رجيتك لاتتركني مثلهم - الفصل 22 - بقلم hms - مكتملة | روايتك

البارت الثاني والعشرون قراءه ممتعه للجميع عند اسيل وهدى −−−−−−−−−✧ ضمت هدى وهي تبكي وسحبتها هدى معها فوق طاحت اسيل بحضن هدى هدى؛ ما اظن انك كنتي تحبينه ليش هالبكى اجل؟! اسيل؛ من قال لك اني ابكي عشانه انا تعبانه يا هدى هدى ؛ وش فيك ؟ اسيل حبيبتي اسيل فزت وهي تبكي وتشاهق ؛ اخذته مني والله اخذته تدرين اني كنت اتعذب زرت دكتور نفسي تدهورت صحتي تدرين ياهدى؟!! وبكل بساطه جايه تقول اسفه بسالك هدى متى اموت متى ارتاح ؟ ياليتني مت ونساني الكل ولا صار هالشيء هدى وهي تحط يدها على شفايف اسيل تمنعها من الكلام؛ من قال لك ؟!انا لك انا ببقى لك انا سندك هم تركوك بس انا جنبك انا لك اضمك وقت ما تبكين اسندك وقت ما تطيحين اتحمل كل تقلباتك انا لك اوك ؟ اسيل وهي تمسح دموعها ؛ شكرا هدى باستغباء ؛ على ؟؟ اسيل ؛ اشكرك مرا لانك اكثر انسانه تتقبل تقلبات مودي ولانك صابره على حلطمتي وتعاستي يعني لو انتي مو عندي لمين اقول هالكلام ؟ مين اضم واطلع طاقتي السلبيه عليه هدى ؛ ولو يا روحي اذا ما كنت انا لك سند اجل من لك عند اسيل بالصبح −−−−−−−−−✧ كانت تدور بغرفتها مع سعود وهي تحوس بمكتبه لقت مجموعه صور لسعود وراكان وفجاءه لقت صوره مثبته عليها رساله وقرتها بكل صمت وتفاجات بالكلام كان محتواها "ليش ؟ ياعين اخوك ليش تخوني ؟ " انصدمت وما فهمت قصده عند راكان −−−−−−−−−✧ كان جالس عند قبر اخوه وهو يلمسه وعيونه تدمع بدون شعور وباريحيه ما يحس ان فيه احد يحاسبه على دموعه وما يحس ان دموعه تهم احد كان يبكي مثل الطفل بدون شعور ويا اقسى هالمشاعر الهائجه اللي تجي بنفس الوقت كان يكلم اخوه وكانه يسمعه " وش وصيتك يا سعود ؟ ليتك حي وتقول لي هالكلام براحه ليتك صاحي وتطلب مني ذا الشيء مني لك صدقني ما راح ارفض لك شيء ريحني يا اخوي ريحني انا تعبان وامي بعد ومروى والكل يا سعود والكل احس بشيء يكتم صدري احس بهيجان مشاعر " عند هنادي وفهد −−−−−−−−−✧ كانت تبكي دخل عليها فهد وجلس جنبها فهد ؛ ماتقبلت وجودك ؟ هنادي ناظرته وساكته فهد ضمها على جنب ؛ صدقيني بترجع لك مستحيل تتركك كم سنه انتي معها هنادي وهي تلف راسها له؛ واللي سويته يستاهل فهد بعفويه ؛ اكثر شيء زين سويتيه هنادي ناظرته ؛ بس ما شفت النتيجه فهد يضمها اكثر ؛ وذا ايش هنادي وهي تشوفه ؛ اممم اعتبر انك تحبني او اني مجرد عاله عليك ؟ فهد وهو يقرب لها و يبوس خدها وانفاسه عليها ؛ احبك بيني وبين قلبي وانتي شيء حلو ودخل حياتي لو اغيب انتي ببالي احبك واحب كل شيء فيك واشيائك كثيره لو بعدد وش حبيت فيك انتي سبب فرحتي انتي دعوه حلوه انتي شيء فيني ومني احبك والله عند مروى −−−−−−−−−✧ كانت جالسه و تقلب كارت فيصل وتناظر فيه وتفكر تدق او لا واذا دقت وش تقول له يعني مو معقول تدق عشان تقول مشكور تحس انه شيء تافهه عند راكان −−−−−−−−−✧ عرف اسم المستشفى اللي اخوه يتعالج فيها قبل وزارها دخل وسال عن الدكتور دخل عليه وساله عن مرض اخوه طلع وهو متسند على الجدار يعني مرض اخوه كان خطر والعمليه اخطر ومع ذلك سواها كيف تحمل اخوه دون ما يشتكي كيف قدر يضغط على قلبه ويسكت كيف قدر ما يطلع منه كلمه اه على الاقل نزل دمعه منه كيف يمكن بيوم شخص يمسك بداخله حمل كامل بدون ما يشكي عند هدى −−−−−−−−−✧ كانت تسولف مع اخوها عبدالرحمن ؛ الله يرحم سعود اليوم رحنا انا وعبدالعزيز لعزاه هدى اختبصت ؛ اليوم كان اخر يوم عزاء صح ؟ عبدالرحمن ؛ ايه عاد لو تشوفين حال راكان تقولين ابوه اللي ميت او هو مو اخوه وعبدالعزيز يا حياتي متعذب مع صديقه هدى ؛ وش دخل عبدالعزيز ؟! عبدالرحمن ؛ مو هو صديق راكان لو تشوفين كيف كان متضايق تحزنين عليه هدى بقلبه فيني ولا فيك ؛ الله يسهل عليه وعلى كل مسلم عبدالرحمن ؛ امين