الفصل 21
روايــة #صغار_العم
الــحــلــقــة الــواحـــدة و عــشــرون 🌸
هناء فتحت عيونها : ماما ؟
يوسف مسح دمعته و رشف خشمه
هناء شبحتله : يوسف !
يوسف : الحمد لله على سلامتك حبيبتي
هناء نحت ايدها منه بالشوية و دوب ماتدوي : نبي ماما انت شن ادير هني ؟
يوسف سكت
هناء تبكي : اطلع
يوسف : معش اديري في روحك هكي يا هنو
هناء دوب ماتتكلم : اطلع من قدامي .. نبي مامااا
يوسف وقف : ماتعبيش روحك هكي الجرح حايوجعك
هناء تلفتت ادور ف امها : وين مشت ؟
يوسف شد ايدها : اهدي يا هنو ماتتوتريش
هناء : حول ايدك حول
يوسف نحّا ايده و تنهد
هناء تنادي : ماما ؟؟
يوسف فتح تليفونه : تو نكلمها ارتاحي بس
هناء تلفتت الجهة التانية تتألم و اتأن
يوسف يشوفلها و متضايق
حاط التليفون على وذنه و يتصل ..
نجاة ردت : ايوه
يوسف : هناء فاقت و اتدور فيك
نجاة وقفت : هاني راكبة هي
و سكرت الخط
يوسف سكر تليفونه ؛ قرب من هناء و حط ايده على شعرها : سلامتك يا قلبي
هناء مغمضة عيونها و دموعها ينزلو
____________________________
01:30 م
حلومة مقعمزة مع كناينها في دار المعيشة
ازهار : كلمت نجاة توا قالت هناء فاقت
حلومة فرحت : طيب فيا على بنيتي الحمد لله ياربي الحمددد لله
سعاد شبحتلها : هي مرارة ساهلة يا اللاّي راهم شفطوها شفط مش فتح
سلسبيل حمقت : في مكان ماتقولي الحمد لله على سلامتها !!
سعاد شبحتلها : خيرك نطيتي فيا ؟ بتستلمي مكان امك اوه ؟
سنابل بصوت واطي : والله مافي غيرها قاداتك
حلومة شدت تليفونها : هيا اسكتو و خلوني نكلم نجاة نطمن على بنيتي
و مداته لسلسبيل : هاك اتصليلي بيها
سلسبيل : لالا علاش تخسري في رصيدك تو نكلمهالك على الفايبر بالنت
حلومة : باهي كلميها
سلسبيل فتحت تليفونها تتصلها
ازهار شبحت لسعاد : شنو مازال يوسف ماجاكش ؟
سعاد اتضايقت لكن ماتبيش توضح : لا جاني امس و بات هني غر طلع بكري
ازهار : باهي طيب فيك حتى انتي
سعاد ابتسمت
ازهار : امالا ماسمعش بهناء
سعاد : سمع لكن ماعنده مابيديرلها قال ربي يشفيها و خلاص
ازهار سكتت
و البنات يشوفلها و ساكتات
سنابل قامت حاجبها : لكن حسب ماسمعت ان يوسف تأثر بهناء حتى انه ..
و نخصتها سلسبيل من جنبها
سنابل سكتت
سعاد : انه شنو ؟
سنابل : لا شي
حلومة تتكلم ف التليفون : ايوه يا نجاة
نجاة : اهلين اللاّي
حلومة : طيب على سلامة هنيوه
نجاة : الله يسلمك ؛ كيف حالك
حلومة : هذا وين حالي ولاّ باهي و قلبي ارتاح ..؛ شنو حالها هي ناضت ؟ تكلمت ؟
نجاة : .....
_
سلسبيل توشوش في سنابل : امتى بنركبو
سنابل بصوت واطي : اتم امّيمه مكالمتها قبل
روان : شن رايكم نلغوه الموعد قلبي مش مرتاح من ناحية محمود
سلسبيل فنصت فيها : بنمشو يعني بنمشو
سعاد تشوفلهم : شن توشوشي انتي وياها
روان شبحتلها : تو كان حني خشينا في دوتكم راكم قلتو ماتخشوش في دوة النساوين 😒
سعاد : هيييه تردي عليا في الكلام !
و شبحت لأزهار : تفضلي اسمعي بنتك
ازهار فنصت ف روان : قتلك نقصي منها طوالة اللسان ولا 😠
روان قلبت وجهها و سكتت
حلومة تتكلم : باهي بالسلامة بالسلامة ف حفظ الله
و مداته لسلسبيل : هاك سكريه
سلسبيل خداته منها
خش العارف و وقف ف عتبة الدار : شنو صار في هنيوه
سنابل : الحمد لله فاقت
العارف فرح : الحمد لله
و مدلها زوز كروت عشرة : هاك عبيهم باش نكلمها
روان : كلمها بالنت زي امّيمه تتكلم قداش ماتبي و بالبلاش
العارف حط الكروت ف جيبه : باهي فيا ماعبيتهم تو نولي نردهم للمحل
سنابل قرصت روان من فخدتها
روان : احيييي
سنابل : لا يا اجديده ماهو انت تعبي بعشرين و تتكلم بالنت قداش ماتبي حتى ساعتين و ثلاثة
العارف طلعهم من جيبه و مدهملها : امالا ديريهم في تليفونك و اعطيني نكلمها
سنابل خدتهم منه : باه
و ضحكت للبنات 😏
خشت مرام : السلام عليكم
ردو عليها : و عليكم السلام
مرام : كيف حالكم اليوم
حلومة : الحمد لله كيف حالك انتي
مرام : الحمد لله كلمتو نجاة ؟
حلومة : توا كنت نكلم فيها هنيوه فاقت الحمد لله
مرام : باهي الحمد لله ، تو نكلمها بعدين
العارف يشوفلها : شن مداير فيك الحمل
كلهم انصدمو و ضحكو
مرام تحشمت و خشت بعضها
العارف يشوفلها : نكلم فيك
مرام شبحتله وجهها احمر : الحمد لله
العارف : كولي باهي و انتي رايحة زي السبقيتي مش كويس ليك و للعيل بعدين تصيرلك مضاعفات و تلقي روحك تعاني
مرام متلخبطة قعمزت جنب حلومة و سكتت
حلومة تبي تغير الموضوع : وين عصام
مرام : طلع بيجيب غدي من برا و لتوا ماجاش
سعاد قامت حواجبها : و علاش ماطيبتيش ؟؟
العارف : اكيد المرا تاعبة من الوحم كان هذا طيبت
حلومة فنصت فيه : حاج !!
مرام حست بروحها سخنت من الانحراج
سعاد ف عقلها .. ( قاعد رزيل مافيش فايدة فيه )
العارف شبح لسنابل : شن صار فيك يابنت ؟؟
سنابل : عبيتهم 😍 تو نعطيك تكلمها هي
___________________________
03:00 م
اصيل واقف على مراية الحمام يدير في جل لشعره يجهز ف روحه
_
سلسبيل و سنابل ف دارهم يلبسو و معاهم روان
سلسبيل : زعما اصيل طلع ؟
روان : شكله
سنابل تمكيج : لالا ريته خش الحمام
سلسبيل شرين تليفونها شافاته تعفلقت : وووه على امي وووووه
سنابل شبحتلها : خيرك ؟
سلسبيل : البلي اللي لصقتيه فيا معشِشْ انى فديت منه ره شن هذا الزفت
سنابل : ردي عليه و وزعيه قوليله سنابل سافرت
أصيل يصيح من برا الدار : وين درتو السبيدرو ؟؟
سنابل ادير ف ماسكارا : شن نلبسو فيه معاااك ؟؟؟
أصيل تعفلق : تعالي يا حلوفة تعالي 😡
سنابل : مش فااااااضية
اصيل : تعالييييي
سنابل تكنطت : واك توا بيشوفني امبدلة و بيعرف إني طالعة
روان : البسي المصلية فوق حوايجك
سنابل خدتها تلبس فيها
اصيل يعيط : تي وين امه وقت ع الجامعة 😡
سنابل طلعتله : باهي معش تعيط تحساب روحك في حوازة ؟؟
اصيل يشوفلها : بديتي تصلي ؟؟؟
سنابل عوجت فمها : تحسابني زيك !!
اصيل دفها من وجهها : تبي الرباية من جديد يا امسخة ؟
سنابل : ااااي 😩
اصيل ركز فيها : تصلي بمكياجك مصح وجهك !
سنابل سكتت
اصيل : هيا دوريه
سنابل : اما سبيدرو
اصيل حاط ايديه ف نصه : الأزرق
سنابل فتحت دولاب الأحذية تشوف
أصيل يشوفلها : تعرفي كان يفوتني الوقت بتاكلي طريحة
سنابل شبحتله : و انى شن دخلني فيك
و طلعت السبيدرو : اهوا قدام عيونك
اصيل : باهي حطيه
سنابل حدفاته تحت رجليه
اصيل فنص فيها : قيميه و حطيه زي الناس
سنابل حمقت : تحسابني خديمتك !!!
و كيف بتمشي اصيل شدها من عنفقتها : تعالي جاي
و يطبس فيها للسبيدرو : قيميه و حطيه زي الناس
سنابل حامقة و تقول ف عقلها .. ( قيميه يا سنابل باش ينتلف و تطلعي )
اصيل مطبسها : قيميييييه 😡
سنابل قاماته و حطاته كويس
اصيل رخاها : ايوه شاطرة
سنابل مشت للدار و ماردتش عليه
لقت سلسبيل تتكلم ف التليفون
سلسبيل : يعني مصمم تجيب امك و ماتبيش تقدر ظرفنا ؟
سنابل فنصت 😳 و سكرت الباب
ادم : والله معادش خليتي فيها تقدير
سلسبيل : تمام به جيبها غدوا
ادم فرح : بجديات ؟
سلسبيل : ايه امالا نلعب معاك ؟
روان تضحك 😂
و سنابل مصدومة
ادم : مش قلتي امك مسافرة ؟
سلسبيل : ماك مصمم ؛ جيبها تتعرف على امّيمه و خلاص
ادم : مليح بكل ، شن بتلبسيلها 😍
سلسبيل تشقلب ف عيونها : خيشة
ادم ضحك
سلسبيل : هي سكر توا باش نفكر شن نلبسلها 😏
ادم : اوكى تو ف الليل نكلمك
سلسبيل : كلمني ع الرقم اللي اعطيتهولي ؛ اختي فدت منك و انت شادها جرتها
ادم : ماهو معش حصلتك يا سنابل باهي كيف تبيني ندير
سلسبيل : ماما كانت مورقتلي ان عندي تليفون اتضطريت انى ندسه و توا سافرت اتصل عليه و تو تلقاني
ادم : باهي تمام
سلسبيل : باي
ادم : سلام
سلسبيل سكرت الخط : شن هـَ الشـ*** هوا !!
روان ضحكت : ان شاء الله بيجيب امه
سلسبيل : ايه غدوا
سنابل تندب ف وجهها : حييييه حيييه 😱
سلسبيل شبحتلها : بالعكس افرحي ف مكان ماتندبي
روان : علاش بتفرح
سلسبيل تحرك ف حواجبها 😎
روان : كيف ؟
سلسبيل : بندير جو و خلاص ..؛ تو غدوا تعرفو
سنابل : فكينا من العار تو اتضحكي علينا الناس و يقولي مش متربية
سلسبيل تلبس ف وشاحها : باش نفتك منه خلاص معادش فيها
روان ضحكت : ووه شوقتيني
سنابل تلبس ف وشاحها : هيا وقت علينا اطلعو
______________________
محمود فتح القراج و خش بموطو شاريه من صاحبه
بعد شوية خش عماد ؛ شافه استغرب : هذا شنو
محمود شبحله و نزل من الموطو : اه بوي
عماد قرب منه يشوف فيه : لمنو هذا ؟
محمود حك شعره : متع مراد خلاه عندي
عماد : ماعنداش حوش يحطه فيه ؟
محمود : جنانهم صغير مايجيش فيه
عماد : برا ردهوله و فكنا من مسؤوليته
محمود تكنطا و سكت
عماد علّا صوته : رد بالك تركبه ولا تطلع بيه سمعت ولا ؟
محمود بصوت واطي : حي ع النفخ 😑
عماد يشوف للموطو و ساكت
محمود شبحله : شن رايك نشروه منه
عماد شبحله : نشرو وذنك
و خش الحوش
محمود يشبحله : غني للصبح
_
البنات كيف نازلات حسو بعماد خاش لحلومة سكتو و اتدرقو عليه من فوق ؛ خلوه خش و نزلو
سلسبيل توشوش : ان شاء الله مافيش حد ف الجنان
و طلعو برا لقو محمود
روان خافت : وووه ع الحظ ووه
سنابل توشوش : سكري فمك راهو يحس بيك
سلسبيل : راجوني ف الدروج نلهيه و اهربو من وراه
سنابل : به
سلسبيل مدتلها مفتاح السيارة : هاك
سنابل خداته منها و خشت هي و روان ف الدروج
سلسبيل قربت من محمود : اووووه 😍 هذا منو هدا شنو ؟؟
محمود شبحلها و ضحك : شن رايك
سلسبيل ركبت ع الموطو : مش عاااادي ..؛ نبي دجيرا
محمود : ف الجنان مايجيش
سلسبيل : تي اما جنان نبيها ف الشارع
محمود قام حواجبه : والله ؟
سلسبيل : والله 😍 ..؛ كان على منظري تو نلبس حوايج اصيل و طاقية و نظارات مش حانبان
محمود يشوفلها : و شعرك ؟
سلسبيل : تو ندخله في حوايجي عادي
محمود قايم حواجبه : قاعد بعقلي ماهبلتش
سلسبيل علّت صوتها : علاااااش !!! عادي شن فيها
محمود : لما تسافري هيجي بموطو ولا كاراطون
سلسبيل ناضت من الموطو : مبردك كل شي لا
محمود : اما انتي فعلا صحيحة وجه
سلسبيل عوجت فمها
سنابل تأشرلها من ورا محمود : هيااااا
سلسبيل شبحتلها و شبحت لمحمود
محمود يشوف لحوايجها : شكلك طالعة
سلسبيل شافت لروحها : لالا كيف روحت كنت عند خالتي
محمود : اه به
سلسبيل : جيبلي اميه
محمود : شنو ؟؟
سلسبيل : عطشت 😅
محمود : خشي بروحك شن جيبلي امية
سلسبيل : نبيك تجيبهالي انت ؛ انى بناخد سيلفيات ع الموطو
محمود ضحك : هبلة اقسم بالله
سلسبيل : الله غالب 😁
محمود هز راسه ؛ كيف بيخش الحوش شافوه البنات و خشو يجرو للدروج
سلسبيل فنصت : لاااااا
محمود انخلع و شبحلها : خيرك !!
سلسبيل : خش من باب المطبخ
محمود : شن الفرق ؟
سلسبيل : اقرب 😅
محمود سكت و مشي من باب المطبخ
سنابل بيتت و طلعت تجري هي و روان
سلسبيل توشوش : سخنوها و تو نلحقكم
سنابل تجري : باهي ... طلعت و ردت وراها الباب
سلسبيل شبحت لباب المطبخ من الجنب لقاته جاي
ابتسمت : سلمك جيّاب
محمود ضحك : سلمك
سلسبيل خدت منه الطاسة تشرب
محمود يشوفلها و ساكت
سلسبيل : الحمد لله
و مدتله الطاسة
محمود : خيرك ؟
سلسبيل : خيرني ؟
محمود : دخليها بروحك
سلسبيل : وانت بتقعد هني ؟
محمود شرين تليفونه رد : ايوه
محمد : تي اركب يا راجل من بكري نراجي فيك
محمود : علاش شن تبي
سلسبيل تشوفله و تفكر بتهرب
محمود يتكلم : باهي هاني راكب الزفت
و سكر الخط
سلسبيل : خيرك
محمود : بوي جايب دار نوم جديدة يبينا نركبوها معاه مانفهمش فيه الجو هوا انى
سلسبيل فرحت : اركب بسرعة امالا ؛ كل شي و لا غضب الوالدين ماتخليشي يتعصب منك و يغضب عليك
و تحرك ف راسها : اركب اركب
محمود يشوفلها : انتي اليوم مش طبيعية خيرك ؟
سلسبيل : انى على خاطرك نقول هكي
محمود : باهي خشي حتى انتي
سلسبيل حطت الطاسة و قعمزت ع الموطو : لالا مازال بنصور عليه
محمود وقف بحداها : باهي خوديلي وحدة معاك
سلسبيل استغربت و شبحتله : بجديات ؟
محمود يشوفلها : ايه
سلسبيل ضحكت و فتحت الكاميرا و صوروا 📷
محمود : مليحة
سلسبيل : بنحطها ع الانستا
محمود فنص فيها : باش نطربقلك رقبتك
سلسبيل فنصت فيه : علاش هكي أسلوبك ؟؟
محمود : ان شاء الله تحطي ف صورك ؟
سلسبيل سكتت
محمود يتكلم بصبعه : اليوم بنبعتلك فولو و بتقبليه
سلسبيل : مانضيفش ف ولاد 😛
محمود و هو خاش : انى قلتلك
___
مهاب واقف قدام الحوش شاد شنطة يوسف و يتكلم ف التليفون
مهاب : انى واقف برا قوله يطلعلي
يوسف : كنت نكلم فيه راجيه دقيقتين و نازلك ؛ خش للجنان لو الباب مفتوح
مهاب : لالا بالك نلقىٰ حد
يوسف : تي خش عادي خيرلك من وقوف الشمس
مهاب : مية مية
سكر الخط و خش ؛ لقي سلسبيل مقعمزة فوق الموطو و تصور ؛ تلخبط و كح
سلسبيل تلفتت و لما شافاته انخلعت
مهاب ابتسم
سلسبيل وقفت بسرعة و ابتسمتله
بعدين عقدت حواجبها ؛ تقول ف عقلها ..( مصح وجهي و خلاص خيرني نبتسمله تو يقول هادي ماتتحشمش )
مهاب حك لحيته : اسف ع الإزعاج غر نبي محمد
سلسبيل متلخبطة : كلمه ينزلك
و طلعت تجري من بحداه
مهاب يشوفلها و يضحك
طلع محمد : اه مهاب !
مهاب شبحله
___
روان ف السيارة : تي وينها هادي عطلنا
سنابل : توا لقت صاحب يوسف شن يحزها عاد
روان : قصدك اللي خش صاحب يوسف ؟
سنابل : ايه
روان : و ماهو يوسف قاعد ف شقته شن جاي يبي هني
سنابل : يوسف ف مصر من امس ؛ اكيد جاي يبي حاجة
روان : يا سلاااام
ركبت سلسبيل تجري داهشة
سنابل تشوفلها : طيب فيك
سلسبيل شبحتلها و ضحكت : طيب وقتك
روان : اطلعي بسرعة
سلسبيل شبحت للمارشة : حييييي
سنابل : خيرك
سلسبيل : تبي انديترو و انى مانعرفش نديره 😭
روان انصدمت : قصدك طالعة بينا و ماتعرفيش اديري نديترو 😲
سلسبيل شبحتلها ف المراية : مانعرفش
روان : امالا ننزلو و خلاص
سنابل : والله ماصايرة توا بدلت و طلعت
روان مخلية النت متعها مفتوح جتها مكالمة ع الماسنجر
روان : هذا الولد يتصل
سنابل ؛ ردي عليه
روان : لالا لتوا ماسمعش صوتي و سلسبيل هي اللي بتوقف عليه بعدين يورق
سلسبيل : ووه على امي كيف بنديرلها السيارة
سنابل تلفتت تشوفلها : وخري وخري
سلسبيل حطت المارشة ع الR و بدت توخر
سنابل : خلاص اوقفي
سلسبيل مازال توخر
سنابل علت صوتها : خلاص خلاص
سلسبيل : باهي
و مازالت توخر
سنابل شدت راسها : خلاااااااص
على طلعت مهاب شافها توخر علّا صوته : هييه السيارة ! السياااااارة !!
سلسبيل انخلعت ؛ وقفت السيارة و شبحتله
مهاب شبحها انصدم : ان شاء الله انتي 😳
سلسبيل فتحت الروشن : خليك شاهد ماشفش حاجة 😬
مهاب زراته الضحكة
سلسبيل : عادي اطلعها انت ؟
مهاب : به
سنابل خافت و نزلت تجري هي و روان
سلسبيل شبحتلهم : خيركم خفتو ؟
مهاب ضحك و فتح عليها الباب : باهي حولي
سلسبيل نقزت من مكانها و جت ف مكان سنابل ع الكرسي اليمين
مهاب ركب معاها و بدي يعدل ف السيارة
سلسبيل تحشمت و قلبها يدق .. ( حي عليا كان يطلع حد من عمامي ولا الفرماط احمد !!! )
سنابل تشوفلها : خيرها مانزلتش الحمارة 😲
روان ضحكت : خليها عايشة اللحظة 😂
مهاب شبح لسلسبيل : تمام هكي ؟
سلسبيل شبحتله و هزت راسها بمعنى ايه
مهاب متردد : بنسألك سؤال و نبيك تجاوبيني
سلسبيل وجهها انحمر : تفضل
مهاب : قداش عمرك ؟
سلسبيل شبحت قدامها و سكتت
جت سنابل طقت عليها من المرش
مهاب تحشم و نزل ؛ ركب سيارته و طلع
روان ركبت السيارة و سلسبيل قاعدة مقعمزة ف مكانها
سنابل فتحت عليها الباب : تي هيا حولي
سلسبيل شبحتلها و ذايبة : قالي قداش عمرك
سنابل : هههههههههههه
سلسبيل : ااااخ ... و ركبت ف مكانها
روان : شكلك طايحة على وجهك
سنابل تشوفلها : هلبا
سلسبيل طلعت بالسيارة و ساكتة
_____________________
سعاد تشوف للشنطة ف ايد محمد : علاش بعتها مع صاحبه ؟
محمد : امس نساها عنده لما رفعه للمطار
سعاد شدت وجهها و عيطت : وووه علياااا ان شاء الله سافر و خلانيييييي 😱
محمد تخزرط و سكت
سعاد بدت تبكي : درتها و خليت امك يا اوسيفه ؟؟ تغربت من جديد و خليتني بروحي
ازهار : مش قلتي بايت عندك امس و طلع بكري !!!
سعاد تبكي
حلومة تشوفلها : تي غر اسكتي خلينا نفهمو كلمة
وشبحت لمحمد : ماقالكش وين سافر ؟
محمد : مصر
حلومة ابتسمت
سعاد انصدمت و هي شادة وجهها
محمد : هي السلام عليكم
حط الشنطة و ركب حوشهم
سعاد شبحت لحلومة : ريتيه كيف لحقها يا اللاّي !!
حلومة فنصت فيها : بيلحقها امالا شنو حتى هي خطيبته ..؛ تبيه يخليها ف العمليات و هو هني !!!
سعاد حمقت و ركبت حوشها
حلومة ضحكت و شدت الريموت تتفرج ع التلفزيون
ازهار : مافهمتش علاش القسوة هادي كلها على هناء البنية والله ماتستاهل
حلومة : خليها الزمان دوار
_____________________
هناء تعبت و خداها النوم ؛ نجاة و اسماعيل مقعمزين معاها و ساكتين
خش يوسف : السلام عليكم
اسماعيل : و عليكم السلام
نجاة شبحتله : وينك امبكري دورتك مالقيتكش
يوسف عيونه ف هناء : طلعت تمشيت ساعة و جيت
اسماعيل : امس ماجيتنيش ف الفندق راجيتك
يوسف شبحله : مابيتش نضايقك ياعمي خديت غرفة بروحي
اسماعيل : علاش تاخد بروحك و انى عندي الوساع
يوسف ابتسم : متريح هكي يا عمي صحيت
نجاة : خليه براحته عنده الحق
اسماعيل شرين تليفونه ناض يتكلم برا
يوسف شبح لنجاة : من امتى هناء راقدة ؟
نجاة : بعد ما انت طلعت
هناء فاقت تتألم و اتأن : ماما !
يوسف شبحلها و قرب منها : فقتي هنو
هناء : ماماااا
يوسف سكت و تنهد
نجاة جتها : نعم
هناء فتحت عيونها : نحس في روحي نبي نرجع
نجاة : لحظة بس شدي روحك
و تلفتت ادور ف حاجة تجيبهالها
هناء شبحت ليوسف : يوسف اطلع برا
نجاة شبحتلها
و يوسف اتضايق
هناء داهشة : اطلع ماتزيدنيش ع اللي انى فيه
يوسف تنهد و طلع من الحجرة متضايق
نجاة دارت زوز شكاير ف بعضهم و جابتهملها : نوضي بالشوية
هناء : لالا مش قادرة انوض
نجاة طبست تقيم ف السرير من الجنب
هناء توجعت : خلاص يا ماما
نجاة وقفت : سامحيني
و نزلاته شوية
هناء تأشرلها بيدها بمعنى مش قادرة
نجاة حطتلها الشكاير تحت فمها و بدت ترجع
نجاة تشوفلها و متنكدة عليها : معليشي هدا كله من البنج
________
يوسف واقف برا يسمع فيها و متضايق ؛ يبي يخفف عليها الوجع بس مش قادر حتى يدوي معاها
إسماعيل سكر تليفونه و جاه : صاير ضغط ف المستشفى مش عارف كيف بندير
يوسف : ان شاء الله خير
اسماعيل : كنت منسق ان بنقعد اسبوع نحضر المؤتمر و مروح ؛ لكن على خاطر هناء زدت اسبوعين و يوم اللي حجزت فيه بنروحو شوف شن صار
يوسف : صارت حاجة ف المستشفى ؟
اسماعيل : عندي زوز عمليات واحد منهم جريح ف الجبهة و احتمال رجله معاش يصير منها و التاني عملية ع الفقرات حتى هو وضعه حرج
يوسف : لو تبي تروح انى قاعد ماتخممش فيهم
اسماعيل حرك راسه بمعنى لا : مانقدرش نخلي هناء و هي كيف طالعة من العملية
يوسف : باهي شوف حد يمسك بدالك
اسماعيل : ماهو لو فيه راهو ماخممتش ؛ كان معاي دكتور مهدي ف العمرة توا و دكتور فاروق واخد اجازة مريض
يوسف : و كيف بتتصرف
اسماعيل : نزيد يومين لين هناء تطلع من المستشفى و نتطمن عليها و بعدين نسافر
يوسف : و هي تبي اسبوع باش ترجع صحتها
اسماعيل : من اسبوع لعشرة ايام
_____________
هناء اتكت ع المخدة
نجاة تغطي فيها : هكي كويس ؟
هناء مغمضة عيونها : ايه ؛ نبي نرقد توا و لما نفيق مانبيش يوسف قدامي
نجاة سكتت
شرين تليفونها ؛ خداته و طلعت تتكلم ف البلكونة
_______________________
البنات وصلوا الجردينة اللي مدايرين فيها الموعد و نزلوا
روان تشوف : طيح سعده مقدمه جو الجرادين
سنابل ضحكت : شكله قبضاوي كان هذا عزمك ف كافي ؛ هذا كله باش مايدفعش
سلسبيل سكرت السيارة : انى كيف بنعرف شكله توا
روان : غر خلينا نقعمزو و نفتح النت نسأله
( خشو الجردينة و قعمزو ف الكرسي الطويل )
سنابل : ان شاء الله محمد مايتصلش قلتله ناكتين الكوجينة نضمو فيها
روان ضحكت : و انى قلت لماما نفس الشي زعميتك نعاون فيكم
سلسبيل : هي وينه الدراه هذا يعطل فيا
سنابل ضحكت : أشغال ماشاء الله
روان : نهار و ليل 😂
سلسبيل : بدل تسهويكم شوفوه وينه
روان فاتحة الفيس : اهو يكلم فيا قالي لابس تيشرت ازرق و واقف جنب الفلاش الكبير
البنات وقفو يدورو
سلسبيل : قوليله إني لابسة بلوزة بزارية باش يعرفني
روان تكتب : به
سنابل شافاته : هونا واقف و عاطي بظهره
البنات تلفتو و ضحكو
سلسبيل : تعالو معاي مانبيش نمشي بروحي
سنابل قعمزت : لالا خلينا نشوفوك من هني
سلسبيل : باهي ماتباعدوش
و شبحت لروان : شن قالك اسمه ؟
روان قعمزت : سفيان ؛ و راك تنسي كاذبة عليه ان اسمي روبين
سلسبيل مشت و قعدو روان و سنابل يشوفولها
_
سلسبيل قربت من الولد و نعمت صوتها : سفيان ؟
الولد تلفت
سلسبيل انصدمت و جسمها صقع : انت ؟؟!!!!
أصيل انصدم : انتي !!!
البنات يشوفو فيها
روان : يشبه أصيل ولاه ؟
سلسبيل مصدومة : انت شن ادير هني ؟!! مش ف الجامعة !!!
اصيل : انتي اللي شن اديري هني يا كلبة 😡
سلسبيل تلكلك و توخر : انى ر ر ر .. انى .. انى روبين
اصيل يفنص فيها و يعيط : حتى درت فيس وهمي طلعتولي و لحقتوني !!!
سلسبيل وجهها مقلوب : حظك يا خوي
هربت تجري للبنات 🏃
و اصيل وراها
البنات شافوها انخلعو و وقفو : خيرك ؟!!!
سلسبيل تجري : اوماا طلع اصييييل
البنات انصدمو : هيييييييه 😱
مشت سلسبيل تجري للسيارة و البنات يجرو معاها
اصيل يجري وراهم : والله الا مانربيكم يا حلوفة انتي وياهاااا 🏃
روان لابسة خناق لولي قطعاته و وقفت تشرتع فيه ف طريق اصيل
اصيل زلق فيه و تشقلب
روان ضحكت و مشت تجري
سلسبيل ركبت داهشة السيارة
سنابل ركبت معاها داهشة : راجي روان
جت روان و ركبت : اطلعي بسرعة بسرعة
سلسبيل عفست ع البنزينة و طلعت 🔥
_
* اصيل وقف يسب و يخرط * 😁
_______________________
محمود يركب ف الدار النوم مع محمد و بوه و متعفلق : مش عارف شن خطر عليك تغير دارك توا بعد هالعمر
عماد : الواحد بيعيش مرة خلي يجدد
محمد هز راسه بإستهزاء يقول ف عقله .. ( نحلف عليها الا متع عرسك اللي ماصارش منه )
محمود مل : معطل ؟؟؟
عماد : شد باهي وانت ايديك مرخيات
محمود : تي شاد النهار الاحرف
عماد علّا صوته : احرف على راسك يا كلب
محمود : تي جبت اسطى و ريحتنا حني وين نفهمو فيه الجو هوا
محمد يسمع و ساكت
عماد تعفلق : حط ال**** و برا اقلب وجهك اصلاً زي قلتك شن هو اللي قاعد ادير فيه
محمود رخي باب الدولاب : و انت قلتها
الباب طاح على عماد
عماد يعيط : ******
محمود طلع من الدار و ماردش عليه
عماد يعيط : تفوو عليك و على ربايتك يا حصان
محمد انزعج : فوته يا بوي تو ندير انى معاك ماتدوراش
______________________
سلسبيل تجري بالسيارة : حي على امنا حي
سنابل تندب ف وجهها : هذا شن جابه الحمار !!
روان : عندكم علم طيحته على ظهره
سنابل شبحتلها : كيف ؟؟!
سلسبيل علت صوتها : كيف بنروحو توا ؟؟؟؟
البنات شبحولها
سلسبيل متوترة : معش عرفت الطريق 😰😰
سنابل : خليك ماشية ف الطويل لين نوصلو للفتحة اللي ع اليسار
سلسبيل تجري 🔥
روان خافت : سلسبيل بالشوية 😥
سلسبيل من السرعة فاتت الفتحة
سنابل : يا حمارة فُتيهااااا
روان تلفتت : ولي ولي
سلسبيل : مانعرفش ندير نديترو 😭
سنابل ترعش : عليك نهار مغبر غر شن طلعني معاكم بس
روان : درسي على اليمين و اتصلي بمحمد يجينا ولا محمود
سلسبيل تجري : وووه علينااااا 😭
سنابل : و اصيل خليه بروحه تو يورينا 😭😭
و شرين تليفونها اصيل يتصل
سنابل : ووه عليا وووه شن بنقوله
سلسبيل : ماترديش عليه حتى انى من بكري يتصل بيا
روان تضحك : يا غبية منك ليها كان ضربكم هددوه بإنكم بتحرشو عمي
سلسبيل شبحتلها ف المراية و سكتت
سنابل : نبي نروح 😭
سلسبيل تشوف للطريق و خايفة : انى معش عرفت روحي وين
روان : خليك ف الطويل و خلاص
سنابل تعيط : قداش من الطويل 😩 راهو مايتمش 😭
سلسبيل تسوق و خايفة
روان : نبي نفهم كيف تسوقي و ماتعرفيش اديري نديترو
سلسبيل : كنت نركز على ماما كيف تسوق و نتعلم منها بعيوني لكن النديترو صعب
روان حطت ايدها على خدها : نهار اسود
سلسبيل نزلت على طريق السريع : حنى وين 😲 !!
سنابل شهقت : طريق السريع ووه علينااا رحنا فيها خلاص اكيد بنموتو في حادث 😭
روان خافت : نكلم بابا 😰
سلسبيل عيطت : لااااا تو يحرش بابا
روان : امالا مني محمد ؟؟
سنابل عيطت : لاااا انى كاذبة عليه 😭
سلسبيل ترعش : يا غيبتك يا يوسف 😭
روان : اتصلي بمهاب
سلسبيل شبحتلها ف المراية : و انى منين بنعرف رقمه
سنابل : اصلا مصحك شن جابك ليه باش تكلميه
روان : امالا تبعي السيارات و خلاص
سنابل فتحت تليفونها تتصل
روان شبحتلها : في من تكلمي
سنابل : اسكتي
و قالت : الو
عصام : ايوا
سنابل : و راس عصام الحقنا 😢
عصام انخلع : خيرك ؟
سنابل : حني طلعنا بالسيارة و معش عرفنا كيف نروحو
عصام تعفلق : شن مسكم في امها و مخويكم وين ؟!!!!
سنابل خافت : أصيل طلع من الصبح
عصام يكشخ : انتو وين توا
سنابل متوترة شبحت لسلسبيل : حني وين
سلسبيل تصيح : مش عارفة
سنابل فتحت المايك : حني في طريق السريع و مش عارفة اي اتجاه ماشيين
عصام : استغفر الله العظيم ؛ وين كنتو بالزبط
سنابل : في جردينة باب بن غشير
عصام : وشن جابكم للسريع ؟؟
سنابل : مش عارفة خطمنا من جهة النبراس و بعدين كملنا كأننا ماشيين للجامعة لكن قبل مانوصلوها سلسبيل خشت يمين و لقينا روحنا ف السريع
عصام : وين بالزبط ف السريع
سنابل علت صوتها : مانعرفش يا عصاااام ممكن ف نهايته
عصام حامق : قولي للبهيمة اللي معاك اوقفي ع اليمين و افتحي الفليتشات
سلسبيل : لالا نخاف يخشو فيا السيارات
عصام يعيط : اسمعي الكلام لين نجيكم
سلسبيل سكتت
عصام : تسمعي فيا ولا !!!
سنابل : سمعاتك حاضر حاضر
عصام سكر الخط
و ينادي على مرته : مراااام ؛ مرااام !!
مرام جاته : نعم
عصام : البسي بسرعة نبيك تمشي معاي
مرام استغربت : وين
عصام : فرخات اسماعيل طالعات بالسيارة و ماعرفوش يروحو ؛ بري معاي باش تسوقي بيهم انتي
_
بعد نصف ساعة 🌹
البنات قاعدات مدرسات ف مكانهم و فاتحتات الفليتشات
سلسبيل تشوف للسيارات : معقولة مافيش واحد وقفلنا !!
روان : شن تبي فيهم فكينا
( السيارة اللي تخطم تكلكسلهم )
سلسبيل اتطلع ف يدها من الروشن و تعارك فيهم : هاااا هااااا خير امك !!
سنابل تجبد فيها : سكري فمك و خشي خير مايشوفك عصام
سلسبيل خشت و سكرت الروشن
روان : مليت اني
سنابل شبحتلها : تو يجيك كف
بعد شوية عصام جي وراهم و نزلتلهم مرام
سلسبيل شبحتها نزلت و جت التالي : اخيرا
مرام ركبت بسرعة و طلعت بالسيارة : حي علييييكم منه 😂
سنابل : شن قال
مرام فتحت الراديو و علت الصوت : فوتوه توا و خلونا نهيجو 😍💃
روان ضحكت : حي حييي 😍
______________________
07:00 م
هناء ناضت من السرير و طلعت ف الممر تمشي فيها امها
هناء دوب ماتمشي و تتألم : مش كان خليتوني لغدوا مش قادرة
نجاة شادتها : الدكتور قال لازم تمشي اليوم
هناء سكتت و تتوجع
نجاة : علاش هكي تعاملي في يوسف ؟ عيب اللي اديري فيه
هناء غمضت عيونها : ماما ياريت تسكري ع الموضوع انى مش طايقة حتى نسمع اسمه
نجاة سكتت
يوسف ركب للقسم و خش الممر
هناء شبحاته نزلت راسها ماتبيش تشوفله
نجاة شبحاته : تعالى اوسيفه دخلها لسريرها
هناء تشد على ايدها و بصوت واطي : لا إلاااا
يوسف قرب منها و شدها
هناء قلبها يدق و كشرت وجهها
نجاة : انى بنروح ؛ عمك من بكري يراجي لوطا
يوسف ابتسم : ولا يهمك انى معاها
هناء تعصبت : ماما ؟!!
نجاة : خلاص يقعد معاك يوسف لبعدين ؛ انى شن بديري بيا حتى مُرافق مافيش للبيتان
هناء : لا نبيك انتي معاي لبعدين
نجاة خشت الحجرة تاخد ف شنطتها
يوسف ضحك
نجاة طلعت : هنيوه لو احتجتي لأي حاجة اتصلي بيا من يوسف
هناء : ماما ؟؟
نجاة نزلت و خلتها معاه
هناء مش قادرة تعلي صوتها : ماما !!!
يوسف يضحك
هناء شبحتله : شن يضحك فيك ؟!
يوسف غمزها : ولا حاجة
هناء نحت ايدها بالشوية : حول تو نخش بروحي
كيف بتمشي وجعها الجرح : ااااه
يوسف شدها : معش تعاندي يا بيبي
هناء تعصبت لكن مش قادرة تعلي صوتها : معش تقولي بيبي
يوسف همسلها : باهي حبيبي ؟
هناء عقدت حواجبها و سكتت
يوسف سكت و قعد يمشي فيها
هناء تمشي و تتألم : اااي
يوسف يهمسلها : سلامتك ياعمري ياريته فيا ولا فيك
هناء ساكتة
دخلها الحجرة و قعمزها على سريرها
يوسف : تقدري تقيمي رجليك ؟
هناء تحاول تتكّا و ماتبيش ترد عليه
يوسف يقيملها ف رجليها و يغطي فيها
_________
اسماعيل واقف يراجي ف نجاة قدام الاستعلامات
نجاة جاته : هي نمشو
اسماعيل شبحلها : شن خليتيها راقدة ولا فايقة ؟
نجاة : كيف بياخدها النوم قتلي روحي ارتاحي انى نبي نرقد
اسماعيل طلع هو وياها : المفروض درنا راي في موضوع المرافقة و مانخلوهاش بروحها
نجاة : هادي المستشفى اللي جبتها فيها انت
اسماعيل : تو غدوا ندير راي
نجاة سكتت
اسماعيل : يوسف ماجاش ؟
نجاة تلخبطت : خطم امبكري شوية و قال بيروح يرقد
اسماعيل سكت و وقف تاكسي
_________
هناء اتكت و غمضت عيونها و هي تتوجع
يوسف وقف بحداها حاط ايده ع السرير و يشوفلها
هناء توترت : ياريت تطفي الضي و تروح انى تعبانة
يوسف كر كرسي و قعمز قريب منها : و انى مش حانروح و انتي تعبانة
هناء فتحت عيونها و شبحتله مكشرة : الضي يزعج فيا
يوسف وقف طفاه و رجع لمكانه
هناء غمضت عيونها و تحاول ترقد
يوسف شد ايدها و قعد يمسح عليها بيده التانية
هناء قلبها يدق و دوب ماتدوي : يوسففف !
يوسف بصوت واطي : اشش يابيبي ؛ حاولي ترتاحي بس
هناء عيونها دمعو و شبحتله
يوسف بصوت واطي :
قلبي يترف
عيني تذرف
يداي ترتعش
قدماي لا تقوى على الحركة
هذا ما ألّم بي عندما أخبروني انكِ مريضة
دعوت الله بأن يشفيك
تمنيت ان أتظاهر بالقوة
و لكن بداخلي بركانٍ من الخوف
هناء تبكي و دوب ماتدوي : يوسف ! خليني بروحي
يوسف باس ايدها :
أريد ان أكون بجانبك
أريد ان أكون قريب منكِ
أريد ان أمسك بيدكِ
أريد ان امسح بكفي على رأسك
لكي اخفف عنكِ الألم
حط ايدها على خده : آآآآه
هناء غمضت عيونها و دموعها ينزلو
يوسف يمسحلها فيهم : نعتذر منك على كل شي ياعمري
هناء تلفتت الجهة التانية و مابتش ترد عليه
يوسف تنهد و تنهد
شرين تليفونه داره سايلنت و طلع برا يرد
يوسف : الو
نجاة : ايوه ؛ شن صاير في هناء
يوسف : كيف رقدت
نجاة : باهي كويس ؛ و انت شن صار فيك حليت موضوع المرافقة ؟
يوسف : حليته بطلوع الروح ماتخمميش فيها حانقعد معاها لين انت تجي
نجاة : انى على خاطرك روحت كان هدا والله مانسيبها حتى لو المستشفى مانعة المرافقة
يوسف ساكت
نجاة : توا لازم اطيب خاطرها لانها اكتر وقت محتاجاتك فيه
يوسف : ان شاء الله خير
نجاة : لو صارت اي حاجة اتصل بيا مش بعمك لانه مايندريش راهو
________________________
11:00 م
سلسبيل و سنابل عند حلومة مقعمزات ؛ سمعو صوت اصيل خافو
سنابل دارت روحها راقدة و سلسبيل جت جنب حلومة
خش اصيل : السلام عليكم
حلومة شبحتله : و عليكم السلام
البنات يرعشو و هو يفنص
حلومة : خش نديرولك عشي
اصيل يفنص ف سلسبيل : نوضي ديريلي امبكبكة
سنابل تسمع و ساكتة
سلسبيل : امبكبكة !!
اصيل يتكلم ب غُل : بتنوضي ولا لا !!!
سلسبيل وقفت : باهي
و مشت تجري للمطبخ
أصيل شبح لسنابل : تو نوريك حتى انتي باهي ديري روحك راقدة توا
سنابل ساكتة و قلبها يدق
حلومة تشوفله : خيركم ؟؟
اصيل سكت و طلع من الدار
خش لسلسبيل ف المطبخ و سكر الباب
سلسبيل خافت : غر خليني نشرحلك 😥
اصيل فتح الدولاب و طلع المغرف : تجرو بيا يا امسخة !!!
سلسبيل سكتت و تلود ع الطاولة
اصيل يلود وراها : بوك سافر طالعة تهيجي ؟؟
سلسبيل تلود ع الطاولة و هو يلود وراها
اصيل يكشخ : اوقفي ولا نحذفه عليك 😡
سلسبيل تسكر عليه ف الطريق بِ الكراسي : بالله عليك سامحني
اصيل ركب فوق الكراسي و نقز شدها من شعرها
سلسبيل عيطت : ااااه 😩
اصيل : معناها تهدرزي مع الولاد يا حلوفة
سلسبيل تحرك ف راسها : لا لا لا لا لا
اصيل يضرب فيها على رجليها
سلسبيل تعيط : خلااااص والله نقول لبابا شن كنت تكتب ره
اصيل وقف ضرب و شبحلها
سلسبيل تشوفله و داهشة
اصيل دفها من وجهها و طيحها : كلاااب
لوح المغرف من ايده و فتح الباب : نغير حوايجي و ننزل نلقى المكرونة واتية
سلسبيل وقفت تلم ف شعرها و داهشة
_____________________
محمد واقف ف الجنان و يتصل بسنابل ..
سنابل حست بتليفونها يهز طلعاته من جيبها و غمت روحها بالمخدة
و ردت : الو
محمد : ايوه
سنابل توشوش : اهلين حمودي
محمد : خيرك توشوشي
سنابل : بحداي امّيمه
محمد : باهي امتى نكلمك
سنابل : بعد الثلاثة
محمد : اما ثلاثة انى تاعب و بنرقد
سنابل سكتت
محمد : انى ف الجنان اطلعيلي
سنابل : لالا اصيل شوية و ينزل
محمد : تي تعالي خمسة دقايق و خشي
سنابل سكتت
محمد : تلقيني تحت الفَلة
سنابل : به
سكرت الخط و ناضت
شبحتلها حلومة : وين ماشية
سنابل : للحمام
__
سلسبيل تصب ف المكرونة و تهدرز مع ادم بالبيلة : يعني جيبها بعد المغرب ولا قبل العصر لان يجونا الناس يهووا على اختي مانبيهمش يتلاقو معاها و يعرفو انها جاية تخطب
ادم : تي معقولة تبيني نقول لأمي هكي باش تحرج مني ؟
سلسبيل : امالا اجله الموضوع ؛ انى مش حانضحك علينا الناس يقولو اختها مريضة و هي جايبة الخطابة
ادم يتأفأف
سلسبيل : انى حتى العيلة مش قايلتلهم ان جاييني خطابة بنخليها على اساس غفلة
فجأة خش محمود من وراها
سلسبيل حست بحد خش خافت و حذفت البيلة ف الطنجرة
محمود : طلعي شن دسيتي
سلسبيل شبحتله و قلبها يدق : شن هو ؟؟
محمود : التليفون طلعيه
سلسبيل ترعش : تليفون شني ؟؟
و طلعت تليفونها من جيبها : قصدك هذا ؟
محمود : لا اللي كان ف وذنك
سلسبيل بلعت ريقها : ماكانش فيه تليفون في وذني
محمود علّا صوته : على من تمشي فيه ؟؟؟
سلسبيل خايفة
خش اصيل : خيرها ؟
محمود شبحله
اصيل : خيرك تعيط عليها شن دارت ؟
محمود شبح لسلسبيل و سلسبيل تفنص فيه
اصيل شدها من حوايجها : خير امك !!!
سلسبيل بدت تبكي : خيركم تلاقيتو عليا مادرت شيييييي 😭😭
محمود يفكله ف ايديه : خيرك ياراجل مادارت شي غر لقيتها تحرك ف الطنجرة هلبا قلتلها بلا لعب
سلسبيل بلعت ريقها و شبحتله
اصيل سكت و قعد يشوفلها
محمود ساكت
اصيل : هي صبيهالنا ف سفرة و جيبيها
و طلع من المطبخ
سلسبيل تشوف لمحمود و ساكتة
محمود يدوي مسكر سنونه : طلعيه !!
سلسبيل : شن هو ؟؟
محمود خبط ايده ع الرخامة : و مازال تكذبي ؟؟
فتح القجر خدي كاشيك كبير و قعد يدور ف التليفون ف الطنجرة
سلسبيل غمضت عيونها من الخوف
محمود طلعه : و هذا شن هو ؟؟؟
سلسبيل فتحت عيونها : حييي شكله هدية في باكو المكرونة 😍
محمود حطه ف اللاوندينو و شدها من شعرها : قلتيلي هدية !!!
سلسبيل : ااه شعرييييي 😭
محمود شادها : مدايرة بيلة يلي ماتتحشميش ؟؟؟
سلسبيل تبكي : حول غادي معش تمد عليا ايدك 😭
محمود رخاها ؛ شد التليفون غسله تحت المية و حطه ف جيبه : انسيه من اليوم
سلسبيل طلعت تلم في شعرها و تبكي
محمود حامق ؛ خدي سفرة انكت فيها المكرونة و رفعها للدار
_____________________
سنابل واقفة مع محمد ورا الحوش تحت الفلة
محمد : كورس شني اللي بتخشيله ؟
سنابل : رياضيات متع السنة الجاية ؛ نبي نقراه من توا باش مايجينيش صعب و انى شهادة
محمد قرب منها : انى نعطيك دروس خصوصية حبيبي
سنابل ضحكت : باش نلقاك متهور ؛ لالالالا
محمد ضحك
سنابل سكتت تقول ف عقلها ..( ياسلام لو نخش لكورس مكياج و نكون ميك اب ارتست نمبر ون في ليبيا ! يارب تشد معاي )
محمد : وين سرحتي
سنابل شبحتله : في حبك حبيبي
محمد قطع فلة و دارها ف شعرها
_________________________
هناء راقدة تتألم و تأن : اممممم ااه
يوسف راقد ع الكرسي بحداها ؛ سمعها فتح عيونه و شبحلها
هناء تتألم : اااه
يوسف قرب منها و شدها من ايدها : هنو ؟ ..؛ هنو !!
هناء فتحت عيونها و تشوف فيه مشوش من الألم : يوسف !
يوسف : في شنو تحسي
هناء مدمعة : نحس بوجاع ف الجرح
يوسف : تو انّادي السِستر تعطيك مسكن
هناء غمضت عيونها : لالا نبيك انت
يوسف استغرب و سكت
هناء شبحتله مشوش و عيونها شبه مسكرات : نبيك جنبي
يوسف قعمز ع السرير و اتكّا معاها
هناء رقدت على جنبها ؛ حطت راسها على صدره و تاعبة
يوسف يمسحلها على شعرها و يهمسلها : سلامتك ياقلبي ؛ ربي يخفف عليك و يشفيك و نروح بيك بالسلامة
هناء مغمضة عيونها : يوسف
يوسف : نعم ياعيوني
هناء بصوت واطي : خليك معاي انى خايفة من المكان
يوسف حط ايده على ايدها و يحرك فيها من فوق : معاك ياعمري معاك ؛ مش حانسيبك بكل لين نروح بيك و نطمن عليك
هناء سكتت و بدي ياخد فيها النوم
يوسف : والله انحبك و نموت فيك و ماعندي اغلى منك ياقلبي ؛ انتي ابري بس و نوعدك اني معادش نسيبك ولا نباعد عليك ..
و بدي يسمع في صوت أنفاسها
يوسف شبحلها : رقدنا هنوشتي ؟ ..؛ نوم العوافي يابيبي ..
_________________________
07:00 ص
هناء فتحت عيونها لقت روحها على صدر يوسف
استغربت و قامت راسها : يوسف ؟؟!
يوسف فتح عيونه و شبحلها : نعم بيبي
هناء : انت شن ادير هني ؟؟ حول من السرير
يوسف بيحاول ينوض : قيمي روحك شوية بس
هناء حطت ايدها ع الجرح و حولت ع الجنب و تتألم
يوسف قعمز يحك ف عيونه و يتكسل ؛ رقبته وجعاته
هناء تشوفله : انت كيف تجي ترقد بحداي !!!
يوسف شبحلها : مش جيت بحداك ف الليل لما تعبتي ؟
هناء عقدت حواجبها و سكتت تحاول انها تتفكر
يوسف : كيف حالك اليوم احسن !
هناء : مادخلكش فيا شن حالي ؛ اطلع براا
يوسف انصدم
هناء بدت تبكي : انى لتوا مانسيتش اللي درته فيا ؛ انى بسببك نعاني فالهم .. اطلع من حياتي يايوسف
حطت ايدها على وجهها و تبكي
يوسف اضايق و قرب منها : علاش تعذبي فروحك و تعذبي فيا بكلامك ياهنو .؛ انتي عرفتي باللي صار كله خلينا ننسوه و نبدو من جديد
هناء نحت ايديها و شبحتله
يوسف : شوفيني سيبت كل شي و جيت لحقتك من اول ماسمعت بيك مرضتي و ماهُنتيش عليا نخليك بروحك ..؛ خلاص يابيبي خلينا نرجعو كيف ماكنا انى والله تعبت
هناء تبكي : ماحسيتش بيا الا لما مرضت
يوسف : هنوو !
هناء غمضت عيونها بالقوة : كلملي ماما تجيني و خليني بروحي
يوسف حط ايده على خدها : هنو اسمعيني
هناء نحت وجهها و شبحت الجهة التانية
يوسف تنهد : مش امس كنتي راقدة ف حضني و ماتبينيش نسيبك ؟
هناء انصدمت : لا ماكلمتكش بكل انت استغليت مرضي و جيتني
يوسف سكت
هناء : هيا اطلع
يوسف تنهد و طلع
هناء غطت وجهها و قعدت تبكي لين خداها النوم
_
يوسف قعد مقعمز ف الممر يراجي ف نجاة تجي هي و اسماعيل
بعد شوية وصلو : صباح الخير
يوسف شبحلهم : صباح النور
اسماعيل : ريتها اليوم ؟
يوسف تلخبط : خشيت عليها امبكري شوية لقيتها راقدة و توا عندها السِستر
نجاة : رقدت هلبا من امس لليوم
يوسف : ممكن الإرهاق ولّا عليها
اسماعيل : تو نخشلها مع الدكتور كمال ؛ جاي هو و دكتورها متع العملية توا بيشوفوها
نجاة : ان شاء الله يطمنا
________________________
11:30 ص
نجاة تنوض ف هناء من النوم : هناء ؟؟ ..؛ هنيوه !! هيا نوضي يابنتي ماسدكش النوم هذا كله ؟
هناء فتحت عيونها : هممم
و حطت ايدها ع الجرح
نجاة ابتسمتلها
هناء قعدت تشوف للحجرة لقتها كلها باقات ورود حمر
هناء : هادو منين
نجاة : من يوسف
هناء سكتت و مدت ايدها لنجاة تنوض فيها للحمام
نجاة : امشي بالشوية عليك
هناء : يوسف جايب الورد قدام بابا ؟
نجاة : بوك عارف بكل شي علاش بيتحشم منه
________________________
07:30 م
سلسبيل ف المطبخ اتطيب ف القهوة لأم آدم
خشت عليها روان : مازال ؟
سلسبيل طفت النار : هي خلاص كملت
سنابل واقفة معاهم : ان شاء الله عقابها خير ؛ خايفة منك
سلسبيل ضحكت ؛ خدت السفرة و مشت بيها للمربوعة
خشت لابسة بيجامة و مدايرة شعرها كوده : السلام عليكم
ام ادم شبحتلها : و عليكم السلام
حلومة و ازهار استغربو
سلسبيل اتضيف مبتسمة : تفضلي
ام ادم تشوفلها : يزيد فضلك .. و خدت منها
سلسبيل مدت لحلومة و ازهار و قعمزت
حلومة : و بسلامته ولدك شن يخدم
ام ادم : عنده محل غذائية
حلومة سكتت
ازهار : و مش متعين في الدولة ؟
ام ادم : لالا ؛ والله على قد ماجري ماحصلش مسكين
و شربت شوية من القهوة و بزعتها : هدا شنووو
سلسبيل ضحكت
حلومة استغربت : خيرك ؟
ام ادم : مدايرين فيها ملح ولا شني
ازهار شربت منها لقتها مالحة تلخبطت و وقفت تاخد فيها منها : سامحينا ممكن البنات متلخبطات
ام ادم عقدت حواجبها و تكنطت
سلسبيل ضحكت : ههههههههههه حييي هادي انى تلخبطت بين الملح و السكر مانعرفش نفرق بينهم سلامتي 😃
ام ادم شبحتلها
سلسبيل تمضغ ف مستيكا و ادير في انبولة
حلومة تشوفلها و تحرق في دمها
ام ادم تشوفلها : قداش عمرك
سلسبيل فتحت تليفونها تصور ف سيلفيات : سبعطاش الا ثلاثة ايام
ام ادم سكتت
حلومة متحشمة من حركاتها و تفنص فيها
سلسبيل شبحتلها : نعم امّيمه ؟ خيرك تفنصي فيا ؟؟
حلومة تعض ف فمها
سلسبيل تمضغ ف المستكة بالصوت : نعمممم علاش تعضي في فمك !!
حلومة حمقت : نوضي شوفي الحوش حسه يطق
سلسبيل : تي عادي تو يشوفه حد من البنات
ام ادم مصدومة
سلسبيل تغني بالشوية و فاتحة النت : حي دهب شيرتها ؛ حي ذهب شيرتها .. حي ذهب شيرتها نساها حتى قرايتها حي حي
__
سنابل و روان يبيتو عليها من برا و يضحكو
خش محمود
روان شبحتله جت شداته : ها وين
محمود : قاعدين الناس ؟
سنابل : مرا وحدة بس جاية تخطب
محمود ضحك : في من تخطب
روان : سلسبيل ؛ هونا مقعمزة معاها
محمود سكت
سنابل : هي اطلع
محمود يشبحلها
سنابل : اطلع عيب
محمود طلع الجنان و هو ساكت
___
سلسبيل مقعمزة و تضحك ف التليفون : ههههههههه حي ع الجو
ام ادم تشوفلها : ماعيتيش منه التليفون ؟ خلينا نهدرزو معاك شوية
سلسبيل شبحتلها و فنصت فيها : علاش ضايقتك ؟
ام ادم سكتت
سلسبيل تفنص فيها : راهو مانحبش حد يعلق عليها ولا يلقحلي هكي حطي ف بالك ايواااه
ام ادم انصدمت ؛ فتحت تليفونها و اتصلت بأدم
حلومة متحشمة : ازهاااااار يا ازهاااار
خشت ازهار بالقهوة اتضيف فيها : تفضلي و بالله عليك سامحينا
ام ادم متعفلقة : صحيتي مانبيش
ازهار : والله الا ماتاخدي
ام ادم : والله صحيتي كأني شربت
و انفتح الخط : الو
ادم : ايوه شن صار
امه : هي انى طالعتلك
ادم استغرب : مسرع ؟
امه سكرت عليه و وقفت
______________
محمود مقعمز ف الجنان و يفكر ؛ يحس بروحه متضايق و مستغرب من الشعور هذا ..
طلعت من وراه المرا
فرصة سعيدة ان شاء الله
ازهار معاها : بيك اسعد ؛ انستينا
ام ادم طلعت و ماردتش
محمود ناض و لحقها الشارع ؛ شاف ادم تعفلق و كان يبي يضربه
ام ادم ركبت السيارة و مشو
محمود مشي على رجليه و طلع دخانه يدخن فيه ..( باهي انى علاش اضايقت ؟ شن دخلني فيها اذا تنخطب ولا لا !!! )
عاقد حواجبه و يفكر
____________________
سلسبيل فرحانة : اااه اكيد ماصارش
سنابل : عيب اللي درتيه مش هكي عاد
سلسبيل : تبي نقوله ان اني سلسبيل ؟؟
سنابل : فيه هلبا طرق تقدري تسيبيه بيهم مش تحشمينا مع المرا
حلومة متعفلقة : سلسبيييييييل !!!
سلسبيل خافت : اكيد محاضرة توا
و ركبت تجري لحوشهم
_____________________
هناء مقعمزة ف السرير تاكل و تشوف للورد
نجاة توكل فيها : هي زيدي الفم هذا و خلاص
هناء خدت منها : معاش نبي الحمد لله
نجاة قامت السفرة
هناء : بابا وين
نجاة : مقعمز هو و يوسف ف مقهى
هناء : حتى انى نبي نطلع مليت من المستشفى
نجاة : احتمال غدوا الدكتور يكتبلك خروج
هناء فرحت : ان شاء الله ؛ باش نروحو مع بابا
نجاة : لا انتي مازال تبي اسبوع تاني باش تقدري تركبي الطيارة على رجليك و تتحركي طبيعي
هناء : لالا مافيا شي نبي نروح خلاص قلقت
نجاة : غر بوك عنده شغل كان هذا قعد حتى هو
هناء سكتت شوية و قالت : و طبعا بيقعد يوسف ف مكانه
نجاة قعمزت ف الكرسي : ايه اكيد مش حايخلينا بروحنا
هناء سكتت و غمضت عيونها
نجاة : شوفي الورد محلاه معبي الدار ؛ قلتيله حتى شكرًا
هناء شبحتلها : تعب روحه ره ..؛ يحسابني بنسامحه كان عبّالي الحجرة ورد
نجاة : عيب اللي اديري فيه جامليه حتى مجاملة
هناء سكتت
_______________________
العارف يتفرج ع الأخبار و بحداه حلومة و اصيل و محمد
حلومة : اليوم كلمني اسماعيل قال مروح
العارف فرح : معناها هنيوه حالها باهي و جاية معاه
حلومة : لالا جاي بروحه هناء مازال بتقعد
العارف : كيف بيخليها بروحها ؟؟
اصيل : يوسف غادي
حلومة : معاه يوسف من اول امس ، قال عنده شغل معاش يقدر يطول
العارف : والله المفروض الواحد يمشي يدهور و يغير جوه
حلومة شبحتله ع الجنب : انت متع ادهوير ؟!
العارف : لكن لالا ؛ نمشي يحج خيرله
حلومة فرحت : ناوي الحجة ؟
العارف : ان شاء الله
أصيل ضحك : منين ليك
محمد : رابح عند مصطفى الآغا 😂
العارف ساكت
_____
نزلت سلسبيل ف الدروج تلاقت مع محمود ؛ مابتش تكلمه لانها مازال حرجانة منه ع اللي داره
محمود يشوفلها : تعالي
سلسبيل نازلة و ماتبيش ترد عليه
محمود شدها من ايدها : نكلم فيك
سلسبيل شبحتله : شن تبي
محمود : شن موضوعها الي جت امبكري
سلسبيل : وانت شن دخلك !
محمود : نسأل عادي
سلسبيل : جاية تخطب
محمود : وانتي شن رايك
سلسبيل : و انت فاش يهمك رايي ؟؟
محمود : نبي نعرف و خلاص
سلسبيل : لما معادش تمد ايدك و تعاملني بإحترام ندوي معاك في مواضيعي الخاصة
محمود تكنطا : باهي بتوافقي ولا لا
سلسبيل قامت حاجبها : مرات ؛ بالك نفتك من شوفتك كل يوم
محمود اتضايق و سكت
سلسبيل نزلت و خلاته
محمود نزل و طلع الجنان ؛ ولع الموطو و طلع بيه الشارع
_________
سلسبيل ف الدار مع العيلة : بجديات اجديده بتحج ؟
العارف : ايه خيرك مستغربة
اصيل بصوت واطي : امالا خانب مصرف
حلومة : و من بترفع معاك
العارف : بروحي
حلومة انصدمت : وانى ؟؟؟
العارف : انتي شدي حوشك و عيدي مع أولادك
حلومة زعلت : و خيرك ماتحسبنيش معاك ف حجة ؟ ولا حرام فيا !!
العارف : فيها دفع هلبا
محمد : عادي زي ماتدفع عليك ادفع دبل
العارف سكت
حلومة ناضت من بحداهم زعلانة
محمد وقف
اصيل شبحله : وين
محمد : بنجيب احمد من حوش جدي ليه يومين غادي
العارف شبحله : والله مخلي مكانه الفرخ هذا
اصيل وقف : باهي امالا نتسايرو
و طلعو مع بعض
سلسبيل قعمزت جنب العارف : اجديده بنسألك
العارف شبحلها
سلسبيل : كيف بتطلع فلوسك من المصرف باش تحج
العارف سكت
سلسبيل : غر قول والله مانقول لواحد
العارف : بايع قطعة ارض
سلسبيل فرحت و قربت منه : باهي نبي نطلب منك طلب
العارف تكنطا : الفلوس ان شاء الله يسدوني حجتي هيا بلا نقان
سلسبيل : تي هي سيارة بس اللي بنطلبها مش حاجة كبيرة
العارف فنص فيها : شن هوا ؟!!!! ..؛ نوضي كان عندك حاجة بديريها تحركي
سلسبيل ناضت تتأفأف : شن هاليابس هذا
_______________________
بعد مرور ثلاثة ايام 🌹
05:30 م
هناء طلعت من المستشفى و قاعدة ف الفندق
متكية ع الكنبة تتفرج ع التلفزيون
نجاة : من اليوم عامليه حتى بمجاملة بوك روح و مافيش غيره معانا
هناء ساكتة
نجاة : مش معقولة كل ماتشوفيه تقعدي تلزي فيه
هناء قالبة وجهها : ماما !
نجاة : نعم
هناء : نطلعو ؟ قلبي نغم انى نبي نغير جوي
نجاة : تقدري تتحركي ؟ نحس مازال بكري عليك خلينا الليلة و غدوا اطلعي
هناء : نص ساعة بس ؛ حتى نقعمزو لوطا شوية و نركبو
الباب طق
نجاة ناضت : اكيد يوسف
هناء سكتت و شدت الريموت تتفرج
يوسف خش : السلام عليكم
هناء عيونها ف التلفزيون وساكتة
يوسف وقف بحداها : شن حالها ؟
هناء من راس خشمها : كويسة
نجاة : جيت ف وقتك كيف بنكلمك
يوسف شبحلها : تبي حاجة
نجاة : هناء قالقة تبي تنزل تغير جوها
يوسف شبحلها : مش مازال بكري ع الحركة ؟ خلي يبرا جرحك قبل
هناء تكنطت : باهي بلاش بكل هي !
يوسف قعمز بحداها : علاش زعلتي حني نتكلمو على صحتك
هناء شبحتله : قلتلي صحتي ؟
و ضحكت بإستهزاء : باهي به
يوسف سكت و شبح لنجاة
نجاة : باهي نوضي البسي
هناء : خلاص معادش نبي نطلع غيرت رايي
غطت روحها و غمضت عيونها : نبي نرقد توا
يوسف و نجاة شبحو لبعض و سكتو
هناء : ماما سكري التلفزيون بنرقد
نجاة سكراته
يوسف وقف و مشي جنب الباب
نجاة لحقاته : سايرها و خلاص هي مازال مأتر فيها اللي صار كله جاها مع بعضه
يوسف : عارف و مقدر اللي تمر بيه ؛ لكن مش حانرتاح لين نرضيها
نجاة سكتت
يوسف : ساعة و نجي
نجاة : به
يوسف طلع و سكر الباب
_____________________
سعاد متنكدة و تبكي : ماهانش عليه حتى يقيم التليفون و يطمن عليا ؛ علاش ولاّ قاسي هكي
السنوسي يتفرج عَ الأخبار : لانه فد منك و من تصرفاتك ؛ خليه متريح احسن مادارلك
سعاد حمقت : يعني نستاهل اللي صاير فيا ؟؟
السنوسي شبحلها : والله تستاهلي اكتر ؛ تي انتي غر اتصلي اطمني ع البنية توا طايحة تلومي على ولدك اللي مافيشي شي
سعاد : هونا هو عندها مكفي و موفي
السنوسي حط الريموت و ناض الحمام
سعاد ولت تبكي : علاش ادير فيا هكي يا ولدي ؟
______________________
سنابل في مطبخ حلومة توتي في سفرة القهوة و تقص في كيكة
محمد واقف معاها و يشوف للباب : هيا بيب حضن سريع
سنابل فنصت فيه : محمد ناوي على فضيحة انت ؟
محمد : تي شن قتلك بنبوسك انى ! هو حضن خت فت
سنابل ف ايدها الكيكة و كلتهاله : عمري ماسمعت بحضن خت فت
محمد كلي منها و ضحك
خش احمد شافهم
سنابل و محمد شبحوله و سكتو
احمد خش يصب ف امية و ساكت ؛ خدي الطاسة وطلع
محمد شبح لسنابل : هيا
سنابل تكنطت : خوك كان هني فكنا منه و هو احرف من قناة الجزيرة
محمد : وانتي قلتيها يمشي بالرشوة عادي
سنابل تلفتت للسفرة و ماردتش عليه
محمد فكلها شعرها : تبي نديرلك حوسة ؟
سنابل شبحتله : علاش هكي توا ؟؟
قرب منها و جي من وراها يلمها ف شعرها :
اسف حبيبتي ضايقتك
احمد ايبيّت من الباب و يضحك
سنابل تلفتت لمحمد : انت تحرج فيا يعني كان حد يخش و يشوفنا يبدا منظرنا مش حلو
محمد شد ايدها و باسها : عندك الحق
احمد ضحك بالصوت و محمد شبحله
احمد هرب
سنابل خافت : توا معناها فضيحة بجلاجل
محمد طلع وراه : تعالى
احمد هرب للجنان و محمد لحقه
احمد يشوفله : قصدك بتضربني
محمد : تعالى مش ضاربك
احمد يقرب منه : باهي شنو
محمد شده من ايده و جبده ليه : اللي ريته توا كإنك ماريتاش بكل تسمع فيا ولاه ؟
احمد : قصدك تحبها ؟؟
محمد : انت ماليكش علاقة بالكلام هدا المهم اللي ريته يقعد بينا تم ؟
احمد : تم
محمد قعد يشوفله : و كان نسمع بيك معاود الدوة ؟
احمد : لالا مش حانقول
محمد : وقتها مش حانرحمك لا انى ولا محمود فهمت ولا ؟؟
احمد : قصدك حتى محمود يندري و انى اخر واحد يعرف ؟
محمد زراته الضحكة
احمد سكت
محمد : هيا اقلب وجهك من قدامي
احمد سكت و قعد يشوفله
محمد : خيرك متنح ؟
احمد : مانحصلوش خمسة عشرة !
محمد دفه من وجهه : ماتمشيش بلاش الزح
مدله خمسة : خودها و اقلب وجهك
احمد ضحك و طلع الشارع يجري
__________________________
تاني يوم 🌹
10:30 ص
يوسف يتصل بنجاة ..
نجاة ردت : ايوه ؛ صباح الخير
يوسف : صباح النور ؛ كيف حالك
نجاة : الحمد لله و انت
يوسف : الحمد لله و هناء شن حالها
نجاة : قاعدة راقدة لتوا
يوسف استغرب : قصتها قصة مع النوم ولت
نجاة : قصتها انها تهربله
يوسف سكت
نجاة : طلعت انت ؟
يوسف : انى لوطا نبيك تنوضيها و تنزلو
نجاة : والله كنت بنكلمك سباق بالخير ؛ اليوم عيد ميلادها قلت كان هذا نحتفلو بيه و نغيرولها جوها
يوسف : عارف هذا علاش نبيكم تنزلو بنرفعكم لمكان
نجاة : باهي راجي نفيص ساعة
يوسف سكر الخط و قعمز يدخن ع الصالون
_
بعد ساعة نزلت هناء هي و امها
يوسف ابتسملهم و ناض قرب منهم
هناء تشوفله و ساكتة
يوسف : كيف حالك اليوم
هناء : الحمد لله
نجاة شدتها من ايدها : تقدري تمشي ؟
هناء بتمشي بالشوية : ايه
و طلعو مع بعضهم ..
______________
محمود ف الجنان مولع الموطو متعه و واقف سارح
طلعت حلومة : محمود ؟
محمود شبحلها : صباح الخير
حلومة تشوف للموطو : صباح النور ؛ متع مني هذا ؟
محمود : لصاحبي
حلومة : تعالى افطر معانا الداخل
محمود خش معاها : جيتي في وقتك لتوا مافطرش
حلومة ضحكت و خشو الدار
سلسبيل شبحاته قلبت وجهها
محمود : صباح الخير
سنابل : صباح الخير ؛ شن الجو
محمود قعمز : تمام
و شبح لسلسبيل : خيرات !
سلسبيل تاكل و ساكتة
حلومة تشوفلهم : متعاركين ؟
محمود شبحلها : لالااا
حلومة : امالا خيركم
محمود : شوره خطيبها الجديد فنص فيها و قالها معاش تدوي مع ولاد عمامك
سلسبيل شبحتله ع الجنب
سنابل : خطيب ؟
حلومة : طيح سعدها حشمتنا مع المرا
محمود ضحك : خيرها شن دارت
سلسبيل علت صوتها : هي شوفولكم موضوع تاني تدوو فيه صبح
خش أصيل : خيركم ماتنادوش ؟ الله غالب عليا امي مسافرة ناسييني ف الماكلة
حلومة شبحتله : حي عليا والله مانندري انك فايق و جعان يعطيني سم في بطني
اصيل قعمز معاهم : بعيد السو عليك انى نبصر بس
حلومة جبدت قدامه الدحي : تعالى و سمي بالله
محمود يشوف لسلسبيل و ساكت
وسلسبيل تاكل و قالبة وجهها عليه
سنابل تشوف للباب تراجي ف محمد يخش
خش احمد : صباح الخير
سنابل شافاته خافت
حلومة : صباح الخير و الهني ؛ هي تعالى افطر
احمد : لالا فطرت .. و قعمز ورا سنابل
سنابل تاكل و ايدها على قلبها خايفة يدوي قدام اصيل
احمد : اصييييل ؟
سنابل قلبها دق
أصيل شبحله : ايوه
احمد : تعرف امس صار موضوع مليييح تي مش عادي بكل
محمود و سلسبيل شبحوله
اصيل : موضوع شني
احمد : امس في العشية
سنابل تلفتت و عطاته بريوشة : هاك كول
احمد : لالا مانبيش
سنابل : كوووول 😡
حلومة : خيرك تعيطي ؟
محمود ولاّ ياكل
أصيل : موضوع شني المليح ؟
احمد : جاني ولد عثمان يبي دجيرا بالبشكليطا بعتهاله بجني
سنابل اطمنت و سكتت
محمود شبحله تاني
احمد : و بعدين بدو يتلقطو عليا ولاد الشارع كلهم يبو يلعبو طلعت منهم سبعطاش الجني و محمد عطاني خمسة بدو تنين وعشرين
اصيل ضحك : فالح
محمود يشوفله : قصدك تبيع ف الدجيرا بجني ؟
احمد : ايه
محمود حط الخبزة من ايده و ناض يضرب فيه
احمد انخلع : خيرك ؟؟
حلومة تحز عليه : شن جاك ياولد لواه تضرب في اوخييك ؟؟
اصيل : تي خيرك على خوك صبح الزح !!!
محمود يضرب فيه كفوف : تبيع ف الدجيرا يا كلب !! كلب فلوس من توا ؟؟؟
احمد يبكي : باهي شن فيها ؟
حلومة تجبد فيه : خليه و كان استرزق الوليد شن فيها
محمود شبحلها و فنص فيها : شن يسترزق شن تقولي انتي
حلومة شدت احمد : عيب عليك تبكي فيه ع الصبح
محمود حامق : تو نوريك كان مازال طلعت للشارع يا امسخ
و طلع من الدار
احمد داهش
و البنات يشوفلوله و ساكتات
اصيل : شن هالمهبول اهوا !!
خشت روان
شافت اصيل مقعمز ولت تجري
اصيل شبحلها علّا صوته : لآمتى بتهربي يا فارة حتى انتي جايك الدور !!
سنابل ضحكت
اصيل شبحلها و ضربها من ورا راسها : تضحكي !!
حلومة شبحتله : تحشم عاد
سلسبيل سارحة : اليوم عيد ميلاد هناء
_____________________
هناء خشت للكافي هي و نجاة و يوسف ؛ لقت المكان محجوز بإسمها و كله مزيّن بالورد
و معلقين Happy Birthday Hanoo
شبحت لأمها و ضبطاته : شكرًا هلبا ماماااا
نجاة ضحكت : مش انى اللي درته
هناء تلخبطت و شبحت ليوسف
يوسف ابتسم و قرب منها : كل سنة و انتي طيبة هنو
هناء : وانت طيب ؛ شكرًا
يوسف : تستاهلي اكتر
هناء تلفتت تشوف للمكان
نجاة : هيا خشي
هناء تمشي بالشوية و شادة ع الجرح
قعمزو ف الطاولة و الموظف جابلهم تورتة بإسمها فيها ميش 💥
و فتحولها اغنية عبد المجيد عبد الله :
❤️ غنو لحبيبي و قدموله التهاني
في عيد ميلاده عساها مية عام
افرح حبيبي و اطلب الله الأماني
الليلة ياعمري تناديك الأحلام ❤️
هناء ضحكت
يوسف يشوفلها و مبسوط انه شاف ضحكتها
نجاة : هي قصيها
هناء : قصيها انتي مانقدرش نطبس
يوسف وقف بحداها و قعد يوقف فيها : انتي لازم تقصيها
هناء انحرجت و سكتت
يوسف شادها : هيا هنو
هناء وقفت و قصتها
نجاة صورتها هي و يوسف 📷
هناء شبحتلها : شن درتي ؟
نجاة : صورتكم جت حلوة
هناء تكنطت و سكتت
يوسف لفتها ليه : كل عام وانتي بألف بخير و بصحة وسلامة بيبي
هناء : وانت بخير
نجاة ناضت باستها : كل عام و انتي بخير هنيوه و ان شاء الله العام الجاي مع بعضكم فحوش واحد
يوسف ضحك : ان شاء الله
هناء فنصت فيها : معش تقولي هكي
نجاة شرين تليفونها ردت : الو
سلسبيل : ايوه ماما كيف الحال
نجاة : الحمد لله كيف حالكم انتو
سلسبيل : ماشي حالنا ؛ كيف حال هناء و شن صاير فيها
نجاة : جوها مليح هانا محتفلين بعيد ميلادها ف كافي
سلسبيل ضحكت : اشِـي اشيــه علينا حني 😍
نجاة ضحكت
سلسبيل : نجاة بدت ادير في مواعيد و اجواء مليحة لبنتها من امتى ؟؟
نجاة ناضت تتكلم بعيد : كله على خاطر اختك اللي صار فيها هلبا لازم تولي كيف ماكانت ؛ و الحق هما الزوز وجعوني كانو بيتزوجوا خربت عليهم المعفنة هديكا
سلسبيل تسمع و ساكتة
نجاة : كان تشوفيه شن ايديرلها هني و هي لتوا مش راضية حتى تدوي معاه
سلسبيل : ياريتني غادي راهو رضت عليه من اول مرة
و تنهدت : ايـــه بالله باش يعرف قيمتي يوسف
نجاة : كيف ؟
سلسبيل تلخبطت : لا شي 😐
تقول ف عقلها .. (( حي على امك تدوي مع نجاة راك ))
نجاة : اسمعيني توا ؛ بوك حدديله حوايجه قبل ماترقدي و ردو بالكم تطلعو من الحوش مش كان بوكم روح تاخدو راحتكم ؛ عارفاته ديما ف المستشفى ولا العيادة و مش فاضي
سلسبيل : حاضر ماما 🌚
_
يوسف مقعمز مع هناء ؛ مدلها بوكس هدية لونه ابيض فيه ربطة موف 💜 لون ديكور العيد ميلاد
يوسف : تفضلي
هناء شبحتله و انحرجت ؛ ماتبيش تاخدها و ماتبيش تحرجه
يوسف يشوفلها : خودي من ايدي
هناء خدتها منه و حطتها ع الطاولة : شكرًا
يوسف يشوفلها : باهي ماتبيش تفتحيها حتى ؟
هناء ماردتش عليه و شبحت لأمها جاية
يوسف اضايق و سكت
نجاة مدت التليفون لهناء : هاك كلمي خواتك
هناء خداته منها : الو
سلسبيل : هناااااااااء
هناء انخلعت : خيرك
سلسبيل : كل عام و انتي بألف خير يارب ان شاء الله تكون سنة حلوة عليك يارب يارب
هناء ضحكت : و انتي بخير ان شاء الله
سلسبيل : اسمعيني تعرفي كان ماتاخديش الهدية من يوسف ممكن نقتل روحي راهو قصة حبكم لازم تكمل تاعبة فيها لين حيلي منهد
هناء تكنطت : سلسبيل !!
سلسبيل : ....
هناء غمضت عيونها : هاتي سنابل
سلسبيل : المهم زي ماوصيتك خير مانجيكم غادي
هناء ساكتة
يوسف يشوفلها و ساكت
هناء : هاتي سنابل
سنابل : كل عام و انتي بخير يا عمري 😍
هناء ضحكت : و انتي بخير يارب
_________________________
بعد مرور عدة ايام 🌹
03:00 م
نجاة نزلت من الحجرة لقت يوسف مقعمز يدخن
يوسف شبحها مشالها : تبي حاجة
نجاة : نزلت بنصرف العملة المصرية معاش عندي بيها لزمة مادامنا غدوا مروحين
يوسف : علاش نازلة بروحك و ماكلمتينيش انى
نجاة : انى نبي ننزل و نتحرك هناء حابستني ف الفندق
يوسف : و هي قاعدة بروحها ؟
نجاة : ايه خليتها فاتحة النت بتليفوني و تهدرز مع خواتها
يوسف سكت
نجاة و هي ماشية : هني انى مش طالعة برا
يوسف : ماشي
_______
هناء تهدرز مع سلسبيل : ياسري و انتي شادتيلي نفس السيرة كل ماتكلميني
سلسبيل : يوسف واجعني راهو عيب اللي اديري فيه ..؛ معقولة لتوا ماتدويش معاه و مافتحتيش حتى هديته !!
هناء : مازال ماشاف شي غر نروح و نشد صحتي اكتر تو نوريه حرق الدم على أصوله
سلسبيل انصدمت : شن بديري ؟؟
هناء : تو تعرفي بعدين
الباب يطق عليها
هناء : هي سكري ممكن ماما ولت نست حاجة
سلسبيل : باهي نوضي افتحيلها و انتي ع الخط
هناء : ماهو التليفون مافيشي شحن و توا حاطاته فيه
سلسبيل : باهي باي
و سكرت الخط
هناء ناضت و وقفت ورا الباب : مني ؟
يوسف غيّر صوته : Room service
هناء حطت وشاح على شعرها و فتحت
يوسف ابتسم
هناء : انت ؟
يوسف خش و سكر الباب
هناء : اطلع ماتقعدش معاي و انى بروحي تو تجي ماما و تفهمك غلط
يوسف ضحك : شن بتقول يعني نديرو في حاجات عيب 😏
هناء فنصت فيه : بلا قلة ادب
يوسف شدلها ايدها : هنو اسمعيني
هناء نحتله ايديه : معادش تمسني
و قامت حواجبها : مش قلت معش تبيني ؟ خلاص اني توا سيبتك ارتاح و ريحني معاك
يوسف حط ايديه على خدودها : الكلام طلع مني في لحظة غضب و انى ماكنتش قاصده
هناء نحتله ايديه : لا قاصده لان لو فعلا مش قاصده راك جيتني و تأسفت او حتى سمعتني
يوسف سكت
هناء فتحت الباب و طلعت
يوسف لحقها : تعالي !!
هناء تلفتت شبحتله و كملت طريقها .. ( تو نوريك كان ماشحطتكش )
يوسف : وين ماشية ؟
هناء خشت ف الاسانسير و ماردتش عليه
يوسف خش وراها
هناء سكتت لان الاسانسير فيه ناس أجانب
وقفت ف اخر الاسانسير و يوسف وقف بحداها و يهمسلها : تبي اتّعبيني ؟
هناء ساكتة
يوسف يوشوش فيها : شن رايك نلعبو ؟
هناء : اسكت
يوسف : نبي نتشيطن
هناء فنصت فيه : معانا ناس مش وقت دوشة توا و عراك
يوسف شد ايدها و باسها : نبي نتشيييطن 😉😘
هناء قلبها دق و تلخطبت 😳
يوسف ضحك
هناء فكت ايدها و خلت روحها طبيعية
يوسف قرب منها و باسها ف خدها
هناء ترعش و تشوف للناس : يوسف ! 😳
يوسف دار ايده من ورا ظهرها و دغدغها ف جنبها
هناء ضحكت : حول العملية
يوسف ضحك
هناء ورقت لروحها ضحكتله ؛ عقدت حواجبها و طلعت اول مانفتح الاسانسير
يوسف ضحك و طلع وراها
هناء شبحتله : هيا خليك في حالك
و شافو نجاة جاية
يوسف : شن صار معاك ؟
نجاة : تمام
يوسف : نمشي نتم أمور الحجز و نجي
.. و مشي
نجاة شبحت لهناء : اطلعي انتي وياه غيرو جوكم قبل مانروحو .. اليوم اخر يوم
هناء : ماما فوتي الموضوع انى نراجي بالساعة و الدقيقة امتى نروحو باش مانشوفاش طول الوقت
نجاة سكتت
هناء تشوف ليوسف و زارتها الضحكة .. ( كان ماخليتكش ماترقدش الليل زي ماصارلي معادش نتسمىٰ )
يـتـبـــع ... 💗
____________________
ملاحظة للي يسألوا فيا ديما اذا كانت الرواية قصتي او لا
طبعا ماليهاش علاقة بيا نهائي ؛ حياتي الخاصة بعيدة كل البعد عن رواياتي ماذكرتش منها ولا حدث فيهم 💕
و اسفة جداً ع ال