هذي مو كل الحكاية هذي قطرة من بحر - الفصل 5 - بقلم وجــــــدد | روايتك

الفصــــــل الخاامس من قمة احزاني تعلمت شيين ** الصمت و التفكير بيني و بيني بنفس الوقت بالرياض وقف بغضب:لاااا مستحيل اخطي خطوه ابو نايف بزعل:تردني يالافي لافي لف عليه وهو يهدي نفسه:ياعم الله يرضى عليك ماقدر اسمح لي انا ماقدر اروح اول شغلي ثاني شي مابي اشوف ذيك العايله والله تطلع شياطيني لو شفتهم ابو نايف ويجهل وش صاير وش مسوي لافي بحامد :لافي حمد عزمني ولا راح ارده ولا راح اترك احد منكم بتمشون كلكم قدامي والمسى وحنا عندهم ..ولف عليه بتعجب..وبعدين انت وش شاايف منهم حتى تكرهم حتى حامد مالفروض تكرهه هاذا نسيبك وزوج اختك لافي مر بباله رافل ذاك الشخص المغرور رغم مشاف بحياته الا انه ضل شامخ ولا كسره ضياعه بالطفوله هز راسه يبعد عنه الفكار وهو يقول بضيق:ماطيقه من افعااله وانت اكثر واحد عارف وشي دروبه..سكت شوي بعدها قال.. خلاص على امرك بس بمر اخذ بنتي من عند خوالها والحقكم انتم اسبقوني لن عندي كم شغله اخلصها طلع من عندهم مهموم كيف بيواجه ابو رعد بعد السواه الي سوااها باخووه نددم انه مد يده عليه قد شعر راسه مو عشانه لا عشان حمد الرجل الطيب والله ماله وجهه بس ابوه ارررغمه على الروحه ..طلع جواله وتصل على بنته دقايق ووصله صوتها:الو بابي لافي بحب وسعاده لسماعه صوتها:ياااروح بابي كيفها ترانيم بابا ترانيم بنته 5سنوات يتيمة ألأم:الحمد الله زينه بصوت بابا لافي :يااقلب بابا انتي شوفي بابا انا بعد صلاة العصر بامرك بنطلع للقصيم معزومين خليك جااهزه زين بابا ترانيم بفرحه طفوليه:يس يس بنسااافر زيين بابا يالله مع السلامه بروح اقول لخاله ترتبهم .. سكر من بنته ونزله بجنبه على المرتبه كمل طريقه لمقر عمله دخل المركز والكل وقف يدق له تحيه وصل الباب والعسكري بسرعه فتح له باب المكتب تقدم وجلس على كرسيه ورفع راسه لمساعده الي دخل وراه :عدنان وش الجديد فيه بلاغ شي جديد مساعده هز راسه:لا ابد طال عمرك الوضع كله هادي اليوم ماتلقينى شي رفع حاجبه :غريبه مممم الله يديم ألأمــن وألأمــآن يارب م عدنان:اميــن .سكت شوي وبعدها تكلم.. طالع عمرك انت ماكنت اخذ ايجازه اليوم لافي هز راسه :ايه بس جيت اتطمن لني مسافر للقصيم وبجلس تقريبا يومين لاكن لو استجد شي اتصل فيني على طووول وقف وهو يسكر كم ملف ويشيلهم معه:يالله مع اسلامه المساعد وقف ودق له تحيه:مع السلاممه طال عمرك واستمتع باجازتك لتفكر بالشغل ابتسم له لافي وهو يتقدم ويطلع من المكتب وبعدها من المركز كله ركب سيارته متوجهه لبنته وصل بيت خوالها نزل وهو يسلم على خالها ووقف ينتظرها طلع مرت ربع ساعه ماطلعت خالها تكلم بحراج:ادخل انتظرها داخل شكلها ببتاخر لافي بضيق حاول يخفيه :لالا بنتظر لـ.. طلعت وهي تركض بفررحه مد يده لها وهي تعلقت برقبته :بااااباااا لافي يدفن وجهه بعنقها:ياااروح بااابا كيفها حبيبة بابا هزت راسها:طيبه بابا يالله نساافر ضحك وهو يودع خالها ويشيل شنطتها الي جابتها الشغاله :ههههههه يابابا يالله .مع السلامه يابو علي ركب سيارته وحرك ماشي للقصيم _________ ...بالمزرعه العصر مجتمعين البنات داخل البيت الي يتوسط المزرعه بطراز الأمريكي وبمجلس زجاجي عاكس المزرعه لداخل بدون لا يكشف الي بداخل كانت رانسي وسدن ووسن وجنان وجنى مع ام رعد وام جارح رانسي كانت مكتمه ولا ينفخ ريش قدامها من العصبيه جنان تراقبها بستغراب دايم تتخانق معها ولا تجلس دقايق بدون رمي لكلمات عليها هههه جد فقدتها. جنى تكلمت وهي ملاحظه شكلها:رانسي غريبه ساكته جنان بوانسه احد فتح لها المجال :البركه بالي معصب فيها ههههههه رانسي لفت عليها وبغرور:معاش ولا كان الي يعصب فيني جنان تكره غرورهاتكرهها كره العمى اذا شافتها تتكلم بغرور ضحكت بقهر: ههههههه ايه واضح رانسي بكل بروود:ضحكة نابعه من قهر جنان ولعت:نعم من قااال اني منقهره منك هههه ولالله حاله مابقى الا انتي انقهر منها رانسي بروود قاااتل:كلامك حبيبي يدل على قهرهك انتي لاحظي نفسك كيف تتكلمين ويتضح لك كل شي بس ليش ..سوت نفسها تفكر..ممممم يمكــن غيراانه هههههههههههه..وضحكت بستفزاااز.. جنان صرخت بقهر وكره لنها ضربت على الوتر الحساس عندها:حقيييره ..ماعرفت وش تقول من شدت قهرها وبدون تفكير ومن غير ماتحسب حساب لكلامها ..على وشو اغار على تربيه تربيتيها مع متشرررد صرخت امها بصدمه :جناااااان قبل تسكت شافت بنتها يتطاااير الزجاااااج من على راسها وهي تصرخ صرخه هزت المكااان ورااانسي واااقفه وانفاسها تتلاااحق بغضـــب معميها لو امها ماوقفت بوجههها ممكن قاتلتها ولا حسبت حساااب بجنووون من اسمعت كلمتها عن رااافل بدون شعور خطفت كوب الماء الي قدامها على الطاوله وحذفتــه عليها بكل قوتها وجات الضربه على راسها انكسر الكوب والما انكب عليها غير الزجاج الي جرح اعلى الجبهه جنان صرخت بوجع:ااااااااااه رااااسي راااااسي بموووت امها ركضت لها:يمه بنتي جنااان جنان تحس الدنياء تدوور فيها:ييماااااااااه راسي بينفجر ابمووت هااااااااااااه رااس سـ..وانقطع صوتها غايبه عن الوعي امها تصيح وهي تهزها برعب خلاص بنتها مااتت جنى تصييح سدن ووسن نفس الشي ماتحملن يشفنها بتموت ومين الي ذبحها رانسي وسن هزت راسها وعينها على رانسي الي تتنفس بقوووه حتى بعد مشافتها طايحه غايبه عن الوعي تناظر لها بغضب ولا همها ركضت وسن برا وهي تصرخ تناادي محمد اخوها:حموووووود حمووووود عميييي وينكم ..من لي شافت ومنظر جنان مغمى عليها ودمها مغرقها نسيت حتى المكان . رعد طلع على اصراخها الي يخوف :وسسسن وشفييييك وسن برعب:جناااان جناااان بتمووت رعد بصدمه:ايييييش شلون بتموت ليش وسن شافت عمها ركضت له:عمي الحق على جنان ضربتها رانسي وبتموووت شهق رعد من سمع كلامها وانطلق لجهتهم هو اكثر واحد يعرف اخته وتهورها عند الغضب تتصرف بدون شعووور ... دخل ووقف مصدووم من اشكاالهم امه من شافته صرخت عليه:ررررعد تصرررف وش مووقفك تصرررف شل بنت عمتك بتموت رعد صحى من صدمته وركض له حاول يبعد عمته وهو يشيل جنان ووسدن ماسكه راسها حتى الجرح ماينزف مشى فيها وقبل يوصل كان خالد مقرب السياره من سمع صراخهم تصرف بسرعه هو اذكى وعنده حسن تصرف رغم صغر سنه فتح الباب الوراني وودخل جنان ووسدن معها وجت عمته تركض وهي تصيح ركبت معه قدام وهي تسب وتشتم برااانسي كان يغلي غضب عليها ومنها بسبب تهوورها مع انه حاس الموضوع مو بسيط ... ______ وسن مسكت عمها الي صار يدوخ على طلعت ام رعد وشافته ركضت له وهي تصيح بأسمه:حمــــد وصلت له ومسكت يده وهي تقول لوسن:روووحي جيبي علاااج عمك بسرررعه ركضت وسن بخووف لداخل .ام رعد :الله يهديك يابو رعد ليش ماخذت علاااج ليش مهمل لنفسك كذا ابورعد جلس على الكرسي الي قدامه :بنتي وش سووت ببنت اختي ياهــدى هدى بتهيده للوضع:مصاار شي خلاف بسيط حتى الضربه خفيفه انت اهدى بس وكل شي يزيين ابو رعد بهمهمه:اي خير البنت غايبه عن الوعي وش سوت لها حتى تضربها كذا بنتي انا تذبح بنت عمتها .هذا وين رااح انا اتصلت عليه وقال بيجي .هو يرفع صوته على ابوه ويسكت لناس يضربونه وهي تضرب بنت عمتها انا ماربيتهم على الجرام والعنف انا عيالي يطلعوون كذا والله ماقصرت بتربيتهم ليش إجازوني كذا حرام عليهم ..كان يهذي بسبب ارتفاع السكر عنده وبسبب اغلى ثنين عليه يحسهم خذلوه بتصرفااتهم هدى تمسح على ظهره ودموعها تنزل بخووف عليه بصمت ..رجعت وسن بدقايق وهي تلهث بسبب ركضها ناولت هدى العلاج وهي بسرعه سحبت الأبره وطقته بشكل سرييع .بعد ربع ساااعه دخل رااافل بسياارته وفحط لين وووقف عندهم وهو ينزل تارك السياااره شغاله والباب فاااتح :يـــبه وش فييك وش صاااير ابو رعد رفع راسه لولده الي ماجابه عرف انه مايقدر يستغني عنه من سمع كلام وسن اول مجاء بباله هو طلع جواله واتصل فيه يستنجد فيه بدون شعور سكت وهو يتفرس ملااامحه الي يفديها بعمره مايبلاغ ولا يكذب لو قال انه اغلى من رعد ورانسي واغلا من عياله كلهم رافل مات رعب على شكل ابوه هو مايعرف وش السالفه بالضبط جاه اتصال من ابوه كان يفرفر بالشوارع بعد ماطلع من عند حامد متضايق انه طرده بعد ماعرف سبب وجوده ونه مو عشانه جاي بس حمد مرسله عمه اتصل فيه وقاله بالحرف:الحق على ابوك يارافل ضااايع من دوونك جثى على ركبته قدامه وهو يمسك يدينه ويقبلها:يبه دخيلك تكلم وش فيك وش صاير والله تركتكم مافيكم شي ليش حالتك كذا ام رعد :يمه رافل اهدى مافيه شي بس ابوك تعب شوي بسبب خناقه بين البنات رافل وقف بغضب:يمه وش تقولين ابوي تعب بسبب خناااقه ميييين البناات وسن بخووف تراجعت من صرخته لكن هو لف عليها وهو يقوول :وش صاااااير لـ... قطع كلامه بسبب التصال طلع جواله شاف اخته سدن :سدن وين وسن بربكه:راحت معهم رفع احاجب:وين ومين هم وسن بخووف ماتبي تقول السبب :رد عليها اكيد تبي شي مهم .وركضت داخل البيت وعينه عليها بتعجب :الوو .نعم سدن بخوف وهي تشوف رعد واقف مع الشرطه:رااافل الحق علينا الشرطه هنا حنى بالمستشفى جنان اغمى اعليها وجبناها رافل انجن هذاي وش تخربط:سدددن تكلمي عدل مو فاااهم عليك وبنت عمتك ليش مغمى عليها وش سببه سدن بربكه وخوف من ردت فعله بس لازم تكلم:بقوووولك اسمع رانسي حس زي الووووخز بقلبه من سمع اسمها:وش فيها سدن بربكه بسبب مقاطعته لها:تخاانقت مع جنان وضربتها وهي اغمى عليها وجينا هنا الدكتور اتصل بالشرطه يقول هذا اعتداء رافل رص على اسناانه وبغضب وصدمه منها مو معقوله هالبنت وش تسوووي فيه كل يوم ينصدم فيها اكثر من قبل جنون خفت عقل تخلف وش يقووول عنها مومعقوووله البنت بالمستشفى بسببها شي غير معقول وش سووت حتى توصلها للمستشفى هو يعرف رانسي مجنونه ومتهوره وردات فعلها داااايم عكسيه عليها ..ماحس بنفسه الا وهو واااقف قداامهم بالمستشفى واقف قدام رعد والضابط الي يحقق معه :السلاام عليكم رعد لف عليه بفرحه انه جا وانقذه:وعلييكم السلاام الضابط :وعليكم السلام رافل بكل بروود تكلم:خير ان شاء الله وش صاير..لف لرعد وتمنى انه يفهمه.. وش الحاصل يارعد رعد على طول فهمه:والله مدري ياخوك بعد ماوصلنا بدقايق جاء الضبط وهو يحقق معي ويقول تعبت وانا احاول افهمه انها طاحت من الحصان وهي تتسابق مع بنات العايله رافل كتم ضحكه شوي ولا فضحته:ايه وبعدين هو وش يقول ..وبغضب وهو يصر على اسنااانه..لتقووول دخل لمحااارمنا رعد بسرعه:لالالا مادخل بس يقول بيدخل ولازم انادي عمتي او البنت حتى يسئلهم رافل تقدم لغرفة عمته بدون كلام وهو ساااحب على الضابط الي ينااظر له بقهر ..ط الباب ودخل بسرعه قبل حتى لايسمع رد ..السلام عليكم ام جارح وقفت وعينها عليه بقهر :هلا وعليكم السلام رافل حس بصوت عمته شي :سلاامات عمتي ماتشوف شر بنتك ام جارح صدت على بنتها الي نايمه من اثر المهدي وبدوون نفس:الله إسلمك رافل يستشف منها الي حدث:خير عمتي اتصلو علي ويقولون الشرطه ومدري وشو جيت شفتهم على الباب وش صاااير بالضبط ام جاارح بكره لطاريها:الي حااصل اسئل بنت حمممد عنه وبنتي بااخذ حقها من بنت هدى واخلي الشرطه تجرجرها رافل بصدمه ماتوقع انها ممكن تسويها:عمتي وش تقولين بتشتكين على بنت اخووك ام جاارح بغضب :ايييه اشتكي اجل اتركها لين تذبح بنتي رافل تقدم وهو يسكر الباب:مراح تسوووينها مستحيل تفضحينا وش تبين النااس تقول عنا بناتهم تضااربو دخلو السجن عمتي انتي واعيه لكلامك مستحيل الي تقولينه يصييير لفت عنه وهي مصررره على رااايها :بنتي وبااخذ حقها ولاعلي من النااس رافل صر على اسنانه وهو يكتم غضبه:عمتي كلامك مايدش العقل تقدرين تااخذين حق بنتك من بنت اخوك بنفسسك مو ترووحين تفضحييين فييينا بين العرب ام جارح بصرااخ:بنت اخوي لو مااتبي الفضاايح ماامدت يدها على بنتي من اول رافل ولسى يحاول يهدي نفسه لا يتصرف تصرف يندم عليه هو مافيه فرق عن رانسي بالتهور:وش سبب الخلاف الي صاار بينهم ليش راانسي ضربتها اكيد كنتي موجوده ام جاااارح انقلب لووون وجهها ورافل لاحظ .. من تذكرت السبب وصدت عنه وقالت بصراخ تحاول تخفي ربكتها بصرااخها:بدوون سبب بنت عمك هاااذي بس تدوور المشاااكل هي تكره بنتي وتغااار منها بكل شي دور مشكله رافل بدون شعور ضحك:هههههههههههههههههه رانسي تغار ومن من جنااان ..تجهم وجهه وبجمووود وبروود مغلف بتهدييد: اسمعي الحين بيدخل الضابط ويسئلك تقولين له بالحرف الوااحد ان بنتك طاحت من ظهر الخيل وهي تتساابق وبلااش فضايح ..سكت شوي وبعدها كمل.. هذاا ان كاان تبين بنتك تعييش بسلام وو و ترا رافل مايعيد كلاممه .لف وطلع زي ماادخل لها تحرك من عند الباب وعينه على رعد متجااهل الضابط :رعد خلص اوراق بنت عمك وتعالو بسرعه الضيووف على وصوول قرب لسدن الي واقفه باخر الممر:ياالله سدن تحركت وراه وهي خايفه تركب معه هو مااايراعي شعورهم وبيجلس يجرح فييهم " " " " """" صمت بالسياره سيد الموقف 3دقايق قطع الصمت رافل:ليش ضربتها جمدت سدن من سؤال ماتدري ليش خااايفه خاايفه تقول له السبب :هاه ااـ خلاف بسيط بس رانسي تهورت مايدري ليش يحس الموضوع كبير وسن تهربت منه عمته انقلب لون وجهها وهاذي سدن تتهرب عاد السؤال بهدوووووو قاتل :وش السبب الي خلى رانسي تضربها على رااسها سدن استجمعت شجاعتها وهي تقول:اسئل رانسي ماقدر اقولك فقد اعصااابه وهو يصررخ بغضب:سددددددددددددن انطقي تكلمي وش السبب راانسي اعرفها زيين مستحيل تسوي ش زي كذا بدوون سبب مع انها انساانها متهوووره لكن ليمكن تسوووي كذا فقوولي بالطيب ياااسدددن سدن نزلت دمووعها وهي تحس رااسها بينفجر من الصداااع: هي السبب كانت تقط نغزات عليها ورانسي ترد عليها ببرود وهي ماتت قهر بسبب برودها وسبتها قالت رانسي مادري ليش بس يمكن غيرانه مني ردت عليها بقولها على وشو اغار على تربيه تربيتها مع متـ.. سكتت ماقدرت تكمل وهي تمسح دموعها بظهر يدها رافل سكت ينتظرها تكمل لكن هي سكتت وهي تسند راسها على المرتبه وتضغط عليه انتبهه عليها:سددن وش فيك سدن مغمضه عيونها وبهمس من شدت اللأم :رااسي بينفجر ااااه لف وهو يرجع فيها للمستشفى :انتي ماكلتي علااجك اليوم هزت راسها:نسييته وقف عند المستشفى ونزل وهو يسندها دخل الطواري وهو يقول :بلييز حاله طارئه بسرررعه لو سمحتوو تقدمت منه ممرضه وهي تمسكه:شنو فيها رافل لسى ماسكها:اعتقد ضغط سريع بلييز دخلتها عند الدكتوره وهو راح يسجل اوراقها ~~~~~~~~~~~~~~~~~~~~~~~~~~ __________________________ بعد ساااعتين من الضجه الي صاارت كلها كانو مجتمعييين مع ابو رعد وهو ينتظر تبرييير المووقف لف على بنته الي ملتزززمه الصممت :رنوووسه مابتتكلمين ريحي بالي وقولي لي وش السالفه رانسي ببرود تناظر لعمتها بكل قواات عين:اسئل عمتي وش سوت بنتها بمأن دلووعة الماما داايخه من الفلقه ههههه... غصب عنها ضحكت بنشوه وهي تشوف الشاش على راسها... ابو رعد عصب منها لف لزوجته:هــدى قولي شي هدى بهدو :رانسي مقالت شي بس دافعت عن اخوها راانسي بعتراض: لا يييمه ابو رعد لف على بنته وبتعجب:رانسي مورضيه تتكلمين ولا تبيين احد يتكلم وش السبب رانسي وقفت بعصبيه وهي تسمع امها تقوله السبب اسرعت بخطواتها طالعه من المجلس وعند الباب اصتدمة برافل ورعد واقفين عند الباب لفت بسرعه وهي تركض من روا البيييت ركض وراها رعد :رنوووسه لحظه وين رااايحه رانسي ماردت عليه وهي ترككض ماتدري وين ترووح تحس بقهر من نفسها هي الحين داافعت عنه ماترضى عليه لاكن تكرررهه ولحد يسئل عن مشاااعرها متضااربه بين كره وحب وقفت بنصف الطريق بعد مامسك يدها رعد :لحظــه يامجنونه وين راييحه نفضت يدها من بعصبيييه:بعد عني بروح وين مابي ارجع لـ.. قاطعها:رنووس ليش معصبه اهدي صرخت بقهر:على نفسي الغبيه حطيت نفسي بموقف سخيييف عادي خلها تسبه جت عليها انا متكلمه عليه بوووجهه رعد بقهر:تخسى نخليها لو عرفت عنها وانتي ماسويت لها شي وربي لخليييها تندم طول عمرها تعرفين رافل وشو بالنسبه لي اخوي الي مجابته امي رانسي بقهر:يولي بس مدري وش صار لعقلي بذيك الحضه رعد بضحكه :مو عقلك قلبك ياحلوه هههههههه صرخت عليه:رعددددد رعد بضحكه:نعااااام هههههههه رانسي صدت عنه:رجعني للقصر رعد جمدت الضحكه بفمه :لالا ااااااااا رانسي بلييز عن التهووور رانسي بعصبيه:بتوديني ولا اتصل بساائق رعد بمحاوله:بليز رنووسه .اصلا ابوي مايرضى تروحين سكتت وهي تطلع جوالها وتتصل ببوها :بابا برجع للقصر مالي خلق اجلس .زين بابا .يالله مع السلامه .. سكرت منه وهي تلف عليه:خلاص بابا موافق بتوديني ولا اتصل بالسائق رعد بخيبة امل:امري لله يالله امشي قدامي مشت لسيارته وهو يفتحها بالريموت ركبت وسكرت الباب بعنف ركب وهو ساكت ماتنكلم كبريييت على طول تشتعل اااف انقهر على بابا سيارته بس سكت ~~~~~~~~~~~~~ ~~~~~~~~~~~~~ سمعت صوت باب غرفة امها ركضت لها خافت تطلع وهي تعبانها وصلت بس قبل تدخل سمعت صوت اخوها فهد يكلم امها غرقت عيونها دموووع وهي تسكمع كلامه :ماما ليش حنا كذا ماما ابي جوال كشخه زي خالد ماما انا ثوبي لونه قالب ابيض والطلاب يضحكون علي طيب ماما ابي لونه ابيض حتى مايتغير زي الاسود ماما حنى ليش مانطلع زي خالد ومحمد كل اجاازه ايساافرون ولا يروحون لمزرعتهم الكبييييره هم الحين فيها ماما يقول لي خالد عندهم خييل وهو يتدرب عليهم وبيصير فاارس ماما انا احب ركووب الخيل ليش ماعندي خيل زيه كان يتكلم وعيونه على امه الي منزله راسها وتستمع لولدها بألم فهد بخنقه:ماما ردي ليش ساكته فرح ماقدرت تتحمل صمت امها وهي اكثر وحده تعرف امها فتحت الباب ودخلت :انا ارد يافهد انا اقولك ليش ثوبك قديم اقولك ليش خالد إيسافر كل سنه ااقولك ليش خالد يملك الخيل هو خالد حمد الراسي وانت فهد محمد الـنايل الناس مو كلها مثل بعض هو غني انت فقير فيه فرررق بالدنياء لكن بالأخره ماتعرف مين افضل من الثااني ممكن انت افضل ممكن هو قووم وقف يافهد لو تبي تصير مثل خالد شد حيلك بدراستك ولاتنااظر للي اعلى منك خل نظرتك داايم للي اقلى منك حتى تعرف انك في نعمه واحمد ربك على النعمه الي انت فيها صحيح ماعندك فلوس لكن عندك صحه وغيرك وغيرك لافلوس ولاصحه وقف فهد وهو يكتم دموعه كلام اخته مقنع بس يحس فييه شي نااقص :طيب ابوي وينه هو عنده ابوه بس انا ابوي وينه فرح بقووه مصطنعه:ابووك ماات يافهد ومانت طفل حتى ماتفهم معنا انه مات ادع له بالرحمه وانك تلتقي فيه بالجنه ووقف الحين غسل وجهك يالله واستقبل المطعم طالبه لك وجبتك المفضله لف عليها بفرحه:صددددق فرح ابتسمت بين دموعها :عمري كذبت عليك ركض وهو يتعلق برقبتها:فدييييتك ياحلى ااخت ابتسمت وبمزح:خلاص ذبحتني مو من خفك فهد ضحك وهو يفك يدينها ويركض:هههههههههههههههه زين عارف لتكملين طلع من الغرفه . وهي تقدمت من امها وجلست على طرف السرير احتضنت راسها وهي تقول :يمه طااالبتك لاتضيقين خلقك فهد طفل ويشوف غيره ويتمنى زيهم ام فهد بدموع تحاول تخفيهن عن بنتها:يكسر قلبي هالولد وهو يشوف انفس اقل من غيره الله يرحم ابوه توفى وهو يوصي فيه خايف عليه وحيد باهالدنياء بدون سند وعزوه لاعمام ولا خوال فرح ملاحظه امها كل مجابت طاري ابو فهد مكان يتكلم الا عن فهد:الله يرحمه خايف عليه ام فهد تحضنها :عليكم عليكم كلكم خايف انتي مالك اخو بس كان خالك موجود وهو متطمن لكن خالك مابقى لنا راح الله يرحمه بقييت وحيييده لقريب ولا وحبيب حسبي الله ونعم الوكيل حسبي الله والنعم الوكيل لـ... فروووحه مااما جاء العشاء ام فرح تضيع الموضوع:قومي شوفي اخوك وادفعي حساب المطعم بسكت عنك هالمره عشان فهد لكن اخر مره تسوينها لتلعبين بمكافتك خليها تسدك وسدنا وقفت فرح وهي تنزل وتقبل راسها:ان شاااء الله من عيوني دقايق ونجيبيه هنا ام فرح:لالا لتجيبين شي تعشي مع اخوك مابي شي انا ابنام وكيفي الي اكلت معكم المغرب مالي قدرره على الزياده تصببحين على خير فرح قبلهتها على راسها :وانتي من اهل الخير يالغاليه .طلعت وسكرت الباب معها لقت فهد واقف عند الباب ينتظرها تقدمت منه وعطته الفلوس راح وسلمهم للعامل ورجع متحمس ٍٍٍٍٍٍٍٍٍٍٍٍٍٍٍٍ ~~~~~~~~~~~~~ الساعه 9بالمزرعه عند الحريم نوف تهمس لسدن:وين علياء ماجت سدن تهز راسها:ماعرف ممكن بابا عيا لايجي نوف بتعجب:كيف ماتعرفين سدن بهمس:انا عند عمي حمد من 3ايام انا ووسن نوف بصدمه:من جدك لييش سدن بهدو:مافيه شي بس عمي طلب نجلس عنده سكتو وهم يسمعون ام نايف تسئل عن رانسي ام رعد بضيق:رجعت للبيت تقول تعابنه ام نايف بضيق:مااتشوف شر كان ودي اشوفها ام رعد منقهر من تصرف بنتها:الشر مايجيك يالغاليه ٍٍٍٍٍٍٍٍٍٍ عند الرجال كاون جالسن يشربون الشاي بعد العشاء لافي مراكي نايف وبنته جالسه بحظنه ورافل مقابل له وابو رعد على يساره مراكي ابو نايف ابو رعد يناظر لبنته بصمت وبعدها تكلم كان لافي ملاحظ نظراته ومنتظر مابعد النظرات هاذي هههه :اقول يابو ترانيم ليش ماتتزوج وترحم بنيتك هالمسكين تتشحطط بين خوالها وبينكم جب لها ام ترعاها وتتعود عليها اريح لك ولها لافي بهدو:الأم مالها بديل يابو رعد كيف اجيب لها امه قصدك مرت ابو ومدري هي طيبه اوشريره معها خلني كذا مرتاح وخلاتها ماهم مقصرين وامي ام نايف ماتقصر بعد بس انا احب بنتي تكون معي كثير احس شغلي اخذني منها وحاول اعوضها ابو رعد ماحب ايناقشه وهو واضح انه ماعنده نيه:الله ايخليها لك يارب لافي :امين نايف سئل رافل الي ملتزم الصمت طول الجلسه: وين رعد يارافل رافل تذكر سبب روحته وتجهم وجهه :رجع للقصر مشغول ابو نايف:حسافه كان ودنا نشوفه ونسلم عليه من زمان عنه ابو رعد بحراج:ان شاء الله بكرا الصبح يجي وتشوفه رافل ابتسم بسخرياء على كلام عمه عارف ان رانسي ..وقف..عن اذنكم دقايق ابو نايف:اذنك معك ياخوي طلع من المجلس ووقف برا على العشب طلع جواله وهو متضاايق من بنته دلعها لين بدت تتفرعن والدلع يوم عن يوم بينقلب عليها دقايق وسمع صوتها:هلا وبابي ابو رعد بغضب كاتمه :اسمعيني يارانسي اناالظاهر تماديت بدلعك اسمعيني زين بكرا الصبح وانتي هنا مع اخوووك فااهمه رانسي بصدمه شهقت:لاا بابا من جدك لابلييز والله مابي اجي ومالـ... قاطعها وصوته يرتفع:الي شوفك يقول هي الي ضاربتك مكانك فالقتن البنت وناقلينها للمستشفى بسببك وانتي الي تزعلين وتهجين انتي مثل المثل الي يقول ضربني وبكى سبقني واشتكى الصبح وانا اشوووفك هنا عند امك فااامه ومابي اعيد كلامي ..سكر منها بدون لايسمع ردها ولف بيرجع شاف لافي واقف على بعد مسافه ومن شاف حمد لف عليه بسرعه تكلم:اقول ابو رعد ابوصل البنت الامي بس ماعرف المكان لو تتصل على احد يجي ياخذها ابو رعد :هاتها انا اوصلها لهم تقدم منها وهو يمسك يدها بعد مقالها ابوها تروح معه لافي وقف بمكانه يفكر بالبنت الي أسمها رانسي بباله هي نفسها الي دخلت عليهم يوم كان عند حامد نفض راسه يبعدها عنه ورجع داخل طاحت عينه على رافل جلس بمكان وهو يفكر فيه نفسه يعرف ليش يكرهه مايعرفه زين بس انه ابن حامد الكبير من زوجته الاولى والي ماتت بعد اختفاااء رافل بسنتين كان عمره 8شهور يوم يختفي... قبل تقريبا 2سنتن تواجه هو وياه عند حمد بحفل تخرج خالد من المرحلة العدادية كان لقاء عادي بعدها ببشهور التقى فيه نفس القاء الاول لكن كان رافل يتحفض وبعدها مممم اخرى التقى فيه وكان سلاامه بااارد عرف بعدين انه يكرهه بس مايعرف وضل السبب مجهوول بالنسبه للافي :وش فيك اكلت الرجال بعيونك لف على نايف الي علق وهو يضحك:ايش نايف انفجر ضحك وابوه ابتسم:اقووولك اكلت رافل بعيونك لين قام وهج اكيد سرحااان بس اااعترف وش فيه ..ليكووووون كلام ابو رعد اثر فيك لافي وفي باله المكالمه:ابو رعد كلامه نايف:ههههههههههه لاللا حاالتك ميووس منها بس وش رائك نخطب لك بنته لافي فزع:لااااااااااا مجنون انا ليمكن بوبعدين انت وش دخلللك خلك بحااالك وتحرك اخطب البنت قبل تطييير منك نايف تنح فيه:البنت اي بنت ..واستوعب..لالا لا يابابا خل نخلص منك وبعدين يجي دوووري لافي عدل جلسته على المركى وهو يقول:وش تخلص مني انا جربت حضي ووالحمدالله عندي بنت تسوى الدنياء وماافيها تكفيني وتوفيني ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ ٍٍٍٍ ~ٍ~ٍ~ٍ~ٍ~ٍ~ٍ~ٍ~ٍ~ٍ~ٍ~ٍ~ٍ~ٍ~ٍ~ٍ~ٍ~� �~ٍ~ٍ~ٍ~ٍ~ٍ~ٍ~ٍ~ٍ ~ٍ~ٍ~ٍ الصبـــــــح الساعه سبع رجعت رانسي للمزرعه ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ ٍٍٍٍ ~ٍ~ٍ~ٍ~ٍ~ٍ~ٍ~ٍ~ٍ~ٍ~ٍ~ٍ~ٍ~ٍ~ٍ~ٍ~ٍ~� �~ٍ~ٍ~ٍ~ٍ~ٍ~ٍ~ٍ~ٍ ~ٍ~ٍ~ٍ رعد توجه لقسم الرجال ينام ورانسي توجهة لجهت خيلها فتحت الباب وصفرت لفرسها الريم جت تركض الفرس الين وقفت قدامها وصارت تتمعك فيها رفعت العبايه وربطتها على خصرها وتلثمت بالطرحه لبست نظراتها وقفزت فوق ظهر الخير ضربتها برجلها وتحركت الفرس بسرعــــه قيااسيه وهي تجمح جمح فيها وبعد مساااااافه طووويله هدت سرعتها وصارت تمشي بهدووو دااارت على المزرعه مع طلعت الشمس ماافيه احد صاحي رجعت بعد نصف ساعه ماطولت عشان الضيووف مرت على البيت ولفت انتبهها طفله جالسه تلعب استغربت ماعندهم اطفال عاد هي مجنووونة اطفااال تمووت فيهم قربت منها بس تراجعت بالحظه الاخيره حتى ماتخوفها بالفرس بس الطفله انتبهت لها وصرخت بحماااس: فررس فرررس الله ..وركضت لداخل.. نووونه نوونه فرررس ضحكت رانسي عليها كيف فرحانها بس ليش ركضت لداخل شوي وطلعت بنت عرفتها على طوله:نووووووف نوف نزت بخوف وهي تتراجع:مين رانسي تلووح بيدها:انا رااانسي نوف ركضت لها :رنوووسه وحشتيييني يالدبا ليش تروحين امس رانسي نزلت من الفرس وسلمت عليها:هههههه انتي اكثر ياقلبي كيفك وش اخباارك واخبار خالتي ام نايف وفوفه نوف بضحكه :ههههه كلهم بخير خيل على الصبح رانسي بغرور:لاازم ماعرف ابدى يومي بدونهم وانتبهت لطفله واقفه:مين هذي ألأمووره نوف لفت عليها:هههههه هذي ترانيم بنت لافي رانسي:تراانيم هههههه غيرب اسمها يكون جابتها امها وهي تغني نوف انفجرت ضحك:هههههههههههه تخيل عاد .وكملت.الله يرحمها رانسي شهقت بصدمه:متوووفيه هزت راسها نوف:ايه رانسي غرقو عيونها دموع عليها وهي تناظر لها همست:الله يرحمها .ناظرت لطفله ونادتها :ترنييمة تعاالي ترانيم ناظرت لنوف قالت نوف بصوت عالي حتى تسمعها:تعالي ترنوومه شوفيه هذاي خااله رانسي جت ترانيم تمشي بحياء لين وصلت لهم سلمت عليها رانسي وهي تضحك:ياااحلووه ليش هربتي قبل شوي كنتي خايف هزت راسها وهي تقرب وتمسح على الفرس:لاا ماخاف انا احبهم قربت رانسي وهي تسئلها:تحبين تركبينها هزت راسها :ايه مدت يدها وشالته وقبل ترفعها سمعت صرخه قريبها منهم :لاااا لتركبييينها لفت رانسي لصوت وتجمدت بمكاانها نفس الشخص الي ضرب عمها حامد ذاك ليوم وش جاايبه ووش يبي ردت عليه بكل قوه:نعاااام وانت شدخلك نوف مفجوعه من وجود لافي وصراخه على رانسي :رانسي رانسي لفت عليها وبعصبيه:ماتشوفينه يتدخل بشي مايعنيه وبعدين منو هاذا :والله حاله انتي ماترتااحين الا تتناقرين مع احد مكفاك الي صار امس لفت رانسي على الصوت وشافت جنان واقفه بكل حقاره بدون طرحه ببنطلوون وكانها متعوووده تطلع قدامه قالت رانسي بقرف:الا انتي مكفاك الفلقه الي امس تبين الريم تتودسك هنا وينقلونك بدل المستشفى للنعاش طسي تستري وبعدين تعالي قطي وجهك كالعاده جنان لفت بقهر ودخلت تاركه رانسي تواجه لافي لافي عرف انها رانسي بس ليش ضاربه جنان تذكر الشاش الي على راسها ابتسم على جنب وهو يقول بباله تستااهل مجاها عديمة التربيه ناظر بنته الي واقف بجنبها وماسكه يدها :تراانيم تعالي بابا ترانيم هزت راسها بالرفض:لا بركب مع خاااله ولاول مره تعصي كلامه تنح بصدمه :رنوووم تعاااالي رانسي حطتها على الفرس وهي تقول:خلاص ارجع من وين ماجيت البنت ماتبيك قفزت وهي تثبت رنوم قدامها وتضرب على الفرس وينطلق فيه تاركه لافي واقف بصدمه وراها ويراقبها لف على نوف وبغــضب:________ انتهـــــــــــــــــــــ ى نلتقي قريبا ان شاااء الله Like