الفصل 17
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴7️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
جود: ليش هيك عملت .
كنان : شو عملت ... ها قصدك مشان طلعتي عالستيج واني غنيت مع كاترين كان مجرد تسلية وتغير جو .
جود : كنان انت حر بتعمل يلي بدك بس عم نبهك هااا اذا شي يوم عرفت انك كنت سبب بدمعة لكاترين مو نيالك ابداا .
كنان : انا جيت لهون حتى باركلها وغير هيك انا ماعم شوفها ف اطمن ولا تحمل هم .
جود : منشوف .
(كنان تغيرت ملامحه وكأنو شاف شي وانصدم فيه)
جود : شبك قلبت ملامحك من برود لحدا وكأن شاعلة النار بقلبه .
(التفت ناح كاترين شافها مع أوس ) .
جود : ليكون غيران على كاترين .
كنان : كاترين شي تاني ويلي شايفو قدامي شي .
جود : شوفي .
كنان : لككك اطلع على ابوك مين معو .
جود (بصدمة ) : هااد مو ابوك وأُبي .
كنان : بما انك شفتن معناها ماعم بحلم امشي نروح لعندن مو عاجبني الوضع .
جود : يلا .
(راح كنان وجود لعندهن ).
كنان وجود : مرحبا .
أُبي ويحيى ورأفت : اهلين .
كنان : شو بابا شايفك هون .
رأفت : السيد يحيى عزمني وماقدرت مالبي دعوته.
يحيى : يا اهلا وسهلا فيك شرفت .
رأفت : وينها بنوتك يلي تخرجت .
يحيى : جود نادي لكاترين تسلم عالسيد رأفت .
جود : تكرم بابا .
(مشي جود لعند كاترين وسحبها ) .
جود : امشي معي .
كاترين : شو بدك .
جود : بدي عرفك على عالم اكابر سألو عنك .
كاترين : ومين هالناس .
جود : انطري وما تسألي لحالك لح تعرفي .
"تقدمو بخطواتن لقدام وكاترين انتبهت على كنان "
كاترين : كأنك عم تجيبني لعند كنان .
جود : اي عندك اعتراض .
كاترين : اي تركني ارجع اذا بدو يشوفني هو يجي لعندي مو انا .
جود (سحبها ومارد) : امشي بلا حكي .
كاترين : شبك من ايمت بتسحبني هيك .
جود : هسس وصلنا .
يحيى : بعرفك على بنتي كاترين .
(كاترين مصدومة انو ابوها موجود ومو لحاله )
رأفت : اهلين عمو ماشالله عليها قمر الله يحميلك ياها .
يحيى : تسلم يارب ويحميلك الشباب يلي عندك ... كاترين هاد بكون السيد رأفت الباشا .
(كاترين عم تحكي بقلبها .. شوو الباشا معناها هاد ابوه لكنان شو عم يعمل هون وهاد اكيد اخوه لكنان )
كاترين : اهلين عمو تشرفت فيك .
رأفت : تسلمي يابنتي الف مبروك التخرج .
كاترين : الله يبارك فيك يارب .
رأفت : ال دارسة متل ابني كنان .
كاترين : اي والله وفضله بأنو ساعدني بمشروع التخرج ما بنسالو ياه للاستاذ كنان .
رأفت : ولو عمو ايمت مابدك مساعدة لاتخجلي منه ... مو هيك كنان .
كنان : اي طبعا بابا .
كاترين : شكرا الكم.
رأفت : بابا أُبي .
أُبي بمد ايدو وحامل كياس : تفضل .
رأفت : تفضلي هدول عمو .
(كنان اذا كان مصدوم حبة صارو عشرة )
كنان بقلبه : وهدايااا كمان انا بفرجيك يا أُبي .
كاترين : يسلم ايديك ماكان في داعي تغلب حالك .
رأفت : لا ولو .
أُبي : وتفضلي هي مني .
كنان بقلبه : كماااان .
كاترين : thanks 😊.
أُبي : welcome.
كنان عم يحكي : وعم تعملي حالك لطيف وما حدا قدك .
(كارولين بتكون متجهة ناح كاترين ومو منتبهة مع مين واقفة )
كارولين : كااترين .
بتوصل كارولين وبتتفاجئ وبتخجل .
كارولين : ااه سوري بس ماكنت منتبهة وانا عم نادي لكاترين .
يحيى : وهي بنتي التانية كارولين محامية العيلة .
رأفت : ماشالله حولها مابتختلف عن جمال اختها الله يخليلك ياها .
كارولين : تسلم عمو .
رأفت : بتذكر وقت كانت حفلة تخرجها وانا ماقدرت اجي لان كنت بالسفر .
يحيى : ايوواا هي .
كارولين : انا بدي استأذن منكن واخد كاترين معي .
يحيى : الله معكن .
بتمشي كاترين واختها .
كارولين : هدول اهلو لكنان .
كاترين : اي .
كارولين : وهاد اخوه .
كاترين : اي ليش .
كارولين : مو مشان شي هلئ بدي اسألك وين اختفيتي من شوي .
كاترين : ليكي أويس جاية ناحنا بعدين بقلك .
أويس : شو الاخبار .
كارولين : تمام .
أويس (بمد ايده حامل كيس وبيعطيه لكاترين ) : congrats.
كاترين : thanks.
كارولين (نادت لحدا من الحراس ) : كاترين هاتي من ايدك هالكياس ماحلوة عم تمشي فيهم وعطيهم للحارس .
كاترين : اي صح .
عطته ياهن .
كاترين : وينو شيفاي .
أويس : مابعرف فجأة اختفى .
كارولين : اليوم مدري شو القصة فجأة عم تختفي العالم .
كاترين : اييه المطعم كبير واكيد مالح تقدري تراقبي تحركات كل الناس.
"""""""""""""
" منرجع لعند ميلا وشيفاي "
ميلا : اييي ؟!!!.
شيفاي : الدبوس تبع الكرافة يلي حطيتيه لأويس قبل ماندخل عالمطعم .
ميلا : اي شبو .
شيفاي : نفسي اعرف من وين جبتيه اذا انتِ مو مخطوبة .
ميلا : وليش شاغل بالك هالسؤال .
شيفاي : معلش تجاوبيني من دون ما قول السبب .
ميلا : بس بعتقد هالشي ما لك علاقة فيه .
شيفاي : لا الي علاقة .
ميلا : بصفتك شو لتدخل .
شيفاي : شي طبيعي اختو لرفيقي ومن حقي اني اسألها كونها متل اختي .
ميلا : بس انا مو اختك ولا لح كون متلها .
شيفاي : مممم ممكن لان انا ماعندي اخوات .
ميلا : منييح ماعندك كرمال ماتكون حشري وتدخل فيهن .
( بتمشي ميلا وبتترك شيفاي .. شيفاي بيلحقها )
شيفااي : لحظة شووي .
ميلا : خييير .
شيفاااي : انا خبرتك انو كان فضول مو اكتر واذا هالشي زعجك انا ماحكيت شي غلط واصلا مابعرف شو هالشي يلي صار بحديثنا حتى نرفزك هيك .
ميلا : ولاشي ولا يهمك انا صار لازم امشي .
شيفاي : بسس...
" ميلا مشيت وتركت شيفاي "
....................
عند كنان .
يحيى : كيف الشغل يا كنان .
كنان : تمام الحمدلله في ضغط شوي .
رأفت : ابني كنان مابينخاف عليه قدا وزود وبحب شغله .
يحيى : اي طبعا قدا وزود ... يا جماعة الحفل كأن حفلكن مابدي اسمع انكم ما انبسطو رح ترككن تاخدو راحتكن وتفضلو عالبوفيه المفتوح .
رأفت : تسلم يا يحيى .
جود : عن اذنكم .
الكل : الله معك .
(مشي يحيى و جود وتركوهم )
كنان : بابا ماخبرتني انك جاية لهون .
رأفت : ليش انت خبرتني .
كنان : أُبي بيعرف اني جاية مو هيك أُبي .
أُبي : ااه اي مبلا بعرف .
رأفت : هي البنت مو نفسها يلي كنت بدك تخطبها .
كنان : مبلا هي .
رأفت : شو بلاقيك هون بحفلتها مو على اساس تركتو .
كنان : مبلا بابا تركنا ومافي شي بينا .
رأفت : انتبه على حالك كتيير منيح واصحى اعرف اذا في شي بينكم لما يصير خييير ابداا فهمان علي شو حكيت انا كلامي مابعيدو اكتر من مرة .
كنان : بس نفسي اعرف ليش هيك انت من جهة بتقلي لا ترتبط فيها ومن جهة تانية بلاقيك هون وعم تباركلها .
رأفت : هاد الشي مو شغلك .
كنان : يا عفو الله على هالحكي ال مو شغلي ال .
أُبي : كنان اهدى هاد مو المكان المناسب لتحكو فيه بهالموضوع .
كنان : ماشي ... بس آخر سؤال بابا انت شو بدك احسن من اني ارتبط ببنت من عيلة معروفة واكابر ودارسة نفس اختصاصي وحلوة وكون بحبها اهم شي ...اخر نقطة ركزلي عليها كوون بحبها هاد الشي بتعترض عليه ؟؟!!.
رأفت : ماعندي اي اعتراض بس اعتراضي بكون لما تكون هالبنت بنته ليحيى .
كنان : مو شي جديد نفس الحجة من دون اي شي مقنع انا ماشي من جنبكم احسن ما ازعج حالي اكتر بهالوقفة .
أُبي : لككك كنان .
(كنان مشي ومارد )
"التفت كنان على كاترين شافها مع أويس "
كنان بقلبه : هه ست الحسن والجمال مو سآلة على حدا وعم تضحك وتمزح مع يلي بحبها .
كنان افتكر أويس نفسو أوس ....
--------------------
عند كاترين :
...: أنسة كاترين .
كاترين : نعم .
...: في بوكس وصلك ممكن تتفضلي معي لتشوفيه .
كاترين : اوك .(التفتت على أويس وكارولين ) عن اذنكم .
مشيت كاترين مع الحارس واخدها لجوا المطعم لجنب بوكس كبير فتحته شافت بقلبه حزمة ورد جوري احمر كبيرة مصفوفين بعلبة ومعهن شوكولا وفي نوت اخدتها تقرئها .
النوت : الف مبروك يا مهندستنا الحلوة .. بتمنالك النجاح بحياتك العملية ويلي هي ثمرة تعبك .. هديتك لسا مو كاملة ... تتمة الهدية هو فرصة عمل بشركتنا مع منصب مهم يليق بحضرتك .. العنوان موجود معك بالبطاقة واخيرا بحب قلك مكتبك ناطر انك تنوريه ... هدية متواضعة مني الك يا جمرة عشقي .
"كاترين قرأت النوت وسألت الحارس "
كاترين : من وين هالبوكس .
... : مامنعرف يا ستنا بس خبرونا انو الك .
كاترين عم تسأل الحارس التاني : مابتعرف كيف اجا لهون .
...: مو مكتوب اي شي يثبت من وين اجا .
كاترين : طب مين جابوو .
...: موظف يلي بيشتغل بمحل تنسيق الهدايا .
كاترين (بتعصب ) : انتو على شو عم تشتغلو هون اذا مابتعرفو شي .
(كاترين عصبت وتوترت بنفس الوقت كيف بتجيها هدية ومابتعرف من مين تذكرت لما اجاها مسج بايطاليا من رقم غريب وحكالها عن الطقم وهون زاد توترها وشعرت كأن حدا عم يراقبها بتحركاتها وهي مو عرفانة مين ولا منتبهة )
..: شبك كاترين ليش صوتك طالع في شي .
كاترين : لا أوس مافي شي بس في شغلة خبرتن عنا للحراس من اول ماجيت ونسيو يعملوها .
أوس : بسيطة مافي داعي تخربي فرحتك اليوم بهيك شغلة بسيطة بعدين بهون عليكي تخربي هالجمال كرمال قصة مو محترزة .
كاترين (بابتسامة ) : قولتك مو محترزة وانا انفعلت شوي زيادة .
( أوس قرصها من خدودها وضحكلها )
أوس : اي هيك هاا دائما لازم يكونو هالخدود موردين والابتسامة ماتنشال عن وجهك .
" في عيون كانت عم تراقب شو عم يصير نظرات كلها غضب ونار الغيرة شاعلة جوا هالقلب "
كنان : حسابك عم يكبر يا كاترين .
''""""""""""""""""""""""""
وسيم : ياكاترين وينك تاركة الحفل .
كاترين : ليكني .
وسيم : طيب يلا نمشي لبرا بعدين في عندك كلمة الشكر لهلئ ماقلتيها .
كاترين : معلش بعد شوي هلئ ماني بمود اطلع فيه واحكي .
وسيم : بالوقت يلي بترتاحي فيه .
أوس : برأي نمشي احسن ماعم نحكي هون والكل فرحان ومبسوط بالحفل .
(مشيوا بالاتجاه المليان عالم وكانت كاترين كل الانظار عليها الشباب يلي بالحفلة كلن ماعم يقدرو يشيلو نظرن عنها كنان شاف كيف الانظار على كاترين وتجاكر اكتر ومشي باتجاه كاترين )
كنان : مرحبا شباب .
وسيم وأوس : هلا كنان .
كنان : كيفك كاترين .
كاترين : منيحة .
كنان : بتسمحولي فيها شوي .
كاترين : ماني لعبة حتى ما تاخد رأي على فكرة .
وسيم : طيب نحنا شوي ومنرجع .
كنان : ممنونكم .
كاترين : خير استاذ كنان شو بدك مني .
كنان : هاد اليوم المفروض يكون يوم فرحك مو عبسك لسا كل ماشفتك بلاقيكي ماعم تتحاكي ومع غيري ضحكتك اخدة كل وجهك .
كاترين : في عالم اول ماشوفها بتفائل فيك تقول قلبي ميال لقلوب محددة .
كنان : انا مو جاي اتخانق معك متل ما صار من شوي بس جاي اعطيكي هي .
كاترين : شوهاد .
كنان : هديتك .
كاترين : بس انا مابدي منك شي .
كنان : هه شاطرة تاخدي من ابي واخي لكن .
كاترين : ليش حتى ما اخد منن .
كنان : وانا كمان حبيتلك هالهدية حتى تبقى ذكرى مني وبتمنى شوفها عليكي شي يوم .
كاترين :...
كنان : شكلك ناوية ترديني وما تاخديها .
كاترين مدت ايدها واخدت الهدية منو .
كاترين : شكرا كتير استاذ كنان عذبت حالك .
كنان ( بغضب مكبوت ) : في مجال معد اسمع منك كلمة استاذ .
كاترين : ليش شو مدايقك ما عم احكي شي غلط .
كنان : لككك ايمت ناوية تفهمي علي انتِ .
كاترين : بعتقد ما في داعي لافهم عليك لان المرات يلي عم شوفك فيهم معدودين وكل مرة يا انا ببلش بالمشكلة يا انت مشان هيك مو نصيحة نجتمع او حتى نلتقى.
(كنان بيتقدم خطوة اتجاه كاترين وبيحكي بعصبية )
كنان : انا يلي بحدد اذا نصيحة نلتقى او لاء وياريت ما تتعبيلي تفكيرك بشغلات مالك فيها .
كاترين : ياا استاذ انا كمان من حقي حدد مين الاشخاص يلي لازم شوفن ومين لاء مو انت .. بالنهاية انا حرة بحياتي وما بسمحلك تدخل فيها .
"كنان بقرب اتجاه كاترين اكتر وبنزل وجهه ليصير بمستوى وجهها وبيحكي "
كنان : كم مرة بدي ذكرك انو كلمة استااذ ما تجيبيها على لسانك او حتى تقوليلي ياها .
كاترين : مالك ملاحظ انك كتيير قربت مني بعد اذا بتريد .
كنان : واذا ما بعدت شو بتعملي .
كاترين : شكلك نسيان انو نحنا بنص الحفلة والعالم كلها حوالينا .
كنان : حابة اخدك على مكان مافيه حدا يعني (بيغمز كاترين ) متل لما سحبتك من شوي .
كاترين : انا مالي لعبتك لتسحبني وتاخدني وتجيبني مطرح ما بدك .
كنان : من غير ما تكوني لعبتي بقدر وقت يلي بدي مشيكي خاتم باصبعي .
كاترين : بلشت العالم تشتلئ علينا بعد عني .
كنان : وتشتلئ شو اعمل .
كاترين : لككك انت مجنون اذا انت ماعندك مانع او مشكلة تعلق بلسان ابوك والعالم انا عندي مشكلة ومو حابة اتجادل مع عيلتي بسببك .
"كنان بيهمس بإذن كاترين"
كنان : ماحدا بهمني ومو فارقة معي شو مابدن يحكو ...ممممم رجفتك هي لما كون قريب منك بتعرفي انو بتشدني الك مشان هيك مو نصيحة تبينيلي توترك هاد مشان ما يصير شي مابتتوقعيه يا حلوة .
" ابتعد كنان عن كاترين "
كاترين : ميرسي عالكادو ..وهي قبلتو منك ..وهلق صار فيك تمشي .
كنان : ما بنصحك تتظاهري بالقوة لانك ماعم تعرفي تكذبي وتغطي على توترك مني .
" قال كنان كلامه ومشي من جنب كاترين "
نادت كاترين للحراس .
.... : شو بتأمريني .
كاترين : خدوا هالكادو وحطوه مع الهدايا الباقين .
.. : تكرمي .
(كاترين وقت خلصت حديث مع الحراس اجو رفقاتها لعندها )
شغف : كاترين شو عم يصير .
كاترين : شو عم يصير ليش .
ريتا : كاترين ماتخبي علينا واضح انو في شي بينك وبين هالشب .
كاترين ...
شغف : لكك ماشفتي كيف كنتو عم تطلعو ببعض .
كاترين : شبها تطليعاتنا كان هو عم يتحداني وانا عم اتحداه مو اكتر .
ريتا : اوك متل مابدك امشي شغف شكلنا مالنا رفقات كاترين يلي بتثق فيهن حتى تحكيلنا .
شغف : امشي .
كاترين : وقفوا يامجانين وين رايحين مين قال انكم مالكم رفقاتي ومابثق فيكم .
شغف : والله تصرفاتك يا آنسة .
(كاترين اتذكرت كنان لما قلها يا آنسة وشردت عم تتذكر )
ريتا : وين سرحتي.. كاترييين .
كاترين : معكن .
شغف : اي واضح .
كاترين : طيب كل القصة ومافيها انو هالشب مهندس وساعدني بمشروع التخرج .
شغف : بس هيك .
كاترين : لا مو بس ... بس طبعا هون مو المكان المناسب لنحكي فيه ونفتح قصص وسير قديمة انا صار لازم اطلع عالستيج عم ينادوني لكلمة الشكر .
""""""""""""""""""""""""""
مشيت كاترين وطلعت عالستيج ...واستلمت المايك .
كاترين : بحب رحب فيكن واشكر كل حدا اجى ليشاركني هالفرحة ويكون معي بهل المناسبة الحلوة ... وحب كبيير لكل حدا وقف معي من قبل وسندني ولو بكلمة وحدة ...الحاجات المعنوية بالنسبة الي كتير كبيرة وبتعنيلي اكتر من المادية حتى ...حب كبييير لاي حدا ساعدني وسندني وقت دراستي وتعبي وحتى وقت الحادث يلي مريت فيه طبعا قدرت اتعافى واتخطى هالحادث بفضل كل الناس يلي حوالي من اهلي ورفقاتي ومابنسى الفضل الكبير يلي كان لأوس الدكتور يلي تابعني من اول مادخلت للمشفى للوقت يلي رجعت صحتي متل اول وافضل ..
بشكر اهلي يلي بسببن انا هون واقفة ومن دونن انا ولا شي ومن دون دعمهن لالي انا ماكنت قدرت ابقى عندي ارادة وقوة لكمل وبشكر اختي المحامية الحلوة الي تحملتني وتحملت تقلباتي بكل فترة امتحان كنت مر فيها وحب كتيير لسندي وقوتي أخي جود وشكر كبير لكل فرد بعيلتي وكمان شكر خاص للديزاينر وسيم يلي كان مسؤول عن طلتي لليوم ومابنسا ما اشكر الاستاذ المهندس كنان الباشا يلي كان الو فضل بمساعدتي وقت مشروعي للتخرج وانا بشوفو المهندس الشب يلي بحب شغله وبيبدع فيه بطريقته الخاصة يلي قدرت استفاد منها وقت اشتغلت معه وحب كبيير لرفقاتي ريتا وشغف وبحب اشكر كل حدا سواءً ذكرت اسمه او لاء اكيد الناس يلي بحياتي وبقربي كتار ومابيخلصو لو قعدت اشكر من هون لبكرى حب كبير لالكن يلي سمعتوني واخيرا
كل ثمرة نجاح بدي احصدها هلق او بعدين بهديها لعيلتي الحلوة (التفت كاترين على اهلها ) بابا ...ماما ...كارولين ....جوود انتو كل شي بالنسبة ئلي انتو كل حياتي .
"كاترين كانت كل مابدها تشكر حدا تلتفت عليه وتقدمله الشكر ... نزلت من عالستيج ومشيت اتجاه كارولين يلي حضنتها "
كارولين : ياقلبي انا يلي صاير عم يعرف يحكي ويقول كلام بأثر هيك .
كاترين : شو قصدك انا ماكنت بعرف احكي .
كارولين : مبلا بس عالتخرج كبرتي اكتر .
لميا : بنتي الحلوة كاترين من يوم يومها بتعرف تحكي وبتقدر يلي حواليها .
(كاترين بتعانق امها وبتحكي ) : لكك يخليلي انا اييه .
لميا : دخيل قلبها مدللتي .
كارولين : هاا امي حتى هون في دلال .
جود : عبس شو بدك تعملي يعني مدللة العيلة .
نور جاية باتجاهن وحكت : يووه بيلبقلها لحبيبة قلب عمتو الدلال .
كاترين : يخليلي ياكي .
جود : ياحبيبي كملت .
أويس اجا لعندن وعم يحكي : كاترين شو هالحفلة هي .
نور : يووه شبها مو عاجبتك .
أويس : كاترين خبري الدي جيه يولعوها بقا لسى نايمين .
كاترين (عم تضحك ) : هلق كرمال هيك معصب .
أويس : لا بس مليت من الموسيقا الهادية .
كارولين : يافهيم هلق وقت الاكل ف كيف بدك ياهن يولعوها .
أويس : شو بدنا نعمل منتحمل .
"""""""""
(كنان عم يراقب تحركات كاترين وكيف عم تحكي وتضحك مع أويس وهو مفكرو أوس لان لسا ماشافهن سوا ليعرف انو في من أوس واحد تاني بالحفلة وكل مايشوف كاترين مع واحد منن يفكرها مع أوس وهاد الشي بيعطيه فكرة انها اغلبية وقت الحفلة معو )
""""""""
صار وقت الرقص والاغاني اشتغلت وطلع عالستيج كل ثنائي سوا
لميا ويحيى ... نور وتيم ... قمر وفهد ...
الشباب والصبايا مجتمعين سوا .
أوس : كاترين شو رأيك تشاركيني هالرقصة .
كاترين : اوك .
بيطلعو كاترين وأوس عالستيج وببلشو رقص .
كارولين بتكون واقفة مع جود .
بيجي أُبي اتجاههن .
أُبي : مرحبا .
كارولين : هلا .
جود : اهلين أُبي .
أُبي : ليش مالكن مشاركين بالرقص مع الباقي .
جود : مابحب هيك نوع من الرقص انا .
أُبي : وانتِ كارولين .
كارولين : اااه انا ... والله يلي جنبي مابحب يرقص ومارضي يشاركني .
أُبي : طب شو رأيك انا شاركك .
كارولين بتلتفت على جود تشوف ردة فعله وتاخد منه الجواب ... جود ببادلها بنظرة غير مفهومة كأن فيها تحذير ..
كارولين : اوك مافي مشكلة .
" طلعو ع الستيج وبلشوا رقص "
أُبي : معقول هيك ملاك يطلب من جود يرقص معو ويرفض ؟؟!!
كارولين ( عم تطلع بالارض) : هو مابحب هيك نوع من الرقصات .
أُبي : هو الخسران .
كارولين : وانت كنت الربحان .
عند كاترين وأوس ....
أوس : حبيتي مجموعة العطر
كاترين : اي كتييير حلوين .
أوس : " بقرب أوس من رقبة كاترين ليشم اذا حاطة من العطر وهو كان قاصد يقرب لأن بعدها عنو حيقتلو " .. : هممم ريحتك من العطر .
كاترين " كان وجهها بوجه كنان وكانت بدها تخليه يغار .. قربت وطبعت بوسة ع خد أوس " : معقول يكون انت جايب العطر وماحط منوو ميرسيي لالك بجنن .
أوس : شو عم يصير انا بحلم شي ؟!
كاترين : لا أوس اي حلم هاد .
أوس : لو ماكنا عم نرقص كنت قلتلك قرصيني لاتأكد انو نحنا بالواقع مو حلم .
(كاترين بتضحك بشوفها كنان ونار الغيرة عم تزيد جواته اكتر واكتر بشد على قبضة ايدو ليخفف من شدة غضبه وكاترين بتنتبه عليه) .
أوس : ضحكتك الحلوة هي مابدي ياها تفارقك يابنت .
كاترين : ....
"""""""""
عند أُبي وكارولين .
أُبي : ماخبرني كنان من قبل انو كاترين عندها اخت حلوة هيك.
كارولين : وانا كمان كاترين ماخبرتني انو .
أُبي : انووو شو .
كارولين : انو عند كنان اخ ومو وحيد .
(الشباب والصبايا عالستيج عم يرقصوا وصار وقت كل ثنائي يبدل مع ثنائي تاني .. أوس بدّل مع أُبي
وهيك صار في ثنائين جداد أوس وكارولين وأُبي وكاترين... كنان بينتبه على اخوه كيف صارت كاترين معه وبيبقى كابت غضبه )
أُبي : كيفك من بعد ماتركتو انتِ وهالدب اخي .
كاترين : عم عيش حياتي عادي بس هو مو راضي يتركني ارتاح فيها .
أُبي : طب ليش تركتو .
كاترين : اخوك كتيير صار غريب عني وصار يشك فيني وجرحني وهاني بكلامه وانا ماقدرت اسكت .
أُبي : متل شو مثلا .
كاترين : مو حابة اتذكر هيك احاديث هلق .
أُبي : متل مابدك بس اذا كان في للصلح مطرح لاتروحوه من ايديكن .
كاترين : يبدو طريقنا مسدود ... اييه وكيفو كنان بعد ماتركني لقا شي بنت غيري يتسلى معها ويقضي وقتو الفاضي معها.
(بيجي كنان وبياخد كاترين من أُبي )
كنان : أُبي انا بخبرها ... انت يعطيك العافية لهوون .
أُبي :ولوو .
كاترين : ليش ماتركتنا نكمل الرقصة انا وأُبي .
كنان : بكفي يا آنسة لهون يعني لو بتركك كمان بتكملي رقص مع باقي الشباب يلي بقيو بالحفلة .
كاترين : وشو المانع عم نتسلى ونغير جو .
كنان : المانع انهن عم يلمسو شي بخصني .
كاترين : واات .
كنان : اي شبك .
كاترين : يا استاذ هاد الشي كان بخصك وهلق هات لشوف شو بدك تخبرني .
كنان : شو بدي خبرك .
كاترين : الشي يلي اخدتني من أُبي كرماله .
كنان : اي صح قلتيلي بدك تعرفي مع كم بنت تسليت من بعدك .
كاترين : اي عندك مانع .
كنان : من كتر مابدّلت مابتذكر كم وحدة صارو .
كاترين : اي تتهنى عم تعرف كيف تعبي وقتك منيح .
كنان : كيف لكن ماعم يبقى عندي وقت لشي ابداا كل نهاري مليان .
كاترين : هفف .
كنان : كأن مو عاجبك .
كاترين : لا الغنية كتيير طولت وماكانت تخلص .
كنان : وعادي .
كاترين : لا مو عادي عم اختنق من قربك مني هيك ومو مصدقة ايمت تخلص .
كنان : اذا انتِ عم تختنقي انا عم استمتع .
كاترين : بتستمتع لما بختنق ؟!؟؟!.
كنان : بستمتع لما بشوفك كيف عم تنحرقي بوجودي جنبك ومعك وموقدرانة تخلصي مني .
كاترين : كتير منيح انك بتعرف حالك بلوة كبيرة .
كنان : بلوة بس حلوة . ( بكونوا عم يرقصوا وكاترين فتلت ونزلت على ايد كنان وهون كنان بيستغل هاللحظة وبيخطف بوسة من كاترين اثناء ما الاضواء مطفية )
كنان : نسيت خبرك ياحلوة انو هالفريزات مالازم يتجرئو ويبوسوا حدا متل ماعملتي من شوي .
كاترين : قول انشالله .
كنان : كاترين عم حذرك ومو نيالك اذا بتخالفي شي يوم وبشوفك .
كاترين : اوك .
كنان : كاترين لا تستهبلي علي .
كاترين : ماشي ماشي فهمنا .
بعد ما خلصت الرقصة حطو غنية هادية ونزل كل ثنائي من ع الستيج ...
كاترين عم تحكي :
خلصت الرقصة و ماكان بدي ياها تخلص بعدو عني عم يقتلني وكمان قربو مني جنب اهلي ما بدي ياه يكون ... نزلت ولقيت ميلا اعدة لحالها ع الطاولة اشرت بإيدي لكارولين وباقي الشباب انو يجو لعنا .
كاترين : لكك وينك انت .
ميلا : ليكني هون .
كاترين : من ايمت صرلك واقفة مالقيتك كان بدي ياكي .
ميلا : من لما بلشت الرقصة واقفة .
أويس وأوس وجود : هااي .
كارولين : اووف تعبت من الرقص .
جود : اي معك حق شي بتعب .. اي كلها نص ساعة يلي رقصتي فيها .
كارولين : قليلين هدول 🙂 .
جود : تعي دربك بالنادي لتفطسي مو بس تتعبي .
أويس : خلص مناقرات انت وياها .
"" اطلع أويس لبعيد لقى شيفاي جاية ""
أويس : وين كنت انت ماشفتك من نص ساعة .
شيفاي : كنت عل.........
قبل ما تتكمل الجملة مع شيفاي .. اغمى على ..............
يتبع......
البارت الخامس عشر
قبل ما تتكمل الجملة مع شيفاي .. اغمى على ميلا ....
التفتو كلن على ميلا يلي صارت بالارض وبيركضوا عليها بيحملها أويس وبياخدها على الكنبة ليصحوها .
أويس : ميلاا ميلاا انتِ منيحة .
( ميلا بتفتح عيونها وبترجع بتغمض ) .
" أوس بطبطب على وجهها "
ميلا : اااه .
كارولين : حبيبتي انتِ تمام .
ميلا : اي اي صرت منيحة .
كاترين : ليش اغمى عليكي .
شيفاي : ااه صحيح ميلا شو صار معك لغميتي .
ميلا : مافي شي بكون نزل ضغطي .
جود : هي أوس هون هو بيعرف كيف يهتم فيكي .
ميلا : ياريت تتركوني لحالي وما تنزعوا الحفلة كرمالي روحوا اتسلو وانبسطوا وانا صرت منيحة ماتعتلو هم .
كاترين : لا مابصير كيف بدك نتركك .
ميلا : كاترين عم قلك منيحة ماتخربو الحفلة بليز .
كاترين : اوك متل مابدك .
(مشيو وتركو ميلا ومعها أوس رجعو يكملو الحفلة وكاترين صارت تدور بعيونها على كنان بس مالقتوو وعرفت انو راح وترك الحفلة من غير مايودعها بس انتبهت انو لسا أُبي وأبوه لكنان موجودين قعدوا شوي بعدين سلمو على ابوها وعليها ومشيوا الحفلة استمرت بأجواء حلوة وكلشي كان تمام بعد ماخلصت الحفلة الكل اتجه لبيته وكاترين وصلت عالبيت فارطة تعب من هاليوم الطويل لما رجعت فورا راحت على غرفتها عملت شاور ولبست قميص نوم قصير واستسلمت للنوم ... كنان لما طلع من الحفلة رجع عالبيت ونام )
.............
تاني يوم الصبح ____^_^
كان يوم جمعة وكاترين مابتغير عادتها ويلي هي انها تعمل رياضة عالشط الصبح ...
صحيت كاترين عملت شاور لبست بجامة رياضة وشربت نسكافيه وطلعت ...
كاترين عم تحكي بقلبها ...
هاد المكان يلي جمعني بكنان وبسببه اتعرفت عليه اديش بتذكر بهالمكان ذكريات واديش صرلي قاطعة وماعم اجي كرمال مااتذكر شي ...
كملت مشي عالشط والتقيت بكنان جاية اتجاهي .
كنان : بونجور .
كاترين : بونجور .
كنان : شايفك هون بعد زمان .
كاترين : اي صرلي زمان مااجيت لهالمكان .
كنان : واضح كيف وزنك زايد عن قبل اكيد عم تهملي الرياضة .
كاترين : شو قصدك انا سمينة .
كنان : لا مو القصد بس رشاقتك مو متل قبل .
كاترين : لا هي انا 😒..
كنان : اي .. ماخبرتيني عجبتك الهدية .
كاترين : لسا مافتحتها .
كنان : خلص بلاها اذا بدك لاتفتحيها .
كاترين : وانا هيك عم قول .
كنان : يلا سلاماات .
كاترين : سلاام .
كملت شوي رياضة بعد مامشي كنان بعدها رجعت عالفيلا وكانت العيلة جاية لعنا والكل كان مجتمع بعيلة عمتي نور و عمتي قمر .
كاترين : صبااحو ياحلوين كيفكن .
الكل : صباح النور .
كاترين : مامي انا طالعة على غرفتي غير تيابي وبرجع .
لميا : اوك ماما .
طلعت على غرفتي غيرت تيابي ولبست فستان بيبي بلو عريض وطويل وشعري كان كيرلي ... ونزلت لعند العيلة .
جود : اي شو هاد مايبلى .
كاترين : دخيل قلبك انت .
نور : هو القالب غالب ماتبلي حبيبتي .
كاترين : تسلميلي عمتو .
كارولين : احمم .
لميا : كارولين حبيبتي شبكي شربي مي .
كارولين : مافيني شي ماما .
وسيم : كاترين فتحتي الهدايا .
كاترين : ييي ذكرتني فيهن .. مبارح رجعت تعبانة وماعرفت وين حطوهن الحراس .
وسيم : اي معك حق كان نهارك متعب وكله جهد .
كاترين : اي والله .
ميلا : ماشفتو حديث حفلة مبارح بكل مكان .. الكل عم يحكي اديش كانت حفلة حلوة ومنظمة واديش حفل متعوب عليه .
أويس : اي صح الجرايد والسوشيال ميديا حتى الTv .
" بمر هاليوم بجمعة العيلة بين مزح وضحك واللعب الصبايا والشباب واحاديث الاهل والاجواء كانت حلوة لدرجة مر الوقت من غير مايحسوا فيه مشيوا الكل من بيت يحيى وكاترين كانت طالعة ومتجهة على غرفتها بوقفها صوت ابوها "
يحيى : كاترين الحقيني على مكتبي .
كاترين : حاضر بابا .
(بيمشي ابوها عالمكتب قبلها ) .
جود : شوفي .
كاترين : علمي علمك .
جود : نشالله خير .
كاترين : ماتنام بدي ياك .
جود : اوك .
(مشيت كاترين عالمكتب ولما فاتت كان في ابوها وامها )
كاترين : خير بابا في شي .
يحيى : انا مبارح ماحبيت فاتحك بالموضوع كرمال مااخرب فرحتك بهاليوم بس مافيني اسكت اكتر عن هالموضوع .
كاترين : اي موضوع .
يحيى : شو هالمسخرة يلي عملتيها مبارح عالمسرح مع كنان .
كاترين : بابا نحنا مااتفقنا ابداا انو يطلع ويغني معي حتى انا تفاجئت متلكن من جرئته كيف بيقدر يطلع ويغني من غير ماكون متفقة معو او حتى آخد موافقتي .
يحيى : كل هالانسجام يلي كان بينكم ومو متفقين .
كاترين (بعصبية وعليت نبرة صوتها ) : بابا انا ماعم كذب .
يحيى (بيحكي بصوت اعلى مقاطعها ): كااترين ... انا لما بحكي بدك تحترمي وجودي اذا انا عم اعطيكي كلشي ودللك مو يعني فيني سلكلك لكلشي بتعمليه بالنهاية اي شي وفي ئله حدود .
لميا : يحيى طول بالك .
كاترين (دمعت عيونها وبلشت تنزل قطرات الدمع على خدودها ) : بابا ليش ماحدا بصدقني لكك انت عزمت ابوه لكنان على حفلة تخرجي وهو اجى ولما كنتو سوا واقفين وعم تحكو وماأحلاكن ليش هالقد بتكرهه لكنان وهو ماعملك شي .
يحيى : انا صح بحكي مع ابوه بس انا وابوه منعرف كتيير منيح كيف علاقتنا على حقيقتها وهي الرسميات والعلاقة يلي شفتيها بس قدام الاعلان وكرمال نبعد عن علاك الصحافة وكنان متله متل ابوه مالح يكون احسن منه .. مابدي اسمع اخبار عنك وعنه ماتعجبني كلامي واضح ومفهوم اكيد ... فهمانة علي .
كاترين : حاضر بابا .
(مشيت كاترين وطلعت من المكتب ) .
لميا : مو حرام عم تكسر بخاطر البنت هيك .
يحيى : معلش كرمال تنسى شي اسمه كنان .
لميا : ليش انت معارض عالشب هيك مابعرف .
يحيى : مو ضروري.
لميا : اذا كرمال القصة يلي صارت بينك وبين رأفت فبحب خبرك انو هالقصة صار عمرها سنين وبرأي الزمن كافي انو يكون طبطب الجرح .
يحيى : رأفت انا بعرفه مابيقدر ينسى عندو درجة من الحقد والكراهية اذا كنن لحدا قادرين يخلوه مايشوف هالشخص لمية سنة لقدام .
لميا : وانت شو مشانك .
يحيى : انا موقفي ثابت ومابغيرو .
لميا : مابقلك غير حرام عليكن عم تعيدو الزمن من اول وجديد.
يحيى : وانا بقول نسكر عالنقاش قبل مانفوت بسوء تفاهم سوا .
.......
كاترين : شو قلت .
جود : فاجئتيني بطلبك .
كاترين : شو يعني ماعجبك .
جود : لككك النادي وصاحبو على حسابك .
كاترين (بفرحة ) : يعني اعتبر انك موافق.
جود : اي طبعا ايمت ناوية تبلشي .
كاترين : بكراا .
جود : اوو شو هالهمة هي .
كاترين : اي مابدي برد قلبي بعدين بغير رأي.
جود : كاترين من غير لف او دوران وبدون ماتكذبي علي .
كاترين : شو .
جود : بدك تجي عالنادي كرمال تشوفي كنان شي .
كاترين : لاااا طبعاااا ابدااا مالي مفكرة بهالتفكير انا خلص شلتو من راسي بس حاسة انو الرياضة بتريحني وبتشيل شوي من الطاقة السلبية يلي عندي .
جود : اوك اذا هيك بتنوري النادي وقت يلي بدك .
كاترين (بتعانق جود ) : ياالله اديش حضنك دافي وبحسسني بالامان .
جود : ياقلبي انتِ... ليش بابا ناداكي على المكتب .
كاترين : مو شي مهم .
جود : مممم.
كاترين : جود ادعيلي بكرا عندي ميتينغ كرمال شغل .
جود : معقول يشوفو هالجمال ويرفضوكي ؟؟!
كاترين : جمالي مو لحدا غريب طبعا لاخي الجميل يلا انا قايمة على غرفتي .
(باست جود من خدو ومشيت )
فاتت كاترين على غرفتها ولقت كارولين اعدة وجنبها كوشة هدايا .
كاترين : شو هدول 😱😨😨.
كارولين : هدول تبعات حفلتك تعي نفتحن سوا ليش لهلق مافتحتيهن .
كاترين : اووه بتصدقي كنت نسيانة كل القصة .
كارولين : اي وانا بذكرك ماصار شي .
( مشيت كاترين واعدت جنبها وبلشت تفتح الهدايا واغلبهن عطر وميك آب وتياب واكسسوار وكتير شغلات وكله شي حلو وتقيل فتحوهن كلهن وبقيت هدية كنان آخر هدية حملتها كارولين واجت لتفتحا سحبتها كاترين منها )
كاترين : هاتي هي انا بفتحها .
(شالت كاترين من ايد كارولين الهدية وفتحتها كان طقم من ياقوت بجنن الحجر الكريم يلي مصنوع منه الطقم كتيير غالي وعم يرصع رصع وكان الطقم ناعم مانو هالقد الالماس يلي فيه كبير لان كنان بيعرف كاترين بتحب الشغلات الناعمة كان في فراشات والاسوارة تبع الطقم معها مفتاح صغير شاف جنب الاسوارة نوت صغيرة فتحتها لتقرأ شو مكتوب فيها
"لايحق الا لشخص واحد ان يساعدك بفتحها وارتدائها لانها فقط مخصصة لان ترتدى من قبل الشريك والنصف الاخر " ...وكان في نوت جنب الطوق
"هيدا العقد ماخلق ليزينلك عنقك بل خلق لكي يتزين بوجوده بعنقك الذي اجد عالمي فيه "
وجنب ااحلق كمان في نوت " حياتي كحياة هاتان الحلقتان حياتهم مختصرة ضمن مساحة محددة لايمكن تجاوز حدودها وانا اختصرت حدود حياتي ضمن اطار قلبي الذي سجن عندما رآكِ "
واخيرا الخاتم والنوت يلي جنبه " يداكي هم موطني فحذاري ان يكنَّ موطن احد آخر فأنا لست مسؤول عن نيراني "
كاروليين : اوووووه شو هاااد انتي متأكدة انكن منفصلين ولا عم تكذبي عليي .
كاترين : حبيبتي هاد بس شاطر يجاكرني وبموت مايشوفني مع شب تاني وبنفس الوقت بيتلذذ لما يشوفني معصبة منه ومن أفعاله الطايشة .. اي حب هااد .
كارولين : لككك انتِ بتعرفي اديش سعر هالطقم .
كاترين : يكون قد مايكون حدا خبرك انو كنان مات وعاش لجابه حبيبتي المصاري عندو مالها قيمة فأكيد هاد ماحس انو غالي ونقطة ببحر يلي معه .
كارولين : قد ماكان المهم دفع حقه هديك الحسبة .
كاترين : واحد مغرور وبحب يتمنفخ ماعندي تبرير تاني الو وهلق اذا بتريدي حلي عني لان بدي ناام .
كارولين : اييي رايحة .
......................
صحي كنان من نومه واتصل على شخص وحاكاه .
كنان : كيفك .
...: تمام وانت .
كنان : بخير ماتنسى اتفاقنا بلش وقت التنفيذ .
... : لا اطمن كل الامور تحت السيطرة .
كنان : اوك .
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```