الفصل 1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *الباشق.tt* ♥
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/c
ظلام حالك صوت ضحكات عالية.. رجلين عم تقرب... كرباج عم ينجر جنب الرجلين... صوت شهقاتا.. قلبا عم يدق بسرعة... فجأة طلع صوت تشحيط سيارة صوت قوي وبعدا صوت اتصدام قووي بووووووم
فتحت عيونا وتجلست بسرعة وحطت ايدا على قلبا يلي عم ينفض نفض..
لونا : لا لا... ياربي دخليك تعبت.. تعبت ايمت بدي اتخلص من هالكابوس... رفعت الغطا عنا وراحت على الحمام غسلت وجها ورجعت اتطلع على الساعة كانت ٣ بعد نص ليل.. طلعت وقفت على البلكون كان القمر مكتمل والسما صافية والحارة هدوء.. راحت على المطبخ جهزت فنجان قهوة واخدتو وراحت قعدت ببلكونة غرفتا.. قعدت ومدت رجليها على الكرسي يلي ماقابيلا وطالعت من الكامينو يلي لابستو باكيت دخان سحبت سيجارة وشعلتا وبلشت تسحب بشراها.. كانت عم تشرب قهوة ودخان وصافنة بالسما
.........................
الصبح عم يندق الباب
فتحت عيونا لقت حالا نايمة على الكرسي..
لونا :لك كيف نمت هون
قامت وهية عم تفرك رقبتا
فتحت الباب وكان شب عمرو فوق التلاتينات
لونا بصوت تعبان : هلا ركان
ركان : شو مانك نازلة
لونا : لا اليوم تعبانة وكمان بدي انزل ع السوق ناقصني شوية غراض
ركان : اوك سلام
لونا : الله معك
راح ركان.. ولونا صارت تتلفت حوليها لقت البيت وسخ
لونا :لدق لهي المغضوبة تجي تنضف البيت
(لونا صبية حلوة عمرا ٢٧ سنة سمرا سمارا جذاب وعيونا الخضر وشعرا البني الداكن يلي بيوصل لنص ضهرا.. وطولا المتوسط وجسما الرشيق )
(ركان شب عمرو ٣٨طويل كتافو عراض... جمالو عادي .. وشعرو المختلط بين الاسود والابيض )
___
بمكان تاني.. واقف قدام المراي عم يلبس الكرافة
اجت مرتو من وراه ولبستو الجاكيت
نوال : حبيبي بدك تطول
سامي : مابعرف حسب المرضى
نوال : بدك تروح ع المشفى شي اليوم
سامي : اي عندي مريضين بدي اتطمن عليهن قبل ماروح ع العيادة وبعد العيادة كمان
نوال : ماشي الله يعطيك العافية
سامي قرب باسا من راس واتجه لعند الباب
نوال : اااه صح نسيت شو صار مع اختك الاء ايمت بدا تولد
سامي : حددتلا الدكتورة بكرا
نوال : قيصرية؟
سامي : لا طبيعي.. بدا تعطيها تحريض
نوال : الله يقومها بخير وسلامة
طلع سامي وسكر الباب
(سامي دكتور جراح و صحة عامة.. عمرو ٣٢ سنة دكتور وسيم كتير مميز ببشرتو الحنطية الصافية وشعرو البني ودقنو الخفيفة يلي ذادتو جازبية وعيونو العسلية )
(ومرتو نوال امرأة متوسطة الجمال ربة منزل وام لطفل واحد مميزة بجسما وطولا يلي ملفتين للنظر.. شعرا قصير اسود والها غمازة على خدها الشمال )
____
لونا : سمعي جميلة البيت بدي اياه يضوي ضوي عم تفهمي
جميلة : اي اي فهمنا ليش انا ايمت خليتو نايس
لونا : نايس؟؟
جميلة : لك ما انتي عم تقولي بدي اياه يضوي وانا بعمري ماخليتو نايس ضوو
لونا : ياالله ما اغلظك
جميلة : لك هي مو اسمها غلاظة هي اسما هضامة
لونا : ياربي تصبرني... هنيك جميل وهون جميلة هه ياحبيبي كملت... يلا انا طالعة متل ما وصتك تمام
جميلة : تمام
طلعت لونا من شقتها وطلعت عالطابق يلي فوقا.. . وقفت قدام شقة ورنت الجرس
فتحت الباب مرا كبيرة بالعمر
لونا : صباحو ماما امل
امل امو لركان : هلا جبيبتي هلا.. فوتي فوتي
فاتت لونا وكان قاعد بالصالون مرة تانية عمرا حوالي التلاتين اسما دلال مرتو لركان
لونا : صباح الخير مدام دلال
دلال من غير نفس: اهلين لونا.. شو مانك بشغلك اليوم
لونا :؛والله تعبانة وبدي انزل ع السوق.. وجاي شوف اذا بتحتاجو شي
امل : شو بدك تشتري
لونا : ناقصني شوية تياب ونازلة اشتري
امل :واكيد اسود
لونا : لك ليش في احلا من الاسود.. الاسود ملك الالوان
امل : ياعمري يا لولو انت صبية متل الوردة ليش بتضلي قابرة حالك بالاسود
لونا : ماما انا جاي اسالكن اذا بدكن شي من السوق مو مشان تعطيني محاضرة
دلال : مابدنا شي.. مبارح نزلت اناو ركان يقبر قلبي واشترينا كلشي ناقص للبيت
لونا بقلبا : ان شاء الله يقبرك كلك لحتى نرتاح
لونا : لكن انا نازلة سلام
امل ودلال : الله معك
طلعت لونا.. وامل قالت لدلال : ليش هيك عم تحكي مع البنت
دلال :مرت عمو مابطيقا.
امل : حرام البنت يتيمة ومالا بهل الدنيا غير نحنا
دلال : شو نسيتي انها كانت تحب ركان
امل : كانت طفلة
دلال: الله لايكبرا.. قال طفلة.. كان عمرا ١٦ سنة شو صغرا
امل : يعني ١٦ سنة كبيرة؟ اااه شوبدو يحكي الواحد
دلال : لاتحكي شي مرت عمو انا رايحة لعند اهلي بدك شي
امل : سلمي عليهن
دلال : الله يسلمك وصل
(دلال مرة عمرا ٣١سنة مربربة شوي.. او فيكن تقولو عجعوجة بس حلوة.. طول متوسط.. شعرا اشقر طول وبسرتا بيضا صافية وعيونا بنيات )
__
ماشية لونا بسيارتا.. وصارت تحكي حالا : مين قال الاسود ما حلو.. اتطلعت على حالا كانت لابسة قمص اسود بزرار وفاتحة اول زرين عند صدرا.. وبنطلون اسود ديق وبوط اسود سادة
لونا : قال قابرة حالي قال.. لك هيييبة ههههه
فاقت وفجأة حست انها خبطت بحدا.. اتطلعت قداما ولقت حالا خابطة بسيارة
لونا : يلعن هالحظ
نزلت من السيارة.. ونزل سامي من سيارتو يلي خبطت فيها لونا
لونا : سوري.. سووري.. عنجد ماكنت منتبهة
سامي : شو هاد يامدام.. انتبهي تاني مرة
لونا : انسة لو سمحت.. وعنجد انا كتير بعتزر..
سامي : شو بينفع اعتذارك هلأ
لونا : خلص ولا يهمك صيانتها على حسابي
سامي : لا خلص.. مامشكلة.. بس تاني مرة ياريت تنتبهي
لونا : لا مابصير.. لازم صلحلك اياها
سامي : خلص انا بدبر حالي.. وكمان مستجعل في عندي مرضى وبدي عالجهن
لونا : حضرتك دكتور
سامي : اي
لونا : تشرفت بمعرفتك.. واسفة مرة تانية.. وانت باين عليك دكتور مخلص والله يعطيك على هوا نيتك سامي : شكرا هاد من زوقك.. وانتي شو بتشتغلي
لونا : اااه انا... اي انا موظفة بشركة للدولة
سامي : تشرفنا
لونا :؛وانا اكتر
كل واحد طلع بسيارتو ومشو
لونا : كأنو وجهو مألوف
وسامي بسيارتو : كأنو شايفا قبل مرة
مشي بسيارتو وشغل الراديو وطلعت اغنية لحسين الجسمي
أنا كل ما نويت أنسى
لك الذكرى ترجّعني
وترى للحين أنا أحبك
وأشوفك بين حين وحين
فراقك آه يا فراقك
كسر قلبي وعذّبني
وأنا نذرٍ علي أبقى
أحبك لين يوم الدين
حبيبي تدري شاللي
في غيابك حيل تعّبني
أحسّك طرت من يدي
كذا فجأه بغمضة عين
محد غيرك يبكّيني
ومحد غيرك يفرّحني
جميع الناس في قربي
وناطر جيتك للحين
أنا كل ما نويت أنسى
لك الذكرى ترجّعني
وترى للحين أنا أحبك
وأشوفك بين حين وحين
خلصت الغناي وكانت في دمعة بعيونو..
سامي :وين رحتي يا لونا.. وين.. تركتيني مجروح على فراقك واختفيتي.. بس انا بعمري مارح انساكي ورح تضلي بقلبي لاخر يوم بعمري... لك صح كانو هي البنت يلي ضربتني بتشبه لونا لما كانت صغيرة.. بس هلأ الله اعلم كيف صار شكلا.. اكيد بتكون صارت حلوه كتير
#########فلاااااش_بااااااااااك######
ماسك كتابو ورايح جاي بغرفتو عم يقرا.. فجأة انفتح الباب.. وفاتت بنت عمرا ١٤ سنة وهية لونا
سامي : لوناااا؟؟ شو عم تعملي هون هلأ اهلي بشوفوكي
لونا : لا تخاف.. ابوك مانو هون... وامك راحت لعند الجيران والاء سمحتلي فوت لعندك
سامي : عنجد😍😍 اي لكن تعي لهون ياحبيبة قلبي لو تعرفي انا شقد مشتقلك
لونا : وانا كمان..
قرب منها وضما لصدرو
لونا : شو عم تعمل سامي
سامي : بس ضمة صغيرة خليني اشبع منك
حاوطتو بأديها من خصرو وقالتلو : بحبك
سامي : بموت فيكي
###########باااااااااااااك####$$$
فاق من ذاكرتو... وكان واصل ع باب المشفى.. نزل وفات ليمارس مهنتو
__
ماشية لونا بالمول.... فاتت ع اول محل ولفت انتباها فستان اسود قصير.. قاستو وعجبها كتير واشترتو وطلعت فاتت ع المحل التاني
لونا : لو سمحت في من هي القمصان اسود
الشب : لا هدول مافي منهم غير ملون.. لانو هي الوان ربيعية
لونا؛ طيب شكرا
بالمحل التاني كان فاضي.. فاتت ولفت انتباها تياب داخليه بلون الاسود.. قربت من الطاولة وصارت تتفحصن
الشب : هي يلي بأيدك قياسها ٧٠ وانتي بدك ٨٠
لونا : عفوا؟؟؟
الشب: عم قلك مقاسك بس
لونا : وشو عرفك بمقاسي
الشب : ولو يامدام.. خبرة
لونا : بس كأنو تدخلك جريء لا مو جريء وقح
الشب : انا اسف.. بس بنصحك تاخدي هدول يلي قدامك بيطلعو عليكي بشّلوو
لونا : مو بس وقح وقليل ادب كمان
الشب : لك يسلملي الشريف انا
رمت لونا يلي بأيدا واجت بدا تطلع
مسكا الشب من ايدا وقال : عوين ياحلو..
لونا اتطلعت على ايدا واتطلعت عليه وقالت انقبر اترك ايدي ولا تخليني صغر عقلي وبوديك بستين داهية
الشب : معليش انا موافق.. وديني وين مابدك بس خليني معك
لونا : للمرة الاخيرة عم قلك اترك ايدي بالحسنى لانو عنجد ماني حابة عكر مزاجي
الشب : مية دولر... طيب ميتين... تلاتمية
ضربتو كف على وجهو وسحبت ايدا وطلعت
حطو ايدو على وجهو وعيونو فيها شر.. بسرعة اخد قطعة من على الطاولة وطلع لبرات المحل وصار يصيح : ياحرمية... ياحرمية
وقفت والتفتت عليه وقالت : نعم
بدات الناس تجتمع
الشب : ياجماعة هي البنت حرمية.. انتبهو لاتفوت وتسرقلكن شي
هية بكل برودة اعصاب مسكت تلفونا بعتت مسج ورجعت ضبتو مكانو وكتفت اديها ببعضن
الشب : شو كأنو ماهامك الموضوع
لونا : ببساطة اذا شايفني حرمية اطلب الشرطة.. فيها شي ياجماعة
الكل قالو : لا
الشب اتلبك وقال : لا شو شرطة.. مابدي كبر الموضوع.. روحي تستطفلي منك لربك
لونا : ييي شو قلبك طيب... روح الله يستر عليك متل ماسترت علي.. روح الله يوفقك دنيا اخرة
الشب : عم تتمسخري
لونا : ههههه اي... لانك هلأ رح تصير مسخرة
الشب : مافهمت
لونا : ماضروري
فجأة اجو عناصر شرطة.. قربو من لونا وضربولا تحية
الشب انسطل ومعد يعرف شو يحكي
المساعد جميل : احترامي.. خير ستنا
قربت لونا من الشب وقالت : قلتلك مابدي صغر عقلي.. بس انت جلدك عم يحكك مو ذنبك... جميل خدلي هالحيوان على الفرع لفرجيه قيمتو وكيف يفتري على الناس
الشب : مشان الله... ببوس ايدك.. والله ماكنت بعرف مين انتي.. لك تنكسر ايدي وينقطع لساني لما حكيتي معك هيك
قربت منو ومسكتلو دقنو ورفعتلو راسو لعندا وقالت ودعت الماما اليوم قبل ماتطلع
الشب : داخل عليكي.. مشان الله
لونا :شحطوووه... وحدا يجيب تسجيل الكاميرا من محل هاد الواطي.. والله لخليك تختخ بالحبوس
مشت قدامون ووالعناصر سحبوه
وصلت لسيارتا رن تلفونا
لونا : الو.. اي ركان.. شووو اللواء.. يلا يلا جاي
اتطلعت ع العناصر كانو شاحطين الشب
لونا : لحظة..
جميل : امرك ستنا
لونا : اتركوه
الشب : الله وفقك الله يعلي مقامك
لونا : خليني اسمع تاني مرة انك عملت هيك حركات والله لعدمك حياتك واشرت على عيونا وقالت عيني عليك والله يطعمك وتغلط
الشب : والله معد عيدا.. والله
ركبت سيارتا ومشت بسرعة على الفرع (فرع الامن الجنائي)
راحت دغري على مكتب ركان
لونا : شوفي
ركان : جيتي بوقتك.. اللواء طالب كل الضابط
لونا :؛وبخصوص شوو
ركان : بظن مشان قضية الباشق
لونا : الباشق؟؟ مين هاد
مشي ركان ومشت حدو لونا
ركان : هاد مجرم صرلو معذبنا سنين من لما كنتي بالجامعة انتي .. وفجأة اختفى.. ويمكن هلأ ظهر
لونا: وشو جرمو
ركان : متل مجرمين كتار بالبلد.. نصب احتيال اسلحة مخدرات..
لونا : وتجارة اعضاء ونسوان؟؟
ركان : ماثبت عليه شي من هالشي.. بس يمكن احتمال.... يلا هلا بتفهمي كلشي.. اذا اللواء كان جايبنا عشانو
لونا : الله يستر
فاتو ضربو تحية للواء وقعدو على كرسين جنب بعض وكانت الغرفة مليانة ضباط وكانو قاعدين ورا بعض وكأنو عم يحضرو محاضرة وقدامون اللواء وشاشة كبيرة
اللواء : هلأ فينا نبلش بعد ما اكتمل العدد ب الملازم اول لونا السيد والرائد ركان البحري
اللواء؛ يمكن عنكن فكرة ليش جمعتكن اليوم
ركان : الباشق؟
اللواء: صح يا رائد ركان.. الباشق.. بعد غياب سنين رجع ظهر... خبرنا انو الو تحركات خفيفة بالبلد.. ومبارح المسا اجاني ايميل من مجهول انو الليلة في كمية اسلحة كبيرة مع شحنة مخدرات رح تفوت ع البلد
لونا : سيدي بركي فخ
اللواء : احتمال.. بس مافينا نتجاهل هيك خبر
ركان : ويمكن هاد الايميل من الباشق نفسو لحتى يتحدانا شوي
وضابط تاني حكي : ويمكن عنجد حدا بدو مصلحة البلد وسربلنا هالمعلومة
اللواء : المهم انا بعد تفكير طويل قررت طوع شخصين لحتى يستملو هالقضية
الكل صارو يتطلعو ببعض
اللواء : الرائد ركان و الملازم اول لونا
لونا انصدمت بس ماحكت
ركان : سيدي الملازم اول لونا بعدا ببداية الشرطة ومابنقدر نخليها تدخل بهي القضية المعقدة.. يعني مانها كفؤ
لونا زورتو لركان وقالت : سيدي رح كون عند حسن ظنك
اللواء : ركان انا بعرف شغلي منيح.. وكمان لاتنسى انك معها واكيد رح تكونو ثنائي قوي.. ولونا فتحة ونشيطة وذكية وممكن يطلع منها شي ماطلع معنا خلال هالسنين
ركان : بأمرك سيدي
اللواء : طبعا بدي كون انا على علم بكل خطوة بدكن تخطوها... وجهزو حالكم اليوم مع قوة كبيرة مشان نكون الهم بالمرصاد
لونا وركان : حاضر
اللواء : انصراف
طلعو الكل ولونا طلعت مع ركان
لونا : بسيطة يا ركان هلأ انا ماني كفؤ
ركان ':والله من خوفي عليكي
لونا : اي لا تخاف انا قد حالي "تركتو ومشت
_______
المسا... واقفين بين الشجر على الحدود
لونا : ركان شو يعني باشق
ركان : على ما اظن طير من الطيور الحرة
لونا : اممممم
فجأة ظهرت قدامن ٣كميونات كبار
ركان : اكيد هدول.. رفع ايدو لفوق وقال قوسووو
وبلشو يقوسو على بالهوا لحتى يخوفهن
لونا واقفة وما قوست ولا طلقة صافنة وعم تقول : الباشق.. الطير الحر يعني ما بهل السهولة بنقدر نوصلو هية الجية فخ او خدعة
اسرعت الكميونات وماوقفت.. بسرعة رجال الشرطة ركبو بسيارتون ومشو ورا السيارات.. ضلت لونا واقفة لحالا وما راحت معون
بسرعة سيارات الشرطة تقدمت ووقفت قدام الكميونات ونزلو من السيارات ووجهو الاسلحة على الكميونات
وقفت الكميونات ونزلو يلي بقلبا بدون اي مقاومة وبكل سيارة كان شخصين
ررفعو اديهن فوق راسون وتقدمو
ركان : فتشو الكميونات
راحو رجال الشرطة يفتشو الكميونات
لونا قعدت على صخرة وقالت : هه اكيد رح يلاقو الكميونات فاضية... رح انطر ركان هون لشوف شو رح يصير معو
رجال الشرطة : سيدي الكميونات فاضية
ركان لاصحاب الكميونات : وين المخدرات والاسلحة
ردو : والله مابنعرف عن شو عم تحكي..
ركان : لكن ليش جاين تهريب
ردو : سيدي نحنا مرقنا على الحدود نظامي بس ماجينا دغري انعطفنا بعد الحدود على طريق التاني مشان العجقا وهاد فاضي.. وهي وراق دخولنا
ركان: شو كنتو محملين
ردو : سيدي بيض
ركان بقهر : اتيسرو الله معكن
اتطلع حوليه مالقا لونا حمل تلفونو ودق
لونا : شو فاضين
ركان : اي شو عرفك
لونا : اولا هاد الباشق يعني حب يلعب بأعصابنا شوي وكمان معقول كميونات اسلحة ومخدرات ومافي عليها حراسة ومافي ولا طلقة طلعت من عندن
ركان : معك حق... وينك انتي
لونا : قايمة روح ع البيت
ركان : لكن انا رايح خبر اللواء شو صار وروح ع البيت
لونا : اوك.. سلام
قامت نفضت تيابا وبدا تمشي... اتطلعت نظرة اخيرة على الطريق... ولمحت ضو صغير وكأنو ضو سيجارة
قلبا ما مرتاح.. ومن جهة تانية شافت سيارات الشرطة مشت وراحت.. صار الطريق فاضي وهدوء..
رجعت ع مكانا.. وقعدت تنطر رح يصير شي او لأ
لونا بلشت عد : ١ ٢ ٣ ٤ ٥ ٦ ٧ ٨ ٩......... ٩٩ ... ١٠٠
وهيية خلصت المية.. شافت ضو بيل وكأنو عم يعطي شي اشارة..
صوت محركات سيارات دارت..
لونا : شو الحل هلأ.. رح دق لركان وخليه يرجع....
لونا : الو ركان.. ارجعو.. بس ووقفو بمكان محايد عن الطريق ومابتقربو لبعد ماتسمعو صوت القواص.. يلا تعال هلأ مافي وقت
راحت لعند سيارتا فتحت الباب بكل هدوء وح
اللواء : وشو مفكرة تعملي
لونا : نبدلو
اللواء : للمشفى
لونا : لا للمتصاوب
اللواء : كيف هيك وبمين بدنا نبدلو
لونا : انا راجعت السجن المركزي وفي سجينين محكومين اعدام.. بنجيب واحد وبنحطو بدالو
اللواء : تركيني نص ساعة فكر
لونا : سيدي صدقني مافي وقت للتفكير
اللواء : طيب نفذي..
لونا : ماشي..
طلعت بعد ماضربتلو تحية... بالكوريدور شافت ركان
لونا : مشي معي فورا
ركان : شوفي
لونا : ع الطريق بحكيليك مافي وقت
طلعو بسيارة ركان ومشو
لونا : ع المشفى
اتصلت بجميل :الو.. جميل بدي كاميرا مراقبة بسرعة وخدا ع المشفى... يلا ناطرتك هنيك
ركان : فهميني شو عم تعملي
لونا : احساسي عم يقلي انو الباشق اكيد رح يحاول يخلص على الشب يلي عنا
ركان : وشوبدك تعملي
لونا : رح بدلو
ركان : بمين
لونا : واحد محكوم اعدام.. هو هلأ بكون صار بالمشفى.. بنعطيه ابرة منوم وبنحطو بدالو.. هيك هيك هاد بدو يموت.. مشان اذا حدا حاول يقتلو بينتقل المحكوم يلي عنا
ركان : والله انتي بيتخاف منك.. بس ليش طلبتي الكاميرا
لونا : بتلزم هههههه
ركان : ههههههه قوليلي من وين متعلمة هالشي
لونا : المحقق كونان هههههههه.. بس عنجد قلي هالفكرة حلوة
ركان : بتجنن
لونا : عنجد بلا مسخرة
ركان : والله كتير حلوة... ومزال جايبة الموافقة من عند اللواء اكيد عاجبة اللواء كمان.
وصلو ع المشفى وطلبو من سامي يجي.. فضو القسم كلو مشان مايكون في حدا جاسوس وضل سامي ولونا وركان وجميل.. نقلو المريض وحطو بدالو المجرم يلي محكوم اعدام بعد ما عطوه ابرة منوم مدتها 24 ساعة.. وطلعو وخلو الحراسة مكثفة مشان التمويه.. ونقلو المريض الاصلي على غرفة تانية
وطلعت لونا وركان.. وكان حكيا مع سامي عادي لانو ماوقت المشاعر هلأ..
طلعو من المشفى وقعدو بالفرع ناطرين الخبر
_______
الضهر
فات جلال لعند الباشق
جلال : سيدي صار من عِداد الموتا
الباشق : وكيف هيك
جلال : بصراحة كانت صعبة بس بالاخير قدرنا نشتري ممرض وطلبنا منو يضربو ابرة بتوقف القلب.. وهلأ اتأكدنا انو مات
_________
فاتت لونا لعند اللواء وهية فرحانة... ضربتلو تحية وقالت : سيدي قتلوه
اللواء : برافو عليكي يا لونا.. طلع اختياري صح لما حطيتك بهيك مهمة... وان شاء الله اذا انلقط هالمجرم على يدك رح اطلب بترفيعك
لونا فرحت وقالت : شكرا كتير سيدي.. ان شاء الله رح يكون عندك عن قريب "ضربتلو تحية وقالت احترامي وطلعت
__________
بعد اسبوع
لونا رجعت علاقتا عادية مع ركان.. وسامي ماكانت تشوفو ولاتحكي معو حتى المشفى ماتروح
لونا : الو.. جميل.. شو صار معو لهاد ما فاق وصحصح وصار منيح... اي لكن حاجتو دلال وجبيو ع الفرع صار لازم نحقق معو... اي اليوم وهلأ كمان.. اي سلام... ناطرتك
سكرت التلفون وراحت لعند ركان
لونا : حكيت مع جميل.. وقلتلو يجيب الموقوف مشان نحقق معو
ركان : ليش صحتو بتسمح
لونا : يضرب منو لصحتو شو بدنا نضل ننطرو.. بعدين انا رح حقق معو بدون ضرب
ركان : وكيف هيك.. عندك شي طريقة جديدة
لونا : اي.. انت راقبني.. واذا فشلت بتتدخل انت
ركان : طيب ماشي
رن تلفونا
لونا : الو.. اهلا مين معي... الاء اهلين كيفك حبيبتي.. لا تواخذيني والله ومشغولة شوي هالفترة... خلص خلص مابتشوفيني غير عندك... ماشي سلمي على ماما ام سامي" وسكرت
ركان : اختو للدكتور
لونا : اي...
ركان : شو صار معك ماعد حكيتي معو
لونا : لا حكيت معو ولا حكي معي... اصلا هو متزوج خليه يلتفت لمرتو وعيلتو شوبدو فيني..
ركان : يعني مابتحبيه ابدا
لونا : اكيد لا
ركان : منيح ريحيتني..
لونا : ريحتك؟ ليش بقا
اتلبك ركان وماحكي.. وصار يقول بقلبو ليش هيك قلتلا شو عم يصير معي انا
ركان : انو فكرت بتحبي شخص وهو متزوج
لونا : لا متزوج ولا غيرو مارح اتزوج ابد ا
_____
جميل عند سامي بالمشفى.
جميل:دكتور معنا امر ناخد المريض
سامي : مين طلب منك هيك
جميل : الضابط لونا
سامي اطلبلي اياها لو سمحت بدي احكي معا
طلبلو اياها وعطاه التلفون
سامي : الو
لونا : اي جميل
سامي : انا سامي
_اي دكتور سامي خبرني شوفي
_المريض اليوم فكينالو القطب وتعبان يعني مارح يقدر على التحقيق
_ايمت لكن
_بكرا ان شاء الله
_طيب ماشي
_لونا اذا فاضية بدي شوفك
_اوكي.. وين وايمت
_المسا بمطعم......
_اوكي.. يلا سلام
لونا: شوبدو هاد
______
المسا ببيت سامي عم يلبس وعم يبخ برافن
نوال : حبيبي ع وين
سامي : مابطول
نوال : حبيبي قلي شبك.. متغير كتير اخر فترة صاير معك شي
سامي : لا مافي شي
نوال : مبلا في.. ماعم شوفك نهائيا.. واذاشفتك بتكون قاعد لحالك وصافن لك حتى ابنك ماعم تقرب منو
سامي : خلص حتى ارجع بنقعد وبنحكي
نوال : مشاي لشوف اخرتا معك
لبس وظبط حالو وطلع
_______
بالمطعم
قاعدة لونا كانت لابسة كالعادة بنطلون وبلوزة سود ورابطة شعرا لورا
اجا سامي سلم عليها وقعد
سامي : كيفك
لونا : تمام
سامي : انا رح ادخل ع الموضوع بدون لف ولا دوران
لونا : بكون احسن
سامي : لونا تقلبي تتزوجيني
لونا : شووو
سامي : متل ماسمعتي تقبلي تتزوجيني
لونا : ومرتك
سامي : الشرع حلل اربعة.. ويلي صرلك بسببي.. ونحنا لازم نتزوج لانو انتي حبي الاول والاخير
لونا :ومرتك
سامي : رح خبرا.. واذا حبت تضل تضل واذا طلبت الطلاق ماعندي مانع
لونا : اي حاج جنان وقوم رجاع لعند مرتك.. يلي كان بينتنا كان ماضي ومارح يرجع.. وانا مستحيل اتزوجك حتى لو ماكنت متزوج مستحيل اتزوجك
سامي :والله انا بحبك فهميني من يوم عرفت انك لونا لا ليلي ليل ولا نهاري نهاري.. ع القليلة ارحمي قلبي يلي عم يتعذب كل هالسنين عليكي
لونا :ليش تزوجت مزال بعدك بتحبني
سامي :مشان كون عائلة مو اكتر من هيك
لونا : والله يخليلك عيلتك انا مستحيل اخرب بيت حدا وكمان انا مابحبك.. وحاج تحمل حالك ذنب مالك دخل فيه.. هيك القدر بدو... ولا تهون عليك العشرة مع مرتك قد ماكان بتضل ام ابنك.. قوم رجاع لعندا.. قوم رجاع لعند عيلتك لانو يلي راح راح..
سامي ماحكي
مدت ايدا وقالت اذا بتحب بنكون اصدقاء
ابتسم ابتسامة باردة وقال اكيد بحب
لونا : يلا خلينا نطلب عشا مشان ترجع ع بيتك قبل ما يتأخر الوقت
قعدو تعشو وصارو يحكو عن وضع المريض
______
راجعة لونا ع البيت ولقت قدام الباب قاعدة جميلة هي البنت يلي بتضفلا البيت
لونا : جميلة.. شو في.. ليش جاي بهل الوقت
جميل :مشان الله يا ست لونا ما لي غير الله وانتي
لونا : اهدي.. اهدي..
فتحت الباب وفوتت جميلة وفاتت وراها.. رمت مفاتيا وتلفونا على الطاولة وقعدت ولفت رجل على رجل.. وطلبت من جميلة تقعد قداما
لونا : من اي ساعة انت واقفة على الباب
جميلة : من ساعة
لونا : طيب شو عندك احكي
جميلة : ابن خالتي مفقود ومابنعرف عنو شي
لونا عم تحكي ببردو هي طبيعتا : من ايمت
جميلة : من عشرة ايام
لونا :اوف.. عشر تيام؟! وليش ما قدمتو بلاغ لشي مخفر او السؤال الاهم ليش لهلق ماسألتو عنو
جميلة : هو الو بالعادة يغيب فترات طويلة
لونا :ليش شو بيشتغل
جميلة : ااه.. اي بالتجارة
سحبة سيجارة لونا وشعلتا واخدت نفس وقالت :تجارة شو؟
جميلة :والله مابعرف
لونا :ليش انتي متلبكة
جميلة :، اااه.. انا.. لا مافي شي بس من لهفتي على ابن خالتي
لونا :انا حاليا مستلمة قضية وهي الشغلات ما من اختصاصي فيكي تنزلي بكرا ع الفرع او ع اقرب مخفر الكن وتفتحي محضر بأنو ابن خالتك مفقود
جميلة بخيبة امل :يعني مارح تساعديني
لونا : بشو بدي ساعدك
جميلة :مثلا تتدخلي وتخليهن يدورو عليه بشكل اسرع
لونا :بصراحة انا مارديت حدا طلب مني مساعدة بس انا مابساعد عالم كذابة
جميلة :مافهمت
لونا :احكيلي قصة ابن خالتك بالتفصيل لحتى ساعدك.. غير هيك ماعندي
جميلة :بسس.. هي الحقيقة
لونا :لامو الحقيقة
جميلة :رح احكي الصراحة بس بتوعديني تساعديني
لونا : بساعدك وعد
ركزت قعدتا لونا وقالت احكي
جميلة :بصراحة ابن خالتي بيشتغل بالتهريب
لونا :ههههه قلتيلي بالتجارة.. اي كملي... لحظة تهريب شو
جميلة :والله مابعرف.. المهم تهريب
لونا :كملي
جميلة :الو بالعادةيختفي ايام واسابيع بس بالعادة بيتصل وبتطمن اهلو.. بس هالمرة مادق وندق هاتفو خارج التغطية.. حكينا معلمو وقال انو انسوه.. زيدان مات
لونا :بتضلو تخبصو وبتمشو بطرق غير شرعية ووقت الجد بتلجؤا للدولة لحتى تساعدكم
جميلة :مشان الله يا ست لونا.. امو من وقت سمعت هالخبر ومانشفت دمعتا.. وانا قلتلا يمكن كذب.. وجيت لعندك لحتى تدوريلنا عليه.
لونا طفت السيجارة وقالت :اسم معلمو بتعرفي شو هو
جميلة :اي قالولي اياه.. لحظة لاتذكر... شو هو ياجميلة... شو هو ياجميلة... اي اي اسمو جناح الباشق
لونا :شووو... ارجعي عيدي اسمو
جميلة :جناح الباشق
لونا :ذكريني شو كان اسم ابن خالتك
جميلة : زيدان
لونا :اممممممم.... معو هوية ابن خالتك
جميلة : لا
لونا :شو اسمو التاني لابن خالتك
جميلة :ما الو اسم هاد اسمو..
لونا : اكيد الو اسم تاني عند العصابة
جميلة :اي لما اتصلنا قال معلمو انو زيد مات
لونا :معك صورة الو
جميلة :اي تفضلي.. جبتلك وحدة
راحت لونا على الكومدينا.. جابت ورقة وقلم وعطتون لجميلة.. وقالت اكتبلي كلشي بتعرفيه عن ابن خالتك.. بدي كلشي عمرو الاكلة المفضلة.. لونو وين بروح وبين بيجي
امو اخواتي مرتو او خطيبتو.. كلشي كلشي
جميلة :امرك
اخدت الورقة والقلم وصارت تكتب.. ولونا اخدت الصورة ع جنب وصورتا على الجوال وبعتتا لجميل وكتبتلو هاد نفسو يلي عنا؟
بعد شوي برد عليها وبقلا اي نفسو
لونا :شو قال اسمو
جميل :زيد
لونا :طيب ماشي سلام
خلصت كتابة جميلة وعطت الورقة للونا
لونا :لا تخافي رح ندورلكن عليه.. وان شاء الله ما يكون ميت
جميلة : من تمك لباب السما
لونا : اااه كنت رح انسا... بدي رقم جناح الباشق ضروري
جميلة : مانو معي
لونا : بدك تجيبه من تحت الارض
جميلة : امرك بحاول
طلعت جميلة .. ولونا اخدت الورقة والصورة وطلعت فورا لعند ركان
دقت الباب وفتحتلا ام ركان
لونا :كيفك خالة
امل : هلا.. فوتي حبيبتي فوتي
لونا :ركان موجود في شي كتير ضروري لازم قلو عليه
امل: والله هو هلأ فات ينام هو ومرتو
اتطلعت لونا ع الساعة وكانت ١٢
لونا : ييي والله ما انتبهت ع الوقت خلص بكرا بشوفو تصبحي على خير
امل : فوتي لنشرب فنجان قهوة
لونا : خلص غير مرة اتأخر الوقت ولازم نام
نزلت لونا على بيتا.. وركان حس انو صوت لونا برا.. في شي جواتو صاير مايقدر يقاوم لونا.. وفز من تختو وقام
دلال :عوين حبيبي
ركان : كأنو سمعت صوت لونا برا طالع شوفا وراجع
رفعت حالا وتعلقت برقبتو وطبعتلو بوسة على رقبتو مشان يعلق الروج وقالتلو لاتتأخر حياتي لانو مشتاقتلك
ركان ابتسم ابتسامة عادية وقال : اي مارح اتأخر
طلع وشاف امو عم تسكر الباب
ركان : ماما كأنو سمعت صوت لونا
امل : اي قال كان بدا اياك بموضوع ضروري.. وانا فكرتك نايم قلت مابدي ازعجك
ركان : انا رايح شوفا
امل : اي لاتتأخر
طلع ركان ونزل لعند لونا... دق الباب... وفتحتلو لونا
ركان : مسالخير
لونا : هلا مسالنور
ركان : شوفي شو هو الموضوع الضروري
لونا : خلص خليها لبكرا.. مو مهم
ركان : يعني مانو مهم
اتطلعت على رقبتو وكانت معلمة البوسة وقالت : بظن قطعتك عن شغل اهم..
لاحظ على نظراتا ومد اديو على رقبتو مسحا وشاف على اصابيعو الروج..
ركان تلبك وقال :ههه مو متل مانك مفكرة
لونا : مامشكلة كمان انا ماخصني.. بس انتبه تاني مرة لاتطلع وانت هيك... شو تفوت نشرب قهوة
ركان كان خجلان :لا غير مرة
لونا : تصبح على خير... وللتواخذني لانو عنجد ماكنت منتبهة على الساعة لما طلعت
ركان:وانتي من اهلو
طلع ركان وهو مقهور.. ولونا سكرت الباب ووقفت وراه وهية عم تضحك على ركان
______&____________________
سامي كان قاعد على البلكون ومكتف اديه وراكي راسو لورا ع الكرسي ومبين عليه مهموم اجت مرتو وقعدت على الكرسي يلي جنبو
نوال : شبك سامي
سامي :مدايق كتير وحاسس حالي رح اختنق
نوال :طيب من شو فشلي قلبك احكي
سامي :مابقدر.. اي قوليلي الصغير نام
نوال :اي نام..
سامي مسكا من ايدا وشدا وقال يلا ننام نحنا اتأخر الوقت
ابتسمتلو ابتسامة دافية وقامت معو
____________________________________
الصبح بالفرع
فات ركان لعند لونا
كانت عم تشرب قهوة وبأيدا سيجارة
ركان : شو قصتك انتي والتدخين.. عأساس تنفيخ شايفك صايرة مدمنة
لونا :اقعد اقعد طلبتك قهوة
ركان : عم احكي مع حيط لانو
لونا : :انا بدي موت حالي... المهم شوف هي الورقة
اخد الورقة وصار يقرا
ركان :مافهمت.. مين هاد
لونا : هاد بكون ابن خالتلا لجميلة.. البنت يلي بتنضفلي البيت.. وابن خالتا مفقود وهي كل المعلومات عنو
ركان : كمان مافهمت
لونا : ابن خالتا نفسو الشب يلي عنا
ركان؛ عم تحكي جد
لونا :اي.. مو هون المهم
ركان :لكن وين
لونا : قال هنن اتصلو بمعلمو لزيد وقلون انو مات
ركان : حلوو
لونا : وسألتا شو اسم معلمو
ركان : الباشق صح
لونا : لا.. الباشق ما شغلتو يحكي مع الولاد يلي عندو... ايدو اليمين معلمو لزيد واسمو جناح الباشق
ركان :معلومات كتير حلوة
لونا : طلبت منها تجبلي رقم جناح الباشق..
ركان : كتير منيح... بس ماتكوني قلتيلا انو زيد بعدو عايش
لونا : اكيد لا.. شو مجنونة انا
ركان : برافو عليكي.. عنجد عم تعجبيني كتير
لونا : نحنا من بعدك يا حضرة الرائد
ركان : ما جابو لزيد
لونا : ع الطريق جميل راح يجيبو..
ركان : لكن انا رايح خبر اللواء بكل المستجدات.. وجاي شوف كيف رح تحقيقي معو
لونا : اوكي
وقف ركان وسحب منها السيجارة وقال خففيلي من هاد
لونا : ههههه مابوعدك
______
بعد ساعة بغرفة التحقيق
فاتت لونا ومعا عنصرين.. وركان عم يتفرج عليها من ورا الزجاج المعكوس
سحبت الكرسي يلي قدامو وقعدت
وعنصرمعو ورقة وقلم وصار يكتب
زيد بقلبو : هه بنت بدا تحقق معي
لونا : اسمك
زيد: زيد البكر
لونا للعنصر : اكتب زيدان العمري
انصدم زيدان كيف بتعرف اسمو الحقيقي
لونا : عمرك
زيدان : مزال بتعرفو كلشي مافي داعي احكي
لونا : يعني بتعترف انك زيدان
زيدان : اي بعترف
لونا : لكن مافي داعي نتعرف... قلي شو كان شغلك عند الباشق
زيدان : زلمة من زلمو
لونا :شو تشتغلو غير التهريب
زيدان : مابعرف.. انا اختصاصي بس بالتهريب
لونا : عطيني العنوان
زيدان : مابعرف
لونا : رقمو
زيدان : مامعي
لونا : لكن رقم جناح الباشق
زيدان : نسيتو
لونا : طيب شو بتعرف
زيدان : ولا شي
لونا : ههههه مُخلص.. بس هنن ما مخلصين معك وحاولو يقتلوك وانت بالعناي..
زيدان : هالحكي كذب
لونا : شغلولو الفيديو..
شغلو الفيديو من لما نقلوه ع عرفة تاني.. وفات ممرض وعطاه ابرة للشخص التاني وبعدها فجأة اجهزة صارت تزمر
زيدان : كلو مفبرك
لونا : الممرض اعتقالناه واعترف
زيدان : كذب
لونا : انت بالحسنى ما رح تعترف.. بتستحمل الضرب
زيدان : بتحمل.. اشقد بدكن تضلو تضربوني.. بالاخير رح تملو
لونا : بس مارح عذبك او اضربك.. بس في قدامك ٣ خيارات الاول بتموت هلأ.. او مؤبد.. او اعدام
زيدان :مابتقدري.. لانو كل قضيتي تهريب مخدرات بروح فيها عشرين سنة.. وبحسن سلوكي بالحبس يمكن تقصر المدة وهي اذا ماهربت
لونا انت بلشت تعصبني.. واذا عصبت برتكب جريمة سحبت المسدس وخرطشتو
زيد : مابخاف منو لاتهددي فيه
وجهت المسدس على العنصر يلي واقف عند الباب وضربت نار.. اجت الرصاصة بنص بطنو.. العنصر حط ايدو على بطنو وشاف الدم وصار ينزل شوي شوي على الارض بعدين مات
زيدان 😮😮😮😥 مصدوم
ركان كذالك الامر...
قام العنصر يلي قاعد على الطاولة
لونا : رجاع لمحلك احسن ماتلحقو
زيدان : ليش قتلتيه
لونا : مشان ابليك فيه
زيدان : شوووو... بس انا ماقتلتو
لونا للعنصر : مين قتلو
العنصر : المتهم زيدان
لونا: شفت وفي شاهد كمان... بس محتارة بشغلة وهية انو اقتلك واكتب بالمحضر انك قتلت عنصر وانتحرت.. او بس انك قتلتو ورح يعدموك فورا لانك قتلك عنصر امن... واذا ماحكموك اعدام اكيد رح يحكموك مؤبد فأنا برفق بالمحضر انك مجرم خطير ورح تضل طول عمرك بالانفرادي.. وصدقني محدا رح يسأل عنك.. لانو جناح الباشق مخبرون لاهلك انك متت.. وهنن خبرو انك مختفي ونحنا بنقول ماشفناه.. يلا نقي النهاي يلي بتعجبك..
ماعم يحكي ومصدوم
لونا : بس مارح ازعل غير ع خطيبتك.. قال كنتو تحبو بعض بجنون... يلا مالها نصيب فيك الله يبعتلا ابن الحلال احسن منك... شووو ليش ساكت بتفضل تموت هلأ ولا بتحب تموت ع البطيئ
زيدان دمعو عيونو وقال: بس والله انا مابعرف شي...
لونا قامت بدا تروح وقالت للعنصر: اكتب عندك بالمحضر الاعتداء علينا وقتل عنصر
زيدان : مشان الله وقفي انتي مافي بقلبك رحمة
لونا : لا
زيدان : بس ما قتلتو انا
لونا : ههههه ولا انا
زيدان : يعني خلص لبستني التهمة
لونا :متل مانك شايف
زيدان : طيب اذا حكيت يلي بعرفو.. شو بتكتبي بالمحضر عن العنصر المقتول
لونا :رصاصة طايشة من واحد من زملائو
زيدان : انا لا الباشق ولا جناح الباشق شفتون.. بس معي رقم جناح الباشق كان يتواصل معنا على التلفون وناخد الاوامر منو وبس
لونا : حافظ رقمو؟
زيدان : لا والله
لونا : شو عندك
زيدان : والله ما عندي شي .. انا شوفير بودي وبجيب واكتر الاوقات مابعرف شو محمل بقلب الصناديق
لونا : ماعندك اي معلومة توصلنا للباشق او لجناحو
زيدان : اي تذكرت
لونا: شو
زيدان محل ما بنجيب السيارات.. بيعطونا شيفرة شفهية نقولا لشباب يلي رح تاخد منا السيارات.. والشباب بقولها لجناح الباشق... وهاد الرمز هو الزمان والمكان تسليم الشحنة التانية او يمكن مصاري حق الشحنات
لونا : وبعدك متزكر شو هية الشيفرة
زيدان :ديكين 🐓🐓 ورقم ١٢ وخطين مستقيمن فوق بعض =
والنصف العلوي من الدائرة وقلب احمر ❤️
لونا : شو يعني هاد الرمز
زيدان : والله لو بعرف معناتو كنت قلتلك
لونا : وانا كيف بدي اعرف معانتو لهاد الرمز
زيدان : هي رومز هنن بيعرفوها
لونا : انت مافيك تساعديني
زيدان: بتذكر مرة عطونا نوصل رمز وكان عبارة عن ٣ عصافير. 🐦ورقم ٦ ودائرة كاملة وسيارة
لونا : وشو طلع معناتو
زيدان : هو واحد. من رفقاتي قلي شو معناتو.. انو العصافير بتدل على الساعة لانو في ساعات بكون بقلبن عصفور..وعددن٣ يعني الساعة ٣بعد نص ليل لانو مابشتغلو غير بليل ورقم ستة هاد مابغيروه يعني ٦ الشهر والدائرة الكاملة والسيارة يعني الدورا يلي بنص البلد دوار للسيارات
لونا : يعني الديكين معناتو الساعة تنتين ب ١٢ الشهر
زيدان : لا الديكين يمكن الون معنى تاني.. بس ١٢ الشهر مظبوط
لونا للعنصر : شقد الشهر اليوم
العنصر : ١١
لونا : شوووو.. يعني بس قدامنا اقل ٢٤ ساعة.... خدوه ع الحجز لحتى نشوف شوبصير معنا.. وانت (لزيدان) اذا عرفت تحلو للرمز بتخبرنا.. وكمان اذا طلع حكيك كذب ماتلوم الا حالك لانو الجريمة بعدا قائمة
سحبو العنصر لزيدان
زيدان : لحظة عنجد اهلي وصلن خبر انو ميت
لونا : اي
زيدان : بترجاكي بدي شوفن وخبرن انو عايش
لونا : لبعد بكرا بشوف.. وكمان اذا بدك تطلع بكير حاول تفكلي هالرمز
زيدان : رح حاول
طالعو.. وكانت عينو على العنصر يلي عالارض ودمو حميمو
بعد ماطلعو.. قربت لونا من الشب يلي على الارض وقالتلو قوم حاج تمثيل
فتح عيونو وقال مشي الحال صدق
لونا : اكيد صدق.. يلا قوم وغسل
فات ركان وشاف العنصر واقف
ركان : فهموني شو صار
لونا : ههههه رصاص خلبي وكيس دم ببطنو متل المسلسلات.. المهم سمعت شو قال
ركان : اي سمعت.. بس انا مبهور فيكي
لونا : ما وقت الانبهار هلأ... خلينا نحل الرمز معنا اقل من ٢٤ ساعة
ركان : تعالي هلأ لعند اللواء
لونا : ماشي
قاعدين لونا وركان عند اللواء.. ولونا معا لابتوب.. وعم تبحث بغوغل عن علاقة الديك بالوقت
لونا :مكتوب هون.. انو من زمان ماكان في ساعات وكان يعتمدو على صياح الديك بالوقت... لانو الديك بصيح بفقرات منتظمة هلأ هون مصادر مكتوب فيها لانو بشوف الملائكة.. ومصادر بتقول انو بداخل الديك شي متل الساعة الفيلوجية.. انو بتخليه يصيح بوقت محدد.. هلأ انا حسب ماشفت انو بيعتدمو على صياح الديك عند الفجر اكتر شي .. والديك عندو صياحين واحد قبل طلعو الفجر بساعة.. والتاني عند الفجر تمام
ركان: يعني قصدون بديكين عند طلوع الفجر
لونا : ع الاغلب.. يعني هلأ عرفنا الزمان وباقي علينا نعرف المكان
اللواء :ذكروني شو كان المكان
ركان : خطين مستقيمن فوق بعض والنصف العلوي من الدائرة وقلب احمر
ركان : شي معقد
لونا : معك حق
اللواء :فيكن تروح ع البيت بعيد عن ضغط الشغل وتفكرو براحتكم.. وانا كمان رح فكر بركي طلع معي شي
طلعت لونا وركان من الفرع.. وكل واحد اتجه لعند سيارتو
ركان : لونا رايحة ع البيت
لونا : اي
ركان : تعالي نروح نشرب شي بشي مكان
لونا: اوكي ليش لأ
سكرت سيارتا وراحت ركبت معو بالسيارة
........................
بالكافيتريا
قاعدين عم يشربو قعوة.. ولونا بأيدا ورقة وقلم ورسمت الرموز التلاتة يلي بقيو وصافنة فيهم
ركان : بتعرفي شو
لونا : شو
ركان : انا بقول انو نص الدائرة العلوي كأنو بدل على شي جسر
لونا : معقول.. بس وين صار الجسر بمدينتنا
ركان : لك شو نسيتي الجسر وين صار هاد يلي بيمرق من فوقو القطار
لونا : والله مشوشة كتير.. عرفانة انو يلي فوقو سكة حديد بس نسيانة بأيو مكان
ركان : لحظة شو قلتي
لونا: عن شو
ركان :قلتي سكة حديد
لونا : اي
سحب الورقة.. وع الخطين المستقيمين رسم عليهن بالطول خطين مستقين بالطول..
لونا : قصدك انو الخطين معناتو سكة الحديد
ركان : اكيد.. والنص الدائرة يعني الجسر
لونا : طيب شو يعني القلب
ركان : مابعرف.. بس يمكن بدل ع الحب..
لونا : ع الاغلب... انا برأيي خلينا نروح حابة اقعد لحالي بركي بيطلع معي شي
ركان : جبتيها.. ميتر لو سمحت الحساب
اجا الميتر عطاهن قيمة الحساب
لونا : شو اسمك انت
المتير : حسام
لونا اشرتلو على القلب يلي ع الورقة وقالت شو بيعنيلك هاد الرمز
ضحك وقال : ههههه الطرنيب
لونا من دون استيعاب : مافهمت
الكرسون : هي لعبة شدة.. وهاد القلب بدل على الكوبا بالورق
اتطلعت بركان واتضحكت وهو كمان ضحك
لونا : انت بتلعب شدة
الكرسون : اهوووو... كل يوم
طلعت اكرامية كبيرة وعطتو اياها
وقامو
الكرسون : كل هاد لانو قلتلا ع الكوبا.. لكن شقد كانت عطتني لو سميتلا الدينار والبستون والزهر ههههه
طلعو بالسيارة وهنن عم يضحكو
لونا : عم تفكر متل ما عم فكر
ركان : اكيد
لونا : انا عم فكر انو نروح وندور على شي صالة قمار عند الجسر وانت شو عم تفكر
ركان : ههههه كنت عم فكر نروح نلعب شدة
لونا : غليظ... بس عنجد كيف هيك لو ضلينا نفكر طول اليوم مارح تخطر على بالنا انو القلب بدل على الكوبا
ركان :ربه صدفا خير من الف ميعاد
لونا صفنت وقالت : مو ظابط المثل على فكرة
ركان : شبعرفني هاد يلي طلع معي هههههه
_____
بالفرع
ركان للواء :سيدي رحنا لعند الجسر وتبين معنا انو في هنيك صالة قمار.. يعني الرمز تحليلو صحيح
اللواء : ما توقعت تحلوه بهي السرعة
لونا : سيدي تبين معنا انو كتير سهل.. والحمد لله قدرنا نحلو بهل السرعة
اللواء : لكن روحو ارتاحو لحتى تكونو جاهزين المسا للمهمة
ضربولو تحية وطلعو
_______
بالفيلا عند الباشق
فات جلال لعندو وقال : امرك يابيك قال طلبتني
الباشق : صح... بدي خبرك انو تلغي الموعد تبع اليوم
جلال : خير يابيك
الباشق: هيييك.. نفذ بدون اعتراض
جلال : امرك
______
المسا بعد نص ليل
دلال : ع وين متطقم ورايح
ركان : عندي انا ولونا مهمة
دلال : شوشو انت ولونا ومهمة بهيك وقت
ركان : دلال الله يخليك كبري عقلك
دلال : لك ماهو عقلي كبير كتير... ولو مانو كبير مابضل عندك ولا ثانية
ركان ما رد عليها وطلع
دلال : انا بفرجييك يا ركان.. يا انا يا هي الفلتانة
طلع وطبش الباب ومارد عليها
نزل لعند لونا ودق الباب... فتحتلو لونا.. اول مافتحتلو فكرها زحدة تانية بس معن فيها منيح.. واتأكد انها هية.. كانت طالعة كتير حلوة.. لابسة فستان اسود يلي اشترو من المول.. هو الفستان قصير لفوق الركبة ديق عقد الجسم وفيه لمعا دهبية وشعرا عاملتو بالفير ومنزلتو على كتفا وحاطة ميكب اوفر... وذاد فوق جمالا جمال
ركان كان صافن فيها وعم يتفحصا من فوق لتحت
لونا : هيي.. ركااان... نحن هنا
اتطلع فيها وقال : كأنو لبسك ومكياجك كتير مغري
لونا : يعني هيك مكان بدو هيك لبس
ركان : طيب ماشي.. تفضلي
طلعو وراحو ع صالة القمار.. وطبعا منسقين مع دورية تحاوط المكان من بعيد وبدون محدا يحس
وصلو ع الصالة
الحارس : مين حضرتكم
لونا : زباين جدد
الحارس : ممنوع
اتطلعت بركان واحتارت شو تقول
قرب ركان من ادنو وهمسلو فيها..
الحارس : اذا هيك اهلا وسهلا تفضلو
فاتو ولونا محتارة انو شو قلو
لونا : شو قلتلو
ركان : قلتلو بعطيك هي البنت تقضي معك الليلة
لونا : عم تحكي جد
ركان : هههه شو مجنونة انتي... قلتلو انو انا من طرف الباشق
لونا : وبركي عرف انو عم نكذب ووصل الخبر للباشق
ركان : لا ما بحس تعالي خلصينا
فاتو لجوا وتفاجئو بكبر الصالة وجمالا وكانت مليان طاولات مدورة هي يلي بتدور متل الدولاب وكمان ناس قاعدة عم تلعب بورق الشدة
لونا : مستغربة انو في هيك شي عنا بالبلد.. وكيف هيك ومامعنا خبر بشي
ركان : هههه وحياتك الشرطة بالبلد اخر من يعلم.. بس بوعدك بس لاوصل لحدا من طرف الباشق.. رح نسكر هاد المكان ونعتقل كلشي بقلبو.. مفكرين الدنيا سايبة
لونا : طيب هلأشو بدنا نعمل
ركان : بدنا نعرف مين من طرف الباشق هو وشو شغلتون.. شو بدون يسلمو لبعض.. شقد الساعة معك
لونا : لسه نص ساعة بصير الفجر وبصيح الديك مرة تانية
ركان : روحي اقعدي ع هديك الطاولة الفاضية.. خمس دقايق وراجع
لونا : وين رايح وتتركني لحالي
ركان : ما بطول ثواني وراجع
راحت قعدت على طاولة فاضية.. وكانت عم تتفتل حوليها مدهوشة.. كانت الصالة مليانة ناس وضجة وطاولات كتيرة وعكل طاولة ناس عم تلعب.. وفي للمحل متل الطابق التاني او السقيفة بتطل لتحت وكمان في عليها ناس ... وفي بار صغير في مشروب لونا صارت تتلفت حوليها وتدور على ركان
فجأةحست على ايد انحطت على كتفا.. التفتت لتشوف مين.. وكان زلمة بعمر ٤٠
لونا : تفضل
_شو رأيك تقعدي معي بركي جبتلي الحظ
لونا :بشو؟
_باللعلب شو بشو
لونا :امممم... واشقد بتدفع؟
_الف $هلأواذا ربحت الك اضعافن
لونا : طيب ليش انا
_لانك مميزة ولفتي نظري من اول مافتي.. وحاسس انو رح تتطور علاقنا
لونا : اوك.. ليش لأ حطت ايدا بأيدو وقامت معو
______
ركان سأل عن صاحب الصالة.. وراح لعندو كان قاعد بغرفة صغيرة بأخر الصالة
فات وكان صاحب الصالة قاعدة وفي بنت عم تفركلو كتفو
_مين انت وشوبدك
ركان : في موعد الي اليوم مع الباشق
ركز قعدتو واشر براسو للبنات انو تطلع لبرا
البنت وهية طالعة غمزت ركان وطلعت
ركان تفاجئ فيها
_انت اكيد غلاطان
ركان : كيف هيك
_انت شرطة شي؟؟
ركان : ههههه شو شرطة ماشرطة لو شرطة كنت قعدت معك هالقعدة... بس بصراحة معلملي بعنتي اليوم لهون لانو بدي وصل شغلة للباشق او لحدا من رجالو
_انت من جماعة الطلبية تبعت اليوم
ركان : بصراحة لأ.. انا معلمي قدر بطرقو الخاصة انو يعرف انو الباشق او حدا من رجالو رح يجي لهون وبعتني مشان وصلن امانة
_انا من رجال الباشق عطيني الامانة وانا بوصلا
ركان : وشو الدليل
_صدقني انا من رجالوو
ركان : اسف بس مابوثق فيك واذا سلمتا للامانة للشخص الغلط رح اوقع بورطة مع المعلم
_شو اسمو المعلم تبعك
ركان : هاد سر ومابقدر خبرك فيه.. عكل حال انا طالع انطرو برا بالصالة الا مااعرفن لحالي
_لا تعذب حالك لانو لغو الموعد اليوم
ركان : عم تحكي جد
_عطيني الامانة وانا بوصلا
ركان صفن وبعدين قال : خايف من المعلم كتير.. انا رح روح هلأ وخبرو واذا سمحلي اعطيك الامانة بجي وبعطيك اياه
_ايمت راجع
ركان : مابعرف.. بس اكيد راجع بالاذن
طع ركان وهو ع الباب خبطت فيه البنت عن قصد
البنت : سوري.. سووري
ركان : مامشكلة
بدون محدا ينتبه حطتلو ورقة بأيدو وقطعتو ومشت.. هو ضبا سرعة بجيبة جاكيتو ومشي... صار بنص الصالة وصار يدور على لونا بعيونو
....................
لونا واقفة حد الزلمة يلي طلب منها تكون معو
_الظاهر وجهك حلو كتير يا؟؟
لونا :هههههه لولو... بس وين حصتي
_بعد بكير خلينا نخلص
لونا بغنج : هههههه لا بيبي كل لعبة بلعبتا بركي خسرت بالجولة التاني
_تكرم عيونك ياقمر..
سحب رزمتي مصاري وعطاها اياهن
شافها ركان وجن جنونو.. بس تحكم بأعصابو ومشي بهدوء لعندا.. وهية اول ما شافتو اشرتلو انو مايقرب.. وهو كمان اشرلا انو لازم يطلعو بسرعة وهو وقف مكانو.. نزلت لعند ادن الزلمة وقالتلو بدي روح ع الحمام خمس دقايق
_ماتطولي.. بدي اسهر معك بعد اللعب
لونا : اكيد يا حياتي..
اخدت المصاري وطلعت بسرعة وطلع وراها ركان بسرعة ركبو بالسيارة وانطلقو
لونا عم تضحك من كل قلبا : هههههههههههه
ركان : شو هاديلي كنتي عم تعمليه.. وشو هاد يلي معك
لونا : هههههه مصاري،
ركان : لأولووو والله فكرتون ورق شدة.. بعرف مصاري بس كيف جبتيهن
لونا : كنت قاعدة مع واحد عطاولة القمار وهدول عطاني اياهن لانو وجهي خير عليه ههههههههههه
ركان : لك انتي مجنونة كيف بتعملي هيك.. وهي المصاري رميها من الشباك هي مصاري حرام
لونا : بعرف انو حرام.. بس قلت بنعطيهن لشي دار عجزة او ايتام هههههه المهم انت شو صار معك وليش اشرتلي انو نطلع..
ركان : الباشق مانو هون ولا حدا من رجالو.. بس في وحدة عطتني هي الورقة بالسر يمكن بدا تساعدنا.. وعطاها الورقة للونا
فتحت الورقة وكان مكتوب فيها رقم تلفون وتوقيت ٩:٠٠ ص
لونا : يعني بعد كم ساعة... ليك الشمس طلعت... خدني ع البيت لحق نام شي ساعة... هو انا قلبي حاسسني انو هالجية فاشوش.
__________________________
الساعة الثامنة صباحا
نايمة لونا وحست على تلفونا كان عم يرن..
لونا : الو
_كيفك لولو
لونا : مين
_ انا الاء شو ماعرفتي صوتي
لونا : لاتواخذيني لانو بعدني نايمة وماعم ركز.. اي انتي كيفك وكيفو البيبي ومؤيد وامك
الاء : الكل بخير وبسلمو عليكي... يلا قومي وتعالي لهون
لونا : ع وين
الاء : لعنا.. امي عاملي كتير اكلات بتحبيها وعازمتك ع الغدا ومافي اي اعتراض
لونا : بسس
الاء : مافي ولا بس يلا ناطرينك
لونا : طيب بس رح اتأخر شوي يعني بعد العشرة
الاء : طيب ماشي المهم تجي
لونا : اوكي.. سلمي
سكرت وقالت : من وين طلعتلي هية هلأ... اوووف اتطلعت ع الساعة وقالت يلا لسه ساعة رح نام
ظبطت نومتا ونامت
______________________
بالفرع
قاعدة لونا وركان واللواء مع بعض
اللواء : شو ناوي يا رائد ركان
ركان : سيدي بدي اتصل بهي البنت وشوف شو عندا ممكن تكون من طرف الباشق.. واهم شغلة هية بدي نشكل دورية ونروح نسكر صالة القمار ونلقي القبض على كلشي فيها
لونا : انا رأيي عمهل شوي.. لانو هيك يمكن الباشق ياخد احتياطاتو اكتر
ركان : شو سيدي
اللواء : رأيي من رأي لونا حاليا خلينا عم نشتغل ع المخفي وبس خلوها للصالة تحت المراقبة
اتطلعت لونا ع الساعة وقالت : هي صارت تسعة وربع اتصل بلا ماننطر اكتر من هيك
اتصل ركان وفتح السبيكر
صوت انوثي ناعم _الو
ركان : مرحبا
_اهلا مين
ركان : انا يلي مبارح عطيتني رقمك
_اي.. اي..
ركان : ليش عطيتني رقمك
_انت ليش عم تسأل ع الباشق
ركان : عايزو
_انتي شرطي شي؟؟
ركان : لأ
_انا رح اعطيك طرف الخيط لحتى توصل للباشق
ركان : وبركي كنتي متأمرة معو.
_كيف بتحب اثبتلك انو ماعم كذب
ركان : شو مصلحتك
_ المصاري
ركان : طيب ليش سألتني اذا كنت شرطي
_لانو اذا شرطي كمان رح ساعدك.. بصراحة انا لاحظت انك عم تدور ع الباشق مو لانك بتحبو او حابب تتعرف عليه.. مبين في نية خبيثة بعيونك.. وبصراحة انا الباشق الي عداوة معو واذا حدا بخلصني منو ليش لأ
ركان : شقد بدك
_بشوفك وبنحكي
ركان : بكون احسن لانو في اسئلة كتير عم تدور براسي
_اوك.. لكن حدد الموعد وانا جاهزة.. سلام
ركان : شو فهمتوو
اللواء : الحق الكذاب لورا الباب
لونا :حاول تفهم منها شو هية هالعداوة
ركان :اكيد
رن تلفون لونا.. اتطلعت عليه وبينت على وجها علامات الغضب...
ركان : مين
لونا بسخرية : عمي
ركان استأذن من اللواء وسحب لونا من ايدا وطلعو لبرا
ركان : ليش ما رديتي
لونا : مابدي رد
رجع رن التلفون
ركان :ردي
لونا : مابدي..
ركان : مابصير قد ماكان عمك
لونا : لا عمي ولا بعرفو شو نسيت شو عملت معي مرتو وهو ماعملا شي ولا كأنو شي صار.. وصدقا وكذبني
ركان : طيب ردي شوفي شوبدو
لونا : ماني رادة
ركان : طيب ردي وقوليلو انك مابدك تحكي معو... بريحك من كتر الدق
رن مرة تالتة التلفون ولونا ردت بسرعة : الو... خير عمو... انا منيحة طول ماني بعيدة عنكم... عمو بدي اطلب منك طلب عهل الرقم لاتتصل وانسى انو عندك بنت اخ.... اي هيك صار الحكي... الله معك
لونا : هيك منيح ركان افندي
ركان : مابعرف... بس احسن مايضل يزعجك..
لونا :انا الشي يلي قهرني انو لهل ما اخدت حقي من هالحقيرة ولا الشرطة اخدتلي حقي
ركان :انتي بتعرفي القانون منيح.. والقانون مابيعتمد على حكي طفلة مريضة نفسية
لونا :معك حق.. بس الله مابينسالي حقي
ركان :قولتك تركيها لربك... المهم املاك اهلك ماراحت الهن
لونا :والله لو اخدوهن كنت لطالعهن من عيونن عامص
ركان :روق ابو الفضل
زورتو وقالت : روح من خلقتي انت التاني ماني طايقة حدا
ركان : هههههههه الله يساعدنا على جنانك.
تركتو وطلعت وراحت عبيت اهل سامي
وصلت وكان الكل بأستقبلا الاء وجوزا وسامي ومرتو وام سامي سلمت ع الكل وفاتو قعدو.. كانت نظرات سامي الها فاضحة كلشي بقلبو من حب وشوق.. بس هية تحاول تتجاهلو
الاء لاحظت نظرات سامي للونا.. ومشان نوال ما تنتبه قررت تسحب لونا على جنب
الاء : لولو حبيبتي تعالي معي شوي بدي اقعد معك لحالنا متل ايام زمان
لونا : اي ليش لأ
الاء : تعالي عغرفتي
راحو ع الغرفة وسكرو على حالن الباب
الاء: انا بعتذر عن سامي وعن تطليعاتو عليكي
لونا بستغباء : ليش كان عم يتطلع علي
الاء : لش ما انتبهتي
لونا بلا مبلاه : لا
الاء : اي منيح.. اي تعالي نقعد هون ع البلكون الهوايات حلوين لبين مايصير الغدا
لونا : ماشي
قعدو وماحكو شي
بعد شوي حكت الاء: لونا شبك.. ليش هيك صايرة
لونا : انا كيف
الاء : حاسستك انسانة تانية ماعندك مبلاة لشي.. وكأنو كلشي بهل الحياة بالنسبة الك عادي
لونا : صح
الاء: صح؟؟ يعني احساسي صح
لونا : اي صح.. انا انسانة فاضية من جوا
الاء : ليش هيك
لونا : هه مابعرف.. يمكن الايام.. يمكن الوحدة يمكن كتير شغلات
الاء : ممكن اسألك سؤال؟
لونا : سألي
الاء : وين كنتي
لونا : بهل الدنيا
الاء : اذا مابزعجك بترجاكي احكيلي شو صار معك.. لونا : رح احكيلك لانك صديقتي القريبة وكمان لانو بوثق فيكي كتير وانك مارح تحكي لحدا
الاء : بوعدك والله انو مارح احكي لحدا
لونا : القصة ومافيها انو كنت قاعدة بغرفتي كافية الكل خيري شري.. مع انو كانو قاعدين عندي بالبيت.. المهم فاتت هديك الحقير يلي مابتتسمى
الاء : مرت عمك؟؟
لونا : اي مقصوفة الرقبة الله يشلها ويعلها
الاء : كملي
لونا : فاتت لعندي وطلبت مني انزل ع السوبر ماركت لي بسفل البناي....##فلااااااش_بااااااااك#$$
_قومي لونا حبيبتي نزلي ع السوبر ماركت بدي بن
لونا : مرت عمو تعبانة بعتي حدا من ولادك
_لك قومي بتغيري جو.. انا قصد عم ابعتك مشان تطلعي من غرفتك وتتنفسي شوية هوا نضيف
وقفت لونا وظبطت بجامتا وقالت : شقد جبلك
_هيك نازلة؟؟
لونا : اي هيك.. انا عطول بنزل هيك.. ماقلتيلي شقد جبلك
_وقية
لونا : ماشي
وصلت لباب الشقة واتطلعت عليه كتير وكأنو قلبا حسا انو مارح تشوفو بعد اليوم.. تنهدهت تنهيدة طويلة وطلعت وطبشت الباب.. نزلت ع الدرج وكانت تحس خطواتا تقيلة.. في شي عم يمنعا تكمل بس كملت وطلعت صارت عباب البناي حطا اديها بجياب الجاكيت البجامة وصارت تتأمل البناي وهية ماشية على الرصيف.. كانت مرت عمها واقفة على بلكونة البيت كانت عم تنظر عليها نظرة غريبة.. تعجبت فيها لونا... مشت كمان كم خطوة وهية بعدا عم تتطلع عليها.. فجأة حست حدا حط شي على تما.. حاولت تقاوم او تصرخ بسرعة سحبوها على الفان.. سحبوها بسرعة هبة رجعت اتطلعت عمرت عما لقتا واقفة وعم تضحك.. انصدمت لونا انو توقعت تصرخ عليها تعملا اي شي.. بس كانت عم تضحك... وقفت عن المقاومة والسيارة مشت بسرعة... ولونا هون بلشت تغيب عن الوعي
########باااااااك####
الاء : الله لا يوفقا.. معقول ماعملت شي ولا صيحت ولا شي
لونا : لك كيف بدا تصيح وهية يلي متفقة معون انو يخطفوني
الاء : شووو... اي وشو صار بعدين
لونا : بلشت فتح عيوني وكنت بمكان كتير غريب
##فلاااش_باااااك##
فتحت عيونا لونا.. لقت حالا بغرفة كتير غريبة مليانة الوان واضوية.. تجلست لتشوف بوضوح.. كانت الغرفة كبير وفيها تخوت كتير وكأنو متل شي زنزانة بس لا مو زنزانة كان فيها بنات كتير كانو لابسين تياب كتير فاضحة ومتمكيجين ودخان سيجارين ملاي الغرفة.. كانو عم يتطلعو عليها من بعيد ومحدا قرب منها
لونا : وين انا؟؟
محدا رد
لونا : مين انتو.. وانا شو عم اعمل هوون
_ لاحقة على كل هية الاسئلة ههههههههههه
لونا : شو يعني
انفتح الباب وفاتت مرى عمرا بالاربعين الكل وقفلا.. ضلت مكملة لعند لونا.. وقعدت حدا
_شو اسمك ياحلوة؟
لونا : مين انتي.. انا بدي ارجع ع البيت
_هههههه شو بيت ما بيت يا قطة.. انتي جيتنا ع طبق من فضة بدك ايانا نرجعك ع البيت
لونا :مافهمت
_ اول شغلة جيتنا ببلاش.. وثانيا الزباين رح يومتو عليكي لانو زغنوطة وبعدك بنتوتة
لونا خافت من حكيا يلي مافهمت منو شي وصار تصرخ وتقول : انتو شوبدكن مني.. خلوووني روح.. مابدي ضل هوون
_ههههه و بدك مرت عمك تنجلط اذا رجعناكي
لونا : شووو.. لك شو عم تحكي مشاان الله فهميني
_موضروري حبيبتي.. المهم هلأ انو من اليوم ورايح صار بيتك هون.. وبتشتغلي متل ماعم يشتغلو هدول البنات من تم ساكت
لونا بصوت خافت : ليش شو عم يشتغلو هدول
الكل : ههههههههههههه
_ خلص كلشي بوقتو حلوو.. المهم هلأ قومي شلحي بجامتك وفرجيني جسمك
لونا : لييش.. ليش.. شوبدك بجسمي
_اوووف.. انا بلشت ضوووج.. سوسو و كارما.. تعالو شلحوها خلصوني
لونا مسكت تيابا وصارت تضبن على حالا وترجع لورا..
قربو تنتن وشلحوها تيابا وهية عم تبكي وتصرخ انو يتركوها.. خلوها بتايبا الداخلة وجروها لعند معلمتون
كانت عم تبكي ومنهارة تماما ومالا نفس تقاوم
هديك صارت تلمسلا على جسما
_ههههه لحماتا طرايا زبطوها يابنات اليوم المسا بدي اعرضا على زبون
تركتن وطلعت
البنات : قومي معنا
لونا : بترجاكن تركوني.. والله انا ماعملت شي
_لك خليصنا قومي والله مانقصنا قومي بلا وجع راس
لونا : ع وين
_ ع الحمام يلا
لونا : شوفي بلحمام بترجاكن تروكني خلوني رووح من هون
_اوووووووف خليصينا تعالي
سحبوها غصب عنها ع الحمام...... بعد ساعة بالحمام كان صياحا معبا المكان وهية تبكي وتقلون تركوني طلعت كان ملفوف علا جسما منشفة ودموعا نازلين على خدا متل الشلال
قعدوها على كرسي وتمجعوا حوليها وصارو وحدة تعملا شعرا ووحدة مكياج ووحدة اظافيرا ووحدة نقتلا فستان سهرة تلسبو
يلي عم تعملا مكياجا رفعت ايدا وضربت كف وقال : بكفيي بقا.. هي تالت مرة بعملك المكياج اذا لسه بتخربيه والله لاحرقك
ماحكت ولا كلمة وصارت تتشلهف من تم ساكت.. كانت حاسة انو قلبا من جوا عم يبكي ويرجف... حاولت قد مافيها انو تخفي دموعا مشان ماتاكل كف تاني.. ولما خلصوها فاتت المعلمة تبعتن
المعلمة : اي شو هاد شو هاد.. بتعرفي انو في ٣ زباين كانو عم يتقاتلو عليكي.. بس رح اعطيكي للشخص يلي دفع اكتر.. يلا عشر دقايق وبتكوني عندو
لونا بخوف وتأتأة : ش.. شوو.. شوو يعني
المعلمة : ههههههههه يعني رح ينام معك ياحلوة
لونا : شو يعني ينام معي
المعلمة : هي جدبة ع الاخير... لولو فرجيها على مقطع خليها تتعلم قبل ما تفضحنا
لونا : بس ان مابدي نام مع حدا.. بدي روح ع بيتنا
المعملة تجاهلتا وقالت : لولو بسرعة لانو الزبون ناطر
لولو : امرك
سحبتا المدعوة لولو ع جنب وعطتا الموبايل وقالتلا تفرجي ع هاد الفيديو وكلشي عم تعملو هي البنت هون بدك تعملي متلو فهمتي... مسكت التلفون بأيدها يلي عم يرجفو.. وبلش المقطع واول مابلش وشافت شوفي بالفيديو بسرعة رمتو وتقول لا لا.. انا مابعمل هيك.. لاااا... طالعوني... طالعوني.. وصارت تصرخ وتكسر. طالعوووني... يامااااماااا... يا بااااباااا... ياربيي... طالعوووني... قربت من الباب وصارت تخبط وتقلن طالعووووونييي... بدي اطللع . فاتت المعملة ومعا كرباج طويل.. مسكتا من شعرا ورمتا ع الارض ورفعت الكرباج بالهوا وضربتا واحد
لونا : ااااااااااااااااخ...
المعلمة :شبك وليه مجنونة... نحنا هون ماعنا ياعيني وياروحي يلي بدنا نقلك عليه بتفزيه... شوو بدك تسمعي الكلمة
لونا وهية عم تتوجع قالت :اي.. اي
المعلمة : ظبطولا مكياجا بسرعة الزبون ناطر
سحبتا لولو وقعدتا على الكرسي رجعت عملتلا المكياج ولونا كانت ساكتة وعم تحاول قد مافيها تحبس دمعتا مشان ماتنزل وتسببلا مشاكل
لولو : صرتي جاهزة قومي معي
سحبتا من ايدا وطالعتا من الغرفة.. كان بالكوريدو واقفة المعلمة وزلمة من رجالا..
المعملة : اتطلعي فيني لشوف..
رفعت راسا واتطلعت فيها
المعملة : كتير منيح.. يا زياد خدا ع غرفة الزبون
زياد : امرك معلمتي
سحبا من دراعا ومشي.. فتح باب غرفة ودفشا لجوا وسكر الباب.. هية اجت بطح بالارض... اجت بدا تقوم لقت حالا عند رجلين زلمة.. صارت تتطلع عليه من تحت لفوق... كان زلمة كبير بالعمر
_ احلا من الصورة بكتير... يلا ياحلوة قومي وفرجيني شو عندك..
وقفت وبعدت عنو بسرعة
_ شو شبك خجلانة
لونا : مشان الله ياعمو.. طالعني من هون
_عمووو... انا عمووو.. وبعدين ليش لحتى طالغك من هون.. مين غاصبك
لونا : هنن هدول يلي برا غصبوني... انا مابدي
عصب وفتح الباب وصار يعيط ع ملات صوتو يا صباح... يا صباح
لونا هون اخدت نفس عميق وفكرت اجاها الفرج
اجت المعلمة وهية صباح
صباح : خير.. خير.. يابيك
_ شو هي يلي جايبتيللي اياها.. انا دفعت مصاري بلاولي لحتى تجي وحدة تروقني وتبسطني مو لحتى اغتصبا...
صباح : صدقني يا بيك هية بس خجلانة شوي
_ لا خجلانة ولا بطيخ.. تعي خديها من خلقتي ورجعيلي مصاريي
صباح : طول بالك.. بس مهلني ساعة لخليها متل الخاتم بأصبعك
_ لا خاتم ولا صرماي هي مابدي اياها.. هلأ بترجعيلي مصريي
صباح : اسفة يابيك... تكرم رح رجعلك مصاريك... بس مارح خليك تطلع من هون وانت معصب.. رح جبلك بنت تروقك
تنهد وقال : يلا بسرعة... وخدي هي من خلقتي
صباح : حاضر.. حاضر.. زياد شحطلي هي
##########بااااااااك#####
الاء وهية مصدومة من يلي عم تسمعو قالت : وشو عملو معك
لونا : اخدني هاد التور يلي اسمو زياد ع عرفة وسكر علي الباب وكان معو كرباج وبلش يضرب فيني وانا ومحل كل ضربة حس انو قطة من جسمي راحت.. من كتر ماكان الضرب قوي حسيت قلبي معد يتحمل وجع وبلشت غيب عن الوعي.. انا هون فكرت حالي عم موت.. بس للأسف ما متت... بعد يومين فتحت عيوني وياريتني مافتحتن كانت فوق راسي صباح وزياد... ااااخ شو انقهرت لانو ماطلعت ميتة...
#####فلااااش_بااااااك###
صباح : صح النوم
ما ردت لونا
صباح :شفتي يلي بيعصي اوامري شو بصير فيه.... يلا قومي في زبون ناطرك
لونا : لو بتموتيني مارح اعمل متل مابدك
فجأة حست بكف