الفصل 7
روايــة #صغار_العم
الحَــلْـــقــة الــسابـــعــة 🌸
يوسف شبح لهناء : نكلمك بعدين تردي
هناء ابتسمت : حاضر
يوسف طلع و سكر الحوش
سلسبيل : تي هيااااا 😩
هناء خدت شنطتها و نزلت معاها
سلسبيل : سنابل نزلت تجري من بكري
هناء : سمعتها لما نزلت ، زعما من بيرفع السوابيت
سلسبيل : عمتي امال و مرت عمي سعاد قالو
هناء : خاطري نمشي
سلسبيل : حتى اني .. ماهو كله من العادات المتخلفة كان هدا مشينا ، جو لا البنات مفيش مشي ؛ مبردهم 😒
هناء ضحكت و خشو مع بعض لحوش جدهم
( طبعا حوش العرس مدايرين سهرية عائلية و مناديين شوية من الجارات )
جتهم أروى : وينكم لتوا
سلسبيل : هناء كانت مشغولة 😌
هناء فنصت فيها و سكتت
أروى ضحكت : فاش مشغولة
سلسبيل : موضوع يخصها ؛ فوتي توا سنابل وين ؟
هناء خلتهم و خشت تسلم ع الناس
اروى : مش عارفة ؛ خشت للحمام ممكن
___
نورية تشوف لهناء : الصلاة على النبي
هناء مبتسمة : الله يسلمك خالتي نورية
نورية : ماشاء الله عليكي سمحة زي امك
نجاة مفتخرة : هنيوه طالعتلي في كل شي
هناء تضحك
سعاد تشوف لنجاة من فوق لتحت ، تقول ف عقلها .. ( والله ماك جاية ف جمالي ولا نزاكتي 😒 )
( العويلة شادين درابيك و بندير و يغنو على السوابيت و يزغرطو )
___________
يوسف واقف ف الشارع مع عصام و الولاد
عصام : هي خشو طلعو الحاجات و توكلو ليل
يوسف : تعرف راي النساوين لازم من التشحوير
محمود : امالا شوف موضوع النوبة المفروض توا تضرب
عصام : باهي غر كلموهم هي
العارف مداير كرسي يتفرج و ساكت
محمد واقف مع اصيل ؛ سمعهم تلفت : تو نخش نشوفهم
و خش للجنان ما لقي حد
وقف ف عتبة الحوش ينادي : امي ؟؟؟ ... عمتي !!!
سمعاته سنابل جاته : ايوه
( سنابل لابسة قفطان ابيض للركبة ايديه جوبير ؛ لابسة عليه من جهة الصدر بروش فضة شانيل و كندرة ملونة عالية ؛ مدايرة شعرها فلو على طوله و امكيجة مكياج اوفر ؛ لابسة عدسات و مدايرة روج موف )
محمد شافها انصدم 😳
سنابل : خيرك تنادي ؟؟
محمد يتفرج عليها و ساكت
سنابل حركت يدها قدامه : هلووو
محمد تلخبط و كح : قوليلهم هيا
سنابل ضحكت : باهي قلت من الاول وانت ساكت و متنح
و خشت الداخل
محمد سخن ؛ تلفت للجهة التانية و نفخ نفسه
__
سنابل مشت لهناء : بري قوليلهم قاللكم محمد هيا اني مانبيش نخش خير ماتشوفني ماما
هناء انصدمت : ان شاء الله طلعتيله بالمنظر هذا 😳
سنابل تشوف لروحها : علاش خيرني !
هناء : مصحك شن الموف هذا اللي في شواربك بري امسحيه و نقصي من الكنتور
سنابل ضحكت : تعبت ساعين ف مكياجي و تبيني توا انحيه ؟ ... و مشت للمطبخ
هناء تشوفلها و مصدومة
خشت للمربوعة : ماما ! قالولكم هيا
( وقفو امال و سعاد و نجاة يلبسو )
اروى فرحت : معناها النوبة بتضرب مرة تانية 😍
روان : ريحي روحك محمود والله مامخلينا متفرجين
حلومة : ردو بالكم من الذهيبات يا أمال
أمال تلبس ف عبايتها : تو ندخلهم اني ماتخمميش يام
و شبحت لأزهار : مش حاتمشي انتي ؟
ازهار : لالا و اللاّي منو بيها و الناس عندنا
نجاة تلبس ف عبايتها : هناء زي ماوصيتك شوفي سنابل كان مكترة مكياج اغسليهولها خير ماتحشمني قدام الناس .. انى لتوا ماريتهاش هاربة
هناء ضحكت : انى ريتها مافيها شي
سعاد شبحت لنجاة : حتى انتي ماشية ؟!
نجاة : شن تشوفي فيا انتي
سعاد قلبت وجهها و تلفتت لأمال : لازم تخش في كل شي ماتفوتها حاجة
امال ساكتة
هناء سمعتها و تكنطت ، تقول ف عقلها .. ( تو كان نحفرلك معاها توريك شن شكله التلقيح هذا 😒 )
سعاد شبحت لنجاة : باهي ونسينا امالا نجوتة 😊
هناء تشوفلها من فوق لتحت وساكتة
نجاة ماردتش عليها و فتحت تليفونها تتصل بإسماعيل ..
اسماعيل رد : الو
نجاة : حني واتيات بترفعنا انت ؟
اسماعيل : انى توا طلعت مع السنوسي ، شوفو يوسف ولا حد من الولاد يرفعكم
نجاة : مممم باهي به
اسماعيل : ف أمان الله
نجاة : سلام .. و سكرت الخط
هناء : شن قالك
نجاة : بنمشو مع يوسف
هناء سكتت
سعاد شبحت لهناء : امالا اعطيه علم يا هنيوه اني تليفوني خليته فوق
هناء فتحت تليفونها و بعتتله مسج
____
سنابل ف المطبخ مع سلسبيل : ماما طلعت ؟
سلسبيل : ريتها تلبس
سنابل : نراجي فيها تطلع اعييت و اني حابسة روحي
سلسبيل : بالحق طلعتي لمحمد هكي ؟
سنابل : ايه شن فيها
سلسبيل : تحشمي شوية مش لي هالدرجة
سنابل : و خيرا يوسف شاف هناء
سلسبيل : يوسف غمها غمان و فجأة لقاته ف دارها مش زيك طالعتيله
سنابل ماردتش عليها و فتحت تليفونها تصور سناب
___________
طلعو النساوين للجنان مطلعات السوابيت و يزغرطو
___________
ولاد العم و ولاد الشارع يرقصو ع النوبة و يهيجو بعصام
يقيمو فيه فوق و يتلقو فيه
ناض العارف من كرسيه يرقص ب العكوز
شافه اصيل ضحك و وشوش محمد : هذا غر مريض و يصلي ع الكرسي 😃
محمد ضحك : ماك عارفه ماعنداش الروح
_________
بعد ما تم شوط النوبة ؛ خشو يوسف و الولاد للجنان ياخدو ف السوابيت للسيارات
العارف يشوف و مستغرب : هدا كله بتلبسه !! قداش قفطان ؟
أصيل و محمد و محمود : ههههههههههه
عصام تكنطا
العارف قرب من السيارة اللي فيها الذهب : مش كانك شريت بيه قطعة ارض تولي عليها ف عقاب الوقت خيرلك ؟
عصام : اسكت يا بوي مش وقته اللي تقول فيه
العارف : و الخروف هذا علاش ؟ شن ماعندهمش حق لحم باش يوكلو ناسهم اوه
يوسف ضحك و جاه : خيرك يا جدي تو مش عارف ان هادي العادات و كله لازم
العارف تعفلق : هذا كله دوة فارغة ؛ يخدم و يعرّق من الصبح لليل لنساباته راكبين عليه من توا
عصام زاد تعفلق : ايه بنخدم و بنصرف عليهم و اني حر ف اللي ندير فيه .. واجعك ولدك وقفت معاه ف عرسه و ساعدته حتى ف عشرة جني !! وانت عند القرش يا لطيف
العارف علّا صوته : و لحم كتافك منين ؟ مش من خير بوك اوه ؟
يوسف جي لعصام : فوته يا راجل و فكنا من العراك مش وقته قدام الناس
عصام شبحله : لازم يحشي خشمه في كل شي الهم الاحرف قداش نكره امه الجو هوا الزفت
يوسف : دير وذن طرشة و خلاص عارف جوه كيف لازم مايلقح
عصام سكت
يوسف شبح لمحمد : خليكم قدامي بسياراتكم مانعرفش الحوش
محمد و هو راكب لسيارته : مية مية
احمد جي يجري و ركب : بنمشي معاك
محمود فنص فيه : انزل 😠
احمد : خليني 😢
محمد شبح لمحمود : خليه اني عيني عليه
محمود سكت و ركب مع اصيل
( ركبو النساوين لسيارة يوسف و طلعو معاهم محمد و اصيل بسياراتهم ايبيبو ؛ رافعين معاهم السوابيت لحوش العروسة )
____________
بعد نصف ساعة 🌹
عماد جي للحوش جايب قعاد مسقي عشاء النساوين ؛ عطاه لعصام و طلع
عنده موعد مع صاحب المحل الي بياخد منه دار النوم
__
العارف مقعمز ف الجنان
خشو عليه عصام و منذر مدخلين العشاء
العارف علّا صوته : قداش قعد اليوم ؟ 35 قعد ف غدي الرجالة و توا هادو !! كانكم صدقتوهم ع المحتاجين تربحوا آجرهم خيرلكم .. تلقوه يوم غدوا
عصام تعفلق : استغفر الله العظيم
منذر : كنه هضا ؟
عصام : فوته فوته
و وقف ينادي ف العتبة : يا هناء ؟؟؟ اروى ؟؟؟
بعد شوية جاته هناء : نعم عصام
عصام فنص فيها : معاي منذر
هناء لبدت وراء الباب : باهي شن تبي
المنذر كسر عينه يبي يشوفها مابانتش عليه
عصام : جايبين العشي خودوه مننا
هناء : حطوه ف المطبخ من باب الجنان
_________
12:30 ص
يوسف مقعمز ف الجنان مع الولاد و يدخن ؛ فتح تليفونه و بعت مسج لهناء
__
هناء مقعمزة ف حوش جدها مع العيلة ؛ لابسة بيجامة وردية و مخلية شعرها مفتوح
سمعت المسج فتحاته ( اركبيلي اني قدام الحوش )
ابتسمت و سكرت التليفون
اروى شبحتلها : شنو امالا الحب اللي بعتلك
هناء شبحتلها : عمري اتدخلت ف خصوصياتك !
اروى سكتت
سعاد تقرّم : ريتو امها كيف تفنص ؟ حسيتها زي اللي مش عاجبها
امال عوجت فمها : وشن هو اللي مش عاجبها ؟ ماشاء الله رفعنالها عشرة سوابيت من غير الذهب لاقياته في شلامتها ماهو
نجاة ضحكت : لالا بالعكس والله واضح فرحانة شفتو كيف رحبت بينا هي و خواتها
حلومة : الفايدة ف الهني ، ان شاء الله غر تطلعلي مقومة و بنت أصل
سنابل ضحكت : و تلقيهم هما يقولو ف نفس الكلام ان شاء الله يطلعلهم عصام مقوّم و ولد حلال 😂
امال فنصت فيها : و هما وين يلقو زيه ؟
سنابل تضحك : و هما يقولو ف نفس الكلام على بنتهم وين تلقو زيها 😂
ازهار ضحكت : مافيك من لسان
سعاد : ان شاء الله تطلعلك زيني يا اللاّي
كلهم شبحولها و زرتهم الضحكة
هناء ضحكت و وقفت
أسماء بنت نورية شبحتلها : مش قلتي بايته هنا ؟
هناء : ايه شوية و نجي
حطت وشاح اسود على رقبتها و ركبت
نورية اخت حلومة : مادام ولدك متريح معاها و يبيها ماعليك فيها خليها ف حالها و انتي في حالك
___
ركبت هناء للدروج لقت يوسف واقف يراجي فيها قدام الحوش
يوسف : وينك لتوا
هناء وقفت قدامه : ماعطلتش انت اللي مستعجل
يوسف قرب منها : مستعجل على شوفتك بيبي
هناء ضحكت : بيبي من أولها ؟ بشويش علياااا
يوسف ضحك
هناء : خايفة يطب علينا حد لان بوك و عصام و اجديده بايتين عندنا
يوسف : ماتخافيش واخد احتياطي
هناء : كيف
يوسف : ماتخمميش
هناء ابتسمت
يوسف جبدها من الوشاح : هذا علاش حاطتيه
هناء : على قولتك الاحتياط واجب
يوسف : هناء بدت تسمع ف الكلام ! مش مصدق
هناء : في الدنيا معجزات 😂
يوسف ضحك : سبحان الله
هناء رمشت عيونها بسرعة : ريحتك دخان
يوسف : حرقلها عيونها البيبي !
هناء : ايه
يوسف حط ايده على ذقنها : اسف حبيبتي ف الجديد لما نعرف اني بنوقف معاك معاش ندخن
هناء : ايواه معاش تعاودها
يوسف ضحك
هناء : و حركة امبكري حتى هي معاش تعاودها
يوسف : اما حركة
هناء : لما خشيت عليا
يوسف : اني بنفتح باب بيني و بينك باش يسهل عليا الوصول ليك
هناء تضحك
يوسف يشوفلها و عيونه قلوب : لكن لحستيلي عقلي بالأخضر اليوم ، من اللي نزلت منك مافارقتيش بالي لحظة
هناء قلبها يدق : حتى انت مافارقتش بالي بكل يا عيوني
يوسف سكت و بعدين قال : قداش وحدة خطباتك اليوم
هناء : علاش تسأل
يوسف : هكي فضول
هناء : خالتي نورية قالت تبيني لمنذر 😌
يوسف تكنطا : لمني ؟؟؟
هناء ضحكت
يوسف : تدوي بجديات ؟؟
هناء تضحك : نبصر عليك خيرك واتي
يوسف : ماعرفتيش تبصري الا ف الموضوع هذا ؟
هناء : باش نذوقك شوية من حرق الدم اللي ذوقتهولي امبكري
يوسف باس ايدها : اسف بيبي
هناء تشوفله و قلبها يدق
يوسف : هيا قولي قداش وحدة خطباتك
هناء : ولا وحدة ، كلهم يعرفوني ماجيتهمش جديدة
يوسف : باهي كويس
هناء : ضروري تعرف يعني ؟
يوسف : اكيد ؛ و اصلاً مستحيل نخلي حد ياخدك مني
هناء تضحك : هذا علاش مادويتليش ع اللي خطبني منك ؟
يوسف استغرب : مني ؟
هناء : أشرف صاحبك 😉
يوسف انصدم و عقد حواجبه : و انتي منين تعرفيه و من قالك !!
هناء : اليوم لما طلعت انى و سنابل تلاقيت معاه صدفة و دوي معاي
______________
Flash back
طلعو سنابل و هناء من محل المكياج و ركبو السيارة
سنابل : ووه عليا ريقي جاااااف نبي حاجة مسقعة
هناء طلعت بالسيارة : ناخدو جيلاطي !
سنابل : ايه ياريت
هناء : به
بعد شوية درست قدام بونيسيمو و نزلو
سنابل : خوديلي ف طاسة خير من طربوش يدير فيا البهادل
هناء ضحكت و وقفت تاخد ف الجيلاطي
بالصدفة أشرف صاحب يوسف خش للمحل
شاف هناء انصدم
هناء خدت الجيلاطي و كيف جاية طالعة ..
كلمها اشرف : عفوا لو سمحتي
هناء شبحتله : تفضل !
سنابل استغربت
اشرف تحشم : سامحيني يا اختي ممكن أزعجتك
هناء مستغربة : عادي ولا يهمك
أشرف : ماعرفتينيش !
هناء تشوفله : لالا
و تلفتت لسنابل : تعرفيه انتي ؟
سنابل : لالا
أشرف ضحك : اختك ماتعرفنيش ، اني أشرف صاحب يوسف
هناء و سنابل شبحو لبعض : اها !
هناء : باهي انت منين تعرفني ؟
اشرف : بنقعدو واقفين هكي ؟ خلينا نقعمزو و نهدرزو بالراحة
سنابل : تي اختصر الجيلاطي بيذوب 😒
هناء : خلينا هني مرتاحين
أشرف مرتبك : انى شفتك لما روحتي بيوسف من المطار
هناء : اها ، اني الحق مانتدكرش اني شفتك
أشرف : مش مشكلة ؛ اني بعد ماروحنا فاتحت يوسف بموضوع
سنابل : ايييي علينا اختصر يا خوي ورانا برنامج
هناء شبحتلها : تحشمي عيب
و شبحت لأشرف : موضوع شني ؟
اشرف : بنكون معاك صريح
سنابل : ياريت والله
أشرف : انى مابعد ماروحت نويت الحلال و قلت لازم نتزوج و بصراحة لما شفتك ف المطار عجبتيني و خشيتي خاطري
هناء انصدمت و سكتت
و سنابل تضحك 😂
أشرف : قلت انسب شي ندوي مع يوسف طول قبل ما نجيب العويلة
هناء : امتى دويت ليوسف ؟
أشرف : بعد ماروحنا بثلاثة او أربعة ايام
هناء سكتت
أشرف : شكلك ماعندكش علم
هناء تلخبطت : لا هو قالي على موضوع زي هكي لكن اني ماهتميتش
أشرف : حتى هو قالي انك مارديتيش عليه و اني قلتله يفتحلك الموضوع تاني لكن شكله نسي
هناء : ممكن 😊
أشرف : انتي فكري ف الموضوع و رديلي مع يوسف .. هذا لو ماعندكش مانع
سنابل : سوري البنت مرتبطة 😃
هناء انصدمت 😳
أشرف انحرج : اه سامحيني اختي بالله عليك
هناء متحشمة : لا ولا يهمك معليشي
سنابل تجبد ف هناء : فرصة سعيدة اشرف
اشرف يشبحلهم : بيكم اسعد
( و طلعو من المحل )
هناء : اي خيرك تكري فيا !!
سنابل : ف جرته الجيلاطي ذاب مكتر دوته هالحصلة
هناء تفكر .. ( معقولة الموضوع صاير من هداكا الوقت و ماقاليش ؟! )
_______________________
يوسف : و علاش ماقلتيليش انك ريتيه
هناء : ماصارتش فرصة نهدرزو
يوسف : طلعت تعرف تتصرف هالسنابل صحة ليها
هناء : يعني ماتبيش تقولي علاش وقتها سكتت ؟
يوسف : تبي الحق انى بروحي مافهمتش علاش سكتت و حاولت نوزعه
و حط ايده على خدها : شكلي بادي نكبد من وقتها وانى مانندريش 😉❤️
هناء ضحكت
فجأة سمعو صوت حد راكب
هناء خافت : م ن و ؟
يوسف مخلي باب حوشهم مردود فتحه و دخلها و سكر الباب ، و هو قعد واقف برا
ركب اصيل : اه يوسف !
يوسف شبحله : باهي اللي جيت كيف كنت نازل
اصيل : تبي حاجة ؟
يوسف : نبي طاسة امية و المفتاح خليته لوطا
اصيل يفتح ف الحوش : خش معاي
خش يوسف معاه و بعت مسج لهناء
___
هناء واقفة ورا الباب ف حوش يوسف و ترعش : كيف بنطلع واااك
وصلها المسج فتحاته ( اطلعي توا )
هناء طلعت تجري و نزلت لحوش جدها
خشت للدار اللي راقدين فيها العيلة تشوف وين ترقد مالقتش مكان
مشت لدار عصام و اتكت ف سريره
____________________
سنابل ف المطبخ تغسل ف الماعين
خش محمد من الجنان شاد سفرة
سنابل شبحتله : هادي منين طلعت توا
محمد مايبيش يشوفلها : كنا ناسيينها ف الجنان
حطها و وقف يشرب ف اميه
سنابل تشوفله و ساكتة
محمد شبحلها لقاها تشوفله نحّا عيونه طول
سنابل : خيرك فيك حاجة ؟
محمد هز راسه بمعنى لا و طلع للجنان
سنابل تفكر ( يا حشمتي منه ؛ عنده الحق يعاملني هكي حتى انى مش مهنية روحي ، اوف كله منك يا آدم )
خشت سلسبيل : خيرك واقفة و سارحة
سنابل شبحتلها و بدت تحكيلها : ......
سلسبيل : محمد مش من نوعه يتضايق الأحسن انك تمشي و تتأسفي منه لان اخي عليها اللقطة زبط ان الموعد كان ليك و انتي استغفلتيه و قعمزتي تميعدي معاه باش اني نوقف ف مكانك
سنابل ساكتة
_________
01:00 ص
محمد بروحه ف الجنان ؛ مقعمز على ركّابة عالية و يخمم
طلعت سنابل : محمد !
محمد شبحلها
سنابل قربت منه : عادي نقعمز معاك
محمد مايبيش يشوفلها : قعمزي
سنابل قعمزت و قعدت ساكتة
محمد ولع دخانه و قعد يدخن
سنابل استغربت : محمد
محمد ساكت
سنابل : اشبحلي
محمد شبحلها
سنابل : نتأسف منك ع اللي صار امس ، والله نوعدك اني حانعقل و معاش ندير حركات الطياشة
محمد ينفخ ف الدخان و ساكت
سنابل : متضايق انت ؟ اول مرة نشوفك اتدخن
محمد : لالا الجو تمام
سنابل جبدت منه الدخان و لوحاته
محمد شبحلها : خيرك
سنابل : انى نعرفك كويس لما تكون متضايق و لما تكون رايق .. لو فيه حاجة فضفض اني نسمعلك
محمد شبح قدامه و حك ايديه على بعضهم
سنابل : لو تبي تحكيلي عادي نسمعك .. ممكن هكي ترتاح
محمد تنهد و شبحلها : لو نحكيلك اوعديني ان الموضوع يقعد بينا
سنابل خافت : ان شاء الله خير !!
محمد سكت
سنابل : اوكى نوعدك والله مانقول لواحد
محمد مطبس راسه : بوي يخون ف امي
سنابل انصدمت و سكتت
محمد : شكيت فيه امس و اليوم تأكدت
سنابل : كيف تأكدت ؟
محمد : فتحت تليفونه و فتشته
سنابل سكتت
محمد : مانيش عارف كيف نتصرف .. واجعتني امي نبي نقوللها لكن خايفها تتطلق و نتشردو ، خوتي قاعدين صغار .. باهي نسكت و ندير روحي مانندري على شي ! نخافه يتمادى و موضوعه يكبر
سنابل تشوفله و مرتبكة .. ( ياربي نقوله ولا لا ؟؟! )
محمد شبحلها : قوليلي كيف ندير ؟ حتى محمود ماقدرتش ندويله نتوقعه حتى يضربه
سنابل : لا رد بالك ؛ محمود مشكلجي و موضوع زي هذا حايعميله عيونه
محمد تنهد و سكت
سنابل : افتح الموضوع مع بوك
محمد : ماعنديش نية حتى نشوفه مش ندوي معاه
سنابل متوترة : تبي الحق !
محمد شبحلها
سنابل ايديها يرعشو : اني كنت نعرف لكن ماقدرتش نتكلم
محمد انصدم : شنووو
سنابل سكرت شواربها على بعضهم و خافت
محمد علّا صوته : و علاش ماقلتيليش ؟؟ و من في غيرك يعرف ؟
سنابل : نقص صوتك ليل تو يسمعك حد
محمد تعصب : كيف ماتقوليليش كيف !!
سنابل : هذا هو الموضوع اللي كنت نبي ندويلك فيه و مترددة قداش ليا ماقدرتش نفتحه معاك
محمد سكت و قعد يشوفلها
سنابل سكتت
محمد : كيف عرفتي و شن عرفتي بالزبط ؟
سنابل : سمعته بالصدفة يهدرز ف الجنان
محمد : شن يقول !!
سنابل غمضت عيونها : من الاخير يبي يتزوج
محمد جسمه صقع و وقف
سنابل فتحت عيونها و شبحتله
محمد حط ايده ورا راسه يفكر
سنابل وقفت : كيف بتتصرف توا
محمد : شن سمعتيه يقول
سنابل خايفة : اسمع اني بنقولك لكن بالله عليك ماتديرلي حاجة
محمد متعفلق : ماتخافيش غر خليك معاي صريحة
سنابل فتحت تليفونها : نبعتلك التسجيل هذا و انت اسمعه بروحك
محمد فنص فيها : قصدك مسجلتيه ؟
سنابل سكتت
محمد : باهي ابعتيه هيا
_____________
هناء متكية ف سرير عصام و تنعس هلبا ؛ جاها اشعار فايبر من يوسف
فتحاته : رقدتي هنو ؟
هناء ردت : لالا
يوسف : شوفيلك مكان مافيشي حد بنكلمك
هناء : راقدة بروحي
يوسف اتصل ..
هناء فتحت الخط ؛ و بصوت نعسان : الو
يوسف : اهلا
هناء : اهلا بيك
يوسف : هنوشتي تنعس ؟
هناء : ايه ، تاعبة هلبا يومي كان طويل
يوسف : باهي غمضي عيونك و ارخي روحك
هناء بصوت واطي : يوسف ؟
يوسف : نعم حبيبتي
هناء ترددت و سكتت
يوسف : نعم يا روحي ؟ .. تبي نسكرو و ترقدي ؟
هناء : لا خليك معاي نبيك تونسني المكان مش واخدة عليه
يوسف : حاضر ؛ حانقعد معاك لين نرقدك انتي في عيوني من داخل
هناء ارتخت و غمضت عيونها بدي ياخد فيها النوم
يوسف متكي ف سريره و يسمع صوت أنفاسها
يوسف : هنو ؟؟ .. رقدتي هنوشتي ؟ ... نوم العوافي يا بيبي ❤️
____________________
محمد : تمام ؛ توا بري خشي
سنابل : وانت شن بدير
محمد : خلاص اطلعي منه الموضوع
سنابل : ماهو نخاف بوك يعرف اني سجلته و يوريني بعدين
محمد : لالا مستحيل نضرك ولا نجيب سيرتك
سنابل : ايه بالله عليك
محمد : هي خلاص خشي
سنابل : باهي خش معاي حتى انت لازم تركب و ترقد
محمد تنهد : منين بيجيني النوم ؟
سنابل شداته من ايده : غر هيا خش
محمد شبح لإيدها و سكت
سنابل تجبد فيه : هيااا
محمد خش معاها و ركب لحوشهم
_______________
08:00 ص
هناء ناضت من نومها لقت مسج من يوسف
(( ما أجمل تلك المحادثة التي لا تنتهي إلّا بـ نوم أحدٌنا ❤ يسعدلي صباحك بيبي ❤️))
هناء ابتسمت و اتصلت بيه ..
يوسف رد : صباح الورد
هناء بصوت واطي : صباحو سكر
يوسف : كيف كانت نومتك حبيبتي
هناء : حلوة هلبا ؛ لدرجة مانتذكرش شن دوينا ف المكالمة
يوسف ضحك : صحة النوم
هناء : الله يسلمك .. طلعت انت ؟
يوسف : شوية و طالع
هناء : اوكى
يوسف : تبي حاجة ؟
هناء : سلامتك حبيبي
يوسف : الله يسلمك
______________________
09:00 م
حوش العرس مدايرين خيمة و جايبين منشطة ؛ و مولعين لامبات مضويين ف الشارع
العارف مداير كرسي ف الشارع و مقعمز يشوف للامبات : هادو قداش لامبا
اصيل : 30 😂
العارف انصدم و وقف : اركب اطفيهم تحرررك
محمود : علاش ؟؟
اصيل يضحك 😂
العارف يشوف للامبات : الفاتورة هكي طولها تبي الدفع مش ناقصة
محمد : ماعليكش فيها اني تو نخلصها
العارف شبحله : خلاص و انت قلتها
و قعمز ف كرسيه
أصيل شبح لمحمد : جلدة للنم الزح
العارف يسمع ف صوت المنشطة : و هديكا اللي تلعلع قولولها تسكر فمها و تسكت خير مانخش نجبدها من لسانها
_______________
سنابل و سلسبيل ف الحمام يمكيجو بِ الدرقة
سنابل : الرموش هادو خديتهم غاليات لازم نلبسهم
سلسبيل : تي فوتيهم بلا عار مش طالعات عليك
سنابل : لبسيهملي هيااااا
سلسبيل تتأفف : عطلنا هلبا يا دراه العروسة قريب تجي و لتوا ماطلعناش
_______________
هناء لابسة قفطان بيج ستريت فيه فتحة من الظهر و مدايرة تسريحة بسيطة و مخلية خصلاتها نازلات
اتصل بيها يوسف ..
ردت : الو
يوسف : هلا و غلا
هناء ابتسمت : هلا بيك
يوسف : انتي وين
هناء : ف العرس يعني وين
يوسف : يعني فوق لوطا وين بالزبط
هناء : ف الجنان
يوسف : باهي نبي نشوفك
هناء : لا مستحيل
يوسف : علاش مستحيل
هناء : يوسف فوته الجو هوا
يوسف : غر هيا خت فت
هناء : لا لا لا لا
يوسف تكنطا : متأكدة ؟
هناء : بطل شقاوة بقىٰ يا يوسف
يوسف : مية مية
هناء : باي
يوسف سكر الخط و تعفلق
_____
خشت هناء لحوش جدها لقت سعاد ؛ انصدمت 😳😳😳
سعاد مبتسمة : ها شن رايك ؟
هناء ساكتة
سعاد : عجباتك ؟
هناء بإبتسامة صدمة : تهبلي مرت عمي ماشاء الله
سعاد ضحكت : سلمك حتى انتي ماشاء الله عليك
جت نجاة من المزين تفتح ف عبايتها : تشحورت هلبا قريب مشيت للحفلة من غادي لغادي
و شبحت لسعاد 😳😳😳
سعاد بثقة : علاش تشحورتي 😌
نجاة ساكتة
هناء زارتها الضحكة 😬
نجاة : هذا شنو ؟
سعاد : شنو
ازهار واقفة معاهم و تضحك
نجاة : نقصد ع اللي لابستيه ؟
هناء تفنص ف امها
سعاد : قصدك مش حلوة البدلة ؟
نجاة تشوفلها
هناء : ماما قصدها ان بدلتك تهبللللل
نجاة شبحتلها و سكتت
سعاد ضحكت
هناء جبدت امها على جنب : ماما تعالي نبيك شوية
نجاة مشت معاها : نهارها ابيض هادي شن مدايرة ف عمرها تقولي جاية من جنوب افريقيا
هناء تضحك : انى شديت روحي قدامها بالسيف والله وجعتني ف الجديد بنطلع معاها لما تشري
نجاة ضحكت : خواتك وين ؟
هناء : مش عارفة .. انى بنطلع للخيمة
نجاة : باهي شوية و طالعة حتى انى خلي نخش نشوف الشغالة جت ف المطبخ ولا لا
هناء : به ... و طلعت للخيمة
__
نجاة لابسة قفطان ماكسي و مدايرة تسريحة ، خشت للمطبخ شادة قفطانها فوق
شبحت للشغالة : انتي هندة ؟
هندة : ايه اني
نجاة : باهي نبيك تهنيني ع الضيافة و غسل الماعين لان مافيش غيرك حايفضىٰ بيه
هندة : ولا يهمك مدام ؛ اصلاً جاية حتى البنية اللي تخدم معاي بعد شوية
نجاة : باهي كويس
____________
طلعو العيلة كلهم للخيمة و رقصوا و هيجو ع المنظومة لعند ماجت العروسة
خشت مرام مرتبكة و خايفة ؛ معاها العيلة قعمزوها ع الكوشة
حلومة تتفرج عليها : الصلاة و السلام على رسول الله ، ماشاء الله والله غزيلة
سعاد واقفة بحداها و تشوفلها من فوق لتحت : خيرها تسريحتها هكي العفو ؟! .. علاش الفيلو بسيط سمله اختاراته مفرفر ولا معدس باش يلفت النظر !! 😒
امال تسلم ع المعازيم مش فاضية لانها كانت ف الحفلة
و البنات يرقصو مع المنشطة و قايمين الجو 😍💃
و نجاة هي الكوماندا ع العرس واقفة لكل حاجة
فجأة لمحت سنابل من بعيد اشرتلها بيدها بمعنى تعالي
سنابل هربت منها لانها مدايرة مكياج اوفر 😂
المعازيم اللي ف الخيمة كلهم يشوفو لسعاد و يضحكو
هناء تشوفلهم و واجعتها سعاد : لازم نوقفلها اني غدوا ف المحضر
__
خشت نجاة للمطبخ : هندة وتي الرزاطة و العبمبر لحوش العروسة بسرعة
البنت اللي مع هندة ؛ كوثر : حني عيينا ياماما خلاص بنروحو
نجاة فنصت فيها : شن هو ؟!!!
كوثر : ناسكم هلبا و حني من بكري ندورو زي الزربوط اعطينا حقنا و خلينا نتوكلو خلاص
نجاة علت صوتها : اسسسسمعييييي انتي وياهاااا تي قسما بالله يا لو ماتطلعيش توا و اتضيفي الناس الا ما تنقلب الليلة على دماغاتكم انتم الزوز و ماكم رايين جني 😡
ماشااااااء الله عشنا و شفنا والله الخديمة هي اللي تتشرط
هندة ساكتة
كوثر : احترمي نفسك احسنلك يا مدام خير ندير العار
نجاة : هيا اطلعي انتي وياها قدامي تحررركييييي
هندة خافت : خلاص مدام نجاة حاضر اللي تبيه انتي يصير
نجاة متعفلقة : تبو تحشمونا قدام حوش العروسة ؟؟؟ مدولهم و روحي انتي وياهاا
هندة : حاضر باهي حاضر
______________
عصام يدرجو فيه صحابه و ناسه ف الشارع و قالبين الشارع بالرصاص و الألعاب النارية
العارف منزعج : عليك هبال و خلاص .. و يبو ليبيا تمشي القدام !! تي اللي صاير فيكم شوية من جهلكم و عاركم
_____
بعد شوية قرب عصام من الخيمة و بدو الرجالة يقرو ف المعوذات ، كملوهم و خش عصام للخيمة 😍
خدي مرته و ركب لحوشه
((( مافيش داعي للتفاصيل رمضان 😂 )))
_______
02:30 ص
هناء خشت لدارها و اتكت ف سريرها ، شدت تليفونها و اتصلت بيوسف ..
يوسف رد : الو
هناء : اهلين
يوسف : بيك
هناء : شن الجو
يوسف : باهي الجو
هناء ضحكت : قصدك زعلان انت ؟
يوسف ....
يـتـبـــع ... 💗