الفصل 10
"الجزء العاشر"
محمد رجع من قصة السواق وهو متغيض يبي يروح للبنات علشان يهد عليهن شافه فهد
فهد:هلااااااااااا ومرحبااااااااااااا لاحلى بوخالد
محمد ماعطاه وجه:.......
فهد:افاااااااااا وش فيه بو خالد الغالي
محمد:فهد مالي خلقك
فهد:ايوة عرفت .........علشان سالفة البنات
محمد:يعني انت شفتهن بعد؟؟؟؟
فهد:الله يهداك ليه هن وين راحن الا هنا في المزرعه
محمد:ولله وعادي عندك
فهد:حرام عليك تبيهن يجلسن بس هنا ليش هن جايين هنا علشان يجلسن في البيت
محمد:انا قايل بطلعهم الليله شله مستعجلات
فهد:حتى ولو من حقهن يطلعن
محمد:انا مو قاهرتني الا فرس انا قايلها لاتطلع مكان
فهد:حتى ولو يامحمد ميصير كل ماتسوي شي مسكينه حليلها هديت عليها على طول
محمد:اوكيه خلاص بس هل مرة على ضمانتك مايعيدنها...... ماتدري شقد انا محترق من داخل
فهد:طفي نارك لحالك مو طفيها عليهن
محمد:اوكيه خلااااااااص سوي طاف
فهد:اوكيه دام هديت يلا خلنا نطلع نتمشى انا ضايق شوي
محمد:اجل انا شقول
فهد:يلاااااااا
وطلعوا من المزرعه وراحوا كافي يجلسون فيه
اما البنات فكانن في الصاله مع الحريم الا ويمر عليهم علي توه صاحي من النوم
علي:السلام عليكم
الجميع:وعليكم السلام
فرس وشهد:شخبارك علي؟؟
علي:بخير وانتن؟؟
شهد وفرس:بخير يعلك الخير
اما الريم هي في حاله مايدري بها الا الله:............
شهد:شكلك توك صاحي من النوم؟؟
علي:أي ولله من ثلاث ساعات واصل
فرس:ثلاث ساعات بس نمت مشاءالله لما جينا انا نمت ماصحيت الا يوم ثاني
علي:ههههه.....عاد انا متعود
فرس:اها
علي يبي الريم تتكلم من وصل وهي ساكته:وانتي سارة شخبارك؟؟؟......وانتي الريم؟؟
سارة:بخير
الريم ها كلمني:...بخير
علي:يلا انا رايح تبون شي
شهد:انا ابي
علي:امري
شهد:مايامر عليك عدو بس حبيت اقولك وين بتروح
علي:انا بتمشى بروح كافي هنا قريب
شهد:ولله تاخذنا معاك؟؟؟
الريم تقرصها وبصوت واطئ:هيه انتي وشو ياخذنا معاه
علي يبي يجلس مع الريم من زمان ماجلس معاها:هههههههه .....اوكي واي نت؟؟
شهد:صدق
علي:هيه
الريم:حرام وين رح تروحون؟؟
شهد:برايك كان تبين تجين تعالي علي طيوب مايقول شي
الريم:اوووف يعني لازم اروح
فرس:هذا قدرك
ساره:يلا يالريم شرح يصير بعدين علي طيب بس رح يطلعنا
الريم:اوكي
علي:يلا لاتتاخرن انتظركن برى
الكل:جاياتك
وراحن يلبسن عبيهن وبعدين راحن يقولن لامهاتهن انهن بيروحن وياه وخلوهن يطلعن بس علشان معاهن علي
علي:يلا حشى كل هذا لبس عبي؟؟؟؟
فرس:لا كان لازم نقول لامهاتنا بعد ان حنا بنروح معاك لايحاتونا
علي:اها .........يلا اجل نمشي
ومشو لين ماوصلوا الكافي كان الكافي راقي وناعم وكلاسيكي في نفس الوقت وحاطين فيه اغاني رومنسيه وكلاسيكيه وهن من النوع الي تحبه شهد والبنات
شهد:اللــــــــه المكان روعـــــه......هذا غير الاغاني الي حاطينها روعه
علي:ههههههه هذا من احلى الكافيات الي رحتها في بريطانيا
فرس:بصراحه تصميمه روعه خصوصا درجات اللون الاحمر صاير دموي وتحسه عاطي المكان وساع وضيق في نفس الوقت هذا غير الديكور والطاولات المنسقة بشكل ملفت
علي:مشاءالله مس فرس ومس شهد فصفصتن المحل من اول مادخلتن
فرس وشهد:هههههه..
شهد:شنسوي دقيقات ملاحظه
علي:وانتي ياسارة ماعجبك المكان؟؟
ساره:الا عجبني بصراحه فنان الي سواه
علي:وانتي يالريم؟؟
الريم وطالع في الارض:حلو
علي:المهم انتن اجلسن في مكان وانا بروح هنا عند الشباب اوكي
الجميع:اوكي
علي:يلا بااااااااي ولاتروحن مكان بتظل عيني عليكن
شهد:لاتخاف مرح نهرب
علي:هههههه
وجت بعدين المضيفه علشان تاخذ الاوردر وطبعا كل البنات خبل بالانجليزي بس شهد تعرف تتكلم مشاءالله عندها لهجة انجليزي حلوة
المضيفه: Excuse me can I give your order؟؟؟
فرس:شهد تولي المهمه
شهد:ههههه..اوكي ..... Pleas I wont tow milk check one vanilla and one Chiclets
....وانتن شتبون؟؟
ساره:انا ابي فانيليا
الريم:ابي فراولة
شهد:اوكي one vanilla and one strobre
المضيفه: ok…….. it's men tow vanilla,one chiclet and one strobre
شهد:yes
المضيفه:eny thing els ؟؟
شهد:no thenx
وراحت المضيفه
الريم:مشاءالله عليك ياشهد تعرفين انجليزي اما انا غبيه فيه
شهد:لا مو قصة اعرف بس اذا الواحد يبي يتعلم بيتعلم
سارة:اما انا العربي خلني اعرفه اول بعدين انجليزي
فرس:أي ولله
وجابوا لهم الطلبات وجلسوا هذره وسوالف
فرس:شهد خاطري بكيك
شهد:ومن وين اجيب لك؟؟
سارة:هناك شفتهم يبيعونه
شهد:لا يالغاليه علي مرح يخليني عاد سمحيلي
فرس:عاد ياشهد مرح يقول شي
شهد:لا عاد ولاثمود
فرس مادة البوز:ماني ابي
شهد:وشله ماقلتي من شوي لما كانت هنا المضيفه
فرس:الحين اشتهيته
شهد:انزززين اكلتيني بروح اجيبلك
فرس:احبك انا
شهد:حبك مابجيب لنا الا المصايب
ساره والريم:ههههههه
عند شبابنا الحلوين
محمد:خلاص فهد مليت خلنا نطلع
فهد:وشفيك خلنا جالسين شوي ابي اروق كافي اني ضايق ومالي باارض لشي
محمد:وانا بعد ضاقت اخلاقي بسبت هالمكان عن خاطري نطلع
فهد:اووووكيه خلاص بنطلع بس اروح احاسب واجي
محمد:اوكي انتظرك برى
راح فهــــد يدفع الحساب عند الرسبشن وهو مايدري انه في نفس المكان الي فيه البنات
فهد: please how much the order for tabl 18؟؟؟؟
المضيفه:15دولار
فهد:اوكي
شهد:اللــــه هاذي الكيكه شكلها لذيذه باخذها
فهد شاف وحده لابس عباه ومتحجبه عرف انها خليجيه بس هو ماعرف انها نفسها الي شافها في المول والشارع وبعدين في المطار في بريطانيا كان يشوف حركاتها ويضحك صدق هالبنات من يطلعن من بلادهم خلاص ينسن انفسهن
شهد شلت الصحن الي فيه الكيكه وكانت تمشي ومهي منتبه قدامها وكانت طالعه من الباب الي يودي لقسم الكافي الي هم فيه وضربت في رجال وتوسخت ثيابه بالكيكه جلس يطالع فيها وهي رفعت راسه وشافته
شهد وهي مندهشه:سوري
فهد:معليه
شهد ويلي هو نفسه:اسفه اخوي مانتبهت
فهد مستغرب:معليه اختي حصل خير..... عاد يبالك كيكه ثانيه صح؟؟؟؟؟
شهد ضحكت لاارادي:هههه
فهد:اذا تبين اجيب لك
شهد:لا عادي اخوي الحين انا اروح اشتري مره ثانيه......عن اذنك
شهد راحت وخطواتها سريعه وقلبها يدق بقوة :ياربي لا هاذي مو صدف هاذي مقصوده لالالالالالالالالا وش صاير في الدنيا معقوله استخفيت لا اكيد اني مفهيه بس هو تكلم معاي يعني مو في حلم
فهد:اااااااه كانت نفس البنت شلون كذا وشلون اشوفها شكلها يخبل خاطري اعرف بس لو اسمها ويقطع افكاره رنة جواله
محمد:حشى ياولد الناس هذا مو تدفع حساب
فهد:لابس صارلي اصطدام مع بنت وثيابي صارت كلها كيك
محمد:يلا نظف ثيابك وتسيرع وتعال
فهد:فالك طيب تامر شي ثاني
محمد:لاتتاخر
فهد وهو في الحمام دخل عليه علي
فهد:هلاااااااااا ولله
علي:انت هنا وانا ادور عليكم
فهد:ولله كنت انا ومحمد هنا
علي:اهااااا.....وش سوى بحالك كذا
فهد:لا بس تصادمت وتوسخت بالكيك
علي:اهااا
ونظف فهد ثيابه وطلع وهو يفكر بالي صار ياربي ياريت اشوفها مرة ثانيه بس واعرف اسمها لاوين اعرف اسمها شكلها بنت من عرب وقبايل
الحين شهد راحت الحمام وجلست تفكر: ياربي بمووووت مستحيل هاذي صدف ولله مرة ثانيه لو اشوفه لأدبه علباله من بنات الي في راسه لا انا شهد برويه من هي شهد ولله مابسكت عن حقي كثر ماسكت وبشوف شغله انا شهد الي عمرها احد مس عفتها بكلمة هو واحد مثله يلاحقني اذا ماوقف عن حده ولله لهد عليه اخواني ويشوف
طلعت من حمام النساء وهي معصبة وتتحلف
فهد ساكت وسرحان:.......
علي:حوووووووووو.......بو فاهد وين بالك؟؟
فهد:هااا لا معك
علي:وين معي من طلعنا وانا اطالعك وانت خبر خير
فهد:لابس ضايق شوي
علي:لا ضايق ولاشي لو مااعرفك واعرف انك مو تبع هالسوالف كان قلت من شكل وجهك انك عاشق ولامتخشع بعد
فهد:هههههههه.....لا وين عاشق انا الحب في درب وانا في درب عمره ماعرف طريقي
علي:ااااااااه يافهــــــد ماجربته يعذب
فهد:هههههه.....الريم ها .......بصراحة بنت ولا كل البنات.....احسنت بصراحه في اختيارك
علي:اااااااااه معقولة هي تبادلني الاحساس؟؟؟
فهد:انت سالتها وهي قالتلك لا
علي:بس حركاتها تبين انها ماتحبني
فهد:أي حركات؟؟
علي:اوووووووووه نسيت البنات
فهد:أي بنات؟؟؟......علي لايكون
علي:هيييييييييه انت لايسير تفكيرك لبعيد انا ماعندي هالحركات توني اقولك انا ملك الريم وبس
فهد:عيل منو البنات؟؟؟
علي:بنات عمي الريم وفرس وشهد وسارة
فهد:ليه هن وينهن؟؟
علي:جبتهم معي الكافي قالوا يبون يطلعون
فهد:طيب انت روح شوفهن وانا بطلع اشوف محمد اكيد ينتظرنا برى
علي:اوكي
وراح علي يشوفهن ولقاهن كلهن الا شهد كانت ضايعه في الكافي من كثر مهي معصبه على الرجال الي تحسه يلاحقها
علي:انزين هي وين راحت؟؟
فرس الله يلعن هالكيك:راحت تشتري لي كيك
علي:حشى مو كيك هاذا
شهد:الله يلعنه كان خاطري ادوس فوق بطنه (تقلد صوت فهد) معليه اختي حصل خير..... عاد يبالك كيكه ثانيه.....بتشوف ان ماخليت الخير مايجيك ماكون شهد بنت سيف.....اوف الحين انا ضعت كله بسبته........ اوكي بسال الرسبشن وين الباب الرئيسي لان جنبه طاولتنا
وراحت تسال الرسبشن وهم مستغربين وش هالسؤال ودلوها وكان لازم اذا تبي تطلع من القسم الي فيه وتروح القسم الي فيه البنات لازم تمر على حديقه
فهد:الوووو محمد وينك؟؟؟؟؟؟؟
محمد:انا رجعت ساعه انتظرك
فهد:ولله....من صجك وانا اجلس هنا لوحدي ليه؟؟؟؟؟؟؟ كان انتظرتني
محمد:اقول رووووح نص ساعه انتظرك مليت تعرفني ماحب اصبر
فهد:انزين انا راجع يلااااااااا بااااااااااي
محمد:باااااااي
فهد كان طالع من الباب الرئيسي وفي الوقت الي هو طلع فيه شهد كانت تمشي في الحديقه
فهد هههه هاذي شسالفتها...مشى .....اوكي بقرب بس علشان اقهرها لان شكل وجهها يقول مغتاضة بعدين هي كذا مرة تصدمني وانا ساكت عنها
قرب شوي وشهد شافته كافي انها كانت معصبة عليها ولا يقرب وش علباله بسكت عنه مثل كل مرة برويه
شهد(معصبة ومهي حاسة بعمرها بس تبي أي شي يطلع حرتها فيه):انت وبعددددددين؟؟
فهد ببرود:نعم اختي كلمتيني
شهد: ليه في غيرك الي من شفته جتني المصايب؟؟؟؟؟؟ لا هاذي مو حالة علبالك كل مره بسكت عنك استح انا مو من البنات الي متعود عليهن فاهم
فهد عصب هاذي شقصدها:اقووووول اختي تراني مااذاتيك ولا غلط عليك كلميني باحترام احسن
شهد:وبعد يهدد ليش وش رح تقدر تسوي؟؟؟؟؟؟؟؟؟
فهد:انا ماارد على ناس اقل مني
شهد بذبحه الي مايستحي:ليش انت وش فيك الشرى مو عليك ياحمار الشرى على الحمير الي يعطوك وجه زياده
فهد انا حمار لا هاذي زادت عن حدها ولا تسبني في شرفي بعد وتقصد اني عندي سوالف بطاله وانا ساكت عنها ماشاف الا يده على وجهها.......عطاها كف حار
شهد فاتحه عينها وبس دموع تطيح ياربي شصار شسويت:.....
فهد مايدري شسوى:....
شهد وعيونها تدمع وماسكه حالها:........بتندم.....صدقني بتندم......وراحت عنه وخطواتها سريعه وتحس الارض تدور حواليها......اااااااخ مد يده علي محد في الدنيا قدر يمد ايده علي....يااااااااااااربي.......� �تى فراس وولاد عمي لما كانوا يهدون علي كنت اهد عليهم وفارس ماكان يخلي احد يهد علي ولا يمد ايده علي......... فارس اخوي اااااااااااه يافارس ضاعت تربية اختك ترفع صوتها على رجال غريب ولا بعد تعصب عليه...... بس كان معاه حق على الكف.......فارس اسفه يااخوي اسفه
(فارس هو اخو شهد الكبير وهو الي مربيها وتحسه اكثر من ابو لها وتحبه واجد وهو يعتبرها مثل بنته واكثر دومه معاها لما احد يصارخ عليها يهد عليه وحتى فراس اخوها الصغير لما تضارب معاه فارس يهزاه بس علشان لا ياذيها وكان دايم يقولها انا واثق منك ياشهد واعرفك متربية ورزينه بس لاتخلين عصبيتك تركبك لان العصبيه تنسي صاحبها نفسه والي حواليه وتخليه يسوي اشياء يندم عليها.........اه يافارس شلون نسيت نصيحتك)
فهد انا شسويت مديت ايدي عليها......انا عمري مامديت ايدي على احد الحين امد ايدي على بنت.......الي يمد ايده على بنت مو رجال حمار......صدقها انا حمار شلون ماقدرت امسك حالي انا على العادة هادي.....شلون... اخ لو بس اشوفها واتاسف لها انا صدق اسف ولله اسف.....اخذ حاله ومشى وهو يحس رجله ماتحمله
شهد راحت زادت عليها كحتها لانها لما تعصب يزيد مرضها عليها ويصير وجهها احمر وكانت محتاجة ترتاح وتشرب دواها
وصلت عند البنات مسحت دموعها ولفت الحجاب زين علشان لايبان اثار الكف وصار وجهها الاحمر واجد
علي:واخيرا جيتي كنت خايف صارلك شي
شهد تسوي حالها طبيعيه:انا انا لاصارلي شي ولا غيره.....يلا نروح
الكل:يلاااااا
فرس حست شهد متغيره لايكون زاد عليها مرضها(بصوت واطئ):شهد حبيبتي تعبتي...زاد عليك مرضك
شهد:لابس تاخرت على موعد دواي بس
فرس:كان جبتيه معك الله يهداك
شهد:فرس خلاص لحد يسمعك لما نوصل باخذه
فرس:مدري لين متى بتخفين هالموضوع
سارة:شفيكم تساسرون؟؟؟؟
فرس:وشله انتي تتقلفين يلا لفي وجهك
الريم:بسسسسسسسسسس لاتفظحنا
فرس:صبري بخليك فضحه...... الحين بقول لعلي الريم جالسه تضارب مع سارة
علي كان بعيد شوي بس يسمعهن ويضحك على خبالهن
الريم:سويها وبتشوفين؟؟
فرس وبصوت عالي شوي:علي شوف الريم وسارة يتضاربون
علي التفت ورى:انتي وسارة تضاربون اصدق بس الريم وسارة لا
فرس وهي تغمز لريم:ليه؟؟؟؟؟؟؟؟
علي:لانك انتي وسارة كله تضاربون اما الريم رزينة وهاديه ماتسوي هالحركات
الريم من قال كذا استحت ووجهاا احتمر وطالع الارض:........
فرس:اووووووووووووونة يعني الريم احسن عنا
علي:ولله افهمي الي تفهميه
فرس:خلاص علي بسك الريم خلاص رايحه فيها
الريم تقرصها:هيييييييييييي اذبحك انا
علي:هههههه....احسن منك ياام لسانوه
فرس: انا ام لسانوه...معليه بخلي محمد يهزاك
علي:تهدديني بمحمد....صدق ماعندك سالفه........اقول سوي طاف
فرس:اوكي بس علشان الريم ولا انت لا
شهد كانت تمشي وهي ساكته ولا في داخلها صراخات واهات واجد على الي سوتها
فرس شافتها منخطف لونها خييييييييييبه عسى بس مهي تعبانه واجد:شهد حبيبتي الحين بنوصل تماسكي شوي
شهد حست ان فرس تكلمها:هاااااا......اوكي
ووصلوا المرزعه وكان فهد وصل قبلهم ودخل غرفته وسكر على نفسه الغرفه وجلس قدام البلكونة ويفكر في البنت ........يارب شله سويت فيها كذا......اصلا شلون حطيت عقلي بعقلها.....ياربي اكتب لي اشوفها واستسمح منها
شهد اول مادخلت على طول راحت غرفتها جابت لها فرس كاس ماي علشان تشرب دواها وترتاح
شهد:مشكورة يافرس.....فرس ولي يسلم قلبك لحد يدق علي الباب ابي ارتاح
فرس:انشاءالله.......تبين اجلس معك
شهد:لالالالالا...مايحتاج ابيك تقولين لامي بس اني تعبانه اما الباقي غطي على وجودي قوليلهم نايمه أي شي
فرس:انشاءالله
طلعت فرس ومجرد ان فرس طلعت جلست شهد تبكي وتبكي وتفكر:كنت اتمنى اموت قبل لايصير كذا في حياتي شلون خليت الشيطان يلعب في راسي شلون سويت كذا.......ضاعت التربيه ياشهد....... فارس اخ يااخوي لو تدري شسوت اختك شرح يكون موقفك........فارس بكلم فارس اني محتاجه له....دورت على جوالها قلبت الغرفه علشان تشوفه هو قدام عيونها بس من كثر ماهي تعبانه ماشافته........لقته واتصلت
فارس:يااااااااااااااااااا� �اااااااااااهلااااااااااا اااااااااااا ومرحبــــــــــــــــا بهالصوت
شهد:......
فارس:شهودتي عسولتي يالغاليه شفيك؟؟؟
شهد بصوت مبحوح:فارس انا ابيك تكون معاي
فارس لايكون تعبت بس:شهد حبيبتي انتي تعبانه زاد عليك مرضك؟؟؟
شهد:انا تعبانه نفسيا مو جسديا يافارس
فارس فهم انها متضاربه مع احد لانه يفهم شهد:عسولتي قولي منو الي هاد عليك وانا اوريك فيه
شهد من قال كذا زاد صياحها:.........
فارس:شهد مرح تقولين لي
شهد:فارس انا بس ابيك تجي هنا انا لحالي ماعرف اسوي شي وغلاتي عندك تجي
فارس يبي يراضيها مسكينه شكلها زعلانه حيل:ماطلبتي بس.....خلاص تم.....بكرة مرح تصحين الا فارس عندك
شهد فرحت يعني رح يجي:وللــــــــــه.......وربك يافارس لاتكذب علي
فارس:هيه نعم الحين الساعه 7 المغرب لسه الخطوط فاتحه ادق عليهم واشوف اقرب طائرة اليوم او بكرة وجاي عندكم
شهد:جعلني مااخلك منك يااخوووووووووووي
فارس:وانا بعــــــــــد يااحلى دلوعة اخوها ياعسل انتي ياعسل
شهد:فارس اني احبــــــك ومحتاجتلك
فارس:وانا بعد بس طلبتك قولي تم كان تبيني اجي؟؟؟؟
شهد:تــــــــــــــــــم تمات بعد لو تبي
فارس:شربتي دواك؟؟؟؟؟؟؟
شهد:هيه
فارس:اجل ابيك تتروشين وبعدين ترتاحين اوكي
شهد:انا كنت مرح انام بس من كلمتك ارتحت والحين بناااااااااااااااااام يوم كامل لو تبي بس تجي
فارس:هههههه....اوكي....يلا تصبحين على خير
شهد:تصبح على خير
فارس:شهد انتبهي لحالك
شهد طاحت دمعتها:انشاءالله
فارس:مع السلامه وسلمي على الاهل
شهد:يبلغ...........مع السلامه
وسكرت من عنده وحست براحه لما كلمته وانبسطت لانه قال انه رح يجي لانها خاطرها تقول كل الي في داخلها له لانه هو الوحيد الي ترتاح لما تقوله الي في داخلها لانها تعرف انه هو اكثر واحد يفهمها وبعدين قرات قران شوي وسبحت وبعدين نااااااااامت من التعب
وش رح يصير مع شهد؟؟؟؟
وهل شهد بتعرف ان الولد هو نفسه ولد عمها؟؟؟؟