الفصل 4
البارت الرابع قراءة ممتعه
كثير منكم التبس عليهم الشخصيات تمنيت تعرفونهم بأنفسكم لكن
راح اذكرهم نبدأ بأول ابطالنا
عائلة خالد ..
خالد 47: انسان بسيط تزوج سميرة بعد قصة حب جمعتهم لكن فرقهم سحر
وضع بينهم واشياء بالماضي ظهرت لتتزسع دائرة ابتعادهم
سميرة 43:من اصول عائلة كانت تحكم قبل 80 عام بمنطقه الشمال بالسعوديه وجدها كان واحد من اللي تولوا الحكم بالمنطقه
اظنكم عرفتم ..
مديرة الاشراف بالتعليم انسانه عمليه درجه اولى وعصاميه ونظاميه ومهتمه بنفسها
من يشوفها يعطيها عمر اصغر من عمرها كرامتها واعتبارها فوق كل شيء بهالدنيا
رزقت بخمسة بنات وولد عنده عاهه بسيطه بالنطق
اكبر بناتها سميه 29 عاما:متزوجه وعندها بنت رضيعه
ناديه 27 عاما:متخرجه من قسم علم النفس رقيقه جدا وجميله
ندى 24 عاما :اخر سنة لها وتخصصها ادارة اعمال بكالوريوس
ملامحها حاده ابتداءا بعيونها السوداء الواسعه وشعرها الاسود الكثيف والناعم وبشرتها البيضاء الصافيه
وجسمها المتناسق مع طولها ..نقدر نقول نسخة سميره بطباعها وبحركاتها كانت مخطوبه سابقا
لثامر ولد جارهم وفسخت الخطبه وعرفنا هالشيء من خلال الاحداث اكثر شيء يميزها وبنفس الوقا يعيبها
قوتها اللي تميل احيانا للديكتاتوريه برأيها الضعف عيب والانهزام نهاية الواحد
ريماس+ريناس 9 سنوات الثنائي المرح بينهم وبين ندى حرب مايعلمها الا الله
اخر العنقود عادل 7 سنوات: صارت العاهه عنده بسبب موقف صار ومن وقتها سميرة مو قادره تسامح
خالد واللي كان السبب
*********************************
بطلــــتنا التي اثارت المتاعب واستحوذت قصتها المكان الاكبر بداخلكم
ليـــلى 24 عاما:متوسطه الطول جسمها متناسق مع طولها
عيونها سوداء تميل للعسليه اكثر مايميزها رموشها المعقره ولون بشرتها يميل للبرونز
اكثر وشعرها البني الكيرلي وتخليه على طبيعته دائما ..رقصها فظيع لكن هو اللي
جابها على وجهها ..عندها ام طاعنه بالسن واخ كبير هرب من عمره 16 والتحق بأحدى
جماعات التنظيم واختها الصغيرة لميس اول ثانوي
********************************
فاطمه البطله الثالثه ماتطرقنا لها كثير
24 عاما :جميله بملامحها العربيه والخليجيه اكثر مايميزها ضحكتها العاليه
ولاضحكت سكتوها اذا قدرتوا ..متعقده من طولها لكنه مناسب لبنيه جسمها النحيله
توفى ابوها وهي بسن صغير وامها تزوجت بولد عمها اللي رفض وجودها
عندها اخين واحد بالخارج يشتغل وزوجته معه ..واخ تعيش عنده رغم العداوة
اللي بينها وبين زوجته ..وحتى تأمن مصروف جامعتها عند بعد اشتغلت
بأحدى المشاغل للخياطه
البقيه راح نتعرف عليهم بالبارتات الجايه
((الفقر))
كلمة يمكن تكون بقاموس الاغنياء والمقتدرين صغيرة
لكنها كبييييييرة كثير على الناس البسيطين اللي على قد حالهم
هالكلمة ماتنحصر بقلة الاكل او عدمه او مأوى لا..
فيه فقر مشاعر فقر رضى حال ..مثل اللي صار مع فاطمة
ماسكه خصل شعرها وتبرمها على الطريقه الرومانيه اخذت بنسه وثبتتها
لبست سلسالها الفضي المنتهي بفصه بيضاء تستعد لدوامها
بالأحرى لمشغل الخياطه ..
طلعت من الغرفه بضحكة:هه بتروحين تخيطين ياميري
اقولك عدلي جلابيتي اللي حطيتها من يومين
طنشتها نزلت الدرج صادفت اخوها الكبير عثمان:رايحه
هزت راسها:همم
عثمان بحنيه:وش بخاطرك ؟
بفرحه:والله نفسي بكنافه
ضحك:هههه ابشري على هالخشم ماراح تجين الا والكنافه عندك
واقفه عند الدرج متخصره:عثمان ابغاك توديني عند اختي
عثمان :بس لازم اودي فاطمه المشغل
بدون نفس:ومن سمع قال بياكلها العاوي كلها حارتين توصل له بروح لأختي
تأخرت عليهم
طالع فيها:بس مالبستي
بنفخه:اللحين بلبس هو تحقيق يعني يلا خلصني
هز راسه :ان شاء الله ولف عليها:فطوم حبيبتي هالمره مشي رجولك رياضه ههه
فاطمه بعدم رضا:ان شاء الله ونزلت خرجت الشارع وعينها على عيال الحارة
ماتعرف ليش متضايقه يمكن من ضعف شخصية اخوها عثمان عند زوجته دلال وخوفه منها
والا لأنها تيتمت وهي بعمر 13 وامها خلصت العده منا وتزوجت ماقدرت تتحمل
واخذت واحد مقتدر مطلع عيونها يحاسبها حتى على البصل والطماط
ولتكمل دراستها وماتتركها فضلت عرق جبينها على منة احد
دخلت المشغل فسحت عبايتها ودخلت الغرفه اللي ماتكفي نفرين مع اربع عاملات فلبينيات
شغلت ماكينتها الخياطه وبدأت تشوف شغلها...
^^^^^^^^^^^^^^^^^
وفيه ((فقر مصطنع))
اصحابهم مقتدرين لكن حبهم للمال وشحهم فيه يخلي
اللي حولهم يلعبون دور الفقراء غصبا عنهم..
مثل ليلى
اللي كان ابوها مقتدر لكن حبه للمال وبخله وصرفه بالحرام وضياعه لفلوسه خلاهم
فقراء حتى كانت تمر ليالي بدون مايطيح ببطنهم لقمه ..
جالسه على الكنبه وحاطه رجل على رجل وعينها على البنات الجديدات
اللي يدربهم رجب لحفلة بكره كالعاده ياسعاده!!
رجب بطفش:الله ياخذ عمرك انتي وياها طفشتوني ماتتعلمون بهايم
ولف عليها:ليلى مافي غيرك يعرف لهم
حطت يدها على خدها وبسخرية:ليش ان شاء الله مكلفه فيهم
قرب منها وبترجي:ليلى بكره حفله غير راح تمطر علينا بالذهب والفلوس
راح ازيد اجرك
لفت وجهها:للأسف عرض مو مغري
رجب بضيق:اطلبي اللي تبغينه
ليلى لفت وتأشر على الباب:اطلع متى مابغيت وماتسأل
رجب بعدم رضا:بس يالي
قاطعته:كيفك دربهم براحتك وقامت مسكها من يدها طالعت فيه بعد يده:آسف
موافق
ليلى :حلو
راحت للبنات :يابنات انتبهوا معي
الا بهمس وحده:شوفي هالجزمه اللي اشتراها لي رجب
الثانيه بأنبهار:حلوه راح يشتري لي بعد
الاولى:قال اذا سوينا مثل مايبغى منا راح يشتري كل شيء بخاطرنا
عينها عليهم ماتتجاوز اعمارهم ماتتجاوز 13 سنه الفقر هالمره رماهم
بالنار وهم بريئات طاهرات ورجعت ذاكرتها لورى قبل 11 سنه بالتمام
ماشيه بالساحة منزله راسها متفشله من جزمتها"وانتم بكرامتها" المقطوعه
واللي شح ابوها ياخذ وحده بالأحرى ماكان عنده الفلوس وكل يوم تخيطها لها امها حتى طلعت
الخيوط كبرت ليلى وصارت توجعها تغير مقاسها لكن تتحامل على نفسها
وحده من البنات تأشر عليها:هههه شوفوا جزمتها
الثانيه بصوت عالي:ماعندكم فلوس تشترون
مشت بسرعه ودخلت الفصل رمت شنطتها المتهالكه وبكت على الطاولة
رجعت للواقع على صوته:انا طالع اذا جننوك علميني لأكسر الخيزرانه فوق ظهرهم وبنفخه:سمعتوا يابنات
البنات بصوت واحد:سمعنا
وخرج
ليلى بهمس:يلا يابنات ماعندنا وقت ...وكل شوي نظراتها تتناقل بينهم
شافت الفرحه بعيونها يعني مستعده تفرط بأغلى شيء عندها عشان شوية فلوس
لكن احتوتهم وماخلتهم مسكتهم وبنبرة امر:بكره لا اشوف وحده تنزل للحفله
الاولى:ليش رجب راح يضربنا
الثانيه:ماراح يعطينا فلوس
ليلى بقوة:اسمعوا الكلمه لاتخافون منه دام انا موجوده تقفلون على نفسكم الباب
ولاتنزلون ولاتفتحون لأحد
طالعوا ببعض بشك بنفخه:اسمعوا الكلمه
سوا:طيب ..اشرت لهم:يلا روحوا ناموا الوقت تأخر
كان كل اللي ببال ليلى ويهمها هو تحميهم وماتسمح للجشع والفقر يسيطر عليهم
ولايدمرون حياتهم وهم توهم مثل الورد المتفتح ولاتنعاد قصتها مره ثانيه ..
^^^^^^^^^^^^^^^^^^^^^
10 مســـــاء وبقصر الامير سعود بن عبدالعزيز
جالسين بالحديقه الخارجيه يحلون بعد العشاء
مررت الملعقه الصغيرة على قطعة القاتوه اكلت عم المكان السكوت
قاطعت الهدوء:بعد يومين راح اسوي حفله بقصري
نزلت كوب الشاهي الخزف من يدها :وش المناسبه ؟
هيا بقوة عين:عندك مانع
عادله بقهر:حشى ومن حدي
قربت منهم ومعها مرافقتها:مساء الخير
عادله:مساء النور
بتروح تسلم على راسها اشرت بيدها:وصل سلامك
جلست جواهر اللي تكون زوجة سلمان الاولى وبنت عمه مجرد بروتوكول قدام المجتمع المخملي
عادله:وين كنتي طول هالوقت؟
جواهر:بالسوق
ضحكت هيا بخفه:وتتبكين عندنا وتتشكين وتقولين ليه سلمان مايحبني
ليه سلمان مايقدرني خليه يشوفك بالاول بذمتك متى اخر مره شفتيه او كلمتيه
جواهر بنرفزه:من شهر
هزت راسها بعدم رضا:المهم لازم تحضرون هالحفله
وبخبث:راح تكون غير عن باقي الحفلات ومحضره لكم مفاجأة مخصوصه
عادله وجواهر طالعوا ببعض
وقفت وقفوا معها شالت شنطتها بتوصلها عادله اشرت:ماله داعي البيت بيتنا ادل طريقي
ومشت
جلست عادله وبغيظ:هاذي من تظن نفسها
جواهر سكتت تعرف علاقتهم العدائيه اصلا كلها مجاملات
جواهر بهمس:سموك متى بيجون؟
عادله بنرفزه:مدري عنهم وقامت طلعت جناحها غيرت ملابسها شافت صورته
بنرفزه:ماتت ومت معها
وجواهر تمسح مكياجها بالمناديل المعطره والهدوء يعم القصر الوسييييع قليلة بحقه
يتوه فيه الواحد..ويجهلون المفاجأة اللي بتقدمها لهم هيا وراح يتغير هالهدوء
وتبدأ النيران تأكل بعضها ..
^^^^^^^^^^^^^^^^^^^^^^^^^
يسون لها مساج برجلها وكتوفها غمضت عينها وابتسمت بنشوة
:وراح ادخل الشرارة بنفسي ياعادله تهني مثل ماسويتي بأمي
الزمن يدور
وطلعت الشمس وبدأ يوم جديد
بالجهه الثانيه مستنفرين يرتبون ويحضرون المكان استعدادا للحفله
رافعه شعرها وتثبته بالاسبريه القت نظره اخيرة على شكلها مفتن لأبعد درجة
بفستانها الحرير الرمادي خنق ومفتوح الظهر ماسك على جسمها وفتحه نص الفخذ
ومكياجها الفوشي الهادي ...بدخولهم بدفاشه :ليلى ليلى
لفت بسرعه وبخوف:وش صاير؟
الاولى:رجب جاء اذا ماشافنا مالبسنا راح يذبحنا
بعد تفكير اخذت مفتاح الغرفه :خلوا المفتاح معكم قفلوا على نفسكم ولاتفتحون لأحد
الثانيه وعينها تتفحصها:طالعه مثل هيفاء وهبي بستايلك هذا
كشرت وبداخلها مالقيتي الا هيفاء
بسرعه:مثل ماقلت لكم مشت وخرجت
الاولى بسرعه قفلت الباب:ليه متنحه كذا؟
الثانيه بضحكة:جسمها خطيرررر خصوصا من ورى
الاولى:وسخه وجلسوا يحوسون بالغرفه
لبست ساعتها الفخمه طالعت فيها تأخرت 10 دقائق
نزلت بهدوء واتجهت اعين الكل فيها طنشتهم راحت للمطبخ التحضري فتحت الثلاجه انحنت
تاخذ مويه بتسكرها لفت شهقت بقوة:اهىىى
جسار:مساء الخير
طلعت عينها من هاللقاء نزلت عينها بالارض
بعد مسافه عنها واكلها بنظراته :مهما شفتي قدام عيونك ماراح تتعظين صح؟
تشجعت وبدون نفس :خير ..فتحت الموية وشربتها قرب وبلعانه رفع المويه وانتثرت عليها
شرغت:كححححح كحححح
رجع لورى ويبتسم رفعت عينها بحقد :حركات بزران وربي ارفع علومك
هالكلمه قالتها والا ماقالتها قرب منها رفع يده غمضت عينها تظنه بيصفقها
مرر يده على ظهرها العاري انتفظت بسرعه مثل لسعة الكهرب قريب منها بدرجة ماتوصف
حطت يدها النحيله على صدره تبعده:رجاءا
بهمس بأذنها:من اللي وصلك لهالحاله؟
رفعت عينها عليه وتعلقت الدموع برموشها لفت راسها للحفله
وجات عينها بعين وحده جالسه وتضحك
لف نظره مكان ماتناظر :هي
بخنقه:وحده منهم
جسار بهدوء بعد عنها:من تكون؟
بغصه:صديقتي كانت بالجامعه
خرج من المطبخ المفتوح على الصاله مشى ناحية البنت جلس جنبها
مد يده وصافحها:جسار
صديقتها بدلع:هاي بيبي جسار
طلعت عينها من حركته تشكي له وتقول هاذي اللي خربت حياتها
وحتى يغيظها يروح لها طلعت من المطبخ
رجب بصوت عالي:توته توته
لفت له اشر :تعالي قربت منها اشر بيده:هذا ......
صافحها وابتسمت ..عدل جلسته بقهر
ليلى:عن اذنكم ومشت خرجت طلعت لغرفتها دقت الباب:هاذي انا افتحوا
فتحوا فسخت كعبها ورمت نفسها على السرير
غمضت عينها بتعب بالاحرى قرف من نفسها ومن اللي تحت
فتحت عينها:انتم باق سكتت لما شافته واقف عند الباب
عدلت جلستها وبقوة:نعمم لاحقني حتى هنا ترا صرت خانق نفسي
جسار بصوت رجولي:حقك وحط يده على رقبته
:بهاذي الرقبه وادعسي على هالشنب اذا مارجعته لك
عقدت حواجبها بأستغراب الا بصوتها اللي تكرهه لابسه عبايتها
:يلا بيبي لانتأخر
عطاها ظهره ومشى وقفت عند الباب:شفتي اللي جبته هههاي والله مايطول العنب حامضن
عنه يقول وخرجت تتمخطر
هزت رجولها بتوتر رفعت عينها عليهم جالسين بالسرير اللي جنبها :ليلى جعنا
زفرت بضيق :راح انزل اجيب لكم اللي بالثلاجه انتم لاتنزلون
نزلت فتحت الثلاجه طل براسه:مزاجك اليوم بالحضيض وبتفحص شفتي لي هالفصعونات والله
لاشفتهم لاكسر هالخيزرانه بظهورهم
قفلت الثلاجه بقوه خاف قربت له وهو يرجع اخذت سكين الفاكهه اللي خرجت تقطع فيه
قربته على رقبته
رجب بخوف:مجنونه
ليلى بغيظ:مجنونه بايعتها بتبن قول اللي تقوله حسك عينك تقرب منهم والا ترفع صوتك
بس شوف وش راح يصير لك اذا ماقلبت عليك هالمكان وبعدها قطعت كبدك قطعه
قطعه وقلقلتها لهالحيوانات اللي برا ما اكون ليلى هم تحت تصرفي فهمت
بلع ريقه وبخوف:فهمت فهمت ...اشرت بالسكين :برا
خرج بسرعه ورجعت تكمل تسوي لهم عشاء وطلعته لهم
جلسوا ياكلون بنهم رحمت حالهم وقفت عند الشباك وعينها برا سلب تفكيرها
صار وجوده يجننها كل مكان يطلع لها...
بالمكان الاخر وبأحد الاجنحه الفندقيه
واقف عند الشباك وعينه برا جات من وراه:يلا بيبي
حس الدم يفور بعروقه ويتذكر دمعتها اللي علقت برموشها حس بتألمها
لف وبأبتسامه:جاي انتي اسبقيني
^^^^^^^^^^^^^^^^^^^^^^^^
اليوم الثاني ..ارسلت الاميرة هيا كرتين دعوة حفله الاولى بأسم
سميرة والثانيه بأسم ناديه
ناديه بفرحه:مو مصدقه راح نروح للحفله
سميه:حظكم ماشاء الله ليتني اروح معكم
سميرة:مافي الا كرتين وين ندى؟
ندى كانت واقفه عند المرايه تحط لها روج وكل شوي تمسحه
وكأنها داخله بدوامه مالها نهاية وكلام ام ثامر يرن بأذنها
بصوت عالي:اساسا ولدي مايشرفه وحده متسلطه طالعه على امها مثلك
سميرة بقهر:يامره احشمي نفسك
توجهت لها:اصلا انتي كفو تطولين واحد مثله كان بيتزوجك منا وازوجه مناك
بذمتك انتي وش فيك زود عن باقي البنات يوم تتشيخين على ولدي نسبكم مايشرفنا وخطبت له
بنت خالته وهو اللي نطق بعظمه لسانها واختارها
ندى ماسكتها العبره:والله انا اللي ماني ميته اخذ ولدك ممول مخدرات ومدري وش المستخبي
وبعدين هه خليه بالاول يطلع نفسه قبل مايخطب بنات خلق الله
ولا يشرفنا ولايكرمنا نعطي وناخذ بالكلام مع ناس الكلام معهم لايودي ولايجيب مثل مادخلتك
رجولك هالبيت خليها تطلعك
اخته بقوة:ياقليلة الحياء اطلعي على حقيقتك اصلا وعووه مدري وش شاف فيك زود
لفت وببرود:على الاقل احد شافني هذا انتي صك عمرك 34 ولا احد تكلم فيك
سميه وناديه:هههه ..
سميرة عطتهم نظره:ندى روحي فوق
سمعت كلامها وطلعت ..قربت منهم سميرة:حياكم الله حي من زار وخفف
امه بصوت عالي:بنشوف من بيطالع بوجهك يالنحس وخرجوا
دخلت شافت سرحانها قربت:ندى ندى ندى
مسكت كتفها ولفتها لها بقوة شهقت بقوة وكأنها صحت من غيبوبة
مسكت وجهها بخوف طلعت عينها:ندى وش فيك؟
بقوة:انتي سبب كل شيء اللي صار انتي اللي لعبتي بعقلي وخليتيني اتركه
سميرة:انا انقذت مستقبلك ياغبيه خلاص خطب وراح يتزوجها
ببكاء وماسكه يدها:انا قاعده اموت الله يخليك افهميني انا قاعده اتعذب
وهم مبسوطين يجهزون لخطوبتهم اهىىى
وطاحت عند رجولها :اهىى اهىى
نزلت لمستواها ومسكت ذراعها رفعت راسها بيدها وعيونها مدمعه
:ارفعي راسك انتي ندى بنت سميره لاتنزلينه ابدا
نزلت راسها رفعته بقوة:سمعتيني مو انتي اللي تنزلين راسك هم
مسحت بأطراف اصابعها دموعها وباست راسها وبهمس:وحقك راح اخذه لاتبكين يايمه
هم الخسرانين الف من يتمناك الله لايعطيني نفس اذا خليتهم يفرحون بهالخطبه وكل كلمه قالوها
لأطلعها من عيونهم ..بعدت ومسكت وجهها بيدها:وعد ورجعتها راسها على صدرها
وقلبها يحترق بالثانيه الف مره على قطعة روحها..
^^^^^^^^^^^^^^^^^^
بقصر الاميرة هيا....
بأٍستغراب:اذا كانت عينك عليها ليش ما ارسلتي الدعوة الثانيه بأٍسم اختها مو اسمها مها اختها
بضحكة وعينها قدام وتلبس طقم الالماس الثقيل لفت عليها هيا
هيا:انا مو غبيه حتى ارمي الحمل قدام الصياد متأكده سمعوا باللي اخطط فيه
ويحاولون كالعاده يخربون علي لكن هالمره انا اذكى منهم وراح اخليهم يحاربون وهم!!
مها:يعني
وبضحكة:انتي قاعده توهمينهم ان اللي راح تخطبينها لسلمان هي هالبنت اختها
هيا بضحكة وتعدل فستانها:بالظبط اشغلهم واشتتهم شوي حتى اسوي اللي براسي واحمي ندى من آذاهم
حتى تصير زوجته وحبيبته وام عياله والآمره والناهيه وماراح اتركها راح اكون
معها خطوة بخطوة يكفي انها تربية سميرة ونسختها بنلقى قوية وجسوره وحلوه
بنلقى احسن من كذا ما اظن
:ان شاء الله يقتنع فيها
غمزت:لاتخافين من النوع اللي يفضله سلمان صاير يبغاله كسر راس ما احد راح يقدر عليه الا هي
^^^^^^^^^^^^^^^^^^^^^
بالوقت اللي كانت فيه هيا تخطط تجمع سلمان بندى
كانت كل وحده منهم تقرأ لأحلام مستغانمي ..لكن الفرق بالكلمات
الكبرياء أن تقول الأشياء في نصف كلمة ، ألاّ تكرّر . ألاّ تصرّ . أن لا يراك الآخر عاريًا أبدً ا
. أن تحمي غموضك كما تحمي سرّك .”
―
هاذي الكلمات اللي وقفت عندها ندى حتى هي مستغربه من نفسها بلحظه
تنهار وبسرعة البصر بترجع تلم نفسها
اما روز فالكلمات كانت تبكيها اكثر مما تفرحها وتشغل وقتها اللي بدأ يميتها بعد لقائه
لا أحد يُخيّر وردة بين الذبول على غصنها... أو في مزهريّة .
العنوسة قضيّة نسبيّة . بإمكان فتاة أن تتزوّج وتنجب وتبقى رغم ذلك
في أعماقها عانسًا ، وردة تتساقط أوراقها في بيت الزوجيّة .”
―
كانت تحس انها المعنيه وهالكلمات تناسب حالها بدخول زوجها
فارس:مساء الخير
سكرت اللاب قامت:مساء النور
توجه لها بأستغراب:ليش عيونك حمراء تبكين
بعدت عنه:يمكن دخلها شيء بتمشي مسكها من خصرها
ومعطيته ظهرها بهمس:اشتقت لك ومرر يده على شعرها غمضت عينها
تسلم نفسها له دون طواعيه حتى لاتقف امام الرب محاسبه رغم قلبها وعقلها معه احيانا
حتى نعيش مجبورين ندوس على قلبنا وماننسى ان احنا في مجتمع لايرحم حب العذراء
ليرحم حب المتزوجه!!
بالجهه الاخرى
سكرت اللاب تشجعت وقفت قدام الشباك النور مفتوح بس شيفون الستاره منع رؤيتها
عقدت حواجبها بأستغراب دق الباب خوفها بسرعه قفلت الستاره
طنشت الدق ودخلت بين فراشها وتفكيرها من الشخص اللي كان بالغرفه
^^^^^^^^^^^^^^^^^^^
جالس على الجوال يقلب بين الصور من الطفش
بسرعه:للحظه رجع الصورة اللي قبل وبضحكة:هذا هو الزعيم
زعيمنا
جسار طلعت عينه:انتي وش تقولين؟
:تعرفه؟
جسار اكتفى بالسكوت
بتقوم كان اسرع مسكها من يدها بقوة وبصوت عالي:وش علاقته بليلى
نزلت راسها بسرعه صرخ:جاوبيني
نفظت يده:ليلى وليلى بعد كل اللي سويته فيها الا الكل يبغاها تعرف من اكون
جسار بقرف:صديقتها اللي غدرت فيها
ضحكت بخفيف:لا عمتها اخت ابوها حتى انت كذبت عليك صدقتوها ههه
جسار بعدم استيعاب مسك راسه:مو فاهم شيء مو فاهم ماراح اعرف الا منها
انتي لو تتحركين شبر راح يكون اخر يوم بحياتك سمعتيني وخرج بسرعه
:اسماعيل اسماعيل
جاه اسماعيل بخنقه:عينك عليها لاتخرج احس الدنيا بدأت تنهدم فوق راسي
وخرج
ماحس الا على نفسه عند البيت دق الباب بقوة
صحيوا من النوم ...رجب:اعوذ بالله وخرج من غرفته بخروجها مسكت البنات ودخلتهم
فتح الباب :خير ان شاء الله دفه :ومن وين راح يجي الخير منكم وبصراخ
:ليــــــــلى ليلــــى وطلع الدرج شافها واقفه قرب منها وهي ترجع لورى
:ليش تسوين بنفسك كذا؟
بدموع:الفلووس الحاجه وبصوت عالي
:هي وصلتني لهالحاله تبغى تشتري لك جزمه لازم فلوس تبغى تاكل وتشرب لازم فلوس
تبغى تطلع ابوك من السجن بسبب ديونه لازم فلوس اهىى اهىى
تروح لعمك خالك جدك الميت بقبره ما احد راح ينفعك الكل يتخلى عنك لما تكون بحاجتهم
وينسونك شوي شوي اهىى
دخلت الغرفه خرجت صندوق رمته بالأرض وانتثرت الفلوس :لازم اوفي نص المبلغ والا ماراح
يطلع وهو قبل اسبوع طايح عليهم بجلطه ماتحمل السجن مسحت دموعها بعنف
وبصوت عالي:فكان لازم ابيع نفسي وارقص لناس امثالكم ترمي الفلوس بالارض مثل
الورق وماتحس بقيمتها حتى ما اخلي امي تعيش بجوعها حتى مايضحكون البنات على اختي
ويعايرونها مثلي حتى مايكون السجن نهاية ابوي حتى مايتجرأ احرد يطردهم
ويخليهم بالشارع عرفت ليش ..صدرها يطلع وينزل
:طبيعي واحد مثلك اميييير فتح عيونه بهالدنيا على العز والجاه مستحيل تفهمني
ماينكر ان كلامها مثل الصفعه بوجهه ماتوقع فيه ناس بهالحاله :بس ميييين مين اللي وصلك لهالحاله؟
ضحكات :هههههههههههه
مسكت كتفها:شهرزادي ..
هاللون راح يناسبها..ما احلا هالفستان ناسبها
طاحت عينها على ظل طويل وقهقهات صاحبه واقترابه منها رفع ذقنها
وبهمس:شهرزادي
طلقة رصاص تطايرت بالهواء صرخت بأعلى صوتها:لاااااااااااااااااا� �اااا
انتفظت ورجعت لورى لصقت بالجدار نزلت راسها بالارض
بسرعه:همم بالمزرع رفعت راسها اشر بأصبعه على فمه بالسكوت طلعت عينها لف ببطء
وبصدمه:.......!!
بسرعه طالعت فيه بذهول وكأن الدنيا ماراح ترحمها وراح ترمي الجمر تحتها
لا اراديا تمسكت بيده بقوة وشدت عليها ..مو مستوعب يتناقل نظره بينها وبينه ..
انتهــــى ...ترقبوا البارت القادم
Like
اسطورة ! غير متواجد حالياً أضافة تقييم إلى اسطورة ! تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 16-05-14, 02:10 AM