الفصل 4
*روايات وقصص يمنيه 📚🖋️*
*روايه [النصيب_للجبناء]*
#للكاتبة_سارة_عبدالله
*بارت رقم [ 4 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
وصلت ساره المحل حق ابو زين: السلام عليكم ي عم وين زين
ابو زين :ادت الصبوح وسارت المعهد
ساره :ها خير ادوا لي رقمها اكون اتواصل بها بدل مااجلس ادور
ابو زين اكتبي :٧٧.....
ساره: شكرا ي عم
طلعت ساره الباص اول مره تطلع لحالها لانه حتى ايام المدرسه كانت تسير مع اختها خلود وصلت وهي خايفه وصلت لقت زين قدي جالسه ويمنى قد وصلت قد كانت تشتي تقتل زين بس مسكت نفسها وقالت: زين ليش سرتي وانا جيت ادورش وقد قالت لش امي نسير جمعه
زين: العفو لانه اول يوم توقعتش ماتجي
ساره :يلا خير نروح جمعه وغدوه شارن لش لما اخرج
زين :يلا تمام
التتشر دخل وبيسلم
good morning
الطلاب
good morning
رجع بيشرح واخر الدرس قال يوقفوا كامل وبدا لعبه الاول يدي حرف واللي بعده حرف وهكذا اللي يغلط يخرج لعبوا وبالاخير بقي زين وحمزه وساره بعدا خرجت ساره وبعدها فازت زين
كمل الدرس وهن مروحات
ساره: ماشاء الله عليش ي زين ولا تلخبطتي
زين :اصلا جلست مركزه حاولت مااتوتر
ووصلين يكتبين الواجب
.........
ساره تواصلت بزين وخرجين مع بعض وقدهن متاخرات والمتاخر يدفع خمسين تاخرين بسبب زين طبعا
ساره قدي قلقه المهم وصلين بعد التيتشر وقال يدفعين🌚
بعد في الروحه
ساره بتقل لزين :غدوه بدري ابسرتي كيف تاخرتي
زين: مدري شكلي ماشقدرش اقلش كل واحده تسير وحدها ونروح جمعه
ساره قد بدات تتعود: خلاص تمام
اليوم الثاني
على مااتفقين كل واحده سارت وحدها وصلت ساره ومابش الا مكان زين المتعوده تجلس فيه الذي في الطرف جهه العيال او بالاخير جلست في مكان زين
وصلت زين وبسرت ساره تضايقت وجلست وراء
دخل التيتشر بدا الدرس الذي كان محادثة االسوال الاول
what is your name? (مااسمك)
والثاني اكتب تهجئه حروف اسمك
التيتشر يلا كل واحد مع اللي جنبه وصل لعند ساره وان هي مافيش معاها احد لان البنات عددهن ١٣ فكانت اخر واحده بعدين طرحها مع حمزه اللي بالصدفه كان اخر واحد من العيال المهم حمزه سالها ايش اسمها بالانجليزي طبعا ردت: ساره محمد
قال تهجئه اسمش ردت: س ا ر ه
وهي نفسش الشي سالته وماكان تسمعه قالت: ايش. ... على مشية التيتشر فقال قاربوا الكراسي هي انحرجت قربوا الكراسي وسالته ...
كمل الدرس وهم خارجين بتحاكي زين :يووه ع موقف اخر مره اجلس في كرسيش انحرجت
زين: تستاهلي هههههه قد بسرتش جلستي مكاني كان نفسي اضربش
في يوم خرجهم التيتشر الاستراحه وفعل لهم مسابقه وكانت يمنى وزين وساره وكمان منال في قروب كانت منال اكبرهم سناا كانت قدي ام لذلك كان يسمنها ماما منال المهم فاز قروبهن
العيال اغتاضوا وقالوا ي تشتشر اكيد كان يغشيين
ساره :كذابين ي تيتشر بس بيحسدوا والله ماغشينا
التيتشر: بس كلام بالعربي خلاص البنات فازين باجتهادهن
كملت هذيك الدوره بدون اي احداث غير ان علاقة ساره وزين بدات تقوى ليوم الامتحان كان الامتحان عباره عن اختار الاجابه الصحيحه واربعه خيارات لكل سوال ورقه الاسئله فيها ستين سوال وورقه الاجابه تظللي الاجابه الصحيحه
المهم التيتشر خلا طريقه الاجابه
A
B
C
D
طبعا عشان يسهل عليه التصحيح وكانت هذي الطريقه كل اربعه اسئله وتبداي من جديد العيال فهموا الطريقه وغششوا بعض البنات ع نياتهن اغلبهن ماركزينش
بعد يومين
على اساس تطلع النتايج استدعاهم التيتشر وبيوريهم النتايج ويقول هذي درجاتكم استحاله وانه اكتشف انهم غشوا فقرر يعيد الامتحان😢
يوم اعادو الامتحان
ساره: يمنى زين ايش رايكن نغش بطريقه اسلاميه
زين :ليش عاد به طرق اسلاميه للغش ههههه
ساره: ايوه مثلا شاسعل واقل السوال الرابع
واللي داريه ترد اذا كانت الاجابه A تقل سبحان الله واذا كانت B نقل الحمدلله واذا c لا اله الا الله واذا D الله اكبر منه نستغفر ومنه نحل
يمنى وزين ضحكين: ههههههههه لانهن داريات ان ساره بتمزح وانها ماتحب الغش
بداوا الاختبار كان المراقب شديد وفرق الاصحاب
زين وقدي خارجه تسلم الورقه وقفها حمزه: لو سمحتي السوال ٢٣
زين رجعت قالت: للتيتشر اراجع واسلمها غششت حمزه وقالت له اي سوال ثاني قال لها :شكرا
خرجين بعد الامتحان
ساره: اوفف الامتحان كان مبعسس بس الحمدلله حليته باقي لنا الشفوي والقصه ونخلص
زين: صدق الدكتور بعسس
يمنى: ايووه لازم نذاكر سوا عشان الشفوي
ساره: هيا نخطى للسوق القريب نتمشى ونشتري لنا سندويشات لنا خيرات ماخرجنا
البناات يلا