الفصل 25
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴5️⃣2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كاترين (مصدومة ) : ابيييي !!!!!!! خبيني خبيني وراك .
وسيم : ليش بدي خبيكي شوفي .
كاترين : مابيعرف اني عم اشتغل بشركة كنان .
وسيم : بلا هبل كاترين اول عن آخر ح يعرف بوجودك امشي نسلم عليه اتجه لطاولة كنان واهله .
"عند كنان وصل يحيى وبارك لكنان وابوه "
كاترين : اهليين بابا .
يحيى : هلا ياقلبي .
وسيم : وانا هون كمان .
يحيى : اهلين وسييم .
وسيم : مبرووك كنان افتتاح الشركة .
كنان : يبارك فيك .
يحيى : كاترين حبيبي تعي شوي بدي احكي معك .
كاترين : حاضر بابا وسيم تعا معي .
يحيى : موضوع بيني وبينك .
(وسيم أشر بعيونه لكاترين تمشي مع ابوها )
وسيم : بتستاهل الخير كنان واضح كيف تعبان على هالحفل .
كنان : تسلم من جهة تنظيم الديكور بدك تتشكر كاترين هي تكفلت هالشغل .
وسيم : كاتوو دائما ذوقها حلو وبتعرف شو تختار وشو تنسق .
(عند كاترين ويحيى ) .
يحيى : كاترين ليش ماخبرتيني انو كنان اشترى الشركة .
كاترين : بابا جد انا كنت ناوية احكيلك بس انشغلت بشغل الشركة وغير الحفل انضغطنا فيه حتى كنت ارجع عالبيت فورا اتجه على غرفتي ونام .
يحيى : حبيبتي انتِ لما خبرتيني انك بلشتي شغل ما قلتيلي عند كنان .
كاترين : صدقني بابا كنت اشتغل عند عامر بس هو باع الشركة حتى هو موجود هون .
يحيى : بس انا عرفت انه اشترى الشركة من اول ما بلش اول يوم فيها بس نطرت وماخبرتك لحتى شوف ايمت ناوية تخبريني وصلتنا كروت الدعوة وانتِ مافتحتي السيرة حتى .
كاترين : وصلتكن بطاااقاات الدعوة وانااا ماعندي علم !!!.
يحيى : رغم اني بعارض شغلك بهي الشركة بس هلئ مارح قلك شي يتسبب بتلاشي ضحكتك بهل المناسبة هي .
كاترين : بابا...
-------------
بطرف تاني كان أُبي عم يستقبل اهل كاترين .
أُبي : ياهلاا نورتو.
كارولين وجود : تسلم .
جود : ماما هاد أُبي أخوه لكنان .
لميا : ااه والله تشرفت فيك يا ابني .
جود : انا تشرفت بمعرفتك خالة تفضلي عرفك على ماما .
(كانت ميس واقفة عالطاولة وكان جاية اتجاهها أُبي ولميا ) .
أُبي : ماما بحب عرفك على لميا مدام يحيى القاتي .
ميس : ياهلا .
لميا : فيكي ياقلبي .
(سلام مكنوز وراه مشاعر عيون بتحكي كلام مو مفهوم غير لأصحابه ).
أُبي (بيحكي بنفسه ) : غريب لمعة عيونهن بس سلامهن بارد لبعض كتير .
كارولين : كيفك خالة وانا كارولين .
ميس : هلا حبيبتي .
--------------
(ابتدى الايفنت وعالم كتير واسماء معروفة حضرت منهم كانوا من جماعة الصحافة وال tv ومنهم التجار المعروفين وشي مهندسين ومنهن عندهن رتبة عالية ومناصب معروفة صار وقت يفتتحوا الشركة وصلت الصينية الذهب وفيها المقص لعند كنان وهو واقف على السجادة الحمرا تناول المقص وقص الشريط الاحمر وصوت الموسيقا والمباركات عليت شرار اشتغل بأنحاء موقع الحفل دخلوا عالشركة لجوا كنان استغرب كيف كاترين قدرت تقلب الشركة ١٨٠ درجة بالديكورات الجديدة شغلات كلها بسيطة واضافات صغيرة بفترة كتير قصيرة ومحدودة قدرت تعطي المكان رونق جديد صح هي عملت كل هاد بعد مامنعت الموظفين يقربوا حتى تعمل التحديثات الجديدة وحتى كنان قدرت تبعده عن المكان لمسات خفيفة غيرت المكان وعطته جمالية اكتر... شاف بساحة الشركة جوا ناطرو المايك كرمال يحكي ).
كنان : بشكر كل الموجودين على حضورهم ومشاركتهم معنا و الفضل بيرجع لرب العالمين بوجودي هون ورضاه عني وكمان ماما وبابا أُبي وبانا وكل اصحابي الداعمين الاكبر لالي بهديهن نجاحي يلي وصلتله اليوم و لكل حدا كان ئله فضل ولو ذرة بوجودي بهاد المكان و كمان مابنسى رفيق مشوار الدراسة والسفر رفيقي واخي ايلاف مرة تانية بتشكركم لانكم هون واستمتعوا بوقتكم .
..........
ايلاف : شو استاذ كنان وين عقلك .
كنان : ولا بمكان شوفي .
ايلاف : كنت عم قلك انو وسيم كان عم يحكي عنك بالمنيح وقت كنت واقف معه .
كنان : اااه والله يكتر خيرو كان مو ناقصني الا شهادته فيني .
إيلاف : يازلمة ماحدا بيخلص منك اذا حكى عنك بالمنيح او بالعاطل عالحالتين بتلحقله الله يعين سعيدة الحظ عليك .
كنان (عيونه مركزة على كاترين بشوف فيها كيف بتسلم على حيان وتوزعله ابتسامات ) : جد الله يعينها على مصابها .
( رمى كلامه وكل نظراته موجهة على كاترين ومشي اتجاهها ).
إيلاف : وووين ...
حيان : اول مادخلت هالمكان حسيت فيه لمسة انوثة سحرية مابدل غير على جمال وحلاوة المنظم لان الحلو بحب يكون كلشي حلو وساحر متله انا صرت عم فكر نخطفك من شركة كنان لشركتنا الواضح انو عندك ذوق رفيع بهالمجال .
كاترين : ...
كنان : هاد من لطفك وذوقك يامحترم .
(كاترين انصدمت بكنان وماكانت متوقعته يطلع بوجهها فجأة).
"حيان اتلبك وفات ببعضه لما شاف كنان كيف طلعله وكل مرة بكون شوكة بطريقه "
حيان : احمم احمم بهنيك استاذ كنان على هالحفل الرائع والشركة كمان الف مبروك .
كنان : شكرا يلا منستأذن منك نحنا ... بالنسبة الك فعندك لسا وقت طويل تدور على شي وحدة حلوة تتغزل فيها ...وهيدا المكان مليان باللحوات بس تاني مرة ياريت ماتقرب على حدا بخصني لتضمن تكمل حياتك من غير اي تشوهات جسدية او عاهات خلقية لا سمح الله .
"كنان سحب كاترين ومشي فيها بعيد عن حيان "
كاترين : شبك شوي تانية بتقوم بتضربه .
كنان : صدقيني لو بقدر ماقصرت كنت كسرته كمان بس ماني مضطر اخرب هيك يوم عليي كرمال واحد متله .
كاترين : صايب شي عقلك ايمت ناوي تفهم اننا مو لبعض وانا مو الك ولا انت الي .
كنان : حلو كتيير مو انتِ مو الي معناها حتى مارح تكوني لغيري .
كاترين : غلطان كتير انت هيك ماعم تحببني بحالك انت عم تكرهني الارض الماشي عليها .
كنان : صدقيني انا مالي قاتل حالي لتحبيني او تكرهيني اخر همي بينا حساب ووقت يخلص هالحساب انتِ حرة من القيود المقيدك فيها .
كاترين : حسااااب شووو وقيوود شووو اوك تركني روح هلق وليخلص الحفل منتفاهم .
كنان : روحي اصلا السيد وسيم واضح عم يدور عليكي بعيونه .
(نفضت ايدها منه ومشيت ... اجا ايلاف عند كنان) .
ايلاف : بتشكرك انك خليتني شوف مسلسل بس على ارض الواقع من غير اي شاشة او فاصل بينا .
كنان : مو ناقصك ايلااف .
ايلاف : يلا امشي فوق مانك غلطان جاي تنظر علي مو حلوة تختفي من الحفل هيك .
__^_^.
بطرف تاني كانت كارولين حاملة صحنها وبتاكل اجى أُبي لعندها .
أُبي : ذوقك بالسلطة المخترتيها نفس ذوقي .
كارولين : بعشق السلطات انا بشكل عام مافي شي مميز عندي .
أُبي : من باب المحافظة على الرشاقة وريجيم وهالقصص .
كارولين : لا ابدا باكل كلشي رغم اني اكبر من كاترين بس مو مبين علي .
أُبي : والله اكبر منها جد مو مبين .
كارولين : كلهن سنتين فرق مشان هيك .
أُبي : بس انتِ ماشالله عنك مبينة اصغر من كاترين .
كارولين : لا بالعكس كاتو مافي اجمل منها وهي ح تبقى الصغيرة .
أُبي : مو بس محامية بشغلك وحتى بالواقع .
كارولين : مشان هيك دخلت هالفرع كنت حبه لان ماما هيك دارسة وكلهن كانوا يقلولي انو بيلبقلي واهم شي كان عندي اهتمام وميول لهل المجال .
أُبي : معناها امك محامية متل امي .
كارولين : والله جد امك دارسة حقوق .
أُبي : ايي بس هلق ماعم تشتغل .
كارولين : يخليلك ياها ...وامي ماعم تشتغل كمان .
(اجت ناحيتهن كاترين تبربر ) .
كاترين : أُبي من اي كوكب جايبين اخوك .
أُبي : من كوكب زحل .
كاترين : واضح عليه كائن فضائي وغير منتمي للبشر وفي عندو حركات بتأكد انو متحول بس بهيئة بشر .
أُبي يسكت كاترين بس هي ماترد.
كاترين : واذا كنت اخوه فكرك تسكتني مثلا بدي احكي ومارح اسكت قناع البراءة والجمال المغطي فيه وجهه وتوب الطيبة الكاسي جسمه منين جايبه مخبي وراه الشر اا.
كارولين : خلص كاترين شو صرلك .
كاترين : كارولين خليني كفي كلامي صرلي فترة ناطرة شوف حدا من عيلته لاحكيله عن المتحول الفضائي الماشي يتمختر بينا مفكر حالو هاد الممثل الحلو تبع كابتن امريكا الاشقر شو اسمه ياربي لككك ذكروني باسمه .
كنان ردها من خلفها : كريس إيفانز .
كاترين : ايوووا هو (ادركت كاترين الصوت مين صاحبه وفتلت تتبسم لكنان وتتصنع عيون البراءة ) .
كاترين : طبعا انت اوسم منه و شقارك احلى من شقارو 😊 .. كنت عم احكيلن اديش هالممثل شايف حالو ومأنزع وعندو كمية وقاحة مو طبيعية بس بيشبهك بشقارو .
(كنان واقف ومكتف ايديه )
أُبي : كاترين لا تحاولي ترقعي لأنو كان هون من اول ما بلشتي تشبيه للكائنات والمخلوقات الغير بشرية ...وانا حاول سكتك بس انتِ فكرتي لان اخي ومارضيت تحكي عليه هيك .
كاترين (تهمس باتجاه أُبي ) : يعني معد يمشي الحال ابدااا .
" أُبي هز براسه بمعنى لاء "
كنان : لا أُبي اتركها تكمل كلامها شو لسا آنسة كاترين في شي متحول او كائن غريب ماطلعت من فصيلته .
كاترين عم تطلع بكارولين تأنقذها من هالموقف.. كارولين عملت حركة بايديها بمعنى مو قادرة تعمل شي ومو طالع بايدها شي ... او الافضل كارولين مو حابة تدخل .
كاترين : يلا عن اذنكن وسيم بيندهلي (اجت تمشي وهي توزع ابتسامات لكنان هو وقفها بايده لما مسك ايدها وحكى قريب منها ) .
كنان : بس لو ماكنت رح اعمل شي واندم علييه وتحكي عنو كل الصحافة ويطبل ويزمر بالبلد وانا بغنى عن الفضايح كنت رديت عليكي ... بس حظك حلو اليوم اما بكرى ف لاء .
(بلعت ريقها ومشيت تركض عند وسيم ) .
كنان : كوكب زحل يا أُبي انشالله بدي انفيك على اورانوس انا ... تسلملي بطريقك على زحل مسقط رأسي .
(كارولين عم تضحك وتكتم ضحكتها ).
كارولين : كنان بدك ماتاخد على كلام كاترين هي لما تكون معصبة بتصير تخترع كلام وتألف قصص .
أُبي : وكلامي انا كمان لما بشوف حدا معصب وحاول هديه .
كنان : انت ماتحكي افضل ... وشو مشان هي عطول بتكون معصبة ولا شو وضعها .
كارولين : لاا مو عطول .
كنان : انا بعرف كيف اتصرف معها .
"""""""""""""""""""""""""""""""""
كاترين : وانا هربت لعندك .
(إيلاف عم يضحك ).
كاترين : شوفي شي يضحك استاذ ايلاف .
إيلاف : لااا ابدا بس ماشفت حدا قدر يوصف كنان بهالدقة هي .
كاترين : اسكت قبل مايطلعلنا من قطعة الكيك هي .
وسيم : مو دائما انا موجود لتهربي عندي حاولي تضبطي كلامك المرة الجاية هلق انا موجود هون بس بوقت شغلك ياقلبي مارح اقدر كون معك وبلا ما يحكيلك شي يزعلك فيه وتعملي مشاكل لحالك بالشغل .
كاترين : حاضر بحاول ... يلاا انا بدي استأذن منكن .
(عند نيسان ) .
نيسان : ميرسي على هالفستان الحلو .
كاترين : تنين بس بيستحقوا الشكر مو انا اول واحد كنان لانه الدعم المادي منه اما تاني واحد والفضل الاكبر اله فهو هدلاك الشب لأن هو الديزاينر .
نيسان : وسيييم هووون ... بتعرفي من أحلامي اني البس شي هو مصممه .
كاترين : ليش بتعرفيه لوسيم انتِ ؟؟؟!! بعدين معقول ما انتبهتي على العلامة الموجودة بالفستان التابعة لاسم شركته.
نيسان : طبعاا بعرفه مين مابيعرف الديزاينر وسيم حتى ما انتبهت ابداا انو الفستان من عندو لأن كنت تابعه وكتير عجبتني المجموعة يلي شاركتي فيها خصوصا فستانك من بعد ماشفت الضجة يلي صارت وقت حفلة تخرجك والعرض الي شاركتي فيه صار نفسي كتير اعرفك ولما اجيتي لهون ماكنت مصدقة انك صرتي جزء من المكان يلي بشتغل فيه .
كاترين : اااه والله طلع في عالم بتابعني بصمت وانا مو عرفانة .. طب شو رأيك نمشي نسلم على سيمو .
نيسان : ااااه ياريت اتعرفيني عليه .
كاترين : لكن يلا امشي .
"سحبت كاترين نيسان ومشيت لعند وسيم "
كاترين : سيمو جبتلك بنوتة عبالها تتعرف على اشطر ديزاينر .
نيسان : مرحبا انا كتير معجبة بالتصاميم اللي بتعملها ومتابعة شغلك على طول .
وسيم : ياهلا بيسعدني التقي بحدا بيعجبه الشي اللي بصممه شكرا لذوقك .
نيسان : العفوو مو مجاملة بس جد انت افضل ديزاينر عرفته ومالي مصدقة اني اليوم لابسة شي من تصميمك وفيه لمستك الحلوة .
وسيم : ولوو ميرسي للطفك .
كاترين : وسيم مافي منه نيسان ماتشوفيه عالسوشيال ميديا بياخد وبيعطي هو بالحقيقة مابحب حدا كتير يمدح فيه خجول بطبعه .
" نيسان ابتسمت لكاترين : تشرفت كتير بمعرفتك وعن اذنكن .
وسيم : الشرف اللي .
........
وسيم : كاترين حدا مخبرك آداب تعريف الاشخاص .
كاترين : ليش .
وسيم : اجت البنت وراحت وماخبرتيني مين هي او شو اسمها .
كاترين : اسمها نيسان بتشتغل معي بالشركة تمام هيك .
الصحافة تجمعت على كاترين ووسيم ...
صحفي 1 : استاذ وسيم و الآنسة كاترين في عمل جديد بينكم .
صحفي 2 : في كلام بقول انك عم تحضر لعرض ازياء جديد باسطنبول .
صحفي 3 : استاذ وسيم وجودك هون مع الآنسة كاترين دليل على قوة علاقتكن الشخصية فهل ياترى علاقتكن علاقة عمل وشغل ام علاقة من نوع آخر .
صحفي 4 : وسيم بيك اذا بتريد جاوبنا في عرض جديد والآنسة كاترين موجودة فيه .
وسيم : يااجماعة انا بايفنت افتتاح شركة معقولين انتو بتلحقوني لهون وبتسألو عن شغلي بعتذر مارح جاوب حدا .
صحفي : آنسة كاترين اذا بتريدي انتِ خبرينا .
كاترين : بعتقد كلام وسيم كان مفهوم وواضح وهو خبركن مارح يصرح بشي حاليا فأكيد انا كمان مارح قول شي معلش تفسحولنا مجال لنمشي .
صحفي : في علاقة بينك وبين وسيم بيك .
كاترين (معصبة ) : يعني مو معقولين انتو هربنا من صحافة ايطاليا جيتو انتو فظااعة كيف الخصوصية معدومة بقاموسكم .
(كنان كان واقف بعيد عنهن بيتأمل اللي عم يصير بعد ما الصحافة اجتمعت عليهن كل الموجودين تحولت انظارهن اتجاه وسيم وكاترين ... بأمر من كنان اشتغلت الموسيقا حتى الصحافة تبعد والاجواء ماتكون متوترة ... الكل اتجهوا يرقصوا ...كاترين قعدت مع اهلها ... كارولين طلعت ترقص مع أُبي بعد ما استأذنت من ابوها .. كاترين قاعدة وسارحة بالستيج والكل كيف بيرقصوا قطع عليها كنان هو وبحاكيها ) .
كنان : كاترين تفضلي معي .
كاترين : لوين .
كنان : بتسمحيلي بهالرقصة .
كاترين : مابدي تركني لحالي هون .
كنان (سحب ايد كاترين وطلعها معه ) : على فكرة اهلك وافقوا فما في داعي تعترضي .
كاترين : قلبت وجهها فيه لتاني طرف .
......
أُبي : اخي جاية هو وكاترين يرقصو .
كارولين : كاترين في شي معصبها .
أُبي : في غيرو كنان .
كارولين : حرام عليك عم تحكي هيك عليه كاترين مابتقصر كمان .
أُبي: الحق معك لازم اشكر كنان على دعوة هالملاك اللطيف .
(كارولين ابتسمت خجلانة من كلام أُبي ) .
......
كاترين : ليش دفشت الصحافة علينا انا ووسيم .
كنان : مارح دور ولف وخبرك اني مادفشتن لأني مابحب كذب ... بعتتهن ليرحبوا بالديزاينر العظيم الموجود بالحفل معنا .
كاترين : مفهوم الترحيب عندك زيرو .
كنان : كل حدا برحب على طريقته .
......
لميا ( وهي بتنظر لبناتها كيف بيرقصوا ) : شكله القدر لسا عندو رغبة يوحد الدم بين هالعيلتين .
يحيى : حكم القدر وشو نعمل فيه بس نشالله يكون على خير .
لميا : تأكد جاية ايام حلوة لبناتنا شعور كبير موجود بقلبي .
يحيى : شو رأيك نطلع نرقص معهن .
( الايفنت خلص وتأخر الوقت بلشوا المدعويين يغادروا الحفل ).
_____^_^.
" فاقت كاترين على صوت مسج فتحت موبايلها شافت كنان باعتلها انه خلال دقايق بكون جنب بيتها تنزل لعندو " .
كاترين : شو بدو من الصبح بكير هاد .
" صحيت غسلت وجهها ولبست ونزلت كان لسا ماحدا صاحي غيرها " .
(وصل كنان لعندها بالسيارة عم يأشرلها تطلع معه ) .
كاترين : شوفي ليش جاية من بكير هالقد .
كنان : ركبي بالسيارة لخبرك .
....
كاترين : وهي طلعت عالسيارة شوفي مفيقني من الصبح .
كنان : اليوم الجمعة وانتِ من طبيعتك بتصحي الجمعة بكير لتركضي شوي عالشط أولاً اما تانياً جيت أخدك منركض شوي بعدين منطلع سوا .
كاترين : لوين بدنا نطلع .
كنان : اديشك فضولية .. لو تنطري شوي بتعرفي .
كاترين : شايفني بمنامك من اول ماصحيت حملت موبايلك وقلت لنزعج راحة كاترين .
كنان : من مبارح كنت بدي خبرك بس انتِ مشيتي بسرعة وماشفتيني قبل ماتروحي ...
خلال دقايق كانوا موصلين نزل كنان من السيارة ولحقته كاترين تركض .
كاترين : لكك ليش تركض وكأنك عم تهرب مني انطر بدي احكي معك .
كنان : مامعنا وقت .. احكي ونحنا عم نمشي سامعك .
كاترين : ماتخيلت بيوم اجي معك لهون .
كنان : ولا انا تخيلت ...
(بعد نص ساعة من الركض قعدت كاترين على طرف تاخد نفس ).
كنان وهو يدور ناحيتها : شايفك قعدتي .
كاترين : انا خلصت خليك عم تفتل انت .
كنان : اوك رايح لهدلاك المكان ربع ساعة وبكون عندك .
(فتحت موبايلي بعتت مسج لكارولين خبرتها اذا تأخرت عن الفطور ماينطروني ... وصل كنان حامل قنينتين مي ) .
كاترين : لوين بدنا نروح هلئ .
كنان : على مكتبي القديم .
كاترين : شو بدنا نعمل هنيك مثلا .
كنان : عنا شغل .
كاترين : ترااا اليوم عطلة الشركة وين جاية تقلي شغل واصلا مافيني روح معك اليوم اجتماع العيلة لازم يكون الكل موجود .
كنان : عطلة الشركة مو مكتبي وكرمال اجتماع العيلة عادي اذا نقص فرد منهن مو هالمشكلة العظيمة .
كاترين : مالي خلق للشغل يوم العطلة عندي بتتعطل فيه كل قدراتي العقلية وبتدخل براحة لوقت ما ارجع للدوام .
كنان : مافي فايدة قد ماحكيتي لأني قررت ومشي الحال .
_______♡_♡
بعد الفطور راحوا أهلها لكاترين لعند نور لأن كان اجتماع العيلة عندها .... كاترين خبرت أهلها انها مارح تقدر تروح معهن وطبعا الكل كان موجود بس كمان أوس ماكان لأن كان بالمشفى .
____*_*.
كاترين بتأفأف كل شوي وتنفخ مو عاجبها تاركة يوم العطلة وقاعدة عم تشتغل مع كنان بتصميم بيته .
كنان : معدل الأكسجين بدماغك عم يتناقص وشكله صار شبه معدوم على قد ما تأفأفتي .
كاترين : اي مو عاجبني شي لأن .
كنان : اوك رجعي تأفئفي بس المهم تخلصي شوية شغل .
كاترين : بدك ياني اقعد اشتغل معك وانا لسا ما اكلت شي .
كنان : الأكل عالطريق .
كاترين : يوم عطلتي مالك حق فيه كرمال هيك كرم مني رح اشتغل ساعتين معك بعدين رايحة عميل اللي بدك مادخلني انا .
كنان : منيح مني اني ساكت عن عمايلك مبارح .
كاترين : ويييت ويييت ويييت وييت عمايل شووو .
كنان : عندك مثلاا وقت وصفتيني بأبشع كائن غريب لسا ماشافت البشرية من غرابته وعندك وقت كنتي بتاخدي حياان بالأحضان وشوي تانية بلاقيكي عم تعمليلي باي من شركته .
كاترين : كنت بمزح مع أُبي ايمت كان المزح حرام .
كنان : وشو تبريرك على حيان كمان كنتي بتمزحي مثلا .
كاترين : اجى سلم عليي معقول خبره ميرسي مابسلم على ذكور انا يعني تخيل انت .
كنان : لا خبريه ميرسي مابسلم على كائنات غريبة .
كاترين : خلص يعني جيت انت واكلتو بكلامك .
كنان : وانتِ ماشالله حولك ماقصرتي بالصحافة واكلتيهن بكلامك .
كاترين : مابحب حدا يدخل بحياتي لأن .
(قطع حديثهن وقت الاكل وصل فورا كاترين تركت كلشي من ايدها واتجهت على طاولة الاكل تاكل ) .
كنان : مو من شي غريب زايد وزنك بتتركي الرياضة من هون بتتجهي للاكل فورا .
كاترين : عفوااا على فكرة انا وزني مثالي وما اعتبر عندي وزن زايد .
كنان : هيك مثالي بس نتفة تانية بتتعدي مرحلة المثالي اذا بتبقي على هالروتين الغلط ...
( تذكرت انو وسيم آخد مقاس جسمها ولازم تبقى محافظة على وزنها ... تركت الاكل ورجعت للشغل )
كنان : ليش بعدتي عن الاكل تعي كملي .
كاترين : لا مابدي بعد شوي باكل .
كنان (بيضحك على كاترين ) : شكلك خايفة وزنك يزيد ويزيد يعني عادي شو هالهم .
كاترين : ماعندي مشكلة انو يزيد وزني بس مو هلئ .
كنان : ليش مو هلئ ؟؟؟.
كاترين : بتعرف انت جسم المودل لازم يبقى محافظ على معايير محددة فكيف لو كان هالجسم جسم المودل الرئيسية .
كنان (علقت اللقمة بحلقه وقت سمع كلام كاترين ) : ليش حضرتك لسا بدك تشاركي بمجال الازياء .
كاترين : ليش وين الغلط بالقصة اذا كان عندي كل المقومات وجربت من قبل والعالم حبتني .
كنان : هاد كان زمان بس هلئ مافي تشتركي واذا كنتي مفكرة بالقصة لغيها .
كاترين : انا مو مفكرة انا فعلا عندي عرض قريبا واكيد مارح وقفه بس لأنك عارضت وبعدين بصفتك شو قاعد بتتأمر علي .
كنان : بصفتي مديرك اكيد مارح شوف السكرتيرة مشغولة عن شغلها وبتعطل مصالح الشركة على حساب بروفات وامور خارجة عن اختصاص الشركة وابقى ساكت كرمال شي مانو مهم .
كاترين : منيح مني اني عم اشتغل معك اصلاا .
كنان : مو بكيفك مجبورة ... وحتى اعتراضك هاد مالو مكان عندي .
كاترين : وانت ماخصك بقراراتي وقلت اني مشاركة بعرض ازياء وخلصت القصة .
كنان : بدك تلغيه كاترين .
كاترين : مارح الغيه اكيد .. عطيت كلمة لوسيم واخد مقاس جسمي والفستان صار جاهز تقريبا هلئ بدك ياني ارفض كرمال شوو بس كرمال انك مو موافق .
كنان : ناطرة مني وافق حتى تلبسي فستان الفاضح والكاشف منه اكتر من الساتر متل ماعملتي هدليك المرة .
كاترين : ماعم افهم حدد ليش معترض مشان الشغل ولا القصة شخصية وقصة غيرة .
كنان : اصلاا القصة كلها مالها زابطة مهندسة وعارضة ازياء سوا وين صارت .
كاترين : شيل كلمة مهندسة لأنك جردتني من هالحق وعملتني سكرتيرة عندك واذا تجي عليي وخيروني بين اني كون سكرتيرة عندك او مودل عند وسيم فأنا اكيد بختار وسيم .
كنان : مابكفي اني عم كافئك على شغلك مبارح وعاطيكي فرصة تشتغلي بمجالك معيي ومو لحالك هي النقطة ركزي عليها .
كاترين : اوك ماشي خليني عم اشتغل لان اذا ببقى بحكي معك مابعرف لوين بدي اوصل او خبص بالحكي طريقة استفزازك فظيعة لدرجة وانا مالي مجبرة اتحملها .
كنان : كتير منيح بلشتي تفهمي عليي .
(بقيت كاترين تشتغل باللابتوب وتتجاهل كنان حتى انه خبرها تقوم تفطر بس هي رفضت وبطلت بدها تاكل .... مضى الوقت وكاترين تعبت لانها مو اكلة قررت تستسلم من الشغل وتمشي ) .
كاترين : بعتقد هذا الحد بكفي لليوم من الشغل وصرت مشتغلة منيح بعتلك الشغل اللي خلصته على بريدك انا ماشية .
كنان : وين ماشية مافيكي تروحي قبل ما اطلع .
كاترين : خيرر بقى شو لسا ليش مافيني اطلع .
كنان : ماني محتفظ فيكي مو فرحان فيكي ...نحنا جينا بسيارتي اذا بتذكري بس كرمال وصلك مو اكتر .
كاترين : ماشية هلئ بتحب توصلني اهلا وسهلا مابتحب سلام .
(مشيت كاترين وتركته ... كنان طفى اللابتوب واخده معه وسكر المكتب يلحق كاترين ) .
كنان : تفضلي ركبي .
" كاترين طلعت بالسيارة وهي ساكتة " .
كنان : منروح اول شي على مطعم مناكل بعدين بوصلك .
كاترين : لا مابدي اذا بتريد وصلني فوراا .
كنان : كاترين ما اكلتي مناكل بعدين بوصلك .
كاترين بعصبية : كنان قلتلك مابدي وصلني وخلص .
كنان : ع راحتك وين بدك وصلك لعند اهلك ... وينهن اخدك عندن .
كاترين : لا شكرا خدني عالبيت وبس .
(اصرار كاترين كان كفيل انو كنان يفهم انها معصبة وماعندها قلب تبقى لسا معه ... وصلها على بيتها وهي طلعت على غرفتها من تعبها نسيت انها مو اكلة ونامت ).
" بعد نوم عمييق من تعبها صحييت عملت دوش تنشطت فيه هي وبتنشف شعراتها سمعت صوت موبايلها برن .. كانت شغف عم تخبرها انو جاية هي وريتا ياخدوها ليتعشو برا البيت "
________^_^
عند كنان بالأوتيل :
بعد ما عمل دوش نزل ع مطعم الأوتيل يتعشى وبنفس الوقت فاتح اللابتوب وعم يشتغل .
منرجع عند كاترين
كاترين ورفقاتها بالمطعم ....
كاترين : بتصدقو انو هي اول وجبة باكلها اليوم .
شغف : يييي يعليكي لييش .
ريتا : كيف قدرانة تبقي عايشة لهلئ .
كاترين : عادي كنت بتمشكل مع كنان واضربت عن الاكل .
ريتا : وليش ما اكلتي بعدين .
كاترين : لأني نمت ولما صحيت حاكيتكن وهينا عم ناكل .
شغف : لحظة لحظة شو وصلك لكنان .
كاترين : لا ولا شي بس عم اشتغل بشركتو .
ريتا : من ايمت وما خبرتينا .
كاترين : "حكت كييت وكيت وكيت وعرفو القصة كلها " .
شغف : يعني انت هلئ من كل عقلك اعدة عم تشتغلي بديكور بيتو .
ريتا : العما ما اوقحو مش مبين عليه هيك وقح .
كاترين : بكفي اني رح اخد النص المليان من الكاسة وفكر بالشي الايجابي .
ريتا : بلله شو هالشي الايجابي يلي عم تحكي عنو .
كاترين : انو شغلي مع كنان كتير بفيدني بحكم انو هو معماري شاطر ومخيلتو واسعة وبعد ما اترك من شركته رح يكون السيفي تبعي قوي لأني مشتغلة معو .
شغف : تصطفلي ع راحتك بس انت عم تلعبي بالجمر .
ريتا : ثانية شو عم تقوليلها تصطفلي انت التانية عذر اقبح من ذنب وبلا هالطرف الايجابي مارح تغني من وراه.
كاترين : ريتا اذا بتريدي الاعدة رواق لا تنزعيها وقت رح خبص واوقع مارح اجي اطلب مساعدة منكن .
شغف : اهدي كاتو ما بدها القصة عم تمزح معك مو ريتاا ؟؟؟
ريتا : طبعا عم احكي كنت لمصلحتها واكيد ما قصدي زعلها ... خلص هي حياتك وانت بتعرفي تتصرفي فيها .
كاترين : مقدرة موقفك بس انتو كمان بصفتكن رفقاتي لازم تقدرو حالتي خلص شيلوكن مني وخبروني كيف شغلكن انتو .
ريتا : الحمدلله منيح لحد الان رواق وماصار اي مشكلة معنا بالشغل .
شغف : كلو تمام الحمدا
شغف : كلو تمام الحمدالله.
كاترين : حلوو ... بنات انا تعبت وعندي دوام بكير واكيد انتو عندكم لهيك خلونا نمشي .
شغف وريتا: يلاا .
___×_×
تاني يوم بالشركة .
كاترين حاملة ملفات ومتجهة لعند كنان ... رمتهن جنبو ع الطاولة .
كنان ( بيطلع ع كاترين نظرة بتوضح كيف انزعج منها ) : شو هدول .
كاترين ( ملتئمة فيه ) : البريد وحساب الشركة المنسقة للحفل وحساب شركة الفساتين وحساابي كمان .
كنان : وحسابك كماان !!!! هاتي لشوف.
بعد ماشاف كنان الملفات ...
كنان : اووووف اوف اوف اوف مايكون بين ايدي تكاليف عرسي ما بتطلع كل هالقد .
كاترين : شو اعملك اذا انت منقي اغلى شركة منسقة بكل تركيا .
كنان : على فكرة الحق مو ع الشركة المستلمة الايفينت الحق عليكي بكل هالبزخ يلي عملتيه .
كاترين : فوق ما كنت اعدة عم بيض الايميج تبعك قدام العالم لا فعلا الحق عليي طلع ما بيلبقلك .
كنان : والايميج تبعي ما بتبيض الا اذا كنتي طالبة الف نوع اكل والف شيف يعني صارت وصارت ليش ما جبتيه لبوراك كماان .
كاترين : اااا والله كنت نسيانتو خلص المرة الجاية وبالمناسبة لا تقلد طريقتي بالكلام .
كنان : وشو مشان الفساتين مو ملاحظة انو مبالغ بسعرهن ما كون طالب فستان الملكة اليزابيث مابكون بهالسعر هاد .
كاترين : ايوااا مانحنا جبناهن من عند جارها يلي بإيطاليا .
كنان : عم تستهبلي عليي بعرف ع فكرة ما الفاتورة بين ايدي وشايف من وين .
كاترين : المهم صرفلي قرار منك للقسم المالي ليدفع التكاليف .
كنان عم يوقع على القرار .
كاترين : ت ت ت قلبي عليك بعد هالمصاريف تفلس الشركة كيف بدك تسكرها وانت لسا ماصرلك زمان مبلش فيها .
كنان : هدول الفلوس رح اخدهم منك بأول مشروع رح تشتغلي فيه .
كاترين : ايي اي نطرلك سنتين زمان لسى لأن كتير باين اني حأشتغل .
كنان : ليش ماعندك فكرة انك ح تصيري تستلمي مشاريع مع شغلك .
كاترين : لااا ولووو فوق ما اني ماعم لحق طلباتك بتقلي استلم مشاريع كمان .
كنان : مافي وقت لاعتراضاتك تفضلي البريد واتجهي على شغلك كملي تصميم ديكور بيتي .
__*_*.
بمكتب رأفت ..
رأفت : أُبي من ايمت كنت تشتغل هيك .
أُبي : بابا هاد انا وماعم قصر بشغلي ابدا بس شو اعمل اذا في منافس جديد ماعم نفهم على عقله .
رأفت : معناها منسكر بواب الشركة ومننطر لنفهم عقله شو رأيك .
أُبي : في خيار تاني وترجع تحط ايدك بايد شركة القاتي متل قبل وتقدروا تتغلبوا عليه ... بابا القصة مانها بهالصعوبة اللي انت متخيلها ح تكون علاقتكن بغرض الشغل فقط .
رأفت : اكيد انا مارح روح برجليي لعند يحيى وخبرو يلا تعا نتشارك زي قبل .
أُبي : انا بروح وبحكي مع جود وبشوف ردة فعلهم مافي داعي تجي انت وتحكي معه .
رأفت : خلص تركها لبعدين .
أُبي : لا مافي لبعدين مامعنا وقت انا ح اتصل على جود ورتب الوضع معه .
" أُبي مارد على اعتراض ابوه وقرر يتصل على جود ويحط ابوه تحت الأمر الواقع " .
____^_^
"جود بالجيم شاف اتصال من أُبي رد عليه " .
جود : يا أهلين بأُبي بيك .
أُبي : جود زكاتك بدنا نجمع ابي وابوك ونوحد الشمل من جديد .
يتبع......
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```