الفصل 27
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴7️⃣2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كاترين : شكرا .. بقصد شكرا لأنك تفهمت وضعي مبارح وتحملتني .
"الفرحة تملكت قلب كنان والبسمة نرسمت على وجهه بس كان هالشي مو واضح لكاترين لأن كنان كان عاطيها ضهره سمع كلامها ومشي "
___♡_♡______
بعد مرور شهر ونص ...
بالفترة اللي مضت .. الاحداث اللي صارت مع ابطالنا
أويس ....عرف اهله على عيلته اللي كانت بتربيه والعيلتين حبو بعض وصارت علاقتهن قوية ....
أوس .... ميران عم تتدرب تحت ايده وصارت تساعده بالعمليات بالبداية كان متوقع انها مارح تكون قد هالمجال كونه في مناظر وحالات بدها قلب قوي ومو اي بنت تقدر تتأقلم مع هالاختصاص بس مع الوقت انشد اتجاهها لطريقتها وذكائها الواضح... اما من جهته هو وكاترين ف صار عندو كتير عمليات بالفترة الاخيرة وصار لما يجي عالبيت يكون البيت بالنسبة اله متل الاوتيل بس للنوم ويرجع للشغل وكونه كان بعيد عنها هالفترة هي شبه انعدم التفكير فيها وصار ينشد اتجاه ميران كونه عم يشوفها اغلب اليوم وحتى ميران كان فيها شبه لكاترين من ناحية الصفات والجمال .
يحيى ورأفت.... بلشت ترجع علاقتهن متل قبل واللي قدر يجمعهن الشغل والمصالح اما علاقتهن كا اصدقاء شوي شوي عم تنشال عنها القيود ويرجعوا سوا .
كارولين ... علاقتها مع أُبي عم تطور كونه صار في شغل مشترك بينهن واستشارات قانونية بخصوص اشيا بتعرفوها بالاجزاء الجاية .
كاترين وكنان ... ماتغير فيهن شي لارجعو لبعض ولا بعدو عن بعض علاقتهن متل توم وجيري على طول خناق ومشاكل وين ماشافو بعض لازم يكون في توتر بالمكان بسببهم ..
كنان ... سكن ببيته الجديد ... واسمه عم يزداد شهرة بمجال الهندسة .. خبروه اهله اكتر من مرة يرجع عالبيت بس هو مو قبلان وقرر يستقر لحاله بالرغم انه ابوه اجى لعنده هو وامه واخواته واعتذر من كنان كيف كان بشك فيه وانو الحق عليه ... كنان تصالح مع ابوه ونسي كلشي عند اول خطوة ابوه خطاها جوا بيته يعني حتى قبل مايحكي معه بالموضوع بس هو خبرهن عباله يعيش لحاله ويستقر ووقت اللي يشتقلن يرجع عالبيت يقضي كم يوم معهن وبعدها يرجع لحياته .
اماااا وسيم ف هو عم يركض يركض ليقدر يلحق عرض الازياء واللي هوو اليوووم ..
وسيم : اوووه واخيرااا كلشي ترتيبات خلصتها باقي استريح شوي .
كاترين :كيف قدران يجي من قلبك تستريح وانا متوترة هيك .
وسيم : عنجد عن اي رياحة بحكي وحضرتك متوترةة .. لكك انا لازم بوس التوبة ومعد اجي قلك كوني العارضة الرئيسية للحفل .
كاترين : ياريت جداً تراا بتوفر عليي كومة تعب ومستوى هائل من التوتر والارتباك .
وسيم : نفسي افهم ليه هالقد عتلانة هم وقت كنا بايطاليا ماتوترتي هيك .
كاترين : هنيك ماحدا بيعرفني يعني اذا تفشكلت ووقعت وانا عالمسرح مابتفرق معي بينما هون نحنا باسطنبول واذا ما اجت الصحافة من طرفك بتجي من طرف اللي بدن يكشفو اخبار عيلة ابي وغير هيك العيلة اليوم كلها موجودة وبدها تتفرج عليي .
وسيم : يعني بدك تقنعيني انك لما كنتي بايطاليا ماشافوكي اللي هون عال tv والصحافة برضو اللي هون ما تداولت الخبر ...
كاترين : مابعرف خايفة خايفة اتفشكل واوقع .
وسيم : ياهبلة انتِ بايامك العادية بتلبسي كعب مو شي جديد عليكي بعدين العرض اليوم كوبل يعني معك شريكك امسكي ايده منيح وامشي وانتِ واثقة من حالك .
كاترين : ماابدي ليش ماتكون انت شريكي وتمسك بايدي متل هدليك المرة .
وسيم : لا حبيبتي انا مارح اشرب من نفس الكاس مرتين ماصدقت ايمت طويت قصة الصحافة وبعدتهن عن قصة عشقنا اللي مابعرف منين طلعوا فيها بدك ارجع هلئ وافتح بواب على حالي انا بغنى عنها .
كاترين : تراا انا هوون العارضة الرئيسية ماني عصاية مقشة مالها اهمية بالمكان وظهوري مرتبط بظهورك .
وسيم : بعد ما تخلصي انا فورا ح كون بعدك .
كاترين : طبب بهون عليك اوقع قدام كل العالم ااه احكي بهوون ؟؟؟؟ .
وسيم : كاتريين ماتتخيلي شغلات ماحلوة مارح يصير شي معك .
كاترين : طب احكيلك الصراحة .
وسيم : طبعاا لكن شوو.
كاترين : هادا اللي معي ماحبيته ابدااا كتير شايف حالو ونفسية لكك مابينحكى معه وقت البروفا كنت اسحب منه الكلام سحب .
وسيم : سمعو على هالسمعة شو بدك فيه انتِ شو رح تتجوزيه كلهن لفتين على هالمنصة وخلصنا .
كاترين : ماابدي تعا انت او بدلوه .
وسيم : ايفانااااا تعي خدي كاترين من وجهي بدي ارتاح شوي .
(اللي مو متذكر ايفانا من الموظفين عند وسيم بايطاليا وتعتبر مساعدته وكون العرض هالمرة باسطنبول ف وسيم اكتفى بكم موظف من ايطاليا يجيب واللي هنن بيعتمد عليهن ومابيقدر بدونهم ولان عدد الموظفين كان شوي قليل صار في شغل على وسيم اكتر )
كاترين : على فكرة هي الغرفة مخصصة لالي وانت اللي لازم تطلع مش انا .
وسيم : ااه اوك معناها بااي ... رتبي امورك وشيلي افكارك الخنفشارية على جنب .
كااترين : ايفانااا .
ايفانا : نعم .
كاترين : بليز ساعديني بلبس الفستان شكله غريب مو عرفانة كيف ينلبس .
ايفانا : تكرمي .
" فستانها كان كتف نازل على ايدها وتاني طرف فيه قماش بارز عن الكتف لفوق ومن عند الخصر ونازل كان كل نص فيه بيختلف عن التاني يعني نص منه على شكل تنورة قصيرة لفوق الركبة بشبر وتاني نص شكله طويل مع شاحط خفيف من ورا كان طاغي عليه القسم الطويل وقسم التنورة القصيرة ببين بس من قدام "
(لبست الفستان وقعدت انطر وقت العرض ... بلش العرض وانا ناطرة لحالي وسيم ملتهي عم يشرف عالعارضات ويعطيهم اوامر ايمت يطلعو ) .
كاترين : ويينه هااد رح يصير دوري لازم روح لجهة الستيج وهو ماكان يبين خبرته لوسيم ماحبيته غيرلي ياه بس هو مارد .
الشب : ليكني يلا امشي صار دورنا .
كاترين : وينك انت لهلئ .
الشب : ....
"مشيوا اتجاه مكان العرض وناطرين آخر كوبل يخلصو عرضهم ليصير دورهم ... فجأة بتحس كاترين ايد مسكت ايدها " .
..: جاهزةة ؟؟!!.
يتبع ...
البارت الثالث والعشرون
.... : جاهزة ؟!.
(التفت شفت كنان ماسك ايدي ) .
كاترين : كناان !!! شو عم تعمل هون انت ... بلا مزحك صار دوري روح .
كنان : هوسس من غير اعتراض اذا بدك هالعرض يكمل من غير مشاكل .
كاترين : انت مو مدرب لتكون مودل كيف بدك تمشي او تتصرف عالستيج هلئ .
كنان : مو هالمشكلة العظيمة شفتهن كيف عم يمشوا وهلئ بقلدهن بطريقتهم .
اجا صوت وسيم من بعيد ..
وسيم : يلاا كاترين دورك شو ناطرة .
"وسيم ما انتبه على كنان وقت اخد مكان العارض الرئيسي كونه كان مشغول مع ايفانا وقت شاف كاترين ناطرة وماكانت تبين للجمهور استعجلها ولسا ماعرف بكنان لان كان كنان الظاهر منه لوسيم ظهره "
" مشيو كاترين وكنان عالستيج وكاترين خايفة ومتوترة من ردة فعل الموجودين لما يشوفوا كنان "
كاترين : هلئ لما نوصل للاخير لازم تفتلني وبعدين بدي انزل وتهديني على ايدك اللي بدي ميل عليها انتبه توقعني ها .
كنان : هسس شي مرة حاولي تسكتي وماتعبري عن رأيك بالاوقات الغلط .
" لما طلع كنان وكاترين ع الستيج الكل انصدم طبعا الكل متوقعين يشوفو كاترين بس كنان وجوده سبب صدمة للبعض وسيم وقت اللي شاف كنان من عالكميرات انصدم فيه وتوتر لخوفه يعمل شي حركة كنان تخرب عليه العرض .... بس كلشي كان تمام وماحدا من الموجودين شك انو كنان مو هو العارض الرئيسي "
اثناء العرض :
يحيى : من ايمت كنان بيشتغل هيك شي .
رأفت : ماعندي علم انا مصدوم متلك شو عم يعمل عالستيج .
.......
ريتا : يالله شو طالعين حلوين سوا .
شغف : هنن لابقين لبعض ... بس شوفي كاترين حاسستها في شي موترها .
ريتا : بكون من هيبة المكان والاضواء كلها عليها .
شغف : مابعرف قلبي بخبرني غير شغلات بس نشالله يكون هيك .
........
كارولين : اخوك ايمت ناوي يترك اختي بحالها .
أُبي : مابعرف شو بصرله والله .
كارولين : أُبي انا عطول بهدي كاترين بعد ماتكون جاية وعم تندب وتبكي بسبب عمايله البنت فرطتت وهلئ جاية يطلع معها ليش هيك دائما بيطلعلها بكل مكان .
أُبي : طب مين قلك هيك بجوز هي بتعرف بوجوده اليوم .
كارولين : لا مستحيل كاترين كانت دايما تحكيلي عن عارض الازياء اللي ح يكون معها وكيف شايف حاله ومابينحكى معه ..
أُبي : وبركي هالعارض كنان بس ماحكتلك اسمه .
كارولين : لاتصف جنب اخوك يعني اذا بتريد لو كان الحق معه كنت بقيت بصفكن مو بصف اختي بس هو دائما بحاول يستفزها ومابيتركها ترتاح ولو كان كنان هو العارض كاترين كانت حكتلي هي مابتخبي عليي هيك امور ... وعالحالتين رح اعرف لما احضر واكيد مارح تحط حالها بهيك موقف متل هلئ .
أُبي : شبكي لح تعصبي ماقصدي اوقف معه كنت بحط احتمالات واتوقع مو اكتر هلئ خلينا نغير السيرة ماحلوة هيك بأخر كم دقيقة من العرض قاعدين بنتناقش ومنعلي صوتنا جنب الحاضرين .
كارولين : معك حق خلص طويت السيرة .
.................
" بعد الحفل كاترين عم تمشي بين الممرات وتهرب من كنان .
كنان : كاترين ليش هيك مستعجلة .
كاترين : كنان اذا بتريد مو عبالي شوف وجهك ابدااا اتركني بحالي وروح .
كنان : مارح اتركك قبل ما احكي معك .
كاترين : قلتلك ماا ..بد...يي..
كنان : منين جايبة كل هالقوة تركضي بالكعب .
كاترين : لما الفريسة تكون بدها تأنقذ حالها من المفترس بتتولد جواتها طاقة كبيرة بس كرمال تهرب منه .
" كنان قدر بالاخير يوصل لعند كاترين وشدها من زندها " .
كنان : يمكن حكيتلك من قبل شي الف مرة اني مابحب التجاهل ولا بحب حدا يتركني ويمشي وانا بحكي .
كاترين : بس اناا ماني حداا انا كاترين وشيل ايدك عنني تركني امشي .
كنان : مشان ترجعيي تهربي ؟؟!! .
كاترين : مارح اهرب وصلت لناح غرفتي اكتر شي بقدر اعمله ادخل واقفل على حالي الباب .
كنان : رح اتركك تروحي وين بدك بس بدي احكي معك و بعدين امشي براحتك .
كاترين : لكك شو بدك تحكي كرمال الله .. حدا لكن بيعمل عملتك وبيقعد بدل العارض الرئيسي بالمناسبة وينه هدلاك وين اختفى .
كنان : انا ماني حدا انا كنان هي اولا اما تانيا خبرتك يابيكمل هالعرض معي يا اما مافي وانا سبق وقلتلك مافي تشاركي فيه بس انتِ ماسمعتي كلامي وكل مرة تتأفأي وترفضي .. اما هدلاك العارض بكون هلئ عم يعيش احلى اجواء بقلب الطيارة وبكون بقمة سعادته لأنه رايح سياحة على انجلترا .
كاترين : لاتحكي انك كنت متفق معه من قبل .
كنان : لامارح احكي لانك حكيتي وريحتيني .
كاترين : لكككك انت شووو تركيبة عقلك ماعم اقدر افهم عليها ، اخر مرة بحكيلك اترك ايدي مارح اهرب .
كنان : اوك تركتك .
كاترين : وبعدين منين جبت التياب انت وكيف لبست متله .
كنان : اكيد بتعرفي وسيم والهوس اللي عنده انو يصير شي غلط ويخرب شغله فكيف لو كان هالشي عند العارضين الاساسين كرمال هيك بيعمل بدل القطعة قطعتين وانا كنت صاحب نصيب القطعة التانية .
كاترين : مستحيل انت تعرف هيك شي عن وسيم اكيد هداك اللي شتريته بفلوسك هو خبرك و انا رح خبر وسيم عن هالخاين .
كنان : ليش بتحبي تتعبي نفسك بامور مشي حالها .
كاترين : ما..
قطعت كلامها ايفانا .
ايفانا : كاترين وسيم خبرني خبرك انو بعد ماتغيري فستانك لشي مريح اكتر ماتطلعي من هون لحالك لان كالعادة الصحافة فورا رح تستلمك وتتجمع عليكي ف انطريه بتطلعوا سوا من هون ، بعتذر قطعت عليكي كلامك بس كنت مضطرة خبرك قبل ماتمشي .
كاترين : اوك ماشي.
" التفت كاترين على كنان شافته فتل ضهره ومشي " .
كاترين : وقف لاتنسحب عم احكي انااا ليشش مشيت قبل ما كمل كلامي .
" كنان اتجاهل كلامها ومشي " .
كاترين اتجهت لغرفتها فورا بعد ماكنان اتجاهلها ومشي .... غيرت فستانها لشي مريح اكتر ونطرت وسيم "
كاترين : ياربي لايمت بدي ابقى ناطرة حضرة جنابه صرلي نص ساعة هون .
وسيم : ليش مابيطلعلي تنطري العمر كرمالي .
كاترين : ليش لتكون حبيبي وما عندي خبر .
وسيم : ليش مابتعرفي اننا مرتبطين نحنا .
كاترين : شبك وسيم شو عم تخبص ضرب عقلك بعد ماخلص العرض .
وسيم : لا ابدا انا جد بحكيكي نحنا التنين المتعارف علينا بايطاليا اننا حبيبين وهلئ كمان اذا طلعنا لوجه الصحافة هيك رح يكون كلامهن وكلشي اسئلة عندهن بهل الخصوص ورح ينسوا العرض حتى .
كاترين : شبك انت مو على اساس سكرت عالسيرة بايطاليا ومعد في شي .
وسيم : طيب يا ستي عندهن سكرنا السيرة وقفلنا عليها سواء كان عن طريق المحاكم برفع قضية عليهم بالتشهير او رمي اشاعات بتخل براحتنا الشخصية او سواء كان عن طريق دفع المصاري مو مهم المهم عند بعض العالم وبعض الناس المفتكرين اننا مرتبطين وعايشين قصة حب ويمكن خاطبين حتى .
كاترين : ماعم افهم عليك يا انت كتير عم تتفلسف يا اما كلامك فيه فلسفة زايدة بس الشي الاكيد انو الفلسفة زايدة عندك حكيني منيح وحاج تتفلسف عليي شو قصدك .
وسيم : العارض الرئيسي هيك مفتكر .
كاترين : ميين هاد الخاين وحدو ستمية جهنم يفتكر اللي بدو اصلا انا بدي احكيلك عليه وشو عامل وليش هالخاين ترك العرض .
وسيم : شيليني منو لهداك بالعكس مازعلت منه انا بقصد كنان .
كاترين : مازعلت منه عنجد عم تحكي كان ممكن يخربلك العرض بعملته ... ويت ويت شبه كنان؟؟...
" سكتت كاترين شوي تستوعب كلام وسيم حتى فهمت عليه شو بيقصد "
كاترين : وسيم عمم تمزح اكيد ،اكيد مو الشي اللي تخيلته بعقلي موو ، كنان... كنان مو مفتكرنا سوا صح .
وسيم : اذا بدك حتى هو مفتكرك من لما كنتي على علاقة معه انك كنتي بتخونيه معي .
كاترين : وسيم شو عم تخبص مين حكالك هالتخبيص .
وسيم : شفتي هلئ لما تأخرت عليكي .
كاترين : شو دخل تأخيرك هلئ .
وسيم : مابعرف اذا خبرتك من قبل بس ايلاف هو اشتغلي شركة ايطاليا هو ورفيقه وانا كل مابعمل عرض ازياء كنت اعزمه هو ورفيقه وهو لانه هون باسطنبول فكمان دعيته ولما شفت كنان طلع معك عالستيج انصدمت وبطريقي لعندك .
كاترين : اختصر وسيم .
وسيم : شافني ايلاف و حكالي كلشي بعد ماشاف كنان شو عمل اليوم .
كاترين : شو حكالك كلشي ليش شوفي .
وسيم : مو مهم المهم انو كنان مفتكرنا مرتبطين .
كاترين : انوو كيف هيك ياربيي .... وانا بقول ليش كل ماتجي سيرتك بينقلب وبصير عصبي وبس بده يخلق مشكلة .
وسيم : مابعرف بس اذا بدك قعدي معه واسأليه ... عن الفكرة اللي اخدها اتجاهنا .
كاترين : هدلاك الكائن مستحيل اقعد اتفاهم معه خليه على تفكيره واصلا معد تفرق معه هلئ لان عم يحضر لعرسه الاستاذ .
وسيم : مين قلك انو عم يحضر لعرسه انتِ .
كاترين : خلينا نسكر عالسيرة راسي صار يوجعني معلش نطلع بقى .
وسيم : بس هي السيرة مو هيك بتنطوى كاترين .
كاترين : وسيم لوتفاا .
وسيم : اوك متل مابدك بس آخر سؤال بوعدك بعده مارح اسأل شي .
كاترين : طيب .
وسيم : انتِ مخبرة كنان شو منقرب بعض نحنا .
كاترين : لا ماصارت الفرصة لاحكيله ولامرة .
وسيم : براافوو .
كاترين : ليش .
وسيم : ولا شي امشي .
كاترين : لكك شو خطرلك تسأل .
وسيم : خبرتك امشي .
كاترين : طب وين اهلي وليش خليتني انطرك هون وماروح معهن .
وسيم : لان كان ضروري احكي معك ومابدي تطلعي لوجه الصحافة لحالك ، اهلك بالمطعم انا حجزته للعشا .
" اول ما طلعوا من الباب والصحافة اجتمعت تسألهم "
صحفي : استاذ وسيم كيف الاضواء عن مجموعتك الجديدة انت راضي .
وسيم : مافيني احكم عن النتائج بعد العرض فورا اما بالنسبة للعرض اذا قصدكن ف الحمد الله كلشي تمام .
صحفي ٢ : ليش جبت المهندس كنان الباشا ليكون العارض الاساسي عندك .
وسيم : حبيت يكونوا كل كوبل من نفس مجال العمل .
صحفي ٣: كيف علاقتك مع الانسة كاترين .. صح انكن على علاقة سرية .
وسيم : اوك شكرا الكن بكفي لهوون اسمحولنا نمشي .
صحفي ٤ : انسة كاترين انتِ جاوبينا صح علاقتكن سرية .
كاترين : يعني حضرتك عم تحكي سرية فإذا كان في علاقة ليش لنخبركن عنها .
صحفي ٥ : يعني مابتنكري الكلام اللي عم ينحكى .
كاترين : ممكن .
وسيم : اذا بتريدو حكيت بكفي .
"سكيورتي الموجود هنيك جابو سيارتو لوسيم و فتحولهن الطريق وبعدو الصحافة من طريقن " .
بالطريق ...
كاترين : مالقييت جواب افضل من تبع نفس المجال .
وسيم : لكن ناطرة مني خبرهن انو فجأة طلع ومابعرف منين اجى وعطى الاذن لحاله يعمل هالجنان .
كاترين مابعرف بس جوابك مو مقنع ... يعني شو هالجدبة ال يكونو كل كوبل من نفس المجال .
وسيم : شو ماحكيت رح يفضل مو مقنع ... لان الشي يلي صار من غير علمي مسخرة وانا ماعندي اي تبرير او تفسير للصحافة عن اللي صار .... بعدين اعدة عم تحاسبيني اللي ونسيتي حالك شو خبصتي بالحكي .
كاترين: انااا ليش شو حكيت .
وسيم : لا لا انتِ فعليا ماحكيتي بس انتِ عملتي تأكيد لخبر الموسم وتريند الاسبوع الجاية .
كاترين : خبرتك زايدة الفلسفة عندك ماصدقتني .
وسيم : لكك يا هبلة بكرى اول خبر بتلاقيه انك اعلنتي خبر ارتباطنا .
كاترين : يعني انا وانت والعيلة منعرف الحقيقة شو بدك بالباقي .
وسيم : وكنان هيك اكدتيله الخبر انتِ .
كاترين : عايش وعايش بهل الكذبة خليه يغرق فيها شوي كمان وبتعرف بكون ممنوتك اذا بتجي بكرى عالشركة جايبلي ورد لتعبر فيه عن سعادتك بنجاحنا .
وسيم : كاترين اذا حابة تعملي تمثيلة المرتبطين مارح امشي بهالتمثيلية انا بعيدة عن سنانك .
كاترين : مين قال انو بدنا نعمل تمثيلية عم قلك بس جبلي ورد وتعا مو اكتر .
وسيم : ماشي موبايلي عم يرن اكيد عم يستفقدونا ليش تأخرنا .
........
لميا : ماردت عليك كاترين .
أوس : لا والله .
أويس : ووسيم مارد عليي .
تيم : وين بدهن يكونوا تأخروا .
ميلا : بتكون علقتهن صحافة ومشان هيك تأخروا .
قمر : قلتلو لوسيم نظم موعد معهن بتجاوبهن على اسئلتهن احسن بس هو مابدو قال .
فهد : صار عندو ضغط كبير اخر فترة تركيه على راحته بالأخير هو بيعرف مصلحته وين .
يحيى : حصل خير اختي هلئ مابتلاقيهم الا اجو .
تيم زوج نور : الغايب عذرو معه .
نور : هاا وصلوا .
وسيم وكاترين : مسا الخير .
الكل : مسا النور .
جود : وينكم تأخرتو .
وسيم : مافي شي بس الصحافة استلمتنا .
كارولين : ليش ماعم تردوا على موبايلاتكن كمان .
كاترين : كانوا موبايلاتنا سايلنت من وقت العرض وما انتبهنا على مكالماتكم .
يحيى : المهم انكن بخير يلا تفضلو عالاكل ولا بدنا نبقى ناطرين هيك .
............
كنان بالبيت كان عم يشرب شي يهدي اعصابه ندق الباب فتح شاف أُبي وإيلاف .
كنان : عاملين حلف انتو التنين وجاين لعندي خير انشالله .
" تركهن عالباب ودخل اتجاه الحديقة " .
أُبي : هيك بتستقبل ضيوفك انت ؟؟.
كنان : مصطلح الضيوف حرام تتسمو فيه انتو التنين كل كم يوم بتنطو بوجهي شوي تانية بعطيكم مفتاح تريحوني كل ساعة من فتح الباب ... وتخربو عليي راحتي .
إيلاف : اي شراب شراب شي يهدي اعصابك لأني جاية انزعلك مراقك انا ... ونرفزك .
أُبي : عيب تكون لحالك وانا جاية معك لنفس السبب .
كنان : شوفي كمان .
أُبي : والله انت لازم تخبرنا شوفي وشبو عقلك وليش هيك تصرفت اليوم .
كنان : شو صار اليوم ليش .
إيلاف : ولاشي بس نجم جديد عم يسطع بعيلة الباشا بمجال عرض الازياء .
كنان : انا من زمان ساطع مالي متعطل على شقفة عرض ازياء يشهرني .
أُبي : بعيدا عن غرورك اللي انفك اطول منك بشبرين لقدام ومانعك تشوفه لهل الغرور بس اسمحلي قلك انوو.
كنان : اسمحلي انا احكيلك انو لازم تخرس .
إيلاف : كنان حاج بقى ماعم تشوف غير حالك منكون قاعدين بأمان الله فجأة منلاقيك بجنب كاترين والصحافة تطق طقلكم صور من كل مكان فهمني بس شو اخدك وشو اجى على عقلك حتى عملت هيك .
أُبي : على فكرة انت تاركها لكاترين من شهور وحاج تعمل حركات هالولدنة هي .. البنت عم تعيش حياتها متل مابدها ليش مصر تدخل فيها دائما .
كنان : لا بدكم ياني شوفها قاعدة كل مرة تغوص بمجال الازياء اكتر و كل مرة بتصميم شكل يغري اكتر من يلي قبلو وابقى ساكت .
إيلاف : لكك بصفتك شو قاعد بتفكر هيك فيني افهم خلص صارت تعتبر من ماضيك هالبنت حاج لسى تدخل بحياتها غصب عنها .
أُبي : لككك انت ماعم تشوف شو عم تعمل فيها بس شاطر كل مرة تتأمر وتتذمر بوجهها على فكرة البنت عندها مشاعر كل يوم بترجع عم تبكي ومكتئبة من ورا تصرفاتك شاطر بس تعمل اللي بدك وتنسى انك عم تتعامل مع انسان عنده قلب عنده احساس ماعندها حجر بين ضلوعها حتى تتحمل كل تصرفاتك هي عندها قلب .
كنان : ماا تح....
أُبي : ماتسكتنا مارح نسكت اكتر من هيك لسى كل مرة منقول بكرى بتعقل وهاليوم بتعقل بس .
إيلاف : بس مافي امل كل مرة بتغرق بتصرفاتك وتجي بدك تغرقنا معك .
كنان : لكك حاولوا تفهموني شوي انا ماعم اقدر ابعد عنها ... هي التصرفات وردات الفعل خارجة عن ارادتي والله انا مالي مقرر ولامخطط اعمل اشيا تزعلها او تقهرها مني متل مو مفكر يامحترم يااا اخي بس مو قادر اتخيل تكون مع حدا غيري لما سمعت انو عرض الازياء كوبل رحت واشتريت عارض الازياء بمصاري ايي اشتريته حتى كون بداله انا بس عم حاول سيطر على الشغلات اللي بقدر اتدخل فيها وابعد حدا عنها بس انا مابعرف بالوقت اللي بتكون لحالها شلون عايشة وبهاد الجزء مافيني اتدخل بس الاشيا اللي بعرف فيها او شايفها مابقدر ابقى ساكت وما اتصرف .
أُبي: بس مابصير هيك هي عايشة حياتها اتركها وتقبل حياتك من دونها اتقبل انو كانت ماضي ومانها لاحاضر ولا مستقبلك .
كنان : اوك خايفين على مشاعرها هي وانا عادي اذا كنت كل يوم عم انكوى بالجمر بسبب عشقها عادي اذا بكرى جمعتوا فتات قلبي بعد مايصير رماد مو ؟؟ عادي بالنسبة الكن وهي انا اخوك ورفيقه اللي معتبرني اخوه كمان عنجد شكرا لمشاعركم الصادقة اتجاهي .
إيلاف : نحنا عم نحكي لمصلحتك .
كنان : معلش تتركوني لحالي مابدي اسمع اكتر واذا كتير عاجبتكن القعدة هون انا طالع على غرفتي وتاركلكن البيت قعدو برياحتكم فيه سلام .
( كنان ترك أُبي وإيلاف وماكذب بكلامه طلع لغرفته ينام ......العيلة بعد ما طلعوا من المطعم كل حدا اتجه على بيته كاترين كانت لسى عايشة بصدمة الكلام اللي سمعته من وسيم بعد مارجعت عالبيت راحت على غرفتها تسرح بفضاء الغرفة وتفكر بكنان وشو الفكرة االاخدها عنها اجت كارولين تحكي بس هي منعتها مو قدرانة تحكي مع حدا بدها تقعد تفكر لحالها وتعيد بحساباتها .... ) .
___○_○
شعور مو معروف موجود جواتك قادر يخرب راحتك ويقهر قلبك من غير سبب شي بيجتاح مشاعرك و فجأة بيقلب كيانك رغم هيك كان كنان قادر يستمد قوته من ضو الشمس المخترق غرفته واللي ذكره انو الحياة مابتوقف ولازم يقوم ليحارب فيها من جديد بيوم جديد .
" عمل دوش و غير تيابه ولبس الطقم اللي عاطيه هيبة واتجه للشركة شاف كاترين قاعدة ورا مكتبها كانت يمكن لاول مرة لابسة شي رسمي بس سبور شيك كانت كل مرة تجي بفستان عادي او تنورة قصيرة او حتى اوقات شورت وفوقه كنزة نص بطن وجاكيت من طول الشورت وكانت كل مرة تتخانق مع كنان بسبب لبسها وهو يخبرها هي شركة محترمة ولازم شوي تتقيد بلبسها بس بفترة الشغل ...وبحياتها هي شبه حرة بس بتبقى الشركة غير ....هي كانت ماترد عليه حتى تستفزو ويقلعها من الشركة من غير اي خسائر لئلها ... اطلع فيها كيف قاعدة ومركزة عاللابتوب تركها واتجه على مكتبه طلب من مسؤول البوفيه يجبله نسكافيه وكأن كان متقصد يتجاهلها بعد ماكان كل يوم يطلب مشروبه من كاترين " .
كاترين : لحظة اذا بتريد لمين النسكافيه .
عامل البوفيه : للاستاذ كنان .
كاترين : غريب مافي بالعادة يطلب نسكافيه وكمان بالعادة يطلبها مني مو منك عطيني انا بعطيه ياهن .
كاترين عم تحكي بينها وبين حالها : فوق ما تجاهلني اول ما دخل عالمكتب وكمل طريقه عادي هلئ كمان طلب النسكافيه من العامل شبو هاد .
(دخلت لعنده كاترين حاملة الصينية ) .
كاترين : صباح الخير ... النسكافيه .
كنان : بس انا ما طلبتها منك .. رجعي لمكتبك وعطيها للعامل هو يجيبها .
كاترين : بس انا جبتها ومشي الحال ليش لارجع اعطيه ياها .
كنان : مابدي شي منك لو بدي كنت حكيتك رجعي الصينية ورجعي لو سمحتي .
كاترين : على فكرة هاد يسمى عذاب يعني فينك تاخدها ومافي داعي يرجع العامل يجبلك ياها وفينك حتى تعملها بمكتبك كونه عندك الالة وماتعذب العامل كمان .
كنان : بطلت اشرب تمام طلعي انتِ وياها وحتى العامل رجعيله النسكافيه وخبريه غيرت رأي .
كاترين : بكون افضل والله .
كنان : او قلك بما انك قلتيلي عندي مكنة وفيني اعمل النسكافيه لحالي خدي هدليك النسكافيه وتعي عمليلي واحد هون .
كاترين : النسكافيه مابتنفع وبتصير عصبي لما تشرب منها على فكرة .
كنان : انا حابب عصب .
كاترين : اوك عراحتك .
( عملت النسكافيه لكنان وهي تقول ايمت بدو يخلص هاليوم وتخلص من مزاجيته ،طلعت وهي حاملة الصينية حطت الفنجان القديم عندها هي تشربه ) .
كاترين : على فكرة كتير ريحت لما ماشربته انا بحبها كتيرر للنسكافيه وانا رح اشربه .
...:ليش مدللة العيلة مزعوجة وعم تبربر لحالها .
(كاترين التفتت شافت وسيم واقف ومعه باقة ورد كبيرة من نوع الورد المفضل عندها ركضت عليه عانقته وسلمت عليه )
كاترين : مابتعرف اديش هالوردات اجو بوقتن واديش عطوني طاقة ايجابية .
(كنان عم يشوف اللي عم يصير برا عن طريق الكميرات ) .
وسيم : صح خبرتك مارح اللعب معك لعبتك بس اكيد مارح ارفض طلبك لما قلتيلي جبلك ورد .
كاترين : ياريت الكل متلك هيك قلبه .
وسيم : ولوو اغلب العالم قلبهن نضيف بس مو شرط الكل يكون بيعرف يتصرف صح ويكون بيقدر يظهر طيبة قلبه لبرا .
كاترين : شوو عم تقرء آخر فترة انت هرمون الفلسفة عندك بالعلالي فوق فوق .
وسيم : هههه خبريني ليش كنتي بتبربري من شوي .
كاترين : مافي شي بس المتحول كان متحول من شوي .
وسيم : مابدك تفتحي معه الموضوع .
كاترين : لا اصلا مابعرف كيف كنت قدرانة حب هيك حدا كتلة من الاستفزاز .
(صوت مسج موبايل كاترين وكان كنان صاحب المسج ) .
المسج : يومي معكر خلقة لاتكمليها معي بشوفة الديزاينر العظيم تبعك وخبريه هاد مكان عمل وغير مسموح فيه الزيارات الخارجية ، معك عشر دقايق حتى تصرفيه من هون بكل ذوق واحترام افضل ما اتدخل انا واتخطى حدود الذوق والاحترام .
(ملامح كاترين تغيرت بعد ما قرأت المسج وصار عندها رغبة تفوت لعند كنان تتخانق هي وياه بس قررت تقصر المشاكل وتصرف وسيم بأي طريقة ) .
كاترين : سيمو كان بنفسي ابقى معك اكتر بس في عنا اجتماع بعد عشر دقايق ولازم اتصل مع الموظفين اكد عليهن وذكرهن بالموعد اذا بدك انطرني بحديقة الشركة لاخلص اجتماع بنزل لعندك .
وسيم : لا انا اصلا ماكنت بدي اتأخر عندك بس جيت وجبت ورد كرمال ماتزعلي مني يلا بدك شي .
كاترين : سلامتك وماتزعل مني بس جد عندي اجتماع .
وسيم : ماتحملي هم يلا سلام .
كاترين : سلام .
(حملت حالها كاترين وراحت عند كنان تشوفه شو صايب عقله اليوم .. ) .
" نقرت عالباب وفتت شفته قاعد ما على باله شي بيرسم ويشخبط عالورق " .
كاترين : على فكرة الشي اللي عملته بسببك ابدا مو منطقي ولا معقول .
كنان : ذكريني شو عملتي .
كاترين : ماتعمل حالك مابتعرف وانت من شوي خليتني قلع وسيم من هون وهو اول مرة يجي لعندي عالشغل .
كنان : هاد مكان شغل ومانو مكان للزيارات الغرامية .
كاترين : عن اي زيارات غرامية بتحكي معلش تفسرلي شوي .
كنان : لا لا ابدا مافي زيارات غرامية بس جاية وجايبلك ورد واخدتوا بعض بالاحضان .
كاترين (عصبت من كنان وقربت لاتجاه مكتبه اكتر تحكي بوجهه ) : لكك الزلمة جاية يشكرني على عرض الازياء تبع مبارح والورد عربون شكر مو اكتر بقوم انا بأمر من حضرتك بخليه يمشي عند اول ربع ساعة اجى فيها .
كنان : مابينخاف عليكي انتِ هلئ بترجعي لعنده ببوسة منك مع عبطة بتبلفيله عقله يعني بتراضيه بمعرفتك بس بتعرفي انا جد مستغرب منه كيف قبلان على حاله شاف حبيبته جاية لعنده بعلامة على كتفها ولسا ماتركها لهلئ يعني شو بدو اثبات على خيانتها اكتر من هيك .
(معد قدرت تسمع اهانات وحكي اكتر من هيك وتبقى ساكتة قاعد بيحكي كلام مختلط فيه السم وماعم ينتبه على حاله شو عم يخبص )
كاترين (بنبرة عالية ) : حااج حاااج لسااا بتجرح بكرامتي انت من كل عقلك متوقع مني ارتبط برفيق طفولتي وابن عمتي وانا مابعتبره اكتر من اخي ..كنت كل الفترة الماضية تحكيلي وتلمح على اني عم خونك وانا كنت قول هاد بيتخوت ويتخيل اشيا بعقله مو موجودة اصلا ... ماشفت حدا غير وسيم خونك معه ... كيف هيك ماعندك ثقة فيني ابداا .
كنان : ايمت صار ابن عمتك وانتِ ماحكيتيلي انو عندك عمة غير ام أوس ... حتى لما شفتك معه ولا مرة خطر عبالك تقوليلي انو بيقربك كنتي كل مرة تشوفيه تحكي معه سيمو و سيمو .
كاترين : لكك لما كنت شوفك بتتفلفل من وجود وسيم كنت فكرك بتتهبد وعقلك اكبر من انه يعتقد بينا شي ... وماصار حديث بينا لأشرحلك انو عندي عمة رجعت من السفر وعندها ابن شب .... معقوول انتت لككك معقول بتفكيرك مابتفكر تجي تسألني فورا بتقطع مجال للأخد والعطى من عندك وبتقتنع بفرضياتك وبتمشي فيها ... ماعندك عقل يفكر يسألني عنه مين هو قاعد بتحط شكوك وتصدق حالك .
إيلاف : شوفي ليش هيك صواتكن عالية منيح كنت جاية لعند كنان وسمعتكن على شوي بتجمعو الموظفين عليكن .
كاترين : إيلاف تعا شوف حلة مع صاحبك هاد ...انا معد اتحمل اكتر من هيك لهوون وبس هي اخر مرة بسمحلو يهين كرامتي هيك .
إيلاف : شوفي ليش شو صار .
كنان : ولاشي بس الخانم جابت حبيبها لهون عالشركة وناطرة مني اسكت .
كاترين : لكككك حاج حاج تقول حبيبي بعد كلشي حكيته وما اقتنعت ....قلتلك انو هو متل اخي ومافي شي بيناتنا ولا رح يصير اصلا بتمنى تفهم هالنقطة كتير منيح .
إيلاف : كاترين اذا بتريدي طلعي على مكتبك اقعدي فيه وانا بتفاهم معه .
كاترين : مالي طالعة على مكتبي انا طالعة من الشركة كلها ومعد ارجع حتى .
كنان : كاترين مابتطلعي من الشركة .
كاترين : وقت يبقى هالشي بكيفك تعى قرر .
إيلاف : مشاني بس اقعدي بمكتبك وكلشي بدك بصير .
كنان : شو كلشي بدها بصيرر مافي تترك هالشركة .
إيلاف (عيط على كنان ) : كنان خلصناا بقى ... كاترين اذا بتريدي عملي متل ماعم قلك .
" طلعت لمكتبي وتركتهن لحالن بالمكتب "
إيلاف : اول شي ماتعصب عليي لان ماتتوقع مني اسكتلك ابدا وهلئ بروح بصف مع كاترين وبعمل المستحيل معها حتى تقدر تستقيل من هون وبدك توقع عالقرار وانت عم تضحك كنان فهمان علي وانت عم تضحك واحلم بقى اذا تقدر تشوفها بتعرفني منيح شو بقدر اعمل ومانك غشيم عني .
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```