البارت التاسع
بعد العشاء بعد ماصلت نوف قعدت تطالع للجوال وشافت استوري رجال يطق زوجته ويعذبها..
طالعت بتمعن وحزن وقالت: وانا اقول من وين تعلم ابن الماجد كله من هسوشيا الميديا... وقرات المكتوب في الفيديو: ان لم يكون الزوج امن للمراءه فلن يكون رجلاً ... فعلاً.. وماحست ان ماجد وراها ومستغرب كيف تكلم حالها.. وقال: ليييييه تكلمين حالك.. وقفت بفزعه ورمت الجوال على وجهه.
مسك الجوال قبل مايكسر خشمه.. صرخت: افزعتنييييي ماتقدر تتنحنح.. مسك ماجد خشمه وقال: كان بينكسر.. نوف: ياجعله انكسر طاااح قلبي
وحطت ايدها مكان قلبها قرب منها وحط ايده فوق ايدها المحطوطه فوق قلبها وقال: سلااامات قلبك من الطيحه.. دفته وقالت:وش بلاك انقلبت حنون...
ماجد: احم احم اااا انا حنون اصلن.. نوف: يعني مابغيت تشد شعري وتكفخني لاني فضحتكم.. ماجد: ليه تبين.. نوف: انت بتضربني كف وانا بضربك كف انت بتشد شعري وانا بشد شعرك انت بتدفني وانا بدفك واتصافينا.. رفع ماجد حواجبه وقال: افهم منك انك تهدديني اذا سويت فيك شي بتسوي فيني نفس..
نوف: نعم بضبط.. ماجد: انتي وش فيك عقلك فيه شي
ليه تحطين راسك براسي.. نوف: لاني نوووف مااخاف من احد.. ماجد: تتصنعين القوه انتي.. نوف: ابد ليه اتصنع. ماجد: بالله. نوف هزت راسها.رفع الجوال وشاف الفيديو ورفع حواجبه بااستغراب حين شاف رجال يضرب زوجته بعنف وقال: ليه تطالعين فيديو زي كذه .نوف: قلت ابشوف من وين تتعلم التكفيخ.ضحك وقال:هبلا انتي وبعدين مااسوي فيكي كذه .نوف:ولو..ماجد:زين لاعاد تشوفين مثل ذول الفيديوهات طيب. نوف هزت راسها.. افزعهم صوت دقت الباب.. ماجد: ماكفختك انا تجي امي تكفخك ...
وراح وفتح الباب وقال بسرعه: ربيتها يمه اسمعين كيف تبكي.. نوف جلست ع الكنبه وبكت بصوت عالي مزيف وصرخت: الله ياااخذك جعلك ليدينك الكسر
ام علي: تدعين على اوليدي ياقليله الاصل. ..
ماجد مسك امه وقال: اهدي يمه خليها المهم كفختها وادبتها وخلاص وعاد انا باربيها زين.. ام علي: زييين ياوليدي ماخاب ضني فيك. ابتسم بتوتر وقال: لاتعصبين وضغطك يرتفع روحي ارتاحين.. ام علي: طيب.. ونزلت وهو سكر الباب ولف لنوف يلي وقفت وانفجرت تضحك، ضحك من ضحكتها وقال: وتدعين علي.. نوف: هههههههههه عشان تصدق هههههههههه
ماجد: هههههههه ليه تضحكين.. نوف: عليك انت وامك
ههههههه.. سكت وهو يطالع عيونها وقال بهمس: والله هلعيون تذبح...نوف سكتت وقالت: خلاص عيب..
ماجد: بعد هضحك تذكرتي انه عيب.. المهم اقول الكيك يلي في الدولاب انتي ماخذتهن. نوف: اااا ايه.. ماجد: لييييه. نوف: كنت اجوع واكل وش يلي ليييييييه...
ماجد: كنت واعد ماهر بن اخوي ياسر اعطيه اثاره اكلتيهن انتي.. نوف: يعني مو قادر تاخذ غيرهن.. وبمسخره:تراني زوجتك ومايغلى علي.. ماجد بنفس نبرتها الساخره: مايغلى عليك ابد يازوجتي...
نوف: الحمد لله. ماجد: انا باروح مع اخوياي وانتي ماتنزلين ابد.. نوف: اذا ابي بنزل.. ماجد: وانا قلت ماتنزلين ابد تمام.. نوف هزت راسها بغير نفس..
وهو خرج.. نوف جلست ع الكنبه وقالت: اذا كنت ابي اخرج بخرج... ورجعت تطالع الجوال........
الساعه 9:00...سمعت نوف رنين الجوال وقفت وراحت ترد شافت الرقم غريب بس ردت: الو نعم...
المتصل: انتي نوف.. نوف بااستغراب: ايه مين معاي
المتصل: معك هدى يانوف جارت امك نوره... نوف: اهلين ياعمتي هدى اشلون امي.. هدى بصوت باكي: امك عطتك عمرها يانوف.. فتحت نوف عيونها ع الاخر وقالت بصوت باكي وخايف: وش تقولين... ردت هدى: اليوم في العصر توفيت .. نوف ببكاء: لالا لا امي رتحت لاااا..هدى: قولي ان لله وان اليه راجعون يابنيتي الله عطاء واخذ والحين بيدفنوها وانا قلت لما تجين وتشوفينها قبل الدفن.. نوف رمت الجوال ببكاء
وجلست ع الكنبه وهيا تبكي بحرقه وماسكه على صدرها وتهمس: لييييه لييييه خليتيني لوحدي ليييييه
يمممممه ليييه اااااه ياربي...ووقفت وراحت اخذت العبايه والطرحه والنقاب وهي تبكي بقوه لبست ونزلت بسرعه تروح تشوفها قبل مايدفنوها شافتها امل وهي تخرج من الشقه الثانيه وقفتها بقولها:وييين رايحه..
لفت لعندها نوف وقالت بعصبيه ممزوج بصوت شهقاتها:ماااالك علاقه..مسكتها امل بقوه وصرخت:يااااعمتي مززززنه تعالي شوفين حرمه ماجد وين تبي تروح..نوف بصراخ وبكاء:بعددددي ابي اروح عند امي..خرج الكل على صراخها وصراخ امل يلي تمنعها من الخروج..ام علي بعصبيه:وين تبي تروحي.سحبت يدها من امل وصرخت:ابببببي امييييي ماتفهموووون ابي اروح اشوف قبل ماتندفن..الهنوف:ياويلي ويلاه ماتت..ياسمين:ان لله وان اليه راجعون..ام علي:وش بتسوووين انتي ادخلي يالللله.نوف ببكاء وعصبيه:ماااالك علااااقه باااروح يعني باااروح..وكملت طريقها..هند:يمكن تكذب وتبي تروح عند احـ...سكتتها ياسمين:هنننند امها ماتت واشلون تكذب...ام علي تضرب بعصاها الارض وتصرخ:تروح وتعارضني قليله الاصل..الهنوف:خلاااص يمه خليها تراها رايحه عشان دفن امها..ام علي:زين زين انا اعلمها ياللللله ادخلييييين..استمعين لاامرها ودخلين الشقه...نوف بنفسها:واشلون اروح الحين للبيت اااااف....مالي الا اخوي علي.ورجعت من الحوش للبيت لدور الاول طقت الباب اشوي وفتح لها علي واستغرب حين شاف عيونها مغرقه دموع وصوت شهقاتها واصله لعندهقال بقلق:وش بلاكي يانوف.نوف ببكاء ورجاء:يااخوي الله يوفقك خذني لمي ابي اشوفها قبل مايدفنوها...علي:ماتت.واتنهد باسف وهمس:لا حوله ولا قوه الا بلله
نوف:ابي اشوفها قبل ليدفنوها الله يخليك..علي:زين ابدخل اجيب مفتاح السياره احتريني..ودخل..
سمر:وين بتروح علي:موب وقتك..واخذ المفتاح وخرج علي:يالله..وخرجو بسرعه وركبو السياره وراحو....سمر لبست جلابيتها والطرحه وطلعت لشقه الثانيه
دخلت وهي زعلانه وقالت:خرج علي ماادري عنه وانا قلت ابدلعه اليوم...امل ضربت يدها ع خدها وقالت:يوووه اجل نوف جت لعنده..سمر بصدمه:ليييه وش تبي منه..امل:مدري والله..ناضرتها سمر بقلق وشك
ياسمين:وش بلاكي انتي...ماتت ام البنت طبيعي تروح عندها ماشافت الا علي تكلمه وين الغلط..سمر:وماشافت الا زووجي الله اعلم وش تبي منه..الهنوف بعصبيه:اقووول اسكتي بس ماعندكن ضمير ابد..هند:خلينا الضمير الك.الهنوف:وش عليييكن منها وبعدين ليه تفكرين كذه..سمر:اسكتين بس لتسمعك عمتي مزنه وتعصب عليك..الهنوف:ابي اعرف وش سويت فيكن البنت وش يعني امها وابوها غلطو وهي لي تتعاقب....امل:اسمها بنت حراااام..الهنوف:املللل حسك عينك تقولين هذه الكلام قدامها البنت مالها ذننننب الذنب لعمي وحبيبته هي وش دخلها..ياسمين:اااايه ولا عاد تعيدين الموضوع
داليا:ابي اعرف وش سوت فيكن عشان تحبنها..
الهنوف:مالك علاقه حبيناها او ماحبيناها بس الكلام يلي مو زين مابيعجبنا..ياسمين:واذا حبيناها وش بيصير يعني البنت مسكينه وعلى نياتها ومالها علاقه بشي وهذه قدر ومكتوب من الله..هند بملل:ايييه تمام ياشيخنا..وصدت عنها بكره..ياسمين:حسبي الله....
قاعد في المجلس ويسمعهن بهدواء ويتذكر ذاك اليوم
لما اجاء ابنه الكبير وهو معصب وزعلان....
عزيز:يبه عماد سوي سواته..ابو عزيز:وش سوا...
عزيز: اااااخ يبه عماد سود وجيهنا قدام خلق الله
ابو عزيز بعصبيه:وش سووووووا قوووول...عزيز:بعد ماطردته من البيت راح وسكن مع بنت المدينه بدون زواج شرعي وصار معهم بنت..ابو عزيز وقف بصدمه وقال:وش تقووول ياعزيز..عزيز:اااايه يبه وهو الحين ندمان وجاي.ابو عزيز بعصبيه :الله لابااارك فييييه
لايجيني ولاابي اشووووفه انا متبري منه ليووووم الدين...سود وجيهنا الله يسود وجهه......
مسح دمعته برجفه وهمس:اااااح باوليدي وش يلي سويته ودسيت وجهي بالارضي....
واتذكر خبر وفاته.........اجاءه اتصال جواب وهو زعلان ومعصب لاابعد حد:نعم..المتصل:انت ابو عزيز....
ابو عزيز:نعم وش بغيت..المتصل:نتصل لك من المستشفى تعرف عماد محمد الماجد.. ابو عزيز: وش بلاه.. المتصل: سوي حادث وكان معه حرمه وطفله
وقف بصدمه وقال: وشو.. المتصل: توفي عماد والحرمه اما البنت الحمد لله ماصابها شي اذا كنت تبي تتعرف ع الجثث ممكن تجينا للمستشفى. ابو عزيز بحزن ونفس الوقت عصبيه: انا مااعرفهم ادفنوهم وخذو العله يلي عندكن للميتم.. وسكر الخط وجلس وهو ماسك على رأسه وقال بحزن ودموع: اااااه ياوليدي اااااه هذي نتيجه خطاياك ياوليدي...
اتنهدت بأسف وقال: حسبي الله ونعم الوكيل.....
وصل علي ونوف للحي كان يناضر المكان كله بيوت صغيره مافي شي يلفت الانضار الا الفقر يلي عايشينه اهل الحي.. وصلو لقدام البيت نزلت نوف حين شافتهم خارجين بتابوت وصرخت: يممممه.. نزلو الرجال التابوت وغضو النضر.. نوف تبكي بحرقه وتمسك التابوت وهيا جالسه: لييييه يمممممه رحتي وخليييتيني ليييه.. نزلين لعندها حريم الحي ومسكنها يهدنها.. نوف وصوت شهيقها يلي احزن الجميع: يمممممه يمه يمه يمه ليييه لمن خليتي نوووف يمهههه
علي مسح على وجهه بحزن وعرف ان نوره كانت ام واخت واب لنوف.. هدى بحزن ودموع وهيا تمسح على رأس نوف: اهدي ياحبيبتي اهدي.. شيخ الحي وهو صاد يطالعها: ان لله وان اليه راجعون يابنتي الله يعطي وياخذ.. نوف: اااااه يمه ااااه.. شيخ الحي: يابنتي استهدي بالله واكرام الميت دفنه.. نوف بسرعه وبكاء: ابي اشوف وجهها... شيخ الحي: زين شوفيها..
فتحت هدى اللحاف يلي كان فوقها وبعدين فتحت اشوي من الكفن وضهر وجهها والرجال صادين يشوفوها.. قربت نوف من وجهها وهي تبكي باست راسها وبعدين خدها وقالت: رحمت الله عليك يمممه... وباستها براسها مره ثانيه وقالت: وش بسوي بحياتك بعدك يممممه.... ولامست خديها بلطف وبكاء: انا يلي عجزت اساعدك يمه عجزت اني اخذ لك العلاج يلي تبينه عجزززت مااستاهل انك ربيتني واهتميتي فيني ماااستاهل... قرب علي اشوي وقال بحزن: استهدي بالله يانوف هذه مقدر ومكتوب..شيخ الحي: يالله نبي ناخذها نصلي عليها وندفنها.. نوف باستها لااخر مره على خدها وقال: استودعتك الله يمممه.. ووقفت وهم غطوها وشالوها وهيا ارتمت بحضن هدى تبكي بحرقه والم وكأنها خسرت روحها مو امها.. علي: باروح معهم اصلي عليها وندفنها وبعدين باجي اخذك.. هدى بدموع: خليها اليوم عندنا ياوليدي في بيتها.. علي: ااا زين انتبهو على حرمه اخوي.. ومشي.. وهم دخولها للبيت.....