الفصل 3
*روايات وقصص يمنيه 📚🖋️*
*روايه [النصيب_للجبناء]*
#للكاتبة_سارة_عبدالله
*بارت رقم [ 3 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
يوم ثاني كان الخميس
ابو ساره معه اجازه سار معها للمعهد يسالوا
ابو ساره :السلام عليكم
السكرتاريا :وعليكم السلام
ابو ساره: مابلا جينا بنسال ع الدورات حق الانجليزي والوقت والتسجيل
السكرتاريا :تفضل هذي ورقه فيها كل شي فيها اولا معك دبلوم مبتدى متوسط ودبلوم عالي كل دبلوم فيه عدد معين من الدورات ورسوم محدده ايضا معك الوقت اربع فترات من تسع للساعه ١١ومن ١١ للساعه واحده بعدين من ٢ الى٤ ومن ٤ الى٦
ابو ساره : طيب والاختلاط نشتي البنات يدرسين وحدهم مشو ضروري مع الاولاد
السكرتاريا :بنشوف عدد المتقدمين لو البنات كثير يتفقين وبعدين بنفصلهن
ابو ساره :خير طيب كيف نحدد ايش تدخل من دوره
السكرتاريا :في اختبار تحديد مستوى ع اساسه نحدد باي دوره
ابو ساره التفت يحاكيها :مارايش تدخلي من البدايه من الحروف او بتختبري
ساره: مدري ماارايكم انتوا
ابو ساره: برايي ادخلي من البدايه تتقوي
ساره: خلاص بعدكم
بعد العصر
ام سارة: ساره البسي وجي اعرفش ع زين بنت جيراننا الجداد قالت امها انها تشتي تدخل معهد كن سيرين جمعه
ساره: يمه مشو ضروري قد عتكون نلتقي انا ويمنى للخط ونسير
ام ساره :ولو يمنى ماعتدومش بيتهم بعيد ترجع تختلفين في الوقت ومابش معش تلفون
ساره: طيب حاضر خليني البس البالطه
ساره لبست وسارت مع امها بيت زين
دقت الباب فتحت زين وهي قايمه من النوم دخلين ساره وامها
ام ساره: كيف حالش ي بنتي وكيف امش
زين: الحمدلله امي خرجت
ام ساره: يلا خير المهم جيت اعرفش ع بنتي ساره تكن تسيرين المعهد جمعه
زين: ها اهلا تشرفنا
ساره وهي مستثقله (في نفسها مالها تيه مابتبتسم هكذا عاقده حواجبها الله يعننني عاد شاكون اسير معها)ورجع ردت: لي الشرف
زين :سجلوني ي خاله معاكم انا اول يومين ماشااحضرش معي عرس وما شاارجع الا الاثنين
ام ساره: حاضر وسلمي ع امش
زين: يوصل
خرجت ساره مع امها وبتحاكيها
:يووه ي امها شكلها انطوائيه وواصل مكشره
ام ساره: سهل انا اعرف بنتي اجتماعيه وبعدا معاكن معاكن تتعودين ع بعض
ساره: الله يعين خير
بعد اسبوع من التسجيل اكتمل العدد حق الكلاس وكان عددهم ١٣ بنت وتسعه اولاد
اول يوم داوم وزين معرسه سارت يمنى وساره المعهد
دخلين السكرتاريا يستلمين الكتب وهن في السكرتاريا كان في طالب طوويل بيسجل
ساره بتسمع السكرتاريا بتساله
ايش اسمك: الطالب حمزه عبدالله
السكرتاريا :هذا الكتاب والكلاس رقم واحد
بعدا التفت لعندهن يمنى وساره احنا قد سجلنا بس نشتي الكتب ورقم الكلاس
السكرتاريا سلمت لهن الكتب وقالت كلاس رقم واحد
دخلوا الكلاس وكان العدد كبير جدا دخل التيتشر وبدا تعارف قال طبعا غدا بتنقسموا كلاسين مر اليوم بدون احداث مهمه
..........
اليوم الثاني
سارت ساره ويمنى المعهد وقد جهزوا كشف جديد وقسموا العدد الى كلاسين ولاحظت ساره انه حمزه في كلاسهم
مر اليوم عادي بداوا الدرس باول الحروف الانجليزيه
روحت ساره تاعبه لها فتره ماعاد متعوده تدرس
بعد الغداء
ابو سارة: ها بنتي كيف المعهد والدراسه
ساره: :الحمدلله عاد احنا بالبدايه
ابو ساره: وفصلوا البنات عن العيال
ساره: لا كلمنا السكرتاريا قالت ماينفعش وعندهم عجز بالمدرسين
ابو ساره: يلا خير انتبهي لنفسش
ساره: حاضر وبتداعي مروه
مروه جي اذاكر لش
مروه :كل يوم مذاكره كل يوم
ساره: ايوه يحسب الله وانتي في مدرسه او عتدلعي عليا يلا كتبتي واجبات امس
مروه :ايوه كتبتهن الصبح
ساره: ي ابه كن ذاكروا لها الرياضيات انتوا الصدق معي معهد وبنحس الرياضيات اهم شي للسنوات القادمه لانه الاساس
ابو ساره: طيب
يوم الاثنين
رجعت زين من العرس وساره اتصلت ليمنى قالت لها خلاص امشي مشتيش ااخرش معي عادنا شامر لجارتنا
سارت ساره لبيت زين
ساره بتدق الباب دقت دقت فتحت ام زين وهي قايمه من النوم الساعه ثمان ونص الصبح
ساره استحت: العفو ياخاله بس وين زين نسير جمعه
ام زين: هي خرجت صبوح لابوها هو في المحل
ساره: يلا خير شالحقها وخرجت ساره هيا وبعدا معها هذه عنجلس نلاحقها ليش ماتنتظر في البيت
وصلت ساره المحل حق ابو زين: السلام عليكم ي عم وين زين
ابو زين :.....