الفصل 28
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴8️⃣2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كنان : جايبني بالتهديد بكلامك وناطر مني اسمع وصفق لكلشي تقوله وقلك حاضر امرك مطاع صح مو هيك بدك .
إيلاف : مو مهم ... بس افهم كم كلمة رح احكيهن هلئ ... كلشي لخبصة وخربطة بعقلك وتهيأاات وافكار كانت وماكانت كلهااا مو صح هي سوسة الغيرة اللي بتنخر فيك هي عم تخرب عليك .. كاترين كانت ماعم تكذب عليك وعنجد وسيم ابن عمتها ومتل اخوها ومو متل مو انت مفتكر حبيبها اللي خانتك معه ولا عم تشتغل معه لانهن بحبو بعض هي بنت عمته وعم تساعده .
كنان : جااي تضحك عليي بكلمتين .
إيلاف : مباارح بتذكر مبارح بعد عرض الازياء لما اختفيت ؟؟.
كنان : انت ما اختفيت كنت قاعد بتباركله وتاخده بالاحضان وكأنك نسيان شو بيعني هالشخص لصاحبك .
إيلاف : بعد ما خلص العرض انا رحت لعنده بس مو حتى باركله وبس ...
~~فلاااش بااااا🔙ك~~~~
إيلاف : كيفك وسيم .
وسيم : هلا إيلاف تمام كيفك انت .
إيلاف : مو مهم .. بدي احكيك بموضوع .
وسيم : تفضل شوفي .
إيلاف : معلش تاخدني على غرفة لحالنا بعيد عن الناس .
وسيم : اي طبعاا .
.....
وسيم : شوفي شغلت بالي .
إيلاف : اولا انا بعتذر عن تصرف كنان وكيف استبدل حاله بالعارض .
وسيم : ليش لتعتذر انت مالك علاقة بالموضوع .
إيلاف : ولو كنان صاحبي وانا جاية احكيلك شغلات عن صاحبي مابتعرفها بس بتهمك .
وسيم : شغلات بتخص كنان وبتهمني شوفي .
إيلاف : كنان مفتكر انك انت وكاترين على علاقة ومرتبطين من وقت ماكانت كاترين مع كنان وافتكرها بتخونه معك .
وسيم : انا وكااترين سوااا !!! كيف هيك زابطة معه ... كاترين متل اختي هي بنت خالي اللي ربيت معها .
إيلاف : ما هو مابيعرف بصفة القرابة بينكم ومفكر لقائآتكم سوا سببها الحب .
وسيم : شلون مابيعرف اننا منقرب بعض يعني .
إيلاف : كاترين لما اجت استقبلتك من المطار اول مانزلت على اسطنبول يوميتا كان المفروض بدل ما تجي لعندك عالمطار تطلع مع كنان بس هي تهربت وماحكتله السبب الرئيسي وهو حس انو عم تكذب عليه لانه بيعرف كاترين مابتعرف تكذب كان ناطرها جنب بيتها ليروحو سوا بس هي قالتله مابتقدر وبنفس الوقت شافها طالعة من البيت وخاف يكون صاير معها شي ولحقها وقتها بس انصدم لما شافكم بالمطار سوا معانقين بعض ويعني بدك للحقيقة اي حدا بداله هيك رح يفتكر .... وعم تسألني كيف مابيعرف انكن بتقربو بعض اولا كاترين ولا مرة خبرته انت شو بالنسبة الها وحتى لما تعرفتو على بعض ماجابت سيرة القرابة ابداا وتانيا انت من عيلة وهي من عيلة يعني مانكن ولاد عم حتى تشتركو باسم العيلة ويعرف .
وسيم : انت شو عرفك بهل التفاصيل هي .
إيلاف : كنان بيعتبرني اخوه وكان يحكيلي ... حتى بتتذكر قصة الاشاعات اللي طلعت عليكن بايطاليا .
وسيم : ليش بقدر انسى هيك شي .
إيلاف : كنان كان السبب وهو سرب الخبر للصحافة حتى اني وقت عرفت تخانقت معه بس كانت الغيرة حاجبة عن عيونه حدود المنطق وهو طلع على ايطاليا على فكرة كرمال كاترين مو كرمال الشغل متل ماقلكم .
وسيم : اووف كلل هاد .
إيلاف : لسى ماخبرتك كيف اتفق مع صاحب الشركة اللي هو مالكها هلئ حتى يوظف كاترين عنده وبعدها هو يجي يشتري الشركة ونقلها لكاترين حتى تكون سكرتيرته وقريبة من عينه دائما ولا حكيتلك كيف اشترى العارض يلي المفروض يكون مع كاترين بداله وأمنله عطلة مرتبة بانجلترا متكفل فيها بالمصاريف والاقامة وكلشي حتى تكتات الطيارة ... انا مالي جاية احكيلك عن بطولاته ولا عن غلطاته جاية وضحلك الفكرة بعد ماعرفت بالقرابة اللي بينك وبين كاترين وعرفت انو مافي شي بينكم قلت احكيلك شو عم يصير شغلات مابتعرف فيها وانت عندك القرار شو بتعمل .
وسيم : انا اكيد مارح احكي لكاترين بكل هالعمايل اللي مساويها كنان بس ممكن خبرها شو مفكر عننا ...طب انت ليش ماحكيت لكنان لما عرفت وجاية تحكيلي الي .
إيلاف : كنان لما يتصرف مابيسأل فجأة بتلاقيه مخرب الدنيا بعمايله ولما تجي تحكيه عندك خيارين يا تتخانق انت وهو لان مو راضي يسمع كلامك حتى او يترك المكان ويمشي ومايسمحلك الفرصة تحكي شو عندك وانا متأكد اني اذا فتحت سيرتك انت وكاترين هو رح يسكر عالسيرة ومايتقبل كلمة مني قبل مايعرف شو بدي احكي فقلت بحكيلك بركي قدرت تلاقي حل يكون من طرف كاترين كونه القصة بتعنيكم انتو التنين ومابتعنيني .
~ بااااا🔙ااااك~
إيلاف : شايف لأي مرحلة وصلت اقدر احكي مع الغريب بس صاحبي مايسمعني متخيل اديش هاد الشي مو حلوو ... عم حاول فتش فيك عن كنان القديم الرايق الهادي واللي بحب الضحك والمزح بس مابعرف شو اللي قلبك هيك .. اذا الحب ف عنجد انا مابتمنى حب اذا هيك بدي اتحول متلك انا بغنى عن هالتغير .
كنان : شو حكالك هو .
إيلاف : مو مهم شو حكالي مو مهم ، انا جيت وعم حط جنب عيونك الحقيقة واذا شاغل بالك بكاترين انا رح اقنعها تبقى بس في مقابل انك ماتفتح معها الموضوع .
كنان : كيف نااطر مني ابقى ساكت .
إيلاف (مقاطع كنان ) : وتعد للالف قبل العشرة اذا بدك تحكي معها شي يهينها .
كنان : خلص مارح قرب عليها .
إيلاف : هي بشغلها وانت بشغلك ... حتى رجعها تشتغل بين الموظفين وشيلها من جنبك هون بالمكتب.
كنان : لا هي القصة بدك ماتدخل فيها لان اذا وعدتك مارح اوفي .
إيلاف : المهم ماتجرح مشاعرها للبنت .
كنان : اي فهمنا فهمنا جاي تأمني على حدا بحبه يازلمة .
إيلاف : بتعرفني مابعمل هيك بس كنت سآل حالك شو وصلك لهون .
" كنت ناطرة بالمكتب وانا كل شوي اجي بدي قوم وامشي بس شيل خاطر لإيلاف وابقى .. واخيرا انفتح الباب وطلع إيلاف من عنده "
كاترين : ضب غراضي وامشي موو .
إيلاف : اذا رجع حكى معك هيك رح تعملي بس بدك تبقي هون ومارح تمشي .
كاترين : لككك لييش انت كمان جاية معه انا معد اوثق فيه انو مايرجع يهيني .
إيلاف : هالمرة انا عم اكفله واذا صار وعمل شي ورقة استقالتك من غير اي قيود تنفرض عليكي لما تستقيلي رح تاخديها منه غير هيك لاتقبلي .
كاترين : ماشي هي آخر مرة بس آخر فرصة .
إيلاف : آخر فرصة وما لح تتكرر حتى يلا انا ماشي .
كاترين : اوك .
"اجا يطلع من المكتب بس رجع لعندي " .
إيلاف : ييي نسيتوني بمشاكلكن ليش جاية لازم ينعقد اجتماع مع الموظفين كنان يشرح فيه المشروع الجديد .
كاترين : ماتاكل هم الاجتماع بعد نصف ساعة هلئ بخبر الكل انا .
إيلاف : معه حق مايفرط بهيك سكرتيرة كنان .
" اكتفيت رد عليه بابتسامة والقدر لسا مقرر يجمعني انا وكنان دخلت لعنده عالمكتب " .
كاترين : استاذ في اجتماع بعد نصف ساعة .
كنان : حكالي إيلاف انتِ عليكي تخبري الموظفين .
كاترين : اوك .
____*_*
كانت ميلا قاعدة مع رفقاتها لما رن موبايلها وكان شيفاي .
شيفاي : صبااحو .
ميلا : صباحو .
شيفاي : لاتستغربي من اتصالي هاد بس حابب اعزمك عالغدا .
ميلا : في مناسبة ؟؟.
شيفاي : لا.. ماخبرتيني قبلتي العزيمة .
ميلا : اوك اي ساعة .
شيفاي : عال 7 جاية اخدك من عند بيتك .
ميلا : لا شكرا بجي لحالي بعتلي اسم المطعم برسالة والعنوان... بعرف عندكن سفر بكرى شو خطرلك تعزمني اليوم .
شيفاي : بس في شي لازم تعرفيه قبل ما نسافر واذا ما استغليت الفرصة وخبرتك ياه رح ابقى بالسفر بالي مشغول وحتى أويس قاعد جنبي وموافق انك تتغدي معي .
ميلا : أويس معكك ؟؟؟.
شيفاي : اي .
ميلا : ماشي المسا بشوفك .
شيفاي : اوك سلام .
_____
شيفاي : شو بتقول رح يكون ردة فعلها اليوم .
أويس : حسب معرفتي بأختي بدها تكون ردة فعل باردة بس رح تتوج صدمتها بأنها تغيب عن الوعي يعني كالعادة لما تتوتر او تعمل مصيبة مابتلاقي حجة تنفد منها غير يغط على قلبها وتخوفنا عليها .
شيفاي : يعني بتكون عم تمثل ؟؟؟ .
أويس : لا لا ابدا هي هيك طبيعتها يعني شي خارج عن ارادتها .
رجع شيفاي بذاكرته لقبل شهر بالتحديد ..
~فلااااش بااااا🔙اااك~~
كانت ميلا عم تتمشى بحديقة البيت عندهن فجأة بتحس ايد سحبتها لعند الحيط .
ميلا : شيفااي !!!!.
شيفاي : هوسس .
ميلا : ليش هيك ساحبني لهون متل الحرمية خايف حدا يشوفنا ، وانت مو مع أويس هلئ بيجي أويس وبشوفنا.
شيفاي : لان بدي احكي معك من غير مايكون حدا معنا ومافي غير هالطريقة ، أويس طلع على غرفته يعمل دوش ويغير تيابه لنمشي يعني مارح يشوفنا .
"ميلا مانطرت تسمع رد شيفاي كله وكان مغمى عليها فورا وارتمت بين ايدين شيفاي.. هو ماعرف شو يعمل ليصحيها ماشاف حل افضل من انه يطلع عطره من جيبته ويرش عليها لتستعيد وعيها بعد محاولات من شيفاي واخيرا صحيت "
شيفاي : انتِ منيحة ؟؟.
ميلا : نفسي عم تلعيي .
شيفاي : ليش غميتي .
ميلا : حسيت بدوخة صغيرة وبعدين مابعرف شو صار .
شيفاي : طب مافي سبب .
ميلا : هي اعراض خارجة عن ارادتي ومابقدر اتحكم بحالي انا... اااع نفسي عم تلعي .
" شيفاي الافكار عم تاخده وتجيبه وبلش يألف قصص وروايات براسه ويحلل كلامها كل مرة توصله افكاره لسبب واحد بس يرجع ينفض الافكار من عقله ويحاول يلاقي سبب غيره بس ما شاف سبب لتفسير الاشيا اللي عم تصير معها غيره ...قرر يحكي ويواجهها وهو مو مصدق انها ممكن تكون بتعمل هيك شي"
شيفااي (وملامح الصدمة والخذلان ظاهرة على وجهه) : حااااامل !!!! .
يتبع ......
البارت الرابع والعشرون
شيفاي : حااااامل !!!. ماكنت متوقعك هيك ابداا اخواتك واهلك شوبدهن يقولو لما يعرفوو ... شو موقف أويس لما يعرف بأخته كيف حامل بحمل غير شرعي وانا قول من وين جبتي ملقط الكرافة وعطيتيه لأويس اكيد من عند حبيبك .
ميلااا : شيفاي شو هالتفاهات اللي عم تطلع منك .
شيفاي : برريلي الدوخة ولعية النفس اعراض شوو هدول ماتحكيلي مو حمل لان مارح صدقك غير بحالة وحدة اذا كنتي بالملاهي وهاد شي طبيعي تدوخي وتلعي نفسك بعد اللعب .
ميلا : كنت عم احكي انو اعراض خارجة عن ارادتي لان انا هيك طبيعتي كل ما اتوتر بموقف او خاف من شي بفقد الوعي شي لا ارادي بطبيعتي مابقدر سيطر عليه .
شيفاي : ولعية النفس شو بتبرريها ؟؟.
ميلا : لعية النفس شي طبيعي تلعي نفسي وانت مفرغ البارفيوم تبعك كلو عليي لاصحى ريحته كتير تقييلة ، وتلعي النفس .
شيفاي : ماتحكي عالبارفيوم تبعي جبته من فرنسا بآخر سفرة اللي .
ميلا : عم قلك ريحته تقيلة ماعم قلك ريحته ماحلوة وبتقرف .
شيفاي : اوك آخر سؤال اذا جاوبتيني عليه بقتنع بكلامك اللي حكيتيه .
ميلا : على فكرة ماكنت عم كذب بكلامي انا .
شيفاي : جاوبيني مابتخسري شي ...من وين جبتي ملقط الكرافة وعطيتيه لأويس ؟؟؟..
ميلا : ليش هالملقط شاغل تفكيرك كتير .
شيفاي : اذا بدك اقتنع بكلامك جاوبي .
ميلا : جبت لأوس منه مرة وجبت واحد تاني لأويس بس ماعطيته لأويس لأن ماكنت متعودة عليه ولا اخدة راحتي معه لسا ولما شفت أوس مو حاطته وقتها طلعت وجبته لأويس لحتى فرق بينهن .
شيفاي : ااه ..
"صوت أويس جاية من بعيد قطع حديثهن .."
شيفاي : أويس اجى ... رايح لعنده انا.
ميلا : لحظة احكيلي شو كنت بدك مني وليش جبتني لهون .
شيفاي : مافي وقت هلئ بعدين بعدين .
~~بااااا🔙ااااك ~~
نفض الافكار من راسه وابتسم وهو يتذكر الموقف .
أويس : ليش بتبتسم لحالك .
شيفاي : ولاشي تذكرت شغلة ... ايه ايمت طيارتنا .
أويس : بكرى الساعة 1 بعد نص ليل بدنا نكون بالمطار الاقلاع 3 .
شيفاي : مابعرف ليش حاسس هالسفرة غير .
أويس : من اي ناحية .
شيفاي : ولا شي انسى .
أويس : ايي صح خود معك شي يصحي ميلا من فقدان الوعي .
شيفاي : ليش عم تفاول هيك .
أويس : اختي وبعرفها لأن .
شيفاي : شو اخبار أوس ماعم شوفه .
أويس : أوس اهلي لما بدهن يشوفوه بحطوني تمثال جنبهن ليعوضوا عنه لأن ماعم يجي عالبيت كل يومين تلاتة يجي يستريح وينام من العيادة للمشفى والعكس كمان .
شيفاي : ليش هالقد هالك حاله .
أويس : هو حكالنا من شهرين عندكن شهرين جايين مارح تشوفوا وجهي شبعو مني من هلئ هاد من طبيعته بجمع كل العمليات سوا بيتعب شهر شهرين ويستريح تلاتة .
شيفاي : جيبو كاترين لعندكن بيجي ركض .
أويس : لكك حتى على اجتماعات العيلة الموجودة فيهن كاترين ماعم يبين بس هي فترة وبتمضى على قوله انو خلص الضغط عنده ومعد يعجق حاله هيك لان اكتسب كمية كبيرة من التعب .
شيفاي : معه حق .
___^_^
(بالاجتماع كنان عم يشرح للموظفين عالمشروع وكاترين واقفة جنبه سحبها لجنبه وحاوط كتفها بأيده وكمل تأشير وشرح عن المشروع وهو محاوط كاترين ما اهتم ابدا للموظفين ولا لإيلاف اللي قاعد يتزوره ) .
كاترين : شيل ايدك عني.
كنان : مستمتع بوجودك جنبي .
كاترين : مارح اهرب ليكني جنبك .
كنان : لا ياقلبي مو مشان تهربي مشان شي تاني .
كاترين : لاتقلي قلبي بتنكرزني هالكلمة انا مالي قلبك انا قلب حدا غيرك .
كنان ( قرص كاترين يسكتها ) : هل الحدا التاني اياكي تجيبي سيرته جنبي لأن مارح يكون في من اصله .
كاترين : ليش بتخاف ما انا اول عن اخر بدي كون على اسم حدا يكون بيعشقني ويموت فيني .
كنان : كاترين سكتي انتِ شايفة هاد الوقت المناسب لهيك حديث .
(قال كلامه وكمل شرح وتوزيع مهام عالموظفين وبقي يتفاهم معهن وخبرهن عن التفاصيل وكاترين منغاظة منه وعم تحاول تبعده عنها كل شوي وشوي بس هو مو راضي يفلتها منو )
___•_•
(بعد الاجتماع رجعت كاترين على مكتبها حاولت تشتغل بس ماقدرت كل ماتجي تحرك الماوس تتذكر كنان اليوم شالت حساب لإيلاف ومشاعره كتير والوعد اللي عطته ياه بس كالعادة قطع تفكيرها كنان لما طلب منها تجي لعنده مابيقدر مايتركها لحالها تفكر وتسرح بخيالها على راحتها شي مرة )
كاترين : نعم استاذ طلبتني .
كنان : كاترين بدي اعتذر منك على ردة فعلي اليوم .
كاترين : ياريت اقدر اقبل اعتذارك بهل السهولة هي .
كنان : المعنى ؟؟
كاترين : انا مشكلتي معك صارت اكبر من انها مشكلة الشغل او حتى انك جرّحتني وهنتني بالكلام من قبل او سواءً اللي صار اليوم بس خلص لهون وبس .
"كاترين تركت كنان وطلعت من المكتب ... طلبت الاصانسير وطلعت فيه بس هو لحقها ووقف الاصانسير " .
كاترين : كنان طلاع من الاصانسير وتركني امشي .
كنان : ناوية اتركك تمشي كرمال تعملي حادث متل هدليك المرة .
كاترين : برافو والله طلعت بتعرف انو الحادث بسببك ... شغل الاصانسير يا اما بعدلي اطلع منو .
كنان : احكيلي بالمنطق شبك بس .
كاترين : تعا اشرحلك وشبهلك لمجال شغلك كونك عندك الشغل نمبر ون بحياتك تخيل معي بناية من الناحية الانشائية مو تمام او هي من الناحية الانشائية مصممة بطريقة لتستحمل عدد محدد من الطوابق تماام ؟؟؟!! ... وجيت انت تزيد عليها طابق وراه طابق وطابق وراه طابق هي حالتها مابتسمح رح يزيد الوزن والحمل عليها رح تتحمل وتتحمل وتنضغط لدرجة بالاخير مو قادرة توقف صامدة وهوووب مابتلاقيها الا انهدمت هي كانت بتقدر تكفي وماتوقع بس اذا تحملت شي بطاقتها تقدر تتحمله بس الشي اللي تحملته مو قدرتها... كنت ممكن تزيد عليها طابق بس تقدر تتحمل بس انت زدت كتير طوابق وهي هيه التراكمات اللي عم تصير معي فهمت عليي موقف وراه موقف تراكم وراه تراكم هييك حتى سببو حمل تقيل لما تجمعوا كلن سوا وانا هون معد قدرت اتحمل موقف واحد زيادة انا هون خلص تشتت وتمزعت انت مارح تشوفني بس هاد الشي داخلي أثر عليي كتير بطريقة بشعة .
كنان : كونك حابة تخلطي مجال الفلسفة والهندسة سوا رح احكيلك بطريقتي ...عندك قدرة عالتخيل .. لما تجيبي بناية تصميمها بالحداثة والتطور واضح لدرجة اي حد يشوفها يقدر يقول عنها مصممة بطريقة عجيبة بتبهر الناظر تماام ؟؟ بس لما انتِ تجيبي حدا مو أمين ولا صادق يكون مسؤول عن الناحية الانشائية فيها هو رح يشتغل ورح ينفذ وتوقف البناية بمكانها وتكمل عادي بس هي شكل بس ..يعني معها مدة وبسبب اساسها الضعيف رح تنهدم وهاد الشي بسبب غدر وخيانة حدا هالحدا ماسأل على البناية ولا على اللي ساكنين فيها شو ممكن يصرلهم اذا وقعت او اختلت بسبب غلطة منه تماما نفس لما يكون حدا عنده ثقة عمياء بحدا ويجي هالحدا يغدر ويخون اللي عطاه الثقة شايفة اللي انغدر شو بدو يصير فيه بدو يتعب ويفقد الثقة بكل اللي حوليه وينهار بالاخير تجي بدك تصلحي وترممي بالبناية معد يمشي الحال لأن كان التخريب صايبها بالأساس وكمان هيك الانسان لما يصيبه تخريب بالقلب نفس التخريب بأساس البناية بسبب حدا خوان قادرة تتخيلي الموقف انا كنت تماما هيك صابني الوجع بقلبي وجع القلب بيهدم وبموت وبشتت ويحرق كمان .
كاترين : يلاا معناها اذا مو الحق علي ولا عليك يبقى الحق على مين .
كنان (بعصبية ) : كاترين ليش ماعم تفهميني حاولي تفهميني انا شفتك بعيني عم تحضني شب وكنتي قبل مخبرتيني انك بالبيت فجأة هيك بتكوني بالمطار عم تاخدي شب بالاحضان بعدين بتحضري حفل انتِ وهو وبترقصوا سوا ... تاني يوم بتروحي على بيت شب برا المدينة وتبقي عندو كم ساعة وبعدين ترجعي شو بدك مني فكر بعد كل هاد .
كاترين : كنت عم تراااقبنيي كنان كنت من كل عقلك عم تتعقب كلشي بعمله ... معقول ماعندك ثقة فيني لهالدرجة .
كنان : انتِ جبرتيني اهمالك وكذبك هو الجبرني .
كاترين : اوك مانك مضطر تقعد تحكيلي بعد كل هالمدة.... اطلع منيح حوليك نحنا وين يا استاذ المكان من بلور وكاشف كل الشركة والشركة كاشفتنا هلق الموظفين بينتبهوا علينا .
كنان (بعصبية ونبرة عالية ) : حاج تقوليلي هلق بشوفونا وهلق بيفهمونا غلط كل مرة بتحاولي تهربي حالك بنفس الأسلوب... هي شركتي وكل مكان فيها ملكي وماني مجبور برر تصرفاتي لحدا بدن يفهمونا غلط مشكلتن مو مشكلتي بس انا مارح اطلع من هون قبل ما حل هالخلاف .
كاترين : خلاااف ؟؟!! اي خلاااف هاد ... انت برأيك كل يلي مرينا فيه مجرد خلاف صغير انت بتذكر شو قلتلي لما تركنا بعض وقت كنت عندك بالمكتب قلتلي علاقتنا انتهت ومستحيل تتقبلني اكتر من صديقة وحتى صديقة بجوز ماتقدر تتقبلني ... فا عن اي خلاف عم تحكي بالضبط جاية هلق بدك تصلح بعد ماكسرت قلبي لكككك مو بس قلبي انت كسرتني كسرة كاترين انا صرت غير انقلبت لدرجة كبيرة .
كنان : انا خبرتك انك مارح تصيري صديقة لأني ماقدرت اتقبلك غير النص التاني الي بكمل كنان .. ممكن تقولي عني مجنون وبحب السيطرة ايي انا بحب السيطرة عالشغلات اللي بعتبرها ملكي انا وبس وماحدا بحقله يشاركني فيها .
كاترين : انا ماني ملككك (صارت تخبط عالبلور وكبست على جرس الانذار فكرت كنان مارح ينتبه لانها بتخبط من عصبيتها عالبلور ) فتحلي عم قلك بعد من طريقي .
(قرب كنان من كاترين وباسها من شفافها بس هي بعدته عنها ) .
كنان : افهميني او حاولي تفهمي موقفي مو اكتر عم خبرك اني شكيت فيكي بوجود دليل مو من لاشيء قررت انك خاينة .
كاترين : ماعم اعرفك عنجد ماعم اقدر اعرفك انت ماكنت هيك لما تعرفت عليك كنت حدا رايق ومحترم عندك طريقة بالتعامل بتفرض شخصيتك و احترامك على غيرك .
كنان : انا ماتغيرت واذا انتِ هيك شايفتيني فمشكلتك.
كاترين : ممكن تكون ماتغيرت بس معي كتير متغير مو شوي .
كنان : هالقد بهمك اذا تغيرت عليكي .
كاترين (قلبت عيونها ) .
(كنان رجع قرب منها اكتر )
كنان : نفس العطر ماعم تغيريه من وقت تخرجك.
كاترين : شو دخل العطر بحديثنا .
كنان : هاد مثال اني بهتم لأدق التفاصيل بحياتك والمتعلقة فيكي بس مو شرط اظهر هالشي دائماً.
كاترين : ياريت بتكتم عصبيتك وبتضبط تصرفاتك قد مابتكبح مشاعرك وبتتصرف باستفزاز .
(كنان قرب اتجاه كاترين وسرق بوسة من شفافها ).
كنان : غلطانة بقصة بضبط تصرفاتي او بكبح مشاعري ...ليكني ماقدرت هلق .
(جالت كاترين بنظرها عالشركة شافت الموظفين متجمعين وعم يطلعوا عليهن )
كاترين :مستمتع بالعرض المسرحي ... حابب الجمهور المتجمع حوالينا هيك .
كنان : شكلنا مطولين هون .
(شغل الاصانسير ونزل فيه شال كاترين بين ايديه وحملها ومشي ليطلع برا الشركة ...كاترين عم تتخبط برجليها وتخبره يتركها .. بس مافي فائدة وهو مو راضي يسمعها ... ايلاف كان من ضمن الموظفين المتجمعين ).
كنان (حامل كاترين وهي تتخبط بين ايديه وماشي فيها متجه لبوابة الشركة ) : ايلاف انا مالي راجع عالاجتماع توكله انت .
ايلاف : شو عم يصير لووين .
كنان : بعدين بعدين .
ايلاف : شو حكينا كناان .
كنان (عم يحكي وهو ماشي وحامل كاترين ومتجاهل نظرات الموظفين وتهامسهن ) : ماتخاف كلشي تحت السيطرة في عندي اجتماع مع المتعاقدين معهن لمشروع البرج التجاري خود محلي انت اليوم .
كنان (يهمس لكاترين ) : حاج تلعبطي متل السمكة اللي عم تموت منظرك مو حلو جنب الموظفين .
كاترين : ريتو نقص لساني ولا وافقت لما حكالي إيلاف ابقى اليوم .
(كنان سمع كلام كاترين وصار يضحك مشان الموظفين مايحسو بشي غلط كاترين شافته عم يستفزها هيك شافت حواليها الموظفين ولما شافت موظفات الشركة يطلعو عليها وهنن منغاظين ركت راسها على صدر كنان تجاكرهن اكتر ) .
"وصل للسيارة ركبها جنبو ومشي فيها " .
كاترين : لوووين آخدني .
كنان : خبرتك بدنا نلاقي حل للخلاف بس انتِ مو رضيانة تسمعيني وعيطتي وصرختي بالشركة ولميتي علينا الكل .
كاترين : انااا يلي عيطت وصرخت ولا انتت يلي طلعت معي بالاصانسير وووقفته معلق بالهوا بين الطوابق وجاي بدك تحكي معي بعصبية وبدك ياني اسكت واخرس خبرني مين يلي لم الموظفين انا ولا انت بتصرفاتك الغير واعية .
كنان : عم تستهبلي على عقلي كاااترين زر الانذار لما كبستي عليه مابقي موظف ما اجا على صوته .
كاترين : موظفين منحاذين لمديرهن مافكروا يكون صايرلنا شي وما حدا قرب حاول يطلعنا ولا شكلهن متفقين معك او بخافوا يقربوا اذا ماسمحتلهم كرمال ماتفصل حدا من الشغل .
كنان : طبيعي مين في براسه عقل و يدخل بين عاشق ومعشوق و موقف الاصانسير فيهن .
كاترين : لكككك من شوو انت موو طبيعي ...مشان هيك صرت تقرب مني وبستني كرمال ماحدا يقرب يساعدنا ويعتقدوا قصدا موقفينه .
كنان : بالضبط .
كاترين : لكك وانا كبست من هبلتي قلت حدا يفكر في شي ويجي يشغل الاصانسير ويفكره معطل كيف قدرت تقلب كلشي لصالحك .
كنان : حركتك هي قربتني منك مابعدتتي وانتِ افتكرتي بحركتك العكس بدو يصير ياحراام..
لأن ببساطة اول ما اجت ايدك عالزر انا قربت وخطفت بوسة منك بس انتِ بعدتيني ويلي بشوفنا مارح يعرف انك عم تكبسي عالزر بقصد حدا يجي ويطلعك يلي بدو يشوف شكلك ياحلوة بدو يقول انك كنتي عم تبعديني لتاخدي نفس واجت ايدك بالغلط عالزر ...ومين ح يقدر يدخّل بين تنين حاضنين شفايف بعضهم وخاصة اذا كان مديرهم واحد منهم .
كاترين :لكككك انت شووو مابتستحي عم تقول هيك عادي وعم تتفاخر بانجازاتك... بصفقلك على سرعتك بالتخطيط والتنفيذ عنجدد ... عم تثبتلي كل مرة اديش انت حدا ذكي ... عنجدد بتاخد اوووسكااار بالندالة .
كنان : ممكن توفري شوية طاقة لبعدين وحاج تحكي وتتخبطي لأنك صرتي تخبصي بالكلام وانا مابضمن ابقى صابر على كلامك .
كاترين : ايمت بعدين مثلااا ...خدني على بيتي .
كنان : وقت تقرري تفكري بعقلك برجعك على بيتك .
كاترين : بفهمم منك خاطفنيييي .
كنان : بس اذا بدك تكوني حرة هاد الشي براحتك ايمت مابدك بصير بس بشروطي .
كاترين : شرووط !!! .
كنان : خبرتك وقت يرجعلك عقلك بترجعي .
كاترين : صدقني انا اذا بكمل معك هلق بأكدلك بفقد قواي العقلية كلها وممكن اتحول لشي مجنونة تكسر وترمي اي شي يجي بوجهها .
"كنان رفع صوت الاغاني بالسيارة وصار يغني معهن ومو مهتم لكاترين وهي انغاظت اكتر ونفسها تقوم تنتفه ".
(طول الطريق بقيت كاترين ساكته عرفته رايح على بيته ... وصلو للبيت ) .
كنان : انزلي من السيارة .
كاترين : ماني نازلة خدني على بيتي بكون ممنونة لطفك .
كنان : مافي بيتك خلص صرنا هون ...هلئ بتنزلي يا جاية احملك انا .
كاترين : لا شكراً مالي كتير قاتلة حالي لحتى تحملني بين ايديك وشوف لمستك الرقيقة وانت حاملني وشايلني... بعرف الطريق لحالي .
( دخلو عالبيت لجوا وكاترين لما شافت البيت تذكرت لما قلها بدو يتزوج ومستعجل بدو يخلصه ) .
كاترين : سؤال يطرح نفسه ليش بعدك لهلئ ناطر وماتزوجت بعد ما كنت قاتل حالك لخلصلك ديزاين البيت حتى تتزوج بأسرع وقت ممكن .
كنان : لسا بعد عندي وقت قررت ضيف عالبيت قطعة ارض جديدة وبدي تساويلي ياها .
(كاترين كأن كانت بالون وطقت لما سمعت هالكلمة وصارت تحكي وتعيط عليه ) .
كاترين : كنااان موو تحلم مو تحلم ارجع اعملك عش الزوجية متل هديك المرة بأيدي خليتني ارسمه وصممه انا حافظة كل جزء صغير فيه اكتر منك متخيل فكرة تصمملي بيتي انا وحبيبي اللي بدنا نتزوج فيه ونقضي فيه حياتنا ونعيش حبنا فيه بايدك انت متخيل كناان جاوبني .
كنان (بعصبية ) : كاترين انا غيير لاتخلطي الأمور ببعضها ومارح اسمح لهيك موقف يصير اصلاً.
كاترين : ليييش لكك ليييش دائماً انت اييه وانا لاااء جاية تحاسبني على غلط ماعملته على علاقة بيني وبين وسيم ماصارت بس انت بنيتها بتخيلاتك وافكارك .
كنان: قدري موقفي كاترين قلتلك ماكنت بعرف انو بيقربك بعدين حتى لوو بيقربك مابصير تخبي عليي قصة انك رايحة تجيبيه من المطار وحتى تعاملك معه ماحدى بشوفكن وبقول غير انكن بتحبو بعض .
كاترين : لككك هاد رفيق طفولتي متل اخيي جاية تحاسبني على طريقة معاملتي معه .
كنان : خلص كاترين مشي الحال .
كاترين : مشي الحال ؟؟؟!!!! مشيي الحااال بعدد شوو لكك فهمني بعد شوو اذا جاية هلق وناطر مني سامحك فاعذرني مارح اقدر اللي انكسر صعب يتصلح .
كنان : اللي نكسر مانو غرض والمكان المتألم بقلبك خلي اللي ملك قلبك يداويه .
كاترين : مافي حدا ملكه لقلبي لسى .
كنان : بس انتِ ملكتيه لقلبي ...كاترين انتِ ما عندك ادنى فكرة اديش صعب حدا يدخل قلبي.... بفترة دراستي هون او ايطاليا شفت كتير بنات ماقدرت وحدة تسرق قلبي حتى كان عندي قناعة اني مارح حب حدا ومابدي اسمي بيوم من المستقبل يرتبط فيه اسم بنت ... لأني ببساطة لما كون قاعد مع بنت بقدر من عيونها افهم شو عم تفكر فيني ماشفت لهلئ ولا عيون صادقة بمشاعر اتجاهي متل عيونك .
كاترين (مقاطعة كنان ) : موو صحح ع...
كنان (قاطع كاترين لما حكى وزاد من صوته) : قد ماحاولتي تكذبيني بكلامك بس بعتذر منك مارح صدق غير كلام عيونك لأنهن مابيقدرو يكذبو اوو بتعرفي ممكن يكذبو عالكل الا عليي بتعرفي انو الحاسة السادسة اللي عندي قراءة العيون ومافينك تخدعيني بهل القصة .
كاترين : تفضل لكن خبرني شو عم يقلولك عيوني هلئ .
كنان : انا قنعتك بكلامي بس كرامتك مابتسمحلك تتنازلي عن موقفك بهالسرعة هي .
كاترين نصدمت من كنان كيف قدر يقرأ افكارها هيك وصارت تحاول تهرب عيونها منه .
كاترين : بيأسفني قلك غلط كلامك .
كنان : ليش عم تهربي عيونك مني رجعي عيدي كلامك بس وانتِ بتطلعي فيني .
كاترين : خبرتك انك غلطان وفهمت عليي مابدي ارجع عيد المهم الفكرة وصلتك .
كنان : طب عندك الجرأة تقربي مني هلئ وتطلعي فيني وتقوليلي بكرهكك اذا صار وقدرتي انا بسمحلك تطلعي من هالبيت فورا وشغلك بالشركة بتعتبري حالك كأن ماكان وكلشي شروط جزائية مترتبة عليكي كأن مانكتبت بالعقد ومعد تشوفيني او تلمحيني حتى بالصدفة وكلشي بيناتنا ماكان ولا صار وبتعتبريني متل نسمة هوا وعدت عليكي من غير اي أثر .
(شعور انك تفقد الشخص اللي بتحبه وتنقطع علاقتك فيه وتوصل معك لفكرة انك صرت شبه مستحيل ترجع تشوفه او تلتقي فيه وحده قادر يقلب الموازيين ويخليك تتخلى عن كرامتك ومبادئك وممكن تغير مسار مفهومك للحياة حتى ماتفقده ... شعور الفقدان ابشع شعور ممكن تعيشه بحياتك بتكون عايش بس جسد بلا روح )
"كاترين قعدت بين خيارين والتنين اصعب من بعض اما تحافظ على كرامتها وتدعس على قلبها وتنسى شي اسمه كنان بالحياة وكل تفصيل صغير جمعها فيه رغم انه هالشي صعب كتير او العكس تحافظ على قلبها من التشتت وتدعس على كرامتها وتستغل الفرصة اللي اجتها من كنان لانها ماعاد تتكرر مرة تانية " .
(قربت كاترين بخطواتها اتجاه كنان حتى التقت عيونها بعيونه )
كاترين : ثم قالوا لها : فماذاا لو عاد معتذرا .
فأجابت بصدر رحب وعيناها تلمع : لقلت له اهلا وسهلا حللت اهلا ووطئت سهلا فماعاد قلبي بفقدانك قلباً كما عهدته سابقاً بل بات كتلة رماد مزعجة موضوعة بين أضلعي تسبب لي جميع اشكال الألم .
كنان (والبسمة تمركزت بمعالم وجهه ) : فأجابها بقلب يخفق وعيناً كاد لدمعها ان يصبح مرئياً لها : ف واللهِ لأخبئنكِ بين اضلعي ولأحميكي من نفسي قبل ان احميكي من العالم ولأضع فيكي ثقةً عمياء ماوضعتها في نفسي قط ولأتخذ منك ملجأ الأمان والحنان ... بحبك ياقلب كنان انتِ .
(الضحكة عانقت وجه كاترين ... وكنان شالها من خصرها بين ايديه وفتل فيها ... بعد مانزلها لف ايديه على خصرها وصار يرمي نظراته على شفاف كاترين ) .
كنان : ممم بتسمحيلي اخد بوسة من هالشفاف اللي واضح عليهن عسل ولا بدك تعيطي فيني وتقوليلي بعد مت..
(قربت كاترين من كنان وماسمحتله يكمل كلامه لان كانت طابقة شفافها على شفافه تجاوبه على سؤاله ... كنان ماتوقع تكون ردة فعلها هيك وبس شاف استجابتها شدها ناحه اكتر وغرق معها... بعد عنها وحكى ) .
كنان : مابتكمل فرحتي غير بشي واحد بس .
كاترين : شو لسا .
كنان : بكرى جاية اطلبك من اهلك الا اذا كان عندك مانع بغير رأي .
كاترين : ييي شو تغير رأيك بتشرف انت واهلك بس شو مشان اهلك كانو معترضين على علاقتنا .
كنان : ماتهكلي همهن بكرى يعني بكرى ... وهلئ بدي تروحي تجهزيلي حالك لبكرى وتخبري امك اما ابوكي تركيه عليي.
" اتصل أُبي فجأة على كنان وخبره عاوزه ضروري ومابيقدر من دونه كنان انجبر يترك كاترين ويروح لعند أُبي "
_____
بشركة فخمة كان موجود أُبي وجود ويحيى ورأفت وكنان ...
رأفت : بس نحنا جايين نقعد معك صفقة رابحة لالنا والك .
..: بس انا هون المدير بس ماني المدير بشكل مباشر .
يحيى : نعمم كيف بتعربلنا هالحكي .
...: يعني الشركة مو اللي وفي الها مالك بس هو مشغول وسلمني ادارتها .
رأفت : وينه هالمدير هلئ .
" مع جملة رأفت التف جود وأُبي وكنان حول المدير واقفين بكل ثقة ومكتفين ايدهن "
" يحيى مستغرب تصرفهن اصلاا مستغرب من وجود كنان "
كنان : يسلم ايديك فيك تطلع انت .
المدير : تكرم استاذ .
(صدمةة تمركزت واحتلت معالم وجه يحيى ورأفت شو يلي عم يصير اشارات استفهام كتيرة تدور براسهن)
رأفت : شوووو ؟؟؟؟؟!!!!
كنان : بعرف انكن مندهشين بس صار لازم تعرفو انو هالشركة بدل المالك الها 3 .
جود : كناان وانا وأُبي .
أُبي : ماتستغربو بس انتو دفعتونا لنعمل هيك .
يحيى : شوو هالتخبيص انا بحلم ولا حقيقة شو هالعلاك هااد .
رأفت : معقول هاد الشي اللي عملتوه انتو بتعرفو اديش خسرنا من وراكن ونحنا كل مرة نخسر جنبكن وانتو ساكتين ما تاري انتو السبب .
يحيى : في حدا بشوف ابوه بيوقع شوي شوي وهو بغرقه بزيادة ؟؟؟.
أُبي : انتو جبرتونا جبروتكم وعنادكم هو اللي خلانا نتفق ضدكم نحنا صح خسرناكن مرة بس كنا منحاول نرجع علاقتكن سوا .
رأفت : كنان انت من ايمت بتفكر بشغل السيارات مو على طول بتقول الهندسة وبس لما كنت قلك تعا اشتغل معي .
كنان : انا بس كنت مشارك بفلوسي والشغل والترتيبات كله على جود وأُبي .... جود وأُبي معلش تتركوني معهن لوحدنا .
جود وأُبي : اوك .
(طلع جود وأُبي وبقي بغرفة الاجتماع يحيى ورأفت وكنان ) .
كنان : بتمنى انكن تعتبرو الشي اللي عملناه لمصلحتكم مو لتدميركم ومافي حدا بيقبل يكسر ابوه او يهون عليه بأبوه بأي ظرف كان عم يتعرضله ابوه فكيف لو كان هو السبب .
رأفت : والزبدة عندكن انكن تجمعونا والله وبرافو عرفتو تخططوا وتنفذوا ماعم صدق هيك بيطلع من ولادي .
كنان : بابا بتمنى تنسى وانا خبرتك ماكان الهدف نضركم اما انت عمو كمان الحكي موجه لأبي والك نحنا كلشي عملناه لمصلحتكم واذا كنت راضي عن موقفنا ومتفهم ليش عملنا هيك بتمنى تستقبلونا بكرى لنطلب ايد كاترييين .
يحيى : بس يا ابني الغلط مابيتصلح بغلط وطريقتكم كانت مو حلوة .
كنان : بس بالنهاية قدرنا نطلع بنتائج مرضية .. وماخبرتني اذا موافق طبعاا بعد رضى ابي .
يحيى : اذا رأفت موافق انا موافق .
رأفت : خلص وانا موافق .
كنان : واخييراااا نشالله بكرى منكون عندكن مو هيك بابا .
رأفت : ان شاء الله .
كنان : طالع نادي للشباب اللي قلعتن .
( بعد مارجعو جود وأُبي وعرفوا بالخبر كتير فرحو انو قدرو يجمعو العيلتين سوا ) .
جود : وهي الشركة كانت الهدف انو نجمعكن اما هلئ فمالها داعي ورح نبيعها .
يحيى : لا يا ابني انتو تعبتو لأسستو اسم ونجحتو فيها كملو فيها وما تتخلو عنها هالشركة قدرت تجمعكن ونشالله ماتفرقكن متل ماصار بالماضي بيني وبين رأفت .
رأفت : كلام يحيى صح ما لازم تستغنو عنها بعد التعب اللي قدمتوه تجو تعطوه لغيركن .
أُبي : خلص هالشركة بتبقى ولاتخافو مارح نرجع نخسركم كان هداك لعب ولاد وهلئ عقلنا .
كنان : الكل يقول عن حاله عاقل الا حضرتك .
( الكل صار يضحك واجواء الفرح مليت المكان ) .
" لما تحاول تهدم حاجز قوي مسبب بعد وجفى بين اعز صحاب هون فعلا انت تعتبر عملت انجاز بحياتك لأن الرابط اللي رح يجمعهن رح يكون اقوى من قبل وبعد وجفى السنين قدر يوضح لكل حدا منهن اهمية التاني بحياته كان البعد مسبب لكل حدا منهن شعور بالوحدة بس ماحدا منهن اتجرأ يهدم او يخترق الحاجز تحت مايسمى الكرامة ولما رجعوا اجتمعوا بغرض الشغل بلش الحاجز ينهدم شوي شوي حتى تفتت بالأخير وعرفو انو الكرامة بترجع لما يكونو سوا ومع بعض مو لما يفترقو "
___
الساعة صارت 7 وشيفاي ناطر بالمطعم ... خلال دقايق كانت وصلانة ميلا .
ميلا : مساا الخير .
شيفاي : مسا الورد .
ميلا : تأخرت عليك .
شيفاي : لا ابدا عالوقت بس انا وصلت بكير ... شو بتحبي تشربي لوقت مايوصل الغدا .
ميلا : عصير فريش .
شيفاي : اوك .
_____^_^
كاروليين : كاترين عنجد عم تحكي ماتكوني عم تعملي فيني مقلب .
كاترين : لككك والله هوو قلي بالحرف الواحد جاايين بكرى يطلبوني .
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```