الفصل 23
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴3️⃣2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كاترين : الحديث معو مو مهم الحديث معو مستفززز لدرجة اوقات بحسه كتلة استفزاز وعم تمشي عالأرض .
جود : بس انتِ كمان مابتقصري واكيد مافي دخان بلا نار .
كاترين : ولككك شو قصتكن مع هالجملة .
جود ( بضحكة مستفزه ) : ايي لأن مافي دخان بلا نار ويلا يلا امشي ع البيت .
كاترين : اي بس انا ما خلصت تدريب .
جود : ع كيفك شووو.. انا هون الكوتش وانا يلي بقرر .
( مشيت وتركتو عم يحكي وسبقته عالسيارة .. كنان كان لسا بالجيم ...... بعد مارجعنا عالبيت كان جاهز العشا بس لاني كنت بالجيم ماحبيت فورا ارجع عالأكل فطلعت على غرفتي عملت شاور وتسطحت على تختي وفتحت موبايلي لأبعت مسج )
كاترين : مساائووو كيفك ... كرمال العرض انا موافقة .. وايمت مابدك منلتقي كرمال التفاصيل اكتر.
يتبع ......
البارت العشرون
رجع كنان عالاوتيل واتصل عليه ايلاف خبره جاية لعندو ... بعد ماوصل ايلاف لعندو .
ايلااف : لككك شو جابني لعندك انا لهوون امشي على
شي مطعم نتعشى .
كنان : لا مابدي خلينا هون .
ايلاف : لايمت بدك تبقى عايش بهل الاوتيل .
كنان : لوقت مايجهز بيتي .
ايلاف : حبيبي والله وايمت بيجهز .
كنان : انت وهمتك والله .
ايلاف : انااااا ؟؟!! ليش شو دخلني مو على اساس بدك تشوف شركة حيان وسعد توكهلن بهالقصة .
كنان : اي صح بس كنسلت القصة .
ايلاف : ليش كنسلت الشركة مو ناقصها هلق تنشغل ببيتك في مشاريع وعنا عقود ووقت ملتزمين فيه.
كنان : خلص ايلاف بطلت وبس وشوفيها يعني اذا اشتغلتو شوي بالبيت .
ايلاف : بكرى اجتمع مع مسؤولين الديكور وخبرهن انا ماخصني انا اختصاصي تصميم هيكلي للمشروع ومارح فوت بقصص الديكور .
كنان : اوك ماشي هدي من عصبيتك شوي .
ايلاف : طول ما انت عم تحمل يمين وتزت شمال بقراراتك بعمري مارح اهدى .
كنان : ايي روح روح جيب شي نشربوا .
ايلاف : ماشي رايح غير الحديث ياكنان فكرك بتفلت مني لبعدين .
_^_^.
كاترين قاعدة عالكنبة بغرفتها وعم تشتغل باللابتوب ... بس ندق عليها الباب وكانت كارولين .
كارولين : يابونسووار .
كاترين : بونسووار شو هالاينيرجي يلي عندك .. هاتي لشوف شوفي .
كارولين : مافي شي اجيت اطمن على اختي الصغيرة مابصير ؟؟؟.
كاترين : لما بتقولي كلمة صغيرة بتحسسيني كأن بينا عشر سنين وهنن يادوب يطلعوا سنتين .
كارولين : ايي ولوو بتبقي صغيرة ودلوعة العيلة رغم اني انا وجود اوقات منغار من دلال بابا وماما ئلك حبة زيادة عنا بس معلش انتِ بتستاهلي الدلال والغنج .
كاترين : خلص خلص المرة الجاية بخبر اهلك يعطوكن هالحبة الدلال الزايدة لئلكن .
كارولين : ممم مو غلط مرة بهالعمر .
كاترين رجعت تشتغل باللابتوب .
كارولين : طب معقولة انتِ اختك عندك تاركتيها و فاتحة اللابتوب وقاعدة بتكبسي فيه .
كاترين : والله شغل شوفي وهاا هي شلتو على جنب منييح ؟؟!! .
كاروليين : ايييي تمام كتييير .
___*_*.
ميلا واقفة عالبلكون وشاردة بس رنة موبايلها بصحيها من شرودها .
ميلا : الوو .
...: مسا الخير .
ميلا : هلا مسا النور مين عم يحكي .
...: له معقول ماعرفتي صوتي .
ميلا : لا والله مين حضرتك .
... : انا شيفاي .
ميلا : ااه ياهلاا شيفاي خير في شي بدك أويس .
شيفاي : ميلا انا اتصلت كرمالك مو كرمال أويس .
ميلا : كرمالي ؟؟؟! وكيف جبت رقمي .
------ --------------- ------------
ايلاف : كنان يعني معقول انت تبقى بالاوتيل عايش .
كنان : ليش شوفيها عيشة الاوتيل .
ايلاف : لا مافيها شي ابدا طب رجاع عالبيت مو..
(قطع كلام ايلاف دقة الباب ) .
كنان : ايلاف شوف مين .
ايلاف ( ماشي باتجاه الباب يفتحه ) : شو مشاان.. شي جبلنا شي نشربو وشي فتاح الباب.
كنان : مشكلتك جيت لعندي .
أُبي : شووهي شوهيي تقليعة من عالباب عم اسمع كأني .
كنان : بلا فصحنتك انت التاني كنت عم قول هيك لايلاف لا وليش عم بررلك كمان ...ولألك كماان .
إيلاف : أُبي امشي امشي هون شكله غير مرحب فينا .
أُبي : مرحب فينا غصب عنه كمان.. لمين انا نتعت شنطة التياب هي بالأخير غير مرحب فيي شي حلوو والله .
(مدت بانا راسها من طرف الحيط وحكت ) .
بانا (بعيون بريئة ) : وانا مو مرحب فيني كمان .
كنان : يييي هي انتِ معه لهل الغليظ لككك انتِ مكانك بقلبي تعي لعندي تعي .
(ركضت بانا على كنان وعانقته ) .
بانا : ترا انا زعلانة منك .
كنان : وليش انا مزعل هالحلاوة كلها .
بانا : لهلق مارجعت عالبيت وعم تحاكينا بس بالموبايل وماعم تقول لحالك لطل ناح الفيلا شوي وشوفهن .
كنان : اووف كل هاد انا عامله طيب شو رأيك نطلع نتعشى مع هالجوز العديمين الفائدة براضيكي هيك ؟؟!!
إيلاف : هييك صار الحكي صرلي من اول ما وصلت لعندك وبقلك مشي نطلع ناكل وانت مابدك هلق شايفك انت عم تعرض خدماتك .
أُبي : لا وطلعنا عديمي فائدة كمان ... الحق عليي جبتلك تياب من البيت ياكنان .
إيلاف : هاد مابيستاهل خير لاتعيدها معه .
كنان : معلش تسكتو انتو التنين وتشيلوني من مقلايتكن المعفنة افضل ما اجي وسكتكم بطريقتي .
بانا : حرام كينو ماتعصب عليهن هيك .
أُبي : اييي كينو ما تعصب علينا .
( كنان شال علبة النظارات وضربها على وجه أُبي ).
بانا : هالمرة مارح دافع عنك بتستاهل .
إيلاف : اووك انا رايح قبل ماتوصلني شي هدية طائرة على وجهي .
كنان : اول مرة بشوفك شايل قيمة لكرامتك هالقد .
إيلاف : لاا هو انا اذا ببقى معك هون كرامتي مو بس بتكون عم تعملي باي باي بتكون انمسح فيها بلاط الاوتيل والشوارع والازقة المجاورة .
أُبي : انا كرامتي عملتلي باي باي من وقت ماحمل علبة النظارات بين ايديه .
بانا : انا شوو جابني بينكن ح تاخدوني اتعشى او لاااء .
كنان : يلا يلا رايحين .
___^_^.
كارولين : جد عم تحكي .
كاترين : يس ماكذبت بحرف .
(كارولين فرطتتتت ضحك ) .
كاترين : هلق صارت مأساتي بتضحك مثلا ... ليييش عم تضحكي فيني افهم .
كارولين : لككك هاد غيراان عليكي .
كاترين : لا لحظة شوي لاضحك نكتك كتير بتضحك الصراحة ... اي غيرة هي بأي قاموس او لغة ترجمتيها مافي هيك تعامل بدل عالغيرة هاد في عندو كم فيوز بعقلو كانوا شغالين وهلق طقوا مافي تبرير تاني .
كارولين : غريب أمرك عم تحكي هيك عالشب يلي كان بيوم من الأيام مجرد ذكر اسمه يرجف قلبك بين ضلوعك .
كاترين : كنان ماتركلي اي مجال اني اتذكر علاقتي القديمة فيه كل يلي عم اتذكره منه هو تعامله وكيف متحول هالفترة .
كارولين : مممم طب تجاهليه .
كاترين : بتقدري تتجاهلي كتلة استفزاز جنبك شي .
كارولين : هئ .
كاترين : اي خلص معناها ... بس انا بعرف شغلي معه .
كارولين : معلش تخبريه انه عم ياخدلي حقي منك على اتمم وجه .
كاترين : شمتانة فيني .
_______
منرجع لعند ميلا ..
خلصت مكالمتها مع شيفاي والأسئلة محتلة تفكيرها شو قصدو بالكلام يلي حكاه وبشو عم يفكر ...
______
بالمطعم كانوا عم يتعشوا .
كنان : أُبي نشالله ماتكون نسيت التيشرت الابيض .
(أُبي غص باللقمة وصار يسعل ).
أُبي : اي اي ماتاكل هم كلشي خبرتني عنو جبته .
كنان : اي انشالله .
بانا : ماما خبرتني قلك انها بدها تشوفك .
كنان : اي مو تكرمي انتِ وهي .
إيلاف : بانا خبريه يروق على موظفينه بالشركة اذا هالقد مابردلك طلب .
كنان: هاد الطلب لأنو منك ماتحلم .
بانا : بس ماحلو تكون كتيير عصامي بالشغل الموظفين بكرى بيكرهوك .
إيلااف : اييي هاا يسلم هالتم اي اي خبريه خبريه واولهن انا .
كنان : حبيبي إيلاف مابكفي انك انت الوحيد مسمحلك تداوم بالوقت يلي بدك بتفوت وبتطلع عالشركة وفوق هيك عم تتذمر .
إيلاف : مو اتذمر بس الحق يقال .
أُبي : هو اذا على أخوه فارض أوامره شلون موظفينه الله يعينهن عنجد انا بشهدلن اذا حكوا عليك .
كنان : ببقى أحسن من مديرك بالشغل .
أُبي : ابقى تحت رحمة أبوك لآخر العمر ولاتحت رحمتك ساعة وحدة .
كنان : طب تتهنى .
بانا : كينو نشالله امور الشركة تمام .
إيلاف : انا بخبرك عال العال الشركة عم تغرق بفيضانات أوامر كنان بيك وتيار اجتماعاته يلي مابتخلص .
كنان : تعا خود مكاني وعلمني الشغل بكون احسن .
إيلاف : لا شكرا غير مرة .
_____*_*.
لما الشمس بتنور حياتنا بتكون عم تحاول تخبرنا اننا لازم نبدى يوم جديد بمسيرتنا بهل الحياة مكتوب فيه اما الفرح او الحزن .
مع بداية هاليوم صحي كنان عم يجهز حالو عمل دوش عالسريع وبعدها صار وقت يختار شو يلبس فتح الشنطة يلي جابها أُبي .
كنان انصدم بعد مافتح الشنطة وصرخ صوت وهو معصب بأسم أُبااااااااااااي .
_____•_•.
أُبي نايم وصحي على صوت موبايله .
أُبي : ياصبااح الخير لحقت تشتقلي .
كنان : لا مو هيك اتصلت اشكرك على تياب المهرج وعدة عرض السيرك تبعه وبرضو مابنسى قصاقيص الورق والكرات الملونة الموجودين بالشنطة بس لو كانوا اكتر شوي .
أُبي : كان بنفسي جبلك اكتر بس الشنطة ماوسعت اكتر من هدول .
كنان : لا مابك شي مهضوم بتنفع تشارك بابيخ مشهد كوميدي بالعالم شكرا لمواهبك اللي تستحق الدفن اخي العزيز .
أُبي عم يحكي : شو هالردة الفعل الباردة معقول كنان هاد نفسه اخي سكر الخط عم ينهيه بشكري صح كان عم يشكرني ويمسح بكرامتي سوا بس برضو يعتبر شكر لا من كل عقلو عم يتشكرني لككك انا حطيت عدة كاملة لمهرج و كراات ملونين صغاار بالشنطة اذا فرطو عندو ليخربولو المكان من كترتهن الله يستر من الهدوء ماقبل العاصفة .. وهي نومة وفقست قايم افطر وامشي عالمكتب .
____*_*.
نزلت كاترين لعند العيلة تفطر معهن .
كاترين : صباااااحو يااحلوين .
الكل رد عليها : ياصبااح الخير .
كارولين جاية من وراها: لككك يااصباااح الفل .
جود : شو هالحلاوة هي كاترين .
كاترين : انا من يوم يومي حلوة .
جود : اي صح بس اليوم كاشختيها زيادة شو القصة .
كارولين : كاتو طالعة لأختها ماتحكي عليها شي .
جود : حبيبي والله تحالف فتيات القوة شايف قدامي .
لميا : جود ماتحكي معن هيك التهي بحالك .
يحيى : تعو بابا اقعدوا وماتردوا عليه .
قاطعتهم أمنية : الفطور جاهز يابيك .
يحيى : إذاً عالفطور تفضلوا .
(كاترين كانت صحيانة متأخرة وفوق هيك فطرت مع أهلها وسردها الحديث معن وهاد الشي آخرها اكتر عالشغل ومالها حاسة عالوقت ).
_______^_^.
عند أُبي :
وصلت عالشركة واتجهت على مكتبي .. فتحت الباب لقيت كل أرض المكتب منتشرة فيه الكرات الملونة والشنتة على طرف معها نوت قربت قرئتها .
《اكيد عجبك المكتب هيك اكتر وهو مفعم بالالوان اوك ماعلينا بترجع عالبيت هلق بتحمل الشنط الموجودين بالباركينغ هدول تيابي انا خبرت الخادمة تجمعهن بالشنط جيبهن عالاوتيل واذا بتفكر يا أُبي تلعب معي هالمرة بتشوف لعبي على أصوله》
اتصلت عليه .....
أُبي : هاي بيبي ممكن تخفف هضامتك معي شوي ..
كنان : اي هضامة هي .
أُبي : مالقيت درايفر غيري يجبلك الشنط موجودين وجاهزين بالباركينغ خبر حدا يجبلك ياهن .
كنان : لحد الآن مالقيت درايفر اشطر منك وبلا كتر حكي جيب الشنط عالاوتيل وبلا اعتراض .
سكر الخط بوجهي هاد مو ناوي عخير شكله ... رجعت اخدت الشنط وخبرت السكرتيرة ينظفو الفوضى بالمكتب لوقت ماكون رجعت وصلت عالاوتيل كان هو مو موجود ... فوق ماجبرني جيبن مشي ولا اهتم ..قمة الاستفزاز .
___*_*.
كاترين وصلت عالمكتب لقيت كنان بالمكتب وصلان قبلي لسا ماقعدت كان متصل لعندي .
كنان : ياصباح التأخير فكري بعذر مقنع اذا لقيتي لوقت ماتجيبيلي البريد وجدول مواعيد اليوم ويفضل يكون البريد عندي خلال خمس دقايق .
كاترين : اان..
" لعماا فصل بوجهي ... جهزت البريد واخدتو لعندو وقت وصلت لعندو صار يضحك "
كاترين : عفواا بس شوفي شي بضحك .
كنان : مابتقدري ماتقصري باللبس انتِ ..... يا من تحت يا من فوق .
( كاترين كانت لابسة طقم لون فوشيا بس ماكانت لابسة تيشرت كاملة كانت التيشرت بروتيلة بيضة ببين منها كل بطنهاوبس مغطية صدرها مع كعب ابيض )
كاترين (زورته على جنب ) : هي البريد.
كنان : اقعدي لوقت ما اخلص تدقيق فيه .
كنان : ليش تأخرتي اليوم .
كاترين : مافي سبب صحيت متأخرة .
كنان : انتِ مقتنعة بهالعذر .
كاترين : اي .
كنان : بس هاد مانو عذر مقبول عندي ..تاني مرة بتصحي عبكير وقت يكون عندك دوام هون ...هي مانها شركة ابوكي .
كاترين : اوك .
(مشيت لأطلع من المكتب ).
كنان : انا ماخلصت كلامي لتمشي في قواعد بهاد المكتب يا آنسة مابتطلعي من المكتب غير لأسمحلك مو من عقلك ايمت ماحبيتي بتمشي .
كاترين عم تحاول تبقى صابرة عليه لأبعد درجة : أمر شو كمان ....
كنان : في شركة تنظيم وتنسيق حفلات موجود رقمها بالمكتب عندك بتتصلي فيهم وبتتفقي على تنظيم ايفنت لافتتاح الشركة بالادارة الجديدة فيها مارح فوت معك بالتفاصيل انتِ اهتمي بالتفاصيل بتتفقي معهن وبتبعتيلي كلشي بخصوص الايفنت على ايميلي .
كاترين : اوك ... بس هيك .
كنان : وهي البريد و صار فينك تمشي .
" طلعت من عندو معصبة حتى مافكر يرفع راسه و يطلع فيني وهو عم يحاكيني شو هالتجاهل كله ".
قطع شرود كاترين صوت الموبايل .. كان المتصل وسيم ....
وسيم : صباااحوو .
كاترين : صبااااحوو هلا سيمو .
وسيم : كاترين معلش نلتقى اليوم .
كاترين : ليش لااء ايمت بس .
وسيم : بعد ماتخلصي شغل شو رأيك .
كاترين : ايي تمام وين ..
وسيم : لسا ماقررت ح ابعتلك اللوكيشن بمسج وقت استقر على مكان محدد .
كاترين : اووك ماشي .
_____*_*.
بالبيت عند أهل كنان .
ميس : بانا اخوكي ماخبرك اذا راجع عالبيت .
بانا : لا ماما ما حكى .
ميس : الله يسعدو .
بانا : آمين .. ماما ..
ميس : نعم .
بانا : انتِ معارضة شي على زواج اخي من البنت يلي تخانق هو وابي كرمالها .
ميس : ياقلبي انا مابعارض شي بكون سبب بسعادة اخوكي طبعا موافقة و من غير ماشوفها مادام هي اختيار كنان فهي اكيد منيحة ومناسبة ئلو .
بانا : طب ليش ماتقنعي ابي فيها .
ميس : انا ماتعودت عارض قرارات ابوكي وهو معارض فكرة زواجه منها برأي اترك القصة على كنان وهو اكيد بيعرف يتصرف انا بعرفه لكنان قد ماتزاعل مع ابوه بس مابهون عليه يبقى زعلان منه .
بانا : نشالله بتتصلح الأمور بينن .
____^_^___
عند كاترين .
عملت اتصالاتي مع الشركة واتفقت معهن على موعد تركت مكتبي واتجهت على مكتب كنان لخبره ... مالقيت في حدا بمكتبه ... سمعت صوته جاية من الطرف التاني من مكتبه لقيته متمدد عالكنبة ومشغل المكيف وآخر رواق .
كاترين : كنان انا حك...
(كنان مقاطع كاترين ) .
كنان : استاااذ كنااان .
كاترين : انا حكيت مع الشركة واتفقت معهن على ميتنغ وانا جيت خبرك اني رايحة عالميتنغ هلق .
كنان (جلس قعدتو واطلع عليها ) : كأنك عم تنسي قواعد هالشركة .. انا مو قلت مافينك تفوتي وتطلعي على كيفك .
كاترين : انا ماعم فوت واطلع على كيفي بس انت خبرتني رتب معهن كلشي وانا هيك رايحة اعمل ماني رايحة اتسلى .
كنان : حلوو والله وبيجي حدا عالمكتب بلاقيه سايب من غير حدا ويلا مين مابدو يشرف بتفضل لعندي او قلك بطلع انا بقعد مكانك وبظبط الامور ولما يجي حدا لعندي بخبره لحظة لروح على مكتبي بعدين انت بعد بدقيقتين بتتفضل لعندي شو هالمسخرة هي .
كاترين : طب كنتت لاتوكلني بهل القصة .
كنان :يلاا شو رأيك تعي علميني شو اشتغل وشو اعمل وشو ساوي ... اجلي موعدك لبعد الدوام مو هالمشكلة العظيمة .
كاترين : مابقدر بعد الشغل عندي موعد مارح اخلف فيه وما اجي كرمال حضرتك روح قلع شوكك بايدك وانت روح عالميتنغ وتفاهم معهن على كلشي بما انو الحفلة ئلك مو ئلي .
كنان : كاترين ح تروحي عاللاجتماع .
كاترين : نو مابدي رووح .
كنان : ماتجادليني على قصة تافهة خبرتك ح تروحي .
كاترين :انت يلي عم تجادل على فكرة وخبرتك مارح رووح انت يلي حترووح انا رايحة على مكتبي مشان ماتقلي ماخبرتك اني مشيت من غير ماخبرك .
مشيت وتركته واضح اديش تجاكر مني ومن عصبيتي بس انا ما اهتميت صرلوا من الصبح عم يختبر صبري وانا نفذ صبري ..
____^_^.
بالمكتب عند يحيى .
يحيى : جوود شو صاار معك مالقيت شي تصريفة او حل لهل الشركة الجديدة .
جود : بابا حاولت كتير بس الواضح انو مديرها كتير حدا ذكي وعندو دراية بأمور السيارات يعني هو صح جديد بس قدر يدخل عالسوق بطريقة يصير ئلو اسم وينشهر بفترة قصيرة .
يحيى : انا ماعم احكي هيك حتى تخبرني شو صفات هالمدير وشو محاسنه انا ماجبتك لعندي تمدحلي فيه خبرتك بدي طريقة... اذا بقي على هالحال شركتنا امورها بتدهور .
جود : نحنا مالنا الوحيدين يلي ماعم نقدرله انت شايف اديش عيلة الباشا عم يعملوا العمايل حتى يكسرو كلمتو .
يحيى : بس اكيد مارح نبقى هيك واقفين منتفرج على انجازاتو .
جود : هي مانها انجازات هاد نجاح .
يحيى : جووود روووح من وجهي وماترجع من غير حل عم تفهم .
جود : حاضر بتأمر .
______*_*.
بالمكتب عند كاترين كانت مشغولة بالتصميم والشغل باللابتوب ....
وبطرف تاني كان كنان واقف عم يطلع عليها ....
بعد فترة قصيرة انتبهت عليه ...
كاترين : في شي .
كنان : لا ابدا عم اتأملك وانتِ عم تشتغلي .
كاترين : ونشالله مستمتع بتعذيبي .
كنان : تعذييب ؟؟؟!! .
كاترين : اي تعذيب حضرتك قاعد بمكتبك وعلى ياكاترين عملي هيك وياكاترين ساوي هيك وياكاترين ليش ماعملتي هالشغلة وياكاترين بدي تساوي شغل قياسي خلال ساعة وهو بكون بدو اكتر من 5 ساعات .
(تركها واتجه على مكتبه وبقيت عم تحكي مع حالها بس هي لحقته وتجاكرت لأن اتجاهلها ).
كاترين : ليش عم تتجاهلني من الصبح رافض تحكي او ...
كنان : مو عبالي ناقشك .
كاترين : لاتمشي وتلفلي ظهرك وانا عم حاكيك ولا بس انت بتتنرفز وتعصب اذا حدا تجاهلك انت وعم تحاكيه .
كنان : ااه .
كاترين : لككك عم حاكيك رد عليي .
كنان : شو بدك .
كاترين : اناا تعبت من الشغل معك وقت الدوام حتى يكون خلص بكون انا متت الف مرة من طلباتك الواضح انها بس كرمال تتعبني وتتسلى فيني حتى تستلذ وانت عم تشوفني هلكانة وماعندي وقت اقعد فيه .
كنان : وشو المطلوب مني هلق .
(برود كنان مع كاترين عم يقتلها وخاصة انو واضح عليه انو الموضوع يلي عم تحكي فيه مابهمه )
كاترين (سكرت باب المكتب ومشيت لعندو تحكي ) :
في سؤال عم يخطرلي من اول يوم داومت فيه هون وكل مرة بأجله بس معد اقدر اذا ماحكيت بختنق .
كنان : اسألي شو بدك مالي مانعك من الكلام ما انتِ بدمك النكد والنق يعني غريب كيف قدرانة تصبري هالمدة من غير ماتحكي .
كاترين : ماتخاف ماني ح اتركه بقلبي بس ماكان الوقت المناسب احكي معك ماكان عبالي اتخانق معك .
كنان ( عم يضحك على كلامها ) : ماكاان عبالك تتخانقي معي ؟؟!!!! ما انتِ من اول ماجيتي لهون وانتِ تلطشي كلام ... عطيني الشي المهم شو بدك .
كاترين : اناا مو هوون مكاني .. انا مادرست وتعبت سنين بالعمارة وبقيت اسهر ليالي عالتصميم ورسم المشاريع مو حتى اجي اتوظف سكرتاترية لااا ووين عند حضرتك .
كنان : ااه انتِ على شو رافضة بالضبط انتِ رافضة قصة السكرتارية بشكل عام ولا بس عندي بشكل خاص وبتعرفي والله منيح خبرتيني ماكنت بعرف شو دراستك من قبل .
كاترين : كمية برودة الاعصاب يلي عندك مو طبيعية ...
كنان : انو صرلي ساعة بسمع بكلامك ولهلق ماتفضلتي عليي بسؤالك المهم حسب قولك .
كاترين : ليييشش نقلتني اشتغل سكرتيرة عندك وانت بتعرف كتير منيح اني قدرانة اشتغل بالمكان يلي كنت فيه وليش عم تعاملني كأنك جايب حدا من اعدائك وعم تتسلى .
كنان : هاد الكلام تخطى مرحلة السؤال الواحد .
كاترين : معلش تجاوبني .
كنان : فيني افهم ليش هالقد مدايقة من نقلك لهون وعلى حد علمي انك ماعندك مشكلة تشتغلي سكرتارية .
كاترين : ومن وين جيت بعلوماتك هي ؟؟؟!!.
كنان : كاترين : بعيد وبكرر للمرة الف .. ماحداااا دخلووو فينيي ماشي .. نشالله بعلق شهادتي عالحيط بمكتبي او بلحشها بالخزانة وبشتغل سكرتيرة او برجع لعروض الازياء .. ماحداا خصو فينيي ... مو هاااد كلامك .
(تذكير بالكلام يلي قاله كنان مأخوذ من بارت ايطاليا وقت كانوا بالمطعم مع ايلاف ووسيم هاد تذكير للنسيانين )
~~فلاااا🔙ش~~~~~
ايلاف : مو ناوية تكفي بمجال عروض الازياء .
كنان ( باندفاع ) : طبعاااا لااء عندها دراستها وشهادتها .
كاترين ( بعصبية ) : وليش لاااء مثلااا .
كنان : لان دراستك وتخرجك اولى .
كاترين : مو صح انا ماحدا بيفرض علي شو اولوياتي .
كنان : هاد الشي مو فرض بس شي بديهي انك هلق على بواب تخرج تكوني مهتمة لتخرجك اكتر من اي شي تاني .
كاترين : اي مهتمة لاتاكل هم .
كنان : واضح واضح الاهتمام عم يشرشر منك .
كاترين : نعاام شامة ريحة مسخرة بالموضوع .
"ايلاف عم يقول لوسيم "
ايلاف : كأنو علقت .
وسيم : هيك شكلو ..... ياجماعة هدو شبكن .
كاترين : مافينا شي بس انا مابحب حدا يدخل فيني ويملي علي رأيو انا بس بمشي يلي براسي .
كنان : وقت تكوني على صح مشي يلي براسك .
كاترين : ماقربت عليك ولاتدخلت بحياتك لاتقرب عليي و لاتدخل فيني وبقراراتي اذا بتريد .
كنان : مالي قاتل حالي لحتى ادخل بحياتك .
كاترين : اي كتير منيح لكن .
ايلاف عم يحاول يهدي الجو وقرر يسأل كاترين عن دراستها فكرو ينهي نقاشن .
ايلاف: ليش حضرتك شو دارسة .
كاترين : هندسة البطييييخ .
كنان : البطييخ ؟؟؟!!! .. اسمهااا عماااارة ... هندسة عمااارة على فكرة .
كاترين : اوك ماشي هندسة البطيخ .
كنان : اااه واضح شو مهتمة .
كاترين : وانا برجع بقلكك مادخلك فيي وبتخرجي وبدراستي .
كنان : ااه صح مادخلني ليش عم عذب حالي انا ... عم ذكرك بشي عم تشوهيه .
كاترين : كنان انا حرة بحياتي.... بعدين انا عم شوه فرع دراستي باعتقادك ؟؟؟!!
كنان : حرة ؟؟!!!' كيف يعني حرة واهلك يلي ناطرين تخرجك ويشوفوكي اكبر مهندسة .
كاترين : بعيد وبكرر للمرة الف .. ماحداااا دخلووو فينيي ماشي .. نشالله بعلق شهادتي عالحيط بمكتبي او بلحشها بالخزانة وبشتغل سكرتيرة او برجع لعروض الازياء .. ماحداا خصو فينيي .
~~بااااا🔙ااك ~~
كاترين : هاد كلامي مو كلامك يعني هالشي بكيفي مو بكيفك انا وقت الي بدي بقرر شو اعمل ماحدا قلك تقرر عني حياتي وتتحكم فيني متل اللعبة بين ايديك .
كنان : شو بدك احسن من انك تكوني عم تشتغلي معي وطول اليوم معي غيرك ناطرة غمزة صغيرة مني فشلون انتِ يلي طول الوقت معي اكيد بكونوا البنات منغاظين منك .
كاترين : يما الغرور والثقة بالنفس يلي عندك تخطى الحدود الطبيعية لحده وصار عم يحلق بلأفق فووق .
كنان : مو غرور عم احكي الواقع واول دليل حي عندك موظفات الشركة .
كاترين : هدلون مخدوعين فيك ياحرام مابعتب عليهن كيف معجبين فيك لأنهن مابيعرفوك منيح .
(مشي كنان لعند كاترين )
كنان : وشو مشانك انتِ .
كاترين : شش شبني اناا ؟؟!!! .
(قرب كنان من كاترين وترها وضيع الحروف والكلمات منها )
كنان : خبروني انك وقعانة بشباك مديرك والكاريزما الموجودة فيه .
كاترين : مافي هيك شي انا صح ممكن كون حمارة لأني حبيتك لفترة من حياتي بس انا مالي حمارة لدرجة اني ارجع حبك من اول وجديد .
كنان (عم يعدي ايده على شعر كاترين ويطلع بعيونها ) : تسؤ تسؤ تسؤ لكن يلي خبرني غلطان ممم ماشي مافي مشكلة .
كاترين : بعد عني هلق بيجي حدا وبيفهمنا غلط .
كنان : ويفهمنا شو المشكلة مابهمني كلام حدا .
كاترين : اوك انت مابهمك بس انا بهمني بليز افسحلي مجال خليني امشي .
كنان : تسؤ تسؤ تسؤ مو بكيفك ايمت مابدك بتفوتي على مكتبي وتطلعي منو .
كاترين : عم قلك بلييز ترا ماتعديت معك حدود الاحترام بس مابعرف مين يلي عم يتعداهم .
كنان : هي هييه حدود الاحترام عندك ؟؟!! .
كاترين : عندك مشكلة .
كنان : بس انا حدودي اكبر من هيك بس اذا انتِ هيك بتفكري مشكلتك .
كاترين : وشو حدودك يا استاااذ .
كنان : لا معلش بلا ماتعرفيهن .
كاترين : اذا مابدك تحكي بعد عني وبلا مزحك هلق كنان اوك تسلينا وحكينا بس وبعدين يعني لايمت بدنا نبقى على هالوضعية هي .
(اشر كنان بشكل دائري حول منطقة قلبها لكاترين )
كنان : شايفة هاد المكان عندك انا محفوور فيه ومستحيل تقدري تطلعيني دقات قلبك ونفسك الغير منتظم لما كون بقربك هيك وحدها بتحكي اني جوا هوون وماعم تقدري تطلعيني من هالمكان ...الشخص يلي اجى بعدي ماقدر ينسيكي كنان شكله... بتعرفي ليشش ؟؟! لأني كنت الاول وح افضل الأخير بحياتك.
كاترين : مو صح وجودك وعدمه واحد ... وتأكد منيح اني نسيتك اوك وحاج تحكي وتقول الشخص يلي بعدي ايمت بدك تفهم انو مافي بعدك .
كنان : عنجد ليش عم قول بعدي ما انتِ خنتيني بالوقت يلي كنا فيه مع بعض .
كاترين : ماشي متل مابدك انا كنت عم خونك انبسطت هيك بعدلي بدي روح لعند يلي كنت عم خونك معه ( نترت ايدو العاملة حاجز لتقدر تطلع من هالمكان المحصورة فيه ) .
رجعها لعندو ...
كنان : لحظة شوي بما انك رايحة لعندو بدي تعيشيه بنفس الشعور الي عشته ( زاح طرف كم كاترين عند كتفها وانحنى و باسها حتى طبع ندبة على كتفها وكاترين واقفة مصدومة اول مرة يتعدى حدوده لهل الدرجة )
كاترين شو جنييت كنان .
كنان : بالعكس انا بعقلي ولما تشوفي حبيب قلبك حاولي تحافظي على علاقتكم سوا لأن بعد هالندبة يلي ارتسمت على كتفك مابتوقع تطولو سوا .
كاترين : لككك * .
كنان : اذا مابتسكتي شتم بعملك ندبة تانية بس هالمرة مو بكتفك بنص وجهك .
(زاح عنها وفسحلها مجال تمشي ) .
كنان : يلا مو صرلك ساعة بتندبي بدك تطلعي امشي ولاعجبتك القعدة هون 😉 .
كاترين : انا طالعة على مكتبي ومو نيالك تشوف وجهي او تطلبني اليوم .
كنان : كنتي رايحة لعند حبيب قلبك شو صار هلق .
كاترين : بعد يلي عملتو بكتفي مابعرف اذا رح ارجع عالبيت حتى .
كنان : وضعك بزعل .
(مشيت كاترين وماردت عليه فتحت الباب وسكرته بقوة حتى الصوت يلي صدر عنه كان قوي عم تعبر عن غضبها وكنان صار يضحك عليها ).
كاترين عم تحكي : مشيت من مكتبه واتجهت للحمام عم شوف شو عمل فيني لككك الله يلعنك ياكنان شو عامل صاير كتير وقح وعم تتعدى حدودك فتحت شنطتي وطلعت منها فوند حاولت اخفي وخفف شوي من لون البوسة ايي بوسة هي هي عضة كلب مفترس ومستشرس حاولت قد مااقدر اخفي الندبة ورجعت كم الجاكيت فوقها وكنت رافعة شعري نزلتو وحطيته على كتفي لأخفي الأثر اكتر .
__*_*____
مضى على كاترين وقت وهي قاعدة بالمكتب وصلها مسج من وسيم باللوكيشن ....
كاترين : اووو كيف نسيت موعدي مع وسيم اناا يالله .. مافيني اعتذر منه وعدته من الصبح يلاا مافي حل غير اني روح ....
خلصت شغلي وعم رتب مكتبي لاطلع من الشركة بلاقي كنان صار عندي ... اتجاهلت وجوده بس شفته عم يطلع عليي ويضحك ....
كاترين : في شي ؟؟! .
كنان : مابدها لهل الدرجة يعني كلها بوسة منزلة شعرك من كل عقلك لتخفيها هههههه .
كاترين : قصدك عضة وعضة كلب كمان .
كنان : لا اذا انتِ هيك مفهوم العضة عندك فبتسمحيلي خبرك انو مفهومك غلط .
كاترين : غلطط ؟؟!! كل هااد وبتقلي غلط .
كنان : هي كانت بوسة واذا كتيرر مصرة على رأيك المرة الجاية بفرجيكي منيح شو مفهوم العضة .
كاترين : لا شكرااا كتير لخدماتك بس بتمنى ماتعرض عليي متل هيك خدمات مرة تانية وتفكر تبعد عني مترين مسافة امان .
كنان (عم يضحك على كاترين ) : مترين شووو ؟؟؟؟.
كاترين : مسااافة أمان... وكماان انا معد فوت على هدلاك المكتب والباب مسكر فيه انا صايرة مافيني أمن لتصرفاتك .
كنان : مين خبرك اني مجبور انصاع لقراراتك هي بالنهاية انتِ بأرضي والخيل والساحة ملكي ....ان شئتي وان ماشئتي ياحلوة... وهاد الشي يلي انتِ عم تحاولي تخبيه بكم خسلة شعر كان مجرد فركة اذن صغيرة يعني درس خفيف لطيف على تصرفاتك اليوم من كسر اوامر وتأخير وكتر كلام مالو فايدة والى ماهنالك بس اذا شي يوم شفتك مافهمتي عليي او تكسري كلامي وبرضو عم تعاندي مجبور اني علمك الفرق بين العضة والبوسة ماشي ياحلوة .
كاترين : لككك قلعني قلعنييي من الشركة شو ناطر مني لسا اذا ماعم افهم عليك ولا عم تفهم عليي وماعم اعرف اشتغل قلعنيي وخلوص مني .
كنان : ومو بعيدة عن سنانك... اني اعمل هالشي بأحلاامك .
كنان طلع من المكتب وماترك لكاترين اي حجة تحكي بعد هالكلام يلي قالو طلع عم يعاقبها على كل تصرفاتها يلي عملتهن وهو كان عم يبينلها من الصبح انو مش فارقة معو وعم يتجاهلها بس لاا طلع ماعم ينسى شي وعم يسجللها كلشي عم تعملو ....
_____^_^.
كانت ميس قاعدة بالصالون بتتفاجئ بكنان جاية ناحها يعانقها ....
ميس : يعمري انت قديش اشتقتلك واشتقت لحركتك بهالبيت معقول بهون عليك هيك مشيت من البيت.
كنان : ماما بتعرفيني قديش بحبك بس شغلة طلعتي من البيت معلش مانجيب سيرتها وتخليني مبسوط هلئ .
بانا قاعدة عالكنبة عم تتفرج عليهن .
كنان : شو آنسة بانا مابدك تسلمي على أخوكي .
بانا : اخي بعرف انك انت اخي وحبيبي بس يعني مبارح شفتك ومالحقت اشتقلك حتى اجي ولمك بالأحضان شو كم مرة بدي انجلق على غيابك بكفي عاد .
كنان : ماما بنتك كأن طولان لسانها هالفترة .
ميس : تركنا منها تصطفل المهم ياقلبي كيفك انت وكيف الشغل الجديد معك .
__○_○__
وسيم : كاترين شبك صافنة هيك وبتحركي بصحنك صرلك ساعة .. من غير تاكلي .
كاترين : ولاشي كنت عم فكر بالمشروع شاغلي بالي هالفترة ومارح ارتاح غير لأخلصه .
وسيم : طب شيلينا من الشغل هلق جينا نتسلى نحنا .
كاترين : ايي مو تكرم .
"كانت كاترين بتحكي مع وسيم بس وصلها مسج فتحت تشوف شو هو " .
(محتوى المسج :
اووه شييت نسيت خبرك انو الايفنت ح يكون بكرى المسا يعني الوقت الي معك كتير ضئيل لتلحقي تنسقي مع الشركة المسؤولة عن الحفل ) .
كاترين : وسيم معلش شوي بس بدي احكي تلفون وراجعة .
" كان كنان بيحكي مع امه بالوقت يلي قطع حديثه اتصال كاترين مشي على جنب وفتح الخط "
كنان : ماتخبريني انك اشتقتيلي لأني بعرفك عم تكذبي .
كاترين : شو عم يصير معك اليوم انت فهمان شو معنى المسج يلي بعته حضرتك بتعرف شو يعني يكون في حفل ضخم بالشركة بكرى ونحنا لحد الآن مااتفقنا مع الشركة المنسقة او حتى عملنا بطاقات دعوة للمدعوين كنان بلييييز أخر موعد الحفل مو شرط يكون بكرى في الف شغلة ماعملناها مستحيييل نلحق بأي شكل .
كنان : من جهة البطاقات موزعين عالمدعويين من 3 ايام فهلق ممكن تحكيلي حضرتك عن اي تأخير عم تحكي عليه وكل الناس بتعرف انو بكرى حفل افتتاح الشركة رسمياً يعني شو رأيك ننطر كمان اسبوع لنعمل هالحفل وانا بكون صرلي بالشركة قريب الشهر .
كاترين : شوووو ايمت لحقتوا تعملوا بطاقاات دعوة .
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```