الفصل 30
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴0️⃣3️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
ميلا بعد مارجعت من عند أوس قعدت بغرفتها تفكر كيف بدها تعترف لشيفاي بعد ماعرفت انو ممكن يكون مغير رقمه ومو شايف المسج ... بس كتر التفكير شغل بالها وماحست على حالها لما نامت ... كارولين بعد ماودعت أُبي طلعت تنام بغرفتها وتفكر بكلامه والجانب العاطفي منه يلي اول مرة يظهره جنبها ....
_____
الصبح صحيت كاترين شربت النسكافيه وغسلت ولبست لتروح عالشغل ... اول ما اجت تطلع من الفيلا شافت كنان جاية بسيارته ...
كنان : يلا اطلعي معي منروح سوا .
كاترين : اوك يلااا .
وهنن بطريقهم للشركة ..
كاترين : بتعرف اني اشتقتلك مبارح وخليتني اقلق عليك .
كنان : ليكني جنبك مافيني شي .. خبرتك مجرد تعب وبروح .
كاترين : كنان مارح تحكيلي شو مخبي عني .
كنان : خيير كلشي مخبيه لخير .
كاترين : طب احكيلي .
كنان : القصة بدها رواق ... وقت يكون معنا وقت بحكيلك .
كاترين : طب انت مستعجل كتير تروح عالشركة .
كنان : ليش .
كاترين : بتاخدني منفطر بالمطعم ومنحكي على رواق .
كنان : اوك مارح زعلك .
كاترين : لوف يوو اييه .
كنان : مابتقدري تقوليلي بحبك مثلا .
كاترين : لا لوف يو بتطلع بسرعة من غير تفكير مني .
_____^_^
بالشركة كانت نيسان عم تشتغل اجت لعندها الموظفة علا .
علا : نيسان سمعتي اخر خبرية .
نيسان : هاتي لنشوف .
علا : مابعرف بس انا ماعم صدق .
نيسان : لكك شوفي احكي .
علا : عم يقولو انو كاترين والاستاذ كنان خطبو .
نيسان : هلئ هي هيه خبربتك ... صار هالخبر قديم وعليه غبرة على فكرة .
علا : لكك هدول ايمت كانو يحبو بعض ليخطبو .
نيسان : على فكرة كل الموظفين حاسين عليهن انتِ وين عايشة ... ولا لتكوني متأملة تكوني للاستاذ كنان وقلبك عامي على عيونك.
علا : يعني هي اجت من البرية وبدها تكون الأولية بدي اعرف شو عملتله حتى حبها .
نيسان : يامكيودة هنن بحبو بعض من قبل مايجي هو ويستلم الشركة بشهور حتى... يعني هي الاصل وين جاية تحكي .
علا : وانتِ شو عرفك انهن بحبو بعض .
نيسان : مو شغلك ... روحي على مكتبك برأي افضل ماحدا يسمع كلامنا .... وتعمليلنا مشاكل .
____*_*
بالمطعم عند كاترين وكنان ...
كاترين : ناطر اسألك حتى تحكيلي ولا رح تحكي ..
كنان : عن شو .
كاترين : شو بيقصد أُبي .
كنان : ابوكي ماحكالكن شي من يومين ...
كاترين : شي متل شو وايمت قصدك .
كنان : يوم اللي رجعنا لبعض ... ماجاب سيرة شركة وجود .
كاترين : لاا ابدا ابي مابجيب سيرة الشغل بالبيت ابدا لييش شوفي .
كنان : انا وجود وأُبي عملنا حلف وقررنا نرجع علاقة ابي وابوكي متل قبل ومالقينا طريقة غير نفتح شركة بمدير وهمي حتى مايعرفو اننا صحابينها .
كاترين : اييي وبعدين .
كنان : و جود وأُبي عندهن ذكاء بالشغل لا يعلى عليه قدرو يصنعو للشركة اسم بسرعة كبيرة حتى ينافسو شركة ابي وشركة ابوكي ... ولما كانت المنافسة قوية ماكان في حل جنب يحيى ورأفت غير يحطو ايدهن بايدين بعض حتى مايخسرو وطبعا كلشي بترتيب وتخطيط منا .
كاترين : لااا انتوو جد فظيعين كيف قدرتوا تمشوهن متل مابدكن .
كنان : وقت اللي بتعرفي نقطة ضعف الشخص بتقدري تتحكمي فيه ببساطة .
كاترين : بس هدول مو حدا غريب حتى تتحكموا فيهن هيك .
كنان : الغاية تبرر الوسيلة ... لسا في حدا معنا مابدك تعرفي مين ؟؟.
كاترين : مين لسا .
كنان : كارولين كانت مسؤولة عن الجانب القانوني بالشركة ومن هالشركة انطلقت شرارة حب أُبي وكارولين .
كاترين : اناا بفرجيها انا بحكيلها كلشي وهي مخبية عني هيك شي مهمم .
كنان : حرام عليكي البنت مأمنة ماتحكي مو بايدها .
كاترين : لكن مو حرام تخبي عليي .
كنان : اذا كنتي بتعرفي انها عم تتعامل معي كان صار بينكم مشاكل ... خصوصا كنتي ماتوفري فرصة بوقتها لتتخانقي معي .
كاترين : خبرتك انك كنت تستفزني .
كنان : والله اللي بدو يلعب مع القط بدو يلقى خرميشه .
كاترين : مممم .
قطع حديثهن اتصال إيلاف .
كنان : شبو مافي غير بيتصل .
كاترين : طب رد عليه بتعرف .
كنان : الو ... نعم إيلاف .
إيلاف : وينك انت مو مبين .
كنان : كنت عم افطر انا وكاترين هلئ منجي .
إيلاف : ااه كاترين معك سلم عليها .. طيب انا ناطرك بالشركة .
كنان : اوك .
_____○_○
بعد مارجعو كاترين وكنان عالشركة راح كنان على مكتبه يشتغل ..
كاترين كانت قاعدة بالمكتب وقت كنان طلبها تجي عندو ...
كاترين : شو لحقت تشتقلي .
كنان : ياريت كون عم ناديلك لأني مشتقلك ولا كرمال هالمصيبة اللي بين ايدي .
كاترين : لييش شوفي .
كنان : إيلاف مبارح اشتغل كلشي الا هالمشروع المفروض اليوم يتسلم ومامعنا وقت بدي تساويلي ياه باسرع ماعندك .
كاترين : هات لشوف .
دققت كاترين بالمشروع وحكت : مستحيل كنان اقدر لحقه .
كنان : كاترين انا رح اشتغل بهاد القسم وانتي عملي هون مامعنا وقت ومارح اقدر اعطيه للموظفين يعملوه لأن مابيفهوا عليي متلك .
كاترين : طيب بعتلي الملف على ايميلي لشوف شو بقدر اعمل .
_--_----_---_
بعد ساعتين طلع كنان من مكتبه شاف كاترين قاعدة بالمكتب عم تشتغل ومعلقة فوقها لافتة مكتوب فيها
Design is not a 10 minutes job
كنان : كاترين شوهي اللي فوق راسك .
كاترين : حبيبي قرأها بتعرف .
كنان : حياتي قرأتها .. بس ليش معلقة هون .
كاترين : لأن في عندي مدير كتيير ظريف واكابر بيعطيني الديزاين بدو شغل يوم بس بكون ناطر مني خلصه بربع ساعة .
كنان (بقرب اتجاه مكتب كاترين بخطواته ): له له شو هالمدير الظالم هاد .
كاترين بتقوم لعند كنان وتصير تلعب بقبة القميص : ييي شو بدي احكيلك لأحكيلك عن هالمدير...
كنان صار يلعب بخسلات شعر كاترين : احكيلي عم اسمعك .
كاترين : لاتقرب مني هيك باب المكتب مفتوح يقوم يجي حدا فجأة .
كنان : خطيبتي مين اله عنا ؟؟.
كاترين : انا مابحب لو مخطوبين .
كنان : طيب ببعد عنك اذا عطيتيني بوسة .
كاترين : واذا ماعطيتك ؟؟؟.
كنان : باخدها بمعرفتي .
كاترين : اوك بس اول شي غمض عيونك وافرد ايديك للهوا وكأنك معانقني من عند رقبتي .
كنان : ليش كل هاد .
كاترين : اذا بدك البوسة لاتعترض وعميل اللي بقوله .
كنان : شو اعمل رح امشي معك للأخير .
كاترين : اوك يلا غمض ...
(كاترين صارت تتهرب من كنان وكل اللي عملته بس صارت تنزل شوي شوي وبعدين بعدت عنه ) .
كاترين : يلا كنان ٣ ... ٢... ١.. فتح .
كنان فتح عيونه شاف حاله مادد ايديه للهوا وكأنه معانق الهوا وكاترين مو بين ايديه .
كاترين : تعلم ياحبي حتى فيني ماتوثق هاد درسي اليوم لالك يلا تشاو ياحلو ... (قالت كلامها وهربت لبرا المكتب).
كنان : بس تصيري بين ايدي بدي علمك درس كيفية التهرب من بين ايدي الحبيب بطريقة لا جدوى منها .
___
عند ايلاف كان قاعد بمكتبه عم يشتغل شاف كاترين صارت فوق راسه فجأة ... فزع من رعبته...
إيلاف : عيطي احكي كلمة... اسعلي ... يا اختي دبكي برجليكي رعبتيني .
كاترين : منعتذر منك بس مو معقول انت ...انا عم عاني بسببك .
إيلاف : انااا !!!! شو دخلني ؟؟!!.
كاترين : كيف نسيان تكمل المشروع يلي لازم نسلمه اليوم مو حرام عليك قاعدة عم اشتغل فيه وما لحق .
إيلاف (بصدمة) : ايي مشرووع ؟؟!!.. انا اشتغلت كلشي مبارح .
كاترين : مابعرف اجيت انا وكنان ..فات كنان على مكتبه بعد خمس دقايق كان جانن كيف مو مساويه وعنا تسليمه وتعي ياكاترين كوني كبش الفدا واشتغلي .
إيلاف : صحيح .. الف مبرووك مابعرف كيف زبطت معكن وانا كنت بفك بينكم من يومين بس اتس اوكيه .
قام ومد ايده لكاترين .
كاترين : ياربيي ايلاف بتباركلي بعدين عم احكيك بموضوع جدي انا .
إيلاف : تصطفلي هالمرة مديت ايدي باركلك بس مارح ارجع مدها مرة تانية ... شكلك متل كنان عصبية وعندكن صفة النمردة لابقين لبعض كتير اذا هيك ... هلئ حكيلي شو صار بعدين ساويتيه .
كاترين : بلشت بس ماخلص فتاح اللابتوب عندك واشتغل عليه انت... بعتلك ياه بليز انا تعبت .
إيلاف : واديش معي وقت لاخلص .
كاترين : نص ساعة .
ايلاف : شووو !!! .
كاترين : شكرا كتير للطفك معي انت احسن حدا عرفني عليه كنان يلا سلام وموفق بشغلك .
إيلاف : تعي وين رايحة ياربي شو هالبلوة هي .
______•_•
كارولين كانت بمكتبها تفاجأت ببوكس ورد وشوكولا جاييها من أُبي وكاتبلها معه
" صباح الورد لأجمل وردة عرفتها ...شكرا لأنك رح تكوني جزء من حياتي بكل يوم جاية بعمري ولأنك قبلتي تكوني نصي التاني يا احلى حدا عرفته عن طريق اخي "
قرأت المكتوب وصارت تبتسم بعتت مسج لأُبي ترد عليه .
" صباحي كمل لما شفت هالوردات اللي خطفو قلبي هنن وصاحبهن " .
أُبي عم يقرأ المسج ويضحك لحاله ... بس كان في حدا معه عم يراقبه .
بانا : اخي شبك عم تضحك متل الأهبل لحالك ضحكني معك .
أُبي : شفت نكتة بضحك .
بانا : احكيلي لاضحك انا كمان .
أُبي : مستوى التفاهة اللي عندي بيتفاوت مع مستوى التفاهة اللي عندك والشغلات اللي بضحكني مارح ضحكك بتعرفي ليش ؟؟.
بانا : لأنك حريمة .
حمل أُبي كاسة المي من جنبه ورشها على بانا ..
أُبي : لا لأني غبي وقاعد بشرحلك .
ترك بانا وطلع برا البيت .... هي كانت بتعرف انو بيحكي مع كارولين بس حبت تحرجه باسألتها وبعد ما استفزته ومشي صارت تضحك عليه ...
_____°_°
مضى وقت تسليم المشروع وقدرت كاترين تخلص المشروع بمساعدة ايلاف وكنان ...
قبل ماترجع عالبيت حبت تروح على المشفى لعند أوس ...
أوس كان بالمشفى عم يدور على المرضى ومعه ميران وقت اتصلت عليه كاترين خبرته انها ناطرته بمكتبه ...
أوس : ميران تابعي حالات المرضى وكلشي سجليلي ياه بفاينل كل مريض انا مضطر بدي اتركك وامشي .
ميران : خير دكتور في شي .
أوس : لا بس في حدا من عيلتي اجى يزورني .
ميران : اوك انا بشرف على حالات المرضى .
(وصل أوس على مكتبه شاف كاترين ناطرته سلم عليها وقعد مقابيلها ) .
أوس : ياهلا والله كيفك .
كاترين : تمام بخير كيفك انت .
أوس : تماام ...شو سبب هالزيارة الحلوة .
كاترين : انت اكيد صار عندك خبر اني خطبت انا وكنان .
أوس : اي طبعا عرفت وفرحتلك الف مبروك .
كاترين : تسلم بس انا ماجيت لخبرك بس .
أوس : شوفي ؟؟.
كاترين : بتمنى ماتقاطعني بكلامي غير لأخلص ... مابعرف اذا مشاعرك اتجاهي نفسها او تغيرت بس انا لازم برر ووضحلك وجهة نظري صدقني انا حاولت اكتر من مرة اعطي حالي فرصة اتجاهك لما تركت انا وكنان وبكذب عليك اذا قلتلك ما استلطفتك وبلشت انشد اتجاهك بس المشكلة انو كان في حدا قاعد بقلبي رغم محاولاتي اني اتقرب منك بس قلبي كان حاجز بيناتنا ... انت حدا منيح وانا جد كنت احسد حالي لأن كان في حدا متلك يحبني .. بس اجى كنان واخد قلبي ومعد قدرت طلعه منه ابدا و حاولت اني انساه لأن خلص مافي بوادر اني ارجعله ابدا بس كل مرة كنت ارجع لنفس الطريق من اول وجديد وانا تعبت وعرفت انو مافي مجال وقد ماحاولت هو متملك قلبي ...
انا مالي جاية حتى سمعك اديش بحب كنان لا بالعكس .. انا حاسة بالذنب لان ماقدرت حبك انت قبل ما اعرف كنان ....
يمكن لو فكرت فيك بنفس الطريقة وقت تركت مع كنان قبل ماحب كنان كنت حبيتك وهلئ سوا بس قدرنا ما نكون سوا ...
بتمنالك من كل قلبي تجي اللي تحبك وتستاهل قلبك النضيف وبتمنى تسامحني اذا شي يوم عملت شي موقف يدايقك بدون قصدي ورح تبقى معزتك خاصة بقلبي .
أوس : انا مو زعلان منك ابدا ومافي داعي لتحكيلي كل هالحكي ... لأن انتِ حبيتيه لكنان وهاد مو ذنبك مافينك تتحكمي بقلبك ...واذا انتِ بخير ومرتاحة بحياتك مع اللي بتحبيه ويحبك انا رح كون بخير ... بما انه اختار قلبك كنان ف كنان ... ومالك مجبرة تعتذري مني انا بعمري ماتدايقت منك واذا حياتي مارح تكون معك متأكد انو العوض مو مطول ... وفكرة انك حاولتي تفكري فيني وحاولتي تخصصيلي مكان بقلبك هي وحدها كفيلة اني ما ازعل منك ابدا ولافكر بالماضي لأن هيك بعرف انك ماظلمتيني وماكنتي نسيانة او متجاهلة حبي بس اللي غلبك وسيطر عليكي حكم قلبك لما كان مو راضي يتقبل غير كنان .
(كاترين بتعانق أوس وبتحكي ) .
كاترين : جد مافي منك انت ... ومافي من قلبك .. شكرا أوس شكرا لأنك متفهم وضعي وماعندك مشكلة او زعلان مني .
(فتحت الباب ميران تفاجأت لما شافت كاترين حاضنة أوس ... أوس تدايق لما شافها مابدو تاخد عنه فكرة غلط ) .
ميران ( بلبكة ) : اووه بعتذر دكتور مو قصدي ادخل هيك بس فكرتك بحديقة المشفى عنجدد كتير اسفة مرة تانية .
(اجت تطلع رجعها أوس ) .
أوس : ميران لا تروحي تفضلي .
ميران : بسس .
أوس : هي بنت خالي كاترين .
ميران : تشرفت فيكي .
كاترين : وانا اكتر ... أوس مين هالبنوتة الظريفة .
أوس : هي الدكتورة ميران عم تتابع تدريبها عندي ... بس ماشالله حولها شوي تانية بتسبقني .
ميران : العفو دكتور مافي بعد شطارتك .
أوس : ولو عم احكي الحقيقة ...
بعد مارجعت على البيت تذكرت الجيم وانو لازم روح ....
كاترين عم تحكي بينها وبين حالها : ياربيي انا كان لازم التزم بالجيم لاا وكلو وقتها لفرجيه لكنان اني رياضية وجسمي رياضي و ماعم اسمن وبحافظ على رشاقتي ايي يفكر شو مابدو شو ضرب بمخي هالفكرة .
(حملت موبايلي واتصلت على كنان ).
كاترين : هاي .. كنان انت رايح عالجيم اليوم .
كنان : اي ليش .
كاترين : كتيير منيح انا مو رايحة .
كنان : يعني اذا انا رحت مابدك ولا فهمت غلط .
كاترين : لاا طبعا مو هيك بس مابدي اجي ومشان ماتستغرب ويني .
كنان : طيب ..
كاترين : كأنو مافرقت معك انو مارح اجي .. لتكون بدك تستغل الموقف وتعمل كوتش متل عادتك وتدرب البنات الموجودين .
كنان : من بعدك مارح كون كوتش على حدا .
كاترين : عم تاكل بعقلي حلاوة مابدي خلص انا قررت اجي .. او قلك بلا ماتروح انت كمان .
كنان : وشو اعمل بهالوقت اقعد مع حالي .
كاترين : لا بتقعد بتحكي معي .
كنان : شو عم اعمل هلئ انا لكون عم احكي مع اهلي وانتِ مع اهلك .
كاترين : لحظة شوي على سيرة اهلك واهلي ... شو سبب خلاف ابوك وابي ولا تقلي مابتعرف لأن مارح تقدم على خطوة متل هي انو ترجع علاقتهن سوا اذا ماكنت بتعرف شو السبب الرئيسي واذا كان مستاهل هالعداوة او لاء .
كنان : رح احكيلك بس متل مو هالشي سر بينن رح يبقى بينا كمان .
يتبع .....
البارت السادس والعشرون والأخير .
كنان : رح احكيلك بس متل مو هالشي سر بينن رح يبقى بينا كمان .
كاترين : اوك بوعدك حكيلي يلااا .
《《《《《 فلاااش باااا🔙ااك 》》》》》》
قبل 30 سنة .
بالمكتب يحيى ورأفت بيشتغلو سوا .... شال الوراق من ايديه رأفت وصار يتصفن ويسرح بفضاء المكتب... يحيى انتبه على رأفت وحس في شي مو طبيعي عم يصير معه .
يحيى : شو رأفت فيك شي .
رأفت : في بس انو شي لخير شاغل بالي .
يحيى : هات لشوف حكيلي .
رأفت : في صبية حبيتا وعم فكر اطلبها من اهلها ... بس خايف من ردة فعلها وشو مشاعرها اتجاهي .
يحيى : انت مو ملمحلها من قبل... وبناءً على هالشي بتتوقع ردة فعلها .
رأفت : ماجربت من قبل .
يحيى : طيب ...مين بعرفها انا ؟ ...
رأفت : انت بتعرفها اكتر مني حتى .
يحيى : اووف مين هي .
رأفت : اختك نور .
يحيى (بصدمة ) : اختيييي !!!! كييف اختيييي ... ليش ما خبرتني من قبل ؟.
رأفت : مابعرف شو حتكون ردة فعلك ولا حتى فعلها .
يحيى : اكيد حتكون ردة فعلي اني افرح يعني مارح لاقي احسن من صاحبي لاختي اما هي كنت حكيتها وشفت مشاعرها اتجاهك .
رأفت : طب ماصار شي هي هلئ انا عم خبرك .
يحيى : لاااا طبعا صار شي .
رأفت : ليييش لاا شو يلي تغير هلئ .
يحيى : ببساطة انت بوادي واختي بوادي تاني كان ممكن اقدر اجمعكن سوا لو جيت قبل هلئ بس معد يمشي الحال ياريت تفكر بغير بنت .
رأفت (بعصبية ) : شوووو عم تحكي انتتت شو فكر بغيرها لككك انا اول ما شفتها حسيت في شي غريب كان يشدني ناحيتها كل مرة كذب احساسي بس بالاخير معد فيني كذب على حالي اكتر واقتنعت اني من دونها في نقص بحياتي ...
يحيى : متل مالك عايش بدونها بتقدر تكمل باقي عمرك ...... اما تحكيلي انت واختي سوا مستحيل رأفت مستحيل وخصوصا انت تأخرت لحكيتلي كتير كان لازم تجي تحكيني من اول ماعرفت حقيقة مشاعرك مو هلئ.
رأفت : ليييش مستحيلل فيني افهمم !!!! بعدين شو رح تفرق معك إن حكيتك هلئ ولا قبل بجمعة او شهر .
يحيى ( بيسرح بخيالو وصار يتزكر قبل بيومين )
يحيى : أمي وين مفاتيح البيت يلي بالجبل .
أمو : اخدتهن نور وبقيان نسخة بمكتب ابوك بس المكتب مقفول سآل نور عليهن وين بقيوا يلي معها.
يحيى : ليش اخدتهن ؟.
أمو : راحو قضوا الويكيند هنيك هي ورفقاتها .
يحيى : وانا كنت مفكر راحت تنام ببيت رفيقتها طلعت اخدتهن ورايحة ع بيت الجبل كيف هيك رضيتوا تبعتوهن وبنات لحالهن والطريق ومكان البيت مو أمان بين الجبال .
أمو : هي كتير اصرت تروح وبتعرف ابوك ما بيرفضلها طلب ورضي انها تروح .
يحيى : طيب خلص ماشي طالع ع غرفتها شوف وين بقيوا .
طلع يحيى ع غرفة نور دق الباب وفات بس ماكانت موجودة بالغرفة فقرر هو يفتش ع المفتاح بين غراضها ... شاف صندوق صغير فتحو لقى ع وجهو ورقة فتحها لينصدم بمحتواها ... بلش يقرأها والصدمة متمركزة بمعالم وجهو .. دخلت نور سحبت الورقة من ايده .
نور : ليش عم تنبش بين غراضي .
يحيى ( بعصبية ) : عندك عين تحكي كمان .... شو هالتخبيص الموجود بالورقة .
نور : ما دخلك فيني .
يحيى : شو مادخلني نور انتِ واعية لهيك خطوة ...
نور : يحيى اذا بتريد خلص .
يحيى : اذا بتبقي هيك عم تسكتيني هلئ بحكي لأهلك شو شفت ... يا بتحكيلي لساعدك تطلعي من هالورطة يا تصطفلي قلعي شوكك بايدك .
نور : يحيى مانها ورطة مانها ورطة كل القصة اني مجوزة بالسر ومارح تخرب الدنيا من هالعملة .
يحيى : اول شي ماتعلي صوتك حتى مايسمعو اهلك اذا عبالك ماتنفضحي وتانيا لا انتِ شكلك جانة او في شي بعقلك لان لما تكوني عايشة بين اهلك ومجوزة بالسر هون انتِ تعديتي حدود الاحترام ونسيتي انو عندك اهل ومالك من الطريق لتعملي هيك شي بعدين ميين هو ... كيف قبل على حاله تعملو هيك لو كان جد منيح كان اجى لعند اهلك وطلبك مو يلعب عليكي ويقنعك بهالفكرة ال**** .
نور : يحيى ماتحكي هيك عنه .
(يحيى عم يحاول يهدي اعصابه حتى مايقوم يخرب الدنيا على اخته )
يحيى : وقاعدة بدافعي عليه بكل عين .
نور : كان بدو يجي يخطبني لأن الذنب مو ذنبه ذنبي .
يحيى : ليش شو عاملة كمان .
نور : هو مادخله فكرة الزواج كانت فكرتي .. هو كان بدو يجي يخطبني بس انا مابدي هلئ ارتبط وفوت بقصص الخطبة والزواج غير لبعد ما اخلص الجامعة مابدي هالمسؤولية هلئ ف خبرته انو نتزوج بالسر لبعد ما اخلص هالسنة بجيب اهله وبصير كلشي رسمي بس انا حاليا مابدي اتشتت شي خطبة وشي عرس .
يحيى : لا والله عذر اقبح من ذنب ... لازم صفقلك واعطيكي ميدالية بالتفكير السليم اللي عندك ... لككك بعدين هو كيف قبل بهيك فكرة .
نور : اجي خيرك الك الحلال ولا الحرام شو بتحكيلي بالمختصر ...
"يحيى مو قادر يسمع كلام نور اكتر وماحس على حاله غير كف منه حتى يرجعها لوعيها "
يحيى : وانتِ رح خيرك انا يا تجيبيه يخطبك رسمي خلال فترة قصيرة يا اما القصة بتصير عند اهلك .
"صحي يحيى من شروده على صوت رأفت "
رأفت : يحيى شبك وين سارح ماعم ترد عليي .
يحيى : ولاشي .
رأفت : ماحكيتلي ليش معترض تحكي مع اختك .
يحيى : رأفت قلتلك مابيمشي الحال وخلص سكر عالسيرة .
رأفت : وين بدي سكر عالسيرة شايفني مو مناسب او شو طب حكيلي سبب يقنعني .
يحيى : ايي مو مناسب مو مناسب ابدا وانا ما بأمن على اختي مع حدا متلك ولا حتى رح احكي معها كرمالك .
رأفت : انت متأكد هاد الكلام ئلي .
يحيى : ليش في حدا غيرنا هون ولا خايف على مشاعرك تنجرح بعد الحقيقة المرة اللي حكيتها .
رأفت : ماعم افهم عليك من شوي حكيتلي مارح تلاقي احسن من صاحبك شو تغير .
يحيى : مافي شي تغير بس انت مو مناسب وبس .
رأفت : مافي بسس ايمت كنت تخبي عليي انت .. هلئ جاية تقلي مو مناسب وبس هاد مانو سبب مقنع حتى تعترض على فكرة .
يحيى : خلص رأفت اطوي السيرة بلا مانوصل لمكان نندم عليه .. مو حكيتلي عن اختي وانا عم خبرك شيلها من بالك وطول ما انا فيني نفس مارح تكونوا سوا ..بدك تقلي سبب مو مقنع هي مشكلتلك بس انا هاد اللي عندي وحكيته .
رأفت : اذا مالي مناسب ليش مرافقني وليش معتبرني صاحبك ... بلا هالصحبة افضل انا برأي اذا كان في هيك فكرة عني ...
يحيى (عم يحكي من قلب محروق وعم ينكوى مابيقدر يخبر صاحبه عن اخته حتى ماحدا يعرف بالسيرة قبل اهله هو ناطر عليها ومابدو السر يطلع بينه وبينها وبنفس الوقت انحط بموقف بشع عم يختار بين رفيقه واخته ) : اوك بلا هالصحبة وكلشي شغل بيناتنا انتهى .
رأفت : بتعرف وين الندم مو لانك رح تفقد صاحبك ... الندم رح يجيك بعد سنين بتعرف ليش ؟؟؟ لأنك ماكنت حاسس او مقدر علاقتنا سوا اللي الكل يحسدنا عليها ... ويكون بعلمك اذا جيت شي يوم تصلح الموقف معي معد يمشي الحال ولاتحاول حتى لأن كلامك اللي قلته هلئ فرجاني اديش قيمتي رخيصة عندك .
.....
"يحيى مهموم مو عارف كيف بدو يصلح الموقف مع رأفت وهو بيعرف رأفت لما ياخود موقف من حدا بيحقد ومابينسى ... "
(كان قاعد يحيى بالكافيه وعم يفكر بحل لقصته )
لميا : كيفك ... يحيى الوو... (صارت تلولح بوجهه لينتبه عليها ).
يحيى : ااه اهليين حبيبتي .
لميا : لككك وين سارح صرلي ساعة بحكي معك .
يحيى : الحياة عم تخيرني بين شخصين كل حدا منهن عندو مكانة بقلبي .
لميا : خير شوفي حكيلي بركدن بقدر ساعدك انا .
(يحيى حكى للميا كلشي ).
يحيى : هاد الحكي بدي يبقى سر بيناتنا اذا بتريدي .
لمياا : عمم تمزحح متزوجة وهداك وقعان بحبها ... كيييف هييك .
يحيى : لميا ماتزيدي عليي حاولي تخففي مو تتفاجئي وتفتحي تمك من الصدمة .
لميا : خلص عندي الحل انا .
يحيى : شو هووو ؟؟؟.
لميا : مو بدك ينسى اختك ويعيش مو وحيد انا بعرف شو اعمل .
_☆_☆
بالجامعة ...
ميس : لميا شو عم تخبصي عنجد بدك ياني هيك اعمل .
لميا : لكك يا ميس فكري فيها الشب حابب وحدة متزوجة ومافيه يحيى يحكيله بيفضح اخته ... بقى شوفيها ان قبلتي بطلبي الصغير .
ميس : شو صغيير لكك هاد بدو يغير حياتي ويقلبها قلب ... انتِ جد متخيلة شو يعني روح لعند شب وارمي حالي عليه حتى يتعلق فيني ويحبني لئلي ونسيه هديك ..
لميا : لككك ياجدبة الشب حليوة وبيقدر يعيشك عيشة حلوة مو احسن مايبقى عم يتعذب ويحب بنت مالح يطولها... ولا برأيك تروحي انتِ تأمنيلو السعادة من اول وجديد وتعوضي كسر قلبه من طرف حبه ورفيقه ... اي احسن ااه !!!!
ميس : يعني بدك يحبني حتى ينسى وبعدين شوو .
لميا : بعدين اذا انتو التنين شفتو حالكن مناسبين لبعض انتو بتقرروا شو تعملو انا مادخلني وحتى اصحك يعرف انك جاية عن طريقي وانا اللي بعتك ...شو قلتي ؟؟؟
ميس: موافقة بس اذا ماعجبني الوضع بدي انسحب .
لميا : رح يعجبك صدقيني انا بعرفه هو حدا منيح ولو ماكان هيك كنت ماقلتلك روحي لعنده .
ميس : ويحيى شو مشانه .
لميا : اللي صاير معه مو قليل وانا عم حاول خفف عنه شوي حتى مايحس بالذنب اتجاه رفيقه .
《《《《《《بااااا🔙اااك》》》》》》》
كاترين : شو هااد ليش كانو ناوين يعيدو الماضي علينا... وانت كيف عرفت.
كنان : مو مهم كيف عرفت المهم اني عرفت وخلص مو بدك الحقيقة وانا قلتلك ياها .
كاترين : من ايمت بتعرف بالسبب .
كنان : من زمان يعني من قبل مانترك عرفت كلشي .
كاترين : لككك وليش مو مخبرني انك بتعرف .
كنان : كنت بدي احكيلك بس ناطر الوقت المناسب .
كاترين : ابوك بيعرف انك بتعرف .
كنان : اكيد بيعرف لأني كنت دايما لمحله بطريقتي .
كاترين : كيف هيك ياربي شكله مكتوب عليي يحبوني ولاد نور .
كنان : شو قصدك كاترين خانم .
كاترين : يعني لو ابوك تزوج عمتي كنت انت رح تكون ابن عمتي نور ... بس انت ماصرت ابن عمتي واجى أوس وحبني ... كيف بدي وصلك الفكرة خلص اكيد وصلت وفهمت عليي .
كنان : وصلت بس ياريت ماترجعي تذكريني انو أوس بحبك .
كاترين : مو بقصدي جيب السيرة بس اجت صدفة مع كلامك وحتى أوس صايرة قليل ماشوفه .
كنان : هيك لكن ..
كاترين : مو مصدق ؟؟؟.
كنان : معقول كذب شي تحكيه انتِ .
كاترين : لا طبعا مو معقول .. طب تجي تاخدني معك عالجيم .
كنان : لا طبعاا .
كاترين : ليش بقى ؟؟.
كنان : لأني جاية لعندك .
كاترين : عنجدد .
كنان : اي عنجد يلا باي بشوفك بعد شوي .
بعد ما سكر كنان الخط شاف أُبي من بلور الصالون صافف سيارته بالباركينغ وجاي باتجاه باب البيت فتح وفات ....
كنان : متطورة الأمور معك وصاير بتفتح وتفوت وكأن البيت بيتك .
أُبي : مشان ماعزبك معي بفتح لحالي .
كنان : خليك فرحان بتفتح لحالك بس بعدين رح تجي وماتقدر تفوت .
أُبي : ليش ؟؟.
كنان : قريبا بتلاقيني عم حضر بيتي لاتزوج واكيد مارح خليلك نفس القفل .
_____*_*
كارولين كانت رايحة على غرفتها شافت التياب عم تتطاير بغرفة كاترين .
كارولين : شو عم يصير جوا .
(فتت لعند كاترين شفتها واقفة بغرفة تيابها بالبرنس وعم تلحش التياب لبرا وتحكي وتبربر لحالها )
كاترين : لا لا مابدي هدول ... ولاهدول ... وهدول بنحفوني كتير ....مو عبالي فستان... ولا تنورة ... وهدول بسمنوني ...اووف يااه .
(كل ماتحمل قطعة تياب ماتعجبها تلحشها لوراها ).
كارولين : شوو هاد ليش هيك الغرفة .
كاترين : عم دور على قطعة البسها .
كارولين : وشو هالمناسبة العظيمة اللي خربتي الغرفة كرمالها .
كاترين : جاية كنان لعنا .
كارولين : يا سلام كل مابدو يجي هيك بدك تعملي .
كاترين : منشوفك اذا بدو يجي لعندك أُبي شو بدك تعملي ياتفيه يامتخباية بتيابك مابتحكيلي انك بتحبيه .
كارولين : قلتلك اول مايعطيني تلميح بخبرك مين هو بس هو ماعندو تلميحات فجأة حطني تحت الأمر الواقع .
كاترين : مادخلني تصطفلي منك ئله وقت تعرفي تحكيلي بعطيكي رأي وباخد وبعطي .
كارولين : على راحتك كنت بدي احكيلك شو بعتلي اليوم بس خلص مابدك مارح احكي .
كاترين : نعمم شو بعتت ... نطريني بالغرفة برا بلبس وبجي بتحكيلي كلشي .
كارولين اوك .
(لبست كاترين افرول جينز شورت وطلعت لعند كارولين ) .
كارولين : من وين هل افرول .
كاترين : جبته من ايطاليا هلئ شو بدك بالافرول حكيلي .
كارولين : كنت قاعدة بالمكتب وبتفاجئ ببوكس ورد وشوكولا وجنبه نوت كاتبلي فيها كلام حلو.
كاترين : شو هالأُبي هاد .. شو كاتبلك حكيلي .
كارولين : لااا شو كلشي بدي احكيلك ياه .
كاترين : ماشي لا تحكيلي وانا مارح احكيلك .
كارولين : بس بتعرفي .
كاترين : لا مابدي اعرف .
كارولين : أُبي كتير ظريف .
كاترين : اي طبعا خصوصا وقت تتعاملي معه بالشغل .
كارولين : شو قصدك .
كاترين : وخاصة اذا كان معك اخوكي .
كارولين (بصدمة) : شو عرفك .
كاترين : ليش ماحكيتيلي مو انا اختك بتخبي عني هيك شي ... عكلن انا مو زعلانة منك غير شوي واذا بتساويلي شعراتي سنبلة بروح كل زعلي .
___^_^
عند أويس وشيفاي .. كان أويس بيحكي عالموبايل مع ميلا .
ميلا : شو عم تعمل .
أويس : كنت عم اتغدى .
ميلا : لحالك .
أويس : ايه .
ميلا : ايمت راجعين .
أويس : ليكني بالمطار باقي نص ساعة عالاقلاع .
ميلا : لحالك .
أويس : شو قصتك لسا بتسألي لحالك ... اذا عم تلفي وتدوري لتعرفي اذا شيفاي معي فهو ايه معي .
(شيفاي صار يطلع على أويس وقت سمع اسمه وركز معه )
ميلا : طب حكيلي هيك من الاول ولا تعزبني معك .
أويس : بدك شي منه ليش .
ميلا : لا سؤال سلملي عليه .
......
شيفاي : الله يسلمها ويسلمك .
أويس : شو يعني البنت صارت بدها تتقرب اتجاهك وانت صرت تبعد شو عم يصير معكن .
شيفاي : بالعكس انا مابعدت ... بس اجلت الموضوع شوي .
أويس : وميلا هيك بدها تبقى مو عرفانة كيف تصلح الموقف وتخبرك انها بتعرف .
شيفاي : ميلا بتكون اختك لهيك تأكد اني مارح زعلها ورح احكيها اذا مو هلئ بعدين .
أويس : على راحتك انا كرمالكن بتعرف هي هالسنة تخرج وبكرى بتنشغل بدراستها .
شيفاي : اوك ماتشغل بالك.. نمشي !!.
أويس : منمشي .
بمكان تاني كان كنان عم يجهز حالو ليمشي بس في حدا لسا بنق فوق راسه ....
أُبي : شو عندك حتى هالقد بتزبط حالك .
كنان : رايح لعند كاترين .
أُبي : كتير حلو بروح معك لعند كارولين .
كنان : يا اخي تركوني اقعد مع هالبنت شي مرة لحالنا .
أُبي : بروح لعند خطيبتي شو بدي فيكن .
كنان : يا سبحان الله شفتك كيف قعدتوا لحالكن مبارح ... امشي امشي بعرف مارح ترد .
(كاترين خلصت ونطرت كنان يوصل بس تأخر عليها حملت موبايلها واتصلت تحكيه )
كاترين : حبيبي وينك .
كنان : صهرك العزيز اخرني .
كاترين : ميين صهري... ييي لكك قصدك أُبي شوفي ليش .
كنان : ولاشي بس قرر يجي يشوف كارولين لأنو بتعرفي مابصير اجي لحالي لازم يطلعلي كل مرة .
كاترين : هههههه اهلا وسهلا فيك وفيه هلئ كارولين بتفرح فيه يلا ناطرينكن لا تتأخرو .
كنان : لا مسافة طريق .
سكرت كاترين الموبايل وفورا راحت لعند كارولين ...
كاترين : كارولين قومي قومي بسرعة .
كارولين : شوفي !!!.
كاترين : أُبي جااية هو وكنان .
كارولين : كذاابة ولييي ليش مو مخبرني ياربي منه هو ومفاجآته.
____×_×
بعد ساعة كانت كاترين متسطحة على كرسي المسبح و كنان جنبها على تاني كرسي وعم يتأملوا النجوم ...
كاترين : يا الله شوف ماأحلاهن .
كنان (صار يطلع بعيون كاترين وقلها ) : بس انتِ احلى .
كاترين : بحبك كنان .
كنان : وانا بحبك ياجمرة عشقي .
كاترين : ويييت ويت هي الكلمة سمعانتها قبل بس وين .
(كنان انفجر ضحك ).
كاترين : شبك عم تضحك .
كنان : لأني بعرف وين سمعانة هالكلمة .
كاترين : وييين ؟؟؟
كنان : وقت اجيت زرتك بالمشفى او قلك هاد الشي مارح تذكريه... بس اكيد رح تتذكري وقت كانت مكتوبة على البطاقة الموجودة بالهدية اللي وصلتك يوم حفل تخرجك وعلى اساس هالهدية توظفتي بالشركة وكمان هالهدية كانت من شخص مجهول ...
كاترين (بصدمة) : لككك كيف عرفك كل هالتفاصيل انت !!!
كنان : لأني انا اللي كنت صاحب هالهدية .
كاترين : شووووو !!!!.
كنان : بالعلامة كانت الهدية عبارة عن بوكس كبير فيه ورد وشوكولا وقرار توظيفك .
كاترين : لككك اييي ايي هي ... كيف هيك انت ماكنت مدير الشركة وقتها .
كنان : انا ماكنت المدير صح بس انا كنت متفق مع عامر يوظفك اول بعدها استلم الشركة انا .
كاترين : يعني من اول مافتت عالشركة كانت لالك .
كنان : كانت لالي بموجب اتفاق بيني وبين عامر يعني ماصار شي جدي ورسمي غير لبعد ما توظفتي .
كاترين : شو استفدت .
كنان : انا عملت المستحيل حتى قدرت اقنع عامر يتخلى عن الشركة ويبيعني ياها بس هو حط عليي شروط ما يتخلى عنها غير ليأمن يفتح غيرها واحسن منها حتى لأن ماكان راضي ينقطع شغله وبعد مامشي الحال خبرته رح وظفك بالشركة واشتريتها منه ... وكل هاد حتى تبقي قريبة مني وابقى قادر شوفك .
كاترين : طب ليش خليته يعطيني منصب اذا رح تشيله مني .
كنان : لأن لما تشوفي الوظيفة بمنصب رح يكون اقبالك عليها اكبر وانا ماشلتك لحط ايلاف بدالك لا ابدا بس ايلاف كان بيستاهل هيك مكان كونه من زمان بيشتغل ويتعب على حاله وانا مابقبل خليه يغير مكان اقامته اذا ماكنت مأمنله شغل منيح ويكون مستاهل يترك ايطاليا كرماله رغم انو الدب لحد الان ماترك شغل ايطاليا ولسا بيتواصل مع الشركة ويعمللهن مشاريع ... على فكرة كان فيني وظفك بقسم ايلاف بس انا كان رأي غير انا كان بدي ياكي دائما جنبي ... ولأخر العمر حتى بدي ياكي معي .
كاترين : ايلاف بيستاهل اكتر مني ومارح ازعل لان هيك عملت ..
كنان : لسى في شي ماعرفتيه .
كاترين : شو لسى ماخلصو مفاجآتك .
كنان : كنت اخد اخبارك من نيسان وانا اللي قلتلها تتقرب منك اول ماتوظفتي حتى ابقى بعرف كلشي عنك بس رغم كل هاد وماقدرت تعرفلي انو مافي علاقة حب بينك انتِ ووسيم .
كاترين : ماقدرت تعرف لأن ماكان في اي شي بينا يثير الشك بنفسها ويخبرها انو في شي بينا بعدين حتى هالبنت ماخليت منك كنت قدران تعرف كلشي عني وانا مفكرتك هاملني ونسيان شي اسمه كاترين ... يلا حبيبي شو لسا مخبي عني ....
كنان : بتتذكري الخبر اللي انتشر عنك وعن وسيم بايطاليا .
كاترين : ليش فيني انساه شبو كماان لاا تقلي كمان انت .
كنان : ايي انا كنت سببه .
كاترين : حياتي شو لسا مخبي مصايب عاملها من دون ما اعرف .
كنان : حاليا بس هدول اللي متذكرهن .
كاترين : اوك ايمت ماتذكرت شي جديد انا جاهزة اتلقى الصدمات .
كنان : تكرمي حبيبتي .
كاترين : كنان بس بتعرف صح كلشي كان من غير ما تاخد برأي حتى بس بالنهاية صرت معك ورجعنا اجتمعنا .... من غير ما اهتم شو الطريقة وكيف وشو اللي مرينا فيه حتى وصلنا لهل المرحلة بس المهم اني معك وكنت عايشة بقلبك وماطلعت منه .
كنان : وشو مشان قلبك وين كنت عايش انا .
كاترين : لكك انت كنت متمركز جوا قلبي ومتربع على عرشه مو رضيان تتحرك من مطرحك لو شو ماعملت .
قرب كنان بدو ياخد بوسة من كاترين بس اجى أُبي عم يحكي...
أُبي : معلش بدي اقطع عليكن لحظتكن الرومانسية بس في حدا ماعم يصدقني .
كنان : يااربي دخيلك من هالصبي .
كارولين صارت تسحب أُبي من ايده وتحكي ...
كارولين : أُبي خلص بعدين خلص صدقت .
أُبي : لا ما اقتنعتي .
كاترين : لكك شبكن انتو التنين .
أُبي : كارولين مو مصدقة انو انا وكنان منعزف ومنغني عالغيتار .
كاترين : نعمم !!!
أُبي : كاترين شبك انصدمتي ... كنان مو مخبرها لكاترين انو نحنا يلي كنا منعزف ومنغني بالحفلة التنكرية .
كاترين : شووو لاتقلولي الحفلة اللي كنت فيها مع وسيم ومعنا كارولين ... هدول انتو .
أُبي : كاترين شبك كل مرة بتنصدمي اكتر ... حلوو كتير وهي كارولين كانت معكن ... يلا كنان احكيلهم كيف قعدت اقنعك حتى رضيت بل اخير .
كنان : يا اخي يامحترم انا مو مخبرها لكاترين لسا بتقلها ليش عم تتفاجئي ... لحظة استنا عليي لاوصل لعندك بس .
أُبي : س س سلام .
قام كنان يركض باتجاه أُبي ... وأُبي صار يهرب منو ويركض مالقى وسيلة ليهرب احسن من انه ينط عالمسبح .
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```