في عمق الحزن هناك من يبتسم - الفصل 11 - بقلم آلقمر حيرآآن ومني غيرآآن | روايتك

بسم الله الرحمن الرحيم #**#**#**#**# ضلت واقفه في مكانها ومتجمده .. لمن شافت منظر اختها مع طلال رمشت بعيونها وحست كان احد كب مويه باارده على راسها .. صارت دموعها تنزل بدون ارادتها .. ماتحملت كل ذا كثير عليها فووووق طاقتها ..ضنت ان الامر بيكون سهل بس طلع اصعب من متوقعت بكثير... حست بيد على كتفها ولفت بسرعه وهي تشهق .. ناظرها بستغراب : وش فيك نوره ؟؟ انا اسف خوفتك استغربت من نبره صووته الهااديه توها تحس ان مشعل هاادي لهدرجه.. قالت وهي تنزل عيونها تخبي دموعها : آ .. آآ لا مو صاير شييء .. راحت بسرعه قبل مايسالها عن سبب دموعها .. او حتى يتكلم .. دخلت المطبخ وصارت تنضف كل شيء لحالها .. #**#**#**#**# دخل غرفه البنات وبتسم بنصر لمن شاف امل لحالها بالغرفه .. وتحولت ابتسامته الا غضب وتسلط .. لمن شافته ماعطته وجهه وصدت عنه .. وفكت الكبت حقها .. حست فيه يقرب منها ويقول بنبره غضب : هلمره عديتها لك .. المره الجايه .... ماقدر يكمل لمن سمع العنود تقول وهي خلفه : راكاان ؟؟؟؟ انت وش تسوين هنا!! وهي تناظر ل امل الي مي معطيتهم أي اعتبار ولا كان احد موجود .. ولفت نظرها لراكان الي بدا يتوتتر شوي : ها .. ولا شيء .. بس كنت ادور على نوره .. العنود وهي تناظره بششك : نوووره بالمطبخ ...! راكان وهو يمشيء يبي يطلع : اهاا طيب شكرأ وطلع تارك العنود تغلي داخلها غيره .. قربت من امل وهي تقول : وش كان يقول لك !؟ امل حبت تقهرها اساسا العنود لها فتره مضايقتها .. قالت وهي تبتسم وتناظرها ببرائه : لاااا كلام كبار مايصلح اقول لك .. العنود بعصبيه وهي تحرك يدينها : طيببب .. دامه تحدي ... نشوووف يا امل .. طلعت بسرعه وقابلت بوجها راكان وعصبت اكثر .. ولفت وجها عنه بسرعه وهي تنافخ .. استغرب منها وراح وراها : عنود .. عنودتي شفيك ؟؟؟ العنود وهي ماتناظره : لااا سلامتك مافيني شيء .. روح كمل مع امل ااسسفه قطعتكم .. راكان عقد حواجبه : وش اكمل .. انتي .. وش فيييك .؟؟! العنود وهي تدخل الغرفه الفاضيه و تلف عليه : اجل مسوي نفسسك بري .. طيب وش كنت تقول لهاا ؟؟ هااا تكلم اشوف وبدووون كذب راكان وهو يمسح على اشعره ويتنهد : بس كنت احذرها .. على شان ماتعارض كلمتي مره ثانيه .. العنود مي مصدقته : اكذب علي كمان .. خذ راحتك معك واحده هبلا ماتفهم .!! راكان يقرب منها : عنود شفيك حبيبتي العنود تكتفت وهي تبعد عنه : مدري .. أي صح انا الغلطانه .. انت سلامتك مو مسوي شيء .. معليش حقك علي .. راكان ابتسم وقرب منها وحضنها : كل ذي غيره .. العنود نزلت دموعها : بـ..ـعد عني راكان وهو يبعد ويمسك يديها ويشبكها بيده : ماتثقين فيني ..؟؟ العنود وهي تمسح دموعها وخجلانه من حركاته : الا بس ابي اعرف وش كنت تسوي معها.. راكان : ولييه رجعنا ... والله الي قلت لك هو الي صااار .. العنود وهي ترفع راسها : بس هي قالتــ ......! مامداها تكمل لانها ارتعشت لمن قرب منها وباسها .. بعد عنها وهو يقول : مالك منها .. تغار .. طبيعي تغار وهي تشوف القمر حولها.. ابتسمت برضا ونصر .. " اجل تتحديني .. نشوف ياامولوه" #**#**#**#**# كان جالسه جمب ولده وبدنياااء ثااانيه .. كل همه كيف يرجع ولده مثل قبل .. كل ثانيه كان قلبه يتقطع عليه .. وش صااار يا ياسر وغيرك .. وش صااار لك ونقلبت احوااالك .. كيف اقدر اساعدك .. كييف بترجع كييف انقطع حبل افكاره لمن شاف ياسر يتحرك .. وبدا يفتح عيونه .. ابو ياسر ببتسامه كلها حنان : ياسر .. قوم ياولدي .. حاول يعدل جلسته بس ماقدر الا بمساعده ابوه : يلا لازم تاكل عدل .. انت شكلك فقدت كثير دم .. ياسر نفسه منسده بس لمن شاف الحزن الي بوجه ابوه ابتسم وهز راسه مسك المعلقه وقدمها لفم ياسر : يلا اليوم تدلع.. انا باكلك وضحت علامات السعاده على وجهه .. وبد ياكل .... ابو ياسر بعده شوي قال : ياسر .. مع مين تضاربت امس ؟؟ ولييه ياولدي .. انت وش سويت لهم ؟؟؟ ياسر حس من كلام ابوه ان راكان ماقال لهم الحقيقه ورفع كتوفه يعني (مادري) نزل راسه بيئاس .. مهما صاااار انا لازم القا علاج لولدي .. #**#**#**#**# بعــــد اســــــبوعيــــن ... رعد رجع لسعوديه .. وطبعا الحين صار خاطب.. تعرف على خطيبته قبل مايبدا يساعد ابوه بالمشروع .. وعرف ان اسمها فتون .. وامها صديقه امه فقط .. لاكن بينهم صداقه قويه .. وبعدها بيومين ارتاح من السفر ورجع يكمل شغله بشركه وبلمشروع .. في مكاان ثانني .. : حضروااات طازجهه .. هنااا الخضروااات الطاازجه .. راكان : اسكت ترا صوتك يبعد الناس .. طلال لف عليه : لا بلله احلف .. على الاقل احسن منك .. محنط .. كانك تمثال الحريه راكان ضحك : زين اسكت شوي وبتشوف كيف بيجون الناس طلال : نشوف وضلو ساكتين دقيقه .. وجات عجوزه .. راكان يهز طلال : هاا شفت .. صوتك نشاز .. طلال مبقع عيونه على العجوزه الي تشيل جزر : يممه صوتي فيه لعنه .. حطمتوني كنت ابي اصير مغني .. العجوزه : اقول هذا بكم .. راكان : ذا يا عمه الكيلو بـ... وصارو يبيعون ويكملون شغلهم .. شوي رجعو مثل قبل معاد جا احد .. طلال لف على راكان : اقولك شيء مارح تصدق .. راكان : وشو قول .. طلال : تعرف ذا الي اسمه رعد .. الي شرو الارض .. راكان تذكره : أي تذكرته وش فيه ؟؟؟ طلال : بعد ماشرا الارض سافر .. والحين رجع .. راكان بعدم اهتمام : طيب وش اسوي له .. اقول ماعندك سسالفه لا تجيب طاااريه تطلع روحي .. طلال ضحك وقال وبخبث : ادرري بس في راسي فكره.. بنجيب راسه راكان لف عليه وبستغراب : ماني فاهمك وضح ياخي طلال وهو يقرب من راكان : اسمع ....................؟؟؟؟؟ #**#**#**#**# دخلت الغرفه وبتسمت بفرح لمن ماشافت احد بالغرفه .. راحت لشنطت اخوها وفكتها وصارت تشوف كم اخذ مخدر لين الان ..وتعد كم باقي .. فرحتت لمن شافت باقي كثيير"يعني معاد يشرب مثل قبــل.. ااه ياربي الحمــد....." مامداها تكمل لمن شافت النور طفي والي بسيب طفي بعد .. قامت بسرعه وكانت الغرفه حييل ضلام ماتقدر تشوف يدينها .. بلعت غصتها بصعووبه .. سمعت صوت خطوات .. بس مي قادره تشوف احد .. وحتى ااذا صرخت ماحد بيسمعها لان الغرفه حق العيال بعييده عن باقي الغرف .. ايلاف بصوت مرتجف : ميين ؟؟ مين قفل النوور ؟؟ صرختت بصوت عاالي لمن حست بواحد فجاه يمسك يدها .. صارت تبكي وتصرخ وتضربه بقووه على صدره .. تحس شعرها صار ابيض من كثر الخوف : اهههئ اهههئ مسكها بقووه من كتوفها وهو يقول : اهديي ايلاف اهدي .. هذا انا ....؟؟ لمن سمعت صووته رفعت راسهاا ببط وعيونها الوااسعه تناظره برجفه وهي تدمع .. لمن تاكدت من ملامحه الي بانت لها صارت تبكي اكثر .. في البدايه خاف عليها بس لمن حس انها بخير .. طبطب على راسها : خلاص خلاص .. لا تبكيين .. انا اسف ماكنت ادري اني بخوفك ايلاف بصوت متقطع ومن بين شهقاتها : لــ...ــه .. تـ..ـسوي.. كـ..ـذ..آ اههي اههي حضنها بقووه وهو مستغل الفرصه : انا اسف بس والله ماكنت ادري ان في احد .. بعدين انا داايم اجي هلوقت ارتاح .. وجيت ابي قطعته وهي تضربه على صدره بقووه وتبعده عنها : كنتتت بمووت بسببك .. اهئئ بعــد بعــد ضحك على حكرتها عرف انها رجعت لطبيعتها وقبل ماتروح مسك يدينها : الووف انا اسف .. يلا عااد زعلانه مني ايلاف بقهر وهي تبعد يدينه وخدودهااا حممر من الخجل : ايييه ومستحيل اسامحك .. وخرت يده عنها وقعدت تمشيء بضلام بس مامدها تخرج من الغرفه لانها انصدمت بالباب : ااااااااااااااااي متعب الي مات ضحك على شكلها وراح لها بسرعه : تستاهلين لانك ماسامحتيني ايلاف ماسكه راسها : اااااي .. راااسسي لمن حس انها تتالم بجد حط يده على راسها : لسا يالمك ايلاف تدور على قفل النور : كلله بسبتك .. ولعت النور .. وبعد مابان لها كل شيء راحت للمرايا الكبيرا الي معلقه كبت العيال : ااااي صارت جبتهي حممرا متعب قرب منها وهو يناظرها بنظرات ماهمتها ايلاف بس اخجلتها .. وقال ببحهه : خدودك بعد حمرا ايلاف تصرفه : لااا يشيخ .. اقول انا بروح قبل ماانصقع بشيء ثاني بس هو مسكها : يعني لسا زعلانه .. ايلاف : لا والله .. متعب بعد مستوعب قال بستغراب : أي صح انتي وش تسوين هنا ؟؟ ايلاف تورطت : ها .. ماسوي شيء بس كنت ابي عماد .. متعب : اها ابتسم وقال بفرح : تعالي ايلاف بستغراب : ويين ؟؟ #**#**#**#**# ارتسمت على محياه ابتسامه عريضه .. والفكره عجبتهه حييل : أي والله جبتهاا كفووو ابتسم بثقه : هاا قلتك .. بنجيب راسه .. وندوسه بعد راكان وهو يحرك راسه بستعجاب من افكار بن عمه الخبيثه : والله اذا قدرنا نسوي كذا بتبرد قلوبنا ... طلال : بس باقي نقول للعيال .. واذا وافقو معاد في شيء يمنعنا .. راكان بتفكير : تخيل عرفونااا ؟؟!! طلال بثقه : مسستحيل .. بنتلثم .. وبعدين اذا عرفونا وش بيصير يعني .. مارح يقدرون يسوون لنا شيء .. راكان بعد تفكير : ..... نقول للعيال ونشوف .. #**#**#**#**# جلسها على كرسي وزبط شعرها على قدام وقال : ابتسمي .. وهي كانت على راسها اكبر علامه استفهام : وليه .. وش تبي تسوي انت متعب : ابتسمي ومالك شغل .. ابتسمت وهي تناظره بحييره .. وطلع من شنطته كراسه كبييره .. وطلع قلب رصاص .. وبعد مااستوعبت الي يبي يسويه .. ضحكت بخفه .. وبتسمت ابتسامه ذووبت متعب .. وهي تناظره بعيوونها الساحره .. بلع غصته وقال بعصبيه يبعد هشعور الي يكرهه: لا تتحركي .. ليين اخلص ايلاف : بس لا تطوول .. متعب بدا يرسسم : ان شااءالله .. #**#**#**#**# كان جالس على حافه السريره ويكلم صديقه : تتوقع وش يقرب لهااا ؟ علي وهو يشرب شاي بالقهوه : والله مادري .. بس ياخي حسيته يعرفهم .. يعني مالاحضت .. انه .. يغاار عليهم .. اوو يضحى بنفسه عشان يحميهم .. حتى ماطلب الشرط هاو طلب احد معه يهاجمنا .. جا لحاله فارسس وهو يفكر : ماعتقد .. مو معقوله صدفه تجي كذااا ؟؟!! علي يقوم ويعطي الرجال الحساب : خلك منهم .. البنت عطتك المبلغ الي خذته منك !! فارس تذكر وفجاه ضحك : هههههه انت نسسيت .. عطتني اياه وانا رميته بوجها .. شكلها بتحرممم تتكلم مع رجال ثاني .. ولو يعطيها مليون ههههههه علي : ههههه الضاهر كذا ... عاد انا عرفت اسمها فارس رفع حاجبه : اماا !! طيب وش اسمها وكيف عرفته .. واي واحده فيهم علي : لمن طلعت تضرب الورع .. الي لعبت معنا .. سمعت خويتها تقول لها امممل ؟؟!! فارس ابتسم : اهاا .. اجل اسمها اممل .!؟؟ تصدق مي لذيك الجمال شفت وجها لمن صرخت طاحت طرحتها وشفتها .. وععع شكلها بنت فقر .. علي ضحك : لا جد !! عشان كذا خذت الفلوس بسرعه ... فارس : الضاهر كذا .. المهم بكرا بروح المتحف مع اختي .. لانهم بيفتحونه .. وبتنعرض رسمات اختي .. واجمل رسام عندهم بعد .. ماتدري يمكن اختي بعد احلى رسامه هههه علي نقز قلبه اول ماجات سالفت رغد .. صح كمل سواليف مع فارس بس مو فاهم شيء من الي يقوله عقلله كله مع رغد .. #**#**#**#**# قالت بملل وهي تحرك راسها : اوووفف متعب يلا بسرعه راسي انكسر متعب بعصبييه وبحذر : لاااا تتحركييين .. اووف منك خربتي الرسمه ايلاف ببرائه : بس انا حييل تعبت .. وانت طولت .. والله تعبت تعووب متعب خق على برائتها وخاصه لمن دلعت اسمه .. قال : احمم اصبري شوي .. بخلص الحين ايلاف : زين .. بعد 5 دقايق خلص .. طقطق اصابع يده وهو يقول : خلــــصت .. قامت بسرعه وجلست عنده : اخيراا.. اندهشت من الرسسمه كانت بقممه الجماال : وااااووو ماكنت ادري اني حلوه لهدرجه رفع الحاجب اليسار وقال يبي يغيضها : الرسمه الي حلوه مو انتي هههههه ايلاف تناظر فيه وكانت وجيهم قريبه من بعض : لا ياشيخ .. قلب وجها ميت لون وهو نفس الحال .. ولفو وجيهم بسرعه عن بعض .. لمست بئناملها الرسمه وهي تقول : ماشاءالله كثير حلوه .. عرفت تزبطها رسمك كرماله يحلو انحرج من مدحها له ..وحس ان تشجيعها له غيير عن الكل اعطاااه الهاام غرييب انه بيحقق حلمه .. وشجعه على مقاومه كل صعوباته .. متعب وهو يناظر لرسمه : شكرا .. قامت وهي تقول : العفوو .. يلا بروح اكييد الحين امل تدورني رحت وهو لف وجهه على الرسمه غمض عيونه بقوووه وعض على شفايفه السفليه وتمنىى امنييه خاصه بهرسمه.. بس كانت غير كل امنيه يتمناهاا .. كــأن لها طعم ثاني .. كان يحس هلمنيه اذا تحققت بتكون اغلى شيء عــنده.......! #**#**#**#**# دخلت الغرفه ونصدمت من منظر امل .. حررق قلبها .. راحت بسرعه البرق عندها وحضنتها بقوه : اموووولتي حبيبتي لالا مايصير كذا ليييش لييش الدموع .. امل زاد بكاها وصوت شهقاتها علت .. وكتوفها تتحرك من كثر بكاها .. حطت يدينها على وجها تبي ترخي صوت شهقاتها الي كرمالها تعلى : انااا غـ..ـبيـة ... اهئئ اهئئ .. اصـ..ـلا .. انـ..ـأ غبـ..ـيه ..غبيــه.. اهئئئ تفاجات ايلاف من كلام امل .. : لا تقولي زي كذا على نفسك امول .. وش صار بس قوليلي .. امل تبعد عن ايلاف وتحرك يدينها وعيونها تنسال منها الدمووع : ا.. تسالي وش صار ... كل شيء قاعد يصير لي .. كل شيء يا ايلاف .. مااعرف اتصرف .. ( وهي تاشر على ايلاف ) يعني بتنكريين .. انتي بنفسك قلتي لي .. اني سببتلك مشاكل .. ماعرفت اتصرف مع شباب صايعين .. كنت بضيع نفسي وبضيعك معي ... ( وصارت تاشر على نفسها) وانا ... وانا ماعرفت احافض على انسان احبه ... بس لاني عرفت ان بيت ثانيه تحبه تركته ...ومو تحبه بعد بس تبي تحرني وتقهرني .. تركته يا ايلاف تركته .. مو ذا غباء مني .. بس عشاني خفت يختارها هي لانها اجمل مني .. تركته ... كيف بعيش انا .. مين يبي واحده زيي .. انا غبييه .. بعد ماتركته وخليتهم يعشقون بعض .. صرت اتحسف وتندم ... قوليلي وش اسوووي .. ( وصارت تمسك راسها بقوه ) كيييف اتصررف .. كيف اخلي ذا يشتغل ... ملييت ملييت من غبائي .. نزلت دموع ايلاف ماتحملت انهيار امل .. قربت ايلاف منها وضمتها : اهدي ياعمري اهدي .. مارح تعرفي تتصرفي وانتي بهل حاله ... لا تقولي على نفسك كذا يا امل .. كلنا بنغلط .. وبني ادم يخطاء ..ولا تنسي انك انتي من ساعدتني من وحشيت اخوي .. انتي مو كذا يا امل .. معلييه الحين اهدي وبنعرف نصلح كل شيء .. امل وهي حاطه يدها جمب فمها ومقفله على عيونها ماتبي تفتحها وتشوف الواااقع الي هي فيييه : شلووون شلووون .؟؟؟ ايلاف تطبطب على ضهرها : معلييه بنلاقي حل .. الحين انتي بس اهداي .. بعد ماهديت امل بين احضان اعز انسانه لقلبها .. بعدت عن ايلاف وعيونها صار تحتها اسود من كثر البكاء ولونها احمممر .. وخشمها احممر وتناظر ب الارض .. : خلاص انا الحين زينه .. ايلاف تناظرها بتفحص : امل ... مين الي تحبينه .. ؟؟؟ وش السالفه ؟!! وش مخبيه عليي ... امل تورطت توها تحس بالي قالته ,, من قهرها قالت كل الي بداخلها بلا شعور .. لفت للجهه الثانيه وهي تقول :... آ ... انا ..............................؟؟؟ * . * يلااا ياحلوووييين .. طووولت لكم البااارت .. وتعبت فييه حييل .. وابي ردوود تنسيني هتعب واي رد يجيني بتقبله بكل رحابه صدر .. وخاصه انتقاداتكم ** استودعكم الله الذي لا تضيع ودائعه ..**