الفصل 6
احببته رغم انني عاجزه عن الوصول اليه..
نحت بالصفحات الاشعار وختمتها بأسمه..
لم اعد ابكي على فراقه فـلو اعلم ان النحيب يعيد الاحباب لقطعت حنجرتي من الصراخ!!
قام خذا جواله ماحس نفسه الا داق على رقمها
جالسه تكتب بدفتر مذكراتها حست بصوت الجوال استغربت رفعته
وبعدم تصديق :سلمان!!
بغصه:هذا انت صح مو قاعده احلم سلمان ليش ماترد علي نزلت دموعها
بغصه:ليش سويتي فينا كذا هاا رغم اللي سويته ماقبلتي فيني وبأقرب فرصه
رحتي وتركتي رساله وتقولين ادعي لي
بأنفعال:ادعي لك على وش تتوفقين بحياتك الجديده مع واحد ثاني غصته العبره
:رحتي وخذيتي كل شيء معك صرت مثل الميت بين الناس تتذكرين لما كنتي تقولين احسه اني وحيده
عشان امي ميته وش كنت اقول لك هاا
روز ببكاء:انا امك وابوك واهلك كلهم ودموعك نار تحرق صدري
سلمان بسخرية:بالله بذمتك باقي متذكره تصدقين كنت احسب نسيتي بسبب حياتك الجديده
وزوجك وعيالك تصدقين عاد اكتشفت اليوم اني مو كفو اني صدقت كل كلمه قلتيها لي
روز وش اكبر شيء عطيتك اياه
روز ببكاء:كليتك ودمك
سلمان تنهد:لا قلبي ياروز قلبي اللي موتيه بيدك الثنتين ورميتيه ورحتي وربك ودي ادعي
عليك بس مو قادر ..ضرب يده برجوله بقهر:القى نفسي ادعي لك واقول يارب ماانكتبت لي السعاده
اكتبها من نصيبها
انهارت بكي وبغصه:اهىىى اهىى سلمان ربي عاقبني وتطلقت
انصدم انذهل!!
بصوت خافت:مستعده ابيع الدنيا عشان اكون معاك مره ثانيه ومايهمني احد لو اوقف بوجه العائله
سلمان بسخرية:تأخرتي اليوم تملكت ياروز على وحده تقول للقمر واقعد محلك والا
قلبها النظيف اللي مبين من عيونها
روز بصدمه سكتت كمل:صحيح ماهي مثل جمالك لكن بعيني شفتها احلى وحده بهالدنيا
ملكت العالم لما نادتني بأسمي لأول مره ياااه ياروز لو تدرين من فرحتي ماقدرت انام انتظر
اسمع صوتها وهمسها انتظر اسمع اسمي من فمها
روز ببكاء حاد:خلااااص
سلمان تحجرت الدموع بعينه:ليه توجعتي وانا 7 سنين ماتغمض فيها عيوني وارتاح اتخيلك
بين حضنه اتخيلك وش تسوين معه حرام لما قلت لك اللي حسيت فيه بعد شهر راح تصير زوجتي
وماراح تغفى عينها على كتفي وانتي ارجعي له كلفتي على نفسك وصحيتي متأخر تصبحين على خير
روز ببكاء حاد:اهىى اهىىى سلمان لاااااااا الله يخليك لااا
ماقدر يتحمل اكثر بكائها قطع قلبه قفل الجوال مسحت دمعه يتميه تعلقت بطرف عينه
تكورت على نفسها وتبكي بصوت عالي وتنادي اسمه:سلمااان
دخلت اختها بسرعه:روز لايسمعونك والله يذبحونك وتكتم فمها بيدها
روز بصوت عالي:مو بيدي اهىى اهىىى راح امووت قلبي يتوجع ياريم اهىى آآآه
بدخول بنتها تولين:ماما
قامت ريم بسرعه خرجتها:روحي حبيبتي نامي
تولين بخوف:ليش ماما تبكي؟
ريم تمسح دموعها من حالة اختها:تعبانه شوي روحي يله شطوره خرجتها ورجعت لروز
اللي تبكي بحمق ووجهها حمر من البكي وتضرب بصدرها:آآآه موجوعه ياريم موجوعه اهىىى اهىى
حضنتها وتمسح دموعها:خلاص اهدي
"بالقـــرية"
تقلبت بطفش ماجاها نوم شافت الساعه 5 الفجر قامت طلعت الحوش مافيه تلفزيون وجوالها نسته
ما اخذته خطرت ببالها فكرة لبست عبايتها وخرجت فتحت الباب بخفيف وخرجت
تتمشى والهواء يلفح وجهها بهبال صاحت بأعلى صوتها :آآآآآآآآآآآآآآآآ وترقص بهباله
:سكنهم مساكنهم يارب نزل من فوق الصخره
ووقف خافت ماتشوفه زين من الظلام قرب منها:يبغالك الشيخ يابنت
تخصرت وبسخرية:شايفني مجنونه ..
شغل الكشاف حطه بوجهها سكرت عيونها:خير !!
:طير
فاطمه بأنفعال:تطير عيونك الثنتين
: ليش طالعه هالحزه يابنت تراك مو بالمدينه احترمي عادات
هالناس
عرفته ماغيره شيخهم رفعت حاجب:خير قريتك ابوك وانا مو داريه
ابتسم:قرية ابوي قلتيها
لامت غبائها وترقع :من زينها اصلا لاتلفزيون ولاهم يحزنون
:من قالك اصلا بكره بتوصل تلفزيونات
فاطمه بتصديق :والله!!
بسخرية:اختاري أي بوصه انتي بس
بقهر:تستهزأ انت ووجهك
بيتكلم سمع صوت مسكها من ذراعها وسحبها ورى الصخرة الكبيرة حط يده على فمها :اشش في احد جاي
حاطين سبيكر ويكلمون بنت بعدوا..بغيظ:لأبو من رباكم يالرخمه عرفتكم ترضونها على بنات الناس
بعدت عنه وبسخرية:ماشفت نفسك واللي سويته قبل شوي
قصفت الجبهه عنده سكت ضحكت بخفه عطته ظهرها ومشت بصوت جهوري:يابنت المدينه
وقفت ومعطيته ظهرها كمل:وش اسمك ؟
ابتسمت بخفه وكملت طريقها مطنشته
يــــوم جـــديد 10 صباحا
رفستها برجولها:يابنت فزي الناس تصلح غداهم وانتي باقي ماسويتي فطور
عبست طالعت بالساعه:عادها 10
عمتها :خلصي جعت سوي لي فطور ولأم صالح وام محمد وام خلف وام
صاحت:الله كلهم
عمتها:لايكون ماكلين من خيرك
حست بقهر داخلها ودها ترد بس عجوز كبيرة بالسن كل ماسوت شيء منت عليها بعدت الشرشف
بطفش وقامت:لحظه يابنت وش هالخلاقين اللي لابستها لايكون بتخرجين عليهم كذا؟
طالعت ببجامتها:وش فيها ؟
العجوز هزت راسها ومشت طالعت بنفسها:خير وش فيه لبسي ؟
بعد ساعه قربت لهم الفطور
ام خلف بهمس:وش رايك اخطبها لولدي؟
ام صالح بسرعه:لا يووه بسم الله عليه سمعت انها مطلقه
سمعت هالكلمه والا ماسمعتها ضربت صحن الشكشوكه بالارض:مطرح مايسري يمري عواااااافي عليكم
طالعوها بخوف لفت وعطتهم ظهرها بتمشي لفت وجلست:تدرون ليشت طلقت لأني طعنت زوجي
بالسكين 3 طعنات وبغى يموت ضربت فخذها:لكن ابن حرام ربي كتب له عمر اصلا حتى اخوي
جابني لهنا لأني نتفت شعر زوجته عشانها قالت لي مطلقه بغيت اذبحها
حكت راسها اخذت خبزه واكلتها بسرعه وتطلع صوت قربت بهمس:اصلا ما احس بنفسي يقول الشيخ
من الجني اللي فيني لاعصب وووه يسوي هوايل وابتسمت مدت الخبزه لها
بهبال:كلي حلووه تهبلل
بلعوا ريقهم قاموا بسرعه وبخوف:نستأذن يافاطمه
عمتها بقهر:وين ما افطرتوا
ام خلف بخوف وعينها عليها:عاد احد له نفس ياكل مع السلامه مع السلامه وخرجوا
فقعت ضحكت:هههههههههههههههههههه� �هههههههههههه
هههههههههههههههههههههه ماسكه بطنها وتمسح دموعها:ههههههههههههههه
ماوعت الا على الشاهي المنتثر على وجهها شهقت بقوة طلعت عينها
عمتها:ايا قليلة الحياء تسوين كذا بضيفاني
فاطمه بقهر:الله والضيفان نقالات كلام وقامت غسلت وجهها وتسمعها تتحسب عليها كشتها
زفرت"افتك من دلالوه تجيني هالعجوز"
العصــــر ..
لبست تنورة سوداء طويلة وبلوزة سكريه شفافه رفعت شعرها تذكرت بنات اللي يستحقرونها
بضحكة:طيب طيب اخذت الكحل ورسمت عينها كات ثقيله حطت لها مسكره سوداء مكثفه
للرموش وروج احمر صارخ ..فكت شعرها ونثرته على كتوفها
بطفش:ياربي ليش مافيني طول بس خقه مووزه ياتومي"دلعها" باست المرايه
عمتها:الحمدلله والشكر ابتليتني بوحدتن عوباء امشي بس
لبست عبايتها وتلثمت
عمتها بانتقاد :ماعندك اثقل من هالغطوه؟
تعدتها فاطمه ونزلت الجبل كشتها:قليلة حياء
شافت العقود على البيوت وخاصه بيت الشيخ اللي مفتوح العيال الصغار يجرون يلعبون والحريم يدخلون
مرت جنب صفة مراهقين صفروا لفت استحقرتهم
طلع يتفقد الاوضاع شافها وسمع التصفيره فسخ بشته رماه على الصبي اللي يشتغل عندهم
بحفاوة خلتها تفز:ارحبي يالله حيها
وقفت متصنمه:انا!!
قرب منها وبهمس:قلع الله هالوجه مو انتي تعداها وباس راس عمتها حست بغيظ ..
دخلت عمتها وهي مكانها واقفه بقهر:ليه تتكلم معي كذا انا وش سويت لك؟
:طالبك لاعاد تلبسين هالغطاء مرتن ثانيه هالعيون حرام ينفتن بها الجميع
حست للحظه كأنها بمسلسل بدوي تنحت دققت بملامحه بشرته حنطيه ماخذه الطول
مسوي سكسوكه خفيفه عاادي جدا شافت بالقريه احلا منه وعت على نفسها
على صوته:ادخلي داخل لايسبقك هرج الحريم والسفهان
قربت بنت عمه مناير وبحقد:شلونك متعب الحمدلله على سلامتك ياولد العم
نزل راسه:هلا بخير الحمدلله الله يسلمك تفضلي الحريم جوا
مناير برفعة حاجب:هالقريه اخربت والله قلبت عينها ودخلت ..زفرت فاطمه بطفش وبهمس
:وين ما اروح الا القى شياطين الانس بوجهي كأني ملعونه
متعب:تدرين ليش يابنت المدينه؟
بسرعه:ليش؟
متعب بأبتسامه:لأنهم يبطون يوصلون مواصيلك
فاطمه:انت ماتعرفني!
متعب:احساسي ابدا مايخوني يابنت المدينه ومشى ..صحت على نفسها "وش تحسين فيه واقفه
معه بنص القريه قدام خلق الله وتاخذين وتعطين بالكلام"
دخلت الحوش اللي فارشينه على امتداد وجالسين الحريم فسخت عبايتها طوتها وشلتها بيدها
جلست جنب عمتها اللي سافهتها وتسولف"حركات عجايز"
دقائق وبدأو يرقصون تحمست سحبوها الحريم وترقص معهم اندمجت كثير
وتحرك شعرها وكتوفها بدلع تغيظهم والبنات شوي يذبحونها خصوصا مناير بنت عمه
^^^^^^^^^^^^^^^^
مر شهـــر كامل على ابطالنا
ليلى وجسار تتعقد بينهم اكثر واكثر حابسها بالفله ومشدد عليها الحراسه
فاطمه اكثر وحده قالت ماراح تتأقلم لقت نفسها بهالقريه صارت خبيرة نفسيه ههه
والحريم والبنات يستشيرونها وصارت بينها وبين الشيخ مواقف كثيره ..رغم سوء معاملة عمته
اللي مشغلتها مثل الخدامه لكن كانت تنسى التعب بمجرد نزولها لأهل القريه قدرت تندمج مع اهل
الشيخ وصارت قريبه كثير من خواته من جهه تحس بغبنه امها ماسألت عنها ولا اخوانها لكن الغريب
بهالوقت نلقاه دائما احسن من القريب!!
ندى تجهز لزواجها وهيا ماتفارقها خطوة بخطوة ومها متكفله بالتحضيرات
والى الآن عادله وجواهر ماعندهم خبر بطلب من ابو سلمان !!
بزنزانة الجحيم يقبع قلبي وعقلي يرفرف لعالم ليس عالمي
كتب النصيب ان ادخله بطوعي..
قبل الزواج بليلة ..
طلت عليها سميه:الاميره هيا جات
ترتب شنطتها باستغراب:هالوقت وش عندها؟
ناديه بخوف:يمكن سلمان فيه شيء؟
ماتعرف ليه بسرعه نزلت دخلت ووجهها مخطوف لما شافتها تسولف مع امها تطمنت
قامت سميره:انا بروح اعشي العيال عن اذنك
هيا :اذنك معك ..وخرجت
ابتسمت وقربت منها:اخبار عروستنا؟
ندى باستغراب:بخير صاير شيء؟
مسكت يدها وجلستها:بصراحه فيه كلام كان لازم اقوله لك مالقيت فرصه تعرفين انشغلنا لكن مجبوره
ندى كيف علاقتك مع سلمان؟
نزلت راسها زفرت:لا ياندى ابغاها تكون قويه ابغى الكل يتكلم عنكم
قامت ندى وبأعتذار:شرفتينا لكن لازم اكمل اغراضي
هيا:معك حق وقامت:لكن
قربت منها
وهمست بأذنها:اذا قدرتي تكسبين قلبه وعقله صدقيني
راح تصيرين زوجته وحبيبته واميرته والآمره والناهيه بسرايا القصر وراح يكون القصر باللي فيه
تحت يدك الثنتين وين مارحتي راح ينحنون غصبا عنهم لكن حتى توصلين لهالمرحلة لازم وسكتت
لازم تجيبين له ولد وقتها بس راح تقدرين تتحكمين بكل شيء اعرف مو وقته وبدري كثير لكن
حبيت احطك بالصورة
ندى بعدم تصديق رفعت حاجب:هه معناته هالزواج غايته اجيب لكم عيال وبس طيب سموك وانا
وين موقعي بين هذا كله؟
هيا استغربت حمقها :انا مو فاهمه انفعالك هذا شيء طبيعي أي اثنين يتزوجون يخلفون
قربت منها ندى:مو هذا اللي قصدته سموك اقصد غايتكم لاتظنين موحاسه باللي يدور براسك قريته كله
ماقدرتوا عليها وحطيتوني بوجه المدفع ليش؟
هيا بربكه:مين تقصدين؟
لفت وجهها على جنب وضحكت بخفه:تعرفين من اقصد وبهمس:عادله اللي رقصتكم على اصابعها
وماقدرتوا تخرجونها من القصر رغم ان الامير سعود مايكن لها أي حب لكن ثبتت نفسها صح
رغم انها ورفعت صوتها:ماجابت الولد ولا البنت ورفعت جاجب:والا غلطانه؟
هيا مسكت كتفها بيدها الثنتين طالعتها باستغراب:لهالسبب احنا اخترناك
بعدت عنها ندى وبغيظ:مين انتم مييييين؟
تعدتها اخذت شنطتها وعبايتها قبل ماتخرج :راح تعرفين بنفسك لاتستعجلين
بتخرج بصوت عالي:سمووك
لفت هيا ...قربت ندى وبقوة:انا ماني مثلكم ولا مثل عادله صدقيني والايام بثبت لكم
..هيا خرجت وماعلقت بكلمه ركبت السياره رجعت راسها لورى
وصورة امها بالمستشفى ماتفارق لها بغيظ:وجاء اللي يوقفك عند حدك ياعادله
جلست على الكنبه بعدم تصديق للكلام اللي سمعته اختاروها حتى تجيب العيال بس كتمت غيظها
نزلت دموعها بقوة مسحتها رفعت يدها وتهدي نفسها:اهدي اهدي مو وقته البكي بكره زواجك
لاتخلينهم يخربون عليك فرحتك طيب مو بنفسكم سميتوني البارود شوفوا هالبارود وش راح يسوي
طلت عليها:لازم تنامين وترتاحين بكره زواجك
رجعت راسها لورى:مو قادره تعالي سميه تعالي انتي والبنات خلوني اجلس معكم يمكن هالضيقه
اللي فيني تروح
قربت منها وبخوف:ندى ليش وجهك مصفر كذا قالت لك شيء
بكذب هزت راسها:لا بس تشوف اذا ناقصني شيء
سميه بغمزه:راح تصيرين الاميرة ندى وينحنون لك مثل المسلسلات
ضحكت بقوة من تشبيهها:ههههههههههههههههه
سميه بأبتسامة:ليش تضحكين؟
ندى:لأنك حسستيني بالقرون اللي راحت
:بنفسي شفت كيف ينحنون للأميرات يسمونهم الوصيفات والمرافقات
عدلت جلستها:تعالي ..جلست ناديه ومعها عصير الليمون:اعصابك مشدوده طول الايام اللي راحت
قلت يهديك
ابتسمت على حنانها دمعت عينها نطت ناديه اخذت الخداديه الصغيرة وتهويها:لاتبكين لااا
سميه مسكتها من يدها:كملي كلامك
عدلت جلستها:لما دخلت حفلتهم شفت عالم ثاني غير اللي نعرفه ونسمع عنه تلمحين الشرار بعيونهم فيه تنافس
وكل وحده معها حوالي 6 لــ 7 بنات منهم يسمونهم الوصيفات ويكونون معاوناتهم بالدرجة الاولى يروحون معهم
كل مكان والمرافقات من الدرجة الثانيه يهتمون بلبسهم وبراحتهم وبعيالهم ومثل النحل مستنفرين
طبعا عرفت هالشيء من بنت اخت هيا ومها
سميه بهيام حطت يدها على خدها:ياسلام سمعتي راح يصيرعندك الوصيفات والمرافقات
وراح تصيرين المدللــه
ناديه:لا واسمعوا هاذي يقولون اللي تجيب ولد هاذي التوب ويصير لها وزنها والكل غصبا عنه
يحترمها ان شاء الله لو انها من العامه وتشرب العصير:فعلا مثل اللي بالتلفزيون
سميه:الله على الدلال والرفاهيه
وسميه وندى خذتهم السواليف لهذاك العالم..دهشه وانبهار من سميه
وانفعال من ناديه..ماعداها يدها على خدها وعينها على القمر اللي عاكس نوره
حيره من الحياة اللي تنتظرها وتفسير الحلم للآن صداه يعكس بأذنها
الشيخ:الله اكبر سبحان الله سبحان الله هاذي رؤيا صادقه من الله يابنتي
وبشرك لك بفرحه قريبه بأذن لله من رجل قوي ومن اصحاب السلطه ومكانه عظيمه هذا تفسير الاسد والقمر
اللي شفتيها اما الظرف اللي شفتيه والعجوز فهو وسكت يابنتي راح تعرفينه مع الزمن لكن خير لكن العدل العدل لاتنسين
طلت عليهم شافتهم يسولفون متحمسين ضحكت عليهم ماعداها جالسه وسرحانه عينها على الشباك
سميرة:ماراح تنامون يابنات؟
سميه بفرحه:من الفرحه مو قادره انام
ناديه بحزن:ودي مايمر الوقت واجلس مع ندى راح افارق لها
لفت سمعت كلامهم نزلت دموعها طمرت ناديه لحضنها مسحت دموعها بكفوفها وصفقتها بخفيف
:كم مره اقولك لاتبكين عشان ماتنشف دموعك وتقعد عيونك ذابله مافيها لمعه
ضحكت بخفيف على هبالها
جلست سميرة جنبهم:وانا مو قادره انام بنات وش رايكم ننزل نسوي لنا اكل احس بجوع
خاطري بخفايف
سميه:راح احط لنا نواشف يلا ناديه تعالي معي قامت وخرجوا اول مره تشوف حبهم لهالدرجه
بسرعه سميره استغلت الفرصه:ليش وجهك مقلوب من خرجت هيا وانتي مو على بعضك
حطت راسها على فخذها وبهمس:خايفه من اللي منتظرني
ندى
مسحت على شعرها سميره وبأبتسامه:ما اصدق ندى بنت سميره خايفه من اللي يجي
ياما شفت من عماتك وجدتك تتذكرين كنتي الوحيدة اللي توقف بوجههم وتدافعين عني
وتقولين كل شيء الا امي خط احمر لا احد يقرب منه والا
ندى بغصه:باب ناري ينفتح له
اليـــــوم الثــــاني ...
اليوم المنتظـــر
لزواج اميرتنا ندى &اميــرنا سلمان
وقفت قدامها مسكت وجهها بيدها الثنتين :بعد ثواني راح تخرجين من هالباب راح تخرجين من جنتك
وتبعدين عن الناس اللي يحبونك ويخافون عليك حتى لو مابينوا لك لكن بداخلهم يخافون عليك من نسمة الهواء ..
وراح تدخلين بيت جديد بيدك يكون جنتك اللي ترتاحين فيها والا نارك اللي تنحرقين بوسطها
ماتعرفين من عدوك ومن صديقك لكن اكسبي اللي حولك حتى ماتعطين فرصه لأحد يعاديك ولاتكوني مثل امك
تسكت عن حقها حتى مايصير معك مثل اللي صار معي مع جدتك وعماتك مسحوا كرامتي ونهوني بين الناس
ابدا لاتعطين ايا كان فرصه يغلط عليك ولاتبدين بالغلط صوني زوجك وبيتك واحترمي اهله وقدريهم
وريهم تربية سميرة اللي جاء وقت حصادها بعد كل هالسنين وباست جبينها
هزت راسها وباست يدها وراسها :لاتخافين علي
هند طلت:جاء وقت الزفه
حست برجفه مو طبيعيه وقلبها وقف نبضه وثقلت رجولها اول مره راح تطلع لهالعالم
وتشوفهم كزوجـــة الامـــــيــــــر سلــــمـــان!!
بتخرج اصطدمت بوقوف شابه بأواخر العشرينات من عمرها
سميرة بأبتسامه:تفضلي بنتي
عينها عليها تتفحصها بهمس:انا روز !!
عينها تتفحصها بهمس:انا روز!!
مها بهمس:شوفي ليش تأخرت؟
هيا:يلا راح اطلع وطلعت بأبتسامه:تأخر وانخرست انلجم لسانها لما شافتها
بصدمه:هاذي انتي؟
لفت وبأبتسامه باهته:مر وقت طويل سموك وانحنت
ندى لاحظت شحوب وجهه هيا وكأنها شافت الموت ..
قربت روز ومدت يدها وصافحتها:قلت عيب ما اجي ابارك لزواج اميرنا سلمان
وما اشوف زوجته اللي الكل متحمس حتى يشوفها
هيا ماعاد تقدر تتحمل وجودها خروجها بهاللحظه راح يخرب كل شيء خططوه ولايبغون ندى
تعرف عنها بأي طريقه بنهر:اظن الضيوف مكانهم تحت يلا حبيبتي ندى تأخرنا
مشت مع امها وحست بوجود شيء وصلتهم للدرج
هيا:نسيت شغله اسبقوني انتم
سميرة:يلا
مشت بخطوات سريعه لغرفة العروس وبغيظ:ليش طلعتي لنا بهالوقت؟
لفت وقربت منها وبهمس لها:جيت بنفسي حتى اشوفه واشوف اللي فضلتوها علي عشان نسبها
والا خفتوا لأني ماقبلت باللي طلبتوه مني وحتى تفرقون بيني وبينه دبرتوا زواجي وزوجتوني
لواحد دفعتوا له الملايين حتى يبعدني عن ولدكم استغليتوا الوضع الصعب اللي كان فيه ابوي
ونفذتوا خطتكم لهاللحظه مافتحت فمي بكلمه ولا علمت سلمان باللي سويتوه حتى مايتألم وينصدم من ابوه
وعمته اقرب الناس له كاتمة اسراره عمته اللي فتح لها قلبه وطلعت مو قد هالشيء
صفقتها بقوة قربت منها وبنهر:لاتنسين من تكونين واللي قدامك من تكون فضلت عليك وعلى عائلتكم كلها
بصوت عالي:غرقتكم بالفلوس لبستكم الذهب وكسيتكم الحرير وخرجت ابوك من ديونه اللي كانت مثقله ظهره
بعد كل هالشيء بكل بجاحه وقواة عين جايه لهنا مين اللي علمك عادله هه
منزله راسها رفعته :وربك هاليد اللي انمدت علي راح يجي يوم وتنمد لي وراح تعرفون من روز
وقيمتها زوجوه الف وحده ماراح تنسونه روزه وردته وراح يرجع لي
دفتها بقوة :لاعاد توريني وجهك والا
روز بصوت عالي:والا وش؟
هيا بأبتسامه:اتصال واحد مني وراح يجي ابوك او فارس لعند الباب ويسحبك من شعرك
روز بضحكة:ليش ماعرفتي تطلقت منه
هيا مصدومه!! مذهوله!!
روز:ماعاد فيه قوة بهالدنيا تبعدني عن سلمان
هيا بعد تفكير:فيه فيه بس ماجربتيها للآن ندى ابدا لاتتستاهلين فيها هه ومشت وتعدتها
وروز تغلي بداخلها خذت نفس عميق
المطربه:الف الصلاة والسلام عليك ياحبيب الله محمد
الكل:كللوووووووووووش
نزلت بفستانها الابيض الناصع
نزلت الدرج ..وبدأت الدبكه الكرديه بخروج نساء بزيهم الموحد الكحلي البراق والفضفاضه
بعضهم يحمل الناي والطبول ومجموعة وقفوا على اليمين واليسار حاملين سيوفهم متلاصقه ببعض
سميه تحرك كتوفها بحماس:ياسلااام
مشت خطوه بعدوا السيوف وقفت بالوسط التفوا حولها ويدبكون بسرعه وقفوا وبعدوا
ابتسمت بفرحه بخروج راقصات على الطبله المصريه و ببدلاتهم الشرقيه يتمايلون امامها
انتهوا
طلعت المنصه كان بأستقبالها طفلتين ينثرون الورد والفلوس عليها مشت خطوات بطيئة
لفت واعطت وجهها للحضور
المطربه:الف الصلاة والسلام عليك ياحبيب الله محمد
الكل:كلللوووووووووش
تقدمت نحوها عجوز رابطه على راسها عمامه سلمت عليها حطت حزام ذهب من العيار الثقيل
على رقبتها كنوع من التقدير
مها بهمس:هاذي جدة سلمان ام امه
باست راسها ويدها بأحترام بتنزل مسكت يدها:مكانك هنا ياخاله بين ولدك وبنتك
ابتسمت العجوز وربتت على يدها بفرحه
بدخوله بطوله الفارع بالثوب الابيض والشماغ والبشت الاسود مشت معاه هيا على المسار
مبتسم ومبينه صفة اسنانه قرب من جدته فتح حضنه وبفرحه واضحه حضنها بقوة ويبوس راسها ويدها وهي تدعي له
بهاللحظه ندى حست مزيج من الفرحة والقوة وشيء غريب غرييييب ماقدرت تفسره !!
لف عليها منزله راسها رفع دقنها بيده وطبع قبله عميقه على جبينها وسط تصفيق وصراخ البنات
ابتسمت سميرة وهيا ومها
جات اغنية ماجد المهندس"سحرني حلاها"
وهيا ومها وخواتهم يرقصون لندى
انادي حصه منيره جواهر يامها
هيا تصفق بقوة لمها اللي تتمايل بكتفها على اسمها
بدخولها ومعها مرافقاتها وجواهر مشت للمسار وطلعت
مها بهمس:هاذي وش جابها؟
هيا بطفش:كنت حاسه هالسكوت مو لله خليك جنب ندى انا اعرف اوقفها عند حدها
لاحظت الربكه اللي صارت لهم بمجرد دخولها قربت وقفت قدامها هيا
بضحكة سخرية:راح تمنعيني ياهيا ابارك لولدي بعد وافرح فيه
هيا بعدم تصديق:عادله انا اعرف اللي قاعده تخططين له لكن خلاص خسرتي صارت زوجته على سنة الله ورسوله
عادله بغيظ:فتحتوا لنفسكم باب جهنم سكروه اذا قدرتوا دفتها من كتفها وقربت منهم
سلم عليها وباس يدها وعينها عليها بحقد ماتوقعت تكون هي
جواهر بغيظ:ماتعرفين الاحترام انحني للأميرة
بقوة:والله انا ما انحني ولا اركع الا للي خلقني
سلمان استغرب ردها قربت منها وقفت بوجهها سميرة طالعت فيها بأستخفاف
:لعبتوها صح لكن نسيتوا من اكون؟
سميرة بهدوء:خلي هالليله تعدي على خير الكل عينهم علينا
بعدت عنهم ونزلت وعينها على هيا بأستحقار
جواهر بغيظ:راح نسكت لهم يعني
شاده قبضة يدها وساكته..وهيا ترقص وتجاكرهم ومها تنقط بالفلوس
عادله بتفقد:وينها هاذي تأخرت؟
واقفه من بعيد وعينها عليه تحس روحها تحترق وقلبها يموت شوي شوي
تمنت انها تكون جنبه هاللحظه مكانها ويمسك يدها
ماسكه صدرها بيدها وتبكي بصمت ..بجرأة مشت ببطء للكوشه طلعتها وقفت قدامه
طاحت عينه بعينها هالعيون يعرفها من بين الكل..
بغصه:مبروك ياسلمان
انخطف لونه يحاول يستجمع نفسه لف وجهه:الله يبارك فيك اختي
لاحظت فيه شيء مو طبيعي بينهم لفت عليها نفسها اللي شافتها فوق وسحبتها هيا
اللحين تأكدت فيه شيء مو طبيعي
نزلت بخطوات واهنه اشرت لها مرافقة عادله راحت وجلست معاهم وعيونها بالارض تمنع دموعها
مها :شايفه اللي قاعده اشوفه صارت بصفهم؟
هيا بقهر:دبرتهم عندي خلي هالليلة تنتهي على خير بس الكل حاس فيه شيء مو طبيعي
راحت لسلمان اللي اشر لها بغصه:راح نطلع
هيا:افضل لكم ..دقائق حتى طلعوا بعد ماودعوهم
انتهت الليله واعلنت عن بدأ تأجج النيران..
وراحوا المعاريس والا خلونا نقول
الامير سلمان&والاميرة ندى
للفندق اللي راح يجمعهم تحت سقف واحد لأول مره راح تنام جنب شخص غريب
وهي تكرهه احد يشاركها سريرها هالمره مجبوره
فسخت عبايتها بتوتر لفت وعطته ظهرها بس توترها ماكان اقل منه
مو اول زواج له لكن حسها صعبه كثيررر
مثل المهره اللي مو متروضه حكم عليها من كلامها له بالملكه :احمم
جلست على الكنبه النفرده ابتسم لحركتها:راح يوصل العشاء بعد شوي
ندى:.....................................
لاحظ سكوتها حب يكسر هالحاجز:اذا تبغين تغيرين ملابسك على مايجي
بسرعه قامت دخلت دورة المياه وانتم بكرامه فسخت فستانها فكت تسريحتها ومسحت مكياجها بالمناديل المعطره
ودخلت تحت الدش البارد اللي يهدي حرارة جسمها وتوترها لبست الديشنبور القطني نص كم
ويوصل لنص الساق رفعت عينها السوداء المراية نشفت شعرها بالمجفف فتحت شنطت مكياجها الصغيرة
اخذت مسكره وحطتها وحطت لها كحل داخلي اسود وروج احمر فاتح وقفت ماقدرت تتحمل
تحس بذنب كبير كل ماحطت شيء تذكرت ثامر..غصتها العبره سندت يدها على طرف المغسله
رفعت راسها وكأنها تكلم نفسها:خلاص انسيه انتي صرتي الاميرة ندى اهىى اهىى
زوجة الامير سلمان بن سعود.. هو بيده اللي وصلك لهالحاله"ثامر"
كانت طول الوقت تخدع نفسها لكن مثل مالحياة اخذ لازم فيها عطى
فزت من صوت دق الباب مسحت دموعها:يلا جايه
بسرعه اخذت قميص النوم الذهبي الفخم الطويل علاق لبسته وتعطرت اخذت دهن العود وحطت مسحات ورى شحمة اذنها
وعلى خط الصدر ومسحه خفيفه على نحرها رفعت راسها بثقه وببالها مجرد خروجها من هالباب
راح تكون وحده ثانيه وحياتها راح تكون ثانيه
لأن هالليلة هي ليلتها ..الليلة اللي تتلاقى فيها الاجساد قبل الارواح
مع انها تمنت الثانيه ..ليلة العمر اللي من خلالها اما راح تتوج بحبه وتملك قلبه
او تنهز على اخر لحظه وتصير اميرة هالمره لأحزانها و لماضيها وذكرياتها
تشجعت حطت يدها على مقبض الباب وفتحته وخرجت بخطوات هادئه
فاتح البلكونه ويشم هواء ويده على السور تشجعت وقربت منه وقفت جنبه
وعينها قدام لف نظره عليها صحيح شاف شكلها لكن هنا متغيره ملامحها هادئه
جمييله ببساطتها
سبقها ودخل جلس على الكنبه:العشاء برد تعالي
جلست مسافه بعيده شوي عنه فتح الاطباق مد لها الخبز
:كلي لاتخجلين اخذته منها واكلتها بشويش من التوتر مالها نفس بشيء
بعد ساعه عينها عىلى اكلها:اللحين بذمتك شبعتي اصلا باين ان اكلك خفيف
مسك يدها وقومها معاه:البسي عبايتك وتعالي نصلي شكر لله
استجابت له وصلوا ركعتين جلسوا على طرف السرير حط يده على ناصيتها وقرأ الدعاء
وهي مغمضه عينها تحس بطنها بيتقطع من المغص والخوف خانتها رجولها ثقلت عليها
ابتسم على تعابير وجهها:ترا والله حتى النمله ما آذيها لاتخافين
فتحت عينها بسرعه ورجعت غمضتها وعضت على شفتها
ضحك:هههههههههه مسك دقنها وقربها ناحيته: فتحي عيونك
لاتخافين
ماتعرف ليه استجابت له وفتحتها لأول مره تشوفه بهالقرب كانت عيونه تلمع وجذابه
ضاعت فيهم بسرعه نزلتها بخجل
ماينكر نظراتها اشعلت اول شرارة بداخله لكن مو حب ..
بعد عنها ومسك يدها وقومها
جلسها على الكنبه جنبه وبعقل:هالليلة راح نتعرف فيها على بعض بس
احمم راح ابدأ بما انك ساكته من يوم جيتي انا سلمان عمري 35 سنه متخرج حقوق
من جامعة يال بكذب:وللحين مالقيت وظيفه تخيلي
ضحكت بسخرية:ههههههه امير مالقيت وظيفه
غمز:المهم ضحكتك اعترفي اييه الباقي تعرفينه مع الوقت وانتي؟
ندى بهمس:ادرس اخر كورس ادارة اعمال البكالوريوس
عقد حواجبه:كنت راح ادرسها بس شغلتها معقده
ندى:بالعكس بس كل شخص يختلف عن الثاني
ومرت ليلتهم يتناقشون مدري وش اللي جذبهم بموضوع الدراسه
ودخلوا بالسياسه وبالعميق انحرفوا انحراف تام عن مسار اول ليلة طبيعيه للعرسان
لكن كان قصد سلمان انها ماتخاف وتتعود على وجوده
منسدح على السرير وهي معطيته ظهرها لفت مع لفته
نزلت عينها بخجل هو تمناها روز وهي تمنته ثامر
لكن ابدا ماهربوا من واقعهم وبقرارة انفسهم حتى ينسون لازم يبدون بخطوة جديدة وهي يبدون يتعودون على
وجود بعض مرر يده على خدها الناعم قرب منها وخذاها بحضنه
طلعت الشمس وهم نايمين بالاحرى يتظاهرون النوم
بعدت اللحاف عنها لفت ناحيته خلاص صارت رسمي زوجته للأمير سلمان بن سعود
اللي كل البنات يتمنونه
سلمته نفسها بكل طواعيه
لازم تتغير عشانها وعشانه هالمره راح تكسب قلبه وتكون هي الاولى بحياته لانها ماتعودت
الا بالمراتب الاولى دائما
دخلت الحمام "وانتم بكرامه" بسرعه رمت الدينشبور بالارض شغلت المويه الدافئه مر ببالها بكت بحرقه تحت
المويه وترفع شعرها عن عيونها بيدها المترجفه واختلطت دموعها بالمويه ...
لف ناحيتها مالقاها اخذ التلفون ودق على الروم سيرفس ..سمع صوت بكاء يتعالى
وبأذنه السماعه:لحظه شوي حط السماعه على الكومدينه وقام وقف عند الباب وصوت بكائها يعلى اكثر
فأكثر راح تفكيره بعيد بسبب ليلة امس دق الباب وبصوت هادي:سهى سهى
كان يجهل اسمها بالاصح مو مهتم ..سمعت صوته زاد بكائها
قفلت المويه لبست الدينشبور بسرعه وفتحت الباب وعيونها محمره تعدته وصدمت بكتفه
لف قبض حواجبه :تعبانه صاير لك شيء؟
هزت راسها بالنفي ببحه تعب:احس اني مخنوقه
بعطف قرب منها رفع ذقنها بيده:انا سبب بهالخنقه ليش عينك محمره كذا؟
نزلت دموعها طاحت بيده طاحت عينه على دموعها بنبرة حنونه :انا آسف اذا كنت سبب بدموعك هاذي
لف وعطاها ظهره بسرعه:لاتروح وتخليني وتعطيني ظهرك بأول فرصه تصير لك
لف كملت بأنفعال استغرب منه:انتم كلكم كذا مجرد الوحده عندكم سلعه وحتى ترضي رغباتكم وبس
ولما يصير لكم بأول فرصه تروحون تتركونها ولايهمكم شيء
رمت فوطة شعرها الصغيرة بالارض بأنفعال:لكن انا مو غبيه انا حست بضعف ماقدرت تتكلم واطرافها ترتجف
قرب منها وتأشر بيده يبعد عنها مسك ذراعها لفت وتحرر يده بهمس وضعف:اتركني
لفها عليه ومسك كتوفها وبهمس:ليش همم ومرر يده على خدها بتبعد بسرعه حط يده ورى
رقبتها وشدها غصب وحضنها وهي تقاومه لكن بنيته رجحت كفته!!
دق الباب بعدت عنه وتمسح دموعها وتعدل شعرها
بهدوء :اكيد وصل الفطور ..دخله مسك يدها جلسها على الكنبه
منزله راسها اخذ زيتونه وبهبال:تشبهه انفك افطس
رفعت راسها ماسكتها الضحكه بس تخبيها قرب يده يأكلها فتحت فمها بهدوء
كتف يده:هني وعافيه مدي يدك ..متصنمه ابتسم وبداخله راح يخرج برا حتى تاخذ راحتها وتأكل لها لقمه
وقف:انا راح اروح مشوار ساعه وراجع تبغين اجيب لك شيء
ندى بهمس:لا
سلمان قرب لها الصحون:انتبهي لصحتك ما احد بهالدنيا يستحق اللي تسوينه بنفسك
ماينفعك الا نفسك وخرج ..استغربت كلامه بس طاحت على الفطور الجوع بيذبحها لها يوم ماكلت شيء
خرج اللوبي تنفس بعمق جلس على الكنبه المنفرده رجع راسه لورى غمض عينه
جرب شعور احد يتخلى عنه مايبغى يذوقه ندى مهما كان مبينه حساسه رحم حالها لما بكت تيقن بداخله
هالدموع وراها سر كبيير زفر بقوة وبتوجع:ليش سويتي فيني كذا ياروز ليش وانا اللي كنت مستعد اتخلى عن الجاه
والمال عشان تكونين معي
:يمكن خيره
لف وابتسم:عباس متى جيتوا؟
عباس واقف:ماعندك خبر نمنا البارح هنا بطلب الامير سعود شايفك مو مبسوط
هز راسه :بالعكس ماعمري حسيت بهالراحه من سبع سنوات مدري ليش؟
تخيلها قدامه بسرحان:يمكن لأنها غريبه هالشيء خلاني ارتاح غير عن كل البنات اللي شفته او تزوجتهم بالاحرى
ضحك عباس بخفه:ههههه تتذكرهم
حط يده تحت ذقنه:منهم الاستغلاليات ومنهم اللي كانوا مجبورات بس كلهم اشتركوا بنقطة حبوا الجاه والمال
ماحبوني ههههه
عباس حس بتوجعه:كل وحده تتمناك تكون زوج لها لكن مشكلتك سموك من بعدها قفلت قلبك وعيونك واذنك
عن هالعالم وصرت تتزوج حتى تنساها ونسيت حتى تنسى لازم قلبك يرجع يدق من جديد ولازم تفتح عيونك
وتسمع كلام الغزل والحب من جديد
سلمان بذبول:هالكلام ماطلع عبث منك جربت هالشيء متأكد
عباس طالع بساعته:تأخرت على عروستك سموك
وقف سلمان وبضحكة ويمشي:مصيري اعرف لاتخاف
وغربت الشمس ..وجاء الليل وطلعت نجومه متراقصه
والقمر يعزف لها مقطوعته..انقطعت اوتار وحلت محلها اوتار جديدة
وقصرصوت العود..وتوقفت الرقصات ..ونشف الحبر وتلاشت الاشعار
وخرجت ندى من الجناح اللي جمعها بسلمان وتتحامل على قلبها وتكذب دقاته
اللي باقي تنبض له رغم اللي سواه فيها لكن مو بيدها ..
عينها على لمعان السيارة المرسيدس السوداء وقفت قدامها وطولت النظر فيها
كأنه لون قلبها لما اختارت البعد عنه ..لف بهيبته بثوبه وشماغه ورزته ينتظرها بابتسامته الحنونه
لكن خلاص من هاللحظه لازم تنتبه على تصرفاتها وكلامها صارت غير انظار الكل متجهه عليها
لازم توزن نفسها قبل مايوزنها الناس مشت ورافعه راسها فوق ويا ارض اشتدي وما احد قدي وجاهله
ان هذا اول عبور لها فوق السنة النيران اللي تحتمي تنتظرها!!
^^^^^^^^^^^^^^^^^^^^^
بقصـــر الامير سعود
الخدم مستنفرين والوصيفات يشرفون عليهم يجهزون العشاء
هيا وعينها على الاكل:ماناقصنا غير جيتهم لفتت على مها وبغمزه
:ابتداءا من هالليلة راح يبتدي عهد جديد
عادله جالسه بجناحها :جهزتوا كل شيء
عائشه كبيرة شوي بالسن اللي كلمت ندى بهدواة بالزواج:كل شيء جاهز والاميرة هيا ومها وصلوا من شوي
لفت وجهها وزفرت:الليلة بيتعشى معنا الامير سعود ما ابغى أي مشاكل انتبهوا لها "تقصد جواهر"
خديجه اؤمات براسها :لاتخافين
وقفت سيارة المرسيدس السوداء قدام القصرالكبير اللي يتألف من طابقين وله بوابة ضخمة عند المدخل وثلاث بوابات في محيط القصر
وأبراجه متوسطه مستديرة من جوانبه وتحيط به الحديقه الممتده والبيوت الخاصة بالحاشية ودور الخدمة والمخازن والمطابخ والحمامات
فتحوا له الباب نزل نزلت معه تعلقت عينها بالقصر اثري وعصري بنفس الوقت انبهرت من كبره ومساحته الواسعه وعينها تتفحص رجال
الحراسه والخدم غير الحاشيه دب الخوف بقلبها عالم يختلف عن عالمها البسيط
بصوتها:ندى ..صحت على البنت العشرينيه متحجبه :انا سعاد مرافقتك الخاصه
عقدت حواجبها:مرافقتي الخاصه
ابتسمت:عينوني حتى اكون بخدمتك من يوم ورايح تفضلي دخلت معها
وضعت اول خطوة بالقصر اللي ممكن يكون عهدها..
ابتسمت وفتحت يدها:عروستنا واميرتنا الحلوه وحضنتها همست بأذنها:لاتخافين معنا معدات الحرب
ضحكت بخفه وسلمت على مها مسكوا يدها:تعالي الامير سعود داخل وراح تشوفين زوجات اخوان سلمان
من ابوه وعماته شفتيهم ..تنفست بعمق حست بتوتر يضرب قلبها الرهيف
دخلت سلمت عليه باست راسه وسلمت عليهم وحده وحده
بدخول عادله وقفوا حريم اخوانه استغربت وقفت معهم بسرعه مشوا لعندها سلموا على راسها ويدها
وصلت عندها مدت يدها وصافحتها طلعت عين عادله
وهيا ومها مبسوطين قلبت عينها وجلست جنب سعود بصدر المجلس
جاء وقت العشاء توزيعهم رأس الطاولة سعود ومن الجهه الثانيه عادله
على يمينه هيا ومها وندى ومن اليسار سلمان وعماته
استغربت ان حريم اخخوانه يتحجبون بس مايتغطون على سلمان..
بالليل
بجناح الامير سلـــمان ..مجموعة من الخدم يجهزون الجناح شغلوا الشموع
رايح جاي متوتر مايدري ليش صفق بيده:يلا الكل لبرا
مشت مع سعاد للجناح الغربي
عائشه بهمس:يمكن هاللية يتغير قدرك ولازم تتصرفي بتفاني مع سمو الامير
شافت مريم مرافقة الاميرة جواهر وقفتها بيدها:استني لحظه
معطي الباب ظهره انفتح لف ببطء بدخول جواهر مبتسمه تغير لونه
عائشه:امشي لازم نرجع
ندى:مستحيل الامير طلبني
عائشه:قلت لك لازم نرجع ..بتروح مسكتها من يدها:انا اقولك يلا روحي منتي شايفه الاميره
جات لعنده
ندى بأنفعال:شلون هاذيك المره تدخل عنده وهو طالبني بعدين انا زوجته ماصار لي يومين
رجعت لجناحها المخصص لها معصبه فسخت حلقها ورمته بقوة على الارض وصدرها يطلع وينزل من الغيظ..
وقضت جواهر ليلة معاه مبسوطه انها بحضنه
اليـــوم الثـــاني
واقف على البلكونه:نادوا لي عائشه بسررعه
بعد دقائق جات وعينها بالارض:سموك
لف بعصبيه:مو حضرتك المسؤوله عن هالقصر مو مأمنينك على كل شيء
عائشه باستغراب:انا بوشو غلطت سموك؟
سلمان بعصبيه وغيظ :
لييش يدخل ناس هالغرفه انا ما ابغى اشوفهم
عائشه:سموك على اساس ندى امس
قاطعها:وش اللي صار ياعائشه فجأة القى جواهر على باب جناحي بدالها
مستحيل يسمح لأي احد يحطني تحت امر الواقع والله العظيم لو يتكرر هالشيء راح تكونين انتي المسؤولة الاولى
راح لجناح امه ..صرف المرافقات
دخل باس راسها بعد مسافه بأستفزاز:
انتي ست الكل وتمنوني على راسي بس تتدخلين بحياتي وخياراتي فهذا مرفوض تمام
:انا مو فاهمه وش تقصد انا كل اللي اسويه ادعي ان يدوم عزك
:انا ما اقبل احد يحطني تحت امر الواقع وهذا جواب الشيء اللي سويتيه امس معي
عادله بعصبيه:نادوا لي جواهر فورا
طلع من الجناح والعصبيه معميه عينه ..طالعه وتضحك مع سعاد
:هههههههه انتبهت لها تنحني له رفعت راسها
قرب منها :ماشاء الله شايفك مبسوطه
لوت فمها وبدون نفس:هممم
سلمان بهمس:زعلانه مني؟ ..منزله راسها يبان عليها الفرحه او الحزن مثل الكتاب المفتوح
اعتدل بوقفته رجع يده لورى:سعاد خليهم يجهزون اغراضنا راح نسافر انا والاميره ندى
رفعت راسها بسرعه وبعدم تصديق:راح نسافر
سلمان:مو حقكك ياعروس ومشى ..سعاد غمزت:كل البنات يتمنونه استغلي هالفرصه ولاتضيعينه من يدك
بطلوع جواهر الدرج شافتها بغيظ:مستحيل هالمره لو على جثتي شوفي كيف هي خايفه لايطير من يدها
راح اخذه منها وراح اصير انا زوجته واميرته وماراح اخلي احد يشاركني فيه
Like
اسطورة ! غير متواجد حالياً أضافة تقييم إلى اسطورة ! تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 24-05-14, 10:47 PM #9
اسطورة !
نجم روايتي ومشرفة سابقة وفراشة متالقة بعالم الازياء
alkap ~
الصورة الرمزية اسطورة !
? العضوٌ??? » 120033
? التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
? نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك pepsi
?? ??? ~
My Mms ~
افتراضي
يـــــتـــــبع :
وقفت جواهر وبأستغراب:ليش طالبتني؟
عائشه وعينها على مرافقتها مريم:ماعندي خبر سموك لازم تروحين لها
لفت جواهر:يلا مريم
عائشه بنص عين:سموك اسبقينا انتي انا ومريم عندنا شغل لازم نخلصه الاميره عادله طلبت منا
جواهر بشك:طيب وخرجت
بتلحقها مريم مسكتها من يدها بقوة عائشه:وين رايححه؟
مريم بقهر:اتركيني بلحق الاميرة
عائشه بغيظ:اسمعيني الشيء اللي صار امس ماابغاه يتكرر مره ثانيه راح ارميك بيدي الثنتين للشارع
مريم بحقد:واسمح لهالمره تسرح وتمرح ماشفتي كيف الدموع معلقه بعيون الاميرة
عائشه:لمي لسانك هالمره هي زوجته للأمير سلمان وراح تكون ام عياله والامير سعود بذاته موصي عليها
والامير سلمان راضي عنها لاتفتحون لكم باب انتم في غنى عنه انا انبهك
دقت الباب ودخلت قربت منها :سموك طلبتيني ؟
لافه وجهها على شباك الحديقه بغيظ:اللي سويته امس مايلوق بمكانة اميرة
نزلت راسها وبدموع:كل اللي سويته اني احافظ على زواجي لاينهدم
لفت عادله:جواهر انتبهي لتصرفاتك لاتخلينها تحط من قيمتك وبأنفعال:
اتفاجأ الصبح وجود سلمان يصيح ومعصب مني حاط بباله انا اللي ارسلتك له روحي لأبوك وريحي نفسك
اساسا راح يسافرون اليوم
جواهر بصدمه:بيسافرون!!
لكزتها بيدها:سمعتي اللي قلته
مريم تحرر يدها:خلاص سمعت ...بدخول جواهر دموعها متعلقه برموشها
مريم بخوف:سموك ليش تبكين؟
رفعت عينها على عائشه وبصراخ:براا اطلعوا برااااااا
مريم تمسك تهديها دفتها:اطلعوا برااااا ..طلعوا قفلت الباب وتبكي بحرقه
بهالوقت كان سلمان مع ندى بالسيارة متوجهين للمطار ويسولف مع عباس اللي بيرافقهم شافت الحميميه بينهم
يسولفون عن المشاريع اخذت جوالها وتقلب فيه
عباس غمز لسلمان بالمراية يكلمها..لف وجهه ناحيتها:مشغوله؟
رفعت راسها:لبيه
ابتسم:لبيتي بمنى مشغوله ويأشر على جوالها
تركته:لا بس اشيك عليه..
دام صمت دقائق قاطعه عباس:راح نروح لبراغ
سلمان:قلب اوربا والمدينة الذهبيه وفقت بهالاختيار ياعباس
عباس:ولو خدمتكم شرف لنا
سلمان قرب لها:المدينة الوحيده اللي حافظت على جمالها وماتدمرت بالحرب العالميه الثانيه يسمونها مدينة المئة برج
لكثرة ابراجها فوق الكنائس والقصور شخصيا مازرتها بس قريت عنها
وصلوا المطار نزل بسرعه لابس بنطلون رصاصي وقميص اسود طويل للساعد من ارماني ونظارته السوداء الشمسيه
نزلت معها دخلوا المطار تعدوا نقاط التفتيش وصعدوا الطيارة درجة اولى ومعهم عباس ومرافقتين لها
صغيرات بالسن ماتتجاوز اعمارهم 17 سنه
بهمس:ليش يشتغلون بهالسن حرام؟
عينه عليهم:هذولا يكونون بنات الوصيفات بالقصر افغانيات حتى يقدرون يطلعون معك أي مكان
ندى:بس هذا اسمه رق وعبوديه
سلمان بفجع:ابدا مأمنين لهم المأوى ورواتبهم تنصرف كل شهر وزياده هم مايبغون يتركونا العيشه صعبه
ببلادهم غير الحروب الحمدلله على النعمه اللي احنا فيها..
ماتدري ليش رحمتهم قطعوا قلبها صغيرات ونتف وعينهم بالارض بسرعه:سلمان
لف:لبيه؟
ندى بخجل:لبيت بمنى ابغاهم يصيرون مع سعاد معي
سلمان بغمزه:كل القصر باللي فيه تحت امرك..
انبسطت على رده خذا الجريده وقعد يقلب فيها قربت لهم:خاطركم شيء عصير عطشانين هاا؟
بعد الجريده ويطالعها بطرف ابتسم ورجع يكمل قرايته
شافت جرح بخد وحده منهم ممتد على طول وجهها ويدها المحرقه .لاحظت البنات نظراتها خبت يدها بسرعه
وتبلع ريقها بخوف..شكت بأمرها ..
رجعت وعينها على السحاب الطريق طويل رجعت راسها لورى طفشت تضايقت حطت يدها ورى رقبتها بتوجع:آآي
بعد الجريدة ونزلها:فيك شيء؟
ندى بتوجع:لا بس يمكن فيني عسره..سلمان:حطي راسك على كتفي
طالعت فيه بتعجب ونزلت راسها ضحك:هههه عادي نتبادل شفتات لاتعبت بحط راسي على كتفك الا اذا ماتبغين
ندى بسرعه:لا لا اقصد يعني مااحب انام وقت سفر"تكذب" بهمس :وش قصتهم هالبنات؟
سلمان بسرعه:صكي هالسيرة ولاتفتحينها لأحد ابدا وبجديه:سمعتيني
استغربت حمقه وانفعاله:طيب
لف وجهه وزفر:اعوذ بالله من الشيطان الرجيم لف وهدأ:لاتزعلين مني لكن الله يخيلك لاعاد تفتحين هالموضوع
ولاتجيبين سيرته ابدا خصوصا بالقصر
لفت وجهها بأعراض تضايقت من رده لها لاحظ زعلها غريبه حتى وهي متضايقه يبان عليها ماتعرف تخبي
ابتسم بخفه حط يده على ذقنه وعينه تراقبها حست فيه جمدت مكانها وتحاول تكون طبيعيه
تنفست بارتياح لفت وجهها ناحيته لأول مره تشوف ابتسامته عن قرب نزلت عيونها للأرض وحطت يدها ورى رقبتها
انهبل من حركاتها تجذب الواحد غصبا عنه بتصريفه:متى راح نوصل؟
لازالت عينه عليها:باقي بدري قرب منها همس لأذنها:تعابير وجهك مثل الكاميرا تنعكس يبان عليك الزعل والفرح
تشنجت من حركته بسرعه نطت كأنها مقروصه ..سلمان بأستغراب:وين رايحه؟
ندى ببلاهه:آآآ شسمسه ذاك
سلمان:وشو؟
جلست ومدت رجولها قدام:ولاشيء وعينها على السحاب كتم ضحكته ورجع يقرأ الجريدة
^^^^^^^^^^^^^^^^^
لا اعرف شيئا سوى ان تخبطاتي بين السراديب المظلمه ازدادت
انا ليــــلــــى !!
صدقوني بنفسي لا اعلم مالذي احدث ولكن دعوني اعود بكم للوراء قليلا ...
الســــاعه 9 مســـاء وبأحدى البيوت الشعبيه المتواضعه
بصوت عالي:ليلى
لفت وشهقت:هاذي امي
عمتها:لاتخافين
ليلى بهمس:بس لو شافته علي راح تسألني منين جبته
بدخولها وبأستغراب:ليلى منين جبتي هالفستان؟
عمتها بكره:انا جبته فيه شيء
امها حطت يدها على بعض:فيه ليلى فسخيه بسرعه والحقيني
طالعته بكرهه ولفت وجهها بنهر:بسرعه
ليلى ببرآة:طيب ليش والله لونه حلو
مسكت كتفها:شهرزادي
هاللون راح يناسبها شوفي
ما احلا هالفستان ناسبها ليش تكسرين فرحتها كنت متأكده
قربت منها:غاده لاتتدخلين ببنتي افضل لك ..قامت بسرعه وعينها بتخرج من الحقد والكراهيه
:ليش بنتك وش تختلف عني حتى يختارها
ماعرفت وش تقصد ليلى
امها:اعوذ بالله من الشيطان الرجيم نصييييب افهمي نصيب ولاعاد تترززين قدامه بالحاره الكل بدأ يتكلم
غاده بسخرية:ليش شايفتني شيطان عندك لكن وربك راح تشوفين وش اسوي
مسكت ليلى وخرجتها امها معها للمطبخ وتدعي دائما ربي يحمي بنتها الساذجه اللي على نياتها
وتظن كل الناس مثلها ..
وفعلا احساس امها ماخاب ماكانت غاده بس شيطان ابليس بحد ذاته
عزف مقطوعته حتى تتراقص عليها ليلى ..
وضعت اول خطواتها داخل البيت اللي غابت عنه 6 سنوات
خوف برهبه ممزوج بفرحة وسعادة فتحت الباب ودخلت
كان بأستقبالها امها شهقت وبفرحة وعين دامعه:ليــــلى !!
بنزول اختها لميس من الدرج بسرعه:ليلى جااااات
بدموع وفرحه قربت منهم طاح السقف فوقهم وانهدم صرخت بأعلى صوتها:لاااااااااااااااااا� �اااااا
جرت لهم طايحه عليهم الحجاره بعدتها حطت راس امها اللي يسل من الدماء بحضنها وتهزها
مسكت يد لميس قطرات المطر اجبرتها ترفع عينها للسماء اللي ظهرت بعد سقوط السقف
سوداء والضباب يخفيها صوت البرق ونور الرعد اجبرها تغمض عينها وتكتم اذنها بيدها النحيله
فزت بسرعه ويدها على صدرها وتتعرق بهمس:اعوذ بالله من الشيطان
:واخيرا صحيتي ؟
لفت لمصدر الصوت بوهن:ليش انا هنا ؟
بأستغراب:ماتتذكرين اللي صار لك ؟
هزت راسها بالنفي ..طالع بالممرضه:هذا كرب الصدمه يبغالها فترة وتتحسن
ليلى بكذب:مين انتم وليه انا هنا؟
حك ذقنه وبسرعه:هذا بعد من الصدمه
الممرضه باستغراب:لا
"ماراح اترككم تتهنون بعيشتكم وكل شيء سويتوه فيني راح ارجعها لك ضعف
راح اخرج من هالمكان وابتدي من صغيركم لكبيركم واولهم انتي ياغاده انتظريني قربت قربت"
دخل الدكتور فحص عيونها ويأشر بيده:هاذي كم؟
بكذب:7
جسار بسرعه:ليلى ركزي هاذي كم
ليلى :7
تنهد بعدم رضا وخرج الدكتور لحقه:معقوله فقدت الذاكرة
الدكتور:من اللي شفتهوش آه فقد الذاكرة مابيقتصر على الحوادث الجسميه ممكن من الحاله
النفسيه المستعصيه او الخوف او من حوادث معينه شافها المريض واثرت عليه بالاذن ومشى
رجعت ذاكرته لورى معقوله يكون هو السبب باللي صار لها ..معقوله طرقه الهمجيه حتى يزرع الخوف
فيها وصلتها لهالحاله وشوفتها للمرأة الميته واجبارها بتغسيلها
فتح الباب شافها منسدحه على جنبها الايمن ومعطيته ظهرها اشر للمرضه بالخروج دخل
قرب ناحيتها شاده اللحاف عليها ومغمضه عينها
نزل لمستوى الارض وبهمس:ليلى لاتخافين اللي طعنتيه مامات
قدرنا ننقذه باللحظه الاخيره وراح اعرف كل شيء عنك منه وراح اعرف اذا كان لك يد بالحادث اللي صار لي
انا مو مصدق كل هالتمثليه
اللي قاعده تسوينها لأنها بالعربي المتخصر ماراح تشفع لك لو تموتين مختنقه
بدمك قدام عيوني ماحركتي فيني شعره
حك ذقنه اللي غزاه الشعر :لكن اعرف كيف اطلعك من حالتك هاذي وابتسم بخبث
فسخ قميصه مرر يده على شعرها قلبها راح يوقف وتنفسها انقطع ماتبغى تخرب خطتها
مرر اصابعه على خدها مرورا بشفايفها استقر عليها حط سبابته عليها:اششش قرب
بلعت ريقها بدخول الممرضه اللي نزلت راسها بسرعه:آسفه
اشر بيده:تعالي
حمدت بداخلها ربها مليوون مره انه انقذها سمعت صكة الباب وخروجه
بسرعه فزت من السرير وبلهثه:خرجيني من هنا
الممرضه طالعتها بخوف كملت:قولي هربت لاتخافين راح اعطيك من الالف للعشره الله يخليك
لو جلست لحظه وحده راح انتهي ساعديني الله يخليك ومسكت يدها بتوسل
الممرضه بعد تردد:لكن اذا مسكوك ماتقولين انا اللي هربتك...هزت راسها وتلهث:موافقه
مشكووره ..سمعت صوت دق الباب بسرعه رجعت للسرير وتغطت باللحاف
وكان الدكتور ياخذ ضغطها
طلع يتمشى بالحديقه دق جواله خرجه من جيبه شاف الرقم وابتسم
:حلواتي
اخته ريم بهبال:جسار متى راح تجي اشتقنا لك
اخذته منها ايمان:جسار امي دائما مسكره على نفسها الباب وتبكي تعال يمكن ماعاد تبكي
زاد حقده وكرهه :جاي حبيبتي جاي وقفل
رفع عينه على بلكونة الغرفه اللي فيها وعيونه شوي بتطلع شد الجوال بقبضة يده وبهمس:آآه ليلى
تشرح لها كيف تخرج وتسمع لها ..
لفت وجهها الممرضه وبهمس:راح اهربك مع اذآن الفجر وقتها بيكونون الحراس مشغولين بالصلاة
وما احد راح يحس راح اطلب تاكسي من وقت وراح اخليه يوقف بعيد شوي عن الفله
حط يده على قبضة الباب قبض حواجبه بأستنكار ويسمع كل كلمة زاد القهر والغيظ بداخله
بعد يده ورجع لغرفته فسخ ساعته السويسريه اخذ علبة المويه صبها فوقه يبغى النار تنطفي بس
كل مالها تشتعل رمى العلبه بقوة حرك رقبته يمين يسار طقطق اصابعه
بهاذيك الليلة حزنت على ليلى البريئة الحنونه الزمن رماها بطريق جسار
المشتعل بالجمر من زمان.. طفى بنفسه هالجمر وحفر لها خندق كبييير ورمى الحطب حتى تزيد اشتعال هالنار
وكان يتلذذ بصراخها صار هوو الزمن والناس عليها ماصفى لها غير
رحمة ربـــهـــا!!
بمكــــان اخر لكنه مرتبط ببطلتنا
فارشه سجادتها تصلي ثلث الليل مثل عادتها رافعه يدها وتدعي ربها يرجع لها فلذة كبدها
من هالناس الظالمه اللي غسلت مخه تحت مبدأ "الجهاد"
وانظم للخلية الاسلاميه ..خلونا نقول التكفيريه اللي تقتل الاطفال والنساء والشيوخ على قولتهم ليرفعوا راية الاسلام
ويجهلون الاسلام دين يسر ليس عسر ومنع اراقة دماء اهل الذمة والمعاهدين والنساء والاطفال
والشيوخ ووو... الخ
تدعي وقلبها محروق على غياب ولدها واختفاء بنتها الكبيرة فجأة وسجن زوجها
لكن ابدا ماسخطت كانت نعم العبد عندما يبتلى كانت تشوف مصايبها ولاشيء قدام مصائب الناس
وكلمة الحمدلله ترددها دائما على لسانها ...
لميس جلست وبطفش:ماراح اداوم يوم الخميس
لفت وبحنان:ليش؟
لميس:نسيتي حفل تخرجي كل البنات راح يشترون عباية تخرج الا انا
ولفت وجهها
امها بنص عين:تبغين بس عباية تخرج بسيطه نقدر ندبرها
لفت وبلهفه:صدق يمه حتى لو افصلها مثل موديل صديقاتي
هزت راسها طمرت تبوسها وتضحك وتبعدها:بعدي خنقتيني
قامت لميس:الله يخليك الله يرزقك الله يسعدك ..وطلعت الدرج تدعي كأنها بخطبة
ضحكت على هبالها وبداخلها لولا فاعل الخير كان ماقدروا ياكلون او يدفعون الايجار رفعت يدها
:يارب تحفظه وتجير عنه عيال وبنات السوء وتسهل دربه وين مايروح
^^^^^^^^^^^^^^^^
بالقـــرية ..
نزلت الصباح شافتهم متجمعين عند بيت الشيخ بلقافه دخلت بينهم
متعب بطولة بال:لحظظه بالدور كل واحد يعطينا ورقة بالاغراض اللي محتاجها
يتداففون يأس من حالتهم زفر بضيق:شوي شوي الله يصلحكم
تعدتهم ودخلت بيتهم صادفت اخته الجازي مسكتها باستغراب:وش صاير برا؟
الجازي ضمتها ضربتها على كتفها:بالاول خليني اخمك يازين خمتك بس هاذي العادة ياطويلة العمر كل ست شهور
يتجمعون الاهالي ويكتبون قائمة الاغراض اللي يحتاجونها الرز والسكر كان ابوي يروح يجيبها كل شهر بالكراتين طبعا
اللحين صار الدور على متعب الله يعينه بس تعالي ندخل نتقهوى ونفطر سوا وين عمتي فاطمه؟
بأستغراب:ماجاتكم؟
الجازي هزت كتوفها:ماشفناها ماهي بالعاده ماتنزل الغدير
دب بقلبها الخوف بسرعه طلعت تدورها خرجت بالغصب من بينهم وجرت للغدير
استغرب خروجها بهالطريقه ..راحت لجهة الغدير تجري والخوف شل رجولها بصوت عالي:عمتي
عمتي نزلت شوي للغدير المنطقه كلها طين ويغوص فيها الواحد وخطيره
تدورها بعيونها مالقتها زاد خوفها صرخت بأعلى صوتها:عمتتتتي
قرب منها بسرعه لفت شافته بسرعه راحت له وبخوف:خالتي نزلت امس الغدير كنت نايمه وما
ترجف وتتكلم بخوف
متعب يهديها:هدي هدي وش فيه
بكت بقوة:خالتي نزلت الغدير امس بالليل ومارحت معاها ونمت ولما رحت عندكم سألت عنها ماهي موجوده
حط يده على عينه يمنع الشمس وبأبتسامه:لاتخافين عليها يابنت المدينة عمتك بأمان
بسرعه ودموعها تنزل على لثمتها:احلف قول والله
متعب:والله راحت يم بيت ام عبدالله بس ياحظها دام هالدموع طاحت لأجلها امسحيها ابدا ماتلوق عليك
غمضت عينها ودموعها تنزل تخيلت لو صار فيها شيء من راح يكون لها بهالدنيا
سرح بلمعة دموعها اللي عكستها الشمس ..فتحت عينها مسحت دموعها بقوة وتنهدت بتألم
بقوة نست وجوده:آآآآآآآآآآآآه
حس بكمية الوجع والقهر اللي فيها من هالتنهيده صعب الواحد يكون بلا اهل ولاعزوه هم
الظهر اللي يشتد عليه واليد اللي تطبطب وتداوي لكن هذا مو نصيبك بالدنيا يافاطمه
حست بخطواته مبتعد عنه تأملت مشيتها ماخذ عرق البداوة بقوتهم ورجولتهم عاش العالمين
تغرب ودرس بمكان غير عن المكان اللي تربى فيه وجاب الشهادة اللي فرحت امه وابوه ورفعوا راسهم فيهم
عاشت هالشهر شافت مواقفه مع اهل القريه اللي يدعونه كل ماشافوه ولما صار شيخهم استعدوا له بالحفل الكبير
مشت وراه وماسكه بيدها عبايتها لاتنفك لمحت عمتها خارجه من بيت ام عبدالله بسرعه حضنتها
بقوة وبهمس:خوفتيني عليك
بعدتها:وش تحسين فيه يابنت توك تصحين بدري انا بروح للمدينة عندي شغله
بفجعه:وتتركيني لحالي
عمتها بنص عين:عشانك اترك لك الحبل لا بتروحين معنا والشيخ كثر خيره ماقصر هو اللي بيودينا
شهقت بقوة:خييييير والله مااركب معه وش بيقولون عني اهل القرية
عمتها بنهر:غصبا عليك بتركبين وش مخليتك لحالك انا معك يلا اشوف لانتأخر عليه
طلعت عينها وبعناد:ماني رايحه روحي انتي
سحبتها من يدها بقوة:تروحين غصبا عليك مابقى الا هي تمشيني على مزاجك ..سحبتها لين قربت من بيت
الشيخ فاتح باب السيارة يعدل المراتب شافها ضحك على شكلها وهي مسحوبه دفتها:شفت قليلة هالخاتمه وش مسويه فيني؟
متعب بضحكة:وش مغبره هالمره؟
ماصدقت احد تشكي له:لك الله تسهر ترفع راسها للقمر وتكلمه بالليل كأنها خبل كم مره لمحتها غير الخلاقين اللي تلبسهم فشلتني
طلعت عيونها فاطمه تبغى تسكتها ماسكه خط تشكي كملت:اللحين تقول تبغى تجلس لحالها بالبيت تحسب نفسها بالمدينة
الدنيا فوضه هي عوباء بلوني فيها اهلها وين امك ماصبحت عليها
متعب ماقدر يتكلم ماسك ضحكته وجهه حمر اشر بيده داخل..دخلت رفع عينه عليها
متخصره وتضرب رجولها بالارض بقهر ماقدر يتحمل انفلت:ههههههههههههههههههه� �ه
هههههههههههههههههههههههها ي هههههههههههههههه يالعوباء ورجع يعدل المراتب
حست بغيظ ودها تذبحه تخنقه ترتكب فيه أي جريمة
خرجت عمتها:يلا لانتأخر
متعب وعينها عليها بضحكة:يلا خالتي وركبوا وهي واقفه
فتحت الباب عمتها:ودك اجي اكسر هالعصا فوق راسك حتى تركبين امشي
بعناد ولعانه:ماراح اركب مايشرفني ومشت من قدامهم
طلعت عينه من كلمته مايشرفتي نزل بسرعه من السياره ولاهمه مخلوق لحقها :هييي انتي
لف ورفعت حاجب:خيير
قرب وبقهر:منهو اللي ماتتشرفين تركبين معه؟
فاطمة بضحكة خبث:رحم الله امرؤ عرف قدر نفسه احد قالك انت هاا ولفت وجهها
تمنى بهاللحظه يقلع عيونها اللي تقلبها عليه بنفخه:خلصينا واركبي مااحد فاظي لك الناس وراها مشاغل
حست بتوجع ماتدري ليش لأنها ثقلت عليهم مشت بطواعيه ولحقها متنرفز منها
وطول الوقت عينها بالطريق صحراء مثل حياتها متشتته ..جات عينه بعينها بالمراية
بسرعه لفها وكمل سواقه وصلوا للمحطه
عمتها:انتظرني وانا خالتك بصلي الظهر والعصر اجمعهم ونزلت مع ام عبدالله اللي راحت
تزور بنتها وبتجلس عندها..عينه عليها بالمرايه سرحانه وراسها على الشباك
متعب بهمس:ماراح تنزلين معهم
بغصه:ودوني لبيتنا ابي اروح لأخوي
نزل راسه ندم على كلامه معها قالها بلحظة غضب وهي فسرتها شيء ثاني نزل من السيارة
توضأ وصلى برجوع خالتها وام عبدالله
ركب السياره :اللحين وين نتجهه لبيت ولد اخوك ياخاله
خالتها بسرعه:لاوش يوديني هناك؟
متعب بضيق:يبون يروحون لأهلهم؟
عمتها :ماعليك منها اخسرها وين تروح لها ومرت اخوها طاردتها برا الشقه واخوها جابها بنفسه لعندي
وامها ماتدري عنه
حست الدنيا انصكت بوجهها تسوي معها كل شيء تسيء معاملتها الا تتكلم عنها قدامهم بهالشكل
بسرعه :ماطلبت راي احد ولافي حراكم ولامنتكم الله يغنيني عن فضلكم
بنرفزه صرخ:انتي وبعدين معك لاتحشمين لاكبير ولاصغير لسانك هذا يبغاله قص تكلمي مع خالتك زين
بنفخه:مو ناقص انت على اخر عمرك تعلمني ولاتتدخل بشغل الحريم خلك بنفسك
وقف على جنب استغربت بحمق نزل فتح جهتها وبسرعه:انزلي يلا ماانتي بحرى احد
انصدمت من ردة فعله ودها تنزل لكن وين مقطعه ماتعرف شيء سكتت ونزلت راسها قفل الباب بقوة
ورجع ركب زفر مسح وجهه بيده:اعوذ بالله من الشيطان الرجيم اعوذبالله وحرك
عمتها بغيظ بهمس:فشلتينا مع الشيخ اوريك انا ..وام عبدالله تهز راسها بعدم رضا
سكتت اول مره تشوف حمقه مثل البارود لاعصب ينفجر عكس اللي شافته بالغدير
^^^^^^^^^^^^^^^
ببراغ..
وصلوا الفندق دخلوا الجناح واقف يكلم عباس
عينها تتفحص المكان بأعجاب شافت السرير مرتفع طمرت عليه دفنت وجهها بالمخده
صاحت بأعلى صوتها هبال:آآآآآآآآآآ انسدحت على ظهرها وعينها على السقف ضحكت بخفه:هههههههههه
ورجعت تدفن وجهها بالمخده
واقف بعيد شوي وعينها على حركاتها ..عدلت جلستها وتحرك شعرها تذكرت انها مو لحالها بالغرفه
رفعت عينها بشويش واقف وأشر لها بيده بغت تموت قرب منها وجلس على حافة السرير
فسخ ساعته التفت لها قرب منها مسك يدها وشد عليها:اذا احتجتي شيء علميني لاتخجلين مني
اوكي
نبرة صوته سحرتها مع الجو خلتها تذوب هزت راسها قام فتح شنطته اخذ المنشفه ودخل الحمام"وانتم بكرامه"
ضربت خدها :غبييه غبييه
بخروجه طالعها باستغراب جننته بحركاتها اشر لها:ممكن تعطيني جوالي
بلمت:هاا قرب منها وهي تبعد ويقرب وتبعد مد يدها وخذا الجوال من الكومدينه ابتسم ودخل الحمام مره ثانيه
فتحت عيونها راح تفكيرها بعيد زفرت بقوة قامت فتحت شنطتها طلعت الملابس طار عقلها رمت قميص النوم الاول
والثاني والثالث انهبلت كلها ملابس نوم مافي أي ملابس
رجعت راسها لحافة السرير بطفش:لا ياربي وش اللي قاعد يصير فيني
جلست عند شنطتها دقائق خرج ولاف المنشفه على خصره وشعره الاسود غرق رفعت راسها
بسرعه حطت يدها على عيونها خجلت قرب منها شاف اللانجريات المنثوره على الارض ابتسم بخبث
قرب حاضنه الشنطه:فيك شيء؟
ندى ويدها على عيونها:مافيه مافيه من قال مافيه مافيه مافيه
ضربت راسها كم مره كررت كلمة مافيه
سلمان:طيب ابغى البس ..رفعت عينها بسرعه وبفهاوه:هاا
اشر على الباب:ابغى البس ممكن
طالعت بالباب ورجعت عينها عليه بسرعه فزت وخرجت قفلت الباب سندت ظهرها عليه بطفش:ياربي انا وش صاير فيني؟
فتح الباب بسرعه سحبها من يدها ودخلها بغيظ:ليه تخرجين؟
ندى:انت قلت لي؟
سلمان بطولة بال:قلت لك اخرجي من غرفة النوم مو من الغرفه بكبرها ..توها تستوعب اللي سوته من تكون معاه بمكان
واحد تضيع تركت يده اللي ماسكها ودخلت الحمام بسرعه قفلت الباب عليها فتحت الدش
على المويه البارده ودخلت بملابسها كيفت تحتها
بعد ساعه ..
جالس يقلب القنوات استغربت طولت تركت جهاز التحكم ودخل الغرفه جالسه على الارض وفاتحه
الشنطه المنشفه ملفوفه على صدرها لنص فخذها وشعرها يقطر مويه
خذ شورت حريري سكري وتكلم نفسها بطفش:ماعندي الا انت استر واحد بينهم
:احممممم
تصنمت حست شعر راسها وقف غمضت عينها وقدمت جسمها
حك راسه:انتظرك وطلع
رمت نفسها على الشنطه بطفش وصاحت
بعد دقائق طالعت بنفسها بالمرايه :ادخل والا ما ادخل ادخل واللي فيها فيها
بس بدخل عادي تعودي صار زوجك ..حست هالكلمه كبيره
استجمعت قواتها تجرأت ودخلت مشت سيده وجلست بالزاوية عينها على لبسها بيجامه شورت سكريه
ماسكه عليها اخذت الخداديه الصغيرة تحاول تغطي شيء
سلمان :نعيما
ندى بسرعه:ينعم عليك..
مو قادر يتحمل يجلس لحظه وحده بسرعه وقف:راح اشوفهم يجبون عشاء وخرج بدون مايتكلم كلمه وحده
استغربت خرج وقف عند الباب فرك جبينه بيده :انت وش كنت بتسوي تغلط معها؟
زفر :اعوذ بالله من الشيطان هي زوجتك وحلالك ياسلمان وش اللي صار لك رجع للغرفه
شافها حاطه يدها على راسها وعينها على الشباك جلس جنبها حست فيه نزلت عيونها رفع راسها
بحنيه:هالعيون مكانها مو بالارض لا مرر يده على كتوفها العاريه مرروا بخدها
بهيام:سلمان ...توسعت ابتسامته وبحنيه:عيونه لسلمان قرب منها وطبع قبله عميقه على جبينها
بالوقت اللي كان فيه سلمان يحارب قلبه وعقله كانت روز جالسه حاطه يدها على خدها وسرحت كثير بالتفكير
طلت عليها اختها ريم من امس لانامت ولا اكلت ولاشربت ماعاد صار لها نفس بشيء كأن الحياة وقفت بالنسبه لها
دخلت تولين راحت بسرعه وحضنتها باست روز وتشم ريحة شعرها:آآه توتي
تولين تمسح دموع روز بيدها:ماما ليش تبكين دائما؟
روز بحزن:لأن احنا في مجتمع مايرحم اللي يحب ودائما ماناخذ اللي نحبهم بس انتي وتعدل شعرها
:لو كبرتي راح اكون معك وراح اخليك تاخذين اللي يختاره قلبك ماراح اسمح لك تكررين غلطة امك
تولين بعبوس:ماما وش تقولين؟
حضنتها بقوة على صدرها وتنهدت:آآه ولاشيء ياعمري انتي وبداخلها تعتصر من الالم كل ماشافت بنتها
تذكرته
تولين مسكت السلسال اللي على صدرها :ماما حلو مره
روز بأبتسامه ذبول وتتذكر
خارجه من الجامعه وطفشانه حست بالحجره الصغيرة اللي ضربت بظهرها لفت بنرفزه شافته ابتسمت
بصرخه:سلمااااان جيت؟
قرب منها وبذايبيه:سلمانك ماقدر على البعد ياوردتي ماباليد حيله غرزتي سكاكينك هنا ويأشر على قلبه
روز بضحكة:صاير شاعر ..سلمان:اصير نزار قباني اصير كل شيء خرج من جيبه العلبه المخمليه مدها لها
:تخيلتها عليك راح تزيدينها حلاوة
فتحتها وخرجت السلسال وبعدم تصديق:سلمان
عبس:ماعجبتك؟
بسرعه:لا لا عجبتني كثير ماراح اشيله من رقبتي ابدا
سلمان بغمزه:وعد ياوردتي؟
روز بهمس :وعد
^^^^^^^^^^^^^^^^^^
بالمكــــان الاخر
واقفين عند باب المطبخ ينتظرون تقيم الصلاة سمعوا الاقامه ..
شافت الحرس تركوا اماكنهم ويروحون للمسجد التفت لها وبهمس:يلا المكان امان
خرجت بشويش والممرضه واقفه عند باب المطبخ ..مشت بهدوء بين الشجر لفت الممرضه
طلعت عيونها وبخوف:سسس سموك
عيونها تتطاير شرار فتح الباب بقوة وخرج
بصوت قوي الجمها:وقفي عندك يامره ..وقفت بخوف وعينها على الحراس الثلاث اللي قدامها رجعت لورى بتجري
لقته واقف وشاد قبضة يده بلعت ريقها رفعت عينها على اسماعيل اللي منزل راسه
قرب منها ومايفصلهم شيء وبقهر:كل خطوة تخطينها كل شبر كل نفس تتنفسينه عندي خبر عنه
سحبها من يدها بقوة دخلها من باب المطبخ الخلفي دفها لطاولة الطعام طاحت واصطدم كتفها فيها
صاحت بتوجع:آآآه
قرب منها ونزل لمستواها ثبت وجهها بيده:بدري على آآه يمين معظم ياليلى لأخليك تتمنين الخلاص
وماتذوقينه
تحاول تمسك دموعها لاتنهار قدامه قربت من وجهه وبصرخه ووجها على شعرها:مايهمني اللي قاعده اسويه اصلا مااحس
وفر على نفسك ..صفقها بقوة على وجهها ومره ثانيه وثالثه ورابعه مسك شعرها بيده وبغيظ:ها تحسيين هااا؟
ضحكت من بين المها وبنرفزه:كأنك تطبطب علي
تفل بوجهها بقوة:رخيصه انتي وش نوعك ها؟
غمضت عينها مسحت وجهها بقرف عبست :من مات ابوك وانت صاير مريض نفسي
تقبل موت خلاص ابوك راح ماعاد راح يرجع
ضربت بالوتر الحساس عنده ضحكت بخفه:يوجع صح هههه
تراجع لورى بسرعه وعينه عليها ونفسها يطلع وينزل عينه