الفصل 22
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴2️⃣2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كاترين : وبتقليلي مطير عقلكن لككك هاد الواضح هو يلي مافيه عقل .. وانا هلق وين مكتبي .
نيسان : للاسف بس انتِ صرتي السكرتيرة عند المدير .
كاترين (بصدمة) : نعااااام شو عم تحكي انتِ هااد مجنون مين خبره اني دارسة هندسة حتى اشتغل سكرتارية .
نيسان : مدري روحي اسأليه قلو وفهمي منه .
كاترين : وهو هيك .
" مشيت كاترين معصبة لمكتب المدير "
السكرتيرة : تفضلي يا آنسة .
كاترين : المدير بمكتبه .
السكرتيرة : اي موجود .. مين خبره .
كاترين : مافي داعي فايتة لعندو .
" بتفوت كاترين عالمكتب من غير ما تستأذن حدن .."
السكرتيرة : يا آنسة مابصير تدخلي هيك هي شركة محترمة ومافيها هالفوضة .
كاترين(ما اهتمت لكلامها وحكت ) : عفوا يا استاذ مين مفكر حالك .
السكرتيرة : مسيو انا خبرتها بس هي دخلت من غير ماتنطر خبرك .
( المدير حامل ماغ النسكافيه وداير ضهرو للباب عم يتمعن باطلالة المكتب ) .
المدير (من غير مايلتفت ) : مافي مشكلة تركيها وروحي .
(طلعت السكرتيرة وسكرت الباب التفت لورا شاف كاترين ) .
المدير (واقف ومكتف ايديه ) : اي شو كنتي عم تقولي .
يتبع........
البارت التاسع عشر
كاترين (بصدمة): كناااان لككككك انت شو عم تعمل هوون وايمت صرت المدير وكيف وشلوون وينوو عااامر انا بدي احكي معو .
كنان (بقرب باتجاه كاترين ) : هالمكان محترم وياريت تحترمي الموجودين فيه وتخفضي صوتك لأن صوتك عم يعمل تلوث سمعي .
كاترين : التلووث بكون لما يكون موجود حدا متلك بهيك منصب .. مابتستاهله لأن ماعندك اي مؤهل يسلمك هيك شركة .
(شال ايده وضربها كف لكاترين على كلامها المستفز ) .
كنان : مابحقلك تحكي وتقيمي اذا كنتي مابتعرفي كتير منيح شو عندي مؤهلات وخبرة .
كاترين (وجهت ايدها بتوعد لكنان ): بيجي يوم ورح دفعك تمن هالكف غالي كتيييير .
كنان : ممم منشوف وهلق انتهت المقابلة ياريت ترجعي لشغلك مكتبك ناطرك .
(كاترين مشيت باتجاه مكتبه وسحبت ورقة وكتبت عليها طلب استقالتها وعطتها لكنان شاف بالطلب شو هو وشقه)
كنان : طلبك مرفوض ..
كاترين : مين انت لترفض اصلا .
كنان : ااه بتوقع صار لازم ذكرك مين انا ... انا صاحب الشركة يلي انتِ موظفة فيها .
كاترين : بس انا مابشرفني اشتغل معك وان قبلت طلب استقالتي او لاء انا مارح داوم .
(مشيت كاترين لتطلع من المكتب بس كنان حكى قبل ماتطلع ...الكلام يلي خلاها توقف وتنصدم ).
كنان : بحب ذكرك يا آنسة بالبند الموجود بعقد توظيفك بالشركة والواضح شكلك نسيانتيه مافينك تستقيلي لأنك متعاقدة مع الشركة بعقد توظيف لسنتين غير هيك من شروط تركك للشغل يحق للشركة كامل الاستفادة بشهادتك الجامعية لمدة خمس سنوات أي لينتهي عقد توظيفك مع الشركة حتى تقدري تقدمي استقالة يعني يا آنسة اذا تركتي الشغل هلق ح تبقى محرومة من شهادتك خمس سنين لسا .
كاترين : ليكون عاملة معكن عقد احتكار ومالي عرفانة .
كنان : لسا اصعب حتى ..
كاترين : بدفع مقابل افسخ هالعقد قد ماكان المهم اخلص منه .
كنان : اولا انا مابقبل رشوة وتانيا بتعرفيني كتير منيح مو بحاجة المصاري يلي عندي طامرني وزايد عني اما تالتا ف هاد سستم الشركة وماعندي اي دواعي تدفعني خالف القوانين وتقاليد الشركة .
كاترين :تقاليد ؟؟! لككك اي تقاااليد وقوانين هي وانت ماصرلك كم يوم لسا .
كنان : بالنهاية انا المدير وفيني ابقى عالقوانين القديمة او عدل عليها او الغيها حتى.. حسب شو بناسبني ... وكان فينك تنتبهي على شو عم توقعي وماتحطي حالك بهيك مواقف .
كاترين : لكككك انا لماا وقعت ماكنت انت موجود وماكنت مفكرة افسخ العقد حتى .
كنان : اووك مو مهم هلق .. اذا بدك ماتخسري شهادتك ابقي بالشركة وليخلصو السنتين عليكي خير .
كاترين : طيب ياسيدي مابدك ياني كون بمكاني القديم بس لا تغيرلي شغلي لسكرتيرة ... مابقدر ابقى معك بمكان واحد بختنق الاكسجين الموجود بالغرفة بتقل نسبته وبتزيد نسبة ثاني أكسيد الكربون .
كنان : غريب كيف لهلق ما اختنقتي .
كاترين : لككك انت شوو .
كنان : كلامك صاير كتير هالفترة انا ح خبر السكرتيرة تعلمك على شغلك كرمال تستلمي عنها تفضلي لمكتبك ياآنسة .
كاترين : ماشي ياا كنان .
(اتصل كنان عالسكرتيرة وخبرها تعلم كاترين عالشغل قبل ماتمشي ).
كاترين وهي عند السكرتيرة ...
السكرتيرة : خبرني المسيو انك رح تكوني بدالي .
كاترين : اي يافرحتي .
السكرتيرة : رح علمك عالشغل ... بس بتعرفي الله يعينك على هيك مدير وجد لما جيتي واخدتي عني... هم ونشال من عليي .
كاترين (بمسخرة ) : بعرف كتير لح روق بشغلي وخصوصا من المدير السكرة .
___~_~ ...
أويس قاعد بغرفته واتصل على ميلا .
أويس : كيفك ياقلبي .
ميلا : مشتقتلك كيفك انت .
أويس : الحمد الله ... اختي كرمال اليوم ماتحسبوا حسابكم اننا جاايين عالعشا اضطريت انا وشيفاي نتأخر كمان يوم .
ميلا : خير في شي .
أويس : كلشي خير اطمني .. سلميلي على ماما وقوليها بكرى بكون عندها .
ميلا : اي نشالله .
أويس : بدك شي يا قلبي .
ميلا : سلامتك .
(بعد ماخلص حكي مع ميلا التفت وشاف امه واقفة عند الباب ).
أويس : في شي ماما بدك شي .
أم أويس : لا ياقلبي كنت بدي خبرك الفطور جاهز .
أويس : اوك هلق بجي .
أم أويس : هي اختك يلي كنت عم تحكيها .
أويس : اي هي .
أم أويس : الله يخليلك ياها ...يلا انا سابقتك عالفطور .
أويس : اي ماما .
______^_^..
عند كنان بالمكتب اتصل على كاترين وخبرها تجي لعندو .
كاترين : نعم.
كنان : طلبيلي اسبريسو .
كاترين : جبتني لعندك كرمال تقلي اطلبيلي اسبريسووووو يعني ماكان فيك تخبرني وانا بمكتبي .
كنان : اذا ماشفتك مارح ارتاح ... بعد ماتطلبي الاسبريسو اذا بدك طلبي شي الك وجيبيلي كلشي ملفات فهمتك عليهن السكرتيرة يلي قبلك وتعي يلاا مافي مجال للبرادة .
(كاترين مشيت وراحت على مكتبها من غير ماترد عليه جابت الملفات وخبرت مسؤول البوفيه عن الاسبريسو والنسكافيه رجعت لعند كنان عالمكتب )
كنان : عادة النقرتين عالباب قبل ماتفوتي عالمكتب شكلها لسا مو وصلانة لعندك .
كاترين : والله هي انا ماعجبك نقلني من هون .
كنان : انتِ هاد يلي بدك توصليله .
كاترين : هي الملفات يلي قلتلي عنهم .
كنان ( مشغول بالملفات وماعطى كاترين اي اهمية ) :
جيبي كرسي من طاولة الاجتماع يلي هون وقعدي لنشتغل فيهن .
كاترين : ترا انا اسمي سكرتيرة مو مرافقك الشخصي او شكلة مفاتيحك حتى تشكلني على خصرك وقت الشغل .
كنان : ااه والله منيح تقبلتي فكرة انك سكرتيرة .
كاترين : مؤقتاً.
كنان : بأحلامك ياحلوة... حاج كتر حكي جيبي كرسي خلينا نشتغل بلا نق .
كاترين : مين قلك اني بدي اقعد جنبك اصلا .
كنان : ومين يلي خبرك فرحان اني اصمدك جنبي او بدي اقعد جنبك عم قلك تعي كرمال الشغل مو كرمالك .... وين الاسبريسو مو قلتلك جيبيلي .
كاترين : قلتلي وانا خبرت مسؤول البوفيه هلئ بجيب .
(دق الباب ) .
كاترين : هاا اكيد هو .
( وصل الخادم وجايب النسكافيه لكاترين واسبريسو لكنان عطاهن ياهن وكملت كاترين شغلها مع كنان وهي معصبة وعم تلطشو حكي )
____^_^..
(بعد فطور أويس مع اهله خبرته امه يقعد بدها تحاكيه بموضوع ) .
أم أويس : اي امي خبرني بعد ماكنت وحيد شو طلع عندك اخوات .
أويس : عندي نصي التاني شقة التوم وعندي اخت .
أم أويس : يعني بعدها عيلتك صغيرة .
أويس : بالعكس عندي خالات وخوال منجتمع كل فترة سوا .
أم أويس : وين عايشة عيلتك .
أويس : باسطنبول .
أم أويس : اووف وكيف هيك قدرنا نلاقيك اذا هنن باسطنبول ونحنا بسامسون .
أويس : ماما هاد السؤال انا لازم اسألك ياه وين لقيتوني .
أم أويس : بتذكر كنا بالويكند بالصيفية شفناك بالبحر لحالك كنت يوميتا عم تسبح واجيت ح تغرق ساعدك ابوك وطالعلك من البحر خبرتنا انك ضايع سألنا عن أهلك بس ما لقيناهن .
أويس : وهنن هيك خبروني اني كنت معن بالبحر وفجأة فقدوني وفكروني غرقان وسحبني الموج .
أم أويس : هاد التفسير الوحيد اذا هيك ... ابني بدي تعرفني على عيلتك .
أويس : اييي مو تكرمي .
أم أويس : بس مو هلق بعد فترة وقت يكون ماعندك سفر لاكتر من يوم بتجي بتاخدني انا وابوك .
أويس : على راسي .
أم أويس : يخليلي ياك ... ماما ومشان طلب تاني بدي كمان ماتردني خايبة .
أويس : انتِ بتأمري ما بتطلبي .
أم أويس : ابني ابوك محضر كلشي وبس باقي توقع عالوراق لا تعارض هالمرة متل كل مرة .
أويس : بس انتو بتعرفو اني مابقبل واكتر من مرة عرضتو عليي وما قبلت .
أم أويس : حبيبي هاد الشي بريح ابوك واذا بدك ياه يكون مبسوط وافق على قراره .
أويس : يا أمي في مين احق بممتلكاته في مين احق مني انا مو ابنه ليعطيني كل هالمال .
أم أويس : أويس بزعل منك شو هي مو ابنه هو لو مابيعتبرك ابنه ماكان قدملك كلشي بيملكه .
أويس : كل ممتلكاته ؟؟! ماما وانتِ.
أم أويس : انا مو ناقصني هو من قبل كاتبلي باسمي وغير هيك شغل ابوك ماشي هو صح ح يسجل كلشي باسمك بس هاد الشي ليضمن حقك بعد عمر طويل لأنك مو ابنه بالنفوس وكرمال ماحدا غيرك ياخد تعبه .
أويس : والله مابعرف شو بدي قلك .
أم أويس : قلي موافق وروح عند ابوك خبره انو في وراق لازم توقع عليهن من زمان بس هلق صار وقتن .
أويس : والله ماعم تزبط معي فوق ماصرفتوا علي من لما كنت صغير وهلق تقدمولي كلشي .
أم أويس : أوويس شو اتفقنا لييش ايمت الأهل بينسألو ليش عم تصرفوا على ابنكم .
أويس : طيب رايح شوف ابي اذا هالشي بريحه .
أم أويس : لككك تؤبر قلبي .. ابوك بتلاقيه بالحديقة عم يشرب قهوته .
أويس : بعيد الشر .
______^_^.
كنان : هيك منكون خلصنا كلشي خدي هالمعلومات ودخليهن عاللابتوب ...وجيبيلي ياهن بكرى .
كاترين : هي مو شغلتي .
كنان : نعم يا آنسة .
كاترين : متل ماسمعت هدول كلهن مشاريع وبدهن رسم واخراج باللابتوب بدهن يومين ليخلصوا وغير هيك هدول مو شغلي انا بس شغلي رتب مواعيد واتواصل مع العملاء.
كنان : لااا شكلك عم تلعبي دور السكرتيرة مزبوط .
كاترين : ماعجبك .
كنان (كمل كلامها ): نقلني مو هيك بدك تقولي ...انك تسافري عالقمر اسهل بكتير من اني انقلك ياحلوة .
كاترين : لاااا تقلي حلوةة هالكلمة عم تنكرزني .
كنان : مممم شو بدك لكن ياحلوة .
كاترين : مابدي شي .
كنان : اوككك وجعتيلي راسي اليوم عن سنة لقدام روحي لمكتبك لأن بعدين بصير شي مابناسب مقامك يا آنسة .
كاترين : رايحة بس مو على مكتبي طالعة من الشركة لأن الدوام خلص .
كناان : اوووف كيف مضى الوقت عندي ميتنغ مهم .
كاترين : انا رايحة .
كناان : خدي الملفات وحوليهن ليلي شغلتهن يشتغلوهن اذا مو شغلتك .... بكرى لا تتأخري غلطة المتأخر عندي بألف غلطة .
كاترين : وجودي وعدمه واحد مارح تفرق ايمت بجي .
كنان : جربي وشوفي شو بصير ياكاترين .
كاترين : اوك سلام .
___^_^.
( رجعت كاترين عالبيت اتصلت على أوس ) .
كاترين : مسا الخير .
أوس : يا مسا الورد.
كاترين : أوس فيني روح عالجيم اليوم يعني كرمال رجلي مابأثر مو .
أوس : لا تمام بس مع ذلك خليكي عالخفيف متل ماخبرتك .
كاترين : اييي شكراا كتير .
أوس : هلا هلا ...لو مافي شي ضروري صايرين ماعم نسمع صوتك .
كاترين : المهم عم تسمعه .
أوس : كاتو انا عندي عملية بعد نص ساعة كرمال هيك بدي سكر معك بدي شيك على وضع المريضة قبل العملية .
كاترين : ايي يعطيك العافية الله معك .
أوس : الله يعافيكي ..سلام .
(كاترين عم تحكي بينها وبين حالها : واخيرا صار فيني روح عالجيم وفرغ طاقتي وانسى هاليوم المنحوس غيرت تيابي ولبست تياب الجيم رتبت اموري وندق الباب علي )
كارولين : هاااي كاتووو .
كاترين : هاي .
كارولين : شلون اليوم دوامك بالشغل كان بعد هالانقطاع .
كاترين : اوووه بشهي بس مابشتهيلك يااه .
كارولين : وليش .
كاترين : لأن تغيرت الادارة بالشركة والمدير يلي اجاااا كان المهندس كنان رأفت الباشا امااانة بدك احسن من هيك مدير .
كارولين : لاااا كننااان ماغيرو جد عم تحكي .
كاترين : اي كناان.. كارولين انا مابدي كون معه بنفس المكان .
كارولين : حبيبتي لاتفكري فيه هو بمكتبه وانتِ بمكتبك وخلصت القصة .
كاترين : ماهون المشكلة هو ما اكتفى انو صار المدير فوق هيك نقلني لصير سكرتيرة عندو .
كارولين : شوووووو سكرتيرة .
كاترين : اي سكرتيرة كارولين لاتزيديها عليي .
كارولين : طيب مالك مضطرة .. تركي الشغل .
كاترين : هون المشكلة انا حاولت بس مابقدر .
كارولين : لسا كل شوي بتقوليلي هون المشكلة شو كمان احكي حاج تنقطيني الكلام تنقيط .
كاترين : العقد الموقعته مع الشركة لسنتين ومافيني اترك قبل هالسنتين واذا تركت شهادتي الشركة بتستفيد منها لخمس سنين تعويض لنقض العقد .
كارولين : شووو لككك انتِ غبية وين كان عقلك لما وقعتي على هيك عقد انتِ مجبرة تبقي معه هيك ومافينك تعترضي .
كاترين : كارولين كرمال الله مو انتِ محامية دبريلي ياها وخليني افسخ هالعقد الزفت .
كارولين : القانون لايحمي المغفلين ياجدبة كنتِ بكامل قواكي العقلية لما وقعتي وبتقوليلي دبريلي ياها اي تدبير هاد وانتِ بأيديكي عملتي بحالك هيك مافيني اعمل شي خليكي عم تقنعي حالك انو هالوظيفة منيحة لتحاولي تخففي عن حالك شوي واصحك يعرفووا اهلك .
كاترين : لا شو يعرفوا شو مجنونة انا ... بعدين شبو الشغل مع كنان مافي منه بفيدني شوي بخبراته الهندسية .
كارولين (كاتمة ضحكتها ) : اي اي خففي عن حالك مافيو شي كنان ومافي احلى من التعامل معو .
كاترين : انا قايمة عالجيم بدي فرغ كل الطاقة السلبية يلي عندي احسن ما ابكي .
كارولين : اييي لاتزعلي ياقلبي فكري بالجانب المنيح وبس .
كاترين : اوك شكرا انك خففتي عني وسمعتيني .
كارولين : شو هالجدبة اذا لأختي ماسمعت لمين بدي اسمع .
كاترين : ئلي طبعا .
(ضحكوا تنيناتن وودعت كاترين كارولين وراحت عالجيم )
____^_^.
( كنان اتصل على ايلاف ليروح معو ... ليشوفو بيت لكنان ) .
إيلاف : بلاقيك عم تاخد رأي بالبيت يعني ناوي تسكني معك .
كنان : فرحان بطولك لأني .
إيلاف : تسلم عالملافظ السعد يلي عندك .
كنان : قلت باخد رأيك لأني محتار بين هالتنين مش اكتر .
إيلاف : عادي مافيها شي القصة بتشتري واحد الك وواحد ئلي مابدها تفكير .
كنان : لااا جد ذكي ... ليش ما اجيت اليوم عالشغل .
إيلاف : ماكنت فاضي .
كنان : لا حلو والله وايمت بتفضى حضرتك حتى نخصص ساعات الدوام على فراغك .
إيلاف : ايي لاتفضحنا بكرى بداوم ... كان عندي شغل مشروع لشركة ميلانو .
كنان : اي تمام .. يلا تفضل وصلك عالبيت .
إيلاف : بكيير لسا ماعطيتك رأي بأي بيت .
كنان : شكرا لخدماتك يلي مالها طعمة بس انا قررت ومالي بحاجتك .
إيلاف : عفواا الك لازم تاخد جائزة بأكتر حدا بشرشح وبيمسح بكرامة يلي جنبه بمجرد كلمتين بقولهن مش اكتر .
كنان : اممم جائزة لا بئس فيها ذكرني آخدك معي لما قدم عليها .
إيلاف : ليش ؟؟!! .
كنان : لامسح بكرامتك جنبهن بمجرد كلمتين مش اكتر كرمال المصداقية انت بتعرف مابحب آخد شي من غير ماكون آخدو عن جدارة ومبصملي فيه بالعشرة .
إيلاف : ريتك ماتاخدها الهي انا شو جابني لهون كنت بايطاليا عايش بكرامتي شو رجعني لعندك .
كنان : قدرك .
( كنان وصل إيلاف على بيته وراح على الاوتيل لينام .. وكاترين بعد ما راحت عالجيم فرغت كل طاقتها حتى تعبت ولما رجعت عالبيت استسلمت فورا للنوم )
____^_^..
صحيت كارين عملت دوش عالسريع ولبست تنورة كارو قصيرة وتيشرت بيضة مع بوط ابيض وشنتة بلاتيني وتركت شعرها مفرود على طوله ... شربت النسكافيه وفطرت كم لقمة ومشيت عالشغل بدها توصل عالوقت مو ناقصها تتخانق مع كنان ... اما كنان يلي بعد ماصحي وعمل دوش عالسريع اختار يلبس بنطلون اسود وقميص زيتي مع شوز اسود طلع من الاوتيل واتجه للشركة لما وصل شاف كاترين موصلة قبله .
كنان : صباح الخير .
كاترين : صباح النور .
(كان متجه لمكتبه وعم يحكي )
كنان : الاسبريسو كالعادة .
كاترين : اوك .
( لما فات كنان على مكتبه اتصل على ايلاف وخبره يجي لعنده ) .
" ايلاف ترك مكتبه واتجه لجناح كنان اول مادخل عالجناح " .
إيلاف : صبااح الخيير (لما اطلع عالمكتب انصدم انو شاف كاترين الموجودة ) هااه لككك كاترين انتِ شو عم تعملي هون .. ومن ايمت بتشتغلي سكرتيرة .
كاترين : والله يا إيلاف كان في مدير بالشركة عبارة عن كتلة كياتة ولطافة واحترام بس هالمدير طااار واجا بدالو مدير تانيي مو كتلة كتللل من الغلاظة وقلة الذوق والعقد النفسية التعامل بفوقية عندو اسهلل منو مافي... بمرمطة الموظفين نمبر ون اما حرق اعصابهم واستفزازهم فهاد الشي ملعبه مافي حدا تاني بنافسه .
.. : ايي كملي ليش سكتي مالك حق لسا في كتير صفات سيئة بالعالم ما حكيتيها .
( التفتت كاترين وومعها ايلاف ناح الصوت كان كنان مستند عالباب ومكتف ايديه ) .
كاترين : من ايمت انت هوون .
كنان : من لما بلشتي تحكي عن كتلة الكياتة واللطافة .. بدك للصدق واضح اديش كان كتلة كياتة ولطافة حتى مندمجة بالحديث وماحسيتي على وجودي .
كاترين : ضيف عليهن كان حبااب ومتعاون مع موظفينه لأبعد درجة ..
كنان : ايلاف لحقني لجوا .. كاترين حسابك بعدين على الكلام يلي قلتيه برأي لاقي طريقة تتشفعلك لأن مو نيالك ابدا .
(تركهم ومشي على مكتبه ).
إيلاف : شكلك وقعتي وماحدا سمى عليكي .
كنان (صرخ صوت من جوا ) : إيلااااف .
إيلاف : يلااا جاية ... لحقيني باسبريسو لان شكلي مارح اطلع من جوا بسهولة .
كاترين : كماان انت اسبريسو شو انتو التنين مبرمجين عليه وحالفين ماتشربوا شي غيرو مثلا .
إيلاف : وقت كنا ندرس سوا تعودنا عليه وقت الدراسة وصار عادة معنا ... يلا ماشي قبل مايرجع يعيط باسمي .
كاترين : اووك يلا روح لعنده .
"عند كنان بالمكتب :"
إيلاف : شو بلاقي كاترين عم تشتغل برا .
كنان : اي ليش .
إيلاف : يعني لاتقنعني انو البنت اجت لهون كرمال تشتغل سكرتيرة وهي بقدرتها تشتغل بمكتب لحالها و بشهادتها .
كنان : ليش مين قلك انها ماكانت هيك عم تعمل .
إيلاف : ايي وليش نقلت .
كنان : مانقلت انا نقلتها لهون .
إيلاف : انت شو عم يصير معككك صايبك شي عم يأثر على قراراتك وتفكيرك .
كنان : إيلاف انا بعرف منيح ليش جبتها لهون ووجودها هون بالمكتب هو يلي بدي ياه .
إيلاف : اهم شي يصير يلي بدك ياه وترضي حالك .
كنان : إيلاف اختصر مو ناقصني تجي تتفزلك علي .
إيلاف :طيب وين كانت تشتغل ؟؟!.
كنان : مكانك ..
إيلاف (بعصبية ) : وعم تقولها وبكل برودة لاااا هيك نظامي في شي بعقلك هلق بتفكر انا سبب نقلها لهون كرمال تحطني مكانها .
كنان : ماتخاف خبرتك انو الافضل الها تكون هون لا تفكر اكتر بالقصة.
إيلاف : حراام عليك لاتعمل هيك بالبنت مابتستاهل .
كنان : خلينا بالمهم وليش جبتك لعندي .
إيلاف : لاااتررد ايييي لااااتررد.. تفضل شو لسا بدك .
( قطع حديثهن لما فاتت كاترين ومعها الاسبريسو ضيفتهن وهي ملاحظة في شي غريب اول مافاتت سكتو وبطلو يحكو هيك لبعد ماطلعت من عندهن )
كنان : في ملفات عند كاترين بتاخدهن وبتسلمهن للموظفين يلي بقسمك بدي المشاريع يكونوا خالصين لبكرى بتعرف شو يعني خالصين يعني خالصين ومو ناقصهن ولا كبسة زر بالكمبيوتر يعني من رسم المشروع من بدايته لحتى يوصلوا لنماذج لاكساء المشروع من الداخل رتبوهن على فلاشة وجيبولي ياهن على مكتبي بكرى الصبح بكونوا موجودين قبلي... وغير هيك بدي منك تاخد هالرقمين وتتصلي فيهن خبرهن يجو لعندي .
إيلاف : هدول الرقمين عطيهن لكاترين هي شغلتها مو شغلتي .
كنان : انت عطيها ياهن خبرها تخبرن اني فاضي بعد ساعة ونص .
إيلاف : اوك خلصت أوامر .
كنان :اي خلصت فيك تروح على مكتبك .
إيلاف : لا شكرا عنجد انك سمحتلي روح .
كنان : الاسبريسو ماشربته .
إيلاف : مابدي شربه انت .
كنان : اريح .
(إيلاف مشي من المكتب وطلع عند كاترين )
إيلاف : بخبرك كنان اتصلي بهل الرقمين وخبريهن انو موعدهن مع كنان بعد ساعة ونص هون بالشركة تمام .
كاترين : ايي تماام شو لسا بدو حضرته .
إيلاف : لا ولا شي بس هيك .
____*_*..
أويس فطر مع أهله وودعهن ورجع مع شيفاي على اسطنبول وهنن عالطريق كان أويس شارد وشيفاي لاحظ عليه .
شيفاي : وين شارد .
أويس : ولا شي .
شيفاي : أويس مابتقدر تكذب على حدا صرلو عايش معك اكتر مايعيش لحالو .
أويس : اذا مابقدر كذب انت توقع .
شيفاي : عملت يلي صرلك مأجله من سنين .
أويس : اي .
شيفاي : وليش شارد هالقد مابدها القصة .. يعني القصة كتير عادية ومافيها شي لا تكبرها لو من غير رضاة ابوك فيها ومافيها بس هو يلي لاحقك من زمان وانت تأجل بالاخير يلي عملته هلق كنت رح تعملوا ان مو هلق بعد فترة او حتى بعد سنين بس بالنهاية هاد كلو عداد تأجيل .
أويس : انا خايف قصر اتجاههن يفكروا اني لما حصلت على يلي بدي ياه بعدت عنهن .
شيفاي : شو هي حصلت على يلي بدك ياه لكك انت كنت دائما ترفض الفكرة وهنن كل ماتجتمع فيهم يفتحوا معك السيرة ويقنعوك توافق ومالقيت غير امك وابوك هيك يفكرو لكك هدول مافي منن .
أويس : اي والله مافي منن .
شيفاي : بدك تروق اولا نحنا على طريق سفر وتانيا راجعين لعند اهلك ما لازم تحسسهن انك متدايق او فيك شي .
أويس : لا تخاف عليي .
_____^_^.
"مضت الساعة ونص واجا موعد الاشخاص يلي حكا عنهم كنان وصلوا وخبروا كاترين بموعدهن وقعدوا عندها لوقت ماتخبر كنان بوجودهم .. بس في حدا منهن شكلها كاترين عجبته وماشال نظره عنها ."
(دخلت كاترين لعند كنان تخبره ) .
كاترين : الاستاذ سعد والاستاذ حيان وصلوا .
كنان : دخليهم فورا وكمان انتِ تعي معهن ..
كاترين : اوك .
....
كاترين : بتقدروا تتفضلو المسيو كنان ناطركم .
كنان : ياهلا ياهلا تفضلو .
سلمو عليه وقعدو بس كاترين ماكانت لسا فايتة لعندهن رجع بعتلها مسج ...
" ماخبرتك بتفوتي معهن .. خلال ثواني بتكوني عندي "
"كاترين : اييي لمين يعني انا بدي اترك المكتب يحرسه للنمل مثلا ."
"كنان : كاتررررين تعييي بلاا هبل عليي ."
(دخلت كاترين وقعدت معهن لاحظ كنان نظرات حيان على كاترين يلي فصلها من فوق لتحت وخصوصا وقت شافها لابسة تنورة قصيرة لفوق ركبتها الشي يلي شعل بكنان مشاعر الغيرة يلي دافنها من زمان بقلبه ) .
كنان : استاذ حيان ما شاركتنا رأيك .
حيان : لاا تمام كلشي تمام بعتقد اختيارك للتصميم انسب شي.
(حيان وسعد عندهن شركة تنسيق وتصميم داخلي وكنان قرر يتعاقد معهن لينظم بيته واذا ارتاح بالشغل معهن بيعقد اتفاق بين شركته وشركتهن )
كاترين : ليش مايصير العكس يعني ليش مايكون هون مكان الtv وبهاد المكان الكنب كرمال الضو لما يدخل عالغرفة مايعكس عالقاعدين كتير ويدايق .
حيان : اوو فكرة حلوة آنسة كاترين .
"كاترين عرفت انو حيان عم يسلكلها ولاحظت نظراته الغير مريحة الها فتجاهلت كلامه وسألت كنان "
كاترين : ولا كنان شو رأيك .
كنان : بالله جيبي المخطط وتعي لعندي لشوف .
( اخدت الورق ومشيت لجنب كنان حطيتهم جنبه وعم اشرحله قصدي بس وانا عم خبره مسك ايدي يلي تحت الطاولة وشد عليها وحكا بنبرة خفيفة اقرب للهمس ) .
كنان (بالهمس وضاغط على سنانه وايد كاترين ) : بتبقي متبسمرة جنبي لوقت ماينقلعوا من المكتب وياويلك تغيري مكانك .
كنان : تمام منعتمد هالنمط للصالون .
سعد : مشان لاند سكيب في نمط معين بدك ياه كنان بيك.
كنان : في عندي كم تصميم بدي منهم كم فكرة .
حيان : تمام بتحب بمسبح داخلي وخارجي ولا فقط خارجي .
كنان : تنين انا عندي تصميم للداخلي بدي نفسه .
حيان : آنسة كاترين ممكن الوراق من كنان بيك لنطلع عالتصميم .
كاترين : تك..
(كنان شد على ايد كاترين وقرصها حتى ماتكمل كلامها )
كنان : تفضل سعد اطلع عليهن انت وحيان ..هدول الوراق وانا خبرتكن عن طلبي معلش وقت تنظمولي يلي طلبتوا منرجع منلتقي ومنحكي بباقي التفاصيل التصاميم من لاند سكيب ومسبح داخلي او حتى ديكور ببعتلكن على ايميل الشركة كلشي حكيت عنه وشكرا على تلبيتكم لدعوتي .
سعد : تمام... منحكي بالتفاصيل بالاجتماع الجاية .
حيان : ومابتكون الا رضيان عن التصميم .
(سلم حيان على كنان بأيده ومد ايده لكاترين ليسلم عليها بس كنان رجع مدلو ايدو ) .
كنان : تشرفنا فيك حيان بيك .
( كاترين بتكتفي انها تبتسم لحيان ووجها صار احمر من الخجلة والموقف يلي حطها فيه كنان .. سعد لما شاف موقف كنان سلم بس عل كنان وابتسم لكاترين )
سعد : اتشرفت بمعرفتك آنسة كاترين .
كاترين : وانا اكتر .
(مشيوا من الشركة وكنان حاوط كتف كاترين وقت ودعهن كأن عم يوصل رسالة لحيان انها من ممتلكاته وممنوع يقرب عليها ) .
"بعد ماطلعوا من المكتب "
كاترين : شيل ايدك عني شو هاد يلي عملته .
كنان : درس صغير لحدا مافيه ذوق .
كاترين : لككك قلبتني قد الكباية تمنيت لو كون هدليك الفازة وماكون كاترين .
(نفضت ايد كنان عنها بعصبية ) .
كنان ( عم يحكي معها ويقرب خطوات اتجاهها ) : تمنيتي تكوني فازة لكن .. تمنيتي تكوني فازة بس لأن ماسلمتي على السيد حيان وسلمت انا عنك بس الصبح لما كنتِ عم تحكي عني اني معقد نفسيا وقليل ذوق ومستفز ووو ووو ووو ماتمنيتي يا آنسة .
( كاترين عم تحكي : كنان كل مايحكي كلمة يقدم خطوة ومقابيلها ارجع خطوة كان عم يحكي وهو معصب وواضح عليه هالشي بقي يرجع لوقفت بزاوية المكتب ومعد فيني ارجع اكتر ) .
كاترين : كنت متجاكرة منك .
كنان : لما تتجاكري مني تعي احكي بوجهي مو تحكي لإيلاف كلام مو مفهوم من وين جبتيه .
كاترين : مادخلك لمين بحكي .
كنان : طب انا هلق متجاكر منك شو اعمل .
كاترين : وشو عملتلك بالله كافيتك خيري و شري فوق ما حطيتني بموقف لا احسد عليه من شوي .. بعد عني وجودك عم يخنقني .
(مابعرف شو صرت احكي كنت متجاكرة منو اجيت لطلع حالي من هالزاوية المحصورة فيها بس هو مدري شو صرلو صار يعيط وخبط عالحيط ) .
كنان : لاتفكري تهربي من بين ايدي خبرتك من الصبح في حساب ولهلق ما صفيناه .
كاترين : شو هالحساب هات لنشوف .
كنان : بعيدااا عن كلشي كان الصبح بس في شي اهم هلق .
كاترين : عنجد وشو عاملة كمان .
كنان : هاد اللبس القصير بدك تنسيه عالشركة ...هي شركة محترمة .
كاترين : لحظة لحظة انا مو محترمة يا استااذ ترا انا محترمة وكتير و بعرف شو البس و كمان انا ماحدا بيملي عليي شو اعمل وساوي وناقصني تلزمني بلباس محدد للشغل .
كنان (بعياط ) : كاترين لا تعانديني مو من صالحك العناد هلق... ماشفتي حيان كيف كان عم يطلع عليكي خاصة لما دخلتي عالمكتب .
كاترين : عادي يعني ويتطلع .. ناطر مني روح لعندو وقلو ليش عم تطلع وشيل عينك .
كنان : لككك يا أمة الله على هالحكي لككك تطليعاتو ما كانت عادية فكرك ما انتبهت عليه لككك انا شب وبفهم عليه لا تستهبلي عليي هاد المنظر مابدي شوفه بمكتبي (حكى آخر كلمتين وهو عم يبرم اصابعه ويقرصني صار يتقصد يوجعني دمعو عيوني من الوجع ).
كاترين : فيني افهم لوين كنت حابب توصل اليوم لما حطيت ايدك على كتفي ونحنا عم نودعهم .
كنان : كنت عم عرفهن على بعض خطوطي الحمر بالحياة .
كاترين : قصة اني من خطوطك الحمر بدك تشيلها من راسك .
كنان : انا يلي بقرر شو الخطوط يلي بحياتي مو انتِ .
كاترين : بكررررهك عم تفهممم بكرهككك .. (حكيت وانا مدمعة ).
كنان : وهو المطلوب .
( تركتو ومشيت من المكتب وانا طالعة من عندو خبرني ) .
كنان : لما تقرري تقوليلي استاذ بالشركة وقدام الموظفين وكل العملاء بفكر شيلك من خطوطي ويا ما بقبل يا برفض يا آنسة .
( سمعت شو قال وكملت على مكتبي وقعدت عم ابكي من جوا هاد مو بس عيني سكرتيرة هاد عم يتحكم فيني ) .
___*_* .
( نور كانت عم تحضر أكل كأن مو أويس وشيفاي يلي جايين كأن عازمة العيلة كلها ) .
ميلا : ماما شو عازمة العيلة لعنا .
نور : لا حبيبتي بس أويس وشيفاي .
ميلا : طيب أوس وينه هلق .
نور : بالعيادة خبرني مو مطول .
ميلا : طيب انا جعت مطولين حتى يجتمعوا كلن .
نور : امي شو بتنقي روحي شوفي شو عندك شي تعمليه اذا بدك تبقي عم تنقي بوجهي .
ميلا : الله يسامحك انا طالعة على غرفتي ريحكن مني .
نور : ماما حبيبتي روحي غيري تيابك ولا هيك بدك تبقي بالبيجاما ورتبي امورك وتعي بكونوا ح يوصلوا .
ميلا : اووك .
__^_^.
(كنان عم يحاول يرسم ويلهي حالو كرمال ما يتذكر كاترين ويرجع يعصب .. كاترين حاولت تهرب شوي من مكتبها لعند نيسان اخدتها ونزلت هي وياها لحديقة الشركة كرمال تغير جو )
نيسان : كاترين شبك مو على طبيعتك .
كاترين : لا مافيني شي بس شكلي تعبانة شوي .
نيسان : خدي اجازة وروحي عالبيت .
كاترين : لا مابدي عندي جيم .
نيسان : ولككك اذا تعبانة شلون بدك تروحي .
كاترين : عادي يعني بدرب عالخفيف .
نيسان : طب خدي اجازة ولوقت مايصير وقت الجيم بتكوني تحسنتي .
كاترين : ايييه حلو مشان يشوفني هداك المتحول بالجيم ويقلي اهم شي مصلحة الشغل وبالشغل شاطرة اني ادعي المرض واما الجيم فبتصير صحتي تمام .
نيسان : اي متحول ؟؟ .
كاترين : حدا بسببلي النحس كل ما شوفه اول حرف من اسمه كنان .
نيسان : ليش الاستاذ كنان معك بالجيم .
كاترين : اي يا فرحتي وراحتي معي .
نيسان : اي حلو معناها علاقتك فيه قوية وسهل يعطيكي الاذن .
كاترين : لككك هاد اذا شاف امه مارح يتشفعلها انها تطلع قبل بوقت بدك يتشفعلي .
نيسان : هو بيعرف انك مو بالمكتب .
كاترين : لا هربت .
نيسان : يييي بركدن حس عليكي .
كاترين : مليت اكيد مارح ابقى محبوسة بالمكتب بقلو كنت بالحمام .
__^_^ ..
كنان : لاتكذبي كاترين انتِ ما اتجهتي جهة الحمامات ابدا... انتِ طلعتي من مبنى الشركة .
كاترين (بانفعال ) : طلعتتت اتنفسس عم آخد هواا عم اختنق هوون عم تفهم عم اختنق .
كنان : ومين حرس المكتب بدالك سرب النمل مثلا .
كاترين : ايي عادي مو اول مرة اليوم بيحرسوه .
كنان : مشيتي هيك عادي بالطريق .
كاترين : ليش حتى ما امشي هيك .
كنان : بعتقد البياض الموجود برجلك ملطخ ببقعة زرقة وماحلوة بحقك ماشية هيك .
كاترين (اطلعت على رجلها مكان ماحكى عنو كنان ) : ييييي كيييف ماانتبهت عليها ..الحق عليي كان لازم اقتل الدبور يلي قرصني .
كنان : والله هالدبور بيقرب عالحلو يلي جنبه بس هالمرة اكتفى الدبور بمجرد قرصة مابتعرفي لقدام ممكن مايتحمل لما يشوف كمية عسل جنبه وما ياكل منها .
كاترين : مو دائما العسل حلو يمكن يتجمع فيه كمية مرار وسم تقتل هالدبور .
كنان : العسل بيبقى عسل بنظر الدبور ياحلوة جيبيلي ملفات آخر مشروع تسلم بهي الشركة قبل ما استلمها .
كاترين : عادة المشروع بعد مايخلص بيبقى نسخة منو بالأرشيف والأرشيف تبع هي الشركة مو مجرد غرفة صغيرة جناح بكامله وين بدك ياني دور فيه كتيير صعب شوو خطرلك بآخر مشروع... أصلااا انت عم تدور عالشغلات يلي بتهلكني .
كنان : نفذي ثم اعترضي بقيان ساعة ليخلص الدوام ومن هون لقبل مايخلص الدوام بدو يكون عندي الملف .
_________
وصلو أويس وشيفاي ع البيت .. فتحت نور الباب وضمت أويس ودخلو ع الصالون ... نزلت ميلا من غرفتها ... عانقت اخوها وسلمت ع شيفاي .
بعد الغدا ....
ميلا : اخي ماخبرتني ليش غيرت رأيك واجيت اليوم مو ع اساس تجي مبارح .
أويس : والله رحت شفت اهلي لأن صرلي كذا شهر ما شفتهن وماما كانت مشتاقتلي كتيير وما خلتني اجي وخبرتني انها حابة تجي تتعرف عليكن وخاصة امي .
نور : بتشرف ايمت مابتحب وانا حابة اتعرف عليها ليلي ربتك متل ما كنت رح ربيك واحسن .
أويس : انشالله خلال اقرب فرصة بجيبها ... ايي شوفي اخبار بغيابي .
أوس : ولا شي والله .
شيفاي : شو غبنا سنة حتى يكون في شي رايح عليك .
أويس : خلص المرة الجاية ذكرني طول المدة اكتر .
____*_*.
كاترين بعدها بالأرشيف عم تدور عالملف... اجا كنان لعندها .
كنان : فظيعة انتِ معقول صرلك قريب الساعة وماكنتِ تلاقي الملف .
كاترين : مو ساعة 45 دقيقة معلش تكون دقيق اكتر مابتخسر شي .
كنان : المهم تعي تعلمي كيف بتلاقي الملف بسرعة .
كاترين (وقفت ومكتفة ايديها جنب كنان ) : تفضل لشوف .
كنان : طبعا انتِ لو تبقي لبكرى عم تدوري عندك ماكنتِ ح تلاقيه لأن الملفات هنيك تابعين لقبل سنتين ... اما هاد القسم فهو تابع لأعمال الشركة خلال هي السنة .
كاترين : وكيف عرفت وانا صرلي فترة وما لاحظت هالشي .
كنان : بسيطة كان فينك تنتبهي اكتر وتدقي على تاريخ القسم يلي انتِ موجودة فيه (بعد ما فتش بين الملفات لفترة مابتزيد عن الربع ساعة ) وهيييك منكون لاقينا الملف و بحب اشكر جهودي .
كاترين : اااه يعني صرلي قريب الساعة عم دور كلشي عملتو مابتشوفه ولا بتفكر تشكرني حتى .
كنان : مو ساعة 45 دقيقة معلش تكوني دقيقة اكتر مابتخسري شي ... ااه وشكرا لجهودك يلي مااستفدت منها بشي آنسة كاترين .
كاترين : كتر خيرك والله ابقى لا تعطيني هيك شغل اذا شايفني ما مني فايدة .
( كنان مشي ومارد عليها ) ..
كاترين : اووك لاتردد ومو ناطرة منك الرد واحد نمرووود متحوول .
(طلعت كاترين من الشركة وراحت عالبيت تتغدا ) .
____*_* .
عالغدا عند كاترين :
" كانت قاعدة كاترين جنب كارولين ... وكارولين انتبهت عالعلامة الموجودة برجل كاترين "
كارولين : كاترين شو هي العلامة .
كاترين (ضربت كارولين على رجلها بمعنى تسكت ) :
مو وقتك هلق بعدين .
كارولين : مممم ايوااا .
جود : كاترين اذا رايحة عالجيم امشي روحي معي انا ماشي .
كاترين : يلااا تكة بغير تيابي وبلحقك عالسيارة .
جود : اوك ناطرك .
كارولين " بهمس " : مو تفكري هربتي لترجعي عنا قعدة .
كاترين : اووك .
( بدلت تيابها ولبست تياب الجيم وراحت مع جود ).
___^_^..
عند عيلة نور ... بعد ماراح شيفاي وأويس راح على غرفته يستريح وميلا راحت على غرفتها وصارت تمرق بمخيلتها صورة شيفاي وهو عم يمزح ويضحك مع أويس واديش رابط الصداقة يلي بينن قوي كأنن اخوات ...
___^_^ .
(بالجيم)
وصلت عالجيم وجود عم يتابعني ويدربني...
كاترين بينها وبين حالها : غريب كنان مبارح ما اجى وهي اليوم لهلئ ما شرف ...
هاا وصل المتحول لسا هلئ ذكرته فورا شم الريحة ..شافني وسلم عليي من بعيد لا جد هاد خالص كان عم يتلذذ بعذابي بالشركة وهون بكل عين وقحة جاية يسلم ماشي ياكنان ...
" بعد ما خلصت كاترين تدريب تركها جود وراح ع المكتب .... اجا كنان لناحها "
كاترين : هاا شرف المتحول .
كنان : شو شايفك هون .
كاترين : وين المفروض كون ليش .
كنان : عم تندبي شوي متل الاولاد .
كاترين : اوف ع شو بدي اندب .. خير انشالله .
كنان ( بيعطي غمزة ) : ممكن ع الندبة يلي برجلك .
كاترين : انت عم تقول ندبة كلها هالقد ( اشرت بايدها بمعنى🤏🏻) .
كنان : اااااه بس هالقد !! .
كاترين : مم وما اثرت .
كنان : هي كانت مجرد عيار بسييط كل مرة بيتقل العيار اكتر .
كاترين : حاسستك عم تطبق وسائلك لتبتز شخص عدوك ونسيت انو هالشخص كان حبيبتك القديمة .
كنان : اييه يلي بإيده الله يزيدو.
كاترين : وييت وييت وييت شو قصدك .
كنان : يعني مافي دخان من دون نار ويلي بيلعب مع القط لازم يلقى خرميشه .
كاترين : ااه بربك يعني انت هيك شرحتلي قصدك او فهمتني .
كنان : بظن حفظتيني لهيك مافي داعي ارجع عيد كلامي لأني ما بعيد وجود شكله بدو ياكي روحي شوفيه .
(تركني ومشي).
كاترين : لحظة ... اي شو عليه بكرى بشوفك ياكنان .
(مشيت لعند جود )
جود : شو هالقد الحديث مع كنان كان مهم حتى ماانتبهتي وانا صرلي ساعة بندهلك .
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```