امراه لاتقهر - الفصل 4 - بقلم المجنون - مكتملة | روايتك

*✿⁠ࢪواية امراه لا تقهر✿⁠🎀♡* الاخير ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ غرام الروايات ‏تابع قناة غـ͓̽ـرٍآمـ͓̽ـ آلَرٍوٌآيـ͓̽ـآتـ͓̽ـ 🧚‍♀️📚💅💫 في واتساب: https://whatsapp.com/channel/0029VakuN1aHwXbJf5jj7w0J قلبي دق بسرعة، وحاولت أهدّي نفسي، بس مصعب شد إيدي وقال: دولت هانم احترمي نفسك وانتي بتتكلمي على مراتي ده أول حاجه ثاني حاجه أنا ما جبتش بنتي شرشوحه علشان تقولي عليها الكلمه دي انا مراتي بنت ناس ومحترمة ومتربية احسن تربيه؟! دولت بصت لمصعب وقالت بحدة: وانت ازاي تسمح لنفسك تاخد قرار زي ده من غير ما تاخذ راي؟انت ناسي ان ده حفيدي وانا لازما اعرف مين اللي بيهتم بيه ويا ترى عايش مرتاح ولا لا؟! لكن ليلى، بنت عمو العقربة ماستكتش كانت بترد عليها وبتلحن لها في الكلام وبتقول: معلش يا طنط مش كل الناس نظرتها بنفس نظرتك ربنا يهدي والناس تعرف ان هي غلطت ولازما تصلح غلطها ده في اقرب وقت لأن الغلطه دي ممكن تسبب دمار؟! الجد قال بصوت ثابت: كفايه قله ادب وكلام سخيف عيب اللي انتم بتقولوه ده مدام دولت انتي ست محترمة عيب اللي انتي بتقوليه ده وهو ما عملش حاجه غلط هو اتجوز على سنه الله ورسوله إيه الغلط ان حفيدك يكون مع مرات ابوه هي بنت كويسه جداً وهتعاملوا زي ابنها ودي سنه الحياة وكمان احنا ما عندناش رهبانيه في الإسلام يعني ولا الست تبقى رهيبه ولا الراجل يبقى راهب إيه المانع او إيه المشكله انه يتجوز ويبدا حياته من اول وجديد هو لازما يعني يروح يدفن نفسه جنب بنتك علشان يرضي حضرتك ؟! دولت ردت عليه و قالت: ماشي يا فؤاد بيه مدام كده قول لحفيدك اني لازم اربي حفيدي لان قانونيا هو في حضانتي بعد موت والدته على طول فاهم يا مصعب ولو ما ادتنيش الولد انا هعمل مشكله كبيرة وهاخده منك بالقوة لان ده آخر حاجه من ريحه بنتي! مصعب هز رأسه وقال بصوت عالي ومش عاجبه اي حاجه من اللي هي قالتها: ما حدش هيقدر يجي جنب ابني او ياخده مني غصب عني هو ابني ومريم مراتي واللي مش عاجبه الباب يفوت جمل انا محترم حضرتك لحد دلوقتي علشان خاطر المرحومة وعامل حساب لعضم التربه فيا ريت تبطلي طريقتك دي وعايزة تشوفي حفيدك في اي وقت انا ما منعتش حضرتك تشرفي و الباب مفتوح؟! الجو كله كان مليان صراخ وكلام حاد، بس حسيت إن قلبي مش قادر يستحمل كل الضغوط دي اللي كان مصبرني على ده كله مصعب اللي كان ماسك ايدي وبيقدملي الدعم ما كنتش احلم بيه ومش هيفرق معايا كلام اي حد ثاني بس كنت خايفه جداً ان فعلا الست دي تنفذ كلامها وتاخد يزن من مصعب واكيد هيبقى صعب قوي على مصعب ان ابنه يبعد عنه. دولت بدأت تصرخ أكتر، وقالت: انا بنتي كانت زي ملكه خسارة فيك وبسببك راحت وهي بتولد ما كانش ليها انها تحمل انت اللي عملت في بنتي كده! الجد وقف بصوت جهوري، وهو بيرفع إيده: كفاية كده! في إيه يا مدام دولت عيب الكلام اللي انتي بتقوليه ده وحرام عليكي عمرها كده وانتهى ما ينفعش أنك تقولي كده ! مصعب وهو بيرد على حماته وبيقولها: اولا انا ما كنتش اعرف ان بنتك عندها مشكله في القلب هي ما صرحتنيش بالحقيقه غير اما عدت اهم شهور في الحمل اللي بعدها ما ينفعش تعمل اجهاض؟! وثاني حاجه بقى والاخيرة ابني مش هتنازل عنه واعملي اللي حضرتك عايزاة ابني مش هيطلع من بيت ابوه وبلاش حضرتك تعاديني وتدخلي معايا في مشاكل؟! بس ليلى العقربة كانت بتبصلي بغل ولانها مش طايقه تشوف مصعب وهو ماسك ايد مريم قالت: معلش يا طنط دولي كبري دماغك منهم ويبقى نتكلم في الموضوع ده بعدين في وقت ثاني؟! وبلاش عصبيه علشان حضرتك ما تتعبيش ويا جماعه يا ريت تقدروا حالتها هي واحدة فقدت بنتها وكمان حفيدها مش معاها وتيجي فجاة تكتشف ان جوز بنتها اتجوز وتلاقي بنت غريبه اخذت مكان بنتها ليها حق تضايق حاولوا تفهموها وبلاش الطريقه دي ؟! حسناء حماتي ردت على ليلى وما سكتتش وقاليلها: ما تدخليش في كلام الكبار يا ليلى وكمان الست دي داخله وعايزة تاخد حفيدي بالقوة وهي اصلا ملهاش اي علاقه بحفيدي؟! وكمان هي ناويه تربيه ازاي وهي على طول في الديسكوهات وطول النهار في النوادي والحفلات بتاعتها هي فاضيه له ؟! انتي يا مدام دولت جايه تتكلمي على بنتك اللي ما كنتيش بتسالي عليها وحفيدك مين اللي انتي خايفه عليه اللي من ساعه ما ما'تت بنتك ما جيتيش الا مرتين شفتيه كنت اهتميت ببنتك الأول اللي كانت مقهورة من معاملتك اديها ما'تت وارتاحت منك كفايه كفايه اللي بنتك كانت بتقوله عليكي انك ظلمتيها وعمرها ما حست معاكي انك امها عايزة تدمري حفيدي زي ما دمرتي امه اتقي الله وروحي شوفي حياتك بعيد عننا ؟! دولت كانت هترد وكانت متضايقه جداً بس مصعب جاي عليها وقال بصوت جهوري: اسمعيني انا مش عايز مشاكل يا مدام دولت عايزة تيجي تشوفي حفيدك تمام مش عايزه اتفضلي من غير مطرود ! الجو كله كان مشحون بالكلام والصوت العالي وأنا واقفة شايلة يزن في حضني…وحاسه اني خايفه عليه جداً اكني ابني فعلا واكنه حته مني وكنت متضايقه جداً من الست دي رغم اني فهمت من كل اللي حصل إنها جدته بس باين عليها إنها مش كويسه خالص وانها ناويه على الشر. وبعد كده دولت خرجت من القصر وكانت متعصبه جداً وبعد كده مصعب جه عليا وقالي : مريم… ما تزعليش… من اي كلمه ممكن تتقال وتسببلي الجرح انا اسف انا اسف بجد انا عارف انك جرحت كتير؟! بصيت ليزن، وهو بيبصلي … حسيت إن ربنا اديني هديه جميله جداً من عنده رديت على مصعب وقلتله: لا ما فيش حاجه مش زعلانه والله اهم حاجه يزن يكون كويس وما فيش حد يقرب منه؟! مصعب قرب مني وراح بايس على راسي قدام الكل وليلى بنت عمه أول ما شافت الموقف قامت من مكانها وكانت الغيرة بتاكلها. مصعب جه عليا وهو بيصطنع الابتسامة وكان باين عليه الهم قال: ان شاء الله ما فيش حاجه هتحصل طول ما انا عايش يا جميل يلا خدي يزن واطلعي على الاوضه وانا هقول الخدم يطلعونا الفطار على فوق علشان شكلك تعبانه؟! حماتي ردت عليه بغضب وقالت؟! تابع...؟! #امرأة_لا_تقهر #الفصل_الثامن #الكاتبه_شيماء_طارق اسفه جداً على التاخير ﴿صلي على الحبيب قلبك يطيب﴾مديتلي ايديها وهي بتعرفني بنفسها وبتقول: انا اسمي زينب معاكي في الفرقه الاولى؟! ابتسمتلها وقلت: اهلا وسهلا بيكي! وبعد كده المحاضرة ابتدت وبعد ما خلصت المحاضرة رحت الكافتيريا وقابلت رنا هناك وطلبنا عصير وشويه ولقيت زينب جايه هي وبنت صاحبتها علشان تعرفها عليا. زينب: بجد… أنا معجبة بيكي. نفسي أكون زيك… ممكن تعلّمني ازاي البس الخمار ده وازاي البس اللبس الشرعي انا لبست الحجاب ده من سنه بس مش عارفه ازاي اطور منه؟ ابتسمت وقلبي كان طاير من الفرحه وانا بقول لنفسي : أخيرًا حد فاهم… حد بيشوف الجمال الحقيقي في الالتزام، مش في الشكل أو المظاهر. بدأت أشرح لها شويه عن الحجاب والأدب والالتزام، وحسيت إن اليوم ده مش كابوس زي ما كان واضح في بدايته بقى فرصه ان اخذ فيه ثواب واني اخلي حد يلبس ازاي الشرعي . وفي آخر اليوم، مصعب جه ياخدنا أنا ورنا علشان يوصلنا للقصر…كان باين عليا الزعل جداً ومصعب لاحظ بس ما رضيش يتكلم لانه في العادة مش كثير الكلام بس أنا اول مره في حياتي اكون قويه وارد كده بس انا كنت مبسوطه اني عرفت ارد على البنات دول و عارفه وجهه نظري. بعد شويه رجعنا القصر وانا كنت لسه متضايقه واول ما دخلت جوه لقيت يزن بينادي عليا وهو بيمشي بالعافيه وعايز يسيب ايد جدته وبيقول : ماماااا! قفلت عينيا للحظة… حسيت الدنيا وقفت…كان واحشني جداً اخذته في حضني وهو كان بيحضني بمنتهى البراءة حسّستني إنّي فعلاً بقيت أم… حتى لو مش ابني… بس اكن حبه اتزرع جوا قلبي من أول يوم بصيت له بحبه وقلتله: يا روح ماما… وحشتني قوي… تعالى قولي شربتي اللبن من تيته ولا لا؟! هز راسه بالرفض ان هو ما رضيش يشرب اللبن عملت نفسي زعلانه وقلتله: كده انا زعلانه منك كثير كثير كثير مش هينفع لازما تسمع كلام تيته وتشرب اللبن بتاعك؟! ابتسم وكان بيضحك وبعد كده سمعت صوت حماتي وهي بتتكلم بطريقه جديه جداً وبتقول: رنا! مريم! اطلعوا غيروا هدومكم وانزلوا عشان تتغدوا مع العيلة ابتسمت… وقلبي اتوتر شويه وبعد كده مصعب شاور لي وعرفت انه عايز يكلمني طلعت على الجناح بتاعي. وفجأة ظهر مصعب ابتسم… لكن ابتسامته مش عادية… كانت مليانة دفء وحماية هو بيقرب مني وبيقولي: مالك؟ إيه اللي مضايقك يا جميله؟ سكت… قلبي كان بيدق جامد ومش عارفه اسيطر عليه ومش عارفه احكيله اي حاجه من اللي حصلت وبعد كده حاولت اجمد واقوله : النهاردة في الجامعة… البنات… كانوا بيضحكوا عليا… بيبصوا بطريقة… غريبة… وكأن لبسي في حاجه غلط … حسّيت إني… مضطهدة… بس ما تقلقش انا رديت عليهم واخذت حقي! بصلي… نظرته كانت ثابتة… عيناه فيها حزم… وفي نفس الوقت فيها دفء: مريم… اسمعي… مش كل الناس بتفهم يعني ايه ستره بنت او بنت شاطرة ومجتهدة؟! الناس اللي بتتكلم بطريقه دي دول عندهم نقص بيحاولوا يطلعوه على الناس المحترمين اللي زيك؟! انا موجود ومش هخلي حد يضايقك اثبتي على اللي انتي فيه لانك صح؟! قلبي دق جامد… وانا بحاول اشكره على دعم ليا وبقول: تمام بس ما تقلقش انا رديت والموضوع انتهى خلاص مش عايزة مشاكل؟! ضحك بخفه وهو بيحاول يطمني ويحط ايده على خدي وبيقولي : لا يا جميل ما فيش حاجه اسمها مشاكل في دعم الراجل لمراته واكيد الدعم ده في الحاجات الكويسه بس ؟! ولو حد زعلها في وجودة وهو عارف ان هي زعلانه وما حاولش يجيبلها حقها او يراضيها يبقى هو مش راجل اصلا؟! حسّيت قلبي دافى…و روحي اتطمنت. مسك إيدي… وقربها ليه… وقال بصوت واطي: انتي… لما تكوني حاسة بالظلم أو بالاستغلال… أنا اللي هقف كل واحد عند حده… مش هسيب اي حد يضايقك؟! ابتسمت بصعوبة… قلبي دق من الجمال كلامه و حسّيت إن الدنيا كلها ملكي… اتكلمت بصوت واطي وانا مكسوفه جدا وقلتله: انا عارفه وقلبي مرتاح وانا شايفاك قدامي ومعايا! ابتسملي وبعد كده قاللي: يلا… نروح نتغدّى مع العيلة… وأنا جنبك… مش هسيبك لحظة. ضحكت بخجل… قلبي اتملى بالفرحه نزلت وقعدت على السفرة ورانا كانت بتبص لي باستغراب وحاولي تناكف فيا وبتقول: إيه يا جماعة… اتأخرتوا ليه ده انا لبست سبونج بوب بتاعي ونزلت بقى لي ساعه؟ وفجأة… الباب اتفتح ولقينا راجل في اواخر الخمسينات كان داخل البيت ولقيت مصعب أول ما شافه ابتسم وقام من مكانه ورنا كانت مبسوطه جداً وجدي فؤاد كان طاير من الفرحه وعمي يونس كان مبسوط قوي وحماتي حسناء وشها نور أول ما شافيته والبيت كله كان بيرحب بيه. رنا طلعت تجري وحضنيته كانت بتقوله يا بابا ايوه ده عمي عامر بابا مصعب ورنا وحماتي حسناء كانت مبسوطه قوي وبتبصله بحب ما كانش مصدقه نفسها لانه كان عاملها لهم مفاجأة. عمي عامر بدا يجي اتجاة السفرة ومصعب راح عليه وقاله: حمد لله على السلامه يا بابا وخدوا بالحضن وبعد كده سلم على العيله كلها وانا كنت واقفه مكاني ما كنتش عارفه اتحرك وعمي عامر أول ما شافني جه ناحيتي علشان كان عايز يعرف انا مين مصعب لاحظ ده راح جاي عليا وعلشان يعرفوا بيا ؟! مصعب حطي ايده على كتفي وقال لباباه بهدوء: دلوقتي لازم انا اعرفك على مراتي ونص التاني؟! دي مريم… مراتى. عيون عمي عامر اتسعت بصدمة واتجمدت لحظة… وبص لي وقال بصوت هادي: مراتك ازاي معقوله هو انت اتجوزت امتى؟ مصعب ابتسم وقاله: بقى لي شهر يا بابا من بعد ما سافرت بقى ايام؟! عمي عامر قرب مني شوية، وحط إيده على كتف مصعب وقال له بحنان: بجد انا مبسوط قوي اني شايفك سعيد يا مصعب ربنا يحميك ويديك الذريه الصالحه ويباركلك في مراتك وفي ابنك ؟! عم عامر أول ملاحظ ان يزن على ايدي ومستخبي فيا خدوا مني ويزن كان بيضحك ومبسوط جداً وراح لجدو فضل عمي عامر يلعبوا شويه وفضلنا قاعدين مع بعض وشربنا الشاي وكنا مبسوطين قوي. وشويه ولقينا واحد من الحرس بتوع القصر جاي وبيكلم مصعب ومصعب بعد ما اتكلم معايا كان متضايق جداً ؟! وبعد كده عرفنا ان في حد بره وعايز يقابل مصعب ضروري. وبعد كده مصعب دخل وحكلنا على كل حاجه حصلت ان حماته الست دولت رفعت عليه قضيه علشان تاخد يزن وبدات تعمل مشاكل وشكلها كده مش هتجيبها لبر. بس في الوقت ده حصلت الصدمه اللي انا لحد دلوقتي مش قادرة انساها؟! #امرأة_لا_تقهر #الفصل_العاشر #الكاتبه_شيماء_طارقمصعب قال بصوت مليان وجع: دولت هانم ام ياسمين رافعة عليّ قضية وعايزة تاخد يزن. حماتي حسناء صرخت وقالت: قضية إيه وازاي عايزة تاخد حفيدي ده ابننا احنا ومن لحمنا ودمنا؟! عمي عامر قام من مكانه كان متضايق جداً وقال: هي اتجننت ولا إيه ولا الشويه اللي كانوا فاضيين عندها راحوا بعد مو'ت بنتها؟! عمي يونس ضرب بإيده على الترابيزة وقال: ما تخافوش… القانون معانا انت ابويا يا ابني وانت احق واحد أنك تربيه لو حد فكر يقرب من يزن انا اللي هدفنه مكانه؟! مصعب بص لعمي يونس وقال له ابتسامه: ربنا يخليك يا عمي ويبارك في عمرك يا رب؟! بس في اللحظة دي… يزن بدأ يعيط قربتله وخدته في حضني وهو باين عليه انه متضايق جداً وزعلان . حماتي بصت وقالت :مالك يا يزن في إيه يا حبيبي تعالى يا قلب تيته؟! اخذت يزن في حضني وقمت وقفت وقلت لحماتي: يمكن جعان…هروح أعمله أكل وعصير. حماتي ابتسمتلي وقالت: تمام ! دخلت المطبخ وانا قلقانه جداً على يزن لأنه كان بيعيط بطريقه فظيعه غسلت إيدي وحضّرت الأكلة وفضلت اناغش فيه وانا بعمل الأكل واقول له: قلب ماما ثانيه والاكل هيكون عندك يا قلبي؟! وأنا بحضّر العصير حسيت بحد جاي من ورايا التفت وبصيت لقيت ليلى بتبصلي بطريقه غريبه جداً وبتقولي: محتاجة مساعدة؟ قلت بسرعة: لأ… شكراً. لفيت تاني علشان اعمل العصير في الخلاط وبعد كده خلصت كل حاجه ببص ورايا عشان اتاكد ان ما فيش حد في المطبخ فعلا لقيت ليلى طلعت وما فيش غيري في المطبخ انا ويزن شلت صينيه الأكل واخذت يزن في حضني وطلعت بره. كنت باكله وبلاعبه وشويه بعد دقيقتين بالظبط لقيت يزن بيصرخ وبيطلع حاجه بيضاء من بقه. صرخت باعلى صوتي وقلت: الحقني يا مصعب يزن؟! مصعب جري علينا وقال: في إيه؟! في إيه يا مريم ايه اللي حصل للولد؟! صرخت وأنا منهار على منظر الولد وبقول له: مش عارفة!!! والله ما اعرف بس هو بعد ما اكل عمال يرجع وحالته بقت عامله زي ما انت شايف!!! البيت اتقلب. حماتي حسناء دخلت تجري وهي بتعيط على اخرها وبتقول: يا ضنايا يا ابني ربنا يسترها عليك إيه اللي حصلك يا يزن!!! عمي عامر كان واقف وهيجنن وبيضرب كف على كف وبيقول: يلا يا مصعب لازما نلحق الولد دلوقتي بسرعه؟! مصعب عينيه كانت مرغرغه بالدموع وشايل ابنه على ايديه وكانت ايديه بتترعش وبيحط عليه حاجه وكان طالع بيه من الباب . فجأة… وانا خارجه ورا مصعب لقيت ليلى بتزعق فيا وبتزقني لورا وبتقول: انتي اللي عملت ده كله وكمان رايحه وراه انتي عامله زي اللي بيقتل القتيل وبيمشي في جنازته!!! زقيت ايديها وانا عايزة امشي وقالت :انتي اتجننت يا ليلى انا اعمل فيه كده ليه سيبيني خليني اروح ورا مصعب؟! قربت مني وهي بتزعق وقالت: إنتي اللي أكلتيه! إنتي اللي كنتي في المطبخ وحضرت الاكل وحطيتي للولد حاجه الله اعلم عملت فيه إيه! زعقت فيها وانا بعيط وقلتلها: انا ما عملتش اي حاجه هو انا هضر ابني؟! ضحكه ليلى بسخرية وقالت: ابنك؟! إنتي نسيتي نفسك ما تعشيش الدور عليا ده ابن ياسمين وانتي مرات ابوه بس؟ الكلام د'بحني. صرخت وأنا بعيط وقلت: أنا أعمل فيه كده إزاي؟! إزاي أأذي طفل؟! قربت مني أكتر وقالت بصوت مسموم: عايزة تمو'ته علشان تخدي مصعب لوحدك. عايزة تشيليه من طريقك. مصعب رجع تاني لانه كان ناسي مفتاح العربيه وشايف المنظر قدامه زعق وقال : اخرسي مش عايز اسمع صوت حد فين مفتاح الزفته!!! عمي يونس زعق لبنت وقالها : اخرسي يا ليلى إنتي بتقولي إيه خدي يا مصعب مفتاح عربيتي وانا هاجي باي عربيه يلا بسرعه!!!! عمي عامر كان بيصرخ: الولد هيروح مننا يلا يا مصعب بسرعه ما فيش وقت يلا يا يونس خلينا نمشي بسرعه عشان نلحق الولد!!! حماتي حسناء كانت بتولول وبتقول: يا رب ما تحرمنيش منه يا رب يخليه لنا يا رب ويشفيك ويعافيك يا ابني!!! مصعب خرج من البيت وكان بيشغل العربيه وانا طلعت وراه بسرعه وركبت جنبه واخذت يزن في حضني وبقول: يا رب…ما دروناش فيه يا رب يا رب يشفيه يا رب؟! العيلة كلها كانت بتجري والبيت اتملى حزن ودموع والكل راحه المستشفى بعربيتهم. وبعد كده وصلنا المستشفى ومصعب كان شايل يزن وبيجري وهو بيزعق: دكتور ابني بيمو'ت!!! الدكاترة جريوا علينا،واخذوا يزن من على ايد مصعب ودخلوه اوضه الطوارئ وانا واقفه بترعش ومصعب كان منهار. كنت بصرخ على اخري ورحت على مصعب وقلتله: والله انا بحبه والله ما هقدر اضره والله ما عملت حاجه يا مصعب؟! مصعب اتصرف بطريقه جميله جداً لو اي حد مكانه ما كانش هيتصرف كده بس هو اخذني في حضنه وقال: اهدي يا مريم واتمسكي علشان خاطري هو هيكون كويس أن شاء الله ربنا هيحفظه لي مش هيوجع قلبي فيه؟! حماتي حسناء قاعدة على الكرسي وبتدعي وتقول: يا رب…ده حفيدي الوحيد ما تحرمناش منه يا رب خليه لنا يا رب ما لناش غيرك يا كريم؟! اما عمي عامر كان واقف قدام باب الطوارئ، بيضرب الحيطة بإيده وبيقول بغضب: لو جراله حاجة…مش هسامح حد فيكم. كنت خايفه جداً ومرعوبه كنت حاسه ان الكل بيتهمني وبيلمح أني انا اللي عملت كده اما ليلى كانت واقفه بعيد ووشها مليان حزن مزيف وعينيها بتراقب كل حاجه من بعيد. وفجاه ليلى قربت مني وقالت بصوت عالي: ربنا ينتقم من اللي كان السبب. لفّيت لها وقلتلها: إنتي تقصدي إيه؟ ردت ببرود: انتي عبيطه اكيد قصدي عليكي انتي ما انتي اللي اكلت الولد وعملت فيه كده؟! مصعب لف لها فجأة وهو بيزعق وبيقول بمنتهى الغضب: ليلى اخرسي مش وقت كلامك اللي زي الزفت مش عايزة اسمع صوتك!!! عمي يونس شدها من دراعها وقال: إنتي فقدتي عقلك؟! الولد بين الحياة والمو'ت و انتي قاعدة بتتكلمي في حاجات ملهاش اساس مش الصحه نشوف الولد الاول وبعد كده نتكلم يا متخلفه! أنا حسيت ان الأرض بتلف بيا واني دايخه قعدت على الكرسي وانا ببكي على اخري وكنت بحاول اكتم دموعي لحد الدكتور خرج من عندي يزن. ومصعب طلع يجري عليه ومسكوا من دراعه وقال له: طمّني قولي ابني كويس. الدكتور قال بجدية: الطفل تعرض لتسمم غذائي. في مادة سامة في أكله. لو كنا اتأخرنا نص ساعة كان الوضع بقى أخطر. حماتي ضربت ايديها على صدرها وصرخت على اخرها وهي بتقول : تسمم يعني حد حط له سم في الأكل عن قصدي يا دكتور يا لهوتي؟! الدكتور: أيوه وده واضح من التحاليل. الدنيا سكتت وكلهم لف وشهم وبصوا عليا وحسيت نفسي واقفه جوه قفص الاتهام. بصيتلهم وقلتلهم: هو انتم بتبصوا لي كده ليه والله ما عملت حاجه؟! ليلى قربت خطوة وقالت: ما هو إنتي اللي عملتي الأكل هو في حد غيرك دخل المطبخ يا حلوه؟ قلت بسرعة من غير ما احس انا بقول إيه: إنتي دخلتي؟! ليه ما تكونيش انتي اللي عملت كده ؟! مصعب بصلي بنظره مليانه وجع وهو بيقولي: مريم انتي متاكدة ان الأكل كنت عاملاه مظبوط ما فيهوش أي مشكله؟ الكلمة كسرتني. صرخت وانا بعيط على اخري وبقول له: ما تظلمنيش يا مصعب والله انا مظلومه حرام عليكم ما عملتش حاجه وانا بحبه وعمري ما هعمل حاجه زي كده؟! عمي عامر بص لهم بغضب وقال: بس مش عايز كلام كثير انتم معاكم دليل على الكلام ده اصبري كلها دقائق والحقيقه هتبان ؟! مصعب مسك راسه ما بين ايديه وقال: أنا مش قادر أستحمل…ابني كان هيروح مني. قربت منه وانا بحط ايدي على كتفه وبقول: والله العظيم انا بحب يزن واعتبرته زي ابني ورحمه بابا وماما عمري ما فكرت اجي جنبه واذيه؟! ما ردش عليا بس دموعه نزلت وفضل ضامم ايديه على وشه لحد ما الدكتور خرج مره ثانيه. الدكتور : الحمد لله… الطفل بدأ يستجيب. بس لازم نعرف إزاي المادة دي دخلت جسمه. مصعب رفع راسه فجأة وهو بيقول: الكاميرات هي اللي هتوضح كل حاجه فريق الأمن في القصر وفرغ الكاميرات وزمانهم دلوقتي في الطريق القصر كله متراقب من اول البوابه الخارجيه لحد المطبخ واي مكان في البيت غير الاوض بتاعه النوم فيها كاميرات ؟! ليلى وشها اتغير… لأول مرة. بلعت ريقها وقالت: يعني إيه انت مش مصدق ان مراتك تقدر تعمل كده وازاي تحط كاميرات في المطبخ؟ رد عليها بهدوء مرعب وقال: أنا مش مصدق غير الحقيقة وبالنسبه للكاميرات ليه حطيتها في المطبخ انا زارع الكاميرات دي من زمان يعني هي مش جديدة في البيت و كل مكان في البيت الا الاماكن اللي ما ينفعش يتحط فيها كاميرات زي الحمام او اوضه النوم هي دي اللي ما زرعتش فيها بس؟! عمي يونس بصله وقال: احسن برده أنك عملت كده يا مصعب كده هنعرف مين اللي حاول يسمم الولد برافو عليك؟! مصعب بص لعمو بابتسامه هاديه وقال له: تربيتك يا عمي؟! ليلى كانت واقفه مرعوبه وماسكه نفسها بالعافيه علشان ما تبينش خوفها قدام الكل بس برده كان ظاهر حتى ابوها نفسه بدا يلاحظ لحد ما وصلت تسجيلات الكاميرات للمستشفى. #امرأة_لا_تقهر #الفصل_ال_11وقبل_الأخير #الكاتبه_شيماء_طارقكلنا كنا واقفين وخايفين جداً وقلوبنا بتدق جامد قوي لحد ما مصعب مسك اللاب توب وما خليش حد من العيله مشي وانا كنت جايه في الفيديو وانا بجهز الأكل وبحضر العصير وبعدين ليلى حاطط حاجه في العصير من غير ما اشوفها الكل وقف مكانه وهم بيبصوا لليلي وكانوا مصدومين. حماتي صرخت باعلى صوت وقالت : يا نهار أسود انت يا ليلى يطلع منك ده كله!!! وتعملي كده في الواد وعايزة تموتيه وتحسري قلبنا عليه حرام عليكي ؟! عمي يونس قاعد على كرسي وما كانش مستوعب وهو بيقول لبنته: انتي يا ليلي عملت كده ليه ؟! ليلى كانت خايفه ومرعوبه جداً وهي بتقول: مش انا مش انا دي طنط دولي هي اللي قالتلي اعمل كده وقالتلي ان الولد مش هينضر ومش هيحصل له اي حاجه هي بس بتعمل كده علشان تطلع مريم من البيت؟! مصعب قال بصوت مخيف: دولت؟ أم ياسمين؟ ليلى بانهيار ردت عليه وقالت : كانت عايزة القضية تنجح فقاللي هيتهموك انت ومراتك مريم بالاهمال وهياخدوا الولد منك وبعد اما تطلق مريم هتديه لك وانا كنت عايزاك وكنت غيرانه منها علشان اخذتك مني فوافقت اتعاون مع دولت علشان تنفذ خطتها بس والله ما كنت اعرف ان ده كله هيحصل اسفه يا مصعب اسفه؟! مصعب بصلها بغضب شديد وقال: حاولتي تمو'تي ابني وبتتاسفي انتي فاكرة الموضوع سهل كده انا مش هقدر اسامحك ده ابني وحته مني وانتي كنت هتمو'تيه انتي فاهمه انتي الحقد وصلك لفين ؟! وبعد كده داير وشه وبصلي وقال:سامحيني يا مريم اني شكيت فيك. كنت بعيط ومش قادرة ارد عليه ولا عارفه اقول له إيه. وبعد كده الدكتور طلع من جوه وقال: الطفل فاق وبقى كويس جداً تقدروا تدخلوا له؟! جريت انا ومصعب عليه ولقيته مفتح عينيه وبينادي وبيقول: ماما… حضنت وانا ببكي ومن جوايا مش عارفه انا ليه مقهورة عليه كده رغم آني اتظلمت في حاجه انا ما ليش ذنبي فيها ومش عارفه ازاي الناس بيجيبوا الشر ده كله وازاي بيكرهوا بعض حاجه بشعه مش قادرة اصدقها. مصعب قرب مني وقال بصوت واطي : نام؟ هزيت راسي وقلتله: أيوه… دخل عمي عامر وكان وشه متغير وكان باين عليه الحزن قوي وكان متاثر باللي حصل قال لمصعب: الشرطة مستنية برا. ليلى ودولت لازم يتحاسبوا. مصعب : دولت مش بس حاولت تاخد ابني… دي حاولت تقتله وحسابها هيكون عصير بس ليلى علشان هي بنت عمي وسمعت العيله لازما اطلعه من الموضوع ده حتى لو كانت غلطانه احنا اللي هنربيها. في الوقت ده خرجوا بره وانا قعدت لوحدي وانا شايله الولد على ايدي وتليفوني رن بس الرقم ما كانش ظاهر عندي باسم كان غريب فتحت وانا متوترة. : – ألو؟ صوت واحدة ست بس هو مالوف عليا ايوه عرفته انا ما اقدرش انساة هو الصوت اللي كان بالنسبه لي مصدر الرعب والخوف. مروة مرات خالي ايوه هي بترد عليا بمنتهى البجاحه وبتقولي: وحشتيني يا مريم. دمّي نشف وانا برد عليها وكنت مصدومه وبقول: مروّة؟! ضحكت ضحكة مستفزة وهي بتقولي: آه… لسه فاكراني؟ده انا قلت انتي نسيتي مرات خالك؟ زعقت فيها وقلتلها: عايزة إيه يا مجرمه يا اللي قتل’ت خالي؟! ردت عليا بمنتهى البرود وهي بتقول : ما فيش حاجه تثبت آني عملت كده ما علينا انا رجعت علشان اخد عيالي ومش عايزة اشوفك ولا اعرف حاجه عنك بعد كده بس رجعيلي عيالي؟! قلبي وقع في رجلي وانا خايفه جداً على العيال وبقولها: محمد وسندس لا طبعا مستحيل اديهم لك انتي مجنونه ولا إيه وكمان انتي مطلوب القبض عليكي! مروة: دلوقتي بقوا معايا. حسّيت الدنيا بتلف ليه وانا بسالها بزهول وبقول: إنتي خطفتيهم؟! مروة بمنتهى الوقاحه قالت: دول ولادي ما حدش يقدر يمنعني آني اخدهم بس ما تقلقيش انا لسه ما اخذتهمش ولا مشيت بيهم قلت اعرفك علشان ما تعرفيش من بره؟! حطيت يزن على السرير وقمت بسرعه ادور على مصعب كان هو في الوقت ده داخل من باب الاوضه وشايف منظري وانا باين عليا الخوف وبعيط على اخري سالني وقال. – مالك؟ بصّيت له برعب قلتله: مروّة رجعت…وراحت الملجا علشان تاخد محمد وسندس! مصعب اتجمّد مكانه وهو بيقول: ازاي ده انتي بتهزري ما ينفعش اصلا والملجا عليه حراسه قويه جداً ؟! سمع صوتنا عمي عامر وسال وقال : مالكم يا ولاد صوتكم عالي ليه ؟ حكيتله على كل حاجه وكان متعصب جداً وقال: دي بني ادمه رخيصه جداً لازما تبلغ الشرطه دلوقتي يا مصعب؟! مصعب مسك الموبايل وفعلا بلغ الشرطه وقال: الو عايزه ابلغ حضرتك ان في جريمه خطف دار الرعايه؟! في مكان تاني… مروّة كانت في دار الرعايه بتاخد الولاد بالعافيه ومحمد بيعيّط وبيقول: عايز مريم. زعقتله مروة وقالت: اخرس انت مع امك وبتسال على بنت عمتك اللي كانت شغاله عندنا زي الخدامه انا امك ما تخافش مني! سندس كانت مستخبية في الركن وهي بتقول: أنا خايفة انتي اللي عملت لبابا يحي كبير وخليتيه راح عند ربنا؟! مروّة قربت منها وهي بتقولها بعنف: انتي خايفه مني ليه انا امك وانتم ولادي وملكي انا وبس هجيب لكم كل حاجه نفسكم فيها هنعيش في مكان حلو وهدخلكم مدرسه حلوة وكمان هجيب لكم اب احسن من باباكم؟! محمد خبطها وراح ماسك اخته وقالها :ما لكيش دعوة بينا انتي وحشه احنا مش عايزينك احنا عايزين نرجع تاني الملجا؟! مروة كانت لسه هتروح عليه وتضربه بس كانت الشرطه وصلت في الوقت المناسب . اما عند مريم كانت لسه في المستشفى وكانت مستنيه تعرف ايه اللي حصل وكانت بتعيط ومرعوبه على ولاد خالها وفي الوقت ده تليفون مصعب رن. مصعب: ايوه يا فندم قدرتوا تمسكوها؟! الظابط : تم القبض على مروّة. الأطفال بخير هم دلوقتي معايا في قسم الشرطه ممكن حضرتك تيجي علشان تستلمهم او هنسلمهم لدار الرعايه. مصعب رد عليه وقال له :تمام يا فندم انا هاجي استلمهم بنفسي وانا هجهز الورق علشان اتبناهم ؟! الظابط: تمام يا مصعب بيه تنور في اي وقت؟! انا أول ما سمعت أنه قبضوا على مروة كنت فرحانه جداً وبعيط على اخري وبقول: الحمد لله…الحمد لله. مصعب مسكني من ايدي وقال : الحمد لله يا مريم ربنا قادر على كل شيء انا هروح قسم الشرطه دلوقتي وهجيب الولاد معايا القصر وهيعيشوا معانا لأني هتبناهم؟! كنت ببصله بامتنان وبقوله: شكرآ جداً يا مصعب انا مش عارفه من غيرك كنت هعمل إيه؟! مصعب بهدوء قال: مفيش شكر بينا خلي بالك من نفسك ومن يزن لحد ما اجيلك يا مريم تمام؟! في الوقت ده عمي يونس دخل علينا وكان باين عليه الزعل ويقول :حمد لله على سلامه ولاد خالك يا بنتي ما تزعليش من اللي حصل انا مش عارف بنت حصلها إيه؟! صعب عليا جداً وقلتله: والله ما زعلانه يا عمي انا والله زعلانه عليها هي ضيعت نفسها؟! مصعب راح على عمو قال: ما تقلقش يا عمي حتى بعد كل اللي هي عملته انا مش عايزها تتحبس لأن لو اتحبست يبقى مستقبلها ضاع أنا كلمت الظابط ان هي تكون شاهد ملك لأنها لسه صغيرة والست دي استغلت إنها مش فاهمه حاجه وما تعرفش ان ده سم اصلا وخليتها حطيته في الاكل! عمي يونس راح على مصعب واخده في حضنه وقال : ربنا يخليك يا ابني ويحميك لشبابك ويخليلك ابنك ويرزقك الذريه الصالحه يا رب انا مش عارفه اقولك إيه انا عارف ان بنتي غلطت وان غلطها ما يختفرش بس انت قلبك كبير وطول عمرك كده يا مصعب؟! مصعب :يا عمي انا طول عمري بعتبرك زي ابويا وليلى زي اختي فعمري ما هرضى ان اختي تتحبس؟! عمي عامر دخل عليهم وقال :هي إيه اللمه الحلوة دي يا شباب متجمعين عند النبي عليه الصلاة والسلام ؟! مصعب : عليه افضل الصلاة والسلام ما فيش يا بابا انا رايح اجيب ولاد خال مريم وهرجع على طول تمام؟! عم عامر رد عليه وقال: ايوه انا عرفت ان الحكومه قبضت على مرات خالها لسه جايلي الاتصال من شويه تمام ما تعوقش يا حبيبي علشان الدكتور كتب لابنك على خروج وهنروح على البيت يبقى تعالى لنا على هناك؟! مصعب: تمام يا بابا. بعد ساعات رجعنا من المستشفى ويزن الحمد لله حالته كانت مستقرة كنت شايلته على كتفي وحضناه جامد وبقول: الحمد لله على سلامتك يا حبيبي . وهو كان حاضني جداً ما كانش عايز يسيب حضني اول ما وصلنا عند باب القصر جينا مصعب جايه ومعايا محمد وسندس وكانت احلى مفاجأة في الدنيا كلها. مصعب جابهم وجيه عليا وقال لي: اخيرا الانسه سندس والاستاذ محمد هيكونوا موجودين في قصر عيله البنهاوي. كنت مبسوطه جداً والدموع نازله من عيني وانا بقول:محمد وسندس بجد والله انا مش مصدقه نفسي؟ مصعب بصلي بهدوء وقالي حاجه فرحت قلبي: من هنا ورايح محمد وسندس بقم زيهم زي يزن؟! شهقت وانا ببص وبقول : بجد يا مصعب؟! مصعب ابتسم ورد وقال: ايوه بجد امهم اتحبست وهيتحكم عليها بالاعدام وابوها متوفى وانتي يا مريم اقرب حد ليهم لأنك بنت عمتهم والورق ده يثبت اننا ينفع نتبناهم؟! حطّيت إيدي على قلبي وأنا بعيط في صمت. كنت حاسة إن ربنا بيعوّضني عن كل وجع فات واكبر عوض كان من ربنا ليا هو مصعب احلى حاجه حصلتلي في حياتي. أول ما دخلنا البيت شفنا جدي فؤاد واقف مستنينا وعينيه مليانه حنيه وأول ما شاف يزن فتح دراعه وقال: تعال يا نور عيني… تعال لجدو. مصعب قرّب واداله يزن وجدي فؤاد خده في حضنه وفضل يطبطب عليه ويقول: الحمد لله إنك رجعت بالسلامة يا واد. محمد وسندس دخلوا ووقف هو ورايا وكانوا لازقين في بعض وكان باين عليهم الخوف جداً. قربت منهم ونزلت على ركبي قدامهم وقلتلهم: ما تخافوش… ده بيتكم. محمد بصلي بعينين مليانين دموع وقال: – بجد يا مريم؟ مصعب قرب منهم وقال : بجد يا بطل. من النهارده إنت وسندس بقيت ولادي يعني انا دلوقتي باباكم ايه رايك؟! محمد هز راسه بكسوف وسندس كانت فرحانه جداً وجت عليا جري وحضنتني وكانت فرحانه جدا . في الوقت ده حماتي جت عليا وقالتلي بصوت مليان حزن: حقك عليا يا مريم معلش يا بنتي والله انا ما كنتش اعرف معدنك الطيب؟! رديت عليها وقلتلها بطيبه زي العادة :ما تقوليش كده انتي زي والدتي ما ينفعش تعتذري مني انتي تعملي اللي انتي عايزاه؟! ردت عليا بدموع وقالتلي: – ربنا يجبر بخاطرك يا مريم انتي زي بنتي بالظبط وتقوليلي يا ماما انا كان عندي بنت واحدة بقى عندي اتنين. وراحت جايه وضمتني لحضنها وانا كنت مبسوطه قوي وطايره من الفرحه ان اخيرا اعتبرتني بنتها وخدتني في حضنها بالطريقه دي وهي ست جميله جداً اي نعم كانت ناشفه معايا الأول بس دلوقتي حسيت قد إيه هي طيبه. عم يونس وجه الكلام لمصعب وقال له: اللي انت عملته يا مصعب ده عمره ما يتنسي يا ابني شكرآ على كل حاجه عملتها معانا ليلى اخذت اخلاء سبيل وانا هبعتها لامها تعيش معاها بعد كده مش هخليها معانا هنا لأنها فعلا كانت محتاجه ام توجهها انا كنت على طول في الشغل ومش فاضي لها؟! مصعب رد بهدوء وقال: صح يا عمي ربنا يخليك ويبارك في عمرك يا رب. جدي فؤاد بصلنا كلنا وقال : الحمد لله يا ولاد ربنا يجمعنا على خير يا رب؟! في الوقت ده اخذت يزن في حضني وهو نايم ومسكت محمد في ايدي وسندس كانت مستخبيه في طرف الفستان واخيرا اخذت نفسي وعرفت ان لكل ظالم النهايه وان ما فيش حد حقه بيضيع واللي بيسيب مظلمته عند ربنا عمره ما بيخيبه وحتى لو طال الزمن حقك راجع يعني راجع حتى لو ما رجعش وتاخر شويه خلي عندك يقين وعشم في الله وربنا ان شاء الله هينصرك نصر عزيز المقتدر. قصر بقى مليان سعادة وانا كملت تعليمي ووصلت لاخر سنه في الجامعه وخلاص جيب ميعاد التخرج ومحمد وسندس كبروا محمد بقى في اعدادي وسندس في ابتدائي ويزن دخل المدرسه رغم آني لحد دلوقتي ما بداتش حياتي مع مصعب بس بقى عندنا ثلاث ولاد ماليين حياتنا مصعب فضل معايا ويدعمني خطوة بخطوة لحد ما وصلت اللي انا فيه ده. وفي يوم كنت قاعدة ماسكه الكتب بتاعتي لقيت مصعب جاي عليا وبيقولي بابتسامه هادي: إيه الأخبار يا دكتورة مريم؟ بقتي محترفة دلوقتي؟! ضحكت بخجل ورديت عليه وقلت: الحمد لله ده كله بفضلك انت يا مصعب انا من غيرك ما كنتش وصلت للي انا فيه وخلاص الحمد لله خلصت وهنقدر نبدا حياتنا لأني ما اقدرش اعيش من غيرك؟!. مصعب وقف لحظه وبصلي بعينين مليانه حب وحنيه وبيقول الكلام ده وانا حاسه ان هو بيطلع من ورا قلبه بس من يوم ما عرفته وانا عارفه ان هو مش اناني: مريم انتي في عز شبابك ليه تدفني نفسك مع راجل كسر الاربعين وبقى عنده كم شعر بيضاء ممكن دلوقتي تطلقي وتتجوزي شاب من سنك وتعملي كل حاجه انتي نفسك فيها انا خلاص ما بقتش انفعك يا دكتورة مريم ؟ بصيتله بدموع وقلتله: زي ما انت ضحيت بحياتك وقعدت تمن سنين مستنيني… أنا مش هقدر أسيبك دلوقتي وكمان انا عايزاك وما اقدرش استغنى عنك و الكام شعره البيضاء اللي عندك دول انا بحبهم قوي ومش هخليك تصبغهم على فكرة انا عايزاك زي ما انت يا عوض ربنا ليا؟! ابتسم بحنان وقال: والله يا مريم مش بهزر انا مش عايز اكون انيني معاكي واجبرك على حاجه انتي مش عايزاها والسبب هو انك تردي الجميل وانا شايف اللي عملته معاكي ده طبيعي وما فيش جميل بينا لو عايزة تكملي معايا تكوني فعلا عايزاني بجد وبتحبيني بس موضوع رد الجميل انا مش عايز. رديت عليه وقلتله وانا منهارة في الدموع ومش مصدقه ان ممكن ابعد عنه: انا عايزاك والله وبحبك انت اخويا وابويا وحبيبي وجوزي وكل حاجه في حياتي مش عايزة غيرك من الدنيا انت لو بعدت عني يبقى بتاخد روحي مني؟! مصعب ضمني لحضنه وكان مبسوط جداً وفضل يلف بيا في الاوضه واحنا الاتنين مبسوطين جداً وحياتنا بقت مليانه سعادة ودلوقتي خلاني بقيت مراته قدام ربنا وقدام كل الناس. و مرت الايام وكل يوم كنت بحس ان حبنا بيكبر مصعب كان بيحبني في كل لحظه حتى لو كانت بنظرة من غير كلام كنا بنفهم بعض بلغه الاشارة رغم ان فرق السن بيننا كان كبير جداً بس القلوب كانت بينها لغه حوار . محمد وسندس بقوا جزء من حياتنا اليومية… بنلعب معاهم، بنعلمهم، بنفرح بكل بكل حاجه في حياتهم ويزن دلوقتي بقى احلى حاجه في حياتي ودنيتي اكني ابني بجد وانطبق علينا المثل بتاع الام اللي بتربي مش الام هي اللي بتولد. بعد ما سمعتوا حكايتي… حابة أقول كلمة من قلبي كلمة يمكن تكون بسيطة بس طالعـة من وجع وتجربة الحياة ما كانتش رحيمة معايا ولا مع ناس كتير زَيّي اتظلمت واتكسرت… واتقال عليّا كلام عمري ما عملته. بس اتعلمت حاجة واحدة: إن الصبر مش ضعف بالعكس الصبر هو شجاعة. وإن السكوت مش دايمًا عجز والثقه في ربنا والقرب منه احسن من اي حد في حياتنا.. شفت بعيني ناس بتلبس قناع الطيبة وقلوبها مليانة شر. وشفت ناس بسيطة و غلبانة، ما تعرفش تاذي ودول اللي ربنا حماهم ونور بصيرتها المجتمع ساعات بيظلم النظيف وبيكسر ابو قلب طيب وبيحاسب صاحب الحق وبيسيب صاحب الباطل بس الحقيقة اللي اتأكدت منها: ان ربنا عمره ما اضيع حق مظلوم ولا وجع قلب مكسور ولا دعوة حد بجد بقولكم لو كنت مظلومين ما تبطلوش تدعوا ربنا حتى لو اخر دقيقه في عمركم ربنا بيستجاب دعوه المظلوم وبيرجع له حقه حتى لو اتاخرت شويه بس الحق بيرجع لاصحابه ده انت لو مت ممكن حقك يجيلك وانت في تربتك لأن ده وعد من ربنا. وكمان اتعلمت إن اللي بيظلم غيره، مهما طال الزمن نهايته وحشة وان اللي بيسيب حقه عند ربنا ربنا بيرده له في الوقت الصح وبالطريقه الصح وبيجيبله حقه بطريقه ما كانش يتخيلها او يتوقعها. احنا محتاجين في الزمن ده قلوب نضيفة محتاجين ناس تخاف على بعض تحمي، وتحب، وتستر مش ناس بتاكل في لحم بعض كنت فاكرة إن الطيبة ملهاش مكان، وإن الرحمة بقت ضعف بس ربنا ورّاني إن لسه في الدنيا خير وفي عوض لسه مشتال للوقت المناسب. واللي عايزة أقوله في الآخر: ما تكونش سبب في وجع حد وما تحكمش على حد من غير ما تعرف حكايته وما تظلمش… لأن دعوة المظلوم بتطلع لسبع سماوات وما فيش بينها وبين ربنا حجاب. دي حكايتي حطوها حلقه في ودنكم في الآخر الدنيا بتمشي والناس بتمشي وما بيفضلش غيرك قدام ربنا رجع حق المظلوم واجبر خاطر المكسور واعمل لبكره . تمت بحمد لله #امرأة_لا_تقهر #الفصل_الأخير #الكاتبه_شيماء_طارق انتظروني غداً ان شاء الله في روايه جديدة هتكون صعيدي هتعوضكم عن التاخير اللي كنت بتاخر عليكم فيه كل سنه وانتم طيبين ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏