الفصل 3
البارت الثالث قراءة ممتعه
جالسين سهرانين ومعهم لوازم السهره من شيبسات...الخ
على الفيلم الاجنبي افاعي الرمال
ناديه بطفش قفلت اللاب:اووف
سميه تفصفص"تاكل حب":وش فيك؟
ناديه بغيظ:اللحين انا ودي افهم ليه صايرين يحجبون كل شيء عندك ابغى اشوف مسلسلي يعني اللحين
كيف بالله؟
سميه:قلت عندك سالفه سمعت صوت بنتها راحت لها وجابتها
لفت ندى وتسد اذنها:يرحم والديك بنتي اقلعيها من وجهي هالفيلم صار لي اسبوع انتظره
سميه:اقولك عينك بالتلفزيون مالك دخل بروح ارضعها واجي وقامت
خلص الفيلم صاحت وتتمطط :حماااااااااااااااااااس
سميه بقهر ضربتها ببطانيه بنتها :وجع وطي صوتك الناس نائمه
ندى عدلت جلستها وبقهر:اللحين بالله مالقيتي الا بطانية بنتك ترمينها بوجهي بذمتك شميتي ريحتها قبل لاترمينها
ناديه:ههههههههههههههه
سميه بقهر:والله ريحة بنتي طالعه على ريحة امها مسك وعنبر وعطوراتي كلها من زهور الريف وو
قاطعتها بأستهزاء:وفرحانه فيها!
ناديه ماسكه بطنها:ههههههههههههههه نتفت الجبهه ماعاد فيه
سمية بترقع وبنص عين:اللحين انتي ممكن تفهميني هالأميرة هي نفسها اللي شافت ناديه واخطبتها بالزواج؟
ناديه:قصدك اللي راحت لها ندى واعرضت نفسها
طلعت عينها ونزلت العصير من يدها:انتي من جدك رايحه تعرضين نفسك لها
بأستفزاز لهم وتشرب بايسن:اولا روحتي لها او بالأحرى للي معها ماكان حتى اعرض نفسي بسم الله علي
حتى اشبكها واضمن لي وظيفه بس ماظبطت معي خيرها بغيرها
شهقوا سوا ورجعت تشرب بايسن وترفع حاجب بخبث
سميه بغيظ:وبكل وقاحه تقولين خيرها بغيرها امي لو تدري وش بتسوي فيك مافكرتي
نزلت البايسن على الطاولة بقوة وعدلت جلستها:بالله عليك انتي ماتقولين وش الذنب اللي ارتبكته نهبت مثلا
من حقي القى ثمن تعب دراستي بعد كل هالسنين
سميه بقهر:ولو ماتطلبين منه من احد
ندى بأنفعال:روحي بس انا والله مو مستعده اجلس مثلكم بالبيت ابغى اضمن نفسي وانتي وتوجه الكلام لناديه
:مو هاذي اللي اسمها اماني معكم تخرجت من هنا وتوظفت معيده لأن عمها يكون صديق للواء ...
وانتي متخرجه بمرتبة شرف وكل مارحتي مكان صكوا بوجهك ويقولون خلي اوراقك عندنا بعدين نشوف بأمرك
وكذاب كل الدنيا صارت شغاله بواسطه عمك ابوك جدك اللي بقبره عنده واسطه راح تلقين لك
سميه :ندى ارضى بنصيبك واللي ربي كاتبه لك
ندى بأنفعال:والله قال اسعى ياعبدي ...استغرب حمقهم وقف وسمع كلامهم
دخل بهدوء:باقي مانمتوا؟ جات عينها بعينها نسخة امها عمرها ماكانت ترضى بالقليل مو معناته طمع
لكن كانت تكافح لأخر لحظه تبغى تبني مستقبلها ماتنتظر أي احد
قاموا:راح ننام اللحين تصبح على خير
خالد:وانتم من اهله...دخلت كل وحده غرفتها وراحت بعالمها الخاص فيها ماعداها
تقلبت ماجاها نوم ثبت بالوسط زفرت بقوة تحس معدتها شبت عليها فتحت درج الكومدينه اخذت حبوبها
رينتاك وشربت مويه كل هذا عشان انفعال بسيط اجل لو شيء كبير ؟
^^^^^^^^^^^^^
وقفت قدام الباب بتردد دخلت شافتها تخيط :ممكن ادخل؟
ناديه باستهزاء:مو انتي دخلتي
عرفت انها متضايقه منها قفلت الباب جلست جنبها على السرير وعينها على التطريز بحواف القماش بأعجاب
:هذا انتي اللي سويتيه؟
ناديه:عجبك؟
خذته منها وقلبت براحه على يدها:كثير انتي موهوبه بالخياطه امم انا آسفه على اللي صار زودتها حبتين
طالعتها بطرف عين ضحكت:كثير حطت راسها على كتفها:خايفه كثير
ناديه بأستغراب:من وش؟
رفعت راسها وبضيق:حاسه هالخطبه والزواج ماراح تتم من الاحلام اللي اشوفها
ناديه بضحكة:انتي دائما كذا تتشائمين راح تتم وراح نزفك ونفتك منك
نزلت راسها وبشك:تتوقعين كذا؟
ناديه بهبال:اتوقع الا اجزم مليون بالمية بعدين ماراح تروحين السوق
ندى هزت راسها:الا بعد المغرب روحي معنا..ناديه:من غير ماتقولين يلا رجاءا عطيني مقفاك خليني اخلص شغلي ممكن
بهبال:ماراح تروحين وطلعت من الغرفه ..ورجعت ناديه تكمل تطريزها
بعد المغرب رحنا للسوق وفرفرنا نختار فستان ملكة ندى اللي راح تصير بأخر الشهر
تعبنا واحنا نحو سماكان شيء يعجبها كان ذوقها مرره صعب
لفت عينها بعدم اهتمام حتى طاحت عينها على فستان لحمي بسرعه:لقيته
سميرة بضجر:واخيرا
دخلنا المحل وحاسبنا شايلته بيدها مبسوطه فيه لأنها راح تاخذ الانسان اللي تحبه من الطفوله
يآآآه وفي احلا من احساس الفرحه بهذاك اليوم لما تنزف للأنسان اللي كانت تسهر ليالي تفكر فيه وتسمع فيروز
وتقرأ قصائد نزار القباني وتمثل قدام المرايه ..راح نفقدها كثير هي اللي معطيه البيت جو لكن اكثر وحده راح
تفقدها بينا هي امي!!
دائما كنت احسد ندى لأنها اقرب وحده فينا لها كانت امي ماتتردد لحظه وحده تعلمها بأي شيء يخصها وتاخذ رأيها
كانت منحازه بشكل لايتصور معها خلقت عدواة مع اهل ابوي عماتي واعمامي لأنهم كانوا بيوم سبب بنزول دموع امي
كنت احسدها على القوة اللي تتظاهر فيها قدامنا..كل مشكلة تصير لنا مانلقى انفسنا الا رايحين عندها لتحلها
صحيح كانت اصغرنا بالسن لكن كان عقلها كبييييير وقلبها اكبر بس عيبها ماتعرف تعبر عن مشاعرها..
كنت اشوف الفرحه تشع من عيونها
لكن مو كل شيء نتمناه يتحقق !!
هالمره الحياة اختارت تصفعها بدال ماترمي بطريقها الورد
عينها على رجال المباحث اللي ماسكينه وهو يقاومهم
ثامر بصراخ:فكوني ماسويت شيء فكووني
طاح الكيس من يدها
بلعت ريقها وتسمع احد رجال المباحث:انت مطلوب بتهمة تجارة بالمخدران
طلعت عينه:كذب كذب
رفع الكيس :وهاذي اللي لقيناها بسيارتك وش تقول عنها؟
نزل راسه..
سميرة بخوف:ادخلوا البيت الله يستر علينا يلا
رفع عينه عليها وبصرخه:والله ماسويتها والله بريء بريء
امتلأت عينها بالدموع وتشوف مقاومته لهم وامه خارجه تصيح وتبكي
حست الدنيا اسودت بعينها وبداخلها الف صرخه وصرخه غمضت عينها وطاحت من طولها
صاحت سميرة:ندىى بنتي ندى
ركبوه السيارة وعينه عليها بين احضان امها والفستان طايح بالارض
الســـــاعه 3 فجرا
بغرفة التحقيق
الظابط:ماراح تعترف من الممول الرئيسي لكم؟
رفع عينه وبهدوء:ماراح انطق بحرف واحد الا بحضور محاميي
الظابط بقهر مكبوت:اجل تعفن مكانك لين مايجيك المحامي
بمكـــان اخر
عينها عليها ماتنكر ان قلبها وقف لما شافت فلذة كبدها طايحه بالارض مغمي عليها
وقتها تمنت لو كانت مكانها لو شالت وجعها قربت منها
فتحت عينها ودموعها تنزل وببحه الم:شفتي اللي صار اليوم يمه؟
هزت راسها:شفته يمه
بخنقه:ثامر بريء مايسويها
بعدم اقتناع:اذا هو بريء الله مابيتركه يايمه واذا مذنب راح ياخذ جزاه
انتي لاتفكرين بشيء خوفتيني عليك وانحنت لمستواها مسحت على شعرها :مهما كان قرارك بخصوصه
انا معك ماراح اخليك لحالك عضت شفايفها وبتألم:ندى هالوقت الحب مو كل شيء صدقيني اكبر مثال عندك
انا وابوك شوفي حالتنا اللحين فكري زين بحياتك الجايه
عقدت حواجبها استغربت معرفتها كملت مبتسمه:انتم بناتي اللي شليتكم بداخلي 9 شهور اعرف اللي في الوحده
من عيونها يمه انا قاعده افني نفسي حتى ماتكون بعازة احد لو تطلبوني اشيل تعبكم بشيله وانا مغمضه عين بس لاتفجعوني فيكم
ماعاد اقدر اتحمل قربت منها وحطت راسها على صدرها ملجأها الوحيد بعد الله صحيح كانت عمليه وشديدة الا انها
منبع للحنان والأمان
يـــــوم جديد يطل بستاره على ابطالنا
فتحت الباب استغربت انها مو على سريرها بخروجها من الحمام"وانتم بكرامه"
وتنشف شعرها ..
ناديه باستغراب:راح تداومين؟
ندى :اكيد راحت ونشفت شعرها استشورته ورولته بسرعه خرجت
صادفت امها تفطر عادل بسرعه:ندى فيها شيء
انفجعت بتقوم مسكت يدها وجلستها:مو تعبانه بس بخروجها
طالعوا فيها باستغراب رفعت حاجب:وش فيكم؟
ناديه:بتروحين الجامعه وانتي بهالحاله ؟
ندى :يووب وقربت من امها باستها بخده وهمست بأذنها
:عطيهم خبر ماعاد فيه شيء يربطنا فيهم
ودخلت غرفتها تكمل لبسها
ابتسمت بخفه سميرة ..
7 مســــاء
خالد بأستهجان:جنت بنتك على كيفها تفسخ الخطبة وملكتها بعد ايام
سميرة بسخرية:بالله وين راح يملكون في التوقيف مثلا وبقوة
:انا ماازوج بنتي لواحد راعي خرابيط
صاح بأعلى صوته:راح تتزوجه غصبا عنه عطيت الرجال كلمه اروح اثنيها اللحين
سميرة وقفت :والله ياخالد جاك اللي عندي والا اقولك خل الشيخ يجي ونقوله انه راح يتم
عقد نكاح لواحد طلع تاجر استغفرك يارب ومشت
ناديه بعتب:ليش سويتي كذا ياندى هذا ثامر اللي تحبينه وانتظرتيه طول هالسنين
هان عليك قلبك تتركينه بأول فرصه
ندى:.........................
مرت من جنب غرفتهم والباب مردود رفعت عينها جات عينها بعين امها كانت تأزرها لأخر لحظه
نزلت راسها سميرة ودخلت غرفتها شافت عادل نايم عشةائي على السرير شالته وحطته على الطرف
شغلت التكيف قفلت النور ودخلت فراشها حضنته وباست راسه وتمسح عليه حست بالباب ينفتح
تظاهرت بالنوم كمل :عارف ما انتي نايمه لكن لاتنسين انا باقي وليهم
سميرة بهدوء:سكر الباب الولد لايقوم
قفل الباب بقوة حطت يدها على اذن عادل لايصحى سمعت صوت صياحه مع ندى
ماقدرت تتحمل زيادة فتحت الباب وخرجت
ندى بغيظ:ماراح اخذه ولاراح تجبرني
خالد:وطي صوتك ياقليلة الحياء ترادديني
:خالد خلاص اترك البنت
لف عليها:انتي ولا كلمه ما احد شيخ بناتك علي الا انتي
سميرة بصبر وهدوء الجمته طوال 7 سنوات:اطلع برا
لف وعقد حواجبه :وش قلتي؟
غمضت عينها ويدها ترجف من الغيظ:قلت لك اطلع برا من هالبيت ومن حياتي كلها طلقني
ضحك بسخرية:طلاق ماراح اطلق وش بتسوين
سميرة بضحكة:بكل بساطه راح اخلعك
وفعلا باليوم الثاني تقدمت طلب خلع من المحكمة
بنفس الوقت كانت تتم محاكة ثامر اللي جاته صفعتين ورى بعض الاولى اتهامه بمتاجرة بالمخدرات
وحيزها والثانيه فسخ خطوبته من الانسانه اللي فنى روحه وابتعث حتى يرفع راسها فيه..
ابوي المسكين حاول بكل الطرق يثني امي عن قرارها لكن كانت متمسكه بقرارها لأخر لحظه
وخلعته مع ذلك ماتركنا استأجر بيت بعد شارعين عنا هو وامه وصار يزورنا بالوقت اللي تكون
هي فيه برا بس اللي يقهر ويغبن زياده انه ترك وظيفته وكان معتمد على راتب امي بالدرجة الاولى اللحين حتى
عض اسنانه من الندم
مر شهر ..وشهرين..وثلاث ..
8 صباحا
:صباح الخير
الخاله:صباح النور
دخلت مكتبها المتواضع فسخت عبايتها نست تذكر المشرفه عن المسابقه اللي راح تعقد
على مستوى المدارس بتدخل مكتبها وقفت عند الباب وتسمع
:لازم تطردينها؟
المشرفه:بس ماراح نلقى مثلها
:سمعتي اللي قلت لك عنه نفذيه ووصلي لها رساله تتحمل نتائج كلامها
رجعت متكبها بهدوء جلست على الكرسي مو مستوعبه بكل هالسهوله راح يستغنون عنها بعد مافنت نفسها
عشانهم ضحت بوقتها وصحتها وبيتها حتى بكل سهوله تنطرد بهالطريقه ..
بعد عشر دقائق دقت الباب ودخلت
المشرفه:هلا سميرة تفضلي كنت راح ادعيك
سميرة بهدوء مدت لها الظرف استغربت:هذا وش؟
سميرة بعزة نفس:استقالتي
لفت عليها كملت :بصراحة تعبت لازم ارتاح واروح اخذ لي استجمام يمكن اسافر
سنغافورة او أي مكان لفت وعينها عليها :عفوا منك ماشفتك
لفت وجهها بكره رفعت حاجب بضحكة وبهمس شدت على يدها:حبيبتي ياليت توقعينها اليوم
ولو يكون اللحين افضل حتى ارتب لي حجوزات آآه فعلا الواحد ينسى نفسه بمشاغل هالدنيا
المشرفه :ماطلبتي شيء من عيوني
توسعت ابتسامته ومسكت يدها:تسلم عيونك صحيح راح افقد هالمكان لكن خلاص نرتاح مابقى شيء بالعمر
وخرجت ..
كانت امي لأخر لحظه تحافظ على اللي باقي لها من كرامتها ..ابدا ما انتظرت يدخلون عليها او يستدعونها
ويطردونها بادرت بنفسها رغم ان هالشيء يقطعها تقطيع ومشت ومشت بين ممرات المكان اللي احتضنها سنين
وفيه تكرمت ونالت على افضل الشهادات من وزير التربية والتعليم او من كبار مسؤولين التعليم كانت لها بصمة واضحه
بالمكان ابدا ماراح احد يجاريها ..كان غلطها انها مارضت على نفسها وعلى بناتها الاهانه لأنها وقفت دافعت عن تربيتها
وعن بنتها اللي كانت تغوص بين دموعها وكان من نصيبها "الطـــــرد"
جمعت اغراضها بالكراتين ويساعدونها الخالات اللي كانوا يحبونها وقفت قدام شهادتها المعلقة ببرواز بالجدار
غصتها العبرة تماسكت حتى ماتنهار قدامهم خذت الشهادة وحطتها بالكرتون وقفلت عليها
وخرجت كعادتها بخطواتها الواثقه واعين الكل عليها تجاهلتها
صدمت بواحده رفعت عينها عليها
اخر وحده تتمنى تشوفه هاللحظه ..قربت منها وبأبتسامة:صباح الخير
بدون نفس:صباح النور
عادله وعينها على الكراتين اللي ماسكينها الخالات والكرتون اللي بيدها:خير ان شاء الله اهاا معناته بلغوك
عقدت حواجبها وضحكت بخفه:ههههه بلغوني بوشو سموك وتوسعت ابتسامتها:انا قدمت استقالتي اليوم
تغيرت ملامح وجهها وبقوة:يعني ما انطردتي؟
رفعت حاجب:لا لا ماعاش من يطرد سميرة... تعبنا لازم نرتاح تعرفين اللي يوقف على رجوله كثير يتعب
عن اذنك بتمشي لفت:اييه اذا احتجتوا أي شيء راح تلقوني موجوده
عادله بقهر:وانا وش دخلني؟
سميرة بضحكة:ايه صح نسيت انتي مالك علاقه بهالمكان اساسا ما احد يعرف من تكونين عن اذنك ومشت
تحس عروقها راح تتفجر من مكانها
وطلعت سميرة من المكان لكن هالمره رافعه راسها والأبتسامة مافارقتها
عكس عادله اللي خططت وشغلت واسطاتها واستغلت سلطتها لتنهيها لكن بالنهاية خسرت !!
^^^^^^^^^^^^^^^
ايتـــها المتلاعبة هيا اظهري للساحة
مالي ارى عيناك ترتعد خوفا ...
قفي امامي وارمي اوراقك
دعينا نخوض معركتنا بعـــدل
الا يحق لي فرصة لمبارزتك؟
فلعنة تلك النظرات لم تنفك ان تفارقني
اظهرتيي بقوة واعلنتي التمرد والعصيان
لكي ماتريدين ايتها المتلاعبه فطلبك مجاب
دخلت القصر الرخامي ووحده من العاملات ترشدها
طلعت للدرج اشرت للغرفه بهاللحظه دب الخوف بقلبها
طلعت عينها من المنظر اللي قدامها رجعت لورى بتخرج كان اقرب مسكها وثبت يدها
وتصيح:اتركني لااا وتحاول تنفلت منه
:لااااااااا
ثبت وجهها لقدام :ليش خايفه شوفي هذا مصير كل واحد يغسلونه ويكفنونه
شوفي نهايتك اللي راح تكون تحت التراب وبين لحد مظلم
لفت وجهها بخوف وانفاسها تتسارع وببكاء:اتركني الله يخليك انا خايفه
ترك يدها وبعبوس:خايفه ولف على المرأة اللي تغسل العجوز الميته واشر بيده توقف
ماقدرت تتحمل استفرغت كل اللي ببطنها تمسكت بيدها النحيلة الجدران وتكح بقوة
لف وجهه بقرف اخذ مناديل ومدها لها مسحت فمها وعينها بالارض
بصوت رجولي:نظفوه وانتي تعالي معي باقي ماخلصت شغلي معك قسم لأكرهك
اليوم اللي قبلتي فيه تدخلين هذاك البيت يلا وسحبها
خرجها من الغرفه مشت معه بطواعيه من التعب والمنظر اللي صدمها بقوة
دفها على الكنبه بقوة طاحت رفعت عينها عليه بحقد :انتي وش تبغى مني بالظبط؟
هز راسه:لاتستعجلين على رزقك ونادى بصوت عالي :اسماعيل يا اسماعيل
طلع بسرعه ويعدل سماعات المراقبه على اذنه جات عينه بعيها نزلها بسرعه
جسار ضحك بخفه:يعني ماعرفتها جيب اللي وصيتك عنه رفع راسه بأستغراب
قرب منه:واضح كلامي هز راسه ونزل
وعينها على القصر اللي يغطيه الرخام الابيض المموج بالذهبي كان اجمل بكثير
من القصر الاول اللي راحت له
:كملي تفرجي
لفت وجهها بأكراهه جاء اسماعيل ومد له بيده اخذه واشر له ينزل
رفعت عينها على القماس الابيض اللي بيده وبنبرة امر:قومي
معي
تتظاهر بالقوة عدلت جلستها:ماراح اروح معك أي مكان متى تاخذ دورك وتخلصني مليت ترا
طلعت عينها وسحب يدها بقوة دخلها احدى الغرف ضرب ظهرها بالجدار:للمره الالف اقولك انا مو منتظر منك
شيء ولا راعي هالسواليف
ضحكت بسخرية ولفت وجهها:صدقتك
ماعاد قدر يتحمل مسك بيده ذقنها بقوة :مو مجبور احلف لك او ابرر بعد عنها
ورمى عليها :شوفي شغلك
عينها على اللي بيدها:هذا وش؟
ابتسم بسخرية:كفن ماعمرك شفتيه
طاح من يدها بخوف بلعت ريقها قرب وقفل الباب بالمفتاح واخذ المفاتيح
وقف على الجدار المقابل لها رافع رجل ومنزل رجل ومكتف يده:هذا نهايتي ونهايتك ونهاية كل واحد
ماراح تخرجين من هالمكان الا بحاله وحده واشر براسه راح تساعدين الخاله وتكفنين معها
طلعت عينها لوله لفت على العجوز الميته لفت وجهها للجهه الثانيه بسرعه
وتتنافظ وعرقها يصب وقلبها يدق بقوة
بعـــد فترة..
جالس على الكرسي وعينه على ساعته :لاتخافين اليوم مفظي نفسي عشانك
الخاله:ياولدي لازم نكفن
جالس بالزاوية وضامه رجولها لركبتها :ليــلى
:.............................
زفر وعينه على بصيص نور الشمس اللي بدأت تعلن غروبها
:يلا صار لك ساعتين على هالحاله راح تساعدك لاتخافين
بخوف :ابغى امي ولميس
ضحك بخفه:وليش بعدتتي عنهم؟
عينها على الفراغ اللي قدامها وبهذيان:هم اجبروني
عقد حواجبه:مين ؟ مين اللي وصلك لهالحاله؟
"لاتخلينه يستمتع بضعفك لاتنحنين له بعد كل هالوقت تحملي وارجعي وقفي على رجلك
من اول وجديد لاتسمحين له يستغلك "
وقفت بسرعه واتجهت للخاله وقف:كنت متأكد ماراح تطولين على هالحاله قلب صخر الله لا يبلانا
رفعت عينها عليها بحقد وقفت قدام العجوز اللي مبين بس وجهها وجسدها مغطى
تحاملت على نفسها بيطلع لف وقرب منها:وانتي تغسلينها ابغى تتذكرين انك بيوم راح تكونين
نفس مكانها لكن السؤال هو خاتمتك مثلها هي مصليه صايمه تخاف ربها وتتقيه
ماتت على سجادتها وهي وحيده مالها أي احد بهالدنيا وانتي كيف راح تكون خاتمتك ؟
هز راسه بعدم رضا وخرج
نزلت عينها على العجوز اللي يشع النور من وجهها ومبتسمه ورافعه سبابتها
الخاله :حاولت انزل اصبعها ماقدرت الله يرزقنا مثل خاتمتها
من منا يستطيع الهروب من مخاوفه؟
ها من؟
عندما نجبر بأن تتراقص رجلينا عند معزوفة الموت البطيء نجد انفسنا
ندخل بحرب غير متكافئة الاطراف..لاصرخاتنا..ولا آهاتــنا
تستطيع ان تنقذنا!!
صبت الماء فوق راسها والخاله تغسلها
جالس يقرأ كتاب ويشرب الشاهي
لفتها بالكفن وربطت اعلاه
رفع عينه من الكتاب للحظه وتخيل شكلها داخل ماراح تتحمل
بلعت ريقها ورفعت يدها وتمتم بصوت واطي ودموعها تنزل على خدها بهدوء نظرت لها الخاله بأشفاق
طلعت له وعلمته انهم انتهوا بتدخل اشر لها ماتدخل ودخل
واقفه عند راسها وشاده عبايتها بيدها وببكاء:بعد شوي راح يدفنونك
راح تتركين هالعالم والناس اللي تاكل وتنهش بلحم بعضها متي وحيدة ماراح تلقين من يشيلك على كتفه
للمقبرة ويقبرونك ويدعون لك ويبكون مثلي تماما مسحت دموعها
انا ميته من زمان ووحيدة بس الفرق بيني وبينك
مجرد ماينرمى عليك التراب راح ترتاحين من هالدنيا ووجع ناسها اما انا لا
نزلت راسها وتكتم شهقاتها ودموعها تتساقط ثواني حتى دخلت بدوامة بكاء
ماينكر بداخله انه حس بكمية الوجع والمرارة اللي على لسانها
:هاذي طبيعة الحياة مصير كل واحد هالشيء
رفعت راسها بفزع وعينها عليه بحقد واجباره لها بهالوضع
مشت بسرعه اخذت شيلتها ولفتها على وجهها ورمتها وتعدته نزلت بسرعه الدرج
وتكتم شهاقتها وبكائها فتحت الباب بقوة ونزلت الدرجتين تعركظت على وجهها
تمسك بيدها الارض نزلت راسها وبكت بحرقه :اهىىى اهىى اهىىى
واعين الحراس عليها رفعت راسها شافته واقف بطوله الفارع عند الباب
وبيده المسبحه رجعت نزلت راسها والآم جسديه تنهش جسدها لكن ليست بقدر الآم نفسيه
قامت يالله تتوازن طاحت بيروح يساعدها اسماعيل اشر له بعينه بغضب
تمسكت بالارض وقامت مره ثانيه ببطء والغبار يكسو عبايتها السوداء كليلتها التي قضتها
مشت بوهن ثواني حتى خرجت من جهنم بكبرها واختفت عن الانظار
^^^^^^^^^^^^
بالمزرعه
جالسين بالمجلس الخارجي الخاص بأستقبال الضيوف
دخل بسرعه:عمي الحق في حريق بالمزرعه الثانيه
جات عينه بعينه بسرعه خرجوا
والعمال يطفون النار ومتجمهرين وقفوا
سعود بصوت عالي:اتصلوا على الدفاع المدني
صاح شايب بأواخر عمره:بناتي داخل
لف عليه بسرعه اتجه له :وينهم ؟
بعدم تصديق:هذا انت؟
ماسمع ودخل بسرعه وسط صراخ ابوه:سلمااااااااااان
والنيران تلتهم المكان بصوت عالي:فيه احد؟
روز بسرعه:ساعدونا الله يخليكم
وماسكه ولدها الرضيع وبنتها تبكي جاء وراه مرافق ابوه
:عباس وش جابك؟
عباس:ماكان تركتك تدخل لحالك ودخلوا بسرعه
صاحت وطاحت خشبه اكلتها النيران بطريقها
سلمان بسرعه قرب خذا البنت وشالها وبصوت عالي:جيب الباقين
ما انتبهت له الخوف معميها
عباس بسرعه:يلا يامره اطلعي
روز بسرعه:لا لا ماعلي شيء
دور حوله شاف بطانهي خذاها بسرعه وغطاها خرجهم
يحس بألم مو طبيعي بيده والبنت شايله بيد ومتمسكه برقبته خرج بسرعه جرى جدها وشالها
وباسها
بخروج عباس ومعه روز وولدها راحت على جنب راح ابوها وحضنهم رفع راسه:الحمدلله يارب حمدك وشكرك
جات عينه بعين البنت الصغيرة اللي ابتسمت بخفه له نسختها عيونها العسليه ورموشها الطويلة
ثواني حتى اختفى من الانظار حتى ماتشوفه
قرب منهم:الحمدلله على سلامتكم
ابوها:الله يسلمك كثر خيركم لولاكم كان رحنا فيها
سعود:استغفر الله الفضل كله لله وعينه على البنت اللي واقفه ومعها بنت وولد نظر لها بحقد
استغربت نظراته لفت وجهها مشى وماعطاها أي اهميه
المرافق بصوت عالي:مزرعه سمو الامير سعود تحت تصرفكم..
بعد ساعتين
دخلت هي واختها احدى الفلل بالمزرعه
اختها بأنبهار:ووا كم مساحة هالمزرعه!!
روز جلست وبوهن:اذكري الله بعدين لاتنسين من يكونون شيء طبيعي
جلست قدامها وبعد تردد:يعني لو ما العائلة رفضت والعادة كان صرتي وحده من هالاميرات
قبصتها وبهمس:لا احد يسمعك
رفعت حاجب:ليش الكذب وقفت وقامت تدور حول نفسها كان صرتي اميرة وتحت امرتك
حاشيه من الخدم والحشم وتتمخطر بمشيتها :وينادونك الاميرة روز
ضحكت على هبالها:ههههههههه مجنونة ..بسرعه قربت منها
وجلست عند رجولها:روز انتي ندمانه انك تركتي سلمان؟
سكتت هي بنفسها ماتعرف جواب هالسؤال!!
لكن تعرف ان اللي فرق بينهم هم قبيلتهم ماياخذون من الامراء منع باتا
بأستغراب:وين تولين؟
بالجهه الاخرى من المزرعه
واقف عند البحيرة الصغيرة حس حركة وراه لف عقد حواجبه واستغرب من الطفلة الصغيرة
بشعرها البني الطويل وعيناها العسلي الوسيعه وكأن الزمن مستقصد فيه كل ماحاول يهرب
من واقعه المر الا مايجي عنده قربت منه وقفت جنبه وعينها على البطات ضحكت من اصواتها
:ههههههههه
لا اراديا توسعت ابتسامته انحنى لمستواها مسك يدها:عجبتك؟
هزت راسها ببرآة وعينها على البطات
ولازال على وضعه بعد غرتها عن عيونها حتى ماتضايقها:وش اسمك؟
بدلع:توته
ضحك عليها:هذا دلعك وش اسمك؟
رمشت بعينها:تولين ....بلع ريقه طالعها بحزن هالأسم كان يقولون راح يسمونه بنتهم
لبست عبايتها بسرعه وطلعت تدورها مثل المجنونة:وين بنتي؟
عباس:لاتخافين راح نلقاها
مشت بسرعه لمحتها من بعيد صاحت:تولييييييييييين
وجرت بخوف ..لفوا سوا ناحية الصوت ..تولين بصوت عالي:ماما
قربت منها وقفت مصعوقة !! مذهولة!!
لمعت عيونها وغارت بالدموع تحس كل انش بجسدها يصرخ يتمنى يهرب من هالمواجهه
كانت تتمنى هاللقاء من سنين لكن مو بهالطريقه ..ماكانت تتمنى لقائه وبنتها بحضن الانسان اللي عشقته
وفرقتهم المبادى والعادات
بعدت عنه وجرت عندها:ماما ..تحاول تمسكها قوتها خانتها ولازالت عينها متعلقه فيه بهمس:سلمان!!
بصوت واطي:الحمدلله على سلامتكم لف بيمشي
بسرعه:لا سلمان لاتروح انا مالي ذنب والله وبدموع:احلف لك برأس اغلى ماعندي عيالي مالي ذنب
ماتركتك بطوعي تمسكت فيك لأخر لحظه اجبروني سامحني
ضحك بسخرية وقرب منها وبنبرة غيظ وقهر:اسامحك على ايش ها
انك اختفيتي فجأة حتى بدون ماتودعيني وانك تاركه رساله لمشرفة السكن تودعيني فيها وتعلميني بخطوبتك
وتقولين فيها تمنالي الخير طيب وانا مافكرتي
ضرب صدره بقهر :طيب وهذا مافكرتي فيه وعتب:ماشاف الا انتي من بين كل هالناس
كنت مستعد ارفط بالغالي والرخيص عشانك وانتي اكثر وحده تعرفين لما خيروني بين هالعز والاملاك
كل كلها ترخص عند مواطيك وقفت قدامهم وقلت لا املاككم ولافلوسكم بتساومني عليها
بسخرية:بالنهاية تتركين لي رساله وتقولين لي اتمنى لك الخير بكل هالبجاحه ..تدرين وقتها تمنيت
ان الله لايوفقك ويحرق قلبك مثل ماحرقتي قلبي ..بغصه:لكن ماقدرت ماطاوعني قلبي
سافرت وهجيت مره ثانيه تركت الناس اللي حولي عشان انسى اللي سويتيه ماقدرت بالاخير شوفي الحظ وين رماني
ومن اللي جمعنا مره ثانيه بنتك اللي سميتيها تولين لف وعطاها ظهره :يابنت الناس روحي الله يفرق مابيني وبينك
انتي مره متزوجه وصرتي ام عيال بيمشي
ببكاء:لا سلمان ومسكت يده ببكاء:ابوس رجولك لاتقول كذا والله مو بيدي
ترك يده بهدوء:خلاص ياروز انتي على ذمة رجال صونيه بغيابه
هالكلمة خلتها تتراجع غصبا عنها لورى شالت بنتها لفت وبدموع:صنته بحضوره قبل غيابه لكن ماقدرت
اعطيه اللي عطيتك اياه لأن هذا مات من زمان ومشت
لف على البحيرة ونظره قدام زفر بقوة ومسح وجهه قرب منه وقف جنبه:اللي سويتوه هو الصح
لف وبتألم:تهقى ياعباس ..هز راسه:طبعا انت الف من تتمناك
لف عليه وبتوجع:ومن اللي اتمناها انا
عباس بأبتسامه:لاتخاف الله راح يرزقك اياها وتعوضك
^^^^^^^^^^^^^^^^^^^^^^
واقفه قدام الشباك وعينها على شباك غرفته صار لها ثلاث شهور مظلمة
الورد ذبل..وحروف الرسائل احترقت..لافيروز ولا القيصر
ولا حتى القباني راح يرجعون الايام اللي راحت
نزلت دموعها ورى بعض غمضت عينها
حتى الليل ماراح ينشف دموع الالم والفراق..ولا طوله راح يطوي السهر
بمكان اخر وبأحدى غرف التحقيق
نزل راسه وبصرخه:ماراح تعترف مسك راسه وضربه على الطاولة
نزف انفه رفع راسه:تكلم
بضعف ووهن:ما مااعرف شيء
ونخاف من بكره وماننام وغفلنا انه راح يجي ولانقدر نغير
المكتوب ...لكن احيانا حتى نكمل حياتنا لازم ندوس على مشاعرنا
ونعطي انفسنا درس بالقسوة حتى مانسمح لأنفسنا قبل غيرنا بأن تجرنا
ورى التهلكه !!
\
صبــــاح جديد
دق الباب استغربوا من يدق هالحزه
ناديه بسرعه:انا بفتح ونزلت الدرج
:مين؟
سمعت صوت مره فتحت الباب دخلت المرأة المتحجبه
بنزول سميرة :ياهلا ومسهلا تفضلي
نزلت نظارتها وبأبتسامه:انا الاميرة هيا بنت عبدالعزيز
طالعوا ببعض بسرعه ..سميرة اشرت لها:تفضلي
ابتسمت:زاد فضلك دخلتها مجلس النساء بالدور التحتي
بعد ماضيفتها :اكيد تسألين سبب جيتي ومن اكون؟
كملت:انا حماة عادله اخت زوجها سعود سمعت باللي صار بينك وبينها
بتتكلم قطعتها:انا موجايه هنا اهدد او اقلل من احترامك صدقيني لما سمعت انك قدمتي استقالتك تضايقت كثير
تمنيت ان مانخسر انسانه مثلك لها بصمتها من بعدك حسب معرفتي الامور انخبصت
سميرة :الله فوق
سكتت وبعد مده:يعني اللي صار ورفعت حاجب:اللحين فهمت انا مستعده اخذ حقك وزياده
قاطعتها:مالي رجعه لهذاك المكان ابدا
بدخولها بسرعه:يمه وين عادل؟
لفت عينها عليها ..استغربت من زيارة هالمرأة ومعها ثنتين مرافقات
سميرة:تعالي ندى سلمي على ضيفتنا
توسعت ابتسامتها ووقفت :اجل هاذي ندى
جات ندى سلمت عليها وعلى راسها احترام لها بتبعد مسكتها من ذراعها
وعينها تتفحصها:سمعت عنك كثير معناته انتي البنت اللي مسخرتهم
سميرة نزلت راسها مفتشله كملت بضحكة وهمست بأذنها:بردتي بخاطري
ولفت عليها:انا استأذن
سميرة بسرعه:باقي ماكملتي فنجانك
هيا بضحكة وغمزت لندى:الايام جايه راح نتقابل فيها كثير حبيت اشبع فضولي واشوفك اخيرا
وسامحيني على اللي صار
سميرة:استغفر الله معدنك اصيل حياك الله بأي وقت
هيا:يلا فمان الله وخرجت ومعها مرافقاتها وراحت معها سميرة لعند الباب
سميه:شفتوا اللي شفته؟
ناديه:شفتي طقم الالماس اويلي ماشاء الله
جلست على الكنبه باستغراب من كلامها
ركبت السيارة رفعت جوالها وبضحكة:ابغى البشارة
سعود:الله يبشرك قولي
هيا بضحكة: لقيت له العروس المناسبه
لف وعينه عليه بالشباك جالس لحاله برا انعزل عن الناس والعالم
بهمس:واخيرا
^^^^^^^^^^^^^
دقت الباب مرتين وثلاث صحيح هي مو النوع اللي يطبق الاحترام وتحب تدخل بدفاشه
لكن هالقانون ابدا مو عند سميرة اللي حاطه انظباط وقوانين بالبيت يعني مشيتهم على سنقة عشره
طلت براسها:الحلو فاظي؟
رفعت راسها وصحت من سرحانها بدخولها:ليه مادقيتي الباب؟
ندى بأستهبال:دقيته يافندم بس شكلك مسبهه مو بالدنيا
طيرت عيونها فيها اشرت بيده الثنتين:ابد حلفت عليك عظيم ماتقومين جات عندها شمت ريحة بقرف:ووع وش هالريحه؟
سميرة:تسبحت بمر
طيرت عيونه وساده انفها:يماه مو من جدك احد يتسبح بالمر
سميرة بترقيع:وانتي وش دخلك لفت وجهها بأعراض :اصلا كارهه نفسي ومنقرفه من ريحتي
حست انها تضايقت منها طمرت جنبها وباستها بخدها طالعت فيها بأستغراب:قلت لك ريحتي تقرف
ماسمعت منها باستها بخدها الثاني وبيدها قربت من رقبتها وشمت:الله وش هالريح الزين عود ومسك
لا بالله ريحان وجوري وباستها بخدها
ضحكت ودفتها:بس انحرفتي يابنت
رمشت عينها اكثر من مره:بالله مو انتي امي؟
سميرة برفعة حاجب:طيب
ندى بضحكة:اجل خلصنا وغمزت حلال يلا تعالي ناديه مسويه صينيه بطاطس انما ايه مسكته
سميرة:ليتك تتعلمين وتصيرين زيها..لوت فمها:افا اللحين ما احد فقدك من بينهم الا انا ومارضيت احط بفمي لقمه
الا وانتي قدام عيني يابعد اهلي ابوي انتي
ضحكت من هبالتها ونيستها بالبيت مسكتها وشدتها من يدها:يلا تعالي يلا وخرجوا
شافت السفره مفروشه بالارض وانواع الاكل عليها بأستغراب:الله ليه كل هالأكل؟
سميه ضمتها من ورى:كل عام وانتي بألف وصحه وسلامه يا احلى ام بهالدنيا
دمعت عينها وبذهول:اليوم اللي ولدت فيه؟
ندى بهبال:بالاحرى عيد ميلادك
سميرة بسرعه:بنت ماعندنا غير عيدين الفطر والاضحى
اشرت فمها بالسكوت هزت راسها بيأس منها وجلست معهم ويغرفون لها وندى تحاول تأكلها وتبعد يدها
لين ماحشرت فمها واخذتنا السوالف والضحك بهاذيك اللمه
اما ابوي المسكين جالس لوحده بالغرفه مل من التلفزيون قلب بقنواته وقلب لين ماطفش
وقفله ويفكر اللحين وش قاعدين نسوي بالأخص هي وش قاعده تسوي مبسوطه والا متضايقه
اليوم عيد ميلادها مانسى هالمناسبه مستحيل مايتذكرها تمنى يكون جنبها لكن كانت الظروف اقوى منه!!
دخلت تتسبح او مثل مانقول بعالم الروايات تاخذ شور ههه ومنقرفه من نفسها مجبوره
على هالحاله حتى يروح تأثير السحر اللي انحط لهم
ايييه سحر تفرقه مطمور بالبحر حسب كلام الشيخ لهالسبب امي كانت كل يوم تغتسل
بموية المر لأن كان يظهر بجسمها مخوش ورضوض من غير سبب على انها مصليه وصايمة
لكن بسبب هالسحر كل ماحاولت تتعالج وتنفك عقده تنعقد عقده جديده مو بيدها ابدا
لهالسبب اختارت الخلع مع ان ابوي كان متمسك فيها لأخر لحظه لاتستغربون ابدا من هالكلام
ياما وياما فهالدنيا قصص تشيب الرأس وعلى قولة المثل "من شاف مصيبة غيره تهون عليه مصيبته"
والمد والجزر بهالليلة بالذات** ليلة 13 وصــل اقصاه
والقمر مكتمل في تمامه ممتلئ القرص و في قمة توهجه
وكأنه يحكى عن قصة,حكاية,اسطورة
راح تصير بالأيام الجايه ..بعضهم نائم وغاط بسبات عميق
ومو عارف الايام وش مخبيه له والله اختارهم بمكان غير اللي تمنوه
لحكمته وراح يغيرون الموازيين..
وناس سهرانه تعترض بداخلها على اللي يصير لها ونسيت قوله"وبشر الصابرين"
وناس ياحرام واقفه ورى الجدران كالعاده حتى تلمح ظل امها وتشوف هاذيك اليد
اللي تنرفع وتدعي لها على انه فاعل الخير ..اليد اللي تتمنى تمسكها من جديد
حتى تقوم لكن باقي ياليلى على هالأمنيه انتي بأول الطريق ...
وناس تتهم ناس وتلومها ونست ان اراد الله يقول كن فيكون
وداست على طرف الرحمة من قلبها ونزعتها وصار كل هاجسها وهمها "رد الاعتبار"
وناس لأنها غمضت عينها وكانت مثل الاصم والابكم والادهى من ذلك الاعمى
وكانت تسمع بس دقات قلبها ونسيت اكبر غلط ان مو كل واحد بحياتنا كان من يكون يستحق
الثقه ياترا فاطمه ندمت لما عطت هالناس هالثقه؟
انتهـــى ..بليز ماتحرموني من ردودكم وتقيييييمكم
Like
اسطورة ! غير متواجد حالياً أضافة تقييم إلى اسطورة ! تقرير بمشاركة سيئة