الفصل 20
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴0️⃣2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
ا"كاترين وهي مع كنان بالسيارة حملت موبايلها كرمال تتصل بكارولين وضامة رجلها بين ايديها وكاتمة على وجعها.. كنان صار يطلع عليها بطرف عينو ويرجع يكمل سواقة" .
كاترين : هاي كارو..
كارولين : هلا كيفك .
كاترين : تمام .. انا جاية عالبيت بس بدي ياكي تطلعي تاخديني من عند الباب.
كارولين : ليش شوفي .
كاترين : ضربت رجلي بالنادي ومو قدرانة امشي عليها .
كارولين : اوك دقيلي وقت توصلي .
كاترين : ماشي سلام .
التفتت كاترين شافته بيبتسم .
كاترين : شوفي شي بيدعي لتوزيع الابتسامات استاذ كنان .
كنان : ليش لتعزبي كارولين معك خليها تنام .
كاترين : لسا الوقت بكير اي نوم هاد .
كنان : انا خبرتك تصطفلي .
كاترين : بيتي خلال خمس دقايق بوصله لهيك شكلك مخربط .
كنان : اي صح خليها تنطرك اذا هيك .
كاترين : كنان ليش جاية من هالطريق الطويل يعني لو ماغيرت طريقك كنا ح نوصل .
كنان : ماغيرته هاد طريقنا عم امشي من الرئيسي .
كاترين: طيب ماشي متل مابدك المهم نوصل .
" مشي بالسيارة لوصل جنب المشفى وقف السيارة ونزل وفتح جهة كاترين وحملها ودخل المشفى "
كاترين : شو جابنا لهون فيني افهم .
كنان : معلش تأجلي اسألتك بس لنطلع لان ماعندي وقت جاوب على الف سؤال .
كاترين : ... .
" بعد مافاتوا عالمشفى صورت كاترين رجلها كرمال يكتشفوا اذا في كسر فيها "
كاترين : شو دكتور طمني .
الدكتور : لا اطمني انسة كاترين مجرد رضوض قوية وهي يلي سببتلك هالوجع الحمد الله انها ما انكسرت ومجرد مشد رح حطلك ياه كافي ليعافيلك ياها .
كنان : مشكور دكتور ماقصرت .
الدكتور : ولو استاذ كنان هي شغلتي ونشالله معافاية انسة كاترين .
كاترين : ميرسي .
كنان : كاترين انا لح سدد الفاتورة وجاية اخدك انطريني.
كاترين : اوك .
" دفع كنان الفاتورة ورجع اخد كاترين ورجعو للسيارة "
كاترين : شكرا كنان انك جبتني لهون .
كنان : ماتشكريني الي اشكري ضميري وقلبي يلي مارضيو يشوفوكي عم تتوجعي .
كاترين : طيب ابقا اشكرهن عني .
كنان : بعتقد كلام الدكتور قبل مانطلع كان واضح .
كاترين : شو قصدك .
كنان : يعني بتريحي رجلك والنادي والشغل بدك تقطعي عنهن حتى تشيلي المشد .
كاترين : بس انا مافيني ابقى محبوسة بالبيت بطق .
كنان : كلهن كم يوم بلا دلال .
كاترين : هففف .
كنان : ااه صح شو كان بدك تسأليني قبل مانفوت عالمشفى .
كاترين : ولا شي مشي الحال .
كنان : اوك براحتك ... تفضلي وصلنا على بيتك الا اذا حابة القعدة معي .
كاترين : شكرا مرة تانية على انسانيتك .
كنان : معك او مع غيرك لو حصل هالشي كنت رح اتصرف هيك مافي داعي تتشكريني آنسة كاترين .
كاترين : مستحيل تتغير ...نشالله تكون انبسطت انك مالح تشوفني بالنادي كرمال تقدر تساعد البنات ع راحتك .
كنان : ما توصي حريص .
كاترين : بااااي .
كنان : بااي .
"لما وصلت كاترين عالبيت كانت كارولين ناطرتها جنب الباب متل ماخبرتها كاترين "
كارولين : مو كنان يلي بالسيارة .
كاترين : ساعديني امشي هلق .
كارولين : ييي شبها رجلك شو صايرلها .
كاترين : طلعيني على غرفتي بالاول .
كارولين : يلا يلا امشي .
"بالغرفة عند كاترين "
كارولين : ماقلتيلي شبها رجلك .
كاترين : كنت عم العب بالنادي ووقع الوزن عليها .
كارولين : انتي مجنونة كيف ما بتنتبهي .
كاترين : فلت من ايدي من غير ماحس .
كارولين : ويلي كان عم يوصلك مو كنان .
كاترين : مبلا هو .
كارولين : وليش كنتو سوا .
كاترين : هو كان بالجيم ولما شاف شو صار فيني اخدني عالمشفى ووصلني كونه مافيني سوق .
كارولين : اممم.
كاترين : اذا عاجبتك القعدة بغرفتي خليكي قاعدة بس انا بدي اعتذر منك لأني ح اتركك ونام .
كارولين : رايحة بكرامتي وبلا تلطيشاتك بالتقليع سلام .
كاترين : بونوي حياتي ماتنسي ماتطفي الضو وانتِ طالعة .
...........................
يوم جديد مع بدايته سافر أويس وشيفاي وبعد ما صحي كنان وهو عالفطور مع اهله .
رأفت : كيف شغلك كنان .
كنان : تمام بابا .
رأفت : اي منيح .. ونشالله مشيت امورك بخصوص الشغل يلي قلتلي عنو .
كنان : اموري عال العال .
ميس : رأفت كنان مابينخاف عليه .
رأفت : اكيد بدو يكون طالع لأبوه مو هيك كنان .
كنان : طبعا بابا .
أُبي : وانا كمان مابينخاف عليي مو ماما .
كنان : أُبي انت بالذات ينخاف منك مو عليك ... يلا انا صار بدي امشي .
ميس : وين ياقلبي ما اكلت لسا .
كنان : اكلت منيح وغير هيك تأخرت ماما عندي شغل بالمكتب .
رأفت : روح كنان الله ييسرلك .
بانا : لحظة لحظة خدني معك .
كنان : لوين ...؟؟!!
بانا : عالشركة .
أُبي : هلق بتروحي معي نفس طريقي ليش لتروحي مع الاستاذ كنان .
بانا : لا معلش بدي روح مع كنان .
كنان : طيب يلا امشي .
بانا : يلا سلاام .
الكل : الله معكن .
____^_^
كاترين بعد ماصحيت اتصلت على نيسان وخبرتها تاخدلها اجازة بسبب ظرفها الصحي بس في شي غريب صار معها وهي عم تخبرها ...
كاترين : كيفك نيسان .
نيسان : تمام ياعمري كيفك انتِ .
كاترين : مشتقتلك .. نيسان انا اليوم عندي ظرف صحي وبسبب هالظرف مو قدرانة امشي على رجلي كرمال هيك اذا بتريدي خديلي اجازة شي يومين لوقت ما اتحسن .
نيسان : ياقلبي سلامتك ماعلى قلبك شر .
كاترين : الله يسلمك .. وقت تحصلي على موافقة الاجازة حاكيني وخبريني .
نيسان : تكرم عيونك .
كاترين : حبيبتي .
سكرت معها الخط ومشيت لتحت عالصالون وتفاجأت انو اهلها قاعدين كلهن بالصالون وفي أوس كمان .
كاترين : صبااحو ياحلوين .
الكل : صباااحو كاترينو .
كاترين : اووه أوس عنا شو المناسبة من الصبح بكير .
أوس : جيت لعندكن بصفتي دكتور اليوم ال في وحدة مشاغبة بالنادي وأذت رجلها .
كاترين : ماشالله من وين فورا وصلتك الاخبار اذا اهلي ماشافوني بالمشد يلي حاطتو .
لميا : كاترين معقولة انتِ مبارح مابتخبرينا شو صاير معك .
كاترين : ماما حقك علي بس لما رجعت كنتي بغرفتك وقلت بلا ما ازعجك على شغلة صغيرة .
يحيى : بس مابصير يابابا هيك من غير ماتخبرينا ورحتي عالمشفى كمان .
كاترين : بابا مارحت عالمشفى لحالي كانت معي كارولين مو هيك كارولين .
"كاترين غمزت كارولين كرمال تمشي معها بالكذبة "
كارولين : اي صح بابا انا كنت معها .
أوس : كاترين تعي لناحي لشوف رجلك .
كاترين : مو مستاهلة رض صغير .
أوس : هلق لشوفها بقرر اذا كان صغير او كبير .
كاترين : طيب الاكل جهز شو رأيك منفطر وبعد الفطور بتشفلي ياها .
أوس : اوك براحتك.
" رن موبايل كاترين استأذنت وراحت على طرف لتحكي مع نيسان "
نيسان : اي كاترين انا رحت لاخدلك اجازة متل ماقلتيلي .
كاترين : ايي شو صار معك .
نيسان : المدير خبرني انك اخدة اجازة اوريدي من قبل ما انا روح واطلب منه وحتى ال موقعلك عليها بالموافقة .
كاترين : نعااام ... كيف هيك اخدة اجازة انا ماحاكيتو ولاحتى راسلته شلون يعني بقلك هيك .
نيسان : غريب بس هو قلي حتى انو بيعرف ظرفك الصحي وانتِ خبرتيه عنو .
كاترين : لااا في شي غلط .
نيسان : والله هيك صار معي .
كاترين : طيب مشكورة نيسان عذبتك معي .
نيسان : ولو مافي عذاب .
"سكرت الخط كاترين وهي مصدومة من يلي خبرتها ياه نيسان كيف هيك المدير موقعلها على اجازة وبيعرف شو صاير معها في شي مو صح "
جود : يلااا ياكاترين بلشنا اكل وانتِ لسا عالموبايل .
كاترين : جييت جييت .
______
عند كنان كان بالسيارة عم يسوق .
كنان : بانا شوفي ليش اجيتي معي بعرف انو جيتك معي مو لصدفة .
بانا : دخيلو يلي بيفهم عليي .
كنان : ايه شو السيرة .
"بانا مدت ايدها وعطته ورقة لما شافها استغرب كيف وصلت لعندها "
كنان : شو عم تعمل معك هي .
بانا : شفتها بالغلط عم تتفتل بالبيت وكانت عم تسألني عن عنوانك كانت ضايعة ياحراام .
كنان : كاترين ماتستهبلي علي مو وقت برادة قلبك .
بانا : شكلها آخدة على لسانك اسم كاترين حتى معي خربطت وقلت كاترين .
كنان : ماتدوري وتلفي ورجعي لموضوعنا .
بانا : حبيبي انا مو جاية لدور ولف واجيت معك لاعطيك ياها لحالنا لان لما انا كنت جاية لافطر كنت انت اوريدي عالطاولة وماقدرت اعطيك ياها لحالنا وبس هي كل القصة .
كنان : طيب يسلم ايديكي .
بانا : بتعرف اديش انا فخورة فيك بالشي يلي عم تعملو .. يعني لو ماوقعت بأيدي بالغلط كنت ماعرفت .
كنان : اولاً عن آخراً لح تعرفي بس مو بأيدك بتخربي المفاجأت بس ماقلتيلي من وين اجت هالورقة لايدك .
بانا : كنت بالبيت لما وصلك ظرف وانا استلمته عنك وانا فضولي دفعني لافتحه وكانت هي بقلب هالظرف .. ااه صح كمان شكرا عالتوصيلة .
كنان : ولو عفوا .. رغم انو فضولك الزايد صار يعمل مشاكل بس يلااا هالمرة مضت يلا مع السلامة .
بانا : سلاام .
---------------------------
عند كاترين بعد الفطور راحت كارولين على شغلها وجود ويحيى كمان وبقي بالبيت بس أوس وكاترين وامها قعدت كاترين بالصالون مع أوس كرمال يشفلها رجلها .
كاترين : أوس والله مو محرزة مبارح شفلي ياها دكتور وطمني كيف وضعها .
أوس ( بيطلع بكاترين بطرف عينه بمعنى انها تسكت وماتكتر كلام وشاف برجلها وصار يفحصها ليطمن عليها )
كاترين : اااه أوس شوي شوي شبك .
أوس : هي شوي شوي خليني اعرف شغلي شوي .
كاترين : .......
أوس : وضعها منيح بس الرض قوي والضربة مأثرة على رجلك منيح حتى شوفي هالشي واضح كيف مزرق ناح الضربة بس ماتعتلي هم هالزراق لان هاد مو نفس تبع الكسر وهلق بقلك على مسكن كرمال لما تنوجعي تاخدي منه ونادي مافيي .
كاترين : شلون يعني مافيي .
أوس : كلامي واضح عم حاكيكي بصفتي دكتور حاليا ولازم تشكري حظك بينما لو كنت عم حاكيكي بصفتي أوس كان مو نيالك .
كاترين : وخير انشالله شوفي حتى حامل عليي هالقد .
أوس : طيب بنسا كلشي اذا بتجاوبيني على سؤالي .
كاترين : تفضل .
أوس : لما اجيتي عالمشفى مبارح مين كان معك .
كاترين (تلبكت شوي من سؤاله ) : ماسمعتني لما قلت لابي انو كارولين كانت معي .
أوس : خلص تمام .
كاترين : شو يعني .
أوس : آنسة كاترين خلص وقت معاينتك وصار لازم امشي .
" كاترين بتشده من ايده كرمال مايمشي "
كاترين : لكك بس خبرني ليش هيك عم تتعامل معي .
أوس : اوه صح تعودتي علي لما كنت دللك واضعف قبالك .
كاترين : ليش هيك عم تحكي .
أوس : ببساطة و مافي داعي لتكذبي علي كان فينك تقوليلي انو كنان كان معك مبارح واخدك عالمشفى .
كاترين : واذا قلتلك شو لح تفرق معك .
أوس : بيفرق كتيير وكتييير كمان اقل الشي بعرف انك لما تحكي معي بتكوني عم تحكي بصدق ومو خايفة من كلمتك وواثقة من حالك .
كاترين : كيف عرفت انو كنان كان معي واصلا كيف عرفت شو صار برجلي .
أوس : شكلك نسيانة انكن جيتو عالمشفى يلي مسؤول عنها وكلشي بصير فيها بعرفه .
كاترين : طب وهلق شو .
أوس : هلق خبرتك انو معاينتك خلصت سلام .
كاترين : أوس جد اذا بتمشي بدك تزعلني .
أوس : كاااترين انا لو كنت أوس بجد يلي جنبك كنت زعلتك من زمان صدقااا ومانطرت لهلق بس خبرتك اليوم كانت زيارتي زيارة دكتور لمريضته مو اكتر ... يلا انا صار لازم امشي سلام .
كاترين : براحتك مع السلامة.
" وهو طالع من الصالون بتشوفه لميا وبتوقفه "
لميا : وين أوس لسا بكير .
كاترين : معلش مرت خالو اسمحيلي بس عندي عملية ولازم امشي .
لميا : اذا هيك معك حق الله يسرلك .
كاترين : خليني رافقك للباب .
" طلعو من الفيلا ومتجهين للباركينغ مكان مو موقف أوس سيارته "
كاترين : عملية مفاجإة سبحان الله .
أوس : شايفة على هالحظ هيك صار .
كاترين : أوس عنجد عندك عملية ولا كرمال تمشي هيك عملت .
أوس : فكري بالجواب الصح لحالك وهلق بااي.
كاترين : لحظة لحظة مو جاية المسا تطمن على رجلي يا دكتور.
أوس : خبرتك وضعها تمام ومافي داعي لجيتي .
كاترين : ميرسي الك عنجد عذبت حالك لما جيت .
أوس : هاد واجبي يلا سلام .
كاترين : سلام .
" مشي أوس ورجعت كاترين قعدت بالحديقة لحالها "
كاترين عم تحكي :
ياربي شو قصة الاجازة ومين خبر المدير اووه معقول نفسه يلي بعت الرسالة مع عرض الشغل بس وقتها عامر خبرني انو لح اعرف كلشي مع الوقت واي وقت هاد وانا اعدة بالبيت مو قدرانة اطلع منه لاا وفوق هاد أوس مدري على شو عم يلمح ناقصني مشاكل انا ... بين تفكيري وشرودي قطع علي رنة الموبايل هاد كنان ليش عم يتصل ؟؟؟؟.
كاترين : الو .
كنان : صباحو .
كاترين : صباح الخير كنان .
كنان : كيفك .
كاترين : تمام الحمد الله .
كنان : كيف وضعك اليوم ماصرتي احسن قدرانة تمشي على رجلك ولا لسا عم تدللي .
كاترين : انا جد كنت موجوعة مو دلال والحمد الله احسن اليوم عالمشد والدوا .
كنان : اي منيح... الف سلامتك .
كاترين : الله يسلمك ..كنان انت اخدتلي شي اجازة من شغلي .
كنان : اناااا ؟؟!! من وين بدي اخدلك وانا اصلا مابعرف وين بتشتغلي او مين مديرك حتى بدك تعذريني بس انتِ صايرة عم تخبصي الامور ببعضها .
كاترين : شوهاد شو هاليوم يلي كله الغاز بصحى بلاقي مدير الشغل قاطعلي اجازة سلف من قبل ما احكيه وخبره حتى بجي لافطر بلاقي اوس بيعرف كمان شو صاير معي وجاية ليأدي واجبه المهني لان اذا ما كان مأديه بموت من ضميرو الشريف .
كنان : عادي شبك أوس مو غريب يجي لعندكم وهو بيقربكم اكيد عرف من اهلك .
كاترين : ايي صح كتير عادي وانا اهلي ماحدا عرف منهن غير كارولين وقت ساعدتني لاطلع من غرفتي ..واصلا لما اهلي عرفوا عرفوا من أوس اليوم .
كنان : على هالحالة كارولين بدها تكون مخبرة أوس ومديرك كمان .
كاترين : أوس ممكن بس مديري مستحيل على كلن انا بشوفها لكارولين ...
كنان : اوك ..بدك شي .
كاترين : لا سلامتك .
كنان : يلا سلاامات .
كاترين : سلام .
بقيت قاعدة لحالي بالحديقة لوقت صار الغدا اجت كارولين وما سألتها عن أوس ولا حتى الاجازة لان هي مابتعملها وبتروح من حالها بتاخدلي اجازة وأوس مافي داعي اسألها اذا خبرته لان اكيد التفسير الاكيد لأوس انو كنا بالمشفى يلي هو فيها واكيد بدو يعرف من الدكتور يلي شخّص حالتي فهو خبره بما انه بيعرفني بقرب أوس ..
-----‐-------‐‐------------
كنان خلص شغله واتجه للنادي وهو بطريقه للنادي كان عندو اتصال .
كنان : كيفك .
...: مشتقلك كيفك انت .
كنان : الحمد لله.. كيف الاوضاع عندك .
...: تمام وانا بلشت لمّح للكل بالشي يلي بدو يصير قريبا .
كنان : تمام بهالحالة انا بكرى جاية وشكرا لاللك .
... : ولو كنان بيك رغم اني ماعم بفهم ليش كل هالترتيبات يلي عم تعملها بس تكرم .
كنان : الله يكرمك ومع الوقت الا ماتعرف شو مقصدي من هالشغل كلو .
... : انشالله .
"سكر الخط كنان وابتسم انو كلشي بدو ياه عم يمشي متل مابدو واحسن كمل بطريقه للجيم وصل وطبعا كاترين ماكانت موجودة "
-------------------------------
"كاترين كانت عالمرجوحة ناح المسبح عم تتأمل غروب الشمس فجأة بتحس حدا نقذها بتلتفت مرعوبة بتلاقي وسيم ."
كاترين : ييي بسم الله شو جابك انت .
وسيم : شو شفتي جني حتى عم تسمي .
كاترين : لان رعبتني .
وسيم : مافي الحمد الله عالسلامة .
كاترين : هو الحمد الله عالسلامة بس ايمت اجيت بعديين هييك بتروح ومابتخبرني .
وسيم : اليوم الصبح وصلت .. اووف شبها رجلك .
كاترين : ولاشي رضة خفيفة .
وسيم : يلا سلامتك .
كاترين : وسيم ماتغير الموضوع كيف هيك بتطلع من هون ومابتخبر حدا .
وسيم : كان في عندي شغل ضروري بخصوص المجموعة الجديدة يلي عم حضرلها .
كاترين : نشالله كمان صار معك كارثة باخر لحظة كمان وراحت العارضة يلي مأمن فيها .
وسيم : لا مالنا عايشين بفيلم هندي نحنا حتى تصير معي كمان مرة وبعدين هالحكي بكيير عليه لسا بس عم ارسم تصاميم لسا ما اشتغلنا على قصة العرض وهالقصص .
كاترين : ايوااا .
وسيم : كاترين جيتك طالب ماترديني خايب .
كاترين : شو هاد طالب وخايب شو بخطبة نحنا .
وسيم : ههههه لا مو بخطبة بس جد الك ولا للديب .
كاترين : بتعرف الديب اسرع لان اخر مرة قلتلي هيك ورطتني بعرض ازياء اله اول ما اله آخر .
وسيم : يي يعني بدك تنكري اني شهرتك وصرتي معروفة .
كاترين : اي ماشالله من كتر مو معروفة ماعم لحق تصوير مقابلات وتوقيع عقود مع شركات .
وسيم : اوف اووف اوف اووف شو توقيع عقود ماعقود انتِ مسموح تكوني عارضة بس لشركتي انا وكرمال هيك كل الشركات بتعرف انو يلي لوسيم مابيقدرو يقربو عليه .
كاترين : كل هالقد عاملن رعب .
وسيم : مو قصة رعب بس المبدأ مبدأ يعني انا مختص بعارضات محددة مابحب يكونوا بغير عروض غير ئلي ...شفتي هدليك العارضة يلي قعدتي مطرحها يمكن كانت بعرض وبسبب تأخيرها تسببتلي بمشاكل غيري بدن يبدلو بالعارضات يصطفلو بس انا لايقربو علي ولابقرب عليهم .
كاترين : ممممم .
وسيم : لاضيعي السيرة شو الك ولا للديب .
كاترين : وانا خبرتك اخر مرة قلتلك الي فطلعت بدك تعملني عارضة ازياء .
وسيم : وانا بحب يلي بيفهموا علي .
كاتربن : شوو يعني نفس الطلب .
وسيم : يس بس لطمنك ماعندك سفر لان ح يكون العرض هون باسطنبول .
كاترين : وسيم انت جد بتحكي .
وسيم : ماعندي جلادة للكذب والمزح هلق .
كاترين : طب برأيك انت شايف وضعي بيسمح مع رجلي هي .
وسيم : رض خفيف كم يوم وبترجعي احسن من قبل .. كاترين قبلي جد ما لقيت انسب منك لهل الفستان يلي صممته يعني كأن خلق الك .
كاترين : لكك في عندك عارضات بكفو وبوفوا بليز وسيم ماتحرجني هدليك المرة قبلت لان كنت مضطر ومافي حل .
وسيم : اعتذارك مرفوض هلق فكري بالموضوع وبعدها خبربني بس ياريت يطلع الجواب ايجابي .
كاترين : اوك ماشي بفكر .... وسيم اتصل على أوس وجيبه لهون وقلو يجيب أويس منتسلى سوا .
وسيم : مو ناوي اتأخر انا مو محرزة .
كاترين : بهون عليك تتركوني لحالي قاعدة ومافي حدا يسليني .
وسيم : هي كارولين وجود .
كاترين : جود بالنادي وكاارولين بغرفتها عم تشتغل عندها مرافعة .
وسيم : تكرمي كم كااترين عندي .
كاترين (بنفسها ):لنشوفك كيف لح ترفض يا أوس .
"وسيم اتصل على أوس وعم يحاكيه "
وسيم : أوس شو مالك جاية اعتذارك مرفوض تعا وجيب أويس وميلا .
أوس : أويس مسافر وانا عندي اجتماع بالمشفى مالح يمشي الحال اليوم بركدن غير يوم .
كاترين (بصراخ ) : اااه اااه ياوسيم .
أوس (باندفاع ) : وسيم شوفي شبها كاترين .
وسيم ركض لعندها : شبك كاترين شو صار معك .
كااترين : اااه كنت عم امشي وبالظاهر تحركت حركة غلط على رجلي وصارت توجعني اااااي .
أوس : انا مسافة طريق وبكون عندكن ... باي .
وسيم : اوك .
كاترين : شو قلك جاية .
وسيم : ايي .
كاترين : والاجتماع .
وسيم : لما سمعك عم تصرخي من الوجع ارتعب عليكي وقلي فورا جاية .
كاترين : اممم هيك لكن .
وسيم : بعلمي كنتي عم تصرخي من وجعك شو صار هلق .
كاترين : كله تمثيل كرمال جيبه لأوس لأن مابيجي غير هيك هاد .
وسيم : وليش هالقد متعطلة على جيته .
كاترين : مو متعطلة بس لان زعلان مني ومدري شو قصته .
وسيم : شووو بلاقي في تطور عم تاكلي هم زعله ....
الله يسمعنا الاخبار الطيبة بعد ماكنتي تكرهي تروحي عالمكان الموجود فيه .
كاترين : وسيم انت بتعرف كتير منيح قلبي لسا مع مين بس انا وكنان مستحيل نرجع سوا ومن جهة أوس مابعرف يمكن اتعودت عليه شوفه يقدملي الحب والحنية فما تحمل عقلي يشوفه قالب علي ومابدو يحاكيني ولا يشوفني .
وسيم : وليش بقا زعلان منك .
كاترين : سألني مين كان معي مبارح بالمشفى وكذبت عليه وقلتلو كارولين بس هو كان اوريدي بيعرف مين وعرفني كذابة .
وسيم : مين كان معك .
كاترين : كنان .
وسيم : وليش كذبتي عليه .
كاترين : مابعرف يمكن خفت يزعل مني يمكن لو كان من قبل ما سألت اذا زعل بس هلق صارت تفرق معي لأن أوس تغير ومعد فرجاني حركات المراهقين وتصرفات اللامسؤولة فصرت احسب الحساب .
وسيم : ويمكن تكوني معجبة فيه .
كاترين : الأصح قلبي عم يميل تجاه الحنية لأي حدا من صديق او حبيب او حتى قريب الحنية هي يلي بتحببك بالشخص وبتشدك اله .
وسيم : ووين محل حنية كنان من الاعراب .
كاترين : حنية كنان عايشة بثبات وبتطلع منه بتوقيت مابيزيد عن توقيت رفة العين وبترجع بتغرق بثباات اكبر واكبر واكبر .
وسيم : اذا كان بحبك فتأكدي انو هالثبات مالح يطول وآخرتو يصحى .
"شافو أوس جاية اتجاههن "
كاترين : ماشالله شو هالسرعة .
وسيم : بسبب كذبك عالزلمة مفكرك فيكي شي .
كاترين : ايي سكر عالموضوع هلق وصل بلا مايسمع .
أوس : مسا الخير .
كاترين ووسيم : مسا النور .
أوس : كاترين شو صار معك كيفها رجلك .
كاترين : مابعرف شلون مشيت وتفركشت وانلوت رجلي فصارت توجعني كتير .
(وسيم عم يطلع على كاترين وكاتم ضحكته عرفانها عم تكذب قرب أوس لعند كاترين وشفلها رجلها )
أوس : كاترين رجلك مضررة بدال ماتتحسن يبدو انكسرت .. شكلك لما لويتيها هالشي ضغط على المكان المصاب .
كاترين : شووو كييف مكسورة لا مو معقول مابصير .
أوس : وكيف يعني مو معقول كلشي وارد .
كاترين : شلون يعني بدها تنكسر وانا اصلا ماتفركشت عليها أوس اي كسر هاد عم تحكي عنو .
أوس : شفتي شفتي ياكاترين كيف اعترفتي بكذبك رجلك مافيها شي وعم تتحسن انا قلت هيك لزلقك هيك اكاذيب وحيل مابتمرق على دكتور ياحلوة .
كاترين : مالي عم اتحيل ولا كذب ... بس كمان لفرجيك كذبك انت كمان الصبح صار عندك عملية مفاجأة ومن شوي اجتماع بالمشفى سبحان الصدف .
وسيم : اوك ماشي تعادل وحدة بوحدة بلا خناق هلق انتو التنين .
أوس : تكرم وسيم كرمالك ااه صح الحمد الله على سلامتك .
وسيم : الله يسلمك .
كاترين : وينو أويس .
أوس : مسافر .
كاترين : انو وينو هالصبي منشوفو كل فترة مرة بخلينا نشتقلو وهو مسافر من مكان لمكان .
(أوس غار من اخوه كيف قالت كاترين مشتاقتله ) .
أوس : لاتواخذينا كان لازم كبر صورة لأويس وحطها جنبك عالكرسي حتى ماتشتاقيله وتحسيه معنا .
كاترين : الصورة مالها فائدة بوجودك هي انت بدالو .
أوس : اذا انا بدالو لكن شو بيفرق معك اذا كنت انا او هو .
كاترين : بيفرق انو هو أويس .
وسيم : كاترين هي أوس هون ووقت يجي أويس منقعد معه شي قعدة وبكون الكل مجتمع من جود وميلا وكارولين وشيفاي حتى .
كاترين : انشالله .
-----------------------------
كنان : وينك يارجل صرلي ساعة ناطرك.... طيارتك هبطت من زمان وانت ماكنت تبين .
إيلاف : حقك علي بس لوقت مامشيت الوراق .
كنان : والله ونورت اسطنبول باحلى مهندس ايطالي .
ايلاف : من بعدك كنان .
كنان : يلاا اكيد بتكون فارط جوع عالمطعم فورا .
ايلاف : اي والله بتكون عملت احسن شغلة بتعملها بحياتك .
كنان : اي امشي امشي بلا ماغير رأي .
"ركبو بالسيارة وماشين عالطريق باتجاه المطعم "
.................
كاترين قاعدة بالحديقة ومعها وسيم وأوس واجت كارولين قعدت معهم لما خلصت شغل .
كارولين : شكرا لكاتي يلي جمعتكن عنا .
وسيم : يلي بيسمعك مابقول انك غرقانة بالشغل وماعم تشوفينا .
أوس : انا من جهتي مابجي على مكان غير مرغوب بوجودي .
كاترين : سبحان اللذي خلقك انت .... مابتوفر وقت ماتعطي علي فيه .
وسيم : لا أوس هاد كان زمان نسيت مين جابك هلق .
أوس: اييه بالهبل والكذب .
كاترين : اوك ماشي الحق عليي انا .
" تركتهن كاترين قاعدين ومشيت "
وسيم : ياغبي شو عملت روح جيبها .
كارولين : عنجد اثبتلي بجدارة انك مابتعرف تتصرف ولا نتفة مع كاترين .
أوس : هي استفزتني ماقدرت اسكت .
وسيم : استفزتك قلتلي روح لحقها ولا تتصرف بغبا وتخرب الامور كعادتك .
كارولين : اهم شي ماتفرض رأيك عليها لان صدقني رح تعمل جهدها لتعاندك وتعمل العكس اختي وبعرفها .
أوس : ماشي ماشي حاج تعطوني نصائح بعرف اتصرف انا .
-----‐--‐--------‐-‐---
بالمطعم عند كنان وايلاف '-'
كنان : شو رأيك بالمأكولات البحرية .
إيلاف : ايي والله .
كنان : اوك ..
(طلب كنان العشا وكمل حديثه مع إيلاف )
كنان : شو يعني صفيت امورك بميلانو واستقريت عنا .
إيلاف : استقريت عندكن اي بس صفيت اموري هاد الشي يلي ماقدرت عليه ... يعني قد ما عشت هون بس ببقى متعود على جو ايطاليا وكرمال هيك لسا عندي شغل بايطاليا بس ح يكون من هون يعني برسم مشاريع وببعتلن ياها وانا هون .
كنان : كفوو عليك .. يلا شد حيلك بدك تشتغل معي كمان اهم شي تقدر تنسق بين الشغل هون وهنيك .
إيلاف : ماتعتل هم مو شغلة صعبة عليي .
كنان : تمام ..
إيلاف : شو اخبارك انت .
كنان : على حطة ايدك .
إيلاف : وكاترين كيفها .
كنان : كاترين منيحة بس رجلها لاء .
إيلاف : خير شبها .
كنان : حضرتها لما كنا بالجيم وقعت عليها الوزن .
إيلاف : اووف وين كان عقلها .
كنان : مع البنت يلي طلبت مساعدتي بالجيم وكانت بدها حجة لتوقف تدريب ما حست على حالها غير موقعة الاثقال على حالها .
إيلاف : ليش من ايمت بتدربو سوا .
كنان : كانت اول مرة وشكلها الأخيرة ... سيدي كلن كم يوم وبتلاقيها رجعت للجيم .
إيلاف : ماعم تفتح معها موضوع علاقتكن .
كنان : اي علاقة هي مافي علاقة ولا اي شي بيربطنا .
إيلاف : لكن ليش لهلق بتجتمعو سوا .
كنان : بدي علمها شو يعني ترتبط بغيري وهي معي ووقت لاقي قلبي ارتاح جهتها بقطع كلشي بيجمعنا .
إيلاف : شبك كنان مابعرفك هيك حقود ولا حتى بتحمل بقلبك على حدا خصوصا جنس حوا يعني بعمرك ما أذيت حدا .
" وصل الاكل وقطع حديثهن لوقت ما نصفت الاطباق عالطاولة ومشي الكرسون "
كنان : لما يكون هالحدا بخصني وبعتبرو من ممتلكاتي ويجي هالحدا يلعب معي بكون كأن لعب مع النار لأن انا اللعب معي مو قليل ويلي بدو يلعب مع القط بدو يلقى خرميشو .
إيلاف : بس تذكر انو هالبنت مابتستاهل .
كنان : لكن انا بستاهل تغدر فيني تركت قلبي بصندوق من حديد وقفلت عليه حتى ماحب حدا بس شاء القدر واجت هيه واخترقت درع حماية قلبي .. بدها تتسلى معي ويمرق الموضوع بهل البساطة ؟؟؟!! اكيد مو زابطة قبل ما اتسلى معها انا كمان ..
إيلاف : ايي لاتعصب علي تصطفل انت بتعرف مصلحتك بس انا كمان من واجبي صحيك لا تتصرف بهمجية كنان اذا انت ماتصرفت لهلق بهمجية انا عم نبهك لقدام لا تتصرف بلا وعي .
كنان : تماما بعرف مصلحتي وهلق خلينا نتهنا بالأكل بعتقد افضل من هالكلام .
إيلاف : متل مابدك بس تذكر كلامي كتير منيح .
________
كاترين بغرفتها واقفة عالبلكون بتسمع باب غرفتها عم يندق .
كاترين : تفضل .
(دخل أوس على غرفتها وشافها عالبلكون طلع لعندها ).
أوس : مين خبرك انو القعدة تحت حلوة من دونك ... ليش طلعتي على غرفتك .
كاترين : أوس رجاءً تركني لحالي .
أوس : وان ماتركتك .
كاترين : إن ماتركتني انا رح احمل حالي واطلع من الغرفة .
أوس : مافي سبب مقنع يخليكي تتركي الغرفة وتطلعي او حتى تتركي قعدتنا وتنسحبي على غرفتك ... الا اذا حابة تثبتيلي انو وجودي غير مرحب فيه .
كاترين : أوس انا معد فارقة معي شلون مابدك تحسبها احسبها انا تعبت تمام .. إن قلتلك تعا او ماقلت صار هاد الشي مابيعنيلي .
أوس : بس اذا مابيعنيلك هالشي بيعنيلي انا .. بيعنيلي اي حركة اي نظرة اي بسمة منك ولما بدي شوفك مو حابة وجودي انا اجباري بدي انسحب لان برأي ابقى ماشوفك لأشهر افضل بكتير من اني شوفك وانتِ مو طايقتيني .
كاترين : على فكرة انا مابكرهك للدرجة يلي راسمها بمخيلتك ولا حتى بعمري كرهتك صح كنت انفر منك بس لانك كنت تفرض حالك علي بطريقة مو طبيعية عقلي مايتحملها فاضطر كنت احكي واجرحك بالكلام أوس ثق تماما انو انا من شوي كان فيني احكي ورد عليك متل عادتي بس انا مابدي ازعجك او ازعلك من كلامي كرمال هيك كان افضل حل بالنسبة ئلي الانسحاب .
أوس : طيب ممكن هلق تنزلي معي نكمل السهرة وانا خلص مارح احكي شي يزعجك .
كاترين : اوك ماشي .
أوس : دخيل القنوع فورا .
(كاترين بتكتفي انها تبتسم لأوس وتخبي عيونها منه ) .
(السهرة كانت كلها اجواء مزح وضحك وماحدا زعل من حدا اجا جود كمان سهر معن ... من جهة تانية كان كنان وإيلاف سهرانين سوا عم يحكو ويرتبوا للشغل سوا ) .
___
تاني يوم الصبح ...
أويس : مليت على قد ماكان في رحلات هالفترة كل حدا فقدنا بلاقينا بالسما .
شيفاي : هاد قرارك وانت اخترته كان فينك تشتغل بدراستك بس هندسة طيران لا انت صرت بدك الهندسة والطيران تنين سوا .
أويس : ليش فكرك انت مو متلي .
شيفاي : بس انا عاجبني وضعي وهاد كان قرارنا سوا لما اخدناه .
أويس : سيدي هي هالفترة وبتمضى .
شيفاي : كيف وضعك مع اهلك .
أويس : تمام .
شيفاي : وأوس .
أويس : مافي منو .
شيفاي : يخليلك ياهم .
أويس : ويخليلك عيلتك .
شيفاي : هه اي عيلة هي كل ياتنا مفرقين .
أويس : قد ماكان المهم موجودين بحياتك .
شيفاي : اييه .... يلا يلا قوم نحضر حالنا للطيران .
أويس : اااووه صح اخدنا الوقت .
----‐‐--------------------
صحي كنان عمل دوش ولبس طقم رسمي وزبط حالو على ٢٤ قيراط واتجه لغرفة السفرة فطر مع العيلة و قبل ما يطلع .
كنان : دعولي اليوم مهم ومميز بحياتي .
لميس : شوفي ماما .
كنان : لأرجع بخبركن يلا انا رايح .
لميس : الله ييسرلك .
أُبي : ما تطول الغيبة علينا .
كنان : لا اطمن رح ابقى قاعد على قلبك .
" بعد ما طلع كنان من الفيلا "
أُبي : يلا بدكم شي وانا رايح عالشركة .
رأفت : أُبي وقت اوصل عالشركة تعا على مكتبي بدي ياك .
أُبي : حاضر يلا سلام .
____*_*..
اما كاترين فصحيت وفطرت مع اهلها واتصلت على رفقاتها يجو لعندها .
__*_*..
عند كنان ..
مشي بسيارتو ووقف جنب مبنى عالي وضخم .. اول ماوصل اجو الحراس واستلموا عنو السيارة ليصفوها بالباركينغ ... لما نزل من سيارتو ... كان مدخل المبنى من برا فيه سجادة حمرا وبوكيهات ورد على طرفين الطريق .. اول مادخل المبنى كان في مجموعة من الصبابا والشباب واتجه لناحه شخص ..
يتبع.....
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```