز بقهر على عادله اللي حمر وجهها من الغيظ واشرت لها تروح قامت وماسكه ذيل فستانها
لفت هيا بهمس:اوقفي جنبي ..وقفت جنبها رفعت صوتها:يشرفنا اليوم حضوركم واعرفكم على
زوجة الامير سلمان بن سعود ندى
الكل يتهامسون المعجب فيها واللي يتكلم عليها ارضاء الناس غاية لاتدرك..
جلست جنب عادله وهيا بدلت مكانها وصارت جنبها هي ومها وشاقة الضحكة
وندى عينها بعين روز اللي تطالعها بحقد ابتسمت لها تقهرها
عادله بهمس:كل اللي تسوينه ماراح يفيدك كان وفرتي على نفسك لأن اللي براسي راح اسويه
ندى بأبتسامه وعينها قدتم على الناس:لاتظنين راح اخذ دور المتفرج واتركك تسوين اللي براسك
باقي ماعرفتيني وربك وهالبنت ورأس اغلى ماعندك ماراح اخليها تدخل عتبة هالقصر لو على جثتي
عادله بغيظ:نشوف قامت من عندها وراحت لطاولة ناس جلست معهم تسولف
لفت هيا مبتسمه:تهدد كالعاده
ندى بضحكة:مااضرب لهالامور اي حساب عن اذنك سموك وقامت مشت وتوجهت لطاولتها
مها عينها على الطاولة المتجهه لها طاولة روز باستغراب:ندى وش راح تسوي
بتقوم تمنعها مسكت يدها هيا:اتركيها خليها تدافع عن نفسها
قربت منها وذيل فستانها يسحب وقفت قدامها عينها تتفحصها وكلام سعاد يرن بأذنها
بهمس:معناته انتي روز؟
وقفت روز وصارت مقابلتها :وانتي ندى ..
عبست ملامحها قربت زياده منها ..
دمتم بود "مـــس ميلانو"
Like
اسطورة ! غير متواجد حالياً أضافة تقييم إلى اسطورة ! تقرير بمشاركة سيئة