الفصل 4
روايــة #صغار_العم
الحَــلْــقــة الــرابــعــة 🌸
يوسف فتح المرش : بتركبي ولا لا ؟؟
هناء ركبت و يوسف ضحك
هناء : احيانا الظروف تحكم
يوسف : عادي ماتدوري شي ... و طلع بالسيارة
هناء فتحت مراية الشمسية تشوف ف مكياجها
يوسف شبحلها : شن اديري
هناء : نشوف ف روحي
يوسف : ترا اشبحيلي
هناء شبحتله
يوسف يشوفلها : شن قتلك عليه المكياج ؟
هناء تكنطت : تبيني ننزل و ناخد تاكسي ؟
يوسف سكت و شبح قدامه
هناء : غر ماما قعدت على خاطر المرا اللي جاية كان هذا هي رفعتني ؛ و بنحاول نروح بكري حتى انى
يوسف يقول ف عقله .. ( كان لحقتي عليها مانبداش يوسف )
هناء : و بابا ديوتي اليوم مازال ماروحش و هداكا اصيل طالع من الصبح ماريتاش اليوم
يوسف : خيرك درتي قصة هاني رافعك ؛ قولي شكرًا حتى بالكذب
هناء : شكرًا حتى بالكذب
يوسف شبحلها
هناء ضحكت : انبصر انبصر
يوسف : عفوا
هناء سكرت الشمسية و قعدت تشوف ف السيارة : ماشاء الله حلوة
يوسف : عيونك الحلوات
هناء تلخبطت : محركها و كمبيوها تمام ؟
يوسف : ايه ملاح
هناء سكتت
يوسف : تبي تجربيها ؟
هناء ضحكت : كانش و حني مروحين
يوسف درس السيارة
هناء : خيرك وقفت ؟
يوسف : هي جربيها
هناء : خليها و حني مروحين
يوسف : بري بيها توا لان حتى القناة مانعرفش مكانها
هناء : به
كيف بتنزل ...
يوسف : ماتنزليش ؛ نقزي من هني
هناء استغربت : كيف ؟
يوسف : اني ننزل و انتي نقزي من مكانك
هناء : علاش ؟!!
يوسف : ماتشوفيش ف زحمة القهوى مقابلاتك ؟؟
هناء شبحت للقهوى : اه اليوم مباراة قوية قالو
يوسف : عيونك هني
هناء شبحتله
يوسف نزل و سكر الباب
هناء ضحكت : خيره هذا !! ... حطت شنطتها ع الكرسي اللي من تالي و نقزت ف مكانه
يوسف ركب ف مكان هناء : هي
هناء : بسم الله .. وطلعت بالسيارة
يوسف : قيمي الكرسي شوية
هناء تسوق : لالا تمام هكي
يوسف : ها مشت معاك ؟
هناء : ماشاء الله ثابتة سواقتها ؛ شكلي اني بنشريها منك
يوسف ضحك
هناء : نبو الزردة عاد
يوسف : بعدين تو تاخديها
هناء : خليها غدوا اليوم مافيهاش كيف
يوسف : اه جايينك خطابة اليوم
هناء ضحكت
يوسف : بتوافقي عليهم اوه
هناء : غر يجو و نشوفهم و بعدين ساهل
يوسف : اه يعني لو عجبوك بتوافقي
هناء : ايه عادي
يوسف سكت يقول ف عقله ( و الله ماصايرة )
هناء ساكتة ؛ تقول ف عقلها ( زعما ف شن يفكر ؟؟ والله جو ف وقتهم الخطابة ع الأقل نعرف مشاعره تجاهي شني )
يوسف : انتي علاش مانخطبتيش من قبل ؟ سمعت ان ديما يجوك خطاب
هناء : نراجي في فارس أحلامي يجيني على الحصان الأبيض
يوسف ضحك
هناء : بالك جاي اليوم
يوسف : ماظنيتش
هناء : علاش ماظنيتش ؟
يوسف : خليك لاهية ف الطريق
هناء زادت ف السرعة : هي نديرو تسطريبة ؟
يوسف شبحلها : بالله عليك !
هناء ضحكت
____________________________
محمد ف حوش عمه اسماعيل يقري ف سنابل في مادة الرياضيات و سنابل سارحة
محمد علّا صوته : معااي !!
سنابل شبحتله : ايه معاك
محمد حط القلم ع الكراسة : اشريحلي شن كنت نقول
سنابل تشوف للكراسة و ساكتة
محمد عقد حواجبه : لمني كنت نخرف من بكري
سنابل تبي تتكلم و مترددة
محمد : بنعاود اخر مرة و ركزي معاي راهو لينا ساعتين مقعمزين
سنابل : محمد !
محمد سكت
سنابل تشوف جهة المطبخ : في موضوع نبي نحكيهولك
محمد استغرب : موضوع شني
سنابل : مانقدرش ندوي توا
محمد : شن فيه ؟
سنابل : ماما تو تسمعني ، انت انزل و اني نلحقك و نقولك
محمد فنص فيها : شن مدايرة من فالطة ؟
سنابل : والله ما اني الله
محمد : تي ادوي الزفت شن فيه
سنابل تليفونها شرين داراته سايلنت
محمد جبده منها : هاتيه هني
سنابل تجبد فيه منه : هاااااات
محمد قام ايده فوق : مفيش
سنابل تعافر فيه بتاخده : هاته يا محمد
محمد هز راسه بإستفزاز بمعنى لا
سنابل وقفت و تلحق ف ايده
محمد ضحك : تي اعقلي
سنابل شدت التليفون و تجبد فيه : مصحك عاد
محمد شاده بالقوة : تي ياسري بلا هبال
سنابل واقفة قريبة منه و تعافر فيه
محمد جبدها بالتليفون ليه و قربها لوجهه : بتبطلي ولا لا
سنابل تحشمت وجهها انحمر و وخرت
جت سلسبيل : خيركم تتعاركو
محمد حط التليفون ع الطاولة و وقف : اختك ادير ف حراكات مش قدها
سلسبيل ضحكت : كيف 😂
سنابل ساكتة
محمد طلع و سكر الباب وراه
سنابل شبحت لأختها
سلسبيل : شن درتيله
سنابل تلخبطت : كنت بنحكيله على بوه غيرت الموضوع ف اخر لحظة
سلسبيل : حقا أبرار حصلت ال400 و باعتهم 💃
____________________________
درست هناء السيارة و نزلت هي و يوسف
هناء : بتخش معاي ؟
يوسف : امالا بنخليك بروحك !
هناء سكتت
يوسف خاش معاها : مش لازم الضحك اهو وصيتك
هناء ضحكت
يوسف شبحلها : قاعد ندوي
هناء شدت ضحكتها : باهي
يوسف : و مافيش داعي تفتحي هدرزة جانبية كلمتين و قص
هناء : حاااضررر ولد عمو
يوسف سكت و ركب للدروج معاها
___
هناء وقفت قدام باب مسكر : المكتب هذا اكيد
يوسف وقف : طقي
جاهم موظف : تفضلو ؟
يوسف شبحله : عندنا مقابلة شغل
الموظف : تفضلو معاي لمكتب مدير القناة
( مشو معاه يوسف و هناء )
الموظف وقف قدام المكتب : تفضلو
هناء : بتخش ؟
يوسف شبحلها : خشي انتي و انى نراجيك هني
هناء : به
طقت ع الباب و خشت : السلام عليكم
مدير القناة : و عليكم السلام
خش الموظف معاها و سكر الباب
يوسف وقف يراجي فيها ف الممر و كاسر وذنه الداخل
________
بعد شوية 🌹
خش مذيع للمكتب و سكر الباب ؛ يوسف تكنطا
فجأة يسمع صوت ضحكهم
زاد تعفلق و فتح عليهم الباب بالقوة
هناء انصدمت 😳
مدير القناة استغرب : تفضل يا خوي !
يوسف يشبح لهناء : مازال ؟
هناء تحشمت و سكتت
مدير القناة مدلها السي ڤي : حانردو عليك مع نهاية الاسبوع ان شاء الله
هناء خداته منه : ان شاء الله
المذيع مبتسم ؛ مد ايده بيسلم : فرصة سعيدة آنسة هناء
يوسف يفنص فيهم
هناء ابتسمت و مدت ايدها تسلم : بيك اسعد
يوسف : هيااا
هناء طلعت معاه
__________
ركبو للسيارة و هما ساكتين
طلع يوسف بالسيارة و متكنطي
هناء شبحتله : شن الهدة اللي درتها ؟
يوسف ساكت
هناء : نكلم فيك
يوسف : علاش عطلتي الداخل ؟؟
هناء : هما يسألو فيا و اني نجاوب
يوسف علّا صوته : و هما يدغدغو فيك و انتي تضحكي !!
هناء : ههههههههه
يوسف شبحلها : شن يضحك فيك
هناء : كان تشوف روحك كيف متعفلق
يوسف : والله ؟؟
هناء : قصدي بجديات مفيش حاجة تستاهل انك تتعفلق ، الشخص لازم يكون بشوش و روحه خفيفة مع الناس و خصوصا ف مقابلات الشغل
يوسف عاقد حواجبه : كيف تمدي ايدك و تسلمي على واحد ماتعرفيشي !
هناء : عادي شن فيها ؟
يوسف : كيف شن فيها كيف ؟؟!! مش عارفة ان حرام ف الدين ؟؟
هناء بصوت واطي : ابدالي شيخ توا
يوسف شبحلها : شن قلتي ؟
هناء : حني نسلمو عادي
يوسف : من اليوم مش عادي
هناء سكتت
يوسف : وين تندري عليه وين كان حاط ايديه و انتي تسلمي طول !!
هناء انصدمت : كيف ؟؟
يوسف : خلاص اسكتي
هناء فتحت المسجل : جوي مليح اليوم ماخاطريش نتعاركو و نروح نبكي
يوسف سكت و نزل على طريق السريع
هناء : علاش جاي من هني زحمة
يوسف : عندي مشوار
هناء : باهي حطيتني ف الحوش و بعدين مشيت لمشوارك
يوسف : مانقعدش ماشي جاي زي السراق
هناء شبحتله
يوسف شبحلها : كلام مني هذا !
هناء ضحكت : شورك ماتنساش
يوسف سكت
هناء : ماهو تو نعطل على الناس عيب
يوسف : تلحقي ماتخافيش
هناء : باهي شن هو مشوارك
يوسف : بناخد مكيف لداري من غوط الشعال
هناء علت صوتها : شنووو !!!
يوسف : نقصي صوتك
هناء : معقولة تكرني معاك لغادي توا
يوسف شبحلها : شن الأسلوب هذا !
هناء تعفلقت : عارفني عندي موضوع اليوم مش وقت مشوارك
يوسف : و خيرني اني عطلت روحي على خاطرك و قعدت معاك ؟ ولا هذا ماتقوليش بيه !
هناء سكتت
يوسف حط السبسي ف فمه يولع فيه
هناء شبحتله : اطفيه
يوسف شبحلها و نفخلها الدخان : افتحي الروشن
_____________________
محمود ف محل تليفونات يخدم فيه صاحبه أيوب
أيوب : خليه عندي نديرله ابديت جديد و بعدين انزلهملك البرامج
محمود حط تليفونه : عادي به
أيوب : ماكلمكش مراد اليوم ؟
محمود : لالا علاش
أيوب : يدور فيك الصبح
محمود : هات تليفونك نكلمه
أيوب مدهوله
محمود فتحه و خش ع السجلات ؛ لقي رقم سلسبيل مسجل تفاجأ و سكت
أيوب تفكر الرقم تخزرط : ترا هاته شوية نتأكد من الرصيد
محمود مدهوله و هو ساكت يقول ف عقله ( ماتتسرعش يا محمود مرات مافي شي بينهم ... لكن حي على امه كان يطلع يكلم فيهااا )
أيوب مسح الرقم و مدهوله : لالا اموره طيبة يسدك
محمود دار روحه جوه مليح و اتصل بمراد ..
_____________________
درس يوسف السيارة قدام المحل : هي انزلي
هناء : لالا انزل بروحك ماخاطريش ف النزول
يوسف طفي السيارة : ماتقعديش بروحك .. و نزل من السيارة
نزلت هناء و خشت معاه للمحل
يوسف : السلام عليكم
ردو عليه اللي ف المحل : و عليكم السلام
هناء وشوشاته : مانحبش نخشلهم المحلات اهما
يوسف فنص فيها : خششي شعرك 😠
هناء دخلت شعرها بصبعها : باهي
يوسف وقف ع المكيفات يشوف فيهم و يسأل ..
هناء شرين تليفونها ؛ طلعاته من شنطتها لقتها امها تتصل ..
بعدت و فتحت الخط : الو
نجاة : وينك لتوا ؟
هناء : اني بنعطل شوية ماتنشغليش عليا
نجاة : علاش انتي وين ؟
هناء : ف غوط الشعال
نجاة علت صوتها : شن رفعك غادي بروحك ؟؟
هناء : معاي يوسف مش بروحي
نجاة : علاش معاك يوسف ؟
هناء : موضوع طويل تو نروح و نحكيلك
نجاة تكشخ : توا تقوليلي
هناء بصوت واطي : لقيت عجلة سيارتي نازلة يوسف وصلني و توا جينا لمحل هني ، شوية و نروحو
نجاة : عندك نص ساعة و تكوني ف الحوش ماتحشمينيش مع المرا
هناء : باهي حاضر .. و سكرت الخط
يوسف جاها : هيا
هناء : شريت
يوسف : ايه
هناء تحط في تليفونها ف الشنطة : هي
( و طلعو من المحل )
ركبت هناء للسيارة و يوسف قعد مع الراجل يحط ف المكيف في الكوفينو
__
يوسف يسكر ف الكوفينو : الله يرحم والديك
الراجل : والدينا و والديك ؛ ان شاء الله مبارك خوي
يوسف : يبارك فيك
نفض ايديه و ركب للسيارة
هناء شبحتله : استغربت فيك ع السريع
يوسف : مانحبش ندور ؛ نحب ناخد الحاجة طول
هناء : عكسي اني نحب ندور هلبا و مانستعجلش ف الشري
يوسف سكت و مازال ينفض ف ايديه
هناء شبحتله ؛ طلعت وايبس من شنطتها و مدتله طرفين
يوسف خداه منها يمسح ف ايديه : خيره ريحته هكي
هناء : كيف
يوسف يشم ف ايديه : مش عارف
هناء ضحكت : متع مكياج
يوسف شبحلها : بجديات ؟؟
هناء تضحك
يوسف : علاش اتديري ف العمل و تخلي فيا نفحفح
هناء : عادي تو لما يجفو ايديك تمشي الريحة
يوسف طلع بالسيارة : من اتصل بيك ف المحل ؟
هناء : ماما تسأل علاش عطلت
يوسف سكت
هناء : شن خطر عليك تشري مكيف
يوسف : النو بيبدا مانتحملاش ؛ و المكيف مايوصلش مليح لداري
هناء : و انى عكسك مانحبش التكييف
يوسف : عارف
هناء : كيف عرفت
يوسف : قالتلي أروى
هناء تكنطت و سكتت 😑
يوسف شبحلها : خيرك سكتي ؟
هناء : شي
يوسف يغيظ فيها : حسيتك زي اللي تغيري منها
هناء شبحتله : نغير منها ؟؟ غر من شني و على مني ؟
يوسف : مش عاااارف
هناء تحرك ف يدها بإستهزاء : اصلاً من يومها مش دايرتلها اهتمام ولا شايلتها من ارضها
يوسف ضحك
( و سكتو شوية )
هناء : شنو امالا تقوت علاقتكم لدرجة بديتو تقرمو فيا
يوسف : تقطيع تعرفي
هناء متكنطية لكن ماتبيش توضح : كويس ؛ ع الأقل تخففو عليا الذنوب
يوسف ضحك و درس السيارة
هناء : خيرك وقفت
يوسف : مش تبي الزردة ؟ هي انزلي
هناء : مش قلنا غدوا !
يوسف : حسيت جوك تعكر و يبي التغيير 😉
هناء : ماما تراجي
يوسف : تي انزلي حسستيني جايكم وفد .. و نزل من السيارة
هناء تشوفله : حي عليا من نجاة حي
يوسف طق عليها من روشنها : هيا
هناء فتحت الباب و نزلت : امالا انت ادوي معاها
يوسف : عادي ماتدوري شي
و خشو لكافي ..
هناء قعمزت ف الطاولة
يوسف قعمز معاها : ضحك مانبيش
هناء : تو ضحكت ؟؟ خيرك واتي !
يوسف : ماهو نوصيك قبل ماتفتحي فمك
هناء تكنطت : راني والله انوض
يوسف : هيا بلا نكد
هناء : شوف روحك شن تقول
يوسف : باهي اسكتي
و تلفت للسفرادجي : لو سمحت
هناء : خلينا نطلبو بروحنا علاش تنادي عليه
يوسف شبحلها : شن الفرق
هناء : الكيكات نحب نوازيهم بروحي
السفرادجي جي : اهلا و سهلا ، شن تحبو تطلبوا !
يوسف : خلاص تو نطلبو بروحنا بارك الله فيك
السفرادجي ابتسم و مشي
يوسف وقف : هي نوضي
( و ناضو يختارو ف الكيكات )
هناء تشوف : لو سمحت اعطيني من هادي ( كيكة مارس )
و تلفتت ليوسف : و انت شن بتاخد
يوسف : تو ناخد وحدة زيك
هناء سكتت
يوسف : تبي عصير فرش ولا نسكافي !
هناء : مفيش فرق شوف انت شن بتطلب و اطلبلي زيك
يوسف : اني بناخد اللي بتاخديه انتي
هناء ضحكت بالصوت : هههههه غريبة
يوسف تكنطا و يدوي مسكر سنونه : شن قلت ع الضحك
هناء تكنطت و ولت قعمزت ف مكانها : هذا حرام الواحد يوريله سنونه
يوسف وصّا ع الطلبية و مشي قعمز معاها
هناء ساكتة
يوسف : علاش قعمزتي بروحك
هناء شبحتله : كيف ؟
يوسف : مادامك نضتي معاي تولي تقعمزي معاي
هناء قامت حواجبها بإستغراب
يوسف : تبدي ماشية بروحك يتفرجو عليك الناس ؟
هناء : عندك حرارة ؟؟ حسيتك بادي تهلوس
يوسف فنص فيها : ادوي بأدب خير مانروح بيك
هناء وقفت : مش ميتة ع التقعميز معاك
يوسف يدوي مسكر سنونه : قعمزي ف مكانك
هناء : نبي نروح
يوسف تعفلق : هناء !!
هناء سكتت و قعمزت
يوسف يستغفر بصوت واطي ؛ مايبيش المشاكل قدام الناس
هناء ساكتة و قالبة وجهها 😾
جي السفرادجي و حط الطلبية ع الطاولة
يوسف : هي كولي
هناء : مانبيش
يوسف يتأفف : ياسر من النكد الزفت
هناء متعفلقة : تجيب فيه لروحك يعني ضروري تخلينا نتعاركو ؟؟
يوسف : باهي غر كولي توا وبلا كثر دوة
هناء سكتت و بدت تاكل .. تقول ف عقلها ( شن هالمعقد هذا ؟؟ معقولة يحاسب على أتفه الأسباب !! )
يوسف يشوفلها .. يقول ف عقله ( لازم نغيرها طبعها هذا مايمشيش معاي )
هناء قامت عينها فيه لقاته يشوفلها ؛ تلخبطت : خيرك ماتاكلش
يوسف : ناكل
هناء تشوف للساعة : مش حانلحق ع المرا
يوسف : خيرك مهتمة هلبا تي فوتيها و خلاص
هناء : ماهي واخدة موعد عيب
يوسف : انتي ماتعرفيهاش وله
هناء : لالا
يوسف : خلاص فوتي امها الزفت
هناء : خيرك انت
يوسف : ماك عششتي فيها ؛ استمتعي بوقتك و انسيها
هناء : انت ماتعرفش ماما و محاضراتها
يوسف : خليه موضوعها عليا تو ندوي معاها
هناء سكتت
(( خطمو زوز بنات من جنبهم جو شعر مفتوح و مكياج و لبس واو ))
يوسف شافلهم
هناء تكنطت و عقدت حواجبها : يوسف !!
يوسف شبحلها : نعم
هناء سكتت
يوسف : خيرك
هناء : احترمني
يوسف ضحك : علاش شن درت
هناء : معقولة تبصبص للبنات و اني مقعمزة ؟ لما تكون بروحك خود راحتك
يوسف : اما تبصبيص ؟ تحسابي يعجبني النوع هذا ؟
هناء حطت ايدها على خدها : امالا اما نوع اللي يعجبك
يوسف : اللي يكون لبسها محتشم و مستور
هناء : مادامهم مايعجبوش فيك علاش شبحتلهم ؟؟
يوسف سكت و قعد يشوفلها
هناء : خيرك سكتت ؟
يوسف ضحك : خيرك علقتي ف الوضوع ؟؟
هناء تلخبطت و نحت يدها من على خدها
( و سكتو هما الزوز شوية )
هناء : هيا انوضو
يوسف : مازال الوقت
هناء وقفت : قلقت نبي نروح
يوسف وقف : براحتك .. و مشي يخلص
______
و هما راكبين للسيارة خطم واحد مراهق من وراء هناء
عاكسها : احّيـــــه ؛ اكيد مامي نحلة عشان تجيب العسل دا كُلو
هناء انصدمت 😳 و دارت روحها ماسمعاتاش
يوسف تعفلق و مشاله : تعالى يا كلب تعالى
الولد تلفتله : سامحنا يا خوي ... و هرب يجري 🏃
يوسف يجري وراه : تو نوري ******
هناء خافت ؛ ركبت السيارة و سكرت عليها البطم 🔐
الولد عتر و طاح
يوسف قامه من حوايجه ؛ يضرب فيه كفوف و *يسب*
الولد يدف فيه : سامحني ياخوي والله ماريتك
يوسف متعفلق و مازال يضرب فيه على وجهه
( جوهم رجالة يحزو بيناتهم )
يوسف لقي طرف لوحة ع المرشبيدي خداها و بدي يضرب فيه على رجليه و دمه فاير : يلعن *****
هناء ف السيارة ترعش : حي عليا كان مايقتلوه ... شن اندير !!
راجل كبير يجبد ف يوسف من جنابه : صلي ع النبي ياراجل خيركم
( الشارع تعبّا ناس يتفرجوا )
يوسف متعفلق : لقيته مش متربي قلت خلي نربيه ال****
الراجل : استعوذ من الشيطان و توكل يا راجل
لوح يوسف اللوحة من ايده و مشي للسيارة
الولد يوقفو فيه الناس داهش و يتوجع
هناء شافاته جاي فتحت البطم 🔓
يوسف ركب للسيارة متعفلق ؛ ولعها و طلع يجري
هناء ساكتة و قلبها يدق
يوسف زاد ف السرعة
هناء خافت : بالشوية
يوسف ساكت
هناء مدتله شيشة امية محطوطة بحداها : هاك اشرب
يوسف بدي يكشخ : عاجبك اللي صار توا ؟؟
هناء استغربت : و اني شن دخلني !
يوسف يعيط : ماهو كله من لبسك و مكياجك اللي طالعة بيه
هناء : خيره لبسي ؟ لاهو قصير و لاهو مشحوط
يوسف : من غدوا بتلبسي عباية
هناء : استغفر الله العظيم
يوسف : سمعتي وله ؟
هناء تعفلقت : انت ماليكش علاقة شن نلبس و شن ندير ماليكش اسبوع مروح مدايرلي روحك بتتكومد عليا
يوسف : بنحكم فيك و بنمشيك على كيفي امالا نخليك تمشي على حل شعرك و نسكت ؟؟
هناء : ادوي معاي بإحترام احسنلك انت ماكش خوي ولا بوي باش تتحكم فيا
يوسف يعيط : هناء ؟!! اسكتي خير مانقلب بيك السيارة
هناء : تقلبها ولا ترقدها غر كيف سمعت كلامك و طلعت معاك
يوسف : من اليوم معاش فيه طلوع بروحك
هناء شبحتله
يوسف : هذا اني معاك و هكي سمعت امالا لما تنسرفي بروحك شن يصير
هناء تتأفف : استغفر الله العظيم ، ياربي اعطيني الصبر لين نوصل للحوش
يوسف : طبعا مش عاجبك الكلام !! يعجبك الا التنسريف و السواقة و المكياج ؛ و سلام ع الرجالة و ضحك ف كل مكان بكل وقاحة و قلة ادب زي المستردفات
هناء انصدمت و شبحتله : يوسف !!
يوسف : هذا الحق
هناء سكتت ؛ تلفتت للروشن تسحن ف روحها ، تبكي و تمسح ف دموعها بصبعها
يوسف شبحلها و سكت
بعد شوية 🌹
خش يوسف لزنقتهم و درس السيارة قدام الحوش
نزلت هناء بسرعة و خشت للجنان ؛ لقت العيلة مقعمزين
استغربوا فيها خيرها
يوسف خاش وراها يشوفلها و ساكت
ركبت هناء لحوشهم تبكي
العارف شبح ليوسف : خيرها خاشة هكي ؟
يوسف وقف : روحو الناس اللي جايين لهناء ؟
حلومة : كيف طلعو
ازهار : خيركم ؟!!
يوسف هز راسه و خش
العارف : تعالى نكلم فيك
يوسف و هو خاش : تو نجيك
حلومة : ان شاء الله خير انظر شن صاير معاهم
ازهار : اكيد متعاركين
العارف شبحلها : الا هنيوه مانبي حد يوصل فيها
__
فتحت هناء باب حوشهم و خشت
نجاة تكشخ : اني شن وصيتك ؟!!!
هناء خشت لدارها و سكرت الباب
سنابل استغربت : خيرها ؟؟
سلسبيل : اكيد يوسف ملبز معاها
نجاة : ليا كلام تاني معاه غر نشوفه بس
( الباب يطق )
جت سنابل فتحت : اهلين
يوسف : امك وين ؟
نجاة : خش خش
يوسف خش : السلام عليكم
ردو عليه : و عليكم السلام
نجاة : وين التعطيل هذا كله ؟ خليتوني متحشمة قدام الناس
يوسف شبح للبنات : امية مصقعة بالله
البنات مشو للمطبخ
نجاة شبحتله : خيركم عطلتو ؟ و علاش مخليها تبكي شن درتلها ؟
يوسف : قعمزي يا مرت عمي نبيك شوية
نجاة استغربت : شن فيه
يوسف .....
______
سلسبيل : هدا رايك ريتي شن صار ؟
سنابل : اصبري خلي نفهمو قبل
سلسبيل : تي مستحيل يتفاهمو ؛ الله اعلم شن صار باش خلاها تركب تبكي
______
نجاة : ليها سنين تسوق مش امس ولا اليوم
يوسف : ع الأقل معاش تخليها تطلع بروحها ؛ راهو لا قدر الله يوم تاني يصير شي و معاش تلقيها ماتقعديش تبكي و تخبطي
نجاة سكتت
يوسف : هذا فرخ صغير اللي ناشب شن خلّا للي اكبر منه
نجاة : باهي علاش ركبت تبكي
يوسف : لاني عاركتها و قلتلها تلبس عباية و هي حساسة بدت تبكي طول
نجاة : فروخ توا يعاكسو حتى المختمرة ماليشي علاقة اللبس
يوسف تكنطا و سكت
جت سنابل جايبة المية : تفضل
يوسف خداها منها و شرب : بالله ادوي معاها
نجاة : ان شاء الله خير
يوسف حط الطاصة : نستأذنكم .. و طلع من الحوش
سلسبيل جت : خيره شن قالك !
نجاة : خشي اقري انتي وياها امتحاناتكم الاسبوع الجاي
سنابل : باهي نبو نعرفو خيرهم
نجاة فنصت فيها : بري من قدامي
____________________
أصيل واقف ف الفروسية مداير موعد مع وحدة اول مرة يشوفها ، متأنق و لابس كندرة جديدة تلمع و مداير لشعره جل و باخ عطره
بعد شوية البنت وصلت و اتصلت بيه ..
أصيل رد : الو
البنت : اها اني وصلت انت وين
أصيل : واقف جنب الدرجيحة اللي فيها زوز بنات لابسين قفطاين
البنت : اها تمام شفتك
أصيل سكر الخط و قعد يدور فيها
البنت قربت منه و انصدمت فيه 😳 ، لانه كاذب عليها بإن عمره 26 سنة و طلع 20 سنة يعني اصغر منها 😁
أصيل ابتسم : ابتهال ؟
ابتهال بإبتسامة صدمة : اها ايه
أصيل ضحك : كيف الحال
ابتهال متلخبطة : الحمد لله وانت
أصيل : فرحان بشوفتك
ابتهال ابتسمت و سكتت
أصيل : خيرك متخزرطة
ابتهال : تفاجأت بيك الحق
أصيل ضحك و ساوة شعره بيده : كيف
ابتهال : توقعتك اكبر
اصيل تلخبط : اني هكي نبان اصغر من عمري
ابتهال ماصدقتاش ؛ قامت حاجبها وقالت : اها
اصيل : ماشاء الله عليك قمر 14
ابتهال ضحكت ع الجنب : من ذوقك
اصيل ابتسم
ابتهال متكنطية لكن ماتبيش توضح : نستأذن منك ماما معاي و مانبيهاش تشوفك
اصيل : هكي خت فت ؟
ابتهال : معليشي 😊
اصيل : باهي بما اننا تقابلنا فيس تو فيس نبي ندوي معاك بصراحة
ابتهال تشوف يمين و يسار : اختصر
اصيل : حني لينا فترة نهدرزو ع النت و معجبين ببعضنا نوعا ما
ابتهال : ايييه !!!!
أصيل : انتي عجبتيني و اني نبي نرتبط بيك رسمي
ابتهال ضحكت
أصيل ضحك : خيرك
ابتهال تضحك : ههههههه بجديات ؟
أصيل : اكيد بجديات
ابتهال خبطت ايدها على كتفه بالشوية و قالت بإستهزاء : سو كيوت 😊
( و مشت و خلاته )
أصيل انصدم و تعفلق
_____________________
11:00 م
يوسف مقعمز ف سيارته و يدخن ؛ فتح تليفونه بيتصل بهناء .. لقاها مدايرتله حظر قعد يتأفف
__________________
حلومة : شن خطر عليكم بتباتو عندي
سلسبيل : هكي قلنا نونسوك اميمة 😍
سنابل : استاحشنا الرقدة عندك لينا شهرين عليها
حلومة مستغربة : باهي سلمكم جيايين
خشت هناء : رسمي بتباتو هني ؟
سلسبيل : يس يس 😌
حلومة ضحكت : مرحبتين بيكم
هناء : امالا نوضو اغسلو الماعين اللي ف المطبخ
سنابل : انتي اركبي و تهني حانغسلو الماعين و نضمو الحوش و نبخروه و حتى لو فيه حوايج يبو الغسل نغسلوهم
حلومة ضحكت
هناء : غر منين الفلاحة هادي كلها ؟؟ و فالليل ؟؟
سلسبيل : خلاص يا هناء راهو نركبو
حلومة : هنيوه و النبي طويصة امية نبل ريقي
هناء : حاضر .. و مشت للمطبخ
سنابل : اجديده وين ؟
حلومة : خش رقد من بكري
سلسبيل شبحت لسنابل : اها به
جت هناء : تفضلي اميمة
حلومة خدتها منها و شربت
هناء : صحة
حلومة مدتلها الطاصة : سلمك يعطيك الصحة
( و ناضت وقفت )
سنابل : بترقدي ؟
حلومة : ايه هو هداكا حيلي منهد حسيته
سنابل : ارقدي معانا ف الدار
حلومة : مانرتاح الا ف سريري مانقدراش المندار ظهري
سنابل سكتت
هناء : تصبحي على خير
حلومة : و انتي بخير ... و مشت لدارها
سنابل : واااك كيف بنديرو توا
سلسبيل : تو نطلع بحل غر اصبري
هناء : على شن تخططو ؟؟
سلسبيل : قوليلنا علاش يوسف بكاك نقولو حتى حني 😏
هناء : و شن رايك نحفرلكم مع ماما و ترقدوا فوق الليلة 😏
سنابل : نبو التليفون الأرضي و اجديده داسه تحت السرير
هناء ضحكت : و اني نقووووول علاش بايتين !! خزي والله ماتتحشمو
سلسبيل : بري اركبي خير ماتنادينا ماما كلنا
هناء ضحكت و مشت للمطبخ بتحط الطاصة
_______________________
و هي كيف راكبة ف الدروج ، يوسف خش وراها
هناء شافاته سرعت خطواتها
يوسف : هناء !
هناء ركبت تجري
يوسف : نكلم فيك !!
خشت هناء لحوشهم و سكرت الباب
يوسف تكنطا و خش لحوشهم
____
هناء وقفت ورا الباب ايديها يرعشوا
جتها نجاة : خواتك وين ؟
هناء متلخبطة : اها ؟
نجاة : وين خواتك ؟
هناء : شدتهم اميمة يباتو عندها و قعدو
نجاة : و ماهو غدوا مدرسة
هناء : عادي تو يركبو الصبح
____________
02:00 ص
سلسبيل و سنابل راقدين ف فراشاتهم ف حوش جدهم
سنابل : امتى ؟؟
سلسبيل : لين اميمة تخش الحمام مافيهاش كيف توا
سنابل : جبتي الخمار ؟
سلسبيل : ايه محطوط ف الدولاب
سنابل : به
بعد شوية سمعو صوت حلومة خاشة للحمام
سنابل وقفت : هيا بسرعة
سلسبيل ناضت تجري تلبس ف الخمار
سنابل : بسرعة بسرعة
سلسبيل : باهي .. لبساته و مشت لدار جدها
خشت بالشوية بالشوية بتخنب الأرضي .. خداته و ولت للدار
سنابل ضحكت : يس يس 👍
سلسبيل : و هو الحمار متعك علاش ماشراش تليفون جديد بعد ماتكسر منه تليفونه
سنابل : قال غدوا بيشري
سلسبيل : باهي و الأرضي امتى بنردوه ف مكانه
سنابل تتصل : لما اميمة ولا اجديدة ينوض للفجر
_______________________
04:30 ص
سنابل خداها النوم و رقدت
سلسبيل تنوض فيها : تي نوضي معاي يا حمارة اكيد قريب يفيقو
سنابل قعمزت ترمش ف عيونها : باهي
سمعو صوت باب الحمام انفتح
سلسبيل لبست الخمار تاني و طلعت تبيّت
سنابل توشوش : مني اللي خش
سلسبيل : اميمة خشت للحمام و اجديدة يصلي
سنابل : اجري اجري امالا
خدت سلسبيل التليفون و مشت تجري بتحطه ف مكانه
و هي كيف بتطلع من الدار العارف خش
شافها انخلع : يالطيف يالطيف 😨
سلسبيل انخلعت و ضبطاته
العارف مخلوع و يدف فيها : أعوذ بالله من الشيطان الرحيم هذا شنووو
سلسبيل طيحاته ع السرير و طلعت تجري للدار
العارف داهش : ياربي هذا شنو ؟؟ بسم الله الرحمن الرحيم
سنابل تندب فوجهها : شافك ؟
سلسبيل تنحي ف الخمار : لالا
لوحاته ف الدولاب و خشو لفراشتهم يجرو هي و اختها ع اساس راقدين
حلومة خشت لدارها : خيرك يا حاج تصيح ؟
العارف داهش : ريت غولة توا
حلومة انصدمت : بسم الله الرحمن الرحيم غولة شني يا حاج استعوذ من الشيطان
العارف : ريتها لونها سوداء و شدتني طيحتني ع السرير
حلومة رعشت : اللطف يا ربي غولة شني حتى الفجر اذن يا حاج
العارف : جيبيلي امية تحركي
حلومة طلعت تجيبله ف امية : هذا اكيد بدي يخرف
العارف داهش ، يفكر و متخزرط
_________________________
07:30 ص
سلسبيل تنوض ف سنابل : هيا وقت علينا ماما من بكري تنادي
سنابل راقدة : باهيييي
سلسبيل : اني ركبت ... و ركبت لحوشهم
سنابل فتحت عيونها و وقفت
لمت شعرها و طلعت من الدار
لقتها حلومة : سنابل ! افطرو قبل
سنابل شبحتلها بعين وحدة : لالا تو ناخدو حاجة ع السريع فوق
حلومة : باهي براحتكم
___
سنابل و هي راكبة الدروج ناعسة هلبا خبطت ف محمد نازل
محمد : يا سااتر
سنابل شدت راسها : اااي
محمد : ترا نشوفك
سنابل شادة جبهتها : راسي قريب كسرته
محمد حط ايده على ذقنها : لما تمشي قيمي عيونك فوق
سنابل تلخبطت و فاقت : اها ؟
محمد ضحك و طلع
سنابل رمشت عيونها بسرعة و ركبت
____________________
11:30 ص
في المدرسة الثانوية عندهم استراحة
سلسبيل مقعمزة مع البنات و أيوب عيونها فيها من بعيد يأشرلها بمعنى تعالي ورا الشجرة
سلسبيل ماعدلتش عليه و لهت مع البنات
___
محمود واقف يهدرز مع مراد : شاك فيه
مراد : تي لالا كان هذا قال
محمود : تي وجهه انقلب لما مدلي التليفون ، و قداش مرة نشوف فيه يدوي معاها ف الساحة و لما يشوفني يمنع
مراد : امالا زيد راقبه
محمود شبح لسلسبيل : لقاها لاهية مع البنات
شبح لأيوب لقاه يشوفلها
محمود : شوفه هاه
مراد شبح لأيوب : و الله شكله مكبد البَيْ
محمود شبحله : اقسم بربي العزة لو يطلع يكلم فيها ماراحمه
مراد : و انت شن دخلك فيهم بالك البنت تبيه
محمود : اني مش موضوعي ان البنت تبيه ولا لا ، موضوعي هو كيف يستغفلني و يلعب من وراي هي بمثابة اختي
مراد سكت و بعدين قال : عندك الحق
محمود يزربز يبي يعرف
مراد : نقولك راي ؟
محمود : شن هو ؟
مراد : ادوي مع بنت عمك طول
محمود : لالا مانبيش نحرجها
مراد : تي ادوي معاها و افهم منها و اني نسأله هو على اساس انت ماتندريش و هكي تفهم
محمود سكت و اقتنع
مراد : تمام ؟
محمود : مية مية
و مشي لسلسبيل
سنابل شبحتله : شن الجو ؟
محمود : تمام
سلسبيل شبحتله
محمود : سلسبيل تعالي شوية
سلسبيل مدتله ايدها : وقفني
محمود شد ايدها و وقفها
سلسبيل : نعم ؟
محمود بعد بيها من البنات : اسمعي بنسألك سؤال جاوبيني طول و بلا لف و دوران
سلسبيل خافت و قلبها دق بسرعة : عندك علم ان المقدمة هادي مانحبهاش !
محمود : ماتخافيش مش حانديرلك شي
سلسبيل : شنو به
محمود : تكلمي ف أيوب صاحبي ؟
سلسبيل وجهها انقلب و سكتت
محمود علّا صوته : جاوبي
سلسبيل ترعش : ايه
محمود تعفلق و شبح لأيوب لقاه يدوي مع مراد
سلسبيل خايفة : لكن والله هكي و خلاص ماتفهمش غلط
محمود شبحلها : كيف ؟
سلسبيل : هو ممكن يحبني لكن اني نمشي بيه ف الوقت و يساعد فيا ف دروس الانجليزي
محمود : و علاش مش قايلتيلي ؟ ولا رجل كرسي ف المدرسة ؟
سلسبيل : توقعت ان مايخصكش الموضوع
محمود سكت و مشي لأيوب
سلسبيل تنادي : محمود ! محمود ؟؟
محمود مشي و ماردش
جتها سنابل : خيره ؟
سلسبيل ترعش : تفرجي ع المباراة توا
محمود حط ايده على كتف أيوب : شن الأمور
أيوب شبحله : قاعدة ادور
محمود : من امتى تدوي مع بنت عمي ؟
أيوب انصدم : اها ؟
محمود عيونه فوق : اظني سمعتني
أيوب : من بنت عمك
محمود ضحك بإستهزاء : بنبدو نستغبوا ؟
مراد ساكت
أيوب : شن تقول يا راجل
محمود : بالك تحسابني مش كاشفك انك تزربز عليها !!
أيوب شبحله : اما نزربز عليها هي اللي من لما تشوفني تجيني طول
محمود انصدم : شنو !!
أيوب : اني ديما نتجنب فيها لكن هي ماتفهمش و تحشمت ندويلك
مراد : على من تكذب يا أيوب ؟ حرام عليك
محمود دمه يغلي : غر دقيقة دقيقة بس ، قلتلي هي تجيك ؟؟
أيوب متخزرط : ايه
محمود ضحك بعصبية و عطاه تيستا طيحه بيها
سلسبيل و سنابل : هييييييه 😱
محمود يضرب في أيوب على وجهه : و تقولي فيها بكل وقاحة يا امسخ ؟؟؟
أيوب يتوجع : تي حول يا محموووود
المدرسة لادت بيهم و الولاد يبو يحزو بينهم و مراد مش مخليهم
مراد : خلووه يربيه اييييييه
محمود متعفلق وقف و بدي يكر ف أيوب من رجليه : قلتلي تجيك يا *****
أيوب وجهه دم و يصيح : شن ادير يا ****
محمود يكر فيه للشارع : ندير فيك مضحكة يا *****
طلعه للشارع و عطاه تيروات : مازال نشوف خليقتك راسك نقطعه
أيوب مقعمز يتوجع و حالته حالة ؛ حط محمود ف راسه و روح على رجليه
محمود خاش للساحة يعيط بأعلى حسه : من اليوم اللي مش محترم اني نعلمه الاحترام و اللي ناقص رباية انى بنربيه
بنات عمه مصدومات 😳😳
جت ابلة الإشراف : شن العار هذا 😠 شن فييييه ؟؟؟؟
الطلبة ساكتين
ابلة الإشراف : ردو عليااااا !!!!
محمود خش لفصله هو و مراد و ماردوش
_________________
03:30 م
هناء لابسة و كيف طالعة ..
نجاة : وين ماشية ؟
هناء شبحتلها : بنشري وشاح
نجاة : ماتمشيش بروحك
هناء استغربت : علاش ؟!
نجاة : توا قايلة و الدنيا خالية خودي وحدة من خواتك معاك
هناء تتأفف : يوسف لعبلك بعقلك ؟؟
نجاة فنصت فيها : كلمة قلتها
هناء : فكيني تو بتعطلني
نجاة و هي خاشة للحمام : المهم ماتمشيش بروحك
خلتها هناء خشت للحمام و لبست كندرتها و طلعت ..
لقت أحمد ف الجنان يلعب بالكورة
هناء : أحمد شن الجو
أحمد شبحلها : مليح ... تعالي العبي معاي
هناء ضحكت : عندي مشوار توا ... و طلعت لسيارتها
__
ركبت و ولعتها تسخن فيها
جي يوسف و درس سيارته قدامها
هناء شافاته و دارت روحها لاهية ف التليفون
يوسف نزل من سيارته و خش للحوش بدون مايكلمها
لقي احمد يلعب : راك تقعمز تقرا
أحمد شبحله : ماعنديش قراية
يوسف قعد يشوفله
أحمد : تلعب معاي ؟
يوسف : تعالى نبيك
أحمد ضرب الكورة تيرو و جاه : شني
يوسف : نبيك تمشي مع هناء
أحمد : وين ؟
يوسف : مش عارف
أحمد : لالا مانبيش
يوسف : علاش ماتبيش ؟
أحمد : اكيد ماشية للمحلات و اني مانحبش نمشيلهم محلات البنات
يوسف : شن رايك لو تمشي معاها نعطيك خمسة
أحمد : عشرة
يوسف ضحك : به
احمد : باهي علاش تبيني نمشي
يوسف : عس عليها ، و كان ناشبها حد قولي
أحمد سكت
يوسف : و نسمع بيك قايللها حرف نقتلك
أحمد : به و كان قالتلي لا ؟
يوسف : اركب طول من غير ماتسألها و ماتنزلش
احمد : به
يوسف : و وين ماهي تنزل انزل معاها ماتخليهاش بروحها
أحمد : باهي هات العشرة
يوسف طلع فلوس من جيبه : زي ماوصيتك ماتقوللها شي
خدي أحمد العشرة و طلع لهناء
هناء كيف بتطلع بالسيارة احمد جاها : راجي
هناء استغربت
أحمد فتح الباب و ركب
هناء تشبحله : خيرك
أحمد : خاطري نمشي معاك
هناء : انزل و فكني منك هيا
أحمد : غر خليني بالله عليك
هناء : لالا انزل
أحمد : ماهو نبي ناخد حاجة من الدكان
هناء : برا على رجليك
أحمد : علاش تلزي فيا ؟؟
هناء : لأنك نفاخ و حشيشتك التفرميط
أحمد : والله مانقول حاجة الله
هناء : انزل يا احمد ماتعطلنيش
أحمد : واااك علاش هكي ؟؟
هناء سكتت
أحمد : مش حانديرلك شي خيرك
هناء طلعت بالسيارة : به تو نشوفو
_____________
سنابل فتحت الباب و نزلت لحوش جدها منزلة بسبوسة
خشت للمطبخ و حطتها
خش عصام : شن جايبة معاك
سنابل : بسباسيتو
عصام ضحك : يا سلاااام
سنابل : تو نطيب شاهي و نجيبها
عصام : باهي مية مية
و طلع من المطبخ
بعد شوية خش محمد : احم
سنابل شبحتله : اهلا
محمد : شن حال راسك
سنابل ضحكت : كويس
محمد : حقا شن هو الموضوع متع امس
سنابل تلخبطت : فوته توا مش جاهزة
محمد استغرب : كيف مش جاهزة ؟
سنابل : تو نقولك بعدين
محمد سكت يقول ف عقله ( زعما اللي ف بالي )
______________
شرت هناء الوشاح و ركبت للسيارة هي و أحمد
أحمد مل : اعييت نبي نروح
هناء طلعت بالسيارة : علاش جاي معاي من الأول ؟ تستاهل
أحمد : ماهو كله من يوسف عشش
هناء شبحتله : خيره يوسف ؟
أحمد تلخبط و سكت
هناء : نكلم فيك خيره يوسف
أحمد : شي شي
هناء : توا تقولي
أحمد : بعدين يضربني كان نقولك
هناء : مش حانقوله
أحمد : لالا فكيني
هناء : باش نعطيك جني
احمد شبحلها : خمسة
هناء : به
أحمد : قالي برا معاها و كان ناشبها حد قولي
هناء ضحكت
أحمد : هي هاتي الخمسة
هناء : برا روح اكيد يوسف عاطيك
أحمد يصيح : والله الا ما ناخدها الله
هناء : باهي اسكت
أحمد : توا توا هيااا
هناء : لما ننزلو تو نعطيهالك
أحمد تلفت للروشن و شبح للسيارة اللي جنبهم : حييي هو نفسه
هناء شبحتله : مني ؟
أحمد : اللي ناشبك قدام المحل
هناء : سكر فمك و اسكت
أحمد يشوف للولد و يضحك : غر شوفيه يا هناء يكلم فيك 😃
هناء سكرت عليه الروشن : عرف اسمي ف جرايرك يا حمار
أحمد مازال يشوف للولد : عادي و كان عرف اسمك
هناء : معاش تشبحله فكنا منه
أحمد سكت و شبح قدامه
هناء : تعرف تقول ليوسف نهارك احرف
أحمد شبحلها : امالا هاتي عشرة
هناء : مصح وجهك و خلاص
أحمد بإستفزاز : بنقوووله 😛
هناء : والله نوريك
أحمد : هيا هاتيها توا
هناء فتحت شنطتها و عطاته خمسة
أحمد خداها منها : مازال خمسة
هناء : ماعنديش غيرها
أحمد : مادخلنيش فيك نبي خمسة تانية يا اما بنقول
هناء : نوصلو الحوش و نعطيك غر سكر فمك
( الولد قاعد يلحق فيها و هي ماتندريش )
________________________
سلسبيل تتكلم ف التليفون : ههههههههههه
سنابل بحداها : شن يقولك ؟
سلسبيل فتحت السبيكر : عاود عاود
الأفريقي : انا في حب انت و رايد انت في هلال
سنابل : ههههههههه و تجيبو مرتزقة صغيرونين😂
سلسبيل عطتها تيرو : تفو يا حيوانة
الأفريقي : الو ؟ شنو دوشة هادي ؟
سلسبيل سكرت السبيكر : انت اكيد تبصر وله ؟
سنابل تضحك 😂
الأفريقي ضحك : هههه لالا يا روهي
سلسبيل : كيف بنتزوجو و وين ؟؟
الأفريقي : اني جي ادوي مع بوك و نتزوزو
سلسبيل ضحكت : و وين بنسكنو ؟
سنابل تضحك : و مازال تسايري فيه ؟ تي سكري ف وجهه
سلسبيل تأشرلها بيدها بمعنى شوية بس
الأفريقي : نأزر هوش و نتزوزو
سلسبيل تضحك 😂
______________________
07:00 م
صغار العم مقعمزين ف الجنان يشربو ف الشاهي مع حلومة
سنابل : هدا غر عصام خاطره ف البسبوسة طلع و ماعاد روح
حلومة : صارله مشوار مستعجل قال
محمد يوشوش ف سنابل : صبيلي شاهي
سنابل شبحتله : صب بروحك
محمد : نبيه من ايدياتك
سنابل سكتت
هناء تشوفلهم : شن توشوشو 😃
سنابل شبحتلها : شي قال يبي شاهي
و ناضت تصبله
روان ضحكت و غمزت خوها محمد : مش قدامنا عاد 😉
محمد فنص فيها : شنو ؟!!
روان تضحك : شي شي
يوسف طلع : دوم الجَمعة ان شاء الله
حلومة ابتسمت : اوسيفه ! دوم هناك ياربي
يوسف ضحك و قعمز جنب هناء
هناء تلخبطت و وقفت : خيركم ماجبتوش امية ؟
يوسف شبحلها و سكت
سلسبيل : انتي وقفتي وقفتي خشي جيبيها
هناء : به .. و مشت بتجيبها
يوسف شبح لأحمد : احمد ؟؟
هناء وقفت ف مكانها و شبحتله
أحمد : نعم
يوسف : تعالى
أحمد جاه : شني
هناء تشوفله و ساكتة
يوسف : شن صار امبكري
احمد سكت و شبح لهناء ورا يوسف
هناء تفنص فيه
يوسف : نكلم فيك وين متنح ؟
أحمد شبحله : ماصار شي
يوسف : احلف
أحمد سكت و شاف لهناء
يوسف تلفت وراه لقاها واقفة
هناء تلخبطت و دارت روحها تنفض ف سروالها
يوسف شد احمد من عنفقته : شن تفاهمنا حني
أحمد خاف : خيرك ماصار شي
يوسف : كان ماتدويش نقتلك
أحمد خايف : في واحد ..
قاطعاته هناء : أحممدددددد
كلهم شبحولها 👀
هناء : تعالى حميدا نبيك 😅
يوسف شبحلها
أحمد هرب من يوسف و ركب لحوشهم يجري
يوسف يصيح : والله الا مانوريك يا احمد غر انزل بس
حلومة : خيركم ؟ شن جاكم اللطف ؟
محمد يشرب ف الشاهي : فوتيهم اكيد واخد رشوة و رخي بيهم
هناء ضحكت و خشت للمطبخ
يوسف مسح على لحيته و سكت
سلسبيل غمزت سنابل و ضحكو
حلومة وقفت : اني بنخش ظهري وجعني من الكرسي
روان وقفت : حتى انى بنخش
ناضو البنات معاها و خشو الداخل ، و قعدو محمد و يوسف مقعمزين
فجأة باب الشارع طق
محمد وقف : مني زعما
يوسف : بالك عمتك
محمد مشي يفتح : عمتي عندها مفتاح
فتح الباب لقاهم زوز نساوين شادين شكلاطة ، استغرب
النساوين : السلام عليكم
محمد : و عليكم السلام تفضلو !
المرا : هذا حوش هناء ؟
محمد : ايه ، انتي مني
يوسف يشبحله : مني يا محمد !!
محمد شبحله : ناس يبو هناء
يوسف وقف
محمد : اني طالع توا يا يوسف شوفهم انت
و تلفت للنساوين : خشو خشو تفضلو
النساوين خشو للجنان و هو طلع
يوسف قرب منهم : من نقوللها ؟
المرا مبتسمة : والله حني خطابة
يوسف تكنطا : و هناء عندها علم ؟
المرا : لا والله
يوسف : كيف ترا ؟ منين تعرفوها
المرا انحرجت و سكتت
يوسف : ماعرفتيش الجواب ؟
و أشر ع المرا التانية : استعيني بصديق
المرا التانية ضحكت : والله بصراحة خوي شافها اليوم و عجباته و حب يجي من الباب
يوسف دمه فار و علّا صوته : قصدك لاحقها للحوش ؟؟؟ و منين عرف اسمهاا !!
النساوين خافو و سكتو
يوسف يتحرك بِ ايديه و يصيح : اطلعي انتي وياهاا قدامي تحركي
المرا خايفة : خيرك يا وخيي شن جاك !
يوسف يعيط : اطلعووو يلي ماتتحشمووش خير مانطيح فيكم بطرف لوحة .. تلحقو ف بنات الناس لحياشهم !!
النساوين طلعو للشارع مصدومات
يوسف وراهم : وينه الثور اللي جايبكم نبيه تواا
النساوين ركبو لسيارتهم و روحوا
يوسف متعفلق : يلعن **** ماعنداش حتى الجرأة و يجيبهم هو المسخ
حلومة طلعت هي و هناء و البنات للجنان : خيرك تصيح في من تعارك ؟
يوسف خش للجنان : ناس مايتحشموش
هناء ساكتة
حلومة : من هما ؟
يوسف أشر على هناء : جايين يخطبو في ست الحسن و الجمال
هناء انصدمت : يخطبو فيا اني ؟ من يكونو !
يوسف متعفلق : نسألك انتي اللي كارتيه للحوش اليوم و يعرف حتى اسمك
هناء سكتت و مازال مصدومة
حلومة : استهدى بالله يا اوسيفه مافيها شي خيرك معقولة تتعارك معاهم !
يوسف : مافيها شي صار !!! ... ضرب الكرسي تيرو و طلع
حلومة مصدومة : خيره بسم الله !
سنابل زرتها الضحكة
________________________
08:30 م
نجاة طلعت من المطبخ شادة صونية كفتة : سنابل تعالي ارفعي الصونية هادي لمرت عمك سعاد
سنابل ادير ف زمالطو 💅 : تشوفي فيا شن ندير
نجاة : هاك هناء ارفعيها
هناء تتفرج ع التلفزيون : واك ماما ماخاطريش نطلع
نجاة فنصت فيهم : تي نوضو وحدة منكم تاخدها
هناء ناضت : باهي
خدت الصونية و طلعت اطق على حوش يوسف
تقول ف عقلها ( يارب يوسف مهناش )
فتح السنوسي : هنيوه ؟
هناء ضحكت : كيف حالك عمي
السنوسي : الحمد لله
هناء : وين مرت عمي
السنوسي : خليتها لوطه تبي حاجة ؟
هناء : لا غر بنعطيها كفتة
السنوسي : اها باهي خشي حطيها انتي اني نازل لجدك
هناء ترددت : من فيه ؟
السنوسي وهو نازل : مفيش حد خشي
هناء خشت للمطبخ حطت الكفتة و وقفت قدام دار يوسف ؛ مترددة تخش ولا لا
وقفت ف العتبة تشوف فيها
قربت من الشكماجة و فتحت مغطة العطر متعه تشم فيها و مبتسمة
بينما هي ذايبة ف ريحته ، يوسف خش للحوش و خش عليها ف داره بدون ماتحس
تفاجأ بيها و وقف ف مكانه يشوفلها
هناء حست بحد واقف تلفتت
لقت يوسف وراها انخلعت 😳
يوسف ابتسم
هناء كيف بتطلع يوسف سكر عليها الطريق : راجي شوية نبيك
هناء دفاته و طلعت تجري
يوسف لحقها : هناء !!
هناء خشت لحوشهم و سكرت الباب
يوسف حك شعره و ضحك
____________
بعد مرور عدة ايام 🌹
12:00 ص
سلسبيل : هو ف الجنان توا و قالي دبري كيف تخليها تنزل
سنابل : نقولولها تجيب خبزة و خلاص
هناء دوشت و طلعت من الحمام ؛ لابسة شورت أسود للركبة و تيشرت ابيض ربع كم فيه كتيبة بالإنجليزي
جتها سلسبيل : هنوشة يا احلى اخت ف الدنيا
هناء تمسح ف شعرها بالفوطة : هاتي من الأخير
سلسبيل : حبيب ألبك علاش زعلك هداكا اليوم ؟
هناء عقدت حواجبها : شني ؟!!!
سلسبيل تضحك
هناء : تعرفيني مانحباش التسهويك اهوا
جت سنابل توشوش : بالله عليك احكيلنا قريب نهبلو نبو نعرفو علاش يوسف خلاك تبكي لما رفعك للمقابلة
هناء : عندي شرط
سنابل : اطلبي عيوننا فداك
هناء : خاطري ف دحي بالقرقوش ديروهولي
سلسبيل : غالية و الطلب رخيص هنيوه
هناء : هيا امالا بسرعة لاني جعانة
سنابل : باهي انزلي جيبيلنا خبزة من امّيمه ماعندناش
هناء : خزي ماتديروش الحاجة بلاش
سلسبيل : سنابل اتطيبه و انتي تجيبي الخبزة و اني نغسل الماعين
هناء : به اعطيتوني اسهل حاجة
سنابل ضحكت : هيا بسرعة
هناء تشوف لروحها : اياح توا بنغير حوايجي
سلسبيل : علاش
هناء : مرات نتلاقى مع حد من الولاد
سنابل : تي من بتلقي في هالليل توا
هناء سكتت
سلسبيل : هيا خفي روحك
هناء مدت الفوطة لسنابل و نفضت شعرها من المية خلاته مفتوح و طلعت
سنابل ضحكت
سلسبيل شدت تليفونها تتصل بيوسف ..
يوسف فتح الخط : ايوه
سلسبيل : كيف نزلت لمطبخ امّيمه
يوسف : مية مية ، منورة
سلسبيل : بوجودك برو
______
لبست هناء شبشبها و نزلت ..
يوسف خش للمطبخ من باب الجنان و سكر الضي
هناء خشت للمطبخ من الباب اللي من داخل و فتحت الضي 💡
لقت يوسف انخلعت 😳
كيف بتطلع ..
يوسف قرب منها و شدها من ايدها : خليك شوية
هناء قلبها يدق : حول بنطلع
يوسف سكر الباب و شبحلها ....
يـتـبـــع ... 💗
__________________
لن أسمح بنقل الرواية دون ذكر المصدر ‼️