الفصل 29
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴9️⃣2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كارولين (عانقت كاترين ): الف الف مبرووك ياروحي واخيرا رح اخلص منك تجي تندبي بوجهي كل ساعة .
كاترين : الله يسامحك وعقبالك كمان .
كارولين : لا معلش انا مطولة شوي لأن الكراش و الحيط واحد .
كاترين : وليييه مو حاكيتيلي عنه .
كارولين : اول ما شوف تلميح صغير منه وعد بحكيلك كلشي بدك يااه .
كاترين : يلا ياارب يقرب هالتلميح لأعرف .
___^_^
عند اهل كنان ....
بانا : عنجدد بابا رايحين تخطبو لكنان ماعم صدق .
رأفت : عنجد بابا معقول امزح بهيك موضوع .
ميس : ومين سعيدة هالحظ .
رأفت : كاترين في غيرها .
ميس : كااترين !!! كيف مو كنت معارض .
رأفت : الماضي بيمشي مع الماضي ونحنا اليوم عايشين بالحاضر واللي جاية مستقبل فمافي داعي نرجع نعيش بشي مارح يرجع .
ميس : اي والله ....
أُبي : انا معارض ياجماعة مو عاجبني كلامكن .
بانا : نعم شو تفضلت ؟.
أُبي : عم خبركن اني معارض على فكرة خطبة بكرى .
ميس : حبيبي أُبي كيف بترضى وبتوافق خبرنا .
أُبي : طبعا اكيد مو معارض على فكرة انو كنان وكاترين يرتبطو بس عندي تعديل صغير لبكرى .
رأفت : شو هو .
أُبي : بدل العريس عريسين وبدل العروس عروستين اول كوبل كنان وكاترين وتاني كوبل أُبي وكارولين .
الكل : نعاااام !!!!.
أُبي : شبكن مصدومين شو بس كنان بدو يتزوج وانا كمان بدي ... يعني مالقيت حدا متفهم وعاقل قد كارولين .
رأفت : انت متفق معها للبنت من قبل على هالخطوة والمي تمشي من تحتنا ومو عرفانين .
أُبي : طبعااا لااء بدي اعمللها ياها مفاجأة بكرى .
ميس : كيف بدك تفاجئها بهيك شي قدام الكل بركي ماكانت بدها ياك .
أُبي : مشاعرنا متبادلة انا متأكد بقى شو قلتو .
رأفت : قلنا على بركة الله .
أُبي : انا رايح خبر كنان اذا هيك .
بانا : استنى وين رايح ماحكيتلي عنها بركي ماعجبتني كيف بدي ساويها اختي انا ووافق على هالزواج .
أُبي : بانا مو ناقص غير تجي انتِ تعترضي لاتخافي رح تحبيها يلا انا رايح على غرفتي .
___^_^
ميلا : شيفاي هي خلصنا غدا وماخبرتني شو مناسبة هالغدا .
شيفاي : بدي احكي معك بموضوع شاغل بالي من فترة طويلة .
ميلا : ايي؟؟
شيفاي : انا واخوكي نعتبر اخوات مو رفقات ... يعني السنين اللي عشناها سوا ودراستنا سوا وكيف قررنا نكون كابتن طيارة كلو كان سوا ماتركنا بعض حتى صارو اللي يشوفونا يفكرونا اخوات ... بس بعد ما طلع لأويس اخ واخت انا ماقدرت اعتبر اخواته بمثابة اخوات الي ... لأن اذا اعتبرتهن هيك في علاقة بصير صعب اقدر فكر فيها بسبب هالتفكير .
ميلا : معلش توضح كلامك اكتر .
شيفاي : اوك ... انا ممكن اعتبر أوس او أويس اخواتي بس انتِ بعتبرك شي تاني مختلف كليا عنهن .
ميلا : شو بتعتبرني .
شيفاي : ميلا انا عم حاول مهدلك شوي شوي حتى وصلك الفكرة ... بالمختصر انا اول ماشفتك قلبي خبرني هي هيه بنت قلبك.. انا بحبك ميلا .
(ميلا متل عادتها دائما منقذها بالمواقف الصعبة فقدان الوعي مالت راسها عالكنبة القاعدة عليها واغمى عليها ... فورا شيفاي قام يصحيها كان حاسب يصير هيك وحمل معه كحول رش عالمحرمة وصار يحاول يخليها تستنشق ريحته حتى تصحى )
شيفاي : ياربي بس مرة شوفها هالبنت ومايغمى عليها .
(صارت ميلا تدبل بعيونها وتفتحهم شوي شوي ).
شيفاي : انتِ بخير .
ميلا : اي منيحة ... معلش نمشي .
شيفاي : اي اي اكيد .
(طلعو من المطعم وركبو بسيارة شيفاي بعد ماطلب من ميلا هو يوصلها بحجة انها كان مغمى عليها وخايف ترجع تفقد الوعي ) .
شيفاي : ميلا انتِ متذكرة شو حكيت قبل مايغمى عليكي .
ميلا : لا ليش شو حكيت في شي مهم .
شيفاي (بخيبة) : لا ابدا مافي شي ضروري .
" ميلا عم تحكي مابعرف ليش كذبت عليه وخبرته اني ماسمعت بس هو فاجئني وماعرفت شوبدي اعمل او شو لازم .. فضلت اعطي حالي فرصة وفكر بكلامه اول بعدها بقرر شو اعمل ... بس جد زعلت
عليه وقت شفتو مكسور ومحبط هيك "
____●_●
كاترين بتكون بحديقة البيت واجاها اتصال من كنان .
كاترين :الو .
كنان : دخيل هالصوت اللي مشتقلو .
كاترين : وانا اشتقت لصوتك اكتر بس انت اللي كنت حارمني منه .
كنان : خلص كلشي مضى مضى .. بس الايام الجاية رح تملي مني بوعدك .
كاترين : لا تخاف عليي اذا انت مليت مني انا مابمل منك .
كنان : الايام بتثبت كلامنا ... حكيلي كيف التجهيزات لبكرى .
كاترين : تجهيزات معنوية ولا التحضيرات اذا معنوية فمعنوياتي كتير تمام اما التحضيرات فمن بكير بدنا نبلش ااي صح بكرى ماني جاية عالشركة انا .
كنان : لييه مو جاية .
كاترين : بتعرف تحضيرات وهيك مارح يزيد معي وقت ان جيت .
كنان : هي اخر مرة بسمحلك تبعدي عني بالشغل .
كاترين : ع سيرة الشغل شو مشان اني عم اشتغل تنين بواحد وانت ماعم ترحمني كنت بتعرف لازم اخد موقف بسبب هالشي انا .
كنان : شغلتك كسكرتيرة عاجبتني حتى تبقي جنبي عطول وعم اعطيكي مشاريع عالخفيف حتى تدربي مافي هالضغط الكبير برأي ... واذا شي يوم انضغطتي حكيلي ببساطة .
كاترين : ماشي يلا انا بدي نام بدك شي .
كنان : تصبحي على خير و اول ماتصحي حكيني .
كاترين : وانت من اهله بحبك .
" بعد ماحكت كاترين لكنان بحبك فورا سكرت الخط قبل ماتسمع شو بدو يقلها "
__*_*
بمكان تاني كان يحيى عم يخبر لميا عن بكرى وانو جايين يطلبوا كاترين .
لميا : واخيرراااا الف الحمد الله .
يحيى : بلاقيكي فرحانة كتير .
لميا : ايي طبعاا في احسن من كنان لكاترين ... كل مابشوفهن سوا بحسهن بيلبقو لبعض وبدعي ترجع الامور تزبط بينهن .
يحيى : مشان هيك ولا مشان شي تاني ؟؟.
لميا : لا شو الشي التاني .
يحيى : انو مثلا كنان ابنها لميس .
لميا : بدك للصراحة ... شوبدي احسن من هيك هاد من اهم الأسباب اللي بدي ياهن ينجمعو سوا كرمالها .
يحيى : عكلن الله يتمم على خير .
___"_"
كارولين كانت متسطحة بالتخت بدها تنام سمعت صوت مسج من موبايلها فتحت موبايلها اول ماشافت الاسم فتحت فورا المسج تشوف شو هو .
"المسج ...
حضري حالك في مفاجأة رح تعجبك بكرى وهلئ بتمنالك ليلة سعيدة
أُبي
"
______○_○
كانت ميلا قاعدة بغرفتها وعم تفكر بكلام شيفاي قطع تفكيرها أويس لما نقر باب غرفتها .
أويس : قاعدة نحكي شوي .
ميلا : اي تفضل .
أويس ( فات قعد عالكنبة جنب اخته ) : كنتي شاردة شكلك .
ميلا : لا ليش .
أويس : اوك مو مهم ...(سكت شوي بعدين حكى ) الفترة اللي عشتها معكن فترة كفيلة حتى افهم تفكير وطبع كل حدا بهالبيت .... وكمان عرفت بقعدتي بهالبيت انك لما تتوتري او يصير معك شي بيغمى عليكي بس انتِ بتكوني واعية تماما ومأدركة شو الموقف اللي صاير معك قبل مايغمى عليكي ... بقى احكيلي ليش قلتي لشيفاي انك مو متذكرة شو حكى .
ميلا (مصدومة وخجلانة من أويس انه بيعرف ) : شو عرفك ؟؟ .
أويس : هو حكالي المهم هلئ جاوبيني .
ميلا : مابعرف ماعرفت شو بدي اتصرف او شو بدي اعمل لقيت افضل حل انكر اني متذكرة وارجع فكر بكلامه واخد وقتي .
أويس : بس كان فينك تخبريه انو عطيني وقت عطيني فرصة فكر فيها مو تنكري .. انتِ واثقة هلئ يرجع يحكيكي ويفاتحك بالموضوع مرة تانية ؟؟؟ ممكن هو شاف فرصة يحكيكي فيها هلئ بس بعدين مايلاقي ...
(ميلا ساكتة تسمع أويس وتلوم حالها )
أويس : انا بعرفه لشيفاي من زمان لو مابعرفه شو هو مابخليه يجي ويعترفلك واقعد شجعه انا .
ميلا : برأيك اني غلطت انا ؟؟ .
أويس : مشي الحال الموقف راح ومعد يرجع ... بس شيفاي متدايق انو بعد ماخطط ولم شجاعته يحكيلك راح كلشي عالأرض .
ميلا : والله مو قصدي انا .
أويس : طيب احكيلي شو رأيك فيه بتحسيه يكون مناسب لتكملو حياتكن سوا او لاء .
ميلا : هو حدا منيح بس ولا مرة فكرت بهالشي من قبل .
أويس : احكيله انك بتعرفي او لاء .
ميلا : تركلي القصة كم يوم وبصلح موقفي انا .
أويس : اوك يلا انا تاركك ورايح نام ... نامي وماترجعي تشردي .
ميلا : ماشي .
"بعد مامشي أويس قعدت فكر بكلامه ولوم حالي على تصرفي الغبي اللي عملته ... وقعدت فكر شو حقيقة مشاعري اتجاهه وكيف بدي صلح الموقف لازم احكيله اني بعرف .... واذا كنت مابدي هالعلاقة كمان لازم يعرف حتى مايبقى عم يفكر فيني ... واخيرا قررت شو اعمل ... اتجهت لنام وتركت كلشي لبكرى "
...................
تاني يوم الصبح اول ماصحيت ميلا قررت تبعت مسج لشيفاي .
كان شيفاي بيفطر وقت شاف المسج .. ابتسم وطفى الموبايل .
يتبع......
البارت الخامس والعشرون
اول مافاقت كاترين اتصلت على كنان تحكيه ....
كنان كان لسا نايم وصحي على صوت موبايله فتحه فورا قبل مايشوف الاسم من نعسه.
كنان : الو.
كاترين : ياصباح الورد .
كنان : صباحو .
كاترين : كأن فيقتك؟؟ ...
كنان : على حسابك ياقلبي .
كاترين : يسلملي قلبك انا هلئ صحيت وبدي بلش تحضير وشغل للمسا ليبقى معي وقت ف قلت بحكيك قبل مابلش حتى ما تقول انشغلت عنك والشغل نساني ياك وكل هي التحضيرات كرمالك على فكرة .
كنان : ماتخافي مابزعل كتير اذا ماحكيتيني غير شوي صغيرة والمسا بحاسبك لأن نسيانتيني ... بس لحقتي حالك وخليتيني اتصبح على صوتك فهلئ ان بتغيبي عني اليوم كله ماعندي مانع لأن بلش صباحي بشي حلو بيدفعني لكمل يومي وانا متفائل وكمان رح ينتهي معك .
كاترين : انا بكترة الكلام الحلو بزيد عندي الدلال وبصير اتدلل عليك كتير عم نبهك من هلئ حتى ماتندم بعدين .
كنان : ليش عندك شك انو الدلال مابيلبقلك مثلا ؟؟؟.
كاترين (وهي عم تمزح معه) : انا اصلا من غير دلال بحس في شي ناقصني ..يلا حبيبي المهم سمعت صوتك بد.. .
كنان (مقاطع كاترين) : لحظة شوي شو قلتي قبل ماتسكري متل عادتك .
كاترين : قلتلك حبيبي وحياتي وحبي الأول والأخير كماان .
كنان : لا هيك كتير صرت بدي شوفك حتى تقوليلي الكلام وانا بطلع لعيونك .
كاترين (بدلع ) : كنااان لاتخجلني يلابدك شي .
كنان : سلامتك ياروحي .
الفرحة اللي فيها كاترين كانت كبيرة وقررت تشارك رفقاتها بفرحتها ... واتصلت عليهم مكالمة فيديو جماعية ...
ريتا : ياصباح الخير ليش عم تتصلي على بكير .
شغف : عنجد مالك بالعادة .
كاترين : جايبتلكن خبر حلو وماقدرت انطر كمان .
شغف : احكي شو هو ماتنطفي قلبنا .
كاترين : انا وكنان رجعنا لبعض وجاية هو واهله يطلبوني رسمي اليوم .
ريتا : يييي عنجد الف مبرووك ياعمري واخيراا .
شغف : الف الف مبروك عنجد هالخبر يستاهل تتصلي كرماله من الصبح .
كاترين : الله يبارك فيكن ياقلبي ... ومابقبل ماتكونوا معي المسا هاا من هلئ عم خبركن لتعملو حسابكن .
ريتا : يييي طبعا معقول مانكون معك .
شغف : اول الحاضرين رح نكون .
كاترين : انا بدي روح عندي شغل كتير يلاا سلاام ناطرتكن .
ريتا وشغف : اوك سلام .
__○_○
عند شيفاي بعد ماشاف المسج
"محتوى المسج
في حال ماصار معك شي حلو لليوم حابة كون انا السبب فيه ... شكرا لأنك خليتني اخد زاوية مع حالي وانطوى فيها عن العالم فكر شو يعني الحب وشو بيعنيلي مالقيت غير جواب واحد وهو انك انت الحب كله " .
شيفاي بيحكي خلصت فطور واتصلت على أويس ...
شيفاي : صباح الخير .
أويس : صباح النور .
شيفاي : انت متأكد انو اختك غمي عليها ومو متذكرة اني اعترفتلها بحبي قبل .
أويس : ليش شوفي متصل تسأل عن هالسؤال .
شيفاي : تفاجأت بمسج على موبايلي من ميلا وواضح انها متذكرة .
أويس : معناها مو نسيانة يلاا مبروك عليك ماراح عذابك عالأرض .
شيفاي : بس ماتجيبلها سيرة المسج ايه ؟
أويس : اوك .
شيفاي : معلش توصللها بطريقة غير مباشرة اني مغير رقمي من جديد .
أويس : ليش ؟؟.
شيفاي : طلب صغير بس اخدمني فيه .
أويس : خلص تكرم .
" شيفاي بيحكي مع حاله ...
بما انها قررت تتهرب من كلامي وانا كمان تعتبرني مغير رقمي وماوصلتني الرسالة حتى اشعار آخر "
__♡_♡
(كاترين غيرت تيابها وقبل ما تنزل عند اهلها تفطر اتصلت على نيسان ) .
كاترين : صباحو ياقلبي .
نيسان : صباحوو كاتو كيفك .
كاترين : مشتقتلك ... ليكي نيسان اتصلتلك حتى خبرك انو عبالي تحضري تلبيس خاتمي انا وكنان اليوم .
نيسان : عنجدد الف الف مبرووك .
كاترين : شو ماقلتيلي بتجي ؟؟.
نيسان : ياقلبي بتمنى بس ابي مسافر واختي بالمشفى مافيني اترك امي لحالها بالبيت .
كاترين : خير فيها شي اختك .
نيسان : لاا ابدا بس هي دكتورة وعندها دوام بالمشفى .
كاترين : ااه والله طب مابصير هيك ماتجي .
نيسان :ياريت كون موجودة معك بس ظروفي اللي ماسمحتلي .
كاترين : طيب هالمرة سماح بس عالعرس بتجي انتِ واختك من هلئ عم خبرك هاا .
نيسان : تكرمي معقول ما اجي يعني .
(بعد ماسكرت كاترين الخط مع نيسان نزلت لعند اهلها )
كاترين : صبااحو ياحلوين .
الكل : صبااحوو .
لميا : دخيلو الفرحان نشالله عطول هيك .
" خجلت كاترين من كلام امها وعرفت انها صار عندها خبر بتلميحها هاد "
لميا : يحيى ماتنسى ماتبعتلي الغراض اللي قلتلك عليهن مابدنا يكون شي ناقص .
كارولين : ماما لاتعزبي بابا فيهن بجبلك ياهن انا .
لميا : لابنتي شو تروحي انتِ ابوكي بيبعت السائق تبع الشركة يجيبن وانتِ وكاترين بدي تهتمو بحالكن وتكونوا اميرات المسا .
جود : عادي اني متل الأطرش بالزفة انا !!!! شو عم يصير هون وليش هالقد منعجقين بحالكن وشوفي المسا .
لميا : جود شو مابتعرف انو جاية كنان واهله يطلبوا كاترين اليوم .
"جود كان يشرب الشاي وتشردق فيه لما سمع " .
جود : نعااام .... لحظة لحظة شوي لاتذكر (يييي ال مايكون عندك خبر ال .. انت ح تكون بتعرف قبل سعيد الحظ حتى) "صار يحكي ويقلد طريقة كاترين" مو هيك مرة قلتيلي يا كاترين ليش ماعندي خبر انا ااه .. وليش كأني بلا فائدة بهل العيلة .
كاترين : هو لأنك فعليا بلا فائدة .
جود : شلون بدهن يزوجوكي ولسا عقلك صغير هيك .
كاترين : امي خبريه لازم تدللوني اليوم .
جود : ايمت ماكنتي مدللة انتِ انا ماشي احسن ماشوف الدلال زايد اتجاهك حبتين زيادة اليوم .
""""""""""""""""""""
بمكان تاني صحي إيلاف على اتصال من كنان .
كنان : كيفك انا مو جاية اليوم اذا حابب كمان اليوم تترأس عرش مكتبي وتكون المدير... وكمان كاترين مو جاية دبر حالك من غير سكرتيرة .
إيلاف : بالمرة سجلي الشركة برأي .. ليش مالك جاية ؟؟ لكك بعدين تعا لهون وين سحبت كاترين ومشيت مبارح ... وليش كاترين كمان مو جاية .
كنان : مفتوحة نفسك عالكلام انت .. المهم رح جاوبك بجملة تجاوب على كل اسئلتك .. ايمت كانوا العرسان يروحوا عالشغل .
إيلاااف : شوو مبارح كنتو بتنتفو بشعر بعض لو ما اجيت وتدخلت شو تغير بأقل من يوم .
كنان : يعني بتزعل اذا نحلت المشاكل بينا انت .. اليوم رايح اطلبها رسمي مع اهلي ف مشان هيك مالي جاية عالشركة لا انا ولا هي .
إيلاف : هي حقها لأنها عروس بس انت تعا مارح يأثر عليك الدوام كم ساعة وانت رايح لعندهن المسا .
كنان : وانا كمان بدي نام شوي حتى كون مصحصح المسا يلا اصبح انا على خير وموفق بشغلك لليوم ياا مدير .
إيلاف : مجنون هالصبي وربي .
___^_^
الوقت عم يمضى وايلاف مو ملحق لحاله بالشغل ...
"ايلاف عم يحكي ...
يعني واذا رايح المسا هلئ ليش مايجي "
اتصل ايلاف على كنان ...
ايلاف : كنان مابكفيك نوم يلا بلا مزح تعا عالشركة شوي ماعم لحق لحالي انا .
كنان : على فكرة انا مو نايم وعم اشتغل على مشروع هلئ ببعتلك شب اسمه مجد يساعدك ... يلا سلامات .
ايلااف : لككك كناان .
"سكر كنان الخط واتصل على مجد خبره يروح لعند ايلاف يشوف شو بده يساعده "
-------------------
" الوقت عم يمضى والتحضيرات بلشت تخلص والفيلا تزينت بزينة بسيطة ... كاترين وكارولين رجعو من عند الكوافير وبلشو كل وحدة تلبس فستانها ... الفستان كان بسيط فيه شك من عند الصدر وفيه نفشة خفيفة من الخصر ونازل وشقة ماتبين غير عالمشي ... جهزوا كلشي وريتا وشغف وصلو وناطرين كنان واهله يوصلوا... كنان لبس طقم سبور شيك ... بعد ماوصلوا استقبلتهن كاترين .... واخدت الشوكولا والورد من كنان "
كاترين : يسلم ايديك ... تفضلو تفضلو .
كنان (همس باذن كاترين ) : طالعة بتجنني .
(بصالون الفيلا الكل مجتمع.. عدا ريتا وشغف اللي فضلو يبقوا بالمطبخ .... كاترين عم تعمل القهوة بالمطبخ )
ريتا : كاترين شو عم تعملي .
كاترين : عم حطلو لكنان حد وحمض بالفنجان .
شغف : ييي حرام عليكي .
كاترين : مو بحبني يتحمل يلاا بااي ادعولي .
ريتا : شو هالهبلة ناوية تطفشو .
《《بالصالون 》》
وصلت كاترين وحاملة صينية القهوة ضيفت الكل ووصلت عند كنان .
كنان : اشرب وانا مطمن ولا حاطتيلي ملح .
كاترين : ييي معقول حط ملح برأيك .
"ضيفت كاترين القهوة وقعدت مكانها ناطرة تشوف ردة فعل كنان" .
كنان شرب اول شفة من القهوة ..غمض عيونه حس الحد طلع من اذانه ... صار يطلع بكاترين ويتوعدلها
رأفت : طبعا معروف سبب زيارتنا فلهيك مارح احكي مقدمات ومعروف كنان وكاترين بريدو بعضهم .. بشرفنا نطلب ايد كاترين لكنان .
يحيى : ونحنا بشرفنا كنان واهله والله .
وهنن قاعدين اجت أمينة حاملة بوكيه ورد....
أمينة : انسة كارولين هي الباقة الك .
كارولين مستغربة : اللي !!!!.
أمينة : اي ياخانم و في بطاقة بقلبها .
كارولين اخدت الورد وحملت البطاقة تقرأ ... الكل كان بيطلع عليها .. شافوا ابتسامتها نرسمت وهي بتقرء الموجود بالبطاقة .
يحيى : كارولين ليش بتبتسمي هيك خبرينا شو مكتوب بالبطاقة .
《《محتوى البطاقة 》》
اول ماشفتك عرفت انك خلقتِ لتكوني نصفي الآخر بتقبلي تكوني نصي التاني ؟؟! ...
اذا بدك تعرفيني اطلعي مواجهك تماما بتلاقيني عم ابتسملك ... اذا موافقة بادليني الابتسامة .
كارولين : في حدا بيطلب ايدي للزواج .
لمياا : شووو.
كارولين : بس انا موافقة .
"الكل مصدومين مو عرفانين شو عم يصير بس أُبي طاير من الفرح وصار بغير كوكب من فرحته "
رأفت (عم يحكي مع أُبي بصوت خفيف حتى ماحدا يسمع كلامهن ) : بابا شكله في حدا سبقك ومارح نقدر نطلبها لكارولين .
أُبي (بيحكي وهو مندفع وبنبرة صوت عالية ) : لااا شو مارح نقدر هي البوكيه مني .
الكل : شووو..
أُبي : عمو يحيى .. انا صاحب هالبوكيه وجبته لكارولين لشوفها اذا موافقة ليفتح ابي معك الموضوع ... والواضح انو كارولين موافقة بقي ..
رأفت : بقي نشوف رأي اهلها اذا كانوا موافقين .
كارولين خجلت وصارت تخبي عيونها من ابوها .
يحيى : وقت بتكون سعادة بناتي متعلقة بقرار مني انا اكيد مارح وقف عند رغبتهن وعارض الشي اللي بيسعدهن ... وخصوصا اذا كانوا مأمن عليهن ايدي امينة... صاحب عمري .
رأفت : بناتك صاروا بناتي ومتل غلاوة بانا عندي .
يحيى : تسلم ... يابنات وين الخواتم ..
لميا : يلااا ثواني يحيى ومنجيبهن .
ميس عطت لميا كمان خواتم أُبي وكارولين ...وحطوهن بعلبة فيها ورد ولولو مع مقص ... لبسوا الطرفين الخواتم ... وسلموا عالعيلة .
جود : انا عندي اعتراض صغير.
الكل صار يطلع بجود شبو فجأة عارض ...
جود : أُبي يعني حلوة هيك منك ماتخبرني وتتركني لحالي سنغل بهالجمعة هي كنت ئلي دورت على عروس اخطبها معك .... يعني انت واخوك اخدتو اخواتي ... كنتو عطوني اختكن احسن ماتتركوني لحالي .
جود عم يحكي ويمزح وما انتبه شو حكى ...
بانا سمعت جود وصفرت وخضرت من كلامه وتمنت تكون كرسي ولا تنحط بهيك موقف .
أُبي : والله الحق عليك .. انت عبالك تبقى وحيد طول عمرك شو نعملك نحنا .
رأفت : ولوو يا ابني لو طلبت مارديناك .
جود كان عم يمزح وحس على شوي بتصير القصة جد .. قرر ينسحب قبل مايطلع من هالقعدة وهو خاطب .
جود : بشرفني يا عمو بس كنت بمزح مع أُبي كيف تركني بصفاف السناغل لحالي .
__^_^
بعد السهرة راحوا عيلة كنان وبقيوا كنان وأُبي قاعدين مع كاترين وكارولين وجود .
كاترين : شو رأيكن نطلع للحديقة افضل من القعدة هون .
كنان : حبيبتي شو رأيك نحنا نطلع لحالنا وماتشملي كلامك بالجمع .
كاترين : كنان شبك منتسلى كلنا سوا .
جود : ايي كنان شبك انت ... كلنا سوا افضل .
(عرف جود انو قصد كنان يقعد لحاله هو وكاترين وحب يتغالظ عليه.. صار يحكي وهو كاتم ضحكته )
كنان : عنجد شبني انا معقد تفضلو كلنا نطلع .
كاترين يلا طلعوا انتو وانا بدي نادي لريتا وشغف ماحلوة قاعدين لحالهن بالمطبخ .
كنان : حياتي نادي لكل اللي موجودين بالفيلا كمان ... نادي للخدم يرتاحوا من الشغل ويقعدوا معنا بكون افضل .
كاترين : لاا هيك كتير كنان ... ريتا وشغف بكفو .
(بالمطبخ كانوا قاعدين ريتا وشغف وفاردين سفرة لحالهن عم ياكلوا ) .
كاترين : لكك شو عم تعملو .
ريتا : جعنا كتير و قلنا لأمينة تحطلنا اكل .
شغف : امااا شو يالنجي ياكاترين لكك كتيير طيبين تعي كلي تعي .
كاترين : تاكلو هم قلبي بعرف انهن طيبين ماهنن من عنا .. يلا قوموا غسلوا بدي عرفكن على كنان .
شغف : منعرفه مين قال مامنعرفه .
كاترين (بصدمة ) : شو عرفكن فيه.
شغف : قصدي شايفينه من قبل بس مو منعرفه يعني قاعدين وحاكين معه .
كاترين : ايي قوموا هلئ يلاا .
ريتا : قومي شغف باينة هالبنت مارح تخلينا نعرف ناكل .
______♡_♡
أوس كان بغرفته وقت سمع صوت ازعاجات ميلا وتخبيطها عالباب ..
أوس : مييين .
ميلا : شو عم تعمل بدي اقعد معك .
أوس : من جد عم تاخدي اذني ... فوتي فوتي .
ميلا : عندك شي .
أوس : لا مو شايفتيني عم اقرأ يعني قاعد ومافي شي اعمله .
ميلا : بتعرف انو اليوم كاترين رح تلبس المحبس .
أوس : ايي شو يعني .
ميلا : يعني مالك زعلان ولا فايت بموجة اكتئاب او عبالك تقوم تكسرني انا والغرفة .
أوس : لا ابدااا .
أويس كان واقف عند الباب فورا اتدخل وشارك بالحديث .
أويس : لااا مو معقوول عنجدد اعصابك هادية وعم تحكي بكل برود .
أوس : شكلكن انتو اللي ناوين تعصبوني غصب عني .
أويس : بس انت وقت حفلة تخرجها بس لأنها رقصت مع كنان صابك ارتعاش باعضاء جسمك بسبب عصبيتك اللي كانت واضحة .
ميلا : حتى اني حسيتك يوميتا على قد ماصابتك الرجفة وكأنك غسالة لما تكون عم تنشف وقت ترجف .
أوس : ميلا من وين بتشتري مصطلحاتك انتِ من اي سوق!!! شو هي غسالة وبتنشف يعني بتشكرك اللي ماقلتي افظع من هيك .
ميلا : بدك ماتواخذنا يادكتور كان لازم قلك كنت بيرتعشو اطرافك وكأن صايبك مرض باركنسون .
أوس : وقت تشوفيني صار عمري شي ٦٠ سنة تعي قوليلي معك باركنسون مو هلئ او وقت تلاقي صايبني ارتعاش و معي بطء بحركاتي وتيبس بعضلاتي واختلال بطريقة كلامي وضعف بتوازني وافقد..
ميلا : خلص خلص رح تقعد تفصفصلي المرض غلطت ومنك السماح خلص انت حدا كتير رايق ومافي منك مو أويس .
أويس : طبعا .... جد أوس ماعندك مشكلة انو كاترين صارت لحدا تاني .
أوس : ابداا ماعندي ايي مشكلة .. بدها تعيش حياتها ليش لوقف بطريقها وبطريق سعادتها هي وكنان بحبو بعضهن وبتمنى من قلبي السعادة لتنيناتهم .
(أوس كان عم يحكي بكل برود الشي اللي جنن أويس وميلا ).
أويس : جد عم تحكي انت .
أوس : ماعندي مزح بهيك قصة ... انا وكاترين مو لبعض وخلصت الحكاية .
أويس : متل مو شايف انا عندي سفر وبدي روح نام شوي قبل مايتصل عليي شيفاي ...
ميلا اول ماسمعت اسم شيفاي قلبها صار يدق وينغم الحان وحده .
ميلا : ليش بدو يتصل ..
أويس : عنا سفر نسيتي ...
ميلا : ااه صح .
أويس : أوس ذكرني اعطيك رقمه الجديد غيره من فتره هو خبرني اعطيك ياه ونسيت .
ميلا تذكرت الرسالة وعرفت انو راح كل تعبها عالارض واكيد ماشافها بس كيف هيك وهي لما اجتمعت فيه حكيته معقول يكون مو شغال وقت بعتت الرسالة...
ميلا : كييف هيك بس ... هو عم يحكي بالقديم من كم يوم دقيت حكيته اسألو عنك .
"حتى مايحس أوس عليها قررت تخترع هالكذبة وانو دقتله كرمال أويس"
أويس : كان يشتغل عليه واتلفه وصار معه خط جديد .
ميلا بينها وبين حالها : اووف ياا اكيد غير الرقم اللي بعتت عليه مشان هيك ماحكاني .
-----------------------
عند كاترين بعد ما اجت هي ورفقاتها عالحديقة وعرفت كنان وأُبي على رفقاتها ... اخدت كنان على طرف بحجة بدها تحكيه بموضوع ...
وقفت كاترين ومدت ايدها لكنان كانت حاملة فيها اسوارة ...
كنان : شو هي .
كاترين : اطلع فيني منيح هاد العقد وهدول الحلق وهاد الخاتم لكك حتى الاسوارة ماذكروك بشي .
كنان بيعرفهن كتير منيح شو هدول بس حب يبين لكاترين انو نسيان شو هنن ...
كنان : لا ابدا بشو بدهن يذكروني مثلا ..
كاترين : لكك كنان شبك ... هدول جبتلي ياهن وقت حفلة تخرجي شبك نسيت وقلتلي برسالة موجودة بالهدية انو الاسوارة بس بلبسني ياها نصي التاني وشريكي .
كنان : فكرك معقول انسى شو هدول لكك مجنونة... هاتي هاتي ايدك لركبلك الاسوارة .
لبسها كنان الاسوارة لكاترين وحمل ايدها وباسها ...
كنان : طالعين بجننوا عليكي .
"قرب عند شفافها يخطف منها بوسة بس كاترين بعدت عنه "
كاترين : ياقلبي مو حلوة نتركهن لحالهن امشي نكمل قعدتنا معهن .
كنان : لكك كاترين شو مشان ماقعدنا لحالنا لهلئ .
سحبت كنان من ايده ورجعت لمكان مو قاعدين الباقي وقعدوا معهن ...
كاترين : اييي سيد أُبي طلعت مخبى بتيابك انت واختي وماكنتو تحكو لحدا شي .
أُبي : مو احسن مانكون قضية الشرق الاوسط ومايبقى حدا مايعرف بقصتنا .
كاترين : اصلا علاقتي انا وكنان فيها اكشن ومغامرات مو متلكن تقليدين وبس رح تكون عبارة عن عصفورين حب .
كنان : بفهم منك انك بتخلقي المشاكل حتى يصير بعلاقتنا اكشن وتفرحي ؟؟؟.
كاترين : انا ولا مرة بكذب بريأكشناتي ابداا ولما اخلق المشاكل كون جد متجاكرة منك واستفزيتني ... بعدين حبيبي ماتغير الموضوع انت كمان حاسب اخوك لأن كذب عليك انو بدو اختي وحاببها ولا ليكون حاكيلك وانت مو حاكيلي .
كارولين : لككك كاترين اذا بدك حتى انا مابعرف ... أُبي ماحكالي شي قبل واليوم تفاجأت لما جايبلي البوكيه وبدو ياني .
كاترين : يا سبحان الله شو ماكنتي تحسي عليه وقت يطلع عليكي ويصيرو عيونه قلوب .
ريتا : على اساس انتِ احسن لما ماكنتي تحسي بمشاعر كنان اتجاهك .
شغف : وكانت شاطرة تحكيلنا علاقتنا متل الخطان المتوازيان اذا التقوا نحنا منلتقي .
كنان : خطاان متوازيان لكن .. مابك شي بتستعملي الرياضيات بالفلسفة لحياتك طلعتي .
كاترين : انا حمارة لان جبتكن تقعدو معنا شو طلعني فيكن .. شاطرين بالفضايح .
كاترين : بشو احلفك انو كنت شايفة الطريق مسدود بعلاقتنا .
أُبي : الطريق مسدود لدرجة عم شوف نهايته قدام عيوني .
كاترين : انت جاوب على سؤالي لحاكيك .
جود : على فكرة انا بعرف انو مشاعرهن بتميل لبعض حتى قبل ماهنن يعرفوا .
كاترين : شو عرفك انت واناا ليش ماعندي خبر .
أُبي : سألي كنان شو مخبي عليكي بتعرفي .
كاترين اتطلعت بكنان وهي عم تخبي المشاكل تحت لسانها قبل مايطلعو منها وتخرب القعدة : كنااان .
كنان : حياتي انا تعبان وصار لازم نام والواضح انو القعدة عمرانة بالجو الاجتماعي ومارح اقدر احكيكي على راحتنا وقت نبقى لوحدنا بحكيلك كلشي بدك ..يلا انا بدي امشي ... حياتي أُبي اذا بدك نام كمان هون .
أُبي : لا انا بقيان شوي وبعدها بلحقك .
كنان : اوك ... يلا تصبحو على خير .
الكل : وانت بخير .
كاترين واقفة عم تتفرج على كنان كيف رح يطلع من البيت ويهرب ...
ريتا : ياهبلة ليش واقفة روحي لحقي كنان ودعيه .
كاترين : مابدي اصلا هو مابدو يودعني شكله .
شغف : لا انتِ جد نكدية اذا رجع عالبيت وماحاكاكي ابقي لاتسألي ليش .
(كاترين اول ماسمعت كلام شغف فورا ركضت تلحق كنان .. كان صاير بالسيارة وعم يشغلها.. فورا لحقته وفتحت الباب عليه )
كنان : مو شايفتيني رايح ليش لتفتحي الباب علي .
كاترين : لأن مابدي تروح وانت زعلان مني .
كنان : مو زعلان .
كاترين : مبلاا نبرة صوتك وردودك الناشفة هي بتحكيلي انك معصب مني .
كنان : لاتواخذيني كان لازم جيب مي و رش على ردودي حتى يبطلو ناشفين .
كاترين : عم تتهاضم يعني .
كنان : لا عم اتظارف .. وهلئ بدك شي مني .
كاترين : احكيلي بحبك بعرف انك مو زعلان مني .
كنان : يلا غود نايت كاترين .
كاترين : لككك كناان مارح حل عنك غير لتحكيلي .
_____
عند أُبي والباقي ...
جود راح على غرفته ...ريتا وشغف تركو أُبي وكارولين ورجعوا يقعدوا بالصالون لأن حسو حالهن تقيلين دم ان بيقعدوا معهن ويخربوا عليهن هالمناسبة .
أُبي : حدا خبرك انو عيونك عالم تاني .
كارولين : أُبي ليش ماخبرتني من قبل انك معجب فيني .
( أُبي صار يلعب بخسلات شعرها ويطلع فيها ويحكي ).
أُبي : السبب عيونك كنت كل ماشوفهن يخلوني اسرح فيهن وانسى كل الكلام .
كارولين : ليش ايمت كنت تطلع بعيوني انت ... ولا مرة لاحظت .
أُبي : وقت كنا نشتغل بالمكتب سوا كنت اترك شغلي واخطف نظرات عليكي وانتِ بتشتغلي .
كارولين : عنجد ... كيف ما انتبهتت .
أُبي : لأنك اول ماتشوفي الملفات والشغل جنبك تنسي حالك .. وتغوصي بالملفات .
كارولين : شو اعمل اذا انتو سلمتوني كلشي قصص قانونية بتتعلق بالشركة تبعك انت وجود وكنان .
أُبي : على سيرة انك كنتي محامية الشركة ... انا لازم اشكر جود انو خلاني اعرفك عن قريب هيك واوقع بشباكك اللي ماعم اقدر اطلع منها .
كارولين : انت مجهز الكلام اللي بدك تحكيه قبل ماتجي شي !!.
أُبي : لا ليش .
كارولين : لأن فظيع بتعرف ترد على كل سؤال وبتحوله لغزل بطريقتك .
أُبي : هاد الفرق بين البزنس والمحاماة انا عندي شخصية وحضور يخليني اتوقع رد الطرف التاني وهاد الشي بخليني جاوب وانا عندي ثقة بحالي تخدع الطرف التاني بفكرة اني فهيم ودارس كلشي من قبل اما المحاماة لازم تقعدوا تجهزوا كلامكن حتى تكون حججكن وبراهينكن اقوى واذا ماحضرتوا بتنغلبوا بينما انا مابحتاج لان العالم اللي متعامل معها كتيرة وصرت بعرف تفكير وطريقة كل حدا وصار عندي سرعة استجابة قوية .
كارولين : على فكرة وانا بعرف رد اذا حدا حكاني وشغلي بالمحاماة مادخله بالواقع يعني مابدي تحضير لرد .
أُبي : طب اذا قلتلك انو جمالك بخربطني .. ونبرة صوتك بتخلي دقات قلبي تعلى .. وعيونك بهزو عرش كبريائي .. وخجلك اللي انتِ فيه هلئ بخليني دوب فيكي اكتر واكتر شو بتردي عليي .
كارولين (بصيرو خدودها حمر وصارت تهرب نظراتها من أُبي ) : طريقتك حتى تخجلني وتضيع الكلمات مني مو عادلة على فكرة .
أُبي : طب ردي عليي وثبتيلي انك مو بحاجة لتحضري الكلام .
كارولين : وما اجمل ان تملك قلبك محامية .. تحمي قلبك وتحافظ عليه .. وتكن لك العون والحامي والسند في كل خطوة تخطيها في حياتك ..
أُبي : كلام الفصحى مابيدخل عقلي انا ..يعني شو بعرفني ماتكوني بتعرفي هالكلام وحافظتيه بدي شي عفوي يطلع منك .
كارولين : انا مو خرج الغزل ابداا على فكرة يعني انطر عليي شوي بس مو فورا من اول مرة بدك ياني اقدر رد واخد واعطي معك وانت مابعرف كيف عندك هالجرأة تحكي كل هالكلام .
أُبي : من زمان بدي احكيه بس ناطر هاليوم .
____
كنان : مامليتي وانت واقفة هون .
كاترين : حكيلي بحبك بمشي .
كنان : بعد كمية الحد والحمض الموجود بالفنجان بدي عيد حساباتي قبل ماقول هالكلمة .
كاترين : اووك عيد حساباتك ... وبالمرة عيد حساباتك بعلاقتنا وبهل الخاتم يا استاذ .
(قالت كلامها و اجت تمشي ... بحركة وحدة من كنان كان ساحبها ومقعدها جوا السيارة يطلع بعيونها ويسحب نفس من ريحة شعراتها ) .
كاترين : بعد عني لتعرف تحكي كلام حلو وبطريقة غير مستفزة تعا .. بس هلئ بعد عني .
كنان : اذا قصدك على كلمة بحبك فأنا مو بس بحبك انا بعشق جنانك لما تعصبي وتصيري تنطوتي لتقدري تستفزيني .
كاترين : هه كلامك مارح يشفعلك عندي وانا بسمعك عم تستمتع باستفزازي وحرق اعصابي .
كنان طبق شفافه على شفاف كاترين وصار يطفي شوقه ...
كنان : من اول ما اجيت وانا نفسي دوق طعمة هالفريزات هدول .
كاترين : على اساس اول مرة تدوقهن ؟؟.
كنان مارد على كاترين ورجع خطف بوسة من شفافها اقوى من اللي قبلها ...
كنان : ريحتك عم تخدرني ... مابدي اتصرف بشغلات خارجة عن ارادتي لمجرد لحظة ضعف مني... كاترين روحي وبحاكيكي لأوصل .
كاترين : اوك ناطرة اتصالك .
كنان : ماشي .
___
رجعت كاترين عالفيلا شافت ريتا وشغف قاعدين بالصالون .
ريتا : شو تصالحتو؟
كاترين صارت تبتسم وتتذكر كنان ...
شغف : خلص لا تجاوبي واضح عليكي .
كاترين مصدومة ... شو قصدها بواضح عليها ..
كاترين : شوو واضح عليي .
شغف : انكن متصالحين جاية لهون وعم تبتسمي لحالك متل الهبلة .
كاترين ارتاحت بعد ماسمعت جواب شغف : هااه اي صح .
ريتا : حبيبتي نحنا تأخرنا وبدنا نمشي الف مبرووك .
شغف : عقبال الطرحة البيضا ياقلبي .
كاترين : تسلمولي وعقبالكم .
-------------
كارولين : يعني خلص قررت تمشي .
أُبي : الايام جاية ومنقعد سوا اكتر ... يلا بدك شي .
كارولين : سلامتك .
--------------
كاترين قعدت بغرفتها ناطرة اتصال كنان ... بس كنان ما اتصل واكتفى بمسج .
(كاترين انا كتير تعبان ومارح اقدر احكيكي ... بحبك )
كاترين بعتتله مسج ..
(خيير صاير معك شي ) .
رد كنان عليها ..
(مجرد تعب عادي ... ماتقلقي كلشي تمام) .
-----------------
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```