البارت العاشر
رجع البيت ع الساعه 11:00 دخل وهو تعبان ونسي انه مااخذ مفتاح الشقه دق دق مافي احد جاوب وعرف ان الكل مجتمعين في شقه امه فطر يكمل الطريق لين وصل لشقه الثانيه دق الباب وفتح له مراد.. مراد: عمييي علييي جاااء. علي: لاتصارخ يامراد راسي مصدع.. ودخل مباشرتاً للمجلس وشاف الكل مجتمع
اهناك.. ام علي: رجعت وين قليله الاصل يلي معك..
جلس علي وقال: وش بلاكي يمه ع البنت تراها مسكينه وحالتها ماتسر العدو.. ابو عزيز: وش صابها.. علي: امها توفيت كان فيها القلب والله يرحمها. ياسمين: ان لله وان اليه رجعون.. ام علي: وين هي الحين.. علي: خليتها في بيتها ترتاح.. ام علي بعصبيه: ليييه كان رجعتها معاك.. علي: تعبانه.. وزوجها الله لابارك في عدوينه وييينه.. ضرار: رااح مع اخوياه.. علي بعصبيه: اخويااه وناسي زوجته يلي مالهم اسبوع متزوجين الله يهديه
داليا: وش فيها يعني تراه خرج عشان يغير جووو
علي: انا اعلمه تاركن زوجته المسكينه وقاعد يغير جو
ام علي: خلي الولد بحاله ياعلي.. علي اتنهد وقال بطاعه: زين اااا ضرار.. ضرار: سم يبه..علي: وين خويك عدنان راح ضرار: لايبه انا قلت لك يقعد عندي هلفتره..علي: وليه ماتروح تقعد عنده وش مجلسك اهنا.. ضرار: تعبان وكان يبي ينام.. علي: زين. يالله سمر ننزل.. سمر وقفت ومشت معه.. ضرار لداليا: وين عمتي الهنوف.. داليا: وش عرفني انا.. وقفت ومشت.. ضرار: وش بلاها منفسه ذي.. ولف لعند عمته ياسمين وقال: ياعمتي ياسمين.. ياسمين: هااه ياعيون عمتك.. ابتسم ضرار وقال: تسلم عيونك الا وين الهنوف كنت ابغاها.. ياسمين:ااا في غرفتها..ضرار:زين تقولين لها بكره بصباح تجي لعندي.ياسمين:تم..ابتسم وقف وراح
﴿في الصباح ﴾ صحت الهنوف واتجهزت عشان تروح الجامعه وقالت لها ياسمين ع طلب ضرار نزلت للمجلس الكبير فتحته ودخلت وشافته نايم وملحف..رفعت النقاب وقربت منه ونادت:ضرار..ضرار وش كنت تبي..
صحى عدنان ع صوتها بس مااتحرك مستحي...
الهنوف:ضرار وش بلاك اصحييييي وش كنت تبييي وابعدت اللحاف وشافت وجهه عدنان ناضرته مصدومه وفتحت عيونها ع الاخر..عدنان ماعرف ايش يسوي بس يطالعها وهو مستغرب وبنفس الوقت مستحي..
الهنوف حست على نفسها شهقت وخرجت جري....
ضحك على استعابها المتأخر وقال:وش ذا الاحراج اففف..ووقف يجهز نفسه يروح الجامعه.....
خرجت الهنوف وهيا ماسكه على قلبها وتتفس بسرعه وقالت:ياويلي ويلاه ياويلي ويلااااه وش ذا الاحراج ياربي انا وش اسوي وش بيقول ععني ماتستحي..
دار ماجد في الشقه ومالقي اثر لها وهمس:يمكن نازل
حس حاله يبي يشوفها..نزل لشقه الثانيه ودخل المجلس..وشاف اخوانه وقال:السلام عليكم..رد الكل:وعليكم السلام..ماجد:وش بلاكم تطالعوني كذا
علي بعصبيه:متى جييييت.ماجد:قبل ربع ساعه....
علي:حرمتك وينها...ماجد:وينها يعني اكيد مع حريمكم
ياسر:الا الا مع حريمنا..علي بعصبيه:ويييينك عنهاااا قاعد مع اخوياك وناسي زوجتك..ماجد بخوف مو عارف سببه:ليييه صار لها شي..علي بعصبيه:امها امس توفيت وماعرفت مين ياخذها وانت قاعد تلعب مع اخوياك..وقف ماجد وقال:وشو متى صار كذه...
علي:امسسسس انت مو قد المسؤاليه ابد ياماجد
ماجد اتنهدت باسف وقال:وانا وش عرفني...علي بعصبيه:وش يلي وش عرفني زوجتك امس حالتها يكسر الخاطر وتبي ولو واحد يوقف معها ويساندها ويهديها وانت الله اعلم وين حطك...تراها منا فينا وهي مالها ذنب عشان تتعاقب بذنب ابوها..ماجد وقف وهو زعلان وقال:زين ابروح لها..ياسر:تراك مستهتر ياماجد مو لان امي وجدي مايحبونها تقوم وتسوي نفسهم ترى بنوقف ضدك الحرمه حرمه.ماجد:زين زين..وخرج
بسرعه وهو يحس نفسه زعلان مره..الهنوف شافته يمر من قدامها وقفته قائله:ماااجد.لف لعندها وقال:وش تبين..الهنوف:وين رايح..ماجد:لنوف..الهنوف:اجل باجي معك اشوفها..ماجد:زين يالله..وراحو ركبو السياره ومشي ماجد متجه لبيتها..............
دق الباب وقفت بتعب وراحت صوب الباب وقالت :مين..ماجد:انا ماجد يانوف..اتنهدت ورتبت شعرها وفتحت ورسمت على وجهها ابتسامه مصطنعه وقالت:اهلين..الهنوف ضمتها بسرعه وكأنها حاسه فيها وقالت:اشلونك حبيبتي..نوف:نحمد الله ونشكره....
الهنوف:شفت ماجد جاي لعندك قلت باسلم عليك واروح الجامعه..نوف:ماتقصرين..الهنوف:انتي بخير متأكده تراه مقدر ومكتوب..نوف:الحمد لله..ماجد بس يراقبها ويشوف لعيونها يلي ناعسات بقوه وكأنه بلقوه مفتحتهن..الهنوف:اكلتي..نوف:ايه قبل اشوي..الهنوف:اطمنت عليك باروح الحين..وسلمت عليها وقالت:اقعد عند زوجتك ..ماجد:زين..ابتسمت ورجعت النقاب وخرجت..ماجد:ااا تبيني ادخل او ارجع.نوف:لالا ليه ترجع اتفضل
ابتسم وقال:اخلع نعالي او لا..نوف:براحتك..ماجد:بخلعه..وخلعه ودخل...
كانت البيت مكونه من صاله ومطبخ صغير وغرفه فقط لاغير..فكر بداخله كم عندها اموال كم عندها ثروه وكانت عايشه بمكان مثل ذه.اتنهد وجلس ع الكنبه القديمه وقال:اشلونك.نوف جلست جنبه وقالت:الحمد لله على كل حال ..ماجد:
وتراكمَتْ فينا الهُمومُ كأنما
تجثُو على أنفاسِنا الأيّامُ
يا ربِّ زِدنا منكَ قُربًا كلّما
قَسَتِ القلوبُ وزادتِ الآلامُ."
نوف:الله شاعر ياماجد..ماجد ابتسم وقال:اشوي...
نوف:عبرت يلي داخلي والله.ماجد:وانا ماقلتها الا لاني عارف وش تحسين..نوف مسحت على وجهها وقالت:ااا وش تبي تشرب..ماجد:ماابي اشوف غير عيونك وبس
نزلت راسها وماعرفت ترد..ماجد بسرعه:اقصد يعني.وضحك ماعرف يبرر..رفعت راسها لعنده وقالت:وش تبي من عيوني...ماجد:خلاص تراها غلطه قلتها..نوف:تمام..باروح اجيب لك شي تشربه..ماجد:زين..وقفت نوف وراحت..ضرب جبينه بااحراج وقال:مااقدر اضبط لساني انا البنت غارقه في الحزن وانا قاعد اتغزل فيها..اجت نوف وناولته الشاي وهي ساكته شرب وقال:ماتوقعتك تضبطين الشاي كذه
نوف:زين.ماجد: ايه تسلم يدينك..نوف اتنهدت وقالت:اعرف هذه المكان مايلق فيك..وبدموع:بس اهنا عشت طفولتي من عمر ثمان سنوات من لما اخذتني امي نوره وانا اهنا ماكنا نلاقي شي نأكله وبعض احيان ننام واحنا جوعانين..كنت اقول انا لييه ماكون مثل اي بنت عندها اب وام اخوه عائله تحتويها استنقص من نفسي ليه انام جوعانه اشتغلت بعمر مره صغير درست وانا مامعي قلم اكتب فيييه..وسكتت اشوي تمنع شهقاتها وهو يسمع ويركز مع نبارت صوتها يلي كل اشوي تميل للبكاء..كملت نوف وهي تبكي:هي الوحيده يلي حبتني هي الوحيده يلي ضمتني واحتوتني رغم اني موبنتها...ولفت لعنده وكملت بصوت ونضرات تكسر الخاطر:قلت بيجي فارس احلامي ويحقق لي كل يلي اتمناه...بتتغير حياتي اذا جاء شخص واتزوجني بيحبني ويهتم فيني ويخاف علي بس اثاره حتى هو كارهني وهو واهله ويلوموني بشي مالي علاقه فيه..
حس بخنجر بقلبه مااتوقعها تزعل او تشيل هم شافها قويه وقد حالها مو عارف ان من داخلها تحترق من الالم والخيبه..حط الكاسه فوق الكمندا واتنهد مو عارف ايش يجاوبها..كملت بصوت حزين ومكسور:اعرف اني غلطه بس مالي ذنب والله...وغطت على وجهها تبكي..
قرب يده وحطها فوق راسها ومسح على شعرها وهمس:انا اسف يانوف..وسحبها نحوه وضمها لاول مره يحس حاله مالك الدنيا ومافيها رغم انها كانت تبكي الا انه حس حاله مايبي غير تضل بحضنه...
*************************
ياربي اكيد الحين تقول ليه ماقال لي انا مو ضرار بس ياترى مين ذيك عيونها موب غريبه عني ابد كاني شايفها من قبل.. عدنان عددددنان.. صحاه من افكاره مشاري.. عدنان: هااه.. مشاري: وش بلاك لي ساعه اناديك. عدنان: افكر افكر، الا وش بغيت... مشاري: لا بس كنت ابي اعرف وش تفكر.. عدنان: هههه ليه ضروري تعرف..صابر: شايل هم ايش ياعدنان.. عدنان: لا ولشي هم ايش بشيل. وركز مع حركات بكار الغريبه وقال: بكار وش بلاك. لف لعنده بكار بتوتر وقال: هاااه وش بلاني مافيني شي.. ووقف وراح... ضرار: ياشباب باخر فتره بكار مو طبيعي.. عدنان وهو يفكر: ماتلاحضون ان حركاته غريبه مره.. اخاف يكون مدمن
الشباب بصوت وعاد:اييييييش.. مشاري: وش هلفكار السودا يلي عندك ياعدنان.. عدنان: هذه اعراض الادمان ابي يسوي نفسها. صابر: افهم منك ان ابوك مدمن.. عدنان: ااا ايه مع الاسف.. ضرار: اكيد ياشباب غلطانين هو طول الوقت معك يامشاري متى يمديه يدمن.. مشاري: اخر فتره قال ان معه اخوياه من العلا
يروح ويجي معهم.. صابر: لاتفكرون افكار سلبيه وش بلاكم بكار يدمن مستحييييل تراه يخاف الله.. عدنان: ابليس شاطر ياصابر.. صابر: بس بكار يعني مستحيل..
مشاري: وانا اقول من قول صابر.. شكله فيه شي بس ادمان مااعتقد.. عدنان: ان شاء الله مايخيب ضنكم
ضرار رن جواله اخذه وقال: هلا والله عمتي وينك قلت لك تجين الصباح ماجيتي ليييه كنت ابيكي تساعديني بشي.. عدنان: يعني يلي شفتها في الصباح هي عمته
ضرار: زين زين خلاص دبرت حالي... يالله. وسكر....
وقال: يالله معنا محاضره... صابر: يلي يسمعك يقول بتصير مهندس معماري هو مدير اعمل مو ضروري ندخل كل المحاضرات. ضرار: والله عمي ماجد مهندس معماري وابي واعمومي البقين مديرين اعمال وابي واصل ينبهني ماافوت محاضرات لانهن مهمات...
مشاري: عمك ماجد مهندس معماري.. ضرار: ااايه وشاطر بعد وبيشتغل باارقاء الشركات.. صابر: لاتقوم الحين تتمدح باهلك امشي للمحاضره امشي.. ووقف وسبقهم.. ضرار بضحك: وش بلاه يكره اعمامي ذه..
مشاري: غيران من امجد لان البنات هن يرقمنه مو هو ههههههه.. ضرار: شكله ههههه. عدنان: هيا هيا.. ووقفو وراحو للقسم يلي يدرسون فيه ﴿اداره اعمال﴾