الفصل 21
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴1️⃣2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
..: نورت شركتك كنان بيك .
كنان : شكرا عامر بيك .
عامر : بتحب تتعرف عالموظفين ولا تستلم جناحك الخاص وتتعرف عليهم بوقت تاني .
كنان : لااا خدني على مكان مكتبي .
عامر : تكرم .
" بياخدوا للقسم الموجود فيه المكتب ... الموظفين بوقفوا محتارين من هالنفسية يلي عندو وكيف شايف حاله "
علاء ( من موظفين الشركة ) : شو هالشكيلة هي باين شايف حالو كتير ومو شايل حدا من أرضه .
نيسان : لا ولوو بكون كرمال ما يعطي وجه للموظفين من اول لقاء مشان يفرض شخصيته عالمكان الموجود فيه .
علا ( من موظفين الشركة ) : اييه الله يعينا عليه .
علاء : ايي والله .
" وصل كنان عالمكتب وقعد مع عامر وحكوا بشؤون الشركة "
عامر : مبروكة عليك الشركة .
كنان : الله يبارك فيك .. وانت كمان ماقصرت خبروني انك حصلّت شركة كبيرة متل عادتك يلي بدك ياه بتحصل عليه .
عامر : الحمد الله هاد توفيق من ربي ... انا خلص دوري وسلمتك الشركة متل ما طلبت وهلق صار لازم امشي .
كنان : بتنور الشركة ايمت ماحبيت وبأي وقت بدك ياه .
عامر ( بسلم عليه بأيده) : شكراا كنان بيك .
" مشي عامر وكنان طلب السكرتيرة "
السكرتيرة : طلبتني مسيو ؟؟! .
كنان : اديش عدد رؤوساء اقسام الشركة .
السكرتيرة : عشر رؤوساء .
كنان : تمام جمعيلي ياهن باجتماع .
السكرتيرة : تكرم مسيو .
_______*_*.
عند أُبي ....
راح لعند ابوه ع المكتب..
رأفت : شو بتعرف عن كنان ومخبي عني .
أُبي : ولا شي بابا .
رأفت : ع شو كنت عم تلمح .
أُبي : ايمت ؟.
رأفت : اليوم بعد الفطور قبل ما يمشي .
أُبي : مم لا عادي بس عم اتغالظ عليه .
رأفت : متأكد ؟!!!.
أُبي : ايي طبعا .
رأفت : طيب منشوف وما بحالفك الحظ اذا عرفت انك عم تكذب علي .
أُبي : يا بابا صدقني هاد الصدق .
رأفت : انا بقرر لبعدين هالشي اذا صدق او كذب وهلئ من غير مطرود .
بيطلع أُبي من المكتب وبصير يبربر ....
أُبي : لسى انا ملطشتو هو وابنو كل ما يصير شي بجيبوني وبحققو معي كأني عامل شي جريمة ولاا بصيرو بهددو فيني ع الطالع والنازل وبضلو مستوطين حيطي اووف ياا مليت منهن ومن مشاكلهن ....
___^^_____
منرجع عند كاترين ..
بيندق الباب .
كاترين : انا انا بفتح امينة .
امينة : متل مابدك .
بتفتح كاترين الباب وبتلحش حالها على رفقاتها .
كاترين : يييييييييييي شو اشتقتلكن .
شغف : اديش يعني .
كاترين : كومات كومات .
ريتا : اي واضح بتشوفينا كل سنة مرة .
كاترين : لك سكتي سكتي مالك شايفة شو صاير برفيقتك " وبتمد اجرها " تفه منك لالها ما بتطمنو عليي .
ريتا وشغف : يييييي شو صاير .
كاترين : يلا يلا بدكن تضلو هون ع الباب فوتو ومنحكي جوا .
فاتو ع الفيلا سلمو ع ام كاترين واخدتهن كاترين ع غرفتها .
_^_^_^_^_^_^_
عند كنان ~_▪︎.
السكرتيرة : اتفضل مسيو صارو بقاعة الميتنغ .
كنان : اوك .
" بقاعة الميتنغ "
كنان : مين لسا ما اجا .
احد الرؤوساء : كلنا موجودين .
كنان : في كرسي مش موجود صاحبه .
السكرتيرة : مسيو صاحب هالكرسي اخد اجازة .
كنان : كيف اجازة وبيعرف هاليوم انو مالازم حدا يغيب وانا جاية استلم الشركة .
السكرتيرة : اجازة مرضية ومو من اليوم بدت الاجازة صرلها كذا يوم .
كنان : اوك مو مهم ... (التفت للموجودين وابتدى بالحديث ) اولا بحب عرفكن عن حالي ليلي مابيعرفني انا المهندس كنان رأفت الباشا ..فترة دراستي الجامعية مع الدراسات العليا كانت بإيطاليا... لهيك اكيد بتعرفوا اديش دول الغرب ملتزمين بالمواعيد والأمور العملية وانا اخدت هالعادات منهم لذا بطلب منكن كونكن كل حدا منكن مسؤول عن مجموعة من الموظفين وبدوركم بدي توصلوا هالمسج لكل الموظفين تأخير بالدوام او تقديم الشغل المطلوب هالشي مرفوض رفض تام... قدسية العمل وادراك مسؤولية الشخص للشغل من الأولويات .
احد المسؤولين : الموظفين الموجودين بالشركة ما...
كنان : بتمنى ماحدا يقاطعني غير لأخلص كلامي .. اجازات شبه مرفوضة الا بحالات اضطرارية ...بكرر التأخير غير مسموح بأي شيء كان مع فرض العقوبات حسب نوع التأخير ان كان بالتسليم او بالدوام او من ناحية الأهمال واللامبالاة بالنسبة للشغل هو رقم واحد والعيلة والعاطفة رقم ٢ هاد مكان عمل محترم اذا في اي علاقات بين الموظفين فهالعلاقات بعد الدوام .. طبعا متل مافي عقوبات وخصم بالمقابل في حوافز وجوائز لكل حدا كان مخلص او سلم المشروع بوقت اقل من المحدد كلشي بيحرز ثمنه .... هاد كان اجتماع تعريفي عن القواعد ... اذا في اي استفسار اتفضلو واذا مافي الاجتماع انتهى وشكرا الكم .
احد المسؤولين : كنان بيك الموظفين ملتزمين واكيد ح تكون الحوافز المصروفة عليهم اكتر من العقوبات .
كنان : اذا هيك حلو عكلن الأيام بتثبت هالشي بعتقد مافي عندكم اسئلة ...اتس اوك يعطيكم العافية .
"ترك الموظفين وطلع من القاعة واتجه لمكتبه دخل وجال بنظره بالمكتب شاف بوكيهات الورد موجودة بكل مكان بالمكتب بمختلف الاحجام والأنواع "
كنان عم يحكي : منين كل هاد ... شو خبر العالم بأني استلمت الشركة .
" اتصل على السكرتيرة تيجي لعندو "
السكرتيرة : تفضل مسيو .
كنان (بعصبية ) : شو هاد كله قلبتو المكتب لمعرض ورد .
السكرتيرة : مسيو هدول مباركات وصلوك .
كنان : فهمنا مباركات بس مو تقلبو الجناح كله لمعرض في عندكن الشركة طول بعرض .. وهلق شيلوهم من هون .
السكرتيرة : وين اخدهن .
كنان : مشكلتك اتصرفي انتِ .
السكرتيرة : حاضر .
"طلعت السكرتيرة من مكتب كنان وهي منرفزة من عصبيته وطبعه الواضح انو صعب "
___^_^..
كاترين بالفيلا :
كاترين : ايي الف مبرووك يارب .
ريتا وشغف : يبارك فيكي .
كاترين : وكيف ملاقين الشغل .
ريتا : والله غير شكل احلى من ايام الدراسة وانتِ تعي داومي معنا شو رأيك منخبر المهندس المسؤول عنك .
كاترين : لا ياقلبي انا لقيت بصراحة بس ماقدرت داوم كتير ... كنت معطلة كرمال وضعي الصحي وماقدرت خبركن لأني ماشفتكن .
شغف : اي الف سلامتك يارب يلا المهم تكوني مرتاحة بالشغل ان معنا وان لحالك .
كاترين : اي الحمد الله باين الشركة بتحترم موظفينها .
ريتا : ماعم تشوفيه لهداك الحليوة .
كاترين : ميين كنان قصدك ؟؟!.
شغف : اي اي هو قصدها .
كاترين : هئ صرلي فترة منيحة ماشفتو واصلا مافي اي سبب يجمعني فيه .
ريتاا : مممم خسارة بس .
كاترين : لا خسارة ولا شي .
شغف : طب والله باين محترم واكابر وظريف .
كاترين (بقلبها ) : هه اي كتير محترم الناس يلي مابتعرفو ياويلي شو مخدوعة فيه ..
ريتا : اي والله .
كاترين : ماتاخدو عالمظاهر .
شغف : شو يعني .
كاترين : يعني مو دائما المظهر او الشكل الخارجي بيعطيكي الانطباع الصح عن الشخص ممكن يكون عكس الظاهر تماما .
ريتا : طب شو رأيك دبريلنا شي قعدة معو لنحكم على كلامك اذا صح او لا .
كاترين (بلهجة غيرة ) : sorry بس مالو للعرض حتى قدملكن ياه روحوا دبرو معو موعد وقابلو انا مابقدر اجمعكن فيه .
شغف : اي خلص الا مايجي هاليوم .
كاترين : ح شوف شو صار بالقهوة وارجعلكم .
__^_^..
بالفيلا عند اهل كنان ... كانوا مجتمعين عالغدا وفجأة بلاقوا الحراس فايتة وحاملة بوكيهات ورد .
رأفت : اووف اووف اووف شو هاد من وين هاد .
احد الحراس : يامعلم هدول وصلونا وقال للبيك كنان .
أُبي : شو عامل كنان حتى عم يتوجب هالقد .
بانا : يالله ما احلى الورد.. اديش مزوق يلي جايبن .
" مشي رأفت بين البوكيهات عم يقرء شو مكتوب فيهن .. شال كرت من باقة ولحشه بالأرض "
رأفت : ( بغضب مكبوت ) مبرووك مبروووك لسا وين مابقلب وجهي بهل البيت بلاقي ورد ومباركات ... العالم عم تبارك لأبني بشي انا مابعرفه ..وينه هلق .
ميس : هدي شوي ليوصل منفهم منو ماشفت شو حكالنا قبل مايطلع انو هاليوم مميز بحياته .
رأفت : بس مايكون عامل يلي ببالي لحتى اتبرى منو مابناسبي هيك واحد يكون ابني .
أُبي : بابا ليوصل منفهم كلشي طول بالك .
بانا : اي بابا .
__*_*..
منرجع لعند بطل روايتنا ....
كنان وقّع على وراق وعطاهن للسكرتيرة .
كنان : هاد القرار اصرفيلي ياه .
السكرتيرة : قرار نقلي بس ليش... انا قصرت بالشغل شي ؟! .
كنان : من غير ليش نفذي ثم اعترضي انتِ مابتناسبيني وانا عينت سكرتيرة غيرك وهلق صار فيكي تداومي بمكانك الجديد .. لازم تتشكريني اني ماطردتك من الشركة وبس نقلتك لغير قسم ..
السكرتيرة : شكراً عكل حال .
(طلعت من عندو وهي معصبة وعم تبربر ): شوهاد مو شايف حدا قدامه لكك ليش لينقلني شو شاف مني من اول يوم لسا .. الله يعينها يلي بدها تجي بعدي شكلو جاية يعجز الموظفين هاد .
_____^_^...
غابت الشمس وظهر القمر ليعلن مسا جديد ..
" بعد ما رتب كنان امورو بالشركة رجع ع الفيلا ليلاقي المكان معبى بالورد يلي كان بمكتبو وتفاجئ انو ابوه اعد وملامح الغضب ساكنة معالم وجهه "
كنان : يا مساااااا الورد ... شو كان في حفلة بالبيت ومالي عرفان .
رأفت : والله جابولنا ياهن كادو ع شرفك .
كنان : اووف على شرفي خير انشالله .
رأفت ( بعصبية واضحة وبلشت تعلى نبرة صوته ) كنان ماتتهبل عليي انت بتعرف منيح لشو هدول .. شو جابك لهون ماتكمل سهرتك مع العروس بكير لسا الوقت ماحلوة تتركها لحالها بهل اليوم المميز ونقطة التحول بحياتك على قولتك .
كنان : بابا شو عم تحكي انت .
أُبي : يا بابا خلينا نفهم القصة من كنان .
رأفت : اي قصة هي ما القصة واضحة مابدها شرح .. ورد وطقم رسمي مهتم بحالو على آخر طرز ومباركات من كل مكان شو بقي ... شو بقي ااه ياعريييسس شوفي علامات بتثبت انك عرييس اكتر من هيك ...
ميس : لا رأفت ماتظلمه لكنان ابني وبعرفه مستحيل يعمل هيك خطوة بدوننا .
كنان : بتشكرك عنجدد بتشكرك لانك خربت عليي هاليوم .
رأفت (بصوت عالي ) : لسا بتقلي هاليوم وهاليووم وينهااا ااه وينها كاترين ليش ماجبتها لتحطنا تحت الأمر الواقع ونقبل انكن سوا .
كنان : هي الدراما كلها كرمال كاترين ؟؟؟؟!!!.
وافرض مثلا لو انا جد اتزوجتها هي حياتي وانا حر فيها بعمل فيها يلي بريحني انا مو يلي بريح المحيط يلي عايش فيه .
رأفت : كنان صبري وصل لذروته ماتنرفزني بكلامك اكتر ..كلامي مابينكسر بهالبيت ويلي بدو يكسر كلامي مالو مطرح معنا.
كنان : بحب خبرك يا رأفت بيك يااا ابي .. اني اليوم كنت عم اعمل شي اكبر من اني اتزوج من ورا ضهرك او حتى خبي عليك كنت عم ارفع اسم العيلة بس بمجالي مو بمجالك بتجارة السيارات كالعادة .... وعكلن واضح بهالبيت مالي مطرح من هون ورايح لان الثقة واضح انها معدومة فيني انا طالع لمكان اقدر ارتاح فيه .
(قبل مايطلع كنان من باب الفيلا اتطلع على ابوه واجا لناحه حكى بالهمس جنب اذنه ) .
كنان : ماكنت عارف انو الحقد على يحيى هيك معبي قلبك وعاميه على فكرة لو ترجع بذاكرتك شوي بتعرف ليش كل هالمباركات والورد انا عملت شي مخبرك وملمحلك عنه من قبل بس انت مغطي عيونك عن المنطق والحقيقة ...كون واثق مليون بالمية اني لما بدي اتزوج كاترين مالح اسأل على موافقتك او اعتراضك كرمال قصة صغيرة قديمة مالها اي أهمية صارت بينك وبين يحيى ثق تماما اني مالح كرر غلطة زمان وضيع حب واهدم صداقتي برفيق عمري متل غيري .
" طلع كنان من الفيلا وترك ابوه مصدوم من كلامه والكل لاحظ تغير ملامح وجه رأفت من الكلام يلي حكاه كنان "
ميس : لككك ليييش ليييش تركته يرووح من غير ماتحكي شي لككك شو حكالك وسكتك هيك شوو حكالك وصدمك لككك انا بعمري ماعارضت قراراتك الا هلق مافيني شوف ابني الصغير عم يترك البيت يلي ربي فيه بسبب انانيتك وحقدك على شي مو معروف اصله .
أُبي : بابا اسمحلي قلك انك غلطت اليوم .
بانا ( عم تبكي وبنبرة عالية) : كنت ساكتة وساكتة عم اسمع وين بدها توصل معكن ماتوقعت تكونوا قاسين لهل الدرجة ماكنت متخيلة عندي اب عندو جبرووت بتهز جبال بس بحب خبرك يا أبي انو ابنك ماكان عم يتزوج متل ما اعتقدت هو كان عم يستلم حلم عمرو يلي وصله بتعبه بدون مايطلب منك اي طلب ..... هوو كاان عم يترأس اكبر الشركات الموجودة بالبلد للهندسة ( احتد صوتها ونبرة كلامها صارت تعلى اكتر واكتر ) رووح رووح روووح شوف ابنك صاحب اي شركة صاار .
" تركتهم وطلعت على غرفتها عم تبكي لحقها أُبي يهديها ويخفف من توترها "
أُبي : بانا شبك ياقلبي مافي بالعادة نشوفك هيك .
بانا : زهقت لأن ماقدرت شوف كنان عم ينظلم قدام عيوني وابقى ساكتة .
أُبي (بيمسح دمعتها يلي علقانة على خدها ) : هي آخر مرة بتبكي فيها وماتخافي على كنان قد حالو .
بانا : بس ماحلو البيت بدونه .
أُبي : اكيد مالح يبقى فترة طويلة برا البيت شغلة كم يوم وبيرجع .
بانا : ...
أُبي : انتِ شو عرفك بقصة الشركة .
بانا : كنت بالبيت وبدي اطلع عالشركة وانا طالعة من الباب
""""""""""""""""""""""فلااش بااااا🔙اااك""""""""""""""""""""""
وحدة من يلي بيشتغلو بفيلا عيلة الباشا : آنسة بانا آنسة بانا .
بانا : شوفي .
الخادمة : في حدا عالباب بدو الاستاذ كنان وانا مابعرف وينه لشوفه وخبره .
بانا : خلص روحي انا عالحالتين بدي اطلع من البيت هلق بشوف مين هو .ت
الخادمة : حاضر .
" طلعت لشوف مين عالباب كان شب معو ظرف "
الشب : مرحبا يا آنسة .
بانا : هلا تفضل .
الشب : المهندس كنان بيك موجود .
بانا : هو مو هون في شي ضروري .
الشب : بدي سلمه هالظرف فيه وراق مهمة ولازم يستلمه هو .
بانا : اوك هاته وانا بسلمه ياه .
الشب : بس لازم انا وصله ياه بالأيد .
بانا : يييي شبنا قلتلك ح اعطيه ياه على فكرة انا اخته واكيد مالح خبيه عنه لاتهكل الهم .
الشب : اوك تفضلي .
بانا : خبرني من مين لخبره .
الشب : مافي داعي هو وقت يشوف يلي بقلبه ح يعرف .
بانا : اووك ثانكس .
""""""""""""""""""""""""""باااا🔙ااااك""""""""""""""""""""""""""""
بانا : بعد ما اخدت منه الظرف فضولي قتلني لأعرف شو موجود فيه حتى كان حريص يسلمه لكنان باليد كرمال هيك مانطرت لاعرف من كنان وفتحته .
أُبي : اييييي كملي شو طلع .
بانا : وراق عقد الشركة كان عامللنا ياها مفاجأة بس انا عرفت قبل بوقت ... والوراق كان المفروض يوصلوه لكنان بس انا خربت كلشي بخططله بسبب فضولي .
أُبي : ايواااا مشان هييك عم يسحب كتيير مصاري من حسابه .
بانا : يس .
أُبي : طول عمره بحب يشتغل كلشي لحاله من غير مايطلب مساعدتنا .
بانا : أُبي انا مالي متعودة عليه يتخانق مع بابا هيك اشتقتله خبره يرجع .
أُبي : رح يرجع ياقلبي انتِ نامي هلق ورتاحي وهو مصيره يرجع على البيت وين بدو يروح يعني .
بانا : انشالله .
""""""""""""""""""""""""
كنان بعد طلع من الفيلا راح على مكتبه القديم ونام هنيك.... كاترين بعد ماشربوا القهوة رفقاتها مشيو من عندها وتعشت مع اهلها وطلعت نامت
""""""""""""""""""""""""
ها قد حلَّ الصباح وزاح الظلام صباحٌ جديد كلياً لأنه يبعث الأمل داخلنا كأنه مقتبس من حكايات الخيال فيه كميةٌ لا محدودة من الطاقة الإيجابية فيامرحبا بمثل هذا الشعور فأنه شعور الرضا والقبول من الله تعالى ❤
صحيت كاترين وشربت ماغ النسكافيه نزلت عالصالون لتفطر مع اهلها .
كاترين : صبااااحو ياا حلوين .
لميا : يا صبااح الفل شو هالروااق كلو .
كاترين : عندي شعور انو رجلي تحسنت وبدي اتصل على أوس يشفلي ياها ...
جود : اييه واخيرا ح تطلعي من البيت وترجعي للجيم .
كاترين (تذكرت كنان لما قلها جود عالجيم ) : اي طبعااا .
يحيى : يلا يا بابا تعي عالفطور وبعد الفطور بتحاكي أوس .
كاترين : اوكك .
""""""""""""""""""""""""""
بعد ماصحي كنان عمل قهوة يصحصح فيها لأن عندو دوام بالشركة ...شيك على ملفات المكتب اذا في شي بدو شغل ونسيانه .. خلص واتصل على أُبي .
أُبي : هلا والله بالمشكلجي .
كنان : اي قووم قووم تعاا لعندي وجبلي بدلة من البيت .
أُبي : مابقدر عندي دوام بالشركة بخاف ابوك يعصب علي من غير شي ماعم يتحاكى من وراك . . . بعدين ماتجي انت عالبيت تلبس وتمشي .
كنان : لا تخااف مارح يقلك شي بس جبلي الطقم وانقلع . . . عالبيت مالي جاية اووك . . وماتقلي قول لحدا من الحراس يجبلي ياه لان مابثق بحدا . . . يلا قوم بكرامتك جبلي يااه .
أُبي : اووك رغم انو هالطلب مسحلي كرامتي بس اذا ماجبتو بتوقع مايبقالي كرامة ابداً.
كنان : انت عيني بتفهم شو بدو يصير فيك من دون ما احكيلك .
أُبي : يلا باااي باااي لسا قاعد عم طق حنك معي مابتعرف انو في عندي اخ وبدو جبلو طقمه .
كنان (صار يضحك على لهجته ) : روح الله معك .
"""""""""""""""""""""""
شيفاي : يااصباااح الخير ...
أويس : صبااح النوور شو هالنشاط .
شيفاااي : يعني صرنا بتركيا وبدك تقلي من وين هالنشاط بعدين في عنا مشوار كتير حلوو ..
أويس : خير انشالله لوين يامهون .
شيفاي : عنا عناااا يعني انا وانت مو لحالي .
أويس : طب لوين .
شيفاي : اليوم بدنا نروح على سامسون .
أويس : مو بكير .
شيفاي : وين بكير أويس صرلك من قبل ماتلاقي اهلك ماشفتهم وغير هيك انا خبرتهم اننا جايين لاتحاول تتهرب مافي مفر .
أويس : ياا الله منك يا شيفاي ليش هيك بتعمل من غير ماتخبرني .
شيفاي : اذا ماعملت هيك كنت كمان سنة تانية نشالله بتروح لعندن .
أويس : طيب .
شيفاي : يلا قوم نفطر ونمشي مافي وقت .
أويس : اي جاية سبقني .
"""""""""""""""""""""""""""""""
أوس بالجيم اجاه اتصال ...
كاترين : صبااحو لدكتورنا .
أوس : صباحوو خير انشالله شو هالمهمة الرسمية يلي بدك ياني فيها .. حتى عم تناديلي دكتور .
كاترين : ييي ضروري يعني يكون في شي حتى ناديلك دكتور .
أوس : بس بعتقد منبهك من قبل انا انو ماتناديلي بالدكتور وبلا هالرسميات اسمي وبكفي .
كاترين : طيب حزرت بدي ياك بمهمة رسمية .
أوس : اييوا بدك ياني كرمال شفلك رجلك لانك حاسستيها متحسنة وكتيير كرمال تخلصي من المشد كعادتك .
كاترين : ايي عادة وشو عرفك اني بدي هيك منك .
أوس : العادة تبعك ماغيرتيها من وقت مانكسرت ايدك وبس بدك ياني اجي وشلك الجبيرة ... ويلي عرفني مشكلتي اني حافظك .
كاترين : طيب يلا جد تعال شفلي ياها .
أوس : اوك انا هلق بالجيم لأطلع بجي من الجيم لعندكن .
كاترين : oui Merci beaucoup ....
( اي شكرا كتيير) .
أوس:
Excusez-moi, ma petite princesse..
Au revoir
(العفو يا أميرتي الصغيرة.. الى اللقاء ) .
كاترين :
......a biantou.....
( اراك قريبا ) .
"""""""""""""""""""""""""""""
جاب أُبي الطقم واجا عند كنان "بالمكتب "...
أُبي : ترا ابوك كان طالع من البيت كان فيك تجي وتغير مو احسنلك .
كنان : مابدي شوف امك وتترجاني ارجع .
أُبي : لا جد انت خالص يعني بتعرف انو امك رح تزعل لانك مشيت وهيك عم تعمل .
كنان : أُبي الأفضل حاليا اني ابعد عن البيت لأني مليت من المشاكل والشك يلي عند ابوك .
أُبي : وايمت بدو يصير الوقت المناسب لرجعتك .
كنان : مابعرف ايمت بالضبط بس ليهدا الوضع بيني وبين ابوك .
أُبي : طيب مو حرام عليك بانا مقضية بطلعتك من البيت .
كنان : شبها ليش .
أُبي : وقت طلعت من البيت صارت تدافع عنك وتبكي وخبرت ابوك بالشركة وطلعت على غرفتها لحقتها لقيتها لسعتها بتبكي هديتها شوي بس ماقدرت ماكذب عليها وقلتلها انك راجع عالبيت مو مطول .
كنان : يقلبي عليها .. خلص انا اليوم بشوفها وبطيب خاطرها .
أُبي : اي تمام انا بدي امشي بدك شي .
كنان : لا سلامتك .
أًُبي : بس بتعرف شو .
كنان : ؟؟!!!
أُبي : تضرب وانت يلي بيجي لعندك فنجان قهوة ماشربتني .
كنان : باردون منك بس انت مستعجل مو خرج تشرب شي .
أُبي : طيب هلق مشيتها بس بدي اجي عالشركة واشرب قهوة مو هون بالمكتب .
كنان : تكرم .
أُبي : يلاااا بااي .
كنان : بااي .
"""""""""""""""""""""""""""""""""
شيفاي وأويس بالطريق متجهين ليزورو العيلة .
أويس : شيفاي مالح نطول .
شيفاي : لأيمت يعني .
أويس : بكرا الصبح .
شيفاي : اوك ماشي .
أويس ( رن موبايله ): لك اهليييين والله بحبيبة اخوها ( فوراً شيفاي بيلتفت ع أويس ) .
ميلا : واضح كيف حبيبة اخوها وصرلك يومين قاطع عني المكالمات .
أويس : حقك عليي بس بتعرفي الرجعة من اميركا بتاخد ساعات كتيرة وغير التعب .
ميلا : اي صح بس مابيمشي الحال تمرقها هيك بدي لترجع نسهر سوا .
أويس : مو تكرمي ..
ميلا : وينك انت هلق .
أويس : انا مع شيفاي عنا سفرة صغيرة وبكرى منكون عندكم المسا.
ميلا : الله يسرلكم معناها بكرى عالعشا بتكونوا معنا .
أويس : اي نشالله .
ميلا : اذا هيك مابدي عطلك اكتر يلا بااي .
أويس : بااي .
شيفاي : شكلك كنت مبسوط كتير بهالاتصال .
أويس : هالبنت بحسها شقفة من قلبي مابقدر زعلها ... وفورا برتاح لما اسمع صوتها .
شيفاي : الله يخليكن لبعض .
(أويس اكتفى بأنو يبتسم لشيفاي ).
""""""""""""""""""""""""""""""""""
"اليوم التاني لدوام كنان بالشركة وهو لسعتو فارض هيبته وشخصيته عالموجودين رغم انو مدير جديد بس الموظفين شافوه اديش هو جدي بالشغل وماعندو مزح ابدا ...لما وصل على مكتبه شافه فاضي من غير سكرتيرة .. اتصل على مكان شغل السكرتيرة يلي نقلها وخبرها تجي لعندو " .
السكرتيرة جاية باتجاه المكتب وكعادتها عم تبربر : شووهاد ماخلصت منو نقلني من المكتب ولسا بيطلبني لعندو .. لا فوق كل هاد شايف حالو ومو مصدق يعني واذا كان اشقر مثلااا ااه اي عادي يعني ان كان اشقر ولا اسمر كلنا خلقة الله ولا لازم يشوف حالو علينا .
"عم تحكي وآخدها الحكي وصلت لباب المكتب وهي ساردة بالكلام لحالها "
كنان :شبهن الشقر مو عاجبينك ياآنسة شايفين حالن مووو.... اايه بيطلعلن بس .
" مع صوته رجليها قصفو تحتها اتطلعت مقابيلها شافته واقف عالباب ومستند عليه مكتف ايديه وعم يطلع فيها "
السكرتيرة : مسيو مو قصدي بس كن..
كنان : لحقيني وبدون بسبسة .
(فات عالمكتب وقعد على الكنبة جنب ال tv صار يحاكيها من غير مايطلع فيها ) .
كنان : انا صح نقلتلك بس قرار نقلك بتبلشي بتنفيذه لما تجي السكرتيرة الجديدة بدالك وتشوفيها داومت ساعتها الله معك ... بس حاليا دوامك هون ... ولا ليكون مابتعجبك القعدة جنب الشقر يلا شوبدك تعملي بدك تتحملي .
السكرتيرة : العفو مسيو مو هيك قصدي .
كنان : الله معك .... الله معك بس لبرا عالمكتب.... من هلق بترجعي لمكتبك .
السكرتيرة : حاضر .
كنان : جيبيلي اسبريسو .
السكرتيرة : تكرم في شي تاني .
كنان : وجيبيلي كلشي ملفات لازم اطلع عليها ... وبس هيك فينك تمشي لمكتبك .
السكرتيرة : تمام .
(طلعت السكرتيرة وقعدت بمكتبها وبلشت شغل ... كنان اتصل على إيلاف )
كنان : كيفك .
إيلاف : تمام الحمد الله .
كنان : شو عم تعمل .
إيلاف : كنت عم افطر وعم اشتغل على مشروع حاليا .
كنان : ايمت بتخلص يعني .
إيلاف : ساعتين تانيات .
كنان : اوك معناها تعا لعندي عالشركة وجيب غدا معك بكون صار وقت الغدا لأن بعرفك هلق بكونوا ساعتين بصيرو اربعة .
إيلاف : شووو بلاقيك استلمت الشركة ايمت وليش ماخبرتني .
كنان : وقت تجي لعندي منحكي .
إيلاف : اوك يلا سلام.
كنان : سلام .
__^_^...
وصل شيفاي وأويس لبيت أهل أويس وفتحت امه لأويس وهي فرحانة فيهم ومو مصدقة شافتهن .
امه ( ضمته ) : يخليلي هالقامة .
أويس : دخيل قلبك يخليلي ياكن .
" دخلو ع الصالون ".
أمه : كيفك أمي شو اخبارك .
أويس : الحمدلله مشتقلكن .
أبوه : وين طولت الغيبة علينا .
أويس : والله سفر وماعم يبقى معي وقت .
أمه ( بتوجه حكيها لشيفاي ) : كيفك حبيبي شو اخبارك .
شيفاي : الحمدلله خالة بخير .
أمه : قايمة جبلكن شي تشربوه بتكونو عطشتو من الطريق .
أويس : لا تعذبي حالك ما بدنا شي .
أمه : لا مافي عذاب .
" جابت العصير وضيفتهن ... عم الهدوء بالمكان بس أمه لأويس كسرت هالهدوء "
أمه : لقيت اهلك صح ؟!.
( أويس كان عم يطلع بالكاسة وما رد عليها )
أمه : أويس عم أسألك جاوبني ..... انت لما كنت صغير خبرتني انك حتبقى تناديلي أمي لوقت ماتلاقي أهلك كانت هالكلمة ماتنزل من لسانك شو صار من لما أجيت ماسمعتها منك لا انا ولا حتى ابوك ناديتو ابي .
أويس : ......
أمه : شيفاي جاوبني انت صح كلامي هو ما بخبي عليك شي .
شيفاي : خالة.....
"بقاطعو أويس "
أويس : اي صح كلامك بس انا صح لقيتهن انتو رح تبقو اهلي ومكانتكن بقلبي .
أبوه : بابا ايمت لقيت اهلك ؟.
أويس : من فترة شهرين .
أمه : كيف اجتمعت فيهم بعد كل هالسنين .
أويس : عندي اخ توأم ومن الشبه الكبير بيناتنا عرفوني .
أبوه : رحت عشت معهن ؟ .... وكيف لقيت العيشة معهن .
أويس : اي عايش معهن وطلعو كتير مناح وعم يحاولو يعوضوني عن الفقدان يلي كنت فيه .
شيفاي : طبعا هنن الحمدلله طلعو مناح وقد ما حاولو يعوضوه عن الفقدان يلي كان فيه بتضلو انتو اهلو التانيين يلي ربيتوه وحققتولو حلمو بالحياة انو يصير طيار .
أمه ( بتوقف وبتجي لتمشي ) : الله يخليكم لبعض .
أويس ( بقوم لعندها وبضمها ) : انتِ أمي وحتبقي أمي لأخر نفس بيطلع مني وماتفكري اني رح انسى فضلك عليي .
أمه (وهي مدمعة ): تؤبرني الله مايحرمني منك .
أويس (بيمسح دمعتها يلي نزلت على خدها ) : ويخليلي ياكي يارب .
(بيمشي لعند أبوه وبيحضنه هو كمان ) : الله مايحرمني منكن .
شيفاي : انا بدي امشي ياجماعة توصوني بشي .
ام أويس : ابني خليك وين ماشي بتتغدى معنا عملت الأكلات يلي بتحبوها .
شيفاي : ياريت ياخالة بس بتعرفي بدي شوف اهلي وهنن كل حدا ببيت مامعي وقت كتير من هون لبكرى .
أبوه لأويس (باستغراب): بس لبكرى قاعدين هون .
(أويس بيعطي زورة لشيفاي عم بلومه لأن حكى لأيمت بقيانين ) : اي والله لبكرى .
أبو أويس : لا أبني الله يرضى عليك بدك تطول المدة شوي .
أويس : بس يابابا...
أم أويس : ابني اذا لسا غلاوتي بقلبك كبيرة وبدك تثبتلي انك لسا معتبرني بمثابة امك بتقعد يوم زيادة مارح قلك اكتر بس يوم .
أويس : طبعا غلاوتك بقلبي كبيرة وح ابقى كمان يوم زيادة كرمالك .
أم أويس : يا أمي ..بدي اسمعها منك .
أويس (بابتسامة ) : كرمالك يا أمي .
(أم أويس بتفرح لما تسمعها من أويس وبيطمن قلبها) .
شيفاي : خالة صار فيني امشي هلق .
أويس : شيفاي بما أنو قاعدين كمان يوم خليك اتغدى معنا وبعدها امشي .
أم أويس : اي حبيبي .
شيفاي : تكرمي خالتو .
______ ~_•
عند كاترين :
أوس : مرحبا .
كاترين : ولك اهلين بدكتورنا والله ... ايه شو هاد .
أوس : مابقلك بلا الرسميات .. بعدين شو هااد ؟
كاترين : اي اي الرسميات بتلبقلك .. شو هالاناقة والشياكة هي.. مالك بالعادة .
أوس : وليييه عم تتمسخري لاني جاية بتياب جيم .
كاترين : لا انا ماعم اتمسخر مين قال هيك كنت عم اتغزل فيك بس طلع مابيلبقلك .
أوس : شوووو شو كنتي عم تعملي .
كاترين : قلتلك طلع مابيلبقلك ابن عمتي العزيز .
أوس : خلص خلص سكتنا.. ابن عمتي العزيز قلتيلي بتشيليني وبتحطيني بأي مكان بدك ...ساعة دكتور وساعة بتتغزلي فيني وساعة ابن عمتك العزيز .
كاترين : ترا عم تظلمني بحكيك هاد ..
أوس : القط بياكل عشاكي انت ( وبشدها من خدودها ) .
كاترين : لككك يلا يلا شفلي رجلي مو مصدقة ايمت قيم هالمشد .
أوس : انت بمشد ومو قادرة تتحملي كيف لو جبيرة يا سلااااام كنتي من تاني يوم نقيتي لتقيميها .
كاترين : اي الحمدلله يلي مشد .
" شفلها أوس اجرها ومتل ما توقعت كاترين انها متحسنة " .
كاترين : هاا توقعي كان بمحلو واخييرا صار بقدر امشي ( وقفت عليها لتمشي ).
أوس : لككك اوعك اوعك .
كاترين ( رجعت اعدت ) : شبك.. اشتقت ارجع امشي عليها متل قبل وبدون ما نط واعرج .
أوس : مجنونة مو تحطي كل تقلك عليها دغري امشي بهدوء وشوي شوي لحتى تقدر اجرك تفرد عن الرضة يلي كانت اكلتها .
كاترين : اي قول هيك من الاول وليي كانت انكسرت ورجعت اعدت بالبيت .
أوس : لا بعيد الشر وليي كلشي الا تنكسر وتقعدي وتصيري تنقي .
كاترين : لكك بلا غلاظة وقوم ساعدني لشوف لحتى اقدر امشي .
" قام أوس وساعد كاترين بالمشي ... مشيت شوي شوي وفردت اجرها شي بسيط "
كاترين : يعني بقدر بكرة امشي عليها عادي ؟
أوس : اي بتقدري تمشي عادي صارت منيحة ومتحسنة منيح .
كاترين : اوووه منيح .
أوس : يلاا انا حأمشي هي اجرك وشقينا عليها وانتو وتطمنت عليكن .
" لميا نازلة من ع الدرج "
لميا : لوييين مستعجل .
أوس : اهلين مرت خالو ... والله لازم روح غير تيابي واطلع ع المشفى .
لميا : اهلين فيك حبيبي ... لااا خليك منتغدى سوا .
أوس : خلص غير يوم بجي ع الغدا اليوم بلاها .
كاترين : لا لا امانة خلييك منتغدى ومنتسلى شوي بكون اجو جود وكارولين .
أوس : .....
كاترين : وحتى بلا المشفى اليوم الغي روحتك خلي حدا يقعد بدالك بس اليوم .
أوس : شو الغي في عندي مواعيد ومرضى مافيني اتركن هيك ولا نسيتي مرة شو وصيتيني بالمرضى يلي عندي .
كاترين : طيب شوف اذا في شي ضروري لازم تشوفهم اليوم بتمشي ومارح قلك شي وعد .
أوس : خلص اوك رح شوف المواعيد واذا فيني ببقى .
(اتصل على المشفى يطمن اذا في مواعيد وعرف انو عندو تشيك على حالة مريض المسا )
لميا :شو أوس ؟؟!!...
أوس : اوك بقيان ...
لميا : يلا شوي وبيجهز الغدا .
كاترين : الله عالدعم ..
________
عند كنان بالشركة بعد ما وصل لعندو ايلاف وتغدوا .
ايلاف : والله وبيلبقلك هالعز .
كنان : وانت من هالعز الك نصيب .
ايلاف (بإستغراب) : نعم نصيب شو ؟؟!
كنان : في الك عندي امااااااااااااا شو منصب اوبهاااا.
ايلاف : نعم نعم شو عم اسمع انا القصة فيها مناااصب .
كنان :اي يا سيدي ومن بكرى بتباااشر عملك.
ايلاف : وشو هالمنصب .
كنان : رئيس قسم مهندسين العمارة .
ايلاف : ياعيني ... لكن شكلك ح تمل مني .
كنان : هو من جهة ح مل منك فهالشي مفروغ منه ما انا اوريدي مالل منك .
إيلاف : شكرا لمشاعرك المشلخة .
كنان : عفواا عفواا .
___*_*....
(بانا كانت قاعدة بغرفتها مكتئبة فجأة برن موبايلها بتشوف كنان المتصل بتفرح وبتنطوط من فرحتها) .
بانا : الوو.
كنان : يا مسا هالصوت الحلو .
بانا : لككك مساي انا والله .
كنان : معك ربع ساعة بتكوني محضرة حالك وعند باب الفيلا مشان نتعشى سوا .
بانا : عنجدد عم تحكي .
كنان : لكن عن كذب يلا قومي جهزي حالك هلق بغير رأي .
بانا : شو تغير ماتغير قايمة فورا يلا بشوفك (وسكرت الخط ) .
كنان ( عم يضحك ) : مجنونة .
(وبعد عشر دقايق كانت عالباب ) .
كنان : اووف شو هالسرعة قبل بخمس دقايق .
بانا : مو كل يوم بصحلي اطلع اتعشا معك .
كنان :اذا هيك معك حق مو كل يوم منطلع عالمطعم سوا ... يلا منحكي بالمطعم .
______*_*..
(عند كاترين كان أوس بدو يفل ).
أوس : انا بدي امشي .
جود : وين قاعدين لسا هلق بلشت السهرة .
أوس : وين قاعدين يازلمة صرلي من النهار عندكم وعندي مريض بالمشفى.
كاترين : اي جود أوس بقي كرمالي لا تدايقو اكتر .
جود : اذا هيك منتي علينا .
أوس : يلا سلام .
الكل : سلاام .
(قبل مايطلع التفت على كاترين وحكى)
أوس : انتبهي منيح على رجلك هالفترة بس شغلة يومين .
كاترين : اوك تمام .
(بعد ما طلع أوس من الفيلا التفت جود لعند كاترين)
جود : شو آنسة كاترين صايرة عم تقولي لأوس يبقى مالك بالعادة .
كاترين : انو عادي يعني ..من وقت ما انتبه عليي وكان معي بفترة علاجي وقت الحادث وانا عم ردلو وبادلو الجميل .
كارولين : امممم بس هو دكتور يعني واجبه هالشي .
كاترين : بس مانو مجبور يجي لعند مريضته عالبيت فينه يبعتلها ممرضة او ممرض .
كارولين : مممم ممكن لأنو بغاار عليكي .
كاترين : شو ماكان المهم عم اعمل بأصلي انا طالعة على غرفتي عندي دوام بكرى يلاا بونوي .
كارولين وجود : بونوي .
____^_^....
بالمطعم ..
بانا : ايمت راجع عالبيت.
كنان : بعد بكير .
بانا : اذا مو مشان اهلك كرمالي .
كنان: وقت تشتاقيلي وبدك ياني خلال لمحة بصر بكون معك .
بانا : طب البيت ماحلو بدونك .
كنان : فينك تعتبريني هالفترة مسافر .
بانا : مم خلص حأتركك هالفترة ع راحتك بما انو فيني شوفك بأي وقت .
" بعد ما خلصو عشا اتصلت ميس وحكت معهن فيديو وكنان عرف انو ابوه كان سامع المكالمة بس ماحكى شي "
______*_*.
"فجر يوم جديد بتتجدد معه خيوط الشمس وبتنور حياة هاليوم الجديد "
صحيت كاترين وكلها همة ونشاااط اخدت دووش عالسريع ولبست بنطلون فستقي (صاير من افتح درجات الاخضر بيعطي لطشة رمادي على تركواز ) مع بروتيلة بيضا وقميص ابيض مفتوح مربوط عند الخصر والشوز لونه ابيض وشنتة فستقي من جهة الشعر فهو سيشوار عاملته ذيل حصان واطي ومنزلة خسلتين تدلع فيهن وجهها اما الميكب فكان خفيف كرمال يظهر معالم وجهها .... شربت ماغ النسكافيه المعتاد وسلمت على اهلها ومشيت للشركة .
كنان جهز اموره ولبس طقم سبور شيك لون الجاكيت بيج والبنطلون كحلي مع كنزة بضي بيضا وبوط ابيض طبعا هالليلة مارجع قضاها بالمكتب راح نام بالاوتيل والتياب اشتراهن قبل مايروح عالعشا مع بانا
وصل كنان عالشركة واتجه لمكتبه طلب اسبريسو ...
كاترين وصلت عالشركة استقبلتها نيسان .
كاترين : مابتعرفي اديش اشتقتلك ..واتصالاتك معي طول فترة قعدتي بالبيت مابتعرفي اديش كانت عندي الها قيمة .
(نيسان كانت كل يوم تتصل على كاترين تطمن عليها باثناء عطلتها ) .
نيسان : ياعمري ....انا حبيتك وصح ماقعدنا كتير قبل ماتعطلي بس لما عطلتي حسيت وكأنك صرلك معي من اول مابلشت شغل وصرت حس الشركة ناقصة مااقدر مااتصل واطمن عليكي وعلى وضعك .
كاترين :دخيل قلبك انتِ يلا يلا امشي منكمل كلام بمكتبي .
نيساان (بلبكة) : ااه لاااء مافينا .
كاترين (باستغراب ) : ليش مافينا عادي .
نيسان : لأن في شي صار بغيابك .
كاترين : خير انشالله .
نيسان : تغيرت ادارة الشركة واجا مدير اما شو مدير جنتل مان لكك ماشالله حوله على هالحلاوة والجاذب يمكن بنات الشركة كلن كرشوا عليه صغير وشايف حاله .
كاترين : قلتيلي حلوو ايي دخيلك .. بس شو دخل قصة انو مافينا نروح على مكتبي بالمدير الجديد يلي آخد عقل حضرتك .
نيسان : مو لحالي قلتلك بنات الشركة كلها وشو دخلك انتِ تغير مكان شغلك بالشركة وتعين مكانك حدا جديد .
كاترين : شوووو كيف صار هالحكي وليش ماخبرتيني وقت كنتي تحاكيني .
نيسان : ماحبيت افتح مواضيع الشغل وقلت لتداومي بتعرفي شو صار بغيابك .... و هيدا المدير الجديد عم يقطش ويلحش بالقرارات ويشيل موظفين ويغيرلن اماكنن وانتِ كنتِ منن .
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```