قلبي الأسود - الفصل 6 - بقلم للكاتبة الكونتيسة مزنه | روايتك

البارت السادس …… مزون:اه ظهري جعله اللي ماني بقايله ابغى افهم متى يحسون فينا اسيل:الله يرزقنا الجنه بس على هالصبر مزون :اقولك تدرين مشينا بس خلي هالكراتين هذي يتصرفون لوحدهم اسيل :اممممممم اقولك مزون مزون ماده بوزها وطفشانه :نعم اسيل:ابدن بس وش فيك ماده البراطم هاه مزون باستهزاء : اقيسها وبعدين انتي وش عندك اليوم ماسكتني اسئله اسيل :ههههههه اقول مشينا بس خلينا ندور شيء ناكله مزون : عاد تصدقين يومين ما اكلت هالعينه جانيت كل الاكل ترميه عشان ما ناكل اسيل بغمزه :لا تخافين رداد مضبط الامور كلها مزون :أجل هجولنا للمطبخ فتحوا باب المطبخ التفت رداد ابتسم للبنات كتبت اسيل له : هاه رداد ضبطت الخطه رداد :اكيد حسستيني انها خطه للسطو على بنك اسيل:لا يا شيخ المهم وين الاكل اشرلها بالكيس اخذوه مزون :يلا تعالو نروح للمكانا المعتاد تدرون هنا ما ناخذ راحتنا وجانيت لو درت أنا ماخذين اكل صدقوني بتسوي سالفه اسيل :اوكيه يلا اشر لهم رداد يلا امشو طلعوا وبسرعه حاولوا محد يشوفوهم وصلوا جلسوا خلف الشجره على جهة المزرعه كان هالمكان نادرا احد يجيه كالعاده رداد يجلس لوحده والبنات لوحدهم نادرا ما يتكلم معاهم وبس صامت والا يكتب بدفتره مزون :تدرين اسيل ودي اعرف وش يكتب فيه واشرت على الدفتر اسيل :والله علمي علمك بس هالانسان عنده سر واحسه خطير بعد مزون تسكتها :اقول اكلي بس وانتي ساكته يا شينك لا قمتي تحللين اسيل :اففف وش ورانا خلينا نشغل نفسنا اقلها بشي يمتعنا كملوا البنات اكلهم وكل شخص من هالثلاثه في عالمه الخاص ه اسيل فجاءه صرخت :ااااااه شرقت مزون فز رداد من مكانه جلس جنبها مزون بكحه :كح اسيل اسيل وش فيك اسيل :رجلي مزون بصراخ :اش فيها تكلمي اشر لها رداد يسالها با اي رجل اشرت اسيل على رجلها اليمنى :هذي في شيء لدغها ما اقدر احركها مزون تكفين ساعديني مزون بربكه :طيب تماسكي بس قليل ابعدها رداد صصاحت مزون مفجوعه :عقرب وش جابه هنا هنا اسيل اشتغلت دموعها وقف رداد ومد يده لها مدت يدها وقفها استندت على مزون اسيل بصوت باكي :مزون سامحيني وقولي لرداد يسامحني واهلي وامي وابوي إذا طلعتي من هالسجن الا راكان قولي له ماراح اسامحه لا دنيا ولا اخره هو وابوه والله ياخذ حقي منهم مزون تهاوشها وتمسح دموع اسيل :يا زفتا وش هالكلام ترا وربي عقرب انشاء ألله مايصير شي اسيل بصوت خفيف:مزون اه اغمى عليها مزون صارت تركض هي ورداد ما يدرون وش يسون دخلوها لغرفتها كتبت مزوت لرداد :انتبه لاسيل أنا بروح بسرعه ادور احد يساعدنا بهالمشكله …...... (مزون) ركضت ما ادري لمين اروح تنهدت لحظات وانا واقفه قدام باب جناحه مسحت دموعي مافي احد راح يساعدنا غيره بدوس على قلبي وبدخله وانا حالفه قبل اني ما ادخله واسيل إذا ما تداركنا الوضع راح نفقدها يا رب سترك وعونك جاء في بالي راكان بس عارفه وش راح يكون رده اكيد بيفرح من قلب الحقير يتمنى موتها اليوم قبل بكره يالله وش اسوي مافي غيره دقيت باب الجناح جاني صوته :تفضل فتحت الباب بسرعه ودخلت انصدم لما شافني لما بديت اتكلم انهمرت دموعي مزون وهي منهارة وتتكلم بسرعه :نايف ساعدني الله يخليك بسرعه اسيل بتموت بتموت إذا ما ساعدناها بسرعه الله يخليك الحين ينتشر السم بجسمها وتموت يا نايف أنا مالي غيرها سمعت صوت راكان من وراي راكان بعصبيه :تكلمي زين عشان نفهم اسيل اش فيها التفت يسار نايف شفته كان جالس مع نايف ما انتبهت له اكيد سمع كل الكلام ناظرت في نايف بتوسل ابيه يساعدنا فز نايف من مكانه بسرعه نايف :يلا بسرعه تعالي كل اللي فهمته من كلامك انه في شيء لادغها ردت عليه مزون بسرعه :ايه ايه عقرب قربت منه و سحبته مع يده مزون بتوسل :وانت اسرع عشان نتدارك الوضع نايف :طيب يلا انتظري بجيب الاسعاف الاوليه واجي طلع نايف من الغرفة ياربي جلست على اعصابي انتظر نا يف دخل نايف :مزون يلا بسرعه البنت لو بنجلس كذا بتموت قبل لا اطلع من الغرفه طالعت في راكان كان جالس وينظر بالكوب اللي بيده تف عليه مامنه فايده قلتها يتمنى لها الموت فجاءه ما حسيت الا هو رمى الكوب بعصبيه ؤقف اتجه ناحيتي أنا طلعت من الغرفه نايف :انتي اش فيك بارده بسرعه امشي. البنت شكلها ماتت وانتي واقفه بمكانك مسكت يد نايف وركضت لازم نلحقها التفت الا راكان ورانا يمشي بسرعه هفففف هذا وش يبي ….............. (رداد ) طلعت مزون من الغرفه جلست جنبها على الارض أنا اش اسوي لازم اخلص جسمها من السم مسكت قدمها كانت اللدغه فوق الكعب بشوي رفعت البنطلون عنها قربته من فمي وبديت امص السم واطلعه من فمي مرت خمس دقايق واناعلى نفس وضعيتي كحيت بقوه رجعت اكمل دخلت مزون مزون اشرت بصدمه :رداد انت وش تسوي قرب نايف ومعه الدكتور والاسعاف الاوليه نايف: خلاص ابعد عنها الدكتور جاء طاحت عيني على راكان وجهه احمر من العصبيه اش فيه هالانسان مريض والا وش سالفته قرب مني مسكني مع ياقة القميص بعصبيه وقفت ابعدت يده عني عدلت قميصي سحبني مرره ثانيه وابعدني عن السرير راكان بعصبيه :انت بأي حق تقرب منها حاولت افهم وش يقول ناظرت في مزون لعلى وعسى تساعدني. وتفهمني وش يقول ردت مزون بعصبيه :ليه وش حظرتك الرجال بيساعدها وعلى فكره رداد اصم مايسمع وما يتكلم راكان صارخ عليها :انتي اووش ولا كلمه سامعه نايف بحده :راكان الزم حدودك ويلا اللكل على برا خلوا الدكتور يشوف شغله طلعوا اللكل وسحبتني مزون برا الغرفة مقهور ودي افهم بس وش السالفه حسيت من اشكالهم يتهاوشون قربت مزون مني مزون بابتسامه كتبت له :رداد خلاص انت ارتاح أنا بنتظر عندها رداد :لا عادي خلاص انتظر معك بس السي سيد راكان وش سالفته معصب وحالته حاله مزون:ماعليك منه هذا انسان مريض انت بس طنش هذا اللي ينفع معه رداد : أنا بفهم هو اش جابه ما قدرتي تنادين غيره راكان هالانسان كريه ولو بيدي كان اخ بس مزون :رداد خلاص يرحم امك بلا مشاكل. بعدين اسحب عمرك وادخل غرفتك شوف نظراتهم لنا تخوف والله ما راح يجينا من وراهم الا المصايب رداد كتب لها :ماعليك على قولتك طنشي سحبت النوته منه وكتبت مزون:قلت لك روح لغرفتك اي مكان المهم تطلع من هنا رداد أنا خايفه نظرات راكان ما اطمن اخاف يقلبها هوشه كبيره رفع رداد نظره لها وابتسم :اوكيه ابشري بطلع بس مزون انتبهي على نفسك وعلى اسيل ابتسمت وسويت حركتي المعتاده واشت علي عيوني مزون :من عيوني حست باللي سحب منها النوته التفت بفجعه وانا مبققه عيوني مزون بفجعه :نايف خير وش ذا نايف بعصبيه : طول هالوقت حاشمك وساكت بس انتي مرره ما ينفع معك هالاسلوب مسكها مع ذراعها نايف بعصبيه :يلا قدامي مزون بتساؤل:هيه انت اش فيك انهبلت نايف عاض شفته بعصبيه :قلت لك امشي وانتي ساكته .................................................. . طالعت حولها بالمكان مظلم ماتدري حتى الباب وين اتجاهه (مسك) يارب سترك صار لي ساعه وانا بهالمكان حاولت امشي بالظلام وقفت صارخت بااعلى صوتي : ياناس ياعالم ياهوه فيه احد تكفون احد يساعدني نزلت دموعي بلا مقدمات وما اسمع الا صدى صوت شهقاتي الله يخليكم ساعدوني يمكن محد يفهم عربي مسك وبصوت عالي: Help me يأست ان احد يتستجيب لندائي جلست وضميت نفسي خايفه من اطرف شي غطيت عيوني بكفي والدنيا كلها ظلام حولي جلست على هالحال انتظر الله لايسامحه انا اش سويت مالي أي عداوه مع احد وهو سوال يدور براسي وبس افكر فيه اش معنى انا بذات ؟ حسيت بحركه نزلت يدي بس بسرعه رجعتها ما ابغى اشوف أي شي فوق ان الغرفه ظلام بظل مغطيه عيوني بيدي .......... كنت جالس في المكتب قدامي ورقه والقلم بيدي ادق القلم بالطاوله متوتر بندر بعصبيه :اوه خلاص الطاوله تكسرت من كثر ما دق يا شيخ ارحمها ناظر فيه بنص عين : لا ياشيخ احر ما عندي ابرد ما عندك الحين انا محتار قاطعه بندر بخبث: اسمع ياثامر الشي اللي انت جلست فترة تخطط له خلاص قريب منك يلا ورنا رجولتك وخذ حقك ضحك ثامر : وش قالوا لك باخذ حقي مرره وحده لا والله اوريها نجوم الليل بعز القايله وما اكون ولد ابوي بندر ببتسامه خبيثه : على كذا انا استاذن وانت شوف شغلك ثامر : اوكيه دربك خضر وقفل الباب وراك طلع بندر فتحت الدرج طلعت الرسالة للمره المليون اقراها مغبون ومقهور مررت اصابعي غلى الدم الجاف فيها دخلتها بعصبيه في الدرج وقفلته قمت بروح للغرفه فتحت الباب بخفه انصدمت من منظرها تو قبل قليل صوتها واصل الشارع كانت جالسه قريب من الباب متربعه ومغمضه وحاطه يدها على عيونها جلست قدامها سحبت يدها ونزلتها عن عيونها احس الشياطين قامت تنطنط حولي ودي اذبحها وانتهي بس مستحيل ما راح ارتاح الا لما اتلذذ بتعذيبها مسك بخوف رحعت على ورى : ابعد عني انت وش تبي مني وبصراخ قول وش تبي وقف ثامر صار يمشي حولها بصوت استفزازي : تبين تعرفين اش ابي منك والا اقولك خليها سبرايز على قد خبرتي ان البنات يحبون السبرايز قربت منها وصار وجهي مقابل وجهها ثامر بحده وهمس : والا انتي غير مسك تطالع فيه مفجوعه بلمح البصر سحب حجابها صارت تبعد عنه وهي تبكي : ابعد عني صارخت ابعد عني انت وش سالفتك انا بأيش اذيتك قرب منها دخل اصابعه بشعرها وسحبها سحبه وحده وقفتها على رجولها ونت بالم ثامر بعصبيه :قلت لك ولا كلمة سامعه لا ترفعين صوتك سحبها وراه وهي تحاول تحرر نفسها مسك بصراخ ممزوج بعصبيه : ابعد عني قلت احسن لك يا ناس احد يساعدني وقف قدام الغرفة فتح الباب ورماها اشر لها ثامر بسبابته : خليني اسمع لك حس وبنبرة تهديد : صدقيني بتخليني اشطب على الامور مرره وحده ركضت وقربت منه تعلقت في الباب تحاول انه ما يقفله مسك : الله يخليك لا لا ابعدها عن الباب ورماها على الارض لين تمددت من قو الرميه غمضت عيونها مر شريط حياتها قدامها ونزلت دموعها بصمت ............................................. قاطعها بعصبيه :تدرين انك انسانه ما تستاهل الاحترام والحشيمه جيت بعد غياب حتى ما فكرتي تساليني كيف حالي قاطعته مزون : لا مو ملزومه اسالك انت ما سالت سنتين ونص ما دريت حتى عن هوى داري قربت مزون من الباب بتفتحه صارخت بعصبيه : نايف افتح احسن لك انسدح على السرير بكل روقان وهدوء نايف : انسي باب ما راح افتح والحين انثبري عاد بكيفك اشغلي نفسك بـ أي شي ناظرت فيه بعصبيه :هين يا نايف توجهت للحمام وقفلت الباب وفجاءه طلعت من الحمام وبعصبيه: جد انك حقير ضحك نايف : ليه متوقعه اني راح اترك المفتاح في الباب لف لجهتها وغمز : ترا ما نسيت عادتك كل ماعصبتي دخلتي الحمام لا ياماما هالعاده بذات انسيها من اليوم ورايح مزون بتهديد :نايف هي كلمه وحده ولا ابي ازيدها افتحه والا ترا وربي لا اصارخ واسوي لك فضيحه هنا نايف مات من الضحك : وش فضيحته يا بنت الحلال وحتى لو سويتي ما راح يفزع لك احد غمز لها :لاتنسين انتي زوجتي حلالي ويلا طفي النور ابي انام مزون بملعنه : ووالله ما تنام نظر فيها بنص عين : لا ياشيخه اقول عن الهذره الزايده وقفلي النور بس تخصرت قدامه وبعناد : ما ابي حذفها نايف بالمخده مزون صارخت بقهر: ااااااه نايف وبضحكه : هههههه يلا عاد فكري مرره ثانيه تعانديني الاسم : نايف العمر :30 ............................. (مزون) مسكت راسي اح الله يكسر يده طنشته وقفلت الاضاءه خفت اعانده ويسوي شي اعظم توجهت للشباك كبير مطل على جزء من الحوش اليوم القمر كامل ونوره متسلسل من الشباك تنهدت وجهت نظري له حسيته مو قادر ينام بس يتقلب هففففف جلست ع الكنبه قام بعصبيه من السرير ووقف قدامي نايف : اسمعي اذا بتقعدين طول الوقت هففف وملانه هذا هو السرير روحي انخمدي ابتسمت لهدرجه وجودي معه يسبب له توتر نايف بصراخ :هيه انتي وش سالفتك اولى طفشانه وحالتك حاله والحين مبتسمه مشيت من جنبه ركضت ونطيت ع السرير بالعرض لطالما شفت هالحركه بالافلام ههع وتمنيت اسويها نايف ووجه احمر من العصبيه : لا انتي شكلك انهبلتي وش سالفتك غمضت عيوني محاولة اني اتناسى وجوده دقيقه ماحسيت الا انا طرت ووقعت التفت جنبي الا هو نايف وانا اللي توقعته زلزال او هزه ارضيه لف لجهتي ويده تحت راسه ومتكي عليها ومبتسم ابتسامه مو طبيعيه وراها هدف فزيت بسرعه مزون بتهديد : اسمع انا على السرير وانت على الكنبه تنام نايف : لا والله اذا انتي متعوده تنامين ع الكنبه فانا العكس وقال لها بنبره لها مغزى : ما اتوقع انه شي جديد تعودتي تنامين بـ أماكن اردى من الكنبه يعني لا طولينها غطى وجهه بالمخده ونام بتحرك مو قادره مصدومه من كلمته الاخيره ضحكت بقهربس ليش انقهر مو شي جديد عليه من يومه مغرور وماهمه الا رغباته جهزت الكنبه تقلبت لعلى وعسى انام شعور صعب انك تكونين بنظر الاخرين رخيصه تافه زباله وليته أي شخص شخص توقعته بيكون لي سند بهالدنيا بعد ابوي بيحميني ويعزني وللاسف طلع عكس كل اللي توقعته نهاية البارت السادس