البارت الثامن
في الجامعه *خرجت الهنوف من المحاضره وهيا تتصفح ملازمها وبلغلط صدمت في واحد وطاحين ملازمها واوراقها.. عدنان: اسف اسف ماقصدت..
الهنوف نزلت تجمع اوراقها وملازمها نزل يساعدها
الهنوف وقفت وقالت: انا يلي اسفه.. وقف وعطاها اخر ورقه وقال: السموحه منك.. ابتسمت الهنوف من تحت النقاب وقالت: لاتشيل هم.. ومشت.. ابتسم عدنان بلا شعور ومشي***********************
اتجهزت نوف ولبست فستان اسود طويل ضاغط ع جسدها النحيل الاكمام طويله ومفتوحه وخلت شعرها الاسود الحرير سايح على ضهرها وشويه ميك اب مع كحل بسيط برز عيونها ابتسمت برضاء على شكلها وقالت وهيا تلبس الاكسسورات: يازيني ماشاء الله..
ماجد من خارج الغرفه:ابدخل والله، ابي البسسس..
نوف بصوت عالي:اصبر وش بلاك ماكملت...
ماجد:اففف حسبي الله ترى تعبت انتضار ابييي البس عيب اقعد والرجاجيل نازل..نوف:زين زين يالله بخرج
فتحت الباب وخرجت وهو وقف من ع الكنبه وقال:مابغيــــ..وسكت حين شافها كأنه ملاك بهئيه بشر جسمها ملامحها تدل ع الرقه والانوثه..همس وهو يركز مع عيونها:عيناكِ بحرٌ إن نظرتُ بساحلهِ غَرِق
الفؤادُ بلا شراعٍ أو مرجان..نوف:وش تقول ماسمعت
دلك خلف رأسه وقال:زين ماسمعتي..اا باروح البس
ومر من جنبها ودخل الغرفه وسكرها..لبست جلابيتها والطرحه ونزلت لدور الثاني ودخلت الشقه وشافت كيف مزدحمه ومحوسه من الاطفال. خلعت الجلابيه والطرحه وعدلت نفسها وهيا متوتره.. اجت النهوف وشافتها ابتسمت وقالت: وش هزين يازوجه اخوي..
ابتسمت نوف وردت: عيونك الحلوه حبيبتي.. الهنوف: ماشاء الله بسم الله عليك وش العيون.. نوف: خلاص احرجتيني.. الهنوف ضحكت وقالت: هيا بتدخلين...
نوف: مستحيييه مررره..الهنوف: لاتستحين انا معك..
نوف: زين.. ااا هيا.. ودخلين للمجلس الكل سكت حين دخلت وبدات تسلم على وحده وحده...
اختلطت الاقول ﴿يازينها ماشاء الله، هذي حرمت ماجد سمعت عنها كلام مو زين بس تراها حلووووه ﴾كملت تسلم وجلست جنب عمتها ام علي.. ام علي بغير نفس: هذي حرمت وليدي ماجد.. ردت حرمه كبيره في السن: يزينها ماشاء الله.. داليا تناضر نوف بكره وحقد وتبي تقتلها لان الكل يمدحها وقفت وهمست: انا اعلمك يانوف وخرجت..امل بهمس لهند : لازم ازواجنا مايشوفوها بعدين يقولون حرمه مااجد احلا منكن.. هند بهمس: لا ياسر مكتفي فيني.. امل: الرجال عينهم ماتملا.. ماتشوفين وشلون عيونها تذبح..سمر تقرب منهن وتقول: شوفين واشلون تتقرب من عمتي مزنه
هند:الله ياخذها.. سمر: اكيييد داليا بتموت قهر حين شافتها. هند: تراها مو حلوه مررره هذه كل ميك اب..
امل: وين الميك اب في الموضوع مامسويه شي غير روج وكحل وطالعه مثل الملاك.. هند بعصبيه: ابعرف انتي تحبينها او لا. امل: وععع ليه احبها. هند: اجل ليييه تمدحينها.. امل: مااقول الا الحق.. هند: ليه الكل يشوفها حلوه وانا مااشوفها شي جمالها مرررره عادي
سمر: ماادري عنك بس الكل يتهامسون عليها انها حلوه
اتنفرزت هند وردت: مامعها غير عيونها.. امل: خلاص لاتعصبين وتفضحينا قدام خلق الله تراها شيييييينه
سمر ضحكت وقالت: ايه ايه شينه ولاتعصبين...
اجت رند تجري وجلست بحضن نوف.. استغربت نوف ومسكتها. امل اشرت بحده لرند تقوم من حضن نوف..
رند تمسك شعر نوف وتقول بهمس: لما اكبر ابي اكون نفسك. ابتسمت نوف وهمست: بتكونين احلا...
رند ابتسمت وقالت: صدق. نوف: والله هههه.. وبعدين اجاء ماهر وقرب من اذن نوف وهمس: عمي ماجد يبيكي خارج.. نوف عقدت حواجبها وقالت بنفسها: وش يبي.. هزت راسها لماهر ونزلت رند من حضنها وخرجت.. من الشقه ونزلت لدور الاول وشافت داليا..
نوف: ماجد وين. ابتسمت داليا بمسخره وقالت: وانتي صدقتي ماجد يبيكي ههههههه.. نوف: تستهبلين انتي
واجت تطلع مسكتها داليا وقالت: ماكملت كلامي...
لفت لها نوف وقالت: مو فاضيه لك. داليا: انا وماجد كنا نحب بعض والكل عارف.. نوف ابتسمت باستهزاء وقالت: تحبون بعض.. اجل ليه ماتزوجتو.. داليا:عشان يتزوجك وماينفضحو.. نوف بحده: وش تقصدين..
داليا: بتعرفين يوم من الايام بس بالاخير بتنفصلين عن ماجد.. نوف بمسخره:ههههه احلمين انا صرت زوجته وحلاله.. داليا بقهر: ماجد لي انا.. نوف مسكتها من يديها وقالت بلطف ساخر: اسمعي حبيبتي ماجد صار زوجي وحلالي افضل لك تبعدين عنه.. داليا دفتها ببطء وقالت: مايشرفه تكون زوجته وحده بنت حرام
وتكون على قول الناس مو شريفه. نوف بعصبيه:عفواً وش قلتي.. داليا حين حست حد بيجي قالت باستفزاز اكثر: لانك بنت حراااام ومو شريفه وقليله ادب مستحيل يشرفه تكوني حلاله.. نوف رفعت يدها ضربتها كف قوي.. تحت انضار ماجد يلي فتح عيونه ع الاخر وقال: وش في. داليا ببكاء مصطنع: علامك تضربيني وش بلاكي.. نوف صرت على اسنانها وقالت: اوووعك اووعك تعيدين يلي سمعته والا المره الثانيه كسرت راسك ع الجدار.. داليا ببكاء: تسمع ياماجد تهددني قدام عيونك وانا ماقلت غير ان ماجد ماخذك عشان قرار امه وجده مو اكثر.. نوف رفعت حواجبها وقالت: ايييه وبعدين.. ماجد مسكها من ذراعها بعصبيه وقال بهمس: نوووف.. نوف: مالك علاقه.. ضغط على ذراعها وقال بعصبيه: حسابك بعدين ودفها بقوه.. مسكت حالها لاتطيح وقالت: زين اذا مافشلتكم قدام خلق الله مااكون نوف.. وطلعت الدرج ووقفت على اخر درجه وهو يراقبها باستغراب..لعبت بشعرها وصرخت: وش بلااااكم يااولاد الماجد هاااه.. وكل الحريم سكتو حين سمعو صوتها يبون يسمعون وش صاير. نوف بصوت عالي وبكاء مزيف: ماتضيعو فرصه ماتطقون حريمكم والناس تقول عليكم عيال ناس مايعرفون انكم ماتقدرون حريمكم وتضربونهم متى صحت لكم الفرصه.. شهقين بعض الحريم بصدمه
ماجد بصدمه:نوووف.. وطلع بسرعه وحط ايده ع فمها وقال: اسكتين لااكسر راسك. دفته نوف وقالت بصوت عالي: لا وتهددون وتكبرون السوالف ترى انتم معيشين الحريم مثل ايام الجاهليه ماباقي غير تدفنوهن وهن عايشات. وابتسمت لماجد وقالت بهمس: مين يسكت سوالف الحريم الحين.. ههه سمعتكم بتصير بالاراضي
ومشت وقفت وقالت بصوت اعلى: حتى العروس في صباحيت عرسها شغلتوها.. وتعاملون الحريم مثل الخدم من الساعه ست الصباح للمغرب في المطبخ..
مسكينه يلي عاد بتتزوج من عيال الماجد قلبي وجعني عليها من الحين...ماجد مصدوم ويطالعها وبس.. رفعت حواجبها باستفزاز وطلعت لشقتها... صر على اسنانه بعصبيه وقال بهمس: هين يانوف.. وراح...
الحريم يطالعين ام علي ومستغربات ومصدومات
ام علي مو عارفه واشلون ترد وتبرر.. ياسمين بقلق لنوف: ياويلاها ويلاه من عمتي وماجد. الهنوف: وش بلاها.. ياسمين: تقولين ماجد مد يده عليها.. الهنوف مااستبعدت الفكره وقالت: يمكن......
جلس ماجد جنب اخوه علي وهو منفس ومعصب..
علي بهمس: وشو عندك.. ماجد: مافي شي....
علي:متأكد.هز راسه ماجظ بنعم.. ابو عزيز
﴿جد ماجد﴾ : ماجد ياوليدي
ماجد: سم ياجدي.. ابو عزيز: سمعنا شي قصيده من قصايدك.. ابو ثنيان ﴿ واحد من الاهل ﴾ ايييه ياماجد
نبي نسمع شي من قصايدك.. ماجد: ابشرو...
والكل سكت يسمعه... ماجد:
من لا يحس بقيمتك وأنت موجود ماهوب
ناشد عنك لا صرت غايب
حاول تفرق بيض الايام والسود يا قلب
ما كل الحبايب...
الي يبيك يجيك لو دونك قيود يكسر
على شانك خشوم الصعايب .
واللي يبي فرقاك لو دروبك ورود ما جاك
لو أنك من أدنى القرايب.....
اختلطت الاقول..﴿ صح السانك، .. ايه بالله، صدقت صدقت، ايه بالله صادق... ﴾
ابتسمت ماجد كشكر لهم .. ضرار: اقووول عدنان يبي يسمعنا قصيده من قصايده. عدنان انصدم وناضر ضرار بتحذير.. ابو عزيز: قول ياوليدي قووول.. علي: نسمع
ماجد: اطربنا ياعدنان. ابتسم عدنان بمجامله وقال: زين... اااا
يا من أصابك في حياتك خيبةً
ووجدت أسباب السعادة غالية
أرخي الجبين لوجه ربك ساجداً
واسمو بنفسك للسماء العالية
وادنو من الرحمن ليلاً خالياً
يعفوك من ذنب السنين الخالية
وامدد يديك فإن ربك يستحي
ترجع يديك إليك صفراً خالية...
ابو عزيز: صح الله لسانك..ماجد وعلي: ونعم بالله..
ياسر: ايه مايخيب الله رجاء احد....عظدنان: ونعم...
امجد لماجد بهمس : وش بلاه كانه مكدر الخاطر..
ماجد: الله اعلم وش علومه.. وراح حسه عند نوف وابتسم بدون شعور وهو يتذكر كيف لعبت بشعرها عشان اذا احد شافها يقولون مضروبه...
امجد بهمس: علامك تضحك لروحك ياماجد.. ماجد: هاااه لا لا ولشي.. امجد: اجل استقبل ضيوفك.. لف ماجد وشاف مهند ومساعد وسعد اخوياه ابتسم ووقف بترحيب وسلم عليهم بااشتياق وقال: اسهلت وانورت اتفضلو.. سلم الشباب ع الجميع وقعدو جنب ماجد.. ماجد: وينكم يالقاطعين..مهند: قاطعين ترى مالك اسبوع معرس وشايفينك.. وبعدين قلنا مانزعجك لاانك معرس.. مساعد: قول وانا اخوك كيف الزواج...
ماجد: اسكت اسكت ازين.. مساعد: ليييه... قاطعهم ابوعزيز: وش حالكم ياعيالي. منهد: الحمد لله وش حالك انت ياجدي ابو عزيز: نشكر الله.. واشلون الديره وهلها.. مهند: الحمد لله يسلمون عليكم.. سعد: متى تجون وتزورونا. علي: ان شاء الله قريب . سعد: ان شاء الله..ياسر: هليام الشغل متراكم الين مايخف ونجي..
منهد:هلا بكم بااي وقت ترها ديرتكم وحنا ربعكم..
ياسر:ونعم فيكم..ماجد:الا وين بدر..انقلبت ملامحهم للحزن والغضب..ماجد بااستغراب:وشفيكم...
سعد بهمس: بسجن. ماجد بقلق: وليييه بسجن
سعد: اااا بسبب تعاطيه للمخدرات والحشيش.. ماجد بصدمه وخوف: وش تقول مخدرات من متى وكيف وينكم عنه.. مهند بهمس: وش نسوي حنا تراه هو يلي خاويهم واخذ وعطاء معهم الين ماصر يشرب.. ماجد: ياويلي ويلاه وش السوات الحين مابنترك خوينا..
سعد: خليه يلقي عقابه يلي يخطي ماينغفر له....
ماجد: بيغفر ارحم الرحمن عاد بالك في البشر...
مساعد: خليه الين مايتوب ويسهل الله.. مهند: انتشرت ضاهره المخدرات بكثره.. مساعد: ذول عصابات اكيد
حتى لهنا لجده وصلو المخدرات والحشيش عجزو الامن والشرطه يلاقون اثرهم.. ماجد بقلق: على الله، وبدر كيفه الحين لاتقسو عليه تراه اخطاء وبيتوب... سعد: زين لما يتوب بعدين نتفاهم.. مهند: ايه...