الفصل 31
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴1️⃣3️⃣ والاخير ❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
قبل ماينزل بالمسبح حكا : جيبني اذا بتقدر ..
صار يحكي ويلولحله لكنان بايده بمعنى باي ...وصل كنان لجنب المسبح يتفرج عليه .
كنان : مارح تطلع يعني ؟؟؟..
كاترين حطت ايدها على تمها بمعنى هسس وصارت تأشر لكارولين حتى ماينتبه كنان وتخبرها بالاشارات انو يدفشوه للمسبح ... خلال ثواني كانوا دافشين كنان بلحظة غفلة وموقعينه بالمسبح وصارو يضحكو عليهم .
__^_^
بعد ستة اشهر ...
كاترين عم تحكي ....
متل لمح البصر فعليا كلشي عم يصير معي متل لمح البصر يمكن الايام الحلوة بهل الحياة بتمر بسرعة ... خلال ٦ اشهر مضو كنت كل يوم فيه يزيد حبي لكنان اكتر واكتر واتعلق فيه اكتر وحتى هو نفس الشي ... لأن رجعنا بنينا قصتنا على دفتر نضيف مافيه ولا نقطة سودة كل صفحاته بيض .... بنينا قصتنا عالثقة والحب .... كل يومي كان تقريبا مع كنان اول شي بالشغل وبعدها بالجيم والمسا كنت يا اقضيه بالبيت يانشوف بعض حسب الظروف .... كنان عرض عليي يشيلني من مكاني بالشغل ويخليني بس اشتغل بالهندسة ومالي علاقة بالسكرتارية بس انا مارضيت تجي وحدة غيري وغار منها كل مرة كان يجيب وحدة تشتغل يومين ارجع خليه يرجعني ويشيلها حتى بالأخير اعتمدنا على قرار يدور على موظف بدل الموظفة .... كانوا الكل مجتمعين عيلتي وعيلة كنان وقت فاجأني كنان بقراره .
كاترين : شووو هدول ١٥ يوم
مو عاطيني فترة شهر لقول اوك وماشي .
كنان : حبي انا عبالي يكون يوم اللي بدنا نكمل فيه حياتنا سوا ومع بعض يكون بنفس تاريخ اليوم اللي اعترفتلك فيه بحبي اول مرة .
كاترين : عنجدد لسا متذكر التاريخ .
كنان : لو مو متذكر كنت ماقدمت على هيك خطوة وعم خبرك وانا واثق من حالي .
كاترين : بس من هلئ فستان العرس غير وسيم ما بيعملي ياه .
كنان : كاترين ليش وسيم .
كاترين : لانو كتير بحب تصاميمه والشغل اللي بيعمله غير هيك بيفهم علي شو بحب وكيف ذوقي ... حياتي بليز ماتعترض بعدين علاقتك معه صارت منيحة .
كنان : اوك متل مابدك ... مشي لعند العيلة نخبرهن .
كاترين : اوك يلا ..
بينما الكل كانوا مجتمعين وكل حدا بيحكي مع حدا وصلو كنان وكاترين لعندهن ووقفوا بأول الصالون .
كنان : اذا بتريدو شوي ركزوا معي .
رأفت : خير ابني شوفي .
كنان : بابا انا وكاترين قررنا نعمل عرسنا بعد ١٥ يوم .
الكل انصدم من هالفترة القريبة .
لميا : بس مو ملاحظين هالفترة قصيرة كتير .
كاترين : ماما حبيبتي لاتخافي منلحق واذا مشان فستان عرسي فأكيد وسيم بيلحق يعملي ياه ...مو سيمو .
وسيم : طبعا كاترين ورح يكون فستان خيالي .
لميا : خلص متل مابدكم وعملو اللي يريحكم ياقلبي .
الكل صارو يباركو لكاترين وكنان .....
عند ميلا كانت واقفة على طرف مع كارولين بتخطف نظرات على شيفاي وتحكي بقلبها ...
ميلا : ياربي معقول لهلئ ماقدرت احكيه ولا مرة واحكيلو حقيقة مشاعري اتجاهه ...ومعقول هو معد بدو ياني حتى ماعم يفتح الموضوع معي .
شيفاي انتبه على ميلا كيف تتطلع عليه كل فترة .
شيفاي : أويس ...
أويس : نعم .
شيفاي : معلش تغطي على وجودي انا وميلا في شي لازم نحكي فيه .
أويس : مو تكرم عينك انوو واخيراا يعني قررت تحكيها روح بس لاكتير تاخد راحتك تذكر بالأخير انها بتكون اختي .
شيفاي : وانا رفيقك يافهيم ....يلاا باي.
ميلا كانت واقفة مع كارولين بس تركتها لما اجا أُبي واخدها .
شيفاي : كيفك .
ميلا : تمام كيفك انت .
شيفاي : تمام بخير بدي احكي معك برا شوي .
ميلا : اييي تفضل .
___^_^
عند أُبي وكارولين ....
أُبي : ونحنا ايمت دورنا .
كارولين : دورنا بشو .
أُبي : لككك ايمت بدك تصيري ملكي وبين ايدي من غير ماحدا يتدخل فينا .
كارولين : مممممم بكير لسا مو .
أُبي : اديش يعني بدك وقت ليصير مو بكير .
كارولين : فترة سنتين زماان .
أُبي : لاااا بعد كاترين وكنان بفترة ٣ اشهر بدنا نكون مودعين العزوبية .
كارولين : كتيير بكير .... حبيبي خليهن ٦ اشهر لنطبق السنة .
أُبي : كارولين شو بكير بجي بخطفك هااا .
كارولين : ولكك مجنون والله بتعملها خلص متل مابدك حتى ال ٣ اشهر فترة كتير حلوة وبنت عالم وناس وزيادة كمان .
أُبي قرب من كارولين وباسها من شفافها...رجع باسها من جبينها وحط جبينه على جبينها
أُبي : بحبك ....
______☆_☆
عند ميلا وشيفاي اول ما طلعوا للحديقة .... شيفاي سحب ميلا وحاوطها عند الحيط ...
شيفاي : شو بدك احكي لأثبتلك اني بحبك اكتر من حبك اللي .
ميلا (بلبكة ) : مين قال اني بحبك ليش ايمت صار هالحكي .
شيفاي : صار وقت اللي اعترفتلك انا وقت كنا بالمطعم وانتِ تاني يوم صبحتيني احلى صباح بحياتي وقت اعترفتيلي بمسج .
ميلا عم تحكي بقلبها وهي مصدومة : هااد كل هالوقت بيعرف وساكت .
ميلا : صح انا اعترفتلك ليش الحب عيب ولا حرام .
شيفاي : لا طبعا في احلى من الحب ليش !!!!! .
بعد عنها شوي وصار يحكي ...
شيفاي : بقى جيت اتأكد اذا لسعتك عند اعترافك ولا غيرتي رأيك مشان اعرف في وحدة بتحبني وناطرة اشارة مني مشان احكيها .
ميلا : اذا كنت بتحب هالبنت اكتر مني روح لعندها ليش لاء .
شيفاي : بحبك اللك وبس .
قرب شيفاي على ميلا ياخد بوسة منها بس هي رفعت ايدها وحطتها على شفافه عم تبعده وترجعله راسه لورا ... وب تاني ايد رفعت ايده لفوق واشرت على اصبعه اللي بينحط فيه الخاتم .
ميلا : تسؤ تسؤ مو هلئ ... وقت يصير (صارت تأشر على مكان الخاتم باصبعها ) هاد المكان مليان بتبقى تجي لعندي تطالبني .
شيفاي : اذا هيك الحكي خبري اهلك اني جاية مع اهلي بزيارة لعندكن خصوصي لنعبي هالمكان .
ميلا : بتشرفوا ايمت ماجيتو ... منمشي هلئ بيستفقدونا .
شيفاي : قبل مانمشي عندي سؤال .... كيف ماغمي عليكي .
ميلا : لأني عم حضر الشجاعة والقوة لهل اللقاء صرلي ٦ اشهر .
شيفاي : اوك معناها بلشي جمعي شوية شجاعة وقوة لوقت مابدنا نملي هالمكان (اشر باصبعه على مكان الخاتم ) .
___^_^
بعد مرور ١٠ ايام
كانت كاترين واقفة جنب المسبح والباقي قاعدين ..
كان موجود معها كنان ...وأُبي ...وكارولين ... وإيلاف .. وأويس .. وأوس .. وشيفاي ..وجود ... ووسيم ... وميلا...
خلوني احكيلكن ليش جامعتكن هيك .
جود : بتكوني فضلتي علينا اذا حكيتي والله .
كاترين : هو انا بعرف انكم انتو اكيد مقررين ترقصوا رقصة الزيبك بعرسي بس جبتكن لذكركن اكتر وماتنسوا ...يعني قلت لحالي اذا ذكرتكن مابخسر شي .
ايلاف : بس انا مابعرف ارقص هالرقصة .
كاترين : ماتخافوا كلشي مأمن جبتلكن افضل مدرب لهل الرقصة بخلي حركاتكن تتناسق سوا انتو الكل .
كنان : كاترين جد جبتي مدرب .
كاترين : اي والله حتى شوف .... يا أميينة.
خلال لحظات وكانت عندها امينة : نعم كاترين .
كاترين : بدي غلبك تنادي لجورج .
أمينة : تكرمي .
خلال دقايق كانت جاية امينة وجنبها شب طول بعرض ... سلم على كاترين ووقف جنبها .
كاترين : بعرفكن على جورج رح يساعدكن بالتدريب ويعلمكن منيح عالرقصة .
أوس : بس مو اول مرة منرقص الزيبك ومابدنا حدا يعلمنا .
كنان : على فكرة كلام أوس صح.
كاترين : انتو بتعرفوها بس ممكن الباقي مايعرفها ... مثلا عندك واحد عايش طول عمره بايطاليا شو رح يعرفه بتقاليد الأعراس عنا .
إيلاف : ترا انا من مو من ايطاليا حتى ما اعرفها وقبل ايطاليا كنت عايش هون .
كاترين : قلت مثلااا ... وعندكن مثلااا تنين كل ما تسألو وينهن تلاقوهن مدوا راسهن من الطيارة يقلولكن هاي ... بدكم يعرفوا هيك رقصة .
شيفاي : ليش حاسس انك عم تجردي الكل من هويته وتطلعيه من العادات والتقاليد اللي عايش فيها ... يعني نحنا صح تلت رباع حياتنا بالجو بس ما لنا منعزلين عن العالم لدرجة مامنعرف شو هالرقصة او مو سمعانين فيها حتى .
كاترين : يعني بهون عليكن يوم عرسي ماتعملوا شي كرمالي اذا مابتقلولي موافقين وتبلشوا تدريب انا تاركتكن وطالعة هاا .
أوس : خلص خلص موافقين .
كنان : كاترين تعالي شوي بدي ياكي .
(مشيت كاترين مع كنان لبعيد عن القاعدين ) .
كنان : هي المسرحية اللي كنتي بتعمليها حقيقة ولا مزح .
كاترين : ياربي ليش ماحدا مصدق اني عم احكي بكل جدية .
كنان : من وين جبتي هالمصروع وبيحكي عن حالو كوتش كمان .
كاترين : هاد مو مصروع بتعرف انو عندو كتير مواعيد وماعندو وقت فاضي وبصعوبة حتى وافق على طلبي .
كنان : لازم نشكر جلالته انو وافق يعطينا كم درس رقص يعني .
كاترين صارت تلعب بقبة قميص كنان وتدلع عليه : حبيبي بليز لاتعترض مو انت بتحب تشوفني فرحانة اذا بدك كون فرحانة بتوافق .
كنان : يعني اذا بتكون مدربة بدال المدرب بوافق فورا .
كاترين بتضرب كنان كف صغير على وجهه : شو بدك بالبنت حتى تبصبص عليها موو .. هاد الموجود واذا كتير مُصّر على الجنس اللطيف بجبلك وحدة ختيارة اكبر من ستك حتى .
كنان صار يضحك على غيرة كاترين : شبك يامجنونة عم نهز الورد لنشمه .
كاترين : لا تمزح معي بهيك شغلات كنان .
كنان : احترت بمزح بتقوليلي لاتمزح ... مابمزح بتقليلي جدي وشايف حالك ونكدي شو اعمل لترضي حضرتك .
كاترين : ياقلبي مزاح بس بحدود يعني عندك مثلا تحاول تستفزني وتجيب سيرة شي بنت بس لتغيظني هاد ما اسمه مزح هاد اسمه استفزاز وبنتفك اذا لقيتك بتحكي عن بنت وتمدح فيها جنبي .
كنان : هاد مو استفزاز هي تسمى غيرة .
كاترين : ايي غيرة... وغيرانة على حبيبي مابيطلعلي برأيك ؟
كنان : ومابيطلع لحدا غيرك .
كنان رفع نبرة صوته وحكى بسرعة : صرصوور صرصور بين رجليكي كاترين .
كاترين نطت علقت ايدها برقبته ورجليها رفعتهن
حاوطتهن حول رجليه :ععاااا وينهه وينه .
كنان اطلع بكاترين اللي معلقة فيه ووجها صار اقل من مستوى وجهه بشوي باسها على انفها وصار يضحك : ريتو على طول في صرصور حتى تتعلقي فيني هيك .
كاترين نزلت وقفت على الارض : عم تكذب عليي موو ... حرام عليك قلبي صار بين رجلي .. امشي نروح لعندهن هلئ بيجوا لعنا يشوفو وين طولنا .
كنان : من ساعة اجت كارولين تدور علينا وانا صرفتها .
كاترين : كيف صرفتها وانا ماشفتك حكيت حدا .
كنان : مو شرط احكي لغة الاشارات بتكفي ... يلا امشي احسن مايروح علي درس الرقص العظيم والمدرب الاعظم .
_____
بمكان تاني بالمكتب عند يحيى ورأفت كانوا عم يشتغلو سوا .
رأفت : يحيى انا مابدي افتح سيرة الماضي بس عندي سؤال اذا بدك جاوب واذا مابدك غير السيرة .
يحيى : احكي شوفي .
رأفت ؛ وقت طلبت اختك ليش رفضت .
بحيى : بهدلاك الوقت ماكان فيني احكي السبب بس هلئ رح احكيلك ورح يبقى بينا .
رأفت : ايي طبعا .
يحيى : لأن اختي كانت متزوجة بالسر ومن غير علم اي حدا بالعيلة ... ووقت جيت وقلتلي بدك ياها ماقدرت خبرك اختي شو عاملة وكيف مخبية على اهلي لأن كنت عاطيها مهلة تخبر زوجها يجي يطلبها والا بحكي لأهلي ..وانا مالقيت حل لما قلتلي بدك ياها غير ارفض واحكي انو مابتناسبها ولا بتناسبنا لأن اكيد انت ماتكون بدالي مارح تفضح عمايل اختك بايدك .
رأفت : مافي منك يا يحيى ...انت كنت عم تتصرف متل اي اخ بيتصرف كرمال اخته وانا ماكون مطرحك هيك بعمل... بعد ماعرفت مالي زعلان منك ولا شوي .
يحيى : طب مابدك تشكرني على هيك رفيقة عمر واللي هي بجد افضل من اختي .
رأفت : ما عم افهم عليك .
يحيى : لميا كان الها الفضل انها عرفتك على ميس تعوضك عن نور وتنسيك ياها .
رأفت : عنجدد...
يحيى : ميس ولميا رفقات من الجامعة ولهلئ بيتواصلوا سوا .
___□_□
الايام عم تمشي متل لمح البصر .... وكاترين وكنان مشغولين بتحضيرات العرس ...
يوم العرس ...كانت كاترين واقفة عم تشيك على حالها وتتطلع بالمرايا وتبتسم .
كاترين : من اليوم رح كون مع كنان ومافي شي يفرقنا .
فتحوا البنات عليها الباب ...
ريتا : ياعمري ما أحلااكي .
شغف : لكك بتجنني .
بانا : شكله كنان رح يخطفك من قبل مايخلص العرس .
كاترين : خلص بقى عم تخجلوني .
ميلا : على فكرة كنان كمان خلص وجهز وقال طالع بياخد العقل .
كاترين : شو عرفك انتِ ؟؟
كارولين : اكيد ختشيبها يؤبر قلبها هو اللي خبرها .
ميلا : ايي يؤبر قلبي هو .
البنات صارو يضحكو على طريقة ميلا ..
كاترين : يابنات انا خايفة في مجال انسحب ولا خلص فات الاوان .
نيسان : ويين بدك تنسحبي هو ماصدق يشوف هاليوم خلص فات الاوان .
كاترين : انتِ لاتحكي شي لهلئ مو نسيانة كيف كنتي تخبريه لكنان اخباري .
نيسان : ييي علينا كل مرة بتذكريني بالسيرة ... خبرتك اسفة الف مرة .
كاترين : مسامحتك مسامحتك بس مو نسيانة .
(فتحت لميا الباب عليهن ).
لميا : ياقلبي شو هالجمال كلو الله يكمل فرحتكم ...
كاترين : يخليلي ياكي .
لميا : يلا عاجبتكم القعدة هون ....نزلو لمكان العرس انتو وتركو العروس لحالها بدكن يجي كنان ويشوفكم معها .
___♡_♡
بقاعة فخمة بارقى الاوتيلات كان العرس ... الديكور والتنسيق كلشي كان بياخد العقل ... الكل صار موجود وناطر طلة العريس والعروس .
على طاولة بين الطاولات الموجودين كانت موجودة صبية لحالها قاعدة ومتلبكة لمحها أوس اخدتلو عقله بجمالها ... راح لعندها يحكيها .
أوس : ميران ؟؟؟!!! .
ميران : اهلين دكتور .
أوس : ميران نحنا مالنا بالمشفى تقوليلي دكتور بيكفي تقولي أوس ... شو عم تعملي هون .
ميران : اجيت احضر العرس .
أوس : واضح اكيد انك جيتي تحضري العرس .. قصدي مع مين جاية .
ميران : العروس رفيقتها لأختي وعزمتني معها .
أوس : عندك علم انو العروس نفسها اللي اجت عالمشفى لعندي وقلتلك بتقربني .
___*_*
كاترين ناطرة بالغرفة كنان وواقفة جنب المرايا عم تفرك بأصابعها ... حست بايدين غطو عيونها مسكتهن وفتلت شافت كنان .
كنان : انا بحلم ولا بحقيقة ... قدامي ملاك ولا بشر ؟؟
كاترين : بحقيقة وكلشي واقع واخيراا ... (اتطلعت كاترين على كنان تشوف كيف طالع وحكت بصدمة ) كناااااان .
كنان : عيونه .
كاترين : لككك من وين جايب بدلتك .
كنان : عجبتك .
كاترين : لككك حكيلي اول من وين جبتها .
كنان : ليش شوفي .... ليش هالقد انصدمتي وقت شفتيها شكلها ذكرتك بشي ؟؟؟.
كاترين : لاااا تقلي كماان انت .
كنان : ليش في غيري يتجرأ ...
كاترين : لااا هيك كتير وانا قول مين عم يراقبني انا ووسيم وبعتلي بكل جرأة يفرض رأيه عليي .
كنان : بس على مين احلى اكتر انا ولا وسيم .
كاترين : معقول عريس ليلة عرسه ومايطلع حلو برأيك ؟؟ وخصوصا اذا كانت البدلة تنقاية العروس .
كنان : وانتِ كمان طالعة بتجنني .
(قرب كنان ياخد بوسة من كاترين بس هي بعدته )
كاترين : نو نو نو هلئ بتخربلي الروج كنان افندي والعالم ناطرتنا تحت يلا ننزل .
كنان : بظن في مكان تاني مارح ينخرب فيه شي اذا قربت عليه ( عم يحكي ويطلع على رقبتها ) .
كاترين : كنااان .
كنان : كاتررين .
(بعد شعراتها ونزل عند رقبتها خطف بوسة منها ) .
كنان : هلئ منمشي ..
__♡_♡
بقاعة الحفل انطفت الاضواء وتوجهت مكان الدرج المكان اللي بدهن يطلو منه العرسان واشتغلت الموسيقا الخاصة بالعرسان .....دخلو كاترين وكنان عالقاعة وكل ماينزلو خطوة تتوجه الاضاءة للمكان اللي وصلوله ... الكل صار يمدح بجمالهن واديش لابقين على بعض ....
ريتا : يا الله بجننو .
شغف : عصافير حب ما أحلاهن .
لميا : ربي يحميهم على هالجمال .
ميس : مين كان يقول انو يتزوجو ولادنا لبعض .
لميا : سبحانه على هالقدر الحلو واللي قدر يرجع يجمعنا .
الكل عم يتفرجوا على عصافير الحب اللي عم يرقصو .
كنان : كاترين انتي احلى هدية اجتني من هالدنيا .
كاترين : وانت احلى نصيب شفته .
كنان : كله بفضل الورقة اللي وقعت منك وبسببها تعرفت عليكي ... صحيح شو كانت .
كاترين : كنت راسمة فيها فتى احلامي بس بتعرف انو اللي كنت راسمته بيشبهك كتير .
كنان : هاد اثبات لالك انو مافي احلى مني بنظرك .
كاترين : ممم .
كنان : عندك شك ؟؟.
كاترين : المشكلة انو كلامك صح .
كنان : المشكلة !!! حلوو واضح ح يصير في حساب بينا .
اجى لعندهن عامر يباركلهن ...
عامر : الف مبرووك يا احلى عرسان يديم المحبة متوجة حياتكن ...
كنان : يبارك فيك عامر عقبالك .
كاترين : تسلم يارب .
بعد ماراح عامر كانوا ناطرين بعده ريتا وشغف ركضوا و عانقوا كاترين .
ريتا : ياعمرري الف الف مبرووك .
شغف : ونشالله دايما الحب بيجمعكن .
كاترين : يقلبي تسلمولي وعقبالكن .
ريتا : كنان كاترين هي شقفة من قلبنا حافظوا على بعض .
شغف : وانت اكيد رح تكون احلى صهر .
كنان : ماتخافو كاترين بعيوني .
............
نيسان اتطلعت جنبها شافت اختها شاردة ..
نيسان : ميران شوفي وين شاردة .
ميران : ولا شي بس العرسان بجننو .
نيسان : حبيبتي العرسان بهاد الاتجاه وانتِ صافنة بغير طرف تماما .
ميران : في حدا بجنن اكتر من العرسان موجود هون .
نيسان : ميين ولييه .
ميران : الدكتور أوس كان هون وسلم عليي .
نيسان : اهااا وانا عم قول ليش ماعندك عقل ...
ميلا كانت واقفة مع شيفاي ... اللي يشوفهن يفكرهن عم يتغزلو ببعض بس هنن كانو العكس تماما ...
شيفاي : حياتي مو قلتلك الفستان يكون ضهرو مو مكشوف .
ميلا : شيفاي انا هاد عجبني كتير وليكني عملت شعري نازل حتى غطي ضهري ... ومازعلك .
شيفاي : حبيبتي بس مشي الحال زعلت وخلص .
___*_*
كانت ميران عم تمشي بالممر وقت اصطدمت بشخص ...
ميران ( وهي متأسفة وخجلانة ) : اسفة دكتور أوس .
أويس : بس انا الكابتن أويس مو الدكتور أوس ياحلوة .
ميران : نعم .
(سمع أويس صوت الغنية اللي بدهن يرقصوا عليها رقصة الزيبك مشي وحكالها بسرعة وهو ماشي ) .
أويس : تشرفت بمعرفتك بس صار لازم امشي سلاام .
___^_^.
كل الشباب اول ماسمعوا الغنية بلشت صارو يطلعوا واحد واحد عالستيج وكاترين وقفت على طرف تتفرج عليهن كانت حركاتهن متناسقة ومحترفين الرقصة لدرجة ...
ميلا : شوفوا ما أحلاهن .
كارولين : اي كاترين مارحمتهن بهالمدرب اللي جابته .
ميلا : بتعرفوا لو ماكنت مخطوبة يمكن كان هالمدرب اخد قلبي .
كارولين : انتِ قد كلامك نحكي لشيفاي شو قلتي .
ميلا : لااا كارو مابتعمليها عقلك اكبر من هيك .
ميران واقفة جنب اختها ومصدومة لما شافت حركات أوس واديش بيعرف يرقص .....
ميران : لكك نيسان طلع في منه تنين .
نيسان : مين هاد .
ميران : لكك شوفي الدكتور أوس شكله عندو اخ توأم نسخة منه عم يرقص جنبه .
نيسان : يييي ايي والله .
(خلصت الرقصة واشتغلت موسيقا رقص هادية كل حدا صار يسحب اللي بكمله ليرقص معه... ميران كانت واقفة مع نيسان وقت اللي اجا أوس اتجاهها )
أوس : مرحبا اكيد انتِ اختها لميران .
نيسان : اي صح انا اختها نيسان .
أوس : تشرفت فيكي ...بتسمحيلي اخطف ميران منك شوي .. (وجه نظره لميران ومدلها ايده ) بتسمحيلي بهالرقصة .
نيسان : وانا اكتر... ايي طبعا مافي مشكلة شو ميران ؟؟..
ميران : اكيد ماعندي مانع شارك الدكتور أوس بهل رقصة .
عالستيج كانت كاترين وكنان عم يرقصوا وعيونهن واضح فيها الحب .
كنان : مطولة الحفلة ؟؟.
كاترين : ليش بدك ياها تخلص .. بالعكس كتير الاجواء حلوة .
كنان : حلوة ما اختلفنا بس ..
كاترين : بس شوو !!.
كنان : مافيني اخطفك من نص الحفلة وهنن يكملو العرس لحالهن .
كاترين : كنااان .
عند أُبي وكارولين ...
أُبي : كل مرة بتفاجئ انك عم تحلي اكتر واكتر شو عم تعملي بحالك وتعملي فيني يابنت .
كارولين : الحب بيحلي وخصوصا اذا كنت مع الشخص الصح مشان هيك مو لحالي عم احلى وانت كمان عم تزيد فوق حلاك حلى زيادة .
أُبي : دخيل اللي بيعرف يحكي انا .
كارولين : أُبي.
أُبي : عيونه .
كارولين : بحبك .
أوس وميران ..
ميران : دكتور أوس انت عندك اخ توأم .
أوس : اي اسمه أويس كمان ... ميران اذا بتريدي خبرتك نحنا مو بالمشفى بلا كلمة دكتور هي .
ميران : اوك تكرم أوس .
أوس : ما أحلى اسمي منك .
(ميران خجلت ونزلت راسها ).
أوس : وما أحلاكي لما بتخجلي وتدوبي هيك .
ميران : ...
أوس : ميران انا بحبك .
(ميران انصدمت ما كانت متوقعة أوس يكون بحبها وكانت دائما تقول انو لطيف وبينحب بس صعب يكونوا سوا كانت معتقدة انو على علاقة مع كاترين من لما شافت كاترين بالمشفى ) .
ميران : أوس اناا .
أوس : هووس ماتحكي شي هلئ فكري منيح وخبريني .
ميران : بس انا مابدي فكر .
أوس : ميران اذا بتريدي لاتحكمي على قراراتك بسرعة .
ميران : انا مابدي فكر لأن انا جد بحبك ..
(أوس حمل ميران وصار يفتل فيها والكل صاروا يطلعوا عليه ).
شيفاي : شبو أوس شو عم يصير معه .
ميلا : احسن ماعم تقول شبه ليش ماتفتلني متل ماعم يفتل البنت اللي معه .
شيفاي : مو تكرمي حياتي ..
(شيفاي حمل ميلا كمان وصار يدور فيها ) .
......
أُبي : كارولين ماحدا احسن من حدا ..
كارولين : شو يعني ؟؟؟.
(أُبي حمل كارولين كمان وصار يدور فيها ) .
كارولين : لكك بس يامجنون هلئ بوقع .
......
كاترين : شو القصة كلو بيفتل .
كنان : لحظة شوي هدول شكلن متفقين ومو مخبريني .
كاترين : لاتجن كنان انا بدوخ .
كنان : عادي انا بجيبك اذا وقعتي ( وحملها وفتل فيها ) .
كان شكل الكل وهنن بدورو بجنن ...
بطرف تاني كان وسيم واقف وجنبه أويس وايلاف .
وسيم : حبيبي أويس مابقي غيرنا سناغل هون تعا حملني وفتلني بمعيتك .
أويس : اجا عند وسيم يمثل عم يرقص معه .
ايلاف : احترموا مشاعري انتو التنين مو شايفين في سنغل بائس وحزين جنبكن .
وسيم : حبيبي انت خليك ترسم وتخطط بالبنايات شكلك عامل عقد ارتباط مع اللابتوب للابد .
ايلاف : وانت كمان مع القلم والورقة اللي ترسم فيهن .
كانوا اهل كاترين وكنان واقفين مع بعض .. التفت رأفت اتجاه لميا وحكالها ....
رأفت : لميا بدي اتشكرك على هالنصيب الحلو واللي من دونك ماكنت تعرفت عليه ( حط ايده على كتف ميس وصار يضحكلها ).
(ميس انصدمت معقول بيعرف ومو فاتح معها الموضوع ابدا ) .
لميا : ولوو رأفت انت مافي منك وبتستاهل حدا منيح متل ميس .
ميس : يخليلي ياكي .
يحيى : الله يديم المحبة ... شايف اخواتي وزواجهن صارو عالستيج عم يرقصوا شو رأيكن نطلع نشاركهن نحنا كمان .
رأفت : ليش لاء اذا اليوم مافرحنا ورقصنا ايمت بدنا نفرح تفضلوا .
يحيى مد ايده للميا ورأفت لميس واخدوهن وطلعوا يشاركوهن .... العرس كان من قصص الخيال الصحافة ماوفرت ولا لحظة لتوثق هيك حفلة وكل الموظفات اللي كانوا موجودين كانت عيونهن على كنان ويقولوا نيال كاترين فيه والشباب مو اقل من البنات وهنن يحكوا ويتغزلوا بكاترين ... بس الكل كان متفق انو تنيناتهن لابقين لبعض و عرسهن اسطوري .
___
بعد ما خلص الحفل وصاروا العرسان بالبيت ...
كاترين : نظراتك المنحرفة هي مو عاجبتني .
كنان : اذا ليلة عرسنا وماعجبتك ايمت ناوية تتكرمي علينا وتعجبك .
كاترين : طب انت عندك نظرات غريبة ومو مفهومة .
كنان (وهو بيغمز كاترين ) : بدك كم يوم لسا وبتصيري بتفهمي نظراتي الغريبة .
كاترين : انت ادب سيس اخلاق يوك .
كنان :اما انتِ عقل يوك واخلاق ماشالله .
كاترين : كنت لا تتجوز وحدة ماعندها عقل اذا هيك .
كنان : ترا نحنا لحد الآن مانعتبر متزوجين اذا ماعندك علم قلت بخبرك .
كاترين : عنجد انت حدا مابيستحي .
كنان : طب شو ناطرة من حدا غرقان فيكي و شو اعملك اذا انتِ عاملة فيني وبقلبي العمايل .
كاترين (عم تغني وتدلع عليه ) : طب اعمل ايه ومانا ست جميلة ودي كاريزما .
كنان : حلوو كتير كان ناقصني هالدلع لتكمل معي ...
كاترين : طاولة العشا ناطرتنا وبتندهلنا صرلها ساعة معلش نروح ونلبي ندائها .
كنان : شو رأيك نلبي نداء قلبي ومشاعري بالاول .
كاترين ( عم تصطنع البراءة بعيونها ) : مابتقدر تسيطر على مشاعرك شوي يلي نطر الي نطرته بينطر حبة زيادة ترا انا جوعانة .
كنان : ما انا كنت ناطر هالليلة من زمان بس شو بدنا نعمل حكم القوي عالضعيف منتعشا ومنتروى .
كاترين (نطت وباست كنان ) : دخيلو يلي برد على كلامي انا .
(مشيت كاترين باتجاه الاكل وبعدها فرقت على غير طرف وصارت تركض لغرفة النوم ) .
كنان : لككك وين عم تهربي ... وكيف قدرانة تمشي بسرعة بهالفستان اي انا لما حملتك حسيت وسيم حاطتلك حجار مو الماس بالفستان .
(كاترين ماردت على كنان ... وصلت لغرفة النوم وقفلت الباب على حالها... كنان لحقها وصار يدق عليها ) .
كنان : لككك يامجنونة من شو عم تهربي ... اذا مني ف بحب ذكرك اني بقيان معك لطول العمر ف ما لح تستفيدي شي ... بقى فتحي الباب .
كاترين : مابدي بقولو بعد الزواج كلشي حب ودلال بيختفي وبيتبدلو لمشاكل ونقاشات مالهن طعمة .
كنان : كاترين عم تستهبلي عليي بتعرفي اديش بحبك واكيد مارح يختفي حبي بعد مانتزوج بالعكس بزيد من وين بتجيبي افكارك .
كاترين : انت هيك بتقول بس مابتعرف بعدين شو بصير .
كنان : مو انتِ بتقولي انو علاقتنا احلى من أُبي وكارولين لأن ف
كنان : مو انتِ بتقولي انو علاقتنا احلى من أُبي وكارولين لأن فيها اكشن وكل حدا بعاند التاني شكل .
كاترين : مشاكل الزواج غير مشاكل الخطبة .
كنان بيحكي بينه وبين حاله : ياربي صبرني .
كنان : عمري افتحيلي واذا لقيتيني تغيرت معك تعي وتخانقي معي وقوليلي بدي كنان القديم بس هيك مو معقول قاعدة ومتخبية ورا الباب .
كاترين : ....
كنان : بعدين مو انتِ بتحبي تواجهيني وجه لوجه فتحي واحكي معي ولاتتخبي هيك ... واجهيني وانتِ تطلعي فيني .
سمع كنان صوت قفل الباب وهو عم يفتح ... فتحت الباب و هي واقفة وعم تطلع فيه ببراءة .
كنان قرب من كاترين وحضنها وبعدها حضن وجهها بين كفوف ايديه وصار يطلع بعيونها ....
كنان : معقول زعل هالعيون الحلوة مني ؟؟ معقول تكون حياتنا مملة ونفس الروتين بعد مانتزوج برأيك ؟؟!! لسا محضرلك مفاجأت كتير ومن بكرى بدنا نبلش برحلة شهر العسل تبعنا ... رح تشوفي بلاد واماكن لاول مرة منشوفها نحنا التنين مع بعض رح نخطي وندور كل مكان بالعالم ونكتشف شغلات كنا دافنينها بحالنا بس كلشي رح يطلع ويكون احلى لما نكون سوا .
كاترين : كنان بدي توعدني تبقى تحبني .
كنان : بحبك ورح ابقى حبك ومارح يدخل هالقلب غيرك ... عادي تخربي الميك اب بكم دمعة تنزل موو ومو عادي تخليني اخربلك شقفة روج .
كاتربن : انا خبرتك ماتخربلي الروج كرمال الحفلة بس هلئ مشي الحال الحفلة وخلصت وانا صرت معك .
كاترين قدرت بطريقتها تلمح لكنان انها موافقة يقرب منها .. وهو ماصدق شاف كاترين تلمحله كان مستغل الفرصة وطابق شفافه بشفافها ....قدر كنان يطبع على كاترين آثار حبه وعشقه بنظراته المليانة حب وطريقته اللطيفة معها قدروا يقضو ليلة من العمر ...وماكانت حياتن بتقتصر على هاليوم الحلو اللي جمعهن كتير ذكريات نرسمت ونحفرت بغير ايام قدرت تعزز وتكبر مسار الحب بحياتهن ... ثمرة حبهن كانت ببنت وصبي لذيذين كتير وبيشبهو كنان وكاترين البنت اسمها لافا والصبي كرم ...
كارولين وأُبي تزوجو بعدهن بشهرين وعاشو قصة حب رايقة من غير مشاكل عكس كاترين وكنان اللي حياتهن ماتخلى من النقاشات كل مرة بس رغم هيك كانوا وكأنهن حامين حياتهن بقوقعة حب ....
ميلا وشيفاي وأوس وميران كمان تزوجو بس بعد بسنة من زواج كاترين وكنان ....
وسيم بقي يستعان بكاترين بكل عرض ازياء يعمله اول شي كنان يعارض بس بعدين كاترين تقدر تقنعه لأن عجبتها هالقصة كتير وصارت تنطر كل مجموعة يصممها وسيم لتكون جزء منها .. وبسبب زياراته اللي صارت كتيرة للشركة مشان كاترين وعروض الازياء قدر يحب نيسان ويعترفلها وهي طارت من الفرحة انو الكراش ومصمم اللي كانت تحلم تلبس من شغله طلع بحبها ....
يحيى ورأفت اللي يشوفهن مايقول عنهم تزاعلو وبقيو سنين متخالفين ... ورجعوا وحدوا شغلهن سوا وكل مايكسبوا مناقصة فيها ربح للشركة كانوا ياخدوا لميا وميس باجازة ....
جود كان كل مايشوف بانا يلاقيها نفرت بوجهه وتتنكت فيه .. بعدين اكتشف انها مزعوجة منه وقت اللي مزح مع اخواتها يوم تلبيس خواتمهم وقلهم كنتوا خبروني خطبت انا كمان اختكم 😂😂 حاول يعتذر منها اكتر من مرة بس هي عنيدة وماتقبل اعتذاره .... عنادها جذبه ناحها وبالأخير وقع بحبها عنجد 🤣🤣 بعد اكتر من خمس مرات قال فيها بحبك وهي تقله بكرهك حتى اعترفتله اخر مرة بحبها هي كمان ....
اما إيلاف ف قدرت تسرق قلبه ريتا وتتمركز فيه ....
شغف كانت بتحب أويس واعترفتله يوم عرس كارولين وهو انصدم صار يخبرها ماتكوني مخربطة بيني وبين اخي وهي تخبره انت طبعا واخوك اصلا مخطوب شو بدي فيه حبه ... حتى آخر شي صدقها وراح يخطبها مع اهله اللي ربوه واهله الأصليين .
ويساق لك من القدر نصيب يكن لك فيه الخير والعوض ويكن افضل مما تمنيت في هذه الحياة
كل حدا فينا هو بطل بقصته وبحياته .. حياتنا عبارة عن قصة ونحنا الابطال فيها ... نحنا قادرين نصنع ونبني حياتنا متل ما منحب ومنتمنى اذا قدرنا نعرف كيف نوظّف كلشي بمر معنا من مواقف ودروس بحياتنا ويكونوا مثال يدفعنا لنكمل ونتخطى كلشي مر شفناه ... لأن دائما في بقعة ضوء بنهاية الطريق فيها الفرج والمراد لو قد ماكان الطريق طويل رح نوصل بوجود الارادة والعزيمة وروح التفاؤل جواتنا .
النهاية
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```