الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم كوني انت`*
*❴🔢❵الـــبـــــــــــ❴4️⃣والأخير❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#الجزء_الرابع
#بقلم_يمنى_عفيف
شافهم اياد واقفين برا حكى:تفضلوا في موضوع مهم حنحكي فيه
دخلوا ريناد وسماح وريناد قلبها بين اجريها
الدكتور اياد:من كم يوم اجيتوا يا ريناد سامر ويا ريناد مُحب اخذتوا تحاليلكم ريناد سامر طلع عندك فيروميالجيا وريناد محب عندك نقص فيتامينات مش اكثر …سؤالي هو …لما اخذتوا التحاليل ما فتحتوها ؟
نطقوا مع بعض:لا
الدكتور اياد: ليش؟
حكت ريناد وهي ماسكة بايد سماح وبتضغط عليها :لانه عرفنا شو نتيجتهم فما في داعي نفتحهم
هزت ريناد محب راسها بتأييد
الدكتور اياد:وهالشي غلط لانه صار في خلل واعكوكم تحاليل بعض…يعني ريناد سامر عنذك نقص فيتامينات وريناد مخب عندك فيبروميالجيا وحنعمل خطة للعلاج
بس سمعت انه عندها فيبروميالجيا حملت شنتها وطلعت ركض من غرفة الدكتور اياد
اما ريناد صارت تبكي وحكى الدكتور اياد:احنا بنعتذر منك انسة ريناد عهالخلل واللي اكدلنا انه انت مش مصابة التحاليل اللي كلفناك تعمليهم لنتأكد من وجود التهاب او جينات حاملة لهالمرض
مد ايده وعطاها مغلف تحاليلها اللي بتبين شو الفيتامينات اللي عندها نقص فيها
وقفت ريناد وحكت:شكرا الك دكتور
يلا سماح
طلعت هي وسماح من عند الدكتور وهي طايرة من الفرح…شو حلو انك تكون متشائم وخايف من شغله وفجأة تطلع مش موجودة …صارت تصرخ بساحة المستشفى زي المجنونة:الحمد للع الحمد لله انا مش مرييضة ياااااااااااهوووو
سماح كانت بتبشر نهى وعلا مسكتها من ايدها وهي بتضحك وحكت :فهمنا بس بلا فضايح روحي عالبيت احكي لاهلك
ريناد:وهو هيك
افترقوا ريناد وسماح
سماح رجعت عالجامعة وريناد راحت عالبيت
دخلت وكانت امها قاعدة بتبكي …قربت لعندها حضنتها وحكت:ليش بتبكي؟…اذا عشاني فتفضلي شوفي هدول الفحوصات
مسحت سهام دموعها وحكت:لا ما في شي بس كنت اقطع بصل
ريناد :مااامااا مش علي…شوفي هالفحوصات الله يخليك ِ
فتحت سهام المغلف وطالت التحاليل وما عرفت شو فيهم:ريناد احكيلي المضمون لانهم بالانجليزي
ريناد:اللي فيهم اني شهرين ورح اموت فما كان بدي تبكي وتضيعي كم دقيقة لازم اقضيهم معك
رجعت سهام تبكي اكثر واكثر
فحكت ريناد:بمزح ماما كانوا مخربشين بيني انا وكمان بنت وانا ما عندي اشي غير نقص ڤيتامينات وحديد
قربت لعند ريناد حضنتها وحمدت ربنا:الحمد لله الحمد لله يا ربي…يا عيون امك انت ِ …جبتِ الڤيتامينات والحديد؟
ريناد:لا ماما نسيت
سهام:طيب هسا بتصل بأبوك ببشره وبوصيه عليهم
ريناد:طيب ماما انا داخلة انام لاني تعبانة
سهام:ريناااد
ريناد:ماما مش يعني اذا صار خربشة بالفحوصات معناته بطل عندي نقص ڤيتامينات وبضل تعبانة ونايمة تحمليني هالفترة بس
سهام:طيب روحي
دخلت ريناد لبست اواعيها وحطت راسها لتنام …وربطت المنبه ساعة وحدة لتقوم تدرس وبعدها تكتب وتنشر عمدونتها
اما سهام اتصلت بسامر
واول ما رد حكت باندفاع:ريناد طلعت مش مريضة وصاير خربشة بالفحوصات بينها هي وكمان وحدة رح اوديلك الڤيتامينات اللي لازم تجبلها اياهم وانت مروح
ضحك سامر وحكى:الحمد لله …حاضر…وهسا بدك اشي عندي شغل سلام
سهام:سلام
سكرت سهام الخط مع سامر واتصلت على ريم مشان تحكيلها
صحيت ريناد بعد ساعة…طلعت وكانت ريم مروحة وصوتها طالع ومبينة فيه نبرة الفرح…طلعت ريناد من الغرفة وحكت: شو في؟
ركضت ريم وحضنتها:اول اشي خبر الخربشة بالتحاليل وانت مش ومريضة…ثاني خبر اني ربحت بالمسابقة تبعت المعرض بالمركز الرابع …رح ارسم اغلفة لكتابين ورح اوخذ مبلغ عكل غلاف
ريناد~ابتسمت~:مبروك…انا رايحة ادرس
وكملت طريقها للغرفة…وزي عادتها حطت كتبها واوراقها ومحاضراتها مشان تدرس…برغم تعبها الا انها قدرت تنجز اللي ناوية تخلصه
ريناد~رفعت ايديها~:اووه واخيرًا خلصت
اخذت لابتوبها وقعدت عالمكتب وقررت تكتب مجموعة نصوص لتنشرهم عالمدونة
وبلشت تفكر عن شو بدها تكتب: عن شو بدك تكتبي يا ريناد عن شو؟
فقدان الشغف
انطفاء الروح
تلاشي الاحلام
هالمواضيع حلوات وواقعيات
تركت ريناد حالها لافكارها مشان تسيرها زي ما بدها
ساعتين ونص وهي ورا هالشاشة ومش حاسة بالوقت لتكتشف انها كتبت 9 نصوص متنوعة ورفعتهم كلهم عالمدونة
انصدمت وحكت:وااو…عملت انجاز حلو وكبير…رح اعمل كمان خطوة
قررت تخطي خطوة جريئة شوي بالنسبة الها…نسخت رابط المدونة…نشرتها عكل مواقع التواصل الاجتماعي اللي بتخصها وودتها لكل الناس اللي بتعرفهم
اندق باب الغرفة ودخلت سهام :يلا الاكل جاهز وابوك اجا
سكرت ريناد اللابتوب وقامت وحكت قبل ما تقوم عن الكرسي:النا كمان قعدة بالليل يا عزيزي
وضحكت وقامت
وبالمطبخ
اول ما شاف سامر ريناد جاية فتح ايديه الها وهو بشكر ربه بسره لانه ربنا معافي بنته وما عندها امراض
قربت لعنده وحضنته والدموع بعيونها:انا ما عندي مرض يوخذني منكم كنت خايفة عليكم بس اموت
سامر:هشش…ما تحكي هيك …وهي كل ادويتك بالكيس بغرفة القعدة
قعدوا كلهم عالطاولة وحكت ريناد:أنا عرفت شو موهبتي ووين مكاني الصح
انتبهولها كلهم وركزوا معها:احيانا في شغلات بتصير معنا احنا بنفكرها اشي بشع بس بكون باطنها حلو يعني انا لولا هالخلل بالتحاليل والا ما كنت اصريت لاقدر اثبت لحالي اني موهبتي هي الكتابة وانه انا كاتبة وحيكون اسمي بيوم من الايام الكاتبة ريناد سامر
سكتت لتوخذ نفس وشافت نظرة الراحة والفرح بعيون اهلها…يمكن كثير ناس ما بهمهم اذا اكتشفوا مواهبهم او لأ…واذا ولادهم لقيوا حالهم وانوجدوا بمكانهم الصح…بس فعليا هالموضوع مهم كثير وموهبتك بتمثلك…
كملت حديثها:تعلمت درسين مهمين من رحلة بحثي عن موهبتي
الاول انه مش ضروري اقلد غيري عشان تصير موهبتهم عندي ومش لازم ادخل مجال مش مجالي بس لانه في ناس فهالمجال ومبدعين فيه
اما الثاني غلط كبير انه الانسان يستنى لاخر رمق بحياته مشان يفكر يوجد موهبته …احنا لازم ندور عموهبتنا من وقت ما نتفتح على هالدنيا
خلصت حكيها واخذت نفس عميق
ريم:بحب كونك اختي
سهام:فخورة انك بنتي
سامر:الكاتبة ريناد سامر…وقت بدك اي اشي حتلاقيني معك
فرحت ريناد بهالحكي وحست حالها عملت انجاز من زمان لازم عملته
خلص هالنهار المتعب والمفرح بنفس الوقت بالنسبة لريناد واختفت الشمس بكبد السما…دخلوا الكل ليناموا وانطفت ضواو هالبيت…الكل ناموا الا ريناد…بس تأكدت انه اهلها جميعهم نايمين عملت كاسة قهوة وحطت شال عكتافها واخذت لابتوبها وطلعت على برندة غرفتها مشان تكتب
الهدوء المحيط فيها…والعتمة الا من اضاءة شاشة اللابتوب الخفيفة…والهوا اللي بحرك خصل شعرها والشال اللي عكتافها…كلها كانت اجواء مثالية لريناد…مشان تطلق العنان لقلمها…بس هالمرة مش نصوص يرتفعوا هالمدونة …لأ هالمرة ريناد حطت هدف براسها وبتسعى مشان تحققه وتوصل لحلمها
همست لنفسها:انتِ قدها شوية وقت وتعب بس اللي بفصلوك ِ عن حلمك
…………………………
بقيت ريناد فترة كبيرة ماشية على نفس الروتين…تصحى الصبح تجهز حالها للجامعة…ترجع من الجامعة توكل وتوخذ ادويتها…تكتب وترفع عمدونتها اللي صار عندها فيها اكثر. من 6000 قارئ وقارئة…وبالليل بس يناموا كل اهلها تطلع عالبرندا وتشتغل عاللابتوب…لحتى مرة صحيت ريم بالليل عطشانة واستغربت انه ريناد مش بتختها
ريم:وينهادهاي الهبلة؟…يمكن بتوكل او بتدرس بغرفة القعدة
فتحت باب الغرفة وتطلعت عالبيت …بس كله مطفي…خطر ببالها انها تكون عالبرندا …فتحت باب البرندا وشافت ريناد
ريم:شو بتعملي هون بهالوقت
ارتبكت ريناد وحكت:علي بحث للجامعة بحاول اخلص فيه
قربت ريم لعند اللابتوب وبس شافت اللي مكتوب فتحت عيونها عالاخر وحكت:وااااو…~تطلعت عليها وعطتها غمزة وكملت~:بحث للجامعة حكيتيلي…هسا بدي اعرف شو الموضوع
تنهدت ريناد وقررت تحكيلها كل شي لانها خلص كشفتها:رح احكيلك كل شي
بلشت ريناد تحكي واسترسلت وهي بتحكي عن فكرتها وبس خلصت تطلعت على ريم بنظرة رجاء وحكت:بس ما بدي لا ماما ولا بابا يعرفوا بالموضوع حابة اخليه مفاجأة
ريم:اتفقنا…كم الك عهالحالة؟
ريناد:حوالي الشهر ونص
ريم:طيب وكم بدك لسا ؟
ريناد:اسبوعين وبكون الموضوع كل شي جاهز
ريم:طيب شو رأيك لو صاروا أسبوع؟
ريناد:بس ما بلحق
ريم:انا رح انظم وارتب لكل شي انت عليك تلتهي بس باللي بتعمليه
…انتِ خلصت ِ؟
ريناد:لا لسا بكرة بخلص…وبضل علي شغلتين صغار بس
ريم:عرفتهم…ورح اهديكِ شغلة عن عن طريق موهبتي
ضحكت ريناد وعيونها ضحكوا قبلها وهجمت على ريم تحضنها:ياي ياي
ريم ~بثقة~:بعد بكرة حيكون عندك بس عطيني التفاصيل
ريناد:ماشي…انا اصلا ما عندي دوام بكرة
ريم:عندي محاضرتين بحضرهم وباجي مشان نطلع بس كوني جاهزة
ريناد:اتفقنا
قاموا ودخلوا عالغرفة ليناموا…ريم نامت مباشرة…اما ريناد بقيت تحلم باللي حيصير باليوم الثاني…ضلت الخيالات توخذها وتجيبها لحتى غفت
•_•_•_•_•_•_•_•_•_•_•_•_•_•
صحيت ريناد وهي لسا مش شبعانة نوم بسبب السهر بالأيام الماضية كانت الساعة 10 …خلصت كل شي عليها والروتين اللي بتتبعه كل يوم ومسكت اللابتوب…ضلت تكتب وتكتب لتخلص لحد ما صارت الساعه 1…قامت وهي فرحانة انها خلص خلصت اول شغلة
لبست وحملت اللابتوب واغراضها بوصلة ريم اللي دخلت مباشرة لعند ريناد
ريم:جاهزة؟
ريناد:آه يلا
طلعوا من الغرفة ولقيوا سهام:وين رايحين؟
ريم:جمعة مع البنات ماما
سهام:ابوكم بعرف؟
ريم:اتصلت عليه ووافق
سهام:خلص روحوا بس ما تتأخروا
ريناد:ماشي ماما…امشي ريم
وبالتكسي عالطريق
ريم:انتِ ليه ما خليتِ الغلاف والتدقيق و صف الصفحات من ضمن شغل دار النشر؟
ريناد:لإنه بدي لييجي دوري عالأقل شهرين ما بين تدقيق و صف وغلاف
ريم:ايوا…طيب وهاد المدقق ما حكالك كم بده؟
ريناد:هاد اخوها لنهى…حكالي سلميني اياه اليوم بكرة الصبح بكون عندك …تدقيق و صف
ريم:طيب ممتاز…الغلاف انا حطيتله التصور المبدئي زي ما وضحتيلي ومشان يوصل فكرة كتابك …وبكرة بكون جاهز
ريناد:بكرة بستلم الكتاب مدقق ومرتب…والغلاف بكون جاهز …بوخذه لدار النشر…3 أيام وبصدر…هيك بصيروا 4…يوم لتصميم الدعوات لحفل التوقيع ونشوف لمين حنرسلهم…5 أيام…ويوم لترتيب وتجهيز المكان اللي رح نحجزه 6 أيام…والسابع حيكون الحفلة…تمام ممتاز ممتاز
ريم:4 ساعات بتكون جاهزة الدعوة وبعدها بنبلش نوديها للناس عحساباتهم بمواقع التواصل الاجتماعي …وبنرن عالباقي…وعفكرة انا حجزت المكان …ضايل نتفق عباقي الاشياء اللي هي اصلا تعتبر كماليات…حجزت القاعة الصغيرة اللي بآخر الشارع …لانه مش حفلة كبيرة
ريناد:خلص تمام
ريم:بس كيف بدك تخلي ماما وبابا ييجو عالحفلة؟
ريناد:محلولة…عأساس عندك حفلة تكريم لانك فزتِ بتجيبيهم وبتيجو
ريم:ممتاز…يلا انزلي مشان نشوف الشب وبعدها عالسوق مشان نجبلك لبسة يوم حفل التوقيع
…„…„…„…„…„…„…„…„…„…„…„…„…
وبالمطعم
دخلوا ريم وريناد وطولت ريناد وهي بتدور على عزام لحد ما اخيرا انتبهتله
وعالطاولة
ريناد:كيفك استاذ عزام
عزام:الحمد لله تفضلوا استريحوا
قعدوا ريم وريناد مع عزام واتفقوا عكل شي
عزام:بكرة حيكون عندك مرتب واحسن من ما بتتخيليه
ريناد:ان شاء الله
_•_•_•_•_•_•_•_•_•_•_•_•_•_•_•_•_•_
بعد مرور أسبوع
يوم الثلاثاء
الساعة 3 العصر
كانت ريناد معطلة عن الجامعة …رتبت لبسها واغراضها…وحملت كل شي بلزمها…وحكت لريم اللي كانت ساعتها مروحة من دوامها:بس ارن وافصل بتبلشي بالخطة
ريم:طيب هسا روحي
طلعت لعند امها
ريناد:ماما أنا رايحة عند سماح اليوم عاملتلنا جمعة
سهام:كإنه جمعاتكم كثرانة
ريناد:ابدا ماما
اليوم الجمعة انا وعلا ونهى وهي
سهام~تنهدت~:روحي بس ما تتأخري…شو هاد الكيس الكبير؟
ريناد:اه…هاي…جبت لسماح هدية فالقطع حجمها كبير مشان هيك
ما اقتنعت سهام بحكي ريناد بس مشتها وما علقت…لانها كانت عارفة انه بنتها بتحيك اشي…انشغالها الدائم…مكالماتها السرية…طلعاتها الزيادة…بس اللي كان مطمنها انه ريم معها كمان
•°•°•°•°•°•°•°•°•°•°•°•°•°•°•°•°•°•°•°•°•°•°•°•°•
طلعت ريناد من البيت اخذت نفس وحكت:اووه طلعت بسلامة من تحقيق ماما
رنت على سماح ومباشرة ردت سماح: انا بالبيت يلا تعالي بسرعة
ريناد~ضحكت~:طيب سلام
كملت مشيها لبيت سماح اللي ببعد عن بيتها شارعين
"""""""""''"''""'"""''''''''''""''""''"'"''"'"'"''"''''''"""""""""'"''
وببيت سماح
تحديدًا بغرفتها
سماح:يلا يلا اقعدي ما في وقت …يا دوب نجهز ونروح نشيك على الترتيبات
ريناد طيب
سماح:اول اشي رح اعملك شعرك والمكياج حيكون بسيط لانها حفلة توقيع كتابك مش حفلة عرسك
ضحكت ريناد وحكت:خلصيني بلاش يمر الوقت واحنا بنحكي
وقبل ما تبلش سماح تجهز فيها رنت على ريم وفصلت
°~°~°~°~°~°~°~°~°~°~°~°~°
وبالبيت عند ريم
طلعت من غرفتها وهي ماسكة التلفون وعاملة حاله بتحكي :كييف؟…لاااا بتمزحي…ماااا فتحت ايميلي…يااا ربيي شووو بدي اعمل…طييب طييب سكررري
قامت سهام ومشت لعندها:خير شو صاير؟
ريم:اليوم في حفلة تكريم للي فازوا بمسابقة الرسم ومودييين ايميلات بس انا زمان ما فتحت ايميلي…هسا اتصلت علي وحدة من اللي فازوا كمان عرفتها بالمسابقة تسألني اذا جهزت او لأ …ولازم نروح
سهام:وبنلحق؟
ريم:اكيد المكان قريب ودتلي اياه برسالة
صحي بابا وجهزوا حالكم عالسريع وانا رايحة اغير واتصل بريناد مشان تلاقينا
&*&*&*&*&*&*&*&*&*&
الساعة 6 بالقاعة
سهام:ليش جايبتينا لهون؟…مش بدنا نروح عتكريمك؟
ريم:بصراحة فش تكريم ولا اشي بس ادخلوا لجوا
سهام~انصدمت وعصبت~:كيف يعني؟
ريم:ماما رجاءً ما تعصبي وادخلي
سامر:اهدي سهام وخلينا ندخل
دخلوا لجوا وبس قدموا اشرت ريم لفوق وحكت:شوفوا
انبهروا وانصدموا وفرحوا بنفس اللحظة…بس قرؤوا البوستر الكبير المعلق واللي مكتوب عليه…حفل توقيع كتاب {شيءٌ من ريناد للكاتبة ريناد سامر}
لمعوا عيونهم بالفخر وقت شافوا ريناد قاعدة عكرسي وقدامها طاولة عليها كتب…وبتوقع فيهم وبتعطي اللي بقدموا لعند الطاولة وبسلموا عليها…ما انتبهت لاهلها بس همه مشوا لعندها
واول ما لمحتهم قامت عنالكرسي وركضت لتحضنهم
نزلت دمعة من عين سهام وحكت:الله يحميكِ…يا…كاتبتي
سامر:فخور فيك…انت خليتيني ابو الكاتبة
ريم:بحبك…ودايمًا حكون معك ومبروك صدور كتابك يا كاتبتي
بعدوا عن بعض بعدها وحكى سامر وهو بضحك:هيك يعني عملت كل شي من ورانا كيف لحقت ِ؟
حكتلهم ريم اللي صار بسرعة
سهام:يعني مع بعض كنتوا العقل المدبر
ريناد:اه …يلا تعالوا هناك مشان تتصور
اخذت كتابين وعطتهم لامها وابوها …مسك كل واحد فيهم نسخة …ووقفت هي وريم بالنص بينهم…اخذوا هالصورة وهمه حاضنين بعض وكل حد فيهم بفتخر انه فرد من هالعيلة الحلوة والمميزة
""""""""""""'"''""''"''"''"'"""'""'""'"
ما تتخلو عن احلامكم ولا تقللوا من قيمة مواهبكم…طوروا حالكم لتحققوا احلامكم…واذا لسا مش لاقيين موهبتكم ما تستسلموا ودوروا عليها بكل الطرق الممكنة …وصدقوني بالآخر رح تلقوها…💛
انتهيت
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`