الفصل 19
**الجزء 19**
فهد في جناحه:يااااااترى الحين شافت الباقه؟؟؟.....شهالسؤال الغبي اكيد شافتها......بس شكان انطباعها عادي ولا فرحت ولا مايهمها؟؟؟...........فهـــــــ� �ــــــــد لازم تصحى شهد بعد الي سويته فيها ماظني بتعطيك امل الا احسها تكرهني من قلب.......لازم اشيلها من راسي لا بعدين يفوت الفوت.........بس ولله متحرقص ابي اعرف ردة فعلها........امممممممممم شلون اعرف؟؟؟؟؟؟؟........لقيتها بنتظر لين بكرة وتصير احسن واشوفها أذا شفتها معصبه وماتكلمني يعني ماعجبها واذا مروقه ومرتاحه يعني شي يطمن واذا قدرت اسالها
ونزل لقسم عيال عمه الي تحت وجلسوا هذره وسوالف وضحك ولعب
الســـــــــــــــــــــا عه 6:30 المغرب
الثلاثي المرح في غرفة فرس بما ان شهد نايمه فرس جمعتهم في اجتماع خاص
فرس:هييييي سمعوني زين اليوم يوم الثلاثاء ويوم الجمعه يصير عيد ميلاد شهد بصراحه انا ابي اطلعها من الي اهي فيه ونسوي لها حفله ومنقول لاهلنا عنها ومنسويها كبيره ونعزم الجيران بس بنخفي الموضوع عن شهد
الريم:حلو بس شهد مرح تلاحظ ان حنا بنكون مشغولات عنها؟؟؟......شهد ترى قوية ملاحظه ومايطوفها شي
ساره:أي
فرس:ماعليكم خلو كل شي علي شهد عندي انا دبرتها.......المهم بنقسم المهمات انتي ياالريم تخبرين امهاتنا انها عزيمة وحفله علشان رجعت شهد من المستشفى بالسلامه وانتي سارة نفس الشي وانا بخبر عيال عمي انها حفله عيد ميلاد شهد... اوكي؟؟؟؟؟
الريم وساره:صار
وكل وحده اتجهت علشان تنفذ مهمتها
الريم خبرت الحريم كلهم وعجبتهم الفكرة علشان على الاقل يسون شي يخلي شهد تنبسط فكلهم وافقوا بس استغربوا من موعد الحفله ليش يوم الجمعه فقالت لهم الريم علشان لا تحس بشي ونقدر نخلص شغلنا بدون ماتدري
ساره راحت لعمامها بالمجلس وخبرتهم والكل وافق وقال بيشاركون في كل شي التجهيزات وغيره وعلى قولتهم هاذي شهد دلوعه ورزينة العيله
فرس جى وقت المهمه الصعبه بالنسبه لها بالرغم انها اسهل المهمات لان عيال عمها مايقولون شي عن حفلات اعياد الميلاد وحتى عمامها ماعندهم مشكله بس في تحفظات منهم
فرس دخلت قسم عيال عمها وضربت الباب
فرس تعدل الشيله:احم احم
نواف من غير نفس:خير شتبين؟؟؟
فهد:شدعوه يانواف هاذي فرس الغاليه تعالي ماعليك منه
فرس:السلام عليكم
الكل:وعليكم السلام
فرس:شخباركم عيال عمي؟؟
الكل:بخير
نواف:عطينا من الاخير طلعه ماكو طلعه الا يوم الخميس شي ثاني؟؟
فرس:طيب انت اسمع بالاول وش بقول بعدين تكلم
محمد وهو يناظر فرس:قولي ماعليك منه
فرس استحت وتقول في خاطرها"شله تكلمت يازينك ساكت علشان لا استحي":طيب نبيكم تجون وتساعدونا في حفله عيد ميلاد بنسويها
الكل فتح عيونه:حفله عيد ميلاد؟؟
نواف يطالعها بنص عين:لمنو؟؟؟؟؟؟...... انتي عيد ميلادك طاف
فهد:لمنو يافرس؟؟؟
فرس تناظر نواف:لا تخاف مو عيد ميلادي....(تناظر الكل) عيد ميلاد شهد
فهد دق قلبه عيد ميلاد شهد:.......
محمد وعلي وسالم:طيب والمطلوب؟؟
فرس:نبي تساعدونا وتحضرون الحفله لانها يوم الجمعه ونبي نخفي قدر الامكان الموضوع عن شهد
نواف:ليش هي ماتعرف عيد ميلادها خبري شهد ماتنسى هالسوالف؟؟؟
فرس:أي نو بس هي ماتقول لاحد دام غيرها ماذكر عيد ميلادها وانا بصراحه ابي اسوي لها مفاجاه علشان تنبسط
فهد:خلاص يابنت العم تم
محمد:وانا مني تم
علي وسالم:معاكم تم
نواف يناظر فرس بنص عين:لو مو عشان شهد ماقلت تم بس دام علشانها تم
فرس والابتسامه شاقه الحلق:يعني خلاص معانا؟؟؟؟
فهد وهو في قمة الفرح:اعتمدي
فرس:مشكووووورين.....( وتوجهت لباب القسم وبعدين كانها تذكرت شي).....اوووووه قبل لا انسى ترى قصه العيد ميلاد محد يعرفها الا انتم وحنا البنات
الكل:وليش الباقي مايدرون؟؟؟
فرس:تعرفون هو حرام بس هالمرة علشان شهد بنفلها شوي
الكل:طيب
نواف:الحين تبين شي غيره؟؟؟
فرس:لا يلا مع السلامه
الكل:مع السلامه
فهد:حرام عليك يانواف تكلمها بهالاسلوب
نواف:هههههه...عادي هي متعوده وانا متعود دومنا هواش ومضارب
عند البنـــــــــــــــــــــ ــــــــــات
شهد صحت من نومها بعد ماحلمت بحلم غريب شافت فيها احلى ذكرى واحلى شخص في حياتها يكلمها ويقولها انتبهي لنفسك انتبهي لنفسك
شهد:اللهم صلي على محمد بسم الله الرحمن الرحيم وش هالحلم؟؟؟......اذكر ان خالد كان فيه.......أأأأأأأأأأأه يا خالد يااحلى سنين عمري ونزلت دمعه ساخنه من عينها.....بس هاذي اول مرة اشوفه يقولي انتبهي لنفسك.... يارب وش صاير؟؟؟؟؟؟؟... خير اللهم اجعله خير................
وقامت وغسلت وجهها وصلت المغرب وصلت صلاه تكفيها شر هالحلم واخذت لها دش سريع ولبست تنورة جينز ازرق فيها نقش وردي ناعم على جنب وبلوزه بيضه كم وفيها نقش وردي بعد على الاكمام وبوته قصيره سوده ولفت عليها شيله زرقه نهايتها مشرشر وكحلت عينها من داخل وتعطرت بعطرها المفضل سينما وطلعت من غرفتها والحلم الي احلمت فيه مشغل تفكيرها
طلعت تدور على البنات ولقتهم في الصاله الرئيسيه مع الحريم
ام فهد:اللهم صلي على النبي ملاك نازل مو بشر
شهد استحت:مشكور خالتي من ذوقك
ام سالم:لا ولله صدقها ام فهد صايره تطيرين العقل
فرس:اييييييييييي شعليك ياشهد المديح لك مو انا لو البس كنز قارون ماقالوا لي شي
ام سيف:وانتي شله محتره الا لانها اهد منك ياام لسان.....تعالي يابنيتي اجلسي جنبي
شهد:انشاءالله يايمه بس لكن بنات عمي كلهم حلوات حنا طالعين عليك وعلى امهاتنا
ام سيف:زين ماقلتي يابنيتي
فرس والريم وساره يغمزون لبعض علشان موضوع الحفله
شهد:شفيكم تتغامزون ها؟؟؟
فرس:وانتي شعليك نتغامز ولا لا؟؟؟
ام سيف:وشو تتغامزون ماتدرون ان منهي عنه
شهد:ماعلينا منهم يمه المهم خبريني عنك وعن السكر معك؟؟؟
ام سيف:ولله يايمه انا بخير وهالسكر انا مقاطعته بس شسوي يقولون لي كله مرتفع بسبت التمر والرطب
شهد:أي يايمه يرفع التمر السكر واجد....... اكلي بس بعتدال
ام سيف:احاول يايمه بس انا من اشوف صحن التمر انسى نفسي
شهد:حتى ولو
ام فارس:الحين الله يعينك عليها ياعمه بتطلع روحك مثل ماهي مطلعه روحي علشان السكر يمه لا تكلين ذا ولا تخلين ذا وحبة السكر شربتيها والحلى لاتاكلينه
ام فهد وطالع شهد بنظرات اعجاب:من طيبتها وحنيتها.......يازين ماربيتي ياام فارس
ام فارس:ومع ذالك لها طفرات
شهد وتسوي نفسها زعلانه:مقبوله منك
ام نواف:لا زعلت
ام فارس:ماعليك
فرس:يلا بنات حنا نستاذن....وانتي شهد بتجين؟؟؟
شهد:اكيييييد معاكم
فرس:يلا عيل
وهم راجعين القسم رن جوال شهد نغمة (الدنيا حلوه حق نانسي عجرم)
شهد شافت الي داق فارس
شهد:ياااااااااااااهلا ولله براعي هالصوووووووت فديته
فارس:ياهلا فيك يالغلا فديتك انتي
شهد:ها فارسي شخبارك؟؟؟
فارس:بخير.....غاليتي؟؟
شهد:يالبيه
فارس:لبيتي حاجه انشاءالله بمكه بس بقولك شي ومابيك تزعلين
شهد:انا مازعل من الغالي
فارس:طيب ..........شهد السالفه هي........
شهد:لاااااااااااااااااااا� �ااااااااااااااا
وش الموضوع الي بيزعل شهد وقاله لها فارس وخافها تزعل؟؟؟
السالفه تتعلق بمرضها ولا شي غير؟؟؟
ومنو خالد وايش يعني لشهد؟؟
رح يكون بطل جديد بالقصه ولا لا؟؟؟
وايش رح يصير بحفله عيد ميلاد شهد؟؟؟؟
************************************************** *******