الفصل 17
روايــة #صغار_العم
الحَـــلْـــقـــة الــسـابعــة عــشـــر 🌸
سنابل ضحكت : امالا من محمود اللي مقعمز ؟
سلسبيل : لالا
و طلع مهاب قدامهم
سلسبيل تشوفله : بسبب البيلّو هذا
خواتها شبحوله
هناء ضحكت و طلعت بالسيارة : صاحب يوسف !
سنابل شبحت لسلسبيل : اختي قلبها دق اووه ماي قاااد
____________________
سعاد تلم ف حوسة الصالون خش عليها يوسف
شبحتله : خيرك رجعت ؟
يوسف : سقدته للباب و خشيت
سعاد : مش ماعنداش سيارة ؟ من روح بيه
يوسف : جاه خوه
سعاد سكتت و تلفتت تلم
يوسف : نبيك ف موضوع
سعاد شبحتله : موضوع شني
يوسف قعمز : شن رايك نديرو تلبيسة يوم 27
سعاد قامت حاجبها و هزت راسها : لالا
يوسف : علاش
سعاد : تلبيسة شني توا و الموسم معاش مازاله الا يومين ؛ خليها بعد العيد بِ الوساع
يوسف : خوديلها دبلة و حاجة بسيطة و خلاص ؛ العرس قريب علاش نديرو ف بيان بعد العيد
سعاد سكتت .. ( اكيد نجاة طلباتها هلبا و مايعجبها العجب مالقيت ماتديرلي يا ولدي )
يوسف : ها شن قلتي
سعاد : ان شاء الله خير
_____________________
هناء تسوق : اسمعو خلونا نخشو للمحل هذا ع السريع
سلسبيل تلفتت : اما واحد
هناء : هوا متع الأثاث
سنابل علّت صوتها : بابا قال ساعة اما محل أثاث متعك هذا
هناء درست : يوسف قالي اختاري صالون
سلسبيل تتأفف : مش وقته يا هناء
سنابل : راهو عشرة دقايق بس
هناء : باهي غر انزلو
نزلو معاها البنات و خشو للمحل
هناء : السلام عليكم
صاحب المحل : و عليكم السلام
هناء تشوف في الصالونات و ساكتة
قربت منها سنابل : اختاري واحد من هادو الزوز
هناء : حتى انى عجبوني
سلسبيل : خلاص خوديهم الزوز
هناء ضحكت : امالا تبي سعاد تقول إني مش راحمة ولدها و نازلة على قلبه 😂
سنابل ضحكت : خليها تدوي المهم خديتيه
هناء : لالا واحد بس مانقدرش نقوله خود زوز القرش بحسابه
سلسبيل : عادي اوسيفه مايقولش لا
هناء فتحت تليفونها تصور ف الصالون : لالا عيب
__________________________
(( يوم الخطوبة 💍 ))
11:00 م
في حوش حلومة مدايرين تلبيسة بسيطة بين العيلة مش عازمين ناس
حاضرين خالات هناء و يوسف و نساوين العمام
هناء لابسة قفطان أحمر طويل مدايرة تسريحة و امكيجة مكياج سموكي
العيلة فرحانين و فاتحين اغاني
اروى تشوف لهناء من فوق لتحت .. ( ان شاء الله ماتتهني بيه 😒 )
_
بعد ساعة يوسف خش باش يلبسها الدبلة
وقف ف المدخل : امي ؟؟
جاته سعاد : خش خش
يوسف : ناديها هني فكيني من الخشوش
سعاد : شن اناديها هني !! خش لبسها الداخل و صور معاها
يوسف تكنطا : هنااااء ؟؟ .. يا هناااء !!!
هناء سمعاته : هذا يوسف اللي ينادي ؟
نجاة : خيره مايخشش
يوسف : هناااء
سعاد : اسكت بلا عار
هناء جاته : نعم
يوسف شافها ضحك
هناء ضحكت : خيرك تنادي
يوسف خش للمربوعة : تعالي هني
هناء خشت معاه
سعاد خشت معاهم : تو انادي المصورة هني امالا
و طلعت من جنبهم
يوسف يشوف لهناء : الدنيا رمضان السيئة بسيئتين
هناء ضحكت
( بعد شوية لبسوا الدبل و صورو مع بعض و كان احلى يوم ف حياتهم 💘 )
__________________________
(( يوم العيد 🎈))
07:00 ص
أصيل يصيح : تي وين الفرملة يا حلوفات ؟؟؟
سلسبيل من دارها : مدامنا حلوفات دورها بروحك
أصيل يدور فيها : تي وينها الزفت
جاته سنابل : ادوي باهي مبردك الناس تعيد وانت تهزب
أصيل شبحلها : وينها ؟
سنابل فتحت دولابه : و هادي شني اللي معلقة ؟؟؟
أصيل ضحك : والله ماريتها
سنابل 😒
أصيل خداها يلبس فيها : الوضع هذا معاش حاله يمشي خلاص
سنابل : وضع شني
اصيل : لازم نتزوج و نجيب اللي تهتم بيا و تلبسني بِ ايديها و تبخرني قبل مانطلع
سنابل ضحكت بصوت عالي
اصيل يشوفلها : تضحكي يا حلوفة !
سنابل : ممكن تهرب منك من تاني يوم 😂
اصيل ضربها من ورا راسها : مصح وجهك
سنابل دفتله ايده : حول مبرد دمك
____________________
هناء راقدة ف سريرها ؛ حست بتليفونها يهز تحت المخدة
جبداته و ردت بصوت نعسان : الو
يوسف : صباح الورد يا وردتي
هناء غمضت عيونها و ابتسمت : صباح النور
يوسف : كل عام و انتي معاي يا أجمل اعيادي
هناء مبتسمة : كل عام و انت حبيبي
يوسف : كيف حالها البيبي
هناء : الحمد لله ..؛ ناقصة نوم بس
يوسف : انى كيف ماشي لصلاة العيد اول مانروح نبي نلاقيك و نعيد عليك انتي الاولى
هناء : كان ماخدانيش النوم تاني
يوسف ضحك : مليح بكل ؛ لما العيلة كلهم يكونو فحوش جدي نركب انوض حبيبة قلبي
هناء فتحت عيونها و ضحكت : لا خلاص نضت نضت
يوسف ضحك
______________________
محمد واقف ف داره يلبس ف ساعته
خشت عليه ازهار : حميدا برا مع بوك في سيارة وحدة باش تجو مع بعضكم هونا كيف نزل هو و احمد
محمد شبحلها : لالا نبي نتلاقىٰ مع صحابي بعد الصلاة
محمود يصيح من برا : وين الشخشير مشي ؟ توا كان هني !!
ازهار تكنطت : صبح و الدنيا عيد
و طلعتله برا : مش حطيتهولك مع بدلتك العربية ؟؟
محمود : مالقيتاش مش عارف وين طار ..؛ تعالي يا روااااان
روان من الحمام : هاااااا
محمود : وين ام الشخشير !!
روان : حطيته في دولابك وين يعني
محمود تكنطا و خش لداره يعيط : يا حيوانة معاش تمسي حاجة مش ليك
روان تصيح من الحمام : انى مش حيوانة و باش مرة تانية تقيم حاجتك مانقعدش نقيم في حوستك
من وراك
محمود خدي شخشيره وطلع وسط الحوش يلبس فيه : غر اطلعي بس نعرف كيف نقصهولك هاللسان
ازهار : تحشمو اليوم عيد مش وقت عراك
محمد طلع من داره وقف بحداهم و شاد تليفونه يكلم في سنابل بالمسجات .. ( تطلعيلي توا ماخصنيش فيك )
سنابل .. ( راهو قاعدة بالبيجامة مش معقولة نبدل من توا و نتشحط )
محمد .. ( تطلعيلي كيف ما انتي شن المشكلة )
سنابل .. ( محمد علاش الاحراج توا !! )
محمد .. ( انى خمسة دقايق و نازل نلقاك ف الدروج )
سنابل تكنطت و ماردتش
محمد سكر تليفونه و قعمز ع الصالون
ازهار تنعس : انى بنخش نتكّا شوية
و خشت لدارها
محمود شبح لمحمد : خيرك قعمزت ؟
محمد شبحله : شوية و ننزل
محمود ضحك و فتح باب الحوش : بتتلاقى مع روز !
محمد سكت
محمود : بتاخد بوسات و احضان الاعياد ؟ 😃
محمد تكنطا و حذفه بمفتاح السيارة
محمود جاه المفتاح على رجله : احييي
و طلع يضحك
______
سلسبيل تستشور ف شعرها : اطلعيله كيف ما انتي علاش الجو اللي اديري فيه
سنابل : معقولة يشوفني هكي زي الشحاتة ؟
سلسبيل سكرت الاستشوار و قعدت تشوف برا الدار : هونا اصيل كيف طلع مع بابا
سنابل : ماما ناضت !
سلسبيل شبحتلها : مازالت راقدة ..؛ افتحي شعرك و ديري روج وردي و اطلعيله والله الا حلوة بالبيجامة
سنابل تشوف لروحها ف المراية : مانقدرش
سلسبيل تكنطت : و النبي بري ملحي حتى انى فاضية نقنع فيك بتطلعي ولا تقعمزي انى شن محصلة ف جرتكم
و فتحت الاستشوار تكمل ف شعرها
سنابل سكتت و قعدت تفكر
______________
محمد وقف قدام حوشهم و اتصل بسنابل ..
سنابل ردت : ايوه
محمد : انى كيف نازل ؛ اوقفيلي قدام الباب
سنابل : باهي
محمد سكر الخط و قعد واقف ف مكانه لين سمع باب سنابل انفتح
سنابل سكرت وراها الباب و وقفت
محمد نزلها مبتسم
سنابل شبحتله ابتسمت و قلبها دق بسرعة
محمد قرب منها و حضنها
سنابل خافت : محمد لااااا
محمد حاضنها : كل عام و انتي بألف خير حبيبتي
سنابل ضحكت : و انت بخير يارب
محمد شبحلها و حط ايديه على خدودها
سنابل تشوفله : و اخيراً انفك الحظر
محمد : حظر شني
سنابل : اللي كنت مدايرهولي ف شهر رمضان
محمد ضحك : مجبور ؛ الموضوع مافيشي بصارة
سنابل تضحك
محمد يشوف لحوايجها
سنابل تحشمت و قامتله راسه بيدها : ماتركزش
محمد شبحلها : علاش
سنابل سكتت
محمد : معادش تحطي قيود بينا ؛ خليك على طبيعتك و ماتتحشميش مني
سنابل ابتسمت : محلاه العربي عليك
محمد ضحك : عجبك بيبي ؟
سنابل : اكيد و هلبا
محمد : عيونك الحلوات
سنابل مبتسمة : زي اللي عطلت ولا
محمد : نازل نازل
سنابل سكتت
محمد باسها ف خدها
سنابل جمدت ف مكانها
محمد نزل و هي قعدت تشوفله
على نزلة عصام ماشي للصلاة
سنابل شبحتله تلخبطت : عمي كل سنة و انت طيب 😅
عصام ضحك : وانت طيبة
سنابل ترعش : شن الجو عمي
عصام : من امتى وليت عمي ؟
سنابل ضحكت : من اليوم 😂
_________________
09:00 ص
صغار العم روحوا من صلاة العيد لابسين عربي ؛ خشو للعارف و حلومة لقوهم مقعمزين مع العمام و الكناين
يوسف يعيد على العارف : كل عام و انت بخير جدي ( و باس على راسه )
العارف مبتسم : وانت بخير و من العايدين الفايزين
و جوه محمد و محمود و اصيل يعيدو عليه هو و حلومة و الباقي
حلومة : وينكم لتوا ؟
محمد : تلاقينا مع الشباب و خدتنا الهدرزة
بعد شوية نزلو البنات يعيدوا الا هناء
سنابل جت لأصيل : كل سنة و انت طيب
أصيل متحشم : و انتي طيبة
يوسف : تي بوس اختك بلا جو 😃
أصيل وجهه احمر باسها من خدودها و خاش بعضه
العيلة يضحكو عليه
سلسبيل : امبكري يهزب و توا متحشم سوبهاااان الله 🌚
أصيل حمق : هيا بتبدي 😡
نجاة : تحشمو يرزيني فيكم
مرام تضحك
حلومة ضحكت : ياسري معادش تدعي عليهم غيرك يتمناهم عنده
نجاة شبحتلها : ديما بعارهم يا اللاّي
سعاد لابسة سروال بيج و بلوزة موف : وين كنتنا ماريناهاش 😏 ؟؟ المفروض تنزل و تعيد عليا انى و عمها اول الناس
البنات يشوفولها و مستغربات من اللبسة
نجاة شبحتلها : اكيد نازلة ماعندها وين تمشي
أحمد شاد مسدس رش يلعب بيه
محمد : فكنا منه يا احمد تو تنوش حد
أحمد يلعب و مايسمعش فيه
سنابل شبحت للعارف : اجديده ؟
العارف شبحلها : نعم
سنابل : نبو عيدنا
العارف سكت ؛ فتح جيب فرملته و طلع انبايل 🎈🎈
روان : هذا شني ؟؟
العارف مدهملهم : هاكم انفخوهم
سنابل تكنطت و سكتت
الولاد يضحكو 😂
روان : ف مكان ماتوزع علينا العشرات عاطينا هادو ؟؟
العارف : مش عاجبك اوه !
روان : تي عيد الفطر مرة ف العام مستخسرها فينا 😒 ؟؟؟
السنوسي ضحك و طلع فلوس من جيبه ناض يفرق عليهم 💵
_
مرام مرت عصام مقعمزة و متضايقة
عصام شبحلها : خيرك ؟
مرام : مش عارفة خيرني ؛ حاسة روحي دايخة و بنرجع مش قادرة نقعمز
عصام : اركبي ارتاحي فوق بالك بردة من المكيف
مرام : لالا ، تو نتكّا ف الدار فيا ماركبت عيب
عصام سكت
و مرام ناضت للدار
سعاد تشوفلها .. ( خيرها نازلة ب نومها هادي 😒 عليك بِبّي زايد )
_
العمام مقعمزين و يهدرزو مع بعضهم
سلسبيل شادة سفرة العصير و تفرق عليهم
وصلت ف محمود : هاك شد
محمود : شد ؟
سلسبيل : قصدي تفضل 😊
محمود : مانبيش صايم
سلسبيل : كخكخكخكخ .. بتاخد ولا نقلبها على وجهك توا 😒
محمود تكنطا : شن قلتي يا امسخة 😡
و قام ايده كيف بيضربها ...
سلسبيل عيطت : السفرة ف ايدي لاااااا 😩
محمود نزل ايده و سكت
نجاة : خيركم بديتو زي هناء و يوسف اللطف
يوسف ضحك : و شفتي عقابها شني
حلومة ضحكت
سعاد : امالا وتي روحك يا ازهار
ازهار تضحك
أصيل شبحلهم و سكت
سلسبيل شبحتلهم : ماناقصني الا هذا عزّاااااه 😒
محمود تكنطا : والله كان ماتسكتيش الا مانذبحك
سلسبيل ماردتش عليه و كملت باقي التفريق
_
روان تشوف لظوافرها : اووف الزمالطو مش نفس درجة لون البلوزة
سنابل بحداها : بالعكس ماشي مع اللبسة
سلسبيل حطت السفرة ع الطاولة و قعمزت
محمود يشوفلها : امالا السروال هذا بتطلعي بيه للشارع ؟
سلسبيل شبحتله : تكلم فيا اني ؟؟
محمود : لالا ف غولتك
سلسبيل فنصت فيه : ادوي باهي و انت لا أسلوب لا منطق 😡
محمود حذفها بالمخدة متع الكنبة : تحشمي شوية يا .... ( و سكت )
سلسبيل : اااه مبردك 😩
ازهار فنصت ف محمود : خيرك على بنت عمك يا ولد
محمود شبحلها : لسانها طويل
سلسبيل تساوي ف شعرها : كذاب هو اللي لسانه طويل و بدي يناشب
ازهار : تحشمو قدام جدكم و عمامكم راكم كبرتو
محمود و سلسبيل سكتو
_
اصيل جاته مكالمة طلع للجنان يرد
محمد غمز سنابل
سنابل هزت راسها بمعنى شني
محمد يأشرلها ع المطبخ
سنابل فهماته وضحكت : شكرًا
محمد ضحك
يوسف يتصل بهناء ماتردش
شبح لسلسبيل و غمزها : و ي ن ه ا
سلسبيل ضحكت : مش عارفة
يوسف سكت ، زاد شوية و انسحب بدون مايحسو بيه
سلسبيل شبحاته و هو طالع تنهدت : اللهم ارني عجائب قدرتك في تحقيق ما أتمناه
فجأة تجيها رشة من مسدس أحمد ف جبهتها : اااااااااي 😩
أحمد : هههههههههه 😃
محمود شبحلها : كله من السروال اللي لابستيه شوفي ربي شن دارلك
سلسبيل ناضت تجري لأحمد تضرب فيه
أحمد يعافر فيها : حولي حوايجي محددات 😩
جتها نجاة تجبد فيها : تحشمي راك كبيرة شن الحركات هادي
سلسبيل حامقة : ضربني الحمار
( الحوش شرين 🔔 )
حلومة : انظر من جانا هيا اسكتو توا خير ماتضحكو علينا الناس
سلسبيل قعمزت ف مكانها و شدت العصير تشرب فيه
ناض محمد : تو نشوف مني
العارف وقف : خلي نخش للمربوعة انى
و ناضو معاه اسماعيل و السنوسي و عماد
عصام وقف و خش لمرام فِ الدار
مرام شبحتله
عصام طبس عليها : شن حاسة روحك
مرام : باهي احسن شوية لما اتكيت
عصام : لو زدتي تعبتي اركبي
__
حلومة شبحت لسلسبيل : وين هنيوه مانزلتش ؟
سعاد : بالك راقدة 😏
سنابل : خليناها تلبس
نجاة : نوضو وحدة منكم تناديها
سلسبيل وقفت : تو نشوفها
و شافت لسروالها لقاته ملبز شوية بالشكلاطة : وووه عليااااا 😩
نجاة : خيرك تعيطي ؟؟
سلسبيل : سروالي تلبز ..؛ هذا محمود خداه بعين
محمود : خديته بخشم مش بعين
حلومة : اقرضيه بصابون وجه تو يتنحّا
______________
يوسف خش لحوشهم خدي هدية هناء و طلع يطق عليها
هناء واقفة ع المراية تمكيج سمعت الباب يطق
دارت روجها و مشت فتحت
يوسف ابتسم
هناء ضحكت : اهلااا
يوسف : اهلا بيك ؛ تي وين يا هنو التعطيل هذا كله
هناء خشت : راجيني دقيقتين هي
يوسف خش وراها و سكر الباب
هناء تلفتت : لا افتحه 😳
يوسف قرب منها و حضنها : نبي حضن العيد يابيبي
هناء ضحكت
يوسف حاضنها و مغمض عيونه
هناء : هذا تعويض ؟
يوسف ساكت
هناء : حبيبي ؟
يوسف شبحلها
هناء ابتسمت
يوسف : مستاحشك هلبا
هناء شدت ايديه : انى اكثر بهلبات
يوسف حط ايده على خدها و ابتسم
هناء فتحت تليفونها : خلينا نصورو قبل ماننزلو
يوسف خداه منها : لحظة بس
هناء : شنو
يوسف مدلها الهدية : خودي مني هدية عيدك قبل
هناء ضحكت : علاش متعب روحك والله مافي داعي
يوسف : مش قدرك يا عمري
هناء تفتح ف الهدية : زعما شن هي
يوسف ساكت
هناء فتحت الباكو لقت ايفون سڤن احمر
تفاجأت : يوسف شنو هذا 😍🙈
يوسف : عارف خاطرك فيه ؛ سمعتك تدوي عليه لمرام مرت عصام يومها
هناء تشوفله بنظرة حب : حبيبي هلبا عليا هكي
يوسف : تستاهلي اكتر يا بيبي كانك عليا نجيبلك الدنيا كلها
هناء عيونها دمعو : والله ماعارفة كيف بنشكرك ..؛ ربي يخليك ليا
يوسف ضحك و حط صبعه تحت عينها : علاش الدموع هادو ياقلبي
هناء ضحكت : من فرحتي
يوسف باسلها ايدها
هناء مبسوطة ؛ فتحت التليفون و خشت ع الكاميرا : نبي ناخد اول صورة ليا انى وياك
يوسف قرب منها و ابتسم
هناء صورت 📷 : محلاها ❤️
يوسف باسها ف خدها : حبيبتي احلى
هناء ضحكت و تحشمت : هيا ننزلو
يوسف : هيا
فتحت الباب و نزلو مع بعض لقو سلسبيل كيف راكبة
سلسبيل : و اخيراً نزلتي ؟
هناء ضحكت
__________________________
05:00 ص
العارف عنده ناس يعيدوا عليه في المربوعة و مقعمزين معاهم العمام
صغار العم كلهم رقدو في حوش حلومة الا هناء لانها رقدت ف الليل
خشت عليهم ف الدار : نوضو خيركم صارلكم وضع انبطاح ؟؟
محمد قام راسه و شبحلها : ساعة قداش ؟
هناء : ممكن الخمسة توا
محمد قعمز ؛ مسح على وجهه و ركب لحوشهم
هناء وقفت جنب اصيل : هيا نوض اصيل
اصيل شبحلها : ايوه
هناء : نوض خلاص
اصيل شاف تليفونه و قعمز شاد راسه دايخ
هناء : ماشبعتش نوم ؟
اصيل وقف و ركب لحوشهم
هناء : محمووود ؟؟ احمد !! نوضو
__
طلعت وسط الحوش لمحت يوسف متكي ع الكنبة وقفت بحداه و خربشتله شعره
يوسف فتح عيونه و ابتسملها
هناء ابتسمت : هيا نوض
يوسف شد ايدها و باسها
هناء تلخبطت و قعدت تشوف يمين و يسار
يوسف كرها من يدها : قعمزي بحداي
هناء وخرت : لا يشوفنا حد
يوسف ضحك و قعمز
هناء حطت ايدها على لحيته : ماترقدش ندير قهوة و نجي
___
و خشت ع البنات ف الدار التانية : هيا نوضو خلااص ، ولا الفاصوليا و المبطن دروخوكم !
حلومة : خليهم راقدين على كيفهم ؛ حتى هما مارقدوش الا توا
هناء شبحتلها : لازم ينوضو باش يرقدو ف الليل و يتعدل نومهم
حلومة طلعت من الدار و مشت للمربوعة
و هناء خشت للمطبخ
دارت قهوة و حطت حلويات و قعمزت جنب يوسف ع الكنبة
هناء : اوسيفه !
يوسف فاتح النت : عيون اوسيفه
هناء : خاطري نمشي انى وياك لمكان نتمنى ماتقولش لا
يوسف سكر تليفونه و شبحلها : وين
هناء : للملاهي
يوسف ضحك و خدي القهوة يشرب فيها
هناء : ها شن قلت
يوسف : علاش خاطرك تمشي
هناء : نبي نلعب لعبتين و ناخد حلوة صوف و نروح
يوسف يضحك
هناء : بالله ماتخليهاش ف خاطري
يوسف : الملاهي ف العيد ديما تكون معبية مردف و ناس مايصلحوش ؛ مافيهاش كيف نخش بيك غادي من الاخير
هناء تنكدت : كنت عارفة انك حاتردني اصلا
يوسف سكت و قعد يشوفلها
هناء سكتت و شبحت للتلفزيون
يوسف : هنو ؟
هناء : نعم
يوسف : اشبحيلي
هناء شبحتله
يوسف : عندي مكان احلى نقدرو نمشوله
هناء : لالا خلاص بلاش منه الطلوع
يوسف وقف : جهزي روحك مابين خشيت عيدت ع اللي جونا
هناء تشوفله وساكتة
يوسف : نوضي
هناء : و ماما ؟؟
يوسف : امك طلعت وين تندري عليك
هناء سكتت
يوسف خدي مفتاحه من ع الطاولة : ماتعطليش
و خش المربوعة
هناء وقفت و خشت لخواتها ف الدار لقتهم كيف نايضات : انى طالعة مع يوسف
روان ضحكت : يا سلام
سلسبيل شبحتلها : وين
هناء : قبل نبي نمشي للملاهي لكن قال لا ؛ ابصر وين بيرفعني
سنابل : اااه جبتيها ف خاطري الملاهي
هناء : هي باي و ردو بالكم تقولو لماما
____________
07:00 م
محمود ف السيارة : تي وينها الدراه اهيا
روان : اصبر قريب تجي
أحمد : مبردها تعطل فينا
سنابل شادة تليفونها : نتصل بيها ماتردش اكيد ف الحمام
بعد شوية جت سلسبيل و ركبت : عطلتكم
محمود شبحلها من المراية : انزلي انزلي
سلسبيل : علاش ؟
محمود : امالا بتمشي للملاهي بالسروال هذا ؟؟
سلسبيل : و خيره شن فيه ؟؟
محمود : ضيّق شن خيره !!
سلسبيل : انت مادخلكش فيا
محمود علّا صوته : والله ماك ماشية بيه يا انزلي غيريه يا اما مافيش طلوع
سلسبيل حمقت : برا ملح مانيش ماشية معاك
نزلت و قربعت باب السيارة
محمود حرق العجل و طلع
روان : عيب شن الحركات هاذي
محمود : سكري فمك ولا حتى انتي تنزلي توا
__
سلسبيل ف الجنان متعفلقة : خزي عليه الحيوان اهوا ..؛ خاطري فيها المشية 😭
على طلعة محمد هو و اصيل
محمد : خيرك قاعدة
سلسبيل شبحتله : خوك ماباش يرفعني على خاطر تعاركنا
محمد ضحك : تعالي نوصلك انى
سلسبيل : مش قلت ماكش ماشي ؟
محمد : بنلحقك ليهم و بنطلع
سلسبيل فرحت : هيا امالا
أصيل : جو العار فوتيه
سلسبيل : عار شني ؟
اصيل : العياط ف الألعاب و التشهدير
سلسبيل : مانعيطش انى
اصيل : تو نوصي محمود و خلاص
____________________
مرام راقدة ف سريرها و تاعبة
عصام بحداها : اليوم رجعتي مرتين خلينا نمشو للمصحة باش نتطمنو
مرام دوب ماتتكلم : لالا مش قادرة نتحرك خليني مستريحة ف مكاني و لو غدوا قعدت على نفس الحال نمشو
عصام يمسح على شعرها : بعيد السو عليك حبيبتي
مرام غمضت عيونها
عصام اتكّا معاها و حضنها
مرام : مش قلت بتفتح القهوة اليوم ؟
عصام : مانقدرش نطلع و نخليك ف الحالة هادي
____________________
هناء و يوسف ف المطعم
هناء : شن خطر عليك نجو هني
يوسف : توا يا بيبي قوليلي ؛ اما احسن نجو لمكان هادئ و رايق و نستمتعوا بالوقت مع بعضنا ولا نمشو لمكان معبي بشر و مخلطين من جميع الأشكال و نلقىٰ روحي متعارك و ضارب مش عارف قداش واحد
هناء ضحكت : الخيار الاول طبعا
يوسف : لكن مش حاتقعد ف خاطرك ، نفوتو زحمة العيد و نرفعك حاضر
هناء ابتسمت
يوسف : هي كولي قبل مايبرد
____________________
محمود ف الملاهي : عندكم اللعبتين اهما و تشاو
سنابل و روان متنكدات على خاطر سلسبيل
احمد : نبي نركب ف هادي يا محمود
محمود شبحله و عطاه فلوس : تلقاني نراجي فيك هني
احمد : زحمة مش حانحصل مكان
محمود : خش دعّك بينهم واللي يكلمك اعطيه بوني طول ماتراجيلاش
احمد ضحك و مشي للعبة
سنابل شرين تليفونها لقتها سلسبيل
ردت : الو
سلسبيل : اني وصلت انتو وين ؟
سنابل ضحكت : من جابك ؟
محمود شبحلها
سلسبيل شافتها : خلاص ريتكم سكري
و جتهم تجري
محمود : انتي شن جابك ؟
سلسبيل : جابني خوك
محمود شبح وراها لقي محمد معاها
محمد جي : اهي وصلاتك انى طالع
محمود : من معاك
محمد : معاي اصيل ماباش ينزل
سنابل قربت منه : خليك معانا
محمد : انى مش راضي على جيتك من الأساس غر مابيتش نخليها ف خاطرك
سنابل : باهي خليك معاي حمودي
محمد : معاي خوك ف السيارة وين نقعد
سنابل : وين ماشيين
محمد : بنفتحو قهوة عصام و بنقعمزو فيها
محمود شرين تليفونه رد : ايوه
أصيل : اسمع اللي تشهدر بصوتها اعطيها على وجهها طول
محمود : عارف ماتوصيش
اصيل : مية مية تشاو
محمود سكر الخط : هيا قدامي انتي وياها
روان توشوش ف بنات عمها : مالقينا ما نجو الا مع هذا
سنابل : ماحصلناش من يرفعنا خير من بلاش
سلسبيل : المهم جينا
محمود شبحلهم : هيا بتلعبو ولا بتقعدو هني ؟
روان : ركبنا ف اللعبة هادي متع بساط الريح
محمود شبح للعبة : تقدروها ؟
سلسبيل : لالا ندوخ منها مستحيل نقدرها
سنابل : باهي نركبوا ف هادي
( و أشرت على لعبة السفينة )
روان : ايه هادي مليحة
محمود : باهي اركبو و اللي بنسمع صوتها نقتلها
سلسبيل عوجت فمها و بصوت واطي : مبرد دمك
جي احمد يضحك : تعرف درت عركة مليحة
محمود شبحله : انت و مني
احمد : واحد بياخد مكاني ضربته و مشي لامه يبكي
محمود ضحك : صحة ليك
و مشي بيشري تكت للبنات
سنابل : ان شاء الله ماحد يناشب بس حاطة ايدي على قلبي
سلسبيل ضحكت
أحمد يسمع فيهم و ساكت
روان أشرت على وحدة : شوفو هادي مصح وجهها كيف طالعة بحنتها
سنابل شبحتلها : حي عليها كيف صابغة شكلها مدايرتها امس
روان : اكيد عروسة
سلسبيل تضحك : و راجلها يهز ف راسه معاها فرحان بيها طيح سعده
جي ولد من جنب سلسبيل : هالسروال عطيه بلاوي نازل ع السيقان مساوي .. و مشي
احمد ضحك
سلسبيل دارت روحها ماسمعتاش
على جية محمود : شن قال اللي خطم من بحداك توا
سلسبيل خافت : ماقال شي
محمود علّا صوته : قولي شن قال خير مانمشيله
روان : ماقال شي خيرك
احمد : قال ...
سلسبيل سكرتله فمه بيدها : ما قال شي و هيا خلونا نركبو وقت
احمد ينحيلها في يدها : حولي ايدك ااي
سلسبيل كراته معاها و وشوشاته : اسكت باش نعطيك حاجة
احمد : تشري لمسدسي رش نسكت
سلسبيل : باهي
و ركبو للعبة مع بعضهم
سلسبيل و احمد مع بعض و وراهم محمود و روان و سنابل
بعد شوية بدت اللعبة و البنات بدو يخافو
سنابل : بطنننني تلعب 😖
روان شدت ف ايد سنابل : يا ماماااا
محمود شبحلها : تعرفي نسمع حسك نلوحك من هني
روان سكتت
اللعبة بدت تتقوا و سلسبيل تعيط : ووووه عليااااااا 😩
احمد بحداها يبكي
سلسبيل شادة فيه : ووه علينا يا احمد بنموتووو 😭
احمد : نبي نروووووح 😭😭 وقفهااااا
محمود وراهم متعفلق : اسكتو يا كلاب
سلسبيل تعيط بأعلى صوتها : يا ماماااا بنمووووووت 😩
محمود وراها شدها من وشاحها : سكري فمك يا امسخة خيرلك 😡
سلسبيل تعيط : اااه 😭
محمود يضرب فيها على ظهرها : سكري فمك يا كلبة خير مانقتلك
سلسبيل تعيط : اااي معاش تضرب 😭
__
بعد شوية نزلو
سلسبيل داهشة : والله ماعاد جاية معاك
محمود يدوي مسكر سنونه : للسيارة طول انتي وياها
سنابل : مانبيش نروح
محمود : قدامي هيا 😡
روان تتأفف : حرام تخلينا نتهنو بطلعة معاك
احمد : مازال بنلعب 😭
محمود : هيااااا
طلعو معاه للسيارة يتأفأفو مش عاجبهم 😒
____________________
هناء و يوسف طلعوا من المطعم و ركبو السيارة
هناء : غريبة ماما ماتصلتش
يوسف طلع بالسيارة : شن تبي فيها
هناء : مانبي شي غر استغربت فيها بس
و سكتو شوية
يوسف خش جهة المدينة
هناء : مش بنروحو ؟
يوسف شبحلها : مش خاطرك ف حلوة صوف
هناء ضحكت
يوسف درس السيارة و نزل شرالها و ركب
هناء خدتها منه : شكرااا
يوسف : صحة .. و طلع بالسيارة
هناء ساكتة
يوسف شبحلها : تو بديري حوسة بيها
هناء تاكل : تعرف لو ناكل منها عشرة مرات ف اليوم مانشبعش
يوسف : تبي نولي نزيدك ؟
هناء توكل فيه : لالا
يوسف كلي منها : ماعنديش عليها غر مانبيش نردك
___________________
درس محمود السيارة قدام الحوش و نزلو منها
سلسبيل حامقة : والله ماعاد طالعة معاه المنكدي الدراه هوا
محمود نازل وراها : و انى كان مازال طلعتك معادش نتسمىٰ يا قرده تعيطي و تلعلعي زي الهبوطية
روان : تو نقولو لحد تاني غيرك يرفعنا
احمد خاش يبكي : انى مازال مالعبتش واك 😭
____________________
بعد مرور عدة أسابيع 🌹
06:30 م
سنابل تتكلم ف التليفون ف دارها : والله ماك ماشي الله
محمد واقف ف الشارع : شن والله ماك ماشي متعك
سنابل : تبي تمشي تزرد و تبات مع صحابك ف الاستراحات و نسكتلك ؟!
محمد تعفلق : شن قصدك ماشي نتصيع غادي ؟
سنابل : اكيد فيه بنات و شرب و عفن نعرف جوهم الاستراحات
محمد : طلعتي مش واثقة فيا صار
سنابل : انى مش واثقة ف اللي ماشي معاهم ؛ تلقاهم مدخلين معاهم البنات و يبدو يجوك يتلصقو عليك و يحطوك ف الامر الواقع
محمد مصدوم
سنابل علت صوتها : لالالالا مستحيل نخليك مستحييل
محمد : تي شن تقولي الزفت قروبي اللي ماشي معاهم كلهم يخافو ربي مايديروش ف الحرام
سنابل : لا يا محمد لا
محمد : حتى خوك ماشي معاي
سنابل : تي خوي اكبر صايع تبي تقنعني بيه ؟؟؟
محمد : لا اله الا الله
سنابل سكتت
محمد : انى عطيت كلمة للولاد مانرخيش بيهم توا
سنابل : اهو ان شاء الله تمشي يامحمد لساني معادش يدوي مع لسانك
و سكرت الخط ❌
محمد زاد تعفلق ؛ ركب سيارته و طلع
___________________
هناء طالعة بسيارتها مع اروى
اروى : والله حاتعجبك المزينة طلعت صاحبتي زي الملكة
هناء : شوقتيني لعرايسها و انتي ليك اسبوعين تدوي عليها
اروى ضحكت
هناء : وين توا اما شارع
اروى : خليك ماشية ف الطويل قريب نوصلوه
فجأة تخبط فيهم سيارة من وراهم
هناء انخلعت : بسم الله
اروى تلفتت : هذا خيره
أمجد درس السيارة و نزل
و هناء درست و نزلتله : خيرك ؟؟
اروى تضحك
أمجد جي لهناء : سامحيني يا اختي الغلط مني
هناء تشوف لسيارتها : توا هادي تبي التصليح عند الورشة
أمجد خبط صدره : انى مستعد ندفع الغرامة كاملة نتأسف منك هلبا امسحيها ف وجهي
هناء سكتت
أمجد : انى سرحت شوية ف التليفون و مانتبهتش انك نقصتي سرعة
هناء شبحتله : حصل خير معليشي
أمجد فتح تليفونه : اعطيني رقمك باش نتواصل معاك ع تصليحة السيارة
هناء : لالا معليشي مسامحاتك خلاص مش لازم
أمجد : لا مايصيرش هكي لازم انى اللي ندفع حقها لان السبب مني
هناء : يا خوي انى مسامحاتك خلاص شكرًا
اروى تشوفلها من السيارة : خودي رقمه و ريحيني هيا
أمجد : مانحبش نغلط ف الناس و نفوت ضميري مايريحنيش
هناء ضحكت : يا خوي مسامحاتك والله مسامحاتك خلاص استريح
أمجد هز راسه : لالا مايصيرش هكي هيا هاتي رقمك
هناء تكنطت : استغفر الله العظيم ؛ باهي سجل رقم بابا و كلمه هو
أمجد تلخبط
هناء : هي اكتب *******091
أمجد يسجل و ساكت
هناء : تمام ؟
أمجد : تمام
هناء : هونا ادوي معاه هو انى مانفهمش فيها الحاجات هادي
أمجد ساكت
هناء : مع اني قتلك مسامحة لكن انت الله يهديك
أمجد ابتسم : فرصة سعيدة
هناء : بيك اسعد ... و ركبت السيارة
اروى : خيره دوي هلبا
هناء تحكيلها ف اللي صار : ..........
اروى تكنطت .. ( يعني ماخداش رقمها الكلب ! كيف بنديرو توا كيف بيوصل فيها تاني الحمار ؟ )
_____________________
يوسف كيف طالع : ماتبي شي يا امي ؟
سعاد جاته : وين ماشي
يوسف : ماشي الشقة بنركب دار النوم
سعاد : و خيرك مستعجل مازال الوقت
يوسف حرك راسه : لالا نبي نركبها و نفتك من الوجيج
سعاد : هديكا نجاة حرقتلي دمي امس
يوسف يلبس ف كندرته : خيرها
سعاد : تبي تختار البدلة الكبيرة و قفطان المحضر على كيفها اللي ماتتحشمش
يوسف : باهي وين المشكلة
سعاد : شن وين المشكلة ؟ ام العريس هي اللي تختار شن بتشري للعروسة مش امهااا
يوسف تكنطا : اسمعي فكيني من وجيجكم انى مانفهمش فيه ؛ بتختاري انتي بتختار هي ولا بتختار حناي نظموا أموركم معاش تدويلي فيه الكلام هوا مايخصنيش
سعاد تكنطت : امالا لمني بندوي ؟؟ بندوي للحيط ؟؟
يوسف طلع و سكر الباب
فتح تليفونه و اتصل بهناء ..
هناء ردت : الو
يوسف : ايوا هنو انتي وين
هناء : كيف ماشية لمزين
يوسف تكنطا : مش قتلك معاش تطلعي بروحك ولا
هناء : باهي معاي اروى مش بروحي
يوسف : مالقيتي من اتطلعي معاك الا اروى ؟؟
هناء : تبي حاجة انت ؟
يوسف : لما تروحي اعطيني علم
هناء : اوكى
يوسف : سلام .. سكر الخط و طلع لسيارته
_
اروى : خيره متعفلق منك
هناء : مش متعفلق
اروى سكتت
هناء : هي وينه المزين متعك
اروى : خشي الشارع هذا
هناء لفت ع اليمين و خشت
______________________
سلسبيل مقعمزة ف الجنان و فاتحة النت
خش محمود من الشارع
سلسبيل شبحتله : شن صار ف امتحانك اليوم
محمود قعمز معاها : هيدقا زي العادة
سلسبيل ضحكت : باهي المهم ضامن النجاح
محمود : مايهمنيش نجحت ولا مانجحتش عندي موضوع أقوا نجري عليه
سلسبيل : مشروع مليح امالا
محمود : بنسافر
سلسبيل : وين
محمود : بنهج من البحر
سلسبيل : ياسر ياسر
محمود : والله العظيم
سلسبيل : ياسر بلا هبال و نحي الموضوع هذا من راسك كان تسمع امك تمرض
محمود : بالله شن عاجبك فيه الوضع اللي صاير ؟
سلسبيل : وانت شن عاجبك في حياة الغربة ؟ من اللي واهمك و مخليك تصدق انهم مستريحين
محمود : نعرف هلبا ولاد هاجرو و عايشين حياتهم مستريحين
سلسبيل : مش كل حد تشد معاه و بعدين شن تحساب انت بيستقبلوكم زي الضيوف معززين مكرمين ؟! تو يعزقوكم في هنقر مع بعضكم زي البقر و عيش متمرمد
محمود : لالا انتي واخدة فكرة غلط ع الموضوع ؛ هي صح مغامرة لكن بعدها حانوقف على رجليا و نخدم باش نكون نفسي و نرجعلكم هني
سلسبيل : و من قالك انك حاتوصل سالم ؟
محمود : فآل الله ولا فالك خيرك
سلسبيل : فكر في كل شي امالا شني ؛ ياما ناس طلعو ع الشط غارقين تبي تموت زيهم ؟ و تحرق قلب امك عليك ؟
محمود سكت
سلسبيل وقفت : نحي الفكرة هادي من راسك خيرلك والله ماتلقىٰ خير من حوشك و بلادك
محمود يسمع و ساكت
سلسبيل تأشر بصبعها ع الحوش : شوف ؛ يهون عليك الحوش اللي تربيت و فتحت عيونك فيه ؟ ولا لمة العيلة و حضن امك تخليهم و تسافر ؟
محمود حك ايديه على بعضهم : الوقت يجبرك على حاجات انتي ماكنتيش تتمنيها
سلسبيل : لا مش للدرجة هادي ؛ انت ماكش جعان و متشرد في الشارع باش تفكر هكي ..؛ قعمز و شاور عقلك كويس قبل ماتاخد القرار هدا يمكن يضيعك و تندم
محمود سكت
سلسبيل : انى بنخش نشرب جففتلي ريقي
و خشت الداخل
محمود قعد يشوفلها و ساكت
_____________________
12:00 ص
سلسبيل : وجعني محمود
سنابل : و من امتى غالي عليك
سلسبيل : ف الاخير ولد عمي مش عدوي باش مايهمنيش ؛ راهو موضوعه خطير ممكن يموت
سنابل : معناها ديريله لقطة باش مايمنعش
سلسبيل : ماعندي مانديرله دويت معاه
سنابل سكتت و تهز ف رجلها
سلسبيل شرين تليفونها ادم يتصل سكرت عليه و شبحت سنابل : شن صار ف محمد مشي ولا مامشاش
سنابل : مش عارفة من اللي سكرت عليه الخط و هو مسكت
سلسبيل : حي عليك بحركتك هادي يا غبية زدتي عفلقتيه و توا تلقيه عندهم جوه مليح
سنابل قعمزت : حي على امه حي
فتحت تليفونها و اتصلت بيه ..
محمد مقعمز ف الجنان يدخن مايردش عليها
طفي دخانه و ركب
يوسف فتح باب الشارع و خش هو و مهاب للجنان كرو زوز كراسي و قعمزو
_
سنابل حمقت : مايردش عليا اكيد عندهم 😭😡
سلسبيل : راهو يتروق و جوه سمح حي عليك وانتي كولي بعضك
سنابل وقفت و طلعت تجري بتشوف سيارته
سلسبيل لحقتها : تعالي وين ماشية
سنابل فتحت باب الحوش لقاته كيف راكب وقفت ف مكانها
محمد شبحلها
سنابل عقدت حواجبها
محمد : وين نازلة ف هالليل ؟
سنابل : مشيت ولا مامشيتيش ؟
سلسبيل : تو نجي انى
و نزلت لوطا
خشت لحوش حلومة دارت دوره و طلعت للجنان من باب المطبخ : خلي نشوف المهبول و نزيد نقنعه يفوت المنعة
__________
مهاب : قربت يا معلم
يوسف ضحك : مازال ثلاثة شهور فيه وقت
و شرين تليفونه ؛ هناء تتصل
يوسف : شوية بس
مهاب : عندك دقيقتين
يوسف ضحك و رد : الو
هناء : اهلين حبيبي
يوسف : اهلين
هناء : قاعد ماروحتش ؟
يوسف : ف الجنان نص ساعة و نكلمك
هناء : علاش معاك حد ؟
يوسف : ايه
هناء : اوكى لما يروح اللي معاك اعطيني علم
يوسف : تمام به
هناء : نحبك
يوسف ضحك و سكت
هناء : نحببببك
يوسف تلخبط : ايه صح
هناء تضحك : حبيبي اوسيفه نموت فيه اني
يوسف : ماشي اوكى
هناء تضحك : رد عليا هيا
يوسف : Same same
هناء تضحك
مهاب : تي سكر و حب براحتك بعدين ياراجل
يوسف : هي سلام
هناء : باي ... و سكرت الخط
مهاب يضحك
فجأة تطلع سلسبيل و تجي جيهتهم ؛ تحساب مهاب هو محمود لان ظلام
يوسف فنص فيها : وين جاية ؟
سلسبيل شهقت : حي على امي
و خشت تجري من المطبخ
مهاب ضحك و شبح ليوسف
يوسف وقف و لحقها
_________
سنابل : انت مش معدل عليا ولا مدايرلي اعتبار
محمد فنص فيها : انى لعلمك مامشيتش على خاطرك و انتي طايحة تهزبي و تسكري ف الخط !
سنابل سكتت
محمد : و الحركة هادي مش حاننسهالك بالساهل يا سنابل تو نعرف نتصرف معاك
و ركب و خلاها
سنابل : محمد !!
محمد ركب لحوشهم و ماردش عليها
سنابل تكنطت خشت للحوش و سكرت الباب
لقت نجاة واقفة انخلعت
نجاة : شن كنتي اديري برا ؟؟
سنابل تلخبطت : شي
نجاة علت صوتها : كنت نسمع فيك يا كلبة
سنابل وجهها انقلب
نجاة : تكلمي في محمد يا معفنة ؟؟
سنابل هربت و خشت لدارها و سكرت الباب
قلبها يدق بسرعة و ترعش
نجاة : يوم أسود يوم اللي جبتكم فيه ؛ وحدة تحبلي ف يوسف و التانية تحبلي ف محمد و الثالثة من تبي ان شاء الله ؟؟ اهااا ؟؟ محمود اوووه ؟؟
طلعتلها هناء من دارها : خيرك تصيحي
نجاة شبحتلها : هادي الفرخة من امتى تدوي مع محمد
هناء تلخبطت و سكتت
نجاة : اها قولي ؟؟؟
هناء : مانعرفش
نجاة سكتت و هي حامقة
هناء : خيرك متعفلقة شن يعيبه محمد ؟ كويس و ماشاء الله عليه
نجاة شبحتلها : حجزتي المزين اوه ؟
هناء : لالا ماعجبتنيش المزينة
نجاة : غدوا وتي روحك الصبح بكري باش نمشو المدينة تختاري البدلة الكبيرة
هناء انصدمت : قصدك حني اللي بنوازوها مش مرت عمي ؟
نجاة عوجت فمها : عاجبك ذوقها المسردنة هادي ؟؟؟ تبي الناس يضحكو علينا يقولو هذا شني اللي لابستيه !!
هناء : مش عارفة ؛ حسيتها اللقطة بايخة ف حقها
نجاة تتحرك بيدها : كان تبي تمشي معانا تو نرفعها كان هذا تقعمز
هناء سكتت
نجاة : و مازال قفطان المحضر باش تشوفيه
___________________
يوسف : كيف تطلعي هكي ؟؟
سلسبيل ترعش : والله مانندري عليه الدنيا ظلام نحسابك انت و محمود
يوسف : تحشمي فيا معاه لتاني مرة الزفت خيرك
سلسبيل : باهي يوسف سامحني
يوسف طلع من المطبخ متعفلق
لقي مهاب واقف
مهاب : نستأذن انى
يوسف : خيرك انت كيف جيت
مهاب : لالا مرة تانية
و طلع الشارع
يوسف لحقه سقده و خش الجنان
____________
سلسبيل راكبة لحوشهم قلبها يدق : هادي تاني مرة نشوفه هكي يصيرلي ! ان شاء الله مش حب بس لاني حانتعب
فتحت الباب و خشت
_____
هناء ف دارها متكية و فاتحة النت ؛ بدت تسمع ف صوت تصفير جايها من البلكونة
وقفت تسمع قربت من البلكونة و فتحتها
لقاته يوسف واقف لوطه ضحكت
يوسف يشوفلها و يضحك ؛ اشرلها بيده بمعنى انزلي
هناء خشت ؛ سكرت البلكونة و طلعت على روس صوابعها بدون ماتحس بيها نجاة
________________________________________________________
بعد مرور يومان 🌹
03:00 م
يوسف ف السيارة يسوق ؛ شرين تليفونه لقاه رقم غريب
رد : الو
أمجد : السلام عليكم
يوسف : و عليكم السلام ..؛ من معاي
أمجد : انت يوسف ال.....
يوسف : ايه تفضل
أمجد : نبيك ف موضوع شخصي لو فيها كيف نتلاقو
يوسف : انت مني قبل كل شي
أمجد : انى واحد يبي يفتحلك عيونك قبل ماتطيح
يوسف انصدم : شنو ؟!
أمجد : لو تبي تعرف من اللي يخون فيك تعالى قدام المهاري
____________________
هناء كيف مروحة هي و خواتها كانت تكمل في شري بتاتها
نجاة تفتح ف الشكاير : شن مازال
هناء مدت رجليها : روب الدخول بس و شوية حاجات متع حوش
سنابل : مفروض كملتيهم هما الاولين
هناء : عادي تو ناخدهم مازال الوقت
سلسبيل : انى راسي دايخ بنخش نرقددددد
__________________
يوسف واقف مع أمجد : تفضل ؟؟
أمجد : اول شي نبيك تهدا و تدوي معاي بالشوية
يوسف مستغرب : تي انت مني ؟؟
أمجد : انى شخص زيني زي اي شاب حب بنت و تعلق بيها و كان يبي يتزوجها
يوسف عقد حواجبه : باه ؟
أمجد : و البنت اهيا لما دويت معاها إني نبي نخطبها قالتلي بوها غصبها انها تاخد ولد عمها و هي ماتبيشي ؛ لكن بعد فترة عرفت انها تكذب عليا و تجري بيا
يوسف سكت
أمجد : و البنت هادي تعرف مني ؟
يوسف يشوفله : مني
أمجد بلع ريقه : هناء بنت عمك
يوسف تعصب و شده من سوريته لصقه ع السيارة : شن تقول يا *****
أمجد نحاله ايديه : غر اهدأ يا خوي باش نقدر ناخد و نعطي معاك
يوسف خنقه : مستحيل نصدقك يا ***** ابصر من دافعلك باش تجيني و تكذب عليا هالكلمتين
أمجد مخنوق مش قادر يتكلم
يوسف يدوي و متعصب : توا تقلب وجهك من قدامي و تروح خير مانقتل ******
أمجد يكح و داهش : لو مش مصدقني عندي دليل
يوسف انصدم و نحّا ايديه
أمجد طبس يكح هلبا و داهش
يوسف : دليل شني ؟
أمجد وقف فتح تليفونه ع الماسنجر و خش ع المحادثة متع فيس هناء اللي هي متكلمة بيها اروى
و مدله التليفون : خود اقرا
يوسف خداه منه يقرا و مصدوم
كلام على انها مغصوبة على يوسف و تبي تهرب مع أمجد و كلام بأن يوسف ماينفعش و متاع وجيج
و لقاها باعتة صورها لأمجد و هي ف العراس
يوسف جسمه صقع و برمت بيه الدنيا
أمجد جي بحداه : لو مش مصدق انها هي خش ع البروفايل متعها
يوسف فتح البروفايل لقاه متع هناء و نفس منشوراتها
أمجد خداه منه و خش ع الرسايل : ها شوف شن تبعتلي
يوسف خداه منه يشوف مصدوم و ساكت
(( هني اروى كانت كل ماتتلاقى مع هناء تاخد ف تليفونها بالدرقة و تبعت ف رسايل لأمجد و تمسح ؛ لانها تعرف الباسورد متع هناء ))
أمجد : انى انغشيت فيها لاني عرفت ان عرسها قريب قلت لازم نوصل فيك و نوضحلك نيتها السوداء
يوسف دمه فار و ظلمت قدامه ؛ كسر تليفون أمجد بكل قوته ع الستاك و ركب سيارته و حرق العجل
___________________________
مرام نزلت لحوش حلومة و قعمزت ع الكرسي تاعبة
حلومة تشوفلها : كيف حالك اليوم ؟
مرام مكشرة : الحمد لله غر الوحم متعبني يا ماما حلومة
حلومة تحشمت و سكتت
العارف سمعها من برا الدار خشلهم : شدي حوشك و قعمزي الدروج مش كويس ليك
مرام تلخبطت و وجهها تلون
حلومة شبحتله : شن تقول يا حاج
العارف : تتذكري زمان كيف نجاة مرت اسماعيل طيحت من الدروج اوه ؟؟
مرام وجهها ولا ازرق وقفت : انى راكبة يا اللاّي بالسلامة
العارف يشوفلها : ردي بالك
مرام طلعت تجري : نهار احرف هذا خيره !!
حلومة شبحت للعارف : شن كنت تقول ياحاج ! مش عيب الكلام هذا ؟؟؟
العارف : والله هذا الصح المفروض تحافظ على روحها ماتقعدش راكبة نازلة من الدور الثالث تجي على وجهها نخسرو العيل
____________________
يوسف وصل شارعهم متغلل ؛ درس السيارة بالقوة و خش الحوش
خش لحوش جده يصيح : هنااااااء ؟؟؟ .. هنااااء !!!
حلومة سمعاته : خيرك تنادي يا اوسيفه
جاها يوسف ف الدار : هناء وين ؟
العارف : ماريناهاش اليوم
يوسف طلع بسرعة و ركب
حلومة : خيره خاش زي الثور الهايج
____________________
يوسف يطق على حوش هناء
فتحتله سنابل : اهلا
يوسف عاقد حواجبه : هناء وين
سنابل : خش مقعمزة ف دارها
هناء سمعت صوته فرحت : خش يوسف
يوسف خش و سنابل طلعت الدروج و ركبت لحوش محمد
طقت ع الباب فتحتلها روان : اهلا
سنابل : شن الجو ..؛ محمد قاعد ؟
روان : لالا ف الجامعة ممكن
سنابل سكتت
روان : خشي شوية
سنابل خشت معاها : ليه يومين حرجان
روان ضحكت : بجديات
_____
يوسف خش على هناء ف دارها متعفلق
هناء ضحكت : اهلاا
يوسف قرب منها و يفنص فيها
هناء استغربت : خيرك
يوسف : تكذبي عليا يا هناء ؟؟؟
هناء : شنو ؟
يوسف : تخوني فيا مع أمجد ؟؟
هناء مصدومة : من أمجد ؟
يوسف حك ايديه على بعض بقوة : بنبدو في الدرامااا !!!
هناء خافت : يوسف شن تقول والله مافهمتك
يوسف علّا صوته : أمجد اللي مش قادرة تتزوجيه لإنك مغصوبة على ولد عمك
هناء سكتت
يوسف : أمجد اللي تتكلمي معاه ع الماسنجر و تبعتيله ف صورك و تقوليله شن رايك نزيد نهبلك بجمالي !!!
يوسف علّا صوته : تبعتي ف صورك يا هنااااء ؟؟؟ لـ هالدرجة انتي رخيصة ؟؟؟!!!
هناء قلبها يدق بسرعة و مصدومة : انى والله مانعرف واحد اسمه أمجد بكل ولا عمري بعتت صوري او حتى دويت مع غيرك
يوسف متعصب : كلامك ريته بعيوني يا هناء و الرسايل من رقمك !!!
هناء عيونها دمعو : لا مستحيل اكيد فيه غلط ف الموضوع
و فتحت تليفونها : هاك شوف بروحك
يوسف خداه منها و قعد يشوف مالقي شي
هناء : انى مانعرفش مني اللي جاك و دوي معاك هكي ؛ لكن انى والله مادرت حاجة غلط ولا خنتك
يوسف لوح التليفون ع السرير بِ غُل : ما انتي مش حاتكوني غبية و تخلي المسجات عندك اكيد تمسحي فيهم اول بأول باش مانشكش فيك
هناء تبكي : لا يا يوسف والله مادرت حاجة
يوسف شبح للشكاير و حاجات بتاتها الجدد : من اليوم اللي بينا تم و هـ الشي اللي شاريتيه البسيه لأمجد متعك
و طلع من الحوش و قربع الباب
هناء حطت ايدها على فمها و قعمزت ع السرير تبكي و مش فاهمة شي من الصدمة
طلعت نجاة من الحمام لافة شعرها بالفوطة : من اللي كان يعيط ؟؟
و خشت لهناء ف الدار لقتها تبكي : خيرك ؟؟
هناء وقفت : ماما تعاليلي ياماما
نجاة جتها : خيرك شن فيه
هناء تتكلم و تبكي : يوسف سيبني يا ماما .. قالي اللي بينا تم
نجاة انصدمت : علاش !!
هناء انهارت بالبكي و معاش قدرت تتكلم
___________________
يوسف خش لداره متعصب و مصدوم و ايديه يرعشو
جاته سعاد : بوك قالي خدي الثلاجة و ركبها ف شقتك ؛ يتصل بيك ماتردش
يوسف ساكت و عقله مش معاه
سعاد : نكلم فيك
يوسف شبحلها
سعاد : سمعتني شن كنت نقول
يوسف هز راسه
سعاد : نكلم فيك رد عليا زي الناس
يوسف زاد تعصب : خيرك يا امي شن تبي فيا توا ؟؟ شفتي وجهي جيتيني طول !!
سعاد انصدمت و فنصت فيه : هييييه عقابها هكي تدوي مع امك ؟؟ صح انى نستاهل اللي جاياتك نقولك بوك شن دارلك ف حوشك و انت تهزب فيا
يوسف دمه يغلي قعد يمسح على وجهه و لحيته
سعاد تبكي : من يوم خطبت بنت نجاة و انت انقلبت عليا بديت تعامل فيا ماكأنيش امك
يوسف وقف و بدي يكسر ف داره : نهار احرف اسود أغبر مافيشي ضي يوم اللي خطبت فيه بنت نجااااة
سعاد سكتت و قعدت تشوفله
يوسف يعيط : هونا سيبتهالك ارتحتي توا ؟؟؟؟!!!
سعاد انصدمت : شنو
يوسف خدي مفتاحه و دخانه و طلع من الحوش
سعاد وراه : تعالى فهمني !
على طلعة نجاة من شقتها : يوسف ؟!
يوسف نزل و ماردش عليها
نجاة شبحت لسعاد و بدت تصيح : سعاااااد !!! قولي خيره ولدك انقلب و سيب هناء في قرب العرس اها ؟؟
سعاد مصدومة : تحكي بجديات انتي
نجاة : شنو حني نلعبو ؟؟ عرف العرس قرب حس بروحه مش قد الزواج و المسؤولية رخي بيهاااا ؟؟؟ 😡
سعاد : هيا احترمي نفسك و اعرفي كيف تتكلمي ولدي متربي احسن تربية مايديرش هكي ..؛ هونا بري شوفي بنتك شن مدايرة من عملة باش سيبها
نجاة حمقت : و ليك عين تقولي كلام زي هذا يا سعااااد ؟؟ بري انتي ربي ولدك اللي مش عارفة تلميه يلعب ببنات الناس يحساب روحه قاعد عند الاجانب
سعاد تعصبت 😡 : .....
سمعتهم حلومة ركبت تجري و نزلت ازهار هي و سنابل و روان يشوفو فيهم
حلومة مخلوعة : بسم الله الرحمن الرحيم !! خيركم اسمله بديتو تلعلعو زي الهبوطة ؟؟
نجاة شبحتلها : ولد ولدك اللي حسبناه راجل و اعطيناه بنتنا سيبها ف نص الطريق و رخي بيها
حلومة و ازهار و البنات انصدمو 😲
_________________________
هناء واقفة ف دارها تبكي ؛ تسمع في صوت امها و اعصابها تزيد فيها
خشت عليها سلسبيل كيف نايضة من النوم : شن صوت الدوشة برا ؟؟
هناء شبحتلها
سلسبيل انخلعت : خيرك شن فيه ؟؟؟
هناء منهارة : سلسبيل ..
شدت راسها بيدها و طاحت
سلسبيل انخلعت و شدتها : يا مامااااا تعالي بسرعة
نجاة ماتسمعش فيها تتعارك مع سعاد
سلسبيل رخت هناء و طلعت تجري
نجاة : غر يجي عمه هو يعرف كيف يتصرف معاااه
ازهار : صلي ع النبي يا نجاة بلكي صار سوء تفاهم بينهم ؛ مشكلة و تنحل
نجاة : لالالا بنتي خلاها ف حالة تانية ولا يفكر ف يوم يجي و يرجعلها
طلعت سلسبيل : ماما تعالي بسرعة شوفي هناء
نجاة انخلعت و خشو كلهم معاها
حلومة راعشة : يا سيدي عبد السلام
نجاة قامت هناء هي و سنابل ع السرير
سلسبيل تكلم ف هناء : هناء ؟؟ هناء
روان مدتلها عطر : هاك بخيلها
نجاة خداته منها و دارتهولها : هنيوه نوضي يمي و كلميني
هناء فتحت عيونها تبكي : ماما .. يوسف ظلمني و سيبني يا ماما
سعاد انسحبت و مشت لحوشها : ااه هذا وين قلبي ارتاح
__
ازهار تشوف لهناء : لا حول ولا قوة الا بالله فرحة ماتمت
هناء فقدت الوعي تاني
حلومة راعشة : كلمو اسماعيل يجي يشوفها ولا يرفعها للمستشفى بسرعة
نجاة تصيح : سنابل !!! اتصلي بِ بوك فيسسسع
يـتـبـــع ... 💗
____________________