الفصل 8
الجزء الثامن ...
رغد تلعب مع ااختها ريوف .. وجاهم عمر ..
عمر : منو هذي
ريوف تمسك يد رغد ...
ريوف: اختي رغد
رغد : منو انت ؟
عمر : انا عمر ولد خالة ريوف
رغد : ليه واقف .؟؟ تعال العب معانا
عمر: ريوف ما تحبني
رغد : ما عليك انا اكلمها .. تكلم ريوف : ريوف عادي عمر يلعب معانا ؟
ريوف: خلاص العبي انتي معاه بس لا يقرب صوبي والا اضربه
عمر : خلاص ابلعب مع رغد وماني جايج ..
ريوف: واخيراا
دخل خالد ..
خالد : اهلين وسهلين .. منو هالمزيونه هذي يا ريوف ؟
رهف مستانسه : هذي اختي رغد
خالد انصدم ..
خالد في نفسه : شلون جت اهني ؟؟؟؟؟؟؟؟؟؟ الله يستر
خالد : عمر بابا وين ماما ؟
عمر : بغرفتها
طلع خالد لغرفته ...
امل : خالد
خالد : هلا حبيبي بغيتي شي ؟
امل : انا خايفه على الحمل .. ابيك توديني الطبيب
خالد : يلا البسي عبايتج وانا تحت انطرج
امل: ان شا الله ...
وراحو الطبيب...
الدكتور : الجنين عندك يا مدام ميت
امل + خالد انصدمووو ..
امل تبجي ..
خالد : شنوو ميت ؟؟؟؟
الدكتور : ايواا ميت .. ولازم نسوي غسيل
امل اهي وخالد ردو البيت ولا واحد منهم تكلم ..
ام حمد : بشري يا امل ؟
امل تبجي : الجنين ميت
ام حمد : شنوووووووو
رهف: ما عليج من هالدكتاتره .. اهو شنو سوى بالضبط ؟
امل : لما قلت له طول وقت الولاده قال ميت
ام حمد : وقالك ميت سيده تصدقينه ما عليك منه .. رهف
رهف: هلا يما
ام حمد : جيبي لي القران
رهف: ان شالله
وجابت لها القران .
وقرت ام حمد على بطن امل ..
ام حمد : انتي ورهف محسدوات من عيون هالناس اللي ما ترحم
رهف : أي والله صاجه يما حاسدينها على الراحه والوناسه
امل : حتى الحماله يحسدون بعد .؟ بعد ما جابو درزن بزارين يحسدووني اللي ما عندي الا عمرررررر وابي اخو له يحسدوون ؟؟
....
بعد 3 ايام ...
امل : خالد
خالد : هلااااااا امل شفيج ؟
امل تضحك ..
خالد : امل ؟
امل : خالد الجنين يتحرك
خالد : والله
امل : أي والله احس فيه .. الجنين مو ميت حييي .. الحمدلله لك يا ربي
خالد : قومي معي خلينا نتأكد من سلامته
امل : ثواني ..
وراحو لطبيب غيرر عن اللي راحو له ..
الدكتور : الجنين ما فيه شي منو اللي قالكم انه ميت ؟
امل: دكتوور من قبل 3 ايام تقريبا ما تحررك
الدكتور : أي .. انتي وش سويتي ؟
امل: قرت امي على بطني
الدكتور: يا سبحان الله ..
خالد : دكتور متى وقت الولاده
الدكتور : اذا يهمكم رايي دخلها المستشفى لان توقع أي وقت تولد
خالد يكلم امل : شرايج يا امل ؟
امل : موافقه ...
....
فيصل : الوو
رهف: الو
فيصل: شلونك الحين
رهف: زينه
فيصل: وولدي ؟
رهف: يسلم عليك
فيصل: هههههههه ما مداه يتكلم
رهف: انا ادري عنك
فيصل: حبيبي انتي الحين مرتاحه ؟
رهف: أي
فيصل: يا ليتني موديك من زمان
رهف تحس ان فيصل متغلب مرات يحبها ويغليها ومرات يعصب عليها .. .كرهت العيشه معه ..
رهف: فيصل
فيصل: اعرف وش بتقولين
رهف: فيصل احنا ما نصلح لبعض
فيصل: بعد 6 سنين تقولينها؟
رهف: كنت خايفه لو قلت لك
فيصل: رهف لا تتسرعين بقراراتك .. ااذا بنتطلق ..الولد اللي ببطنك باخذه
رهف: ليه ؟
فيصل: ليه يا قلبي ؟ حبيبي انا احبك .. واعرف انك ماتبين ولدك يفترق عن امه وابوه
رهف: فيصل .. انت ما شاا الله غني وحلوو بتلقى اللي تحبهااا .. ليه بتاخذ ولدي مني ؟
فيصل: اول مره احس اني حلوو .. ما حسيته بزيني الا توي ..
رهف: ...........
فيصل: رهف فكررري لا تنسين اني ابيك
رهف: دام اللي ببطني ما يروح مني ..
فيصل: فكرتي
رهف: أي
فيصل: بشري؟
رهف: اللي تبيه .. بس
فيصل: خير ؟
رهف: ابجلس فالكويت لين ولادتي
فيصل: ليه ؟
رهف: مشتاقه لبنتي ريوف .. ومشتاقه لامي
فيصل: طيب انا جاايك ...
رهف: ليه ؟
فيصل: شنو ليه ؟ جاي عن زوجتي حرام ؟
رهف: لا
فيصل: يلا اخليك الحين .. باي
رهف: باي
طوووط طوووط
سكر فيصل من عند رهف ..
فيصل : ليه ما تبيني رهف اجي عندها ؟؟ اعوذ بالله من ابليس
...
رهف تفكر بحياتها .. اللي بعمرها الحين تزوجوا اول زواج لهم ومستانسين واهي عمرها 24 وعندها بنت 6 سنين وحامل .. تحس انها اكبر من عمرهاا بكثييير ...
تذكرت يوم جا موسى لبيتهم .. تغير شووي وصار احلاا .. وشافت في عيونه رفض لحبهاا اللي ما كملته .. هالبنت مجنوووووونه من البدايه بعد كل اللي جاها منه لين الحين تعشقه وتموووت فيه .. كل ما تتذكر الماضي تحن له .. ودها لو تغيير المااضي .. ودها لو تغير كل شي بثانيه .. صارت حياتها كل من دخلها تحكم فيهاا ا... ولا اهي مالها من حياتها شي الا العذااب . . والسبب حبهااااااا .. ما تبتسم شفاها الا ابتسامه موسى لها . .
ريوف: ماما
رهف سرحانه ...
ريوف تصارخ: مامااااااااااااااا
رهف: هلا يماااااا ريووووف
ريوف: مامااااا باجر حفلة في المدرسه والابله تقول خلي امج تجي
رهف: من عيوني ماما ..
ريوف: ماماا متى يجي بابا ؟
رهف : ليش ماما تبين شي من بابا ؟
ريوف: أي ابي العب معه مثل عمووور مع خالو خالد
رهف: حبيبتي ان شا الله انا اقول لبابا يجي اوووووكي
ريوف استانست : اوكيييك
رهف: وينها رغد ؟
ريوف: عند عمرررر
رهف: حبيبتي روحي العبي مع اختج
ريوف: مابي .. ابي اقعد عندج
رغد تدخل مع عمرر
رغد : ريوووف تعالي شوفي شنوو لقيت
عمرر: بسرررعه
رهف: شفتي اختج وولد خالتج يبون يلعبوون معاج
ريوف: ليه ؟؟
رغد : في قطووووه صغيييرره تهبل تعالي شوفيها
ريوف: قطووووووووه الله ونااااااااسه
وركضت ريوف مع رغد وعمررر يلعبون بالقطووووه .. ورهف دخلت باحلااااامهاا الورديه .. احلا ما في الاحلام الهرووب من واقع الحياة .. وخاصه رهف الاحلام هذي تونسهاا ...
.....
دخلت صالحه مع راشد ..
صالحه + راشد : السلام عليكم
قام موسى وحبهم على راسهم ...
موسى : وعليكم السلاااااام الحمدلله على سلامتكم ..
صالحه: وين حنان ونورة ؟
موسى: مدري
صالحه: وشلونك ياموسى ؟
موسى: الحمدلله
راشد : هذا اللي جبته لنفسك .. لو انك سامع كلامي من البدايه .. كان ما صار هذا كله
صالحه: نعم نعم يعني السبب انااااا
راشد : أي انتي
موسى : يبا يماا انا مابي عوار راس .. لين الحين ما مليتوا من الهواش ؟؟؟؟؟
صالحه : اسمع يا موسى بالهداوه .. روح رد مرتك هديل
موسى : مابي ..
راشد : لا يردهااااا الله لا يردها ان شاالله .. جننت فهالولد المسكين .. وانتي ما تخافين من ربج .. تدرين ليه بنتج شمااا على هالحااااال ؟؟ ؟ هذا غضب من ربج .. اهملتي عيالج .. وزوجتيهم واهم عايفين حريميهم . . وموسى زوجتيه واهو مايبيهاا .. يبي بنت عمه رهف .. وطلقتيهم ..
موسى : هه توني ادري ان رهف عندها بنت مني
صالحه تمسك قلبهااا: شنوووووووووووو من متى ؟
موسى : من طلقتهااااااا كانت حامل
صالحه تنكر : لا لا اكيد مو منك
راشد معصب: خافي الله .. انا ادري انها كانت حامل من موسى .. ورهف قالت لي قبل لا تتطلق انها حامل ..
صالحه سكتت ..
موسى : اسمها ريووف .. تشبه امها رهف نسخه مصغره منهاااا ..
صالحه : لايكون يتتزوجها مره ثانيه ؟
موسى سكت ما حب يعلق . .من شاف رهف المره الاخيره حبهاا بجنووووون .. من رجع من بيتها .. واهو عاشقهاااا.. تمنى لو يرجع الزمن ويعوضهااا ..
ويغمرها في بحر حبه .. اللي حتى ما ذوقها كاس حبه .. يفتديها كل ما طراها او حتى كل ما فكر فيهاا..عيونها ذبحته وقطعته .. سحرته بحلاها ونعومتها .. كل ما تذكرها يندم ..
......
حمد : لحظه يا ندى انطري شووي
ندى : يلا يلا بنسووي سبرايززز
حمد يشيل شنطهم ..
ساره >> عمرهاا 5 سنين .. حلوووه ونعوومه وبنوووته طالعه على امهااااا ...
ساره : مامااا لحظه باابا تلعوز بالشنط
ندى تضحك على حمد ..
حمد : والله مو منقذتني غير بنتي حبيبتي
ساره: اعجبك يباا
ندى: ههههه امشوو بس
حمد: تامرين ونلبي صح سويره ؟
ساره: ايواااااا
ودخلو البيت .. .
ندى : سبرااااااااايس يا قماااااااااااعه
ام حمد : ياااا هلااااااا وغلاااااااا حيي الله ندى وحمد
ساره : جدوووو وانا ؟؟
ام حمد : وحيي الله ساروونه
رهف تجي ...
رهف: هلاااا ومسهلاااااااااااااا
وتسلم عليهم ..
رهف: حيي الله اخووووي
حمد : رهووووف متى جيتي ؟
رهف: من كم يوم
ندى : اهلين القاطعه اللي لا تسأل ولا تدق
رهف: هلاااااااا ندووووووي
ويقعدون في الصاله ...
حمد: يلا انا بروح ارتاح في غرفتي
ساره : وانا بروح عند ريووف وعمر ..
ندى : وينها امووول ؟
ام حمد : في المستشفى
+( بيت امل الطوفه بالطوفه من بيت امها )+
ندى : ليه اهي ولدت ؟؟؟؟؟
ام حمد : لا .. بس الدكتور يقول باي وقت بتولد
ندى : الله يقومها بالسلامه .. وانا داخله شفت بنت اهني اهي بنت منو ؟
رهف: بنت موسى من هديل
ندى : بنت هديل !!!!!!!!!!! ما تشبهاااااااااا
ام حمد : أي جايه على ابوها موسى
ندى : والله انصدمت من قلتي لي ان هذي الحلوة بنت هديل بس ليه جايه عندكم ؟
رهف : ويه صارت سوالف.. ولد موسى مشاري توه متوفي من غسوووووول التنظيف .. وطلق هديل .. وجاب بنته عشان اهو مشغوول
ام حمد قامت : انا بروح اسير على ام عبدالعزيز ... تامروني بشي؟
رهف + ندى : سلامتج ..
وطلعت .. .
ندى : تعالي .. تقولين طلق موسى هديل؟؟؟؟؟؟
رهف: أي
ندى : تو الناس توه يطلقها ؟
رهف: شقصدج ؟
ندى : ااه لو انتي الحين مو متزوجه فصييل .. كان اخذتيه
رهف: شلوون تفكرين ؟ تفكير افلام هنديه
ندى: تراني اتكلم جد ..
رهف: تبيني اتطلق من فيصل عشان موسى ؟
ندى : اعووذ بالله منك قلبتي الحكي ... ما قلت كذا .. قلت لووو
رهف: مستحييل .. وانا الحين حامل
ندى تيبب : كلولووووووووووووووش واخيرا بصير عمه
رهف تبتسم مجامله ..
ندى : شفيك حبيبتي مو مستانسه ؟؟
رهف: عادي
ندى : مو كنه طولتي اهني؟
رهف: قلت لفيصل بقعد اهني لين ما اولد
ندى: يا كبرهااااااااا عند الله .. انتي استخفيني .. زين ما طلقك على ذا الحكي .. اكييد رفض اخووي وانا اعرفه مستحيل يخلييك هنا اكثر من يومين
رهف: ابشررج وافق
ندى : مستحيل يوافق .. اكيد بيجي هناا دام انه وافق
رهف: ما ظنتي يجي
ندى : توقعي يا حبيبتي كل شي من مجنون خاص في حاله اخوي مجنوووون رهف
رهف: مو لايق
ندى : ليش يا حبيبتي اخووي تتمناه الف وحده
رهف تضحك : يا ليت لو ياخذ منهم ههههههه
ندى: واهو ما يبي الا وحده . وتغمز لها ..
رهف قامت : والله مو مجنني غيرج انتي واخوووووووج .....
....
ساره : ريووف منو هذي؟
ريوف: وااااي تعبت وانا اقوول هذي اختي ررغد
ساره: الله وناسه اختج وليه ما قلتي لي ؟
ريوف: اشتغل عندج
رغد : انتي منو ؟
ساره : انا ساره بنت خال ريووف
رغد : تعالي شوفي القطوه
ساره : الله يا حلووها شنو اسمها ؟
رغد : مادري
عمر : اسمها سوسو
ريوف: ووويع شهالاسم .. لا احلى لولوو
ساره : أي احلا لولو
رغد : بس حلو سوسو بعد
عمر : محد معاي غير رغد
رغد : لا تزعل عمرر منهم
.........
بعد اسبوعين ..
ولدت امل وجابت ولد وسمووه عبدالرحمن ..
في المستشفى ..
يرن موبايل رهف طلعت من الغرفه ..
ندى : مبروك ان شالله يتربى بعزكم ..
امل : الله يبارك فيك يا ندى , , عقبال ما نشوفج حامل
ندى : لا يا شيخه انا مرتاحه كذااا .. مع ان اخوك كل يوم يحن علي اني اقطع الحبووب
امل : لمتى ؟
ندى : مادري بعد سنتين او 3
ام حمد :العيال اهم اللي يمسكون الرجال
ندى: ما يسويها حمد ان سوااها اذبحه
امل : هههههههههه
ام حمد: اجل شدي حيلك ويجيبي ولد يمسكه
ندى : هههه خالتي والله خوفتيني
ام حمد : انصحك
ندى : خلاص خلاص .. بقطع الحبوب
امل: الحمدلله انك اقنعتيها انها تقطعهم
,,,
رهف : الووووووو
فيصل معصب: وبعدين معك ؟
رهف: شنو بعد ؟
فيصل: الحين كذا يوم مره ولا اتصال ولا مسج ؟؟ كنك تبغين الفكه صح ؟
رهف ما تحب هالطبع اللي في فيصل .. ينساها ويقط كل شي عليها ..
فيصل: ردي يا رهف
رهف: ماني راده
فيصل: مساله عناد اهي ؟
رهف: فيصل لا تسوي مشاكل
فيصل: تعرفين شلووون .. انا جاايك اليوم مابين الكويت والسعوديه الا ساعه وحده بس
رهف: فيصل وبعدين يعني
فيصل: اسمعي الكلام وردي يلا
رهف: انت وعدتني اني اقعد لين ما اولد
فيصل: كل هالوقت ما اقدررر
رهف: .... ماني راده لو حتى تجي
فيصل: بتردين غصب او بطيب
رهف: سو اللي تسويه .
فيصل: كل ما اجيك بالطيب تقهرين واذا جيتك بالغصب زعلتي ... وش اسووي فيييييييك ؟؟؟؟؟؟ ليتني ما عرفتك يا رهف .. لو ما عرفتك ما تزوجتك ولا قعدت كذاااااا لا عيال ولاشغله .. بس انا بخلييك تطيعيني مو لازم اكون حبيبك عشان تطيعيني .. انا زوجك ..
سكرت الخط في وجهه ...
ودخلت داخل ..
كانت تفكر في كلماته حست انها غلطت في حقه ..
رهف في نفسها: ياربي شسوي الحين ارد او لا ؟؟ اااااااااااااااه
ام حمد : رهف ؟ شفيك يما ؟
رهف: مافيني شي
امل: شكلج تعبانه
ندى: واحنا بعد طولنا عليك يا امل انتهى وقت الزياره نجييك مره ثانيه
امل: لا ما في مره ثانيه بعد يومين بنزل على بيتي
ام حمد : اجل نشوفك اهناك
رهف: يلا باي
امل : باي
وطلعو ...
.............
فيصل : تقهرني اااااه لو هالقلب هذااا ما كان صبررت على عذابهاااا,,
جهز فيصل شنطه وقرر يسافر للكويت ...
........
صالحه : موسى انت لمتى مخلي بنتك عند بنت حنان
موسى : انا مو مخليها عند بنت حنان على قولتج .. مخليها عند عمتي حنان
صالحه : عمت عينك وعينها .. رح جيبها ولهانه عليها
موسى : رغد مستانسها عند اختها وعند عمتي حنان بخليها هناك عندهم كم يوم
صالحه : انت بتخلي حنان تضحك عليك وعلي .. تبيها تقول يبون الفكه من بنتهم
موسى : يماا انتي شفيج علي ؟
صالحه : مافيني شي .. رح جيب بنتك
موسى : ان شالله من عيوني
طلع موسى وركب سيارته .. شغل fm وطلعت اغنيه مذهله ..
موسى : مرعبه وين مذهله ... الا رهف مذهله بكل معنى ..
كمل طريقه ووصل لبيت ام حمد ...
نزل وطق الجرس ...
فتحت الباب الخدامه .. ودخل للدوانيه ..
الصوب الثاني ...
رهف : ريوووووووف وينج ؟؟
سمع موسى صوت رهف وفيه شووق ووله لو يشوفها لو دقيقه ..
رهف بالصدفه دخلت الدوانيه .. لما دخلت وشافت حبيبها موسى قاعد ,, رجعت ورى .. ولبست ملفعها ..
دخلت قلبه ..
رهف: هلااااا موسى ..
موسى قام ..
موسى : هلا فيج .. لو ما عليج جاي اخذ رغد
رهف : ليه ؟
موسى : باخذهاااا عند اهلها .. ومابي اضغط عليكم
رهف: لا لا رغد ماتروح
موسى : رهف
انتفضت رهف.. .
رهف : نعم
موسى : اسمعيني .. هذا مو مكان رغد ..
رهف: لو عندها ام تهتم فيهاا كان اسألت عنهااااا . . الوقت اللي قعدت عندنا فيه كانت حييل مستانسه
موسى يبتسم : انا ادري . . بس امي تبيها
موسى لاحظ بطن رهف ..
موسى : مبروك على الحمل
رهف بحيا : الله يبارك فيك
حس موسى بغيررررره كبيره من فيصل.
موسى في نفسه : يا بختك يا فيصل في رهف ..
موسى شاف رغد تلعب مع ريووف ..
موسى : ررررررغد
رغد : بااباااا
ريوف: بابااا
تراكضو صووب موسى ..
شال موسى بنته رغد ,, وريوف تطالعه .. حست ريوف بالغيره من رغد ,, ورهف حست فيهاااا
رهف وصوتها فيه بكي : يعني رغد بنتك وريوف مو بنتك ؟
موسى التفت صوب رهف ... حس فيهااااا .. شلون نسى ريووف ؟؟
موسى : ريووف
ريوف تبجي : انت مو بابا !!!!
وركضت عنه ...
رهف : ادري انك توك تعرف بنتك ريوف.. بس هذا ما يخليك ما تسأل عنهاااااااا.,.. مع السلااااامه ولا تجي مره ثانيه لو سمحت !!!!!
طلعت رهف معصبه من تصرف موسى ..
رغد : شفيها ماما رهف زعلانه ؟
موسى : مادري بابا .. يلا جيبي شنطتك وخلينا نمشي
رغد : نمشي ؟؟ لاااا مابي
موسى: رغد
رغد : بابا مابي .. ابي العب مع اختي ريووف وساره وعمرررر.. وابي انام عند مام رهف
موسى : تنامين عندها ؟
رغد : أي .. انا وريوف ننام عندهاا .. بابا
موسى : حبيبي ماما صالحه تبيج
رغد : مابي مابي مابي
دخلت ام حمد وسلمت على موسى ..
ام حمد : شفيها رغد ؟
موسى : يا عمه انا جاي اخذها معي واهي ماتبي
ام حمد : وليه ما تخليها عندنا
موسى: الله يهداج شلون اخليها امي تبيها وخايفه عليها
ام حمد : على راحتك مابي اغصبك
موسى : تسلمين لي لو ما عليج امر يا عمه خلي وحده من الخدامات تجيب شنطه رغد
ام حمد : من عيوني
موسى: تسلم عيونك
وراحت ام حمد وجابت الشنطه .. وكل هالوقت تبجي رغد تبي تقعد عند رهف واختها ريووف ... وتبي تلعب مع عمر وساره . .
شنو تتوقعون يصير ؟
هل دخل حب رهف لقلب موسى واخيرااااا ؟؟ ؟
وشنو بيسوي فيصل في البارت الجاي ؟
Like