الفصل 19
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴9️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كاترين : مع اني كنت حابة لسا ابقى شوي .. بس يلا .
رجعت مع جود عالبيت تعشيت مع اهلي ودردشت معن بعدها طلعت على غرفتي وغرقت بأفكاري تذكرت أوس كيف ماحاولت ابعده عني بعد ماكنت اكره قربه مني او حتى اني اسمع بسيرته ..بس انا خايفة هاد الشي يكون ردة فعل مني لانسى كنان بقيت غرقانة بأفكاري لغفيت من غير ماحس "
" كنان رجع عالبيت سهر شوي عاللابتوب اشتغل بالمشروع يلي بين ايديه وبعدها نام "
"""""""""""""""""""
أويس وشيفاي رجعو من رحلتهن بالليل وراح أويس نام عند شيفاي وصحي على صوت الموبايل كانت امه عم تتصل ..
نور : وينك ياابني غليت قلبي عليك ..خبرتني راجع مبارح ومارجعت..
أويس : انا عند شيفاي نايم .
نور : بصير هيك ماتخبرنا قلبي متل النار عليك .
أويس : كان الوقت متأخر لما رجعنا وماحبيت احكيكي كرمال اذا نايمة ماصحيكي .
نور : حصل خير يلا تعا عالفطور وجيب معك شيفاي .. خبره اني مابقبل ولا عذر وهي عزيمة مني .
أويس : تكرم عينك بدك شي تاني .
نور : سلامتك ياقلبي .
سكر الخط أويس وطلع غسل وغير تيابو كان ملاقي شيفاي صحيان ...
شيفاي : شكلك عم تسترجع روتين ايام زمان .
أويس : هالبيت مو حلو بدوني .
شيفاي : يلا رجاع وخلينا نرجع ايام زمان ونسكن سوا .
أويس : شوفة عينك امي بعد مالقتني عم تخاف عليي اكتر من أوس حتى من خوفها ترجع تفقدني بعد هالسنين .
شيفاي : مو بأيدك تلومها بالنهاية الحق معها .
أويس : ااه صحيح خبرتني اجي عالفطور وجيبك معي .
شيفاي : بدك تسمحلي بلاها روحتي بف..
أويس(مقاطع شيفاي ) : وقال مابدها اي عذر منك ولازم تكون معي .
شيفاي : اذا هيك مابقيلي كلام .
أويس : يلاا قوم انتتر وغير لبسك لنمشي .
"""""""""""""""""""
"كاترين صحيت وشربت النسكافيه ومشيت للشركة وهي بمكتبها بتفوت لعندها صبية من عمرها "
كاترين : تفضل .
الصبية : مرحبا .
كاترين : هلا مين حضرتك .
الصبية : انا زميلتك هون بالشغل اسمي نيسان ... حبيت اتعرف عليكي و مبارح كونه اول يوم لألك ماحبينا انا وباقي الموظفين نزعجك واي سؤال بخصوص الشغل انا جاهزة ساعدك فيه .
كاترين : ماألطفك فعلا انا عندي كم سؤال بخصوص طبيعة الشغل تفضلي اقعدي نشرب شي ... شو بتحبي تشربي .
نيسان : قهوة سادة .
كاترين : تكرمي .
"""""""""""""""""""
بالمطار كنان عم يودع ايلاف .
كنان : رح اشتقلك ياصاحبي .
ايلاف : شكلي مو مطول هالمرة ومالح خليك تلحق تشتقلي .
كنان : يازلمة فورا صدقت اذا بدك غيب عشر سنين ماعندي مشكلة .
ايلاف : ماأغلظ هضامتك يلي بتستعملها بالاوقات الغلط .
كنان : هلق الله معك صار النداء الاخير للطيارة .
ايلاف : يلا سلام ..
"""""""""""""""""""""""
كاترين مستندة على مكتبها ومقابيلها نيسان .
كاترين : اديش صرلك بتشتغلي هون .
نيسان : صرلي سنة وكتير مرتاحة بالشغل .
كاترين : متل مافهمت من كلامك انتِ مهندسة مدنية مو .
نيسان : اي صح وانتِ معمارية .
كاترين : اي .
نيسان : بصراحة انا بعرفك من قبل ماتجي لهون .
كاترين : بتعرفييني ؟؟!! كيف !!!.
نيسان : ولو عيلتك معروفة ماشالله عدا انو حفلة التخرج يلي عملتيها من فترة مافي حدا ماعرف فيها التغطية الاعلامية يلي كانت موجودة كافية .. وحتى شفت صورك بعرض الازياء اللي عملتيه ... واول ماعرفت انك جيتي تشتغلي هون كتير حبيت اتعرف عليكي .
كاترين : وانتِ واضح عليكي حبابة وبتدخلي القلب فورا .
نيسان : شكرا اذا بتحبي تسأليني عن شي جاهزة انا .
( كاترين تعرفت على نيسان وحبتها كتير وكانت نيسان اول حدا بتتعرف عليه كاترين من الشغل )
" نيسان بنت متوسطة الطول بيضة عيونها شهل ميالين للاخضر وشعرها بني "
""""""""""""""""""
"جود وصل للمكتب "
حلا (السكرتيرة ) : صباح الخير استاذ جود .
جود : صباح النور جيبيلي جدول اليوم .
(بعد ماقلها عالجدول فورا دخل على مكتبه قبل ماترد عليه حتى ) .
جمعت حلا كلشي ملفات لازم يشوفها ورتبت الجدول .
""""""""""""
أويس وصل عالبيت ومعه شيفاي سلموا على أهله وقعدو...كانت نازلة ميلا من غرفتها ومتجهة للمطبخ .
ميلا : صبااااحو .
أويس : صباحو .
ميلا : جهز الاكل .
أويس : السفرة ناقصة انتِ يلا عطاولة السفرة .
مشيت ميلا على غرفة السفرة .
ميلا : صباااا..ح..و.
(ميلا تفاجأت بوجود أوس وشيفاي سوا وهي لما انتبهت على شيفاي فكرت يلي معه أويس مو أوس )
(التفت عليها الكل وردو )
نور : صباحو ماما شبكي ماعم يطلع معك الكلام .
ميلا : أويس انت هون ايمت وصلت ماشفتك .
"أويس بكون وراها و بينقر على كتفها "
أويس : لا انا هوون .
ميلا : بس كييف .
أوس : ياهبلة انا أوس مو أويس .
أويس : الحق معك تخربطي هالمرة لان شفتي أوس مع شيفاي فكرتيني انا بس لحظة شوي ...وقت حاكيتيني بالمطبخ كنتي مفكرتيني أوس .
ميلا : شو اعمل اذا انتو بتشبهو بعض الحق مو علي .
شيفاي : أويس رجاع واسكن معي بركي معد بتخربط فيك اختك .
تيم : بابا شبكي معقول ماعم تفرقي بينن اذا انتِ اختهم وهيك مو عتب عالغريب اذا هيك.
أوس : عنجد هي شيفاي بفرق بينا وانتِ لاء .
(ميلا حست بالخجل من موقفها وهووب كانت واقفة صارت بالارض مغمى عليها من توترها بس أويس لحقها وهداها قبل ماتصير بالارض ركض عليها الكل وصحوها ).
أويس : أوس كيف نبضها .
أوس : نبضها تمام بكون نزل ضغطها فجأة .
تيم : هيك عم تخوفينا عليكي يابابا.
ميلا : اسفة بابا مو بأيدي .
أويس : شو القصة ميلا هي تاني مرة بتصير معك هالقصة .
نور : ياأمي شو هالعادة يلي فيكي كل فترة بتعمليها فينا .
ميلا : سوري ماما خبرتكن مو بقصدي .. تفضلو عالفطور وهلق برجعلكن .
الكل رجع ياخد مطرحه بالسفرة ..
"""""""""""""""
جود بالمكتب بتدخل لعنده حلا .
حلا : استاذ هدول الملفات بيلزمهم توقيعك .
جود : غيرو شوفي .
حلا : و هاد جدول مواعيدك لليوم .
جود : هاتي لشوف .
بعد مادقق بالقائمة يلي بين ايديه ....
جود : شوو هااد مين قلك تحطيلي اجتماع عال 5:30 .
حلا : مافي عندك غير هالوقت لان عال 1 في اجتماع وعال 4 في غداء عمل وغير هيك اذا ماصار الاجتماع اليوم بينسحب الطرف التاني لان موعد طيارتهم عال 8 وكتيير تعذبت حتى قدرت رتب معن موعد قبل مايسافرو و ت....
جود (مقاطعاً): خلص خلص بكفي لعيتيلي قلبي روحي لشغلك .
حلا : حاضر.
جود كيف بدي روح عالنادي كرمال كاترين اووف من هالقصة ...
""""""""""
ببيت نور بعد مافطرو كان أويس قاعد مع شيفاي ومعهم أوس وميلا بزاوية الصالون عم تكبس بموبايلها .
أوس : ميلا تعي اقعدي معنا وشيلي الموبايل .
ميلا : معلش اخي انا هيك مرتاحة .
أويس : ميلاااا .
ميلا : شو .
أويس : بليز جيبيلي معك كاسة مي لما تجي .
ميلا : حاضر .
جابت ميلا الكاسة واجت قعدت معن .
ميلا : أويس ايمت مسافر .
أويس : ليش .
ميلا : ولاشي سؤال .
أويس : بكرى .
أوس : هيك حياتك مقضيها بالجو انت .
أويس : احلى رواق والله مو هيك شيفاي .
شيفاي : طبعاا ....بس هالمرة سفرتنا مطولة شوي متذكر مو .
ميلا : مطوليين اديش يعني .
أويس : يعني بالعادة يوم يومين ومنرجع هالمرة اكتر شوي .
ميلا : من هلق قلبي مع مرت اخي المستقبلية .
أوس : اي وحدة منن .
ميلا : بتعرف شو التنتين .
شيفاي : ليش بقا.
ميلا : واحد منن مقضي حياتو بالمشافي والتاني مقضي حياتو بالطيارة .
نور سمعت كلامهن وردت على ميلا : يوم يلي بيرتبطو بتكون امها داعيتلا يلي بدها ترتبط فيهن طبعا هالحكي بيشمل شيفاي يعني وين بدها تلاقي من هيك شبوبية وجمال وعلم ييي تؤبشو قلبي ماأحلاكن .
ميلا : الله الله عالدلال ومابدك تحسدي صهرك على هيك جوهرة اخدها .
نور : يوم يلي بياخدك بكون يوم المنى .
بيضحك الكل ..
ميلا : الله يسامحك بس ...انا قايمة روح شكلو هون مالي مهمة رايحة على مكان كون الي قيمة فيه يلا سلام .
أوس : وين رايحة تعي يامجنونة .
ميلا : برجع المسا بتعرف مالي غنا عن بيتي .
أويس : ماتطولي حبيبتي البيت ماحلو من دون الضجة يلي بتعمليه فيه .
ميلا : باااي .
أوس : وانا رايح عالعيادة بدكن شي .
الكل : الله معك .
أويس : شيفاي تعا نطلع على غرفتي .
شيفاي : يلا.
"""""""""""""""""""""""""""
مضى الوقت بسرعة وطلعت كاترين من الشركة واتجهت لبيتها كرمال تغير وتروح عالجيم .
كارولين : كاترين هلق جيتي وين رايحة .
كاترين : مو واضح عليكي اني عم طلع تياب الجيم .
كارولين : غريب اهتمامك المفاجئ بالجيم .
كاترين : من زمان حاطة براسي هالفكرة بس كنت عم ادرس وهلق ماعندي شي يوقفني .
كارولين : اممم .
كاترين : خلصتي تحقيقاتك اذا خلصتي طلعي من الغرفة وخلصيني بدي البس .
كارولين : عندك غرفة تياب بعتقد ماتحطيني حجة لتقلعيني .
كاترين : وبعتقد انتِ متطفلة علي ولاحقتيني على غرفة التياب يلا بليز طلعي من هون بسببك لح اتأخر .
كارولين : ماااشي بس ماخلصنا حكي .
كاترين : اييي ماخلصنا بس طلعي .
اخدت بنطلون الرياضة وصدارتي البضي وجاكيت البيجاما خليته مفتوح وحملت موبايلي ومشيت للجيم لما وصلت كان جود مو موصل وحتى كنان ماشفته مشيت لمكتب جود وقعدت فيه نطرت شوي بس بعتلي مسج خبرني انو عندو اجتماع ضروري واليوم مالح يقدر يجي عالجيم .. طلعت ورحت عند كوتش وقلتلو يدربني اليوم ...بلشت تدريب وكان جاية اتجاهي كنان .
كنان : شو الأخبار وين جود .
كاترين : جود مو جاية .
كنان (طبطب على كتف الكوتش ) : اوك شكرا الك كوتش انا بستلم عنك .
مشي الكوتش من غير مايعترض او يقول لاء ...
كاترين : شو بدك تستلم عنو يا استاذ .
كنان : رغم اني مخبرك الف مرة ماتقوليلي استاذ بس بترجعي وبتحكيها المهم هاد مو موضوعنا اليوم ..اليوم انا الكوتش كنان يا آنسة .
كاترين : كوتش على حالك مو علي انا عندي كوتش .
كنان : الكوتش تبعيتك هو جود واذا مو جود انا وبس .. ماعندك خيار تالت حتى مو مسمحلك تفكري مجرد تفكير بغيرنا .
كاترين : ماحزرت .
فتلت امشي وروح عند الكوتش كان كنان ساحبني لعندو وعم يحكي بعصبية كيف فجأة بيقدر يقلب من الرواق للعصبية ....لغة التهديد كانت واضحة بعيونه .
كنان : نعاام نعاام شو حكيتي انتبهي على كلاامك كتير منييح .
كاترين : ماقلت شي رايحة لعند الكوتش .
(كنان بشد كاترين من زندها يرجعها لعندو وبشد بايده على زندها لدرجة حست باضافره انغرزو بايدها ... كان متقصد يوجعها بس مو لهل الدرجة ... بيحكي وهو ضاغط على سنانه ).
كنان : تدريبك ح يكون معي ووقت تفكري تطولي تيشرت شوي منبقى منفكر نحنا اذا يكون عندك كوتش ويا منرفض يا منرفض .
كاترين : اااااه شيل ايدك خلص مالح روح لعنده .
كنان : تمام بلشتي تفهمي علي ...وهلق عندك تمرين ضغط يلا .
..............
أوس رجع من العيادة وطلع على غرفته كان قاعد وندق عليه الباب ..
أوس : مين .
أويس : انا أويس .
أوس : تفضل .
أويس : ليش مانزلت عالعشا .
أوس : مالي جوعان وعم ارتاح شوي .
( كان جاية وجايب معه عصير وعطا أوس واحد والتاني ئلو )
أوس : شو راح شيفاي .
أويس : من زماان .
هدوء لدقيقتين ...
أويس : لاحظت انو من اول ماشفنا بعض ماقعدنا سوا ولا مرة وكل مرة نكون مع العيلة .
أوس : اي صح .
أويس : لازم نشكر كاترين ووسيم يلي بفضلن قدرنا نلاقي بعض .
أوس : اااه صح كيف صارت القصة بالضبط مافمتهتا منيح انا .
أويس : كانت عندي سفرة عادية متل اي سفرة وكنا بالطيارة ومتجهين لمطار معين فا....
...........................
كاترين : ايمت منخلص .
كنان : لسا مابلشنا ... يلا طلعي على تريد ميل ( جهازالمشي) هاد .
كاترين : كنااان .
كنان : اسمي الكوتش كنان .
كاترين : هه مصدق حالك .
كنان : مو اكتر منك يلا امشي ومن غير حكي .
كاترين : شو علقني معك اليوم .
كنان : من سوء حظك ... كيف عم تقضي نهارك اذا ماعندك شي بنهار تعي عالجيم الصبح مو هلق كرمال ماتعلقي معي .
كاترين : عم اشتغل مالي قاعدة بلا ولا شي .
(هي وعم تحكي بسرعلها كنان التريد ميل من غير ماتنتبه ) .
كنان : وشو عم تشتغلي .
كاترين : بشهادتي بشو يعني .
كنان : يلا حظك سيء وبدك تشوفيني كل ماتجي شو بدك تعملي امرك لا الله .
كاترين : كناان شو عملت للتريد ميل ليش هيك سريع ماعم لحق .
كنان : هيك افضل لحرق الدهون اسرع .
كاترين : عاااا نزلني حباااب .
كنان : بكل بساطة في هي كبسة بتكبسيها وبوقف الجهاز يلا نزلي .
كاترين : يلا عطلتك انا روح اتفرغ لحالك وادرب .
كنان : تسؤ تسؤ مافيني عندي ياكي اليوم يلا اليوم فري الي .
كاترين : انت فري اليوم وانا بمووت منك لانك مابترحم .
كنان : الموت بسبيلي احسن من الموت بسبيل غيري يلا هلق بدك تستلقي متل تمرين الضغط بس بدك تسندي ايديكي عالارض ونشوف اديش قدرتك عالتحمل بهالوضعية .
كاترين : عندك اتعب من هيك .
كنان : هاد منيح يلا .
كاترين عملت متل ماقلها كنان وهي عم تشتم حظها بقلبها ..
(كنان قرب على كاترين ومسكها من عند ظهرها وبطنها وزبطلها وضعيتهن لان كانت غلط )
كاترين : بعد عني .
كنان : رافعة قسمك الاسفل وهيك كأنك ماعملتي التمرين لازم يكون كل جسمك بنفس المستوى ومايكون طرف اعلى من طرف .
كاترين : هييك اصعب .
كنان : قصدك هييك الصح .
...............
أويس : وهي كل القصة .
أوس : شو هالصدفة الغريبة يلي جمعتكن .
أويس : اي والله صدفة جمعتني بعيلتي .
أوس : عيلتك يلي ربيت عندها وينن هلق .
أويس : بحاكيهن كل فترة انا كنت بمثابة الابن الوحيد فينك تقول عطوني كل الدلال لان ماعندهن ولاد هنن متعودين على غيابي من وقت مابلشت دراسة بالجامعة افترقت عنهن وعشت مع شيفاي .
أوس : ليش وين اهله لشيفاي حتى سكنتو سوا .
أويس : اهله منفصلين وكنا سوا من ايام المدرسة انا وهو .. شيفاي كان بمثابة الاخ مو الصديق .
أوس : ودرستو نفس الفرع واشتغلتو سوا .
أويس : بالضبط .
أوس : واهلك بقصد اهلك يلي ربوك عرفوا انك لقيت اهلك الحقيقين .
أويس : لا لسا هنن متعلقين فيني وبدي حاول خبرهن لما شوفن مو عالموبايل .
أوس : اي افضل اذا هيك لاتحاول تبعد عنهن بعد مايعرفو كرمال مايفكروك تغيرت لما لقيت اهلك .
أويس : لا اكيد انا فضلن مابنساه وهنن صح لقوني بعمر صغير وطبعا بهالعمر سهل علي انسى حقيقتي بس هنن مانكروا انو عندي اهل غيرن وبنفس الوقت وصلولي هالفكرة بحيث ما اكره اهلي يلي ضيعتن او آخد عنن فكرة سيئة مثلا فكر انهن تركوني او تخلو عني ومع هيك ماقصروا علي بشي وحسسوني كأني جد ابنهن .
أوس : اي الحمد الله يلي كانو مناح معك .
أويس : اي والله ...يوم حفلة كاترين شفتك مو رايق .
أوس : لا عادي مافيني شي .
أويس : بس يلي بشوفك مابقول هيك .
أوس : لكن !!
أويس : يعني بصراحة حسيتك بتحبها لكاترين والغيرة كانت عم تاكلك بالحفلة .
أوس (وهو عم يضحك ) : لاتحس اتأكد ...بس وين الشي الغريب .
أويس : مافي شي غريب بالقصة اصلا انا لاحظت نظراتك لكاترين وحبك الها من اول مرة شفتك فيها .
أوس : اووف من اول ماشفتني هالقد واضح علي هالشي .. بس شو الفايدة اذا كانت مابتحبني .
أويس : مااابتحبك ؟؟!!.
أوس : قد ماحبتني مالح تحبني قد ماحبيتها ... بكل الاحوال هي بتعرف اني بحبها وتقريبا الكل بيعرف وايمت مابدها قلبي مفتوح ئلها بأي وقت بتحب .
أويس : كاترين بنت فهمانة واكيد مع الوقت رح تعرف تختار صح ..
أوس : اكيد .
أويس : انا رايح على غرفتي ريح ونام لان عندي سفر ولازم كون مرتاح .
أوس : اوك ماشي جيتك لعندي وحديثك معي الهم مكانة كبيرة بقلبي شكرا .
أويس : شو عم تقول ولوو نحنا اخوات عيب هالحكي .
أوس بابتسامة : ماكنت بعرف انو الاخ سبب كبير بشعور الراحة والأمان بتصدق بتحس في عندك سند تتكي عليه .
أويس : انا دائما معك ورح كون مكانك يلي بتهرب عليه لتفضفض فيه اسرارك وكلشي واجعك بالنهاية فيك تعتبرني مرايتك مو انا توأمك ويلي بتحكيلي ياه كأنك بتحكيه لحالك مستحيل يطلع لمكان دون علمك .
أوس : وانا كمان ح كون مرايتك وملجأ اسرارك .
أويس : اكيد هالشي بفرحني .. يلا تصبح على خير كان بنفسي ابقى كمان بس بتعرف سفر .
أوس : ولا يهمك الله معك .
.....................
كاترين تعبت وقعدت بالارض عم ترتاح ...
كنان : ماخلصتي دلال .
كاترين : اي دلال حرام عليك يلي عملتو فيني .
كنان : يلا قومي وخدي هاد الوزن مني .
كاترين : اوامر اوامر .
( قربت منهم صبية طويلة بيضة وشعرها اسود قصير )
الصبية : هااي كنان بدي منك مساعدة شوي .
كنان : تكرمي .. كاترين كملي تدريب لوقت ما اجي .
(كاترين بقلبها لاا والله قلبك كبير وبتحب تساعد )
كاترين : نو مابدي لح وقف تعبت .
كنان : لا تعاندي ..نفذي ثم اعترضي .
(كاترين تجاكرت من كنان ولحشت الوزن من ايدها يلي كان عاطيها ياه بس وقع على رجلها وعيطت من الوجع ).
كاترين : ااااي رجلي .
التفت عليها كنان ورجع لعندها بسرعة .
كنان: شووو صار معك .
كاترين ( عم تبكي ): وقعت على رجليي .
كنان : انتِ مجنونة كيف وقعتيها على رجلك .
كاترين : اااه مو وقت تخانقني خدني على مكتب جود .
كنان ساعد كاترين واخدها على المكتب وجبلها تلج يحطلها مكان الاصابة .
كاترين: عم توجعنيي شوي شوي .
كنان: كنتي فكري شو حيصير فيكي قبل ماترميه عليكي .
كاترين : انا ماقلتلو تعا وقاع ع رجلي .
كنان : رجلك مرضوضة حاج تنقي .
كاترين : كلو منكك بكرهك ... روح و تركني بحالي .
كنان : اوك خليكي عم تندبي لحالك وانا طالع ساعد هدليك البنت يلي بفضلك ماساعدتها .
"فتل كنان ومشي باتجاه الباب ليطلع بس كاترين اتذكرت هدليك البنت ودلعها على كنان ومستحيل تخليه يطلع لعندها "
كاترين (بصوت عالي ) : ااااااخ مو قدرانة اتحمل ... كنااان ..
"كنان مارد عليها ومشي "
كاترين : هييه انت يا استاااذ يا سيد .
كنان : في تلوث سمعي بالمكان وسببه صوتك المزعج حاجتك دلال .
كاترين بعيون بريئة : طب موجوعة بليز تعاا ولا تروح لبرا خليك عندي .
كنان : شو قصتك اليوم تعا ولا تجي مو قدران افهم عليكي .
كاترين : بدال ماتجي تقعد جنبي مو على اساس انت الكوتش اليوم هيك بتستغني عن يلي بيدربو عندك من اول شغلة بتصير معن بترميهن .
كنان قرب اتجاهها : وهي اجيت شوفي لسا .
كاترين : انت قاسي ومتكبر على فكرة اناني وشايف حالك .
كنان : كاترين لا تستنفذي صبري عم حاول كون هادي لأبعد حد حتى ما اعمل شي اندم عليه .
كاترين : شو بدك تعمل مثلاا ؟؟!.
كنان : لأجل اصابتك لح اتركك وما اتصرف معك .
" تركها وفتل ومشي بالمكتب عم يتجاهلها و يحاول ما يعصب ويكون هادي لان هي جننتو مرة بتكون هادية ومافي منها ومرة بتكون عصبية وبس بدها تخانق وتعيط عليه "
كاترين : عااا ياربي بدي ابكي .
كنان : ماعم افهم شو عم يصير معك ليش بدك تبكي .
كاترين : مابعرف .. مابعرف ليش بس في شي جواتي عم يقلي انتِ لازم تبكي من غير سبب .
كنان : هرموناتك عم يتلخبطو يتخانقو وعاملين حرب عالمية تالتة جواتك لاتخليهم يأثرو عليكي ويكونوا سبب بتعاستي اليوم .
كاترين : طب لح اسكت بس رجلي لسا بتوجعني على فكرة .
كنان : طبعا لح توجعك ما انتي وقعتي عليها وزن كان كسرها الا شوي منيح اجت هيك ...جود مو جاي مثلا .
كاترين : لاء ال اليوم مالح يقدر يجي .. شكلك مليت مني .
كنان : الزن يلي عم تزنيه علي بخلوني اتراجع عن اي فكرة اخدها بهل الحياة بس بالمقابل ارتاح من زنّك .
كاترين : نيال المظلوم عند ربه بريء .
كنان : كاترين شوو هااد ؟؟!! .
كاترين : شووفي .
كنان : مالك حاسة في شي غلط بالروج عندك .
كاترين : مافيه شي ومالح اتأثر بكلامك طلعت من البيت ما أحلاني وما شربت شي يخربه .
كنان : ممممم ونسيتي تقولي انك ماشفتي حبيب القلب كرمال هيك لسا ماخربتيه .
كاترين :ااه صح ضيف عليهن كمان هي بس ياريتني شفته وماشفتك كان لازم روح وكون معه هلق بس ويني قاعدة هون وضامة رجلي يلي مافيني امشي عليها وانت قاعد جنبي عم تشمت فيني بكل ل..
كنان (مقاطع كاترين ) : خلص خلص ماشي هسس .
كاترين : يابحكي يا ببكي لهيك خليني احكي احسن من..
(قرب منها كنان وطبع على شفافها بوسة كانت كفيلة انها تسكتها وتشل حركتها خلال لحظاات كان مبعد عنها ).
كنان : اللون الفاقع يلي كنتي حاطتيه هو الشي الغلط يلي صرلي ساعة بتحزر شو هو .. وهيك بكون خففت شوي من درجة اللون وصار افضل من قبل .
كاترين ساكتة تشوف فيه وكاتمة ضحكتها .
كنان : ليش عم تخفي ضحكة بوجهك ماتكوني حبيتي قربي منك .
كاترين (عم تضحك ) : لا ماحزرت بس انت طبعت اللون يلي عندي وصار عندك شكلك بضحك .
كنان : مو صعب اني امسحه .
كاترين : اوبس بس المحارم خالصة من عند جود شو بدك تعمل بحالك .. ماحلوة بحقك شب متلك يكون حاطط روج .
كنان بنظرة مافهمتها كاترين : بس انا عندي الحل دائما كلشي الو خطة بديلة .
كاترين : امممم هات لشوف فرجيني شطارتك .
(قرب عليها كنان ومسح شفافه بخدود كاترين مع بوسات خفيفة حتى يضمن انهم انمسحو .. كاترين انصدمت من تصرفه وبقيت تطلع بالفضاء حتى ماتضعف قدام عيونو وهو رجع مسحلها خدودها بايديه حتى يدمج اللون يلي طبعلها ياه )
كنان : خدمة دمج اللون حتى ماحدا يعرف انك كنتي بموعد غرامي خدمة حصرية بس لألك من شركتنا ..
كاترين : بالناقص من هيك خدمة كمان .
كنان : مو من عوايد شركتنا تطفيش العملاء كرمال هيك ح نحتفظ بحق الرد .
كاترين : عملاااء ؟! كم زبونة كان في غيري ليش .
كنان : هووهووو شركتنا مافي منها بالجاذبية والخدمة واكرام الضيف .
كاترين : كل لحظة عم تمرق عم تثبتلي اديشك حدا اتعدى مراحل الخيانة بأشواط وصار يعطي دروس فيها .
كنان : الااا الخيااانة هي الوحيدة يلي مابحقلك تحكي عنها لأنك بتاخدي المرتبة الاولى فيها بجدارة .
كاترين : اوكك طريقي معك مسدود ومالي نفس جادلك بس عميل معروف ووصلني لبيتي لان مابقدر سوق سيارتي .
كنان : تسؤ تسؤ تسؤ وجعني قلبي عليكي كيف مارح تقدري تداومي بكرى اذا بدك خبريني مين مديرك كرمال اخدلك اذن منه .
كاترين : ميرسي مو عبالي اتقلع من شغلي يلي ماصرلي شهر فيه بسببك .
كنان : خسارة كنت حابب ساعدك يلا تفضلي لحقيني لنروح للسيارة .
كاترين بتأشر على رجلها : وهي شو مشانها مابقدر امشي .
كنان : ماشي ح ساعدك لتمشي .
كنان ساعد كاترين لتمشي بس هي كانت موجوعة وموقدرانة تمشي عليها منيح .
كنان : استعجلي شوي .
كاترين : موو قدرانة .
(حملها كنان بين ايديه ومشي فيها وهي دفنت راسها بصدره) .
كنان : كاترين بعتقد بكفي حركات مراهقين يعني اول الشي استفزيتيني لبوسك وهلق ماعم تقدري تمشي لأحملك .
كاترين : لوو بأيدي الطريق يلي بعرفك موجود فيه لغيره شو خصني اذا انت بتطلع بوجهي بكل مكان وبتعمل حركات ذكورية لما تشوفني .
كنان : انتِ قلتيها انا ذكر ومافيني كل مرة اتحكم وسيطر على مشاعري ورغبتي كرمال هيك بتمنى ماتقربي علي مرة تانية يا آنسة .
"حملها وطلع فيها من النادي والكل صار يطلع عليهن
مستغربين فتح السيارة وحطها على الكرسي يلي بجنبه "
كنان : ليش مارجعتي للبارفيوم القديم تبعك ريحتك لسا متغيرة .
كاترين : هاد عاجبني كتير عندك مانع .
كنان : لاا ماعندي بالعكس هاد عم يحكيلي تعا استنشق ريحتي كل مرة .
"كاترين قلبت وجهها على بلور السيارة مو عاجبها كيف كنان عم يحاول يستفذها وهي عرفت قصده كتير منيح فقررت تتجاهله حملت موبايلها واتصلت بكارولين و..."
يتبع.......
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```