الفصل 2
لحظات هي عندما نتمنى الخلاص من انفسنا
لنجد الدنيا تفتح يديها لأحتضاننا
لكن هل هناك ثمن!!
بعــــــد مرور اسبوع
جالسه تحت الشباك وعينها على زخات المطر رجعت ذاكرتها للأيام اللي راحت
:انتي بخير؟
غصتها العبره وهي تشوف الانسان اللي كان شاريها لأخر لحظة وفضلته على واحد
مايستاهل ظفرها وقفت بسرعه وعينها بالارض
بخوف:اختي ليش خارجه هالوقت مو امان روحي لبيتكم الله يستر عليك
شكلك بنت ناس
نفس مثل ماهو ماتغير من 6 سنوات الانسان الشهم المحترم اللي يفزع للغريب قبل القريب
مشت من جنبه بهدوء وكأنها داخله بمعركه مع الزمن والصمت
:اختي ؟
وقف ولازالت معطيته ظهرها :محتاجه مساعده؟
غمضت عينها غبيه غبيه لو اخترتيه كان ماوصلتي لهالحاله
لــــو!!
تفتح الف باب وباب كملت مشيها وهو مستغرب خروج بنت واضح بالعشرينات من عمرها
بهالوقت المتأخر لما وقف سيارته قدام البيت راجع من الشغل متأخر شده صوت بكاء عالي جدا
ولما التفت شاف بنت بعبايه سوداء معتكفه على نفسها وتبكي
استغرب نظراتها المختلسه هز راسه:الله يستر علي بنات المسلمين
دخلت البيت المخصص لسكنهم الذي يجمع 16 فتيات من اعراق وجنسيات مختلفه ماصحت على نفسها
بوهن بتطلع الدرج
فتح نور الاباجورة:ليلى؟
وقفت بسأم لفت وبضيق:نعم؟
نزل كأس الخبث من يده وقف وبأحتداد:وين كنتي؟
رفعت حاجب وبسخرية:ليش نسيت كنت عند الزبون
قرب منها وبغضب:لاتكذبين علي سألتك سؤال واضح وصريح
وين كنتي وبسخرية:لايكون الامورة اشتاقت لأمها
بغيظ:لاتجيب اسمها على لسانك
رجب بلؤم:اسمعيني ليلى هاذي اخر مره تاخذك رجولك لهذاك المكان
والا والله
قاطعته وبصوت اعلى:والا وش راح تسوي هاا وبنرفزه:ماراح تقدر
وبصوت اعلى:لأني انا هنا اللي مكسبتك ذهب يارجب لاتنسى هالشيء
صحوا البنات على صوتهم طلوا:شو صاير؟
رجب وعينه عليها وبغضب:روحي اندفسوا ونامي انتي وياها اخذ واعطي بالكلام مع توته
قلبت عينها وطلعت الدرج دخلت الغرفه المشتركه معهم فسخت صندلها العالي رمت عبايتها
وجلست على السرير نظرت لهم بقرف"لايكون نسيتي نفسك ياليلى ماتفرقين عنهم بشيء
بس ما اخترتي هالشيء بطوعك "
^^^^^^^^^^^^^^^^^^^^^^^^^^^^^^^^^
((النسيان هو أن تدفن قلبك وأنت على قيد الحياة))
:سلمان سلمان
صحا من سرحانه على صوته
بأستغراب من وجهه المصفر وحاله المتغير من ركبوا الطيارة
:وصلنا ياولدي
قلبه يتقطع اشلاء الا هالمنطقه حلف يمين رجوله ماتوطيها ابدا
وبيكفر عن حلفه
بخوف:سلمان فيك شيء؟
كل اللي يحس ان مو قادر يتنفس قام من مقعده بسرعه نزل سلم الطيارة
واخذ نفس عميق نزل يده لركبته وراسه بالأرض
وقف على سلم الطيارة وبخوف من حاله
بينزل ولده الكبير اشر بيده:اتركوه
رفع راسه ولف نزل من السلم ولحقه خرجوا من مطار الرياض
و ركبوا سيارة السوداء المدرعه والمحصنه ضد الرصاص
ابتسم بداخله"طلع نسختك الثانيه من بين عيالك ياسعود
يمكن لأنه من المره الوحيدة اللي حبيتها من بين حريمك الله يرحمك يامضاوي ويغمد
روحك الجنه من بعدك كرهت المكان اللي جمعنا كل ماوطت رجلي فيه تذكرتك بكل ركن
وزاوية"
:
بمكــــان اخر ....
فتحت الباب بقوة وهي ترتب شرشف سريرها
وحده من البنات:رجب يبغاك ضروري
بقهر اخذت المخده ورمتها بوجهها
شهقت البنت واعتفس شعرها
بنرفزه:ثاني مره دقي الباب قبل ماتدخلين ماينشره عليكم
البنت بغيظ:طيب ياليلى راح اوريك
عدت من جنبها نفظت كتفها:اذا يطلع منك لاتقصرين دفتها ونزلت لتحت
جالس بالصاله يفطر والبنات مستنفرات بأستغراب
:طلبتني؟
توسعت ابتسامته ووقف:توتي شهرزادي اميرتي
رفعت حاجب:ايوه خير ان شاء الله وش مناسبة هالمدح والاخلاق الحلوة
من هالصباح
رجب اشر بيده:اللي صار امس انسيه احنا عيال اليوم تعالي ومسك يدها عطته نظره
رفع ييده واشر انه مايقرب منها جلست على الكرسي
بنهر:يابنت انتي وياها روحوا سووا فطور للحلوة اكيد مافطرتي صح
عين البنات عليها بغيظ
عدلت جلستها واشرت بيدها: كلام حلو عديناه فطور اللحين
وبنص عين:هاتها من الاخر
توسعت ابتسامته:كنت عارف مافي اذكى منك اليوم راح نسوي حفله
ضحكت:ههههه وين الجديد ؟
كتم غيظه :هالمره بتكون غير خاصه
باستغراب:خاصه؟
رجب:راح يزورنا ضيف بس من العيار الثقيل راح توقفون كلكم قدامه
وراح يختار وحده منكم
حست انها رخيصه على الوضع اللي عايشته اشتاط غضبها :والمطلوب؟
اشر لها تهدى:بس توقفين بالصف مع هالبنات دقيقه بس اذا سويتي هالشيء
راح اسمح للمره الاخيرة تزورين امك
حست بفرحه كمل:طبعا اذا وافقتي على كلامي
بأجبار واكراه:موافقه كلها وقفه دقيقه ماراح نخسر شيء وقامت طلعت لغرفتها
لمحت البنات مستنفرين اللي تستشور شعرها واللي تسوي حواجبها واللي محتاره أي لبس
تلبسه ضحكه على خفة عقلهم دخلت غرفتها فاظيه
رمت نفسها على السرير:واخيرا صرت لحالي
^^^^^^^^^^^^^^^^^^^^^^^^^^^^^^^^^
وقفوا قدام بوابة المزرعه الكبيرة او مثل ماتسمى"المنتجع الافريقي"
اللي يطوقها 07 الف شجره وفيها محميات وحديقه حيوانات بريه . غابة الطيور النادرة.
وبحيرات الصغيرة.. ممرات مائية وشلالات..
بها قصور وفلل وسكن عمال ومسجد ومركز طبي ونادي رياضي وترفيهي
نزلوا من السيارة ونزل خلفه بسرعه رجاله وكان بأستقبال العاملين بالمزرعه
صف :الحمدلله على سلامتك
:تو ماتنور المكان
اؤما براسه:الله يسلمكم شلونكم ان شاء الله بخير؟
:عايشين بعد فضلكم طال عمرك
بنهر:الفضل كله لله والحمد له
احد مرافقينه:كل واحد يروح يشوف شغله لاتلتهون يلا اشوف
تفرقوا لف شافه مهموم وعينه على الاشجار
هز راسه بعدم رضا ودخل للقصر
اما هو ففضل يختلي بنفسه ومشى ومشى لحد ماوصل لحظيرة الخيول
ابو جنى المسؤول الاول في المزرعه يشتغل عندهم من 35 سنه
استغرب دخوله القوي بالعاده يسلم عليه هالمره اخذ خيله العربي ابيض اللون الاصيل من السلالات النادرة
وبدأ حروف الشعر تتفجر بداخله
ماكل من ركب الفرس صار خيال...ولاكل من شد السرج صار راعيها
ناس تحسب الخيل متعه ولعب جهال
وناس تحسب الثواني لو صار عاليها
عز السحايب ملهمه لكل رجال..تجرح هبوب الريح والسرج باليها
وانتي يابنت تفننتي بالفرقا وكأنك تظنين من عقبها راح تضيق بي الوسعيه
وجهلتي اني مت من دهر وانتي قريبه
منطلق بسرعه وكأنها بتحدي مع الهواء وخيله تجاريه بالسرعه والقوة
صرخ احد العاملين:انتبه سموك يشتغلون على المنطقه
ماسمع بالاحرى ماعاد يشوف شيء الغضب والقهر معميه
جرى بسرعه العامل لداخل وبهلع:الحق طال عمرك
باستغراب:وش صاير؟
ضحك بسخرية على نفسه
خرجوا بسرعه وبخوف:صار له شيء؟
احد العمال: انتا كويس؟
ضحك بخفه ووقف ويحس بتألم وعينه على خيله الطايح بالحفرة اللي كانت شبه مطموره
مشى بسرعه ويده على قلبه خوف على قطعة روحه
وصل بسرعه وبصوت عالي:سلمااااااان قرب منه
جات عينه الانهزاميه بعينه الممتلئة خوف حضنه بقوة
وشد بيده اللي تكسوها التجاعيد شعره وبهمس بأذنه:ليش تسوي فيني كذا؟
بخنقه وضعف:خذني من هالمكان الله يخليك
بقوة:شد لي حالك الدنيا ماوقفت على بنت الف من تتمناك بعد عنه
مستغرب كمل وبنفس همسه:صحيح اني انشغلت عنكم وبعدت لكن مانسيتكم
واعرف حال كل واحد فيكم مثل معرفتي بأسمي شد لي حالك لاتخلي هالناس تتكلم فيك
ماخبرتك ياولد سعود بهالضعف
بقلة حيله:جيت برجولي لديرة اللي طوقتني بالموت وانا حي احرقت قلبي
قرب اخوه الكبير وعينه على يده اللي طايحه مسكه حس بتوجع
زفر:لايكون فيها كسر تعال معي
نفظ يده بغيظ:سلمان
اشر ابوه:استدعي الطبيب بيعارضه عطاه نظره سكتته
وعينه على الخيل:استدعوا طبيب بيطري راح يطير عقلي منكم والله
الاول هايت لي بلندن من 7 سنوات مو قادر يجيب شهادة والثاني مسوي لي عنتر زمانه
ويبغى يذبح نفسه وبصوت عالي:رحمتك يارب هاللي بقوله
مسكه من كتفه ومشوا وعينه عليه اول مره يشوفه بهالحاله
:
رجب بفرحه ويأشر بيده :تفضل تفضلوا
مشى بخطوات ثابته وخلفه رجالان ضخام البنية ومرافق بأواخر عمره
بضحكة:نورتوا
اؤما براسه
اشر بيده:نص دقيقة ويكونوا البنات تحت تصرفك وطلع الدرج بسرعه
دخل عليهم ضرب خده:باقي ماخلصتوا الله ياخذ عمركم
وحده من البنات:شوي رجب
جاء لكزها من يدها:امشي قدامي اشوف وبأستغراب
وينها ليلى؟
واقفه بالمطبخ التحضيري المصمم على الطريقه الامريكيه تشرب عصير
وعينها عليه وعلى اللي معه مشبهه عليه بس مو عارفه وين شافته تركت الكأس اخذت قماش الشيفون الاحمر وتلثمت به
وجزء كبير من شعرها ظاهر مشت بأرتكاز بفستانها الاحمر الناري المطرز بخرز خفيف
على جوانبه
مشت من قدامهم التقت عينه بعينها قلبت عينها طلعت الدرج ويده متمسكه بحوافه
صادفت رجب اللي استغرب من وجودها رفع حاجب واشر بيده تلف ووراه طابور من البنات
تتفاوت اعمارهم اصغرهم 14 سنه واكبرهم 33 سنه
مسكت بيدها طرف فستانها ونزلت مكرهه وواضح عليها
صفوا جنب بعض وهي بعيده عنهم
جالس على الكنبه المنفرده جلديه سوداء اللون ويلعب بيده المسبحه واشر بيده يبدأ
ضحكت بخفيف بين المكان اللي عمه الهدوء
رفع حاجب بأستنكار قرب منها رجب بيشيل اللثام كانت يدها اقرب ومنعته
وحده من البنات قربت له فواكه ومكسرات وشراب بعدها وبنهر:ما اشرب
ضحكت بسخرية لف بهدوء وبصوت رجولي ضخين اهتزت منه
جسار بغضب:كأنا يارجب مو قد المقام
رجب بسرعه:استغفر الله واشر للبنات اشتغلت اغنية وبدأت كل وحده تخرج مواهبها بالاحرى تنافسها
واقفه ومكتفه يدها لكزها بغيظ:ماراح ارقص لواحد مايستاهل
رجب بسخريه:انا مو قاعد اطلب منك آمرك بسرعه ودفها بينهم
توازنت لفت عليه بحقد اشر لها ترقص
بعدت اخر وحده وتتمايل بهدوء ودخلت بينهم بالوسط وصارت بالمقدمه
يطقطق بأصابعه على الكنبه لفت وعطته ظهرها وتحرك كتفها بسرعه وقف وسحب الشال
لفها بقوة ومسكها من زندها وبغيظ:الحقيني
اللحين قدرت تميز تقاسيم هالوجه ماغيره اللي اصطدمت فيه بالفله ويكون ولد
اللي راحت له تظاهرت بالقوة وهي مثل الريشه بلحظه بتطير بالهواء وتختفي
بأبتسامه سخرية:كان قلبي حاس انك راح تجيني بنفسك
وراح تاخذ دورك
غمض عينه يحس عروق دماغه راح تتفجر بأي لحظه
قبط حواجبه وقرب منها ونفسه يحرق نفسها:ابوي مات بسكتة قلبيه من بعدت ماطلعتي
طاح علينا وبهمس:تدرين ليش؟
وهمس بأذنها:من المنشطات اللي خذاها معك وبعد عنها
طلعت عينها بذهول وبكره:حده جهنم وش اسوي له اطبطب عليك مثلا
ماقدر يتحمل اكثر حط يده ورى رقبتها وشدها لوجهه مايفصلهم شيء
وبغيظ:ليلى آآه ليلى تدرين بسببك شتتي عائلة بكامله ويتمتي بنات ماتجاوزت اعمارهم
13 سنه دفها بعنف
:رجب جهزها لي
لفت بسرعه بتعترض كمل:راح تكون ملكي من يوم ورايح
ضحكت:هههههههههههههه قربت منه وبتهور اخذت السبحه من يده ولعبت فيها
جلست على الكرسي اخذت تفاحة واكلتها وبدلع:رجب
قول له انا غلط بالعنوان هذا مو سوق حراج او رق عبوديه
واكلت التفاحه فاتح فمه مو مستوعب ردها بالاحرى جرائتها
قربت منه وبجرأة حطت جزء التفاحه اللي اكلت منها بفمه وحشرتها
وبهمس بأذنه:الله يرحم موتانا ومواتكم خاتمة الاحزان ان شاء الله
بعدت عنه مسافة وغمزت طلعت الدرج بهدوء
صرخ بحده:ليــــــــلى !!
وقفت لفت وارسلت له بوسه بالهواء وكملت مشيها
خرج بسرعه مثل الريح ووراه مرافقينه بعدت الستارة وطلت من الشباك
فاتح باب سيارته بيركب شافها واقفه لوحت له بكل برود
قرب من جهة الشباك وبغيظ فرط المسبحه بيده وانتثرت حباتها على الارض وعينها عليها
قفلت الستاره بسرعه سندت ظهرها عليها عقدت حواجبها بهلع
لتعلن تلك الحبات عن اشارة البداية للشرارة الاولـــــى...
:
فتح الباب جات عينها بعينه بالمراية لفت وجهها وكملت مكياجها بعدم اهتمام
بعصبيه:صاير انا والجدار واحد في هالبيت ماكأني زوجك لي حقوق عليك
سكرت علبة البلشر بقوة لفت وببرود:والمطلوب مني؟
ضرب يده بالطاولة طاحت الفازة وانكسرت
ضحكت بخفه:كم راح تكسر بعد عشان اخذ احتياطاتي
وقف قرب منها بيرفع يده يصفقها كف كانت اقرب مسكتها وبغيظ:انا ماعاد اقدر اتحملك
زياده اطلع برا من بيتي
طالع فيها بصدمه ترك يده بسخرية:تطرديني ياسميرة
لفت وجهها واخذت عبايتها لبستها قبل ماتطلع لفت:انا مو بحاجتك ولا بحاجة لأحد
الحمدلله وظيفتي تحت رجلي بيت بأٍسمي وعندي حساب بالبنك يالله لك الحمد يكفيني ويكفي بناتي
روح ياخالد لاتعذبني وتعذب نفسك اساسا من 7 سنوات عايشين مع بعض مثل الاخوان
اخذت شنطتها وخرجت
جالسين يسولفون مع اختهم الكبيرة وبيدها بنتها الرضيعه
عقدت حواجبها:انتي متى جيتي؟
جات عينها على الشناط
زفرت بضيق:كأني ناقصه هم زياده حطي ببالك لا رجعت من الحفل راح افهم كل السالفه
واتمنى ماتكون مثل دائما تافهه ماراح تلومين الا نفسك انتي فزي
اشرت على نفسها:انا ؟
رفعت حاجب:ايه انتي بسرعه البسي راح تروحين معي الحفل
ناديه بقهر:ليش تروح انا طلبتك قبلها
عطتها نظرة سكتتها فزت بسرعه ندى
بعد نص ساعه
بملل :ندى اووف رحمتك يارب
نزلت وتلبس عبايتها :يلا جيت راح اجيب الصواني والحقك
خرجت ركبت مع سواقها اللي يوديها دوامها بالصباح
لحقتها ومشوا
دخلوا قاعة حفل الطبق الخيري العائد ارباحه لسوريا
اخذت منهم عاملة فلبينيه الطبق واشرت لهم بالدخول
سميرة:راح اسوي شعري اسبقيني انتي هزت راسها فسخت عبايتها
عدلت شعرها القصير لحد كتوفها دخلت بهدوء واعين الكل توجهت لها لصغر سنها الوحيدة اللي حاضره
شهقت بخفه ونزلت لمستواها:شوفي هالبنت اللي قلت شفناها بالزواج
ابتسمت:اللي قلتوا عنها الصغيرة وكذبت عليكم امها
بتتكلم لكزتها الاولى:هي بذاتها
عادله بأعجاب:ماشيء حالها بس كأنكم بالغتوا
الاولى وعينها عليها:لو قربتي منها وشفتي ملامحها راح يتغير كلامك
قامت عادله:نشوفها ماورانا شيء استغربوا
مشت ناحيتها وهي تلعب باصابعها كأس الموية الزجاجي الفارغ
تقدموا ناحيتها الثانيه:احمم
رفعت راسها وبضحكه:هذا انتم لاتقولون باقي مالقيتوا له ولفت براسها
وبسخرية:هالمره مافي بنات موزز يلا العوض المره الجايه
تنرفزت من كلامها :ليش طايح من عينك هالأمير
قربت راسها وبضحكة بخفه:بيني وبينك تقريبا اجل مالقوا له بنت لهاللحظه
وضحكت بخفه
الثانيه ماقدرت تمسك نفسها:سموك هاذي نفسها البنت اللي عرضت نفسها بكل وقاحه
كذبت عليك هند
ابتسمت بسخرية:اجل هاذي انتي؟
سمعت كلمة سموك والا ماسمعتها مغصها بطنها تحاول تتظاهر بالقوة
بصوت عالي :وانا مايشرفني ازوج ولدي لوحده تعرض نفسها بكل وقاحه
مين فيه عيب وقصور هالمره ولاترفعين راسك كثير فوق لأن مصيره ينكسر وارضي بالقليل
لأنك ماتستحقين الا هو ههه خذي من مستواك اذا قبلوا فيك
بعدت عنها ومشت مع مرافقاتها
جات امها حطت شنطتها على الطاولة لاحظت وجهها تغير ومصفر منزله راسها
بأستغراب:ندى فيك شيء؟
قامت بسرعه وخرجت وتبكي لفت بتروح لها شافت الحريم اللي يضحكون عليها
خرجت لها شافتها جالسه على الكرسي منزله راسها وتبكي قربت منها وجلست جنبها
:ندى رفعت راسها ورمت نفسها على صدرها وتبكي
بخوف:ندى وش صاير لك تركتك مافيك شيء علميني رفعت راسها
وثبتت وجهها بيدها:علميني احد ضايقك قالك شيء
غصت من بين دموعها وقالت لها على اللي صار
قامت وبنهر:قومي ماسمعت مسكتها من يدها بقوة وسحبتها
دخلت القاعه توجهت لطاولتهم الخاصه وقفت قدامهم
وبأحترام:اظن صار بينك وبين بنتي سوء اختلاف
بنظرة مسحتها من فوق لتحت:بنتك اجل هاذي تربيتك؟
يقولون كل شيء الا تربية لبناتها :لو سمحتي امسكي حدودك تربيتي يشهد لها الغريب قبل القريب
مو منتظره وحده تجي تتكلم عن تربيتي انا ماربيت وكبرت وعلمت حتى تجي وحده مثلك
تعلمني شلون اربي بناتي
بغيظ:لمي لسانك يامره انتي مو عارفه تتكلمين مع من انا الاميرة عادله ...
بقوة ثبت يدها على الطاولة:وانا سميرة .... مديرة اشراف التعليم وام ل 5 بنات وولد
مافي اخلق واطهر واجمل منهم مو بحاجة لأعرفك عن نفسي الكل بهالمكان يعرف من سميرة
لكن مع احترامي انتي من تكونين بعمري ماسمعت بأسمك عن اذنك مسكت يد ندى وشدتها
اخذت اغراضها وخرجت
وندى ماسكه ضحكتها ماندري ليه بس امها بردت خاطرها كان ودها ترد لكن خافت الذله بنت حلال
ما احلاها ترد على اميرة من عائلة ...
اما الاخرى
مصدومه!! مذهوله!! متعجبه
بعمرها بحياتها ما احد تجرأ وكلمها بهالطريقه رفعت عينها الكل يبتسم بشماته بخفه لما شافوها
نزلوا عينهم
بالسيارة بتتكلم اشرت بيدها وبعصبيه:مو وقته ياندى مو وقته
وصوا البيت نزلت امها قبلها بتنزل الا حست بحصاة صغيرة رمت على كتفها رفعت راسها
على الشباك توسعت ابتسامته ورمى وردة حمراء ورساله بسرعه انحنت وخذتها
خبتها بشنطتها ودخلت لغرفتها سيده قفلت على نفسها الباب رمت شيلتها"طرحتها"
بأهمال جلست على السرير فتحت الرساله وبدأت تقرأ بين سطورها
على بالي طريت وكيف ماتطري على بالي …؟
وأنا اللي مستحـــــيل أنساك في حلك….وترحالك !
ترى ماكل شخـــــــص أستقبله وأشرح له أحوالي …
ولاكل البشر عندي مثل قدرك …ومنزلتك..
احبــــك
ابتسمت بخفه ضمت الورقة لصدرها قامت بسرعه فتحت الشباك شافته واقف يلوح بيده
سكرته بسرعه مبتسمه وحمر خدودها مسكتها حست بحرارتها ضحكت على جنونها اللي راح يوديها
في ستين الف داهيه لكن هذا "ثامر" صديق الطفولة كبرت معاه تتذكر لما كانت ترجع من الروضه
وكان يستقبلها ومعه حلويات ويدافع عنها بالشارع كل شيء الا ندى خط احمر
سافر امريكا وتغرب 4 سنوات هالمره رجع من اسبوع وبعد شهر راح تتم خطوبتهم
ابتسم على خجلها كل شهر وراح تصير من نصيبه اذا ربي اراد
انسدح على السرير مبتسم
دق الباب اربكها بسرعه رفعت شرشف سريرها طلعت الصندوق البني الخشبي
وبربكه:يل ايلا جايه دخلت الرساله مع بقية الرسائل سكرته ودخلته مكانه وبسرعه فتحت الباب
بلعت ريقها لما شافت امها واقفه باستغراب:ليش ساعه لين ماتفتحين؟
بكذب:كنت اغير ملابسي ...لازالت عينها عليها لاحظت ربكتها:بس اشوف باقي بملابسك
فتحت فمها بفهاوة:هاا لا كنت راح البس
تعدتها دخلت الغرفه راحت لجهة الشباك باعدت الستاره ..دب الخوف بقلبها لايكون واقف وتشوفه
عينها عليه يحوس بالغرفه ولازال نظرها عليه:صار لازم تغيرين هالغرفه كشف بتلف لمحت الصندوق
جزء منه خارج لفت راسها وبأهتمام:شفتي اللي سويته اليوم ؟
هزت راسها وعينها على الارض كانت امها تفرض احترامها وقوة شخصيتها عمليه درجه اولى
ماتفوتها شارده ولا وارده كملت:ماراح اتعمق لكن ابغاك تعرفين ثقتي فيكم عمياء واعرف مستحيل
وحده منكم تحط نفسها او تحطني بموقف محرج او تخلي سيرتها على كل لسان قربت منها حطت يدها
على كتفها وبقوة:البنت مثل المراية لاتكسرت مافيه شيء يرجعها مثل الاول مهما ترقعت
ومثل عود الكبريت اما يشعل نار ويستفيد منه او يحرق
مسحت على خدها وبحب
:يمكن انا شديدة معكم لكن كل هذا لمصلحتكم مافي احد بهالدنيا يحبكم ويخاف عليكم مثلي
كلها شهر وراح تصير خطوبتك وبعدها بكم شهر راح تطلعين من هالمكان عروس دائما ادعي
ربي انه يسعدكم وين مارحتوا تركتها وخرجت من الغرفه وقفلت الباب وراها
لازالت واقفه مكانها وبعدم تصديق للكلام اللي سمعته ماكان عبث كانت تلمح
معقوله عرفت عنها؟
هزت راسها :لا مستحيل
ودخلت بدوامة الشك
ضربت رجلها بالارض دخلت يدها بين منابت شعرها:اووف
:
اليـــــوم الثـــاني
منتشـــي انا من علقمة العشق..
اخبروها ان الحروف قليلة بوصف حقي من بعدها..
اخبروها انني امتلكت كل شيء الا امتلاكها؟
اخبروها انني لازالت على ذكراها ولم تفيدني الغربة بل قيدتني بطوق الاشتياق!!
بيده المجبره جالس على الكبوت قدام بوابة المزرعه ومعه مرافق خاص بوالده اللي رفض
يتركه بهالحاله نزل نظارته الشمسيه وعينه على البوابة
وبعد ساعات من الانتظار فتحت ابوابها ودخلت سيارة اودي بيضاء
مرت من جانبه ..
بنزول فتاة بأواخر العشرينات من عمرها وبيدها طفله عمرها ثلاث سنوات
وطفل مع الخادمه عمره 7 اشهر لف ظهره بسرعه لاتشوفه
والبوابة لاتزال مفتوحه ابتسمت وتشيل ولدها لفت وبشك وهمس:سلمان
اختها:روز وين رايحه؟
عطتها بسرعه:هو ماغيره شوفيه بتروح له مسكتها من يدها
:ابوي وزوجك داخل نفظت يدها بيسكر البوابة الحارس صاحت:وقف ياعم
خرجت بلهثه اختفى من المكان بضعف:صرت اتخيلك بكل مكان ياسلمان لفت ودخلت
ولا تعلم بتلك الأعين التي كانت تراقبها من خلف الاشجار ..اعين عشقتها
وتجرعت علقمة الحب واكتوت بنيرانه وسهرت فقط لها!!
عض على يده بقهر ودموعه تنزل على خده لبس نظارته بسرعه حتى لايشوفه احد بهالحاله
لأن في موطننا بكاء الرجال (عيب) ونقص برجولته ونسينا بالاحرى تناسينا انهم
بالنهاية بشر يشعرون ويتألمون ولكن من يفهم؟
:
دفت الباب بقوة برجلها ودخلت بالصينية
انفجعت وفزت وبنفخه:خيررر وش هالدخله؟
ناديه بأبتسامة:سويت مكرونه ايتاليه
مطت اذنها ناحيتها وبسخرية:نعم ايتاليه من متى اسمها ايتاليه
ناديه بدلع رباني:ندى سويت لك معي مكرونه وتسوين فيني كذا ولا كأني اكبر منك
تخصرت:اخلصي من الاخر هالخدمات مو لله
ناديه بضحكة:ابغى جوالك ماعندي رصيد
ضحكت بسخرية:هههههههه ياحبيبتي شايفتني بنت العساف والا الوليد بن طلال
وبرفعة حاجب:من تبغين تكلمين هالحزه؟
ناديه برفعة حاجب:مالك دخل لاكثر خيرك واخذت الصينيه
بتطلع جرت لها ندى وبطنها يطلع اصوات من الجوع:للحظه خلينا نتفاهم
ناديه بثقل:رجاءا بعدي
بتاخذ الصينيه منها بقوة مسكتها ناديه بصيحه:اتركيها
ندى بمسكنه:تكفيين جوعانه ..سحبتها منها:هاتيها
طاحت بالارض وانتثرت
ندى بلعانه:احسن تعبك راح يامسكينه
ناديه ببرود:عادي تحسبيني زوله زيك عاجزه اروح اسوي لي اكل القدر مليان
اهم شيء ماكليتها دفتها بتسكر الباب دفته
ماقدرت تتحمل تهجمت عليها صاحت ناديه بأعلى صوتها:آآآآآآآآآآآ يمااه
سدحتها بالارض وطاحت فيها تشويت
طلعت اختها سميه وبصيحه:راح تذبحينها
طلعت شياطينها صاحت:والله لو ماتبعدين ان تلحقينها وطمرت فوقها
ماحست الا باليد اللي شالته ودفتها ..ناديه ببكاء وتعدل شعرها:مجنونة مريضه نفسيا الله لايبلانا
ماسكتها ببتهجم عليها وبعصبيه:لاتحديني اتوطى بطنك يابنت الشوارع
طلعت عينها من كلمتها وبعصبيه:عيال انتوا صح؟ وش هالكلام السوقي
من هي بنت الشوارع؟
زفرت بعدم اهتمام:شوفوا انا كافيه خيري وشري بنتك جات لعندي برجولها
ناديه بصوت عالي:بالله ..قاطعتهم بصرخه:بسسسسسس
مافي احترام لي ولاكأني واقفه ناديه روحي اكلي اخواتك وانتي وقربت منها وتأشر بيده:هالكلام
اذا سمعته مره ثانيه ماتلومين الا نفسك سمعتي
متخصره بعدت يدها:وقفي زين وكلميني سمعتي
ندى برضوخ:سمعت والله سمعت كل شيء يحطونه فوق راسي بهالبيت ودخلت غرفتها
:
مكان اخر وليس ببعيد
نزلت من الدرج شافته جالس ويشرب سكران قربت منه
وبهمس:رجب
رفع راسه وضحك:ههههه ليلى
بقرف من ريحته:كنت ابغى اسألك عن حاجه
اشر بيده برنحه:قولي
تشجعت وبعد تردد:الشخص اللي كان عندنا وسوينا له حفله خاصه من يكون؟
ضحك بقوة:هههههههههههههههههههه� �ههها ي يابنت انتي تستهبلين احد مايعرف
الامير جسار بن .... لواء ركن بوزارة الدفاع والطيران
طلعت عينها وجمدت مكانها
:
مكان ليس ببعيد..
جالسه لحالها بضيق فتح الباب وطل براسه:ندى
ابتسمت بخفه:تعال حبيبي تعال ..قرب منها وغصب طلع السرير المرتفع
وبعبوس:ليش تبكين ويمسح بيده الصغيرة دموعها باست خده
:ما ابكي وين ماما؟
عادل بتأتأه بسبب صعوبة النطق عنده بعد موقف صار له:ععع عند ججده
بسرعه:طيب تعشيت ..هز راسه الوحيد لاشافاته ترحمه ماتعرف ليش
نزلت من السرير مسكت يده:يلا تعال نروح نسوي لك عشاء عشان تنام
:
كمل ويشرب:انسان جدي ونفوذه قووويه بعد واللي يوقف قدامه لازم يتحمل اللي يصير له
اولا لأنه من عائلة المالكه ثانيا لأنه جسار رجل قوي وجريء المسكين تاثر بموت ابوه
جلست على الكرسي وبأستفسار:ليش هو وحيد ابوه؟
هز راسه بأيجاب:الوحيد والباقين حسب معرفتي بنات بس كان متعلق فيه كثير
لف ناحيتها:ليش كل هالاسئلة؟
بسرعه:ولاشيء وقامت دخلت المطبخ اخذت كأس وصبت لها مويه شربته دفعه وحده
وتناثر عليها غصت :كححح كحح مسكت صدرها وعينها على الارض للحظة تذكرت حبات المسبحه
ونظراته لها رفعت عينها قدام وكأنها بأستعداد لتلقي هجمه لكن راح ترتد اولا؟
بجهه اخرى
يتقلب ماجاه نوم قام خرج من جناحه المفصول عن القصر مسافه كبيرة
فتح مكتب ابوه دخل فتح النور جات عينه على اركان الغرفه سكر الباب ودخل جلس على كرسيه
فتح الدرج الاول خرج المسدس من قطعة القماش فرغ طلقاته وبقت طلقه وحده رفع عينه قدام
عشق المسدس ودخله بالدرج وقف بيخرج وقف ولف وعينه تمسح المكان نظرة اخيرة قبل ماينتقلون
من هالقصر اللي صار مثل الاشباح قفل الباب لتكون اخر مره يوادع فيها ذكراه
وتتقفل بداخله الرحمه وتسكن الضغينه محلها...
هالبارت لعيوون الجميله "دنيتي" من تقدم لتقدم يارب..
لاتحرموني من ردودكم "مـــس ميلانو"
Like
اسطورة ! غير متواجد حالياً أضافة تقييم إلى اسطورة ! تقرير بمشاركة سيئة