فندق الأوهام
بتوصل يسر للفندق اللي كانت حاجزه فيه وبتدخل وتاخد مفتاح اوضتها اللي بتكون مطله على البحر بيديها ده احساس جميل صوت الامواج وهي بتخبط في الصخور والرمال اللي الناس بتمشي عليها بتفتح يسر الكمبيوتر بتاعها وبتبدا في الكتابه بس بتقف ما فيش الهام ما فيش اي افكار كل اللي في دماغها راح بتحاول تطلع وتتمشي شويه وبتلاحظ ان في دور مقفول في الفندق بتطلع تقعد هناك بتسمع صوت حد بينادى بس بيقول حور هي افتكرت في حاجه مامتها ما كانتش بتقول لها يسر كانت بتقول لها يا حور بس ده بينها وبين مامتها مش قدام الناس مستحيل هي دي ماما اللي بتنادي عليا دي ماما بتدخل يسر الدور ده وتتمشى فيه وتحاول تسمعها الصوت جاي منين بتلاقي حد قاعد في اخر الممر على كرسي عريق وبتقول :تعالي يا بنتي انا عارفه انك كنت هتيجي ها وحشتك ولا لا؟يسر بتبقى مستغربه وتقول: ماما هو ده فعلا انت ولا انا بتخيل؟. ترد: ردي علي وحشتك ولا لأ. تقترب يسر بخطوات متردده و بتحط ايدها على كتف الست اللي قاعده ومره واحده الست بتتلفت وبيبان فعلا إنها الست كريمه. وفي الوقت ده بيطلع موظف الاستقبال ويقول لها :حضرتك بتعملي ايه هنا هنا محظور انك تدخلي محظور ان اي حد يطلع هنا فبترد :يسرا بس ماما هنا ماما هنا بتبص على مامتها مش بتلاقيها بتقول له والله ماما قابلتني هنا قال لها :مامتك متوفيه قالت له: اه من اربع شهور. بياخدها الموظف وبينزلوا وبيقول :انا هحكي لك حكايه الدور اللي فوق ده اتقتل فيه اربع ستات وخمس رجاله في حادثه حريق الرجاله كانوا كلهم مجتمعين والستات في اوضه واحده وقاعدين بيتكلموا واحد منهم كان بيشرب سجاير ساب سجارته مولعه ومخدش باله ورماهاعلى الارض ولعت في الاوضه كلها لما جينا نلحقهم كانوا خلاص تحولوا لفتات عشان كده محدش بيطلع فوق و حظرنا الدور ده نهائي عشان الاشياء الغريبه اللي بيشوفوها فوق امانه عليك ما تعرفيش حد اني حكيت لك هيمشوني من هنا وهنا المكان الوحيد اللي بسترزق منه وباكل منه عيش.....يتبع