الفصل 18
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴8️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
(سكر كنان الخط وابتسم على جنب وهو عم يفكر بالشي يلي متفق فيه مع هالشخص... بعد ماحاكاه عمل شاور ولبس بنطلون جينز غامق وتيشرت ابيض وشوز عسلي اتجه للمكتب وهو فايت حكى للسكرتيرة تنظمله مواعيده ومابدو اي غلط وهو عم يشتغل بالمكتب بيجيه اتصال) .
كنان : شكلك شايفني بمنامك .
ايلاف : ياصباااح الزفت .
كنان : ازفت من هيك مافي .
ايلاف : وينك يازلمة غاطط .
كنان : انا ولا انت يلي قررت تصير مرضي وتبقى بحضن العيلة .
ايلاف : هوهووه علينا كلو يوم يلي حبيت اقعد فيه مع اهلي .
كنان : اوك متل مابدك مو عبالي ناقش حدا راسي طنجرة ضغط بدها نتفة وبتفرقع .
ايلاف : له له خير مين زعل محور الكون .
كنان : ايلاف مو ناقص زناختك اذا مابدك شي لسكر مو فاضي لعلاكك الفاضي .
ايلااف : مممم قررت قرار انا .
كنان : وخير انشالله شو هالقرار العظيم يلي متصلي كرماله عند الصبح .
ايلاف : لاااع هلق عصفير بطني عم تزقزق لناكل بخبرك .
كنان : لناااكل ؟؟!!!.
ايلاف : اي ناااكل بتحب اجي اشحطك من مكتبك ولا اجي لعندك نفطر بالمكتب .
كنان : ومين قلك اني بدي افطر معك بركي كنت فطران .
ايلاف : اولا انت مو فطران بعرفك جردون شغل وتانيا حتى لو فطران بترجع بتفطر معي ومن غير نقاش انا جاية اشحطك معي عالمطعم تشااو .
كنان : جردووون الله يعزك 🙂..
بيحكي كنان بينه وبين حاله : ياربي شو هالبهايم يلي بتطلع بوجهي لاشتغل شوي قبل مايشرف بدر الدجا .
............................
كاترين فاقت وعم تفرك بعيونها بعدين اتذكرت شي مهم انتفضت من تختها واتجهت عالحمام عملت شاور وبعدها لبست افرول بنطلونه عريض ولونه نيلي وفوقه جاكيت نيلي لتحت الخصر بشوي وسشورت شعرها وحطت ميكب عالخفيف وحملت شنطتها البيضا ولبست سكربينتها البيضا واتجهت لتحت .
كاترين : مامي بدك شي .
لميا : لوين ياقلبي ماأكلتي .
كاترين : ماما بفطر مع رفقاتي .
لميا : شربتي النسكافيه ياقلبي .
كاترين : ايي ماما ليش فيني كمل يومي من غير النسكافيه انا ... ماما خبري امينة لما بدهن يرتبولي غرفتي الكادويات يحطولي ياهن بغرفة التياب .
لميا : تكرمي ياقلبي هلق بخبرن .
كاترين : يلا سلام مامي .
لميا : مع السلامة ياقلبي .
اتجهت كاترين للباركينغ وركبت سيارتها ومشيت عم تتبع الأبليكيشن لوصلها لجنب شركة كبيرة وفخمة ..
عطت مفاتيح سيارتها للحراس ليصفوها وفاتت عالشركة وقلبها عم يدق خايفة من المجهول وهي موجودة بهيك مكان كبيير ولحالها الف فكرة عم تاخدها وتجيبها وافكارها ملخبطة وصلت للريسبشن .
كاترين : يعطيكي العافية مكتب المدير اذا بتريدي .
الموظفة : ياهلا مين خبره.
كاترين : كاترين القاتي .
الموظفة : تمام استريحي لخبره .
"بتتصل الموظفة عالمدير وبتخبره بوجود كاترين بخبرها تطالعها لعندو فورا " .
الموظفة : تفضلي معي آنسة كاترين .
كاترين : اوك .
" اخدتها للاصانسير وركبتها فيه حتى الاصانسير كان فخم كان من البلور وكلشي مرئي بالنسبة الها وبتقدر تشوف كلشي حواليها و كل قسم بالشركة .. وصلو للطابق الموجود فيه المدير كان هالطابق مخصص للموظفين يلي رتبتن منيحة بالشركة وفي جناح خاص ومنعزل عن الشركة بخص المدير وصلت لعند مكتب السكرتيرة مابقل فخامة وتقل عن باقي الشركة وصارت تقول لنفسها كاترين اذا مكتب السكرتيرة هيك كيف المدير ياربي انا خايفة اندم لأني جيت بس لازم اعرف ميين .... صحيت على صوت السكرتيرة وهي عم تقلها تفضلي المدير بانتظارك التفت حواليها مالقت موظفة الريسبشن " .
كاترين : هاا ...اي .
" مشيت بخطوات تقيلة وثابتة وفتحت الباب وهي ايديها عم يرجفوا كان فاتل الكرسي للحيط وواقف جنب الحيط عم يتأمل من البلور الاطلالة تبع المكتب.. كل ماتقرب خطوة تاخد نظرة سريعة على هالمكتب العصري والمودرن.. بيحكيها من غير مايلتفت " .
المدير : اتفضلي استريحي عندك آنسة كاترين .
كاترين : ....
"بيفتل لعندها بتلاقيه شب وعندو جاذب وكاريزما وهيبة فارض شخصيته حست وجهه مألوف عليها ومو غريب " .
(بمد ايده ليسلم عليها )
المدير : انا اسمي المهندس عامر تشرفت بمعرفتك آنسة كاترين .
كاترين (بتمد ايدها وبتبادله السلام ) : وانا الي الشرف اتعرف على حضرتك ...
(بيقعد مواجهها وبيحكي ) .
عامر : شو بتحبي تشربي .
كاترين : ولا شي يسلم ايديك .
عامر : لا مابصير ح اطلبلك كابتشينو .
كاترين : اوك متل مابدك .
عامر وصى عامل البوفيه ورجع قعد مواجه كاترين .
عامر : اكيد انتبهتي انو شركتنا من الديزاين تبعها بدل على التميز والابداع بمجال شغلنا و اي عميل بدو يجي لعنا بياخد الانطباع الاول من ديزاين الشركة كيف متعوب عليه ... اكيد هيك شي مالح يخفى على مهندسة طموحة متلك .
كاترين : اي طبعا انتبهت ماشالله عنكم واضح شغلكم من ديزاين الفريد للشركة .
عامر : شكرا لكلامك هاد واكيد انا لو ماعرفت انو انتِ من اهم واشطر المهندسين يلي تخرجوا هالسنة ماكنت قدمتلك هيك شغل طبعا انا لازم اشكر يلي عرفني على هيك جوهرة .
كاترين : بس ممكن تخبرني شو قصدك انو لازم تشكر يلي عرفك عليي .
عامر : كل شي لقدام لح يكون لالك واضح ومفهوم طبعا هالشي اذا بتقبلي عرض الشغل وبتنضمي لألنا .
"كاترين عم تحكي مع حالها "
(ياربي مو عرفانة وافق او لاء واذا ماوافقت مالح اعرف مين ورا توظيفي هون ولا لح اعرف مين بعتلي النوت مع الهدية )
عامر : شو قلتي آنسة كاترين .
كاترين : اوك انا قبلت عرضك .
عامر (بمد ايده يسلم على كاترين ) : اهلا وسهلا فيكي بشركتنا انا متأكد انك اخدتي القرار الصح ومالح تندمي .
كاترين : شكرا الك .
"عامر بشيل وراق من المكتب وبيعطيهم لكاترين "
عامر : اتفضلي هدول وراق العقد كرمال توقعيهن .
كاترين : بتشيل الوراق وبتوقعهن .
عامر : فيكي من بكرا تبلشي بدوامك مع المنصب يلي وعدتك فيه من قبل .
كاترين : اوك تشرفت بمعرفتك .
عامر : وانا الي الشرف اتعرف عليكي .
........................
طلعت كاترين من عنده واتجهت للسيارة عم تتصل على رفقاتها .
كاترين : كيفكن ياتنابل يلا اصحو ناطرتكن بالمطعم نفطر سوا .
شغف : اوووف كاترين انتِ ايمت لحقتي تصحي .
ريتا : مو جاية عبالي اطلع من البيت .
كاترين : لككك قوموا بلا تنبلة يلا ح وصل عالمطعم مابدي انطر كتير لحالي بعدين مافطرت بالبيت كرمال افطر معكن .
ريتا : طيب أمري لا الله .
شغف : اوك مامنطول بس عالقليلة خلينا نصحصح شوي .
كاترين : رح ابعتلكن اللوكيشن يلاا سلاام ياحلوين .
ريتا وشغف : سلاام .
........
ميلا بتكون بالصالون بتسمع صوت الجرس عم يندق .
ميلا : فتحووا الباب .
بعد دقيقة الباب لسا عم يندق وماحدا فتحوا .
ميلا : اووف يااه مافي حدا غيري هون يعني .
(فتحت الباب وشافت شيفاي يلي عالباب ).
"ميلا بتتوتر منه وماتوقعت يكون هو"
شيفاي : صباح الخير .
ميلا (بنشافة ) : صباح النور لحظة لناديلك أويس .
"بتحكي هالكلمتين وبتفتل لتمشي ".
شيفاي(بيمسكها من ايدها وبيفتلها لعندو ) : لحظة شوي .
بتطلع ميلا على ايد شيفاي يلي ماسكتها وبتحكي : نعم .
شيفاي : ممكن تقبلي دعوتي عالعشا كرمال صحح سوء التفاهم يلي بينا .
ميلا : لاء.
شيفاي : اذا قبلتي دعوتي بلاقيكي بمطعم ال... عالساعة 8 وبتمنى أويس مايعرف .
ميلا : ماشي لسا في شي ولا ناديلك ئله .
شيفاي : لا صار فيكي تناديله .
"مشيت ميلا ورجعت التفتت ".
ميلا : ااه صح نسيت قلك تفضل بس ماشالله انت صرت من اهل البيت مابدك عزيمة .
" طلعت ميلا تنادي لأويس " .
.....................
"كنان عم يشتغل بالمكتب بيندق عليه الباب وبفوت ايلاف"
ايلااف : ماخلصت شغل .
كنان : يلا لحظة .
ايلاف : لككك قوم يازلمة العمر بيخلص والشغل ماببخلص .
"مشي كنان مع ايلاف وركبو بالسيارة ".
وهنن بالسيارة ...
(بيوصله مسج لكنان بيشوف المسج وبيبتسم )
ايلااف : شوو يااه الله يسمعنا الاخبار الحلوة .
كنان : نقطني سكوتك وانتبه للطريق كرمال مانعمل حادث .
ايلاف : ايه ياخبر اليوم بفلوس بكرا ببلاش .
...................
(كنان وايلاف وصلوا عالمطعم ).
كنان : لو تركتني كمل يلي بين ايدي وبعدين جينا ماكان صار شي .
ايلاف : انا مسافر بعد كم يوم وانت راكض عالشغل يلي مابيخلص .
كنان : مساافرر ؟؟! مالحقت تقعد شي .
ايلاف : اي عندي شغل متل مابتعرف الشغل اهم من الاصحاب والاهل حتى .
كنان : ماتكون عم تلطش حكي عليي .
ايلاف : والله الي فيه شوكة بتنخزو .
كنان : ماشي ... ايمت طيارتك .
ايلاف : الخميس .
كنان : وشو هالقرار يلي قررته .
ايلاف : في بعض عالم خبروني انك مابتقدر تعيش بدوني كرمال هيك قررت انقل اقامتي لهون .
كنان : كذاااب .
ايلاف : والله .
كنان : يسعد الله على هالخبر وشو طرء براسك حتى غيرت رأيك .
ايلاف: لهلق ماتغير رأي بس قلت بجرب اشتغل الضروري من هون وجرب كيف الشغل هون اذا قدرت وفق بينن ببقى واذا مامشي الحال عند اول طيارة راجع .
كنان : يعني مالح تقطع شغلك نهائي هنيك .
ايلاف : لا مابقدر صرلي سنين هنيك ومابقدر اقطع فورا .
كنان : وانا مكتبي مفتوح الك ايمت مابدك تعا واشتغل معي اذا ماعندك شي من اليوم بلش.
ايلاف : انشالله .
.........................
كاترين ناطرة بالمطعم وريتا وصلت بقيان شغف .
كاترين : ياربي وينها هي ليش لهلق .
ريتا : يلا هلق بتوصل من شوي قالتلي ح توصل .
كاترين : اوك لح اطلب لوقت ماتوصل .
(طلبت اكل كاترين وشوي وكانت جاية شغف)
شغف : صباااح الخيير .
كاترين وريتا : صباح النور .
شغف : شو طلبتو .
كاترين : اي يلا هلق بيوصل الاكل .
(وهنن عم ياكلو كانت كاترين صافنة بقصة الشغل ) .
ريتا : شبك كاترين وين شاردة .
كاترين : ولا شي .
شغف : ماتكوني عم تفكري بالحلو يلي غنا معك بالحفلة ... ااه صح شو كان اسمه .
ريتا : اي ابو عضل يلي كان حديث بنات الحفلة .
كاترين : كنان اسمه كنااان مو ابو عضل ... بعدين على شو بالله حديث البنات لعما صحي اديشن جلقة وانسة شغف ماعم فكر فيه شوبدي فيه فكر فيه .
(شغف حست كأن في شي وحبت تستفز كاترين شوي ) : احكيلنا عنه والله انه حلو بركي بتزبطيلنا ياه .
كاترين : شو هو بيعة ولا شروة لزبطلكن ياه .
ريتا : عادي يعني مو نحنا رفقاتك وبتحبي مصلحتنا .
كاترين : مالقيتو غيرو بكل الحفلة ...الحفلة كانت مليانة شباب .
شغف : ماتكوني بتحبيه كرمال هيك مابدك نحاكيه .
كاترين : بكرهه وكرهي الو مابتوسعه الكرة الارضية .
ريتا : اي اذا هيك مافي عندك حجة معناها .
كاترين : اكيد مالح توصل معكن لترتبطو بال ex تبع رفيقتكن وفوق هاد بدكم ياها هي تزبطلكن ياه .
ريتاا : شووو عم اسمع صح انا ولا شو .
كاترين : لا عم تسمعي صح حبيبتي .
شغف : ليش مو مخبرتينا من قبل .
كاترين : مابعرف .
ريتا : بس نحنا رفقاتك معقول تخبي عنا .
كاترين : هاد يلي صار وهلق عرفتو عادي يعني ماصار شي .
شغف : طب ليش غنيتو سوا عالمسرح كنتو لسا مرتبطين يعني .
كاترين : لا صرلنا فترة منيحة تاركين .
ريتا : لكن ليش غنا معك .
كاترين : مابعرف شو بيطلع براسه ومابعرف شو تفكيره .. كنت عم غني فجأة طلع وغنا معي من غير اذني حتى .
شغف : بس كنتو لابقين لبعض كتير .
ريتا : طب ليش تركتو .
كاترين : لان انا وكنان خطان متوازيان لا نلتقي ابدااا .
ريتا : الله يجعلكن خطان متقاطعان اذا هيك .
كاترين : معلش تشيلوني من السيرة مابدي فكر فيه ارجع .
شغف : اي مو تكرمي .
......................
أويس كان قاعد مع ايلاف بالصالون وشافو ميلا بدها تطلع التفت عليها شيفاي وشافها كانت لابسة بنطلون ابيض وتيشرت كات عريضة لونها سودا مع بوط رياضة ابيض .
ميلا :ماما بدك شي انا رايحة .
نور : الله معك ياقلبي .
ميلا : يلا أويس بدك شي .
أويس : سلامتك .
"ميلا بتطلع على شيفاي وبتمشي"
"بكون نازل أوس من غرفته بشوف ميلا طلعت "
أوس : ماما شو وين راحت ميلا .
نور : والله ماخبرتيني لوين سألتها ال مالح طول .
أوس : وين بتختفي هالبنت .
"حكى مع امه وكمل مشي للصالون شاف أويس وشيفاي "
أوس : هلا والله بلاقي شيفاي عنا .
شيفاي : اهلين فيك .
أوس : خبرته نطلع على غرفتي كرمال ياخد راحته ال مو مطول .
أوس : مابصير بتتغدى عنا بعدين بتفكر تروح .
شيفاي : مو مطول اجيت شوف أويس كرمال سفرتنا الجاية .
أوس : حاليا انت محبوس عنا للغدا .
نور (بتكون جاية عالصالون وبتحكي ) : اي يا ابني مافي تطلع قبل الغدا .
شيفاي : تكرمي خالة متل مابدك .
نور : الله يكرمك .
..................
(كاترين كملت يومها مع رفقاتها وبعد ماطلعو من المطعم راحو تفتلو بالشوارع وانبسطو ....
كنان رجع على مكتبه بعد ماترك ايلاف وبعد ماخلص شغل رجع عالبيت غير تيابه ولبس تياب الجيم ...
شيفاي اتغدا عند أويس وخلصو غدا وراح من عندن ولسا ميلا مارجعت وهو الفضول عم يقتلو ليعرف وين راحت ...
كاترين بعد ماتركت رفقاتها راحت لعند جود عالجيم وقت وصلت شافت كنان هنيك.. مشيت من غير ماتهتمله بس هو سلم عليها ).
كنان : كيفك.
كاترين : تمام .
كنان : شو اخبارك .
كاترين : الحمد الله بخير .
كنان : مو ناوية تسأليني عن اخباري .
كاترين : بتعرف شو .. آخر همي اعرف اخبارك .
كنان : اي اي واضح .
كاترين : شو قصدك .
كنان : ولا شي شو بلاقيكي هون .
كاترين : الجيم لأخي وايمت مابدي بجي لهون بعدين مو جاية لهون من غير سبب .
كنان : وشو اسبابك يا آنسة .
كاترين : هاد جيم صح .
كنان : والمعنى .
كاترين : اي جاية العب رياضة .
(كنان بيضحك على كاترين ومابيقدر يخفي ضحكتو )
كاترين : خير انشالله حكيت نكتة وماانتبهت على حالي .
كنان : لا ابدا بس شكلك حسيتي على حالك انك صايرة سمينة .
كاترين : انا مو سمينة وما تغير وزني هاد هو من زمان بس انت عيونك يلي بدن فحص شكلن .
كنان : باخدك معي بالمعية افحصلك عيونك .
كاترين : عيوني تمام وعال العال امورن .
كنان : اي اي واضح .
كاترين : وليش بقاا .
كنان : يا آنسة هدول التياب خرج حفلة الا شوي مو جيم جاية وكلك ثقة تدربي فيهم .
كاترين : ترا انا عاجبيني ومرتاحة فيهم .
كنان (بيطلع على رجل كاترين وبيحكي ) : هيك بالسكربينة مرتاحة ومع الكعب انتِ واثقة انك بتقدري .
كاترين : اي واثقة .
كنان : اي منشوفك كيف بدك تلعبي رياضة .
(بعد ماحكا كنان جملته مانطر كاترين ترد عليه بشي والتفت يكمل تدريب ... وكاترين تجاكرت منو كيف تجاهلها تركته ومشيت لعند اخوها )
......................
(ميلا رجعت عالبيت وشيفاي ماكان موجود طلعت على غرفتها وعم تفكر بعزيمة شيفاي وترفض ولا توافق آخر شي اتخذت قرارها بعد تفكير وتردد كبيير) .
.....................
(جود بمكتبه بتفوت عليه كاترين ).
كاترين : هااي ياحلو .
جود : هاياات .
كاترين : انا جيييت .
جود : ايي شو يعني .
كاترين : يعني بدي بلش من اليوم .
جود : وهيك .
كاترين : شو قصدك بهيك .
جود : بهاد اللبس ؟؟!.
كاترين : ايي كتير مريح .
جود : كااترين .
كاترين : والله مالي جدبة لهل الدرجة شو مفكريني يعني هلق بيوصلو تيابي ماتعتل هم لا انت ولا غيرك .
جود : مين غيري .
كاترين : واحد دب عم يدرب برا .
جود: شو قصدك كاترين في حدا زعجك .
كاترين : كناان كناان اذا بتقدر تاخده وتلعبجو متل الطابة وتشوطه من هال طابة الارضية بكون احسن .
جود (عم يضحك على كاترين وانفعالها ) : هههههه شو عاملك .
كاترين : كلكن نفس الشي حلو عني ..
جود : طيب قلك شي على تيابك يعني .
كاترين : لا ولا شي بس قال خرج حفلة الا شوي .
جود : بهي معه حق .
كاترين : جووود .
جود : سكتنا .
(اندق الباب عليهن وكان وصلانن كياس ) .
كاترين : هاا واخيرا اجوو فايتة على غرفتك بدل تيابي واطلع اوك .
جود : اووك .
" فاتت كاترين وغيرت لبست بنطلون رياضة وتيشرت ليكرا كتف بكتف بتكشف البطن مع بوط ابيض واسود وطلعت لعند جود "
جود : شو هاد .
كاترين : شوفي .
جود : مو عرفان مين واقف جنبي .
كاترين : لكن مفكريني مابفهم انت وكنان لسا ماشفتو شي .
جود : اذا ماشفنا شي معناها الله يستر ... يلا امشي للجد .
" طلعت كاترين مع جود لمكان الاجهزة وشافت كنان عم يتدرب مشيت مع جود وصار يشرحلها شو لازم تعمل وخبرها لح يكون مسؤول عن تدريبها " .
كنان عم يحكي :
لما شفتها فايتة عالنادي اخدت قلبي بحلاوتها حاولت استفذها شوي كرمال مابين ..كيف و رغم كلشي صار بينا لسا بتسحرني بجمالها ماعندي طريقة غير اتهرب منها واستفزها بس لما شفتها مرة تانية لابسة تيشرت وبنطلون الرياضة هون اخدت قلبي وعقلي كانت عم تمشي وواثقة من حالها وكأنها بتعرف انو جمالها بيسيطر عليي كيف بتقدر هيك تعمل فيني وهي ببرودة اعصاب مابتهتم لشي مابنكر نظرات الشباب الها بس وجود جود معها كان كافي انو الكل يحفظ حالو ومايقرب عليها جود مارحمها بالتدريب بس هاد الشي ما أثر عليها رغم هيك ماقالتله شي .
...................
" شيفاي ناطر بالمطعم على امل تجي ميلا مرق نص ساعة عالموعد ولسا مابينت حمل موبايلو ومفاتيح السيارة ليقوم بلاقيها فايتة من باب المطعم بجمالها الملفت ولبسها المرتب كانت لابسة بنطلون وجاكيت طويل فوق الركبة بشوي لونهن بيج وتحت الجاكيت بروتيلة بيضة وسكربينة سودة وشنطة سودا اما شعرها فكانت مسشورته وميكب خفيف يظهر جمال ملامح وجهها دارت بعيونها بالمطعم شافت شيفاي قاعد عالطاولة راحت لعنده "
ميلا : مسا الخير .
شيفاي : مسا النور ... كيفك .
ميلا : الحمد الله تمام .
شيفاي : توقعتك ماتجي لما شفتك تأخرتي .
ميلا : انا كنت هيك ناوية بس بآخر لحظة غيرت رأي .
شيفاي : شو تشربي .
ميلا : عصير فريش .
شيفاي : تكرمي .
.................................
كاترين : جوود ارحمني بقا .
جود : اكتر من هيك .
كاترين : تذكر اني بنت مو شب .
جود : طيب اليوم حاجتك .
كاترين : هدلاك الدب كل يوم بيجي لهون .
جود : اي دب منن .
كاترين : الاستاذ كنان .
جود : غالبا .
كاترين : و ايمت حضرتك وكلته يشتغل كوتش هون .
جود : ماوكلت حدا انا .
كاترين : لكن شو هالبنات يلي عم يدربن .
جود : هنن بيطلبو منو مو كل مين بيقدر يوصل للمهندس كنان .
كاترين : روح خبرن انن مغشوشين ...
طب ايمت راجع عالببت انت انا بدي ارجع .
جود : شكلك تنرفزتي لما شفتي البنات حواليه .
كاترين : شو بدي فيه يصطفل واحد نسونجي .
جود : ايوا تعي على مكتبي خدي غراضك انا مو هلق راجع .
" كنان عم يحكي راحت كاترين على مكتب جود طلعت لابسة جاكيتها و حاملة كيس ومتوجهة لتطلع من الجيم ... "
"""""""""""""""""""""""""""""""
بالمطعم عند ميلا وشيفاي .
شيفاي : حابب صحح سوء التفاهم يلي صار وقت حفلة كاترين .
ميلا : عادي ولا يهمك .
شيفاي : يعني اعتبر انو الحديث يلي دار بينا ماصار .
ميلا : مافينا نعتبر شي صار انو ماصار ولا فينا نغير حقيقة شي صار.
شيفاي : بس فينا نسامح .
ميلا : وفينا مانسامح .
شيفاي : وحاليا شو بعتبر اي خيار منن منسامح او لاء .
ميلا : نص نص بس حابة خبرك انا اكتر شي بيستفزني انو حدا غريب يجي ويسألني اسئلة اصلا اخواتي مابيسألوها .
شيفاي : هو صح الحق معك الحق عليي يلي اعتبرتك حدا من يلي بهموني وغلطت لما فكرت اجي واسألك .
ميلا : حصل خير هالمرة بتمنى ماتنعاد .
شيفاي : نشالله ..
(اتصل أويس على شيفاي )
شيفاي : اهلين أويس .
أويس : كيفك .
شيفاي : تمام وانت .
أويس : منيح وينك انت .
شيفاي : بالبيت ليش بدك شي .
أويس : لا بس كرمال سفرتنا بكرى الصبح مافي داعي تجي لعندي انا جاي لعندك ومنطلع سوا .
شيفاي : اوك تمام .
أويس : يلا سلام .
شيفاي : سلام .
" بعد ماسكر الخط " .
ميلا : هاد اخي مو .
شيفاي: اي هو .
ميلا : ليش ماخبرته انك بالمطعم وقلتلو بالبيت .
شيفاي : هاد الشي بخصني وبتذكر لما قلتلك اليوم الصبح خبرتك ماتقولي لأويس عن اجتماعنا سوا .
ميلا : اي اطمن مافي بالعادة اصلا يعرفوا وين بروح ووين بجي .
شيفاي : بس هاد الشي مابصير المفروض حدا يعرف وينك لربما صار معك شي .
ميلا : حاليا انا معك اذا صار شي انت بتخبرن ولما كون مع رفقاتي برضو نفس الشي .
شيفاي : ممكن .
ميلا : بتشكرك على هالدعوة اللطيفة والاكل الطيب صار لازم امشي .
شيفاي : صحتين وهنا كانت فرصة سعيدة .
(ميلا بتكتفي انها تبتسم لشيفاي وتمشي ).
""""""""""""""""""""""""""
تاني يوم صحيت كاترين عملت شاور وشربت نسكافيه وكانت محضرة حالها لاول يوم الها بالشغل .
كاترين : صباحو يا حلوين ... كيفكن .
الكل : صباح النور .
يحيى : شو وين الهمة بابا شايفك رايحة .
كاترين : اول الشي بفطر معكن بعدها بدي امشي .
لميا : لوين ماما .
كاترين : بناءً على رغبة بابي توظفت بشركة كرمال اتدرب فيها قبل ما بلش بشغلي الخاص بالمكتب .
جود : شو اسم الشركة .
كاترين : B.N.K Engineering .
يحيى : برافو بابا عرفتي تختاري شركة مهمة وكبيرة بالبلد .
كاترين : يلا بدي امشي احسن ما ياخدو عني انطباع اني بتأخر .
الكل : موفقة .
كاترين : ميرسي .
..............
يتبع ......
البارت السادس عشر
شيفاي جهز حاله وناطر أويس ثواني وكان جاية ....
أويس : كيفك .
شيفاي : اهلين الحمد الله وانت .
أويس : تمام يلا عالمطار.
"وهنن عالطريق "
أويس : اليوم سفرتنا قصيرة كم ساعة ومنرجع .
شيفاي : مابدك تبقى بسامسون .
أويس : لا ليش لابقى .
شيفاي : متل كل مرة منبقى لوقت رحلتنا الجاية على اسطنبول انت بتشوف اهلك وانا كمان .
أويس : بس انا موجاية عبالي شوف حدا .
شيفاي : بس مابصير يا أويس صرلك مدة مقاطعن .
أويس : مين قال اني مقاطعن منحكي عالموبايل كل فترة .
شيفاي : بس صرلك من قبل سفرتنا على ميلانو بوقت منيح ماشافوك .
أويس : خلص المرة الجاية واذا حابب تروح تشوف اهلك لاترجع معي بقدر مشي حالي بدونك .
شيفاي : لا مو هيك قصدي خلص متل مابدك المرة الجاية منشوفن.
""""'"""""""""""""""""""""""""
كاترين وصلت للشركة وبلشت بالشغل ومتل ماوعدها عامر عطاها منصب مع شغلها كمهندسة ... وكان الها مكتب لحالها ومافي حدا بشاركها الغرفة .. ارتاحت كتير بالشغل وبالمعاملة الحلوة يلي شافتها من يلي بيشتغلو معها بعد ماخلصت دوام حبت تتصل على وسيم بس ترن ترن وهو ماعم يرد .. اتصلت بأوس لتسأل عنه .
أوس : هلا كاترين .
كاترين : كيفك .
أوس : تمام في شي حتى اتصلتي .
كاترين : لا ولا شي بس عم اتصل لوسيم وماعم يرد .
أوس : مابتعرفي انو صار بميلانو .
كاترين : شوو ايمت سافر .
أوس : مبارح قال في عنده شغل بدك شي منه .
كاترين : لا مافي شي كنت حابة اطلع معه .
أوس : ونحنا مابينطلع معنا .
كاترين : انت عندك عمليات ودوام ماعندك وقت.
أوس : عادي كرمالك بيصير عندي وقت .
كاترين : ....
أوس : وينك انتِ .
كاترين : انا بالشارع حاليا .
أوس : طيب ح ابعتلك لوكيشن تعي عليه .
كاترين : اوك .
""""""""""""""""""""""""
كنان عم يشرب نسكافيه بحديقة الفيلا .. حس حدا عانقه من رقبته .
بانا : مين يلي زعل مهندسنا .
كنان : مافي حدا .
"بانا سحبت كرسي وقعدت جنبو "
بانا : لكن ليش سارح بالفضاء .
كنان : ولاشي حبيت اقعد لحالي وفرغ شوية طاقة سلبية .
بانا : ااه صحيح بتذكر مرة حكيتلي عن حب حياتك شو صار فيه .
كنان : هه اي حب هاد مافي حدا بحب وبكون قد الحب مافي حدا صادق كلو خاين .
بانا : لااا هيك كتيير بس بقولو مافي دخان بدون نار .
كنان : وبقولوا الخيانة اشد طعنة من القتل .
بانا : لاتصدق شي ماشافته عينك .
كنان : المشكلة اني وصلت لمرحلة عم حاول كذب فيها عيوني بس ماعم اقدر .
بانا : يعمري اكيد الخير بيلي جاية ماتفكر .
"بيلعب بشعرها وبيضحكلها "
كنان : يخليلي قلبك الحنون .
"""""""""""""""""""""""""""""""
كاترين وصلت عالباركينغ يلي موجود باللوكيشن وشافت أوس .
أوس : يلا اركبي .
كاترين : ليش ماخبرتني من الاول عالمكان كنت جيت لحالي .
أوس : ماحلو كل حدا يروح بسيارته هيك منتسلى اكتر .
(اخدها على مكان كله شجر وعشب والطبيعة يلي فيه بتاخد العقل وصارو يتمشوا سوا ) .
كاترين : الهدوء يلي هون مو طبيعي .
أوس : والهدوء يلي عندك كمان بس الهدوء يلي عندك مو أي هدوء هدوء ماقبل العاصفة .
كاترين : ميين انااا .. انت يلي صاير هادي وماعم تبين علينا .
أوس : كرمال ماصحي العاصفة يلي عندك بعرفك بتتنرفزي بوجودي .
كاترين : ومن ايمت صرت محلل شخصيات حضرتك .
أوس : كاترين انا دكتور وعامل دراسات كتير من قبل عن نفسية المريض وكيف من غير مايحكيلي اعرف شو وضعه وكيف اتصرف معه يعني بقدر ببساطة افهمك من غير ماتقولي .
كاترين : بس انا مالي مريضة عندك .
أوس : مو شرط تكوني مريضة لأعرف هاد الشي كمان اي حدا قريب مني بقدر حدد شو نفسيته وحالته .
كاترين : وهلق انت شايف نفسيتي متوترة مثلا فجبتني لهون كرمال اهدى .
أوس : اذا عجبك بجيبك على طول .
كاترين : مممم ..
أوس : شو آخر اخبارك هاتي لشوف .
كاترين : بلشت شغل بشركة هندسية .
أوس : حلو وكيف الجو .
كاترين : لسا اليوم كان اول يوم ماتعرفت عالموظفين يلي معي يادوب قدرت اتعلم شوي على وظيفتي وشو طبيعة الشغل يلي لازم اعملو .
أوس : مع الوقت بتتعودي وبتكوني صداقات جديدة .
كاترين : كيف علاقتك مع أويس .
أوس : عادي ماكتير منقعد سوا بحكم شغلي وشغلو .
كاترين : أويس حدا كتير منيح وعفوي .
أوس : ممم اكتر من توأمه كأن .
كاترين : كل حدا عندو صفات مميزة .
أوس: كاترين انتِ لسعتك على علاقة مع كنان؟.
كاترين : لا من زمان تركنا .
أوس : وكييف وقت ال..
"بتقاطعو كاترين " .
كاترين : وقت الحفلة ماكنا متفقين نغني سوا هاد كان اجتهاد منه .
"""""""""""""""""""""""
"كنان بالحديقة لسا قاعد واجا لعنده أُبي "
أُبي : ابوك كان اليوم معصب .
كنان : ليش .
أُبي : عصب منك قال ساحب مبلغ كبير من البنك .
كنان : فيني اعرف شو بدو فيني لسا بشيك عالحسابات.. الحساب حسابي والمصاري لألي وماعم اخد شي منه .
أُبي : بس المبلغ يلي انت ساحبه مو بال الفات المبلغ ب عشرات الملايين .
كنان : اي عادي هنن ملكي وانا حر التصرف فيهن وماعم اصرفن من حساب البنك تبع العيلة .
"تركه ومشي "
أُبي : وين ماشي عم نحكي .
كنان : عندي جيم وبعتقد مافي شي ينحكى بهالموضوع .
"""""""""""""""""""""
عند كاترين يلي كانت عم تمشي وصافنة ..
أوس : كيفو قلبك .
كاترين : مجروح وماعم يشفى شكله كان الجرح عميق .
أوس : مابدك شي دكتور يداويه ؟! .
كاترين : ياريت لان شكلي تعبت .
أوس : بتقبلي انا اتكفل فيه وداويه.. بالنهاية انا بعرف كتير منيح شويعني هالوجع .
كاترين : وكيف بداويه .
أوس : انا جرحي كنت اكويه بس انتِ اكيد ح تكون طريقتي الك غير .
كاترين : كيف يعني .
(أوس بيستغل هاللحظة وبيخطف بوسة حنونة على شفايف كاترين وبنفس الوقت عم يحاول يستغلها لحتى يخفف من جرح قلبو ... كاترين ماحاولت تعترض لاول مرة الشي يلي خلاه يستغرب ويشد عليها اكتر ) .
أوس : انتِ جرحك حرام ينكوى انتِ لازم يتعالج حتى يرجع يلتئم .
كاترين : كل المرضى يلي عندك هيك بداويهم .
أوس : هاد الدوا حالة خاصة بس ليلي سارق قلبي.. كاترين انا مابنكر اني حاولت اتجاهلك وانساكي اكتر من مرة بس قلبي مو راضي مافيني امسك مشاعري اتجاهك كل يلي بدي ياه هلق تكوني مبسوطة ان كنتِ معي او مع غيري .. صح انا كنت مُصّر لتكوني الي بس انا بعرف كتير منيح شو يعني ماتقدري تتحكمي بقلبك وانا صرت عم اعذرك لان هالشي خارج عن ارادتك .
كاترين : ... أوس انت لسا عم تشرب .
أوس : ابداا من وقت ماوعدتك .
كاترين: تذكر هالشي لسلامتك قبل مايكون كرمالي وانت بتعرف هالشي اكيد بصفتك دكتور .
أوس : شكلو ح تنقلب الادوار وتصيري دكتورتي.
كاترين : للاسف انا مهندسة بس بعطيك شوية تعليمات من يلي بعرفه بالطب ثقافة عامة يعني.
أوس : هيك لكن..
كاترين : خلينا نرجع عندي جيم .
أوس : رايحة فورا ولا كيف .
كاترين : تياب الجيم بسيارتي .
أوس: اوك منروح سوا عالجيم .
كاترين : ماشي .
""""""""""""""""""""""""""""""
كنان وصل للجيم واجاه اتصال .
كنان : خير شوفي مجد .
مجد : الصبية يلي عم راقبها كانت بالغابة مع شب .
كنان : ششوو ومين هالشب .
مجد : مابين معي منيح لان مابقدر قرب عليهن مشان ماينتبهوا على دعساتي على الارض .
كنان : طب شو عم يعملو هنيك .
مجد : شكلهن بحبو بعض .
كنان : متصل حتى تستهبل علي انت .. شو كل ماتكون بنت مع شب معناها بحبو بعض .
مجد : اكيد مالح احكي هيك بس لان كانو سوا .
كنان (عصب وزادت نبرة صوته ): مجد احكي وخلصني مالي فاضيلك احكي من غير طول سيرة .
مجد : حاضر .. شفتن عم يبوسو بعض وهلق شكلهن متجهين ليطلعو من الغابة .
كنان (بغضب مكبوت ) : انت متأكد من كلامك لان اذا عرفت عم تكذب بحرف مو نيالك ابداا .
مجد : طبعا متأكد .
كنان : ماشي انقلع .
(كنان عم يحكي بقلولي اتأكد قبل ماتحكم عالشخص بدهم لسا اكتر من هيك ....الحساب عم يزيد ياكاترين) .
""""""""""""""""""""""""""
أوس كان عم يسوق .
أوس : من ايمت بتروحي عالجيم مابتذكر كنتِ تروحي .
كاترين : من جديد ... بتذكرك كنت تروح مو .
أوس : اي صح بس مو كل يوم ووقتي الصبح مو هلق .
(رن موبايل اوس فتح و رد ).
أوس : الو ... تمام ... اوك شي نص ساعة وبكون عندك .
أوس : صار عندي شغل بالمشفى مالح كمل معك عالجيم ...بوصلك على سيارتك وبروح عالمشفى .
كاترين : اوك .
(بعد ماوصل كاترين على سيارتها تركها ومشي وهي كملت للجيم ).
""""""""""""""""""""""
(كنان بالجيم عم يلعب بوكسينغ ويحكي مع حالو ).
"بقولولك لاتحكم عليها مفكرينها الملاك البريء وانا الشيطان يلي عم اظلمها ... كل الحق علي انا سلمت قلبي لوحدة رخيصة وقلتها تفضلي دعسي عليه وزرعيه شوك ".
وصلت عالجيم كاترين شافت كنان عم يدرب مرقت من جنبه وبقيت مكملة لمكتب جود بس وقفها صوت كنان .
كنان :بعتقد مو بالضرورة تعرف كل اسطنبول انك كنتي بموعد غرامي .
كاترين ( التفتت لعنده): عفواً شو قصدك .
كنان : لما تشوفي حالك بالمرايا ح تعرفي قصدي .
"كاترين عم تحكي
مشيت وبينتله اني مااهتمت واول ماوصلت لغرفة جود ركضت عالمرايا لقيت الروج منزوع وواضح انو مو من الاكل لان كله بدو تزبيط اووووف أوس اوووف زبطت الروج اول شي كرمال ماانساه و بدلت تيابي نطرت شوي كان وصلان جود طلعت للصالة و كنان مو مبين كل شوي جول بنظري بكل النادي حتى بالأخير لمحت كنان عم يضرب كيس الملاكمة .."
"""""""""""""""""""
" كنان عم يحكي
لما خبرني مجد انها جاية عالنادي تركت البوكسينغ ورحت ادرب بنص الصالة كرمال لما تجي شوفها بس لما شفتها كان واضح عليها انو كلام مجد صح وماكان عم يكذب حاولت كذبه قبل ماشوفها بس لما شفتها ماتركتلي حجة قررت اترك الصالة وارجع للبوكسينغ افضل ماابتلي فيها ضربت الكيس بكل قوتي فرغت طاقتي شوي بعدها تركت النادي وطلعت كانت هي لسا مع جود "
""""""""""""""
جود : يلا كاترين حاجتك اليوم لازم نرجع عالبيت .
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```