الفصل 26
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴6️⃣2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
أُبي : جود زكاتك بدنا نجمع ابي وابوك ونوحد الشمل من جديد .
جود : صار ايمت بدك .
أُبي : ح ابعتلك لوكيشن للمطعم اللي رح نجمعهن فيه وموعدنا خلال ساعة .
جود : اي تمامم بشوفك معناها .
أُبي : اوك .
_____●_●
بعد ساعة بالمطعم طبعاا جود ماخبر ابوه ليش جايين عالمطعم بس خبره اجتماع عمل ... وهنن قاعدين شاف يحيى رأفت جاية اتجاهه هو وأُبي .
يحيى : شو عم يعمل هاد هون .
جود : بابا بدك تسمحلي انا خبرته يجي بدنا نحل القصة مو معقول تبقو على هالحال .
يحيى : نحنا هيك مرتاحين في مجال ماتدخل انت .
" اجا يحيى بدو يقوم ويمشي ... كان موصل رأفت لعندو " .
رأفت : أُبي شو هاد شايفك جايبني على مكان مانو مرحب فيني فيه .
يحيى : مازالك بتعرف انو مو مرحب فيك ليش جيت من الاصل .
جود : بااباا الاستاذ رأفت اجى وتنازل انت كمان تنازل شوي .
أُبي : ياجماعة اجتماعكن هون بس لغرض الشغل ماتفكروا بالأمور التانية .
جود : اي وغير هيك انتو شكلكن نسيانين انو اذا ما اجتمعتو سوا واتحدتو ممكن تخسرو اسمكن وكل شغلكن .
أُبي : مشان هيك اول خطوة لتعدو هالاجتماع بسلام مدوا ايدكم وسلموا على بعض .
جود : لما تجتمعوا سوا رح تكيدو كتير منافسين مو من مصلحتن ترجعو شركاء متل قبل .
"يحيى مد ايده اتجاه رأفت نطر منه يبادله السلام ...
علاقتهن كانت جدا عادية ومسالمة هاد الظاهر للناس اللي مابتعرفهن منيح ومابتعرف انو كل واحد منهن مستعد يخسر ومايربح كتير بالمناقصة المهم مايتركها للتاني "
يحيى : مو نحنا يلي منبين اننا وقعنا مو هيك كنا نقول .
رأفت : وكمان كنا نحكي و لا نحنا يلي منسمح لحدا يوقعنا.
جود وأُبي : وأخيراً .
رأفت : كنتو متفقين علينا .
يحيى : هيك الظاهر كانو بيلعبو فينا .
أُبي : المهم هلئ انكن توحدتو ومابهمنا شو ماحكيتو عنا .
جود : متل ماقال أُبي مابهمنا شو بدكن تحكو عنا المهم اجتمعتو سوا .
__ ○_○
أوس بمكتبه بالمشفى اندق عليه الباب .
ممرض : يعطيك العافية دكتور في صبية بدها تقابلك كانت بتسألني عنك .
أوس : اوك خبرها تدخل لعندي .
الصبية : يعطيك العافية دكتور .
أوس : تفضلي بشو بقدر ساعدك .
الصبية : اسمي ميران تخرجت جديد من كلية الطب قسم الجراحة العامة وبسمع كتيير عن شطارتك باختصاصك فحبيت اتعرف عليك وبشرفني تقبل داوم بالمشفى واكتسب الخبرة من حضرتك .
أوس : تشرفت فيكي بس اول شي في شوية تفاصيل لازم اعرفها مثلا اسم جامعتك ومعدلك الجامعي وبعد ماتخبريني بيبقى عليكي تملي استمارة شوية معلومات عنك لتكون موجودة بملفك .
ميران : تمام كنت بجامعة ....
( لمحة عن ميران صبية بقوام رشيق شعرها فاتح وبيضة ).
___' '
"كاترين اتصلت بنيسان واتفقو يتعشو بالمطعم ... بعد ماخلص دوام كاترين راحت للجيم شافت جود واقف مع كنان واستغربت كيف مجتمعين سوا وقت وصلت لعندهن كانوا بيحكو وسكتو " .
كاترين : ليش سكتو وقت جيت كملو حديث .
كنان : مافي شي مهم .
كاترين : عادي خبروني .
جود : مافي شي كنا بنحكي عن ابي وابوه جمعتهن المصالح والشغل مرة تانية وحطو ايديهن سوا .
كاترين : وكييف صار هيك .
كنان : ولاشي بس كالعادة الاسم والسمعة اهم شي .
كاترين : مافهمت .
جود : جمعهن الشغل والمصالح .
كاترين : مابعرف بس بقول في تطورات جديدة ومو مشان هيك .
جود : كيف يعني .
كاترين : لاتاخد على كلامي يلا بدك تجي تدربني ولا اتدرب وحدي وبدك تبقى واقف مع كنان .
جود : لا امشي جيت عالنادي كرمالك كنت مابدي اجي ... .
كاترين : طب يلا .
جود : كنان تعا انت كمان .
كاترين ( همست لجود ) : كأنك كتير حابه لكنان اليوم .
جود : لكن بدك نتركه لحاله ونمشي .
"بعد النادي كاترين رجعت على بيتها غسلت وغيرت تيابها وطلعت كرمال تتعشى مع نيسان بالمطعم " .
بتكون آعدة كاترين بالمطعم هي ونيسان ولسا ماصرلن وقت قاعدين بتتفاجئ بكنان بالمطعم وجاية اتجاه طاولتهن .
كنان : مسا الخير .
كاترين مصدومة بوجوده والف سؤال عم ياخدها ويجيبها .
نيسان (بتلتفت اتجاه الصوت ) : يا مسا النور استاذ .
كنان : هلاا نيسان ...كاترين شبك ماتردي علي .
كاترين : ااه .
كنان : ولاشي حياتي عم اسألك ليش هيك انصدمتي بوجودي مع اننا متفقين نتعشى سوا بهالمطعم ... بس شكلي انا يلي لازم انصدم بوجود نيسان .
كاترين : باردووون .
نيسان : اووه sorry استاذ ماكنت عرفانة انكن بدكن تتعشو سوا ... يلا انا بتفق مع كاترين على يوم نطلع فيه غير اليوم بستأذن منكن .
كاترين : نيسان وقفي وين رايحة .
كنان (مقاطع كاترين ) : الله معك نيسان .
نيسان : معلش غير مرة اختي باعتلي مسج ناطرتني بالشارع ماتعشت لسا .
كاترين : جيبيها تتعشى معنا .
نيسان : حبيبتي انتِ بدك تتعشي مع الاستاذ كنان ف اليوم مع اختي والمرة الجاية معك يلا بشوفك بكرا سلام .
"مشيت نيسان وكنان قعد عالكرسي مقابيل كاترين "
كاترين : شو جاابك لهوون .
كنان : اتفاقنا ولا شكلك نسيانة اننا اتفقنا نتعشى .
كاترين ( بغضب مكبوت ) : كناان ايي اتفااق هاد ماتجنني لااا وغيير هيك بتقلي حياتي جنب نيسان شوو مفكر حالك .
كنان (بيغمز كاترين ) : يعني مابدك ناديلك جنبها حياتي بس لحالنا معلش .
كاترين : لا معها ولا لحالنا .
كنان : والله طول ما انتِ بالشركة عم تناديلي كنان هييك .. من غير ماتقدري اني مديرك وتقوليلي استاذ انا بناديلك بالاسم يلي بدي .
كاترين : موو تحلم ناديلك استااذ بالشغل كمان .
كنان : مو مشكلة مسيو بقبل فيها قلبي كبير .
كاتربن : واثق من حالك ... وقصة تناديلي شو مابدك بدك تشيلها من تفكيرك اسمي كاترين وبس مو حياتك انا روح دور على حياتك وين مضوعها وبأي مكان .
كنان : لا ياحلوة مو متل مابدك كلشي بصير ... الموظفين والعملاء يلي عم تجي عالشركة كلهن مفكرين في بيننا شي علاقة وهااد الشي مين سببه غير حضرتك ياحلوة يعني لما تكون مرفوعة الكلفة بين المدير والسكرتيرة مافي اي مبرر تاني غير انهن على علاقة ولهيك خبرتك تناديلي استاذ فهمتي حياتي ولا عيد .
كاترين : مابهمني كلامهن او تفكيرهن واذا كنت مفكر تقنعني بهالكلمتين يلي قلتهم بتكون غلطان انت مانك استاذ عليي انت ممكن تكون على غيري بس عليي ماتحلم .
كنان : اوكك ماشي منشوف .
كاترين : شو قصدك .
كنان : الأيام بتوضح وهلق انا كتيير جوعان وبدي وصي على اكل شو تاكلي .
كاترين : تعشا وحدك انا مو بنفسي .
كنان : انتِ كنتي جاية لهون لتتعشي اصلا شو تغير وبطلتي .
كاترين : وجودك طيرلي قابليتي معلش بس تخبرني شو عرفك اني هون .
(كنان طلب الاكل وتجاهل سؤال كاترين ....بعد ماوصل الاكل )
كنان : مدي ايدك وكلي مابحب اقعد عالسفرة اكل لوحدي .
كاترين : ما انت كل يوم بتاكل لوحدك شو تغير هلئ .
كنان : بكون لحالي مو قاعد مع حدا عم يطلع فيني كل شوي .
كاترين: يعني مالي فهمانة شو فائدة وجودك هون ...كل ماكون بمكان بشوفك فيه افسحلي مجال شي مرة ماشوفك لكك صرت عم التقى فيك اكتر من عيلتي .
كنان : شو اعملك اذا شغلنا سوا وبعدين بشوفك بالنادي وترا شوفة النادي انتِ سببها لأنك بتعرفيني من زمان اني بداوم هالوقت كان فينك تداومي بغير وقتي .
كاترين : انا بداوم بهالوقت كرمال جود بكون رجع من الشركة مو كرمالك ليكون عندد..
كنان شال قطعة جاج وطعماها لكاترين حتى يقطع عليها كلامها : معلش تاكلي وانتِ ساكتة .
كنان : لسا عند قولك وبدك تشاركي بعرض الازياء .
كاترين : اي ليش لغير رأي مثلا .
كنان : بس حاليا مافي بديل عنك بالشركة ومافيني اعطيكي اجازة .
كاترين (بعصبية ) : مارح يصير شي على فكرة اذا عطلتني يومين .
كنان : ممكن بس شي مرة ماتحكي بعصبية وتحفزي خلايا العصبية عندي انها تشتغل وتسبب مشاكل بينا عم احكيكي بالمنطق لان مو معقول سفر على ايطاليا يكون بسرعة اليومين وعندك عرض ازياء خلالهن وبعدين بترجعي بتقليلي بدي يوم بريك راحة .
كاترين : اذا هاد الشي الشاغل عقلك ف اطمن العرض باسطنبول يعني هون ومارح سافر لمكان هيك بناسب حضرتك او لا .
كنان : ماخبرتيني شو باقيلك من بيتي .
كاترين : بعد ماتركتني ومعد كملت معي بالتصميم كملت القسم الداخلي وباقيلي القسم الخارجي من البيت بكرى بكون خالصة .. وحتى الورشات صارو بالبيت وبلشو بالاكساء .
كنان : تمام لاني مليت وانا بنام بالاوتيل .
كاترين : ليه عم تنام بالاوتيل بيتكم شو عم يعمل .
كنان : قررت استقر ببيت وحدي .
كاترين : كل هالقد صاير من انصار الوحدة .
كنان : مين قال اني وحيد بدي اتزوج وكون عيلة .
كاترين : الله ييسرلك معلش كنان انا بدي امشي بدي اشتغل عاللابتوب كمل اللاند سكيب لبيتك ونام شوي عبكير ..
كنان : اوك ثانية وبطلب الحساب ...
" رجعت كاترين عالبيت وهي تعبانة ركضت على غرفة كارولين دقت الباب " .
كارولين : تفضل .
كاترين : شو عم تعملي فاضية ؟؟ .
كارولين : عم حضر لقضية عندي موعد بالمحكمة بكرى .
كاترين : ماشي رح اتركك تشتغلي عراحتك .
(فتلت ضهرها واجت تمشي وقفتها كارولين ) .
كارولين : وقفي وين رايحة شبو صوتك حاسة فيه غصة .
(كاترين ركضت لعندها عانقتها وتبكي ).
كاترين : بدوو يتزووج ... هوو حكالي وما سأل على مشااعري بدو يتزوج ... حكاها بعين قوية ال بدو يكون عيلة .
كارولين : شووفي و ميين هاد حاج تبكي اهدي شوي ياقلبي .. مسحي دموعك واحكيلي لافهم .
كاترين : كنت مع كنان تخيلي حكالي بدو يتزوج وهو عم يطلع فيني وما شال اي اهمية لمشاعري .
كارولين : كيف بدو يتزوج يعني بكون عم يكذب عليكي ليشوف ردة فعلك .
كاترين : ايي ردة فعل هي لكك واضح اديش كان جدي بكلامه انا بعرفه ايمت بكون عم يمزح وايمت جدي .
كارولين : كنتي ناطرة منه يبقى بلا زواج للابد يعني .
كاترين :لككك يتزوج بسس مو يجيبني الي صممله بيته جااب حبيبته القديمة تعمله بيته هو وحبيبته ليحرقلها قلبها تخيلي انتِ قاعدة بترسمي وبتصممي ببيت عش الزوجية ليلي حبيتيه من قلبك (كاترين وهي بتبكي بحرقة ) ماشااف طريقة لينتقم مني فيها بتحرق القلب اكتر من هي انا بايدي عملتله بيته وصممته باحسن ماعندي من قدرات صممت كل زاوية وكل مكان و تفصيل فيه طب ليش لما حدا يجي بدو يقرب مني ويتوددلي ببعدو انا انحرم عليي حب او ارتبط بحدا بعدو وهو معلش وبيطلعله وانا كنت قول ليش مستعجل وجابني بيوم العطلة اشتغله فيه ماطلع مستعجل الزلمة عالزواج ومو قادر ينطر اكتر .
كارولين (مصدومة من طريقة كنان وزعلانة على اختها اللي عم تبكي جنبها بحرقة ) : معلش يصطفل الشي اللي عمله كفيل انو تحمدي ربك انك تركتيه على طريقته هيك واحد متله مابيستاهل يكون الشخص اللي بدك تكملي حياتك معه وتصرفي جنبه عادي ولا كأن سمعتي الخبر خليه يعرف انك نسيانتيه ومو متعطلة وبكرى بيجيكي العوض من ربك وبغيرلك كلشي بحياتك وهلئ قومي غسلي وجهك وانسي حتى ترتاحي .
كاترين (عم تمسح دموعها ) : صح انا لازم كون قوية وما اهتم .. (سكتت شوي وبعدين حكت ) انا رايحة على غرفتي .
كارولين : تصبحي على خير ياقلبي .
____*_*
تاني يوم الصبح صحيت كاترين عم تحاول تنسى الليلة اللي مضت وتشيل خيبتها على جنب ورجعت تشتغل بللابتوب لحتى خلصت غيرت لبسها وراحت للشركة اول ما وصلت شافت بوكس موجود على مكتبها فتحته شافت فيه لابتوب جديد مع نوت صغيرة مكتوب فيها " ماتعودت حدا يشتغلي شي ويتعب فيه ومااعطيه كادو صغير لاشكره فيه هاد لانك اشتغلتيلي بالبيت وتعبتي فيه "
كاترين عم تحكي : حملت اللابتوب ودخلت على مكتب كنان .
كاترين : بعتذر بس مافيني اقبله .
كنان : ليش .
كاترين : لاني كنت بعمل شغلي ومافي داعي تعطيني مقابل لاني كنت بشتغل بشغلي .
كنان : هاد مو مقابل وانا جبته معي من ايطاليا وقتها اشتريت واحد الي والتاني تركته يكون هدية للشخص المناسب .
كاترين : بتلاقي الانسب مني بعتقد .
كنان : الهدية مابترجع بقاموسي اذا ما اخدتيه هلئ ببعته على بيتك .
كاترين : طيب شكرا استاذ .
كنان : استاذ؟؟!! من ايمت كنتي تقوليلي استاذ غير لما بدك تستفزيني اما هي استاذ اللي بتستخدم للاحترام ولا مرة حكيتيها .
كاترين : عم احكي الواقع بالنهاية انت مديري وهيك المفروض احكي معك .
كنان : اوك المهم انك قبلتيه فينك ترجعي لمكتبك .
__*_*
كاترين كانت بمكتبها لما كنان طلع من مكتبه واجى عندها .
كنان : خلال خمس دقايق بدك تكوني مخبرة ايلاف اني حولت عليه كل اجتماعات اليوم يعني يعتبر حالو مدير ليوم .
كاترين : ليش شوفي .
كنان : نسيانة انو عندنا سفر على انقرة .
كاترين : شو المناسبة .
كنان : لككك افتتاح شركة عامر رسميا اليوم ، وماشفتي كيف عزمنا هو .
كاترين : حكيتلك من قبل انت روح انا مابدي .
كنان : كان فينك تعبري عن رأيك قبل ما قول لعامر اننا جايين ... انا فايت على مكتبي كمل كم شغلة وبطلع لأخدك ونمشي .
.......
" اتصلت على إيلاف وخبرته انو كنان حول كل اجتماعاته اليوم عليه طبعا إيلاف صابته صدمة كيف كنان ماخبره وعنده شغل وهلئ صار ضغط اكبر عليه .... وقعدت نطرت كنان يطلع من مكتبه ... طلع ومشينا للكراج "
كنان : وين فرقتي على تاني طرف .
كاترين : بدي اركب سيارتي .
كنان : رايحين بسيارتي .
كاترين : مابدي اذا بدك ياني روح بتخليني بسيارتي روح .
كنان : اول شي طريقنا وااحد وتاني شي ليش كل حدا بسيارة ونحنا رايحين لنفس المكان ومن نفس المكان طالعين والطريق بدو 5 ساعات ناطرة مني اتركك تمشي لحالك بسيارتك وطريق سفر تعي اطلعي معي بلا اعتراض .
كاترين : جاية لان مالي خلق جادلك ولا سوق السيارة 5 ساعات .
"ركبت بالسيارة وتطلعت على كنان كيف لبس نضاراته الشمسية وشغل السيارة يمشي "
كنان : ابدا ما انتبهت انك ماشلتي عيونك عني على فكرة .
كاترين : معلش توصلني عالبيت اول بدي جيب فستان للحفلة يعني مو معقول آخدني هيك بتياب الشغل .
كنان : وانا حتى مو عامل حسابي وكمان بدي جيب طقم منجيب سوا هلئ .
كاترين : في عندي بالبيت ليش لأشتري .
كنان : لما تكوني جاية معي رح يكون مظهرك يعبر عن الشركة مو عن روح الفاشنيستا اللي جواتك .
كاترين : لككن بدك ياني البس من زمن ستي وست ستي .
كنان : لابتلبسي على ذوقي بالمختصر المفيد .
كاتررين : اووف ياربي كيف بدي اتحمل معك كمالة اليوم اناا .
كنان : لتصحيح معلوماتك مش اكتر مو كمالة اليوم كيف بدك تتحملي يوم بكامله لأن مارح ارجع بنص الليل على اسطنبول رح احجز اوتيل ننام فيه .
كاترين : لككك شو ننام بأنقرة كلها حفلة رح نحضرها ونرجع .
كنان : على فكرة الحفلة مو باسطنبول حتى تروحي وترجعي بنفس اليوم الطريق قرابة ال 450 كم مانهن 10 او 20 كم الطريق بياخد ساعات مارح اتعب حالي ومانام الليلة بكاملها مشان حضرتك ترجعي الصبح على بيتك متل الرقاصات .
كاترين : ييي اهللي اهلي مابيعرفوا اني رايحة على انقرة وليي وبدي نام برا البيت لا جد هلئ صرت رقاصة .
كنان : جود وكارولين بيعرفوا انك رايحة ورح يخبروا اهلك .
كاترين : واات ؟؟؟ كيف هنن عرفوا قبلي .
كنان : عرفو مني .
كاترين : كييف ؟؟؟.
كنان : مو مهم .
" رن موبايل كنان فتح رد كان أُبي "
أُبي : كيفك .
كنان : هلا أُبي تمام كيفك انت .
أُبي : تمام .. عرفت انك رايح على أنقرة .
كنان : اي ليش في شي .
أُبي : كيف هيك نسيت انو اليوم عنا اج...
كنان فورا قطع كلام أُبي يحكي بسرعة : أُبي أُبي أُبي انا حاليا بالسيارة ومعي كاترين .
أُبي : واذا معك كاترين شو مشان ال..
كنان رجع قطع كلام أُبي : يا بني آدم فهام شابك الموبايل عالسيارة وعم احكيك من مايك السيارة .
أُبي : ااه والله.. كيفك كاترين شو اخبارك .
كاترين : ياهلا أُبي تمام وانت .
أُبي : تمام بخير .. كنان بحكي معك بعدين... لتوصل حكيني .
كنان : اوك .
" كان أُبي بدو يحكي شي بس كنان سكته فورا اووف شوبدو يحكي ومابدو ياني اعرف بعد ماخلص مكالمته شفته حمل موبايله وبعت مسج ورجع قفله مشي شوي بالسيارة بعدها صفها على جنب "
كاترين : ليش وقفت .
كنان : ثواني وجاية .
" كنان عم يحكي :
بعد ماصرلنا ساعة ونص عالطريق تركتها بالسيارة ونزلت جبت عصير وكروسان ... وقت رجعت شفتها عم تبعثر شعرها الذهبي بطريقة عشوائية وترجع تلمه على بعض بالربطة " .
كاترين : وين رحت .
كنان : جبت عصير وكروسان .
" عطيتها ياهن فتحت العصير تشرب استغليت انها مشغولة وقربت منها صارت تطلع فيني بنظرة غريبة تبع انو شو عم تحاول تعمل التقو عيوني معها "
كاترين : في شي .
كنان (تجاهلت سؤالها ومارديت .. شلت ربطة شعرها وتركتهن ينسابو على ضهرها) : هيك افضل .
كاترين : ليش هيك عملت .
"رجعت تجمعهن وتنسقهن لتربطهم من اول وجديد " .
كنان : هيك احلى .
كاترين : بدي اربطهن عطيني حبسة شعري كنان شوب مارح ابقى منزلتهن هيك.
كنان : هلئ بشغل المكيف .
كاترين : كناااان .
" شغلت السيارة ومشيت " .
كنان : كاترين اعملي معروف وفتحيلي العصير تبعي .
كاترين : ماعم اشتغل عندك .
كنان : على فكرة طلبت منك بطريقة حضارية ماطلبت بطريقة كأنك بتشتغلي عندي ولو ماكنت عم سوق ماقلتلك .
كاترين : اي اي لح افتحها .
" كنان عم يحكي :
بعد ما وصلنا على انقرة فورا اتجهت عالمول"
كاترين : شو بدنا نعمل هون .
كنان : برأيك شو ؟؟ اكيد بدنا نشتري تياب .
كاترين : كانت فكرة سيئة لما قررت تجي معي لاشتري شي لأن انا كتير صعب اقتنع بشي مو عاجبني .
كنان : بعرف.. شو رأيك تختاريلي لبسي انا .
كاترين : اذا مو عبالك تدور انت بدورلك عادي .
كنان : بس بالمقابل بتلبسي اللي انا بقلك عليه ياحلوة .
كاترين : لاتقول هالكلمة كم مرة بدي قلك بتنرفزني .
كنان : بحاول .. المهم شو قلتي .
كاترين : هاد عرض وفيني اعترض واقبل ولا أمر .
كنان : فينك تقولي أمر بس بطريقة محترمة نوعا ما .
كاترين : اووك موافقة .
" مشينا على قسم التياب الرجالي وبلشت كاترين تختار طقومة لالي وكل ماتقول على واحد طالع فيه علة " .
كاترين : شو رأيك بهاد ترا جننتني لا تقلي لاء لأن صرلي مفرجيتك شي عشرين واحد وتعب قلبي معك ياريت اخترت فستاني لحالي كان افضل .
كنان : خلص خلص قررت رح آخد هاد .
كاترين : لككك هاد اول واحد فرجيتك يااه .
كنان : مابحب فورا اختار قبل ما شوف شوفي شي متاح غيرو .
كاترين : اللي كنت بتعملو فيني تعجيز يسمى .
" رحنا للقسم اللي فيه فساتين وبلشت اختار لكاترين فستان يكون على ذوقي وذوقها بنفس الوقت " .
كاترين : امانة ماعندك شي خرج ستي اكتر بتعرفها هي بتحب يكون شي راتب اهم شي .
الشب اللي يشتغل بالمحل : يعني اديش عمرها ست حضرتك حتى اختارلكن شي يناسبها .
كاترين كأنها سمعت نكتة وفرطتت ضحك .
كنان : انا بعرف اختار منيح مابدنا مساعدتك والست قدامك اللي قاعدة بتضحك الها الفستان .
كاترين : شفتت كيف... بليز بقى كنان بكفي مزح واختار بذوقك الحقيقي .
كنان : اي ايي .
(بقي فترة كنان يسحب فستان ويحطه جنب كاترين اذا عجبه يحطه على جنب واللي مايعجبه يحمله للشب حتى بالاخير الشب صار مو قادر يحمل شي وحتى الفساتين غطت راسو كمان وكل مايجي يحكي لكنان انو يا استاذ مابصير تحملني ياهن ولازم فورا رجع كلشي مطرحه ... وكأن عم ينتقم منه لأن اتمسخر على ذوقه بلا مايقصد ) .
كنان : تمام عندك هدول الفساتين اللي فردتلك ياهن هون اختاري منن .
الشب : يا استاذ بس في عليقة جنبك اللي هي انا مو قادرة تتحرك خطوة .
كنان : لنختار فستان منساعدك بشيلهن او قلك روح طلاع لأول المحل شوف حدا من زملائك بالشغل يساعدك بمشكلتك .
(مشي الشب متل البطريق يهز يمين شمال حتى مايوقع منه شي وكل كم خطوة يجي فستان ح يوقع منه يرجع يهديه ) .
كنان : شو قررتي ؟؟؟.
كاترين : اممم بختار..
كنان : تمام اعتمدنا على هاد .
كاترين : لكك لسا ماقلتلك اي بدي وين اعتمدت .
كنان : خبرتك انو الاتفاق بينا أمر بس متعلم بمدارس برا وصاير اكابر .
كاترين : مفهوم الديمقرااطية عندك معدوم .
كنان : طلعي لبرا سبقيني رح ادفع حقهن واجي .
(بعد مادفع حقهن طلع لعند كاترين حامل كياس عطى كاترين تنين وهو تنين ) .
كنان : هدول الك امشي عالسيارة نحطهن ونرجع .
كاترين : ليش كيسين .
كنان : فتحي وشوفي من غير ماتسأليني .
(فتحت كاترين الكيس شافت اول واحد الفستان وتاني كيس فيه بيجاما للنوم ) .
كاترين : ليش البيجاما.
كنان : اكيد مارح ننام بتيابنا يعني .
كاترين : اي صح شكراا .
(وصلو للسيارة حطو الغراض ورجعوا على المطعم اللي بالمول يتغدوا .. بعد الغدا راحوا للأوتيل يجهزوا حالهن ) .
موظفة الريسبشن : الهويات لو سمحتوا .
عطاها كنان هويته .
موظفة الريسبشن : والصبية .
كنان : كاترين هويتك .
كاترين : ييي هويتي بالسيارة .
كنان : هلئ بجبلك ياهاا .
كاترين : لكك بسيارتيي .
كنان : يا سلاام طب مابيمشي الحال هويتي بس عالحالتين الغرف بأسمي وانا اللي رح ادفع الحساب .
الموظفة : بعتذر يا استاذ بس ما بيمشي الحال لازم كل حدا يدخل عالاوتيل يكون عنا معلومات عنه لربما صار شي .
كاترين : لكك انا كاترين اطلعي فيني ما عرفتيني لكك اطلعي هلئ ما اطلع لبرا الصحافة تلتم علي بنظرة مني .
الموظفة : بعتذر منك بس هي قوانين الفندق .
كنان : كاترين روحي شوي اقعدي بالريسبشن ولما ناديلك بتجي .
" صرت اتبسم لكاترين واعمللها نظرات حتى تخفف عصبيتها وماتعمل مشكلة وهي قبلت وراحت تنطر "
كنان : ما تواخذيها بس المدام معصبة لأن نحنا متخانقين وهي مو راضية تقعد معي بنفس الغرفة بقا اذا تزبطيها بمعرفتك وتحجزيلنا سويت وتتغاضي عن قصة الهوية بعدين هي هوية زوجها مابتكفيكي .
الموظفة : عطيني دفتر الزواج باخد معلوماتها منه .
" هون انا عصبت وحاولت ابقى هادي قدر المستطاع وعملت حالي بدور بجيبي على الدفتر " .
كنان : يييي شكله مع هوية كاترين ... اعتبري حالك مكانها تماام ؟؟ وانتي وجوزك متخانقين ويكون هو مجهزلك مفاجأة حتى يراضيكي واجت موظفة الريسبشن وخربت كل شغل اللي عم يعملو زوجك حتى يراضيكي بعد ما كنتو قاطعين مسافة من اسطنبول لأنقرة بهوون عليكي ؟؟؟ لو كانت سيارتها لكاترين بأنقرة كنت جبتلك ياهن بس هي باسطنبول .
( الموظفة تفاعلت وشردت مع قصة كنان وركت راسها على ايدها تسمع كلام كنان ) .
الموظفة : طب ليش كنتو بدكن غرفتين .
كنان : ما انا كنت بدي احكيلك بس ناطرها تبعد عنا شوي حتى خبرك اني عامللها مفاجأة وهي حاليا مأضربة عليي .
الموظفة : مو حرام عليها بهون عليها هيك تتخانق مع هيك زوج رومنسي حنون بخاف على مشاعرها وحزنها لا وتأضرب كمان مالها حق .
كنان : شايفة انتِ ؟؟؟ هلئ شو قلتي تخيلي تكوني مكانها شو بتعملي .
الموظفة : ياررريت ياريت لو كنت .
كنان : نعم حكيتي شي .
الموظفة : احم احمم بقصد انو طبعا مابقبل تعمل هيك الموظفة وجعتلي قلبي عليكن خلص حكيلي كم يوم بدكن الحجز .
كنان : حاليا يوم واذا بدنا منرجع نمدد .
الموظفة : تكرم .
" ناديت لكاتربن وطلعنا للغرفة ".
كاترين : شكراا الك اول شي عالتياب والاقامة وهلئ خود غراضك وروح على غرفتك بدي استريح .
كنان : ما انا حاليا بغرفتي .
كاترين (بصدمة ) : نعممم.
كنان : هاد الجناح النا سوا مامشي الحال اخدلك غرفة وحدك .
كاترين : بدي نام معك بنفس الغرفة !!! .
كنان : لا تخافي مارح اكلك وكلها هالليلة .
كاترين : ياربي صبرني .
" تركتها تحكي وتبربر لحالها وطلعت عالبلكون وشغلت سيغارة بس هي لحقتني تكمل نق مابتقدر تقعد ساكتة "
كاترين : انتت بدخن !!!!!!
كنان : مو عطول عالنادر بس لما شوف حدا بيرفع الضغط متلك .
كاترين : انا برفع الضغط كناان انا ولا انت .
كنان : كاترين خليكي عم تضيعي الوقت هيك صارت الساعة 6 والمفروض عال 8 نكون عند عامر ... انا عالسبعة الاربع جاية البس روحي لحقي حالك .
كاترين : وليي ليش هيك مشي الوقت بسرعة .
" كاترين عم تحكي :
ركضت بسرعة جهز حالي عملت دوش وطلعت بالبرنس جيب تيابي تفاجأت بكنان بالغرفة " .
كاترين : احمم في مجال تطلع على تاني غرفة بدي البس .
كنان : تفضلي البسي انا رايح .
" مشي وتركني بلشت دور عالفستان بالخزانة مالقيته "
كاترين : وينه بايدي حطيته هون رجعت دورت مرة وتنتين وتلاتة .
كنان من تاني غرفة : يلا كاترين ماخلصتي بدي فوت .
كاترين : لككك ثواني بس فستاني ماعم لاقيه .
كنان : ليش ماحكيتي هيك من الاول ليكو عندي هون.
كاترين : عطيني ياه .
كنان : تعي خديه انتِ .
" سمعت كلمته وطلعت جيبه ماحسيت غير فجأة ايد سحبتني اتجاهاا ولزقتني بالحيط "
كاترين : شبك ليش هيك سحبتني.
كنان : لما شفتك استوقفني جمالك وماقدرت ماعبرلك اديش شكلك حلو وانتِ بهالمنظر هاد شعرك المتناثر على وجههك وقطرات المي المغطية وجهك قادرين يسحروني .
كاترين : كنان عم تتخوت صايبك شي بعد عني .
"كنان عم يحكي شكلها خدرني وبطلت سامع شو بتحكي ماقدرت ما ادفن راسي عند رقبتها وخطفت بوسة منها المشاعر واللي كنت حاسه كان اكبر من هالبوسة بكتير بعدت وشفتها كيف واقفة ماعم تحكي "
كنان : على فكرة مابدها تتشنجي هالقد مجرد بوسة مو اكتر .
كاترين : انت خبرتني انك مارح تقرب علي بس شكلك مابتقدر تبقى عند وعدك .
كنان : ياحلوة يلي شعرك مبلل هيك ونقط المي تنزل من وجهك صدقيني انا لسا ماقربت وانا كنت ..
(صوت مويايل كاترين قطع حديث كنان شاف كنان انو المتصل وسيم ...عصب كتير حمل الموبايل وعطاه لكاترين ) .
كنان : تفضلي ردي .
" تركتها ترد على موبايلها ومشيت للحمام مابعرف شو صابني فجأة اول ماشفت الاسم تنكرزت "
كاترين : هلا سيمو .. تمام وانت .. بركي لأرجع من أنقرة بشوفك ... مافيني شي .. خلص ماتشغل بالك كلو تمام .. اوك سلام .
" كاترين عم تحكي :
مدري شو صار لكنان تركني احكي بالموبايل وقلب وجهه ومشي ... بعد ما لبست الفستان وقفت اتغزل شوي بجمالي عالمرايا لأعطي حالي طاقة ايجابية وتفاؤل ...الفستان كان بايدين شيفون عريضة وعليها عروق ورد ناعمة والفستان شبه سادة بس مدخله عروق ورد ناعمة وطوله لعند ركبتي بشقة صغيرة وعند الصدر مفتوح بشقة صغيرة ...لونه كان اسود رغم اني ماكنت حابة البس هيك بس الفستان عجبني كتير
وحبيته كنت قاعدة فكر شو اعمل شعري بس قطع تفكيري الباب "
كاترين : مين .
... : روم سيرفز
" فتحت الباب كانت جاية كوافيرة كنان مخبرها تجي تعملي شعري وميك اب ماعرفت شو تفكيره ساعة عصبي وساعة قلبه طيب وحنون قررت اربط شعري كونه الفستان سبور شيك وخليت خسلة من غرتي نازلة تدلع فيها وجهي مع ميك اب خفيف جهزنا ومشينا كنان كان ساكت طول الوقت ماحكى معي شي ....وصلنا عالافتتاح استقبلنا عامر واخدنا على طاولتنا "
.......
كاترين : شكرا كنان عالكوافيرة عنجد ماكان في داعي .
كنان : ولايهمك .
" جابوا المشاريب عم يوزعوا ووصلو على طاولتنا اخدت الكاس وجيت اشرب " .
كنان : كاترين لا تشربي .
كاترين : ليش .
كنان : انتِ ومعي ماتفكري تشربي .
كاترين : ليش هيك عم تحكي جبتني لهون وانا معترضة اتركني شو مابدي اعمل .
كنان : هلئ بتقلي وتصيري تتصرفي تصرفات غير واعية .
كاترين : معلش تتركني على راحتي وانا بعرف اتحكم بالكمية اللي بدي اشربها .
"مارديت عليه وشربت اول كاس وكمان لاستفزه اكتر اخدت كاسه وشربته " .
كاترين : اكيد مابدك تشرب انت لهيك انا شربته .
كنان : خلص هدول وبكفو كاترين ماتاخدي غيرهن .
كاترين : مين وكلك ولي أمري .
كنان : ياربي دخيلك شو هالعلقة .
___♡_♡
"مضى الوقت وكاترين ماترد على كنان هو يخبرها بكفي تشربي وهي ماترد... عامر اجى لعند كنان وكاترين على طاولتهن "
عامر : نشالله مرتاحين ومافي اي ملاحظات سلبية .
كنان : كلشي تمام ومن احسن مايكون .
عامر : قد ما اشتغلنا وحضرنا بس اكيد مو متل الآنسة كاترين وتحضيراتها .
كاترين : تسلم ياا استاذ عامر .
(كاترين بلشت تخربط وماتوعى شو عم تتصرف او تحكي وكنان عم يحاول يصحيها ماتخبص شي جنب عامر ) .
عامر : بعد المدة اللي مضت عرفت ليش اجيت وطلبت مني وظف كاترين عندي وبعدها تشتري الشركة .
(كنان ماتوقع عامر يفتح معه هيك موضوع جنب كاترين وتلبك وغص وصار يسعل يحاول يشتت انتباه كاترين بس بعد فوات الآوان وكاترين سمعت الكلام ) .
كاترين : ههه عنجدد انت كنان كنت سبب بتوظيفي والله لازم اتشكرك .
عامر : ليش كاترين مابتعرف .
كنان : كانت لقبل بدقايق مابتعرف بس حاليا صارت بتعرف بفضلك .
عامر : مو قصدي ابدا افتكرت انك خبرتها كيف قدمتلها هدية من شخص مجهول وقت تخرجها بالوظيفة .
كاترين (عم تحكي وهي تتمايل يمين وشمال ومو حاسة شو بتحكي ) : ايي ذكرتني البوكس الي وصلني على تخرجي هااد منه .. بتعرف عامر انت بعملتك هي غيرتلي حياتي مين مابيتمنى يكون سك...
كنان (سكر تم كاترين ومنعها تحكي ) : خلص خلص انا بتشكره عنك ... عامر شكرا على هالدعوة اللطيفة وشكر من كاترين لأنك وظفتها عندك بس صار لازم نمشي .
عامر : بس لسى الحفلة بأولها وين تاركين .
كنان : معلش الأيام جاية ...كاترين شكلها تقلت وخايف تتصرف شي بغير وعي .. اسمحلي .
عامر : متل مابتحب حضورك انت وكاترين فرحني والافتتاح اكتمل فيكن ...
كنان : تسلم ... يلا كاترين .
كنان سحب كاترين ومشي يطلعها برا الحفل ...
كاترين : لككك وين اخدني لسى بدي ارقص مع هداك ابو عيون عسليات اللي بيطلع عليي كل شوي .
كنان : شو ترقصي ماترقصي من كل عقلك بتحكي .
كاترين : على فكرة كلو بسببك ابو عيون متل العسل بدو يجي يحكيني بس انت بقيت لازق جنبي طول الوقت ومافتحتله مجال (صارت تدفشه وتتمايل ) بعد عني خليني روح لعندو فديتو هو وعيونو العسل هدول .
(كنان شال كاترين بين ايديه حملها ومشي ... ركبها بالسيارة وركب جنبها ومشي للأوتيل ) .
كاترين : ليش هيك حملتني جنبه هلئ بفكرنا مرتبطين اذا كان بدو يحكيني بطل .
كنان (بعصبية ) : لككك يا امة الله على هالحكي .. كاترين ارجعي لعقلك ووزني الكلام اللي بتحكيه حتى ما افقد عقلي انا .
كاترين : ليش لسى فيني عقل بعد ماشفت هدليك العيون اللي متل نقطة العسل الصافي بلونهن .
كنان : طبعااا قدرانة تشوفي عيونه العسليات بس عيوني العسليات ماشفتيهن مو ...يمكن حاططلهن عدسات بلون بنفسج انا .
كاترين : معلش حاج تحكي عم تنزع على مخيلتي.. هي وبترسم صورته بعقلي وتتغزل فيه وبعيونه اللي تنقط عسل .
( كنان استفذه كلام كاترين ومو قادر يسمع تخبيصاتها وصار يقنع حاله انو من تأثير الشرب... كمل الطريق للأوتيل وكاترين لسى عم تهلوس بصاحب العيون اللي كانت توصفهن متل العسل رجع شالها وطلع فيها للغرفة دفش الباب برجله وحطها عالتخت )
كاترين : بتعرف لما عرفت انك انت اللي كنت السبب بشغلي بالشركة وانو اللي عملتو فيني وكيف كنت بتحركني كأني لعبة بايدك كرهتك تخيل فووق الكره اجيت انت وقلتلي خدي بدك اكتر من هيك موقف لتكرهيني فيه اكتر .
كنان : كاترين هسس انتي مو بوعيك وماصار هيك شي عامر كان بيقصد شي وانتِ فهمتي غير شي كلياا.
كاترين : خليني كمل ... شقارك الحلو هاد وعيونك العسليات الممزوجين بالأخضر اللي كنت بتحكي اني مو شايفتهن بالعكس انا كتير منيح شايفتهن بس جمالك هاد ماببررلك عمايلك ابدا .
( كنان مو عرفان يضحك على كلامها ولا يتأثر مع كلامها اللي كان طالع بغصة من قلبها ).
كاترين : صح انت كنت مثال للشب اللي برسمه بمخيلتي من شكل وصفات بس طلعت ابدا مو متل مافكرت ووثقت كلشي تغير .
كنان : انا ماشي للصالون لبسي بيجامة ارتاحي فيها ... اذا رجعت ومالقيتك مغيرة تيابك رح غيرلك انا .
" كنان عم يحكي :
تركتها ومشيت حالتها كانت بتوجع القلب من جوا ماكنت متوقعها شايلة هالقد عليي ... حاولت بعد كل الافكار السيئة اللي بتوصل لراسي .. طلعت عالبلكون اخدت هوا جديد يريح نفسيتي ... مابعرف شو خطرله لعامر يفتح السيرة اليوم ... كاترين ماكانت بوعيها ياريت بكرى تكون نسيانة ومو متذكرة شو قال ... رجعت بعد مدة للغرفة شفتها مغيرة تيابها ونايمة ... "
《《تاني يوم الصبح 》》
"كاترين عم تحكي :
صحيت راسي تقيل تطلعت حولي لقيت كنان نايم معي عالتخت شوو جابه هاد لناحي ... صرت انقر بايدي عليه فيقه "
كاترين : اصحى اصحى يا استاذ .. اصحى وخبرني ليش انا وانت بنفس التخت .
كنان : حدا بفيق حدا هييك ؟؟؟ المفروض تحكيلي صباح الخير اول بعدين اتجهي للنكد .
كاترين : صباح الخير اول يلا خبرني هلئ .
كنان : راسك حاسستيه طبيعي ولا بيوجعك وتقيل .
كاترين : شو عرفك انو هيك انا اصلا مستغربة ليش بيوجعني .
كنان : لما تشربي كل مشروب الحفلة ابقي لاتسأليني شو عرفك .
كاترين : وانت كنت بتتفرج عليي ما بتمنعني ولا بتسأل عليي !!! عاجبك شكلي وانا سكرانة وبضرب الحيطان وبسلم على كل حيط بشوفه وبوسه كمان .
كنان : منعتك كتيير بس انتِ ماتردي عليي ...وانتِ حرفيا مو بس كنتي بتسلمي عالحيطان ... شوي تانية رايحة تحضني كل حدا يتطلع فيكي ... وانا نمت هون لأن ماقدرت نام الكنبة كلن صغار بتكسر اذا بنام ف اجيت وتسطحت جنبك ومالقيت حالي غير غفيان .
كاترين : كلو بهون المهم ماكون حضنتك .
(كنان حب يلعب باعصاب كاترين شوي ) .
كنان : انتِ مو بس حضنتيني وبوستيني كمان وكنتي تقوليلي ارجووك كنان لاتبعد عني بمووت من دونك .
كاترين( مصدومة ) : عنجدد انا هيك عملت .
كنان : لكن عن كذب .
كاترين : ريتني اتقطع شو بعرف احكي الكلام الحلو للشخص المناسب .
كنان : انتِ عم تمدحيني ولا تذميني .
كاترين : طبعااا ذم ... خبرني شو صار بالحفلة خبصت شي ماكون عاملة شي بلوة بدي اطلع عالطريق واعرف اتطلع بالعالم بكل ثقة وما اتطلع فيهم ويقولو هي المجنونة اللي كانت بالحفلة .
كنان : صار لازم تتنكري لما تبيني للعالم وتحطي شي قناع على وجهك حتى ما تبيني وجهك لأنك عملتي العمايل .
(شاف نظرة اليأس عند كاترين وانها فعلا صدقت كلامه لكك هي هبلة معقول تصدق بس بالأخير هي مو متذكرة شو عملت وشو ماقلها بدها تصدق بعد ماشافها كيف مقتنعة بكلامه ارتاح كتير انها ماتذكرت كلام عامر ... زعل لما شافها كيف سرحت بخيالها وقرر يحكيلها حتى تطلع من صدمتها شوي ).
كنان : يا هبلة اطمني انا منعتك من انك تعملي العمايل واول ما شفتك عم تخربطي سحبتك ومشيت من الحفلة .... وحتى ماتكوني مفكرة انك حضنتيني كنت بمزح معك .. يلا بدنا نرجع قومي جهزي حالك .
" مشي كنان من الغرفة وهو طالع منها سمع كاترين بتقله " .
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```