الفصل 24
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴4️⃣2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كنان : شكله درس اليوم كان جدااا خفيف وماعطى مفعول معك .
كاترين : خلينا بمصيبة بكرى شو بدنا باليوم .
كنان : هي مصيبتك لحالك يلا اورفوار .
"انا من بعد هالشخص فيني ابصم بالعشرة عالعمياني
انو مافي حدا بنافسه بالاستفزاز وحرق الاعصاب "
__
ميس : عنجد عم تحكي كنان .
كنان : طبعااا عنجد اجيت خصوصي لخبرك بحفل الافتتاح وكرمال ترتبي امورك من اليوم لبكرى انا خبرت بانا من مبارح اني جاية لهون اليوم كرمال خبركن عالحفل .
ميس : بانا هيك مابتخبريني انو كنان جاية وانا اليوم كنت عم اسألك عنه .
بانا : ماما حبيت اعملك ياها سوربرايز ..
كنان : انا ناطر حضوركن بكرى وبدي منك تخبري بابا يحضر كمان .
ميس : تكرم ياقلبي الف طلب متل هالطلب .
كنان : انا مضطر امشي هلق بتوصوني بشي .
ميس : ويين لسا ماشبعت منك .
كنان : معلش اسمحيلي اليوم بس انتِ بتعرفي شوفي بكرى وكيف بكون عندي الف شغلة وشغلة لازم خلصهن .
ميس : الله يسرلك .
بانا : بالتوفيق كينو .
......................
وسيم : كاترين شبك لسا كل شوي بتقومي بتعملي اتصال وبترجعي .
كاترين : شكلي موقعة حالي بمصيبة هالقد وموعرفانة اطلع منها .
وسيم : شوفيي احكيلي شو صاير معك .
كاترين : فينك تقول صار في متل تحدي بيني وبين صاحب الشركة ... بكرى في حفل افتتاح الرسمي للشركة بادارتها الجديدة .
وسيم : اييي وين التحدي بالقصة .
كاترين : المصيبة اني تكفلت بتنسيق الحفل كله وانا لحد الآن حتى ما اتفقت مع الشركة المنسقة للحفل ولا عملت شي .
وسيم : شوووو .
كاترين : معلش تهون علي مصيبتي 🙂 .
وسيم : ايي لااا وين المصيبة بالموضوع مافي مصيبة يلا يلا خلينا عم ناكل ونتسلى .
كاترين : خبرتك خففها بس مو لهل الدرجة وتحسسني وكأني ماعليي شي وانا قاعدة معك .
وسيم : ماتعتلي هم امورك محلولة ... اسمعييني منيح شو رح قلك هلق بعد ماتخلص قعدتنا سوا وبتروحي اول شي لعند الشركة المنسقة للحفل وبتتفقي معهن على كلشي من الديكور لتوزيع الطاولات وكل التفاصيل وكمان بتتفقي معهن عالأكل والمشروبات وطبعا مابتنسي الدي جيه وعندك كتير قصص وتفاصيل هنن بذكروكي فيهم تاني شي بتتصلي مع حدا من رفقاتك بالشغل بتحصي معها عدد الموظفات بالشركة وبتقسموهن الى موظفات عاديات وموظفات مسؤولين عن اقسام معينة بالشركة وبتوكلوا حدن يتواصل مع كل الموظفات بالشركة وبتاخدوا السايز الي بالعادة بيلبسوه .
كاترين : شوبدي بكل هالتفاصيل تبعوت الموظفات .
وسيم : انتِ مابدك ومابهمك بس انا بهمني .
كاترين : مافهمت .
وسيم : بعد شوي بتفهمي اوووف نسيتيني ليش اجتمعت فيكي .
كاترين : اجتمعت فيني لمصلحة ؟؟؟!! .
وسيم : يلا نكدي عليي قومي قومي .
كاترين : لوين .
وسيم : امشي بتعرفي .
"مشيت كاترين مع وسيم على مكتب المطعم "
كاترين : وسيم لوين جبتني .
وسيم : هاد مطعم رفيقي وهاد مكتبه ومافي مكان انسب من هون كرمال آخدلك مقاس .
كاترين (اتذكرت العلامة على كتفها ) : لااا شو تاخدلي مقاس مو وقتها هلق مو شايف كيف عندي الف شغلة ولازم اخلصهن .
وسيم : كاترين خبرتك امورك محلولة ماتاكلي هم .
كاترين : طب انت اخدت مقاسي بايطاليا بسيطة رجاع لنفس القياس ليش العذاب مرة تانية .
وسيم : مافيني بخاف تكوني نحفتي او سمنتي ولو كيلو كله بيفرق معي .
كاترين عم تلعن حظها : طيب يلا خلصني .
اخد مقاس خصرها وطول رجليها ومحيط خصرها......
وسيم : كاترين معلش تشلحي الجاكيت بدي كمل اخد مقاسات .
كاترين : كمل وهو موجود من فوقه يعني شو رح تفرق معك .
وسيم : فينك تفهميني كيف فيني آخد مقاسات من فوقه وهو فيه كتافيات رافعين كتافك سانتي لفوق .
" كاترين شالت الجاكيت وهي عم تدعي ماينتبه على كتفها حملت شعراتها وحطتن فورا على كتفها كرمال تغطيه "
"كمل وسيم وآخد مقاس طولها من الكتف ولعند الخصر ومن الكتف ولتحت واخد مقاس ايديها ومحيط صدرها واجا بدو يسجل مقاس كتافها شال شعرات كاترين عم يبعدهن بين ايديه وياخد المقاس انتبه على الندبة الموجودة بكتفها " .
وسيم : كاترين شبو كتفك لييش هيك مزرق .
كاترين بقلبها : لككك يلعنك ياكنان على هالموقف يلي حطيتني فيه .
كاترين : اااه ولا شي ولاشي هاد من وقت ماكنت عم جيب ملف من ارشيف الشركة وفي ملف كان كبير وتقيل وقت سحبت الي جنبه وقع على كتفي .
وسيم : ليش انتِ شو آخدك على الارشيف .
كاترين : ولاشي بس كنت بدي دقق بمشروع قديم بدنا نعدل عليه ونعمله ترميم وتحديث للمبنى .
وسيم (بعدم اقتناع ) : ممممم ترميم وتحديث قلتيلي .
كاترين : ايي وسيم خلصت فيني البس الجاكيت .
وسيم : اي عراحتك انا خالص والمقاسات صارو معي .
وسيم عم يودع كاترين ليمشي .
وسيم : انا مسافر هلق كرمال جيب فساتين حفل بكرى لكل الموظفات الفساتين ح تكون موحدة بس يلي مختلف انه الموظفات العاديات شكل ولون الفستان ح يكون مختلف شوي عن مسؤولين عن رتبة معينة خبرتك تحصي عدد الموظفات العاديات عن المسؤولين عن رتبة معينة كرمال اختلاف الفساتين امااا انتِ ف فستانك مختلف حبة زيادة كرمال ضربة الملف يلي على كتفك ونحاول نخبيها .
كاترين : عنجدددد وسيم بدك تعمل كل هاد مشااني .
وسيم : حتى تثبتي لمديرك انك قدها وقدود وقدرانة تعملي شغل قياسي خلال فترة قصيرة فكيف لو كان معك وقت .
نطت كاترين وعانقت وسيم عم تشكره على وقفته معها ....
كاترين : عنجددد انت مافي منكك .
وسيم : ولووو بدنا خدمة تحرز يلا سلام .
كاترين : مع السلامة .
قبل مايركب وسيم سيارته حكى : اااه صح بس زكاتك قبل العرض ماتقربي عالأرشيف ابداً مو كرمال شي بس لأن الفستان ح يكون مكشوف (غمزها لكاترين وركب بالسيارة ومشي ).
" كاترين حمرو خدودها من الخجل لأنها عرفت انو الكذبة ما مرقت على وسيم "
"""""""""""""""""""""""""""""""""""
أويس كان مع شيفاي و اجاه اتصال من وسيم ....
وسيم : كيف الكابتن .
أويس : مشتقلك شو اخبارك .
وسيم : اخباري تمام اذا بتساعدني بهالطلب .
أويس : هات لنشوف .
وسيم : شو عندك اليوم .
أويس : ولاشي .
وسيم : كتير منيح شو رأيك نطير سوا .
أويس : نطييير ولوين .
وسيم : رحلة صغيرة على ميلانو .
أويس : ايمت .
وسيم : طبعاا هلق .
أويس : هلللق؟؟؟! .
وسيم : بالمختصر المفيد في فساتين لازم روح اشرف على خياطتهن وجيبهن معي ومامعي وقت غير لبكرى الصبح لازم كون راجع .
أويس : هو العالم تطورت وصارت تروح سيران على ميلانو وترجع بتفس اليوم ولا انت نيئة .
وسيم : شكلي انا النيئة يلا جهز امورك وخبر شيفاي بكون اجيت لعندك .
أويس : شيفاي معي ويلا ناطرين حضرتك لوقت ماتوصل لعنا منكون رتبنا امورنا مع المطار وسبقناك .
وسيم : اوك سلاام .
__*_*.
كاترين كانت بطريقها للشركة اتصلت على نيسان وخبرتها تساعدها بخصوص عدد الموظفات وتسألهم عن السايز المعتاد بلبسهم وتبعتلها الرد بمسج و كمان اتصلت على علاء وخبرته باسم محل بدلات وسيم خبرها عن صاحبه وبلاقوا عندو كمياات كبيرة وخبرته عن الخطة تبع الاوتفيت للايفنت وكمان حددتلو الوان معينة للبدلات ...
___○_○.
عند أويس التقى بالمطار مع وسيم وطاروا فورا على ميلانو اما كاترين وصلت عالكافيه كرمال موعدها مع الشركة المنسقة للايفنت .
المسؤول عن تنظيم الحفل : ياهلا .
كاترين : سوري بس اتأخرت عليك .
المسؤول : ولا يهمك شو بتشربي .
كاترين : باخد عصير فريش .
المسؤول : تكرمي ..
بلشوا يحكوا بالتفاصيل وخبرته كاترين كيف راسمة ببالها تحضيرات الديكور .
المسؤول : بس كرمال الوقت مو ملاحظة انو كتير قصير وهاد الشي بغلبنا بشغلنا .
كاترين : ماشالله عليكم مو اول حفلة بتعملوها والكل بيحكي عن شغلكم فبتوقع هيك تفصيل صغير مابوقف عائق عندكن وانا طمعانة فيكم وعندي ثقة انكن بتقدروا .
المسؤول : شهادتك فينا منعتز فيها ومنأكدلك ح نكون نفس ماتصورتي التعامل معنا واكتر وهلق ممكن بس نختار سوا نوع الورد المسيطر على ديكور الايفنت .
كاترين : اوك ممكن توريني الانماط المتوفرة ..
صار يقلبلها بالتابليت ويخبرها عن الانواع المناسبة اكتر للايفنت .
كاترين : تمااام خلص اعتمدت على هاد النمط .
المسؤول : من جهة البوفيه المفتوح في نوع اكل محدد بتحبي نتبعه ... يعني بتحبي مأكولات شرقية ولا غربية او بحرية ممكن .
(كاترين لمعت ببالها فكرة ابتسمت لا اراديا وهي تتخيل حالها عم تطبقها وحكت بقلبها : والله لخليك تفلس ياكنان ) .
كاترين : نزلي كلشي من انواع اكل عندكم حتى بدي من كل انواع المقبلات يكون موجود ومامننسى الحلويات كمان النمط شرقي وغربي ... طبعاا بدي الاكل يكون التووب وكلشي اورجنال .
المسؤول : بس مو ملاحظة هيك كتير مكلف يعني ماشفت لهلق اي ايفنت نظمناه كان فيه كل هالأنواع من المأكولات .
كاترين : ماتعتل هم التكلفة مو مهم اديش الفاتورة المهم يكون كلشي التووب و اذا كنت عم تفكر شو رح نعمل بكل هالكميات فبحب خبرك انه كلشي رايح على دور الأيتام .
المسؤول : تمااام .
(اتفقت كاترين معه على باقي التفاصيل من دي جيه ونمط الطاولات والكراسي وكتير شغلات غيرها ) .
____^_^.
طبعااا كاترين كانت ومازالت عم تتفق مع الشركة كرمال الايفنت اما كنان فكان بالجيم تفاجئ واستغرب من عدم وجود كاترين بالجيم .... وسيم بحالة استنفار هو وكل الموظفين عنده اما شيفاي وأويس كانو عم يتسلو ويتفتلو بشوارع ايطاليا لبين ما يخلص ....
بعد مضي اكتر من ساعة ...
رجعت كاترين ع البيت منهكة من التعب ... سلمت ع أهلها وفورا اتجهت ع غرفتها لتستسلم للنوم.
كنان بالأوتيل نايم بسس اتصال مفاجئ صحاه مرعوب .
أُبي : كنان وين تيابي .
كنان : أُبي من كل عقلك صحيتني من نومي مرعوب بسببك كرمال تسألني عن تيابك انا عايش بالبيت او انت .
أُبي : كناااان فهام علييي اذا آخدك النوم انا حاليا قاعد بالبرنس وفتحت الخزن مافي ولا قطعة تياب بتبهدل اذا بقيت هيك .
كنان : اووو يحراام بتعرف شو؟؟؟... شكلها الخادمة فهمت علي غلط وضبت تيابك بدل تيابي .
أُبي : عم تستغبيني شكلك !!!! فكرك مابعرف انو هي حركة منك وهي مابتتجرأ تعمل هيك .
كنان : أُبي ليك انا نعسان ومو نيالك اذا فقست نومتي بسببك ممكن تحل عني .
أُبي : انا جاية لعندك عالاوتيل آخدهم .
كنان(بنعس عم يحكي ) : لااتجي مو هووون هنن .
(أُبي فصل الخط قبل مايعرف شو عم يحكي كنان ) .
كنان : تعا تضرب شو حمار .
"خلال ربع ساعة كان أُبي وصلان عند كنان "
كنان : فيني افهم شو جابك .
أُبي : بدي تيابي اكيد شو هالسؤال الذكي تبعك .
كنان : وشو هاد اللي لابسه .
أُبي : هاد تيشرت وبنطلون اخدتهن من عند اخي المسافر .
كنان : خلي اخوك المسافر ينفعك ويجبلك تيابك اذا هيك .
أُبي : لااا شكله جد النوم مأثر عليك .. فيني اعرف شو مشكلتك معي اول شي كنت بموبايلي وهلق بتيابي .
كنان : هاد السؤال المفروض تحكيه مع حالك لأن انت يلي بلشت وانا خبرتك تجبلي كم قطعة تياب بس حضرتك جبتلي طابات وقصقيص ورق حدا خبرك اني رايح هرج فيهن بشي عرض كوميدي ... وانت بتعرف انك مو قد اللعب معي يلا استلقي النتائج يا حلو .
أُبي : طب هلق شو .
كنان : خبرتك من وقت ماحكيتني عالموبايل انو الشنط مو عندي بس انت مانطرت تسمعني وسكرت الخط ... وحاليا مافيني فيدك بشي .
أُبي : كيف مو هون وانا جبتهن لهون الصبح .
كنان : انت جبتهن وانا نقلتن على غير مكان أُبي لاتديقلي خلاقي اكتر بأسئلتك ترا راسي صار يوجعني منك ..برأي تدفع معي اجار هالسويت لأنك مخفق رايح جاية لعندي .
أُبي : فكرة حلوة اذا هيك ح نام عندك اليوم لوقت ماتعطيني تيابي .
كنان : عميل الي بدك بس يكون عندك خبر مابتاخد الشنط قبل ماتروح عالبيت وانت بأيديك هالناعمين تضبلي تيابي وتجيبهن هوون وقتها بعطيك تيابك يلاا تصبح على خير .
( حكى آخر جملة وتسطح بالتخت ليكمل نوم وكأن أُبي مو موجود بالغرفة ).
يتبع .....
البارت الواحد والعشرون
اصعب شعور لما تكون سرحان بخيالك ونايم ويكون في صوت صغير يصحيك كرمال يذكرك بمهام وشغل لازم تقوم تعملهن وهييك صحيت كاترين على صوت المنبه وهي متكاسلة مو رضيانة تقوم من نومها بس عندها شغل ويوم جدوله مليان .
" اتصلت مع وسيم اول ماصحيت "
كاترين : بوونجورنو .
وسيم : بوونجورنو شايفك قالبة عالايطالي .
كاترين : اي طبعا مو انت بايطاليا كرمالي اييي كيف التحضيرات نشالله الفساتين جاهزة .
وسيم : معقول ماتكون جاهزة وكل الموظفين بقيوا يشتغلو طول الليل .
كاترين : مابعرف شو بدي احكي عنجد غلبتك معي .
وسيم : ولووو الفساتين حاليا عم تتغلف بصناديقها وكلشي كامل العدد والمقاسات نفس يلي خبرتيني عنهن حتى عملنا فستانين زيادة .
كاترين : هممم وفستاني انا شو وضعو .
وسيم : فستانك اول واحد تغلف ح يعجبك كتير بأكدلك هالشي .
كاترين : معقول يكون منك وقول شي مامنقدر نغلط مع مصممنا العظيم .
وسيم : حاج تاكلي بعقلي يلا روحي روحي اكيد عندك شغل وتحضيرات بشوفك لأوصل .
كاترين : اووه صح يلا يلا تشاو .
وسيم : تشاو
_____~_•.
كنان عم يفطر بمطعم الأوتيل وأُبي كمان اجا يقعد جنبه ويشاركه .
أُبي : جبتلك تيابك بدي تيابي .
(رمى كنان على أُبي مفاتيح ) .
كنان : هدلون مفاتيح بيتي روح وخدهن من هنيك .
أُبي : وانا شو عرفني بأي بقعة من الارض موجود بيتك بعتلي اللوكيشن .
كنان : هلق بكون عندك .. وماتنسى اليوم الحفل .
أُبي : لا ولوو معقول ما اجي .
(كنان ترك الطاولة وهو عم يخبره ) .
كنان : يلا انا رايح وانت قوم جيب الشنط تبعوتك بتعرف عندك ضب تياب كتير مامعك وقت يلاا سلامات .
__ '_'
كاترين عم تشيك عالتحضيرات وتعطي ملاحظاتها وصل كنان وشاف كاترين كيف مشغولة بالتحضيرات ومو ملحقة .
كنان : كاترين الحقيني على المكتب .
(كمل طريقه عالمكتب وهو ماشي بغرور بين الموظفين ) .
كاترين : خير شبو هاد جاية مستعجل وماعم يشوف حدا قدامه .
(مشيت لعنده عالمكتب وفاتت من غير ماتدق الباب ) .
كاترين : مادقيت الباب لان هو كان مفتوح اوريدي كرمال ماتحكي من هلق عم خبرك .
كنان : شو بتحبي الحكي ما انا تركته الك ... المهم كيف الامور ماشية للايفنت .
كاترين : اااه عنجد منيح تذكرت تسأل برأي مانك مهتم كتير مو بالضرورة تعرف .
كنان : ملاحظة انو ماعنا وقت نتناقش فيه على شغلات تافهة يعني شو بتخسري اذا جاوبتي على سؤالي من غير ماتقولي هالكم كلمة .
كاترين : الايفنت شغلي وتنسيقي ماتدخل فيه اذا بتريد واذا ماعجبك ابقى تذكر تجي لعندي وتحاسبني .
كنان : شو بستفيد اذا حاسبتك على شي مشي حالو ماعم حاسبك انا على قصة بيناتنا انا عم احكي على ايفنت لشركة ضخمة ح يكون موجود فيه صحافة واعلام والغلطة بكفرة .
كاترين : حضرتك حضرت حفلة تخرجي او لااء ؟؟؟!! ااه بتتذكر كيف كان التنظيم للحفل وكيف الكل حلف فيه مشان هيك بليز ماتشك فيني وشو بقدر اعمل .. وحديثي معك عم يأخرني على كتير شغل مشان هيك بالأذن انا ماشية .
كنان : لا مابكي شي صايرة بتستأذني قبل ماتطلعي واذا شفت اي غلط بالايفنت برأي تحاولي ماتشوفيني وجهك لأن مارح كون مسؤول عن تصرفاتي .
كاترين (بعدم اهتمام ) : اوك (تركته ومشيت تكمل شغل ) .
_____♡_♡
"وسيم وصل من المطار ومعه صناديق صناديق وكل صندوق مكتوب عليه اسم الموظفة صاحبته للفستان
الموجود بالصندوق بعتلها الفساتين لكاترين عالشركة بسيارة وهو راح على بيته يستريح " .
احد العمال : آنسة كاترين وصلو هدول الصناديق وخبروني وصلك ياهن .
كاترين : شو هدول .
العامل : ال في بقلبهن فساتين وخبروني وصلهن لحضرتك .
كاترين ( فرحت وتحمست كتير اول ماسمعت انو الفساتين وصلو ) : اي تمام تمام تركهن على جنب وروح لعند كل موظفات الشركة خبرهن اني ناطرتهم بالحديقة تبعيت الشركة .
العامل : تكرمي .
(وصلوا الموظفات لعند كاترين تجمعوا بالحديقة وكنان كان عم يراقب كلشي من مكتبه قاعد على مكتبه وعيونه بكميرات الشركة عم يتبع خطوات كاترين بكل مكان بالشركة ) .
كنان : شو عم يعملوا كل هدول عند كاترين بالحديقة .
نادى حارس من الشركة وخبره يروح يشوف شو قصة هالتجمع .
" كل موظفة كانت عم تاخد صندوقها وعم يشكروا كاترين على هالحركة اللطيفة منها وعلى افكارها خلصوا توزيع كل الصناديق وبقي صندوق فستان كاترين خبرتهم يوصلوه على سيارتها وكانت حاملة ليستا بأيدها عم تأكس على كل مهمة خلصت منها وكل ماعم تخلص شي عم تحس بالراحة "
رجع الحارس عند كنان : استاذ بعتذر بس ماقدرت اعرف شو سبب هالتجمع .
كنان : انا ليييش بعتك لكن .
الحارس : ماسمحولي ادخل عالحديقة وفي اشخاص محددين عم يقدروا يدخلوا عالحديقة وهنن يلي بتكون سامحة الست كاترين مسبقا بدخولهن .
كنان : انقلع من وجهي .. شو ياكاترين أوامر وحركات مفكرة الأرض الك ومحرمة على غيرك .
اتصل على كاترين ... ونطر ردها ... شافها من الشاشة كيف حملت موبايلها شافت مين ورجعت ضبته .
كنان : شكلك عم تلعبي بالجمر يا آنسة .
( اتصل مرة تانية وتالتة وهي تشوف مين وماترد بعتلها مسج كتب فيه :
اذا مشتاقة تشوفيني وانا جانن الا شوي خليكي عم تتجاهلي اتصالاتي هيك )
"كاترين شافت المسج وسكرت موبايلها "
كاترين بينها وبين حالها : شو ماعندي شغلة وعملة غيرك وانت قاعد بمكتبك ولافف رجل على رجل اي ماحزرت الي بدو التاني بيجي لعندو .
كاترين : اذا بتريد ستاند الورد شيلو من هون ونقلو لهدليك الزاوية وبدي هدول الي بشكل منطاد يكونوا جنب البوابة الداخلية للشركة .
العامل : تكرمي .
كاترين : ومعلش تتأكدوا من عدد الطاولات والشمعدانات والشرار كمان مرة .
العامل : يا آنسة تأكدنا منهن اكتر من مرة .
كاترين (متوترة ) : اووو ياربي لسا في شغل كتير عليي ايمت بدي اخلص .
(فتلت كاترين وشافت كنان واقف ومكتف ايديه ) .
كاترين (بابتسامة مصطنعة ) : هااي كنان كيفك .
كنان : مشتقلك .
كاترين : ااه والله بس انا ماني مشتقتلك س س سلام .
(اجت تمشي قبل ماتعلق معه وواضح عليه اديش كان معصب بس هو مسكها من ايدها ورجعها عندو ) .
كنان : لووين رايحة .
كاترين : عم يأشرولي بدن ياني .
كنان : مو مهم شو بدن انتِ معي هلق ... لروح انا بتشوفيهم .
كاترين : ااه صح انت شو عم تعمل هون ممنوع تفوت لهون (سحبته عم تطلعه من الحديقة ) يلا يلا يلا مافينك تفوت لهون قبل موعد الايفنت بنص ساعة .
كنان : انتِ واثقة انك لما اجيتي اليوم ما ركبتي عقل حدا تاني براسك .
كاترين : يوك ليش .
كنان : لأنك لو كنتي بوعيك ماكنتي تصرفتي معي هيك .
كاترين : ...
كنان : مافي حدا بهالشركة غير هالنحلة النشيطة وين الباقي ؟؟!! .
كاترين : اي نحلة .
كنان : رح اعطيكي لمحة سريعة عنها لتعرفيها هي سكرتيرة المدير بتعمل جهدها حتى تعمل عكس الي بكون طالبه و بتحب الكلام العديم الفائدة كتير .
كاترين : بتخبرك النحلة النشيطة انو الموظفين هي صرفتهن من الشركة ليجهزوا حالن للايفنت .
كنان : والشغل والمشاريع مين بدو يشتغل فيهن .
كاترين : على فكرة المفروض اليوم يكون فري عند الموظفين بس عندهم مدير عندو مصالح الشركة اهم من اي شي .
كنان : وعندهن سكرتيرة المدير كتير متسامحة وقلبها طيب وهووب مابتلاقوها الا صرفت كل الموظفين بحجة يجهزوا حالهن .
كاترين : وشو مشانك انت مابدك تجهز حالك كل يوم بتجي بالطقومة اليوم خطر عبالك تجي بالتيشرت والبنطلون .
كنان : اكيد مو من هلق بدي البس وانطر ..
كاترين : اوك شكلك فاضي وماعندك شي تعمله بس انا عندي كتير شغل واشيا اعملها وماني فاضية للكلام معك .
كنان : عندك فكرة اني بقدر فوت لهيدا المكان يلي انتِ مانعتيني فوت عليه بس انا مو جاية عبالي .
كاترين : كتيير منيح خليك هيك مو جاية عبالك وهلق بليز على مكتبك ... اوو قلك ثانية انطرني هون .
(دخلت كاترين لموقع الايفنت وحكت شوي مع المسؤولين عن التنظيم ورجعت لعند كنان ) .
كاترين : يلا امشي لا انا ولا انت ح نفوت لهون .
(دفشت كنان وسحبته لبعيد لوصلت لعند الباركينغ) .
كنان : حاج تقلعي فيني شو صايرلك اليوم .
كاترين : تفضل امشي بسيارتك وامشي عالبيت جهز حالك وبعدين تعا .
كنان : مفكرتيني متل حضرتك بدي جهز اموري قبل بخمس ساعات من الايفنت ؟؟؟!! .
كاترين :في حدا عم يلطشني كلام انا سامعة صح ؟.
كنان : اي صح صح عكل حال انا ماشي عالاوتيل هلق في كتير كلام براسي لشوفك منحكي فيه .
(مشي كنان بالسيارة وبقيت كاترين واقفة ) .
كاترين : لحظة شوي كأن قال أوتيل شو عم يعمل هاد بالاوتيل لككك صح نسيت اتصل بوسيم انا .
(ركبت بسيارتي واتصلت على وسيم نطرت الرد ) .
وسيم : هلا كاترين .
كاترين : سيمو بدي اشكرك على الفساتين وبدي منك تجهز فاتورة بالحساب وتبعتلي ياها .
وسيم : اي حساب هاد مابدي شي .
كاترين : لا طبعا بدك تاخد هدول الفساتين للشركة مو الي بعدين اذا ما اخدت كيف بدي خلي كنان يفلس .
وسيم : كنااان ؟؟؟،، شو دخل كنان بالفساتين .
كاترين : اليوم لما تجي عالايفنت بتعرف وع فكرة انا عم اتصل كمان لخبرك لازم تحضر اليوم ومابدي عذر منك .
وسيم : بما انه القصة فيها كنان ولأجي بعرف فأنا حتما جاية .
كاترين : اي تمام يلا سلام .
وسيم : الله معك .
___^_^.
كنان وصل عالاوتيل عمل دوش وطلع لعند الحلاق يزبط ستايله وكاترين نفس الشي اول ما وصلت عالبيت اكلت وطلعت على غرفتها عملت دوش ولبست بنطلون جينز غامق وتيشرت بيضة .
كاترين : ماما انا رايحة عالصالون بدك شي .
لميا : لا ياقلبي الله معك .
كاترين بتحكي : اتجهت عند الكوافير وخبرته يعملي شعري ويفي ويعملي ياه مسحوب كله باتجاه كتفي اما الميك آب ماكنت عرفانة شو اعمله كونوا الفساتين كانوا لونين فضي وبيبي بلو وانا ماكلفت حالي افتح بوكس فستاني وشوف شو لون الفستان بالأخير عملته موف غامق وفضي خلصت ورجعت عالبيت فتحت بوكس الفستان لقيت لونه فضي والالماس فيه عم يلمع لبسته وتعطرت وتجهزت عالأخير لأمشي
(شرح بسيط عن الفستان اول كتف فيه كان كم طويل بس الحلو فيه انه الكم حر يعني بحرك ايدي على رياحتي وهون بس عاطي شكل مغطي ايدي فيه اما تاني كتف كان نازل على ايدي يعني طرف الايد مكسية بقماش فري وطرف الكتف نازل وهاد التصميم غالبا عمله هيك حتى اخفي ندبة ايدي ويكسيها قماش الفستان وماتبين اما شكل الصدر ولعند الخسر كله نترات الماس عم تلمع ومن بعد الخصر ونازل الفستان عريض فلو وفيه شقة ).
طلعت من غرفتي شفت جود : اييه شو هالحلا هااد .
" مسك ايدي وفتلني "
جود : شو هالاناقة ماتكون خطبتك اليوم وماعندي خبر .
كاترين : يييي ال مايكون عندك خبر ال .. انت ح تكون بتعرف قبل سعيد الحظ حتى .
جود : انا بشك بكلمة سعيد حظ لان هو حتما ح يكون تعيس حظ لأن ارتبط باختي النقاقة والدلوعة .
كاترين : حبيبي ويصحلوو يلاقي متلي بنت بهالمواصفات يدور ويفتل راسه ليلاقي مني .
جود : قلبي عم يوجعني عليه من هلق .
كاترين : وخير نشالله ليش بقا .
جود : لأنك مارح تسمحيلو يحكي الا بتكوني اكلتيه بشربة مي انتِ ولسانك الاطول منك .
كاترين : انت مقتنع انك اخي ابن امي وابي .
جود : انا مو مقتنع انا بشك شكله في خربطة بهالقصة .
(كاترين سكتت وكأنها زعلت من جود فهو حب يلطف جو وحكالها ) .
جود : شو هالفستان الملوكي هاد بس القالب بيغلب عالفستان .
كاترين : هاد تصميم وسيم .
جود : عندو زوق عالي هالوسيم .
كاترين : جود ماتحكي هيك عليه وسيم من زمان الشي الي بيشتغله حلو .
جود : صح حلو بس ماكنا نشوف عالواقع كله tv وسوشيل ميديا بينما الواقع غير مابيظلم التصميم .
كاترين : ايي صح .. يلا انا نازلة سلم على ماما قبل ما امشي بدك شي .
جود : سلامتك ياقلبي .
(كاترين نزلت لعند امها )
كاترين : ماما بدك شي انا رايحة لازم اوصل قبل مايبدء الايفنت .
لميا : ياعمري هالجمال فديتو ديري بالك على حالك .
كاترين : يخليلي ياكي يلا سلام .
لميا : الله معك ياقلبي .
____
بالشركة كان كلشي جاهز والموظفين بديت توصل ... موسيقا هادية و اجواء رايقة وصلت كاترين للباركينغ شافت كنان واقف مستند على سيارته مكتف ايديه .
كاترين : شو مافتت لسا ؟؟!!.
كنان : ناطرك ولسا في نص ساعة ليبدء الايفنت .
" كاترين قربت اتجاه كنان بخطوات "
كاترين : طب يلا انا جيت خلينا نمشي .
(كنان شد كاترين وحاوط خصرها بأيده وصار يرمقها بنظرات وترتها ) .
كاترين : في شي ؟؟؟.
كنان : لا ابدا عم اتأمل اطلالتك لليوم .
كاترين : عجبتك ؟.
كنان (زاح طرف الفستان عند كتفها شاف الندبة ورجع الفستان مكانه ) : لو كنت بعرف انك بهل الطريقة بتلبسي شي يغطي جسمك كنت من زمان استخدمتها .. بس بتعرفيني لما بعمل شي بحب يكون متناسق ولهيك انا حاسس (صار يعدي ايده على كتفها التاني المكشوف ) انو هيدا المكان لازم يكون متل اخوه كرمال يكونوا متناسقين سوا .
( رمقها بنظرات ماعجبتها ومال اتجاه كتفها ) .
كاترين : كنااان اصصحككك هااا .
كنان ( طلعت منه ضحكة استفزتها ) : يلا يلا امشي .
------‐--------------------
(وصلوا على حديقة الشركة مكان الايفنت ...
كنان اندهش بالديكور والتصميم للمكان ماكان متوقع يكون هيك بهالتنظيم والتنسيق كله .... شاف الموظفين كلهن موجودين وكانوا مقسومين لقسمين قسم مسؤول عن فئة معينة بالشركة ولون الفستان الي بميزهن كان الفضي وقسم الفئات الي عندهن رؤوساء اقسام لشغلهن وكان لون فستانهن بيبي بلو اما من جهة الموظفين الشباب فالاداريين كان لون بدلتهم رمادي غامق والموظفين العاديين لون بدلتهم رمادي فاتح طبعا اشكال البدلات موحدة للشباب اما بدلة كنان فكان لونها زيتي ..... البنات كانت فساتينهن نفس فستان كاترين بس بيختلفوا عنها انهم الكتاف نازلة على ايديهن من الطرفين )
كاترين : كنان ايمت لحقت تغير اسم الشركة وتقلبه ل K.R.B
كنان : وقت كنتي باجازة مرضية .
كاترين : بس بتعرف تغير حلو .. اختصار اسمك مو .
كنان : صح اختصار اسمي الثلاثي ... مين اقترح فكرة توحيد اللبس للموظفين .
كاترين : انا طبعا ليش مو حلو .
كنان : حلو بس غريب كفكرة .
كاترين : شو رأيك بالمكان .
كنان : صراااحة ابدعتي خلال فترة قصيرة قدرتي تعملي كل هاد .
كاترين : حتى تعرف بس مين كاترين .
كنان : مين كاترين القاتي اي بعرفها كتير منيح وحافظ كل حركاتها حتى طريقة تفكيرها .
كاترين : لا بأكدلك انك لسا مابتعرف شو بقدر اعمل .
كنان : الايام بتثبت مين الصح انا ولا انتِ .
كاترين : صح انت عطيتني فترة اقل من يوم لنظم متل هيك ايفنت بس انا كنت قدها .
كنان : ممم شكلك بتنفعي تكوني مهندسة ديكور .
كاترين : مابدي انفع كون بدي شغلة وحيدة بس .
كنان : شو هي .
كاترين : رد المعروف اللي عملتلك ياه لأجل اليوم والتعب الي تعبته ورجعني لشغلي كمهندسة عمارة .
كنان : مافي عنا شواغر بالشركة للاسف بعتذر منك يا آنسة .
كاترين : كون شي مرة وفي معي ورجعني عاجبك هيك وانا سكرتيرة عندك .
كنان : للصراحة كتير عاجبني .
كاترين : كنان بليز يعني مو معقول بشتغل بشركة هندسة سكرتيرة وانا مهندسة .
كنان : بفكر بس مابوعدك ومو بس مابوعدك انا بأكدلك انك من جنب مكتبي مارح تطلعي .
كاترين : شكرا لأنك مهتم لرأي كتير وعم تاخده وتسأله بكل قصة .
كنان : رأي نفس رأيك ومافي داعي لأسألك شو بدك .
كاترين : مو نفسه لما كون عم خبرك وقلك الف مرة نقلني وانت ماعم تقبل ساعتها اتأكد انو رأي غير كليا عنك .
كنان : بس رأي نفس رأيك لما قررتي تختاري هالفساتين بصراحة الفساتين اليوم كتير مناسبة للايفنت وخصوصا فستانك كيف فيه حركة مميزة عن باقي فساتين الموظفات .
كاترين : حتى الفستان كان الك علاقة فيه وانا ما اخترت هيك شكله ...لان بدي ياه هيك و اخترته كرمال اخفي آثار تصرفاتك الطايشة والمجنونة .
كنان : هالقد طلعت متحكم بحياتك وماعندي خبر .
(قطع حديثهن عامر لما اجى يسلم عليهن ) .
عامر : مبارك الافتتاح التغيير والديكور المعمول بالشركة مابدل غير عالذوق بالاختيار ... لمسات خفيفة بتعمل فرق حلو بالمكان .
كنان : يبارك فيك هاد من ذوقك وكماان انت مبرووك على افتتاح شركتك بأنقرة .
عامر : يبارك فيك اليوم عم احضر الافتتاح عندك والأحد عندي مابقبل اي اعتذار منك حتى الآنسة كاترين بدها تكون حاضرة .
كاترين : شكرا الك بس مابقدر احضر انا .
عامر : مابقبل اي اعتذار هلق كنت بحكي لكنان الأحد بدي شوفكن من اوائل الواصلين عالافتتاح ومشاركين فيه .
كنان : ولوو تكرم اكيد ح نكون حاضرين .
"كاترين تطلعت بكنان عم تتوعد لان قرر عنها بس هو قلب عيونه عنها وحسم قراره وبقي يحكي مع عامر وكاترين مو مهتمة لحديثهن "
.....
كاترين : كيف هيك بتقرر عني وبتخبره اني جاية .
كنان : مو انتِ سكرتيرتي ف اجباري بدك تكوني حاضرة لانك بتمثليني كمان .
كاترين : لكون سفيرة الشركة حتى مثلك ومو عرفانة .
كنان : يعني شو بتستفادي هلئ اذا جيتي وتخانقتي معي بعد مامشي الحال وخبرته اننا جاين .
كاترين : ماعبالي عصب اكتر انا ماشية شوف التحضيرات .
كنان : كاترين اي تحضيرات هي صرنا بالحفلة وكل شي جاهز خليكي معي .
كاترين : ليش بدي ابقى معك ؟؟؟ شو المناسبة مثلااا ؟؟؟ .
كنان : اهلي وصلوا بدي عرفهن عليكي وحاج تبربري ليكنن جاين اتجاهنا .
(وصلوا اهله لكنان وكنان عانق امه وبوسها وحضن اخته ).
كنان : ماما هي كاترين .
ميس : اهلين حبيبتي ماشالله حولك على هالجمال والاكابرية .
كاترين : ميرسي خالتو كلك زوق .
بانا : وانا اخته لكنان ، ما أحلاكي ماكنت متوقعتك هيك بتخطفي القلب .
كاترين : تسلمي الجمال جمال الروح .
"وصل رأفت ابوه لكنان واكتفى كنان يسلم على ابوه بايده كاترين شافت فيه استغربت كيف كان سلامه ناشف مع ابوه"
كاترين : هلا فيك عمو نورت الشركة .
رأفت : الله يسلمك .
"شافت كاترين وسيم وصل عالايفنت "
كاترين : انا بستأذن منكن .
"نظرات كنان عم تلاحق كاترين شافها كيف راحت عند وسيم وعانقتو لما سلمت عليه ".
كنان : شوو جاب هاد لهوون .
وسيم مسك كاترين من ايدها وفتلها .
وسيم : شو هالجمال .
كاترين : لككك يا هلااا والله منيح جيت وما رديتني .
وسيم : ولوو معقول كاترين خانم تطلب وانا ارفض .
كاترين : لا ولوو بديي اتشكرك كتير عالفساتين .
وسيم : شو هالحكي هاد معقول انتِ ..المهم هلئ خبريني شو قصة كنان .
كاترين : بالزاوية يلي وراي بالضبط بتلاقيه واقف بيطلع علينا .
وسيم : وينه مو مبين .
كاترين : لككك عم قلك اطلع وراي بالضبط .
وسيم : ايي والله صح واقف هو و ٤ بنات مامبين لانهن مغطين عليه .
كاترين : اييه هي امه واخته .
وسيم : لا هدول اربع صبايا .
كاترين : شووو مين هالبناات .
وسيم : فتلي وشوفي .
كاترين : مابهمني .
وسيم : اييه منرجع لحديثنا .
كاترين : شوفي .
وسيم : متل ماعم شوف هالشركة لحضرته .
كاترين : ايي صح .
وسيم : انتِ من ايمت بتعرفي انو هو اشترى الشركة .
كاترين : فجأة كلشي صار فجأة جيت عالشركة لقيته بقلبها .
وسيم : هيك من دون اي....
كاترين : شبك ليش تبلكمت بالحكي .
وسيم : في صبية معانقة كنان وبتبوس فيه .
كاترين : وييينهااا .(لفت راسها اتجاه كنان بسرعة )
"وسيم عم يضحك "
كاترين : على فكرة مافي شي بضحك .
وسيم : لا ابدا بس ماشفتي شكلك كيف فتلتي بسرعة لتشوفي مين .
كاترين : ايي فضول بعدين وينن ال اربع بنااات اااه هو لسعتو واقف مع اهله .
وسيم : هاا هي خالي اجا .
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```