الفصل 12
السلام عليكم ورحمه الله وبركاته ..
استغفر الله ** استغفر الله ** استغفر الله**
ملاحظة : المقطع الي خليت ياسر فيه يتكلم .. كان غلطه بدون قصد .. اتمنى تسامحوني على هالشيء ..
#**#**#**#**#
شاف ساعت يده وتافف : ياااربي تاخرت .. الحين تهاوشني
وقف لمن شاف الطريييق مسدود < ممنوع العبور ..
متعب : يااااربي وقتهم ذولي يسدون الطريق ..
شاف الحاره والممرات الضيقه .. قال بقههر وهو يضرب الدركسون : حلو.. في الوقت المناسب ..!!
وصار يمشيء ويحذر لا يخدش السياره مافيه حييل يجب قيمت تصليحها .. يلا الراتب الي بيجيبه يكفي اجار البيت .. الي بياخذونه
توقف فجاه لمن شاف مجمووعه شباب يضربون شايب .. ومتجمعين حولينه ..
لا شعوريا انطلق من السياره وراح لهم بسرعه وهو يسب فيهم ويصارخ ..
لفو كلهم علييه : خيير ؟؟ نعم وشتبي ..؟ مين ذاا ؟!!
واقرب واحد بوجهه عطاه بكس بس مامداه يطيح الرجال لان في واحد من خلفه مسكه بقوووه لف ونصدم من الرجال الضخمم والمعضل .. وهو يمسك يدينه ..
وصارو الشباب يضربون متعب بكل وحشيه وبدون رحمه ..
الشباب وهم يبعدون عنه وهو منزل راسه ويحس انه تكسسر ولا بقي غضم سليم : هه خلي الشجاعه تنفعك .. هههههههه
وصارو يضحكون عليه وعلى الشايب الي مرمي على الارض
ابعد عنه الرجال المعضل وطاح على الارض بشكل مالم ..
واحد من الشباب : يلا شباب خلونا نروح .. خلاص تعلمو الدرس هههههههههه
ضحكو كلهم وواحد من الشباب ضرب الشايب على راسه برجله وهو يضحك بستحقار ... وراكبو السياره وفحطوو ..
بلع غصته ورفع راسه بصعووبه ونصدم لمن شاف الشايب.... ؟؟!!
#**#**#**#**#
امل وهي تتكي على النافذه وبعد نهده قالت : ايلاف .. ا.. انا احب او كنت احب راكان .. بس هوا لين اليوم مايدري بهشيء ..
كنت ياايلاف اكتب كل شيء اشوفه يسويه بمذكره معي .. وليوم من لاايام نسيت اخبيها .. والله مدري كيف نسييت بس العنود الحقيره شافتها .. وكانت ذاك اليوم منقهره مني .. لان امها كثيير خصمتها ... انا ايش دخلني في امها مادري ..
وسكتت ماقدرت تكمل لان العبره خنقتها ..
ايلاف وهي تحط يدينها على كتف امل : امول حبيبتي في غيره واحسسن منه .. وخليها تتهنى فيه .. يعلها الماحي ماتستاهل زعلك
امل بقهر من اعمااق قلبها : بس هي ماتحبه يا ايلاف .. ذا الي قهرننني بس تمثل علييه .. تمثل انها تحبه عشان تقهرني .. عشان تمووتني حسره .. كنت اشوف بعيونها الضحك وواضح انها تــــمثل .. بس الغبي راكان صدقهااا .. والحين يحبهااا .. لا وبعد يمكن من قبل ماتمثل كان يحبها وينتظرها تجي وتقول له احبك ... وهي راحت لهه .. احس كاني اراقب اثنين يحبون بعض .. ماحب هشعور يا ايلاف ..( حطت يدينها على راسهاا) ماااحبه مااحبه ..كل ماحس بهشي اموووت كل لحضه
ايلاف بجديه : دامها ماتحبه اصحك تسيبينه لهاا .. انتبهي يا امل انتبهي تتركيه لها بهل بساطه .. داافعي عن حببك ولو مره .. خليها تعرف حدودهاا
امل وهي تغطي وجهاا وصااارت تبكي بصوت عاالي ونهاارت على حضن ايلاف : بسس فااات الاوااان وصاارت تحبه بجد .. الي اشوفه الحين حب حقيقي بينهــم .. وراكان مو متقبلني حتى عشان اخطف حبه منه .. خلاااص ابي انسااه ابي امسحه .. لييش ماقدر اشوفه مثل أي واحد .. لييش اتعذب عشان واحد زينه .. اههئ ساعديني ايلاف ساعديني
حضنتها بقوووه وقالت بهمسس : اذا تبين تنسيه حــبي غــيره ...!!
#**#**#**#**#
دخلو المجلس .. عماد وهو يحرك يدينه : خيير وش تبوون
راكان : طيب اجلس ..
جلس عماد وياسر ومشعل ..
وجلسو راكان وطلال قدامهم ..
مشعل بستغراب : أي تكلمو نسمعكم
طلال وهو يشبك يدينه ببعض : احنا نبي ننتقم من ذا الي اسمه رعد ...
مشعل وعماد : وشـــوو ؟!
#**#**#**#**#
انحنت حواجبه بحزن وهو يشوف الشايب شعره كله ابيض .. وعروقه طالعه من الضعف ... وجسمه كله يرتجف ..وينزف من جشمه وراسه
قام بصعوووبه وهو يحرج برجله .. جلس عنده ومسك كتفه وبدا يحركه : تقدر تساعدني لين اقومك
حرك راسه الشايب وبدا متعب يرفعه عن الارض .. وجلسه على الرصيف .. والشايب ماوقف كح ..
قام متعب بسرعه ودخل السياره وطلع علبه مناديل .. وراح عند الرجال وصار يمسح الدم الي خرج منه ..
ضغط بالمنديل على راسه ( عشان يوقف نزيف ) : كيفك الحين احسن ؟؟
الشايب بصووت خشن : أي الحمدالله احسن
لف عليه وصار يناظر فيه .. وقال بحيره : انت مين ؟؟ مين فين جيت ؟؟ وليه ساعدتني
ابتسم من بين وجعه وقال : ربي جابني اساعدك
نزل راسه وهو يبتسم وحط يده على فخذ متعب : مشكور ياولدي .. لو ماجيت ماكان تركوني بحالي ..
متعب عقد حواجبه وبستغراب : ليه انت وش سويت لهمم ؟؟ اذيتهم بشيء ؟؟
العجوز : لا والله ياولدي بس لاني رفضتهم .. سوو فيني كذا ؟!!
متعب بستغراب اكثرر وهو يناظر للعجوز الي ماحكم عليه غير انه افقر منه
لمن شاف علامات الاستفهام على وجهه ابتسم اكثر وقال : مشكله ياولدي ونحلت الحمدالله .. بس والله مااعرف كيف اشكرك .. ياليت بيدي اسوي شيء اعبر لك عن امتناني لك ..
ضحك متعب وقال وهو يقوم : لا وش دعوا ماسويت غير الواجب .. ابي سلامتك .. ويلا قوم خلني اوصلك بيتك ..
الشايب وهو يقوم مبساعده متعب : والله كبرت وشيبت وشكلي بموت .. معاد اقدر اتحرك ياولدي ربك يعين
متعب وهو يبتسم ويمزح : اووو انت بعز شبابك .. لا تتشائم على نفسك .. يلا انا معك ماله داعي تقول هلكلام
ابتسم الشايب من كلام متعب حبه هل ولد ودخل قلبه على طوول يمتنى يسوي شيء له يعوضك على الي سواه له .
ركب السياره جمب متعب .. وحرك متعب السياره وهو يقول بقلبه " لا والله اليوم شكلي بنفصل "
#**#**#**#**#
كانت تحرك رجلها بدون شعوور وماسكه الملافات حول يدينها : ووييين رااحح هلولد .. على باله نعطيه راتب على الفاضي .. لازم يلتزم بمواعيده... وش ذا ااووف
ناظرت ساعه يدها ولفت على صوت فارس : هلا برسامه
ابتسم وهي تقول : هلا فروس .. كيفك اليوم
فارس وهو يحط يده على راسه ويمسك الضماد : لا الحمدالله اليوم احسن
رغد : زين .. وبطل هواش كنك بزر
فارس وهو يطلع مفتاح سيارته : لا احلفي .. تعالي علميني بعد
رغد وهي تمسك ضحكتها : عادي اعلمك وش فيها
فك السياره وناظرها بستغراب : ليه للحين مارحتي ؟؟
رغد تذكرت وختفت ابتسامتها وبقهر : حضرت السواق متعب ماجا .. والله لو ان ماله حتى اسبوع ولا كان طردته ..
ضحك فارس وقال : اركبي معي انا اوصلك ..
رغد فرحت وراحت بسرعه وركب : يلااا يلاا بسررعه تاخررت .. اليوم لازم اعطيهم رسماااتي عشان يحطونها بالعرض .. بسررعه بسسررعهه فرووس
فارس عصب : اقول اهجدي لا انزلك .. ترى ماحب الحنه
رغد حطت يدها على خدها : أي صرنا بسيارتك تحكم فيناا عاد ..
ضحك وحرك الفراممل ...
في مــكان ثأآني .. بسيــــآره متعب
لف عليه وقال : وين تبيني اوصلك عمي .. وين بيتك ؟؟
العجوز .. وهو يناظر للكراسه الي حاطه على الرف قدام الدركسون وعلى جهه متعب : هااه .. أي انا ابيك توصلني .. لمعهد .. بس
لف عليه بسرعه وهو يناظر بصدمه ( أي معاهد واي خرابيط .. ذا شكل واحد يروح معاهد .. والله ضنيت ماعنده بيت حتى ) : معهد أي معهد يا عمي ؟؟؟
العجوز وعيونه لسا مصوبه على الكراسه المتوسطه الحجم : معهد رســم .. بوصف لك الطريق الحين..
متعب توسعت عيونه اكثر ونسي الطريق وصار يناظر للعجوز ..
العجوز حس بنظراته وستغرب منها ولف يناظر للطريق وقال بصوت عالي شوي : انتبــــه بننصدم
Like
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 06-12-13, 01:09 PM #19
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
#**#**#**#**#
رفعت راسها بسررعه وهي موسعه عيونها وفاتحه شوي من فمها : و .. وش وش قلتي ؟؟؟؟ احبب ... احب غيير راكان ...
ايلاف بصرامه : أي حبي غييره .. مو هو مايحبك .. وش تنتظرين .. لمتى تبين تضلي تتالمي .. خلاص دامه ناسيك ولا يفكر فيك انسيه ..
كلامها جا على الوتر الحساس عند امل .. ضلت سااكته وكنها تفكر بكلام ايلاف .. صح يجرح كثيير بس هو الكلام الي كانت تنتظره ..
قالت بعد نهده وتفكير : أي ... انا لازم انسسسااااه .. مو بس انساه لازم احب غييره .. وبيجي هل انسان الي بحبه
ايلاف ضحكت من قلب ماتحب تشوف امل حزينه وضمت امل بقووه : واخيراااا ... والله فرحت لك من قلببيي...
امل بعدت عنها وقالت بعد سكوت وهي تناظر لـ ايلاف بنظره شك : ايلاف عادي اسالك سواال ؟؟
ايلاف بستغراب من نظرات امل : طبعا .. اسالي ؟
امل وهي تميل فمها : تحبيني اخوووي ؟؟؟!!!
اختفت ابتسامتها وعقدت حواجبها وقالت بهدو : مين طلال ؟!!
ضحكت امل وقالت : اصلا طلال مايليق عليك .. اقوول انتي عارفه مين اقصد .. متعب ؟!
ايلاف وهي تعصر حواجبها اكثرر .. وتناظر ل امل : احبه مثل اخوي .. متعب غير عن باقي عيال عمي .. لاني ارتاح معه .. وهو بعد يحبني مثل اخته .. مافي شيء بينا اكثر من كذا ..
امل تفاجات من ردها .. وقالت بعد سكوت : اهاا .. ( اقول لها ولا لا .. اقووول .. لا احسن ماقول .. يمكن اخلي بينهم توتر .. لا بقول احسن واريح ضميري ) بس هو مايحبك كا اخت ؟؟؟؟
ايلاف من كثر صدمتها مااستوعبت الي قالته : كييف .. يعني .. مـ ـ
قاطعتها امل وبجديه اكثر : متعب اخوي يحبك يا ايلاف .. وانا قلت اقول لك احسن مايصير مصيره مثلي .. تكفيين لا تعذبينه مثل ما انا تعذبت .. عشان خاطري ايلاف
ايلاف مصدوووومهه والسكوت كان ردها :.......
قطع عليهم حديثهم دخوووول نوره : بنات شرايكم نروح نسوي حلا
لفو عليها .. امل : اممم أي والله خلينا نروح نسوي
لفت وشافت ايلاف الي لسا مصدومه وتبلع غصتها وهي ترمش بعيونها .. وعيونها مصوبه على الفراغ : شرايك ايلاف ..
لفت عليها بسرعه : هاااه
نوره بستغطراب : وش فيكم
ايلاف بسرعه وهي تقوم وتناظر ل امل : ولا شيء .. انا بروح الحمام
دخلت الحمام( وانتو بكرامه) وتكت على الباب وهي تجلس وماسكه راسها ( مو معقول .. مستحيل .. انا اعرف متعب كثير .. هو مايحبني ولا كان وضح من تصرفاته ..) تذكرت تصرفاته لمن كان يرسمها وقربه منها ونظراته وخجله .. حطت يدينها على راسها وضغطت علييه بقووه وكانها تبي تخرجه من راسها " مسستحيل .. انا ومتعب مابينا شيء .. انا احبه مثل اخووي .. انا احبه مثل اخووي .. مثل اخووي وبسس".
#**#**#**#**#
لف بسرعه وبحركه خطيره وطبعا كانت حض بس .. وجنب بسرعه : انا اسف ماانتبهت ..
العجوز وهو متمسك بقفل الباب : اش فيك يا ولدي كنت بتودينا بداهيه
متعب وهو يناظر للشايب : اسف ..
الشايب : حصل خير .. الا ياولدي وش الكراسه الي هناك
متعب وهو يلف : هذي كراسه ارسم فيها ..
ابتسم بفرحه : يعني تعرف ترسم .!
متعب بقلبه ( معقول ذا الشايب يروح معهاد يتعلم رسممم ؟؟؟ هلفكره مي راضيه تدخل راسي ابدا )
قطع تفكيره لمن سمعه يقول : انا عندي معرض رسم ومعهد بعد ملكي .. انا وصديق لي .. واذا انت تبي تدخل انا بدخلك وكل التكاليف علي .. يمكن ذا شوي يعبر عن امتاني لك ومساعدك لي
متعب يحس انه يمشي بحلمه مو مصدق الي يسمه ياالله قد أيش الدنياء صغيره شوف الصدف بس : أي انا اعرف ارسم .. و
قطع كلامه : خلاص وديني المعهد الحين وبسجلك .. من بكرا تحضر ..
ولا بعد المعرض بكرا بينفتح تقدر تجي انت و اثنين معك ..يعني امك و ابوك الي انت حاب تجيب معك .. ها ياولدي وش قلت
متعب ابتسامته شاقه حلقه : اكييد مواافق .. خلاص اعطيني اسم المعهد عشان نروح له...
الشايب : اسمه معهد الفنون الـ......
توسعت عيووونه اكثرر " ا ... ذا المعهد الي تروحه رغد .. أي والله هوو .. ياربي حضي قد ايش حلو .. احس من بعد مارسمت ايلاف والحض يلاحقني ..
.
الشايب بستغراب : وش فيك يا ولدي ؟؟
ابتسم بقووه وهو يحرك السياره : لا ولا شيء .. بس يلا بنتاخر
وصلو المعهد وتسجل فيه .. ولمن كان الشايب يعلمه كان متعب يبتسم اكثر .. لان رغد قد علمته كل شيء بهل معهد
لف الشايب عليه : هاا كيف ياولدي عجبك ؟؟
متعب وهو يدخل يدينه بجيوبه : كثيــ.ـ ـ
مامداه يكمل لمن شاف رغد تمشي بالممر الي هو واقف فيه بس ماانتبهت عليه .. لانها تكلم بالجوال..
ضل يناظر فيها بصدمه " يعني راحت مع واحد ثاني .. مالومها والله تاخرت حيل .. ياربي عسى ماتطردني ."
الشايب وهو يلف يبي يشوف وش يناظر فيه متعب : وش فيك؟؟
رفعت راسها وهي تضحك بس انصدمت لمن شافت متعب قدامها وقالت : ا .. خلاص فــــتون حبيبتي اكلمك بعدين حبي .. اوكيه يلا باي
قعدت تمشيء له وعيونها مافارقت عيونه وجوتها ميييت سووال ..
لمن وصلت عنده قالت بحييره وهي تناظره وتناظر لعبدالله ( الشايب) : متعب ؟؟؟؟
#**#**#**#**#
قام مشعل وبعتراض : لا مستحيل انت تبي تدخلنا في مشاكل مالها نهايه
عماد حييل عجبته الفكره : ليه خايف منهم يعني .. هو غلط علينا وبعطيه حقه
راكان : أي احنا رجال ومانخاف .. واذا ماتبي تفضل .. بس اذا درا احد من اهلي مابيصير لك خيير
مشعل وهو يمشي ويحرك يده : روحو في ستين داهيه
وطلع من الغرفه .. لفو كلهم على ياسر الي ولا كان احد تكلم .. قام بهدو وطلع من الغرفه .. طلال بقهر : عساكم ماتردون .. وش له الخوف كله
راكان بنفس القهر : هه خايفين من ضالم .. بقي متعب نقول له .. اذا وافق خلاص بنكفي احناا ..
#**#**#**#**#
فهمها كل شيء .. كان حاس ان ردت فعلها بتكون سلبيه .. بس تفاااجاا لمن شافها تبتسم بقووه : والله مااني مصدقه .. شفت كييف حضك حلو .. الحين خلاص بتحقق حلمك
ابتسم وهو يحس انه ملك الدنياء كلها : ان شاءالله
رغد وهي تضحك : وانا كنت اقول وين راح .. قلت بعاقبك بس خلاص الحين سامحتك .. ولا تنسى بنصير متنافسسين برسم .. شد حيلك معك رغد
متعب بضحكه : عاد انا كنت بوجه هلكلام لك ههههههه
وقعدو يسولفون واغلب السواليف ضحك .. وبعدين استاذن منها وطلع يبي يروح البيت ..
#**#**#**#**#
عبدالله وهو يكلم بتلفون : أي لازم تجي ..
شريف وهو يمسك جبهته يحس بتعب : ماقدر حيل تعبان والمشروع بعد ماخلصته .. انا بخلي ولدي رعد يجي بدالي ..
عبدالله : خلاص دام رعد في .. بس لازم بكرا يجي لان المعرض بينفتح الفجر بيكون الساعه 8 ..
شريف وهو يحرك راسه : أي أي خلاص ان شاءالله هلوقت يكون موجود
سكر منه وتصل على رعد ..
رعد ترك الملافات الي كان يوقع فيهم : هلا يبه
شريف : ولدي بكرا لازم تروح انت المعرض بدالي .. انا حيل تعبان
رعد وهو يناظر لجدول اعماله : سلامتك يبه من التعب ..خلاص ولا يهمك انا بروح...
في مـــكــآن ثـــآني ..
دخل البييت طااااير فرح .. والكل مستغرب منه ..
وخـــآصه العيال .. وكان يحضن كل من يشوفه بوجهه امه واخته وعماته : باااركووولي باااركوووولي
امه بستغراب وهي تحاول توقفه : وش فيك يا متعب ؟؟
وبدا يحضن بنات عمه وهما يضكون عليه .. ولمن جا وحضن ايلاف حس انها تبعده بقووه بعد .. اسغرب منهااا حييل .. وبعد الي صار هجد
والكل حولينه يبي يعرف وش سبب هسعاده .. قال وهو يبتسم : اول قولو مبروك
طلال يطنز عليه : اقول قول الهرجه
متعب : هههه طيب .. ( واخذ نفس عمييق وقال ) انـــأ دخلـــت في مهــد رسسم ..
الكل مصدووم والي بدات تبان علامات السعاده على وجهه .. حضنته امه بقووه : مبروووك يا ولدي مبرووك
متعب وهو يحضنها .: الله يبارك فيك ..
وبداو يسالونه شلون له الفلوس وكيف المعهد والخ وهو يفهمهم
ام طلال بقهر : والله ياولدي كان نفسي اروح معك .. بس انا وابوك بكرا الفجر بنروح ندور على بيت لنا
متعب تحطممم : لا شلوون .. اجلو يمه ..
ام طلال وهي تجلس جمبه : مانقدر ياولدي .. خلاص خذ اختك واخوك
طلال وهو يمشي ويحرك يدينه : انا غسلت يديني منك وراي شغل.. يمه نسيتي
ام طلا وهي تفكر : طيبــ
قطعتها امل وهي تبتسم وبسرعه : خلاص بنروح انا وايلاف .. ماورانا شيء ( ولفت على يلاف) صح الووف
ايلاف تورطت ولمن شافت متعب ابتسم بفرحه .. ماحبت تخرب عليه وقالت وهي تنزل راسها : خلاص بروح
متعب وهو يحرك يده : ياااسس
والعيال كلهم ضحكو عليه .. راكان وهو يقرب منه وهمس له : تعال تعوب بقولك شيء
استغرب وقام وراح معهم .. ناظر فيهم وهم واقفين قباله : وش في عيال
طلال فهمه الي يبون يسوونه في رعد .. متعب وهو يعصر حواجبه : بس .. كذا يمكن يدخلونا السجن ..
راكان وهو يضرب على كتفه : لا يااخي .. وش فيك خاايف
متعب عصب : لا ماني خايف بس مابي ادخل مشاكل مع ذولي .. انا خلاص بحقق حلمي ومابي شيء ثاني
طلع وتركهم مصدومين .. طلال بقهر : النذل... هذا وانا اخوه يقول كذا ..
راكان تنهد وهو يجلس : اقول كنسلو الفكره .. شكلنا مارح نقدر نسوي شيء
عماد وهو يجلس جمبه وضرب الكنبه بقوه : قههر
*
.
*
.
هلا بنوتاات ..عشاني تاخرت عوضتكم بتطويل البارت .. بس ابي منكم التفاااعل =$ وشكرااا